<a href="https://kyzylorda-news.kz/">Kyzylorda-news.kz</a> Халықтық штаб мүшелері «Достық үйінде» жергілікті этнос өкілдерімен кездесіп, Мемлекет басшысының Жолдауынан туындаған маңызды мақсат-міндеттерді баяндады.Сыр елі өзінің қазақы ортасы мен ұлттық салт-дәстүрлерді ұстанған аймақ ретінде көпшіліктің таңдайын қақтырған. Өңірімізде тұратын түрлі этнос өкілдерінің айрандай ұйыған татулығы барша қазақстандықтарға үлгі.Алдымызда тұрған үлкен саяси науқан – жалпыхалықтық референдумда да жұдырықша жұмылып, Мемлекет басшысының маңызды бастамасын қолдайтынын жеткізген ассамблея мүшелері атом энергертикасының тиімділігі турасында өздерінің пікірін білдіруде.Кездесуде штаб мүшесі Қарақат Әбден: Сыр елі қашан да қазақы қаймағы бұзылмаған, өзінің азаматтық ұстанымы бар өңірлердің қатарынан табылып келеді. Осында өткен кездесулерімнен халықтың бірлігінің мығым екенін анық байқадым. Өздеріңізге мәлім, алдымызда тұрған референдумға атом станциясының құрылысының керек немесе керек еместігі анық болмақ. Мемлекет басшысы бұндай маңызды қадамды халықпен ақылдаса отырып, жүзеге асыруға шешім қабылдады. Жалпы, атом энергетикасына байланысты түрлі пікір бар. Адам болған соң, қоғам болған соң сан алуан пікірлердің болары заңдылық. Дегенмен, өздеріңіз ендігі атом энергетикасының тиімділігі мен ел әлеуетіне берер пайдасы жайлы толық ақпарат алған боларсыздар. Сондықтан, маңызды қадамды бірге жасайтынымызға сенім мол, – деді.Ал, «Жасыл энергияның» маңыздылығына тоқталған штаб мүшесі Мұрат Ергешбаев: Кез-келген жерде жергілікті қауымдастықтың пікірі маңызды. Бүгінде бірнеше көршілес мемлекеттер атом станцияларының құрылысын бастауға бел буып отыр. Біздің елде 1967 жылы қолданысқа берілген бірнеше реакторлар жұмыс жасауда. Кадр әлеуеті де жеткілікті. Бірақ, оның қауіпсіздігіне де көңіл аудару қажет. Бұл тұрғыда халықаралық «МАГАТЭ» ұйымы еліміздегі реакторлардың жұмысын ұдайы бақылап отырады. Осы жылдар ішінде біздің елге ұйым тарапынан қандай да бір қарсы пікірлер түспеген. Демек, отандық мамандар өз ісінің шеберлері, – деді.Кездесуде жергілікті қауымдастық өкілдері атом станциялары өндіретін электрдің тарифтері мен құрылыс барысы, онда қамтылатын жұмыскерлер саны жайында ақпарат алып, пікірлерін ортаға салды.

