<a href="https://kyzylorda-news.kz/">Kyzylorda-news.kz</a> Қызылорда облысының Полиция департаментінде ардагерлер мен жеке құрамның қатысуымен тәлімгерлер кеңесінің отырысы өтті. Кеңес барысында 2025 жылы атқарылған жұмыстар қорытындыланып, алдағы кезеңге арналған жоспарлар талқыланды.Іс-шараның негізгі мақсаты – жас полиция қызметкерлеріне кәсіби бағыт-бағдар беру, қызметтік тәртіпті нығайту және моральдық-этикалық нормалардың сақталуына ықпал ету. Кеңес мүшелері – ішкі істер органдарының құрметті ардагерлері жас мамандарға тәжірибелік көмек көрсетіп, құқық қорғау қызметінің маңызын түсіндірді.Кеңес отырысына Қызылорда облысы Полиция департаменті бастығының орынбасары полиция полковнигі Омаров Оралбек Тәубақабылұлы төрағалық етті. Ол өз сөзінде сыбайлас жемқорлықтың алдын алу, заңдылық пен тәртіпті нығайту бағытындағы «Заң мен тәртіп», «Адал полицей» қағидаттарының маңыздылығын атап өтті.Жас қызметкерлерді қызметке бейімдеу, оларды кәсіби және моральдық-этикалық тұрғыда қалыптастыру мақсатында ардагерлер қатарынан құрылған Тәлімгерлер кеңесі жыл бойы жаңадан қабылданған қызметкерлерге практикалық көмек көрсетті. Кеңес мүшелері қызметтік тәртіпті, заңдылық пен қызметтік әдепті сақтауға, кәсіби дағдыларды дамытуға, жауапкершілік пен адалдық қағидаттарын қалыптастыруға, сондай-ақ ұжымдағы сабақтастық пен тұрақтылықты қамтамасыз етуге елеулі үлес қосты.

Тәлімгерлер кеңесі өтті

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Сыр өңірінде Мемлекет басшысы Қасым-Жомарт Кемелұлы Тоқаевтың қатысуымен өткен Ұлттық құрылтайдың V отырысына байланысты, сондай-ақ облыс әкімі Нұрлыбек Нәлібаевтың ауданға жасаған жұмыс сапарының қорытындысына және өзге де өзекті мәселелерге байланысты арнайы мәжіліс өткізді.Мәжілісте аудан басшысы алдымен 20 қаңтар күні Қызылорда қаласында өткен Ұлттық құрылтайдың маңызына тоқталып, Сыр өңірінде өткен алқалы жиында қабылданған шешімдер еліміздің саяси, әлеуметтік және экономикалық дамуына тың серпін беріп, ұлттық бірлікті нығайтуға бағытталғанын атап өтті. Сондай-ақ Ұлттық құрылтай барысында жерлесіміз, Қызылорда облысының құрметті азаматы Самұрат Жұманұлының Мемлекет басшысының қолынан І дәрежелі «Барыс» орденімен марапатталуы өңіріміз үшін зор мәртебе екені жеткізді.Ұлттық құрылтайдан кейін облыс әкімінің ауданға жасаған жұмыс сапары аясында Бекарыстан би ауылындағы дене шынықтыру-сауықтыру кешені, теміржол үстінен өтетін аспалы жаяу жүргіншілер көпірі пайдалануға беріліп, Сарбұлақ ауылы ауыз су жүйесіне қосылғаны айтылды. Бұл жобалардың барлығы аудан тұрғындарының тұрмыс сапасын арттыруға бағытталған нақты әрі маңызды қадамдар екені атап өтілді.Мәжіліс барысында ауданның 2025 жылғы әлеуметтік-экономикалық даму көрсеткіштеріне талдау жасалып, негізгі макроэкономикалық индикаторлар бойынша оң өсім қалыптасқаны айтылды. Осыған байланысты 2026 жылға арналған жоспарлы көрсеткіштердің толық әрі сапалы орындалуын қамтамасыз ету жөнінде сала басшылары мен кент, қала және ауылдық округ әкімдеріне нақты тапсырмалар берілді.Жиында аудан &nbsp;әкімі коммуналдық қызметтердің тұрақты жұмысын қамтамасыз ету, тұрғындарды жылу, су, газ және электр энергиясымен үздіксіз қамту, азық-түлік бағасының негізсіз өсуіне жол бермеу, мемлекеттік қолдау шараларының уақытылы әрі сапалы орындалуын қатаң бақылауда ұстау жөнінде жауаптыларға нақты тапсырмалар жүктеді. Сонымен қатар Мемлекет басшысының Ұлттық құрылтайда берген тапсырмаларын халық арасында кеңінен насихаттау, ақпараттық-түсіндіру жұмыстарын күшейту, сыбайлас жемқорлықтың алдын алу және «Заң мен тәртіп» қағидатын қатаң сақтау міндеттері де күн тәртібінде екені ескертілді.Мәжіліс соңында Алмасбек Әбілқасымұлы тиісті сала басшыларына аудан аумағындағы тазалық, абаттандыру, қар мен мұздан тазалау, көшелердегі істен шыққан түнгі жарықшамдарды қалпына келтіру мәселелері бойынша нақты тапсырмалар берді.

