<a href="https://kyzylorda-news.kz/">Kyzylorda-news.kz</a> Ауыл шаруашылығы саласы – ел экономикасының күретамыры. Осы салаға өмірінің қырық жылдан аса уақытын арнаған еңбек адамдарының бірі – Сәуле Шакенова. Қарапайым еңбек адамы бүгін Өңірлік коммуникациялар қызметінің ақпарат алаңына келіп, саладағы көпжылдық тәжірибесімен бөлісті.<blockquote>- Мен «Абай-Дәулет» ЖШС-інде зертхана меңгерушісі болып жұмыс істеймін. Менің еңбек жолымды бастағаныма 40 жылдан аса уақыт болды, осы уақыттан бері осы күріш саласында үздіксіз жұмыс істеп келе жатырмын. Наурыз айында зейнет демалысына шығуды жоспарлап отырмын. &nbsp;Біздің шаруашылық күріш өсірумен, өндірумен, мал шаруашылығы мен ас тұзын өндірумен айналысады. Басты мақсатымыз – сапалы өнім шығару. Компаниямыздың өнімдеріне деген сұраныс жыл өткен сайын артып келеді. Соның нәтижесінде Мемлекет басшысының «Алтын сапа», «Парыз» сыйлықтарының иегері атандық. Бұл жетістіктердің барлығы ұжымда еңбек етіп жүрген әрбір қызметкердің адал еңбегінің жемісі деп білемін,- деді Сәуле Шакенова.</blockquote><img src="https://knadmin.beoblood.kz/uploads/brifing_aae0d4c949.jpg" alt="брифинг.jpg">Фото: Нұрболат Нұржаубай

Еңбек адамы – қоғам тірегі

<a href="https://kyzylorda-news.kz/">Kyzylorda-news.kz</a> Мемлекет басшысының Жарлығымен азаматтардың құқықтық тәртібі мен қауіпсіз өмір сүруін қамтамасыз етуге бағытталған Қазақстан Республикасының "Құқық бұзушылықтардың профилактикасы туралы" Заңы қабылданды.Заң профилактика субъектілерінің, МИБ төрағаларының, кәсіпкерлердің және басқа да азаматтардың құқықтары мен рөлін нақты айқындайды. Бұл алдын алу шараларын қабылдау кезінде тиімді өзара іс-қимыл мен әрекеттерді үйлестіруді қамтамасыз етуге мүмкіндік береді. Ерекше назар ерте профилактикаға, құқық бұзушылық жасауға бейім адамдармен жазалау шараларын қолданбай жұмыс жүргізуге аударылған.Алғаш рет заңнамалық деңгейде "антиәлеуметтік мінез-құлық" ұғымы бекітілді. Бұл ретте, егер ол ұсақ бұзақылықтың немесе өзге құқық бұзушылықтың құрамын құраса ғана жауапкершілік көзделеді, ал өзге жағдайларда айыппұлдар мен санкциялар қолданылмайды. Жалпыға бірдей қабылданған мінез-құлық пен мораль нормаларын бұзатын азаматтарға қатысты түсіндіру әңгімелері, ресми ескертулер, сондай-ақ әлеуметтік және оңалту көмегі сияқты профилактикалық шаралар қолданылатын болады. Заңның жеке бір бөлімі азаматтардың құқық бұзушылықтардың профилактикасына қатысуына арналған. Бұл институт елімізде 2004 жылдан бері жұмыс істейді.Бүгінде 50 мыңнан астам қоғамдық көмекші мен волонтёр бірлескен патрульдеуге, заңнаманы түсіндіруге, құқық бұзушылықтардың жолын кесуге және хабар-ошарсыз кеткен адамдарды іздеуге қатысып келеді. Заң мұндай қатысудың ынталандырушы сипатын күшейтеді. Әкімдіктер құқық бұзушылықтар туралы хабарлаған азаматтарды, оның ішінде өндірілген әкімшілік айыппұлдардың бір бөлігі есебінен марапаттау құқығына ие болады. Ақшалай сыйақы беру сияқты шаралар құқық бұзушылықтарға "нөлдік төзімділік" мәдениетін қалыптастыруға, қылмыс жасауға жағдай туғызатын бұзушылықтарды жоюға бағытталған.Айта кету керек, азаматтарды ынталандырудың мұндай тәжірибесі бірқатар дамыған елдерде бұрыннан қолданылып келеді және өзінің тиімділігін дәлелдеген. Сонымен қатар дене күші мен өзге де құралдарды қолдануға құқық бұзушылықтардың жолын кесу және құқық бұзушыларды ұстау мақсатында ғана, егер бұл мақсаттарға өзге тәсілдермен қол жеткізу мүмкін болмаған жағдайда рұқсат етіледі. Бұл ретте қажетті шаралар шегінен асып кетуге жол берілмеуі тиіс.Заңға қоғамдық орындарда бетті бүркемелейтін киім киюге тыйым салатын нормалар енгізілді. Бұл тыйым заңда көзделген жағдайларды (медициналық көрсетілімдер, қызметтік міндеттер, ауа райы жағдайлары, мәдени және спорттық іс-шаралар) қоспағанда қолданылады.Аталған шаралар профилактикалық сипатқа ие және тұлғаларды сәйкестендіруге бағытталған, бұл қылмыстардың ашылуы мен алдын алуға ықпал етеді. Мұндай құқық бұзушылық алғаш рет жасалған жағдайда ескерту беріледі. Сондай-ақ электр самокаттарын ұсынатын каршеринг компанияларының қызметіне қойылатын жаңа талаптар енгізілді.Заң пайдаланушыларды сәйкестендіру, жылдамдықты бақылау, қауіп деңгейі жоғары аймақтарда қозғалысты шектеу, жауапкершілік туралы ақпараттандыру және жаяу жүргіншілерге кедергі келтіруге жол бермеу жөніндегі міндеттерді белгілейді.Жалпы алғанда, жаңа Заң азаматтардың құқықтарын қорғауға, қоғамды тартуға және қауіпсіздік деңгейін арттыруға бағытталған заманауи профилактика жүйесін қалыптастырады. Қабылданған барлық шаралар қауіпсіз орта құруға және құқықтық тәртіпті нығайтуға ғана бағытталған.Фото: Ақорда