АЭС: Халықтық штаб өкілдері ассамблея мүшелерімен пікірлесті

<a href="https://kyzylorda-news.kz/">Kyzylorda-news.kz</a> Елорданың «Қазмедиа» орталығында Astana Media Week-2024 апталығының екінші күні өтіп жатыр. Медиа апталыққа БАҚ саласының өкілдері, сарапшылар, республикалық және аймақтық журналистер, мемлекеттік органдар мен ұйымдардың баспасөз қызметкерлері қатысты, деп хабарлайды&nbsp;<a href="https://egemen.kz/">Egemen.kz</a>.Фото: Ботакөз БақбергенДәстүрлі іс-шараның біріншісі сессиясы «Өңірлік БАҚ дамуында синергияның көрінісі» тақырыбына арналды. Республикалық басылымдардың басшылары мен Мәдениет және ақпарат министрлігінің өкілдері газет-журналдардың, интернет басылымдардың жұмысында бірнеше жыл бойы шешімін таппай жүрген мәселелерді қозғады.&nbsp;Сессияны ашқан модератор - «24KZ» телеарнасының директоры Жасын Біркенов мінберде сөз сөйлеп, тәжірибесін бөліскен қонақтарды таныстырды. «Қазақ газеттері» ЖШС Бас директоры Дихан Қамзабекұлы серіктестік құрылғалы бері еліміздің бас газеттері - «Egemen Qazaqstan» және «Казахстанская правда» бірігіп, өзара синергияны қалыптастырғанын атап өтті. Ол сондай-ақ серіктестік құрамына жалпы 6 газет пен 5 журнал кіретінін еске салды.<blockquote>«Бүгінде мерзімді басылымдар жұмысында шешілмей жатқан көптеген мәселе бар. Біз де ірі серіктестік ретінде бұл мәселелерді күнде байқап отырамыз. Мәселен, авторлық құқықты сақтау мәселесі бүгінде өте өткір қозғалып отыр. Бұл фотожурналистер мен тілшілердің жұмысында қиындық туғызады. Соттасуға дейін де жеткен оқиғаларды бастан кешірдік. Бұл журналистер мен масс-медиа өкілдерінің мәртебесін көтеру мен құқығын қорғау бойынша жұмыстар біршама тоқтап қалғанын білдіреді. Тағы бір мәселе - қаржыландыру мен жарнама. Бүгінде «Газет-журналдарды кім оқиды? Қазіргі заманда газет оқу өзекті емес» деген оғаш пікірлер қалыптасып жатыр. Десе де, газет оқитын адамдар бар, әр кез болады да. Газет саласына тек қолдау қажет. Бүгінде жарнама берушілер едәуір азайған, газет беттерінде тек некрологтарды ғана көруге болады. Иә, бұл шындық. Келесі мәселе - газет беделі. Мәселен, 80-90 жылдары елдің бас басылымдарының беттеріне қандай да бір шенеунікке қатысты сыни материал шықса, оған дереу сөгіс жарияланып, лауазымынан да айырылып қалуы мүмкін еді. Ал аналитикалық мақалалардың деңгейі қазіргі материалдармен салыстырғанда жоғары болатын еді. Бұдан тағы бір мәселе туындайды - журналистердің сауаты, жас мамандарды оқыту сапасы», деді Дихан Қамзабекұлы.</blockquote>Сондай-ақ сессия барысында өз ойын ортаға салған «Syr-media» ЖШС Бас директоры Марат Аралбаев қазіргі цифрлық дәуірде дәстүрлі баспаның орны мен мәртебесі туралы сөз қозғады.<blockquote>«Қазіргі цифрлық дәуірде оқырмандар өз назарын жедел ақпаратқа салады. Бұл сайттар мен әлеуметтік желілердің беделін біршама көтергені анық. Алайда дәстүрлі БАҚ жойылып кеткен жоқ. Сұраныс бар. Газет-журналдардың үш негізгі қаржыландыру көзі бар: мемлекеттік тапсырыс, жарнама, оқырмандардың жазылуы. Айта кетейін, біз 2016 жылдан бері газеттерді өзіміз шығарамыз, жазамыз, басамыз. Басқа гезеттердің таралуына да үлес қосамыз. Бұл да өзара синергияның көрінісі. Алайда, бізге және басқа да өңірлік, республикалық басылымдарға «Қазпоштаның» қолдауы қажет. Соңғы уақытта көптеген басылым басшыларының «Қазпошта» жұмысына шағымдары көбейіп кеткен. Бұл мәселелер алдағы уақытта шешімін табады деген үміттемін», деді спикер.</blockquote>Ал ҚР Мәдениет және ақпарат министрлігінің БАҚ саласындағы мемлекеттік саясат департаментінің директоры Қайнар Ахетов жақында Мемлекет басшысы «Масс-медиа туралы» заңды мақұлдап, қол қойғаны, ол күшіне енгенін еске салып, Astana Media Week алаңында көтерілген барлық мәселе аталған заңмен реттелетінін айтты.Сондай-ақ елдің түпкір-түпкірінен жиналған өңірлік БАҚ өкілдері де тақырыпқа байланысты пікір білдіріп, ұсыныстарын ортаға салды.&nbsp;Ботакөз Бақберген

Astana Media Week: Цифрлық дәуірдегі дәстүрлі басылымдардың болашағы қандай

Қазір 1 миллион беріп құтыла салады.Abdulla_kzkz Instagram парақшасында бейтаныс әйел қалың малдың бағасы арзан екенін айтқан бейнежазбасы жарияланды, деп хабарлайды&nbsp;<a href="http://sn.kz/">Skifnews.kz</a>&nbsp;ақпарат порталы.&nbsp;Бейнежазбада әйел Қазақстанда қалың мал өте арзан екенін және оны 10 миллионға дейін көтеру керектігін айтты.<blockquote>Қазақтарға қалың малдың бағасын 10 миллионға көтеру керек. Неге дейсіз ғой, себебі қазіргі кезде қазақтың қыздарының бағасы Camry-дан да төмен түсіп кетті. 1 жарым, 1 миллион бере салып құтыла салады. Мен, мысалы, бұған өте қарсымын. Бұл жерде мен саудаласып жатқан жоқпын, немесе бір қызды сатып жатқан жоқпын. Бұл жерде қазақ қызының құндылығын, өзіміздің салт-дәстүріміздің құндылығын жаңғыртып, көтеру керек деп ойлаймын. Мысалы, түріктерде қыз алу үшін бәленбай килограмм алтын береді, бірақ ол жақта ажырасу деген нәрсе жоқ. Бізде бүкіл дүние жүзі бойынша ажырасу жағынан почти 1 орынды алып тұр екенбіз. Себебі осындай дүниелерден құнсыздандырудың кесірінен сондай дүниелер болады. Егер де біз бір қызды алу үшін 10 миллион беретін болсақ, 2 жақтың да бір-біріне қарым-қатынасы басқаша болады. Қыз баланың алдындағы жігіттің де деңгейі жоғары болады - деді ол.</blockquote>Фото: abdulla.kz

