<a href="https://kyzylorda-news.kz/">Kyzylorda-news.kz</a> <span style="background-color:rgb(255,255,255);color:rgb(34,34,34);font-family:Verdana, BlinkMacSystemFont, -apple-system, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">Елімізде табиғатты аялау, қоршаған ортаны қорғауға бағытталған «Таза Қазақстан» республикалық акциясы <span style="background-color:rgb(255,255,255);color:rgb(34,34,34);font-family:Verdana, BlinkMacSystemFont, -apple-system, &quot;Segoe UI&quot;, Roboto, Oxygen, Ubuntu, Cantarell, &quot;Open Sans&quot;, &quot;Helvetica Neue&quot;, sans-serif;">өтуде. Экологиялық науқанға 17 облыс пен 3 қаланың тұрғындары жаппай қатысып, туған жерін, тұрған аумағын таза ұстауға үлес қосуда.&nbsp;<figure class="media"><div data-oembed-url="https://www.youtube.com/watch?v=8Hy0eZyqVHM"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/8Hy0eZyqVHM" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

«Таза Қазақстан» экологиялық акциясына өз үлесіңді қос

<a href="https://kyzylorda-news.kz/">Kyzylorda-news.kz</a>&nbsp; Қазалы аудандық полиция бөлімі Жергілікті полиция қызметі бөлімшесімен тұрмыстық зорлық-зомбылықтың алдын алу мақсатында біршама жұмыстар атқарылды.Отбасы-тұрмыстық қатынастар саласында қылмыстық құқық бұзушылықтар және қылмыс орын алмаған. Бұл жөнінде Қазалы аудандық полиция бөлімі бастығының бірінші орынбасары полиция подполковнигі Ғани Құрманалиев мәлімдеді.Оның айтуынша, Қазалы аудандық полиция бөліміне ағымдағы жыл басынан отбасы тұрмыстық қатынастар аясында – 89 хабарлама тіркеліп, 78 хабарлама бойынша әкімшілік хаттама рәсімделіп, 89 азаматқа қатысты қорғау нұсқамасы (қазіргі таңда есепте тұрғаны – 16) шығарылған. Отбасы тұрмыстық қатынастар саласында орын алған әкімшілік құқық бұзушылықтар бойынша: Қазақстан Республикасы Әкімшілік құқық бұзушылық туралы кодексінің 73 бабымен (отбасы тұрмыстық қатынастар аясындағы құқыққа қарсы әрекеттер) – 32 дерек орын алған, 11 азаматқа – әкімшілік ескерту, 9 азаматқа – әкімшілік қамау, 1 әкімшілік айыппұл, 11 азамат жәбірленушімен татуласуына байланысты әкімшілік іс өндірістен тоқтатылды.Қазақстан Республикасы Әкімшілік құқық бұзушылық туралы кодексінің 73-1 бабының 1-1 бөлігімен (денсаулыққа қасақана жеңіл зиян келтіру) – 16 дерек орын алған, 4 азаматқа – әкімшілік ескерту, 11 татуласуына байланысты іс тоқтатылған.Қазақстан Республикасы Әкімшілік құқық бұзушылық туралы кодексінің 73-2 бабының 1-1 бөлігімен (ұрып-соғу) – 26 дерек орын алған, 5 азаматқа – әкімшілік ескерту, 4 азаматқа – әкімшілік қамау, 17 татуласуына байланысты іс тоқтатылған.Қазақстан Республикасы Әкімшілік құқық бұзушылық туралы кодексінің 461 бабымен (қорғау нұсқамасын бұзу) – 4 дерек орын алған. Аталған тұлғаларға әкімшілік қамау жазасы қолданылды.<blockquote>– Ағымдағы жыл басынан 7 азамат 2 рет отбасы тұрмыстық қатынастар аясында құқық бұзушылық жасағаны үшін, қайталанған «жасыл» санатқа енгізілді.</blockquote>Ағымдағы жыл басынан – 11 азаматқа (қазіргі &nbsp;таңда есепте тұрғаны – 8) қатысты «ерекше талап» орнатылды, оның ішінде: 1 азаматқа атыс қаруын, қаруды, пышақты сақтауға, алып жүруге және пайдалануға тыйым салынған. Ал, 8 азаматқа алкогольдік ішімдіктер ішуге; 2 азаматқа жәбірленушінің отбасының кәмелетке толмаған және (немесе) әрекетке қабілетсіз мүшелерін қоса алғанда, жәбірленушінің еркіне қарамастан, оны іздестіруге, оның ізіне түсуге, оған баруға, онымен ауызша, телефон арқылы сөйлесуге және өзге де, тәсілдермен байланыс жасауға тыйым салуды міндеттейтін тыйым салынған.«Қорғау нұсқамасы» санатымен профилактикалық есепке алынған – 89 тұлғаның сегізі бөлімнің «маскүнем» санатымен тізімдік есепте және аудандық наркологияның есебінде тұрады. Қазіргі таңда бөлімнің «маскүнем» санатымен 251 тұлға БДБ есебінде тұрады. Аудандық наркологиямен тізім теңестіріліп, ай сайын салыстыру актісі жасалып отыр, – дейді Қазалы аудандық полиция бөлімі бастығының бірінші орынбасары полиция подполковнигі Ғани Құрманалиев.Тұрмыстық зорлық-зомбылық орын алған отбасыларға қолдау көрсету мақсатында аудандық прокуратураның бастамасымен қорғау нұсқамасы тізіміне алынған – 45 жұмыссыз тұлғаларға қатысты аудандық жұмыспен қамту бөлімінің ұйымдастыруымен «бос жұмыс орындары жәрмеңкесі» өткізілді.Отбасында тұрмыстық қатынастар аясында орын алған жанжал негізінде жәбірленушілерге уақытша баспана ұсыну үшін құрылған Отбасын қолдау орталығына (мекен жайы Қ.Сансызбаев №2) жеткізілген азаматшалар туралы деректер тіркелмеген.Тұрмыстық зорлық-зомбылықтың алдын алу, болдырмау, отбасы құндылықтарын насихаттау мақсатында аудандық әйелдер кеңесінің төрайымы, Жастар ресурстық орталығы маманының қатысуымен Бірлік, Жанкент ауылдарында ауыл тұрғындарымен кездесу, №234 Ж.Жабаев атындағы мектепте, Жанқожа батыр, Ақтан батыр ауылының мектептерінде, Қазалы&nbsp;аграрлық техникалық колледжінде жиналыстар өткізілді.Кәмелетке толмағандардың арасында зорлық-зомбылықтың алдын алу болдырмау бойынша мектеп оқушыларына кездесу ұйымдастырылып, түсіндірме жұмыстары жүргізілді.<blockquote>– Ағымдағы жылдың 15-26 қаңтар аралығында «Тұрмыс» жедел-профилактикалық іс-шарасы ұйымдастырылып өткізілді. Іс-шара барысында әйелдерді зорлық-зомбылықтан қорғау тобы және учаскелік полиция инспекторларымен бірге, профилактикалық есепке алынған тұлғалар тұрғылықты мекен-жайы бойынша тексерілді.</blockquote>Отбасы тұрмыстық құқық бұзушылықтар жасап, есепке алынған тұлғалар учаскелік полиция және әйелдерді зорлық-зомбылықтан қорғау тобымен тұрақты бақылау жұмысы жүргізілуде, – дейді Қазалы аудандық полиция бөлімі бастығының бірінші орынбасары полиция подполковнигі Ғани Құрманалиев.Қазақстан Республикасы Ішкі істер министрлігінің 29.12.2015 жылғы №1097 бұйрығының талаптарын орындау мақсатында аудан көлемінде Қазалы аудандық полиция бөлімінінің ӘЗЗҚ тобымен зорлық-зомбылық проблемалары жөніндегі ақпараттық-ағарту жұмыстары үнемі ұйымдастырылып жүргізілуде. Жыл басынан бері отбасы тұрмыстық саласындағы қылмыстардың алдын-алу мақсатында әлеуметтік желілерде және газетте 43&nbsp;мақала жарияланды.Тұрмыстық зорлық-зомбылықтың алдын алу мақсатында білім беру ұйымдарында кездесулер өткізіліп, халық көп шоғырланатын жерлерде зорлық-зомбылықтың алдын алу алгоритмі көрсетілген ескертпе жадынамалар таратылды. Прокуратура және аудандық ардагерлер кеңесі және әйелдер кеңесі төрағаларының қатысуымен отбасылық жанжал шығарған құқық бұзушы және жәбірленушімен кездесу өткізіліп, 1 бейнеролик түсірілді.Халыққа психологиялық құқықтық көмек көрсету бойынша әйелдерді зорлық-зомбылықтан қорғау тобымен психологиялық кеңес берілді.Фото: zhasalash.kz

