<a href="https://kyzylorda-news.kz/">Kyzylorda-news.kz</a> «Қазақстанның болашағы – отаншыл, білімді, еңбекқор азаматтардың, яғни жастардың қолында. Мен жас ұрпақтың жасампаздық қуатына сенемін!» – Қазақстан Республикасының Президенті Қасым-Жомарт Тоқаев.2024 жылы қазақстандық жастармен жұмыс істеудің басты бағыты «Адал азамат» тұжырымдамасы болды. Бұл бағытты Мемлекет басшысы Ұлттық құрылтайдың үшінші отырысында айқындап берді. Тұжырымдама адалдық, әділдік және еңбекқорлық секілді құндылықтарды насихаттауға негізделген.Мемлекеттік жастар саясатының басым бағыттарының бірі – жастарды жұмыспен қамту мәселесі. 2024 жылы 400 мыңнан астам жас жұмысқа орналастырылды.Еліміздің бірнеше өңірінде оқыту және жұмысқа орналастыру бағдарламалары жүзеге асты. Атап айтсақ, Астанада – «Jol Tap» (3,9 мың адам оқудан өтті), Алматы, Ақтөбе және Қарағанды облыстарында – «Jumys Tap» (10 мың адам жұмыспен қамтылды) бағдарламалары. Сондай-ақ Алматыда «Jobfair365» платформасы жұмыс істейді, оның көмегімен 2,5 мың жас маман жұмысқа орналасты.Астанада «Jol Tap» жобасы аясында 19,5 мың азамат мемлекеттік қолдау шараларының &nbsp;52 түрі бойынша кеңес алды. Олардың ішінде 3,9 мың адам 10 түрлі мамандық бойынша оқытылды (тігінші, бариста, сатушы-кассир, электргазбен дәнекерлеуші, бухгалтерлік есептің негіздері, аяқ киім жөндеу және кілт жасау, корпустық жиһаз жасау негіздері, май және дөңгелек ауыстыру жөніндегі авто-маман, Kaspi дүкеніндегі сауда негіздері және т.б.)Жастар ресурстық орталықтары 2024 жылы кәсіптік бағдар беру мақсатында 500-ден астам бос жұмыс орын жәрмеңкесін ұйымдастырып, 1 миллионнан астам кеңес беріп үлгерді (заңгерлік, психологиялық, кәсіптік бағдар, мемлекеттік бағдарламалар, волонтерлік, жұмыспен қамту және т.б.).NEET санатындағы жастарға да ерекше назар аударылды. Қазіргі уақытта бұл санатқа жататын 160 мыңнан астам жас бар. Олар – білімі мен жұмысы жоқ қазақстандық жастар. NEET жастарының бастамаларын қолдау мақсатында ҚР Мәдениет және ақпарат министрлігі «Zhas project» аясында 280 грант бөлді (әр гранттың мөлшері – 1 миллион теңге).Сонымен қатар 20 жылдан астам уақыт бойы елдің әр өңірінде жастарды маусымдық жұмыспен қамтуға бағытталған «Жасыл ел» жобасы жүзеге асып келеді. Соңғы 3 жылда 100 мыңнан астам жас қамтылса, оның 30 мыңнан астамы – ауыл жастары.Мемлекет жастарға тұрғын үй мәселесін шешу бойынша жүйелі қолдау көрсетіп келеді. 2017 жылдан бастап, мемлекеттік бағдарламалар аясында 7 200-ден астам жас қазақстандық баспанаға ие болды.Бүгінде «Отбасы банк» және облыс әкімдіктерімен бірлесіп, елдің 16 өңірінде жұмыс істейтін жастарға арналған арнайы ипотекалық бағдарламалар да іске қосылды. Шарттарын атап айтатын болсақ, 10% бастапқы жарна төленіп, пайыздық мөлшерлемесі 5%-дан басталады, 19 жылға дейін несие беріледі.Бағдарламаға 35 жасқа дейінгі кез келген Қазақстан азаматы қатыса алады, бірақ отбасылы болған жағдайда ерлі-зайыптының біреуі ғана &nbsp;өтініш бере алады.Сондай-ақ жастар үшін арнайы квоталар қарастырылған республикалық тұрғын үй бағдарламалары да бар. &nbsp;Атап айтсақ, «Отау» және «Наурыз» бағдарламалары. 2024 жылы осы бағдарламалар аясында 3 923 жас азаматқа жалпы сомасы 103,4 млрд теңге несие берілді. «Отау» бағдарламасы бойынша 1 450 жас азамат жалпы сомасы 31,7 млрд теңге көлемінде несие алды.Жастар саясатының басты бағыттарының бірі – кадрлық әлеуетті арттыру.«Президенттік жастар кадрлық резерві» – Мемлекет басшысының тапсырмасымен 2019 жылдан бастап іске асып келе жатқан жоба. Қазіргі уақытта 315 резервтегі жас &nbsp;мемлекеттік және квазимемлекеттік секторда басшылық лауазымдарға тағайындалды.Жобаға қызығушылық жыл сайын артып келеді (2019 жылы – 13 мың адам, 2021 жылы – 22 мың адам, 2023 жылы – 31 мың адам). Үш іріктеудің нәтижесі бойынша 400 адам Резервке қабылданды (2019 жылы – 300 адам, 2021 және 2023 жылдары – 50 адам).Олар саяси мемлекеттік лауазымдарға, «А» корпусына, сондай-ақ «Б» корпусындағы басшылық қызметтерге тағайындалу мүмкіндігіне ие болды.2024 жылы алғаш рет барлық өңірде аймақтық кадрлық резервке іріктеу өтті. Оған республикалық маңызы бар қалалар мен облыстардың жергілікті атқарушы органдары қатысты. 505 адам екі жыл мерзімге резервке қабылданып, мемлекеттік органдардың келісімімен «Б» корпусындағы әкімшілік мемлекеттік лауазымдарға конкурссыз тағайындалу мүмкіндігіне ие болды.Сонымен қатар, Мәжіліс пен мәслихат сайлауында жастарға арналған арнайы квоталар енгізілді, бұл бастама органдардың жұмысына жаңа серпін берді.Бұдан бөлек мемлекет гранттар мен сыйақылар арқылы жастарға қолдау көрсетіп келеді. 2024 жылы 90 млн. теңгеге «Тәуелсіздік ұрпақтары» гранты 30 жасқа табысталды. Жоба алты бағыт бойынша грант бөлді. Атап айтсақ, ғылым, мәдениет, IT, медиа, бизнес, волонтерлік секілді тақырыптар қамтылды. &nbsp;«Дарын» мемлекеттік жастар сыйлығының мөлшері 1 млн теңгеге дейін ұлғайтылды.Биыл жастарға арналған арнайы гранттық жобалар 6 бағыт бойынша (лудомания мен нашақорлықтың алдын алу, жастардың қаржылық және құқықтық сауатын арттыру және т.б.) бөлінеді. Жобаның жалпы сомасы шамамен – 720 млн теңге (2025-2027 ж. ж. кезең үшін).Стартаптар мен инновациялық бастамаларды қолдау жаңа жұмыс орындарының ашылуына және экономиканың өсуінк ықпал етеді.Кәсіптік бағдар беру және жұмысқа орналастыруға жәрдемдесу жастардың жұмыспен қамтылу деңгейін арттырады.Жалпы, көпвекторлы жастар саясаты жастардың қоғамдық өмірге белсенді араласуына, олардың азаматтық жауапкершілік деңгейінің артуына ықпал етеді.<img src="https://knadmin.beoblood.kz/uploads/Zhastar_sayasaty_prezident_c7b3ee6999.png" alt="Жастар саясаты президент.png">Фото: freepik