Мәжілісте маңызды мәселелер қаралып, нақты тапсырмалар жүктелді

<a href="https://kyzylorda-news.kz/">Kyzylorda-news.kz</a> Аймақта жылу беру маусымы басталғалы тұрғын секторларындағы өрт оқиғасы 21,4 пайызға төмендеп, улы газдан улану жағдайлары мүлде тіркелмеген. Бұл туралы Өңірлік коммуникациялар қызметінің ақпарат алаңында облыстық ТЖД Мемлекеттік өрт бақылау басқармасының бастығы Бейбітхан Спанов мәлімдеді.<blockquote>- Өткен жылы облыс аумағында 471 өрт оқиғасы тіркелді. Жалпы, орын алып жатқан өрт оқиғаларының басым бөлігі тұрғындардың өрт қауіпсіздігі талаптарын сақтамауынан туындап отыр. Мойындау керек, тұрғындар көп жағдайда тұрмыстық пештердің техникалық жағдайына мән бермей, соның салдарынан электр желілері қысқаша тұйықталып қалады. Осыған байланысты жылу беру маусымы кезеңінде өрттің алдын алу, адам өлімі мен жарақат алу қауіп-қатерін азайту мақсатында әр аптаның сәрсенбі, жұмажәне сенбі күндері жергілікті атқарушы органдар, полиция қызметкерлері және қоғамдық бірлестіктерінің еріктілерімен бірлесіп профилактикалық рейдтер жүргізілуде. Бүгінгі күнге дейін облыс көлемінде 95 217 тұрғын үй ауласы араланып, тұрғындармен 259 кездесу өткізілді. Сондай-ақ, жергілікті атқарушы органдар ұсынған тізімге сәйкес, әлеуметтік осал топтағы 6 825 отбасының қауіпсіздігін арттыру мақсатында 484 дана табиғи газды және 85 дана көмірқышқыл газын анықтайтын датчик орнатылып, түрғындарға оларды пайдалану тәртібі түсіндірілді,- деді Бейбітхан Оразайұлы.</blockquote><img src="https://knadmin.beoblood.kz/uploads/V_Kyzylordinskoj_oblasti_snizilos_kolichestvo_pozharov_01a2ef9a32.jpg" alt="В Кызылординской области снизилось количество пожаров.jpg">Фото: Нұрболат Нұржаубай

