2026 жылғы 29 шілдедегі жағдай бойынша Қазақстанда есепті апта ішінде әлеуметтік маңызы бар азық-түлік тауарларының бірқатарының бағасы төмендеді.Апта ішінде картоптың бағасы&nbsp;-&nbsp;2,8%, қызанақ&nbsp;-&nbsp;2,4%, алма&nbsp;-&nbsp;1,9%, қияр&nbsp;-&nbsp;1,2%, сәбіз, қаймақ және қара шай – 0,2%, сондай-ақ тауық еті, қатты және жартылай қатты ірімшік, майлылығы 2-3% айран&nbsp;-&nbsp;0,1% арзандады.Есепті аптада ұн, бірінші сұрыпты ұннан пісірілген бидай наны, жылқы еті, сүйекті сиыр еті, сондай-ақ майлылығы 2,2%-дан 6%-ға дейінгі пастерленген, ультрапастерленген және стерильденген сүт бағасы өзгеріссіз қалды.Өңірлік бөліністе еліміздің&nbsp;бірқатар қалаларында дефляциялық үрдіс байқалды. Әлеуметтік маңызы бар азық-түлік тауарларының жалпы бағасы Павлодарда – 0,4%, Алматы, Шымкент және Ақтауда – 0,2%, Қонаев пен Қостанайда – 0,1%-ға төмендеді. Астана, Ақтөбе, Жезқазған, Көкшетау, Қарағанды, Қызылорда, Тараз және Түркістан қалаларында бағалар өткен аптаның деңгейінде сақталды.Республика бойынша қиярдың орташа бағасы бір килограмына 495 теңгені құрады. Ең төмен баға Тараз қаласында тіркелді&nbsp;-&nbsp;бір килограмы 339 теңге.Ел бойынша картоптың орташа бағасы бір килограмына 275 теңгені құрады. Ең төмен баға Түркістанда тіркелді – бір килограмы 219 теңге.Республика бойынша І санаттағы жұмыртқаның орташа бағасы (10 дана) 567 теңгені құрады. Ең қолжетімді бағалар Оралда (475 теңге) және Қызылордада (477 теңге) тіркелді.Сурет: Нұрболат Нұржаубай&nbsp;

Қазақстанның бірқатар өңірінде әлеуметтік маңызы бар азық-түлік тауарларының бағасы төмендеді

1 тамыздан 30 қыркүйекке дейін Жалпыға міндетті білім беру қоры аясында әлеуметтік осал санаттағы балаларға мектеп формасын, аяқ киім мен мектеп құралдарын сатып алуға көмек көрсетіледі. Бұл туралы Оқу-ағарту министрлігіне сілтеме жасаған <a href="https://kaz.nur.kz/society/2406476-bir-balaga-50-851-tengge-zhanga-oqu-zhyly-qarsangynda-450-myngga-zhuyq-balaga-komek-korsetiledi/">KAZ.NUR.KZ</a> хабарлайды.Ведомствоның мәліметінше, 2026-2027 оқу жылы қарсаңында 450 мыңға жуық балаға қолдау көрсетіледі. Осы мақсаттарға жергілікті бюджеттерде 23 млрд теңгеге жуық қаражат қарастырылған."Көмектің ең төменгі мөлшері – бір балаға 50 851 теңге. Бұл өткен жылмен салыстырғанда 10 пайызға артық. Жергілікті бюджеттің мүмкіндіктеріне қарай жекелеген өңірлерде төлем мөлшері жоғары болуы мүмкін", - делінген хабарламада.Көмек жетім балалар мен ата-анасының қамқорлығынсыз қалған балаларға, аз қамтылған отбасылардан шыққан оқушыларға, атаулы әлеуметтік көмек алатын отбасылардың балаларына, сондай-ақ өмірлік қиын жағдайға тап болған балаларға беріледі.Төлемді алу үшін ата-аналар немесе заңды өкілдер тиісті құжаттарды білім беру ұйымына тапсыруы қажет.Сурет: Нұрболат Нұржаубай&nbsp;