Қазақстандағы жастар саясаты: жұмыспен қамту, тұрғын үй және қызметте өсу

<a href="https://kyzylorda-news.kz/">Kyzylorda-news.kz</a> &nbsp;Аталған оқиғаға қатысты тергеу басталды.Семейде қатарластарын аяусыз соққыға шыққан жасөспірімдерге қатысты комиссия шешім шығарды, деп хабарлайды <a href="http://skifnews.kz/">Skifnews.kz</a> ақпарат порталы.Семейде кәмелетке толмағандардың құқықтарын қорғау жөніндегі комиссияның отырысы өтіп, жасөспірімдердің қатарластырын&nbsp;ұрып-соғу оқиғасы қаралды.Отырыс нәтижесі&nbsp;бойынша оқиға қатысушылардың барлығын оқшаулау&nbsp;және психологтармен жұмыс істеу үшін девиантты мінез-құлықтары бар балаларға арналған арнайы мектепке жіберу туралы шешім қабылданды.<blockquote>"Комиссия үш ата-анаға қатысты ата-ана құқығынан айыру туралы ұсыныс жасады, сондай-ақ бір қамқоршыға қатысты екі баланы қамқорлықтан айыруды ұсынды. Барлық материалдар сотқа жіберілді, сотта соңғы шешім қабылданады. Кәмелетке толмағандардың істері жөніндегі сот жасөспірімдердің арнайы мекемеде болу мерзімін анықтап, ата-ана құқығынан айыру туралы соңғы шешім шығарады", – делінген полиция хабарламасында.&nbsp;</blockquote>Абай облыстық&nbsp;полиция департаменті жасөспірімдердің әрекетіне&nbsp;қатысты&nbsp;тергеу басталғанын атап өтті.&nbsp;Фото: видео скриншот

Семейде оқушыны аяусыз ұрып-соққан жеткіншектердің әке-шешесі ата-ана құқығынан айырылды