Мемлекет басшысы жаңа Заңға қол қойды

<a href="https://kyzylorda-news.kz/">Kyzylorda-news.kz</a> Қаланың қалыпты қозғалысы мен тұрғындардың қауіпсіз қатынауы қоғамдық көлік саласында еңбек ететін мамандардың кәсібилігіне байланысты. Таңмен таласа басталып, түнге дейін жалғасатын қарбалас тірлік расында да үлкен жауапкершілікті талап етеді. Бүгін Қызылорда облысының Өңірлік коммуникациялар қызметінің ақпарат алаңына Қызылорда автобус паркінің жүргізушісі Азамат Сисенов БАҚ өкілдеріне өз қызметінің ерекшелігі жайында айтты.<blockquote>- Мен «Қызылорда автобус паркінде» автобус жүргізушісі болып еңбек етемін. Жалпы еңбек өтілім 8 жылды құрайды. Біздің жұмысымыз таңғы 6:00-де басталып, кешкі 22:30-да аяқталады. Жұмысқа шығар алдында және рейс аяқталған соң міндетті түрде медициналық тексерістен өтеміз. Күніне шамамен 800-900 жолаушыны тасымалдаймын. Қазіргі таңда қала тұрғындарына 285 автобус қызмет көрсетеді. Автобус жүргізушісі болу үлкен жауапкершілікті талап етеді. Себебі, әрбір жолаушының қауіпсіздігі мен діттеген жеріне аман-есен жетуі сол жүргізушінің кәсібилігіне тікелей байланысты,- деді Азамат Сисенов.</blockquote><img src="https://knadmin.beoblood.kz/uploads/brifing_aae0d4c949.jpg" alt="брифинг.jpg">Фото: Автобус паркі

Қоғамдық көліктегі қауіпсіздік – жүргізуші жауапкершілігі

<a href="https://kyzylorda-news.kz/">Kyzylorda-news.kz</a> Қоғамның тыныс-тіршілігі кейде көзге көріне бермейтін, бірақ аса маңызды салалардың еңбегіне тікелей байланысты. Соның бірі - ауыз су мен кәріз жүйесінің үздіксіз жұмыс істеуі. Бүгін Өңірлік коммуникациялар қызметінің ақпарат алаңына «Қызылорда су жүйесі» мекемесінің өндірістік-техникалық бөлімінің бастығы Маржан Сырманова келіп, салада атқарылып жатқан жұмыстарға тоқталды.<blockquote>- &nbsp;Мен «Қызылорда су жүйесі» мекемесінде өндірістік-техникалық бөлімснің бастығы қызметін атқарамын. Бөліміміздің негізгі мақсаты – ауыз су және кәріз су нысандарын үздіксіз сенімді әрі қауіпсіз сапалы ауыз сумен қамтамасыз ету. Біз апаттардың алдын алып, инфрақұрылымды дамыту бойынша жоспарларды тізіп, солармен жұмыс істеп, жоба сметалық құжаттарды әзірлейміз. 2004 жылы осы жұмысқа кірген кезде қаламызда 300-ге жуық ғана ауыз су жүйесі мен 200-ге жуық кәріз жүйесі болған. Қазіргі таңда 1000 шақырымнан аса ауыз су жүйесі болса, оның 457 шақырымы кәріз жүйесін құрайды. Сонымен қатар, мекемеде базалық зертхана жұмыс істейді, &nbsp;онда күнделікті су сынамалары алынады. Бүгінде ұжымда 617 қызметкер жұмыс істесе, оның 400-ге жуығы жұмысшы мамандар. Жұмысшы мамандықтар жылы аясында кәріз сумен жұмыс істейтін қызметкерлерге шипажайларға жолдама беріліп, айлық жалақысы 20 пайызға артты,- деді Маржан Сырманова.</blockquote><img src="https://knadmin.beoblood.kz/uploads/brifing_aae0d4c949.jpg" alt="брифинг.jpg">Фото: Нұрболат Нұржаубай