Қазақстанда 450 мың оқушыға әлеуметтік көмек көрсетіледі 

Оқу-ағарту министрлігі 2026-2027 оқу жылындағы оқу мерзімдері мен демалыс кезеңдерін бекітті. Бұл туралы <a href="https://stan.kz/qazaqstanda-2026-2027-oqu-zylyndagy-mektep-oqusylarynyn-demalys-kestes-437694/">Stan.kz</a> ақпарат агенттігі хабарлайды.&nbsp;Министрлік мәліметінше, жаңа оқу жылы 2026 жылдың 1 қыркүйегінде басталып, 2027 жылдың 25 мамырында аяқталады.Бірінші тоқсан 8 оқу аптасына созылады. Күзгі демалыс 7 күнге жалғасып, 2026 жылдың 26 қазаны мен 1 қарашасы аралығында өтеді.Екінші тоқсан да 8 оқу аптасын құрайды. Қысқы демалыс 14 күнге созылып, 2026 жылдың 28 желтоқсаны мен 2027 жылдың 10 қаңтары аралығында өтеді.Сонымен қатар, бірінші сынып оқушылары үшін 2027 жылдың 8-14 ақпан күндері аралығында 7 күндік қосымша демалыс қарастырылған.Үшінші тоқсан 10 оқу аптасына созылады. Көктемгі демалыс 7 күнге жалғасып, 2027 жылдың 22-28 наурыз аралығында өтеді.Төртінші тоқсан 8 оқу аптасына созылып, 2027 жылдың 25 мамырында аяқталады.Сондай-ақ министрлік 9 (10) және 11 (12) сынып түлектерінің қорытынды аттестаттау мерзімдері бекітілгенін атап өтті. Толық ақпарат оқу-ағарту министрлігінің ресми ақпараттық ресурстарында жарияланған.Сурет: Нұрболат Нұржаубай

Қазақстандық оқушыларға биылғы оқу жылына арналған демалыс кестесі бекітілді

Kurs.kz мәліметінше, қазіргі уақытта елорданың ақша айырбастау пункттерінде:- доллар 469,03 теңгеден сатып алынады, 476,00 теңгеден сатылады;- еуро: сатып алу - 534,00 теңге, сату - 544,00 теңге;- рубль: сатып алу - 5,55 теңге, сату - 5,75 теңге;- юань 68,76 теңгеден сатып алынады, 73,21 теңгеден сатылады.Алматының ақша айырбастау пункттерінде:- доллар: сатып алу - 473,42 теңге, сату - 475,65 теңге;- еуро: сатып алу - 539,50 теңге, сату - 544,90 теңге;- рубль 5,61 - 5,76 теңге аралығында саудаланады.- юань 68,66 - 71,12 теңге аралығында саудаланып жатыр.Сурет: freepik.com

