Жалағаш ауданының тұрғыны, ерекше мамандық иесі Дидар Құланбаевты нәзікжандылар жақсы біледі. Өйткені Дидар қанша жылдан бері аудандағы ең әдемі сән салонында қас жасайды. Бұл мамандықтың да сан қыры бар. Тек қолың епті болу керек. Оған кәсіби білік керек. Бүгінде біздің кейіпкеріміз Дидар – қас жасаудың хас шебері. Бұл кәсіпке келу себебін Дидардың өз аузынан естігенді жөн көрдік.«Алдымен әңгімені өз өмірбаянымнан бастағаным жөн болар. Мен 1991 жылы Жалағаш кентінде дүниеге келдім. Кенттегі №31 орта мектепте тоғызыншы сыныпқа дейін оқып, 2007-2011 жылдары Қызылорда қаласындағы «Болашақ» колледжін қызыл дипломмен бітіріп, мұнай-газ маманы болып шықтым. 2011-2013 жылдары Қорқыт ата университетінде сырттай (қашықтан оқыту) мұнай газ мамандығымен оқуымды жалғастырдым. 2011-2013 жылдары НТС компаниясында бұрғылаушының көмекшісі, 2013-2014 жылдары СПМК компаниясында оператор, 2014-2017 жылға дейін СПМК компаниясында инженер болып қызмет жасадым.&nbsp;Ер азаматтардың мойын бұрып, бара бермейтін бұл мамандыққа келуімнің себебі сол, 2013 жылы Сандуғаш есімді өрімдей бойжеткенмен қазіргі жарыммен танысып, екеуміз отау құрғаннан кейін басталды. Екеуміз танысқан күндерді еске алсам, 2015-2016 жылдары Сандуғаш «Амина» салонында жалға бір бөлмені алып, тырнақ мастері болып жұмыс жасады. &nbsp;2016 жылы кенттен бір ғимаратты жалға алып, «Гламур» деп салон ашты. 2017 жылы Сандуғаш «Бастау» бизнес жобасымен мемлекеттен 4 миллион теңге несие рәсімдеп, жанына жұмысқа 4 қыз алды. Мен ол кезде Құмкөлде вахтада жұмыс жасайтынмын. 2017 жылы Сандуғаш екеуміз шаңырақ көтердік. Салонға жиі бас сұғып, осы мамандыққа қызыға бастадым. Менің қызыққанымды жұбайым да сезген болу керек, маған «қыркүйек айында Қызылорда қаласында Динара Алмусаева өз академиясында оқытуға конкурс жүргізіп жатыр, соған барсай» деп өз ойын айтты. &nbsp;Мен болсам Динара Алмусаеваның &nbsp;кім екенін де білмейтінмін. Сандуғаш сол салонда жарты жылдай тырнақ, макияж мастері болып жұмыс жасаған еді. Сол себептен Динараны жақсы танитын. Жұбайым «қатысып көрсей, ол жақта ер балдар да жұмыс жасайды» дегенде күлетінмін, жүрейін енді қас бояп» деп. Ал ол болса, «Дидар оның оқуы тегін, ештеңең кетпейді. Ал ақылы оқысаң, 400-500 мың теңге тұрады. Бір апта оқысаң жарайды» деді. Ол соншама не оқу бір жылдық оқудың ақшасымен тең деп таң қалдым да, барып өз көзіммен көруді шештім.Осылайша Динара Алмусаева салонының әкімшісіне жолығып, өзімнің қас жасау шебері болуды үйренгім келетінін айттым. Екеуміз Динараның жұмыс жасайтын бөлмесіне кірдік. &nbsp;Динара татуаж жасап жатыр екен. Әкімшісі мені нұсқап, менің келген мән-жайымды басшысына жеткізді. Сол кезде ол &nbsp;маған &nbsp;жалт бұрылып қарап жымиды да, «Не үшін татуаж оқығың келеді? Қызығушылығың бар ма?» деп таңырқай қарады. Мен тосыннан қойылған сауалға сасып қалдым да, лезде өзімді жинап алып, «әрине бар, осы кәсіп қызықтырып жүр» дедім күлімсіреп.Міне, сол сәттен бастап татуажға деген қызығушылығым оянып, ғаламтордан да осы мамандықтың қыр-сырын қарай бастадым. Қазір әйтеуір бір жақсысы осы қас жасау жайлы ақпаратпен тегін кеңестен көз сүрінеді. Еңбектенсең, табысқа жетесің. Мамандықтың үлкен-кішісі, жақсы-жаманы болмайды. Тынымсыз ізденіс пен шеберлік кәсіптің мүмкіндігін молайтады. Сенің кәсібилігіңе қызығып, тұрақты тұтынушылар саны көбейеді. Осылайша, жұбайымыз екеуміз тынбай еңбектеніп, кәсіпті дөңгелентіп әкеттік.&nbsp;Алғаш Сандуғаш жұбайым қолға алып бастаған осы кәсіппен айналыс-қанымызға да биыл 6 жыл болыпты. Отбасылық кәсібімізді одан әрі дамытпақ ниетпен 2018 жылы Жалағаш кентіндегі Үркімбаев көшесінен ғимарат сатып алып, өзіміздің салонымызды аштық. Оның да атын «Гламур» деп қойдық. Аллаға шүкір, қазір салонда біраз адам тұрақты жұмыс жасайды. Барлығы да өз ісін шебер орындайды. Білмеген жерлерін түрлі курстарға жіберіп үйретеміз. Сән әлеміндегі жаңалықты, заманауи үлгілерді тәжірибемізге пайдаланып жүрміз. 2020 жылға дейін Динара Алмусаеваның салонында &nbsp;қас мастері болып қатынап жұмыс жасадым. Кентке келіп қасқа татуаж жасауға шынын айтсам, ұялып жүрдім. &nbsp;Себебі ол кезде қалада ер балалар татуаж, шаш, макияж жасай береді де, ал ауылда ондай кәсіпті &nbsp;жасауды ер балалар ар санайтын. Сөйтіп жүргенде 2017 жылы Айзере есімді үлкен қызымыз дүниеге келді. Оның артынан 2019 жылы кішкентай бөбегіміз Медина өмір есігін ашты. Қос балапанымнан, отбасымнан алыста жүрмейін деген ниетпен, тәуекелге бел буып, 2020 жылдан бастап өз салонымызда қас мастері болып жұмыс жасап келемін. Қазір бұрынғыдай емес, тұтынушылардың ер мастерге көздері үйреніп қалды. Өзімді арнайы іздеп келіп, тұрақты менің қызметіме жүгінетіндер көп.&nbsp;Бүгінде осы жұмысқа намысымды жеңіп, келгеніме қуанбасам, өкінбеймін. Себебі жаны нәзік, өздері әдемілікке құмар әйел қауымының бақытты болғанын, қуанғанын көру – мен үшін бақыт. «Әйел қуанса, әлем қуанады» демей ме? Ендеше әйел затына ғажап көңіл күй сыйлап, ажарына ажар қосып, нұрландыру ерлер қауымына &nbsp;ауадай қажет қасиет деп ойлаймын. Сондықтан жердің көркі, елдің ажары, табиғаттың ғажап туындысы, отбасымыздың берекесі нәзікжандыларға баршамыз қолымыздан келгенінше көтеріңкі көңіл күй мен шабытты сәт сыйлағанымыз жөн» дейді ол.Иә, шынында іске де, сөзге де шебер жігіттің ой орамдары, парасаты қандай мықты десеңізші. «Болса ғой жігіттердің бәрі осындай» &nbsp;деп тамсанып, қас шеберімен қимай қоштастық. Ол шынында қас жасаудың хас шебері екен. Әйелдердің әсемдік әлеміне жол тартқан өнерлі азаматтың отбасылық кәсіптің көкжиегін кеңейту де жоспарында бар.