Ауыз су сапасы – сала мамандарының күнделікті еңбегі

<a href="https://kyzylorda-news.kz/">Kyzylorda-news.kz</a> Қызылорда қаласындағы жұмыс сапары аясында ҚР Парламенті Мәжілісіндегі «AMANAT» партиясы фракциясының мүшелері Мархабат Жайымбетов, Мұрат Абенов және Мұрат Ергешбаев индустриялық аймақта орналасқан «AynaGlass» зауытының жұмысымен танысты.Депутаттар өндіріс процесін, өнім түрлерін, технологиялық мүмкіндіктерін және экспорттық әлеуетін көріп, кәсіпорынның өңірге қосатын экономикалық үлесін жоғары бағалады.«AynaGlass» жобасының жалпы құны – 1,5 млрд теңге. Оның ішінде 225 млн теңге кәсіпорынның өз қаражаты, 1 275 млн теңге қарыз қаражаты есебінен қамтамасыз етілген. Зауыт 2025 жылдың қараша айында іске қосылып, жылына 720 мың шаршы метр айна өнімін өндіруге қабілетті. Өнім ішкі нарыққа және ТМД елдеріне жеткізіледі. Кәсіпорында 55 тұрақты жұмыс орны ашылған.Жоба 2023 жылы Біріңғай индустрияландыру картасына енгізіліп, индустриялық аймақтан 1,48 гектар жер телімі бөлінді. Шикізатпен қамтамасыз ету үшін «Orda Glass» шыны зауытымен келісімшарт жасалған. Қазіргі таңда жер учаскесі арқылы магистральды газ құбырының өтуіне байланысты техникалық мәселені шешу жұмыстары жүргізілуде.<img src="https://knadmin.beoblood.kz/uploads/Zauyt_zh_mysy_4d3673c29b.jpg" alt="Зауыт жұмысы.jpg">

Мәжіліс депутаттары индустриялық аймақта орналасқан «AynaGlass» зауытына барды

<a href="https://kyzylorda-news.kz/">Kyzylorda-news.kz</a> ҚР Парламенті Мәжілісінің депутаттары, «AMANAT» партиясы фракциясының мүшелері Мұрат Әбенов, Мархабат Жайымбетов және Мұрат Ергешбаев Қызылорда қаласындағы «Қызылорда-Нан» серіктестігінің нан өнімдерін шығаратын заманауи кешенінің жұмысымен танысты.&nbsp;Айта кетейік, Қызылордада алғашқы нан зауыты 1957 жылы іске қосылып, 1995 жылға дейін халықты нан өнімдерімен қамтамасыз еткен болатын. Араға отыз жыл салып, бұл дәстүр қайта жаңғырып, өткен жылдың соңында жаңа өндірістік кешен жұмысын бастады.<img src="https://knadmin.beoblood.kz/uploads/Amanat_yzylorda_nan_09c240ea93.jpg" alt="Аманат Қызылорда нан.jpg">Жалпы құны 5,6 миллиард теңгені құрайтын жоба аясында бүгінде 120 адам тұрақты жұмыспен қамтылған, алдағы уақытта бұл көрсеткіш 170-ке дейін артады. Мемлекеттік қолдау ретінде кәсіпорынға 5 гектар жер телімі беріліп, инфрақұрылым тартылған. Сонымен қатар, 1,2 миллиард теңге көлемінде жеңілдетілген несие ұсынылып, пайыздық мөлшерлемесі субсидияланған.Жобаның бірінші кезеңінде 3,1 миллиард теңгеге төрт автоматтандырылған өндірістік цех іске қосылды. Ал екінші кезеңде құны 2,5 миллиард теңгені құрайтын ұн комбинатын салу жоспарланып отыр.Сапар барысында Мәжіліс депутаттары өндіріс орнын аралап, кәсіпорын жұмысымен танысты. Халық қалаулылары мұндай жобалар өңірдің азық-түлік қауіпсіздігін қамтамасыз етіп, экономиканың тұрақты дамуына серпін беретінін атап өтті.<blockquote>«Біз Мемлекет басшысы Қасым-Жомарт Тоқаевтың экономиканы әртараптандыру, бәсекеге қабілетті әрі терең өңделген өнім шығаруды дамыту жөніндегі тапсырмаларының орындалуын осы зауаттан ақ байқап отырмыз. Бұл өңірдің азық-түлік қауіпсіздігін қамтамасыз етіп, экономиканың тұрақты дамуына серпін беретін үлкен жоба. Жүздеген адам тұрақты жұмыспен қамтылып отыр. Мұндай жобалар өңірдің &nbsp;экономикалық өркендеуіне үлкен үлес қосатындығына сенімдіміз»,- деді &nbsp;Мұрат Ергешбаев.</blockquote><img src="https://knadmin.beoblood.kz/uploads/Amanat_yzylorda_nan_3_16ba393cc7.jpg" alt="Аманат Қызылорда нан 3.jpg">