Қор нарығында доллар бағамы өзгеруде 

Қармақшы ауданы әкімінің тапсырмасына сәйкес Жосалы кентіндегі Руханият орталығында бұқаралық ақпарат құралдары өкілдерінің қатысуымен кезекті баспасөз брифингі өтті.Брифингке аудандық қорғаныс істері жөніндегі бөлімі басшысының міндетін атқарушы майор, Жүнісов Үсен Кенжебекұлы, аудандық орман және жануарлар дүниесін қорғау жөніндегі мекемесінің басшысы Жетебаев Ардақ Аманжолұлы және оқшау сумен жабдықтау жүйелерінің байланысы жөніндегі өндірістік бөлім басшысы Қалиев Темірлан Піртазаұлы қатысып, 2026 жылдың 6 айында атқарылған жұмыстардың қорытындысын баяндады.Атап айтқанда, аудандық қорғаныс істері жөніндегі бөлімінің басшысы азаматтарды мерзімді әскери қызметке шақыру науқанының қорытындылары, әскери есепке алу жұмыстары, әскери-патриоттық тәрбиені дамыту бағытында атқарылған шаралар мен алдағы міндеттерге тоқталды.Аудандық орман және жануарлар дүниесін қорғау жөніндегі мекемесінің басшысы орман қорын қорғау, дала және орман өрттерінің алдын алу, табиғатты қорғау іс-шаралары, сондай-ақ жануарлар дүниесін сақтау бағытында жүргізілген жұмыстар жөнінде баяндама жасады.Ал оқшау сумен жабдықтау жүйелерінің байланысы жөніндегі өндірістік бөлім басшысы аудан аумағындағы сумен жабдықтау жүйелерінің жай-күйі, көрсетілетін қызметтің сапасы, желілерді күтіп ұстау, жөндеу жұмыстары және тұрғындарды сапалы ауыз сумен қамтамасыз ету бағытында атқарылған жұмыстар туралы ақпарат берді.Брифинг соңында бұқаралық ақпарат құралдарының өкілдері өздерін толғандырған сауалдарын қойып, спикерлер тарапынан толыққанды жауаптар мен қажетті түсіндірмелер берілді.

Атқарылған жұмыстардың қорытындысын баяндады 

Қызылорда облысында халыққа сапалы әрі қолжетімді медициналық көмек көрсету бағытында кешенді жұмыстар жүйелі түрде жалғасуда. Жыл басынан бері негізгі медициналық-демографиялық көрсеткіштер жақсарды. Туберкулезбен сырқаттанушылық 10,5 пайызға, қатерлі ісіктерден болатын өлім-жітім 7,5 пайызға, жүрек-қан тамырлары ауруларынан болатын өлім-жітім 13,9 пайызға төмендеді. Бұл туралы Өңірлік коммуникациялар қызметінің ақпарат алаңында Қызылорда облысы денсаулық сақтау басқармасының басшысы Алмас Әбілпатта баяндады.Күн сайын өңір емханаларына 27 мыңға жуық тұрғын жүгінеді, жедел жәрдем қызметі шамамен 1400 шақыртуға шығады. Ал стационарларда тәулігіне 100-ден астам түрлі хирургиялық ота жасалып, оның ішінде республика деңгейіндегі күрделі операциялар да орындалуда.<blockquote>«Биылғы алты айда 56 жоғары технологиялық медициналық көмек көрсетіліп, төрт жаңа ота түрі енгізілді. Сонымен қатар, 84 аритмологиялық операция, 228 буын эндопротездеу отасы сәтті жасалды. Онкологиялық науқастарға халықаралық стандарттарға сай жоғары технологиялық хирургиялық ем түрлері кеңінен қолданылып келеді. Медициналық авиация қызметі де тиімді жұмыс атқаруда. Алты ай ішінде ауыр халдегі науқастарға 336 шақырту орындалып, 99 шұғыл ота жасалды, 144 науқас облыстық мамандандырылған орталықтарға жеткізілді. Шалғай ауыл тұрғындары үшін алты жылжымалы медициналық кешен қызмет көрсетуде. Сонымен қатар, «Қазақстан халқына» қоғамдық қорының қолдауымен іске қосылған заманауи кешен арқылы ауыл тұрғындарына онкологиялық скринингтер жүргізіліп, биылдың өзінде 2 мыңнан астам адам тексеруден өтті», - деді басқарма башысы.&nbsp; Өңірде денсаулық сақтау инфрақұрылымы да қарқынды жаңғыртылуда. «Ауылда денсаулық сақтауды жаңғырту» ұлттық жобасы аясында 28 нысан пайдалануға берілді. Арал, Қазалы, Шиелі және Жаңақорған аудандық ауруханалары жаңартылып, МРТ аппараттарымен кезең-кезеңімен қамтылуда. Облыс орталығында 300 орындық көпбейінді аурухана құрылысы аяқталуға жақын. Сондай-ақ жаңа перинаталдық орталық пен бірнеше емхананың құрылысы басталмақ.</blockquote>«Цифрлық медицинаны дамыту бағытында өңірдің барлық медициналық ұйымдары заманауи ақпараттық жүйелермен қамтылып, жасанды интеллект көмегімен онкологиялық ауруларды ерте анықтайтын технологиялар енгізілуде. Соңғы үш жылда медициналық ұйымдардың материалдық-техникалық базасы айтарлықтай нығайып, компьютерлік томограф, МРТ, ангиограф секілді заманауи құрылғылар сатып алынды. Соның нәтижесінде медициналық техникалармен жарақтандыру деңгейі 90,2 пайызға жетті», - деді Алмас Әбдіғаппарұлы.Жүйелі реформалар, жаңа медициналық нысандардың салынуы, жоғары технологиялардың енгізілуі және білікті кадрлар даярлау арқылы Сыр өңірінде денсаулық сақтау саласының әлеуеті жылдан-жылға артып келеді.<img src="https://knadmin.beoblood.kz/uploads/brifing_da39053cd0.jpg" alt="брифинг.jpg">Сурет: freepik.com

