<a href="https://kyzylorda-news.kz/">Kyzylorda-news.kz</a>&nbsp; Елімізде енді тұтынушыдан қолма-қол ақша талап ететін кәсіпкерлер әкімшілік жауапкершілікке тартылады. Айыппұлдың көлемі 157 мың теңге болмақ. Бұл туралы <a href="https://stan.kz/">Stan.kz</a> ақпарат агенттігі <a href="https://www.youtube.com/watch?v=leWftzzoNgg">Информбюро</a> арнасына сілтеме жасап хабарлайды.&nbsp;Кірістер комитетінің мәліметінше, талапқа бағынбаған кәсіпкерлер жазаланады.&nbsp;Елімізде соңғы кездері дүкендерде төлемді QR немесе банк аударымы арқылы алуға қарсылық білдіретін жағдайлар жиілеген. Сатушылар түрлі сылтау айтып, табысын жасыруға тырысады екен. Мұндай жағдайда тұрғындар бірден кірістер департаментіне шағымдана алады.Сондай-ақ биылдан бастап қазақстандықтардың мобильді аударымдары бақылауға алынған еді. Енді бір айда 100 немесе одан көп тұлғадан мобильді аударым арқылы 255 мың теңге төлем жасалса тұрғындар кәсіпкер ретінде тіркелуге міндетті.&nbsp;<blockquote>“Сатушы өз тарапынан төлемді үш түрлі жолмен қабылдау керек. Бірінші қолма-қол ақша, екінші карта, үшінші кюар код арқылы қабылдауға міндетті. Егер сатып алушыға жоқ мен олай қабылдамаймын, қолма қол ақша ғана қабылдаймын деген сауал қойылса ол демек заңға қайшы келіп тұр”, –&nbsp;дейді заңтер Венера Нұрғалиқызы.&nbsp;</blockquote>Фото: Нұрболат Нұржаубай

Енді елімізде тұтынушыдан қолма-қол ақша талап ететіндер айыппұл төлейді

<a href="https://kyzylorda-news.kz/">Kyzylorda-news.kz</a>&nbsp; Алматыда танымал супермаркеттер желісі картоп сатуға шектеу енгізді. Ал қалалық кәсіпкерлік және инвестиция басқармасы мегаполисте картоп тапшылығы жоғын мәлімдеді. Бұл туралы <a href="https://stan.kz/">Stan.kz</a> ақпарат агенттігі хабарлайды.&nbsp;Басқарма мәліметінше, сауда орындарының қоймаларындағы қорлар жергілікті халықтың сұранысын өтеуге жеткілікті.Ресми мәлімет бойынша, форвардтық сатып алулар аясында Алматыдағы супермаркеттердің бірінде картоптың келісі 157 теңгеден&nbsp;сатылып жатыр.<blockquote>"Бұл&nbsp;қаладағы ең төмен баға. Осыған байланысты кей кәсіпкерлердің картопты&nbsp;жоғары бағамен қайта сату үшін жаппай сатып алу фактілері бар. Алыпсатарлық пен картоп бағасының негізсіз өсуіне жол бермеу үшін көтерме сатып алуға уақытша шектеулер енгізілді", –&nbsp;делінген хабарламада.&nbsp;</blockquote>Фото: Freepik

"5 келіден артық сатылмайды": Алматыда сауда нүктесінде картоп сатуға шектеу қойылды

<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясы Қызылорда облыстық филиалының төрағасы Есмаханов Алмасбек Әбілқасымұлы филиалдың қоғамдық қабылдау бөлмесінде азаматтардың өтініш-тілектерін тыңдады.Төрағаның жеке қабылдауына келген қала тұрғыны әлеуметтік жағынан әлсіз топ қатарына жататынын білдіре отырып, несие бойынша қарызын өтеуге ықпал етуді сұрады.Мәселемен жан-жақты танысқан Алмасбек Әбілқасымұлы тиісті орындарға хат жазу арқылы, заңнамаға сәйкес көмек көрсетілетінін түсіндірді.