<a href="https://kyzylorda-news.kz/">Kyzylorda-news.kz</a> «AMANAT» партиясының Қызылорда облыстық филиалының Атқарушы хатшысы Ләйлә Төрешованың қатысуымен партия филиалы жанындағы «Білім және Денсаулық сақтау мәселелері» жөніндегі аймақтық кеңестің отырысы өтті. Онда «Дипломмен ауылға» бағдарламасы аясында 2024 жылы атқарылған жұмыстар мен алдағы жоспар талқыланды.«Дипломмен ауылға» бағдарламасы біріншіден, елдімекендердегі кадр тапшылығын шешсе, екіншіден, жастардың тәжірибе жинақтап, жұмыспен қамтылуына кең жол ашты. Жоба аясында ауылдық жерлерге ауыл шаруашылығы, білім беру, денсаулық сақтау, спорт және мәдениет салалары бойынша мамандар жұмысқа келіп, оларды баспанамен қамтуға және бірреттік көмек ретінде қаржы беріліп келеді.Жиын барысында жобаның өңірде жүзеге асу барысы туралы облыстық экономика және қаржы басқармасы басшысының міндетін атқарушы&nbsp;Дастан Баймаханов кеңінен атап өтті.<blockquote>«Өткен жылы «Дипломмен ауылға» жобасы аясында республикалық бюджеттен тұрғын үй салу немесе сатып алу үшін аудан орталықтарына 2500 АЕК, ауылдық елді мекендерде 2000 АЕК мөлшерінен аспайтын көлемде 396 маманға 3,3 млрд. теңге жеңілдетілген тұрғын үй несиесі бөлінді. Алайда қаржының бөлініп түсуіне байланысты жоспарланған 396 маманның 365-не&nbsp;жеңілдетілген тұрғын үй несиесі берілді. Қалған 31 маманның қаржысын наурыз айына дейін толық игеру жоспарлануда. Олардың 9-ы Жаңақорған ауданына тиесілі болса, 22 маман Қызылорда қаласында. Сонымен қатар, 2024 жылы 100 айлық есептік көрсеткіш мөлшерінде 671 маманға 220,4 млн. теңге біржолғы көтерме жәрдемақы берілді. Ағымдағы жылы жоба аясында 194 маманға 1,7 млрд. теңге жеңілдетілген тұрғын үй несиесі және 468 маманға 184,0 млн. теңге біржолғы көтерме жәрдемақы беру жоспарланып отыр»,-деді Дастан Баймаханов.</blockquote>Партияның облыстық филиалының Атқарушы &nbsp;Ләйлә Төрешова «AMANAT» партиясы сайлауалды бағдарламасында ауылдық жерлерде білім, медицина салаларына халықтың қол жетімділігін қамтамасыз ету, соның ішінде мамандар тапшылығын болдырмау бағытында жұмыс жасап келеді. «Дипломмен ауылға!» мемлекеттік бағдарламасы осы бағытта сапалы жүзеге асуға тиісті жобалардың бірі екенін атап өтіп, жобаның аймақта дұрыс жүзеге асуын қатаң қадағалау қажеттін айтты.Отырыста жұмысты жетілдіруге қатысты ұсыныстар ортаға салынып, тиісті жұмыстар жасалатын болдыАтап өтейік, партия филиалы жанындағы «Білім және денсаулық сақтау мәселелері» жөніндегі аймақтық кеңесі консультативтік-кеңесші орган болып табылады. Кеңес құрамы мәслихат депутаттарынан, аймақтық қоғамдық бірлестіктер мен үкіметтік емес ұйымдардың басшыларынан, салалық сарапшылардан, қоғамдық пікір көшбасшылары, саясаткерлер, журналистер мен азаматтық белсенділерден &nbsp;құрылған. Жиын барысында белгілі себептермен бірқатар азаматтар кеңес құрамынан шығарылып, жаңа мүшелермен толықты.<img src="https://knadmin.beoblood.kz/uploads/Diplommen_auyl_a_zhobasyny_zh_zege_asyryluy_partiya_ala_ynda_tal_ylandy_1_1ae859f39c.jpg" alt="«Дипломмен ауылға» жобасының жүзеге асырылуы партия алаңында талқыланды 1.jpg">

