<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев, «Қазақстан Темір Жолы» ұлттық компаниясының құрылыс жөніндегі басқарушы директоры Марат Искалиев, облыстық мәслихат төрағасы Мұрат Тлеумбетов, Қорқыт ата атындағы Қызылорда университетінің Басқарма төрағасы-ректор Наурызбай Байқадамов, зиялы қауым өкілдері мен ел ағалары қайта жаңғыртудан өткен Қазалы теміржол вокзалының салтанатты ашылу рәсіміне қатысты.&nbsp;Аймақ басшысы аудан тұрғындарын құттықтап, жол-көлік инфрақұрылымын дамытудағы бастамалар, оларды жүзеге асырудың маңыздылығы туралы айтты.<blockquote>«Сыр өңірі тоғыз жолдың торабында орналасқандықтан аймағымыздан халықаралық және өңіраралық теміржол бағыттарымен мыңдаған жолаушы, шетелдік туристер қатынайды. Бүгін біз ғасырдан астам тарихы бар &nbsp;Қазалы теміржол вокзалын ресми түрде іске қосамыз. Күніне 350 жолаушы келіп-кететін, аумағы 8 860 шаршы метр ғимарат 1 млрд. 290 млн.теңгеден астам қаржыға қайта жаңғыртылды. Жаңа нысанда аудан тұрғындары мен қонақтарына сапалы қызмет көрсетіледі деп сенемін», – деді Мұрат Нәлқожаұлы.</blockquote>Ашылу салтанатында Марат Искалиев пен Қазалы аудандық ардагерлер кеңесінің төрағасы Оразғали Бекбанов сөз сөйлеп, теміржол саласында еңбек етіп жүрген қызметкерлер мен мердігер мекеме өкілдері облыс әкімінің Алғыс хатымен марапатталды.Айта кетейік, Мемлекет басшысының тапсырмасымен еліміздегі 124 вокзал жаңғыртылып жатыр. Қызылорда облысының аумағындағы вокзалдар өткен ғасырдың басындағы "Орынбор-Ташкент" магистралі жүргізілген кезеңде салынған. Тарихи ғимараттарды &nbsp;жаңғыртылатын нысандар тізіміне енгізу сол кездегі облыс әкімі Нұрлыбек Машбекұлының бастамасымен жүзеге асты. Барлық аудан орталығындағы және Төретам, Сексеуіл станцияларындағы вокзалдарды, Жаңақорған ауданындағы Талап бекетінің платформасын жаңғыртуға 10 млрд. теңгеге жуық қаржы бөлінді.Қазалы теміржол вокзалы – жай &nbsp;нысан емес, ғасырлық тарихтың куәсі, ауданның өсіп-өркендеу жолындағы маңызды символдардың бірі. Іргетасы ХХ ғасырдың басында &nbsp;Ақирек тауынан қашалып, түйе керуенімен жеткізілген тастан қаланған екен. Қабырғасы күйдірілген кірпіштен өрілген. Ерекше сәулетімен дараланған бұл ғимарат 1980 жылы архитектуралық ескерткіш ретінде арнайы есепке алынған.Бүгінде Қазалы ауданының аумағында 91 шақырым теміржол желісі бар, тәулігіне 12 жолаушылар пойызы өтеді. Соңғы рет 2013 жылы жөндеуден өткен. &nbsp;Былтыр сәуір айында &nbsp;«Қазақстан Темір Жолы» ұлттық компаниясының қаржыландыруымен «Бақ Береке» ЖШС ғимараттың іргетасы мен қабырғаларын күшейтіп, шатырын толық жаңартты. Есік-терезелерін ауыстырып, күту залдарын заманауи талаптарға сай жабдықтады. Мүмкіндігі шектеулі азаматтарға қолайлы орта жасалып, қауіпсіздік жүйелері орнатылды. Ана мен бала бөлмесі, медициналық пункт бар. Аумағы абаттандырылып, жаңа келбетке ие болды. Маңындағы инфрақұрылымды жақсарту бағытында да ауқымды жұмыстар атқарылды. Биыл қаңтар айында теміржол үстіндегі жаяу жүргіншілер көпірі пайдалануға берілді.Осылайша Әйтеке би кентінің теміржолдың арғы бетінде тұратын 13 мыңнан астам тұрғыны үшін қауіпсіз әрі ыңғайлы қатынау мүмкіндігі жасалды.<img src="https://knadmin.beoblood.kz/uploads/azaly_temirzhol_vokzaly_zha_yrtyldy_2_4c983baf36.jpg" alt="Қазалы теміржол вокзалы жаңғыртылды 2.jpg">

