<a href="https://kyzylorda-news.kz/">Kyzylorda-news.kz</a> «AMANAT» партиясы Қызылорда қалалық филиалының белсенділері «Таза Қазақстан» экологиялық жобасы аясында «Таза Бейсенбі» акциясын ұйымдастырды.Тазалық жұмыстары Қызылорда қаласындағы «Тағзым алаңында» өтті. Шараға бастауыш партия ұйымдарының белсенділері, партия филиалының аппараты, Саяси кеңес мүшелері қатысты.Жалпыұлттық жоба аясында партияның қалалық филиалының Атқарушы хатшысы Гүлшат Мұсаева: Өткен жылы да партияластарымыздың қолдауымен тазалық жұмыстары қарқынды жүргізілді. Оның ішінде, су айдандары, арналар мен көшелер, ескерткіштер маңы, саябақтар бар. Биылғы жылы бірінші рет ұйымдастырылып отырған тазалық жұмыстарына қатысушы азаматтарға алғыс білдіремін. Бұл жоба арқалы әрбір қала тұрғыны ортақ үйіміз – шаһарымызды ұқыптылықта ұстап, тазалық мәдениетінің дамуына себепші болары анық,-деді.Партияластар «Тағзым алаңының» бұрқасын қар салдарынан жабылған жаяу жүргіншілер жолын қардан тазарту жұмыстарын жүргізіп, қоқыстардан тазартты.Фото: Аманат