Өңірде өрт оқиғаларының саны төмендеген

<a href="https://kyzylorda-news.kz/">Kyzylorda-news.kz</a> Қызылорда қаласында өткен бесінші Ұлттық құрылтайда Мемлекет басшысы ел дамуына қатысты бірқатар маңызды мәселелерге тоқталып, қоғамның рухани жаңғыруы мен әлеуметтік-экономикалық дамуына басымдық берді. Құрылтай барысында көтерілген бастамалар мен ұсыныстар жұртшылық тарапынан кең қолдау тауып, ел болашағына бағытталған нақты қадамдар ретінде бағаланды. Осыған орай Өңірлік коммуникациялар қызметінің ақпарат алаңында Ұлттық құрылтайға қатысып, Мемлекет басшысының қолынан мемлекеттік награда алған қызылордалық азаматтар брифингке келді. Олар құрылтай барысында көтерілген негізгі мәселелерге қатысты өз ой-пікірлерін білдіріп, елдік маңызы бар жиыннан алған әсерлерімен бөлісті.<blockquote>– Президентіміз мәдениет деген ұғымды тек театр мен музеймен шектемей, ең алдымен адамның дүниетанымы мен ішкі болмысына қатысты екенін атап өтті. Шынында да, кітап оқу – ой-өрісті кеңейтеді, ал мәдениетті болу – көркем мінез бен ұлттық құндылықтарды қастерлеуден басталады. Салт-дәстүрді саралап, тарих пен рухани мұраны бағалай білу – нағыз мәдениеттің көрінісі. Осы бағыттағы бастамаларды қолдап, әр азамат өз дүниетанымын кеңейтуі керек деп есептеймін. Сондай-ақ, құрылтайда халық арасында жиі сынға ұшырап жүрген Мемлекеттік әлеуметтік медициналық сақтандыру қорының қызметіне қатысты өзгерістер айтылды. Аталған қордың қаржы министрлігіне берілетіні – орынды әрі уақытылы қабылданған шешім деп ойлаймын. Бұл мәселе бойынша сала мамандары да оң пікір білдіруде. Құрылтай барысында мемлекеттік кеңесші лауазымына қатысты да жаңашылдық жарияланды. Бұл жайт қоғамда түрлі пікір туғызды. Ал өңірлерге келер болсақ, Мемлекет басшысы Қызылорда облысында атқарылып жатқан жұмыстарға ерекше тоқталып, облыс әкімі Нұрлыбек Машбекұлының қызметіне жоғары баға берді. Президенттің бұл сөзі құрылтайға қатысушылар тарапынан зор қолдау тауып, залда отырғандар шынайы ықыласпен қол соқты, – деді еңбек ардагері, “Парасат” орденінің иегері Сәби Аңсат.</blockquote>Ұлттық құрылтай ел ішіндегі өзекті мәселелерді көтеріп қана қоймай, оларды нақты заңнамалық шешімдерге айналдыруымен ерекшеленді.<blockquote>– Ұлттық құрылтайдың ел үшін маңыздылығы өткен төрт құрылтайда қоғам мүшелері көтерген халық арасындағы өзекті мәселелер негізінде 26 заңның қабылдануымен айқын көрініс тапты. Бұл құрылтай отырыстарының мақсаты дұрыс айқындалғанын және оның практикалық тұрғыда тиімді жұмыс істеп жатқанын көрсетеді. Қабылданған заңдар қатарында қоғамда кеңінен талқыланып жүрген лудомания, нашақорлық, әйелдердің құқықтары мен балалардың қауіпсіздігіне қатысты мәселелер бар. Құрылтайға 100-ден аса белсенді азамат қатысып, 4 секция отырысында 200-ге жуық мәселе көтерілді. Айтылған әрбір мәселе халық арасында нақты бар, күн тәртібіндегі түйткілдер. Құрылтай аясында Мемлекет басшысының қолынан мемлекеттік награда алу – үлкен мәртебе. Бұл марапат әр салада адал еңбек етіп жүрген қоғам өкілдеріне берілген әділ баға деп есептеймін және құрметім мен ризашылығымды білдіремін. Жеке өзім үшін бұл марапат қуанышпен қатар, жауапкершілікті де арттырды, алдағы уақытта одан да нәтижелі еңбек етуге ынталандырады. Сонымен қатар, құрылтайда конституциялық реформаға қатысты ірі саяси бастамалар болатыны айтылды. Мемлекет басшысы өңір басшысының жұмысына оң бағасын берді. Бұл Сыр елінің әрбір азаматы үшін үлкен мақтаныш болды. Жол инфрақұрылымына қатысты Қызылорда – Жезқазған автожолының Қызылорда бөлігі аяқталғаны атап өтті. Медицина және әлеуметтік салада соңғы үш жылда өңірге 2 трлн теңгеге жуық инвестиция тартылып, көптеген нысандар салынды. Президент еліміздің жалпы ішкі өнімі 6,5 пайызға өскенін айтып, Қызылорда облысының да осы деңгейде өсім көрсеткенін атап өтті. Бұл өңірдің республикадағы әлеуеті жоғары аймақтардың қатарында екенін білдіреді. Сонымен бірге, Мемлекет басшысы бірқатар өңірлердегі жылу электр орталықтарының жаңғыртылмағанын сынға алды. Ал Қызылорда облысында бұл мәселе инвесторлар есебінен шешіліп, 215 млрд теңгеге жылу электр орталығын салу жобасы жүзеге асырылуда. Бұл тек облысты ғана емес, көршілес өңірлерді де жылумен қамтуға мүмкіндік береді. Тазалық мәселесіне келсек, «Таза Қазақстан» жобасы аясында атқарылған жұмыстардың нақты нәтижесі бар. Сондай-ақ музей ісін дамытуға қатысты Президент Қызылордадағы заманауи музей үлгісін атап өтіп, басқа өңірлерге үлгі ретінде көрсетті. Аймақ басшысына берілген жоғары баға Сыр елінің тұрғындарын қуантады деп сенемін. Өңірдегі көптеген нысандар инвесторлар тарту арқылы салынып жатыр. Ірі компаниялармен келіссөз жүргізу, жауапкершілік жүктеу – үлкен еңбектің нәтижесі. Құрылтай кеше ғана өтсе де, өңірде жұмыстар тоқтаған жоқ. Бүгіннің өзінде Қазалы ауданында жаңа спорт кешені ашылып жатыр. Қазір Сыр елінің даму қарқыны республика көлемінде үлгі боларлық деңгейде, – деді Жандос Базартай.</blockquote>Мемлекет басшысы Қасым-Жомарт Тоқаевтың қатысуымен өткен жиында ұлттық бірлік, әділетті қоғам қалыптастыру, білім мен тәрбие, жастар саясаты және өңірлердің дамуы сынды басым бағыттар қамтылды.<blockquote>– Шындығында да көкірегімізді қуаныш кернеп отыр. Бесінші Ұлттық құрылтайдың аймағымызда өтуі үлкен серпін болды. Құрылтайда ел болашағына қатысты маңызды мәселелер талқыланған, қоғам дамуының жаңа бағдарлары айқындалды. Мемлекет басшысы Қасым-Жомарт Тоқаев өз сөзінде ұлттық бірлік, әділетті қоғам құру, білім мен тәрбие, жастардың әлеуетін арттыру мәселелеріне ерекше тоқталды. Ұлттық құрылтай – халық пен билік арасындағы ашық диалогтың нақты көрінісі деп есептеймін. Президент ел болашағы үшін жауапкершілікті сезінетін, адал еңбек пен білімді басты құндылыққа айналдырған ұрпақ тәрбиелеудің маңызын атап өтті. Бұл ойлар қосымша білім беру саласында еңбек етіп жүрген біз үшін үлкен сенім әрі жауапкершілік жүктейді. Осы тарихи жиында Мемлекет басшысының қолынан мемлекеттік «Құрмет» орденін алу – мен үшін зор мәртебе. Осы марапатты жеке жетістік ретінде емес, қосымша білім беру саласында аянбай еңбек етіп жүрген барша ұстаздар мен тәлімгерлердің еңбегіне берілген жоғары баға деп қабылдаймын. Елге қызмет ету – үлкен абырой. Жастардың жан-жақты дамуына жағдай жасау, олардың бойына ұлттық құндылықтар мен заманауи білімді ұштастыра отырып тәрбие беру – біздің басты міндетіміз. Мемлекет тарапынан көрсетіліп отырған қолдау мен сенім бізді жаңа бастамаларға жетелеп, жауапкершілігімізді арттыра түседі. Осы орайда, ел дамуына бағытталған салиқалы саясатымен, білім мен тәрбие саласына әрдайым ерекше көңіл бөліп келе жатқан Мемлекет басшысы Қасым-Жомарт Кемелұлына шынайы алғыс айтамын. Сондай-ақ өңірдің әлеуметтік-рухани дамуына және білім беру жүйесінің ілгерілеуіне жан-жақты қолдау көрсетіп отырған облыс әкімі Нұрлыбек Машбекұлына ризашылығымды білдіремін. Бесінші Ұлттық құрылтайда айтылған әрбір бастама ел болашағы үшін маңызды бағдар. Біз бұл сенімді ақтау жолында адал еңбек етіп, жас ұрпақ тәрбиесіне бар күш-жігерімізді саламыз. Еліміз аман, жұртымыз тыныш, тәуелсіздігіміз тұғырлы болсын. Қызылордада өткен Ұлттық құрылтай – елдігіміздің айқын көрінісі, бірлігіміздің берік негізі, – деді “Қосымша білім беру” КММ директоры, “Құрмет” орденінің иегері Қайрат Жәлімбетов.</blockquote>Президент қолынан «Шапағат» медалін алған “Ассамблея жастары” республикалық қоғамдық бірлестігі облыстық филиалының төрағасы Елена Пак құрылтайда көтерілген мәселелер мен марапаттың мәні жөнінде өз ойымен бөлісті.<blockquote>– «Шапағат» медалімен марапатталғаныма шын жүректен қуаныштымын. Ұлттық құрылтай барысында Президентіміздің жастарға ерекше қамқорлығын сезіндік. Маған берілген медаль да соның дәлелі. Ол үшін Мемлекет басшысына зор алғыс білдіремін. Бұл марапатты жеке еңбегімнің ғана емес, Ассамблея жастары ұйымының ортақ жетістігі, бірлескен жұмыстың нәтижесі деп қабылдаймын. Ұйымымыздың басты мақсаты – жастар бастамаларын дамыту, қоғамдық келісім мен бірлікті нығайту. Соңғы үш жылда облыстық деңгейде 80-ге жуық іс-шара өткізіліп, 5 ірі жоба жүзеге асырылды. «Social Assembly», «Бірлік тілі», «Ел мұрасы», «Таза орта», «Қасиетті парыз», «Жастар медиа» бағыттары бойынша жүйелі жұмыстар атқарылып келеді. Бұл марапат бізге жаңа жауапкершілік жүктеп, алдағы уақытта да елге қызмет етуге жігер береді. Алдағы уақытта да бірлесе отырып, елге пайдасы тиетін бастамаларды іске асырып, үлкен мақсаттарға жетеміз деп сенемін, – деді Елена Пак.</blockquote>