Нан өнімдерін шығаратын заманауи кешенінің жұмысымен танысты

<a href="https://kyzylorda-news.kz/">Kyzylorda-news.kz</a> Егер банк картасы мысалы, дүкеннен сатып алу кезінде немесе ақша аудару&nbsp;қажет болғанда&nbsp;кенеттен жұмысын тоқтатса не істеу керек? Қандай жағдайларда банк картаны бұғаттауға құқылы және қаражатқа мүмкіндігінше тез қол жеткізу үшін&nbsp;қандай әрекеттер жасау керектігі жөнінде&nbsp;біз <a href="https://fingramota.kz/kk/post/andaj-zhadajlarda-bank-sizdi-kartayzdy-nemese-banktik-shotyyzdy-battaj-alady">Fingramota.kz</a>-пен бірге қарастырып көрелік.Әдетте, картаның бұғатталуы&nbsp;бірнеше негізгі себептерге байланысты болады. Оларға кредит бойынша мерзімі өткен берешектің болуы немесе сот шешімдері, ірі немесе жиі ақша аударымдары, әсіресе шетелден келетін ақша аударымдары; ПИН-кодты бірнеше рет қате енгізу; картаның қолданыс мерзімінің өтуі; сондай-ақ банктің жұмысындағы техникалық ақаулар жатады.Бұғаттау әрқашан «сізді ақшаңыздан айыру» әрекеті емес екенін түсіну маңызды. Көп жағдайда банк қауіпсіздік мақсатында немесе мемлекеттік органдардың талаптарын орындау үшін әрекет етеді, ал сіздің міндетіңіз — оның себебін тез біліп, шектеулерді алып тастау.Бұғаттау мемлекеттің талаптарына байланысты болған кездеБұғаттаудың маңызды себептерінің бірі - мемлекеттік органдардың ресми шешімдерін орындау болып табылады. Банк мұндай өкімдерді, егер олар:<ul><li style="text-align:justify;">сот шешімі бойынша;</li><li style="text-align:justify;">сот орындаушысының қаулысы негізінде;</li><li style="text-align:justify;">егер алимент, салық, айыппұл немесе үшінші тұлғалар алдындағы міндеттемелер бойынша берешектер және тиісті атқарушылық құжаттар болғанда заңға сәйкес ресімделген болса, орындауға міндетті.</li></ul>Бұл дегеніміз, сіз күдікті ештеңе жасамаған болсаңыз да — шот пен картаңыз бұғатталуы мүмкін, себебі басқа мемлекеттік орган (мысалы, сот орындаушыларының қызметі немесе салық органы) банкке қаражатқа тыйым салу туралы талап қойған.Мұндай жағдайларда бұғаттау қанша уақытқа созылады?Бұғаттау міндеттемелер орындалғанға дейін немесе бұғаттау туралы шешім жойылғанға дейін. Мысалы, егер шот сот орындаушысының ісі бойынша бұғатталса, шектеулер борышты өтегеннен немесе бұғаттау ресми түрде алынғаннан кейін ғана алып тасталады. Салық берешегіне ұқсас — төлем жүргізілгеннен кейін және Мемлекеттік кірістер комитеті расталғаннан кейін.Жалақы картасы бұғатталуы мүмкін бе?Иә. Жалақы картасы банктік қызмет тұрғысынан әдеттегі төлем картасынан еш айырмашылығы жоқ — бұғаттаудың барлық қағидалары &nbsp;сіз берген кез келген басқа карта сияқты қолданылады. Егер бұғаттау шарттары банкпен жасалған шартта жазылса және шотқа қаражат (оның ішінде жалақы) түссе, банк операцияларды әдеттегі шотпен бірдей негіздерде тоқтата тұруға құқылы. Бұл мемлекеттік органдардың талаптарына да, банктің ішкі қауіпсіздік шараларына да қатысты. Яғни, жалақыны алу өздігінен тиісті негіздер болған кезде картаны бұғаттаудан қорғамайды.Бірақ нені бұғаттауға болмайды?Мемлекеттік органдардың берешектері немесе талаптары болған жағдайда да тыйым салу қоюға, инкассалық тапсырмалар бойынша есептен шығаруға немесе өндіріп алуға жол берілмейтін шоттардың қорғалған түрлері&nbsp;бар екенін білу маңызды.Мұндай шоттарға мыналар жатады:<ul><li style="text-align:justify;">мемлекеттік жәрдемақылар мен әлеуметтік төлемдерді алуға арналған шоттар;</li><li style="text-align:justify;">алимент төлеуге арналған шоттар;</li><li style="text-align:justify;">мүгедектігі бойынша төлемдерді, бала туған кездегі жәрдемақыларды және басқа да нысаналы әлеуметтік трансферттерді аударуға арналған шоттар;</li><li style="text-align:justify;">білім беру жинақтау шоттары;</li><li style="text-align:justify;">баспана сатып алуға арналған тұрғын үй жинақ шоттары.