<a href="https://kyzylorda-news.kz/">Kyzylorda-news.kz</a> Облыс орталығынан 110 шақырым жерде, ал аудан орталығынан 70 шақырым қашықтықта орналасқан Іңкәрдария ауылдық округі Сырдариядағы шалғай елді мекендердің бірі.&nbsp;Жалпы жер көлемі 47086 гектар, оның ішінде ауыл шаруашылығы жер көлемі 27772 гектарды құраса, 8739 гектары жайылымдық, 873 гектары егістік, 23 гектары шабындық жерге арналған.Іңкәрдария ауылдық округі бойынша 160 отбасында&nbsp;806 халық тұрады. Оның ішінде: экономикалық белсенді халық саны 373 адамды құрайды.&nbsp;Ауылда бір орта мектеп, шағын орталық, фельдшерлік акушерлік бекет, ауылдық клуб үйі, кітапхана және&nbsp;Қазпошта, ветстанса &nbsp;бөлімшелері халыққа қызмет көрсетеді.Ауылда 2 тыл ардагері, 64 зейнеткер, 27 мүмкіндігі шектеулі азамат, 11 «Алтын алқа» және 12 «Күміс алқа» иегерлері бар.Өткен жылдың қорытындысына сәйкес аудандық&nbsp;"Мансап" орталығына жұмыссыздыққа тіркелген жұмыссыздар бойынша 44 адам тұрақты жұмысқа, 46 адам ақылы қоғамдық, 1 адам жастар тәжірбиесімен жұмыс жасаған. 9 отбасына атаулы әлеуметтік көмек тағайындалып, тиісті қаражаттарын алған. Елді мекенде орналасқан №191 орта мектебі 624 орынға арналған. Педагогтердің саны – 37.&nbsp;Олардың &nbsp;34-і жоғары білімді, 3-і арнаулы орта білімді. &nbsp;Бірқатар пәндер электронды оқулықтармен оқытылып, интернет іске қосылған. Мектепте 188 оқушы білім алуда.&nbsp;"Қарақасқа" елді мекенінен 8 оқушы тасымалданып, 4 &nbsp;оқушы үйден оқытылады. Мектеп жанынан ашылған «Еркетай» шағын орталығында 2 топта 40 бала тәрбиеленуде. Бөбекжай балабақшасында 1 әдіскер, 4 тәрбиеші жұмыс жасап, жұмыспен қамтылып отыр.Іңкәрдария ауылдық клуб үйінде 57 мәдени іс-шара өткізіліп, оған 7620 көрермен қамтылған. Клуб үйінде 5 үйірме жұмыс жасайды. Жыл бойына өнерпаздардың түрлі деңгейдегі байқауларға қатысу көрсеткіші бойынша 3 – Халықаралық, 6 – Республикалық, 5 – облыстық, 17 – аудандық байқауларға қатысты.Сырдария аудандық орталықтандырылған кітапханалар жүйесіне қарасты Іңкәрдария &nbsp;модельді ауылдық кітапханасында &nbsp;18559&nbsp;кітап қоры бар.&nbsp;кітапхана 149 жаңа әдебиетпен толықтырылған.Ауылдық фельдшерлік акушерлік бекетінде барлығы 8 адам&nbsp;ауыл халқына медициналық жәрдем көрсетеді.&nbsp;Өткен жылы &nbsp;2014 адам белсенді түрде қаралып ем алса, профилактикалық байқаудан өткен ересектер саны – 180 адам, балалар саны &nbsp;– &nbsp;259. &nbsp;18 сәби дүние есігін ашқан. Үйге шақырушылар саны – 278 адам. Диспансерлік есепте тұратын науқастарға&nbsp;тиісті медициналық көмектер көрсетіліп келеді.Ауылдық округ бойынша 2024 жылдың 1 қаңтарына ауыл тұрғындары есебінен (шаруа қожалықтарындағы малды қоса алғанда) МІҚ -1976 бас, қой- 253 бас, ешкі 327 бас, жылқы-1161 бас, түйе-180 бас, құс-340 бас бар. Төрт түлік малға ауылдық ветеринарлық пункт мамандары уақытылы емдеу, профилактикалық егу жұмыстарын жүйелі жүргізіп келеді.<blockquote>–&nbsp;Ауылдық округі бойынша 71 кәсіпкерлік субъектілері тіркелген. Оның жұмыс істеп тұрғаны – 68. Жеке кәсіпкерлер – 41, шаруа қожалықтары&nbsp;– &nbsp;26 және жауапкершілігі шектеулі серіктестігі – 3, АӨК-1. «Бастау-Бизнес» жобасы бойынша&nbsp;5 адам&nbsp;оқыды. 2021-2025 жылдарға арналған кәсіпкерлікті қолдаудың ұлттық жобасы аясында &nbsp;жаңа бизнес-идеяларды іске асыруға арналған мемлекеттік грант 1 380 000 теңге бойынша ауылдық округтен &nbsp;4 адам грант алып, жұмыс жасауда.</blockquote>«Іскер» бағдарламасы бойынша 5 кәсіпкер жылқы және МІҚ мал басын&nbsp;көбейту мақсатында 20,6 млн теңге несие алып, &nbsp;жұмыс жасауда.«Жастарға арналған төмендетілген 2,5 пайыздық несие бойынша 1 кәсіпкер МІҚ мал басын&nbsp;көбейту 2,6 млн теңге несие алып,&nbsp;жұмыс жасауда.Субсидиялау тетігі бойынша 1 кәсіпкер 4,6 млн теңге несие алып жұмыс жасауда.«Ауыл аманаты» бағдарламасы бойынша 1 АӨК ауылшаруашылық техникаларын алуға 22 млн теңге несие алып жұмыс жасауда.Абай Құнанбаев, Жамбыл көшелерін жөндеуге барлығы 66,3 млн. тенге қаржы бөлініп асфальтталынды.Ауыз су жинау құбырын (башня) жаңадан &nbsp;ауыстырылды. Жоба &nbsp;құны 5&nbsp;млн теңгені құрайды."Мүлкілан" әулие мазарын қалпына келтіру жұмыстары жүргізу жұмыстары жүргізілді. Жоба құны 22&nbsp;млн теңгені құрап отыр.Ауылдық &nbsp;фельдшерлік акушерлік бекетіне күрделі жөндеу &nbsp;жүргізілді. Жоба құны – 53 200 000 мың теңгені құрайды.Жоба құны 3,366,964 теңге болатын, көлемі 2 га тұрмыстық қатты қалдықтар полигоны салынды. Одан бөлек ауылішілік жолдардың ой шұқырлары жөнделіп, 3,080 мың теңге көлемінде қаражат жұмсалды, – дейді ауылдық округ әкімі Сәулет Есдәулетов.

