<a href="https://kyzylorda-news.kz/">Kyzylorda-news.kz</a> Кеше «Азаматтарға арналған үкімет» Мемлекеттік корпорациясы» коммерциялық емес Акционерлік қоғамы алаңында «AMANAT» партиясы Қызылорда облыстық филиалы жанындағы Сыбайлас жемқорлыққа қарсы іс-қимыл жөніндегі аймақтық кеңестің көшпелі отырысы өтті. Кеңес мүшелері алдымен орталықта халыққа көрсетілетін мемлекеттік қызметтің қол жетімділігі мен тиімділігіне мониторинг жасап, жұмысымен танысты. Мұнан соң бас қосып, орталықтағы мемлекеттік қызметтер көрсету кезінде сыбайлас жемқорлық тәуекелдерін болдырмау бағытында атқарылған жұмыстарды талқылады. Кеңес құрамына өзгеріс енгізіп, Кеңес төрағасының орынбасарын сайлады.Азаматтарға арналған үкімет – мемлекеттiк қызмет көрсету саласында қызметтердi «бiр терезе» қағидаты бойынша жүзеге асыратын Қазақстан Республикасындағы бiрегей ұйым. Бұл жерде ең бастысы мемлекет қызметінің халыққа қол жетімділігі ғана емес, оның тиімді және ашық болуы маңызды. Осы орайда «Азаматтарға арналған үкімет» мемлекеттік корпорациясы» коммерциялық емес Акционерлік қоғамының Қызылорда облысы бойынша филиалы директоры Аида Әбибуллаева хабарлама жасап, халыққа жасалып жатқан жағдайлар мен сыбайластықтың алдын алуда атқарылған жұмыстарды баяндады.Корпорация барлық мемлекеттік қызметтерді ҚР Үкіметінің қаулыларымен бекітілген қағидаларға сәйкес көрсетеді. Қағидаларда қызмет көрсету тәртібі, орындалу мерзімі, алым сомасы, күту уақыты мен қабылдау уақыттары, қажетті құжаттар тізбесі және т.б. талаптар белгіленген. 9 бағыт бойынша 1300-ге жуық мемлекеттік қызмет түрлерін көрсетеді. Сыбайлас жемқорлықтық алдын алу мақсатында 11 бағыт бойынша жұмыс жасалуда. Соның бірі өткен жылдың қыркүйек айында іске қосылған «Жасыл дәліз» жобасы. Өткен жылы жоба аясында 451 қызмет көрсетілген.<blockquote>«Бұл жоба сыбайлас жемқорлық тәуекелдерін алдын-алу, сыбайлас жемқорлыққа қарсы мәдениетті қалыптастыру және тұрғындарға көрсетілетін қызметтер сервисін жетілдіруге ықпал етіп отыр»,- деді Аида Әбибуллаева.</blockquote><blockquote>«Өздеріңіз білесіздер әрбір қызметтің заңды бекітілген мерзімі бар. Мәселен, бір азамат жылжымайтын мүлікті тіркеу, техникалық паспорт сызу секілді т,б қызметтерді заңды белгіленген мерзімнен жылдам алу үшін орталық қызметкерлеріне ақша ұсынып, сыбайластық әрекеттеріне әкелуі мүмкін. Осындай фактілердің алдын алу үшін осы жоба арқылы біз оңай, әрі жылдам мүмкіндікті ұйымдастырып отырмыз. Яғни, жылжымайтын мүлікті тіркеу 3 жұмыс күні орындалуға тиіс болса, оны 2 сағатта жүргізуге, Техникалық паспорт сызу 3 және 7 жұмыс күнінде орындалу керек болса, 7-12 сағат аралығында, Жер учаскесіне сәйкестендіру құжатын дайындау және беру 4 жұмысы күні болса, оны 5 сағатта орындау секілді жұмыстарды жүзеге асырып отырмыз. Пилоттық жобамыз қазір өз нәтижесін беруде дейді ол.</blockquote>Кеңестің көшпелі отырысына арнайы қатысқан облыстық мәслихат төрағасы Мұрат Тлеумбетов, партияның облыстық филиалының төрағасы Алмасбек Есмахановтар халыққа көрсетілетін қызмет пен сыбайластықтың алдын алу бағытында атқарылған жұмыстар бойынша өз пікірлерін білдіріп, ұсыныстарын айтты.<blockquote>«Бұл орталық халықтың күнделікті және түрлі сұрақтары бойынша келетін орны. Халық мекеме жағалап жүрмей мемлекеттік қызметті ең бірінші кезекте осы жерден алады. Орталық органдармен тікелей байланыс орнатып, сұраныстарын да шұғыл алуға мүмкіндігі бар. Жаңа мекеменің халыққа көрсететін қызметінің бірқатарымен таныстық. Баяндама барысында да көп ақпарат алынды. Қазір технологияның озық үлгілері қолданыста. Сондықтан бұл салада жемқорлық немесе сыбайластық фактілері болмауы қажет және орын алмайды деген ойдамыз»,- деді өз сөзінде Алмасбек Есмаханов.</blockquote>Жиын барысында сонымен қатар Кеңес құрамынан басқа қалаға қызмет ауыстыруына байланысты Қазақстан Республикасындағы Адам құқықтары жөнінде уәкілдің Қызылорда облысы бойынша өкілі қызметін атқарған Шәріпбаев Дәурен Сақтапбергенұлы шығарылып, орнына осы қызметке келген Байхожаев Берікбол Ұзақұлы сайланды.Атап өтейік, кеңестің көшпелі отырысына облыстық мәслихаттағы «AMANAT» партиясы депутаттық фракциясының мүшелері, жергілікті атқарушы органдар мен құқық қорғау органдары басшылары мен өкілдері де қатысты.&nbsp;