Денсаулық сақтау саласында оң өзгерістер бар

Қызылорда облысы бойынша Қылмыстық-атқару жүйесі департаментіне қарасты №68 мекемесінде сотталғандар мен тергеудегі азаматтардың денсаулығын сақтау және жұқпалы аурулардың алдын алу мақсатында жоспарлы түрде АДС-М екпесі жүргізілді.&nbsp;Іс-шараға мекеменің бас дәрігері Көжеков Нұрлан және №6 емхананың мейіргері қатысып, айыпталушылар мен жазасын өтеушілерге АДС-М вакцинасын салды.Аталған екпе дифтерия мен сіреспе ауруларына қарсы қорғаныс қалыптастыратын профилактикалық вакцина болып табылады және ұлттық екпе күнтізбесіне сәйкес әр 10 жыл сайын егіледі.&nbsp;Екпе жұмыстары санитариялық-эпидемиологиялық талаптарды сақтай отырып ұйымдастырылып, вакцина алушыларға алдын ала түсіндіру жұмыстары жүргізілді. Мұндай профилактикалық шаралар мекемедегі эпидемиологиялық ахуалды тұрақты ұстап, азаматтардың денсаулығын қорғауға бағытталған.

Жазасын өтеушілер арасында АДС-М екпесі жүргізілді

Бүгін облыс әкімі Мұрат Ергешбаев Қазақстанның құрметті құрылысшысы, &nbsp;сала ардагері Әбдімәжит Жансақаловты 70 жас мерейтойымен құттықтады.<blockquote>«Президентіміз Қасым-Жомарт Кемелұлы: «Ел мүддесі – бәрінен биік. Әділетті Қазақстанда еңбек адамына ерекше құрмет көрсетілуге тиіс. Еңбек адамдары – еліміз бен мемлекетіміздің тірегі» - деген болатын. Саналы ғұмырын аймағымыздың әлеуметтік-экономикалық дамуына арнаған азаматтарды ардақтап, лайықты құрмет көрсету игі дәстүрімізге айналды. Бүгінгі ресми жиынымыз &nbsp; белгілі құрылысшы, ардақты ағамыз Жансақалов Әбдімәжит Әлмағамбетұлының мерейлі 70 жасқа толуына арналады. Сыр жұртшылығы аймағымыздың дамуына зор үлес қосып, елдің ыстық ықыласына бөленіп жүрген Өзіңіздей жерлестерімен мақтанады. Бүгінгі мерейтойыңызбен шын жүректен құттықтай отырып, деніңізге саулық, отбасыңызға амандық тілейміз! Алдағы уақытта &nbsp;үлкендік ақыл-кеңесіңізбен жастарға жол көрсетіп, игі істердің басында жүре беріңіз.Ұрпағыңыздың қызығына бөленіп, ел алдында абыройыңыз арта берсін! Тойыңыз тойға ұлассын!», - деді Мұрат Нәлқожаұлы.</blockquote>Мерейтой иесіне Қазақстан Республикасы Премьер-министрінің бірінші орынбасары Нұрлыбек Нәлібаевтың арнайы құттықтауы табысталды. Сыр өңірінің әлеуметтік-экономикалық дамуына қосқан үлесі үшін Қызылорда облысының Құрмет грамотасы және «Қызылорда облысының дамуына қосқан үлесі үшін» медалі тапсырылып, дәстүрге сай құрмет көрсетілді.Жиында ел ағалары Жәнәбіл Нұрқыш, Ибрагим Әбибуллаев және Дайрабай Ысқақов мерейтой иесіне ізгі тілектерін білдірді.Әбдімәжит Әлмағамбетұлы Қызылорда политехникумында, Жамбыл гидромелиоративтік құрылыс институтында инженер-құрылысшы мамандығы бойынша білім алған. Еңбек жолын Сырдария ауданында инженер, учаске шебері болып бастап, кейін аудандық ауыл шаруашылығы мекемесінде құрылыс саласын қадағалау тобының басшысы, СПМК-1 мекемесінің бас инженері және басшысы қызметтерін абыроймен атқарды.Тәуелсіздіктің алғашқы жылдарында құрылыс ұйымдары қысқарған кезеңде ұжымды сақтап қалу мақсатында «Дәнекер» акционерлік қоғамын құрды. Бірнеше мәрте қалалық және облыстық мәслихат депутаты болып сайланды.Бүгінде «Дәнекер құрылыс компаниясы» өңірдегі маңызды әлеуметтік нысандардың құрылысын салған. Мемлекеттік бағдарламалар аясында бой көтерген мектептер, балабақшалар, мәдениет және спорт нысандары, емханалар, көпсалалы балалар ауруханасы, облыстық қан орталығы, сол жағалаудағы көпқабатты тұрғын үйлер мен ауылдық жердегі фельдшерлік-акушерлік пункттер ел игілігіне қызмет етуде.<img src="https://knadmin.beoblood.kz/uploads/FB_IMG_1785415876706_3b5bfa6889.jpg" alt="FB_IMG_1785415876706.jpg">