Іңкәрдарияда екі көше жөндеуден өтті

<a href="https://kyzylorda-news.kz/">Kyzylorda-news.kz</a>&nbsp; Қазгидромет алты облыс тұрғындарына аптап ыстық болатынын ескертті, - деп хабарлайды <a href="https://kaz.tengrinews.kz/">Tengrinews.kz</a>.Синоптиктер 19 маусымдағы синоптикалық жағдай мен қауіпті ауа райы құбылыстарының болжамын ұсынды.<blockquote>"Қазақстан Республикасының солтүстігінде, орталығында және оңтүстік-батысында антициклон ықпалынан ауа райы жауын-шашынсыз болады, Қазақстан Республикасының қалған бөлігінде атмосфералық фронтал бөліктері сақталады, оңтүстік-шығыста найзағай ойнап, қатты жаңбыр жауады, оңтүстік-шығыста бұршақ жауады, жел күшейеді", - делінген хабарламада.</blockquote>Күндіз Батыс Қазақстан, Атырау, Ақтөбе, Қызылорда облыстарында, Қостанай облысының оңтүстігінде қатты ыстық күтіледі. Маңғыстау облысында, Атырау және Ақтөбе облыстарының оңтүстігінде аптап сақталады.

Синоптиктер алты облыс тұрғындарына аптап болатынын ескертті

<a href="https://kyzylorda-news.kz/">Kyzylorda-news.kz</a> «Атадан мал қалғанша, тал қалсын» дейді. Ағаш өсіруді бала тәрбиелегенмен пара-пар дегенді халық ертеден айтады. Ендеше, баланы туылғанынан өмірдің ызғарлы желіне төтеп беретін бекем, берік қылып өсіруді мақсат тұтатындай ағашты да табиғаттың алапат күшінен аман қалдырып, тамырын қаққан қазықтай мығым ету үшін күтімі күпті, бабы мықты болу керек.Шиелідегі Жастар ресурстық орталығының жасыл желекке айналуына қолы қалт етсе гүл егу, түрлі ағаш көшетін отырғызу, оны суарып, бабын жасаумен айналысатын, су саласының үздігі Әлияр Сейітов ақсақалдың орыны ерекше. Себебі, 2023 жылдың ақпан айының соңында Әлияр ақсақалды жастар орталығына арнайы шақырып, мекеменің айналасын қалай көгалдандырудың тәсілдерін үйретуіне қолқа салдық. Әлияр ақсақал ағаш егуді, оны күтіп баптаудың түрлі айла тәсілдерін үйретті. Жыл бойы мекемеге келіп, ағаштардың қалай өсіп тұрғанын бақылап, ақыл кеңесін айтып отырды.Бүгінгі таңда Шиелідегі Көкшоқы мөлтек ауданы, Ә.Палымбетов көшесінің бойында орналасқан Жастар орталығының ауласында 480 түп ағаш, 10-нан астам гүлдің түрі өсіп тұр.Бұдан біздің түйген ойымыз да біреу. Табиғат-Анаға көрсететін құрметімізді науқандық сипаттан арылтып, шынайы жанашырлықпен жұмылсақ игі болар ма еді? Себебі, Жер-Ана да қамқорлықты аңсайды.&nbsp;

Шиелі: Жасыл желекке айналған жастар орталығы

<a href="https://kyzylorda-news.kz/">Kyzylorda-news.kz.</a>&nbsp; Сырдария ауданы әкімдігі жанынан құрылған мобильді топ кезекті түсіндірме жұмыстарын жүргізген болатын. Түсіндірме жұмысы кезінде Сырдария ауданы бойынша дүкендер мен сауда орындарындағы әлеуметтік маңызы бар азық-түлік өнімдерінің бағасын тұрақтандыру мақсатында, мониторинг және өндіруші немесе көтерме бағаға қойылатын үстемақыларының 15 пайыздан асырмау қажеттігі жөнінде және үстемақы асқан жағдайда айыппұл салынатындығы жөнінде айтылды.Одан бөлек тағы қосымша ретінде &nbsp;Сырдария ауданы бойынша кірістер басқармасының маманы сатып алушы тауардың құнын төлеген соң, Салық кодексімен айқындалған тәртіпте бақылау-касса машинасының фискалды түбіртегін талап етуге құқылы екендігін және сатушы бақылау-касса машинасының фискалды түбіртегін беруге міндетті екендігі жөнінде түсіндіріп өтті.Тиісті сала мамандары баға тұрақтандыру бойынша жоспарға сәйкес бақылау жұмыстарын үнемі қадағалап, басты назарында ұстап келеді. Аталған жұмыстар бойынша алдағы уақытта да өз жалғасын тауып, азық-түлік қоры мен бағаларын қатаң бақылауда болып, тиісті мониторинг жұмыстары жүргізіліп отыратын болады. Қорытындылай келе, бүгінгі нарық заманында баға тұрақтылығы – басты назарда болуы тиіс.