«Таза бейсенбі» акциясы аясында тазалық жұмыстары жүргізілді

<a href="https://kyzylorda-news.kz/">Kyzylorda-news.kz</a> &nbsp;Мемлекет басшысы Қасым-Жомарт Кемелұлы Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында: «Біз кейінгі ұрпаққа жоғары сапалы авто және теміржолдарды қалдыру үшін&nbsp;бірқатар кешенді мәселені шешу керек екендігін атап өтті. Автокөлік жолдарының жай-күйі, қауіпсіздігі – қашанда өзекті. Сол үшін инновациялық заманауи әдіс-тәсілдерді кеңінен қолдануды, жолдар сапасына қоғамдық бақылауды күшейту үшін бірыңғай цифрлық платформаны іске қосу қажеттігі де айтылған болатын.Бүгін партияның облыстық филиалы жанындағы Сыбайлас жемқорлыққа қарсы іс-қимыл жөніндегі аймақтық кеңестің отырысы өтіп, &nbsp;онда автомобиль жолдарына орташа, күрделі жөндеу барысында сыбайлас жемқорлыққа қарсы іс - қимыл бойынша жүргізіліп жатқан жұмыстар кеңінен талқыланды.Отырыста «ҚазАвтожол» Ұлттық Компаниясы» Акционерлік қоғамының Қызылорда облыстық филиалы, облыстық жолаушылар көлігі және автомобиль жолдары басқармасы, «Жол активтері сапасының ұлттық орталығы» шаруашылық жүргізу құқығындағы республикалық мемлекеттік кәсіпорнының Қызылорда облысы бойынша филиалы басшыларының осы бағыттағы жұмыстарының есебі тыңдалып, комиссия мүшелері тарапынан бірқатар ұсыныстар берілді.«ҚазАвтожол» Ұлттық Компаниясы» Акционерлік қоғамының Қызылорда облыстық филиалы директорының міндетін атқарушы Шанжархан Мырзабайдың айтуынша, өткен жылы орташа жол жөндеу &nbsp;жұмыстары барысында сыбайлас жемқорлық фактілері орын алмаған.<blockquote>«Бұл жұмыстарға мердігерлер және техникалық қадағалаушылар «ҚазАвтоЖол»ҰК» АҚ орталық аппаратымен тендерлік рәсімдемелер жүргізу арқылы анықталады. Сол себепті, филиалда мердігерді анықтау барысында сыбайлас жемқорлық фактілеріне жол берілмейді. Барлық орындалған жұмыстардың сапасы, көлемі, ҚР заңнамаларына және тиісті құрылыс нормалары мен ережелеріне сәйкестігі арнайы аттестатталған инженерлік техникалық қадағалаушының қадағалануымен атқарылып, филиалға қабылдануға ұсынылады. Сонымен қатар, мердігердің және техникалық қадағалаушының арнайы зертханаларынан бөлек, жұмыстар мен қолданылатын материалдарға қажеттілігіне байланысты «Ұлттық жол активтері сапасы орталығы» мемлекеттік кәсіпорнымен сынақтар жүргізіліп, қорытындылары негізінде қабылданады», дейді Шанжархан Мырзабай.</blockquote>Жемқорлық әрекеттер, жұмысқа немқұрайлылық салдарынан салынған жолдар сапасы, түрлі қайғылы оқиғаларға әкеп соқтырары анық. Облыстық жолаушылар көлігі және автомобиль жолдары басқармасының басшысы Жәнібек Сыздықов осы ретте, облыстық &nbsp;маңызы&nbsp;бар автомобиль жолдардың, көпірлердің құрылысы мен жөндеу жұмыстарына техникалық қадағалау қызметін жүзеге асырып жатқан сарапшылардың жауапкершіліктерін күшейту мақсатында Облыстық бақылау жөніндегі басқармасының өкілдерінің қатысуымен басқарманың жанында жұмыс тобы құрылғандығын атап өтті.<blockquote>«Өткен жылы жұмыс тобы басқарманың 5 құрылыс нысандарын аралап, аралау барысында 4 құрылыс нысанда &nbsp;жауапты техникалық қадағалаушылардың құрылыс нысанның басында болмау фактілері орын алып, ол бойынша тиісті акті рәсімделді. Аталған фактілер бойынша техникалық қадағалау қызметін жүзеге асыратын ұйымдарға құрылыс нысанында бірнеше рет болмаған жағдайда шарт біржақты бұзылатын ескертілді. Сонымен қатар, құрылыс нысанның басында бірнеше рет болмаған техникалық қадағалаушылар туралы мәлімет Облыстық бақылау жөніндегі басқармасына жолданып тұрады. Бұдан бөлек, басқармамен мердігерлер шарттық міндеттемелерін уақытылы орындамаған үшін сотқа шағымдану бойынша тиісті шаралар қабылдануда. Осы бағытта 2024 жылы 3 мердігер мекеме «СтандартОйлКЗО» ЖШС, «Асыл-ЖАС» ЖШС, «Жылу ХХІ» ЖШС шарттық міндеттемелерін мерзімде орындамағаны үшін басқарма тарапынан сотқа талап арызбен жүгініп, облыстық апелляциялық сот алқасына дейін шағымдану нәтижесінде аталған мердігер мекемелер мемлекеттік сатып алудың жосықсыз қатысушылар болып танылды»,-деді Жәнібек Сыздықов.</blockquote>«Жол активтері сапасының ұлттық орталығы» шаруашылық жүргізу құқығындағы республикалық мемлекеттік кәсіпорнының Қызылорда облысы бойынша филиалы басшысы Ерболат Көштаев жергілікті жолдар сапасына қатысты кәсіпорын тарапынан 1216 рет инспекциялық бақылау жұмыстары жүргізіліп, олардан алнынған 2706 сынаманың 653-ы талапқа сай болмағандығы анықталып, 526 сынамасы қайта қалыпқа келтірілгендігін атап өтті. Оның айтуынша өз жұмысына немқұрайлы қарағаны үшін бірқатар серіктестіктер мен олардың техникалық қадағалаушыларына айыппұлдар салынып, жергілікті бюджетке өндірілген.Жиын барасында сөз алған партияның облыстық филиалының төрағасы Алмасбек Есмаханов кеңеспен атқарылған жұмыстарды атап өтіп, партияның 2023 – 2027 ж.ж. арналған «Халықпен бірге!» атты облыстық Сайлауалды бағдарламасында жолдардың сапасын арттыру мәселесі арнайы қаралғандықтан, Жол картада қамтылған жұмыстардың, соның ішінде бұзылған жолдардың, сапасыз жөндеу жұмыстарының, жол құрылысындағы сыбайлас жемқорлықты өміріміздегі қалыпты құбылыс болып қалмауы үшін «AMANAT» партиясының барлық ресурстары тарапынан қатаң бақылау жасалып отыратындығын жеткізді.Кеңес төрағасы Мақсұт Нәлібаев кеңес құрамына енген өзгерістері таныстыра келе, облыстық мәслихаттағы «AMANAT» партиясы фракциясы мен Сыбайлас жемқорлыққа қарсы іс-қимыл жөніндегі аймақтық кеңес мүшесі Шаймағамбетов Әмірбек Бердібекұлы «Жаңару» Сыбайлас жемқорлыққа қарсы жалпыұлттық қозғалыс» республикалық қоғамдық бірлестігінің Қызылорда облысындағы филиалы директоры лауазымына тағайындалуына орай екі қоғамдық ұйым алдағы уақыттарда бірлесе қызмет атқаратындығына сенім білдірді.<img src="https://knadmin.beoblood.kz/uploads/Zhol_rylysynda_sybajlasty_ty_boldyrmau_aldyn_alu_m_seleleri_partiya_ala_ynda_tal_ylandy_1_523239d327.jpg" alt="Жол құрылысында сыбайластықты болдырмау, алдын алу мәселелері партия алаңында талқыланды 1.jpg"><img src="https://knadmin.beoblood.kz/uploads/Zhol_rylysynda_sybajlasty_ty_boldyrmau_aldyn_alu_m_seleleri_partiya_ala_ynda_tal_ylandy_2_bc0fb54b7e.jpg" alt="Жол құрылысында сыбайластықты болдырмау, алдын алу мәселелері партия алаңында талқыланды 2.jpg">

Жол құрылысында сыбайластықты болдырмау, алдын алу мәселелері партия алаңында талқыланды

