<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың төрағалығымен өткен Үкіметтің кеңейтілген отырысында облыс әкімі Нұрлыбек Нәлібаев өткен жылы Сыр елінде су үнемдеу технологияларын кеңінен қолдану арқылы ауыл шаруашылығы дақылдарынан мол өнім алынғанын айтты. Еске салайық, былтыр аймақта жарты миллион тоннаға жуық күріш (гектарына 58 центнерден, 496,4 мың тонна) өндірілді.Ауыл шаруашылығы саласына тартылған инвестиция 2023 жылмен салыстырғанда 32 пайызға артты. 2025-2029 жылдары 57 млрд. теңгеге 29 жаңа жоба жүзеге асырылады (488 жаңа жұмыс орны).Айта кетейік, Мемлекет басшысының қолдауымен мемлекетаралық келісімдер нәтижесінде соңғы 2 жылда Арал теңізіндегі су көлемі 4 млрд. текше метрге дейін артты (2022 жылы – 18,5 млрд. текше метр, 2024 жылы – 22,3 млрд. текше метр, САТ көлемі – 27 млрд. текше метр). Бұл балық шаруашылығының дамуына, экологиялық ахуалдың жақсаруына оң септігін тигізуде.Фото: Қызылорда облысы әкімінің баспасөз қызметі

Су үнемдеу технологиялары кеңінен қолданылуда

<a href="https://kyzylorda-news.kz/">Kyzylorda-news.kz</a>&nbsp;Өткен жылы тұтынушылардың құқықтарын қорғау саласына 435 өтініш келіп түскен. Өтініштерге салалар бойынша жүргізілген талдаудың нәтижесінде олардың 60 пайызы бөлшек сауда саласына қатысты екені анықталған. Бүгін Өңірлік коммуникациялар қызметінің ақпарат алаңында Қызылорда облысы бойынша сауда және тұтынушылардың құқықтарын қорғау департаментінің басшысы Ерқасым Сүлейменов салада атқарылған жұмыстарды баяндады.<blockquote>– Бізге келіп түскен өтініштерді заңға сәйкес қарау барысында 244 өтініш қанағаттандырылып, 15 өтініш түсіндірілс, 151-і басқа мемлекеттік органдарға жолданды. Нәтижесінде, тұтынушыларға барлығы 7,7 млн теңгенің қаражаты қайтарылды. Сондай-ақ, есепті кезеңде департаментпен 40 нарық субъектісіне тексерулер жүргізілді. Өздеріңіз білесіздер, 2023 жылдан бастап бізде «Сапалы өнім» жобасы жүзеге асырылуда. Бұл ішкі нарықта отандық өндірушілер мен тұтынушыларды қорғау мақсатында сапасыз және қауіпті тамақ өнімдерін анықтау мақсатында құрылған. Осы бағыт бойынша өткен жылы сауда үйлерінен 121 өнім сатып алынып, тексерілді. Сараптама қорытындысымен 98 өнімнен таңбалаудағы сәйкестіктер мен мемлекеттік тілде ақпараттардың жоқтығы анықталды. Алдағы уақытта да аталған жұмыстар өз жалғасын табатын болады. Сонымен қатар, заң жобалау жұмыстарының жоспарына сәйкес «Тұтынушылардың құқықтарын қорғау туралы» Қазақстан Республикасы Заңының жобасын және оған ілеспе «Қазақстан Республикасының кейбір заңнамалық актілеріне тұтынушылардың құқықтарын қорғау мәселелері бойынша өзгерістер мен толықтырулар енгізу туралы» заң жобасы әзірленіп, қазіргі таңда Мәжілісте қаралуда. Аталған заң жобасына сәйкес тұтынушылардың құқықтарын қорғау жөніндегі Омбудсмен институтын енгізу ұсынылады. Бұл мәртебе тұтынушылардың құқықтарын қорғау саласындағы жүйелі проблемаларды мемлекеттік биліктің жоғары деңгейіне шығаруға мүмкіндік береді,- деді Ерқасым Жайбергенұлы.</blockquote><img src="https://knadmin.beoblood.kz/uploads/yzylorda_iri_rylys_zh_mystaryny_k_lemi_bojynsha_respublikada_birinshi_orynda_e899faecd1.jpg" alt="Қызылорда өңірі құрылыс жұмыстарының көлемі бойынша республикада бірінші орында.jpg">Фото: Нұрболат Нұржаубай