Ұлттық құрылтайда көтерілген бастамалар – қоғам дамуының негізі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, ҚР Парламенті Сенатының депутаты Наурызбай Байқадамов, облыс прокуроры Ризабек Ожаров пен облыстық мәслихаттың төрағасы Мұрат Тлеумбетов, &nbsp;«Петро Қазақстан Құмкөл Ресорсиз» АҚ вице-президенті Серік Қожаниязов Арал аудандық ауруханасына жапсарлас салынған 51 төсектік ғимаратты көріп, жұмысымен танысты.Ғимарат құрылысын «Ұлт саулығын нығайту» ұлттық бастамасы аясында қайтарылған активтер есебінен бөлінген 2,3 млрд теңге қаржыға «Иман» серіктестігі салды. Жаңа нысанда 17 төсектік нейро-инсульт және 34 төсектік кардиология бөлімшелері жұмыс істейді.<img src="https://knadmin.beoblood.kz/uploads/Za_schet_vozvrashhennyh_aktivov_postroen_novyj_korpus_bolniczy_v_Aralske1_648a870fe6.jpg" alt="За счет возвращенных активов построен новый корпус больницы в Аральске1.jpg">Алдағы уақытта орталықты заманауи медициналық құрал-жабдықтармен, атап айтқанда,магниттік-резонанстық томография және ангиограф қондырғыларымен жабдықтау жоспарланған. Бұл бөлімшелер аудан тұрғындарының Ақтөбе және Қызылорда қалаларына бармай-ақ, жергілікті жерде жоғары деңгейлі медициналық тексеруден өтуіне, ем алуына мүмкіндік береді.Айта кетейік, Арал ауданындағыинфрақұрылымдық жобаларға және әлеуметтік нысандар салуға бюджеттен &nbsp;38 млрд 740 млн теңге қаржы бөлінді. «Келешек мектебі», «Руханият орталығы», «Қамқорлық» оңалту орталығы, 150 пәтерлік 75 тұрғын үй, теміржол үстінен өтетін көпір пайдалануға берілді.Сексеуіл кенті табиғи газ желісіне қосылып, мұнда да 300 орындық «Келешек мектебі» мен 40 төсектік аурухана іске қосылды. Тоқабай ауылында жаңа дәрігерлік амбулатория, демеушілердің қолдауымен апатты жағдайдағы мектептің орнына 500 млн теңгегежаңа білім ошағы салынды. Жақында елді мекен таза ауыз сумен қамтылды.<img src="https://knadmin.beoblood.kz/uploads/Za_schet_vozvrashhennyh_aktivov_postroen_novyj_korpus_bolniczy_v_Aralske3_8f43a6af32.jpg" alt="За счет возвращенных активов построен новый корпус больницы в Аральске3.jpg">Ақшатау ауылында 60 орындық жаңа мектепшәкірттерін қабылдады. Ақбасты, Ерімбетжаға және Тастүбек ауылдарына орталықтандырылған ауыз су желісі тартылды. Ал Абай ауылы тұрғындарын ауыз сумен қамтамасыз ету жұмыстары жақын күндері толық аяқталады.Шижаға елді мекеніне де табиғи газ келді,Қамыстыбас ауылында 6 млрд 300 млн теңге қаржыға автоматтандырылған газ тарату стансасы іске қосылды. Аталған станса арқылы Арал ауданына қарасты 18 елді мекендегі 15 мыңға жуық тұрғынды көгілдір отынмен қамтуға мүмкіндік бар.Жыл басында Мергенсай ауылында құрылысына 2 млрд 333 млн теңге қаржы бөлінген 150 орындық жаңа мектеп пайдалануға берілді. Бұдан бөлек, «Қазақстан Темір жолы» ұлттық компаниясының қолдауымен аудан аумағындағы теміржол вокзалдарына күрделі жөндеу жұмыстары жүргізілуде.<img src="https://knadmin.beoblood.kz/uploads/Za_schet_vozvrashhennyh_aktivov_postroen_novyj_korpus_bolniczy_v_Aralske2_bec098639c.jpg" alt="За счет возвращенных активов построен новый корпус больницы в Аральске2.jpg">

