<a href="https://kyzylorda-news.kz/">Kyzylorda-news.kz</a>&nbsp; 6 қазан – референдум күні «Бақылау қырандары» бақылаушылар тобы Қазақстан бойынша 10 қалада атап айтқанда, Алматы, Астана, Шымкент, Түркістан, Қызылорда, Жезқазған, Тараз, Талдықорған, Талғар және Қонаев қаларында бақылаушылық жасады. Барлығы 1800 учаскеде дауыс беру процесінің шынайы әрі таза өтуін <a href="https://www.facebook.com/story.php?story_fbid=851035400510165&amp;id=100068111396659&amp;rdid=R77v4p9b4g3Pst2k">бақылады.&nbsp;</a>«Бақылау қырандары» бақылаушылар тобын құру туралы бастама көтерілгеннен бастап, есімдері елге белгілі саясаттанушы азаматтар біздің бастамамызды қолдады. Алматы қаласындағы Бас штаб пен өңірлік штабтарда әр аймақтарда пікір қалыптастырып жүрген, қандай да бір партиялық тізімде жоқ көшбасшылар таңдалып алынды. Алматы қаласындағы штаб пен өңірлік штабтар бақылаушыларлы оқыту жұмыстарын жоғарғы деңгейде өткізді.&nbsp;«Бақылау қырандары» бақылаушылар тобы жасақталған күннен бастап, рефередумға бір күн қалғанға дейін Алматы мен өңірлік штабтарда барлығы 2 мыңдай бақылаушы оқытылып, рефередум күні дауыс беру учаскелеріне 1800 бақылаушы кіргізілді.&nbsp;Бақылаушылар тобы қоғамдағы сергек саналы, белсенді азаматтардан жасақталды. 200-ден аса бақылаушы форс-мажорлық жағдайлар туындауы мүмкін деген қауіппен резервтік тізімге қосылды.Әрбір бақылаушы өздеріне бекітілген дауыс беру учаскелерінде 6 қазан таңғы сағат 06:00-ден, кешкі 20:00-ге дейін тапжылмай отырып, бақылаушылық жасады. Сонымен қатар, бақылаушылар референдумның әділ өтуі мақсатында әлеуметтік желілер арқылы жазбалар жазып, қоғамды азаматтық белсенділікке шақырды. Посттар дауыс беруде заңды сақтау, әділ дауыс беруге үгіттеу, заң бұзушылықтан аулақ болуға шақыратын сарында жазылды.Біздің бақылаушылар түгел дерлік сайлау учаскелерінде кешкі 20:00 де шықты.Олардың бастапқы толтырылған сайлау құжаттары қазір біздің штабпен саралануда.&nbsp;Дегенмен, жалпы алғанда, референдумның өту процесіне біздің тараптан оң баға беруге болады деп есептейміз. Дауыс берушілердің сайлау мәдениеті, коммисия мүшелерінің оларға деген қарым-қатынасы, заңдылық, жоғарғы деңгейде болды.&nbsp;Сонымен қатар, бақылау барысында, 1800 учаскеден біздің 2000-ға жуық бақылаушыларымыз ірілі-ұсақты 50-ден аса кемшіліктерді байқап, оларға қатысты протоколдар толтырған.&nbsp;Атап айтқанда кейбір учаскелерде өзге бақылаушылар тарапынан әсіре агрессия, кейбір жерлерде кабинаға топ адамдардың кіруі, куәлігі жоқ адамдардың дауыс беру фактілері байқалған.

