<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев 2021 жылғы Жолдауында «Бүгінгі таңда бөлінген қаржы әлі бармай жатқан салалар бар. Екінші деңгейдегі банктер шағын жобаларға, әсіресе ауылға арнап ақша салмайды. Сондықтан, микроқаржы ұйымдарының әлеуетін іске қосу керек. Олар жергілікті жерде жұмыс істейді. Өзінің тұтынушыларын, олардың бизнесі мен мүмкіндіктерін жақсы біледі» деп микроқаржы ұйымдарының әлеуетін толықтай пайдалану керегін айтқан болатын.Шынында да, микроқаржы ұйымдарының негізгі мақсаты кәсіпкерлерді қаржыландыру, банктерден кредит алуға мүмкіндігі жоқ кәсіпкерлерді қолдау, өз бизнесін жаңадан &nbsp;ашқысы келетін азаматтарды қаржыландырып, қолдау көрсету болып табылады. Негізінен микроқаржылық ұйымдар елімізге 1996 жылдан бастап келе бастапты. Дегенмен, елімізде оларды реттеуге арналған заң қабылданбағандықтан оның пайдалы тұстарын азаматтар бірден аңғара қоймаған. Сол жылдардан бастап, елімізде көптеген микроқаржы ұйымы тіркеле бастағанымен, халық үшін жұмыс атқарып жатқандары саусақпен санарлық. Солардың қатарына «KMF» микроқаржылық ұйымын жатқызуымызға болады.&nbsp;Нарыққа 24 жыл бұрын келген ұйымның осы уақытқа дейін кәсіпкерлерге берген несие көлемі 140 млрд теңгеден асып жығылады. Ал, оның басым бөлігі яғни, 68 пайызы – өзіміз секілді ауыл-аймақ тұрғындарына берілген. Қазіргі таңда, KMF-тің Қазақстан бойынша 110 кеңсесі жұмыс істеп, 4000-нан аса елді мекенді қамтып отыр.KMF – Қызылорда облысына 2006 жылдың наурызында келіп, биыл жұмыс жасап жатқандарына 15 жыл уақыт болып қалыпты. Ал, облысымыздағы аудандар арасында алғашқы филиалалы басқа емес, дәл осы Шиелі ауданында ашылған болатын. Қазіргі уақытта филиалдың бөлім басшысы болып Данияр Бақтиярұлы қызмет етуде. Оның қарамағында 11 сарапшы маман іскерлікпен, адамгершілік қасиеттерді ұштастыра отырып жұмыс жасауда. Соның бірі микроқаржылық ұйымда бірнеше жыл бойы жұмыс істеп келе жатқан сарапшы маман Мағжан Жүнісов. Бүгінгі мақаламыз дәл осы маманның іскерлігіне, микроқаржылық ұйымның түрлі кәсіпкерлерге көрсеткен көмегіне арналмақ.KMF-тің көмегімен кәсібін өрге домалатқан Шиелінің нәзік жанды кәсіпкерлерінің бірі – Динара Абдуллаева. Алтын әшекей бұйымдарын сатумен 10 жылдан астам уақыт айналысып келе жатқан кәсіпкердің айтуынша, &nbsp;КМҒ микроқаржылық ұйымына жолыққанға дейін оның жеке дүкен ашуға мүмкіндігі болмаған. Ойлана келе екінші деңгейлі банктерді емес, дәл осы микроқаржылық ұйымнан көмек сұрауды жөн көріпті. Бұл таңдауын ол сарапшы мамандардың жылдам жұмысы мен ұйымның сұратқан &nbsp;құжатттарының аз болуымен байланыстырады. Сөйтіп, Динара 2020 жылы желтоқсанда KMF-тен 10 млн теңге алып, дүкенін ашқан. Бұл қаражатты жарты жылдың ішінде қайтарып, екінші мәрте 10 млн теңге алған. Енді 20 млн теңге алып, кәсібін одан әрі кеңейту мақсатында KMF-пен жұмысын жалғастырмақ ниетте.– «Қазіргі таңда 4 адамды жұмыспен қамтып отырмын. Алтын сататын дүкенді ашып, ісімді өрге домалату үшін КМҒ-тің көрсеткен қолдауын әркез таныстарыма айтып жүремін. Онда көп құжатты әзірлеп, ұзақ уақытты құртпайсың. Барлығы жылдам, әрі қолжетімді. Алдағы жоспарым, тағы да микрокредит алып, Түркиямен байланыс орнатып, көтерме бағада алтын әкеліп сату, осының барлығы KMF-тің көмегінің арқасында. Негізі өз басым KMF Шиеліде ашыла салғаннан бастап клиентімін, Шиелідегі ең бірінші клиенттерінің бірімін дей аламын», – дейді кәсіпкер.&nbsp;Әңгіме барысында кәсіпкер қуанышты жаңалығымен де бөлісе кетуді жөн көрді. Оның айтуынша, ол қазір кешен тұрғызып жатқан көрінеді. Құрылысы аяқталса, 15-20 адамды тұрақты жұмыспен қамтуды көздейді. Ал, жаңадан кәсіп ашқысы келетін адамдарға Динара Абдуллаева «Жаңадан кәсіп ашқысы келетін адамдарға, оның ішінде несие алып кәсіп ашудан жүрексініп жүрген азаматтарға айтарым, ешқашан қорықпаңыздар. Көбі несие алып кәсіп ашсам, өзім банктің пайдасына жұмыс жасаймын деп ойлайды. Ол негізінде дұрыс түсінік емес. Мен мысалы, не жасасам да алдымен бәрін жоспарлап, қағазға түсіріп аламын. Әр қадамыңды аңдап бассаң, кез келген кәсіп өз нәтижесін береді», – деп өмірлік тәжірибиесімен бөлісті. Әрі KMF-тің сарапшы мамандарына, оның ішінде Мағжан Жүнісовке шексіз алғысын жеткізді.