Мемлекеттік қызметтер көрсету кезінде сыбайлас жемқорлық тәуекелдерін болдырмау мәселесі талқыланды

<a href="https://kyzylorda-news.kz/">Kyzylorda-news.kz</a> Облыс әкімінің міндетін атқарушы Данияр Еренғалиұлы өткізген мәжілісінен кейін, Шиелі ауданының әкімі Айтбай Жандарбеков салық мәселелері мен аудан тазалығы туралы арнайы мәжіліс өткізді.Салық мәселесі бойынша аудан басшысы тұрғындарға салық төлеу мәдениетін арттыру қажеттілігіне назар аударды. Әсіресе, заңды тұлғалар мен жеке кәсіпкерлердің салық міндеттемелерін уақытында орындауы маңызды екенін атап өтті. Бұл өз кезегінде аудан бюджетінің қалыптасуына және қоғамдық қызметтердің сапасын арттыруға үлес қосады.Сонымен қатар, аудан тазалығы мәселесі де басты назарда болды. Аудан әкімі мекеме басшылары мен жауапты тұлғаларға қысқы кезеңде қардан тазарту, көше бойындағы қоқыстарды жинау және қоғамдық орындарды таза ұстау бойынша нақты тапсырмалар берді. Тазалық тек мемлекеттік органдардың ғана емес, әрбір тұрғынның да ортақ міндеті екені айтылды.Фото: Шиелі ауданы әкімдігінің баспасөз қызметі

Салық төлеу мәселесі басты назарда

<a href="https://kyzylorda-news.kz/">Kyzylorda-news.kz</a>&nbsp; Арал ауданының әкімі Аманжол Оңғарбаев Аралқұм ауылдық округінде болып, ауыл халқымен жүздесті. Аудан басшысы сапарын жаңадан салынған «Айым-Анам» жеке бөбекжай-бақшасынан бастады. 40 орындық балабақшаны аралап, оның материалдық-техникалық базасымен танысты. Нысан бүлдіршіндерді қабылдауға толық дайын.Мұнан соң, № 61 орта мектебінде тұрғындармен кездесіп, аудандағы оң өзгерістер мен ауқымды жобалардан құлағдар етіп, алдағы жоспарлармен бөлісті.&nbsp;<blockquote>«2024 жылы барлық салада өсім болды. Аудан көлемінде бірқатар ірі жобалар жүзеге асып, тыныдырымды істер атқарылды. Биылғы жылдың басты жаңалығы – Қамыстыбас елді мекенінде автоматты газ тарату стансасының құрылысы басталды. Бұл нысан іске қосылған соң, 18 елді мекендегі 15 мыңға жуық тұрғын көгілдір отынға қол жеткізбек. Жол жөндеу жұмыстары да өз кезегімен жүзеге асуда. «Шөміш-Аралқұм» автожолының құрылысы аяқталуға жақын. Жолдың игілігін көрер күн алыс емес. Дәл осындай бірнеше ауыл арасын байланыстыратын жол жөндеу жобалары да кезең-кезеңімен жүзеге асуда. Әлеуметтік салада да елеулі жетістіктерге қол жеткіздік. Арал қаласы, Тоқабай және Ақшатау ауылдарында жаңа мектептер пайдалануға берілді. Мергенсай ауылдық округінде 2,3 млрд теңгеге жаңа мектеп салу үшін қаржы бөлінді. Сондай-ақ, Сапақ елді мекенінде де жаңа білім ордасын салу жоспарда бар. Мұнымен қоса, биыл орталық аурухана жанынан нейро-инсульт, кардиология бөлімшелеріне арналған жапсаржай салынбақ. Жұқпалы аурулар бөлімшесінің жаңа ғимаратының құрылысы да бастау алды. Медицина саласының тағы бір үлкен жаңалығы – аудан орталығында тәулігіне 250 келушіні қабылдайтын жаңа емхананың құрылысы басталады деп күтілуде. Бұдан бөлек, Мемлекет басшысының 2026 жылға дейін халықты таза ауыз сумен қамтамасыз ету тапсырмасынана сәйкес, Ақбасты, Тоқабай, Абай елді мекендеріне ауыз су құбырын тарту жұмыстары жалғасса, Ерімбетжаға, Тастүбек ауылдарында биыл жүзеге асады. Ал, Атанши ауылдық округіне «Fredoom» банкі тарапынан құм көшкінін тоқтату, елді мекенді көгалдандыру, электр энергиясын өндіру, ауыз су тарту жұмыстарын жүргізуге қолдау көрсетілетін болады»-деді, Аманжол Сақыпұлы.&nbsp;</blockquote>Аралқұм тұрғындары аудан әкіміне түнгі жарықтандыру, электр желілерін жаңарту және құм көшкінінің алдын алу мәселелерін көтерді. Аудан басшысы өз кезегінде бұл жұмыстардың жоспарға енгізілгенін, электр желілерін жаңартуға өтінім берілгенін және түнгі жарықтандыру биыл жүзеге асатынын айтты. Құм көшкінін тоқтатуға арналға ірі жобалар бар екенін, алдағы уақытта халықаралық қорлар арқылы шешім қарастырылатынын жеткізді. Кездесу соңында ардагерлер мен ауыл азаматтары марапатталып, ақсақалдар бата берді.Мұнан соң, аудан басшысы ауыл тұрғындарын жеке мәселелері бойынша қабылдап, жауапты сала басшыларына азаматтардың өтінішін аяқсыз қалдырмай, заң аясында шешуде мүмкіндіктерді қарастыруды міндеттеді.Фото: Арал ауданының әкімдігі<img src="https://knadmin.beoblood.kz/uploads/Aral_audany_kimi_93a5f0251d.jpg" alt="Арал ауданы әкімі.jpg">