</li></ul>Бұл дегеніміз, егер сіз мемлекеттен әлеуметтік төлемдер алсаңыз, олардың қорғалатын бөлігін бұғаттауға немесе тыйым салуға болмайды. Егер сізде мұндай арнайы шот болмаса, оны ашып, әлеуметтік төлемдерді қорғау үшін тиісті органдарға оның деректемелерін көрсетудің мағынасы бар.Білу қажет басқа да себептерЖоғарыда жазылғандардан басқа, біз ойлағаннан да жиі кездесетін бірнеше себептер бар:1. Алаяқтық операцияларға немесе әдеттен тыс әрекеттерге күдік.&nbsp;Егер әдеттен тыс транзакциялар тіркелетін болса, Банк шот пен картаны уақытша бұғаттай алады, мысалы, ірі аударымдар, жиі операциялар, әсіресе шетелдік шоттардан операциялар. Бұл тетік алаяқтықтың алдын алуға арналған қауіпсіздік жүйелерінің бөлігі болып табылады.2. «Дропперлік» схемаларына қатысуға күдік.&nbsp;Қазақстанда билік үшінші тұлғалар ұрланған қаражатты қолма-қол ақшаға айналдыру үшін басқа біреудің карталарын — money mule немесе «айырбастаушылар» (dropper схемалары) деп аталатын схемаларға қарсы шараларды күшейтуде. Шотқа немесе картаға қол жеткізуді үшінші тұлғаларға бергені үшін қылмыстық жауапкершілік туындауы мүмкін, ал банк күдікті белсенділікке байланысты барлық шоттарды бұғаттай алады.3.&nbsp;Егер қате PIN-код бірнеше рет енгізілсе.&nbsp;Кейбір банктерде банкоматқа ПИН-кодты 3 рет қате енгізу жеткілікті және карта автоматты түрде бұғатталады. Бұғаттау мерзімі құрылғының түріне байланысты. Картаны банкомат ұстап қалған жағдайда, оны өзіне тиесілі банк бөлімшесінен алуға болады. Кейбір жағдайларда картаны қайта шығару қажет болуы мүмкін. Егер мобильді қосымша арқылы бұғаттау жеке басын тексергеннен кейін немесе PIN-код қалпына келтірілгеннен кейін алып тасталады.4. Техникалық&nbsp;іркілістермен&nbsp;немесе деректердің өзгеруімен байланыс.&nbsp;Кейде бұғаттау бұзушылықпен емес, техникалық жаңартумен, жүйедегі іркілістермен немесе жеке деректердің ескіруімен байланысты (мысалы, жеке куәліктің мерзімі өтіп кеткен, ал банк және мемлекеттік жүйелердің байланысы бұл жағдайды автоматты түрде бақылауға мүмкіндік береді). Бұл уақытша бұғаттау және ол банкке жүгіну арқылы шешіледі.Картаңыз немесе шотыңыз бұғатталған болса, не істеу керек?Егер шотқа немесе картаға деген қолжетімділік күтпеген жерден шектелетін болса, сізде қорғанудың және іс-қимылдар тәртібінің заңды тетіктері бар:&nbsp;Банкке жүгіну&nbsp;— кез-келген банк бұғаттаудың себебін түсіндіруге және шотқа қол жетімділікті қалпына келтіру үшін не қажет екенін көрсетуге міндетті.Мемлекеттік қызметтер арқылы&nbsp;берешектер мен міндеттемелерді тексеру&nbsp;(мысалы, eGov.kz немесе салық төлеушінің кабинеті) — бұғаттау осыған байланысты болуы мүмкін.&nbsp;Түсініксіз немесе негізсіз бұғаттау жағдайында сіз банктен түсініктеме талап ете отырып, ресми сұрау салу, ал қажет болған жағдайда ҚР Қаржы нарығын реттеу және дамыту агенттігіне шағым бере аласыз немесе банктің әрекеттеріне сот тәртібімен шағым бере аласыз.Картаны немесе шотты бұғаттау тәуекелін азайту үшін мыналар ұсынылады:<ul><li style="text-align:justify;">ірі немесе әдеттен тыс транзакциялар туралы банкке алдын ала хабарлау;</li><li style="text-align:justify;">тиісті шарттарсыз коммерциялық қызмет үшін жеке шотты пайдаланбау;</li><li style="text-align:justify;">жеке деректердің өзектілігін және құжаттар мен карталардың қолданылу мерзімдерін қадағалау;</li><li style="text-align:justify;">берешектерді үнемі тексеріп отыру;</li><li style="text-align:justify;">картаға немесе шотқа қолжетімділікті үшінші тұлғаларға бермеу – тіпті сыйақы туралы уәде болса да, себебі бұл тек бұғаттауға ғана емес, сонымен бірге елеулі заңды салдарға әкелуі мүмкін.</li></ul><img src="https://knadmin.beoblood.kz/uploads/Fingramota_karta_b_attau_844f7a3d04.jpg" alt="Финграмота карта бұғаттау.jpg">Маңызды:&nbsp;картаны немесе шоттарды бұғаттау сізді қаражаттан айыру әрекеті емес, көп жағдайда қорғаныс шарасы болып табылады. Дұрыс әрекет ету және банкпен уақтылы өзара іс-қимыл жасау жағдайды тез шешуге көмектеседі. Сіз клиент ретінде бұғаттау себептерін жазбаша түсіндіруге және банктің шешімдеріне шағым беруге құқылысыз.