Шиелі тұрғыны аз уақытта ірі кәсіпкерге айналды

<a href="https://kyzylorda-news.kz/">Kyzylorda-news.kz</a> Заң Мемлекет басшысының 2022 жылғы 16 наурыздағы «Жаңа Қазақстан: жаңару мен жаңғыру жолы» атты Қазақстан халқына Жолдауында мемлекеттің мүдделерін, қоғамның сұраныстарын және медиа саласының даму үрдістерін ескере отырып, бұқаралық ақпарат құралдары туралы заңды қайта қарау туралы берген тапсырмасын орындау мақсатында әзірленді. &nbsp;Жаңа Заңға «Бұқаралық ақпарат құралдары туралы» және «Телерадио хабарларын тарату туралы» заңдардың негізгі ережелері енді. Аталған заңдар алдағы уақытта күшін жояды.Жаңа Заңда бірқатар тың ережелер қарастырылған.Атап айтқанда, бұқаралық ақпарат құралдарымен қатар, интернет-ресурстарды да қамтитын «масс-медиа» деген жаңа әрі анағұрлым кең ұғым енгізілді.Мемлекеттік ақпараттық саясат жүзеге асырылатын Бірыңғай медиа платформа құру көзделген. Оның ішінде мемлекеттік емес бұқаралық ақпарат құралдарына гранттар беру, аккредиттеудің оңайлатылған тәртібі арқылы (аккредитация карталарын берудің автоматтандырылған процесі) журналистерді мемлекеттік органдар мен ұйымдарға тіркеу және басқа да міндеттер қарастырылған.Журналистер үшін қосымша құқықтық кепілдіктер белгіленген. «Журналистің ерекше мәртебесі» деген ұғым енгізілді. Яғни, журналистің құқықтары мен бостандықтарының қорғалуын, олардың ақпарат іздеу, сұрату, алу және тарату кезіндегі, сондай-ақ «Масс-медиа туралы» Заңда белгіленген өзге де ерекше құқықтарын журналист мәртебесі деп түсіну керек.Шындыққа сәйкес келмейтін және азаматтардың ар-намысына, қадір-қасиетіне және іскерлік беделіне нұқсан келтіретін мәліметтерді теріске шығару туралы БАҚ-қа талап қою мерзімі бұқаралық ақпарат құралдарында мәліметтер жарияланған күннен бастап 1 жыл деп белгіленген.Шетелдік бұқаралық ақпарат құралдарының өкілдіктері мен олардың журналистерін аккредиттеу тәртібі жетілдірілді.БАҚ-тың сұратуларын қарау мерзімі 7-ден 5 жұмыс күніне дейін қысқартылды. Бұл журналистерге қажетті ақпаратты қысқа мерзімде алуға мүмкіндік береді. Осылайша ақпараттың өзектілігі сақталады.БАҚ-тың өз қызметін өзі реттеу мақсатында Заңда қоғамдық-кәсіптік кеңестер құру көзделген. Кеңестер республикалық және өңірлік деңгейлерде құрылуы мүмкін.Бұл кеңестердің негізгі қызметі – Журналистердің әдеп кодексін әзірлеу.Гранттық қаржыландыруды енгізу арқылы мемлекеттік ақпараттық саясатты қаржыландыру тетіктері жетілдірілді.Ұлттық теле-радио хабарларын тарату мүддесін қорғау мақсатында мемлекеттік тілдегі отандық теле-радио бағдарламалардың апта сайынғы көлемі 50 пайыздан 60 пайызға дейін ұлғайтылды.Отандық теле-радио арналарда шетелдік теле-радио бағдарламаларын ретрансляциялау көлемі 20 пайыздан 10 пайызға дейін төмендетілді.Өз-өзіне қол жұмсауды насихаттайтын ақпаратты, өзін-өзі өлтірудің жолдары мен оған үндейтін ақпаратты таратуға және (немесе) жариялауға тыйым салынады.Фото: Ақорданың баспасөз қызметі

Мемлекет басшысы «Масс-медиа туралы» Қазақстан Республикасының Заңына қол қойды

<a href="https://kyzylorda-news.kz/">Kyzylorda-news.kz</a> Қызылорда облысының әкімі Нұрлыбек Нәлібаев Қазақстан Республикасы Үкіметі делегациясының құрамында Ресей Федерациясы Татарстан Республикасына жұмыс сапарымен барды. Бұл туралы Қызылорда облысы әкімінің баспасөз қызметі хабарлады.&nbsp;Сапар кезінде аймақ басшысы Нұрлыбек Нәлібаев пен Түркістан облысының әкімі Дархан Сатыбалды Қазақстан Республикасының Ресей Федерациясындағы Төтенше және Өкілетті Елшісі Дәурен Абаевпен кездесіп, бірқатар мәселелерді талқылады.Айта кетейік, жоспарланған ресми шаралар ертең басталады.