«AMANAT»: Филиал төрағасы тұрғындар тілегін тыңдады

<a href="https://kyzylorda-news.kz/">Kyzylorda-news.kz</a> eGov порталындағы техникалық ақауларға қатысты еліміздің әуежайы ұшып шығатын жолаушылардың назарына &nbsp;үндеу жасады, деп хабарлайды <a href="https://baq.kz/qazaqstan-auezhaylary-zholaushylarga-undeu-zhasady-200006196/">BAQ.KZ.</a><blockquote>"Ұлттық ақпараттық технологиялар" АҚ мәліметінше, мемлекеттік органдардың серверлік орталығының инфрақұрылымындағы техникалық ақауларға байланысты eGov порталының бірқатар қызметтері мен eGov Mobile мобильді қосымшасы уақытша қолжетімсіз. Цифрлық құжаттардың уақытша жүктелмеуіне байланысты Қазақстан Республикасының әуежайларында жолаушыларға жеке басты куәландыратын құжаттың түпнұсқасын өздерімен бірге алып жүруді сұраймыз, - делінген ақпаратта.</blockquote>Фото: Нұрболат Нұржаубай

Қазақстан әуежайлары жолаушыларға үндеу жасады

<a href="https://kyzylorda-news.kz/">Kyzylorda-news.kz</a> Қазақстандықтар коммуналдық қызмет тарифі көтерілген жағдайда тұрғын үй көмегіне жүгіне алады. Төлемнің кімдерге тиесілі екенін Премьер-министрдің орынбасары Қанат Бозымбаев айтып берді, – деп хабарлайды <a href="https://kaz.inform.kz/news/kazakstanda-turgin-uy-tolemakisi-kmderge-berled-b1fae9/">ҚазАқпарат.</a><blockquote>- Коммуналдық қызмет тарифі жиынтық отбасылық кірістер шығынынан 5 немесе 10%-дан асқан жағдайда тұрғын үй көмегі төлемі тағайындалуы мүмкін. Бірақ, барлық қазақстандыққа бірдей төленбейді, - деді Қанат Бозымбаев Үкімет үйінде өткен баспасөз мәслихатында.</blockquote>Сондай-ақ БАҚ өкілдері вице-премьерге бюджет қаражаты барлық төлем алушыға жеткілікті ме деген нақтылау сауалын қойылды.<blockquote>- Әрине, біз белгілі бір санаттағы азаматтарды, яғни отбасыны қарастырамыз, қолдан келеді деп ойлаймын, - деп толықтырды Үкімет басшысының орынбасары.</blockquote>Бұған дейін Қанат Бозымбаев елімізде қуаты 7 300 мегаватт электр желісі салынатыны туралы мәлімдеген еді.Фото: Нұрболат Нұржаубай

Қазақстанда тұрғын үй төлемақысы кімдерге беріледі

<a href="https://kyzylorda-news.kz/">Kyzylorda-news.kz</a>&nbsp;Ұлттық экономика вице-министрі Арман Қасенов Қазақстандағы коммуналдық қызмет тарифтеріне қатысты сұраққа жауап берді. Бұл туралы <a href="https://stan.kz/">Stan.kz </a>ақпарат агенттігі хабарлайды.Вице-министр алдағы уақытта&nbsp;коммуналдық қызмет тарифтерінің өсетінін атап өтті.<blockquote>"Тарифтер&nbsp;минималды деңгейде өседі және өсім ақылға қонымды шектерде болады. Бұл бірнеше механизмнің арқасында қамтамасыз етіледі, оның негізгісі – инвестициялық бағдарламаның жүзеге асырылуы. Бағдарламаны қаржыландыру 20 жылға бөлінеді, яғни тарифтерге түсетін қысым барынша аз болады. Біз қажетті&nbsp;зерттеулерді жүргіздік. Бұл тек болжам емес, нақты талдау негізінде жасалған қорытынды. Қазір біз тарифтердің қанша пайызға өсетінін нақты білеміз және бұл өсім барынша аз болатынын сеніммен айта аламыз", – деді Арман Қасенов.</blockquote>Вице-министрдің сөзін вице-премьер Қанат Бозымбаев та&nbsp;қолдады.<blockquote>"2025 жылы энергетика және коммуналдық секторды жаңғырту жөніндегі Ұлттық жоба басталады. Жобаға байланысты тарифтердің өсуі мүлдем қарастырылмайды," – деді Бозымбаев.</blockquote>Фото: Нұрболат Нұржаубай