Құрылыс саласының ардагерін мерейтойымен құттықтады 

Қызылорда облысында кәсіпкерлікті дамыту мен сауда инфрақұрылымын жаңғырту бағытындағы жұмыстар жүйелі түрде жалғасуда. Жылдың алғашқы алты айында бұл салалардағы негізгі көрсеткіштер оң динамика көрсетіп, мемлекеттік қолдау шараларының тиімділігі айқын байқалды. Бұл туралы Қызылорда облысының кәсіпкерлік және өнеркәсіп басқармасының басшысы Мөлдір Тәуіпбаеваның қатысуымен Өңірлік коммуникациялар қызметінің ақпарат алаңында өткен баспасөз конференциясында белгілі болды.Қазіргі таңда облыста 60 мыңға жуық шағын және орта кәсіпкерлік субъектісі жұмыс істейді. Бұл секторда экономикалық белсенді халықтың 29,3 пайызы немесе 102 мыңнан астам тұрғын еңбек етеді. Кәсіпкерлік өңір экономикасының негізгі қозғаушы күштерінің біріне айналып отыр.<blockquote>«Жыл басынан бері жеке кәсіпкерліктің 750 жобасына мемлекеттік қолдау көрсетілді. Оның ішінде «Іскер аймақ» бағдарламасы арқылы 14 жоба, ал өңдеу өнеркәсібін дамытуға бағытталған «Өрлеу» бағдарламасы аясында 70 жоба қаржыландырылды. Сонымен бірге, «Қызылорда» өңірлік инвестициялық орталығы арқылы 16 кәсіпкерге шағын несие берілді. Бұдан бөлек, «Байқоңыр» әлеуметтік кәсіпкерлік корпорациясы мен «Аграрлық несие корпорациясы» арқылы ауыл шаруашылығы саласындағы жобаларды қаржыландыру жалғасуда. Алдағы кезеңде кәсіпкерлікке бағытталған қаржылық қолдау банктер мен даму институттарының несие ресурстары есебінен ұлғайтылмақ», - деді басқарма басшысы.&nbsp;</blockquote>Сауда саласында да тұрақты өсім қалыптасты. Биылғы алты айда жалпы сауда көлемінің нақты көлем индексі 102,6 пайызға жетті. Бұл халықтың сатып алу белсенділігінің сақталғанын және ішкі нарықтың тұрақты дамып отырғанын көрсетеді.<blockquote>«Саланы одан әрі дамыту үшін биыл 25 инвестициялық жобаны іске асыру жоспарланды. Қазіргі уақытта «Сыбаға», «Талғат» және «Асбол» әмбебап базарларын жаңғырту жұмыстары жүргізілуде. Бұл жобалар сауда орындарының материалдық-техникалық базасын жақсартып, кәсіпкерлер үшін қолайлы жағдай қалыптастыруға бағытталған. Жүзеге асырылатын жаңа жобалар өңірдегі сауда инфрақұрылымын жаңғыртып қана қоймай, ішкі сауда айналымының артуына, кәсіпкерлік белсенділіктің күшеюіне және тұрғындарға көрсетілетін қызмет сапасының жақсаруына ықпал етеді», - деді Мөлдір Сұлтанбекқызы.</blockquote>

Өңірде кәсіпкерлік саласы дамып, сауда көлемі артып келеді 