Тұтынушыларға 7,7 млн теңге қаржы қайтарылған

<a href="https://kyzylorda-news.kz/">Kyzylorda-news.kz</a> «Азаматтарға арналған үкімет» Мемлекеттік корпорациясы Қызылорда облыстық филиалы әкелер арасында ерекше сауалнама жүргізді. Сауалнама мақсаты – бала тәрбиесіндегі әке рөлінің маңыздылығын анықтау және &nbsp;әке мен бала арасында дұрыс ұстанымдар қалыптастыруға ықпал ету.Зерттеу жұмыстарын Қызылорда облыстық филиалының психологы Үміт Мирқазықызы жүргізді. Бұл іс-шараға АХАТ бөлімінен туу туралы куәлік алуға өтініш берген жалпы 100 әке қатысып, қойылған сұрақтарға жауап берді.Сауалдың нәтижесі бойынша, ер адамдардың басым көпшілігі балаға өзін «жақын дос» ретінде көрсететіні анықталған. Яғни, олар бала тәрбиесінде достық қарым-қатынасқа баса назар аударады.Одан кейін жиі таңдалған жауап – «Арманшыл әке» нұсқасы болды. Мұндай жауапты 20 әке таңдаған. Бұл санаттағы әкелер бала тәрбиесінде қиялға, болашаққа деген үміт пен нақты мақсаттарға негізделген тәрбие беруге тырысады.Филиалдың психологы Үміт Мирқазықызының пікірінше, мұндай сауалнамалар қоғамдағы әке рөлінің маңыздылығын түсінуге мүмкіндік береді. Сондай-ақ, әкелердің жауаптары олардың бала тәрбиесіндегі ұстанымдарын, қарым-қатынас стилін және өз рөлін қабылдау ерекшеліктерін көрсетеді.Бұл бастама қоғамдағы әкелердің рөлін нығайтуға және олардың балаларына жағымды үлгі болуына септігін тигізеді. Сонымен қатар, мұндай зерттеулер отбасы институтын дамытуға және бала тәрбиесіндегі әке мен ананың рөлін тең дәрежеде екенін түсінуге ықпал ететін құралдардың бірі болып табылады.Естеріңізге сала кетейік, жаңа туған нәрестеге алғашқы туу туралы куәлікке өтінішті тек сәбидің анасы ғана емес, әкесі де бере алады. Аталған қызметті ХҚКО арқылы және электронды үкімет порталы арқылы алуға болады.