<a href="https://kyzylorda-news.kz/">Kyzylorda-news.kz</a> Солтүстік Қазақстанда өртенген үйден үш адамның мәйіті табылды. Деректерге сүйенсек, мұнда 5 баласы бар жалғызбасты әке тұрған. Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі хабарлайды.&nbsp;&nbsp;Қайғылы оқиға 23 қаңтар күні таңертең Шал ақын ауданы Ступинка ауылында болған. Жеке тұрғын үйден өрт шығып, үш адам қаза тапты. Үйде тағы екі адам болуы мүмкін деген ақпарат бар. Семиполка ауылдық округі әкімінің сөзінше, үйде ер адам мен оның бес баласы тұрған.<blockquote>«Жұбайы бірнеше жыл бұрын қайтыс болды. Әкелері балаларын жалғыз өзі тәрбиелеп отыр. Үйдегі ең кішкентай қыз бала 2-ші сыныпта оқиды», – деп хабарлады ауылдық округ әкімі.</blockquote>Қазір қызыл жалын ауыздықталған. Өрттің неден шыққаны әзірге белгісіз. ТЖМ өрт туралы толығырақ&nbsp;ақпарат беруден бас тартып отыр.Фото: ТЖМ

Үйде 5 баласы бар жалғызбасты әке тұрған: СҚО-да өрт кезінде үш адам тірідей жанып кетті

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» мемлекеттік корпорациясының Қызылорда облыстық филиалында жедел желі іске қосылды.Егер сіз сыбайлас жемқорлық құқық бұзушылықтары туралы ақпаратқа ие болсаңыз, төмендегі байланыс нөміріне хабарласып, арыз-шағымдарыңызды жеткізе аласыз. Байланыс нөмірі: 87024730065.Бұл жедел желі азаматтардың құқықтарын қорғауға және мемлекеттік қызметтердің ашықтығын қамтамасыз етуге бағытталған. Сізден түскен ақпарат міндетті түрде қаралып, тиісті шаралар қабылданады.Сіздің белсенділігіңіз – әділдік пен заңдылықты сақтауға қосқан үлесіңіз!Фото: ХҚКО

Жедел желі іске қосылды

<a href="https://kyzylorda-news.kz/">Kyzylorda-news.kz</a> Президент Әкімшілігі Басшысының бірінші орынбасары Дархан Сатыбалдының төрағалығымен мәжіліс өтті. Күн тәртібінде Мемлекет басшысы тапсырмаларының орындалуы, атап айтқанда, Аралда кальцийленген сода зауытын салу және инженерлік инфрақұрылым жүргізу, Көкшетау қаласының инфрақұрылымын дамытуға, оның ішінде жылу, су, газ және энергиямен жабдықтау объектілеріне республикалық бюджеттен қаржы бөлу, жергілікті маңызы бар 95% автомобиль жолдарын жақсы және қанағаттанарлық жағдайға келтіру барысы қаралды.Мәжілісте Дархан Амангелдіұлы Аралда кальцийленген сода зауытын салу және инженерлік инфрақұрылым жүргізу ел үшін маңызды әрі қажетті жоба екенін ерекше атап өтті.Жиынға селекторлық байланыс арқылы қатысқан облыс әкімі Нұрлыбек Нәлібаев талқыланған мәселеге орай баяндама жасады.<blockquote>«Мемлекет басшысы Қасым-Жомарт Кемелұлы 2019 жылы Қызылорда облысына іссапары кезінде «Арал қаласында кальцийленген сода өндіретін зауыт салу» жобасына инженерлік инфрақұрылым жеткізіп, іске асыруды тапсырды. Әкімдік мемлекеттік қолдау ретінде 902 гектар жер телімін Арал ауданынан табыстады. «Бизнестің жол картасы» бағдарламасы аясында 2019-2020 жылдары 4,8 млрд. теңгеге инженерлік-инфрақұрылымдық жұмыстар басталған. Бүгінде 545,4 млн. теңгесі республикалық бюджет есебінен игерілді. Жоба бастамашысы зауыт құрылысын бастаса, инфрақұрылым жеткізу жұмыстары жалғасатын болады. Зауыттың жоба-сметалық құжаттамасы әзірленіп, мемлекеттік органдардан оң қорытынды алынды» – деді аймақ басшысы.</blockquote>Облыс әкімі 2021 жылы «Чайна Гонконг Лонджи» қытайлық компаниясымен құрылтай шарты жасалғанын, алайда, геосаяси жағдайға байланысты инвестор жобаға қатысуын тоқтатқанын атап өтті.<blockquote>«Сол себепті қаржыландыру мәселесі шешілмей, зауыт құрылысы 6 жыл қатарынан кейінге шегерілді. Осыған орай тапсырманың орындалу мерзімі екі рет ұзартылды. Өткен жылдың 9 қыркүйегінде жауапты мемлекеттік органдардың, мүдделі тараптардың қатысуымен өткен мәжілісте қаржыландыру схемасы мақұлданды» – деді Нұрлыбек Машбекұлы.</blockquote>Айта кетейік, Үкімет көрсеткен қолдаудың арқасында жобаны қаржыландыру мәселесі қаржы институттары арқылы оң шешімін тапты. «Арал Сода» серіктестігінің кальцийленген сода шығару зауытының құрылысын осы жылдың ІІІ тоқсанында бастап, 2028 жылдың соңына дейін аяқтау жоспарланды.Фото: Қызылорда облысы әкімінің баспасөз қызметі