Қандай жағдайларда банк сіздің картаңызды немесе банктік шотыңызды бұғаттай алады?

<a href="https://kyzylorda-news.kz/">Kyzylorda-news.kz</a> Мемлекет басшысының «Таза Қазақстан» жалпыұлттық бастамасы аясында партия қолға алған «Таза бейсенбі» экологиялық акциясы бүгін аманаттықтармен Қызылорда облысы, Шиелі ауданы, Ақмая ауылдық округінде ұйымдастырылды.&nbsp;Тазалық акциясына аудандық партия филиалының атқарушы хатшысы Жібек Баймұратова, Ақмая ауылдық округінің әкімі Ғалымжан Бейсембаев, «Авангард» бастауыш партия ұйымының мүшелері және аудандық филиал қызметкерлері қатысты.Олар Ақмая ауылындағы Т.Қирабай көшесінде орналасқан балалар ойын алаңы мен спорт кешені маңында тазалық жұмыстарын жүргізді. &nbsp;Шара барысында аумақ қоқыстан тазартылып, қоршаған ортаға ұқыпты қарау жөнінде түсіндірме жұмыстары жүргізілді. Бұл бастама – ауыл тұрғындарына үлгі боларлық игі іс. &nbsp;<blockquote>«AMANAT» партиясы Шиелі аудандық филиалының атқарушы хатшысы Жібек Баймұратова: &nbsp;«Қоршаған ортаны таза ұстау – әр азаматтың парызы. Біз табиғатқа жанашырлықпен қарап, тазалық мәдениетін бірге қалыптастыруымыз керек. Табиғатты аялау – келешек ұрпаққа қалдырар аманатымыз» – деп атап өтті. &nbsp;</blockquote>Экологиялық мәдениетті қалыптастыруға бағытталған акцияға 30 дан астам адам қатысып, тазалық жұмысына үлес қосты.<img src="https://knadmin.beoblood.kz/uploads/Amanat_tazaly_sharasy_4_ae7e3cd1c3.jpg" alt="Аманат тазалық шарасы 4.jpg">

«Таза бейсенбі»: Тазалық – тәртіп бастауы 

<a href="https://kyzylorda-news.kz/">Kyzylorda-news.kz</a> Сенат Төрағасы Мәулен Әшімбаев Қызылорда облысының креативті және дарынды жастарымен кездесті. Кездесу барысында жас буынның елді жаңғыртудағы рөлі ерекше аталып, олардың бойына жасампаз құндылықтар мен жауапкершілікті сіңірудің маңызы сөз болды.Сонымен бірге үздіксіз даму, цифрлық сауаттылықты арттыру және озық технологияларды игеру мәселелері кеңінен талқыланды. Мәулен Әшімбаев өскелең ұрпақты жүйелі қолдаудың маңызын ерекше атап өтті.