Қызылорда облысында өңдеу өнеркәсібінің көлемін 13,8 пайызға, өнеркәсіп өндірісін 102,4 пайызға, жеке инвестициялар 20,6 пайызға және сауда айналымы 2,6 пайызға артты. &nbsp;Өңірлік коммуникациялар қызметінің ақпарат алаңында өткен баспасөз конференциясында Қызылорда облысының кәсіпкерлік және өнеркәсіп басқармасының басшысы Мөлдір Тәуіпбаева баяндады. Есепті кезеңде өңірдің негізгі макроэкономикалық көрсеткіштері оң өсім көрсетіп, экономиканың тұрақты дамуы жалғасып отырғаны айтылды.<blockquote>«Өнеркәсіп саласында бүгінде 635 кәсіпорын жұмыс істейді. Оның 24-і ірі, 15-і &nbsp;орта және 596-сы шағын кәсіпорындар. Биылғы жылдың алғашқы алты айында өнеркәсіп өндірісінің көлемі 2,4 пайызға ұлғайды. Алдағы үш жылда өңірде 48 инвестициялық жоба жүзеге асырылып, 10 мыңнан астам жаңа жұмыс орны ашылады. Басым бағыттар қатарында агроөнеркәсіп кешені, құрылыс индустриясы, химия өнеркәсібі, энергетика, тау-кен металлургиясы және көлік-логистика салалары белгіленген. Биыл 21 инвестициялық жобаны іске қосу жоспарланған. Қазіргі таңда жолаушылар вагондарына жөндеу және техникалық қызмет көрсету кешені, жылдық қуаты 3,5 мың тонналық құс фабрикасы, «Сұлтан-2» базары және жол бойындағы қызмет көрсету пункті пайдалануға берілді. Жыл соңына дейін 5 мың тонналық тауарлы сүт фермасы, әк өндіру, мотоцикл құрастыру және гофрленген картонға арналған қағаз өндіру зауыттары іске қосылады», - деді Мөлдір Сұлтанбекқызы.</blockquote>Сонымен қатар спикердің айтуынша 14 ірі инвестициялық жобаның құрылысы басталған. Оның ішінде төрт жобада құрылыс жұмыстары жүріп жатса, екі жобаның капсуласы салынды. Қалған сегіз жобаның құрылысы жыл соңына дейін басталмақ.<blockquote>«Инвесторлар үшін тартымды алаңдардың бірі «Қорқыт ата» арнайы экономикалық аймағы. Мұнда жүзеге асырылуы мүмкін 18 басым қызмет түрі бекітілген. Қазіргі таңда арнайы экономикалық аймақтың инженерлік инфрақұрылымы салынуда және өндірістік жобаларды орналастыру үшін әлеуетті инвесторлармен келіссөздер жалғасуда. Сондай-ақ, «Тау Групп» серіктестігі қытайлық «Тика» компаниясымен бірлесіп желдету және ауаны баптау қондырғыларын шығаратын өндірісті қолға алды. Осы жылдың тамыз айында жобаның алғашқы кезеңі іске қосылып, желдету қондырғыларын құрастыру өндірісі басталады. Жалпы, жүзеге асырылып жатқан индустриялық және инвестициялық жобалар өңірдің өндірістік әлеуетін арттырып, жаңа жұмыс орындарын ашуға және экономиканың тұрақты өсімін қамтамасыз етуге мүмкіндік береді, - деді басқарма басшысы.</blockquote>