Нұрлыбек Нәлібаев Татарстан Республикасына жұмыс сапарымен барды

<a href="https://kyzylorda-news.kz/ru">Kyzylorda-news.kz</a> &nbsp; Жарық дүниеде баланың шат күлкісінен артық, одан асқан бақыт пен бақ бар ма екен? Әсіресе әрбір күнді сәби күлкісімен қарсы алып, оларды мейірімді жүзбен шығарып салатын балабақша қызметкерлеріне тіпті де қызыға қараушылар көп болар. Осындай бал күлкілі балалармен абыройлы жұмыс істеп келе жатқан бөбекжайдың бірі Қармақшы ауданына қарасты Ақайдағы №19 «Балдәурен» бөбекжай-бақшасы.Тәрбие ошағы 2007 жылы ашылып, бастапқыда екі топта 50 баламен жұмысын бастайды. Ал бүгінде бұл көрсеткіш бірнеше есеге артып, 8 топта 175 бала тәрбиеленуде. Бөбекжайда 24 педагог қызмет атқарса, олардың 7-еуі педагог-модератор. Мұнда балаларды күнделікті құшақ жайып қарсы алып, оларды білім мен тәрбиеге құнарландырып отырған Анаркүл Тотаева, Ақгүл Шайымова, Айнұр Ибрашова, Айгерім Алдоңғарқызы, Ләззат Әзбергенқызы, Лиза Ізтілеу, Камила Ержановалар ауыл тұрғындары мен бүлдіршіндердің ата-аналарының алғысына бөленіп жүрген өз ісінің шеберлері. Олар – әрбір баланың денсаулығын сақтау, психологиялық дамуына жағдай жасау және мереке қарсаңында ұйымдастырылатын іс-шараларға тыңғылықты дайындықпен, бала бойындағы өнерді аша білу, басқа да игі қасиеттерді бала бойына сіңіре білуде қанаттары талмай ізденіп еңбек етіп жүрген білікті тәрбиеленушілердің әрбір күнін қызықты да тартымды өткізуге жанын сала жұмыс істеп жүрген бөбекжай-бақшаның әдіскері Мейрамкүл Батаева, ұйымдастырушы-педагог Халида Рахметова, психолог Жазира Шахбергеновалардың да елеулі еңбегін айтып кету ләзім. Сөз кезегінде балабақшаның ашылғанынан бастап қазірге дейін бала жанының бағбаны болып келе жатқан білікті маман, іскер басшы, бөбекжай-балабақшаның меңгерушісі Гүлдәрі Шамшадинқызының есімін құрметпен атап өту де маңызды. Басшының аз-кем еңбек жолына бағдар салып кетер болсақ, әпкеміздің еңбек жолы Қызылорда қаласындағы балабақшалардың бірінде бала күтуші болып басталыпты. Оның одан кейінгі қызметі де осы білім саласымен ұштасады. Тәрбиешілік, орта мектептің мұғалімі қызметтерін біркісідей атқарған Гүлдәрі Шамшадинқызы 2007 жылы "Балдәурен" балабақшасы тұсауын кескен күннен бастап меңгерушілік қызметіне тағайындалған екен.<blockquote>– Ауылдағы №99 мектептің ескі ғимаратына ағымдағы жөндеу жұмыстарын қызметкерлеріміздің күшімен жүргізіп, 3 топқа 75 бала қабылдап, жұмыс бастадық. Ескі ғимаратты балабақша кейпіне келтіруге көп еңбек сіңірдік. Құжат жасау да оңайға соқпады. Бүгінде сол еңбегіміз ақталып, жақсы нәтижемен көрінудеміз. Ауданның, облыстың алдыңғы қатарлы балабақшаларының қатарына қосылғанымызға шүкірлік етеміз, – дейді қиындығы мен көп бейнеті артта қалған күндерді еске түсірген балабақша меңгерушісі, «Еңбек, Абырой, Құрмет» төсбелгісінің иегері Гүлдәрі әпкеміз.</blockquote>«Бала өмірінің алғашқы жылдарында негізгі дағдылар мен танымдардың іргетасы қаланады, негізгі психологиялық үрдістер: зерде, ұғым, ой, тіл қалыптасады. Бұл кезеңде балаға қоршаған әлемді, жан-жақты танудың мүмкіндіктерін ұғындыру және оны адамдар ортасымен таныстыру қажет» дейді осындағы тәжірибелі мамандар.Бір айта кетерлігі бөбекжай-бақша ұжымы балаларды оқыту-тәрбиелеуде Қазақстан Республикасы МЖМББ стандарты бойынша Қазақстан Республикасы мектепке дейінгі тәрбие мен оқытудың үлгілік оқу бағдарламасын, Қазақастан Республикасы Үкіметінің 2021 жылғы қаулысымен бекітілген «Мектепке дейінгі тәрбиелеу мен оқытуды дамыту моделін» басшылыққа алған. Бөбекжай педагогтары «Step dy Step» технологиясын өздеріне бағыт-бағдар еткен. Бұл технология халықаралық педагогикадағы ең үздік тәжірибелердің жиынтығы есептеледі дейді. Ол баланың зеректік қасиеттерін дамытуға ықпал етсе, тағы бір ұтымдысы – тәрбиенің барлық түрі қарастырылғанға ұқсайды.<blockquote>– Оқыту және тәрбие беру белсенділік (әдебиет, өнер, құрылыс, зерттеу, үстел үсті ойындары, су және құм, желілі-рольдік ойындар) орталықтарында өтеді. Осы орталықтарда бала әртүрлі қызмет түрімен айналыса отырып, жан-жақты танып үйренеді. Орталықтар баланың шығармашылығын дамытуға кеңінен мүмкіндіктер ашады, өздігінен ізденуге баулиды, жаңалықтар ашуға түрткі бо- лады. Бөлмелер қажетті материалдармен толық жабдықталғанын да айта кетуге болар. Осы материалдармен жұмыс істеу кезінде бүлдіршіндердің ой-өрісі кеңейіп, зейіні дамиды. Тәрбиеші баланың жеке тұлға ретінде даму үрдісіне басшылық жасайды, оның қызығушылығын тудыратын іске қарай бағыттайды. Балаларды тәрбиелеу мен оқыту үшін бөбекжай- бақшаның материалдық-техникалық базасы талапқа сай жиһаз, ойыншықтар, ақпараттық тақта, теледидар, музыкалық орталық, видеокамера, планшет, компьютермен қамтамасыз етілген. «Қазақстан Республикасы Мемлекеттік жалпыға міндетті білім беру стандартының мектепке дейінгі тәрбие мен оқытудың Негізгі ережелерін» орындау барысында балалардың дамуын бағалау жүйесін, білім беру салалары арқылы бала құзыреттілігін қалыптастыруға бағытталған индикатормен жұмыс істейміз. Балалардың құзыреттілік көрсеткіші жас ерекшеліктеріне байланысты қойылған сұрақтар арқылы толтырылады. Индикатор оқу жылында 3 рет толтырылып, әр айға диагностика жасалып, топ бойынша мониторинг арқылы баланың жылжу көрсеткіші шығарылып отырылады. Одан бөлек педагогтардың практикасын тәжірибе алмасу, біліктілігін арттыруға, өзін танытуға мүмкіндік жасау арқылы жетілдіру – біздің алға қойған мақсатымыздың бірі. Ұстаздарымыз жиған-терген тәжірибесін таратып, басқа әріптестерімен алмасу мақсатында облыстық вебинар, аудандық, аймақтық семинар, іс-шаралар ұйымдастырудамыз, – дейді Гүлдәрі Шамшадинқызы жұмыс процесін тілге тиек етіп.</blockquote>Мұндай іс-шаралар әдетте маманның біліктілігін арттырып, білімін толыстыра түсетіні белгілі. 2020 жылы айтулы мекеме ұжымы «Мектеп жасына дейінгі балалардың театрландырылған әрекет дағдыларын дамыту жолдары» атты облыстық вебинар өткізсе, былтыр облыстық оқу орталығының әдістемелік кабинетінің жоспарына сәйкес жүргізілген «Үздік логопед – 2021» байқауында жас маман Инабат Әбілхан «Ізденімпаз логопед» номинациясымен марапатталса, осы орталықтың ұйытқы болуымен өткізілген «Үздік тәрбиеші – 2021» байқауында тәрбиеші Ләззат Казбиева жүлделі ІІ орынды қанжығасына байлаған. Сондай-ақ «Дарын» шығармашылық орталығының «Тәуелсіз Қазақстан – елім менің» атты республикалық байқауында 5-6 жас аралығындағы бүлдіршіндер «Хореография, «Көркем сөз» номинациясы бойынша өнер көрсетіп, І дәрежелі дипломмен және «Оркестр» номинациясы бойынша бас жүлдемен мадақталған. «Бақытты елдің ұрпағы» қоғамдық қорының ұйымдастыруымен өткен республикалық «Дала сазы» байқауында жоғары дәрежеде өнер көрсеткені үшін балабақшаның «Сымбат» би тобы ІІІ орын иеленіп, халықаралық «Біз бақытты баламыз» байқауында ІІ орынды олжалаған. Балаларды өнерге баулу – балабақшаның асыл мұратына айналған. 2022 жылы мектепке дейінгі білім беру ұйымдарының тәрбиеленушілері арасында «Балалық шағымның бақытты биі» атты облыстық би байқауында Анар Тотаеваның жетекшілік етуімен «Сымбат» би тобы ІІІ орынды иеленіп, мерейлері тасыған.<blockquote>«Өткен оқу жылындағы басты мақтанарлық жетістігіміз, балаларды ерте дамыту институты «Алақай, жайдарлы жаз келді!» челенджін ұйымдастырып, республика бойынша ІІ орын биігін бағындырдық. Енді алда – ауламыздың ішінен балалардың жазғы сауықтыру кезінде тобықтан төмен шаю шараларын ұйымдастыруға ата-аналармен бірлесіп шағын бассейін салуды көздеп отырмыз. Бүгінгі жас ұрпақтың азамат болып қалыптасуы, оның туған ұясына, өскен ортасына, көрген тәрбиесіне тікелей байланысты десек, әрбір баланың бойына ана тілінің әлдиін, туған ұлтының әдет-ғұрпын, салт-санасын сіңіріп, тәуелсіз мемлекетіміздің тізгінін ұстар нағыз патриоттар етіп тәрбиелеуде бала жанының бағбаны ретінде тынбай еңбек ете береміз. Өмірде баладан таза, баладан пәк жаратылыс жоқ. Өз басым баланың бойынан тек қана тазалық пен пәктікті көремін, өйткені бала Алланың адамзатқа тартқан еңбір ғажайып, баға жетпес сыйы деп білемін. Міне, осындай тамаша мамандықты таңдап, өз таңдауының иесі бола білген әріптестерімнің еңбектеріне толағай табыс тілеп, ұжымыма «Бал қызығың таусылмасын – «Балдәуренім» дегенді айтқым келеді» дейді бөбекжай-бақшасының меңгерушісі Гүлдәрі Шамшадинқызы риясыз көңілмен.</blockquote>Бөбекжайда болған аз уақытымызда біршама игі тірлікті көзбен көріп, көңілге тоқыдық. Соның ішінде Монтессори әдісімен жабдықталған және робото-техника бөлмелері бала түгілі ересек біздерді де өзіне баурап әкетті.

