<a href="https://kyzylorda-news.kz/">Kyzylorda-news.kz</a> Әбділда Тәжібаев атындағы Қызылорда облыстық әмбебап ғылыми кітапханасында бүлдіршін қатысушылар арасында “Мен полицей боламын” атты шығармашылық байқау өтті.Байқауға қатысушы бүлдіршіндер белсенділік танытып, өзара бақ сынады.<blockquote>”Менің әкем полиция қызметкері, сондықтан мен сурет байқауына үлкен қызығушылықпен қатыстым. Полиция болу оңай емес, өйткені, ол әрдайым қиындыққа тап болған адамға көмектесуге дайын. Мен қай қызметке баратынымды әлі шешкен жоқпын, бірақ мен әкемнің жолын жалғастыруды және адамдарға көмектесу үшін полиция қызметкері болуды армандаймын, – деді кішкентай бүлдіршін Сұлтан Мұстафа.</blockquote>Байқау соңында қатысушылар алғыс хатпен марапатталды.<img src="https://knadmin.beoblood.kz/uploads/Whats_App_Image_2025_06_16_at_09_37_56_1_6c0e509f21.jpeg" alt="ҚАЖ.jpeg">

Кішкентай бүлдіршіндер шығармашылық байқауда бақ сынады

<a href="https://kyzylorda-news.kz/">Kyzylorda-news.kz</a> Вице-премьер – ұлттық экономика министрі Серік Жұманғарин өткізген кеңесте биылғы 5 айдағы еліміздің ЖІӨ өсімінің құрамдас бөлігі мен экономикаға қомақты үлес қосып отырған салалардың даму серпінін арттыру мүмкіндіктері талқыланды.Өнеркәсіп экономикалық өсудің негізгі қозғаушы күші болып қала береді: 2024 жылғы қорытынды бойынша оның ЖІӨ-дегі үлесі 25,7%-ды құрады. 2025 жылғы қаңтар–мамыр айларында сала 6,4%-ға өскен. Дегенмен, қарқын бәсеңдеп барады: бір ай бұрын өсім 6,6%-ды құраған. Оның басты себебі – өндірістің өскеніне қарамастан өңдеу өнеркәсібінің баяулауы. Өнеркәсіптік өндіріс индексінің төмендеуі үш өңірде: Шығыс Қазақстан облысы (90,4%), Ұлытау облысы (96,2%) және Қостанай облысында (97,6%) тіркелді.Өңдеу жоспарынан артта қалу, ең алдымен, өңдеу өнеркәсібінің 40%-ын құрайтын металлургиямен байланысты. Кеңесте басқа сегменттердегі – машина жасау, тамақ, химия және мұнай өңдеу өнеркәсібіндегі өсу әлеуеті де қарастырылды.Белсенді өсу қарқыны бар тағы бір сала – құрылыс. Оның 5 айдағы өсімі 15,4%-ды, жұмыс көлемі 2 трлн теңгені құрады. Алайда, екі өңір, Атырау мен Ұлытау облыстары артта қалып келеді. Атырауда (жоспардың 43,2%) ТШО жобасы шеңберінде зауыт жұмысының тоқтауына байланысты, Ұлытауда (78,4%) тау-кен өндіру саласындағы нысандар салу мен жөндеудің қысқаруына байланысты қарқын бәсеңдеген.Тұрғын үй құрылысы саласында биыл 19 млн шаршы метр тұрғын үйді пайдалануға беру міндеті тұр. Соңғы 5 айда 6 млн шаршы метр тұрғын үй пайдалануға берілген. Бұл 2024 жылғы қаңтар-мамырмен салыстырғанда 5,7%-ға жоғары.<blockquote>«Біздің мақсатымыз – биыл ЖІӨ 6%-дық өсіміне қол жеткізу. Ол үшін нақты сектордағы барлық сала белгіленген индикаторға сәйкес жұмыс істеуі тиіс. Әкімшілік кедергілерді жедел жойып, компаниялар өз өнімін шығаруды ұлғайтуы үшін әрбір саладағы қарқынның баяулауы есебінен нақты айлық жоспарлар әзірлеу қажет», — деп атап өтті Серік Жұманғарин.</blockquote>

Экономикалық штаб: Қазақстан ЖІӨ өсіміне қалай қол жеткізбек?