Қазақстанда коммуналдық қызмет тарифтері өседі

<a href="https://kyzylorda-news.kz/">Kyzylorda-news.kz</a> Президент Әкімшілігі Басшысының бірінші орынбасары Дархан Сатыбалдының төрағалығымен мәжіліс өтті. Күн тәртібінде Мемлекет басшысы тапсырмаларының орындалуы, оның ішінде «Таза Қазақстан» республикалық экологиялық бағдарламасының іске асуы және жылу маусымының өту барысы талқыланды.Облыста жылу беру маусымы штаттық режимде өтуде, 1067 әлеуметтік нысан мен 888 көпқабатты тұрғын үй жылумен толықтайқамтамасыз етілген. Жылу-электр орталығында отын қоры, авариялық қор жасақталған. Қазір кәсіпорында 5,3 мың тонна мазут пен 193 тонна дизель отыны бар.Барлық әлеуметтік нысанның отын қоры толық. Жылу беру маусымы қарсаңындабелгіленген, тұрғындар мен әлеуметтік нысандарға қажетті 162 мың тонна көмірдің138 мың тоннасы қоймаларға жеткізілген.«Таза Қазақстан» республикалық экологиялық бағдарламасы аясында санитарлық тазалық, абаттандыру және тұрғындардың өмір сүруіне қолайлы жағдай жасау мақсатында өңірлік жоспар бекітіліп, кешенді жұмыс жүргізілуде. Демеушілік есебінен және облыстық бюджеттен Қызылорда қаласындағы орталық алаң қайта жаңғыртылды, 28 ескі көпқабатты тұрғын үйдің қасбеті заманауи панельмен қапталды, 20 көпқабатты тұрғын үйдің аулалары абаттандырылды. Теміржол вокзалы ғимараты мен перроны күрделі жөндеуден өтті.Балалардың игілігі үшін 80 ойын және спорт алаңы, Жаңақорған ауданында демалыс паркі, Сырдария ауданы Нағи Ілиясов ауылында «Еңбекшілер аллеясы» пайдалануға берілді. Қармақшы ауданы Жаңажол ауылының орталық алаңы және Жалағаш ауданы Таң ауылының көшелеріабаттандырылып, жарықтандырылды.Облыстық бюджеттен бөлінген 800 млн. теңгеге 17 көпқабатты тұрғын үйдің аулалары, 200 млн. теңгеге 14 спорт және ойын алаңы салынып, 7 балалар ойын алаңы жөндеуден өткізілді. Демеушілер есебінен 63 көпқабатты тұрғын үй мен 2 әлеуметтік нысанның қасбеті заманауи үлгіде әрленуде.Аудандарда 320 млн. теңгеден астамқаржыға көшелер абаттандырылып, ойын алаңдары мен скверлер салынды.Өткен жылы аймағымызда мекеме ғимараттарының қасбеті, аулалардағы балалар ойын және спорт алаңдары, көшелердегі жарықтандыру мен аялдамаларды әрлеу, сырлау, безендіруге біркелкі дизайн код бекітілді. Барлық елді мекендегі мекеме ғимараттары, аулалар, ойын алаңдары, аялдамалар, жарық бағаналары бірыңғай архитектуралық талаптарға сәйкестендірілді.Өңірде жыл сайын «Үлгілі елді мекен» конкурсы өткізілуде. Соңғы екі жылда 1 млрд. 500 млн. теңге бөлініп, үздік атанған елді мекендерге 48 арнайы техника табысталды.Биыл осы бағытқа 564 млн. теңге бөлініп, 19 коммуналдық техника жеңімпаздарға табысталмақ. Өткен жылы коммуналдық салаға және абаттандыру мекемелеріне 106 арнайы техника сатып алынып, қазір ел игілігіне қызмет етуде.Фото: Қызылорда облысы әкімінің баспасөз қызметі