Арал: Аудан әкімі аралқұмдық тұрғындармен кездесті

<a href="https://kyzylorda-news.kz/">Kyzylorda-news.kz</a> Ашықтық пен әділдік – қазіргі күннің басты талабы. Осы бағытта мемлекеттік органдар жұмысының жүйелі, нәтижелі болуы үшін қоғамдық кеңестердің маңызын арттыруға баса мән беріліп жатыр. Өз кезегінде облыстық қоғамдық кеңесте нәтижелі жұмыстардың жүзеге асуына ықпал жасап келеді. Яғни, қоғамдық кеңесті тегеурінді тетік деп қарастырсақ болады. Тұтас қоғамның белсенділерінен құралған институттың мүмкіндігі мол. Көп істің басында жүргенін жыл бойы жасалған жұмыстарынан-ақ байқауға болады. Бұл туралы&nbsp;өңірлік коммуникациялар қызметінде&nbsp;облыстық қоғамдық кеңестің төрағасы Әріп Хожбанов баяндады.<blockquote>– Қоғамдық кеңес не істеп жатыр, немен айналысып жатыр деген сұрақтар бар.&nbsp;Бірақ біз өзіміз істеген жұмысты жарнамалау үшін емес, нәтижеге жету жолында жұмыс жасап жүрміз. Республикалық деңгейде шешілген ұсынысымызды айтайын. Бұл Бейнеу - Бозой арқылы келіп, Батыс Қытай - Батыс Еуропа жолына қосылатын жолды салу мәселесі көтерілді. Қоғамдық кеңестің белсенді мүшелері осы жұмыстарға зерделеу жұмыстарын жүргізді. Халқымыз ежелден жыршылық өнерді, жалпы жырауларды ерекше құрметтеген. Десе де, біздің облыста жыраулар үйі болмады. Қоғамдық кеңестің белсенділері “жыраулардың өз үйі болуы керек” деп осы мақсатта ұсыныс айтты. Нәтижесін көрдік, куә болдық. Сол секілді бірталай мәселелердің шешілуіне ықпал жасадық. Бұл қоғамдық кеңестің үш жыл мерзімі біздер үшін білу, тану, үйрену уақыты болды десек артық айтпағанымыз. Бір-бірімізден үйренгеніміз көп. Қоғамдық кеңесте бір ғана білімді, білікті сала мамандары ғана емес, өмір мектебінен өткен тәжірибелі мамандар қызмет жасады. Сондықтан қоғамдық кеңес мүшелеріне өз алғысымды білдіргім келеді, – деді Әріп Битілеуұлы.</blockquote>Қызылорда облысының қоғамдық кеңесі – азаматтық қоғам мен мемлекеттік органдар арасындағы диалогты дамытуға бағытталған консультативтік-кеңесші орган. Қоғамдық кеңес өңірдің әлеуметтік-экономикалық дамуына қатысты маңызды мәселелерді талқылап, жергілікті билікке ұсыныстар береді.&nbsp;Осы тұрғыда&nbsp;облыстық қоғамдық кеңестің мүшесі Болат Нұрхожаев өз пікірімен бөлісті.<blockquote>– Қоғамдық кеңес – бұл билік пен халық арасындағы маңызды байланыс құралы.&nbsp;Оның негізгі мақсаты – қоғамның мүддесін қорғап, тұрғындардың өмір сүру сапасын арттыруға ықпал жасау. Облысымызда түрлі бағыттар бойынша маңызды жобалар жүзеге асырылуда, бірақ кейбір мәселелер әлі де шешімін күтуде. Халықтың пікірін ескере отырып, әділдік пен ашықтық қағидаттарына сүйене отырып жұмыс істеу – біздің басты міндетіміз. Қоғамдық кеңес мүшесінің басты міндеті – тұрғындардың өтініштерін қарау және олардың мәселелерін шешуге атсалысу. Кеңес мүшелері азаматтармен тығыз байланыста жұмыс істеп, өңірдегі маңызды мәселелерге бей-жай қарамайды. Мысалы, Кіші Арал мәселесі бойынша қоғамдық тыңдау өткізілді. Сондай-ақ, Арал ауданында кездесулер өткізіліп, бұл мәселенің шешімін табуға бағытталған қадамдар жасалды. Қоғамдық кеңестің жұмысы өз нәтижелерін көрсету үшін тиімді құралдарға ие. Оларға мониторинг жүргізу, сарапшылардың пікірін алу және қоғамдық тыңдаулар өткізу кіреді. Мұндай тәсілдер арқылы біз тұрғындардың мүддесін қорғап, олардың пікірлерін ескере отырып, қоғам игілігі үшін шешімдер қабылдаймыз, –&nbsp;деді Болат Жолтайұлы.</blockquote>Қоғамдық кеңес – билік пен қоғам арасындағы байланыстың дәнекері. Әр саланың үздіктері қордаланған мәселенің шешілу жолына үңіліп, ұсыныстарын ортаға салады. Мәселен, бір ғана ауыл шаруашылығында атқарылатын жұмыстар жетерлік. Облыстық қоғамдық кеңес мүшесі Ерұлан Өмірсеріков осы салаға ауыл азаматтары да мықтап ден қоюы керегін айтты.