 Аралда кальцийленген сода зауытын салу мәселесі талқыланды

<a href="https://kyzylorda-news.kz/">Kyzylorda-news.kz</a> Шараға партияның облыстық филиалының төрағасы Алмасбек Есмаханов және қалалық партия филиалының Төрағасы Ибадулла Құттықожаев қатысты.Жиында партияның қалалық филиалының Атқарушы хатшысы Гүлшат Мұсаева атқарылған жұмыстарды баяндады.&nbsp;Жалпы, партияның қалалық филиалы тарапынан өткен жыл ішінде ауқымды жұмыстар іске асты. Қала бойынша 12811 партия мүшесі қамтылған 40 бастауыш партия ұйымында 271 топтық ұйым жұмыс жасайды. Белсенді партияластарымыздың қолдауымен партияның 13 жобасы жүйелі түрде ұйымдастырылып келеді&nbsp;Бұдан бөлек, басқосуда «Сәулет» бастауыш партия ұйымының төрағасы Мыңжас Нұрлыбек өткен жылы атқарылған жұмыстарға тоқталды.&nbsp;Қазіргі таңда «Сәулет» бастауыш партия ұйымының есебінде барлығы - 8 бастауыш топтан топтастырылған 312 партия мүшесі есепте тұрады.&nbsp;Партия тарапы ауыл әкімдерінің де жұмысын ұдайы бақылап отырады. Осы орайда, Қызылорда қаласына қарасты 2 кент пен 7 ауылдық округтерінің әкімдері партия мүшелері екенін атап өткен жөн. Бұл партия атынан ұсынылған, партия мүшесі болып табылатын ауыл әкімдерінің Сайлауалды бағдарламасының қарқынды іске асуына үлкен септігін тигізеді. Соның негізінде, жиында Ақжарма ауылдық округінің әкімі Сәттәр Абдреев атқарылған жұмыстар аясында баяндама жасады.&nbsp;Атап өту керек, Жол картасы аясында аталмыш ауылда дәрігерлік амбулатория ашылды, ауыл толықтай көгілдір отынға қосылды. Алдағы жылдың еншісінде де халыққа қажетті маңызды жобалар іске аспақ.Басқосуда партияның қалалық филиалы жанындағы «Жастар рухы» ЖҚ бөлімшесінің жетекшісі Нұрбол Серікбай атқарылған жұмыстарға тоқталды.«AMANAT» партиясы жанындағы Жастар қанаты 2008 жылдан бері, партияның жобалары мен саясатын қолдап келеді. Қазіргі таңда «Жастар Рухы» Жастар қанатының барлық өңірлер мен ірі қалаларда, аудандарда бөлімшелері қарқынды жұмыс жүргізіп келеді.Актив отырысында сөз алған партияның облыстық филиалының төрағасы Алмасбек Әбілқасымұлы: Мемлекет басшысының қоғамдық тірегі ретінде партиямыз ауқымды жұмыстар атқаруда. Өздеріңізге мәлім, Жол картасы аясында аймағымызда әлеуметтік маңызды нысандар пайдалануға берілуде. Депутаттардың басым көпшілігі партия атынан сайланғандар. Сондықтан, халық қалаулыларына қойылар жауапкершілік жүгі ерекше.&nbsp;Бұдан бөлек, өткен жылы аймақ басшысының қолдауымен ауыл әкімдерінің де форумын абыроймен өткіздік. Бұл партияның қоғамның қай саласында болмасын азаматтардың жайлы өмір сүруіне жасаған жағдайының айқын кепілі,-деді.Жиын соңында партия мүшелігіне жаңадан қабылданған партияластарымызға билет табысталып, жыл қортындысымен белсенді қызмет атқарған партия мүшелері марапатталды.<img src="https://knadmin.beoblood.kz/uploads/AMANAT_Partiyany_yzylorda_alaly_filialyny_aktiv_otyrysy_tti_1_7c57d1db62.jpg" alt="«AMANAT» Партияның Қызылорда қалалық филиалының актив отырысы өтті 1.jpg"><img src="https://knadmin.beoblood.kz/uploads/AMANAT_Partiyany_yzylorda_alaly_filialyny_aktiv_otyrysy_tti_2_17791d8beb.jpg" alt="«AMANAT» Партияның Қызылорда қалалық филиалының актив отырысы өтті 2.jpg"><img src="https://knadmin.beoblood.kz/uploads/AMANAT_Partiyany_yzylorda_alaly_filialyny_aktiv_otyrysy_tti_3_8d13463fb1.jpg" alt="«AMANAT» Партияның Қызылорда қалалық филиалының актив отырысы өтті 3.jpg">