Азық-түлік бағасы – тұрақты бақылауда

<a href="https://kyzylorda-news.kz/">Kyzylorda-news.kz</a> Музей - еліміздің ең ірі білім ордасының бет пернесі, имиджі, тарихи қоры және корпоративті мәдениетінің басты көрсеткіші. Осы бағытта өнерлі балаларды Социалистік Еңбек Ерлерінің еңбектерімен толықтай ақпараттандыру үшін жуырда Шиелінің тап іргесіндегі Байсын ауылдық мәдениет үйі жанындағы "Адал адам" мәдени-тәрбие орталығының "Креативті HUB" жобасы аясында мәдениет үйі жанындағы үйірме мүшелерімен Ыбырай Жақаев атындағы күріш өсіру тарихы музейінде «Ұлттық ойын халық мұрасы» атты танымдық сағаты ұйымдастырылды.Танымдық сағат екі кезең бойынша өткізілді. Бірінші кезең музеймен танысу болса, екінші кезеңде «Асық ату», «Шахмат» ойындарынан сайыс өтті.1-зал: «Сыр өңіріндегі күріштің даму тарихы», Күріш ерте заманнан келе жатқан ауыл шаруашылық дақылы. Шыққан жері дәл анықталмаған. Н.И.Вавиловтың және басқа да ғалымдардың пікірі бойынша бұдан мыңдаған жылдар бұрын Үндістанда күріш өсіру пайда болған. Закавказье, Орта Азия және Қазақстан территорияларында күріш өсіру б.э.бұрын ІІІ-І ғасырларда пайда болған. Бұл өңірде ертеден күріш өсіргендігін археологиялық қазбалардан, қазақтардың арғы тегі түріктердің жазба нұсқаларымен сөздік лексикаларындағы «Тұтырған» - күріш деген сөзі Махмұд Қашқаридің атақты сөздігінде жазылған.Қазан төңкерісіне дейін Орта Азия Қазақстанда күріш өсіру диқаншылығы біздің заманымызға дейін ІІІ-І ғасырларда дамыған. ХІХ ғасырдың аяғында Сыр бойында тұрақты күріш өсіру Шиеліде басталды, кейіннен облыс көлеміне тарады. Күріш Сыр өңірінде б.з.д ІІІ-І ғысырларда Сырдария өзенінің төменгі ағысындағы суармалы жерлер Қуандария, Іңкәрдария, Жаңадария өзендері бойында пайда болғандығы жайлы баяндалған.2-зал: «Ы.Жақаев және оның ұрпақтары», Ы.Жақаев қоғам қайраткері, халқының қалаулысы болғандығы және шет елдерде сапары, өмірінің соңына дейінгі еңбек жолдары, 1964 жылы облыс жастарына жазған Үндеу хаты, осы хат негізінде Жахаевшылар қозғалысының басталу кезеңі экспозицияланған.Ы.Жақаев атамыз Қарғалы деген елді мекенде кедей шаруа отбасында туылған. Қазан төңкерісінен кейін қазақ ауылын кеңестендіру, ауыл шаруашылығын ұжымдастыру ісіне белсене араласты. 1929 жылы «Қызылту» колхозына мүше болып кіріп, оның алғашқы басшыларының бірі болдығы көрсетілген.3-зал: «Ыбырай ізбасарлары және Тәуелсіздік» Ы.Жақаевтың облыс көлеміндегі ізбасарлары және аудан көлемінен шыққан еңбек майталмандарының еңбек жетістіктері, Жақаевшыл жастардың екпінді еңбегі экспозицияланған.Өнерлі балалар залдармен толық танысып болған соң, «Асық ату» және «Шахмат» ойындарын ойнады.Танымдық сағатқа соңында Байсын ауылдық мәдениет үйі жанындағы үйірме мүшелері дипломдармен марапатталды.