Қазалыдағы теміржол вокзалы қайта жаңғыртудан өтті

23 маусым - Қазақстан полиция күні кәсіби меркесіне орай облыс әкімі Мұрат Ергешбаевтың қатысуымен өңірдегі полиция қызметкерлеріне 94 арнайы қызметтік автокөліктің кілтін табыстау рәсімі өткен болатын.Бүгін Қазалы ауданында аудандық полиция бөліміне табысталған 7 арнайы қызметтік автокөлікті таныстыруға арналған шара өтті.Шара барысында аудан әкімі Алмасбек Есмаханов сөз сөйлеп, жаңа қызметтік автокөліктер полиция қызметкерлерінің жедел әрекет ету мүмкіндігін арттырып, қоғамдық қауіпсіздікті қамтамасыз ету, құқықбұзушылықтардың алдын алу және қызметтік міндеттерді тиімді орындауға үлкен мүмкіндік беретінін жеткізді. Сондай-ақ тәртіп сақшыларының қоғам алдындағы жауапкершілігіне тоқталды.<img src="https://knadmin.beoblood.kz/uploads/FB_IMG_1782622098640_2b0d5e6dc3.jpg" alt="FB_IMG_1782622098640.jpg">— Қоғам дамуының басты мұраты – елдің тыныштығы. Бұл орайда жоғары кәсібилікті, асқан жауапкершілікті талап ететін әрі өмірі қауіп-қатерге толы полиция қызметкерлерінің еңбегі қашанда зор құрметке лайық. Қоғамдық тәртіп пен қауіпсіздікті сақтап, қылмыстың алдын алу жолындағы Сіздердің күнді түнге жалғаған еселі еңбектеріңіз әрдайым ел есінде. Мемлекет тарапынан материалдық-техникалық базаны нығайту бағытында барлық жағдай жасалуда. Полиция күніне орай облыс орталығында аймақ басшысы Мұрат Нәлқожаұлының қатысуымен полиция қызметкерлеріне 94 арнайы автокөліктің кілті табысталды. Соның ішінде 7 қызметтік автокөлік Қазалы аудандық полиция бөліміне беріліп отыр. Бұл – құқық қорғау органдарының әлеуетін арттырып, халық қауіпсіздігін қамтамасыз етуге үлкен қолдау. Ел тыныштығы мен қоғамдық қауіпсіздікті сақтауда абыроймен қызмет ете беріңіздер!, — деді аудан әкімі.Айта кетейік, бүгінде аудан бойынша тұрғындардың қауіпсіздігін қамтамасыз ету мақсатында қоғамдық орындарда тәртіпті бақылауға және жол қозғалысы ережелерінің бұзылуын автоматты түрде анықтауға арналған 72 бейнебақылау камерасы орнатылған. Сонымен қатар, аудандық полиция бөлімі ғимаратында бейнебақылау жүйелері арқылы құқықбұзушылықтарды анықтайтын арнайы кіші Жедел басқару орталығы жұмыс істейді. Жергілікті атқарушы органдар мен полиция қызметкерлерінің бірлескен кешенді жұмыстарының нәтижесінде ауданымызда қылмыс деңгейі төмендеп келеді. Биыл өткен жылдың есепті кезеңімен салыстырғанда қылмыс деңгейі 50-ден 40-қа, яғни 10 пайызға азайған.Қазіргі таңда ауданымызда 100-ден астам полиция қызметкері ел тыныштығы мен қоғамдық қауіпсіздікті сақтау жолында абыройлы қызмет атқаруда.<img src="https://knadmin.beoblood.kz/uploads/FB_IMG_1782622107132_f79c4c68bd.jpg" alt="FB_IMG_1782622107132.jpg">