«AMANAT»: Партияның Қызылорда қалалық филиалының актив отырысы өтті

<a href="https://kyzylorda-news.kz/">Kyzylorda-news.kz</a> Ақтөбеде халық емшісі шипа іздеп барған адамдарды 23 миллион теңгеге сан соқтырып кетті. Емшінің үстінен “Алаяқтық” бабы бойынша қылмыстық іс қозғалды. Бұл туралы&nbsp;<a href="https://stan.kz/">Stan.kz</a>&nbsp;ақпарат агенттігі 31-арнаның <a href="https://www.youtube.com/watch?v=Ed4JqoUEf0c">“Информбюро” </a>жаңалықтар қызметіне сілтеме жасап хабарлады.Полицияның табалдырығын тоздырған жұрт алданғанымызды кеш түсіндік деп отыр. Айтуларынша, бақсы әйел гипноз жасап, дем салған. Соның әсерінен есеңгіреп, телефонды емшінің қолына бере салған. Бақсы әйел керек сомаға несие рәсімдетіп, бар ақшаны санап алған.<blockquote>“Несие алып берші деді. Менің де кредитім бар дедім. Содан маған ем жасады. Сол жерде басым ауырды. Сөйтіп сол үйден кете алмай қалдым. Сондай сиқыр бар екен. Сол үйде қондым. Ертеңінде мені жетектеп банкке алып барды. Қасымда тұрып, несие рәсімдетіп, қолымды қойып, кассаның алдында тұрып ақшаның бәрін санап алды”, –&nbsp;дейді алданғандардың бірі.</blockquote>Алаяқ адамдардан ең азы 1 миллион теңге несие алған. Бес баланың анасы халық емшісі өзін 8 жылдан бері алдап келді деп отыр. Қазір оның мойнында 18 миллион теңге қарызы бар екен.<blockquote>“Алғашында кішкентай сомадан бастайды. 457 мың теңге болды. Он күннен кейін келсең тағы да гипноз жасайды. Одан кейін ештеңе білмейсің. Мен “апа” деп қарсылық білдіргенде “Құдай тұр, қара, жолың болмайды, жолың жабылып қалады, 5 балаң бар” деп қорқытады”, –&nbsp;дейді көпбалалы ана.</blockquote>Жиналған жұрттың айтуынша, зардап шеккендердің саны жүзге жуық. Елді алдаймын деп басы дауға қалған әйел сыртқа шыққан жоқ. Сөйтіп оқиға орнына қаланың бас полицейі келіп, күдіктіні тергеуге алып кетті. Оның үстінен “Алаяқтық” бабы бойынша қылмыстық іс қозғалды.<blockquote>“Қылмыстық кодекстің 190-бабы 3-бөлігіне сәйкес, Ақтөбе қаласының тумасына қатысты үшінші қалалық полиция бөлімінің 16 арызданушының шағымы бойынша сотқа дейінгі тергеп-тексеру басталды. Қазір тергеу амалдары жүргізіліп жатыр”, –&nbsp;деді Ақтөбе қаласы полиция басқармасының бастығы&nbsp;Әсет Қалиев.</blockquote>Күдікті уақытша ұстау изоляторына қамалды. Алдағы уақытта жәбірленушілердің нақты саны мен шығын көлемі есептеледі.Фото: Нұрболат Нұржаубай &nbsp;

Ақтөбеде емші әйелге несие алып берген көпбалалы ананың 18 млн теңге қарызы бар

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданының әкімі Жандос Еркінбек бірқатар инфрақұрылымдық нысандардың жағдайын тексеріп, төтенше жағдайлардың алдын-алу жұмыстарының барысымен танысты.Алдымен аудан басшысы «Марал баба» кесенесіне баратын жолдың құрылыс жұмыстарын бақылады. Бұл жол аудан тұрғындары мен Марал Ишан кесенесін зиярат етушілер үшін маңызды инфрақұрылым болып табылады. Аудан әкімі тиісті сала басшыларына жолдың сапасы мен қауіпсіздігін қамтамасыз ету бойынша тапсырмалар берді.Одан кейін, Қармақшы ауылы мен Далдабай елді мекені шекарасы тұсындағы және Дүр Оңғар ауылының маңындағы Сырдария өзенінің жағдайымен танысты. Бұл аймақтардағы өзен жағалауының бекітілуі мен су тасқындарына қарсы қорғаныс шараларының сапасы назарға алынды. Өзеннің жағдайын бақылау – тұрғындардың қауіпсіздігі мен ауыл шаруашылығын дамытуда ерекше маңызды. Бүгінгі күнгі мәлімет бойынша Қызылорда су торабынан 365 м3/сек, Әйтек су торабынан 327 м3/сек, Қараөзек арнасынан 35 м3/сек су келіп түсуде. Жосалы кенті тұсында Сырдария өзенінің су деңгейі 98.97.Сонымен қатар, аудан әкімі «Қожатай» учаскесіндегі су тоспасының жағдайын және «Сарыөзек» көлінің экологиялық жағдайын тексерді. Бұл нысандар өңірдегі су ресурстарын тиімді пайдалануда маңызды рөл атқарады. Аудан басшысы су тоспаларының техникалық жағдайын жақсарту және оларды тиімді басқару қажеттілігіне тоқталды. Қазіргі күні Сырдария өзенінен Сарыөзек көліне 3 м3/сек су түсуде.Аудан басшысы сапар барысында жауапты мекеме басшыларына нақты тапсырмалар беріп, жұмыс сапасын жақсарту бойынша бірқатар міндеттер жүктеді.Фото: Қармақшы ауданының әкімдігі