Қармақшыдағы балалар ордасы

<a href="https://kyzylorda-news.kz/">Kyzylorda-news.kz</a> &nbsp;Өткен жылдың қараша айының соңына қарай Қызылордадағы «Анаға тағзым» орталығында ауданның ашық есік күні ұйымдастырылған еді. Сонда ақпараттандыру мақсатында аудандағы аналар делегациясымен бірге барған болатынбыз. Барша зиялы қауымның ортасында болып, әсерлі кештен біраз дүниені көзбен көріп, көңілге түйіп, санаға жазып алғанымыз бар-ды.Қармақшыда дүние есігін ашқан, Қызылорда қаласына жұмыс бабымен қоныс аударып облыстың даму жолында аянбай қызмет қылып жүрген бір топ қыз-келіншектер «төркінін» көріп, ақ жаулықты аналарды құшақ жая қарсы алды. Көптен бері қауышпаған жақындар мәре-сәре болып, есен-саулық сұрасып жатқанда өзімнің де төркінім есіме түсіп, жанардағы жасты бір сығып алғаным бар.Республикада мұндай орталық тек үш облыста ғана бар болса, оның біреуі біздің өңірден ашылғаны қуантады. Мұны әрбір ауданнан ашса да артық етпейді деп ойладық. Себебі ұлттың ұлылығы ананың алақанынан тарайды ғой.&nbsp;Осы кеште аналар тағылымды әңгіме өрбітті, ұлттық құндылықты кеңінен насихаттады. Рухани құндылықтарға толы мәдени шараның соңында «Қармақшы қарлығаштары» деп аталатын ауданымызда туып-өскен қазіргі таңда Қызылорда қаласында тұратын бірқатар алдыңғы буын аналардан бастап жас қыз-келіншектерге сахна төріне орын беріп шығарды. Онда қызметте жүрген арулар да табылды. Сөз сөйлегендердің қатарында «Спортшылардың анасына қажет кеңес болса сұраңыздар, әрдайым білгеніммен бөлісуге тырысамын» деген Мақсат Исағабыловтың анасы Роза Қуаңбаеваның сөзі құлағымда қалып қойыпты.Жалпы аудандық газетте жетістікке жеткен спортшыларға жиі орын арнағанымызбен олардың ата-анасы туралы көп жазыла бермейді екен. Біразға дейін әлгі кісімен сөйлесіп, аналық тәрбиесін білгім келіп көңілім ауды. Әсілі біз спортшыларды сөз қылғанда, еңбекті өзі мен жаттықтырушыға береді екенбіз. Бірақ үйдегі бабы, аналық қолдауы туралы мүлдем айтпай, тысқары қалып қойып жатамыз. Расымен әрбір жанның қызметтегі өсуі мен өмір жолындағы жеңісінің артында ата-ананың сенімі жатады емес пе?! Жақында спортшының анасымен тілдесудің сәті түскен еді.Әңгіменің төркінің жеткізген соң сұрағымды төтесінен қойдым.&nbsp;«Жалпы ер бала анаға жақын болады ғой. Ана баланың жеңісіне қалай әсер бере алады?» деп алғашқы сұрағымды қойғаным сол еді, апам ағынан ақтарыла сөйледі.<blockquote>Иә дұрыс айтасың, қазіргі уақыттың ағымы ма, білмеймін, қыз әкеге, ер бала анаға жақын. Бірақ біз әкесі екеуміз тәрбиені бірге беруге тырыстық. Мақсат кішкене кезінде жұқалтаң, әлсіздеу болды. Бірақ спортқа бейімді, өзімен өзі жаттығып жүретін. Соны байқаған әкесі бесінші сынып оқып жүргенінде Болат тренерге апарып тапсырған. Баланың талабына қолдау көрсетіп, демеп отыру, әрине ата-анаға байланысты. 40 градус шіліңгір шілде мен саршұнақ аязда да жаттығудан қалмауына барынша жағдай жасадық. Негізі ата-ана баласының қалауына үлкен мән беріп, бағдарлап отыруы керек. Баланың әрбір жетістігіне анасының қуанғаны оны болашаққа қанаттандырады. Мақсаттың алып келген әрбір мақтау қағаздарына, марапаттарына қуанып, тәу етіп, қатты мән беріп отырдық. Бұл Мақсаттың бұдан да үлкен жеңістерге жетуіне мотивация болды деп есептеймін, – дейді Роза Қаратайқызы.</blockquote>Спортшылардың физикалық тұрғыда баптаған бапкердің еңбегі бағаланып жатады. Ал үйде тамағын, бар жағдайын жасап отырған ана туралы кейде ұмытып кетіп жатамыз ғой. «Баласы бәйгеге шапса, анасы үйде отырып тақымын қысады» дейді дана халқымыз. Бақ сынаған әрбір сайысында Аллаға тапсырып, баласына амандық, абырой тілеп отыратын шын тілекші жан да осы ана емес пе?! Студент кезде әрбір емтиханда болатын сынақ алдында анамның «Ақнұр асықпа, кейде шыдамсызданып кететініңнің кесірі тиіп кетпесін» деп ескертіп, сәттілік тілеп, батасын беріп отыратын. Сол аналық дұғасынан болар, сынақтан мүдірмей, үнемі жақсы баға алып шығатын едім.<blockquote>Баланың қай іске бейімділігі барын расымен анасы ерте бастан аңғарғаны дұрысырақ. Әлгінде айтқандай, баланың қалауын сұрап кеңескен де артық етпейді. Сол үшін апайымыздан өзім секілді жас аналарға айтар кеңесін де сұрай кеттім.&nbsp;Қазіргі жастарға, жас аналарға айтарым – әлеуметтік желіге бар уақытын арнамай, ата-әжелердің тәрбиесін жалғап, балалардың бойына ұлттық, отбасылық құндылықтарды, қазақи салт-дәстүрлерді сіңіру қажет. Аналық мейрім, жылы сөздер, болашақтарының жарқын болатынына сенім ұялату керек сияқты, – дейді спортшының анасы.</blockquote>Жайдары жанмен сөйлескен аз-кем уақыт жаныма ерекше жайлылық сыйлады. Шынтуайтында, дүниеде анадан қымбат, анадан артық жан жоқ. Әрбір перзент асыл ананың алдында бас иіп, тағзым етеді. Ана болудың да өз жауапкершілігі бар. Оның бірі – балаға деген сенім, мейірім. Қандай жағдай болсын баланың шексіз талантына, сеніп, мұны айтудан да қысылмаған жөн. Себебі жылы сөз жан семіртеді емес пе?! Әлем қарсы тұрса-дағы аналық сенім алға жетелейтінін айналадан көріп жүрген шығарсыз...&nbsp;Ақнұр САҒЫНТАЙ

Роза Қаратайқызы: Баланың талабына қолдау көрсетіп, демеп отыру ата-анаға байланысты