Шиеліде ұлттық ойын ұлықталды

<a href="https://kyzylorda-news.kz/">Kyzylorda-news.kz</a> Заңгер мамандығын таңдау қай уақытта да өзектілігін жойған емес. Әділімен жүр, турасын сөйле, біреудің ала жібін аттама деп үйрететін бұл салаға Қазалы қаласының тумасы Әсемкүл Бегімованың да таңдауы түсіпті. "Ықыласыңмен таңдау салған соң, еңбекте жақсы нәтижеге жетесің" дейді ол."Азаматтарға арналған үкімет" мемлекеттік корпорациясы коммерциялық емес акционерлік қоғамының Қызылорда облысы бойынша филиалының халыққа қызмет көрсету бойынша аудандық бөлімі жинақтау секторының жетекші маманы болып қызмет атқаратын оның саладағы тәжірибесі толысқан. Өзі осыдан он бес жыл бұрын, яки аудандағы халыққа қызмет көрсету орталығы ашылғанда жас маман ретінде қызметін бас таса, бүгінде ізінен жастарды еріте білген білікті маманның қатарында.Ә.Бозқұлқызы Әйтеке би кентінде 1983 жылы дүниеге келген. Орта білімді Арал ауданына қарасты Жақсықылыш ауылындағы No19 "Сольтрес" қазақ мектебінен бітіреді. Мұнан соң Алматыдағы Қазақ академиялық университетінен "Әділ сот және қылмыстық құқық" факультетіне оқуға түсіп, ойдағыдай тәмамдап шығады. Алланың қалауымен дәм-тұз бұйырып, 2003 жылы біздің ауданымызға келін болып түседі. Ермек атты жігітпен бас қосып, босаға аттайды. 2007 жылдары жаппай халыққа қызмет көрсету орталықтары ашылып жатқан кезде алғашқы қызметкерлердің бірі болып осы жұмысқа қабылданады.<blockquote>– Ол кезде маман болып еңбек еттім. Одан кейін кеңесші, заңгер болдым. Қазір жетекші маман болып қызмет атқарудамын. Ең әдепкі ашылғанда біз азаматтарды жеке куәлікпен қамтамасыз ету, мекен-жай адресіне, жылжымайтын мүліктерді, заңды тұлғаларды тіркеу мен шығару сынды құжаттармен айналыстық. Кейін келе халыққа қызмет көрсету аясы кеңейіп, оның қатарына көптеген мемлекеттік қызметтер қосылды. Қазір мүмкіндігіміз молайып 600-дей қызмет түрін көрсете аламыз. Жұмысқа қабылданған кезде құжаттардың заңға сәйкестігін, дұрыстығын қарап, жинақтаумен, тексерумен шұғылдандым. Ал бүгінде барлық мемлекеттік, уәкілеттік органдарға құжаттар жолдап отырамын, – дейді ол атқарып жүрген қызметімен таныстырып.</blockquote>Сала қызметкері жетекші маман қызметін 2017 жылдан бері абыроймен атқарып келеді. Әсемкүл ұжымда сыйлы әріптес, жастарға үлгі болар әпке болса, отбасында құрметті де көпбалалы ана. Жұбайы Ермек Әбілхановпен бірге бес бала тәрбиелеп өсіріп отыр. Ұлының алды Аңсар студент. Қорқыт ата атындағы Қызылорда университетінде "Химия-биология" пәнінің мұғалімі мамандығы бойынша білім алуда. Одан кейінгі балалар мектепте оқиды. Жәния 10 сыныптың, Айым 5 сыныптың, Әнуар 3 сыныптың оқушысы болса, кішкентай Әмина "Аққайың" балабақшасының тәрбиеленушісі, жасы 3-те.Кейіпкеріміздің отбасын дағы өнегесін де сөз ретінде айта кетейік. Әсіресе бала тәрбиесі мен тамақтануында жас аналарға оның өз айтар ақыл-кеңесі бар. Көпбалалы ана болған соң олардың алдымен білім деңгейіне назар аудару бірінші кезекке қойылған. Күнделікті ұл-қыздарының оқу үлгерімін қадағалау бұл жанұяда басты қағидаға есептелінеді. Денсаулықтың да қадірін жастайынан қалыптастырса, бек жөнді болмақ. Бізді ата-аналардың жанұяда балаларына дүкен сөресінде самсап тұратын кока-кола, пепси, спрайт сияқты газдалған сусындар мен чипсы-кириешки секілді қытырлақтарды тұтынуға мүлде шектегені қызықтырды. Оның орнын үйдің табиғи таза өнімдерімен толықтырған. Қолдың сүті, сары майы, ірімшігі дастарқанының сәні, балалардың сүйіп тұтынатын дәмі. Сондай-ақ отбасы саламатты өмір салтын ұстанады. Спортты жандарына серік еткен. Таңмен таласа жүгіріп, бой сергіту ұзақ күнге күш-қуат дейді олар. Бұдан біз табысты да мерейлі еңбектің түп-тамыры отбасында салтанат құрған тәртіп пен тәрбиеден іздесек, қателеспейді екенбіз. 2007 жылы Жосалы кентінде халыққа қызмет көрсету орталығының тұсауы кесіліп, ел игілігіне берілген болатын. Ондағы тұрғындардың білдірген ризашылықтары әлі күнге дейін ұмытыла қойған жоқ. Міне оған да сырғып 15 жыл өтіпті.<blockquote>– Қазіргі уақытта халыққа қызмет көрсету орталығы өз жұмысын көбіне-көп электронды түрде үкіметтің электронды порталы арқылы іске асырады. Электрондық құжаттар айналымын көрсету, халыққа аталған портал арқылы өзінің өтінішін тастау, онымен қалай жұмыс істеуге, цифрлық қолтаңбаны қалай алуға болатынын және басқасын үйретудеміз. Көпшілік білетіндей, бүгінде жалпы аудан тұрғындарының дені қағаз жүзіндегі емес, электронды түрдегі құжаттарға жүгінеді. 60-70 проценттейі деп сеніммен айта аламын. Адамдар үйінде отырып-ақ электронды цифрлық қолтаңбамен өтініш беріп, құжат тапсыра алады. Атап айтқанда, балалардың туу туралы куәлігін, жәрдемақыларын тағайындауларына жол ашық. Мекемеде "Өзіне қызмет көрсету" бұрышы орналасқан. Сол жерде орталыққа келушілерге порталмен қалай жұмыс істеу керек екенін тәптіштеп айтып, отырғызып қойып көрсетіп береміз. Қуанарлығы сол, азаматтардың ешқайда шықпай, өзіне қызмет көрсету динамикасы өңірде арта түскен. Биыл желтоқсанда орталықтың жұмыс істей бастағанына 15 жыл толып отыр. Осы аралықта мекеме өсу, даму сатысынан өтті. Шүкір жаман емеспіз. Ерлан Рахымұлы басқарып отырған ұжымымыз ауызбірлікті. Бір отбасының баласындай тату. Осыбір мерейлі мерекемізде әріптестерімнің еңбегіне толағай табыс, абырой тілеймін. "Халық деген Алланың бір аты" дейді қазағымыз. Сол айтқандай, халыққа аянбай қызметімізді жасай береміз, – дейді мерекелік лебізін білдірген Әсемкүл Бозқұлқызы.</blockquote>&nbsp;