Қазалы аудандық полиция бөліміне берілген қызметтік автокөліктер таныстырылды 

Қазалы ауданында «Таза Қазақстан» республикалық экологиялық акциясы аясында жаппай сенбілік жұмыстары ұйымдастырылды.Аудан әкімі Алмасбек Есмахановтың тапсырмасына сәйкес аудан орталығы – Әйтеке би кентінің барлық аумағында тиісті бөлініске сәйкес тазалық жұмыстары қарқынды жүргізілді. Сондай-ақ барлық ауылдық округ бойыншада мекеме, кәсіпорын қызметкерлері мен тұрғындар тазалық акциясы аясында туған жердің тазалығына біркісідей атсалысты.Аудан орталығындағы ұйымдастырылған сенбілік жұмыстарын аудан әкімі аралап көріп, тазалық жұмыстарына қатысты кент әкімі мен жауапты сала басшыларына бірқатар тапсырмалар берді.Бүгінгі сенбілік барысында Әйтеке би кентіндегі теміржол вокзалы алдындағы Әйтеке би алаңы, вокзал аумағы, Жалаңтөс баһадүр саябағы, Әйтеке би кентінің бас қақпасынан теміржол өткеліне дейін, теміржол өткелінен бастап Роза Бағланова көшесінің бойындағы ретсіз өткен шөптерді шабу, қоқыстарды теру, бағаналар, қоршаулар, бордюрларды әктеу, сырлау, аялдамаларды жуу жұмыстары жүргізілді.Тазалық жұмыстары барысында тазалық мекемелері жиналған қоқыстар мен шабылған шөптерді техникалар арқылы арнайы орындарға шығарды.Жалпы бүгінгі аудан көлемінде жүргізілген сенбілік жұмыстарына барлығы 121 мекемеден 1 275 адам, 12 техника жұмылдырылып, полигондарға 13,4 тонна қоқыс шығарылды.<img src="https://knadmin.beoblood.kz/uploads/FB_IMG_1782621916211_5d8ec86862.jpg" alt="FB_IMG_1782621916211.jpg">

Қазалыда сенбілік жұмыстары ұйымдастырылды 

Облыс әкімі Мұрат Ергешбаев, ҚР Көлік вице-министрі Жәнібек Тайжанов, облыстық мәслихат төрағасы Мұрат Тлеумбетов, Қорқыт ата атындағы Қызылорда университетінің Басқарма төрағасы-ректор Наурызбай Байқадамов, зиялы қауым өкілдері мен ел ағалары қайта жаңғыртылған Шиелі &nbsp;теміржол вокзалының салтанатты ашылу рәсіміне қатысты.Аймақ басшысы аудан тұрғындарын құттықтап, жаңа ғимарат жолаушыларға сапалы қызмет көрсететін бірегей нысанға айналатынын атап өтті. &nbsp; «Бүгін Өздеріңізбен бірге аймағымыз үшін маңызды жобалардың бірі - Шиелі теміржол вокзалының қайта жаңғыртудан кейінгі салтанатты ашылу рәсімінде бас қосып отырмыз. Президентіміз Қасым-Жомарт Кемелұлының еліміздегі теміржол вокзалдарын қайта жаңғырту тапсырмасы аясында былтыр сол кездегі аймақ басшысы Нұрлыбек Машбекұлының тікелей бастамасымен &nbsp;жаңғыртудан өтетін вокзалдар тізіміне барлық аудан орталықтарындағы және Төретам, Сексеуіл станцияларындағы ғимараттар, Жаңақорған ауданы Талап бекетінің платформасы енгізілген болатын. Барлық вокзалдағы &nbsp;жаңғырту жұмыстарына 10 млрд. теңгеге жуық қаржы бөлінді. &nbsp;Аумағы 9 474 шаршы метр болатын Шиелі теміржол вокзалына 836 млн.теңгеден астам қаржы қаралған. Тәулігіне 200 жолаушыны қабылдайтын вокзал заманауи талаптарға сай жабдықталған.&nbsp; Мұнда да ғимараттың қасбеті мен іргетасы қапталып, төбе жабындысы мен есік-терезелері ауыстырылды. Электр желілері, жылу жүйесі жаңаланды және перрон аумағы абаттандырылды. &nbsp;Бүгін Жаңақорған &nbsp;теміржол вокзалын да іске қостық, Ертең Қазалы &nbsp;вокзалын ел игілігіне табыстаймыз. Жаңа нысандар баршаңызға құтты болсын!», - деді Мұрат Нәлқожаұлы.Шарада Жәнібек Тайжанов пен Шиелі кенті ардагерлер кеңесінің төрағасы Болат Күлімбетов сөз сөйлеп, &nbsp;сала қызметкерлері, мердігер мекеме өкілдері облыс әкімінің Алғыс хатымен марапатталды.