<blockquote>– Қаланың мәселесі ауылға байланысты. Ауылға байланысты облыс басшысының берекелі жұмыстарының ішінде, біздің де ұсыныстар ескерілгенін көріп отырмыз. Ауыл мәселесі бір күнде біте қалатын жұмыс емес. Негізінен мемлекет жұмысты алып барған. Әрі қарай жұмыс ауыл азаматтарында, сол ауылдың халқында, сол ауылдың инвесторына байланысты. Сонда ғана ауылдың тұрмыс-тіршілігі жақсарады. Ауыл мәселесі дегенде, оның арғы жағында халқымыздың рухани құндылығы жатыр. Қоғамдық кеңестің ең басты мақсаты - қоғамның сұранысын, талабын дәйекті түрде жергілікті атқарушы органдарға жеткізу.Ауылда атқарылатын мәселе әлі де көп. Соның шешілу жолына әрі қарай да қызмет жасай береміз деп ойлаймын, – деді Ерұлан Қарсыбекұлы.</blockquote>Қоғамдық кеңес – бұл билік пен қоғам арасындағы маңызды көпір болып табылады, оның басты мақсаты – халықтың мүддесін қорғап, қоғамның әлеуметтік және экономикалық жағдайын жақсартуға үлес қосу.&nbsp;Кеңес мүшелері қоғамдық мәселелерді талқылап, сарапшылардың пікірлеріне сүйеніп, нақты шешімдер ұсынады. Оның жұмысы азаматтардың белсенді қатысуымен тиімді жүзеге асырылады.<blockquote>- Бүгінгі кездесуіміздің басты мақсаты – облыстағы қоғамдық мәселелерге көз жіберіп, қоғамдық кеңестің атқарып жатқан жұмысымен таныстыру.&nbsp;Қоғамдық кеңес – бұл билік пен халық арасындағы байланысты нығайтып, қоғамның мүддесін қорғау үшін қызмет атқаратын маңызды алаң. Біз осы қоғамдық кеңес аясында әділдік, ашықтық және халықтың мүддесін ескере отырып, шешімдер қабылдауға ұмтыламыз. Әрқайсымыз үшін қоғамдық кеңестің жұмысы – тек қана міндет емес, сондай-ақ азаматтық борыш. Біз әрбір мәселені егжей-тегжейлі талқылап, тиімді шешімдер іздеп, халықтың өмір сүру сапасын жақсартуға бағытталған шараларды қабылдаймыз. Біздің жұмыстың басты мақсаты – халық пен билік арасында сенімді байланыс орнату, сол арқылы қоғамның тұрақты дамуын қамтамасыз ету, –&nbsp;деді Сәрсенкүл&nbsp;Биқожаева.</blockquote>Қызылорда облыстық қоғамдық кеңесінің әлеуметтік мәселелер жөніндегі комиссия медициналық қызмет көрсету сапасы, дәрігерлердің жетіспеушілігі, техникалық қамтылуы бойынша терең зерделеп, жұмысын жақсарту бағытында министрліктер мен облыстық денсаулық сақтау басқармасына нақты ұсынымдар беріп отырады. Осы ұсынымдар негізінде тұрғындардың бірнеше мәселесі шешімін тауып, облыстық денсаулық сақтау басқармасы нақты шаралар қабылдады.<blockquote>– Әлеуметтік комиссия жұмыс барысында денсаулық саласына үлкен бақылау жасап, министрлікке дейін өз ұсынысымызды жеткіздік.&nbsp;Мәселелер бойынша халық арасында сауалнамалар жүргізіп, мониторинг жұмыстары тұрақты атқарылып отырды. Жұмыс барысында медициналық мекемелерге сапа жүйесін орнатуды ұсындық. Себебі, әр тұрғын медицина қызметкерлерінің жұмысына, дәрі-дәрмек сапасына баға беріп отыруды жолға қойса сапа артар еді. Халық сынынан ешқашан қашпау керек, себебі орнымен айтылған сын жұмысты жетілдіруге септігін тигізеді. Сондай-ақ қоғамдық кеңестің алаңында денсаулық саласымен қатар жұмыссыздық мәселесін көтердік. Мемлекеттен берілетін гранттар мен несиелер, жалпы әлеуметтік көмектердің жүзеге асырылуын кеңінен зерттеп, өз ұсынысымызды басшыларға жеткізіп отырдық. Бүгінде өңіріміздегі қоғамдық кеңестің жұмысы өте нәтижелі, тиімді болды. Азаматтардың жанайқайын осы алаңда талқылап, мемлекеттік органдарға тұрақты жеткіздік. Міне біздің бірігіп осы алға қойған міндеттерді атқарып келе жатқанымызға да үш жыл болып қалды. Үш жыл мерзім ішінде осы жұмыстарды бірге атқарып, ұйымшылдық пен белсенділік танытып келген қоғамдық кеңес мүшелеріне алғыс білдіреміз,&nbsp;– деді Аида Ибрагимқызы.</blockquote>Фото: Өңірлік коммуникациялар қызметі