Зорлық-зомбылықтың алдын алу – басты мақсат

<a href="https://kyzylorda-news.kz/">Kyzylorda-news.kz</a>&nbsp; &nbsp; "Қызылорда облысы бойынша әйелдер күштерінің Альянсы" қоғамдық бірлестігі және облыстық Қазақстан халқы ассамблеясымен әріптестік меморандумның аясында жаңа жоба бастау алды.Жобаның атауы – «Жас көшбасшылар мектебі». Ал мақсаты – жастарды тұлға ретінде қалыптастыруға, олардың азаматтық белсенділігін арттыруға, қоғамда өз орнын табуға көмектесу. Сондай-ақ, эмоционалдық білімділікке, көпшілікпен тіл табысуға, стресстік жағдайларды басқаруға үйрету.Жоба өңірлік «Ассамблея жастары» ұйымымен бірлесіп іске асырылмақ.&nbsp;Достық үйінде жоба аясында алғашқы басқосу өтті. Басқосуда «Қызылорда облысы бойынша әйелдер күштерінің Альянсы» қоғамдық бірлестігінің төрағасы Рахима Ахметова бұл мектепте жастардың көшбасшылық қасиетін шыңдаумен қатар, бәсекеге қабілетті ұлт қалыптастыру жолында бағыт-бағдар берілетінін атап өтті.<blockquote>– Мектептің міндеті – әрбір жас тұлғаны қабілеті мен шығармашылық мүмкіндігін ашуға, өзін-өзі тәрбиелеуге мүмкіндік беру. Жастар түрлі саладағы адамдармен конструктивті қатынас орнатып, көшбасшылықтың нақты технологиясын меңгереді, – деді.</blockquote>«Қоғамдық келісім» КММ директоры Бақытжан Камалов жастардың әлеуметтік белсенділігін дамыту проблемасына тоқталып өтті. Ол жастарды азаматтық жауапкершілікке, біліктілік қабілеттерін, денсаулық сақтау ортасын, жан-жақты дамыған интеллектуалды құзыретті тұлға болып қалыптасу жолында жұмыс істеуге шақырды.Ал «Ассамблея жастары» ұйымының көшбасшысы Елена Пак жастар тарапынан гуманитарлық және әлеуметтік бағыттағы атқарылған жұмыстарға тоқталып, жаңа жобаның жұмысына сәттілік тіледі.Өз кезегінде жастар сұрақтар қойып, алдағы бірлескен іс-шараларды талқыға салды.Облыс әкімдігінде Қазақстан халқы ассамблеясының «Бірлік. Жасампаздық. Өрлеу» атты ХХХІІІ сессиясында берілген тапсырмаларды жүзеге асыру жайы талқыланған, алдағы мақсат-міндеттерді белгілеуге арналған облыстық ассамблеяның XXVІ сессиясы өткен болатын.&nbsp;Аймақ басшысы өз баяндамасында Қазақстан халқы ассамблеясы XXХІІІ сессиясының тапсырмаларынан туындайтын міндеттер туралы айтты.<blockquote>- Мемлекет басшысы Қасым-Жомарт Кемелұлы XXХІІІ сессияда «Мемлекеттік саясаттың басты өзегі және жалпыұлттық бірегейлікті нығайтатын негізгі фактор – бірлік» деп атап өтті. Бүгінде елімізде 100-ден астам, Сыр өңірінде 30-дан астам этнос өкілдері бір шаңырақ астында тату-тәтті өмір сүреді. Олар мемлекетіміздің өсіп-өркендеуіне зор үлес қосуда. Қазіргі кезде ассамблея институты қоғамның барлық салаларында белсенді жұмыс атқарады. Мәселен, отбасын сақтау, мәдениетаралық байланысты нығайту, рухани-адамгершілік құндылықтарға тәрбиелеу, жастар арасында құқықбұзушылықтың алдын алу бағытында ассамблея жанындағы ақсақалдар, аналар кеңестерінің рөлін ерекше атап өтуге болады. Облысымыздағы 11 этномәдени бірлестік пен ассамблея жанындағы қоғамдық құрылымдар жалпыға ортақ құндылықтарды, бірегейлікті, «Адал адам – Адал еңбек – Адал табыс» қағидаттарын кеңінен насихаттауда. Аймақта «Сыр өңірі – бейбітшілік пен келісім мекені» жобасы жүзеге асуда. Оның аясында ассамблея жанындағы ақсақалдар, аналар, медиация кеңестері, ғалымдар, белсенді жастар елді мекендерде кездесулер мен кеңес берулер ұйымдастыруда, – деді Нұрлыбек Машбекұлы.</blockquote>Облыстық ассамблеяның қолға алған қарқынды жобалары мұнымен тоқтап қалмақ емес. Өткен жылдарға шолу жасап өтек. Облыстық Қазақстан халқы ассамблеясының ХХІV сессиясында берілген бірқатар нақты тапсырмалар жүзеге асырылып, толымды нәтижелерге қол жетті. Қызылордада «Анаға тағзым» орталығының ғимараты бой көтеріп, «Халық достығы» аллеясы салынды.Сол жағалаудағы «Рухани жаңғыру» орталығы Үкіметтік емес ұйымдар үйі болып ашылды. «Достық үйінің» базасында Қазақстанның саяси реформаларының іске асырылу барысын түсіндіру мақсатында сарапшылар даярлау жөніндегі әдістемелік орталық құрылды. Сарапшы топ мамандары екі әдістемелік құрал әзірледі. Этномедиация бағытын дамытуға арналған жобалар жүзеге асырылып, кәсіби және қоғамдық негіздегі медиаторлар арнайы курстардан өтті.Сыр өңіріндегі аналар кеңесінің «Мәдениетті ана – мәдениетті ұлт» жобасы үздік деп танылып, өзге өңірлерге тәжірибе ретінде таратылды. Журналистер мен сарапшылар клубының мүшесі, «Хабар 24» телеарнасының меншікті тілшісі Нұрлан Жақыпбеков республикалық «Шаңырақ» байқауында этножурналистика саласының үздігі атанды. Облыстық ассамблея жастары әлемдік тренд «Ел бірлігі. Tik-tok Хаус» республикалық жобасында 1 орынды иеленді.Этномәдени бірлестіктердің атаулы мерекелері де назардан тыс қалмады. Осы уақыт ішінде «Славяне» этномәдени бірлестігінің 25 жылдығы, татар этномәдени бірлестігінің 30 жылдығы, «Алекс» би өнері мектебінің 25 жылдығы, республикалық «Корё ильбо» газетінің 100 жылдығы аталып өтті. Облыстық ассамблея жанынан ақсақалдар кеңесі құрылды. «Өз еліңді таны!» жобасы аясында олар тарихи қалалар мен киелі орындарға саяхаттауда.&nbsp;Қорлан САРЫ