«Қазақ қыздары Сamry-дан да арзан»: Қалың малды 10 млн теңгеге көтеру ұсынылды

<a href="https://kyzylorda-news.kz/">Kyzylorda-news.kz</a>&nbsp; Соғыс кезінде Нидерландыда қаза тапқан қазақстандықтардың ұрпақтарын іздестіру Екінші дүниежүзілік соғыста хабарсыз кеткен қазақстандық жауынгерлердің дерегін (олардың жалпы саны 271 мыңнан астам) жүйелі іздеу жұмыстары күні бүгінге дейін жалғасуда. «Atamnyn Amanaty» қоғамдық ұйымы осы игі іспен бес жылдан бері айналысып келеді. Аталған кезеңде оның ресми сайтына майдангер ұрпақтарынан 9 мыңнан астам өтініш келіп түскен.&nbsp;Барлығы 4000-ға жуық қазақстандық жауынгердің жерленген орындары мен жеке басы анықталып, 19 отандасымыздың сүйегі туған жеріне әкелініп, әскери құрметпен жерленді. Халықаралық ынтымақтастық шеңберінде 50-ден астам келісімге қол қойылды. Оның ішінде Нидерланды Корольдігінің «Советтік Даңқ алаңы» қоры да бар. Аталмыш қордың директоры Ремко Рейдингтің айтуынша, Голландиядағы «Амерсфорт» концлагеріндегі әскери тұтқындар арасында қазақтар да болған көрінеді. Ол кейін өз болжамын дәлелдеді де. «Atamnyn Amanaty» іздестіру тобының көмегімен голландықтар Екінші дүниежүзілік соғыс кезінде сол лагерьде қаза тапқан жауынгердің ұрпақтарын – Алматыда тұратын Баратовтар отбасын іздеп тапты.&nbsp;Жақында қор өкілдері Голландияда жерленген тағы тоғыз қазақстандықтың тізімін бізге табыс етті. Отандастарымыздың аты-жөндері мен басқа да деректерін жариялау арқылы олардың тікелей ұрпақтары немесе жақын туыстары табылар деген үміттеміз:&nbsp;1. Ахметов Сәдуақас, 1916 жылы туған, Қарағанды облысы, Жаңаарқа ауданы, Жаңа Арқа ауылы. ҚазКСР.&nbsp;2. Белоусов Иван, 1911/1912 ж.т., ҚазКСР.&nbsp;3. Боярский Михаил Петрович, 1890/97 жылы туған, Яблоновка ауылы (Макинка ауылы) немесе Зауралький ауыл советі, Еңбекшілдер ауданы, Ақмола облысы, ҚазКСР.&nbsp;4. Буторин Константин Григорьевич, 1909 ж.т., Урыл/Катонқарағай, Катонқарағай ауданы, Шығыс Қазақстан обл. ҚазКСР.&nbsp;5. Выходцев Федор Алексеевич, 1911/1912 ж.т., Малонарымка ауылы/Свинчатка ауылы, Ақмола облысы, Семенов ауданы. ҚазКСР.&nbsp;6. Деревянко Трофим Павлович, 1906 жылы туған, Оңтүстік Қазақстан облысы, Ленгер ауданы, Ленгер-Уголь. ҚазКСР.&nbsp;7. Тостанов Сұрғай, 1897/1902 ж.т., «Ақтас» колхозы, Жамбыл облысы, Красногор ауданы, ҚазКСР.&nbsp;8. Тягиев А.З, туған жылы белгісіз, ҚазКСР.&nbsp;9. Тұрамбаев Әділхан, 1917 жылы туған, Ақшығанақ ауылы, Ақмола облысы Рузаев ауданы, Жаңа-ауыл советі, ҚазКСР.&nbsp;Байланыс телефондары: 8 776 828 45 35; 8 776 828 45 34.&nbsp;<img src="https://knadmin.beoblood.kz/uploads/IMG_20240920_WA_0153_cb96a0932c.jpg" alt="IMG-20240920-WA0153.jpg">«Atamnyn Amanaty» ҚБ баспасөз қызметі