Қоғамдық кеңес – қоғамдық пікірдің қозғаушы күші

<a href="https://kyzylorda-news.kz/">Kyzylorda-news.kz</a> Семей қаласындағы №9 мектепте оқушылардың өз қатарластарын&nbsp;аяусыз ұрып-соғу оқиғасынан кейін мектеп директоры қызметінен босатылды. Бұл туралы <a href="https://stan.kz/">Stan.kz</a> ақпарат агенттігі хабарлайды.Абай облыстық&nbsp;білім басқармасының мәліметінше, жағдайға байланысты білім беру мекемелерінің басшылық құрамына тәрбие жұмысының нашар ұйымдастырылғаны үшін тәртіптік шаралар қолданылған.<blockquote>"Тәрбие ісі жөніндегі мектеп директорларының орынбасарлары, сынып жетекшілері мен мектеп психологтары тәртіптік жауапкершілікке тартылды. №15 мектептің және Ш. Уәлиханов атындағы "Жас Ұлан" мамандандырылған ер балалар лицей-интернатының директорларына сөгіс жарияланды”, –&nbsp;делінген хабарламада.</blockquote>Ал №9 мектептің директоры қызметінен босатылып, ал оның тәрбие ісі жөніндегі орынбасарына қатаң сөгіс жарияланған.Дәрігерлер&nbsp;соққыға жығылған баланың қазіргі жағдайы туралы айтып берді<blockquote>"2013 жылы туған науқасқа&nbsp;жабық бас-ми жарақаты диагнозы қойылды. Шүйде аймағында гематома бар. Аяқ-қолдарында көптеген тері асты гематомалары анықталды. Баланың жағдайы қанағаттанарлық. Өміріне қауіп төніп тұрған жоқ. Қазіргі уақытта педиатр, травматолог және невропатологтың динамикалық бақылауында", – делінген&nbsp;Абай облыстық денсаулық сақтау басқармасының хабарламасында.</blockquote>Видеодан скрин

Семейдегі оқушының аяусыз соққыға жығылуы: Мектеп директоры қызметінен босатылды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев бастаған делегацияның Қытайға жұмыс сапары аясында Cычуань провинциясының Чэнду қаласында «Cычуань – Қызылорда» сауда-экономикалық форумы өтті. Оған екі елдің жауапты сала басшылары мен кәсіпкерлері қатысты.Облыс әкімінің орынбасары Ардақ Зебешев форум қатысушыларын өңірдің инвестициялық мүмкіндіктерімен таныстырды.Сонымен қатар, «Алтын Орда» ЖШС директоры Нариман Абжанов «Тұз өндіру», «Шалқия Цинк Лтд» басшысы Асқар Тлеулин «Шалқия кен орнын игеру», «Абзал және К» ТС қаржы жөніндегі директоры Сағидулла Сыздықов «Күрішті терең өңдеу» жобалары бойынша баяндама жасады.Облыс Қытайға негізінен мұнай, балық өнімдерін, майлы дақылдардың тұқымын, өңделмеген алюминий экспорттайды. Импорттың негізгі позициялары – машиналар, жабдықтар, полимерлер және құрылыс материалдары.Форумда облыстың инвестициялық әлеуетіне сай ауыл шаруашылығы өнімдерін терең өңдеу, жем-шөп өндіру, құс фабрикаларын, ет және балық, жүн мен тері өңдеу кәсіпорындарын құру, өнеркәсіптік жылыжайларды, құрылыс материалдарын шығару және т.б. салалардағы жобаларды іске асыру бойынша бірлесіп жұмыс атқару жайлы сөз болды.Сондай-ақ, облыс әкімінің орынбасары Ардақ Зебешев пен жауапты сала басшылары, сырбойылық кәсіпкерлер «Zangge Mining Co.» компаниясы басшыларымен калий мен литий барлау және өндіру, «Chuanhan Metallurgical Furnace Charge Co., Ltd» компаниясы басшыларымен қорғасын, никель, молибден өндіру, «Power China Sinohydro Bureau 10 Co., Ltd» компаниясы басшыларымен пайдалы қазбаларды барлау және өндіру бойынша кездесіп, келіссөздер жүргізді.<img src="https://knadmin.beoblood.kz/uploads/Cychuan_yzylorda_sauda_ekonomikaly_forumy_tti_2_76a6c08989.jpg" alt="«Cычуань – Қызылорда» сауда-экономикалық форумы өтті 2.jpg"><img src="https://knadmin.beoblood.kz/uploads/Cychuan_yzylorda_sauda_ekonomikaly_forumy_tti_17c11d4ecb.jpg" alt="«Cычуань – Қызылорда» сауда-экономикалық форумы өтті.jpg">Фото: Қызылорда облысы әкімінің баспасөз қызметі