«Жас көшбасшылар мектебі» жобасы іске асырылмақ

Фото: freepik.com<a href="https://kyzylorda-news.kz/">Kyzylorda-news.kz</a>&nbsp; Ауа-райының күрт ысуына байланысты электр желілеріне және қосалқы станцияларға жүктеме екі есе артуда. Соның салдарынан электр қуатына күш түсіп жатыр.&nbsp;<blockquote>Электр қуатының жетіспеушілігінен кернеу төмендеу салдарынан тұрғындардан арыз-шағымдар толастар емес. &nbsp;«Қызылорда электр тарату тораптары компаниясы» АҚ кернеуді көтеру мақсатында барлық шараларды жүргізіп жатыр. Осыған орай тұрғындардан электр қондырғыларын үнемді &nbsp;пайдалану үшін артық қосылып тұрған қондырғыларды, желдеткіштерді уақытылы ажыратуға шақырамыз», - делінген «Қызылорда электр тарату тораптары компаниясы» АҚ мекемесінің таратқан хабарламасында.&nbsp;</blockquote>

Ыстықта электр қуатына қатысты келеңсіздік орын алып жатыр 

<a href="https://kyzylorda-news.kz/">Kyzylorda-news.kz</a> Әне-міне дегенше берекелі, мерекелі күз мезгілінің келуіне екі ай қалды. Бұл ала жаздай арқасын күн жеп, бел жазбай бейнет қылатын диқаншы қауымның тоқшылыққа кенелер күні. Иә, дәл осындай межелі мерзімде өсірген өнімді шашпай-төкпей қамбаға құйып, оны ысырапсыз толық мақсат тұтқан диқандардың серпінді тірлігі бізге таңсық емес Д.Жұмбеков төрағалық жасайтын «Ақмая» шаруа қожалығының №3 өндірістік бригадасындағы дала еңбеккерлері өткен жылы сарғайған сары алтынның дәнін жерде қалдырмай, уақытылы қамбаға жинап алды.&nbsp;Шиелідегі Ақмая ауылы бұрыннан күрішімен танымал. Мұқым елге белгілі, тәуелсіздік жылдары осы ауылдағы шаруашылық қана талан-таражға түспей, қабырғасы сөгілмей, өзінің біртұтастығын сақтап қалған. Енді міне, арада сан жылдар өтсе де, ауылдың адуынды өмірі тоқтаусыз тың серпінмен жалғасуда. Шиелі ауданының оңтүстік шығыс бетінде орналасып, ауыл мен аудан тұрғындарының әлеуетін арттыруда үлкен үлес қосып келе жатқан шаруашылық қызметкерлері мен жұмысшылары ұжымдық еңбектің үлгісін көрсетіп келеді. &nbsp;Ерлан Сұлтанов – ауылдағы аталған шаруашылықта еңбек жолын 2009 жылы есепші болып бастайды. 2013 жылдан бері №3 бригаданың басшысы қызметін атқаруда. Иә, «Баптай білгенге жер жомарт» деген. 2021 жылы бұл бригада 587 гектар алқапқа негізгі дақыл күріштің тек «Лидер» сұрпын егіп, &nbsp;250-300 гектар жерге ескі жоңышқа орналастырылған. &nbsp;Мәселен, «Лидер» 120-125 күннен кейін ораққа ілінсе, «Янтарды» 110 күннен кейін жинай беруге әбден болады. Ал салмақ жағына келгенде бәрібір «Лидердің» маңызы жоғары. Бұл бригаданың биыл тек күріштің осы сұрпын егуі де сондықтан.&nbsp;– Қай жұмыстың да өзіне тән қиындығы, талабы, жауапкершілігі болады. Соның ішінде мен диқан қауымының еңбегін жоғары бағалаймын. Өйткені, олар ерте көктемнен қара күзге дейін егіс басында жүреді. Жаз бойы уақытын аптап ыстықтың астында, аңызақ желдің өтінде, атыз басында өткізу оңай емес. Бірақ, оны осы жұмыстың бейнетін көріп жүрген адам болмаса, былайғы жұрт түсініп, сезіне бермейді. Диқан жердің тынысын сезіп, барлық жағдайын жасау керек. Сонда ғана жер жомарттық танытып, мол өнімге қол жеткізеді, еңбегінің жемісін жейді. Ол үшін жұмысты тиянақты үйлестіріп, оңтайлы ұйымдастыра білу керек, – дейді Ерлан Сұлтанов.Иә, осы сөзінен-ақ Ерланның «Еңбек еткен адам ғана нан жейді, абыройға кенеледі» деген қағиданы ұстанатын азамат екенін аңғарамыз.Қыс бойы дайындалып, әбден құнарландырылған жерге егілген өнім де мол өнім беріп, шаруалардың шаттығын еселеген. Атап айтар болсақ, әр гектардан 50-60 центнер өнім жинаған диқандар мол астықты қамбаға құйылады. Бұл – жұмысшылардың маңдай тері мен адал еңбегінің нәтижесі. Сондай-ақ, қазіргі заман – техника мен технологияның дәуірі. Шаруашылық жыл сайын жаңа техникалармен толығып келеді. Осы ретте, «Ақмая» шаруа қожалығының үшінші бригадасына биыл бір «МТЗ-80», бір қуатты шетелдік техника, жер жыртатын соқамен толықтырылған. Жаңаның аты жаңа, техника шаруалардың қол еңбегін азайтып, жұмысты жылдам жүргізуге ықпал еткен.Бригадада бүгінде 13 күрішші бар. Ерлан Сұлтанов бірнеше жылдан бері аталған бригадаға басшылық етіп келеді. Бригадирдің батылдығы мен іскерлігінің арқасында ақ күріштен тау тұрғызған шаруашылық жыл сайын абырой биігінен көрініп, өнім мен табыс көлемін арттыруда. Тәжірибелі маман өз әкесінің жолын қуып, осы салаға бет бұрған.– Бұл – ортақ абырой, ортақ еңбек. Барлық қызметкер шаруашылықты алға жылжытуға өз үлестерін қосып келеді. Шаруашылықта он күрішші бар. Олардың ішінде, Қуанышбек Асқаров, Зинабдин Есмұратов, Алтынбек Қыдырбаев, Нұрбол Байжановтардың есімін ерекше атап айтсақ болады. Қуанышбек – ең тәжірибелі күрішші. Ол жиырма бес жылдан бері күріш егіп келеді. &nbsp;Мәселен, 2021 жылы 75 гектар күріш егіп, әр гектардан 60 центнер өнім алды. Зинабдин болса, ұзақ жылдан бері осы салада еңбек етіп, майын ішкен маман. Соңынан ерген жастарға да үлгі-өнеге болып жүр. Ол осыдан үш жыл 100 гектардың әр гектарынан 54 центнер өнім алып, алдыңғы қатардан көрінді. Ал, Нұрбол Байжановтың еңбек майданында жүргеніне 32 жыл. Ол да 85 гектарға күріш егіп, 55 центнерден өнім алды. Алтынбек Қыдырбаев қиындығы мен күрмеуі мол саланың нағыз маманына айналып үлгірді. Алтынбек те 72 гектарға күріш егіп, 56 &nbsp;центнер өнім алды, – дейді өндіріс бригадирі Е.Сұлтанов.Күрішті егіп, одан кейін бітік шыққан егінді ору науқаны басталады. Шетелдік «MacDon» техникасымен 2021 жылы Төрехан Әлтаев 1000 гектар жерді орса, ал &nbsp;Бақытжан Сандыбаев 600 гектар жердің бәрін орып шыққан. &nbsp;Бұл жерде тасымалдаушылардың еңбегі орасан зор. &nbsp;Атап айтар болсақ, Талғат Төлегенов, Қыдырбай Жұмбеков, Мұхтар Жұмбековтердің арқасында қамбаға 7500 тонна астық тасыған кездері болған-ды. Науқанда еңбектің үлкен үлесін орындаған шаруашылық инженері Болат Орынбаев, &nbsp;су маманы Серік Дәріпбаев, дәнекерлеуші Сейілбай Сенбеков, шаруашылық механигі Құрманай Рахимов пен Серік Кемеловтердің еңбегі ерекше.&nbsp;&nbsp;Еңбек майданының ортасында жүрген диқандар «Еңбек адамды қашан да бақытқа бөлейді» деген сөз бекер еместігін ұғындырғандай. Адал еңбектің арқасында әр адам өз бақытын табады. Өзіне ғана тиесілі, өзіне ғана лайық жолмен жүріп, тірлік жасайды. Илеуіне дән тасыған құмырсқадай қыж-быж қайнаған тіршілікте даналықтың, даралықтың негізін қарапайым ғана адамдық парасаттан іздеп, өзі мұрат еткен ісін абыроймен атқарып келе жатқан ұжымның ауызбіршілігі осылай ыдырамасын деп тіледік.