Қызылордада әкелер арасында сауалнама жүргізілді

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың төрағалығымен өткен Үкіметтің кеңейтілген отырысында облыс әкімі Нұрлыбек Нәлібаев баяндама жасап, өңірдегі инвестициялық жобалар туралы айтты.Экономиканы әртараптандыруда 2024 жылы аймақта 37 млрд. теңгенің 21 инвестициялық жобасы іске қосылды. Негізгі капиталға 640 млрд. теңге инвестиция тартылып, өсім 21,7 пайызды құрады (республиканың орташа көрсеткішінен 14 пайызға жоғары, ҚР – 107,5%). Оның 70,5 пайызы – жеке инвестиция. Шетел инвесторларымен нәтижелі жұмыстың арқасында 9 ай қорытындысымен 171 млн. АҚШ доллары көлемінде тікелей инвестиция тартылып, өсім 16,6 пайызға жеткен.2025-2029 жылдары аймақта құны 1 трлн. 900 млрд. теңге болатын 65 инвестициялық жоба іске асырылып, 8 100 жаңа жұмыс орны ашылады. Ел Президентінің тікелей қолдауының арқасында және Қатар мемлекетіне жасаған іссапары қорытындысымен өңірде 800 млрд. теңгенің, қуаттылығы 1 100 мегаваттық бу-газ қондырғысының жобасы қолға алынады. Қазіргі таңда жер беріліп, техника-экономикалық негіздемесі әзірленуде.Биыл «Шалқия» қорғасын-мырыш кенішін қайта жаңғырту үшін құны 215 млрд. теңге болатын жаңа кен байыту комбинатының, 147 млрд. теңгеге жылына 300 мың тонна кальцийленген сода шығаратын зауыт құрылысы басталады. Сондай-ақ, 62 млрд. теңгеге қуаттылығы 201 мегаваттық 5 күн және 1 жел электр станциясы іске қосылады.Мемлекет басшысының қатысуымен өткен Қазақстан – Германия, Қазақстан – Корея форумдарында қол қойылған меморандумдарға сәйкес, 31 млрд. теңгеге «Хорн» неміс технологиясы бойынша жылына 220 млн. дана шыны бөтелке шығаратын, 19 млрд. теңгеге кореялық «With You E&amp;C Kyzylorda» компаниясының тұрмыстық қатты қалдықтар өңдейтін зауыттарының құрылысы басталады.Қызылорда облысы әкімінің баспасөз қызметі

Қызылордада ауқымды инвестициялық жобалар жүзеге асырылуда

<a href="https://kyzylorda-news.kz/">Kyzylorda-news.kz</a> Қызылорда облысында жыл қорытындысымен барлық негізгі макроэкономикалық көрсеткіштердің өсімі қамтамасыз етілді.Бұл туралы Мемлекет басшысы Қасым-Жомарт Тоқаевтың төрағалығымен өткен Үкіметтің кеңейтілген отырысында облыс әкімі Нұрлыбек Нәлібаев атап өтті.«Аймақтың экономикалық өсімі 7 пайызды құрады (2023 жылы – 107,3%). Өзіңіздің, Үкіметтің қолдауымен облысымыздың бюджеті 750 млрд. теңгеден асты.Экономиканың негізгі үлесін алатын мұнай қорының 15 жылдан астам уақыттан бергі төмендеу тенденциясын ескеріп, өңдеу өнеркәсібі мен аграрлық саланы жедел дамытумен қатар, мұнай-газ өңдеу саласын да өркендетудеміз.Жаңа кен орындарын ашу үшін геологиялық зерттеулер жүргізіліп, мұнайдың төменгі қабаттары игерілуде. Кен орындарында 5 500 метр тереңдікке дейін (скважина) бұрғылау, дәстүрлі емес (қара тақтатас мұнай) көмірсутекті игеру басталды», – деді Н.Нәлібаев.Өңірде негізгі капиталға 640 млрд. теңге инвестиция тартылып, өсім 21,7 пайыз болды (республиканың орташа көрсеткішінен 14 пайызға жоғары, ҚР – 107,5%). Оның 70,5 пайызы – жеке инвестиция. Шетел инвесторларымен нәтижелі жұмыстың арқасында 9 ай қорытындысымен 171 млн. АҚШ доллары көлемінде тікелей инвестиция тартылды. Өсім – 16,6 пайыз.<img src="https://knadmin.beoblood.kz/uploads/A_orda_foto_ad8e382870.jpg" alt="Үкімет отырыс фото Ақорда.jpg">