«Cычуань – Қызылорда» сауда-экономикалық форумы өтті

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев бастаған делегацияның Қытай Халық Республикасына жұмыс сапары Чэнду қаласында жалғасты.Алдымен аймақ басшысы «China Minmetals Corporation» және «Hunan Nonferrous Metals Corp., Ltd» компанияларының жетекшілерімен кездесіп, «Шалқия» жобасы бойынша келіссөздер жүргізді.<blockquote>​«Қызылорда облысы – әріптестік пен инвестициялар үшін зор әлеуеті бар, қарқынды дамып келе жатқан өңір. Минералды шикізат ресурстарымен, атап айтқанда мұнай, газ, полиметалл және уран кеніштерімен ерекшеленеді. Облыс аумағында қара және түсті металдардың, пайдалы қазбалардың және сирек кездесетін элементтердің қоры бар.Делегация құрамындағы «Шалқия Цинк» серіктестігінің басшысы Асқар Тлеулин кен орнында мырыш пен қорғасын өндіру жобасын кеңінен таныстырады.Біздің өңір пайдалы қазбаларды барлау, өндіру және қайта өңдеу саласындағы жобаларды іске асыру үшін айтарлықтай әлеуетті», – деді Н.Нәлібаев.</blockquote>Сондай-ақ, облыс әкімі мұнай-газ саласындағы «Shaanxi Yanchang Petroleum Group» және ауыл шаруашылығы саласындағы «Tongwei Group» компаниялары басшыларымен кездесіп, инвестиция мәселесін талқылады.<blockquote>«Қызылорда облысы – агро-индустриалды аймақ. Облыс аумағында мұнай өндірумен және барлаумен 49 кеніште 25 компания айналысады. Егін, мал шаруашылығының жылдар бойы қалыптасқан жүйесі бар. Кейінгі жылдары егіс алқаптарын әртараптандыруда, мал басын көбейтуде ауқымды жұмыс атқарылды. Компанияларыңыздың оң тәжірибесін үйренуге, бірлесіп жұмыс жасауға дайынбыз. Облыс әкімдігі қолданыстағы заңнанма аясында өз тарапынан қолдау көрсетеді. Қызылорда облысының әлеуетімен жақынырақ танысу үшін сіздерді арнайы іссапармен келуге шақырамыз», – деді Н.Нәлібаев.</blockquote>Фото: Қызылорда облысы әкімінің баспасөз қызметі

 Облыс әкімі бастаған делегация Чэнду қаласында кәсіпорын басшыларымен кездесті

<a href="https://kyzylorda-news.kz/">Kyzylorda-news.kz</a> Бүгін шаһар басшысы Нұржан Ахатовтың қатысуымен қалалық мәслихаттың ХХХІV сессиясы өтіп, күн тәртібінде 5 мәселе қаралды.Қала әкімі облыс орталығының әлеуметтік-экономикалық дамуындағы жетістіктеріне тоқталып, биылғы бюджетті нақтылауға ұсыныс енгізді.<blockquote>«Қаңтар айында ауыл шаруашылығы, құрылыс, инвестиция, сауда макроэкономикалық көрсеткіштерінде өсім қалыптасты. 2025 жылға арналған қалалық бюджет 73,1 млрд. теңгеге бекітілді. Биылғы жылға жоспарлаған ауқымды жобаларымыз бар. Бүгін қала бюджеті алғашқы нақтылауға ұсынылуда. Қолдауларыңызды сұраймыз»,-деді Нұржан Сәбитұлы.</blockquote>Аймақ басшысының қолдауымен Сырдың бас шаһарын дамытуда, оның ішінде тұрғындардың өмір сүруіне қолайлы орта қалыптастыруда көркейту-көгалдандыру, абаттандыру, мәдени орталықтар мен демалыс орындарын салу және қайта жаңғырту қарқынды жүргізілуде.&nbsp;Байыпты бастамалар, жарқын жобалар биыл да жалғасады.<img src="https://knadmin.beoblood.kz/uploads/alaly_m_slihatty_kezekten_tys_HHHIV_sessiyasy_tti_1_af33de25e4.jpg" alt="Қалалық мәслихаттың кезектен тыс ХХХІV сессиясы өтті 1.jpg"><img src="https://knadmin.beoblood.kz/uploads/alaly_m_slihatty_kezekten_tys_HHHIV_sessiyasy_tti_2_4f69385df9.jpg" alt="Қалалық мәслихаттың кезектен тыс ХХХІV сессиясы өтті 2.jpg">