«Дипломмен ауылға» жобасының жүзеге асырылуы партия алаңында талқыланды

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев бастаған делегацияның Қытай Халық Республикасына жұмыс сапары жалғасуда. Аймақ басшысы Нинься-Хуэй провинциясының губернаторымен кездесті. Басқосуға жауапты сала басшылары, бизнес қауымдастық өкілдері қатысып, онда екі елдің ынтымақтастығы, ауыл шаруашылығы өнімдерін өңдеу, баламалы энергия көздері, құрылыс индустриясы, тау-кен өнеркәсібі, машина жасау мәселелері талқыланды.<blockquote>«Мемлекет басшысы Қасым-Жомарт Кемелұлының Қытайдың озық технологияларын отандық өндіріске тарту тапсырмасы бойынша арнайы делегация іссапармен келдік. Қазақстан мен Қытай арасындағы байланыстар Ұлы Жібек жолы арқылы ғасырлар бойы дамып, бізді Батыс пен Шығысты жақындастыруға негіз болған тығыз сауда-экономикалық қатынастар біріктірді. Бүгінде «Бір белдеу – бір жол» бастамасы осы бағытты жандандырып қана қоймай, оның әлемдік аренадағы рөлін күшейтті. Сауда керуендері әлі де жаңа Жібек жолы – «Батыс Еуропа – Батыс Қытай» халықаралық көлік дәлізі арқылы өтіп, Еуропа, Азия және Таяу Шығыс елдерін байланыстырады.Ауыл шаруашылығы өнімдерін терең өңдеу, баламалы энергия көздері, құрылыс индустриясы, тау-кен өнеркәсібі, машина жасау салаларындағы озық технологияларды, тәжірибені игеруге қызығушылық танытып, өзімізбен бірге облыстың инвестициялық әлеуеті туралы және 60 инвестициялық жобаның тизерін әкелдік. Біздің тараптан барлық жағдай жасалады. Инженерлік инфрақұрылым жеткізіп береміз, жеңілдіктер ұсынылады, өндірілген өнімді өткізуге атсалысамыз»,– деді аймақ басшысы.</blockquote>Облыста 15 мұнай өндіруші компания жұмыс істейді, оның 8-і –қытайлық кәсіпорын. Қытайлық инвесторлардың қатысуымен пайдалануға берілген және тұрақты жұмыс істейтін ірі индустриялық жобалар іске асырылуда.2018 жылдың желтоқсанында «Чайна Гежуба» компаниясымен бірлесіп, жалпы құны 137,8 млн. АҚШ доллары, қуаттылығы жылына 1 млн. тонна цемент өндіретін зауыт іске қосылды. 2022 жылдың қазан айында «Чайна Гласс» компаниясының қатысуымен құны 90,4 млн. АҚШ. доллары, қуаттылығы жылына 197 мың тонна табақша шыны өндіретін Қазақстандағы алғашқы шыны зауыты ашылды. Зауыт іске қосылғалы бері 31,4 млн. шаршы метрден астам, 76,7 млн. АҚШ. долларының өнімін өндірді. Оның 30%-ы ішкі нарыққа өткізіледі, ал 70%-ы Ресей, Өзбекстан, Қырғызстан, Тәжікстан және Грузияға экспортталады.Бүгінде шыны кластерін құруға және түрлі шыны бұйымдарын өндіруге бағытталған жаңа ілеспе жобалар шеңберінде белсенді жұмыс жүргізілуде. Былтыр маусым айында жылына 5 млн. шаршы метр энергия үнемдейтін әйнек шығаратын жаңа желі іске қосылды. Одан бөлек, айна, шыңдалған шыны, автомобиль әйнегі мен шыны бөтелке өндірісі бойынша жобалар бар.Сондай-ақ, қуаттылығы 141 МВт-тық 4 күн және 1 жел электр станциясының құрылысы жүргізілуде.<img src="https://knadmin.beoblood.kz/uploads/Oblys_kimi_1_79ea0d2862.jpg" alt="Облыс әкімі 1.jpg">Фото: Қызылорда облысы әкімінің баспасөз қызметі

 Облыс әкімі Нинься-Хуэй провинциясының губернаторымен кездесті

<a href="https://kyzylorda-news.kz/">Kyzylorda-news.kz</a> Қазақстан халқы Ассамблеясының 30 жылдығы мен 1 наурыз – Алғыс айту күніне орай Қызылорда облыстық Қазақстан халқы Ассамблеясы жанындағы «Ассамблея жастар» ұйымы мен “Жомарт жан” орталығының ұйымдастыруымен Оңалту орталығында &nbsp;“Жүректен жүрекке” мерекелік концерт өтті.Мерекелік шараның өзегі – бірлік пен ынтымақ, мейірімділік пен алғыс сезімін арттыру болды.Шара барысында Қызылорда облыстық қоғамдық даму басқармасының «Қоғамдық келісім» КММ директорының орынбасары Руслан Құрманов жиналған қауымды құттықтап, оларға зор денсаулық тіледі. Өңірлік «Ассамблея жастар» ұйымының өнерпаздары әсерлі әндер айтып, мың бұрала би билеп, көрермендерге жағымды көңіл-күй сыйлады.Оңалту орталығындағы емделушілердің пікірінше, бұл мереке – мейірімділік пен қуаныштың нағыз белгісі. Олар, әсіресе, жастардың өнерін жоғары бағалап, осы сәтте өмірдің қиындықтарын бір сәтке ұмытты. Шара соңында ем алушылардың салған картиналары мен орталық директорының Алғыс хаты «Қоғамдық келісім» мекемесінің өкілдеріне табысталды.Фото: Қызылорда облыстық «Қоғамдық келісім» КММ