«Бақылау қырандары» қоғамдық қозғалысының есебі

<a href="https://kyzylorda-news.kz/">Kyzylorda-news.kz</a>&nbsp; Қайырымдылықпен айналысатын қара бетперде таққан жігіт өзге елде де жақсылық жасап жүр.Қазақстанда мұқтаж адамдарға көмек көрсетіп жүрген құпия жан әлеуметтік желідегі парақшасында Африкада мешіт пен мектеп салып, құдық қазғаны туралы жазба <a href="https://www.instagram.com/chelovekvmaskee/?utm_source=ig_embed&amp;ig_rid=2628826e-d885-423b-8746-f62fea64f1be">жариялады.&nbsp;</a><blockquote>"Ассалаумағалейкүм, құрметті інілер мен қарындастар! Біз қазір Африкадамыз. Мектеп салдық, мешіт тұрғыздық, құдық қаздық. Әлемді жақсы жаққа бірге өзгертейік",&nbsp;–&nbsp;деп жазды ол желіде.&nbsp;</blockquote>Видеодан жергілікті халықтың&nbsp;қалай қуанып жатқанын көруге болады.&nbsp;видеодан скриншот

Қара бетперде таққан жігіт Африкада мектеп салып, мешіт тұрғызды

<a href="https://kyzylorda-news.kz/">Kyzylorda-news.kz</a> «Дауыс» Коалициясының байқаушылары 6 қазанда еліміздегі барлық ашық дауыс беру учаскелерінде дауыс беру барысын бақылауға қатысты. Барлығы тоғыз жарым«Дауыс» Коалициясының байқаушылары 6 қазанда еліміздегі барлық ашық дауыс беру учаскелерінде дауыс беру барысын бақылауға қатысты. Барлығы тоғыз жарым мыңға жуық учаскіні <a href="https://www.facebook.com/story.php?story_fbid=pfbid023P9mfMCqHtVafmLboZacn8gxsSQbBUVke7rDYXjWww66zJhtZyri195ihXLk2t61l&amp;id=100089844135084&amp;mibextid=WC7FNe&amp;paipv=0&amp;eav=AfYjZpGb4ihcs_OoYJTBdxDsmPGnTKg-mS5rf0hvqCNuwQyLxdGqW9o1eadHlcproC0&amp;_rdr">қамтыдық.</a>Біздің бақылау желісі 181 ҮЕҰ мен кәсіподақтарды қамтыды. Біз дауыс беру учаскелері ашылған сәттен бастап дауыс беру хаттамаларына қол қойылғанға дейін күні бойына сол жерлерде бақылаушылардың болуын қамтамасыз еттік.Коалицияның аймақтық деңгейдегі барлық штабтарында ситуациялық орталықтар күні бойы жұмыс істеді. Олар нақты уақыт режимінде учаскілерден ақпарат алып отырды. Яғни, бізде дауыс беру үдерісінің толық және сенімді көрінісі бар.Учаскілерден келген байқаушыларымыздың есептерін талдау, жалпы алғанда, Орталық бақылау комиссиясы жариялаған деңгейде азаматтардың жоғары белсенділігі мен сайлауға қатысуын растайды.Сондай-ақ, учаскелік комиссиялардың жұмысына мониторинг жүргізу барысында өрескел заң бұзушылықтар анықталмағанын айтқым келеді.Комиссиялардың жұмысына, сайлаушылардың жүріс-тұрысына, дауыс беру учаскелеріндегі бақылаушылардың іс-әрекеттеріне қатысты ескертулер болғаны туралы айта кеткен жөн.Бірақ жалпы алғанда, учаскілерде дауыс беру нәтижелеріне күмән тудыратын заң бұзушылықтар анықталған жоқ деп айта аламыз.Анықталған заң бұзушылықтардың ішінде мына жайттарды атап өткім келеді. – біріншіден, екі немесе одан да көп азаматтардың дауыс беру кабинасына кіруіне жол берілді. Бұл жағдайларда біздің бақылаушылар дереу әрекет етіп, заң бұзушылықтарды орнында түзетуді талап етті. – екіншіден, учаскеде үгіт-насихат жүргізудің бірқатар фактілері анықталды, соның ішінде дауыс беру кабиналарына үгіт материалдарын заңсыз алып өтпек болған. Олар атом электр станцияларын салуды қолдайтын және оған қарсы материалдарды қамтыды. Мұндай фактілер жеті учаскеде тіркелді. – үшіншіден, жоқ туыстары мен отбасы мүшелеріне дауыс беруге әрекет жасалды. Бұл әсіресе ауылдық жерлерге қатысты. Біздің бақылаушылар бірден әрекет етіп, мұндай әрекеттерді тоқтатты. – төртіншіден, кейбір дауыс беру учаскелерінде байқаушылар референдум учаскелік комиссия мүшелерінің сайлаушының аты-жөнін тізілімге жазбас бұрын бюллетенге қол қойғанын анықтады. Бұл фактілерді де сол жерде реттедік.Сонымен қатар, бірқатар жағдайда дауыс беру тәртібін бұзу және байқаушылар мен сайлаушылар тарапынан комиссиялардың жұмысына араласу орын алған. Сонымен қатар, адамдар дауыс беру кабиналарындағы сайлаушыларды видеоға түсіріп, дауыс беруге қатысушылардың тізімдерін суретке түсіруге тырысты. Олар хаттаманы заңда белгіленген мерзімдерді бұза отырып шығаруды талап етті.Осы фактілердің барлығына қатысты біздің өкілдер белгіленген тәртіп бойынша әрекет етіп, референдум комиссияларының төрағаларының атына арыздар жолдады.Жалпы, біз 9,5 мың учаскедегі бақылаушылардың барлық сауалнамасы егжей-тегжейлі өңделгеннен кейін дайындалатын жазбаша есебімізде бақылаудың барлық нюанстары туралы толыққанды есепті көрсететін боламыз.