Қалалық мәслихаттың кезектен тыс ХХХІV сессиясы өтті

<a href="https://kyzylorda-news.kz/">Kyzylorda-news.kz</a> Бүгін «AMANAT» партиясының облыстық филиалы және Қызылорда облысының жеке сот орындаушылар өңірлік палатасының бірлесіп ұйымдстыруымен «Құқықтық көмек»партиялық жобасы аясында тақырыптық қабылдау өтті.Шараға жеке сот орындаушылар Өңірлік палатасынан құрылған алимент кеңсесі өкілдері қатысып, алимент санатындағы атқарушылық іс жүргізу құжаттары бойынша түсіндірме жұмыстарын жүргізді.«Құқықтық көмек» партиялық жобасының мақсаты азаматтардың құқықтық деңгейін арттыру, тегін заңгерлік кеңестер беру, заң талаптарына сәйкес мүгедектер санатына жататындарға заңгерлік сүймелдеумен көмектесу.Қабылдау барысында партияның облыстық филиалының төрағасы Алмасбек Есмаханов келушілерге жоба аясында атқарылып жатқан жұмыстарды жеткізді.<blockquote>«Құқықтық көмек» жобасы аясында партия алаңдарында заңгер, адвокат, медиатор және құзырлы мекеме өкілдерінің тақырыптық қабылдаулары өткізіліп, тұрғындарға тегін заңгерлік кеңес беріліп келеді. Мәселен өткен жылы «Құқықтық көмек» жобасымен өткен 123 қабылдауда 363 мәселе қаралды. 51 тұрғынға кеңес беріліп, 37 тұрғынға құқықтық сүйемелдеу шаралары жүргізілді. Онда түрлі бағыттарда заңнамаларға енгізілген өзгерістер мен толықтырулар, олардағы талаптармен айқындалған жеңілдіктер жайлы тиісті сала мамандарымен көпшілікке кеңінен түсіндірілді. Бүгін жеке сот орындаушылар өңірлік палатасымен бірлесіп, алимент өндіру іс қағаздары бойынша түсіндірме жүргізілгелі отыр»,- деді Алмасбек Есмаханов.</blockquote>Облыс аумағында 72 ЖСО қызмет атқарады оның ішінде Өңірлік палатамен алимент санаты бойынша жұмыстарды жандандыру барысында, алимент кеңсесі ашылып, бұл бағытта қала аумағында жеті жеке сот орындаушы жұмыс жасауда.<blockquote>Жеке сот орындаушылар өңірлік палатасы төрағасының орынбасары Расул Серікұлының айтуынша өткен жылы әкімшілік жауапкершілікке тартылған 87 борышкерге қатысты ұсыныс қылмыстық қудалау органына жолданған. Нәтижесінде «Сотқа дейінгі тергеп-тексерудің бірыңғай тізілімі» жүйесіне 27 материал тіркеліп, 18 қылмыстық іс сотқа жолданған. Бірінші саты сотының айыптау үкімімен 18 сотталушыға 1 жыл мерзімге бас бостандығынан шектеу жазасы қолданылған. Сонымен қатар өткен жылы борышкерлеге арналған 6 бос орындар жәрмеңкесі өтіп, 107 борышкер жұмысқа орналастырылған және жеке сот орындаушылармен 251,8 млн. теңге алимент берешегі өндірілген. Одан бөлек, алимент берешегі есебінен 1 үй, 4 жер борышкерден өндіріп алушының атына аударылып берілген. Биыл қаңтар айында алимент берешегі 16 840 688 теңге өндірілді»,- дейді Расул Серікұлы.</blockquote>Партияның «Құқықтық көмек» жобасы аясында ұйымдастырған тақырыптық қабылдауға 40-тан астам азамат қатысып, заңнамалық кеңестер алды.&nbsp;<img src="https://knadmin.beoblood.kz/uploads/y_ty_k_mek_partiyaly_zhobasy_ayasynda_ta_yrypty_abyldau_tti_1_d97c8c2998.jpg" alt="«Құқықтық көмек» партиялық жобасы аясында тақырыптық қабылдау өтті 1.jpg"><img src="https://knadmin.beoblood.kz/uploads/y_ty_k_mek_partiyaly_zhobasy_ayasynda_ta_yrypty_abyldau_tti_2_b742b24308.jpg" alt="«Құқықтық көмек» партиялық жобасы аясында тақырыптық қабылдау өтті 2.jpg">