Жалағашта ерекше мамандық жандануда

<a href="https://kyzylorda-news.kz/">Kyzylorda-news.kz</a>&nbsp; Қызылорда облысының аумағында «Баршаның назарына!» сигналы бойынша облыстық құлақтандыру жүйесі тексеріледі.<blockquote>«Қызылорда облысының аумағында өткізілетін «Жер-2024» республикалық командалық-штабтық оқу-жаттығуы кезінде 3 маусымда сағат 10:00 минутта «Баршаның назарына!» сигналы бойынша облыстық құлақтандыру жүйесі тексеріледі. Оқу-жаттығу барысында сабыр сақтауларыңызды және үрейге бой алдырмауларыңызды сұраймыз», - делінген Қызылорда облыстық ТЖ департаментінің хабарламасында.&nbsp;</blockquote>Фото: otyrar.kz

«Баршаның назарына»: Қызылордада құлақтандыру жүйесі тексеріледі

<a href="https://kyzylorda-news.kz/">Kyzylorda-news.kz</a> Сәулеті жылдан жылға еселеніп, келбеті келіскен Қызылорданың бүгінгі күнгі кереметі қала көшелерінде бой көтерген субұрқақтар. Қала көшелеріне сән беріп, тұрғындарға жайлылық сыйлайтын субұрқақтардың дені саябақтар мен көрнекі орындарда орналасқан.Сырдың аптап ыстығында қалаға салқын леп берген бұл сәулет өнері – бүгінде көп қызылордалықтардың қуанышына айналған. Әсіресе, балалардың бір мезгіл субұрқақ жанында асыр салып ойнауы қала көркін одан сайын ажарландыра түскендей.Бүгінде қала келбетіне айналған субұрқақтар «Ақмешіт-Сырдария» орталық мешітінде, сол жағалауда, орталың алаңда, отбасы орталығының алдында, Сыр ана монументінің айналасында, теміржол вокзалында және тағы да басқа бірнеше жерде орналасқан.Қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жеңісбек Файзуллаев субұрқақтардыңБелгілі бір уақытта іске қосылатынын айтады.<blockquote>– Қаладағы субұрқақтар таңертеңнен бастап түске дейін қосылады. Ал түстен кейін үзіліс уақыты беріледі. Кешкі мезгілде қайта қосылып, түнгі 23.00-ге дейін халыққа кешкі демалыс, жақсы көңіл-күй сыйлап тұрады, – дейді бөлім басшысы. бұған дейін қайта жөндеуден өткен Бейбарыс сұлтан көшесінің бойындағы отбасы орталығы мен Т.Есетов атындағы №264 мектеп-лицейдің алдынан бой көтерген субұрқақ аумағы тұрғындардың кешкі демалыс орнына айналған-ды. Жуырда қала көркіне сән қосқан тағы бір субұрқақ пайдалануға берілді. Сырдария өзенінің сол жақ жағалауындағы Абылай хан даңғылын абаттандыру жұмыстары барысында салынған түймедақ бейнелі субұрқақ ел түрлі-түстермен жарықтандырылған. Ерекше үлгідегі субұрқақ бұл күндері сол жағалау тұрғындарының бір сәт таза ауамен тыныстап, демалатын орнына айналды.</blockquote>

Қызылорда көшелеріне сән берген субұрқақ

<a href="https://kyzylorda-news.kz/">Kyzylorda-news.kz</a> Жалпы шыбық шаншыса мәуелі ағаш болатын Сыр аймағы дән сепкенге аса қолайлы өңір екені баршаға мәлім. Иә, Қармақшы ауданының экономикасының негізгі бағыттарының бірі – аграрлық сала. Ал күріш – ауданның табиғи ерекшелігіне, ауа райы мен топырақ құрамына бейімделген негізгі дақылымыз.&nbsp;Мемлекет басшысы Қасым-Жомарт Тоқаев ауыл шаруашылығы өнімінің көлемін алдағы 5 жылда 2 есеге арттыру жөнінде тапсырма берген-ді. Осы орайда облысымызда 187 мың гектар жерге дақылдар егілетін болса, оның ішінде күріш көлемі 83,9 мың гектарға егу жоспарланып отыр.&nbsp;Дегенмен соңғы жылдары елімізде қалыптасқан су тапшылығына байланысты, аймақ басшысы Нұрлыбек Машбекұлы күріш алқаптарын азайтып, ауылшаруашылық саласын әртараптандыру және егісге су ресурстарын ұтымды пайдалану мақсатында су үнемдеу технологиясын қолдануды тапсырған болатын.Осыған сәйкес, биыл Қармақшы ауданына қарасты Ақжар ауылдық округінде заманауи технологияларды пайдаланып тамшылатып суару тәсілімен бақша және жаңбырлатып суару тәсілімен жоңышқа дақылдарын өсіру қолға алынды.Айта кету керек, былтыр Жаңажол ауылдық округінде тамшылатып суару тәсілімен алма бағы жобасы іске қосылған болатын.Коллаж: Әсел Балтақызы