«Дауыс» коалициясының бақылау желісі 181 ҮЕҰ мен кәсіподақты қамтыды

<a href="https://kyzylorda-news.kz/">Kyzylorda-news.kz</a> Оқиға қала маңындағы Махамбет ауылында орын алған. 2017 жылы туған ұл баланың аяғына айырдың тісі кіріп кеткен. Құтқарушылар балаға көмектескен деп хабарлады <a href="https://sn.kz/">Skifnews.kz</a>Төтенше жағдайлар министрлігінің <a href="https://t.me/qr_tjm">Telegram</a>-дағы арнасында жарияланған ақпаратқа сәйкес, оқиға қала маңындағы Махамбет ауылында болған.<blockquote>«Жедел-құтқару жасағының құтқарушылары гидравликалық құралдардың көмегімен қысқа мерзімде айырдың тісін кесіп, баланың аяғын босатты. Алғашқы дәрігерлік көмек көрсетіп, оны жедел жәрдем бригадасына тапсырды», - делінген хабарламада.</blockquote>Төтенше жағдайлар министрлігі өкілдері күнделікті өмірдегі қауіпсіздік ережелерін сақтау қажет екенін еске салды.Фото: ТЖМ

Қызылордада 7 жасар баланың аяғына айыр кіріп кеткен

<a href="https://kyzylorda-news.kz/">Kyzylorda-news.kz</a>&nbsp; &nbsp;Корея Республикасы, Тэджон қаласы, Юсонгу ауданы әкімі Чон Ен Рэ бастаған делегация Қызылорда облысына іссапармен келді.&nbsp;Делегация Корея елінің халық қаһарманы Хон Бом Доның мемориалдық кешенінде болып, Корей елі батырларының құрметіне гүл шоқтарын қойды.Айта кету керек, өткен жылы Корея Республикасы Тэджон қаласының әкімшілігі және Қызылорда облысының әкімдігі өзара ынтымақтастықты дамыту және екіжақты алмасуларды жалғастыру мақсатында бауырластық қатынастар орнатқан.