Сыр елінің экономикасы қарқынды дамып келеді

<a href="https://kyzylorda-news.kz/">Kyzylorda-news.kz</a> Өндірістік қуаттардың кеңеюі техникалық мамандарға деген сұранысты арттыра түседі. Бұл туралы Үкіметтің кеңейтілген отырысында Премьер-министр Олжас Бектенов өңірдердің экономикалық өсіміне түсінік берді, – деп хабарлайды<a href="https://kaz.inform.kz/news/tehnikalik-mamandiktardin-bedeln-koteremz-premer-ministr-959eb2/"> ҚазАқпарат.</a><blockquote>- Ірі кәсіпорындар шағын және орта бизнесті өзіне тартатын өнеркәсіптік алаңдарға айналуда, ШОБ-ты қолдау Үкімет жұмысының басымдығы болып қала беретіні анық. Өндірістік қуаттардың кеңеюі техникалық мамандарға деген сұранысты арттыра түседі. Жарияланған «Жұмысшы мамандықтары жылы» аясында кәсіптік техникалық білім берудің сапасын және техникалық мамандықтардың беделін көтеретін боламыз. Сұранысқа ие техникалық мамандар үшін жеңілдетілген ипотекалық және арендалық тұрғын үй бағдарламалары іске қосылды, - деді Үкімет басшысы.</blockquote>Бұдан бұрын хабарланғандай, 2024 жылы экономика 4,8 пайызға өсті. Ауыл шаруашылығында 13,7 пайыз, құрылыста — 13,1, саудада — 9,1, көлік саласында 8,5 пайыз деңгейінде өсімге қол жеткізілді. Өңдеу өнеркәсібінің көлемі 5,9 пайызға ұлғайды. Аграрлық сектор мен өңдеуші салада соңғы 10 жыл ішіндегі ең қарқынды өсім тіркелді.Сонымен қатар, премьер-министр түрлі салалардағы негізгі көрсеткіштерді мәлім еткен болатын. Сондай-ақ, Үкімет отырысында ең жоғары және төмен экономикалық өсім көрсеткен өңірлер туралы айтылған еді.Фото: freepik.com

Техникалық мамандықтардың беделін көтереміз – Премьер-министр

<a href="https://kyzylorda-news.kz/">Kyzylorda-news.kz</a> Департамент тарапынан 2024 жылдың 12 айында Қызылорда облысындағы құрылыс және тұрғын үй-коммуналдық шаруашылықтары, білім беру &nbsp;денсаулық сақтау, спорт, су шаруашылығы салалары бойынша жүргізілген &nbsp;барлығы 84 аудиторлық іс-шарамен 34 млрд. 492,3 млн. теңге қаражат қамтылып, нәтижесінде жалпы сомасы 16 млрд. 392,4 млн. теңгеден астам бұзушылықтар анықталды. Оның ішінде қаржылық бұзушылықтар бойынша ден қою шараларымен бюджетке өтелгені, қалпына келтірілгені 8 млрд. 851,1 млн теңге, немесе 95,1 пайызды құрады.Қазақстан Республикасының 2015 жылғы 12 қарашадағы № 392 «Мемлекеттік аудит және қаржылық бақылау туралы» Заңының 5 - бабына сәйкес қәзіргі таңда Департаментпен анықталған бұзушылықтар бойынша мемлекеттік қаржылық бақылаудың ден қою шараларын жүргізу жұмыстары жалғасын табуда.&nbsp;Мұрат Есенбаев,Қызылорда облысы бойынша ішкі мемлекеттікаудит департаментінің сәйкестік аудиті&nbsp;бөлімінің басшысы&nbsp;Фото: Нұрболат Нұржаубай &nbsp;

Аудиторлық қызмет көрсеткіштері

<a href="https://kyzylorda-news.kz/">Kyzylorda-news.kz</a> Биыл ақпан айында «Самұрық-Қазынаның» мәселесі қаралады. Бұл туралы Үкіметтің кеңейтілген отырысында Президент Қасым-Жомарт Тоқаев мәлім <a href="https://kaz.inform.kz/news/akpan-ayinda-samurik-kazinanin-kizmetn-arnayi-talkilaymiz-prezident-0018cd/">етті.</a>– «Самұрық-Қазынаның» алдында тұрған ең маңызды міндеттің бірі – қорды реформалау. Бұл жұмыс ойдағыдай жүргізіліп жатыр деп айту өте қиын. Әрине, кейбір нәтижелер бар. Дегенмен, жұмыс әлі де көп. Қордың қызметін ақпанда арнайы талқылаймыз, - деді Қасым-Жомарт Тоқаев.Бұл тұрғыда Президент ақпан айындағы талқылау кезінде қордағы реформалар қаралатынын атап өтті.Фото: Ақорда

Ақпан айында «Самұрық-Қазынаның» қызметін арнайы талқылаймыз - Президент  

<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов Үкіметтің кеңейтілген отырысында салық саясатының жаңа бағытына<a href="https://kaz.inform.kz/news/ukmet-salikti-enbekakidan-satilimga-kayta-bolud-koldaydi-bektenov-647166/"> тоқталды.&nbsp;</a><blockquote>– Бізде «даму бюджетінің» көлемі жеткіліксіз. Дамыған елдерде ол барлық мемлекеттік шығыстың 25%-ына жетеді. Ал бізде – 8%. Яғни, 26 трлн теңгеге жуық республикалық бюджеттің небәрі 2 трлн теңгесі ғана дамуға жұмсалады. Қалғанының барлығы – ауқымды бөлігін әлеуметтік шығыстар құрайтын ағымдағы бюджет. Экономикалық дамудың негізі болатын электр және жылу энергетикасы, су шаруашылығы, газ тасымалдау жүйелері, жол, инженерлік желілер мен инфрақұрылым салаларына жеткілікті қаражат бөлінбей келеді. Даму институттары да қаржыландырумен толық қамтамасыз етілмей отыр, - деді ол.</blockquote>Айтуынша, мұндай жағдайда өсімнің жоғары қарқынын тұрақты қамтамасыз ету өте қиын.<blockquote>– Салық-бюджет жүйесін сауықтыру үшін кешенді шараларды жүзеге асыру қажет. Қазіргі салық жүйесі мемлекетке қажетті инвестиция көлемін қамтамасыз ете алмайды. Сондай-ақ ол кәсіпкерлерге қатысты да әділетсіз салық жүйесі ретінде қалыптасып отыр. Негізгі салық жүктемесі еңбекақы төлеу қорына, яғни тауардың өзіндік құнына түседі. Кәсіпкер тауар сөреге түспей тұрып, салықтың ауқымды бөлігін төлеуге мәжбүр болады. Үкімет салықты еңбекақыдан сатылымға қайта бөлуді қолдап отыр.&nbsp;Бұл біздің кәсіпорындардың бәсекеге қабілеттілігін арттырып, олар үшін қажетті қаржылық қор жасақтауға жол ашады. Еңбекақы төлеу қорына түсетін жүктеменің азаюы бизнеске жұмысшылардың жалақысын көбейтуге мүмкіндік береді, - деді Олжас Бектенов.</blockquote>Үкімет басшысының сөзінше, бұл өзгерістерден кейін пайда болатын қосымша салық түсімдері экономикалық өсуді ынталандыруға, инфрақұрылымды озыңқы дамытуға, басым салалардағы перспективалы бизнес-жобаларды қолдауға бағытталады.Фото: Primeminister.kz

Бектенов: Салық-бюджет жүйесін сауықтыру үшін кешенді шараларды жүзеге асыру қажет 

<a href="https://kyzylorda-news.kz/">Kyzylorda-news.kz</a> Бүгін былтырғы жылдың қорытындысына арналған Үкіметтің кеңейтілген отырысында Премьер-министр Олжас Бектенов өңірдердің экономикалық өсіміне түсінік берді, – деп хабарлайды <a href="https://kaz.inform.kz/news/en-zhogari-ekonomikalik-osm-korsetken-onrler-ataldi-ukmet-otirisi-81bafb/">ҚазАқпарат.</a><blockquote>— Өңірлер бөлінісінде өткен жылдың қорытындысы бойынша ең жоғары экономикалық өсім Солтүстік Қазақстан, Қарағанды, Түркістан, Қызылорда облыстары мен Астана және Шымкент қалаларында тіркелді. Негізгі көрсеткіштердің төмен динамикасы Ұлытау, Атырау, Батыс Қазақстан, Жамбыл облыстарында қалыптасты, — деді Олжас Бектенов.</blockquote>Бұдан бұрын хабарланғандай, 2024 жылы экономика 4,8 пайызға өсті. Ауыл шаруашылығында 13,7 пайыз, құрылыста — 13,1, саудада — 9,1, көлік саласында 8,5 пайыз деңгейінде өсімге қол жеткізілді. Өңдеу өнеркәсібінің көлемі 5,9 пайызға ұлғайды. Аграрлық сектор мен өңдеуші салада соңғы 10 жыл ішіндегі ең қарқынды өсім тіркелді.Фото: freepik.com