Сенат төрағасы дарынды жастармен кездесті

<a href="https://kyzylorda-news.kz/">Kyzylorda-news.kz</a> Сенат Төрағасы Мәулен Әшімбаев Қызылорда облысының жұртшылығымен, еңбек ұжымдарымен, мәслихат депутаттарымен, Қазақстан халқы Ассамблеясының мүшелерімен және өңірдегі дарынды жастармен кездесті. Кездесулерде Мемлекет басшысының «Turkistan»газетіне берген сұхбатында айтылған бастамаларды, сондай-ақ, елімізде жүргізіліп жатқан өңірлерді орталықсыздандыру бағдары мен Цифрландыру және жасанды интеллект жылы аясындағы тапсырмаларды іске асыруға қатысты мәселелер талқыланды. Одан бөлек, бірқатар маңызды бағыт бойынша Сенаттың мәслихаттармен бірлескен жұмысының негізгі басымдықтарына мән берілді.Палата Спикері мәслихат депутаттарымен және жұртшылықпен кездесуде Мемлекет басшысының бастамасымен қолға алынған реформаларды сапалы іске асыру үшін барлық мүдделі тараптың бірлескен жұмысы ерекше мәнге иеекенін айтты. Сондай-ақ ол ел Президенті«Turkistan» газетіне берген сұхбатында белгілеп берген міндеттерге назар аударып, цифрландыру, жасанды интеллектіні дамыту және Қазақстанды цифрлық державаға айналдыру жөніндегі бастамалар аясында күш біріктірудің маңызына назар аударды.<img src="https://knadmin.beoblood.kz/uploads/Whats_App_Image_2026_01_08_at_14_53_14_1_437dd89078.jpeg" alt="Акимат 4.jpeg"><img src="https://knadmin.beoblood.kz/uploads/Whats_App_Image_2026_01_08_at_14_53_14_2_a72a10330c.jpeg" alt="Акимат 2.jpeg"><blockquote>«Президентіміз Қасым-Жомарт Кемелұлы Тоқаевтың бастамасымен елімізде кешенді реформалар іске асырылып жатыр. Басты мақсат – әділетті мемлекет, тиімді экономика және жауапты басқару жүйесін қалыптастыру. Мемлекет басшысы «Turkistan» газетіне берген сұхбатында еліміздің қазіргі ахуалына және алдағы даму бағдарына кеңінен тоқталды. Президентіміздің барлық бастамасыҚазақстанды әділетті, демократиялық, ашық мемлекетке айналдыруға бағытталған. СондықтанМемлекет басшысы жүктеген міндеттерді сапалы іске асыру үшін сенаторлар мен мәслихат депутаттарының жүйелі өзара іс-қимылын және бірлескен жұмысын белсенді түрде жалғастыра береміз», – деді Мәулен Әшімбаев.</blockquote>Сонымен қатар Сенат Төрағасы Мемлекет басшысының тапсырмасымен әзірленіп, фискалдық және салық саясаты толығымен қайта қаралған жаңа Бюджет, Салық кодекстерінің,сондай-ақ, қабылданғанбасқа да заңдардың маңызынаназар аударды. Палата Спикері ел Президентінің өңірлерді орталықсыздандыруды және олардың дербестігін арттыруды көздейтінбұрын-соңды болмағанбағдары мен«Қуатты өңірлер – қуатты ел» қағидатының негізгі мәнін де тілге тиек етті.Мұндайқадам өзекті проблемаларды жедел шешу жолында бюджеттік дербестікті және қабылданған шешімдер үшін жауапкершілікті арттырады, сондай-ақ, жергілікті билік институттарының рөлін нығайтады.<img src="https://knadmin.beoblood.kz/uploads/Whats_App_Image_2026_01_08_at_14_53_14_c80f019b15.jpeg" alt="Акимат.jpeg"><blockquote>«Мемлекет басшысы Қасым-Жомарт Кемелұлы Тоқаев аймақтардың құзыретін күшейтіп, бірқатар өкілеттікті орталықтан өңірлерге беруді маңызды міндет етіп белгіледі. Осыған байланысты жергілікті атқарушы органдардың бюджеттік дербестігін кеңейту үшін ауқымды өзгерістер орын алуда. Соның нәтижесінде салықтар мен төлемдердің 25 түрі жергілікті деңгейге, оның ішінде аудандар мен ауылдарға берілді. Ең осал аймақтарға стандартты даму деңгейіне жету үшін көбірек ресурстар беріледі. Мұндай тәсіл инфрақұрылымдық олқылықтарды барынша азайтуға және елді мекендердің дамуын нақты жоспарлауға жол ашады. Өңірлердің кірістерінің 70 пайызы аудандық деңгейде және облыстық маңызы бар қалаларда шоғырланған. Бұл – жергілікті әкімдердібизнес ортаны дамытуға және табыс базасын ұлғайтуға ынталандыратын қадам. Осындай ауқымды жұмыста мәслихаттарға үлкен жауапкершілік жүктеледі. Бұл ретте Мемлекет басшысы берген тапсырмалардың сапалы әрі уақтылы іске асырылуын бақылауды күшейтудіңмаңызы зор», – деді Сенат Төрағасы.</blockquote>Кездесуде Мәулен Әшімбаев саяси жаңғыру жолындағы тағы бір маңызды мәселе– парламенттік реформа жөнінде айтты.<blockquote>«Президентіміз Қасым-Жомарт Кемелұлы Тоқаев халыққа арнаған Жолдауында бір палаталы Парламентке көшу мәселесін қоғам мен сарапшылар талқылауына шығаруды ұсынды. Бұл бастама демократиялық институттар мен тетіктерді нығайтуға бағытталған дәйекті реформалардың қисынды жалғасы екені анық. Осы жолда кеңейтілген өкілеттіктерге ие Парламент маңызды рөлдердің бірін атқарады. Аталған реформа аясында Конституцияның 40-қа жуық бабына өзгерістер енгізіледі. Бұл мәселе бойынша түпкілікті шешім халықтың пікірін ескере отырып, референдум арқылы қабылданады. Жалпы, парламенттік реформа өкілді биліктармағын одан әрі тиімді, икемді және заманауи сын-қатерлерге төтеп беретін жүйе ретіндекүшейтуді көздейді», – деді Палата Спикері.</blockquote><img src="https://knadmin.beoblood.kz/uploads/Whats_App_Image_2026_01_08_at_14_53_14_1_437dd89078.jpeg" alt="Акимат 4.jpeg">Мәулен Әшімбаев Қызылорда облысының экономикалық өсу перспективалары мен қарқынына назар аударып, жаңа даму тетіктерінжетілдірудің және азаматтардың әл-ауқатын арттырудың маңызды екенін атап өтті. Сонымен бірге кездесуге қатысушылар облыстың инвестициялық әлеуетіне,осы бағыттағы негізгі міндеттерге, олардың ерекшелігінетоқтала келе, іске асырылып жатқан бірқатар жобаның тиімділігін және инфрақұрылымды жаңғыртуға, жолдар желісін, су мен инженерлік жүйелерді жаңартуға қатысты мәселелерді талқылады.Өңірдің креативті жастарымен кездесуде елді жаңғырту процесінде білімді жас буынның рөліне, олардың бойына жасампаз құндылықтарды, жауапкершілік пен прогрессивті идеяларды сіңірудің маңызына және өскелең ұрпақты жүйелі қолдауға баса мән берілді. Атап айтқанда, үздіксіз даму, цифрлық сауаттылықты арттыру және озық технологияларды игеру жөнінде кеңінен сөз болды.

