Президент Қасым-Жомарт Кемелұлы Тоқаевтың Жарлығымен Қызылорда облысының әкімі лауазымына Ергешбаев Мұрат Нәлқожаұлы тағайындалды.Ергешбаев Мұрат Нәлқожаұлы Қызылорда облысында туған. Алматы халық шаруашылығы институтын, Қазақстан Республикасы Президентінің жанындағы Мемлекеттік қызмет академиясын бітірген.&nbsp;Еңбек жолын 1989 жылы Сырдария ауданының &nbsp;Жамбыл ауылында экономист болып бастаған. Аудандық өнеркәсіптік бірлестігінде, қаржы құрылымдарында басшылық қызмет атқарған.Қызылорда облысы әкімі орынбасарының кеңесшісі, облыстық еңбек, жұмыспен қамту және халықты әлеуметтік қорғау басқармасы бастығының орынбасары, қалалық қаржы бөлімінің бастығы, ҚР Төтенше жағдайлар министрлігі «Өрт сөндіруші» АҚ-ның экономика және қаржы жөніндегі вице-президенті болған. Қызылорда қаласының әкімі, облыстық қаржы басқармасының бастығы, Қармақшы ауданының әкімі, Шиелі ауданының әкімі, ҚР Ұлттық экономика министрлігі Тұтынушылар құқықтарын қорғау комитеті Алматы қаласы тұтынушылардың құқықтарын қорғау департаменті басшысының орынбасары, «ҚазАгроӨнім» АҚ аппарат басшысы, облыстық жұмыспен қамтуды үйлестіру және әлеуметтік бағдарламалар басқармасының басшысы, Қазалы ауданының әкімі, Сырдария ауданының әкімі қызметтерін атқарған.&nbsp;2023 жылы ҚР Парламенті Мәжілісінің VІІІ шақырылымына Қызылорда облысының атынан депутат болып сайланды.

Қызылорда облысының әкімі тағайындалды

<a href="https://kyzylorda-news.kz/">Kyzylorda-news.kz</a> Қызылорда қаласының әкімі Нұржан Ахатов Нұрлыбек Машбекұлының бастамасымен салынып жатқан әлеуметтік нысандардың құрылыс алаңына барды.Бірінші нысан - Президент саябағы аумағында бой көтерген 300 орындық балалар тынығу лагері. Лагерь жеткіншектердің салауатты орта қалыптастыруына бағытталған спорт кешенінен, балалар мен тәрбиешілерге арналған тұрғын блоктардан, мәдени-көпшілік іс-шараларға арналған event-аймақтан, 5 киіз үй, ашық бассейн, ойын алаңдарынан және амфитеатрдан тұрады. Демалушыларға жыл он екі ай қызмет көрсететін лагерь 1 маусым - Балаларды қорғау күніне орай тарту етіледі.<img src="https://knadmin.beoblood.kz/uploads/ala_kimi_leumettik_nysandardy_rylysymen_tanysty1_365dbd00b9.jpg" alt="Қала әкімі әлеуметтік нысандардың құрылысымен танысты1.jpg">Қала әкімі Президент саябағындағы тағы бір нысан - Ботаникалық білім беру орталығына да барды. Шынымен қапталған, екі қабатты заманауи ғимаратта Оңтүстік Америка, Африка, Қытай, Мексика, Жапония және Мадагаскарда өсетін өсімдіктер бағы орналастырылады. Көпфункционалды нысанда келушілерге табиғат, ғылым мен экологиялық мәдениет үйлесімі көрсетіледі. Облыс орталығындағы құрылысы қарқын алған тағы бір нысан - «Қызылорда Арена» көпбейінді спорт кешені. Кешенде олимпиадалық бассейн, 2500 орындық спорт залы, сондай-ақ түрлі форумдар мен жиындар өткізуге арналған 300 орындық конференция залы қарастырылған. Нысанды осы жылдың тамыз айында пайдалануға беру жоспарланған.