Делегация Қызылорда қаласына іссапармен келді

<a href="https://kyzylorda-news.kz/">Kyzylorda-news.kz</a> Алматы мен қарағандылық екі ерлі-зайыпты, бір медицина қызметкері және жаңа туған нәрестелердің биологиялық анасы бала саудалады деп айыпталды. Бұл туралы <a href="https://stan.kz/">Stan.kz</a> ақпарат агенттігі <a href="https://t.me/patriot_patriot">Патриот</a> Telegram-арнасына сілтеме жасап хабарлайды.Қарағанды облысының тұрғыны Шахтинский перзентханасында қызын дүниеге әкелген. Оның бұл сәбиден бөлек үш баласы бар. Ал төртіншісі жоспармен дүниеге келмеген соң, сатпақ болған.Келіншек нәрестесін сататынын медбикеге айтқан. Мұны перзентхана қызметкері&nbsp;Алматыға жаңадан көшіп келген астаналық ерлі-зайыптыларға жеткізген. Олардың баланы қандай жағдайда асырап алғаны белгісіз.Екі жылдан кейін сол келіншек тағы да&nbsp;перзентханаға босануға келіп, баласын басқа жұбайларға берген. Ол медбикеден болжам бойынша ауылға қайтуы үшін 10 мың теңге алған.&nbsp;Құқық қорғау органдары жағдайды анықтап, Қылмыстық кодекстің 135-бабы "Кәмелетке толмағандарды саудалау" бойынша қылмыстық іс қозғады.Қазіргі уақытта екі сәби балалар үйіне жеткізілген. Дегенмен олар патронаттық аналарын өз анасы деп санайды.Фото: Depositphotos