Қармақшыда суды үнемдеу технологиясы пайдаланылуда 

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбекұлының төрағалығымен аудан әкімдігі жанындағы сыбайлас жемқорлыққа қарсы іс-қимыл мәселелеріне арналған комиссияның кезекті отырысы өтті. Онда аудандық дене тәрбиесі, спорт және туризм бөлімінің, Төретам кенті әкімі аппаратының сыбайлас жемқорлыққа қарсы іс-қимыл бағытында атқарған шаралары туралы мәселелер қаралды.Жиында аудан басшысы Жандос Еркінбек ел Президенті Қасым-Жомарт Кемелұлы Тоқаевтың «Жемқорлықтың тамырына балта шаппаса, ұлттық қауіпсіздік пен мемлекеттің болашағына нұқсан келтіреді» деген сөзін тілге тиек етті. Сонымен қатар халыққа қызмет ететін мемлекеттік орган қызметкерлері міндеттерін адал орындауы керектігін атап өтті.Мұнан өзге бірқатар бөлім басшылары мен кент, ауылдық округ әкімдеріне құқық қорғау органдарымен, үкіметтік емес ұйым өкілдерімен бірлесе отырып сыбайлас жемқорлыққа қарсы ақпараттық, құқықтық насихаттық шараларды жүзеге асыруды тапсырды.Сондай-ақ, барлық мекеме, кәсіпорын қызметкерлеріне сыбайлас жемқорлық қылмыс жасағаны үшін бірінші басшының дербес жауапкершілігі қаралатыны қатаң ескертті.

Қармақшыда сыбайлас жемқорлықпен күрес мәселелері талқыланды

<a href="https://kyzylorda-news.kz/">Kyzylorda-news.kz</a> «Ер еңбегімен еңселі» дейді халқымыз. Ырыс-несібеңді еселеп, отбасыңа құт-береке дарытар, әл-ауқатыңды арттырар адал еңбек, маңдай тер екендігі мәлім. Адал еңбегімен көпке үлгі болған жанның бірі қармақшылық – Нұрлан &nbsp;Жанғабылов.&nbsp;Түрлі қызметтік сатылардан өтіп, саналы ғұмырының 35 жылға жуық зоология саласына арнаған ол мамандыққа адалдығын танытты. Жұмысына жауапкершілігі мол білікті маман ауданға қарасты Тұрмағамбет ауылының тумасы. Сол ауылдағы мектепті тәмамдап, Шымкенттегі медициналық училищеде санитарлық дәрігердің көмекшісі мамандығын меңгереді. Өзімен бірге оқитын Айгүлді ұнатып, Тараздық бойжеткенді Қармақшы жеріне келін етеді. Онан кейінгі өмір жолы қызметпен өріледі. Еңбекке кіріскендегі алғашқы қадамы аудандық санитарлық-эпидемиологиялық станциясында санитарлық дәрігердің көмекшісінен басталады. Мұнан соң Жосалы обаға күрес бөлімшесінде зертханашы қызметін атқарса, кейін сол мекеменің зоолог қызметіне ауысқан. 2007 жылдан бастап «Аса қауіпті инфекциялардың эпизоотологиясының алдын алу» зертханасында &nbsp;зертхана меңгерушісі қызметін атқаруда.Көпшілік бұл мамандықтың қыр-сырын жете түсінбеуі мүмкін. Десе де бұл саланың мамандары қоғам үшін маңызды орынға ие. Нақтырақ тоқталсақ, зоологтар – жануарлар түрлерінің кең ауқымын зерттейді. Олардың міндетіне ғылыми жобаларды әзірлеу және жүргізу, деректерді талдау, ғылыми есептерді жазу және жариялау, жануарлардың әл-ауқатын қамтамасыз ету, қоғамды тәрбиелеу, табиғатты қорғау шараларын дамыту және асыл тұқымды мал шаруашылығы бағдарламаларына көмек көрсету жатады. Жан-жануарларды зерттеу арқылы қоғамды зиянды нәрселерден қорғау да сала мамандарының басты ұстанымы.Өз жұмысына деген аса ұқыптылығымен, іскерлігімен, біліктілігімен және мамандығына деген адалдығымен көптеген жетістікке жеткен маманның қоржыны Қазақстан Республикасы Денсаулық сақтау министрінің «Денсаулық сақтау ісіне қосқан үлесі үшін» төсбелгісі мен Қазақстан Республикасы Бас мемлекеттік санитарлық дәрігерінің «Адал еңбегі және денсаулық сақтау саласын дамытуға қосқан үлесі үшін» деген құрмет грамотасы секілді марапатпен толыққан. Құрметке лайық жанның жоғары марапатқа ие болғанына әріптестері де қуанышты. Ал марапат иесі ең бастысы адал еңбек ету керегін алға тартады.&nbsp;<blockquote>– Отбасым мен балаларым үшін, олардың жарқын болашағы үшін аянбай еңбек еттім. Оларды да адал еңбекке баулып, өзгенің ала жібін аттамауға, білім-ғылымға ұмтылуға үйретудемін. Өз кәсібіңді сүю, істің көзін тану қай кезде де оң нәтижеге, жақсы жетістікке жетелейді. Біз қиын-қыстау кезеңді де, жаңа елдің құрылу кезеңін де бастан кешірдік. Жалақы мен жұмыс жағдайына аса мән бермедік. Нәтижелі және сапалы жұмыс істеуді мақсат еттік. Бүгінде біздің ізімізді жастар жалғап келеді. Олардан жастық жалын есіп, жігері жанып тұруы тиіс, – дейді Нұрлан Мырзаханұлы.&nbsp;</blockquote>Иә, адам баласы істеген кәсібімен, игерген мамандығымен көгереді деген рас-ау. Ұзақ жылғы тынымсыз еңбек өзіне лайықты бағасын алуда. Денсаулық сақтау министрлігінен келген бұл марапат – білікті маманға берілген әділ баға десек, артық айтқандық емес. Нұрлан Мырзаханұлы жары Айгүлмен бірге ұл-қыз өсіріп, 4 немере сүйіп отыр. Бір саланы таңдаған ерлі-зайыптылардың өмірі өнегеге толы. Отанасы Айгүл Жанғабылова да ұзақ жылдан бері «Ұлттық сараптама орталығында» зертханашы болып қызмет етеді. Ата-ана жолын жалғаған қыздары Айгерім бүгінде облыстық обаға қарсы күрес мекемесінде зоолог қызметін атқарады. Марапат төрінен көрінген әкені отбасы да, әріптестері де мақтан тұтады. Ағалық ақылы мен іскерлігі, үлгі тұтуға лайықты өмір жолы бар осындай өнегелі жандардың қатары көбейе берсе екен дейміз. &nbsp;