Әсемкүл Бегімова: Тәжірибе істі ширатады

<a href="https://kyzylorda-news.kz/">Kyzylorda-news.kz.</a>&nbsp; Қазақ ССР-нің халық артисі, «Құрмет», «Парасат» ордендерінің иегері, театрымыздың артисі Торғын Жылқышықызы Тасыбекова өмірден өтті.Бойындағы нәзік лиризм, шынайы сахналық ойын, әуезді дауыс, әншілік әсем үн кескіндеген бейнелерін бірден ерекшелендіретін актриса- Мұхтар Әуезов атындағы Қазақ ұлттық драма театры сахнасында жүзден аса роль, сан тағдырлы әйелдер бейнесін сомдаған. Көп жылдар бойы Темірбек Жүргенов атындағы Ұлттық Өнер академиясында актер шеберлігі мамандығынан дәріс беріп, шәкірттер даярлаған.Өнерге арнаған жарты ғасырдан астан ғұмырында актрисаның Қазақ театр және кино өнерінде қалдырған ізі бөлек.&nbsp;

Актриса Торғын Тасыбекова өмірден өтті

<a href="https://kyzylorda-news.kz/">Kyzylorda-news.kz.</a>&nbsp; Қазақстандық танымал актриса әрі кинопродюсер Дариға Бадықова өзіне аса қымбат сыйлық жасады. Өнер иесі салоннан жаңа көлік сатып алды, деп жазады&nbsp;&nbsp;<a href="http://altyn-orda.kz/"> &nbsp;Altyn-orda.kz&nbsp; &nbsp;</a> &nbsp;Дариға Бадықова қуанышты жаңалығын Instagram-дағы парақшасында жария етті. Ол көлігін алып кетуге барған сәтінен видео жариялап, оқырмандарына көрсеткен. Актриса салоннан Cadillac Escalade маркалы көлік сатып алған. Ресми сайттағы бағасы — 89 млн теңге. «Мен тым қарапайым адаммын. Көп нәрсені ешкімге көрсетпеймін, айтпаймын. «Адал еңбектің ақысы» деген ниетпен шығардым. Шығарудың бір себебі – бүгін бір шешімге келдім. Тозғанша, бұйырғанша жүргіземін деген ниетім бар», — деп жазды Бадықова.&nbsp;<img src="https://knadmin.beoblood.kz/uploads/6c1b4b9e7941e24b_142a527ccd.webp" alt="6c1b4b9e7941e24b.webp">Сонымен қатар, Дариға Бадықова «көлікті біреу алып берді» деп жазып жатқандарға жауап берді. «Машинамды салып едім. Өзіңіз алмаған шығарсыз, біреу сыйлаған болар деп жазып жатқандар да бар. Бұл сыйлай салатын шоколадтағы құлпынай емес қой. Байдың әйелі емеспін. Ешкімнің тоқалы емеспін. Одан кейін мен біреуден қымбат сыйлық алып көрмеппін. Біреудің ақшасын пайдалана алмаймын. Тіпті көп жағдайда шотты өзім жабамын. Жалпы ешкімге масыл қыз емеспін, шүкір. Намысты қолдан бермей отырмыз», – деп жазды актриса.Фото: altyn-orda.kz

«Құны – 89 млн теңге»: Дариға Бадықова өзіне салоннан жаңа көлік алды

<a href="https://kyzylorda-news.kz/">Kyzylorda-news.kz.</a> Бүгін облыс әкімдігі жанындағы төтенше жағдайлардың алдын алу комиссиясы отырысында су айдындарында қауіпсіздікті қамтамасыз ету мәселелері қаралды.&nbsp;Судағы жазатайым оқиғаларды болдырмау үшін облыс аумағында 750 адамға арналған 4 коммуналдық жағажай ресми түрде бекітілді. Маусым айының соңына дейін 900 адамға арналған қосымша 3 жағажай ашылады. Сонымен қатар, демалыс орындарында 12 стационарлық және 6 модульдік бассейн жұмыс жасайды. Жазғы демалыс лагерьлерінде балаларға жүзуді үйрететін 7 стационарлық бассейн бар. Жергілікті атқарушы органдар, төтенше жағдайлар, полиция департаменттері мен волонтерлер бірлесіп, рейдттік шаралар кезінде 42 мыңнан астам тұрғынға (оның ішінде 16 мыңнан астам жасөспірімге) судағы қауіпсіздік ережелерін түсіндірді, үнпарақтар таратты. Профилактикалық шараларға 510 ерікті жұмылдырылды. Адам көп шоғырланған орындарда дауыс зорайтқыш және LED экран арқылы, сондай-ақ, әлеуметтік желілерде үгіт-насихат жұмыстары қарқын алды.«Kundelik.kz» сайтына ТЖ кезіндегі қауіпсіздік ережелері жазылған жадынамалар орналастырылған, онда 295 оқу орны мен 100 714 оқушы қамтылған. Тағы 38 509 оқушыға интерактивті және ашық сабақтар өткізілді. «WhatsApp» мессенджері арқылы ата-аналарға бейнероликтер мен жадынамалар жіберілді. Білім басқармасымен бірлесіп, қауіпсіздік тақырыбында семинарлар, брифингтер ұйымдастырылды, республикалық, облыстық телеарналарда, басылымдарда ақпараттық-насихаттық материалдар жарияланды. Су айдындарындағы қауіпсіздік шаралары қатаң бақылауда.&nbsp;Жиында қатты жел салдарынан шатыры зақымдалған әлеуметтік нысандардың жағдайы туралы да айтылды. Жыл сайын жергілікті бюджеттен қаржы бөліп, шатырды қалпына келтіргеннен гөрі алдын алу қажеттігі ескертілді.&nbsp; Күн тәртібіндегі мәселелер бойынша облыстық бақылау жөніндегі басқарма басшысының міндетін атқарушы Талант Ерманов баяндама жасады.&nbsp; Қызылорда қаласы және аудан әкімдеріне тиісті қызметтермен бірлесіп, 5 шілдеге дейін өз аумақтарындағы әлеуметтік сала нысандары шатырларының беріктігін тексеру тапсырылды. Бюджеттік бағдарлама әкімшілері күрделі жөндеу бойынша жоба-сметалық құжаттаманың сапалы әзірленуін, нысандардың шатыр конструкциясының сапалы орнатылуын міндетті түрде тексеруі тиіс.<img src="https://knadmin.beoblood.kz/uploads/417508959_766240072363906_8869490752075627961_n_f205a36388.jpg" alt="417508959_766240072363906_8869490752075627961_n.jpg"><img src="https://knadmin.beoblood.kz/uploads/417410418_766240085697238_1577048241004287863_n_197ba212c4.jpg" alt="417410418_766240085697238_1577048241004287863_n.jpg"><img src="https://knadmin.beoblood.kz/uploads/417444918_766240079030572_1930673202383747356_n_37a70bef87.jpg" alt="417444918_766240079030572_1930673202383747356_n.jpg"><img src="https://knadmin.beoblood.kz/uploads/417453584_766240012363912_135703164646390565_n_e4ccbd3653.jpg" alt="417453584_766240012363912_135703164646390565_n.jpg"><img src="https://knadmin.beoblood.kz/uploads/448509528_766240209030559_754025270391199501_n_95cbc8c358.jpg" alt="448509528_766240209030559_754025270391199501_n.jpg">Фото: Қызылорда облысы әкімінің баспасөз қызметі