Аймақ басшысы ауруханаға жапсарлас салынған жаңа ғимаратты көрді

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, Парламент Сенатының депутаты Наурызбай Байқадамов, облыс прокуроры Ризабек Ожаров, пен облыстық мәслихаттың төрағасы Мұрат Тілеумбетов, «Петро Қазақстан Құмкөл Ресорсиз» АҚ вице-президенті Серік Қожаниязов,зиялы қауым өкілдері мен ардагерлер Арал аудандық көпбейінді орталық ауруханасының 25 төсектік жұқпалы аурулар бөлімшесінің ашылу салтанатына қатысты.<img src="https://knadmin.beoblood.kz/uploads/Aralsk_infekczionnoe_otdelenie_czentralnoj_bolniczy1_9217e1305d.jpg" alt="Аральск инфекционное отделение центральной больницы1.jpg">Аймақ басшысы саладағы жаңашылдықтарға, халыққа медициналық қызмет көрсету сапасын жақсартуда атқарылған жұмыстарға тоқталды.<blockquote>«Президентіміз «Денсаулық сақтау жүйесін дамыту, ең алдымен, азаматтардың әл-ауқатын көтеруге бағытталған. Өйткені медицинаның деңгейі мен қолжетімділігі – еліміздегі өмір сапасының негізгі көрсеткіші», – деген болатын. Мемлекет басшымыздың тапсырмасымен, Үкіметтің қолдауымен денсаулық сақтау саласын дамытуға, халықтың медициналық қызметтерге қолжетімділігін арттыруға бағытталған кешенді шаралар нәтижелі жүзеге асуда. Ұлт саулығы – мемлекетіміздің негізгі капиталы десек, баға жетпес қазынаны қызғыштай қорып жүрген медицина саласы қызметкерлерінің адал ісін жоғары бағалаймыз, әрдайым құрметпен қараймыз. &nbsp;Ел игілігіне табысталатын жұқпалы аурулар бөлімінің жаңа ғимараты, ондағы дәрігерлер науқастың дертіне дауа, көңіліне рауан беріп, халық ықыласына бөленеді деп сенеміз», – деді Н.Нәлібаев.</blockquote><img src="https://knadmin.beoblood.kz/uploads/Aralsk_infekczionnoe_otdelenie_czentralnoj_bolniczy2_c579f115ac.jpg" alt="Аральск инфекционное отделение центральной больницы2.jpg">Салтанатты жиында ауданның өсіп-өркендеуіне үлес қосқан медицина саласының қызметкерлері менмердігер мекеменің құрылысшылары облыс әкімінің Алғыс хатымен марапатталды. Наурызбай Байқадамов, Ризабек Ожаров құттықтау сөз сөйлеп, жаңа нысанның ашылуымен құттықтады.Жұқпалы аурулар бөлімшесінің құрылысы қайтарылған активтер есебінен 2,3 млрд теңгеге қаржыландырылды. Оған қоса аудандық аурухана жанынан «Ауылда денсаулық сақтауды жаңғырту» ұлттық жобасы аясында кардиология және инсульт бөлімшелері орналасқан қосымша құрылыс аяқталып, халық игілігіне берілді. Оған да қайтарылған активтер есебінен 2,1 млрд теңге бөлінді.Кейінгі уақытта 206 млн теңгеге құрал-жабдықтар алынып, аурухананың материалдық-техникалық базасы нығайтылды. Енді аудан тұрғындары облыс орталығына немесе басқа қалаларға сабылмай, сырқаттанғандарға мамандандырылған көмек көрсету үшін ашылған жергілікті жердегі бөлімшеде толыққанды ем алады. &nbsp;&nbsp;Айта кетейік, соңғы үш жылда облыстың денсаулық сақтау саласына 450 млрд. 100 млн. теңге &nbsp;қаржы бөлініп, халықтың сұранысына сәйкес түйткілді мәселелер шешімін тауып келеді. «Ауылда денсаулық сақтауды жаңғырту» ұлттық жобасы аясында барлық ауданда 28 медициналық нысан салынды.Қызылорда қаласында 300 орындық көпбейінді аурухана бой &nbsp;көтеруде, &nbsp;4 аудандағы орталық ауруханалар жанынан қосымша ғимараттар ашылды.<img src="https://knadmin.beoblood.kz/uploads/Aralsk_infekczionnoe_otdelenie_czentralnoj_bolniczy3_53da4a2488.jpg" alt="Аральск инфекционное отделение центральной больницы3.jpg">Өткен жылы Шиелі ауданында жұқпалы аурулар бөлімшесінің жаңа ғимараты ел игілігіне табысталған болатын. Қызылорда қаласынан 200 орындық перинаталдық орталық пен 500 орындық емхана салуға Үкімет тиісті қаулы қабылдады. Жақын күндері құрылысы басталады. Бұдан бөлек, 400 орындық емхананың да іргетасы қаланады.Тұрғындар сұранысына сәйкес соңғы екі жылда жергілікті бюджет қаржысына 225 жаңа санитарлық автокөлік, 45 жедел жәрдем көлігі алынып, пайдалануға берілді. Барлық елді мекендегі денсаулық сақтау мекемелері арнайы қызметтік автокөлікпен 100 пайыз қамтамасыз етілді.&nbsp;Кейінгі жылдары 24 медициналық нысан күрделі жөндеуден өткізілді, 15 млрд. теңгеге медициналық құрал-жабдықтар сатып алынды. Жабдықталу деңгейі 2022 жылы 83,2 пайыз болса, бүгінде бұл көрсеткіш 90,2 пайызға жетті.