Қарағандыда әйел екі сәбиін ерлі-зайыптыларға сатқан

<a href="https://kyzylorda-news.kz/">Kyzylorda-news.kz</a> Сонымен, бір жыл бойы халық талқысында болған АЭС құрылысы бойынша референдум да өтті. Бұл референдум 2024 жылдың ғана емес, Қазақстан тарихында ерекшеленіп қалатыны даусыз. 6 қазанда 7,8 миллионнан астам қазақстандық ел келешегін айқындайтын іс-шарада дауыс беруге қатысты. Бұл – дауыс беруге құқылы азаматтардың 63,87 пайызы. Референдум қалай өтті, қорытындысы не болды? <a href="https://kaz.inform.kz/news/referendum-koritindisi-el-keleshegn-aykindagan-kun-kalay-ott-913a8c/">Kazinform</a> тілшісі осы жағына шолу жасап көрді.Қай өңірлер белсенді болды?Ең алдымен, елеулі күнде өңірлердің белсенділігі қалай болғанын айтпай кетуге болмас. Орталық референдум комиссиясының дерегінше, дауыс беруде Алматы қаласының халқы бәсең болған – қала тұрғындарының тек 25,39 пайызы таңдау жасапты. Ал ең белсенді болған өңір - Қызылорда облысы – 82,48 пайыз. Бұл республика бойынша рекордты көрсеткіш саналады.Осы тұста шетелдегі қазақстандықтар да белсенді болып, елшіліктер жанынан ашылған учаскелерде дауыс бергенін тілге тиек ете кетейік.&nbsp;Әрине, референдум кезінде қызықты жайттар тіркелмеді емес. Мәселен, біреулер учаскеге үй киімімен келе салса, енді біреулер дауыс берушілерге арнап ерекше өнерін көрсетіп жатты.Айтпақшы, бұл референдум ел тарихындағы ең ерекшесі болғанын айта кету керек. Себебі, алғашқы үшеуі саяси мәселелерге бағытталған болса, бұл жолғысы халықтың өз болашағын шешеуге бағытталған жолы іспетті көрініс тапты.Президенттің дауыс беруі мен пайымыБүкіл ел аумағында сайлау учаскелері сағат 07:00-де (тек әскери бөлімдер, вахталық кенттер, ауысыммен жұмыс істейтін мекемелерде - 06:00) жұмыс істей бастады. Алғашқылардың бірі болып билік өкілдері дауыс беріп жатты. Олардың арасында Президент Қасым-Жомарт Тоқаевтың өзі де болғанын білеміз.Дауыс беруден кейін Мемлекет басшысы БАҚ үшін арнаулы брифинг өткізіп, референдум нәтижелеріне қатысты ойларын да айтты.<blockquote>– Осы күн тарихқа енетіні сөзсіз. Біздің азаматтар атом электр станциясына қатысты шешім қабылдауы керек. Референдум – тікелей демократияның механизмі. Халық қандай шешім қабылдаса да, мемлекет оның еркіне бағынады. Дұрыс шешім қабылданатынына сенімдімін. Сондықтан мен референдум өткізуді қолдадым, – деді Президент.</blockquote>Қоғамдық тәртіпЕкі оқиғаны айтпағанда қазақстандықтар референдум кезінде заң бұзбағанын аңғарамыз. Айтылып отырған екі оқиға - заңсыз үгіт-насихат және қоғамдық сауалнама жүргізу. Кінәлілер айыбын толық мойындаған. Себебі, мұндай маңызды күнде азаматтардың шешімін өзгертуге бағытталған іс-қимылдар болмауы керек.&nbsp;Жалпы алғанда, Ішкі істер министрлігі 10 мың учаскеде қоғамдық тәртіпті бұзуға жол берілмегенін ресми мәлімдеді. Демек, қоғамдық тәртіп толық сақталды деуге негіз бар.Референдумға қандай баға беріледі?Негізі дауыс беруге хақылы азаматтардың 50 пайыздан астамы референдумға қатысса, заң жүзінде өтті деп есептеледі. АЭС референдумы 6 қазанда сағат 14.00-де ресми түрде «өтті» деп мойындалды. Өйткені, осы уақытта жалпы халықтың 51,77%-ы АЭС құрылысы бойынша референдумда өз таңдауын жасап үлгерген.Шешім қандай болмақ?6 қазаннан 7 қазанға ауған түні ақырындап экзит-полдың алғашқы деректері шыға бастады. Алдымен елде 3 әлеуметтік құрылым сауалнама жүргізгенін айта кетейік.«СОЦИС-А» әлеуметтік қызметінің алғашқы деректеріне сенсек, әлеуметтанушылар күні бойы арнайы әдістемеге сәйкес дауыс беру учаскілерінен шыққан азаматтар арасында сауалнама жүргізді. Барлығы 188 учаскеде 283 мыңнан астам адамнан сұхбат алған. Олардың деректері бойынша, АЭС құрылысына қатысты сұралғандардың 69,8 пайызы өзгерісті қолдаған. 30 пайыздан астамы жоқ деп жауап беріпті.&nbsp;Қоғамдық саясат институты 300 учаскеде 44 мың адамға сауалнама жүргізген. Сауалнамаға қатысқандардың 72 пайызы атом электр станциясының құрылысын қолдаса, қалғандары қарсы болыпты.Үшінші экзит-полды Еуразиялық интеграция институтының әлеуметтанушылары жүргізді. Жалпы, әлеуметтанушылар 250 учаскеде 30 мыңнан астам респонденттерден сұхбат алды. Институттың мәліметі бойынша, сауалнамаға қатысқандардың 71,8 пайызы қолдау көрсеткен. 28,20 пайызы қарсы шыққан. Айырмашылық 1 пайыз шегінде ғана.&nbsp;Осы тұста Мәжіліс депутаты, саясаттанушы Айдос Сарым референдум қорытындысы бойынша ойын айта кетті.&nbsp;<blockquote>– Менің шағын талдауым бойынша, экзит-полл нәтижелері жарияланғаннан кейін біз мынаны айта аламыз: біріншіден, референдум ресми түрде өтті. Екіншіден, қазақстандықтардың көпшілігі, дәлірек айтсақ, дауыс беру үшін учаскелерге келген ел азаматтарының шамамен 70 пайызы (немесе одан да көп) АЭС салу туралы бастаманы қолдады.&nbsp;Көктем мен жазда мен АЭС жақтаушыларының баяу, бірақ сенімді түрде өсіп жатқанын көрсететін сауалнама деректерін көрдім. Демек, бұл науқанға біз қолдаушылардың 50 пайыздан асатынын біліп бардық. 6 партия мен республикалық қозғалыстардың көпшілігі, жүздеген үкіметтік емес ұйымдар кіретін Республикалық штаб құрылғаннан кейін, бір айдан астам уақыт ішінде орасан зор жұмыс атқарылды. Елді аралап шықтық. Облыстық және аудандық штабтар барлық ресурсты жұмылдырып, барлық желіні тартып, жұмылдырды. Үгіт-насихат кезеңінде АЭС құрылысын жақтайтындар біршама көбейгені байқалды, – дейді ол.</blockquote>Түйіндей келгенде, біздің болжауымыз бойынша, АЭС референдумы халық тарапынан қолдау тапқаны анық. Ендігі мәселе, құрылысты кім жүргізетінінде. Бұл сұраққа Мемлекет басшысы Қасым-Жомарт Тоқаев жауап та берді. Үкімет алдағы уақытта бұл мәселені саралап, шешімін шығарады. Президент Қазақстанда ең озық технологияларға ие әлемдік компаниялардан тұратын халықаралық консорциум жұмыс істеуі тиістігін айтты. Осылайша, Қазақстан өз тарихында маңызды кезеңдердің біріне жол қалады деп айтуға толық негіз бар.Фото: Мақсат Шағырбай/Kazinform