Комиссия отырысында қауіпсіздік мәселелері қаралды

<a href="https://kyzylorda-news.kz/">Kyzylorda-news.kz</a> Қалыптасқан дәстүрі мен өзара құрметі бар мықты отбасының басты көрсеткіші әулет болып табылады. Ішкі істер органдарында екі, үш және одан да көп ұрпақ қызмет ететін отбасыларда патриотизм, құрмет, қызметтік борыш сияқты ұғымдар жай ғана сөз емес.Дәл осы династияда қызметке деген құрмет, борышқа деген адалдық, мамандықтың беделі бала кезінен басталады. Полиция туралы тек сериалдар мен кітаптар арқылы ғана емес, полицей мамандығының қаншалықты қиын және қауіпті екенін жақсы түсінеді.Мұндайда мысал Әзірбековтар отбасы бола алады.&nbsp;Әкесі Жорабек Әзірбеков ұзақ жылдар бойы ішкі істер органдарында әр түрлі қызмет атқарған және өз мамандығына адал болған, бүгінгі күні отставкадағы майор бола отырып, өз балаларына лайықты үлгі болып келеді.&nbsp;Бүгінгі күні ол еңбек сіңірген қызметкер, ІІО ардагері, сондай-ақ көптеген наградалар мен медальдардың иегері болып табылады.Қызы Шолпан әкенің ізін жалғап, полицей атанды. Қазіргі уақытта ол Қызылорда облысы ПД анықтау басқармасында қызмет атқарады.Шолпан қаладағы №136 орта мектепті үздік бітірген бойжеткен әке ізін жалғастыру мақсатында Қорқыт Ата атындағы Қызылорда мемлекеттік университетінің заңгер мамандығына оқуға түседі.Өзінің еңбекқор, ізденімпаз, тыңғылықты қасиетімен көптің көңілінен шыққан Шолпан мұнда да білімділігі мен біліктілігін көрсетеді. Оқуды ойдағыдай тәмамдаған ол 2003-2008 жылдар аралығында Қызылорда қалалық ішкі істер басқарамасының кәмелеттік жасқа толмаған бөлімінде инспектор, аға инспектор қызметтерін атқарады.Ал 2008 жылдан бүгінгі күнге дейін анықтау басқармасында абыроймен орындап келе жатқан оның осындай қиын да қатерлі жұмысты ер адамдарша алып жүруіне отбасындағы салмақты да салиқалы тәрбиесінің ықпалы зор десек, артық айтқандық болмас. Олай деуге себеп те жоқ емес. Марқұм анасы Айгүл мен әкесі Жорабектің балаларына үнемі ешкімнің ала жібін аттамауды, өтірік пен өсекке үйір болмауды, адам баласының көз жасына қалмауды үйретіп отыруы Шолпан қыздың өмірлік кредосына айналады.Қызмет пен отбасының берекесін қатар ұстап, шаңырағының ұйытқысы, адал жар, аяулы ана Шолпан қазіргі таңда екі қыз, бір ұл тәрбиелеп отыр. Жұмысында салмақты, ер адамдарша қайыспас нардай іс тындыратын біздің кейіпкеріміз, ошақ басында – мейірімді ана, аяулы әйел, құрбы-құрдасқа – барынша ашық та шынайы.«Жақсының жақсылығын айт, нұры тасысын» дегендей, Шолпанның қоғам үшін еткен еңбегі еленуде. Оған өзінің қызметіне деген адалдығы үшін ҚР ІІМ-нің "Құқық тәртібін қамтамасыз етуге қосқан үлесі үшін"&nbsp;үздік медалі және 2 дәрежелі «ІІО –ның үздігі» медалі табысталған. Ал оның алған алғыс хаттары да жетерлік. Әрине, оның барлығы да – Шолпан атқарған қызметке берілген баға.