Жылу маусымы штаттық режимде өтуде

<a href="https://kyzylorda-news.kz/">Kyzylorda-news.kz</a>&nbsp; 2024 жылдың 27 желтоқсанында Мемлекет басшысы есірткінің заңсыз айналымына қарсы іс-қимыл мәселелері бойынша заңға қол қойған болатын. Осыған сәйкес 2025 жылдың 3 наурызынан бастап өзгерістер өз күшіне енеді. Ол қандай өзгерістер? Бұл туралы есірткі қылмысына қарсы іс-қимыл басқармасы бастығының орынбасары полиция подполковнигі Ардақ Дөненов айтып берді.<blockquote>- Біріншіден, есірткі бизнесін ұйымдастырушылар және есірткі таратушылар, оның ішінде «есірткі жасырушылар» үшін қылмыстық жауапкершілік бөлінген. Егер олар үшін Қылмыстық кодекстің 297-бабы бойынша бірыңғай жаза қолданылған болса, енді есірткі жасырушылар ҚК сол 297 бабы бойынша бірақ төмендетілген санкциялармен тартылатын болады. Бұған дейін қылмыстық жауапкершілік тек прекурсорлардың контрабандасы үшін көзделген. Аталған өзгерістер прекурсорлар мен күшті әсер ететін заттардың айналымына бақылауды күшейтуге мүмкіндік береді. 7 жылдан 12 жылға дейін бас бостандығынан айыруды құрайды, бұрын 10 жылдан 15 жылға дейін болған. Заң енгізілгеннен кейін заңның кері күші әрекет ете бастайды. Себебі жаңа нормалар олардың жағдайын жақсартады. Бұл санаттағы адамдардың шартты-мерзімінен бұрын босатуға, сондай-ақ жазаның өтелмеген бөлігін одан да жұмсақ түрімен ауыстыруға құқығы болады. Енгізілген өзгерістер қылмыстық жауапкершіліктің бұдан да әділетті жүйесін құруға, сондай-ақ қоғамды есірткінің заңсыз айналымы салдарынан қорғау бойынша шараларды күшейтуге мүмкіндік береді деп пайымдаймыз,- деді Ардақ Әбішұлы.</blockquote>Фото: Нұрболат Нұржаубай

Есірткіге қарсы іс-қимыл мәселелері бойынша өзгерістер орын алды

<a href="https://kyzylorda-news.kz/">Kyzylorda-news.kz</a> Кеше «112» құтқару пультіне мұз жарылып көлік батып бара жатқаны туралы хабарлама түскен.Оқиға орнына жедел жеткен құтқарушылар Айнакөл елді мекені тұсындағы көл бетіндегі мұз шытынап Шымкент қаласынан ғылыми зерттеуге келген геологтардың мұзға батып қалған көлігін шығарып берді. Өз кезегінде Қызылорда өңірін зерттеуге келген геолог мамандар құтқарушыларға риясыз алғысын білдірді.Осы орайда құтқарушылар, су бетіне қатқан мұз қалыңдығына көз жеткізбей көлікпен тәуекел етіп шықпауға кеңес береді.Фото: ТЖд