Соғыс кезінде Нидерландыда қаза тапқан қазақстандықтардың ұрпақтарын іздестіру

<a href="https://kyzylorda-news.kz/">Kyzylorda-news.kz</a> &nbsp;Ұлттық ұлан сарбазына күш көрсетіп, әлімжеттік көрсеткендердің&nbsp;кім екені анықталып, ұсталды.&nbsp;Бұл туралы&nbsp;<a href="https://stan.kz/ylttik-ylan-sarbazin-yrip-sokkan-kudiktiler-ystaldi-406884/">Stan.kz</a>&nbsp;ақпарат агенттігі хабарлайды.Ішкі істер министрлігі қылмыстық іс шеңберінде жедел-тергеу іс-шаралары нәтижесінде Ұлттық ұланның мерзімді қызметінің бұрынғы әскери қызметшісін ұрып-соққандардың тұрғылықты жері анықталғанын мәлімдеді.<blockquote>“Жәбірленушіге дене жарақатын келтірген екі күдікті, яғни оның бұрынғы қызметтестері тұрғылықты жері бойынша бір тәулік ішінде Астана қаласында ұсталды. Екеуі де уақытша ұстау изоляторына қамалды”, –&nbsp;делінген хабарламада.&nbsp;</blockquote>Тергеу аясында барлық күдіктілерден жауап алынды. Олардың әрекеттеріне, сондай-ақ желіде тараған видеоны түсірген&nbsp;адамға да құқықтық баға беріледі. Тергеу жұмыстары жалғасып жатыр.Фото: ratel.kz

Пойызда ұлттық ұлан сарбазын ұрып-соққан күдіктілер ұсталды

<a href="https://kyzylorda-news.kz/">Kyzylorda-news.kz</a> Astana Media Week-2024 форумына қатысушылар диктант жазды.&nbsp;Қазақ тіліндегі аббревиатураларды дұрыс жазу мақсатында ұйымдастырылған диктант «Мақсат» тақырыбында өткенін айта кетейік.&nbsp;Жаппай диктантқа аймақтардан келген БАҚ өкілдері мен баспасөз хатшылары қатысты.Диктантты журналист Мөлдір Доспаева жүргізді. Оның айтуынша, шара біреудің қатесін бетіне басуға емес, керісінше &nbsp;тілшілердің тілдік қорын дамытуға, сауатты жазуға дағдыландыруға бағытталған.Сурет "Егемен Қазақстаннан" алынды.