Полиция қызметкерлері Әзірбековтер әулеті - борыш пен антқа адалдықтың үлгісі

<a href="https://kyzylorda-news.kz/">Kyzylorda-news.kz</a> Жұмбақтар — ежелден келе жатқан әрі қазіргі қоғамда тәрбиелік мәнін жоғалтпаған, халық мұрасының арнаулы бір саласы.&nbsp;Ол халық ауыз әдебиеті ішінде ұсақ жанрлар қатарына жатқанымен, ол халық ауыз әдебиетінің күрделі бір саласы. Жұмбақ – адамның ой-өрісін, алғырлығын, білімін сынау мақсатында нақты бір зат немесе құбылысты тұспалдап сипатталатын шағын әдеби жанр. Қай кезді алсақ та, жұмбақ өткір, ұшқыр сөз есебінде халық арасында бағалы болған. Жұмбақты халықтың өзге тапқырлық сөздері қатарында саяси құрал есебінде тап жауына қарсы қолданған орындар да аз емес.Көрнекті ағартушы А.Байтұрсынов: «Жұмбақ деген аты жұмудан шыққан, яғни қолдың ішінде бір нәрсені жасырып, жұмып тұрып таптырмайды. Ойды бүгіп, айтпай қойып, сол нәрселерге ұқсас нәрселерді сипаттай айтып, ұқсастығы бойынша таптырады. Жұмбақ зейінде ұстартуға пайдасы бар нәрсе» деген. Расымен де, адамның&nbsp;ойлау қабілетін дамытатын, танымын кеңейтетін тамаша үлгінің бірі&nbsp;– жұмбақ.&nbsp;Жұмбақтар жас ұрпақты тәрбиелеуде маңызды құрал болып табылады. Ол балалардың бойына өз халқының игілігін дарытып, ана тілінде ойлау және мәдениетті сөйлеуіне, ұлттық құндылықтарды тануға, сауатты жазуға барынша мол әсерін тигізеді.&nbsp;Жұмбақтар баланың тіл байлығын да дамытады. Өз қызығушылықтарына жол ашады, дүниені жаңа қырынан тани түседі. Халық ауыз шығармашылығына жататын жұмбақтар эпитетке, метафора мен афоризмға бай. Сондықтан да осындай жұмбақтарды қолдану балалардың сөздік қорын молайтады және&nbsp;логикалық ойын жетілдіреді.&nbsp;Өйткені балалар тек жұмбақты шешіп қана қоймай, оларды жасыруды да ұнатады. Бұл тек жұмбақтың жауабын ғана емес, сонымен қатар мәтіннің есте сақталуына әсер етеді.Жұмбақ - жас ұрпақтың ақыл-ойын дамытуға бағытталған асыл мұра. Жұмбақтардағы терең ой, терең мағынамен қатар ондағы көркемдік шеберлікті қиыннан қиыстырып келтіреді. Бір затты екінші бір заттың түр-түсіне балап, салыстыра айту, соған қиыстыра білу ұқсастығын тауып көрсете алу ойдың ұшқырлығы мен зеректігін танытады. Баланы да қызықтыратын осы жағы. «Ақ сандығым ашылды, ішінен жібек шашылды.» деп бұлт шыққан күннің көзін-ақ жібекке, бұлтты ақ сандыққа балап, соның толық мазмұнын аңғартатыны ғажап-ақ. Адам сүйсінерлік эстетикалық әсерлі сөздерді іздеп табатыны да шеберліктен туған.Балалар қызуғушылықпен оқитын және олардың тапқырлығын арттыруда жұмбақ ертегілердің үлесі өте зор.&nbsp;Бұл жерде ертегі кейіпкері қиын сәтте жұмбақтай сөйлеп, тұспалмен тілдеседі. Осылайша қиындықтан жол табады. Мұндай ертегілерге «Шал мен келін», Каракөз сұлу», «Аяз би» және Ж.Аймауытовтың «Көк өгіз» атты жұмбақ ертегілерін жатқыза аламыз.&nbsp;&nbsp;Мысалы,&nbsp;«Шал мен келін» ертегісінде Қайыр дейтін қарт жолға шығып, ұрыға тап болады. «Сендерге мал керек пе?» - дегенде, олар «мал керек» деген соң, екі ұрыны ауылына жұмсап: 60 ақ бас, 70 қара бас атаным бар, соны берсін, бірі кілтті, бірі кілтсіз сандығым бар, соның кілттісін берсін, есіктің алдына екі бәйтерек бар, біреуін жықсын, біреуін бүксін» дейді. Мұны келіні табады. 60 ақ бас атаны – 60 жастағы қария, 70 қара бас атаны – 70 жігіт, кілтті сандығы – ақылды келіні, кілтсіз сандығы – баласы, екі терегі – екі ұры, соның біреуін өлтіріп, бірін алып кел деген екен.Ал енді, «Аяз би» ертегісіне үңілейік. Бұл ертегіде Аяз бидің тапқырлығы, данышпандылығы айқын бейнеленген. Оқиға сюжеті бойынша&nbsp;бай қызы Меңдінің: «Өзімнен ақылы артық кісіге тиемін», - деген сөзін естіп келген жігіттердің бәріне пышақ, қайрақ, шыны, гауһар тас жібереді екен. Айттыра келген бай балалары: «Менің үйімде пышағым жоқ па, болмаса қазынамда гауһар тасым жоқ па, я тіпті, қайрақ таба алмай жүрмін бе?» - деп ашуланып қайтып кете береді. Меңді қыз Аязға да осы нәрселерді жеңгесінен беріп жібереді. Аяз: «Мұның құралын әкел!» - дейді. Қыз жеңгесінен балға мен төс береді. Аяз балға мен төсті алған соң, қайрақты төске қойып балғамен ортасынан бөледі, шыны табықты уатады, пышақты жетесінен сындырады, гауһар тасты қақ жарады да: «Мә, бикешке алып бар!» деп жеңгесінің қолына береді. Осымен жұмбақ шешіледі. Бірақ оның не екенін жұрт түсінбейді. Қыз жұмбағының шешімін ханға Аяз би былай баян етеді: -Қайрақтай болып езілгенше, шыны табақтай болып уатылғанша, пышақтай болып басы кесілгенше сыр айтпайтын кісі мына гауһар тастай жарып мені алады.Бұл ертегідегі тек бір ғана жұмбақ.&nbsp;«Аяз би» ертегісіндегі кейіпкерлер жұмбақты сөздермен түсінеседі. Мысалы,&nbsp;қырық уәзір шал мен ханның жұмбақтап сөйлескенін түсінбегеннен соң Аяз биге барып оны түсіндіруін сұрайды. Аяз бидің тапқырлығы соншалықты ол хан мен шалдың жұмбақтаған сөзін іс-әрекет арқылы түсіндіріп береді. Осының арқасында Аяз би өз халқы алдында қадірлі, әділ, данышпан, сыйлы болады. &nbsp;Осындай жұмбаққа толы ертегі-әңгімелер арқылы жас ұрпақты тапқырлыққа, ой-өрісінің жүйрік болуына тәрбиелей аламыз.&nbsp;Қазіргі кезде сабақ барысында жұмбақты шешу оқушылардың ой-өрісін,&nbsp;қиялын,&nbsp;логикалық ойлау қабілетін дамытатын, олардың&nbsp;бойындағы қасиеттерді ашатын&nbsp;ұтымды әдіс. Қазақ тілін үйретуде жұмбақтарды қолданудың маңызы зор. Жұмбақтарды шешу арқылы балалардың ойлау қабілеттері дамиды, сөздік қорлары молаяды, тілдері жаттығады. Бұдан басқа пәндерде де жұмбақтар, жұмбақты тапсырмалар қолданылса, оқушылардың ой-өрісі дамып,&nbsp;дүниені жаңа қырынан тани түсетіні&nbsp;анық. Бұл олардың&nbsp;осындай ұсақ жанрлармен жүргізілетін жұмыстардың барлығы да оқушыларды өз беттерімен ізденуге үйретіп, ақыл - ойы мен дүниетанымын кеңейтуге, тілін дамытуға, сондай-ақ,&nbsp;білімге деген ынтасын, қызығушылығын арттыруға және шығармашылықпен айналысуларына септігін тигізеді.Қорытындылай &nbsp;айтар &nbsp;болсақ, &nbsp;жұмбақ &nbsp;ұлттық &nbsp;фольклорымыздың &nbsp;қанаттанып &nbsp;дамыған, &nbsp;үлкен &nbsp;орны &nbsp;бар &nbsp;саласы. Ә.Табылдиевтың: «Жұмбақтардың дүниетанымдық ой дамытарлық мәнімен қатар, тәрбиелік мәні де ерекше. Өйткені жұмбақ айтысу, жұмбақ жаттау кезінде тәрбиеленуші өзінің білімін, дәрежесін байқап, көп білуге талпынады, ынта-жігері артады, жауапкершілікке бейімделіп, өнерге талпынушылығы артады» -деген пікірін негізге ала отырып, болашақ ұрпақ ой-өрісі кең, жылдам шешім қабылдай білетін, өз ойы мен сөзіне берік, мәдени санасы жоғары азаматтар болуы үшін жұмбақтың атқарар рөлі зор деп есептеймін.&nbsp;Батан Нұрай АсылханқызыМ.Мәметова атындағы Қызылорда&nbsp;педагогикалық жоғары колледжінің&nbsp;3-курс студентіФото: egemen.kz