Суға батып бара жатқан геологтар құтқарылды

<a href="https://kyzylorda-news.kz/">Kyzylorda-news.kz</a> «Менің бұрынғы күйеуім қазіргі таңда жұмыссыз. Табысы жоқ. Ол заң бойынша да солай көрсетіп отыр. Өйткені оның есепшотына түсіп тұрған табыс көзі жоқ. Дегенмен ақысын күнделікті алатын жұмыс істеп жүр. Бірақ сонда да алимент төлемейді, балаларға былайғы уақытта да ақша бермейді» - деді Арайлым есімді бойжеткен. Бұл әңгімені жиі еститін болған соң ба, ерсі көрінбеді...Дәл қазір алимент өзекті мәселенің біріне айналды. Себебі табысын жасырып, ең төменгі жалақыны көрсетіп, аз алимент төлейтіндер қатары көбейген. Ащы болса да шындық, алимент төлемеу үшін тұрақты жұмысқа тұрғысы келмейтіндер де бар.114,9 млн қарыз берешек өндірілді<blockquote>&nbsp; &nbsp;Қызылорда облыстық прокуратурасының прокуроры Бек-Сұлтан&nbsp;Имантаев алимент төлемдерін өндіру жұмыстарына тоқталды.&nbsp;– Алимент бойынша өндірісте 22 213 балаға қатысты 15 195 атқарушылық құжат өндірісте болып, оның ішінде 2607 құжат өндірістен аяқталған (2110 орындаусыз кері қайтарылған, 497 қысқартылған, 226 толық орындалған), бүгінгі күнге 12 588 өндіріс қалдықта, берешек қарызы 374 млн теңгені құрап отыр.&nbsp; Прокурорлар жыл басынан 15 ұсыну енгізіп олардың нәтижесімен 310 борышкер әкімшілік, 49 жеке сот орындаушысы тәртіптік жауаптылыққа тартылып, алимент төлеуден жалтарған 33 борышкер ҚК-тің 139-бабымен қылмыстық іс тіркеліп, оның 18-і сотталып, 5-і борышкерге қатысты қылмыстық іс ақталмайтын негізбен тоқтатылған.&nbsp; Прокуратураның ықпалымен нақты алимент есебінен 114,9 млн қарыз берешек өндіріліп, «Бос орындар» жәрменкелері ұйымдастыру нәтижесімен 75 борышкер жұмысқа орналастырылған, – деді Бек-Сұлтан&nbsp;Имантаев.</blockquote>Әділет министрлігінің мәліметіне сүйенсек, алимент өндіру бойынша 292 мың іс өндірісте. Ата-аналық міндетін орындамай жүргендердің 97 пайызы – ер-азаматтар, 3 пайызға жуығы – безбүйрек ана. 7882 борышкерге ел аумағынан шығуға уақытша тыйым салынған.&nbsp;Тәртіпке бағынбағанға заң қатал&nbsp; &nbsp;Жақында әлеуметтік желіден&nbsp;«жеке шотында 500 миллион теңгесі бар қазақстандық баласына 30 мың теңге алимент төлеген" деген ақпаратты оқыдық. Бүгінде дәл осындай ақпарат жетерлік. Қазіргі таңда отбасын құрып, жараспай ажырасып кеткендер саны әжептәуір артты. Мұның зардабы арадағы балаға тиетіні анық. Өкініштісі, отбасынан, баласынан табыс көзін жасыратындардың артқаны. Ал алимент төлер кезде мұны заңды түрде дәлелдеп көрсетеді. Яки аз мөлшердегі айлық табысты көрсетіп, өзі қосымша жұмыспен басқа да табыс табады. Бала өмірге келген соң оның бар жауапкершілігі ата-анада. Ал барлық салмақ әке-шешеге түсетіні айдан анық. Ажырастым деп, баласын асырауда өз еркімен, қалауымен бас тартатын әкелер қатары көбейіп келе жатқаны алаңдатады.&nbsp;&nbsp;«Алимент төлеші, әке!» деген билборд көшедегі әр жерде ілулі тұр. Өз баласынан бас тартып, ажырасуға шешім қабылдаған әкеге бұл сөздің де билбортың да тигізер пайдасы қаншалықты? Бір баланың да екі баланың да күнделікті қажеттілігі, киім-кешегі болады, десе де көпбалалы отбасылар арасында ажырасқандардың да жағдайы мәз емес.<blockquote>&nbsp; – Мен тұрмысқа шыққан кезде барлығы жақсы болатын. Біз бақытты өмір сүрдік. Тіпті достарым, әріптестерім де барлығы да бізге қызығып та, қызғанып та қарады. 