<a href="https://kyzylorda-news.kz/">Kyzylorda-news.kz</a> &nbsp;Жыл басынан бері облыс көлеміндегі мемлекеттік орман қоры жерлерінде браконьерліктің алдын алу, заң бұзушылықтарды жою мақсатында рейдтік шаралар тұрақты түрде жүргізілуде. Осы орайда, Қызылорда облыстық жануарлар дүниесін мемлекеттік қорғау жөніндегі мамандандырылған мемлекеттік мекемесі және облыстық орман және жануарлар дүниесін қорғау жөніндегі мемлекеттік мекемелерімен аң аулау қағидаларын бұзу және балық аулау, балық ресурстары мен басқа да су жануарларын қорғау, күзету мақсатында 195 рейдтік жұмыстар жүргізіліп, 87 құқық бұзушылық фактілері анықталды.&nbsp;Жануарлар дүниесiн пайдалану талаптары мен аң аулау қағидаларын бұзу бойынша жалпы 239 980 теңге көлемінде айыппұл салынып, толығымен өндірілді.Балық аулау мен балық ресурстарын және басқа да су жануарларын қорғау қағидаларын бұзу бойынша 867 620 теңге көлемінде айыппұл салынып, толығымен өндірілді.Өз кезегінде аталған рейдтік іс-шаралар облыс аумағындағы Кіші Арал теңізінде, балық шаруашылығы маңызы бар су айдындарында және аңшылық алқаптарда заңсыз балық аулау мен аң атуды алдын алу мақсатында, сонымен бірге балық ресурстары мен басқа да су жануарларының табиғи популяциясын сақтауды қамтамасыз етеді.Заң бұзушылықтарға қарсы рейдтік шаралар жыл көлемінде жалғасатын болады.

Қызылорда: Жануарлар дүниесін қорғауда рейдтік шаралар тұрақты жүргізілуде

<a href="https://kyzylorda-news.kz/">Kyzylorda-news.kz</a> Осы жылдың наурыз айында Қызылорда облысының сыбайлас жемқорлыққа қарсы еріктілері&nbsp;«№2 арнаулы әлеуметтік қызметтер көрсету орталығы» әкімшілік ғимаратының техникалық жай-күйіне мониторинг жасау барысында кемшіліктер анықтаған болатын.Айта кетейік, аталған ғимараттың сыртқы беті (қабырғалары) едәуір ескіргені (қаптаулары түсіп қалған), сәйкесінше жаңа жөндеу жұмыстарын қажет ететіндігі және осы мәселені зерделеу барысында бұл ғимараттың сыртын жөндеу жұмыстарына 2023 жылы 4 млн теңге бюджет қаражаты бөлінгені белгілі болды.Департаментпен жоғарыдағы бұзушылықтарға байланысты облыс әкімдігіне тиісті шаралар қолдану үшін ұсыныстар жолданып, нәтижесінде, аталған ғимаратта тиісті жөндеу жұмыстары жүргізіліп, қалпына келтірілді.<img src="https://knadmin.beoblood.kz/uploads/53cc190923f254529d78c754847cf7bb_1280x720_6ee100add0.jpg" alt="53cc190923f254529d78c754847cf7bb_1280x720.jpg"><img src="https://knadmin.beoblood.kz/uploads/30ce0c0a490fa593a187b854f232003a_1280x720_39bfdef371.jpg" alt="30ce0c0a490fa593a187b854f232003a_1280x720.jpg">

Қызылордада Антикор еріктілерінің арқасында әлеуметтік нысанның жай-күйі қалпына келтірілді

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясы азаматтарды тегін құқықтық кеңеспен қамтамасыз етіп келеді. Соның негізінде, партияның қалалық филиалының қоғамдық қабылдау бөлмесінде «Құқықтық көмек» жобасы аясында айына екі рет қоғамдық қабылдау өтуде.Бүгін, аталған жоба аясында заңгер Балжан Қожабекқызы азаматтарды қабылдап, құқықтық кеңес берді.Қабылдауда тұрғындар тарапынан:декреттік демалыста жүре тұра, бала денсаулығына байланысты демалыс уақытын ақысыз негізде ұзарту; пәтер алу заңдылығы; алимент пайызын төмендету бойынша сауалдар жолданды.Азаматтардың сауалдарын тыңдаған заңгер Балжан Қожабекқызы заң аясында түсіндірме жұмыстарын жүргізді.&nbsp;

Құқықтық көмек: Тұрғындар сауалы тыңдалды

<a href="https://kyzylorda-news.kz/ru">Kyzylorda-news.kz</a>&nbsp; 23-маусым мемлекеттік қызметкерлер күні. Әрбір мемлекеттің дамуына мемлекеттік қызметкердің қосар үлесі мен салмағы ерекше екені даусыз.Еліміздің &nbsp;мемлекеттік мекемелері – Қазақстан Республикасының Президенті және Үкіметі белгілеген еліміздің қалыптасуы мен Республикамыздың дамуының стратегиялық бағыттарын жүзеге асырудың негізі болып табылады.&nbsp; Мерекеге орай Төретам кенті әкімі аппаратының жетекші маманы Айжан Бердімұратова туралы жазбаққа ниеттендік. Төретам кентінің тумасы, &nbsp;№80 мектеп-гимназия түлегі Айжан Әлиқызы 2010 жылы Жамбыл гуманитарлық-техникалық университетінен «Құқықтану» мамандығын алып шығады. 2015 жылы Төретам кенті әкімі аппаратына заңгер болып қызметке орналасады. Міне сол жылдан бері Айжан хал-қадірінше кент тұрғындарынан кеңесін аямай, өз міндетіндегі қызметін адал атқарып келеді. Отбасында адал жар, аяулы ана атанып отырған Айжан Әлиқызы қызмет пен отбасын қатар алып жүрген жанның бірі. Өмірлік серігі &nbsp;Әсет Әділбайұлы Төретам кентіндегі Жанқожа батыр атындағы №269 орта мектепте дене шынықтыру пәнінің мұғалімі болып қызмет атқарады. &nbsp;Адам өмірінің мәні балалары десек, Арайлым, Айлин, Әлішер атты ұл-қыздары көз қуаныштарына айналған бақытты отбасының түтіні түзу.&nbsp; Өз қызметі туралы сұрағанымызда, Айжан Әлиқызы «Ұлтына, жұртына қызмет ету – білімнен емес, мінезден» деп Алаш арысы Әлихан Бөкейхан айтқандай, халықпен жұмыс істеу үшін жағымды мінез-құлық керек. Халыққа қызмет ететін адамдардың адалдығы және әділдігі, өз жұмысына деген жауапкершілігі, қоғам мен азаматтардың сенімін туғызуы – әрбір мемлекеттік қызметкердің міндеті. Демек адамдар арасында осы қызмет туралы дұрыс пікір, оң көзқарас, оған деген айқын сенімділік қалыптасуы қажет.&nbsp;Мемлекеттік қызметкердің еңбегі терең біліктілікті, үлкен жауапкершілік пен төзімділікті талап етеді» деп жауап берді.&nbsp; Әңгімелесу барысында «Барша әріптестерімді мерекелерімен шын жүректен құттықтай отырып, &nbsp;Отанымыздың даму үрдісімен сабақтас әр күндеріңіз қуаныш пен мақтанышқа толы болсын деймін. Сіздерге Қазақстан халқына қызмет ету сияқты мәртебелі істе табыс, жақсылық пен бейбітшілік, кемеңгерлік пен төзімділік тілеймін. Отбасыларыңызға мықты денсаулық, амандық пен Отанымыз – Қазақстан Республикасының игілігіне жасалған барлық бастамаларыңызға табыс тілеймін» деп ізгі тілегін де білдірді.&nbsp; Ел үшін еңбек ету зор құрмет, абыройлы міндет. Халық үшін маңдай терін төгіп, адал еңбегімен ел аузына ілігіп жүрген қарапайым, ізетті, мейірімділігімен танылған Айжан Әлиқызы сынды мемлекеттік қызметшілердің әрдайым абырой, беделі арта түсетіні сөзсіз. Күнделікті жұмысына қарап халық билікке, оның қарапайым халыққа деген көзқарасына баға береді. Осыдан мемлекеттік қызметкерлердің мойнына жүктелген үлкен жауапкершілікті байқауға болады. Мемлекеттік қызметкерлер «ұлттың қызметшісі» болғанда ғана мемлекеттік қызмет мінсіз болатыны ақиқат.<img src="https://knadmin.beoblood.kz/uploads/5f951307_bcc7_4d84_a593_2faa59adaa28_d4d5e7282c.jpg" alt="5f951307-bcc7-4d84-a593-2faa59adaa28.jpg">