Журналистер диктант жазды

<a href="https://kyzylorda-news.kz/">Kyzylorda-news.kz</a> Соңғы уақытта қоғам дертіне айналып, депутаттармен екі жыл бойы талқыланған лудоманияға қарсы заң жобасына Мемлекет басшысы осы жылдың 8 шілдесінде қол қойды. Қазіргі таңда аталған заң жобасы күшіне еніп, қолданысқа енгізілді.Ең бастысы бұл- «Сыбайлас жемқорлыққа қарсы іс қимыл туралы» Заңының 12 бабына енгізілген өзгеріс, яғни мемлекеттік қызметшілердің&nbsp;ойын мекемелерінде құмар ойындарына және бәс тігуге қатысуына, белгіленбеген орындарда құмар ойындарына қатысуына, &nbsp;телекоммуникация желілерін, оның ішінде интернет арқылы ұйымдастырылған құмар ойындарына немесе бәс тігуге&nbsp; қатысуына шектеу қойылуы. Оған бағынбаған мемлекеттік қызметші атқаратын қызметінен босатылады.&nbsp;Бұл өзгеріске дейін де Қазақстан Республикасы мемлекеттік қызметшілерінің Әдеп кодексіне сәйкес мемлекеттік қызметшілерге қызметтік міндеттерін орындауға байланысты жағдайларды қоспағанда, ойын мекемесіне баруға тыйым салынған. Сондықтан, мемлекеттік қызметшінің ойын мекемелеріне баруының өзі әдеп нормаларын сақтамау болып есептеліп, ол үшін тәртіптік жауаптылық көзделген.Бұдан басқа, «Ойын бизнесі туралы» Заңының 11 бабына сәйкес казино, ойын автоматтары залдары, букмекерлік кеңселер мен тотализаторлар (букмекерлік кеңселердің және (немесе) тотализаторлардың кассалары) Алматы облысында Қапшағай су қоймасының жағалауында және Ақмола облысының Бурабай ауданында жергілікті атқарушы органдар айқындайтын аумақтар шегінде орналастырылуға жатады.Ресми мәліметтерге сүйенсек, елімізде тіркелген 6 казино, 9 ойын автоматы залы, 11 букмерекерлік кеңсе бар. Заңдағы тағы бір өзгеріс- енді ел аумағында лицензиясы жоқ букмекерлік кеңселер мен онлайн-казинолардың интернет-ресурстарының қызметіне тыйым салынады. Заңсыз онлайн-казино ұйымдастырушылар қылмыстық жауапқа тартылады.&nbsp;Өзгеріске сәйкес 21 жасқа толмағандарға құмар ойынын ойнауға тыйым салынады. Әрбір адам бәс тігуге онлайн түрде өзіне 10 жыл мерзімге шектеу қоя алады. Өтінішті өз атынан eGOV қосымшасы арқылы беруі тиіс. Жақын туыстарының атынан арыз қабылданбайды. Бірақ берілген өтініш кері қайтарып алуға жатпайды.Дегенмен жақын туыстары, отбасы мүшелері азаматтың әрекет қабілетін шектеу туралы заңды күшіне енген сот шешімі негізінде уәкілетті органға жақынын құмар ойындарға және бәс тігуге қатысуы шектелген адамдар тізіміне енгізу туралы өтінішпен жүгінуге құқылы.&nbsp;&nbsp;Сондай-ақ ойын мекемелеріне&nbsp; құмар ойындарға және бәс тігуге қатысуы шектелген адамдардың, яғни мемлекеттік қызметшілердің, сондай-ақ, мүліктік өндіріп алу туралы атқарушылық құжаттар бойынша орындалмаған міндеттемелері бар, борышкерлердің бірыңғай тізіліміне енгізілген адамдардың қатысуына тыйым салынады. Бүгінде бұл тізілімде 3,5 млн. қазақстандық бар.&nbsp;&nbsp;Мемлекеттік қызметшілерге қойылатын шектеулерге енгізілген өзгерістер туралы Қазақстан Республикасы Мемлекеттік қызмет істері агенттігінің &nbsp;Қызылорда облысы бойынша департаментімен 25 мемлекеттік органға zoom-қосымшасы арқылы онлайн түрде түсіндірме жұмыстары жүргізілді. Сонымен қатар, сот әкімшілігінің Қызылорда облысы бойынша департаментінің, Қызылорда облысының санитариялық-эпидемиологиялық бақылау департаменті және оған қарасты аумақтық басқармалары, Қызылорда қалалық санитариялық-эпидемиологиялық бақылау басқармасы қызметкерлерінің қатысуымен сол ұжымдарда семинарлар ұйымдастырылды. Түсіндірме жүргізу жұмыстары одан әрі де жалғасады.Мирамкүл Бибітова,Қазақстан Республикасы Мемлекеттік қызмет істері агенттігінің&nbsp;Қызылорда облысы бойынша департаменті басшысының орынбасары,&nbsp;Әдеп жөніндегі кеңес хатшылығының меңгерушісі&nbsp;Фото: kyn.kz

Құмар ойынына қатысқан мемлекеттік қызметші жұмыстан босатылады

<a href="https://kyzylorda-news.kz/">Kyzylorda-news.kz</a> Түркияда&nbsp;бойжеткен жігітінің жаңа құлаққабын тыңдау кезінде құрылғы жарылып, оң құлағы естімей қалды. Бұл туралы <a href="https://stan.kz/news-406846/">Stan.kz</a> ақпарат агенттігі хабарлайды.Оқиға туралы қыздың жігіті айтып берді. Ол Оңтүстік Кореяның Samsung компаниясына шағымданып отыр. Себебі құлаққаптың жарылуының кесірінен қыз есту қабілетін жоғалтқан.24 жастағы студент&nbsp;өзіне сымсыз құлаққап сатып алған. Сүйіктісі құрылғыны ашқан кезде сынап көргісі келген. Қаптамадан алғаннан кейін&nbsp;оң жақ құлаққап жарылып, қыздың бір құлағы біржола естімей қалған.<blockquote>"Мен оларды тіпті қуаттамадым. Олар оралған қорапта шамамен 36% қуатталған күйде&nbsp;келді. Біз медициналық қорытынды алып,&nbsp;Samsung компаниясына хабарластық. Олар құлаққапты қызмет көрсету орталығына апаруға кеңес берді", — деп жазды ол.</blockquote>Samsung кеңесшілері кешірім сұрап,&nbsp;құлаққапты жаңасына ауыстыруды ұсынған.&nbsp;Ер адам компанияның бұл әрекетіне ренжіді. &nbsp;<blockquote>"Мен бұл мәселемен бірнеше ай бойы жүгіріп жүрмін. Бізде шот-фактура, алдыңғы және кейінгі фотолар, сондай-ақ жарылыс салдарынан есту қабілетінің жоғалғаны туралы медициналық қорытынды бар", — деп қосты ол.</blockquote>Желі пайдаланушылары жігіт пен қызға сотқа жүгінуге және Samsung-тан өтемақы талап етуге кеңес берді. Бірнеше күннен&nbsp;соң, автор&nbsp;Оңтүстік Корея компаниясының өкілдері хабарласып, қолдау көрсеткенін жеткізді. Біраз уақыттан кейін оқиға туралы барлық хабарлама&nbsp;жойылған.Фото: reddit.com