Шиелі теміржол вокзалы қайта жаңғыртудан кейін іске қосылды 

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаев, Сыр өңіріне жұмыс сапарымен келген ҚР Көлік вице-министрі Жәнібек Тайжанов, облыстық мәслихат төрағасы Мұрат Тлеумбетов, Қорқыт ата атындағы Қызылорда университетінің Басқарма төрағасы-ректор Наурызбай Байқадамов, зиялы қауым өкілдері мен ел ағалары қайта жаңғыртудан өткен Жаңақорған теміржол вокзалының ашылу рәсіміне қатысты.Еске салсақ, Мемлекет басшысының тапсырмасымен еліміздегі 124 вокзал жаңғыртылып жатыр. Былтыр сол кездегі облыс әкімі Нұрлыбек Машбекұлы жаңғыртудан өтетін вокзалдар тізіміне барлық аудан орталықтарындағы және Төретам, Сексеуіл станцияларындағы ғимараттарды, Жаңақорған ауданындағы Талап бекетінің платформасын енгізген болатын.Барлық вокзалдағы жаңғырту жұмыстарына 10 млрд. теңгеге жуық қаржыны бөлінді.Рәсімде Мұрат Нәлқожаұлы теміржол вокзалдары жолаушыларға қолайлы және қауіпсіз, өңірдің заманауи келбетін айшықтайтын нысандарға айналатынын атап өтті.<blockquote>«Облыс аумағы – тоғыз жолдың торабында орналасқан, өңірлер мен елдерді байланыстыратын маңызды көлік дәлізі.Бүгінде аймағымыздан халықаралық және өңіраралық теміржол бағыттарымен мыңдаған жолаушы, шетелдік туристер қатынайды. Сондықтан теміржол вокзалдарын заман талабына сай жаңғырту тұрғындар үшін де, қонақтар үшін де ерекше маңызға ие.Бүгін біз Жаңақорған кентінде 1 млрд.теңгеден астам қаржыға қайта жаңғыртылған, аумағы 8 838 шаршы метр болатын теміржол вокзалын ел игілігіне табыстағалы тұрмыз. Вокзал күніне 121 жолаушыны өткізуге қауқарлы. Ғимараттың қасбеті мен іргетасы қапталды, төбе жабындысы мен есік-терезесі ауыстырылды. Электр желілері монтаждалып, жылу жүйесі жүргізілді, перрон абатандырылды. Нысан заманауи талаптарға сай, жоғары сапалы жабдықтармен жарақталған. Бұдан бөлек, бүгін Шиелі, ертең Қазалы теміржол вокзалдарын табыстаймыз. Облыс аумағынан өтетін әрбір қонақ пен турист мұндағы қызмет сапасы мен жайлылыққа оң бағасын береді деп сенеміз», – деді Мұрат Нәлқожаұлы.</blockquote>Жиында Жәнібек Тайжанов пен еңбек ардагері Сәулебек Қалыбаев сөз сөйлеп, теміржол саласы қызметкерлері мен мердігер мекеме өкілдері облыс әкімінің Алғыс хатымен марапатталды.Бүгінде облыс аумағынан 15 жолаушы пойызы өтеді, облыс орталығынан Астана, Петропавл, Павлодар, Көкшетау, Семей, Түркістан қалаларына 6 жолаушылар пойызы жүреді.Өңірде 80 шақырымнан астам теміржол күрделі жөнделуде.Ел аумағындағы теміржол вокзалдарын қайта жаңғырту туралы Президент тапсырмасына сәйкес 2024 жылы Қызылорда теміржол вокзалы күрделі жөндеуден өтіп, абаттандырылды. Бұдан бөлек, аймақтағы 7 вокзал, Тереңөзек және Жалағаштағы 2 қызмет көрсету пункті күрделі жөнделіп жатыр. Талап бекетінде 322 млн.теңгеге 1 188 шаршы метрлік жолаушылар платформасын жаңғырту жұмыстары аяқталды.Фото: Қызылорда облысы әкімінің баспасөз қызметі