Айжан Әлиқызы: Мемлекетке қызметің – еліңе қызмет етуің

<a href="https://kyzylorda-news.kz/">Kyzylorda-news.kz</a>&nbsp; Бүгінде бала өмірінің қауіпсіздігі бәрінен маңызды болып тұрғаны жасырын емес. Оларды түрлі қауіп-қатерден қорғауда ата-ананың атқаратын міндеті зор. Әсіресе, жаз айларында оларға ерекше көңіл бөліп, назар аудару керек. Себебі, суға түсу маусымында балаларға келер қауіп көп. Осындай оқыс оқиғалардың алдын алу мақсатында Өңірлік коммуникациялар қызметінде сала мамандарының қатысуымен баспасөз конференциясы өтті.<blockquote>– 2023-2024 оқу жылында жасөспірімдер мен балалардың қатысуымен болатын жол-көлік оқиғаларының алдын алу, олардың көшелер мен жолдарда қауіпсіз жүріп-тұру дағдыларын нығайту мақсатында «Назар аударыңыз - балалар!» жедел-профилактикалық іс-шарасы өтті. Барлық білім беру ұйымдарында 410 шара, 330 сыныптан тыс жұмыстар жүргізілді. Азаматтардың жаппай баратын және демалатын орындарында «Баланың жолдағы қауіпсіздігі – барлық құндылықтардан жоғары» атты бейнероликтер көрсетіліп, жадынама мен буклеттер, балаларға арналған шағылыстыратын элементтерді тарату акциясы өтті. Сондай-ақ, бүгінгі күні жоспарға сәйкес, облыс бойынша білім беру мекемелеріне іргелес орналасқан аумақтардың қауіпсіздік талаптарына жауап беретін қажетті жол инфрақұрылыммен қамтамасыз ету бойынша аудандық, қалалық бюджеттен 346 дана жол белгісі мен 199 шақырым жол жолақтары, 88 жаяу жүргіншілер жолағы сызылып, 38 дана «Абайлаңыз балалар!» макеті қойылды. Ал, 2024-2025 жаңа оқу жылына дейін 84 мектептің алдына «Балалар», 68 мектептің алдына «Жылдамдықты шектеу» жол белгісі, 73 мектеп жанына жылдамдықты бәсеңдететін жасанды ойлы-қырлылық онатылып, 91 мектептің алдына жаяу жүргіншілер жолағы сызылатын болады, – деді облыстық білім басқармасы басшысының орынбасары Бектұр Қали.</blockquote>Балалардың қауіпсіздікі басты орында.<blockquote>– Қазіргі таңда облыс аумағында 6 615 бала тынығатын 8 лагерь жұмыс істейді. Білім басқармасының ұсынған мәліметіне сәйкес, лагерьлерде балалармен жұмыс істеуге жіберілген 164 мамандардың соттылығының жоқтығына тексеру жүргізілді. Айта кету керек, осы лагерьлерде тегін демалу үшін ішкі істер органдарының есебінде тұрған жасөспірімдердің тізімі жергілікті білім бөлімдеріне жолданды. Сондай-ақ, жазғы тынығу кезеңінде лагерьге баратын оқушыларды аудандарға және еліміздің өзге қалаларына экскурсиялар мен арнайы турларға автобуспен апару кезінде ілесіп жүру үшін қызметтік автокөлікпен бірге қызметкерлер де жұмылдырылуда, – деді Қызылорда облысы полиция департаменті Жергілікті полиция қызметі басқармасы бастығының міндетін атқарушы Рауан Әлдешов.</blockquote>Тиісті сала мамандары балаларды қараусыз қалдырмауды сұрайды.&nbsp;<blockquote>– Қызылорда облысы көлемінде жыл сайын азаматтардың әртүрлі себептермен қайғылы жағдайларға ұшырауы, оның ішінде жаз айларында өрттен, суға түсу маусымында судағы адамдардың әсіресе, балалардың қазасы өзекті болып отыр. Жасөспірімдердің қаза болуының негізгі себебі – қауіпсіздік ережелерін өрескел бұзуы және ата-аналардың немқұрайлы қарауының себебі болып отыр. Балаларға арналған қауіпсіз ортаны қамтамасыз ету бойынша жағдайларды жасау және ұйымдастыру мәселесі бойынша ата-аналардың жауапкершіліктерін арттыру, сондай-ақ балалар өліміне қатысты қайғылы жағдайларды болдырмау, олардың жақсы өмір сүруіне қолайлы ортаны құру мақсатында шаралар қабылдау туралы тиісті мекемелерге хаттар ұсынылды. Қаза болу мен жарақаттанудың алдын алу мақсатында, өсіп келе жатқан жас ұрпаққа өрт қауіпсіздігі шараларын оқыту, өрт кезінде дұрыс әрекет ету бойынша жалпы білім беру орындарында тұрақты түрде үгіт-насихат жұмыстары жүргізілуде, – деді Облыстық ТЖД бастығының орынбасары Жасұлан Түйменов.</blockquote>Фото: Қызылорда облысының Өңірлік коммуникациялар қызметі