Жұмбақтың ұрпақ тәрбиесіндегі рөлі

фото: baq.kz<a href="https://kyzylorda-news.kz/">Kyzylorda-news.kz.</a> Танымал журналист, сенатор Дана Нұржігіт екінші некесінің сәтсіз болғанын баяндап берді. Бұл туралы <a href="https://stan.kz/ekinshi-nekem-bayansiz-boldi-dana-nyrzhigit-tyrmistagi-401931/">Stan.kz</a> ақпарат агенттігі хабарлайды.&nbsp;Тележурналисттің айтуынша, психикалық қысымға ұшырап, жұмыстан кеткен кезі де болған.<blockquote>“Әйелдерге қарсы зорлық-зомбылық тақырыбы мені де айналып өтпеді. Жәбірленушінің орнында болып, сот залында тұрамын дегенді кім білген?! Қиындық кімде жоқ. Мен де мойымай, бастысы денсаулығым мен жұмысымнан айырмасын” деген едім. Алайда моральдық-психологиялық қысым алдымен денсаулығыма кері әсерін тигізді. Содан кейін ТВ-да жұмыс істей алмайтын жағдайға жеттім. Басшыға өзім барып, жұмыстан кететінімді айттым. Өйткені түске дейін тергеушінің алдында, түстен кейін тікелей эфирде жұмыс істеуге жарамай қалдым”, – деп жазды тележурналист.&nbsp;</blockquote>Айтуынша, екінші некедегі азаматтың үстінен арзы жазып, қылмыстық іс қозғалған.&nbsp;<blockquote>“Екінші некем баянсыз болып, тоғыспайтын жерден М.Ә. есімді азаматпен мәмілеге келіп, адамша екі жаққа кетудің орнына іс насырға шауып, жабық есік жағдайындағы сот процесіне жетті. Іс 10 айға созылып, тергеу процесінен өттім. Соңғы нүктесі 28 мамырда қойылды. Үкім 13 маусым күні күшіне енді. Істің мән-жайын ашпауға қолхат беріп, уәделестік. Сол үшін артық нәрсе жазбаймын. Иә, заңды түрде қорғануға мәжбүр болдым. Бір шешімге келерміз деп жүргенде істің арты осынша уақытты алады деп ойламаппын. Жұмыс пен үйдің, баламның берекесі қашты. Қаржылық шығын, жүйкенің тозуын айтпай-ақ қояйын. Бұл оқиға мен үшін үлкен сабақ болды. Әлімнің әкесіне дейін қолдап, “Сақ бол!” деп маған қорған болуға тырысты, жарықтық”, – дейді &nbsp;Дана Нұржігіт.&nbsp;</blockquote>

Қазақстан және Қызылорда облысының жаңалықтары: Қоғам