Қайта жаңғыртылған Жаңақорған теміржол вокзалы ашылды

Қармақшы ауданында өткен облыстық «Айбын – 2026» арнайы-тактикалық оқу-жаттығуы аяқталуда. Осыған орай №284 мамандандырылған мектеп-интернатында оқу-жаттығуға қатысушыларды марапаттау рәсімі ұйымдастырылды.Салтанатты іс-шараға аудан әкімі Жандос Еркінбек, аудандық мәслихат төрағасы Әділ Қошалақов, әскери бөлім басшылары мен қызметкерлері қатысты. Шара барысында алдымен әскери техникалар мен қару-жарақ көрмесі көрсетіліп, оқу барысында пайдаланылған арнайы құрал-жабдықтар тамашаланды.Жиында сөз сөйлеген Жандос Еркінбек барлық қатысушыларға өз алғысын білдірді:-Он күнге созылған оқу-жаттығу ұлттық қауіпсіздікті қамтамасыз ету бағытында ерекше маңызға ие, сондай-ақ мұнда қатысушылар жоғары дайындық деңгейін көрсетіп, жүктелген міндеттерді абыроймен орындады. Бұл – сіздердің Отан алдындағы адал қызметтеріңіздің көрінісі. Ауданымызда Мемлекет басшысы мен Үкіметтің және аймақ басшысының қолдауымен қорғаныс саласын дамытуға, әскери бөлімдердің материалдық-техникалық базасын нығайтуға тұрақты қолдау көрсетілуде. Алдағы уақытта да бұл жұмыстар жалғасатын болады. Еліміздің тыныштығы мен ұлттық қауіпсіздікті қамтамасыз ету жолындағы еңбектеріңіз үшін баршаңызға шынайы алғысымды білдіремін, – деді.Кездесуде өзінің кәсіби шеберлігімен ерекшеленіп, белсенділік танытқан азаматтар аудан әкімінің «Алғыс хатымен» марапатталды.Сондай-ақ аудан өнерпаздары патриоттық әндер орындап, шара соңында аға буын өкілдері батасын берді.Айта кетсек жыл сайын дәстүрлі түрде өткізілетін облыстық маңызы бар бұл шараға ауданымызда 100-ден астам қызметкер жұмылдырылды.Фото: Қармақшы ауданы әкімінің баспасөз қызметі

«Айбын – 2026» арнайы оқу-жаттығу қорытындылануда 

28 маусым – Бұқаралық ақпарат құралдары қызметкерлері күні қарсаңында аудан әкімі Аманжол Оңғарбаев аудандағы шығармашылық қауым өкілдерімен кездесіп, ардагер журналистер мен сала мамандарын кәсіби мерекелерімен құттықтады.Әбдіжәміл Нұрпейісов атындағы шығармашылық үйінде еркін форматта өткен кездесуде журналистика саласының өткені мен бүгіні, оның қоғамдағы орны, ардагер буынның өнегелі жолы және жас журналистердің бағыт-бағдары жайында мазмұнды әңгіме өрбіді.Кездесу барысында ардагер журналистер өздерінің өмірлік және кәсіби тәжірибелерімен бөлісіп, саланың өзекті мәселелері мен даму бағыттарына қатысты ұсыныс-пікірлерін жеткізді. Сондай-ақ олар шығармашылық қауым өкілдерінің еңбегін ескеріп, кәсіби мереке қарсаңында құрмет көрсетуді дәстүрге айналдырған аудан әкіміне алғыстарын білдірді.Өз кезегінде аудан әкімі Аманжол Сақыпұлы бұқаралық ақпарат құралдары саласы қызметкерлерінің қоғамдағы маңызды рөлін атап өтіп, ардагерлер мен журналистерді кәсіби мерекемен құттықтады.Басқосу соңында аудан әкімінің құттықтауы мен естелік сыйлықтар табысталды.Кездесу жылы жүздесуге ұласып, ардагерлер ақжарма тілектерін білдіріп, аудан әкімі бастаған азаматтардың ел игілігі жолындағы қызметтеріне сәттілік тіледі.Фото: Аудан әкімінің баспасөз қызметі

Шығармашылық қауым өкілдерімен мазмұнды кездесу өтті

26 маусым – Халықаралық нашақорлыққа қарсы күрес күніне арналған айлық аясында Қызылорда облысы Полиция департаментінің Есірткі қылмысына қарсы іс-қимыл басқармасының қызметкерлері Қазақстан Республикасы Ішкі істер министрлігі Қылмыстық-атқару жүйесі комитетінің №60 және №68 мекемелерінің қызметкерлерімен бірлесіп ақпараттық-түсіндіру жұмыстарын жүргізді.Іс-шара барысында есірткі құралдары мен психотроптық заттардың заңсыз айналымына қатысты қолданыстағы заңнама талаптары мен құқықтық жауапкершілік мәселелері кеңінен түсіндірілді. Сонымен қатар, есірткінің адам денсаулығына, отбасы мен қоғамға тигізетін зияны, құқық бұзушылықтың алдын алу және салауатты өмір салтын ұстанудың маңыздылығы жөнінде жан-жақты ақпарат берілді.Мұндай профилактикалық кездесулердің басты мақсаты – есірткі қылмыстарының алдын алу, азаматтардың құқықтық сауаттылығын арттыру және қоғамда есірткіге қарсы берік көзқарас қалыптастыру.Есірткіге – жол жоқ! Салауатты өмір – саналы таңдаудың кепілі!