Қала әкімі әлеуметтік нысандардың құрылысымен танысты

<a href="https://kyzylorda-news.kz/">Kyzylorda-news.kz</a> «Өнер орталығында» 7 мамыр – Отан қорғаушылар күніне және 9 мамыр – Ұлы Жеңістің 81 жылдығына арналған «Айбыны асқақ, айбары мықты азат ел» атты мерекелік шара өтті.Оған облыс әкімінің бірінші орынбасары Данияр Жаналинов, ҚР Президенті жанындағы Ұлттық ғылым академиясының өкілдері, құқық қорғау органдарының басшылары, зиялы қауым, ғылым саласының қызметкерлері қатысты.Салтанатты шарада облыс әкімінің бірінші орынбасары ардагерлер мен әскери қызметкершілерді мерекемен құттықтап, ізгі тілегін жеткізді.<blockquote>«Баршаңызды Отан қорғаушылар күнімен, Ұлы Жеңіс мерекесімен шын жүректен құттықтаймын!Мемлекет басшымыз – Қазақстан Қарулы Күштерінің Жоғарғы Бас Қолбасшысы Қасым-Жомарт Кемелұлы: «Қазақ – даңқты тарихын ат тұяғымен жазған халық. Біз ұлан-ғайыр жерін жауға бастырмаған батыр елдің ұрпағымыз. Алапат соғыста жеңіске жеткен қаһарман ерлердің ізбасарымыз. Қазір еліміздің күштік құрылымдары Қазақстанның қауіпсіздігін қас қақпай күзетіп тұр. Отанымыздың іргесі берік болуын қамтамасыз ету – әр азаматтың перзенттік парызы», – деген болатын.Бүгінде Тәуелсіз мемлекетіміздің Қарулы Күштері ерлік пен батылдықтың озық үлгісін көрсетуде. Соның арқасында әскери қызметшілеріміз БҰҰ аясындағы түрлі бітімгерлік операцияларға қатысып, өздерінің кәсібилігі мен жоғары деңгейдегі жауынгерлік машығын дәлелдеп келеді. Бүгінде әскерилерді, құқық қорғау, азаматтық қорғаныс органдарының қызметкерлерін мемлекет тарапынан жан-жақты қолдауға баса көңіл бөлінген. Жалпыұлттық бірлік пен саяси тұрақтылықтың нәтижесінде елдің сырты жаудан, іші даудан аман болып, мемлекетіміз орнықты дамуда. Баршаңызды мерекемен құттықтаймыз, Әділетті, Қуатты, Қауіпсіз және Таза Қазақстанды құру жолындағы барлық бастамамыз сәтті жүзеге аса берсін. Еліміз еңселі, Тәуелсіздігіміз тұғырлы болғай!», – деді Данияр Еренғалиұлы.</blockquote>Мерекеде Сыр өңіріне арнайы келген ҚР Президенті жанындағы Ұлттық ғылым академиясының президенті Ақылбек Күрішбаев құттықтау сөз сөйледі. Отанға кәсіби біліктілігімен қалтқысыз қызмет етіп жүрген әскери қызметшілер марапат төрінен көрінді.Шара тыл ардагерлеріне гүл шоқтарын тарту ету рәсіміне, концерттік бағдарламаға ұласты.Фото: Қызылорда облысы әкімінің баспасөз қызметі