"Жүректен жүрекке" қайырымдылық концерті өтті

<a href="https://kyzylorda-news.kz/">Kyzylorda-news.kz</a> Қызылорда облысының азаматтық қорғаныс қызметтері жоғары дайындық режиміне көшті. Өңірде сең қозғала бастады, деп хабарлайды <a href="https://baq.kz/syrdariyada-sen-qozgaldy-200008343/">BAQ.KZ.</a>Бүгінде оңтүстік облыстарда Сырдария өзені мұздан толығымен тазартылды. Солтүстікте оның қалыңдығы 40 сантиметрге жетеді. Тәуекел тобындағы 70 мың тұрғыны бар 29 жағалаудағы ауыл болды. Құтқарушылар өзеннің қауіпті аймақтарында тәулік бойы бақылау жүргізеді. Мамандардың айтуынша, Сырдариядағы мұз айдыны наурыз айының ортасына қарай Арал теңізіне жетеді.<blockquote>Әзірге өзендегі жағдай тұрақты. Бірақ кептеліс болса, мұзды жарып жібереміз. Аса қауіпті аймақтардан үй жануарлары эвакуацияланып, жергілікті тұрғындарға хабарланды. Өзенге әуеден мониторинг жүргізіліп, барлық эвакуациялық пункттер, жылу пункттері мен уақытша орналастыру пункттері дабылға қойылды, – дейді облыстық төтенше жағдайлар департаментінің басшысы Бейбітхан Спанов.</blockquote>Фото: Нұрболат Нұржаубай

Сырдарияда сең қозғалды

<a href="https://kyzylorda-news.kz/">Kyzylorda-news.kz</a> Енді қазақстандықтар өздерін алаяқтар мен қажетсіз несиелерден қорғау үшін 1414 нөміріне қоңырау шалып, дауыс ботының көмегімен несие алуға тыйым сала алады, деп хабарлайды <a href="https://baq.kz/qazaqstanda-nesie-aluga-qonyrau-arqyly-tyyym-saluga-bolady-200008367/">BAQ.KZ.</a>Қалай жұмыс істейді?<ul><li style="text-align:justify;">1414 нөміріне қоңырау шалыңыз (тегін);</li><li style="text-align:justify;">Тілді таңдаңыз: қазақша&nbsp;</li><li style="text-align:justify;">"Несиеге тыйым салу" деп айтыңыз;</li><li style="text-align:justify;">Дыбыстық белгі берілгеннен кейін ЖСН енгізіңіз;</li><li style="text-align:justify;">SMS-код алып, әрекетті растаңыз.</li></ul>Осыдан кейін сіз:<ul><li style="text-align:justify;">Несие алуға тыйым қоя аласыз;</li><li style="text-align:justify;">Қажет болған жағдайда оны алып тастай аласыз;</li><li style="text-align:justify;">Қызметтің мәртебесін біле аласыз.</li></ul>Бұл қызметті Бірінші несие бюросы мен "Азаматтарға арналған үкімет" мемлекеттік корпорациясы бірлесіп іске қосты.Ол смартфон қолданбайтын немесе интернетке қолжетімділігі шектеулі азаматтар үшін өте пайдалы болмақ.Фото: Нұрболат Нұржаубай

Несие алуға қоңырау арқылы тыйым салуға болады

<a href="https://kyzylorda-news.kz/">Kyzylorda-news.kz</a> Бұл сұраққа Рамазан айына орай берілген баспасөз мәслихатында Бас мүфти Наурызбай қажы Тағанұлы жауап берді, деп хабарлайды <a href="https://baq.kz/auyzashardy-qaryz-alyp-beruge-bola-ma-200008369/">BAQ.KZ</a> тілшісі.<blockquote>Ислам діні адамға ешуақытта қиыншылықты бұйырмайды. Сондықтан шамасы келген адам садақа, шамасы келген адам ауызашар береді. Пайғамбарымыз сахабаларға ауызашар туралы айтқан кезде олар Алла елшісіне біздің барлығымыздың ауызашар беруге шамамыз келе бермейді ғой дегенде, пайғамбарымыз бір түйір құрма немесе бір жұтым су берсеңіз де сондай үлкен сауап аласыз дейді, - деді Бас мүфти.</blockquote>Наурызбай Тағанұлы ауызашар беруге ниетті адамға су мен құрма да жеткілікті екенін айтады.<blockquote>Қарызға батып ауызашар бергеннен гөрі ауызашар беруге ниет қылған адам ауыз ашатын адамға кішкентай құрма, су болсын берсе, соның өзі жеткілікті, - деді ол.</blockquote>Сондай-ақ Бас мүфти ысырапшылдыққа жол бермеуге шақырды.<blockquote>Ауызашар болсын, басқа дастархандар болсын шариғатымыз ысырапқа жол бермейді. Қандай дастархан болса да, адамның қажеттілігіне сай жасалғаны дұрыс. Ауызашарға ораза ұстаған адамға қандай ас пайдалы болса, соны бергеніміз абзал болады біз үшін. Оны асыра сілтеп, салтанатты қылып, ысырап қылса, сауап алам деп жүріп, күнә алып қою мүмкін, - деді Бас мүфти.</blockquote>Фото: Нұрболат Нұржаубай