Қызылордада есірткі қылмысының алдын алуға бағытталған түсіндіру жұмыстары өтті

Қызылорда облысы Полиция департаментінің Есірткі қылмысына қарсы іс-қимыл басқармасы 26 маусым – Халықаралық нашақорлыққа қарсы күрес күніне арналған айлық аясында Қызылорда қалалық саябағында кешенді профилактикалық акция ұйымдастырды.Іс-шараның негізгі мақсаты – салауатты өмір салтын насихаттау, есірткінің заңсыз айналымына қоғамда төзбеушілік көзқарасын қалыптастыру және тұрғындардың есірткі құқық бұзушылықтарының алдын алу бағытындағы белсенділігін арттыру.Акцияның салтанатты бөлімінде Қызылорда облысы Полиция департаменті бастығының бірінші орынбасары, полиция полковнигі С.А. Тоқтыбаев сөз сөйлеп, есірткіге қарсы күресте мемлекеттік органдардың, қоғамның және жастардың бірлескен жұмысының маңыздылығына тоқталды. Ол нашақорлықтың алдын алу – есірткі қылмысына қарсы күрестегі басты бағыттардың бірі екенін атап өтті.Ресми бөлімнен кейін марапаттау рәсімі өтті. Қазақстан Республикасы Ішкі істер министрінің грамотасымен Есірткіге қарсы профилактика жөніндегі кеңестің жұмысына елеулі үлес қосқан екі үздік азамат марапатталды. Сонымен қатар, есірткіге қарсы профилактикалық жұмыстарға белсенді қатысқан 15 үздік азамат, сондай-ақ есірткіге қарсы тақырыптағы журналистер байқауының 11 жеңімпазы мен жүлдегері марапаттарға ие болды.Іс-шара барысында есірткіге қарсы мазмұндағы пролог пен заманауи би қойылымдарын ұсынған би ұжымдары, жергілікті өнерпаздар және қазақстандық эстраданың жас жұлдызы Досбол Нұрылла өнер көрсетіп, көрермендерге көтеріңкі көңіл-күй сыйлады.Сонымен қатар, акция қонақтары арасында есірткінің алдын алу және салауатты өмір салты тақырыбында викториналық байқау ұйымдастырылып, оның қорытындысы бойынша үш жеңімпаз дипломдармен және бағалы сыйлықтармен марапатталды.Акцияның кішкентай қонақтарына арнайы естелік сыйлықтар табысталып, мерекелік көңіл-күй сыйланды.Аталған іс-шара құқық қорғау органдарының, қоғам өкілдерінің, бұқаралық ақпарат құралдарының және жастардың күш-жігерін біріктіре отырып, есірткіге қарсы иммунитет қалыптастыруға, салауатты өмір салтын насихаттауға және қоғамның құқықтық мәдениетін арттыруға бағытталған маңызды профилактикалық бастама болды.

Қызылорда қаласында Халықаралық нашақорлыққа қарсы күрес күніне арналған кешенді акция өтті

<a href="https://kyzylorda-news.kz/">Kyzylorda-news.kz</a> Мемлекет басшысының Жарлығына сәйкес Қармақшы ауданы әкімінің халықпен кездесулері жалғасуда. Бүгінге дейін ауданға қарасты 14 кент және ауылдық округтердің жетеуінде тұрғындармен кездесу өткізген аудан әкімі Жандос Еркінбек кезекті жиынын Ақжар және Ақтөбе ауылдық округтерінде жалғастырды.Кездесу барысында Қармақшы ауданының әлеуметтік-экономикалық даму көрсеткіштері, ауылдық округтерде жүзеге асырылып жатқан жобалар мен алдағы жоспарлар талқыланды.Ақжар елді мекенінде инфрақұрылымды жаңғырту бағытында облыстық бюджет есебінен Ораз ахун және Жалғасбай Тұяқбаев көшелеріне 283,9 млн теңгеге күрделі жөндеу жұмыстары жүргізілуде. Сонымен қатар Қасымтай Ізтелеуов көшесі бойына 4 бейнебақылау камерасы орнатылып, қоғамдық қауіпсіздікті қамтамасыз ету шаралары күшейтілді. Ауыл шаруашылығы саласында да төрт ірі және шағын шаруа қожалығы егін шаруашылығымен айналысуда.Ақтөбе ауылдық округінде де жаңа жобалар қолға алынуда. Атап айтқанда, «Оңталап» шаруа қожалығының демеушілігімен Ы.Сейтенов көшесінің кіреберісінен «Төтенше жағдай бекеті» ғимаратының құрылысы басталмақ.Сондай-ақ ауыл шаруашылығы – елді мекен экономикасының негізгі бағыты. Бүгінде «Ақтөбе и К» ЖШС, «Оңталап» және «Дөйт» шаруа қожалықтары биыл 3 310 гектар жерге ауыл шаруашылығы дақылдарын орналастырып, егіс егуде. Оның ішінде 1815 гектарға күріш себіліп отыр.Кездесу барысында тұрғындар жүргізілген жұмыстарға алғысын білдірді. Сондай-ақ, Жандос Еркінбек жеке қабылдау да өткізіп, ауыл шаруашылығы бағытында көтерген мәселелерге жауап беріп, сала басшыларына тиісті тапсырмаларын жүктеді.<img src="https://knadmin.beoblood.kz/uploads/A_zhar_auyly_t_r_yndarymen_kezdesu_2_d2201940ef.jpg" alt="Ақжар ауылы тұрғындарымен кездесу 2.jpg">