«Айбыны асқақ, айбары мықты азат ел» атты салтанатты шара өтті

<a href="https://kyzylorda-news.kz/">Kyzylorda-news.kz</a>&nbsp; Отан қорғаушылар күні мен Жеңіс күні қарсаңында Қазақстан Республикасы Ұлттық ұланының 5573 әскери бөлімінің аумағында Бас Прокурор Берік Асылов және прокуратура органдарының ардагерлері әскери қызметшілермен кездесті.Іс-шара әскери қызметшілер арасында ұрпақтар сабақтастығын нығайту және патриотизмді арттыру мақсатында «Сарбазға прокурорлық кеңес» Республикалық акциясы аясында ұйымдастырылды.Мемлекет басшысы Қасым-Жомарт Кемелұлы Тоқаев атап өткендей, «патриотизм – бұл тек Отанға деген сүйіспеншілік қана емес, сонымен қатар өз еліңе пайдалы болуға ұмтылу. Дәл осы патриотизм – біздің мемлекеттілігімізді сақтаудың басты кепілі».Әскери бөлімнің жеке құрамымен әңгіме барысында Бас Прокурор «Заң мен Тәртіп» конституциялық қағидатын мүлтіксіз сақтаудың маңыздылығында атап өтті.Бұл қағидат Ұлттық ұланның қызметінде нақты көрініс табады. Оның әскери қызметшілері тұрақты түрде азаматтардың қауіпсіздігін және қоғамдық тәртіпті қамтамасыз етіп, жоғары кәсібилік пен төтенше жағдайларда әрекет етуге әрдайым дайын екендігін көрсетіп келеді.Әскери қызмет тәртіпті, жауапкершілікті және дене төзімділігін қалыптастыратыны, сондай-ақ білім алуға және одан әрі кәсіби дамуға мүмкіндік ашатыны атап өтілді.Тәжірибе көрсеткендей, ұландықтар кез келген жағдайда алғашқылардың бірі болып көмекке келеді – адамдарды зорлық-зомбылықтан құтқарады, өрт кезінде дәрігерге дейінгі алғашқы көмек көрсетеді және азаматтардың өмірі мен денсаулығына төнетін өзге де қауіп-қатерлердің алдын алады.Мәселен, ағымдағы жылы Ұлттық ұланның 3660 әскери бөлімінің әскери қызметшілері қызметтен үйлеріне қайтып бара жатып, тұрғындарды эвакуациялап, өрттен 20-ға жуық бала, әйелдер, қарттар және мүмкіндігі шектеулі азаматтарды құтқарып қалды.Ұлттық ұлан қоғамдық қауіпсіздікті қамтамасыз етудің маңызды институты ретінде азаматтардың өмірі мен құқықтарын күнделікті қорғауды жүзеге асырады.Қонақтарға қызметте қолданылатын заманауи технологиялық шешімдер таныстырылды, оның ішінде жасанды интеллект функциясы бар бейне бақылау жүйелері және әскери қызметшілер мен олардың туыстарынан ақпарат қабылдайтын «Жедел желі» жұмысы көрсетілді. Сондай-ақ әскери техника мен қару-жарақ үлгілерінің көрсетілімі өтті.Сондай-ақ прокуратура органдарының ардагерлері Ұлттық ұланның Орталық мұражайына барып, онда әскерлердің қалыптасу және даму тарихымен, әскери қызметшілердің жетістіктерімен және қызмет ету жағдайларымен танысты.Құқық бұзушылықтардың алдын алу бағытында елеулі нәтижелерге қол жеткізген және көзге түскен әскери қызметшілер Бас Прокурор тарапынан марапатталды.Кездесу жалпы суретке түсу және дәстүрлі сарбаз ботқасынан дәм татумен аяқталды.

Бас Прокурор және прокуратура органдарының ардагерлері Ұлттық ұланның әскери қызметшілерімен кездесті