Ауызашарды қарыз алып беруге бола ма?

<a href="https://kyzylorda-news.kz/">Kyzylorda-news.kz</a> Байланыс операторларының қызметкерлері алаяқтарға қазақстандықтарды алдауға көмектесті. Бұл туралы Бас прокуратура мәлімдеді, деп хабарлайды <a href="https://baq.kz/baylanys-operatorlary-alayaqtarga-halyqty-aldauga-komektesken-bas-prokuratura-200008333/">BAQ.KZ тілшісі.</a>Тәртіп сақшылары төрт қылмыстық істі тергеп жатыр.&nbsp;<blockquote>"Beeline", "Tele2" ұялы байланыс операторларының қызметкерлеріне және олардың дистрибьюторларына қатысты Қылмыстық кодекстің 211 және 254-баптары бойынша төрт іс қозғалды: Батыс Қазақстан облысында – 2, Қарағанды ​​мен Алматыда – бір-бірден олар алаяқтарға азаматтарды алдау үшін пайдаланылған мыңдаған сим-карталарды тіркеуге көмектескен, - делінген Бас прокуратура хабарламасында.</blockquote>Жалпы, 2024 жылы жалған банк қызметкерлерінен, құқық қорғау және басқа да органдардан, байланыс операторларынан және жақын туыстарынан 8 мыңнан астам қоңырау тіркелген.Қылмыстық кодекстің 211-бабына сәйкес, жеке мәліметтерді немесе өзге де шектелген мәліметтерді заңсыз таратқаны үшін айыппұл, түзеу жұмыстары, қоғамдық жұмыстарға тарту (180 сағатқа дейін), қамауға алу (50 тәулікке дейін), сондай-ақ 3 жылға дейінгі мерзімге белгілі бір лауазымдарды атқару құқығынан айыру қарастырылған.Қылмыстық кодекстің 254-бабына сәйкес, компания қызметкерлерінің ауыр зардаптарға әкеп соққан міндеттерін тиісінше орындамағаны үшін жаза бес жылға дейінгі мерзімге бас бостандығын шектеу немесе сол мерзімге бас бостандығынан айыру, сондай-ақ 3 жылға дейінгі мерзімге лауазымдарды атқару құқығынан айыру түрінде жазаланады.Фото: pixabay.com

Байланыс операторлары алаяқтарға халықты алдауға көмектескен – Бас прокуратура

<a href="https://kyzylorda-news.kz/">Kyzylorda-news.kz</a> 2025 жылы наурызда еліміздің тұрғындары жалпы 14 күн демалады, деп хабарлайды <a href="https://baq.kz/nauryzda-qazaqstandyqtar-qansha-kun-demalady-200008354/">BAQ.KZ.</a>Наурыздағы мерекелерге тоқталатын болсақ, көктемнің алғашқы айында Қазақстанда екі мемлекеттік мереке атап өтіледі, олар 8 наурыз – Халықаралық әйелдер күні және Наурыз мейрамы.8 наурыздағы демалыс күндеріХалықаралық әйелдер күніне байланысты аптасына бес күн жұмыс істейтін қазақстандықтар 8, 9 және 10 наурыз күндері демалады.Алты күн жұмыс істейтіндер 8 және 9 наурыз күндері демалып, 10 наурызда жұмысқа шығады.Наурыз мейрамыНаурыз мейрамы биыл демалыс күндеріне түсіп тұр. Сондықтан қазақстандықтар 21, 22, 23, 24 және 25 наурыз күндері қатарынан бес күн демалады.Алты күн жұмыс істейтіндер үшін 25 наурыз - жұмыс күні, ал 21, 22, 23 және 24 наурыз демалыс күндері болады.Фото: Нұрболат Нұржаубай

Наурызда қазақстандықтар қанша күн демалады?