Арал аудандық көпбейінді орталық ауруханасының жұқпалы аурулар бөлімшесі ашылды

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық мәслихат депутаты, экология, өндіріс, шаруашылық және кәсіпкерлікті дамыту мәселелері жөніндегі тұрақты комиссия төрағасы Бауыржан Сандыбаевтың төрағалығымен сессия алдындағы тұрақты комиссиялардың бірлескен отырысы өтті. Оған облыстық мәслихат төрағасы Мұрат Тлеумбетов, облыс әкімінің бірінші орынбасары Данияр Жаналинов, облыстық мәслихат депутаттары, сондай-ақ, тиісті басқарма басшылары қатысты.Күн тәртібінде 2 мәселе қаралды. Алғашқы мәселе – «2026-2028 жылдарға арналған облыстық бюджет туралы» облыстық мәслихаттың 2025 жылғы 9 желтоқсандағы №199 шешіміне өзгерістер енгізу туралы болды. Бұл жөнінде облыстық экономика және қаржы басқармасының басшысы Сәкен Мырзабек хабарлама жасады.Хабарламадан соң, облыстық мәслихаттағы «AMANAT» партиясы фракциясының мүшесі Ибайдулла Тілеп облыстық жедел басқару орталығына 10 дана дронды жалға алу орнына, оларды сатып алу мүмкіндігін қарастыру туралы ұсынысын жеткізді.<img src="https://knadmin.beoblood.kz/uploads/Amanat_kezekten_tys_sessiya_2_88850a9ecb.jpg" alt="Аманат кезектен тыс сессия 2.jpg">Аталған сұраққа байланысты облыстық Полиция департаменті бастығының орынбасары Сәбит Ибадулла түсіндірме берді.&nbsp; Өзге де қосымша сұрақтар бойынша облыстық экономика және қаржы басқармасының басшысы жауап берді.&nbsp;Күн тәртібіндегі «Қызылорда облыстық мәслихатының депутаттарын сайлау жөніндегі округтік сайлау комиссияларын сайлау туралы» Қызылорда облыстық мәслихатының 2023 жылғы 17 қаңтардағы № 179 шешіміне толықтыру енгізу туралы екінші мәселе бойынша облыстық аумақтық сайлау комиссиясының мүшесі Бақытжан Ідірісов хабарлама жасап, ұсынылып отырған толықтыруларға жан-жақты тоқталды.Отырыс соңында депутаттардың ұсыныс-пікірлері ескеріле отырып, күн тәртібіне ұсынылған барлық мәселе бірауыздан мақұлданып, шешім жобалары сессия қарауына жіберілді.Бірлескен отырыстан кейін, облыстық мәслихаттың кезектен тыс 29 сессиясы жалғасты. Оған облыстық мәслихат төрағасы Мұрат Тлеумбетов төрағалық етті. Сессия алдында өткен бірлескен отырыста жан-жақты талқыланған мәселелер бойынша депутаттардың ұсыныс-пікірлері назарға алынып, тиісті шешімдер қабылданды.<img src="https://knadmin.beoblood.kz/uploads/Amanat_kezekten_tys_sessiya_3_dd86806c22.jpg" alt="Аманат кезектен тыс сессия 3.jpg">