Ерлан Сұлтанов: Диқан жердің тынысын сезіп, барлық жағдайын жасау керек

<a href="https://kyzylorda-news.kz/">Kyzylorda-news.kz</a> Адам өмірге келген соң саналы азамат ретінде артында өнегелі із қалдырсам деген үмітті арқалайды. Оның бірінші жолы ұрпақ өрбіту болса, екіншісі істеген ісі. Осы сәтте «Бабаның тал қондырғаны, өзіне ат қалдырғаны» деген мәтел есімізге сап ете қалды. Бар ғұмырын бау-бақшаға арнаған, ағаш отырғызудың қыр-сырын меңгерген шиелілік Қайырбек Абдуллаев жайлы қалам тербегенді жөн көрдік.Еңбек ердің атын шығарып қана қоймайды, елдің экономикалық әлеуетін жақсартады. Сондай еңбек иесінің бірі Қайырбек Абдуллаев Шиелі ауданы, қазіргі Жақаев ауылының тумасы. Ол 1961-1966 жылдары Алматыдағы Қазақ мемлекеттік ауылшаруашылық институтының жеміс-жидек, көкөніс, жүзім және өсімдіктерді қорғау факультетінде білім алып, агроном мамандығын иеленеді. Сол жылдары жаңадан құрылып жатқан Шиелі «Жеміс-жидек» совхозында (қазіргі Алмалы ауылы) агроном, бас агроном және бас экономист, бастауыш партия ұйымының хатшысы қызметтерін абыройлы атқарады. Сондай-ақ, 1977-1982 жылдары Сырдария ауданындағы «Талды-Арал» жеміс-жидек, орман шаруашылығының директоры қызметін атқарса, 1983-1987 жылдар аралығында Алматыдағы Қазақ жеміс және жүзім шаруашылығының ғылыми-зерттеу мекемесінің меңгерушісі болып біршама істің басын қайырады.Тынымсыз тірлік жасап, қолы қалт ете қалса есік алдына көшет отырғызатын Қайырбек ағаның еңбекқорлығы бау-бақшасынан-ақ байқалып тұрады. Кеңес үкіметі ыдырап, совхоз бірнеше майда шаруашылыққа бөлініп, ұсақталып кеткен кезде, ОҚО-нан жеміс және жүзім көшеттерінің әр түрін әкеліп, есігінің алдына жерсіндіру жұмыстарымен де айналысқан екен. Өз ісіне адал әрі ерекше ықыласпен кірісетін бағбанның қолы тиген жер гүлдеп, көктеп, жайқалып шыға келеді. Оның бір ғана дәлелі деп, Қызылорда қаласы, Құмкөл көлік қызметі жабық акционер қоғамына қарасты «Шопан-Ата» денсаулық орталығындағы санаторияда кеңесші агроном бола жүріп, алма мен алмұрт, жүзім, өрік, шие және түрлі-түсті гүлдер мен газондар, саялы ағаштар егіп, 3-4 жылдың ішінде қараусыз қалған санаториді көркейтіп, көріктендіруін айтуға болады.Қазақ «Атадан мал қалғанша, тал қалсын» дейді. Тіпті ағаш өсіруді бала тәрбиелегенмен пара-пар дегенді де айтады. Ендеше, баланы туылғанынан өмірдің ызғарлы желіне төтеп беретін бекем, берік қылып өсіруді мақсат тұтатындай ағашты да табиғаттың алапат күшінен аман қалдырып, тамырын қаққан қазықтай мығым ету үшін күтімі күпті, бабы мықты болу керек. Бұл жайында да ағамыз бізді біраз сырдан қанық етті.Бейнеттің зейнетін көрер жасқа жеткен Қайырбек Яхияұлы қазіргі таңда көп жылдық тәжірибесін жұбайы Алмаш екеуі туған-туыстарына, балалары мен немерелеріне үйретіп, жеміс ағашын баптап күту туралы ақыл-кеңестерін көпшілікпен бөлісіп жүр. Оның «Победитель социалистического соревнования 1974 года», облыстық атқару комитетінің «Ударник девятой пятилетки» төсбелгісімен және Шиелі ауданының дамуына үлес қосқаны үшін «Шиелі ауданына-80 жыл» медалімен марапатталғанын да айта кеткенді жөн көрдік. Сондай-ақ, аудан тұрғындарын 1000 түп жүзім, 100 түп алма, 100 түп өрік көшетімен қамтамасыз етіп, көркейту-көгалдандыруға қосқан үлесі үшін «Озат бағбан» номинациясын иеленуінің өзі бір төбе.Өтпелі өмірін Шиелі ауданын жасыл-желекке, иран баққа айналдыру мақсатындағы жұмыстармен өрнектеген Қайырбек ағаның еңбегі еш кетпеді. Осы кісінің арқасында қаншама үйде жеміс ағашы егіліп, жүзім көшеттері отырғызылды. Басқа өңірлерден жыл сайын мыңдаған жеміс көшеттерін, біздің жерге төзімді жаңа сорттарын әкеліп жерсіндірген бағбанның қолы алтын десе де болады.