5 жыл бірге тұрдық. Бір ұл, бір қызымыз бар. Арамыз күн өткен сайын салқындай бастады. Бұрын барлығыңа ортақ шешім қабылдап, шешім шығара білетінбіз. Соңғы уақытта сырласу да, мұңдасуда қиынға соқты. Күнде ұрыс-жанжал көбейді. Бір-бірімізді түсінуден қалдық. Балаларды қатты жақсы көретін, күнде тәттісін әкеліп, жұмыстан келген соң ойнатып, көп уақыт бөлетін. Өткен күн тәтті естелігімен есте қалды. Дегенмен де мәселе ушығып, ұрыс жиілеп кеткен соң бір тоқтамға келіп, балалардың көзінше ұрыспай, ақылдасып ажырасуға шешім қабылдадық. Оған да екі жыл өтті. Бұрыннан табысы айтарлықтай көп емес еді. Ай сайын екі балаға 32 мың теңге алимент төлейді. Біз басқа қалаға көшіп кеткендіктен 3-4 айда бір келіп, ұл-қыздарымен уақыт өткізеді. Мен көріп тұруға, балалармен бірге болуға қарсылық танытпадым. Бірақ өзімен бірге Қызылордаға көп күнге алып кетуге қарсы болдым. Ұл-қызым өсіп келе жатыр, әкелерін қатты жақсы көреді. Шыны керек, балаларым әкесімен тұрғым келеді дейді ме деп қорқамын, – дейді пікір білдіруші Алтынкүл (есімі өзгертілген).</blockquote>Алимент жалақының өсуіне байланысты беріледіБалаға алимент төленбеген жағдайда ата-әжесі төлейді дегенді естідік. Бұл қаншалықты рас? Ата-әжесі алимент төлеуге міндетті ме? Осы сұрақтың жауабын іздеп көрдік. Бұл туралы жаңақорғандық адвокат, волонтер Дәулетбек Тұрабаев тоқталып өтіпті.&nbsp;<blockquote>– Көп жерде әкесі алимент төлей алмай жатқан кезде ата-анасы яки ата-әжесі зейнетақысынан төлеу керек пе деген сауал қойылып жатады. Жоқ. Атасымен-әжесіне алимент төлеу міндетті емес. Ешқандай заң зейнеткерді алимент төлеуге мәжбүрлей алмайды. Дегенмен де ата-әжесі өз еркімен&nbsp;«мен немереме ай сайын ақша аударып отырамын» десе, бұл өзінің еркімен, келісімімен жасалатын дүние.&nbsp;Сондай-ақ борышкер алимент төлеу үшін жалақыны аз көрсетеді. Бұл көп кездесетін жағдай. Әке баланың барлық жауапкершілігін өзіне алуы керек. Оның өсіп, өнуіне, білім алып, тұлға болып қалыптасуына, тәрбиесіне аса мән берген жөн. Ал егер ажырасып жатқан жағдайда әкелік жауапкершілікті толықтай өзіне алып, сезіну керек. Балаға тәрбисін, әкелік махаббатын бөлуі тиіс. Баланың қосымша үйірмесі, киім-кешегіне ақша жетпейді. Баланың еш кінәсі жоқ. Ол қосымша пәндерге қатысуы керек. Алимент жалақының өсуіне байланысты беріледі. Табыс көзі орташа жалақы 400 мың теңге болса, мәселен 3 балаға есептегенде 50 пайызын төлеу керек деген секілді талаптар бар. Борышкерден алимент төлеуге қолхат алынады, барлық жауапкершілік түсіндіріледі. Төлемеген жағдайда белігілі бір шара көріледі. Біріншіден, 3 айдың ішінде алимент төленбесе үй қамаққа алынады. Одан бөлек есепшоты бұғатталады. Үш айдан кейін көлік жүргізу құқығынан айырылады. Қазақстаннан ешқайда шыға алмайды. Сосын мәжбүрлі түрде жұмысқа орналастырады. Қарсылық білдірген жағдайда қылмыстық кодекстің 132 бап бойынша 2 жылға бас бостандығынан айыру жазасы қарастырылады. Құмар ойын жетегінде кеткендер аз емес. Ақшасын тігіп, ұтылып қалғандарды естіп жүрміз. Бұл да заң аясында тексеріледі. Борышкерді жан-жақтан тексеріп, бақылайды. Алимент төлемейтіндердің құмар ойынға тігетін ставкалары тексеріледі. Алимент төлемей жүргендердің жаңа кіріс көздерін анықтауда жаңа тәсілдер қолданады. Алимент бойынша қарызы бар адамдардың электрондық әмияндары, букмекерлік компаниялардағы шоттары, биржалық саудадағы бағалы қағаздары, криптовалюталық операциялары, дропшипинг, желілік маркетинг, такси қызметтерінен түсетін пайдасындағы кірістері тексеріледі, – деді адвокат Тілеухан Тұрабаев.</blockquote>Қызылорда облысының кәмелетке толмағандардың істері жөніндегі мамандандырылған ауданаралық соты берген мәліметте, алимент төлемегендер тарапынан қылмыстық жауапкершілікке 2024 жылдың 12 айында 18 адамға қатысты іс қаралған.&nbsp;PS. Ешкім ажырасамын деп үйленбейді. Алай­да әр отбасында болатын ыдыс-аяқ сылдыры бүгінде сол шаңырақтан сыртқа шығып, мемлекетішілік мәселеге айналды. «Алиментті алып тастаса, сот ба­ланы әкесімен қалдырса, әйелдер ажыра­са­мын демес еді» деген пікірді де жиі құлағымыз шалады. Алимент аясындағы жыр мұнымен бітпейді. Борышкердің жауапкершіліктен қа­шуының себебі тереңде жатқан секілді...&nbsp;Мөлдір САБЫРЖАНФото: Нұрболат Нұржаубай