<a href="https://kyzylorda-news.kz/">Kyzylorda-news.kz</a> 7 мамыр - Қазақстан Республикасының Отан қорғаушылар күні. Бұл күн ел тыныштығы мен қауіпсіздігін қамтамасыз етіп жүрген әскери қызметшілерге құрмет көрсетілетін айрықша мереке. Мереке қарсаңында Өңірлік коммуникациялар қызметінің алаңында Қызылорда облысының қорғаныс істері жөніндегі департамент бастығының орынбасары, тәрбие және идеологиялық жұмыстар басқармасының бастығы Ербол Өткелбаев және 5547 әскери бөлімінің әскери қызметшісі Жандос Төлеген әскери қызметтің маңызы туралы ойларымен бөлісті.Ербол Өткелбаев мерзімді әскери қызметтің маңыздылығына тоқталып, оның әрбір азамат үшін үлкен өмір мектебі екенін атап өтті.<blockquote>– Мерзімді әскери қызмет әрбір азамат үшін жай ғана міндет емес, үлкен жауапкершілік пен өмірлік маңызды кезең. Әскер адамның мінезін қалыптастыратын, жігерін шыңдайтын, төзімділікке тәрбиелейтін ерекше орта. Көптеген жастар әскерден кейін өмірге деген көзқарасы өзгеріп, нақты мақсат қоя бастайды. Мен өз өмір жолымда осыны анық түсіндім. Еңбек жолымды қарапайым қызметтен бастап, біртіндеп тәжірибе жинақтадым. Әскери сала маған үлкен тәртіп пен жауапкершілікті үйретті. Әр кезеңде түрлі қиындықтар болды, бірақ сол қиындықтар мені шыңдап, бүгінгі деңгейге жеткізді. Егер адам өз ісіне адал болса, үздіксіз еңбек етсе, кез келген биікті бағындыруға болады. Бұл менің жеке тәжірибеммен дәлелденген шындық. Жастарға айтарым әскери қызметтен жалтармау керек. Әскерге барып, Отан алдындағы міндетті орындау - үлкен абырой. Әскерде алған тәжірибе сіздердің болашақтарыңызға оң әсер етеді. Сондықтан бұл кезеңді дұрыс пайдаланып, өздеріңізді дамытып, шыңдауға тырысыңыздар. Елге қызмет ету - ең жоғары мәртебе, ал сол жолдағы алғашқы қадамдардың бірі мерзімді әскери қызмет, – деді Ербол Серікұлы.</blockquote>Сондай-ақ спикер келісімшарт бойынша әскери қызметтің мүмкіндіктеріне де тоқталды. Оның айтуынша, мерзімді қызметтен кейін әскери салада қаламын деген жастар үшін барлық жағдай жасалған. Келісімшарт негізінде қызмет ететіндер тұрақты жалақыға, әлеуметтік кепілдіктерге, кәсіби өсуге мүмкіндік алады. Бұл өз болашағын әскери саламен байланыстыруды қалайтын жастар үшін үлкен мүмкіндік.Өз кезегінде 5547 әскери бөлімінің әскери қызметшісі Жандос Төлеген әскери қызметке келу жолымен бөлісті. Ол бала күнгі арманының орындалып, бүгінде елге қызмет етіп жүргенін мақтанышпен жеткізді.<blockquote>– Бала кезімнен әскери адам болуды армандадым. Әскери киім киіп, елге қызмет ету мен үшін әрқашан үлкен мақсат болды. Сол арман мені алға жетелеп, бүгінгі таңда Отан алдындағы борышымды абыроймен атқарып жүрген кәсіби әскери қызметші атануыма себеп болды.Мектеп қабырғасында жүрген кезімде-ақ тәртіпке, жауапкершілікке ерекше мән беретінмін. Әскерге шақырылған сәтте бұл мен үшін күтпеген жағдай емес, керісінше көптен күткен мүмкіндік болды. Мерзімді әскери қызмет барысында мен көптеген нәрсені үйрендім: шыдамдылықты, төзімділікті, кез келген жағдайда дұрыс шешім қабылдауды, ұжыммен бірлесе жұмыс істеуді. Әскер мені нағыз өмірге дайындады десем артық айтқандық емес.Уақыт өте келе мен әскери саланы тек уақытша кезең ретінде емес, өмірлік жолым ретінде таңдадым. Сондықтан келісімшарт &nbsp;бойынша әскери қызметте қалу туралы шешім қабылдадым. Бұл - мен үшін өте маңызды әрі саналы таңдау болды. Қазіргі таңда мен өз ісімді жақсы көремін, күн сайын өзімді дамытып, кәсіби тұрғыда шыңдалып келемін. Келісімшарт бойынша қызметтің артықшылықтары да аз емес. Бұл жерде тұрақты жалақы, әлеуметтік кепілдіктер, кәсіби өсу мүмкіндігі бар. Ең бастысы - сен өз еліңнің қауіпсіздігі үшін нақты үлес қосып жүргеніңді сезінесің. Бұл сезім кез келген марапаттан да жоғары.Әрине, әскери қызмет оңай емес. Қиындықтар да, сынақтар да болады. Бірақ дәл сол қиындықтар адамды шыңдайды, жігерін арттырады. Мен осы жолды таңдағаныма ешқашан өкінбеймін. Керісінше, бала күнгі арманымның орындалғанына мақтанамын,- деді Жандос Абайұлы.</blockquote>Спикерлер жастарды әскери қызметтен жалтармай, оны үлкен мүмкіндік ретінде қабылдауға шақырды. Олардың пікірінше, әскер тек міндет емес, ол өмірлік тәжірибе мен болашаққа берік негіз қалыптастыратын маңызды кезең.