Оң құлағы естімей қалды: Сымсыз құлаққап қыздың құлағында тұрғанда жарылып кеткен

<h4 style="margin-left:0px;text-align:justify;"><a href="https://kyzylorda-news.kz/">Kyzylorda-news.kz</a> Жедел жәрдем бұдан былай барлық пациенттерге тәулік бойы қызмет көрсете алмайды. Бұл туралы "Ашық НҚА" порталында жарияланған бұйрық жобасында айтылған, деп хабарлайды<a href="https://baq.kz/zhedel-zhardem-taulik-boyy-zhumys-istemeydi-341321/"> BAQ.KZ.</a></h4>Бүгінгі күні жедел медициналық жәрдем бөлімшелерінің фельдшерлік және мамандандырылған бригадалары пациенттерге тәулік бойы медициналық көмек көрсетеді.Жедел медициналық көмек көрсету қағидаларының жаңа редакциясында шұғыл шақырудың жеделдігінің 4 санаты айқындалады:1) жеделдіктің 1 санатындағы шақыру-шұғыл медициналық көмек көрсетуді талап ететін, өмірге тікелей қатер төндіретін пациенттің жай-күйі;2) жеделдіктің 2 санатындағы шақыру-медициналық көмек көрсетусіз өмірге ықтимал қатер төндіретін пациенттің жай-күйі;3) жеделдіктің 3 санатындағы шақыру-медициналық көмек көрсетусіз денсаулыққа ықтимал қатер төндіретін пациенттің жай-күйі;4) жеделдіктің 4 санатындағы шақыру – пациенттің өмірі мен денсаулығына тікелей және ықтимал қатер болмаған кезде, ағзалар мен жүйелердің кенеттен және айқын бұзылуынсыз, жіті аурудан немесе созылмалы аурудың шиеленісуінен туындаған пациенттің жай-күйі.<blockquote>4-санатына шақыртулар келіп түскен кезде ЖМК станциясының диспетчері автоматтандырылған басқару жүйесі арқылы шақыртуларды медициналық-санитариялық алғашқы көмек көрсететін денсаулық сақтау ұйымдарының мобильді бригадаларына олардың жұмыс уақытында (жұмыс күндері сағат 08:00-ден 18:00-ге дейін) береді.</blockquote>МСАК ұйымына қайта жіберілуге жататын шақыруларды тіркеу жұмыс күндері сағат 8.00-ден 18.00-ге дейін, сенбі күні сағат 8.00-ден 12.00-ге дейін жүзеге асырылады.Өзгерістерді әзірлеушілер жаңашылдықты қаржыландырудың жетіспеушілігімен байланысты деп мәлімдеді.Ағымдағы тариф МСАК ұйымдастыру кезінде ЖМК бөлімшесінің барлық шығыстарын толық жабуды қамтамасыз етпейді. Қаржыландырудың жеткіліксіздігі нәтижесінде тәулік бойы жұмыс істейтін бригадаларды ұстаудың тиімсіздігі байқалады, бұл кредиторлық берешектің пайда болуына әкеледі.Фельдшерлік және мамандандырылған (дәрігерлік) бригадалардың пациенттің орналасқан жеріне дейін ЖМКК диспетчерінен шақырту алған сәттен бастап келу уақыты:1 шұғылдық санаты - он минутқа дейін;2 шұғылдық санаты-он бес минутқа дейін;3 шұғылдық санаты - отыз минутқа дейін;4 шұғылдық санаты-алпыс минутқа дейін;МСАК ұйымдастыру кезіндегі мобильді бригада-жүз жиырма минутқа дейін.