Балалардың қауіпсіздігі бәрінен маңызды

<a href="https://kyzylorda-news.kz/">Kyzylorda-news.kz</a> «AMANAT»&nbsp; партиясы жанындағы қоғамдық қабылдау бөлмелерінің ең негізгі жұмысы тұрғындардың өтініштерін қарау, олардың оңтайлы шешілуіне қолдау көрсету. Сонымен қатар, партия төрағасы алға қойған негізгі міндеттер мен ел игілігіне бағытталған жобаларды түсіндіру, насихаттау болып табылады.&nbsp;«AMANAT» партиясы өткен жылы мамыр айында азаматтарға құқықтық көмек көрсту мен құқықтық сауаттылығын арттыруға бағытталған «Құқықтық көмек» партиялық жобасын іске қосқан болатын. Бүгінгі күні партия алаңдарында білікті мамандармен азаматтарға, әлеуметтік осал топтағы жандарға тегін заңгерлік кеңестер беріліп, сотта, қылмысты қудалау органдарында және тағы басқа жағдайда азаматтарға өкілеттік етіп, өзін қорғауға көмек көрсету жұмыстарын жүргізіп келеді.&nbsp;Бүгін партия алыңында жоба аясында тақырыптық қабылдау ұйымдастырылып, облыстық кірістер департаменті өкілдерімен азаматтарға жалпыға бірдей декларациялаудың міндеттілігі мен тапсыру кезеңдері және жеке тұлғалардың банкроттығы туралы мәселелер бойынша түсіндірме жұмыстары жүргізіліп, оларды толғандырған сауалдарға жауап берілді.&nbsp;Жалпы партияның Орталық аппараты Республикалық нотариаттық палатамен, Республикалық адвокаттар алқасымен, Республикалық заң консультанттары алқасымен және «International Mediation Centre» РҚБ-мен жасасқан меморандум негізінде өңіріде аталмыш ұйымдардың құрылымдарымен тығыз байланыста жұмыс істеуде. Мәселен, партияның облыстық филиалында аптасына бір рет, ал қала, аудандардағы филиалдарда айына 2 мәрте жоба аясында қабылдаулар өткізіліп, қоғамда құқықтық мәдениетті арттыру жұмысына ден қойылып жатқанында дейді шара барысында сөз алған партияның облыстық филиалының Атқарушы хатшысы Ләйлә Төрешова.Атқарушы хатшысы сондай-ақ жоба аясында өткен қабылдаулардың нәтижесіне де тоқталып өтті.«Облыс бойынша өткен жылы «Құқықтық көмек» жобасы аясында қоғамдық қабылдау бөлмедерінде 134 қабылдау өткізіліп, 367 мәселе қаралды. 244 тұрғынға құқықтық кеңес берілсе, 104 тұрғынның құқығын қорғау бойынша сүйемелдеу шаралары жүргізілді.<blockquote>"Негізінен, қабылдаулар барысында жер дауы, мүліктік, қаржылық, отбасы-неке тақырыбы және еңбек даулары бойынша өтініштер көптеп кездеседі. Қазір жоба ауқымын кеңейтіп, өзге форматтардағы іс-шаралар жоспары жасалып, жұмыс жүргізілуде»,- деді Ләйлә Төрешова.&nbsp;</blockquote>Жалпы тақырыптық қабылдау барысында азаматтар салық заңдылықтарына қатысты өздерін толғандырған сауалдарын қойып, сала мамандарынан нақты жауаптарын алды.&nbsp;Атап өтейік, шараға Қызылорда облысы бойынша мемлекеттік кіріс департаменті басшысының орынбасары Еркін Елшібеков және департаментке қарасты жауапты басқарма басшылары және ZOOM платформасы арқылы партияның аумақтық филиалдары алаңдарынан аудан тұрғындары қатысты.&nbsp;