Референдум қорытындысы: ел келешегін айқындаған күн қалай өтті

<a href="https://kyzylorda-news.kz/">Kyzylorda-news.kz</a> Бүгін Қазақстан тарихында АЭС құрылысын салу мәселелеріне арналған республикалық референдум өтті.Қызылорда облысының тұрғындары саяси науқанда ерекше белсенділікпен қатысып, өз құқықтары шеңберінде дауыс беру процесіне араласты.&nbsp; Таңнан бері дауыс беруші азаматтар учаскеге ерте келіп, өз таңдауларын жасады.Бұл күні дауыс беру учаскелеріне балаларымен бірге келген отбасылардың қатары көп.&nbsp;Саяси науқанда алғаш рет дауыс берген, алғаш рет шаңырақ көтерген ерлі-зайыптылар да өз таңдауларын жасап, келешек үшін дауыс берді.&nbsp;Мұнан бөлек, әкелер және әжелер ансамблі, полициялар мен ұстаздар династиясының өкілдері, көкпаршылар, мұнашылар мен сарбаздар бюллетень алып, дауыс берді. Сондай-ақ, бұл күні ерікті түрде дауыс берушілерге автоволонтерлер қызмет етті.Азаматтар үшін 109 бірыңғай байланыс орталығы үздіксіз жұмыс жасады. Осы уақыт аралығында әртүрлі сұрақтармен 1000-нан аса қоңырау түскен.Референдумда 4251 азамат үйден дауыс беруге өтініш қалдырған. Олардың бәріне де комиссия мүшелері тасымалданатын жәшік арқылы дауыс беруге мүмкіндік берді.Сондай-ақ, референдумның ашықтығын бақылауға келген тіркеуден өткен байқаушылардың да легі көп. Осы кезге дейін учаскелерде заң бұзушылықтар тіркелмеген.Фото: &nbsp;Қызылорда облысының аумақтық референдум комиссиясы

Референдум: Қызылорда облысындағы  таңдаулы сәттер

<a href="https://kyzylorda-news.kz/">Kyzylorda-news.kz</a> &nbsp;«Жанқожа батыр» және «Кәрібайбұлақ» шекара заставаларының сарбаздары Қызылқұм ауылдық округіне қарасты Ажар ауылындағы №79 дауыс беру учаскесінде өз таңдауларын жасады.

Шекарашы сарбаздар дауыс берді 

<a href="https://kyzylorda-news.kz/">Kyzylorda-news.kz</a> Қазалы халқы бүгінгі республикалық науқанда белсенді. Олардың қатарында Бекарыстан би ауылдық мәдениет үйі жанындағы «Әкелер» ұйымының мүшелері №84 референдум учаскесіне ұжымдасып келіп, дауыс берді.– Мемлекетіміздің болашағына әсер ететін, жарқын келешектің іргетасын қалайтын аса маңызды күнде көпке үлгі болып, ұжымдасып келуді жөн санадық. Себебі, әрбір қазақстандықтың таңдауы мен берген дауысы елдің болашағы үшін маңызды, - дейді олар.