7 мамыр – Отан қорғаушылар күні

<a href="https://kyzylorda-news.kz/">Kyzylorda-news.kz</a>&nbsp; Қызылордада Ұлттық ғылым академиясының көшпелі отырысы өтті. Онда Мемлекет басшысының Жолдауындағы тапсырмаларды іске асыру, атап айтқанда, экономиканың шикізаттық моделінен өнімді терең өңдеуді дамытуға көшу, су ресурстарын ұтымды пайдалану, экономика салаларын басқаруға цифрлық технологияларды енгізу, өңірлік ғылымның рөлін күшейту мәселелері талқыланды.Отырысқа облыс әкімнің бірінші орынбасары Данияр Жаналинов, облыс әкімінің орынбасары Ардақ Зебешов, Ұлттық ғылым академиясының президенті Ақылбек Күрішбаев, онлайн режимде Ғылым және жоғары білім министрі Саясат Нұрбек, академияның президиум мүшелері, жоғарғы оқу орындарының басшылары мен ғалымдары, жетекші зерттеу институттары мен ғылыми ұйымдар басшылары, бизнес қауымдастық өкілдері қатысты.Жиында «DeepBas» жобасының таныстырылымы өтіп, су ресурстарын басқару, агроөнеркәсіптік кешенді дамыту, экологиялық тұрақтылық, қайта өңдеу саласын ғылыми қамтамасыз ету және тау-кен өнеркәсібінде минералдық шикізатты кешенді қайта өңдеу туралы ұсыныс-пікірлер ортаға салынды.<blockquote>«Президентіміз ғылымды ел дамуының негізгі қозғаушы күші ретінде айқындап, ғылыми әлеуетті арттыруды стратегиялық басымдық деп атаған болатын.2026-2030 жылдарға арналған облыстың даму жоспарына жалпы өңірлік өнімдегі ғылыми-зерттеу жұмыстары шығындарының үлесі арнайы көрсеткіш ретінде енгізілді. Облыс әкімдігі жанынан ғылыми кеңес құрылып, кешенді жұмыс жоспары бекітілді.Кейінгі үш жылда ғылымды дамытуға 4 млрд. теңгеге жуық қаражат бағытталды. Былтырдың өзінде 1 млрд.300 млн. теңге бөлініп, 2020 жылмен салыстырғанда бес есе артты, 400-ден аса маман кәсіпорындарда ғылыми-зерттеумен, тәжірибелік жұмыстармен айналысады. Ы.Жақаев атындағы қазақ күріш шаруашылығы ғылыми-зерттеу институты 7 ғылыми жобаны жүзеге асыруда.Жиында айтылатын ұсыныстар мен көтерілетін бастамалар аймағымыздың әлеуметтік-экономикалық дамуына серпін береді деп сенемін. Ұлттық ғылым академиясы президиумы көшпелі отырысының жұмысына сәттілік тілеймін!», – деді Данияр Еренғалиұлы.</blockquote>Айта кету керек, көшпелі отырыс аясында кеше форсайт-сессия өтіп, академия мамандары жергілікті кәсіпорын өкілдеріне технологиялық олқылықтарды анықтау әдістерін үйретті. Ал бүгін облыс кәсіпорындарында кеңінен енгізуге дайын инновациялық әзірлемелер көрмесі ұйымдастырылды.Фото: Қызылорда облысы әкімінің баспасөз қызметі

Ұлттық ғылым академиясының көшпелі отырысы өтті

Құрметті отандастар!Баршаңызға Отан қорғаушы күні құтты болсын!Мемлекеттік әрі қоғамдық маңызы айрықша мерекеде жауынгерлеріміздің ерен ерлігі, мықты рухы мен қайтпас қайсарлығы кеңінен дәріптеледі.Бұл – Қазақстанның қауіпсіздігін, тұрақтылығы мен тыныштығын күндіз-түні қас қақпай күзеткен, сондай-ақ қазір Отан алдындағы борышын адал өтеп жатқан барша азаматқа құрмет көрсетілетін күн.Ел жауынгерлері мен командирлері батыр бабаларымыздың даңқты жолын жалғастырып, нағыз отаншылдық рухының жарқын үлгісін көрсетіп келеді.Сардарлар мен сарбаздардың, барлық күштік құрылым қызметкерлерінің бітімгерлік миссиялар, арнаулы оқу-жаттығу жиындары мен түрлі халықаралық сайыстар кезіндегі кәсіби шеберлігі, темірдей тәртібі мен жауынгерлік даярлығы – соның айқын дәлелі.Қуатты әскеріміз ең күрделі міндеттерді орындауға қашанда дайын екені сөзсіз. Сондықтан мемлекет еліміздің қорғаныс қабілетін күшейтуге және әскери қызметшілердің әлеуметтік жағдайын жақсартуға әрдайым баса мән береді.Жаңа Конституцияда «Қазақстан Республикасын қорғау – оның әр азаматының қасиетті парызы мен міндеті» деп жазылды.Осы аса маңызды тұжырым мемлекет пен халықтың тығыз байланысын, ел тағдырына әрбір отандасымыздың жауапты екенін аңғартады.Біз Отанға қалтқысыз қызмет ету қағидатын және Конституцияда айқындалған мызғымас құндылықтарды негізге ала отырып, сан ғасырлық тарихы бар мемлекеттілігіміздің тұғырын нығайта түсеміз, биік мақсат-мұратымызға жетіп, Әділетті, Күшті, Қауіпсіз Қазақстанды құрамыз. Мен бұған кәміл сенемін.Антына адал болып, табандылық танытып, мінсіз қызмет етіп жүрген Отан қорғаушыларымызға алғыс айтамын.Барша азаматтарымызға мықты денсаулық, амандық және табыс тілеймін!Армиямыздың айбыны, халқымыздың ынтымағы арта берсін!Қастерлі Тәуелсіздігіміздің тұғыры бекем болсын!t.me/aqorda_resmiФото: Ақорда