«Құқықтық көмек» партиялық жобасы аясында тақырыптық қабылдау өтті

<a href="https://kyzylorda-news.kz/">Kyzylorda-news.kz</a> Бүгін облыс әкімінің міндетін атқарушы Данияр Еренғалиұлының мәжілісінен кейін шаһар басшысы Нұржан Ахатов өткізген арнайы жиында ауа-райының күрт өзгеріп, көп мөлшерде қар жаууына байланысты жол-көлік оқиғаларының алдын алу, жаяу жүргіншілердің қауіпсіздігін қамтамасыз ету мәселесі қаралды.<blockquote>– Қардан тазарту жұмыстарына толық жұмылып, инертті материалдардың себілуін қатаң қадағалау қажет. Әсіресе, мектеп оқушыларының қауіпсіздігін қамтамасыз ету мақсатында барлық білім беру ұйымының жанында полиция инспекторлары күшейтілген режимде жұмыс жасауы керек.</blockquote>Сондай-ақ, қасиетті Рамазан айының басталуына орай қала тұрғындары мал сою бекеттерінде құрбандық шалып, мешіттерде құлшылық етеді. Осы уақытта елдің қауіпсіздігі мен мал сою, ауызашар беру шаралары санитарлық талаптарға сәйкес атқарылуы тиіс, – деп шаһар басшысы Нұржан Сәбитұлы жауапты сала басшыларына бірқатар тапсырмалар жүктеді.<img src="https://knadmin.beoblood.kz/uploads/ala_2_2321019d8f.jpg" alt="қала 2.jpg"><img src="https://knadmin.beoblood.kz/uploads/ala_1_41ad87f70d.jpg" alt="қала 1.jpg">

Басты талап – тұрғындардың қауіпсіздігі 

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаевтың төрағалығымен аудан әкімдігі жанындағы терроризмге қарсы комиссия отырысы өткізілді.Күн тәртібінде 2025 жылға арналған аудандық терроризмге қарсы комиссияның міндеттері мен облыстық терроризмге қарсы комиссияның хаттамалық шешімдерін іске асыру туралы, Шіркейлі ауылында ұлттық және саяси экстремизмнің алдын алу мен жолын кесу бағытындағы қабылданған шаралар туралы және Тәуекел топтарға қатысты ақпараттық-түсіндіру жұмыстарын жүргізу кезінде теологтар мен ақпараттық - түсіндірме тобының рөлі мен орны туралы мәселелер қаралды.Аудан басшысы Берік Әбдіғаппарұлы баяндамашылардың ақпараттарын тыңдап, қауіпсіздік деңгейін арттыру, түсіндіру жұмыстары мен алдын алу шараларын күшейту бойынша бірқатар нақты тапсырмалар берді.Фото: Сырдария ауданы әкімінің баспасөз қызметі

Терроризмге қарсы комиссия отырысы өтті

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев бастаған делегацияның Қытай Халық Республикасына жұмыс сапары Нинься-Хуэй автономдық ауданының Иньчуань қаласында жалғасты.Аймақ басшысы күріш өсіру және өндірумен айналысатын «Ningxia Guangyin Rice Industry Co., Ltd.», ауыл шаруашылығы саласындағы «Ningxia State Farm» компанияларының жетекшілерімен кездесіп, аймақтың әлеуетіне сай инвестиция тарту мәселелерін талқылады.<blockquote>«Қызылорда облысы – Қазақстандағы күріш өндіруші ірі өңір. Облыста барлық қазақстандық күріш пен тұздың 90%-дан астамы өндіріледі. Біз ішкі нарықты толығымен қамтамасыз етеміз, сондай-ақ, өнімді алыс және жақын шетелдерге белсенді түрде экспорттаймыз. Жыл сайын 80 мың гектардан астам жерге күріш егеміз. Өткен жылдың қорытындысымен 500 мың тонна күріш жиналып, 73,2 мың тоннасы экспортталды. Бұдан бөлек, дәнді, майлы дақылдардың, жем-шөп, картоп, көкөніс, бақша дақылдарының егістік алқаптары бар. Өңірде 700-ге жуық шаруа қожалығында 15 түрлі күріш сорты өсіріледі. Ал, күріш өңдейтін 40 компания ғана бар. Негізгі ауыл шаруашылығы өнімі күріш болғандықтан, біз оны терең өңдеу саласына қызығушылық танытамыз. Сіздердің компанияларыңыздың мол тәжірибесін ескеріп, Қызылорда облысына бірлесіп жұмыс жасауға шақырамыз. Серіктес қажет болған жағдайда, өңірде өз салаларын дамытқан тәжірибелі кәсіпкерлер бар. Облыс әкімдігі жер телімін беруге, инженерлік инфрақұрылым жеткізуге, өндірілген өнімді сатуға, жан-жақты қолдауға дайын», – деді Н. Нәлібаев.</blockquote>Кездесуде облыс әкімі аталған компания басшыларын өңірдің әлеуетімен жақынырақ танысу үшін арнайы іссапармен келуге шақырды.<img src="https://knadmin.beoblood.kz/uploads/Oblys_kimi_ytaj_zh_mys_sapary_4e52565a8f.jpg" alt="Облыс әкімі Қытай жұмыс сапары.jpg">Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Қоғам