Жол құрылысы мен қорғаныс бөгеттерінің жай-күйімен танысты

<a href="https://kyzylorda-news.kz/">Kyzylorda-news.kz</a> 2024 жылы өңдеу өнеркәсібі 2023 жылмен салыстырғанда 19,6 пайызға артық өнім өндірген. Жалпы өсімнің негізі - жеңіл өнеркәсіпте. Ол 60,7% - ды құраса, 31,3% - ы металлургия өндірісіне тиесілі. Есепті кезеңде өңір экономикасына қанша инвестиция салынды, және оның өткен жылмен салыстырғанда айырмашылығы қандай? Бұл туралы облыстық экономика және қаржы басқармасы басшысының міндетін атқарушы Дастан Баймаханов мәлімдеді.<blockquote>- Есепті кезеңде өңір экономикасына түскен инвестиция 2023 жылмен салыстырғанда 21,7 % артық. Құрылыс жұмыстарының да тірлігі тиянақты. Өткен жылы қарқынды жұмыстар жүргізді. Аймақта бюджет қаржысы есебінен 42 әлеуметтік нысан салынды. Оның ішінде жаңа заманауи қан орталығы, 1000 орындық өнер орталығы жобалары бар. 2024 жыл “Руханият жылы” болып жарияланған соң, барлық аудандарда “Руханият орталықтары” бой көтерді. 866,8 мың шаршы метр тұрғын үй пайдалануға берілді. Жалпы облыста әлеуметтік-экономикалық дамудың негізгі макрокөрсеткіштері бойынша өсімнің оң динамикасы қалыптасты десек болады. Облыс экономикасының даму қарқынын сақтап қалу бойынша жұмыстар әлі де жалғасатын болады,- деді Дастан Бақытұлы.</blockquote><img src="https://knadmin.beoblood.kz/uploads/brifing_8f8ae5b41d.jpg" alt="брифинг.jpg">Фото: Нұрболат Нұржаубай/Қызылорда облысының өңірлік коммуникациялар қызметі

Облыста әлеуметтік-экономикалық дамудың оң динамикасы қалыптасқан

<a href="https://kyzylorda-news.kz/">Kyzylorda-news.kz</a> Мемлекеттік кірістер органдарының негізгі міндеттері - бюджеттің кіріс бөлігін және мемлекеттің экономикалық қауіпсіздігін қамтамасыз ету. Осы аталған міндеттердің аясында қарбалас тіршілік, жүйелі жұмыстар жүруде. Атап айтар болсақ 2024 жылы бекітілген мемлекеттік бюджет жоспары 102% -ға орындалып, қажетті қаржы артығымен өндірілсе, түсімнің өсу қарқыны артты.Салықтық түсімдер бойынша республика көлемінде облыстар арасында Қызылорда республикалық жоспардың орындалуынан 6 орында, түсім қарқынынан 3 орынға жайғасқан. Бұл туралы Мемлекеттік кірістер комитетінің Қызылорда облысы бойынша мемлекеттік кірістер департаментінің басшысының міндетін атқарушы Әділбек Бекішев мәлімдеді.<blockquote>- Біздің басты құндылығымыз салық төлеушілер, ал мақсатымыз салық төлеушілерге барынша қолайлы жағдай жасау арқылы сапалы қызмет көрсету. Өңіріміздің мемлекеттік кірістер органдарымен 2024 жылы барлығы 656 836 мемлекеттік қызмет көрсетілсе, оның электронды түрде 99,8% құраса, қағаз түрінде 1 231 немесе 0,2% құрап отыр. Ал, Салық төлеушілердің санына келетін болсақ:</blockquote>Облыс бойынша 2025 жылдың 1 қаңтарына 12 774 заңды тұлға, 58 855 дара кәсіпкер тіркелген.<blockquote>Оның ішінде шағын және орта бизнес өкілдерін алатын болсақ, 2025 жылдың 1 қаңтарына өңірімізде 68 257 шағын және орта бизнес өкілдері тіркелген. Ал, жеке тұлғалардың салықтарына келетін болсақ, 2024 жылдың салығын қоса есептей отырып, 2025 жылдың 1 қаңтарына берешегі бар салық төлеушілердің саны 21,9%-ға азайса, салық сомасы 6 141,6 мың. тенгеге немесе 2,2%-ға азайып отыр,- деді Әділбек Ерғалиұлы.</blockquote><img src="https://knadmin.beoblood.kz/uploads/Mem_kirister_departamenti_d1b458102f.jpg" alt="Мем.кірістер департаменті.jpg">Фото: Нұрболат Нұржаубай/Қызылорда облысының өңірлік коммуникациялар қызметі