Экономиканы әртараптандыру – өңір дамуының басты бағыты 

ҚР мерекелер күнтізбесіне сәйкес, аптасына бес күн қызмет ететін азаматтар тамызда 21 күн жұмыс істеп, 10 күн демалады.Ал алты күндік кестемен жұмыс істейтіндер 26 күн қызметте болады. Оларға 5 күн демалыс қарастырылған.Осылайша, тамыз айында отандастарымыз тек апта соңында, яғни сенбі және жексенбі демалады. Мемлекеттік мерекенің болмауына байланысты қосымша демалыс берілмейді. Өйткені, Конституция күні 30 тамыздан 15 наурызға ауыстырылды.Еске салайық, 1 шілдеде жаңа Ата заң күшіне енді. Оған сай, Конституция күні ресми түрде 15 наурызда атап өтіледі.Сурет: pеxels.com

Тамыз айында қазақстандықтар қанша күн демалады?

Қызылорда облысында жол-көлік оқиғаларының алдын алу және жол қозғалысы қауіпсіздігін қамтамасыз ету мақсатында жыл басынан бері барлығы 7 жедел-профилактикалық іс-шара өткізілді.Қабылданып жатқан кешенді шараларға қарамастан, облыс аумағында жыл басынан бері мас күйінде көлік басқарудың 490 дерегі тіркелді.Аталған құқық бұзушылықтар бойынша Қазақстан Республикасы Әкімшілік құқық бұзушылық туралы кодексінің 608-бабының 1-бөлігіне сәйкес 341 жүргізушіге әкімшілік хаттама толтырылды. Заң талаптарына сәйкес оларға 7 жыл мерзімге көлік құралын басқару құқығынан айыру және 15 тәулікке әкімшілік қамауға алу түріндегі жаза көзделген.Сонымен қатар, көлік құралын басқару құқығынан айырылғанына қарамастан, қайтадан алкогольдік масаң күйде көлік тізгіндеген 20 азаматқа қатысты Қазақстан Республикасы Қылмыстық кодексінің 346-бабының 1-бөлігі бойынша қылмыстық іс тіркелді. Олар уақытша ұстау изоляторына қамалып, көлік құралдары айып тұрағына қойылды.Қызылорда облысының Полиция департаменті азаматтарды жол қозғалысы ережелерін қатаң сақтауға, мас күйінде көлік басқармауға және өз өмірі мен өзгенің қауіпсіздігіне жауапкершілікпен қарауға шақырады.

Қазақстан және Қызылорда облысының жаңалықтары: Қоғам