Алимент төлеші, әке!

<a href="https://kyzylorda-news.kz/">Kyzylorda-news.kz</a> “AMANAT” партиясы Қызылорда қалалық &nbsp;филиалында «Үздік бастауыш партия ұйымы» байқауының қалалық кезеңінің комиссия отырысы өтті.Аталмыш сайыс биылғы жұмысшы мамандықтарына арналған жыл аясында ұйымдастырылуда.Байқау үздік БПҰ-ны анықтайтын 3 кезеңнен тұрады:І кезең – аумақтық партия филиалы деңгейінде өткізіледі;ІІ кезең – аймақтық партия филиалы деңгейінде;ІІІ кезең – партия Орталық аппараты деңгейінде өткізіледі.Байқауға БПҰ 3 санат бойынша қатысты:1-ші санат – құрамында 100-ге дейін партия мүшесі бар БПҰ;2-ші санат – құрамында 100-ден 500-ге дейінгі партия мүшесі бар БПҰ;3-ші санат – құрамында 500 және одан астам партия мүшесі бар БПҰ.Бағалау төмендегі 5 өлшемшарт бойынша жүргізілді:1) партиялық жобаларды іске асыруға қатысу;2) партияішілік жұмыс;3) партиялық жұмыста креативті әдістерді пайдалану;4) БПҰ қызметін бұқаралық ақпарат құралдарында жариялау;5) жастармен жұмыс.Комиссия мүшелері өтінім берген бастауыш партия ұйымдарының атқарылған жұмыстарымен танысып, кең көлемде талқылап, үздік шыққан ұйымның жұмысын аймақтық кезеңге жолдайды.<img src="https://knadmin.beoblood.kz/uploads/zdik_bastauysh_partiya_jymy_baj_auyny_komissiya_otyrysy_tti_1_c08f74a185.jpg" alt="«Үздік бастауыш партия ұйымы» байқауының комиссия отырысы өтті 1.jpg">