Мемлекет басшысы Қасым-Жомарт Тоқаевтың Отан қорғаушы күнімен құттықтауы

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының Өңірлік коммуникациялар қызметінде өткен баспасөз конференциясында өңірдегі су айдындарындағы қауіпсіздік шаралары, шомылу маусымына дайындық барысы және сүңгуір-құтқару қызметінің жұмысы жан-жақты баяндалды.Брифинг барысында облыстық Төтенше жағдайлар департаменті Жедел-құтқару жасағының басшысы Бақтияр Тұрманов салада атқарылып жатқан жұмыстар мен алдағы міндеттерге тоқталды.<blockquote>– &nbsp;Облыстық ТЖД Жедел-құтқару жасағында 75 қызметкер жұмыс істейді, оның 55-і - сүңгуір мамандар. Сүңгуір-құтқарушылар тәулік бойы үздіксіз қызмет атқарады және кез келген жағдайда жедел әрекет етуге дайын. Басты мақсатымыз су айдындарында қауіпсіздікті қамтамасыз ету және тұрғындар арасында алдын алу жұмыстарын күшейту. Осы бағытта түсіндіру шаралары тұрақты жүргізілуде. Шомылу маусымы кезінде белгіленген жағажайларда барлық қажетті жағдайлар жасалып, қауіпсіздік талаптары қатаң сақталады. Сонымен қатар, қауіпті аймақтарда ескерту белгілері орнатылып, мобильді бақылау бекеттері жұмыс істеуде. Құтқарушылар заманауи құрал-жабдықтармен қамтамасыз етіліп, кәсіби дайындықтарын үнемі жетілдіріп келеді. Бұл кез келген жағдайға жедел әрі тиімді әрекет етуге мүмкіндік береді, - деді Бақтияр Маханбетжанұлы. &nbsp;</blockquote>Спикердің айтуынша, биыл өңірде ресми түрде белгіленген 7 жағажай халық игілігіне қызмет етеді. Бұл орындарда демалушылар үшін қауіпсіз әрі қолайлы жағдайлар қарастырылған.