Шиелі: Бауды баптаған ғұмыр иесі

<a href="https://kyzylorda-news.kz/">Kyzylorda-news.kz</a>&nbsp; Америкалық танымал әнші Джастин Тимберлейк мас күйінде көлік жүргізгені үшін қамауға алынды. Бұл туралы ақпаратты АҚШ құқық қорғау органдарындағы дереккөздерге сілтеме жасап ABC News жазды, – деп хабарлайды&nbsp;<a href="https://massaget.kz/basty-zhaalytar-438/109757/">Massaget.kz.</a>Әнші дүйсенбі күні кешке Нью-Йорктегі Саг-Харборда қамауға алынған. Оның сейсенбі күні соты өтеді.Басылым басқа мәліметтерді жария етпеді. 43 жастағы Тимберлейктің Чикаго мен Нью-Йоркте бірнеше концерті жоспарланған.Джастин Тимберлейк – әйгілі әнші, «Эмми» сыйлығының төрт дүркін және «Грэмми» сыйлығының тоғыз дүркін иегері.<img src="https://knadmin.beoblood.kz/uploads/dzhastin_b56f15cfc0.webp" alt="dzhastin.webp">Сурет: gagarin.mos.ru

Танымал әнші қамауға алынды

<a href="https://kyzylorda-news.kz/">Kyzylorda-news.kz</a>&nbsp; Бұрынғы әйелін "11 жыл бойы ұрып-соқты" деп айыпталған әкім Ринат Ибрагимов сотталды, - деп хабарлайды <a href="https://massaget.kz/basty-zhaalytar-438/109807/">Massaget.kz</a>.Атырау қаласының No2 сотында ауданның бұрынғы әкімі И.Р.-ға қатысты кінәліге материалдық немесе өзге де тәуелділікте болған адамға қатысты денсаулыққа қасақана ауырлығы орташа зиян келтіру фактісі бойынша қылмыстық іс қаралды (ҚК-нің 107-бабы 2-бөлігінің 3-тармағы).Сотпен анықталғаны2023 жылғы 31 мамырда Атырау қаласында пәтерде И.Р. және оның әйелі У.А. арасында жанжал болған.Жанжал кезінде И.Р., жәбірленушінің өзіне материалдық тәуелділігін пайдаланып, осы негізде жанжал шығарып, әйелі У.А-ны оң иығынан ұстап, есікті жауып, бөлмеге кіргізген.Ешкімнің кедергі жасамайтынына көз жеткізіп, денсаулығына қасақана зиян келтіру мақсатында У.А.-ны еденге құлатқан және сол жақ санынан бірнеше рет тепкілеген, соның салдарынан жәбірленуші У.А.5-ші омыртқасының сынуы түрінде, ығысусыз орташа ауырлықтағы зақым алған.Сотталушының кінәсі жәбірленушінің айғақтарымен, сараптама қорытындысымен және басқа да дәлелдемелермен дәлелденді.Соттың шешіміҚылмыс жасалған кезде қолданыста болған ҚК-нің 107-бабы 2-бөлігі 3-тармағының санкциясы 2000 АЕК-ке дейінгі мөлшерде айыппұл салу немесе түзеу жұмыстары түріндегі жазаны сол мөлшерде, не 800 сағатқа дейінгі мерзімге қоғамдық жұмыстарға тарту, не 3 жылға дейінгі мерзімге бас бостандығын шектеу, не сол мерзімге бас бостандығынан айыру жазасын қарастырады.Бұл қылмыс заң бойынша орташа ауырлық дәрежесіне жатқызылады.Сотпен жаза түрін таңдау кезінде И.Р.-ның бұрын соттылығы жоқтығы, мінезі оң сипатталғаны ескерілді.Сот үкімімен И.Р.-ға 2 жылға бас бостандығын шектеу жазасы тағайындалды.Жәбірленушінің 20 млн теңге моральдық шығын өндіру туралы азаматтық талап қоюы ішінара қанағаттандырылып, И.Р. жәбірленуші У.А-ның пайдасына 2 млн теңге моральдық зиянды өтейтін болды.Соттың үкімі заңды күшіне енген жоқ.Фото: Massaget.kz