Тұрғындармен кездесіп, жүзеге асырылып жатқан жобалар мен алдағы жоспарларды талқылады

<a href="https://kyzylorda-news.kz/">Kyzylorda-news.kz</a> Бүгін «Өнер орталығында» 28 маусым – Бұқаралық ақпарат құралдары қызметкерлері күніне арналған «Қанатты қалам – 2026» салтанатты іс-шарасы өтті.Оған облыс әкімі Мұрат Ергешбаев, облыстық мәслихат төрағасы Мұрат Тлеумбетов, зиялы қауым өкілдері мен сала ардагерлері қатысты.Аймақ басшысы журналистерді кәсіби мерекемен құттықтап, өңірдегі бастамалар мен жаңашылдықтарды халыққа шынайы жеткізудегі &nbsp;еңбектерін жоғары бағалады.«Бүгін – мерзімді басылымдар мен телеарналарда, ақпараттық агенттіктер мен сайттарда қызмет істейтін шығармашылық өкілдерінің, журналист жасаған сюжет пен жазған мақаланың жарыққа шығуына еңбек сіңіретін мамандардың мерейлі күні.Мереке қарсаңында Президентіміз Қасым-Жомарт Кемелұлы бұқаралық ақпарат құралдары өкілдерін Ақорда төрінде қабылдап, мемлекеттік наградалар табыстады.«Qyzylorda» телеарнасының ардагері Қарабала Жағыппар Аманжолұлы «Парасат» орденімен наградталды. Бұл – Сыр журналистикасына берілген жоғары баға.<img src="https://knadmin.beoblood.kz/uploads/anatty_alam_2026_f71fda16d7.jpg" alt="Қанатты қалам 2026.jpg"><blockquote>– Мемлекет басшысы: «Журналистер қауымы – ең алдымен қоғамның жаршысы әрі шынайы жанашыры. Сіздер әрдайым халықтың көкейінде жүрген өзекті мәселелерді көтеріп, жұрт мүддесіне адал қызмет етіп келесіздер. Мемлекет сіздердің ерен еңбектеріңізді жоғары бағалайды» деп ерекше атап өтті. &nbsp;Ұлттық журналистика тарихында Сыр өңірінің айрықша орны бар. Ғасырлық белесіне жақындаған басылымдар мен тәуелсіздік жылдарында шыққан газеттер – аймақтың сыр-шежіре сандығы. Облыстың тарихы, әлеуметтік-экономикалық дамуы мен мәдени-рухани жаңғыруының айқын дереккөзі. Биыл аймағымыздың жетекші арнасы – «Qyzylorda» телеарнасы 35 жылдық мерейтойын атап өтті. Телеарна өңіріміздегі оқиғалар мен ақпараттарды жылдам таратып, ел өміріндегі саяси маңызды жаңалықтардың жаршысы болып келеді. Отыз жылға жуық көрермен көзайымына айналған «Қоғам ТВ» телеарнасының да ақпараттық саясаттағы орны ерекше. Аймақ телевизиясының бүгінгі биігі – өткен мен бүгінді жалғаған ардагерлер еңбегінің жемісі. Ақпарат айдынында өз қолтаңбасын қалдырған майталман мамандардың табандылығы мен қажырлы еңбегі тележурналистика тарихында лайықты ізін қалдырды. Бүгінде тағылымды жолдан өтіп, ұстаздарының өнегесін жалғаған мамандар елімізге белгілі ірі медиахолдингтерде, телеарналарда еңбек етіп, Сыр журналистикасы мектебінің мерейін үстем етуде. Тәуелсіздік шежіресін, Сыр өңірінің жылнамасын, қалыптастырудағы қажырлы еңбектеріңіз үшін Сіздерге алғысымды білдіремін!», – деді Мұрат Нәлқожаұлы.</blockquote>Кеше Ақорда төрінде өткен рәсімде Мемлекет басшысы журналистерді қолдауға, әлеуметтік жағдайын жақсартуға баса мән берілетінін айтқан еді. Кейінгі үш жылда Астана қаласында ғана 200 журналист баспаналы болса, енді бұл бастаманың ауқымы кеңейді. Президент тапсырмасымен биыл алғаш рет облыстарда жұмыс істейтін ақпарат саласының 66 қызметкеріне пәтер кілті берілді.Біздің аймақта «Сыр медиа» серіктестігі директорының орынбасары Әзиз Батырбековке және «Qyzylorda» телеарнасының телеоператоры Рамазан Жүсіпбекке пәтер кілттері табысталды.​Салтанатты рәсімде ақпарат саласының дамуына елеулі үлес қосқан қалам иелері «Парасат», «Құрмет» ордендерімен, «Ерен еңбегі үшін» медалімен, ҚР Мәдениет және ақпарат министрлігінің «Еңбек ардагері», «Ақпарат саласының үздігі» төсбелгілерімен, Құрмет грамотасымен, Қазақстан Журналистер одағының «Қазақстанның Құрметті журналисі» атағымен, ҚР Премьер-министрінің бірінші орынбасарының, Премьер-министрінің орынбасары – Мәдениет және ақпарат министрінің, облыс әкімінің Алғыс хаттарымен, Құрмет грамотасымен және түрлі номинациялармен марапатталды.<img src="https://knadmin.beoblood.kz/uploads/anatty_alam_2026_3_d94f42aee1.jpg" alt="Қанатты қалам 2026 3.jpg">