Жедел жәрдем бұдан былай тәулік бойы жұмыс істемейді

<a href="https://kyzylorda-news.kz/">Kyzylorda-news.kz</a> &nbsp;Әлеуметтік желілердің дамуымен қауіпті ойындар елімізде жаппай сипатқа ие болды.Мәжіліс депутаты Жұлдыз Сүлейменова әлеуметтік желілер мен мессенджерлердегі барлық қауіпті контентке қатаң тосқауыл қою керегін айтты, деп хабарлайды <a href="http://sn.kz/">Skifnews.kz</a> ақпарат порталы.&nbsp;<blockquote>«Соңғы күндері балаларымыздың өз-өзіне қол жұмсау фактілері қоғамның қатты алаңдаушылығын тудыруда. Бұл жантүршігерлік қайғылы жағдайлар ешкімді бей-жай қалдырмағаны анық. Айдың-күннің аманында желкілдеп өсіп келе жатқан өрендерімізден айырылдық. Өмірден қыршын кеткен марқұмдардың туыстары мен жақындарына көңіл айтамын. Иә, ресми тергеу басталды. Бірақ қазірдің өзінде мұның бәрі нақты орындаушысы бар қылмыс, кісі өлтіру деп айтуға болады. Айуандықпен қылмыс жасағандарды, яғни арандатушыларды анықтап, заңды түрде жазаға тартуды құқық қорғау органдары қажет болса халықаралық іздеу жариялап, орындайды деп үміттенемін. Ал енді осы қылмыстарды іске асыруға жағдай туғызып отырған әлеуметтік желілер мен мессенджерлер екенін ашық ақпарат көздерінен оқудамыз. Оны жалтақтамай айту қажет деп санаймын», - деді депутат әлеуметтік желідегі парақшасында.</blockquote>Жазуынша, олар санасы әлі қатпаған жеткіншектеріміздің психикасына теріс әсер ететін құралға айналды. Депутат бұл ойындар мен квесттер психологиялық тұрғыдан айтқанға көндіру дағдыларын қолдана отырып, кәсіби түрде жасалып жатқанын жеткізді.<blockquote>«Әлеуметтік желілердің дамуы және гаджеттердің кең таралуымен мұндай ойындар елімізде жаппай сипатқа ие болып отыр. Бірде-бір отбасы бұдан өзін сақтандыра алмайды. Мемлекет тарапынан заң деңгейінде буллинг, өзін-өзі өлтіруге мәжбүрлеу сияқты әрекеттерге қарсы қылмыстық жауапкершілік енгізілді, бірақ қазіргі жағдай мұның жеткіліксіз екенін көрсетеді. Сондықтан, әрбір ата-ана осы мәселеге ерекше көңіл бөліп, балаларымен көбірек сөйлесулері керек. Жауапты министрлік мектептердегі психологиялық қызметтердің жұмыс алгоритмдерін өзгертуі тиіс. Олар балалардың мінез-құлқындағы және жүріс-тұрысындағы белгілерді уақтылы анықтауда тиімді құрал болуы керек. Бірақ, ең бастысы, мұны мен ұстаз ретінде, ана ретінде, депутат ретінде айтамын – мемлекет пен қоғам әлеуметтік желілер мен мессенджерлердің әкімшілерінен таралып жатқан ақпаратқа бақылауды күшейтуін талап етуі керек деп санаймын», - деп жалғастырды ол.</blockquote>Таралып жатқан заңсыз, зиянды, бүлдіршіндердің санасын улайтын жүктемелерге бақылауды оқыс күшейтуді қатаң талап ету керек, дейді депутат.<blockquote>«Олар «меморганнан құқықтық тұрғыдан негізделген талап-арыз күтіп отырмыз» деп сылтауратпай, қауіпті контенттің таралуына жол бермеу үшін өздерінің жұмыс алгоритмдерін өзгертулері тиіс. Шетелдік тәжірибе көрсеткендей, шындап келгенде бұл әлеуметтік желілер мен мессенджерлер иелерінің қолынан келетін шаруа. Егер мұндай талап орындалмайтын болса, онда мемлекет бақылауды күшейтсін. Барлық қауіпті контентке қатаң тосқауыл қойылсын. Ал жекелеген контентке тосқауыл қоюға қол жеткізу мүмкін болмайтын болса, онда нақты заң бұзған әлеуметтік желі немесе мессенджер бұғатталуы керек. Біздің балаларымыздың өміріне қауіп төніп тұрғанда ешқандай мәймөңкеге жол беруге болмайды. Мен мұны ана ретінде, педагог ретінде айтып отырмын. Барлық ата-аналар мен педагогикалық қауымдастық мені толықтай қолдайды деп білемін. Бұл мәселеде жайбасарлыққа жол беруге болмайды, дереу іске кірісу керек», - деді Мәжіліс депутаты Жұлдыз Сүлейменова.</blockquote>Фото: Сanva.com

«Қауіпті контентке қатаң тосқауыл қою керек»: Депутат суицидтің жиілеп кеткеніне алаңдады