Бұрынғы әйелін "11 жыл бойы ұрып-соқты" деп айыпталған әкім сотталды

<a href="https://kyzylorda-news.kz/">Kyzylorda-news.kz</a> Бүгінгі таңда елімізде азық-түлік өндірісін ұлғайту және оның қауіпсіздігі мен қолжетімділігін қамтамасыз ету басты міндет. Ал нарықтық экономиканың қарқын алған кезінде асыраушы саланы дамыту арқылы халықтың әл-ауқатын көтеру де күн тәртібіндегі тұрақты мәселелердің біріне айналғаны заңдылық.Осыған орай, аудан әкімдігі кәсіпкерлік және өнеркәсіп бөлімі тарапынан ауданда ішкі нарыққа талдау жасалып, бағаларды негізсіз көтеру фактілерін алдын алу шаралары мен зерделеу жұмыстары күнделікті жүргізіледі.Бұдан бөлек, кәсіпкерлермен кездесулер өткізіліп, әлеуметтік желілер мен жергілікті басылымда баға тұрақтылығына байланысты ақпараттар ұдайы жарияланып тұрады. Осы орайда бүгін азық-түлік тауарларына баға белгілеудің бүкіл тізбегі бойынша делдалдық схемаларды тексеру жөніндегі жұмысшы тобы мүшелері аудан орталығындағы сауда орындары мен шағын маркеттер, үй жанындағы дүкендерге баға мен қажетті қордың болуына талдау жүргізілді.Сауда объектілерін аралау барысында кәсіпкерлік субъектілеріне әлеуметтік маңызы бар азық-түлік тауарларының бағасына сауда үстемесін негізсіз көтермеу, сауда үстемесін 15 пайыздан асырған жағдайда әкімшілік құқық бұзушылық фактісі бойынша шаралар қолданылатындығы туралы түсіндірме жұмыстары апта сайын жүргізілетін болады.

Қармақшы: Азық-түлік тауарларының бағасы басты назарда

<a href="https://kyzylorda-news.kz/">Kyzylorda-news.kz</a> &nbsp;Сырдария ауданындағы үлгілі елді мекен Бесарық ауылдық округінде 447 отбасында 2367 халық тұрады. Оның ішінде 1066 экономикалық белсенді тұрғындардың арасында әйелдер 465, жұмыссыздар 33, оның 25-і әйелдер. Жыл ішінде қоғамдық жұмысқа 14 адам тартылған.«Бесарық ауылдық округі әкімінің аппараты» КММ – 15, №147 орта мектебінде –– 123, ауылдық мәдениет үйінде – 11, «Бөбек» бөбекжай балабақшасында – 34, ауылдық дәрігерлік емханада – 12, кітапханада – 1, ветеринарлық станцияда – 3, адам жұмыс істейді. Ауылда &nbsp;учаскелік полиция инспекторы бар. Шараушылықта 120 ауыл тұрғыны жұмыспен қамтылған.Ауылдық округке тиесілі – 422258 гектар жер бар. Оның ішінде: &nbsp;егіндік - 1183 га, &nbsp;жайылымдық – 295338 га. Егіс бойынша бөлінісі: күріш – 596, жоңышқа –799, бақша мен картоп- 78 га егілген. Өткен жылы кәсікерлер саны – 331 болса, мал шаруашылығымен –210, қызмет көрсетумен –39, омартамен – 1, сауда саттықпен –13 адам айналысады.&nbsp;"Абай-Даулет" ЖШС-нің демеушілігімен елді мекенде бірқатар жұмыстар атқарылды. Бұл жайында ауылдық окург әкімі Дәулет Сәрсенбаев айтып берді:– Серіктестік ауыл тұрғыны жалғызбасты ана Үміт Көлдееваның тұрғын үйінің апатты жағдайда болуына байланысты 4 бөлмелі жаңадан үй салып берді. Сонымен қатар жалғыз басты ана Мирамкүл Ешназарованың үйі оқыс жағдайдан өртеніп кеткен болатын. Сол үйдің орнына қайтадан іргетасын құйып жаңадан үй салу үшін ауыл тұрғындары, "Абай-Дәулет" ЖШС-мен, жеке кәсіпкерлердің көмегімен жаңа үй салып берді.<blockquote>Шаруашылықтың демеушілігімен ауылдағы Тәуелсіздік көшесінің 270 метр жеріне &nbsp;жаяу жүргіншілер жолын салды. Ауыл халқының ұсынысына байланысты "Мәңгілік алау" жанына Ауған, Тәжікістан соғысына, Чернобыль апатын жоюға және Семей полигонын жоюға қатысқан азаматтарға арнап монумент қойылды. Тұрмысы төмен отбасылар мен ауыл тұрғындарына 224 500 дана кесек пен 144 500 дана күйдірілген кірпіш көмекке берілді. Сондай-ақ, елді мекендегі 150 отбасына жыл сайын 2 тоннадан көмір беріледі. Бұдан бөлек ауылдағы барлық әлеуметтік нысандар мен мемлекеттік мекемелерде өткізілетін мәдени іс шараларға және олардың абаттандырылуы мен көркейту көгалдандыру жұмыстарына және көмекке мұқтаж ауыл тұрғындарына да демеушілік жасап тұрады, – деді ауыл әкімі.</blockquote>Ауыл тұрғындарының есік алды жерлерінің аяқ су мәселесін шешу жұмыстарына байланысты Жаңадария каналына электр насос қойылып ауылға кіретін әр көшенің шығыс жағына бөлек-бөлек труба салынып, ауыл ішіндегі көшелердің қарықтарын жаңадан қазып аяқ су мәселесін түпкілікті шешкен. Көлемі 600 метр үлкен арық және ауыл іші шамамен 2000 метр болатын жерге шамамен 2 млн теңге қаражат жұмсалған. Елді мекеннің солтүстік бағытында ауыл іргесінен өтетін "Қосарық" каналының 6 шақырымы тазаланып батыс жағына аяқ су өздігінен келуге мүмкіндік жасалып, елді мекен 100 пайыз аяқ сумен қаматамсыз етілген.&nbsp;Мемлекеттік бағдарламалардың ауылда іске асырылу барысына тоқталсақ, «Еңбек» нәтижелі жұмыспен қамту және жаппай кәсіпкерлікті дамыту бағдарламалары бойынша – 10 азамат жылқы және сиыр малын көбейту және бордақылау үшін құжаттарын тапсырып, мақұлданып 75,1 млн теңге несие алып жұмыстарын жүргізіп отыр.&nbsp;«Өңірлік инвестициялық орталығы» МҚҰ арқылы &nbsp; берілетін несие бойынша жылқы және мүйізді ірі қара мал басын көбейту және бордақылау үшін, ауыл шаруашылығы техникасын сатып алу үшін &nbsp;11 жоба мақұлданып, 11 азамат 56 млн теңге несие алып, жұмыстарын жүргізуде. Елді мекен бойынша әр саладан 32 азамат өз құжаттарын тапсырып 39 млн 206 мың 400 теңге қаражат алып жұмыстарын бастауға мүмкіндік алды.