Қызылордада шомылу маусымына дайындық күшейтілді

<a href="https://kyzylorda-news.kz/">Kyzylorda-news.kz</a> Қызылорда қаласында облыс әкімінің орынбасары Б. Жахановтың төрағалығымен ерекше қауіпті шегіртке зиянкестері мен карантиндік объектілерге қарсы жүргізілетін фитосанитариялық іс-шараларды ұйымдастыру және химиялық өңдеу жұмыстарын атқаратын техникалардың дайындығына арналған облыстық &nbsp;семинар отырысы өтті.Жиын барысында 2026 жылға жоспарланған фитосанитариялық іс-шаралардың негізгі бағыттары мен дайындық деңгейі жан-жақты талқыланды. Атап айтқанда, биыл Азиялық шегірткеге қарсы – 33 350 гектар, италиялық прусқа қарсы – 31 830 гектар, саяқ шегірткеге қарсы – 55 540 гектар аумақта химиялық өңдеу жұмыстарын жүргізу жоспарланып отыр.Семинар отырысында зиянкестерге қарсы күрес шараларын тиімді ұйымдастыру үшін тартылатын техникалардың дайындығы да қаралды. Биылғы науқанда 6 арнайы жер агрегаты, 2 жеңіл ұшақ, 1 аса жеңіл ұшақ, 6 пилотсыз авиация құралы (дрон) және 1 аэрозольды генераторды пайдалану көзделуде.<img src="https://knadmin.beoblood.kz/uploads/Whats_App_Image_2026_05_06_at_17_58_20_5ed46e0267.jpeg" alt="Шегіртке зиянкестеріне қарсы жиын.jpeg">Күн тәртібіндегі мәселелер бойынша бірқатар сала басшылары баяндама жасады. Облыстық аумақтық инспекция басшысы М. Оразбаев ерекше қауіпті зиянды организмдер мен карантиндік объектілерге қарсы жүргізілетін фитосанитариялық іс-шаралар туралы мәлімет берді.Ал облыстық ауыл шаруашылығы және жер қатынастары басқармасының басшысы Т. Дүйсебаев зиянды организмдерге қарсы жүргізілетін жұмыстардың ұйымдастырылуы мен жоспарлары жөнінде баяндады.«Республикалық фитосанитарлық диагностика және болжамдар әдістемелік орталығы» мемлекеттік мекемесінің Қызылорда облыстық филиалының басшысы А.Айтбаев өңір аумағындағы зиянды және ерекше қауіпті организмдерге қатысты жүргізіліп жатқан зерттеу жұмыстарының барысына тоқталды.Сонымен қатар, фитосанитариялық іс-шараларды жүзеге асыратын мердігер мекемелердің техникалық дайындығы да кеңінен қаралды. Бұл бағытта «АВИАКОМПАНИЯ «ДЕЛЬТА-ЮГ» ЖШС өкілі А. Уалиханов, «Бағжан» ЖК және «Защита растений-К» мекемесінің облыс бойынша өкілі Т. Қалшораев, сондай-ақ «Фитосанитария» республикалық мемлекеттік кәсіпорнының Қызылорда облыстық филиалының директоры Ж. Дүзелбаева тиісті баяндамаларын ұсынды.Жиын қорытындысында алдағы фитосанитариялық науқанды сапалы әрі уақытылы жүргізу, техникалардың толық дайын болуын қамтамасыз ету және жауапты мекемелердің өзара үйлесімді жұмысын күшейту қажеттігі атап өтілді.<img src="https://knadmin.beoblood.kz/uploads/Whats_App_Image_2026_05_06_at_17_58_20_1_d4dac13c77.jpeg" alt="Шегіртке зиянкестеріне қарсы жиын.jpeg">

Шегіртке зиянкестеріне қарсы күрес жұмыстарының дайындық барысы қаралды

<a href="https://kyzylorda-news.kz/">Kyzylorda-news.kz</a> Ұлы Жібек жолының бойында қарқынды жүргізіліп жатқан жобалардың бірі – «Алаш Метан» ЖШС-нің метан газ құю бекеті.&nbsp;Арал ауданының әкімі Аманжол Сақыпұлы жұмыс сапары барысында мердігер мекеменің өкілдерімен нысан басында кездесіп, жұмыс барысымен танысты.Қазіргі уақытта метан газ құю қондырғылары орнатылып, қосымша ғимарат құрылысы жүргізілуде. Жобаның жалпы құны – 600 млн теңге. Іске қосылған кезде 10 адамды тұрақты жұмыспен қамту жоспарланған. Бекет тәулігіне 200 автокөлікке қызмет көрсетуге қауқарлы және осы жылы пайдалануға беріледі деп күтілуде.Айта кетейік, мұнан бөлек «Эко Энерджи Плюс» ЖШС-нің «Арал ауданында автомобиль газ толтыру компрессорлық станциясы бар көпфункционалды жол бойындағы кешен салу» жобасының бірінші кезеңі сәтті іске қосылып, бүгінде жолаушыларға сапалы қызмет көрсетуде.«Эко Энерджи Плюс» ЖШС жүзеге асырып жатқан көпфункционалды кешен тек газ құю қызметімен шектелмей, жүргізушілер мен жолаушыларға кешенді қызмет көрсетуді көздейді. Мұнда демалыс орындары, тамақтану нүктелері және техникалық қызмет көрсету аймақтары қарастырылған. Бұл өз кезегінде жол бойындағы мәдениетті сервистің дамуына серпін береді.Жалпы, аудан аумағында қолға алынған мұндай ірі жобалар өңірдің экономикалық әлеуетін арттырып, көлік-логистика саласының дамуына жаңа серпін бермек. Алдағы уақытта да инфрақұрылымды жетілдіру, инвестиция тарту және халықтың өмір сүру сапасын арттыру бағытындағы жұмыстар жүйелі түрде жалғасын табады.<img src="https://knadmin.beoblood.kz/uploads/Aral_gaz_yu_beketi_2_edf515e53c.jpg" alt="Арал газ құю бекеті 2.jpg">