«Құқықтық көмек» партиялық жоба аясында тақырыптық қабылдау ұйымдастырылды

<a href="https://kyzylorda-news.kz/ru">Kyzylorda-news.kz</a> Қандай мемлекеттің өркендеуі мен өрістеуі озық көрсеткіші мен экономикалық ахуалына байланысты екенін ескерсек, оларды қадағалап, нақты әрекеттер белгілеп, құрылымдық жоспарлар түзетін статистика саласының қызметі қашан да құнды.Қазақстан статистикасының тамыры тереңде жатыр. Бірінші, Қазақ мемлекеті – &nbsp;Қазақ хандығы Шу мен Талас өзендерінің аңғарында қазіргі Жамбыл облысының аумағында алғаш құрылғанда 1459 жылы халқының саны 200 мың адамды құраған, ал, ХV ғасырдың аяғында 1 миллион адамға жеткендігі туралы статистикалық мәліметтердің тарихи дәлелдері бар.Қазақстан аумағында тұрақты және орталықтандырылған статистикалық қызметтің пайда болуы ХVШ ғасырдың екінші жартысына, Қазақстанның Ресей империясының құрамына кірген кезеңіне жатады. РСФСР құрамында Қазақ Автономиялық Советтік Социалистік Республикасы құрылғаннан кейін, Қазақ АССР-нің Үкіметі 1920 жылғы 8 қарашадағы өзінің қаулысымен Қазақ АССР – нің Статистикалық басқармасын құрды.Қазалы ауданының Статистика басқармасы Қазақстан Республикасы Ұлттық экономика министрлігінің Статистика комитеті Қызылорда облысының Статистика департаментінің құрылымдық бөлімшесі ретінде қызмет етеді. Статистика басқармасы мемлекеттік органдарды, іскер топтарды, өңір қоғамын және Республиканы Қызылорда облысының әлеуметтік – экономикалық дамуы туралы обьективті статистикалық ақпараттармен қамтамасыз ету, статистикалық қызмет саласында мемлекеттік саясатты қадағалау және бақылау бойынша басқа да қызметтерді жүзеге асырады.Қазалы ауданының Статистика &nbsp;басқармасының тарихы бізге 1947 жылдан бері ғана белгілі. 1954 – 1959 жылдары аудандық статистика бөлімі (ол кезеңдерде &nbsp;аудандық есеп – қисап &nbsp;мекемесі атанған) болған.1976&nbsp;жылы &nbsp;ауданда &nbsp;13 совхоз, 2 колхоз болатын. Бұл егемендік алып &nbsp;тәуелсіз мемлекет болғаннан кейін құрылым басталып колхоз – совхоз тарап, акционерлік қоғам, жауапкершілігі шектеулі серіктестіктер және шаруа қожалықтар болып құрылып, Кеңестік даму системасын түбегейлі өзгертіліп, жаңа экономикалық даму жолын таңдады. Сол жылы аудандық басқармаға Германияның озық үлгідегі 5 - Аскота, 8 - перфарациялық машиналар, 18 - Зоемтрон, 3 - табулятор берілді. Онда білікті мамандар жұмыс істеді. Аудандық статистика басқармасының қызметкерлері бұл саланы жетік меңгеріп, 3 - рет республика жеңімпазы, 1- рет Одақтық дәрежедегі жеңімпаз атанды.1988 жылы статистика жөніндегі мемлекеттік комитет болып қайта құрылды. 1998 жылы желтоқсан айында мемлекеттік статистика комитеті тарады. 1999 жылдан бастап, Қазақстан Республикасы Статистика Агенттігінің ақпараттық статистикалық орталығының құрамдас бөлігі болды. Аудандар ақпараттық статистикалық орталыққа, облыс Агенттікке қарады. Мұнда тек мемлекеттік статистикалық мәліметтерді жинап облысқа дер кезінде беру міндеті жүктелді. Ал, 2005 жылы рейтингтік баға көрсеткіштері бойынша аудандар арасында алдыңғы қатардан көрінген мекеме 2006-2007 жылдары да үздіктер үдесінен көрінген.Жинақталған мәлімет кітапша болып шығатын да, олар басшы органдарға &nbsp;таратылып &nbsp;берілетін. 2004 жылы ақпараттық статистикалық орталығы таратылып, Қазақстан Республикасы Үкіметінің басқару органдарының оңтайландыру әрі жетілдіру бағдарламасына сай Қазалы аудандық статистика бөлімі болып қайта құрылды. &nbsp; &nbsp; &nbsp; &nbsp; &nbsp; &nbsp; &nbsp;2005 жылы Қазақстан Республиксы Үкіметінің қаулысына сай, статистика органы Қазақстан Республикасы Статистика Агенттігі болып қайта құрылды. Облыстық басқарма Қызылорда облысының статистика департаменті болып, аудандар департаменттің бөлімі болды. Төрт жылдан кейін қараша айынан бастап, Қазалы аудандық статистика басқармасы болып қайта аталды. Бұдан соң, Қазақстан Республикасы Ұлттық экономика министрлігінің Статистика комитеті Қызылорда облысының Статистика департаментінің Қазалы ауданының Статистика басқармасы болып қайта аталды.1999 жылы 24 ақпан – 6 наурыз аралығында Бірінші Ұлттық халық санағы өткізілді. Оған 300 - ден астам адам қосымша тартылып ойдағыдай өтті. Ол санақтың қорытындысы бойынша ауданда – 68900 адам болды.2005 жылы Қазақстан мемлекеттік статистикасының 85 жылдығы, 2010 жылы &nbsp;Қазақстан мемлекеттік статистикасының 90 жылдығы мерейтойы болды. Осы&nbsp;кезеңдерде аудандық Статистика басқармасы рейтингілік баға &nbsp;көрсеткіштері&nbsp;бойынша &nbsp;берілетін орындардан аудандардың ішінде алдыңғы қатарды иеленіп келді.2006 – 2007 жылы Елімізде тұңғыш рет ауыл шаруашылығы санағы 2 кезеңде &nbsp;өткізіліп, оның қорытынды мәліметі шығарылып, кітапша болып тиісті органдарға &nbsp;таратылды. Облыс өз кезегінде шыққан кітаптың мәліметіне Қазалы ауданын үлгі етті.&nbsp;Бірінші кезең 2006 жылы шілде айында жерге байланысты, екінші кезеңі 2007 жылдың қаңтар айында өткізілді. Қорытынды мәлімет жоғары органдарға берілді.2009 жылы ақпан – наурыз айы аралығында екінші Ұлттық санақ өткізілді. Онда &nbsp;қалалық жерде 4 санақ бөлімі, ауылдық жерде 3 санақ бөлімі құрылып, бұл саяси &nbsp;маңызы бар күрделі жұмыс ойдағыдай өтті. Бұл 2009 жылғы санақ бойынша ауданда – 74730 адам болды.Әр жылдары мекеме басшылары болып, Өтеулі Қазанқапов, Жүндібай Баянбаев, Орда Матаев, Сахи Бекетов, Жаппарберген Жалғасбаев, Қоянбай Оразалыұлы басқарды. 2011 жылдың маусым айынан Әлімбай Бақытжан Қасқырбайұлы басшылық жасайды.Статистика тарихына көз жүгіртіп қарасаңыз, осында кезінде еңбек етіп, кейін &nbsp;басқа жұмысқа ауысып, басқару органдарында, сондай-ақ, халық шаруашылығының &nbsp;қай саласы болмасын лауазымды қызмет атқарып, халықтың құрметіне бөленіп жүрген азаматтар көп. Қазалы аудандық статистика органының тарихын сөз еткенде ауданның әлеуметтік – экономикалық &nbsp;дамуын айтпай кетуге болмайды.Жыл сайын ауданның әлеуметтік – экономикалық &nbsp;көрсеткіштері жақсарып, халықтың әл-ауқаты өсуде. Тәуелсіздік &nbsp;алғалы &nbsp;елімізде&nbsp;көп &nbsp;өзгерістер &nbsp;болды, Мал&nbsp;басы &nbsp;өсіп, құрылыс, инвестиция, ауыл шаруашылық, сауда демографиялық салаларда күрделі &nbsp;өзгерістер&nbsp;болғаны көрінеді.Түрлі атаулармен өзгеріп отырса да, уақыт талабы, заман ағымына ілесіп, экономика, әлеуметтік және демографиялық индикатор, ауыл шаруашылығы мен халық тұрмысы, әлеуметтік жағдай секілді түрлі салалар бойынша мәлімет жиып, талдамалар жасау ісімен тұрақты айналысып келеді.Кез келген статистика мемлекеттің әлеуметтік-экономикалық даму бағытын белгілеуде, саяси және бәсекелістік ортада маңызды рөл атқарады. Аудандағы басқарма мемлекеттік басқару органдары, түрлі ұйымдар, халықты еңбекпен қамту және жұмыссыздық, баға тұрақтылығы жөнінде сапалы және жедел статистикалық ақпараттарды алып отырады. Олар өз жұмыстары арқылы ведомстволардың дамуын бақылап, бюджет бөлінісін реттеуге септігін тигізеді.Нақтылық пен талдау дұрыстығын талап ететін органда болған бір күнімізде статистердің әлеуметтік-экономикалық құбылыстарды бағамдауда арнайы заң талаптары аясында өзіндік әдіс-тәсіл, ережелер жиынтығы арқылы жұмыс істейтінін байқадық. Осыдан 10 жыл бұрынғыдай, қалың қағазды қолтықтап, олардың есебін беруде кезек күткен мекеме мен ұйым өкілдері, жеке кәсіпкерлерді де кездестірмедік. Мұның сырын Дәуірхан Тәжмағамбет жаңғырған жүйенің жаңалығымен түсіндірді. Сапалы санақ жасау ісін оңтайландыру мақсатында қолданысқа енген заманауи технологиялардың жұмыстары бұл мекемеде оңтайлы жүзеге асырылған. Басқарма жұмысы елдегі бүкіл статистикалық қызметті ұйымдастырып отыратын ақпаратты жинау мен өңдеудің орталықтандырған жүйесіне қосылған. Енді есеп беруші бұрынғыдай уақытын өткізіп, сабылмайды, онлайн жүйеде отырған жерінен жөнелте алады. Ал, жұмысын алғаш бастағандардың үйренуіне көмек көрсету жолға қойылған. Сондай-ақ, техникалық ақаулар орын алған жағдайда есеп тапсырушы басқарма ғимаратына келіп, «Бір терезе» қағидасы бойынша өз-өзіне қызмет көрсете алады. Түрлі тақырыптағы зерттеулер планшеттер арқылы жүргізіледі.Жалпы алғанда, статистика Үкімет үшін ғана емес, қоғам үшін де маңызды. Себебі кез келген аймақтық, ұлттық және әлемдік деңгейдегі статистика саяси және бизнес шешім қабылдауда маңызды рөл атқарады. Сонымен қатар мемлекеттің әлеуметтік-экономикалық даму стратегиясын белгілеуде де аталған саланың рөлі зор.Қазалы ауданының Статистика басқармасы мемлекеттік органдарды, іскер топтарды, өңір қоғамын және Республиканы Қызылорда облысының әлеуметтік-экономикалық дамуы туралы объективті статистикалық ақпараттармен қамтамасыз ету, статистикалық қызмет саласында мемлекеттік саясатты қадағалау және бақылау бойынша басқа да қызметтерді жүзеге асырады. Бүгінде басқарма қызмектерлері өздеріне жүктелген міндетті мінсіз атқарып, жұмысты жүйелі ұйымдастыру жолында аянбай еңбек етіп келеді.Қазалы аудандық статистика бөлімінде дені тәжірибелі мамандар. Мұнда қиыс кетуге, бүгінгіні ертеңге қалдыруға, дерексіз болжам жасауға жол жоқ. Дәлдік, туралық, жауапкершілік. Бұл біз көрген статистердің ұстанған бағыты ғана емес, бұлжытпас қағидасы. Халық айтқан «Есеп білген ұтылмас» деген қанатты сөзді еске салатын әр күнгі тынымсыз тірлік, тәжірибе мен білімдерін ауданның тұрақты дамуына ойыстырған сала еңбеккерлерінің ынтымақты ісі елдің алдағы бағыт-бағдарын айқындауға мол мүмкіндік беріп, дұрыс шешім қабылдауға негіз болары сөзсіз.Фото: kaz.inform.kz

Қазақстан және Қызылорда облысының жаңалықтары: Қоғам