Бесарық ауылы 100 пайыз аяқ сумен қамтылған

<a href="https://kyzylorda-news.kz/">Kyzylorda-news.kz</a> Соңғы жылдары мемлекет ауылдарға ерекше көңіл бөліп, шалғай елді мекендердің өркениет көшінен қалып кетпей, керісінше ауылдағы тіршіліктің қайта жандана түсуіне орасан зор қаржы құйып, көптеген бағдарламалар аясында ауыл халқын жұмыспен қамтып келеді. Мемлекеттің темір қазығы саналатын ауылдардың бүгінгі жай-күйі кешегі тәуелсіздік алған кезеңдегі шақпен мүлде салыстыруға келмейді. мәселең тәуелсіздігімізді алып, бөлек отау құрған шақта тұтас бір ауданға бөлінген қаржыны бүгінде шалғай ауылдар игеріп жатыр. Сөзіміз жалаң болмас үшін айта кетейік. Қаратаудың етегіндегі Еңбекші елді мекенінде спорт, мәдениет, білім, денсаулық салаларын дамытуға, ауылішілік жол мен тұрғындар тынығатын саябақ құрылысына соңғы жылдары екі жарым миллард теңге үкіметтен бөлінген. Бұл дегеніміз мемлекеттің жоспарлы түрде ауылдарды дамыту бағытында атқарған жұмыстарының бір айғағы десек артық айтқандық болмас.Биыл облыстық «Сыр медиа» ЖШС-на қарасты аудандық «Өскен өңір» газетінің жарыққа шығып, оқырман қолына тие бастағанына 85 жыл. Осы орайда, газет ұжымы жыл басынан бері сексен бес жылдық аясындағы шараларын бастап та кеткен болатын. Сол бастаманың бірі әрі бірегейі шығармашылық топ ауылдарды аралап, ойлы оқырмандармен жүздесіп, бас басылым жайлы пікірлерін біліп, сондай-ақ, елді мекендердің бүгінгі тыныс-тіршілігімен етене танысып, тұрғындардың өтініш, тілектерін қағазға түсіріп алған едік. Сапар барысында Ақмая, Төңкеріс, Алмалы, Телікөл, Сұлутөбе ауылдық округтерінен тұрғындар тарапынан көтерілген бірқатар мәселелер кездесті. Кей ауылдың әкімдерін жолықтыра алмасақта, ауылдың ажарын кіргізетін көгалдандыру мәселесінің кемшін тұстары, көше бойындағы банерлердің ретсіздігі, айта беретін аяқ судың әлегі сияқты дүниелер алдымыздан шығып, кездесе берді. Дегенмен, Шиелі ауданына қарасты бидайкөлдіктердің берекелі бастамалары шын қуантып, көңіліміздегі күмәнді сейілтіп тастады.Байқағанымыздай, бидайкөлдіктер облыс әкімінің сөзін нақты іске асырып, ауылда шағын және орта кәсіпкерлікті дамытуға кірісіп кеткен. Ауылдық мәдениет үйін тиімді пайдаланған ауыл әкімі мекеменің ішінен пошта қызметі, тігін цехы, сұлулық салоны секілді халыққа қызмет көрсету орталықтарын ашып, елді ұйыстырып отырғанын байқадық. Орайы келгенде айта кетейік. Мәселен, ауыл тұрғыны Тоғжан Мұсаева осыған дейін Қызылорда қаласындағы «Сыр аруы» атты ательеде тігінші болып жұмыс істеп, киім тігудің қыр-сырын жетік меңгереді. Кейін өзі жеке кәсіп бастап аудан орталығынан «Тоғжан» ательесін ашады. Тоғжан тіккен көйлек пен ол жасаған құрақ көрпелер көпшілік көңілінен шығып, ауыл тұрғындары білікті ісмердің ауылдан тігін цехын ашуын өтінеді. Халықтың өтінішін ауыл әкімі құп көріп, ауылдық мәдениет үйінен бір бөлмені босатып береді. Бүгінде тігін шеберханасында тұрмысқа қажетті заттардың барлық түрлері тігіледі. Шиелі индустриалды аграрлық колледждің «Тігін» курсын оқып жүрген қыз-келіншектерді іс-тәжірибеден өткізіп, киім тігу, қию, өрнектеу әдістерін үйретіп жүр. Шиелі ауданы көлемінде әжелер ансамбліне, биші қыздарға, өнерпаздарға тіккен киімдерінің де өзіндік ерекшеліктері бар. Мектептермен тығыз байланыса отырып, мектеп формасын жоғары сапада тігіп жүр. Жұмыспен қамту орталығы арқылы 2019 жылы 5 адамды тұрақты жұмыспен қамтыса, қазір 15 жанды жұмысқа жұмылдырған.&nbsp;Бидайкөл ауылында шеберліктерін көрсетіп, өз қаржыларымен кәсіптерін дөңгелетіп отырған жастар да жоқ емес. Солардың бірі – Әсел Жұматаева. Ол қазіргі таңда ауылдан өзінің «Ай Ару» сұлулық салонын ашып, жұмысын дөңгелетіп келеді. Ал Айдос Қожамжаров деген азамат «Дара кәсіпкер» ретінде тіркеліп, үйінің жанынан шағын мебель жасау цехын ашып, екі ауыл тұрғынын жұмыспен қамтуда. Айта берсек, ауылда кәсіпкерлердің қатары едәуір көбейген. Бекділдә Байекеев заман талабына сай, тұрмыстық қажеттілікке керекті бетоннан жасалған құдықтар құюда. Кәдімгі зауыттан шыққандай құдықтарды көріп Бекділдәнің еңбегіне іштей риза болдық.2018 жылдан бастап жылыжай жұмыстарымен айналысып келе жатқан ауыл тұрғыны Қанат Мұсаев 10 гектар жерге егін егуді жоспарлап отыр. Қазір оның егіс алқабындағы жылыжайда қауын, қарбыз, қызанақ, қияр тағы басқа бақша өнімдерінің көшеттері мен өнімдері сұранысқа ие болып келеді. Сонымен қатар, елді мекен орталығындағы ашық алаңқайға «Бидайкөл» шаруа қожалығының төрағасы Талғат Байдалиевтің демеушілігімен тұрғындар тынығатын саябақ құрылысы жүріп жатыр. Бүгінде саябақта 80 түп (можжевельник сорты) шырша ағашы, 150 түп әр түрлі жеміс ағаштары және 4 түп жылауық ағашы отырғызылған. Жазғы сахна орнатылатын аумағына тас төсеніштері (брусчатка) төселіп, біршама жұмыстар жасалған. Ең қызығы осы демалыс саябағында ыстық күні демалушыларға салқын леп сыйлайтын субұрқақ салынбақ екен.Біз бұл ауылдан басқа да жақсы бастамалар мен дүниелерді көзіміз шалды. Әсіресе ауыл тұрғындарының мемлекет асырайды деген ойдан арылып, ешкімнен ешнәрсені дәметпей өз беттерімен кәсіп ашып, мал асырап, егін егіп жатқандарын көргенде іштей риза болдық.