<a href="https://kyzylorda-news.kz/">Kyzylorda-news.kz</a> Өткен жылы Мемлекетаралық су шаруашылығын үйлестіру комиссиясында Шардара су қоймасына вегетациялық кезеңіне 3,7 млрд. м3 судың түсетіні келісілсе, нақты 4,8 млрд. м3 су түсіп, 130 пайызға орындалған.&nbsp;«Қызылорда облысы, Жаңақорған ауданының Келінтөбе магистралды каналына су беретін канал» жобасын жүзеге асыруға 2024 жылға республикалық бюджеттен тиісті қаржы бөлініп, игерілді. Жоба аясында ұзындығы 6,1 шақырымды құрайтын айналма канал қазылған. Бұл туралы Қызылорда облысы әкімінің орынбасары Бахыт Жаханов мәлімдеді.<blockquote>– Жобаны толықтай пайдалану үшін каналдың сағасына гидротехникалық құрылыс салу қажеттілігі туындауына байланысты жоба-сметалық құжаты әзірленіп, мемлекеттік сараптамадан өткізу үшін облыстық бюджеттен өтінім ұсынылды. Жоба іске асқанда, Жаңақорған ауданының 30 мың га егістік жерлерін вегетациялық кезеңде суландыруға мүмкіндік береді. Өткен жылы су үнемдеу технологияларын пайдалану көлемі барлығы 4,4 мың гектарға жеткізілді. Бұл 2023 жылмен салыстырғанда 3,5 мың гектарға артық. Күріш шаруашылығында су үнемдеудің бірден бір жолы ол егістікті лазерлік тегістеу. Өткен жылы егілген күріш егістігінің 55 мың гектарына лазерлік тегістеу жүргізілсе, алдағы 5 жылда 72 мың гектарға жеткізу жоспарлануда. Кешенді жоспарға сәйкес, Су шаруашылығы комитетімен Қызылорда облысы аумағындағы 16 магистралді және шаруашылықаралық каналдарды цифрландыру жұмыстарының жоба-сметалық құжаттамаларын әзірленуде, – деді Бахыт Дүйсенұлы.</blockquote>Егін шаруашылығын дамыту және егістік алқаптарын әртараптандыру – Мемлекет басшысының Жолдауында ерекше мән берілген мәселелердің бірі. Суармалы егіншілікке негізделген Қызылорда облысы үшін бұл бағыттағы жұмыстар аса маңызды.<blockquote>– Аймақта жыл сайын егін алқаптары ұлғайып келеді.&nbsp;Өткен жылы 189,4 мың гектарға ауыл шаруашылығы дақылдары егілді. Ал, негізгі дақыл - күріштің көлемі 85,6 мың гектарды құрады. Өткен жылы Мемлекет басшысының қолдауымен және Үкіметпен дер кезінде жүргізілген келіссөздер нәтижесінде, егіс алқаптары сумен толық қамтамасыз етіліп, су тапшылығы орын алған жоқ. Мемлекет басшысының тапсырмасына сәйкес, су үнемдеу технологияларын пайдаланып егілген егіс көлемі 4,4 мың гектарға жеткізілді. Бұл 2023 жылмен салыстырғанда 3,5 мың гектарға немесе 5 есеге артты. Осы орайда суды үнемдеу және егісті әртараптандыру мақсатында өңірде 5 мың гектарға су үнемдеу әдісімен жүгері, малазықтық дақылдар егу бойынша 3 ірі инвестициялық жобалар іске асырылуда, –&nbsp;деді, Бахыт Дүйсенұлы.</blockquote>Облысы аумағындағы жергілікті маңызы бар автомобиль жолдардың жалпы ұзындығы - 3445 шақырым. Оның 1024,5 км республикалық, 555 км облыстық, 1965,5 км аудандық маңызы бар автомобиль жолдары. 2024 жылы 95 жобаға 300 км аса құрайтын автомобиль жолдары мен көшелер және көпір өткелдері жөндеуден өткізіліп, нәтижесінде сапалы жолдардың үлесі 92 пайызды құрады. Қаланың күре жолы саналатын әуежайға кірме жолы мен Көшербаев, Қожа Ахмет Яссауи, Жаппасбай батыр көшелеріне кеңейту жұмыстары жүргізілді. Ал биылғы жоспар Тәуелсіздікке 25 жыл көшесін кеңейту жұмыстарын аяқтап, және Әбілхайыр хан көшесінен Саламатов көшесіне дейін Сырдария бөгеті бойымен жол салу.<blockquote>– Қала тұрғындарының көкейінде жүрген мәселелердің бірі темір жол өткелдерін салу болатын.&nbsp;Аталған мәселені шешу мақсатында 2024 жылы Қызылорда қаласында жер асты және Арал мен Жаңақорған аудандарында аспалы темір жол өткелдерінің құрылысы басталды. Сонымен қатар, Республикалық маңызы бар «Қызылорда-Жезқазған» күре жолы біраз жылдардан бері күрмеуі шешілмей келген, халықтың арасында біраз талқыға салынған мәселелердің бірі болды. Осы орайда аймақ басшысының тікелей қадағалауымен республикалық маңызы бар жолдың құрылысы қанағаттанарлық. Бүгінгі таңда «Қызылорда» автобус паркі» ЖШС-і қалалық 32 маршрутты қамтып отыр. Қызылорда қаласында «Экотакси» қызметін құру жобасы бойынша 100 дана электромобиль алынып, Қызылорда қаласының тұрғындары мен қонақтарына қызмет көрсетуде. Биылғы жылдың және бір жаңалығы мемлекет басшысының тапсырмасы бойынша Премьер-министр Олжас Бектеновтың қатысуымен Қызылорда қаласындағы «Қорқыт Ата» әуежайының жаңа жолаушылар терминалының ашылу салтанаты өтті. Аталған жаңа жолаушылар терминалы, «Болат Өтемұратов қоры» жеке қорының демеушілігімен салынды. Темір жол көлігі саласы бойынша айта кетсем. 2024 жылы «Қызылорда-Семей» жолаушылар пойызының жаңа вагондарының тұсаукесер рәсімі өтті. Осы бағытта 44 вагон сатып алынды, – деді Бахыт Дүйсенұлы.</blockquote>Фото: Өңірлік коммуникациялар қызметі