Нұрлан Жанғабылов: Кәсібіңді сүйіп жұмыс істеу жақсы жетістікке жетелейді

<a href="https://kyzylorda-news.kz/">Kyzylorda-news.kz</a> Қармақшы ауданына қарасты Қорқыт стансасы бар. Күнделікті жүрдек пойыздың жүрісі таңсық емес мекенде үш жүзден аса тұрғын бар. Басым көпшілігі темір жолда еңбек етеді. Станса кеңсесіне кіре бергенде біз түсіне бермейтін қаптаған кнопканың алдында отыратын бір жан отырады. Біз үшін беймәлім болған басқыштар, кезекшінің күнделікті көмекшісі. Жұмыс осы арқылы реттеліп, осы арқылы жүреді. Айтып отырғанымыз, станция кезекшісінің жұмыс бөлмесі. Бүгінгі кезекшілікте 35 жылға жуық осы салада тер төгіп келе жатқан Тұрсынбек Кірекесов тұр екен. &nbsp;Күнделікті қарбалас тірлігі таусылмайтын кезекшілер қызметінде бір тыным жоқ екен. Өйткені, станцияға келіп-кетіп жатқан пойыздар ағымы толассыз. Станция кезекшісі ретінде Тұрсынбек Кірекесов жол жүріп бара жатқан немесе тоқтап, кезегін күтіп тұрған пойыз құрамаларының жағдайын, машинистер мен олардың көмекшілерінің көңіл күйі мен денсаулығын, келетін бригадаларды қарсы алу, орналастыру, сапарға аттанатындарды шығарып салу секілді станцияның шым-шытырық тірлігін осы жерден реттеп, басқарып отырады. Станция кезекшісі диспетчерлермен байланысып, нұсқаушылар және наряд түзушілермен қоян-қолтық жұмыс істейді. Оған өзіміз де куә болдық. Әңгіме арасында қаптаған телефоннан қоңырау қабылдап, диспетчерге жауап беріп, келесісіне хабарлама беріп те үлгерді. Сандарды сартылдатып жатқа айтып отырған кейіпкеріміз бізге &nbsp;жұмысының жайын да баяндады.<blockquote>– Біз ауысым арқылы 12 &nbsp;сағаттан 4 адам кезекшілік етеміз. Мысалы мына пойыз Ақтөбеден келе жатыр, – деді алдындағы компьютердегі кестені нұсқап, – Компьютер арқылы Түркістан мен Ақтөбе авралығындағықай жерде қандай пойыз келе жатқанын біліп отырамыз. Жұмысқа келісімен диспетчер сол күнге арналған жүк пойызы, жолаушылар пойызы бар екенін хабарлайды.&nbsp;Біздің жұмысымыздың басты «кейіпкерлері» – машинистер. Ал кезекшілер сол машинистердің жұмысын реттеп отырады. Біз үшін ауысымда күн мен түннің айырмашылығы жоқ, уақыттың қалай өткенін де білмей қаласың. Машинистер мен олардың көмекшілерінің жұмысын үйлестіру&nbsp;– кезекшінің міндеті, – &nbsp;дейді Тұрсынбек Кірекесов.</blockquote>Одан әрі алдында тұрған әрбір затын бізге таныстыра жөнелді. Бізге беріле түсіндіргенінен-ақ жұмысына жауапкершілікпен қарайтын білікті маман екенін аңғардық. Тіпті пойыз өткенде көтеріп тұратын жалаушаның ерекшелігін де атап өтті. Сары жалауша өтіп бара жатқан пойызға, ал қызыл жалауша тоқтайтын пойызға көтеріледі екен.<blockquote>– Біздің басты мақсатымыз – қозғалыс қауіпсіздігін қамтамасыз ету, темір жолдарда ақау болдырмау. «Жұмыла көтерген жүк жеңіл» деген. Сенікі-менікі демей, барлық теміржолшылар, илегеніміз бір терінің пұшпағы болған соң, ұйымшылдықпен жұмыс істейміз, – дейді ол.</blockquote>

Теміржол саласынының тарланы

<a href="https://kyzylorda-news.kz/">Kyzylorda-news.kz</a> &nbsp;Қазақ қызын экс-жігіті Біріккен Араб әмірлігінде өлтіріп кеткен, - деп хабарлайды&nbsp;<a href="http://sn.kz/">Skifnews.kz</a>&nbsp;ақпарат порталы&nbsp;Barys Media&nbsp;<a href="https://youtu.be/hPzbn0kA_no?si=O1qjNpRtwfkm4-3q">YouTube</a>&nbsp;арнасына сілтеме жасап. Жантүршігерлік қылмыс&nbsp;Дубайда болған. Яна Бейсембаева Дубайға экс-жігітінен қашып барған, деп жазады bugin.kz.<blockquote>"Яна өте ақжарқын, қабілетті қыз еді. Қытайда білім алып, сол жерде жұмыс істеді. Атырауда да жұмыс істеді. Өте белсенді еді", - дейді Янаның құрбысы.</blockquote>Яна Бейсембаева қаза болардан 3 жыл бұрын жігітпен танысады. Ол жігіттің отбасы, 3 баласы бар екенін Яна кеш біледі.<blockquote>"Жігіттің 3&nbsp;баласы, отбасы бар болып шықты. Әйелі өте өктемшіл келіншек болған. Әйелі Янаға жазды, маған да жиі жаза беретін", - дейді Янаның құрбысы.</blockquote>Жігіт Яна Бейсембаеваны қызғанып, ұруды бастайды. Қарым-қатынастан ештеңе шықпайтынын ұққан Яна жігітпен айырылысуға шешім қабылдайды. Бірақ жігіт қыздың ізінен қалмайды.<blockquote>"Янаны іздеп үйге дейін келетін. "Кет" десе, кетпейтін. Ит үрсе де, біз айқайласақ та кетпей тұрып алатын", - дейді Арман Бейсембаев.&nbsp;</blockquote>Яна қаза болардан 9 ай бұрын жігіт қызды зорлаған. Яна "зорлау" туралы арыз жазады. Бірақ көп өтпей&nbsp;арызды қайтарып алуына тура келеді. Яна жігіттен құтылу үшін Біріккен Араб әмірлігіне жұмысқа баруға шешім қабылдайды.&nbsp;Жігіт Янаны іздеп, Біріккен Араб әмірлігіне барған. Ол ұшақтан түсе сала, Яна жұмыс істейтін&nbsp;мекемеге барады.&nbsp;Дубай прокуратурасының тергеуі бойынша, ер адам Янаны пышақтап өлтірген. Ол алғашында иығы мен қолына пышақ сұққан. Яна қашуға тырысқанда, жігіт ашуға булығып, денесінің барлық жеріне пышақ сұғып тастаған. Кейін&nbsp;Янаның қаза болғанын көріп, чемоданға салып шалғай елді-мекенге лақтырып кеткен.&nbsp;Фото: sobiratelzvezd.ru<figure class="media"><div data-oembed-url="https://www.youtube.com/watch?v=hPzbn0kA_no&amp;t=248s"><div style="position: relative; padding-bottom: 100%; height: 0; padding-bottom: 56.2493%;"><iframe src="https://www.youtube.com/embed/hPzbn0kA_no?start=248" style="position: absolute; width: 100%; height: 100%; top: 0; left: 0;" frameborder="0" allow="autoplay; encrypted-media" allowfullscreen=""></iframe></div></div></figure>

Дубайда қазақ қызын айуандықпен өлтіріп кетті

Кәсіпті дамыту – халықтың ахуалын жақсарту мақсатындағы негізгі бағыттардың бірі. Бүгінгі мемлекеттік саясаттың, стратегиялық бағдарламалардың бірқатары кәсібін дөңгелетемін дегендерге қолдау білдіруге бағытталып отыр. Мұндағы мақсат – өзін-өзі жұмыспен қамтығандар мен жұмыссыздар арасында жаппай кәсіпкерлікті дамыту. Бұл қазіргі таңда бір жүйеге түсті. Оған Жалағаш ауданындағы кәсіп иелеріне қарап-ақ көз жеткізуге болады.Екі мыңыншы жылдардың басында отағасына демеу болып, отбасылық кәсіпті бірге бастаған жалағаштық Дариға Мәмбетова әлі күнге дейін еңбектен қол үзген емес. 75-ті еңсерген ардагер апамызға отбасылық кәсіптің бүгінгі тынысы хақында бір-екі сауал жолдағанбыз. Алғы сөзді шаруашылық тарихына бұрған кейіпкеріміз әңгімені әріден бастады. Жарылқасын Қайырманов пен Дариға Мәмбетова – білім саласында қажырлы еңбек еткен ардагер ұстаздар. Екі мыңыншы жылдарға дейін Аламесек ауылдық округіндегі №124 орта мектепте мұғалім болған олар уақыт өте кәсіп бастауға бел буған. Бұл – жеке шаруашылықтардың енді құрылып жатқан кезі. Ауылда инженерлік жүйеге келсе де, әлі де игерілмей жатқан жерлер шаш-етектен. Осыны қаперге алған Жарылқасын Қайырманов Аламесекте жеке шаруашылық ашып, ауыл шаруашылығы саласында бақ сынауға бел буады.&nbsp;– Біз шаруашылық құрған жылдар өте ауыр кезең болатын. Қаржы тапшылығы ол тұста барлық отбасын айналып өтпеді. Ал біз өндіретін негізгі өнімге келсек, күріштің де нарықтағы бағасы тым төмен болды. Тіпті ол жылдары қазір жанармайға, күрішке, техникаға, тыңайтқышқа берілетін субсидияның бірі де болмады. Осы тығырықтан шығу үшін біз талай бейнетті жолдасым екеуміз еңсердік. Темір өткізіп, одан түскен қаражатқа жанармай, артылғанына тұқым сатып алған күндер де болды. Екі-үш жылдан кейін бақша дақылына да жер ашып, одан шыққан өнімді шаруашылық ұжымы ас-аухат ретінде тұтынды. Ол тұста ұн сатып алудың өзі қарапайым халыққа қиын болды. Біз тағы да жер ашып, бірнеше гектар бидай ектік. Одан шыққан өнімді өзіміз, шаруашылық ұжымы ауылдағы диірменге түйіп, тұрмыста тұтындық. Міне, біз осындай қиын шақта шаруашылық құрдық. Кейін азын-аулақ қаражат қолға тиісімен бір-екі техника сатып алдық. Ол тұста қазіргідей заманауи техникалар біздің ауыл шаруашылығы саласына келе қоймаған. Ескі-құсқы техниканың өзіне қол жеткізу бізге оңай болған жоқ.Шаруашылықтың бүгінгідей дәрежеге жетуі сол жылдарда еңсерген бейнетіміздің өтеуі деп білемін, – дейді Дариға апай.&nbsp; 2002 жылы шаруашылық жұмысын 110 гектар жерге дән себумен бастаған. Оның 40 гектарына күріш егілсе, 70 гектар алқапқа жоңышқа орналастырылыпты. Бірақ енді жұмысын бастаған шаруашылық шаруасының ширауына техника мәселесі қолбайлау болған көрінеді. Бір қызығы, Жарылқасын Қайырманов бұл жерлерді 5 жыл бойы жалдамалы техникамен игерген. Шаруашылық құрылған жылы оның техникалық базасында бірде-бір көлік болмапты. «Жаңарық» ШҚ алғашқы жылдары Сыр салысының «Ақмаржан» сұрпын сепкен. Бастапқыда күріштен межелеген өнімге қол жеткізе алмаса да, жоңышқа орналасқан алқаптың әр атызынан 17-18 мың тонна мал азығын жиған.&nbsp;Дариға Мәмбетова алғашқы жылдары тіпті жұмысшылардың өзіне жалақы тауып беру де үлкен мәселе болғанын айтады. 5 жылдан кейін шаруашылық көршілес Бұқарбай батыр мен Аққұм ауылдық округтерінен ауыл шаруашылығына қажетті бірнеше техника сатып алды. Алайда «Жаңарықтың» жұмысы енді жанданады дегенде, отағағсы Жарылқасын Қайырмановтың денсаулығы сыр берген.&nbsp;Ол тұста үлкен ұлы Ғалымжан Қайырманов аудан орталығындағы ішке істер саласында полиция бөлімі басшысының орынбасары болып жұмыс жасайтын. Ол қызметте жүрсе де, әкесі бастаған кәсіптің тұраламауы үшін қолы қалт еткенде қолғабыс етуді жадынан шығарған емес. Тіпті жыл сайынғы еңбек демалысының 25 күнін көктемде, 20 күнін күзде алып, науқан кезінде әрбір күнін атыз басында өткізіпті.&nbsp;Жұмыста жиған тәжірибесімен көзге түскен Ғалекеңнің зейнетке шығуына да мүмкіндік болған. Тәжірибелі маманнан бөлім басшысының да айырылғысы жоқ. Десе де отбасылық кәсіптің ертеңі өзіне қарап тұрғандықтан ол зейнеткерлікке шығып, атакәсіптің алға басуына жұмыс жасауды жөн деп тауыпты.&nbsp;Ғалымжан Жарылқасынұлы өзі төрағалық еткен алғашқы жылдары да шаруашылық жұмысына техника мәселесі қолбайлау болғанын айтады. Салаға қажетті бірнеше техникаға қол жеткізгенімен көне көлік бұзылмай тұрмайтыны тағы бар. Десе де інісі, «Жаңарықтың» қазіргі инженер-механнигі Рахымжан Қайырмановтың арқасында бұл тығырықтан да шығар жол табылған. Тәжірибелі маман істен шыққан комбайн-тракторлардың ахауын қайта қалпына келтіріп, жұмыстың тұраламауына үлкен еңбек сіңіріпті.&nbsp;– Одан кейінгі жылдары бізде мұндай мәселе болған емес. Жыл сайын күріштен мол өнім жиып, Сыр салысының сапасы жақсы болғандықтан өнімді ойдағыдай бағаға өткіздік. Кейін тіпті демеуші де табыла кетті. Сол уақыттан бері біз облыс орталығындағы «Абзал и К» компаниясының демеушілігімен кәсібімізді дөңгелентіп отырмыз. Солардың арқасында «Жаңарықтың» техникалық базасы бүгінде заманауи әрі соңғы үлгідегі трактор-комбайндармен жарақталды. Қазір де бұрыннан келе жатқан көне көліктер жоқ емес. Бірақ шаруашылықтың техникалық базасы 80-85 пайызға жаңарып отыр, – дейді төраға Ғалымжан Қайырманов.&nbsp;Жарылқасын Қайырманов іргетасын қалаған шаруашылықта бүгінде кенже ұлы Шаншархан Жарылқасынұлы күрішші болып еңбек етеді. Бастапқыда 35-40 гектар Сыр салысының шығымына жауапты болған ол да бүгінде даңғайыр диқандардың ізбасарына айналған. Қазірде Шәкеңе күріштің күтіміне қажетті амалдардың ешқай-сысы таңсық емес. Ал Дариға Мәмбетованың 2 келіні – «Жаңарықтың» бүгінгі тәжірибелі аспазшысы.&nbsp;– Күріш деген дүниеге келген сәби секілді. Пісіп-жетілгенше көп күтімді қажет етеді. Баланы қырқынан шығарғанша қалай күтесің, күріш те сол секілді. Жерге себілгеннен 40 күн бойы оны ерекше күтіп-баптау қажет. Алғашқыда оны салқын суда ұстап тұруға болмайды. Бұрын күзге таман басы салбыраған сабаққа қарап, мол өнім болады деп болжайтын едік. Мұның қате пікір екенін кейін білдік. Суды да әр жиырма күн сайын өзінің беретін деңгейі болады. Сол межеде ғана күрішті суда ұстау қажет. Қазір суды басып, орақ салып жатырмыз. Алдағы айдың онына дейін күзгі науқанды аяқтаймыз. Шығымын көріп тұрсыздар. Бұйыртса, биыл 70 центнерден өнім жинаймыз деп межелеп отырмыз, – дейді диқан Шаншархан Жарылқасынұлы.&nbsp;Қайырмановтар әулетінен бөлек шаруашылық бүгінде ауылдағы 20 адамды жұмыспен қамтып отыр. Төраға былтыр аяқ су мәселесінің салдарынан межелеген өнімге қол жеткізе алмағанын айтады. Былтыр «Жаңарық» ұжымы Сыр салысының әр гектарынан 45 центнерден өнім жиыпты. Десе де Ғалымжан Қайырманов 2012 жылдан бері ұжымдастарына жалақыдан бөлек қосымша сыйақы үлестіру дәстүрінің желісін үзбеген. Биыл оның көлемі артпаса, кемімейтіні тағы да анық. Себебі диқандардың жүзінде қуаныштың белгісі бар, төрағаның да көңілі тоқ.&nbsp;Күріштің күтіміне қызылордалықтар қанық болғанымен өнімнің бұл түрін баптау өзге аймақтар халқы үшін таңсық болуы әбден мүмкін. Иә, Сыр салысы жерге себілгеннен ораққа ілінгенше үлкен күтімді қажет ететіні рас. «Жаңарықтағы» диқандардың 9 айлық еңбегіне қатысты сырына құлақ түрсең, өнімнің бұл түріне қатысты қажетті деректерге қанығасыз.&nbsp; Негізінен Сырда егілетін күріштің қай сұрпын алып қарасаңыз да оның пісіп-жетілу уақытында, күтімінде айтарлықтай айырмашылық жоқ. Бірақ, біздегі шаруашылықтардың көбісі қазір «Лидер» сұрпына басымдық беріп отыр. Себебі өнімнің бұл сұрпына сұраныс жоғары көрінеді.&nbsp;Бір қиыны, қазір Сырдың суы тартылып, ала жаздай шім-шіме болатын «Шіркейлі» каналы да маусымында орта белге түсіп тұр. Ал күріш жерге себілгеннен масақ басындағы дәндер толық піскенше суда тұратынын ескерсек, бұл жергілікті шаруашылықтар үшін үлкен мәселеге айналғанын аңғарамыз. Өнім бітік болу үшін күрішті суда 90 күн бойы ұстап тұру орынсыз. Себебі атыздағы суды да ауыстырып тұратын өз уақыты бар. Әсіресе Сыр салысын себілгеннен 40 күн бойы жылы суда ұстау қажет. Одан кейін де суды ауыстырып тұратын өз уақыты тағы бар. Қазір біздегі тәжірибелі диқандар алқаптағы дақылды өл¬шеуіш құралымен суаруға көшкен. Ал оған берілетін тыңайтқыштарды себу тәсілі өз алдына бір әңгіме. Тағы бір айта кететін жағдай, күріш егілетін алқапта ротацияның сақталуы маңызды. Бұл сіздің ала жаздай күтіп-баптаған өніміңіздің сапасына тікелей әсер етеді. &nbsp; &nbsp;&nbsp;Айта кетейік, биыл «Жаңарық» шаруа қожалығы 200 гектар алқапқа егіс орналастырған. Оның 150 гектарына күріштің «Лидер» сұрпын сеуіпті. Бұған дейін «Янтар», «Новатор» сынды Сыр салысының бірнеше сұрпын егумен айналысқан шаруашылық ішкі және сыртқы сұранысты қамтамасыз етуде өтімді болғандықтан 7 жылдан бері «Лидер» сұрпын егуді қолға алыпты. Төраға Ғалымжан Қайырманов бүгінде шаруашылықтың 500 гектар жерді игеруге қауһары барын айтады. Алайда ауылда қазір жер мәселесі қат екен. Міне, бастапқыда 70 гектар алқаптағы өнімді күтіп-баптау мұң болған «Жаңарықтың» бүгінде осындай жағдайға жетіп отырғаны көңіл қуантады.Айтпақшы Ғалымжан Қайырманов басшылық ететін бұл ұжым елді мекендегі мерекелік шараларға демеушілік етуді, ардагерлерге сыйақы таратуды да дәстүрге ай-налдырған. Былтыр Ғалымжан Қайырманов аудан әкімімен меморандумға отырып, Аламесек ауылдық округіне кіреберіс жолдың қос бетін абаттандыруға келісім алды. Бұйыртса, күзгі науқан жұмыстары бітісімен шаруашылық ұжымы осыған кіріседі. Төраға жолдың бір бетіндегі бос жатқан жерден саябақ ашып, оны ардагер ұстаз, шаруашылықтың негізін қалаған Жарылқасын Қайырмановтың атына беруді жоспарлап отыр.

Отбасылық кәсіптің жемісін көрген

Адамзат &nbsp;үшін &nbsp;ең &nbsp;қажетті &nbsp;мамандықтың &nbsp;бірі –&nbsp;ұстаздық. &nbsp;Білікті &nbsp;ұстаз – бүгінгі &nbsp;заманның &nbsp;талабы. &nbsp;Тәлім-тәрбие &nbsp;мен &nbsp;қоса, &nbsp;оқу-білімді &nbsp;де &nbsp;қатар &nbsp;үйрететін &nbsp;де &nbsp;ұстаз. &nbsp;Білімді &nbsp;ұрпақ &nbsp;елдің &nbsp;ертеңі, ұлт &nbsp;айнасы &nbsp;десек &nbsp;те &nbsp;болады. &nbsp;Ұрпақ &nbsp;білімді &nbsp;болса, &nbsp;мемлекетіміз &nbsp;әлемнің &nbsp;алпауыт &nbsp;елдерімен &nbsp;иық &nbsp;тіресіп, &nbsp;бәсекеге қабілеті &nbsp;жоғарылай &nbsp;түседі. &nbsp;Осындай &nbsp;саналы &nbsp;ұрпақты &nbsp;тәрбиелейтін &nbsp;сіздердің &nbsp;еңбектеріңіз &nbsp;ұшан-теңіз. &nbsp; &nbsp;Тынымсыз еңбегі мен білімі қатар ұштасқан осындай аяулы жандардың бірі де бірегейі – Мария Айтбайқызы. Ол 1961 жылы Жалағаш ауданындағы Ақсу ауылында туып-өскен. Мектеп қабырғасында жүргенде зерек те алғыр қыз 1973 жылы Артек пионер лагеріне жолдама алады. Туған ауылындағы №116 орта мектепті жақсы бағамен бітіріп, 1978 жылы алғашқы еңбек жолын Жалағаш аудандық Оқушылар сарайында үйірме жетекшісі болып бастайды. 1983 жылы Қызылорда Н.В.Гоголь атындағы педагогика институтын қазақ тілі және әдебиеті мамандығы бойынша бітіреді. Қызылорда қаласында тұңғыш ашылған Ақмешіт қазақ-түрік қыздар лицей директорының орынбасары қызметін атқарады. Білім ордаларында ұстаздық қызмет атқарып жүрген уақытта Мария Айтбайқызын жас ұрпақтың болашағы үнемі толғандыратын. Өмірден өз жолын жаңылмай табуына ұстазының ықпалы басым болатыны жадында ұялап тұратын. Сол себепті де өз жұмысына асқан жауапкершілікпен қарауына тиісті екенін өзіне ескертіп отыратын. Сонымен бірге үнемі ізденумен, жаңа нәрсені білуге ұмтылумен, талпынумен ғана оқушылардың сеніміне ие болатынын ұмытқан емес. Осындай қасиеттерімен дараланған ұстаз республикалық «Елім-ай» эстетикалық бағдарламасы бойынша Тірек мектебі жұмыстарының негізін қалады. 1993 жылы Ақтөбе қаласында өткен ІІ республикалық шығармашылықпен жұмыс жасайтын мұғалімдер слетінің делегаты болды. Өмір атты шексіз әлемнің күн сәулесі секілді шәкірт жүзіне нұр сеуіп, санасына білім сіңіруден шаршамаған ізденімпаз ұстаз 1996-1998 жылдары Қызылорда қалалық білім бөлімінде қазақ тілі мен әдебиеті пәнінің әдіскері қызметін атқарды. 1998 жылдың қаңтар айынан бастап «Өрлеу» БАҰО» АҚ филиалы Қызылорда облысы бойынша педагогикалық қызметкерлердің біліктілігін арттыру институтында әдіскер, кабинет меңгерушісі, аға оқытушы, деңгейлік бағдарламалар орталығының тренері, инновациялық білім беру және ақпараттық технологиялар кафедрасының аға оқытушысы болып абыройлы еңбек етті.&nbsp; Мария Айтбайқызы 1998-2005 жылдары Сорос-Қазақстан қорының, Қазақстан Оқу ассоциациясының білім гранттарын жеңіп алды. Жалағаш, Қармақшы, Арал аудандары және Қызылорда қаласы мектептері мұғалімдерін RWCT бағдарламасының гранты бойынша оқытуға қол жеткізді. Грант аясында Арал ауданы мұғалімдері орталығына компьютер сыйлады. Облыстың 5000-нан аса мұғалімі мен Қорқыт Ата атындағы Қызылорда мемлекеттік университеті ғалымдарын халықаралық «Оқу мен жазу арқылы сын тұрғысынан ойлауды дамыту» бағдарламасы аясында жаңа оқыту технологиялары бойынша біліктілігін арттырды. Қаншама мұғалімнің жаңашылдықпен жұмыс жасап, республикаға танылуына үлесін қосты. Тек қана облыс мұғалімдері емес, Алматы, Оңтүстік Қазақстан облысы мұғалімдеріне біліктілік арттыру курстарын жүргізіп отырды. Облысымыздың 1998 жылғы тарихында есімі ең алғашқы білім саласында білім грантын иеленген ұстаз ретінде қалды. Тек қана ұстаздардың емес, оқушылардың да түрлі байқауларда, ғылыми жоба жарыстарында топ жарып, жүлделі орындардан көрінуіне атсалысты. Ақын Қасым Аманжоловтың: «Мектепті сыйлағандықтан, мамандығын жан-тәнімен сүйгендіктен, мұғалім ең алдымен өзінің интелектісін көтеруі керек, дүниеге деген көзқарасын биіктетуі керек» деген сөзі дәл Мария Айтбайқызы сынды ұстаздарға арналғандай. Аға оқытушының қазақ тілі мен әдебиеті пәні мұғалімдеріне арналған «Диктанттар жинағы», «Мектеп оқушыларына арналған қазақ тілі мен әдебиеті пәні бойынша олимпиадалық тапсырмалар жинағы», «Сыр қойнауы» аймақтық өлкетану тәрбие бағдарламасы», «М.Өтемісұлы шығармаларын оқыту» облыстық жинақ, «М.Өтемісұлы шығармаларын оқыту» республикалық жинақ тағы басқа да еңбектері баспа беттерінде жарық көрді.&nbsp;Ал «Білім беру мазмұнын жаңарту жағдайында орта мектепте «Қазақ тілі» мен «Қазақ әдебиеті» пәндерін оқыту әдістемесі» атты әдістемелік құралы республика көлемінде таратылды. Әдістемелік құралды студенттер мектеп тәжірибесінде қолдануда. Мұғалім еңбегі өлшеусіз. Еткен еңбек жеміссіз қалмайды. Халықаралық RWCT тренері Мария Айтбайқызы Қазақстан Республикасы Білім және ғылым министрлігінің, облыстық білім басқармасының “Құрмет” грамо-таларымен, Білім және ғылым қызметкерлері кәсіподағының облыстық комитетінің алғыс хаттарымен марапатталған. Үш баланың анасы, бес баланың әжесі атанып отырған ұстаз – отбасының ұйытқысы. «Өзіңді қарапайым жылы лебізіңмен сыйлата білмесең, құр қаталдықтан түк те шықпайды» дейді Лев Толстой. Иә, Мария Айтбайқызы күлімсіреп жүретін жылы жүзімен, еңбек етуден шаршамайтын жігерлі қасиетімен, шындықты айтудан тайсалмайтын өжеттілігімен курс барысында ұстаздар қауымын өзіне тез баурап алатын. Өзім де қазақ тілі мен әдебиеті пәнінің мұғалімі болғандықтан, ол кісінің алдында бірнеше рет тәлім алдым. Курс барысында үйретері көп ұстаздың әрбір дәрісін қызыға тыңдап отыратынмын. Отбасы мен қызметтің жүгін қатар алып, абыроймен еңбек етіп жүрген Мария Айтбайқызының әрбір ісі өзгелерге үлгі болары хақ. Білім &nbsp;шыңына &nbsp;шыға &nbsp;алған &nbsp;мемлекет &nbsp;қана &nbsp;әлемдік &nbsp;деңгейде &nbsp;еркін &nbsp;самғап, &nbsp;өз &nbsp;бағытын &nbsp;дұрыс &nbsp;таңдай &nbsp;алады. &nbsp;Сондықтан елдің &nbsp;келешек &nbsp;тұтқасын &nbsp;ұстар &nbsp;ұрпақтың &nbsp;білімді &nbsp;де &nbsp;білікті &nbsp;болуы &nbsp;ең &nbsp;алдымен &nbsp;ұстазға &nbsp;байланысты. Біз осындай жастарға таудай талап беретін ұстаз атты мәртебелі мамандық иелерінің жұмыстарына жеміс тілейміз.

 Білікті  ұстаз – бүгінгі  заманның  талабы

<a href="https://kyzylorda-news.kz/">Kyzylorda-news.kz</a> Көпшілікке «Моя прекрасная няня» сериалымен танылған ресейлік актриса Анастасия Заворатнюк қайтыс болды, – деп хабарлайды&nbsp;<a href="https://massaget.kz/basty-zhaalytar-438/108305/">Massaget.kz.</a>Қаралы хабарды оның жақындары әлеуметтік желіде хабарлады.&nbsp;«Ұзақ уақыт бойы аурумен күресіп, бүгін түнде біздің Настямыз өмірден өтті. Бізге үнемі қолдау білдірген әрбір жанға алғыс айтамыз. Настя сіздердің қолдауларыңызды сезетін», – делінген жазбада.&nbsp;Актриса 53 жаста еді.&nbsp;Сурет: сериалдан скрин

Қазақстан және Қызылорда облысының жаңалықтары: Қоғам