«AMANAT»: Кезектен тыс сессияда фракция мүшелері ұсыныстарын білдірді

<a href="https://kyzylorda-news.kz/">Kyzylorda-news.kz</a> Қызылорда облысы Полиция департаментінің өзіндік қауіпсіздік басқармасы тарапынан сыбайлас жемқорлықтың алдын алу, заңдылық пен тәртіпті нығайту мақсатында «Заң мен тәртіп» профилактикалық іс-шарасы және «Адал полицей» кең ауқымды алгоритмі аясында облыс көлемінде кешенді жұмыстар жүргізілуде.Аталған іс-шаралар барысында қоғамдық орындарда ақпараттық-түсіндіру жұмыстары ұйымдастырылып, тұрғындар арасында заң талаптарын сақтау және құқықтық мәдениетті арттыру бағытында жарнамалық-танымдық материалдар таратылды. Сонымен қатар, азаматтардың құқықтық сауаттылығын арттыру мақсатында QR-коды бар билбордтар мен LED-экрандар орнатылып, онда сыбайлас жемқорлыққа қарсы іс-қимыл жөніндегі өзекті ақпараттар орналастырылды.Бұдан бөлек, «Заң мен тәртіп» профилактикалық іс-шарасы шеңберінде облыс аумағындағы орта және жоғары оқу орындарында арнайы кездесулер өткізілді. Кездесу барысында білім алушыларға Қазақстан Республикасының заңнамасына сәйкес пара беру және пара алу қылмыстық құқық бұзушылық болып табылатыны жан-жақты түсіндірілді.Атап айтқанда, Қазақстан Республикасы Қылмыстық кодексінің талаптарына сәйкес, аталған заңсыз әрекеттер үшін қылмыстық жауапкершілік көзделетіні, оның ішінде айыппұл салу, бас бостандығынан айыру және белгілі бір лауазымдарды атқару құқығынан айыру түріндегі жазалар қолданылуы мүмкін екені жеткізілді.Сыбайлас жемқорлыққа қарсы іс-қимыл және құқықтық мәдениетті қалыптастыру бағытындағы профилактикалық жұмыстар алдағы уақытта да жүйелі түрде жалғасын табады.

«Заң мен тәртіп» іс-шарасы аясында кешенді жұмыстар жүргізілуде

<a href="https://kyzylorda-news.kz/">Kyzylorda-news.kz</a> “AMANAT” партиясы облыстық филиалының төрағасы Жандос Базартайдың қатысуымен Партиялық бақылау комиссиясының отырысы өтті. Онда Қызылорда қаласы бойынша қоғамдық көліктердің қызметі мен сапасы талқыланып, комиссиясының құрамына өзгерістер енгізілді. &nbsp;Комиссия төрағасы Нұркен Бақытбекұлы &nbsp;ең алдымен партия алдында тұрған негізгі міндеттердің бірі – ол Сайлауалды уәделердің орындалуы екенін атап өтіп, осы бағытта Жол картаға енгізілген қала тұрғындарын қоғамдық көліктермен қамтамасыз ету мәселесіне тоқталды.&nbsp;<blockquote>– Өздеріңізге белгілі, қала тұрғындарын сапалы қоғамдық көлік қызметімен қамтамасыз ету, жолаушылар тасымалын жақсарту бағытында өңірімізде көптеген жұмыстар жасалуда. Дегенмен облыс орталығында халық санының өсуі қоғамдық көлікке деген сұранысты жыл сайын арттыруда. Сондықтан бұл салаға қатысты тұрғындар тарапынан айтылатын сын пікірлердің де болуы заңдылық, – деді Нұркен Бақытбекұлы. &nbsp;&nbsp;</blockquote>Жиында күн тәртібіндегі мәселеге орай қала әкімінің орынбасары Арнұр Нұрмағанбетов хабарлама жасап, атқарылып жатқан жұмыстарды жеткізді. Оның айтуынша қала ішілік жолаушылар тасымалын “Қызылорда автобус паркі” ЖШС үйлестіріп отыр. 2017 жылы заманауи талаптарға толық жауап беретін автобус паркінің жаңа ғимараты қолданысқа берілген. Соңғы жылдары жолаушылар тасымалы бағыттарының саны да өскен. Мәселен, 2022 жылы Серіктестік 5 бағыт бойынша жолаушылар тасымалын жүзеге асырған болса, бүгінгі күні 32 бағыт бойынша қызмет көрсетеді. Бүгінде барлық қалаішілік бағыттарда жолаушыларды тасымалдайтын автобустар 2GIS, Яндекс GO және Яндекс Карта ұялы қосымшасына тіркелген. Өз кезегінде қызылордалықтар мен қала қонақтары баратын жерлеріне қосымша арқылы қай бағыт қай уақытта жүретінің көру мүмкіндігі жасалған.Атап өту керек, облыс әкімінің қолдауымен 2022-2024 жылдары Қызылорда қаласының қоғамдық көлік мәселесін түбегейлі шешу үшін «Өнеркәсіпті дамыту қоры» АҚ арқылы табиғи газбен жүретін «Yutong ZK6852 HG» маркалы 300 дана автобус алынды.&nbsp;Жиында қала әкімінің орынбасары халыққа қызмет көрсету сапасын арттыруға, такси қызметтеріне тиімді бағаларды қалыптастыруға бағытталған эко такси қызметі жөнінде де атап өтті.&nbsp;<blockquote>– 2024 жылы Қызылордада қалаішілік көлік қатынасын одан әрі жетілдіру үшін «Қызылорда автобус паркі» ЖШС-не 1 млрд. 100 млн. теңгеге 100 жаңа электромобиль сатып алынды. «Эко такси» қызметіне тапсырыс «Апару», «Яндекс» және «Жұлдыз TAXI» мобильді қосымшалары арқылы қабылданады. Бұл бәсекелестікке кері әсерін тигізбей, керісінше халыққа қызмет көрсету сапасын арттырып, қоғамдық көлік мәселесін шешуге оң әсерін тигізеді, – дейді ол.</blockquote>Жиын барысында кеңес мүшелері тарапынан қоғамдық көлік қызметін жетілдіруге қатысты ұсыныстар ортаға салынып, партиялық бақылауға алынды. Күн тәртібіне сәйкес Партиялық бақылау комиссиясы құрамына Партиялық бақылау департаменті мен облыстық филиал басшылығы келісімімен Қазақстан Республикасы Денсаулық сақтау министрлігінің Cанитариялық- эпидемиологиялық бақылау комитетінің «Ұлттық сараптама орталығы» шаруашылық жүргізу құқығындағы Республикалық мемлекеттік кәсіпорнының Қызылорда облысы бойынша филиалы басшысы &nbsp;Фарида Қалиева, облыстық кәсіподақтар орталығының төраға орынбасары Марат Бәйімбетов және Қазақстан Заңгерлер Одағының мүшесі, «Әділет» құқықтық қызмет көрсету орталығының жетекшісі &nbsp;Дәулет Ізбасарұлы комиссия &nbsp;құрамына қабылданды.&nbsp;Жиынды қорытындылаған партияның облыстық филиалының төрағасы Жандос Базартай бұл салаға аймақ басшысының қолдауы ерекше. Нәтижесінде Сайлауалды бағдарламаға енген жұмыстар толығымен жүзеге асқанын тілге тиек етіп, комиссия қатарына қосылған азаматтардың жұмысына сәттілік тіледі. Сонымен қатар қоғамдық көліктердің қала тұрғындарына сапалы және уақытылы қызмет көрсетуіне қатысты ұсыныстарын білдіріп, олардың орындалуы партиялық бақылауға алынатындығын жеткізді.