«Үздік бастауыш партия ұйымы» байқауының комиссия отырысы өтті

<a href="https://kyzylorda-news.kz/">Kyzylorda-news.kz</a> 3445 шақырым. Бұл облыс аумағында жергілікті маңызы бар автомобиль жолдарының жалпы ұзындығы.&nbsp;Оның 1024,5 км республикалық, 555 км облыстық, 1965,5 км аудандық маңызы бар автомобиль жолдары. 2024 жылы 95 жобаға 300 км аса құрайтын автомобиль жолдары мен көшелер және көпір өткелдері жөндеуден өткізіліп, нәтижесінде сапалы жолдардың үлесі 92 пайызды құрады.Қаланың күре жолы саналатын әуежайға кірме жолы мен Көшербаев, Қожа Ахмет Яссауи, Жаппасбай батыр көшелеріне кеңейту жұмыстары жүргізілді. Ал биылғы жоспар Тәуелсіздікке 25 жыл көшесін кеңейту жұмыстарын аяқтап, Әбілхайыр хан көшесінен Саламатов көшесіне дейін Сырдария бөгеті бойымен жол салу. Қала көшелерінің жай-күйін және атқарылатын өзге де жұмыстарды облыстық жолаушылар көлігі және автомобиль жолдары басқармасының басшысы Жәнібек Сыздықов баяндап берді.<blockquote>- Облыс тұрғындарының көкейінде жүрген мәселелердің бірі темір жол өткелдерін салу болатын. Аталған мәселені шешу мақсатында 2024 жылы Қызылорда қаласында жер асты және Арал мен Жаңақорған аудандарында аспалы темір жол өткелдерінің құрылысы басталды. Сонымен қатар, республикалық маңызы бар «Қызылорда-Жезқазған» күре жолы біраз жылдардан бері күрмеуі шешілмей келген, халықтың арасында біраз талқыға салынған мәселелердің бірі болды. Осы орайда аймақ басшысының тікелей қадағалауымен республикалық маңызы бар жолдың құрылысы қарқынды жүруде. Бүгінгі таңда «Қызылорда» автобус паркі» ЖШС-і қалалық бағытта 32 маршрутты қамтып отыр. Қызылорда қаласында «Экотакси» қызметін құру жобасы бойынша 100 дана электромобиль алынып, Қызылорда қаласының тұрғындары мен қонақтарына қызмет көрсетуде. Осы жылдың және бір жаңалығы мемлекет басшысының тапсырмасы бойынша Премьер-министр Олжас Бектеновтың қатысуымен Қызылорда қаласындағы «Қорқыт Ата» әуежайының жаңа жолаушылар терминалының ашылу салтанаты өтті. Аталған жаңа жолаушылар терминалы «Болат Өтемұратов қоры» жеке қорының демеушілігімен салынды. Темір жол көлігі саласы бойынша айта кетсем, 2024 жылы «Қызылорда-Семей» жолаушылар пойызының жаңа вагондарының тұсаукесер рәсімі өтті. Осы бағытта 44 вагон сатып алынды, - деді Жәнібек Шәкімбайұлы.</blockquote>Фото: Нұрболат Нұржаубай

Қазақстан және Қызылорда облысының жаңалықтары: Қоғам