Ең жоғары экономикалық өсім көрсеткен өңірлер аталды — Үкімет отырысы

<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов Үкіметтің кеңейтілген отырысында мұнай-газ саласындағы әлеуетті жобаларға тоқталды, &nbsp;– деп хабарлайды<a href="https://kaz.inform.kz/news/biil-elmzde-algash-ret-taktatas-munayi-ondrled-229da0/"> ҚазАқпарат</a><blockquote>— 2024 жылы ҚазМұнайГаз Қызылорда, Атырау және Ақтөбе облыстарында төрт жоба бойынша бұрғылау жұмыстарын бастады. Бұл жобалардың жиынтық геологиялық ресурстары мұнай эквиваленті бойынша 800 млн тоннадан асады. Биыл алғашқы қазақстандық тақтатас мұнайы өндіріледі деп күтілуде. Бұл мұнай мен газ саласына инвестициялар тарту үшін қосымша серпін береді, — деді Үкімет басшысы.</blockquote>Премьер-Министр «Батыс Прорва» және «Барханная» кен орындарында шамамен 19 млрд текше метр газдың қорын игеру басталатынын мәлім етті.<blockquote>— Қарағанды облысында жерде сирек кездесетін металдардың 17 түрі бар ірі кен орны табылды. Сонымен қатар осы Қарағанды облысында электромобильдерге арналған батареялар өндірісінде қолданылатын графит концентратын өндіру бойынша техникалық-экономикалық негіздеме әзірленіп жатыр. Қашаған мен Жаңаөзенде Газ өңдеу зауыттарының құрылысы жалғасуда. Қашағандағы екінші Газ өңдеу зауыты мен Қарашығанақтағы Газ өңдеу зауытының жобалау жұмыстарын бастау үшін инвестициялық шешімдердің қабылдануын күтіп отырмыз,&nbsp;— деді Олжас Бектенов.</blockquote>Фото: ҚР Үкіметі

Биыл елімізде алғаш рет тақтатас мұнайы өндіріледі

<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов Үкіметтің кеңейтілген отырысында экономиканы ырықтандыру саясаты қалай іске асатынын <a href="https://kaz.inform.kz/news/olzhas-bektenov-tarif-sayasati-turali-baganin-kurt-kimbattauina-zhol-bermeymz-23baa4/">айтты.</a><blockquote>- Экономиканың қаржыландыру көлемі үлкен секторларында бағаны шамадан тыс мемлекеттік реттеу бұл міндетті қиындата түсіп, инвеститициялық әлеуетті төмендетіп отыр. Үкімет жанар-жағармай материалдары мен газ бағасын, тұрғын үй-коммуналдық шаруашылық және теміржол тасымалы салаларындағы тарифтерді кезең-кезеңмен ырықтандыруда бастады, - деді ол.</blockquote>Премьер-министр нарықтық баға саясатына көшудің артықшылықтарына да тоқталды.<blockquote>- Біртіндеп нарықтық баға саясатына көшу осы салаларға қажетті инвестицияларды тартуға және жанармай тапшылығының алдын алуға мүмкіндік береді. Біз бағаның күрт қымбаттауына жол бермейміз. Осыны баса айтқым келеді, - деді Үкімет басшысы.</blockquote>Фото: Primeminister.kz

Қазақстан және Қызылорда облысының жаңалықтары: Қоғам