Өңірлерді дамытудың жаңа кезеңі басталды

<a href="https://kyzylorda-news.kz/">Kyzylorda-news.kz</a> Аймақ басшысының қолдауымен жол-көлік инфрақұрылымы қарқынды дамуда. Өткен жылы қала мен Тасбөгет кентін байланыстыратын «Қызылжарма» каналының үстінен өтетін автожол көпірі салынып, іске қосылды.<img src="https://knadmin.beoblood.kz/uploads/ozha_k_piri_zhandandy_2_b8f36af051.jpg" alt="Қожақ көпірі жанданды 2.jpg">Одан бөлек, әуежай жолындағы үш көпір қайта жаңғыртылып, кеңейтілді. Қызылөзек ауылдық округіндегі «Қожақ» көпірі жаңаланды. Қазіргі таңда Жанқожа батыр көшесі бойымен өтетін теміржол асты өткелінің құрылысы жүруде.<img src="https://knadmin.beoblood.kz/uploads/ozha_k_piri_zhandandy_3_2aaa0449d1.jpg" alt="Қожақ көпірі жанданды 3.jpg">

Көпір құрылысы жанданды

<a href="https://kyzylorda-news.kz/">Kyzylorda-news.kz</a> &nbsp;Қазалы ауданының әкімі Алмасбек Есмаханов Басықара ауылындағы «Ә.Тыныбаев» атындағы Қазалы су торабына барып, Сырдария өзеніндегі су деңгейін бақылады.Су торабы өндірістік учаскесінің бастығы Болат Әсербаев пен &nbsp;«Қазалысушар» өндірістік учаскесінің бастығы Нұрлан Әбілдаев аудан басшысына бүгінгі күні дарияға қаншалықты су келіп тұрғандығын, судың деңгейін және мұз қалыңдығы жөнінде баяндады.Ал, аудан әкімінің салаға жауапты орынбасары дарияда жағдай күнделікті 6 жерден бақыланып отырғандығын, қазіргі уақытта қауіптің жоқ екендігін және өзен бойындағы қауіпті саналатын аймақтардың барлығы үнемі бақылуда екенін жеткізді.Сырдария өзенінің 176 шақырымы Қазалы ауданының территориясынан өтеді. Оның 140 шақырымында қорғаныс бөгеттері орналасқан. Бүгінде елді мекендерді су басу қаупі жоқ. Дариядағы су деңгейі қалыпты.&nbsp; Қазіргі таңда аудан аумағындағы Қазалы су торабына жоғарыдан 65 м3/с су келуде. Бұл өткен жылмен салыстырғанда 3 есе аз. Су мамандарының айтуынша алдағы уақытта келетін судың көлемі 120-130 м3/с көбейеді. &nbsp;Одан бөлек, мұздың қалыңдығы 20-25 см шамасында болып тұр.Аудан әкімі салаға жауапты орынбасары мен дария бойындағы округ әкімдеріне, аудандық төтенше жағдайлар бөлімінің мамандарына су басу аймақтарындағы тұрғындарға, малшыларға ескерту парақшаларын таратуды және күндіз-түні қатаң бақылауды тапсырды.<img src="https://knadmin.beoblood.kz/uploads/FB_IMG_1767752705186_01f6c67b9f.jpg" alt="FB_IMG_1767752705186.jpg">

Қазақстан және Қызылорда облысының жаңалықтары: Қоғам