<a href="https://kyzylorda-news.kz/">Kyzylorda-news.kz</a> Жасанды интеллект құралдарының ықтимал теріс әсерін болдырмауға бағытталған жаңа регламенттер мен әдістемелік ұсынымдар әзірленеді. Бұл туралы Мәжіліс депутаттарының сауалына Премьер-министр Олжас Бектеновтің жауабында айтылған.<blockquote>- Педагогтердің цифрлық құзыреттілігін арттыру мақсатында арнайы даярлық курстары ұйымдастырылып жатыр. Бүгінде 160 мыңға жуық педагог оқу процесінде жасанды интеллектіні қолдану бойынша оқытудан өтті (2024 жылы – 90 мыңға жуық, 2025 жылы – 70 мың). Оқу-ағарту министрлігі Цифрлық даму, инновациялар және аэроғарыш өнеркәсібі министрлігімен бірлесіп, 2025 жылдың қаңтар айынан еліміздің 180 мектебінде орта білім беру ұйымдарының оқушылары үшін бағдарламалау негіздерін оқыту курсы жөніндегі пилоттық жобаны жүргізіп жатыр. Пилоттық мектептердің 10-11 сынып оқушылары үшін оқу жоспарының вариативтік компоненті есебінен бағдарламалау негіздері бойынша курстар енгізілді, - деді Үкімет басшысы.</blockquote>Премьер-Министрдің дерегінше, пилоттық жоба аясында 2024 жылғы 16 шілдеден, бастап nFactorial және Omnium IT-мектептерінде жасанды интеллект және Game Development бағыттары бойынша 180 педагог және «Өрлеу» біліктілікті арттыру ұлттық орталығының 120 жаттықтырушысы арнайы оқыту курстарынан өтті.<blockquote>- Оның үстіне Ы.Алтынсарин атындағы Ұлттық білім академиясымен (бұдан әрі – Академия) оқушылардың білімін бағалау және академиялық адалдық талаптарын жаңарту аясында жасанды интеллект құралдарының ықтимал теріс әсерін болдырмауға бағытталған жаңа регламенттер мен әдістемелік ұсынымдар әзірленін болады. Сонымен қатар академия жанынан жасанды интеллектіні білім беру жүйесіне енгізу және дамыту бойынша әдістемелік, зерттеу, этикалық және оқу бағдарламаларын үйлестіру үшін Жасанды интеллект институтын ашу жоспарланып отыр, - деді Олжас Бектенов.</blockquote>

Елімізде жасанды интеллект институты ашылмақ

<a href="https://kyzylorda-news.kz/">Kyzylorda-news.kz</a> Astana Hub технопаркінде Қорғаныс министрінің орынбасары Дархан Ахмедиевтің басшылығымен IT-қоғамдастық өкілдерімен кездесу өтті, деп хабарлайды <a href="https://baq.kz/qazaqstandyq-it-mamandar-askerge-arnalgan-tsifrlyq-qalqan-zhasauda-200015369/">BAQ.KZ.</a>Кездесу барысында Қарулы күштердің киберқауіпсіздік кеңесін құру және қорғаныс ведомствосының киберқауіпсіздік төңірегіндегі өзара іс-әрекетінің жол картасы жөнінде айтылды.<blockquote>Жақында Қорғаныс министрлігінің басшылық құрамымен өткен кеңесте Президент басым міндеттердің қатарында Қарулы күштерді цифрландыру және жасанды интеллекті пайдалану қажеттігі жайын мәлімдеді. Осыған байланысты киберқауіпсіздік мәселелері өзекті болып отыр. Бүгін біз деректерді ақпараттық қорғау саласындағы өзара іс-әрекетті реттеу жөніндегі ұсыныстарыңызды тыңдаймыз деген сенімдемін, – деп іс-шараның мақсатын айта кетті Қорғаныс министрінің орынбасары Дархан Ахмедиев.</blockquote>Қазіргі уақытта Қорғаныс министрлігі осы мәселелерге ерекше назар аударып отырғанын атап өткен жөн. Жоғары оқу орындарымен және технологиялық компаниялармен тығыз өзара іс-әрекет жүзеге асырылады, хакатондар, кибер жаттығулар өткізіледі, дағдарыс жағдайындағы шабуылдарды тойтарыс беру сценарийлері де пысықталады.Іс-шараға қатысушылар осы саладағы өз жетістіктерімен бөлісті. Айта кетсек, iBatyr маманы Виталий Ли деректердің бұзылуына қарсы іс-қимыл жөніндегі өзінің жобасы туралы айтып берді, ал MSSP Global өкілі Медет Турин цифрлық кеңістіктегі кибергигиена мәселелеріне тоқталды.Қорғаныс ведомствосының киберқауымдастыққа қатысты өзара іс-әрекет жол картасының негізіне алынады деп аталған ұсыныстар мен ұсынымдар мұқият зерделенетін болады.Фото: gov.kz

Қазақстандық ІТ-мамандар әскерге арналған цифрлық қалқан жасауда

<a href="https://kyzylorda-news.kz/">Kyzylorda-news.kz</a> Астана күніне байланысты қазақстандықтардың неше күн демалатыны белгілі болды, деп хабарлайды <a href="https://baq.kz/astana-kuninde-qazaqstandyqtar-neshe-kun-demalady-200015358/">BAQ.KZ</a> тілшісі.Астана күні жыл сайын 6 шілдеде аталып өтеді. Бұл күн елорданың Алматыдан Астанаға көшірілген тарихи дата.Биыл 6 шілде жексенбі күніне түсіп тұр. Еңбек заңнамасына сәйкес, мерекелік күн демалыс күнімен сәйкес келген жағдайда, ол келесі жұмыс күніне ауыстырылады. Сондықтан 7 шілде, дүйсенбі – демалыс күні болып бекітіледі.Осылайша, бес күндік жұмыс кестесімен жұмыс істейтін азаматтар 5, 6 және 7 шілде күндері қатарынан үш күн демалады.Демалыс күндерінің кестесі:<ul><li style="text-align:justify;">Бес күндік жұмыс аптасы: 5, 6 және 7 шілде - демалыс.</li><li style="text-align:justify;">Алты күндік жұмыс аптасы: 6 және 7 шілде - демалыс, 5 шілде - жұмыс күні.</li></ul>Соған сәйкес, шілде айында:<ul><li style="text-align:justify;">Бес күндік жұмыс кестесінде істейтін азаматтар 9 күн демалады: 5, 6, 7, 12, 13, 19, 20, 26 және 27 шілде.</li><li style="text-align:justify;">Алты күндік жұмыс кестесіндегі азаматтар 5 күн демалады: 6, 7, 13, 20 және 27 шілде.</li></ul>Фото: depositphotos.com

Астана күнінде қазақстандықтар неше күн демалады

<a href="https://kyzylorda-news.kz/">Kyzylorda-news.kz</a> «AMANAT» партиясы&nbsp;алаңында Қызылорда облысы әкімінің бірінші орынбасары Данияр Жаналинов кестеге сай қоғамдық қабылдау өткізіп, аймақ тұрғындарының арыз-өтініштерін тыңдады.Қабылдауға келген азаматтар денсаулық, жұмысқа орналасу, тұрғын үй, жоғары оқу орнына түсуге бағытталған облыс әкімінің гранты, сонымен қатар банк жүйесіндегі мәселелер бойынша өтініштерін білдірді.Мәселен, қала тұрғыны өзінің мүгедектігі бар қызы биыл орта мектепті аяқтайтынын айтып, жоғары оқу орнына түсу үшін облыс әкімінің грантының бөлінуіне көмек беруді сұрады. Өтініш иесіне облыс әкімі грантының заңдылықтары кеңінен түсіндіріліп, медициналық колледжге түсуіне қолдау көрсетілетін болды. Денсаулығына қатысты мәселе көтерген тұрғынға дәрі-дәрмекпен қолдау көрсету жолдары қарастырылатын болды.Данияр Жаналинов баспанаға қатысты көтерілген сауалға тұрғын үй заң аясында кезектілікпен берілетіндігін түсіндірді.Облыс әкімінің бірінші орынбасары жалпы қабылдау барысында көтерілген әрбір мәселе зерделеніп, заң аясында шешімін табатынын жеткізді. Жауапты сала басшыларына тиісті тапсырмалар берді.

Облыс әкімінің бірінші орынбасары азаматтарды қабылдады

<a href="https://kyzylorda-news.kz/">Kyzylorda-news.kz</a> Қазақстан Республикасының Премьер-министрі Олжас Бектенов Hong Kong Sino-Science Oil and Gas Co., Ltd. (Geo-Jade Petroleum) компаниясының президенті Ван Вэньтаомен кездесу өткізді.Жиында мұнай-газ саласындағы ынтымақтастық және күрделі жолмен алынатын газды өндіру жобасын жүзеге асыру мәселелері талқыланды. Аталған жоба Қызылорда облысындағы «Созақ» кен орнында жүзеге асырылуда.Қазақстан энергетикалық қауіпсіздікті нығайту және еліміздің экономикалық өсуін қамтамасыз ету үшін өзара тиімді шарттарда ынтымақтастықты жалғастыруға және дәстүрлі емес ресурстардың әлеуетін ашуға мүдделі.Талқылау қорытындысы бойынша жұмыс топтары деңгейінде жұмыс жалғасатынын атап өтті.Geo-Jade Petroleum – Қазақстанда 10 жылдан астам жұмыс істеп келе жатқан мұнай мен газды барлау және өндіру бойынша ірі қытайлық компания. Бұған дейін кәсіпорын Қазақстанда $3 млрд-тан асатын бірқатар ірі жобаны жүзеге асырып, 1 мыңға жуық тұрақты жұмыс орнын ашқан.Фото: gov.kz

«Созақ» кен орнында газ өндіру жобасын жүзеге асыру барысы талқыланды

<a href="https://kyzylorda-news.kz/">Kyzylorda-news.kz</a> Қызылорда қаласында өнім берушілердің қатысуымен “Бірыңғай мемлекеттік тапсырыс” аясындағы жаңа пилоттық жоба бойынша ақпараттық-түсіндіру жиыны өтті.Аталған жиынға Қызылорда облысының дене шынықтыру, спорт және туризм басқармасының басшысы Артаев Бахтияр Ғарифоллаұлы, басқарма басшысының орынбасары Серік Айдарбекұлы, облыстық мәдениет, архивтер және құжаттама басқармасы, облыстық білім басқармасы, сондай-ақ облыстық жұмылдыру дайындығының, аумақтық және азаматтық қорғаныс басқармасының, Қызылорда облыстық полиция департаментінің және мемлекеттік кірістер департаментінің салалық өкілдері қатысты.Жиынның басты мақсаты – 2025 жылдың 1 маусымынан бастап іске қосылған «Қызмет алушылардың дербестендірілген қаржыландыруды ескере отырып, балаларға қосымша білім беруге арналған бірыңғай мемлекеттік тапсырысты орналастыру» жөніндегі пилоттық жобаның жалпы ережесі мен басты талаптарын халыққа кеңінен түсіндіру болып табылады.Өнім берушілерге жобаның іске асу алгоритмі, негізгі ережелері, талаптары мен шарттары жан-жақты түсіндіріліп, ұсынылған өзгерістер бойынша өзара пікір алмасты.Бұл жоба аясында балалардың қосымша білім алу мүмкіндіктерін кеңейту, қызмет көрсету сапасын арттыру және мемлекеттік тапсырысты тиімді ұйымдастыру көзделіп отыр.Алдағы уақытта бұл бағыттағы түсіндіру жұмыстары барлық аудан мен қалада жалғасын табатын болады.<img src="https://knadmin.beoblood.kz/uploads/Pilotty_zhoba_2_840571d619.jpg" alt="Пилоттық жоба 2.jpg">

Өнім берушілерге жаңа пилоттық жобаның ережесін түсіндірді

<a href="https://kyzylorda-news.kz/">Kyzylorda-news.kz</a> «AMANAT» партиясы мәдениет пен өнерге әрқашан қолдау көрсетіп келеді. Атап айтсақ, партияның тікелей қолдауымен жылда барлық деңгейдегі ақындар айтысы, «Ұлы дала» шығармашылық байқауы ұйымдастырылып, БАҚ өкілдері арасында да «AMANAT» медиа сыйлығы табысталуда. Партия Төрағасы Ерлан Қошанов 2023 жылы өткен «Ұлы дала» республикалық шығармашылық байқауында сөйлеген сөзінде бұл байқауды өңірлік деңгейде ұйымдастырып, жергілікті қаламгерлердің қатысуын қамтамасыз етуді тапсырған болатын. Партия төрағасының тапсырмасына орай байқау Сыр өңірде өткен жылы алғаш рет аймақтық деңгейде ұйымдастырылып, жеңімпаздар республикалық кезеңде бақ сынады. Жас ақындар мен жазушыларға шабыт сыйлайтын «Ұлы дала» байқауы биыл екінші рет аймақтық кезеңде ұйымдастырылғалы отыр. Бұл туралы бүгін партияның облыстық филиалының төрағасы Алмасбек Есмаханов БАҚ өкілдеріне арналған брифингте айтты.<blockquote>«Жергілікті қаламгерлердің қатысуымен өтетін «Ұлы дала» аймақтық шығармашылық байқауы «Поэзия», «Проза» және «Балаларға арналған шығарма» номинациясы бойынша өткізіледі. Құжаттар ереже бойынша 16 маусым мен 10 тамыз аралығында қабылданады. Аймақтық ұйымдастыру комитетімен әрбір номинацияға үш орыннан қарастырылып отыр. Жеңімпаздар қаржылай және бағалы сыйлықтармен марапатталатын болады»,- дейді Алмасбек Есмаханов.</blockquote>Атап өту керек байқауға 18-ден 45 жасқа дейінгі азаматтар қатыса алады. Бір автор тек бір номинацияға қатысады. Байқауға қазақ тіліндегі жұмыстар ғана қабылданады және бұрын-соңды жарияланған шығарма қабылданбайды. Ұсынылатын жұмыстардың тақырыбына шектеу қойылмайды. Байқауға келіп түскен жұмыстар байқау комиссиясымен 10-20 тамыз аралығында қаралады.Жеңімпаздарды марапаттау рәсімі 31 тамызға дейін өткізілмек және әр номинация бойынша жеңімпаздар «Ұлы дала» республикалық шығармашылық байқауына қатысуға тікелей жолдама алады.Ескерту, байқауға қатысу үшін «Проза» номинациясына 25, «Поэзия» номинациясына 15, «Балаларға арналған шығарма» номинациясына 15 беттен аспайтын жұмыстар қабылданады. Олар А4 форматында, Times New Rоman қарпімен, 14 мөлшерде,1,0 аралықта терілуі керек және материалдар бүркеншік атпен партияның аймақтық филиалының kyzylorda@amanatpartiasy.kz электрондық мекенжайына жолданады.Байқаудың толық ережесімен партияның облыстық филиалының Amanat Қызылорда облысы, amanatkyzylorda атты әлеуметтік желілердегі ресми парақшаларынан таныса аласыздар.

"Ұлы дала" шығармашылық байқауына құжат қабылдау басталды

<a href="https://kyzylorda-news.kz/">Kyzylorda-news.kz</a> Құрметті жерлестер, «AMANAT» партиясының бұқаралық ақпарат құралдары қызметкерлері күні қарсаңында өтетін «AMANAT медиа сыйлығы – 2025» республикалық байқауына өтінім қабылдау жұмыстарының аяқталуына санаулы күндер қалды.&nbsp;Ақпарат саласы өкілдерінің әлеуетін арттыруға бағытталған ашық конкурс Мемлекет басшысы Қасым-Жомарт Тоқаевтың реформалары, «Еңбек адамы», «Жұмысшы мамандықтары жылы», «Taza Qazaqstan», жастардың қоғамдағы рөлі және тағы басқа негізгі тақырыптарды қамтиды.«AMANAT медиа сыйлығы» бұқаралық ақпарат құралдарының жанрына қарамастан, тақырыптық бағыттар бойынша табысталады.Сонымен қатар «Алаш аманаты», Шерхан Мұртаза мен Камал Смайылов атындағы «Телевизия үздігі» және белсенді азаматтық ұстаным үшін арнайы жүлделер қарастырылған.Өтінімдер 23 мамыр мен 17 маусым аралығында қабылданады. Салтанатты марапаттау рәсімі маусым айының соңында, Бұқаралық ақпарат құралдары қызметкерлері күні қарсаңында өтеді. Жеңімпаздарға «AMANAT» медиа-премиясы, мүсінше және ақшалай сыйлықтар табысталады.Байқау жеңімпаздары екі бағыт бойынша он аталымда анықталады.&nbsp;Тақырыптар бойынша номинациялар:<ul><li style="text-align:justify;">«Еліміздегі реформалар туралы үздік материал»</li><li style="text-align:justify;">«Еңбек адамы туралы үздік материал»</li><li style="text-align:justify;">«Жастар туралы үздік материал»</li><li style="text-align:justify;">«Аймақ туралы үздік материал»</li><li style="text-align:justify;">«Партия жұмысы туралы үздік материал»</li><li style="text-align:justify;">«Taza Qazaqstan» – экология мен қоршаған ортаны сақтау туралы үздік материал»</li><li style="text-align:justify;">«ҚР Конституциясының 30 жылдығы туралы үздік материал»</li></ul>Арнайы сыйлықтар:&nbsp;<ul><li style="text-align:justify;">Шерхан Мұртаза және Қамал Смайылов атындағы «Телевизия үздігі» сыйлығы</li><li style="text-align:justify;">«Алаш аманаты» сыйлығы&nbsp;</li><li style="text-align:justify;">«Белсенді азаматтық ұстанымы үшін» сыйлығы</li></ul>Байланыс телефондары: 8-7172-70-76-25, 8-7172-70-76-28Электрондық пошта: <a href="mailto:media_premiya@amanatpartiasy.kz">media_premiya@amanatpartiasy.kz</a>Толық ақпаратты: amanatpartiasy.kz ресми сайтынан ала аласыздар

«AMANAT медиа сыйлығы – 2025»: Республикалық байқауға өтінім қабылдау жұмыстары аяқталуға жақын 

<a href="https://kyzylorda-news.kz/">Kyzylorda-news.kz</a> Бүгін Қызылорда облыстық мәслихат төрағасы Мұрат Тілеуімбетовтің төрағалығымен облыстық мәслихаттың XХІІІ сессиясы өтті.&nbsp;Оған облыс әкiмiнің бірінші орынбасары Данияр Жаналинов, облыстық мәслихат депутаттары мен облыстық басқарма басшылары қатысты.Күн тәртібінде бес мәселе көтерілді. Атап айтқанда, облыстық мәслихаттың «2025-2027 жылдарға арналған облыстық бюджет туралы» 2024 жылғы 9 желтоқсандағы № 130 шешіміне, «Қызылорда облыстық мәслихатының 2025 жылға арналған жұмыс жоспарын бекіту туралы» 2024 жылғы 9 желтоқсандағы №143 шешіміне өзгерістер енгізу, «Қызылорда қаласының аумағын көгалдандыру және абаттандыру», «Қызылорданың жасыл белдеуі» мемлекеттік-жекешелік әріптестік жобалары бойынша мемлекеттік міндеттемелер қабылдау, &nbsp;Қызылорда облысы бойынша тексеру комиссиясының мүшесі лауазымынан босату туралы мәселелер қаралды.Сессия алдында өткен тұрақты комиссиялардың бірлескен отырысында күн тәртібіне ұсынылған мәселелер егжей-тегжейлі талқыланған болатын. Соған сәйкес, депутаттардың ұсыныс-пікірлері ескеріліп, тиісті шешімдер қабылданды.

Облыстық мәслихаттың кезекті сессиясында күн тәртібіндегі бірқатар мәселелер қаралды

<a href="https://kyzylorda-news.kz/">Kyzylorda-news.kz</a> &nbsp;«AMANAT» партиясы Қызылорда облыстық филиалының төрағасы Есмаханов Алмасбек Әбілқасымұлы партияның облыстық филиалында азаматтарды жеке мәселелері бойынша қоғамдық қабылдау өткізді.Қабылдауға келген азаматтар "Мерей" мөлтек ауданындағы жаяу жүргіншілер жолы нашар екенін, одан бөлек балалар ойын сауық алаңдарының тозығы жетіп ескіргенін, мөлтек ауданындағы №16 көпқабатты тұрғын ұй жертөлесінен шығып жатқан жағымсыз иістің барын тілге тиек етті. Сондай-ақ, қаладағы кәсіпкерлік нысандар дүкендер мен мейрамханалардағы атаулардың ағылшын және орыс тілінде жазылғанына наразы екендіктерін жеткізді.Одан бөлек, қабылдауға келген тұрғындар қылмыстық іс бойынша тергеу амалдары жайлы ұсыныстарын айтты. Жаңақорған ауданынан келген азаматтар Сунақ ата ауылындағы 20 тұрғынның жер үлестерін анықтай алмай жатқандығын айтып, мәселеге ықпал етуді сұрады. Құрылысшы азаматтар өздеріне тиеслі еңбек жалақыларының мердігер мекеменің төлемей жатқанынына наразылықтарын айтып шағымданды. Қабылдауға "Саяхат" мөлтек ауданынан келген тұрғын мөлтек ауданда кіші көлшік барын, оған қаладан үлкен жүк көліктері келіп қоқыс тастап, ауаны ластап жатқандықтарын айтты."Мерей" мөлтек ауданынның тұрғындары білдірген өтініштер сол ауданнан сайланған депутаттармен бірлесе отырып тиісті жұмыстар атқарылатыны түсіндірілді. Сунақ ата ауылындағы тұрғындар мәселесі бойынша Жаңақорған аудандық ауылшаруашылығы бөлімінің қызметкерімен ЗУМ арқылы бейне байланыс орнатылып, тұрғындар өтініші аудан әкімінің қарауына жолданатыны айтылды. Саяхат мөлтек ауданының тұрғынының және де еңбек дауына қатысты өтініштер бойынша заңға сәйкес партия филиалы атына жазбаша арыз жазу ұсынылды.Әрбір тұрғынның мәселесін мұқият тыңдаған филиал төрағасы әрбір мәселені тікелей бақылауына алып, нәтижелі жұмыс жасалатындығын жеткізді.&nbsp;

Қазақстан және Қызылорда облысының жаңалықтары: Қоғам