Атқарылған жұмыстар аясы кең

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаевтың төрағалығымен өткен мәжілісте автожол саласының мәселелері талқыланды. Оған селекторлық режимде қала, аудан әкімдері мен жауапты сала басшылары қатысты.Аймақ басшысы автомобиль жолдарының сапасына қатысты тапсырмалар жүктеді.<blockquote>«Өткен жылы Мемлекет басшысы Қасым-Жомарт Кемелұлы Атырау қаласындағы Ұлттық құрылтайдың отырысында «Автокөлік жолдары – елдің экономикалық және әлеуметтік тыныс-тіршілігінің күретамыры. Сапалы жол жалпыұлттық міндетке айналуы керек. Жолдың сапасы жақсармай, еліміздің дамуы туралы сөз қозғау мүмкін емес», – деп атап айтты. Бұған дейінгі жол саласына қатысты мәжілістерде сапаға баса мән беруді тапсырып келемін. Бұл ретте Жол активтері Ұлттық сапа орталығының рөлі ерекше. Орталық облыстағы 91 жобадан 1884 сынама алып, 138 ақауды анықтаған. Оның ішінде Қызылорда қаласындағы 31 жобадан анықталған 14 ақау бүгінгі күнге дейін қалпына келтірілмеген. Кемшілікті түзетуді шұғыл арада қолға алыңыздар. Мердігер мекемелер құрылыс жұмыстарына заманауи техника мен технологияларды пайдаланып, сапалы әрі мерзімінде орындауы тиіс. Алдағы уақытта сапасыз жұмыс үшін мердігер мекемелермен қоса, авторлық және техникалық қадағалаушылар да жауапты болатынын ескеріңіздер. Облыстық жолаушылар көлігі және автомобиль жолдары басқармасы, Қызылорда қаласы және аудан әкімдері бірлесіп автомобиль жолдары мен көшелердің, реконструкциялау, жөндеу жұмыстарының сапасын қатаң бақылауға алыңыздар. Биылға межеленген жұмыстардың сапалы атқарылуын қамтамасыз етіңіздер», – деді Н.Нәлібаев.</blockquote>Облыс аумағындағы жергілікті маңызы бар автомобиль жолдарының ұзындығы 3545 шақырым, оның 1025 шақырымы – республикалық, 555 шақырымы – облыстық, 1965 шақырымы – аудандық маңызы бар автомобиль жолдары.Былтыр 300 шақырымнан астам жол жөндеуден өтіп, жақсы жағдайдағы жолдар үлесі 92 пайызға жетті. Биыл республикалық және облыстық бюджеттен бөлініген қаржыға 329 шақырым жолдар мен көпірлерді жөндеу жоспарлануда. Бұл арқылы жақсы жағдайдағы жолдар үлесі 95 пайызға жеткізілмек.Фото: Қызылорда облсы әкімінің баспасөз қызметі