Арал: Газ құю бекеті қарқынды қолға алынуда

<a href="https://kyzylorda-news.kz/">Kyzylorda-news.kz</a> Қазақстан Республикасы Ұлттық экономика министрлігі Табиғи монополияларды реттеу комитетінің Қызылорда облысы бойынша департаменті «Қазсушар» ШЖҚ РМК «Сыр суы» филиалының суды магистральдық құбыр жолдары және таратушы желілер арқылы беру, сарқынды суды бұру қызметтері бойынша бекітуге берілген тарифтерінің жобасын талқылау жиыны 2026 жылғы 12 мамыр сағат 16-00-де Қызылорда қаласы, Әли Мүслимұлы көшесі 10, Кәсіпкерлер палатасының конференция залы мекенжайында өтетінін хабарлайды.Жария тыңдауға депутаттар, жергілікті атқарушы және мемлекеттік органдардың өкілдері, бұқаралық ақпарат құралдары, үкіметтік емес ұйымдар, тәуелсіз сарапшылар мен тұтынушылар шақырылады.Сонымен қатар, барлық аудандардың тұрғындары мен өзге де мүдделі тұлғалар онлайн режимінде де Facebook әлеуметтік желісіндегі Департаменттің ресми парақшасында жария тыңдауға қатыса (https://www.facebook.com/share/1FeaGKChEW/?mibextid=wwXlfr&amp;wa_status_inline=true) алады.Әрбір тілек білдіруші онлайн режимде өз сұрақтарын қойып, оларға жауап ала алады. &nbsp;Қосымша сұрақтар бойынша мына телефондарға хабарласуға болады: 8 (7242) 26-23-67, 27-79-74.Фото: freepik.com

Кәріз жүйесі: Тарифтер жобасын бекітуге арналған жиын өтеді

<a href="https://kyzylorda-news.kz/">Kyzylorda-news.kz</a> Отан алдындағы қасиетті борышты өтеу – әрбір азаматтың парызы. Осындай жауапты сәттердің бірі ретінде бүгін ауданымыздың «Руханият» орталығында жас сарбаздарды әскер қатарына салтанатты түрде шығарып салу рәсімі өткізілді. Жиынға аудан әкімінің орынбасары Диас Молдабаев қатысты.<blockquote>«Отанға адал қызмет ету, тәртіп пен жауапкершілікті жоғары ұстау – басты міндет. Осы жолда Сіздер табандылық танытып, ерлік пен батылдықтың үлгісін көрсетеді деп сенеміз. Сондай-ақ ата-аналарыңыз бен жақындарыңыз сіздерді зор үмітпен, мақтанышпен шығарып салып отыр. Олардың сенімін ақтап, абыроймен оралатындарыңызға сенім білдіремін Сапарларыңыз сәтті, қызметтеріңіз абыройлы болсын»,-деп жылы лебізін білдірді.</blockquote>Сондай-ақ Қармақшы аудандық қорғаныс істері жөніндегі бөлімінің бастығы Жандос Бекмұрзаев, аудандық қоғамдық кеңес төрағасы Әбдірахман Құлдүйсенов, ауған соғысының ардагері Асқар Ерманов жас сарбаздарға сәттілік тілеп, ел тыныштығы мен қауіпсіздігін қорғау – үлкен жауапкершілік екенін атап өтті.&nbsp;Іс-шара барысында әскери қызметке аттанғалы отырған азаматтарға құрмет көрсетіліп, ата-аналарына «Алғыс хат» табыс етілді.Ардагерлер жас сарбаздарға батасын беріп, Отан алдындағы борышты абыроймен атқаруға сенім білдірді. Сондай-ақ салтанатты жиын патриоттық әндер мен концерттік бағдарламамен жалғасын тапты.

Қазақстан және Қызылорда облысының жаңалықтары: Қоғам