Аймақ журналистері марапат төрінен көрінді

<a href="https://kyzylorda-news.kz/">Kyzylorda-news.kz</a>&nbsp; Жалағаш ауданының әкімі Ардақ Ибраимов І жартыжылдықта атқарылған жұмыстар мен алдағы міндеттер жөнінде Жалағаш кенті тұрғындары алдында есеп берді. Кездесуге аудандық мәслихат төрағасы Өмірзақ Елеусінов, аудандық ардагерлер кеңесінің төрағасы Садық Әлиев, мәслихат депутаттары, бөлім және мекеме басшылары қатысты.Кездесуде Жалағаш ауданының әкімі Мемлекет басшысының, Үкіметтің және облыс әкімінің тапсырмасымен жүзеге асқан жұмыстарға тоқталып, аудан көлемінде атқарылып жатқан негізгі жұмыстарды баяндады. Сонымен бірге, алдағы жоспарланған жобалар таныстырылып, тұрғындардың ұсыныс-пікірлері тыңдалды.Кенттің орталық алаңын реконструкциялау мақсатында құны 315,2 млн теңгелік жобалық-сметалық құжаттама әзірленіп, қазіргі таңда қаржыландыру сатысында тұр. Сонымен қатар, орталық алаңдағы су бұрқақ қалпына келтірілді.Кентішілік 14 көшеге күрделі жөндеу жұмыстары жүргізіліп, толық аяқталды. Сондай-ақ, мектеп аулаларынан спорттық ойын алаңдары салынды. Алдағы уақытта бұл жұмыстар кезең-кезеңімен жалғасатын болады.«Ақтерек» тұрғын ауданындағы жер учаскелерінің инфрақұрылымын дамыту жұмыстары қолға алынды. Кенттің электр бағаналары мен электр желілерін жаңарту жұмыстары жүргізілуде.Биыл апатты деп танылған көпқабатты тұрғын үй иелеріне жаңа баспаналардың құрылысы басталып, тұрғындар игіліне табысталатын болады.Кентте тұрмыстық қатты қалдықтарды өңдейтін полигон мен арнайы цех ашу бағытындағы жұмыстар да бақылауда тұр, биыл толық іске қосылады деп күтілуде.Кент келбетін жақсарту және қолайлы өмір сүру ортасын қалыптастыру мақсатында көгалдандыру және абаттандыру жұмыстары тұрақты түрде жүргізілуде.Кездесуде кент тұрғындары тарапынан айтылған ұсыныс-пікірлер бойынша жауаты сала басшыларына нақты тапсырмалар жүктелді.

Қазақстан және Қызылорда облысының жаңалықтары: Қоғам