<a href="https://kyzylorda-news.kz/">Kyzylorda-news.kz</a> Қaзaлылық apдaгepлep AЭС құpылысын қолдaйды. Олap aтом элeктp стaнциясы eліміздің болaшaғы үшін қaжeтті жобaның біpі дeп сaнaйды. Бұл туpaлы AЭС сaлуды қолдaу жөніндeгі Хaлықтық штaб мүшeсі, ҚP Пapлaмeнті Мәжілісінің дeпутaты Мұpaт Epгeшбaeвтың aудaн apдaгepлepімeн өткeн кeздeсуіндe aйтылды.Кeздeсудe Хaлықтық штaб мүшeсі Пpeзидeнттің AЭС сaлу туpaлы peфepeндум өткізу бaстaмaсының мaңыздылығынa тоқтaлып, бұл қaдaм «Хaлық үнінe құлaқ aсaтын мeмлeкeт» тұжыpымдaмaсының көpінісі eкeнін aтaп өтті. Мұнан соң аудан ақсақалдарымен AЭС-тің apтықшылықтapы, олapдың экологиялық қaуіпсіздігі жәнe экономикaлық тиімділігін кeңінeн тaлқылaды.<blockquote>«Eліміздe энepгeтикaлық кeшeндepдің 70 пaйызының тозығы жeтіп тұp. Сондықтaн қaзіpдeн бaстaп aтом энepгeтикaсының игілігін көpугe жұмыс жaсaуымыз қaжeт. Оның құрылысы ұзақ уақытқа созылады. Біз AЭС сaлу apқылы тұpaқты жәнe сeнімді қуaт көзін қaмтaмaсыз eтe aлaмыз. Aтом элeктp стaнциялapының көміp мeн гaздaн apтықшылығы олapдың пapниктік гaздapды шығapмaуы жәнe экологиялық тaзa энepгия өндіpуі. Бұл біздің eліміз үшін өтe мaңызды қaдaм», – дeді Хaлықтық штaб мүшeсі.</blockquote>Aл өз кeзeгіндe қaзaлылық apдaгepлep біpaуыздaн aтом элeктp стaнциясының құpылысын қолдaйтындapын жeткізді. Олар мaңызды бaстaмa хaлықтың әлeумeттік әл-aхуaлынa, eл экономикaсының оpнықты дaмуынa оң ықпaл eтeді дeгeн пікіpдe.<img src="https://knadmin.beoblood.kz/uploads/AES_azaly_1_607c15112b.jpg" alt="АЭС Қазалы 1.jpg">Фото: petrocouncil.kz

Қaзaлылық apдaгepлep АЭС құpылысынa қолдaу білдіpді

<a href="https://kyzylorda-news.kz/">Kyzylorda-news.kz</a>&nbsp; АЭС салуды қолдау жөніндегі Халықтық штаб мүшесі, ҚР Парламенті Мәжілісінің депутаты Мұрат Ергешбаев Қазалы ауданындағы сапарында Абай ауылына барып, тұрғындармен кездесті. Кездесуде атом электр станциясын салудың экономикалық тиімділігі мен Қазақстанның энергетикалық тәуелсіздігін нығайтудағы рөлі, экологиялық артықшылықтары кеңінен талқыланды.Әңгімелесу барысында штаб мүшесі Мұрат Ергешбаев АЭС тек Еуропада ғана емес дүниежүзінде кеңінен пайдаланылып жатырғанын атап өтті. Басқа энергия көздерімен салыстырмалы түрде қарағанда атом энергетикасы таза энергия екеніне тоқталды.<blockquote>«Қaзіpгі тaңдa дүниeжүзіндe жұмыс істeп тұpғaн peaктоpлapдың сaны 415-ті құpaсa, тaғы 60-тaн aстaм сaлынып жaтыp. Бұл дeгeніміз дaмушы eлдердің дe aтом элeктp стaнциясынa мұқтaж eкeнін көpсeтeді. Біз дe элeктp қуaтын тұpaқты пaйдaлaнғымыз кeлсe осы бaғыттa aлғa жылжып, хaлықтың әл-aуқaтын көтepу үшін нaқты қaдaмдap жaсaуымыз кepeк. Aзaмaттapдың дeнсaулығын, өсімдіктep мeн жaнуapлap дүниeсін қоpғaу – мeмлeкeттің бaсым бaғыттapының біpі. Бұл peттe AЭС-ті қоpшaғaн оpтa үшін тaзa әpі тиімді энepгия көзі дeп толық aйтa aлaмыз», - дeді Хaлықтық штaб мүшeсі.</blockquote>Сонымeн қaтap кeздeсудe штaб мүшeлepі aтом элeктp стaнциялapының paдиaциялық қaуіпсіздіккe қaтысты қaтaң epeжeлep мeн тaлaптapғa сaй болaтынын, хaлықтың қaуіпсіздігі біpінші оpындa тұpғaтындығын aтaп өтті. Бұдaн бөлeк, AЭС құpылысының жaңa жұмыс оpындapын құpуғa жәнe ғылыми-тeхникaлық пpогpeсті ынтaлaндыpуғa тигізeтін әсepі жөніндe aқпapaт бepді.Кездесу соңында ауыл тұрғындары АЭС-тің тиімділігі мен артықшылықтары туралы толық түсініктеме алғандарын айтып, маңызды жобаға қолдау білдірді.

Қазақстан және Қызылорда облысының жаңалықтары: Қоғам