Қоғамдық көліктердің қызметі мен сапасы талқыланды

<a href="https://kyzylorda-news.kz/">Kyzylorda-news.kz</a> Қызылорда облысында «Таза бейсенбі» экологиялық акциясы өтті. Басты мақсат - &nbsp;қоршаған ортаға саналы көзқарасты қалыптастыру және тазалықты сақтаудың маңыздылығын түсіну.Қоршаған ортаны қорғауға бағытталған шараға аудандық мәслихаттағы «AMANAT» партиясы депутаттық фракциясының мүшелері, партия белсенділері жалпы &nbsp;50-ден астам азамат атсалысты.<blockquote>– Президентіміз Ұлттық құрылтайдың V &nbsp;отырысында «Таза Қазақстан» – ұлттық идеологиямыздың ажырамас бөлігіне айналғандығын атап өтіп, тазалық халқымыздың адал ниеті мен таза пейілінен басталатындығын жетікізді. Осы орайда «Таза бейсенбі” – партияның экологиялық мәдениетті қалыптастыруға бағытталған нақты істерінің бірі. Бұл бастама тек тазалық жұмыстары емес, тұрғындардың қоршаған ортаға деген жауапкершілігін арттыруды көздейді. Партия тарапынан мұндай игі шаралар алдағы уақытта да жүйелі түрде жалғасын табады. Қоғам болып атсалысқанда ғана таза орта қалыптастыра аламыз, – деді партияның аудандық филиалының атқарушы хатшысы Қаншагүл Мұстафаева.</blockquote>Акция аясында Жалағаш кентіндегі «Тағзым алаңы» саябағына тазарту жұмыстары,оның ішінде талдарды кесу, қураған шөптерді тырмалау, тазалау жұмыстары жүргізілді.

«Таза бейсенбі»: Тағзым алаңына тазалық жұмыстары жүргізілді

Ұлттық құрылтай: сындарлы сөзден салмақты іске дейін 

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев, Парламент Сенатының депутаты Наурызбай Байқадамов, облыс прокуроры Ризабек Ожаров, жауапты сала басшылары Арал ауданындағы түйе сүтінен құрғақ ұнтақ шығаратын зауыт құрылысымен танысты.Жоба бастамашысы «Qazaq Camel» ЖШС 392 тонна өнім шығарады деп жоспарлануда. Зауыт құрылысына 3 млрд. теңге қаржы салынған. Оның 1,8 млрд. теңгесі мемлекет қолдауы, яғни жеңілдетілген несие, 1,2 млрд. теңгесі жеке қаражат есебінен. Осы жылдың наурыз айында іске қосылып, 23 адам жұмыспен қамтылады.Негізгі өндірістік ғимараттың құрылысы мен қондырғыларды орнату 90% аяқталған. Қазіргі таңда монтаждау жұмыстары жүргізілуде.<img src="https://knadmin.beoblood.kz/uploads/r_a_nta_s_ti_zauyt_3_b98349e476.jpg" alt="Құрғақ ұнтақ сүті зауыт 3.jpg">Аймақ басшысы осы жерде шаруа қожалықтары және шағын кәсіп иелерімен кездесіп, бастаған істі дамыту, өнім өндіру мен өңдеуді жолға қою мәселелерін талқылады. Бірінші кезекте сапаға мән беріп, өндіріс көлемін ұлғайту қажет екенін атап өтті.Еске салайық, өткен жылдың қорытындысымен өңдеу өнеркәсібі саласында 406,3 млрд.теңгенің өнімі өндіріліп, көрсеткіш 6,4%-ға өсті. Нақты айтсақ, тамақ өнімдерін өндіру 3,4%-ға, мұнай өңдеу өнімдерінің өндірісі 5,2%-ға, жиһаз өнеркәсібі 43,6%-ға, жеңіл өнеркәсіп 12,4%-ға, химия өнеркәсібі 2,7%-ға, құрылыс индустриясы 4,3%-ға, резеңке және пластмасса бұйымдар өндірісі 1,7%-ға артты.<img src="https://knadmin.beoblood.kz/uploads/r_a_nta_s_ti_zauyt_28246b4659.jpg" alt="Құрғақ ұнтақ сүті зауыт.jpg">

Қазақстан және Қызылорда облысының жаңалықтары: Қоғам