Шиелі: Бидайкөлді берекеге ұйыстырған бастамалар

<a href="https://kyzylorda-news.kz/">Kyzylorda-news.kz</a> Жуырда шежірелі өлкеде “Адал адам” мәдени-тәрбие орталығының “Креативті HUB” бағыты бойынша тігінші Тоғжан Барлыбайқызы тігін тігудің түрлі тәсілдері мен қыр-сырын үйренуге қызығушылық танытқандарға шеберлік сабағын өткізді.Мұсаева Тоғжан Барлыбайқызы Қызылорда облысы, Шиелі ауданында 1978 жылдың 17 қарашасында дүниеге келген. 1985 жылы №158 С.М.Киров атындағы мектептің 1 сыныбына қабылданып, 1995 жылы мектеп бітірген. 1995 жылы Орал қаласындағы Орал педагогикалық училищесіне оқуға түсіп, 1997 жылы “Бастауыш сынып мұғалімі” мамандығы бойынша бітіріп шыққан. Бірақ өз мамандығымен жұмыс істемей, жүрек қалауымен тігіншілікке бет бұрған. Еңбек жолын Қызылорда қаласындағы «Сыр аруы» ательесінде тігінші болып бастап, киім тігудің қыр-сырын меңгереді. 2015 жылы Шиелі ауданына келіп «Тоғжан» тігін ательесін ашады. Қазір 15 адамды жұмыспен қамтып отыр. Аудан, ауыл тұрғындарының сұранысын жылдам әрі сапалы орындап, тынымсыз еңбегінің арқасында халықтың сүйіспеншілігіне бөленіп отыр. Тігін цехында тұрмысқа қажетті заттардың барлық түрлерін, қыстық, жаздық киімдерді және қыз жасауын, перденің барлық түрі тігіледі.Сонымен қатар Тоғжан Барлыбайқызы Шиелі ауданындағы Шиелі индустриалды-аграрлы колледжпен келісім шартқа отырып, “Тігін” курсын оқып жүрген қыз-келіншектерді өндірістік іс-тәжірибеден өткізіп, киім тігу, қию, өрнектеу әдістерін үйретеді. Шиелі ауданы көлемінде “Әжелер” ансамбліне, биші қыздарға, өнерпаздарға тіккен киімдері өзіндік ерекшеліктерімен, әдемілігімен көзге түсіп, жоғары орындардан көрініп жүр. Мектептермен тығыз байланыса отырып, мектеп формасын уақытында сапалы етіп тігіп, беріп отырады. 2024 жылы Қызылорда қаласынан “Тоғжан” тігін шеберханасын ашты. Қала тұрғындарының сұранысын сапалы етіп орындап, мектеп, балабақша оқушыларының формасын тігіп тұтынушылардың алғысына бөленіп жүр.Тұтынушылардың сұранысын қанағаттандыру үшін үнемі ізденіс, тың идея қажет. Түстердің үйлесімділігі, адамның дене пішініне лайықты стиль, әдемі әшекей таңдаудың өзі үлкен жауапкершілікті қажет етеді. Ал киімді сәндеу ерекшелігін баса көрсетіп, бұйымды безендіріп әрлендіре түсетін таспаларды, бауларды, желбіршектер мен әдіптеулерді, жиектеулерді, бүрме, қатырма тігістерді қолдануды ателье тігіншілері жетік меңгерген.Еңбегі ескерусіз қалмаған Тоғжан Барлыбайқызы республикалық, облыстық, аудандық байқаулардың жеңімпазы, Алғыс хаттар мен номинациялар иегері.Жүрегі жылылық пен мейірімге толы Тоғжан Мұсаева жыл сайын қайырымдылық шараларымен айналысып, тұрмысы төмен отбасылардың балаларын мектеп формасымен қамтамасыз етіп отырады. Отбасында 1 қыз, 4 ұл, 2 немересі бар.

Қазақстан және Қызылорда облысының жаңалықтары: Қоғам