Автожол саласының мәселелері талқыланды

<a href="https://kyzylorda-news.kz/">Kyzylorda-news.kz</a> Мемлекет&nbsp;басшысы&nbsp;Қасым-Жомарт&nbsp;Кемелұлы&nbsp;Тоқаевтың «Әділетті&nbsp;Қазақстан: заң мен тәртіп, экономикалық&nbsp;өсім, қоғамдық оптимизм» атты&nbsp;Қазақстан халқына&nbsp;Жолдауын&nbsp;қоғамға&nbsp;кеңінен насихаттау&nbsp;мақсатында&nbsp;өтетін «Қазақстан Республикасының үздік еңбек адамы» атты&nbsp;республикалық&nbsp;патриоттық&nbsp;байқауына өз мамандықтарының хас шеберлерін, еңбек адамдарын қатысуға шақырамыз.Іс-шараның мақсаты:&nbsp;Мемлекет басшысы Қасым-Жомарт Кемелұлы Тоқаев Қазақстан халқына арнаған жолдауында: Кәсібилік пен еңбекқорлық қоғамымызда ең жоғары орында тұруы қажет. Тағы да қайталап айтамын. Елімізде еңбекқор адам, кәсіби маман ең сыйлы адам болуға тиіс. Осындай азаматтар мемлекетімізді дамытады. Біз қарапайым еңбек адамына құрмет көрсетуіміз керек. Қандай кәсіппен айналыссаң да, оны сапалы атқару маңызды.<blockquote>Біз түрлі саладағы мамандарға, қатардағы жұмысшыларға құрмет көрсетуіміз қажет. Бәсекеге қабілетті экономикасы бар озық ел боламыз десек, ең алдымен, адал еңбекті бағалаған абзал, – деп атап өтті.</blockquote>Осы ретте Тәуелсіздік жылдары адал еңбек етіп, өз мамандығының хас шебері атанып, елеуді еңбек етіп, еліміздің дамуына үлес қосып жүрген азаматтарды қоғамда кеңінен насихаттау, жастарға үлгі ету.Республикалық байқау қатысушылары:Қазақстан Республикасының еңбек нарығында кемінде 7 жыл еңбек өтілі бар, ұлт жанды, мемлекетшіл ұжымында белсенді, абыройлы, өзінің парасаттылығымен жас буынға үлгі өнеге көрсетіп жүрген азаматтар.Байқаудың шарттары:Байқау екі кезеңнен тұрады. Бірінші кезең бойынша қатысушы өзі жайлы жазылған 2 беттен артық емес өмірбаянын (14 кегл, Times New Roman) және өтініш кестесін толтырып бірге жіберу қажет. Сондай- ақ өмірбаяндағы жеткен жетістіктерін растайтын құжат көшірмелері (мыс.: алынған алғыс хат, сертификат, куәлік және т.б.) қоса тіркелуі тиіс.Құжаттар elorda_01@mail.ru&nbsp;электронды почтасына 2025 жылдың қаңтар айының 30-на дейін&nbsp;қабылданады.Байқау жеңімпаздарына төмендегі марапаттар табысталады:<ul><li style="text-align:justify;">«ҚР ҮЗДІК ЕҢБЕК АДАМЫ»&nbsp;төсбелгісі;</li><li style="text-align:justify;">«ҚР ҮЗДІК ЕҢБЕК АДАМЫ»&nbsp;статуэткасы;</li><li style="text-align:justify;">Куәлік;</li><li style="text-align:justify;">Құрмет грамотасы;</li><li style="text-align:justify;">Қатысушыға&nbsp;қолдау&nbsp;көрсеткені&nbsp;үшін&nbsp;мекеме&nbsp;басшысының&nbsp;атынан&nbsp;Алғыс хат табысталады.</li></ul>Байқаудың&nbsp;марапаттау&nbsp;рәсімі&nbsp;Астана қаласында конференция түрінде&nbsp;өтеді. Қорытынды конференция бағдарламасы&nbsp;іріктеліп&nbsp;алынған&nbsp;қатысушыларға&nbsp;жіберіледі. Қорытынды конференция барысында&nbsp;елімізге&nbsp;белгілі&nbsp;тұлғалардың&nbsp;қолынан&nbsp;төсбелгі&nbsp;және&nbsp;тағы басқа&nbsp;марапаттар&nbsp;табыс&nbsp;етіледі.Ұйымдастыру алқасының сайты:&nbsp;https://bilim-ork.kz/Электронды почта: elorda_01@mail.ruИнстаграм&nbsp;парақшасы: @bilim_orkenietyҰйымдастыру&nbsp;алқасы:&nbsp;+7 707 410 13 24, +7 747 702 52 62, +7&nbsp;778-742-74-40,&nbsp;+7 778 742 74 40ӨТІНІШ КЕСТЕСІ<figure class="table"><table><tbody><tr><td style="border:1.0pt solid windowtext;height:19.65pt;padding:0cm 5.4pt;vertical-align:top;width:247.75pt;">Қатысушының&nbsp;тегі, аты-жөні</td><td style="border-bottom-style:solid;border-color:windowtext;border-left-style:none;border-right-style:solid;border-top-style:solid;border-width:1.0pt;height:19.65pt;padding:0cm 5.4pt;vertical-align:top;width:247.8pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;padding:0cm 5.4pt;vertical-align:top;width:247.75pt;">Облыс, қала, аудан, село (ауыл) атауы</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:247.8pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;padding:0cm 5.4pt;vertical-align:top;width:247.75pt;">Қызмет&nbsp;орны&nbsp;атауы, лауазымы</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:247.8pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;padding:0cm 5.4pt;vertical-align:top;width:247.75pt;">Еңбек&nbsp;өтілі</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:247.8pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;padding:0cm 5.4pt;vertical-align:top;width:247.75pt;">Байқау атауы</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:247.8pt;">ҚР үздік еңбек адамы</td></tr><tr><td style="height:6.3pt;padding:0cm 5.4pt;vertical-align:top;">Телефон, ұялы, е-mail.ru</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:247.8pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;padding:0cm 5.4pt;vertical-align:top;width:247.75pt;">Сапалы&nbsp;түрлі-түсті ¾ фото</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:247.8pt;">&nbsp;</td></tr><tr><td style="border-bottom-style:solid;border-color:windowtext;border-left-style:solid;border-right-style:solid;border-top-style:none;border-width:1.0pt;padding:0cm 5.4pt;vertical-align:top;width:247.75pt;">Мекен-жайы, жергілікті&nbsp;казпочтаның индекс номері</td><td style="border-bottom:1.0pt solid windowtext;border-left-style:none;border-right:1.0pt solid windowtext;border-top-style:none;padding:0cm 5.4pt;vertical-align:top;width:247.8pt;">&nbsp;</td></tr></tbody></table></figure>

Қазақстан және Қызылорда облысының жаңалықтары: Қоғам