«Әкелер» ұйымы  бірліктің үлгісін көрсетіп, дауыс берді 

<a href="https://kyzylorda-news.kz/">Kyzylorda-news.kz</a> Референдумда дауыс беруге ниет білдірген азаматтардың арасында үйден өтініш қалдырған азаматтар да бар.Облыста 4251 азамат үйден дауыс беруші өтініш қалдырған. Оның 685-і Қызылорда қаласында, қалғандары аудандардан берілген. Өтінішке сәйкес учаскелік референдум комиссиясының екі мүшесі тасымалданатын жәшікпен бірге азаматтың үйіне барып дауыс беруге жағдай жасады.&nbsp; Үйден дауыс беруді қалаған азаматтардың бірі – Күлмариям Реметәліқызы. Ол Қызылорда қаласының тұрғыны ретінде әрбір саяси науқанға азаматтық жауапкершілікпен қарап, белсенді қатысуда.&nbsp;<blockquote>– &nbsp;Мемлекет үшін маңызды кезеңде әрбір азаматша үнсіз қалуға тиіс емес деп ойлаймын. Әр науқан кезде үйден дауыс беруге өтініш қалдырамын. Учаскенің комиссия мүшелері келіп дауыс алады,-дейді дауыс беруші.&nbsp;</blockquote>Еске салайық, референдум күні облыс бойынша 492 380 азамат дауыс беруге құқылы.&nbsp;Өңірде азаматтардың учаскесін анықтауға арналған 179 онлайн сервис жұмыс істейді. Сондай-ақ, азаматтарды уақытша тіркеу қызметімен айналысатын 5 онлайн учаске бар.Облыста 380 референдум учаскесі жұмыс істейді. Мұнда 2652 комиссия мүшелері қызмет атқарады.

Референдум: 4251 азамат үйден дауыс  беруге өтініш жазды

<a href="https://kyzylorda-news.kz/">Kyzylorda-news.kz</a> Референдум кезінде «Жедел әрекет ету орталығы» КММ-нің 109 бірыңғай байланыс қызметі 24/7 жұмыс жасауда. &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;4 ауысыммен жұмыс істейтін 36 диспетчер 25 күннің ішінде 2000-нан аса қоңырауға жауап берген.&nbsp;Ал, бүгін яғни 9 сағат ішінде диспетчерлерге 936 қоңырауға түскен. Мамандар тұрғындар сауалына оперативті түрде жауап беруде.<blockquote>– &nbsp;Бізге келіп жеткен сауалдардың басым бөлігі - азаматтардың өз учаскесін анықтауы және тізімде жоқ азаматтардың дауыс берушілерді уақытша тіркеу мәселелеріне қатысты. Дауыс берушілер тізімінде мүлдем жоқ және тіркелмеген азаматтар үшін 5 онлайн учаске жұмыс істейтінін қаперге саламыз. Себебі кешкі 20.00-ге дейін азаматтар дауыс беруге құқылы.&nbsp;</blockquote>Біз әрбір қоңырау үшін жауаптымыз. Себебі саяси науқанда әрбір азаматтың дауысы маңызды,-дейді мекеме директоры Темірхан Мұқанғали.

Қазақстан және Қызылорда облысының жаңалықтары: Қоғам

«Бақылау қырандары» қоғамдық қозғалысының есебі

Қара бетперде таққан жігіт Африкада мектеп салып, мешіт тұрғызды

«Дауыс» коалициясының бақылау желісі 181 ҮЕҰ мен кәсіподақты қамтыды

Қызылордада 7 жасар баланың аяғына айыр кіріп кеткен

Делегация Қызылорда қаласына іссапармен келді

Қарағандыда әйел екі сәбиін ерлі-зайыптыларға сатқан

Референдум қорытындысы: ел келешегін айқындаған күн қалай өтті

Референдум: Қызылорда облысындағы таңдаулы сәттер

Шекарашы сарбаздар дауыс берді

«Әкелер» ұйымы бірліктің үлгісін көрсетіп, дауыс берді

Референдум: 4251 азамат үйден дауыс беруге өтініш жазды

109 СALL орталығы: 9 сағатта 936 қоңырауға жауап берген