Бақыт Жаханов: "Сапалы жолдардың үлесі артады"

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев Қытай Халық Республикасына жұмыс сапары кезінде Шэньси провинциясының басшысы Чжао Ганмен кездесті.Басқосуға жауапты сала басшылары, бизнес қауымдастық өкілдері қатысып, онда екі елдің ынтымақтастығы, сауда-экономикалық серіктестікті дамыту, инвестиция тарту мәселелері сөз болды.<blockquote>«Мемлекет басшысы Қасым-Жомарт Кемелұлының Қытайдың озық технологияларын өндіріске тарту тапсырмасы бойынша арнайы делегация жасақтап, іссапармен келдік. Шэньсиде Қазақстанның Бас консулдығының жұмыс жасауы бұл провинцияның біз үшін маңызды екенін білдіреді. Бүгінде Қазақстан – Қытайдың Орталық Азиядағы негізгі сауда-экономикалық серіктесі. Өзара тауар айналымы мен инвестициялар жыл сайын өсіп келеді. Қызылорда облысы Қытай инвесторларымен бірлесіп жұмыс істеуден мол тәжірибе жинақтаған өңір екенін атап өткім келеді. Мұнай-газ – өнеркәсіптің маңызды салаларының бірі және облыс экономикасының негізі. Аталған саланың үлесі өңірдің өнеркәсіптік өндірісінің 48,7% - дан астамын құрайды және 10 мыңға жуық адамды жұмыспен қамтиды. Мұндағы ауыл шаруашылығы өнімдерін терең өңдеу, баламалы энергия көздері, құрылыс индустриясы, тау-кен өнеркәсібі, машина жасау салаларындағы озық технологиялар біз үшін аса құнды. Барлық саладағы жетістіктерді, тәжірибені игеруге қызығушылық танытып, арнайы келдік. Бүгінгі мүмкіндікті пайдаланып, қытайлық компанияларды Қазақстанға инвестиция салуға шақырамын. Біздің тараптан барлық қажетті жағдай жасалады. Инженерлік инфрақұрылым жеткізіп береміз, жеңілдіктер бар, өндірілген өнімді өткізуге атсалысамыз», – деді Н.Нәлібаев.</blockquote>Өз кезегінде Чжао Ган мырза екі ел арасындағы байланысты нығайтып, инвестициялық жобаларды қолдауға дайын екенін жеткізді.Қытай – Қызылорда облысының ең ірі сауда серіктесі және өңірдің сыртқы сауда көлемінің шамамен 60%-ын құрайды, одан соң Ресей – 23,3% және Еуропа елдері – 8%. Қытайға негізінен мұнай өнімдері, майлы дақылдардың тұқымы, балық өнімдері және өңделмеген алюминий экспортталады. Импорттың негізгі позициялары – машиналар, жабдықтар, полимерлер және құрылыс материалдары.Аймақ басшысы бастаған облыс делегациясының жұмыс сапарын ҚР Сыртқы істер министрлігі мен Қазақстан Республикасының Қытай Халық Республикасындағы Елшілігі ұйымдастырған. Келіссөздер басқа қалаларда да жалғасады.<img class="image_resized" style="width:99.32%;" src="https://knadmin.beoblood.kz/uploads/Sh_ENSI_PROVIN_Cz_I_Ya_SYNY_GUBERNATORYMEN_KEZDESU_2_648539f94d.jpg" alt="ШЭНЬСИ ПРОВИНЦИЯСЫНЫҢ ГУБЕРНАТОРЫМЕН КЕЗДЕСУ 2.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам