<a href="https://kyzylorda-news.kz/">Kyzylorda-news.kz</a> Алдағы күндері Қазақстандағы ауа райына екі қарама-қарсы атмосфералық ағындар ықпал етеді, деп хабарлайды <a href="https://kaz.inform.kz/news/aldagi-taulkterde-kun-zhilina-tused-554141/">Қазақпарат</a>Елдің шығыс, орталық және солтүстік шығыс өңірлерін қамтитын антициклон құрғақ әрі тұрақты және жауын-шашынсыз ауа райының қалыптасуына ықпал етеді.Сондай-ақ батыс, солтүстік және оңтүстік облыстар солтүстік батыс жырасының ықпалында болады. Өз кезегінде ол қар мен жауын-шашынның жаууына, жел күшейіп, көктайғақтың қалыптасуына ықпал етеді. Жекелеген аймақтарда тұман түсіп, көрініс қиындайды.Температуралық фон елдің батысында түнде 2-7 градус, күндіз 12-20 градус жылы болады. Солтүстік облыстарда түнде 1-10 және 3-2 градусқа дейін аяз болады, күндіз 1-6 градус түнде 5-10 градус жылы болады, елдің шығысында түнгі температура 12-22 градустан 5-12 градусқа дейін аяз болады, күндізгі температура 2 градус аяздан 6 градусқа дейін жылиды, 1-8 градус жылы.Елдің оңтүстігінде негізгі фон түнде 2-7 жылы, күндіз 13-18-ден 18-23-ке дейін жылиды, елдің оңтүстік-шығысында негізгі фон 2 градус суық, 3 градус жылы, тауларда 8-13 аяз, күндіз 10-15-тен 15-20-ға дейін жылиды.<blockquote>- Күтілетін жауын-шашын, тұман және көктайғақ жол жағдайын қиындатуы мүмкін, сондықтан жүргізушілерге сақ болу ұсынылады, -делінген хабарламада.</blockquote>Фото: freepik.com

Алдағы күндері күн жылынады

<a href="https://kyzylorda-news.kz/">Kyzylorda-news.kz</a> Былтыр қолға алынған «Біртұтас тәрбие» бағдарламасы жекеменшік мектептерді де қамтуы керек. Бұл туралы Бурабайда өтіп жатқан Ұлттық құрылтайдың IV отырысында Мемлекет басшысы Қасым-Жомарт Тоқаев мәлім етті.<blockquote>− Былтыр мектептерде «Біртұтас тәрбие» бағдарламасы қолға алынды. Бағдарламаны қабылдау – істің басы ғана. Енді жаңарған құжатты еліміздегі барлық мемлекеттік білім ошағына енгізу керек. Бұл құжатты алдағы уақытта жекеменшік мектептер де басшылыққа алуға тиіс. Себебі тәрбие жұмысы балаларды түгел қамтуы қажет, − деді Қасым-Жомарт Тоқаев.&nbsp;</blockquote>Президенттің айтуынша, сонда ғана бұл бастама жалпыұлттық ауқымға ие болады.&nbsp;− Жобаның түпкі мақсаты – отаншыл, білімді, жасампаз ұрпақ тәрбиелеу. Мұның бәрі – адал азаматқа тән қасиеттер. Құрылтай мүшелері алдағы уақытта осы бағдарламаны «Адал азамат» деп атауды ұсынып отыр. Мен бұл ұсыныспен толық келісемін, − деді Мемлекет басшысы.&nbsp;Еске салсақ, бұдан бұрын Қасым-Жомарт Тоқаев Бурабайда өтетін Ұлттық құрылтайдың IV отырысына қатысатыны хабарланған еді.&nbsp;Ұлттық құрылтай жанданғалы елдегі әлеуметтік-экономикалық мәселелер шешім тауып келеді.Жыл өткен сайын тақырып аясы кеңіді, айтылатын салмақты ой ұлғайды. Алқалы жиында назарда болған кемшілікті түзету заң шеңберінде бекіп, қоғамның оң бағытқа бет алғанын байқаймыз. Осы орайда Kazinform тілшісі өткен құрылтайлардың нәтижесіне көз жүгіртті.Фото: pixabay.com

Президент мектептерге енгізілетін «Адал азамат» бағдарламасын қолдады   

<a href="https://kyzylorda-news.kz/">Kyzylorda-news.kz</a> Өз кәсібін жетік меңгерген мамандар ұлт сапасын арттырары анық. Осы орайда Президент Қасым-Жомарт Тоқаев 2025 жылды «Жұмысшы мамандықтары жылы» деп жариялады. Бұл қоғамда еңбекқорлық пен кәсіпқойлық идеясын ілгерілетуге және қарапайым еңбек адамдары мамандықтарын дәріптеу арқылы нағыз маман болып қалыптасу идеясын насихаттауды көздейді.&nbsp;Бүгін «AMANAT» партиясының Қызылорда облыстық филиалының төрағасы Алмасбек Есмаханов пен теміржол саласының ардагері, қалалық мәслихаттағы «AMANAT» партиясы депутаттық фракциясының мүшесі Ибрагим Басықараев «Магистралды желі» бастауыш партия ұйымында болып, шойын жолдың сырын біліп қана қоймай, әрбір отбасының, әр азаматтың баратын жеріне аман-есен жетуіне қолайлы жағдай жасап, жолының сапалы, таза, әрі қауіпсіз болуына еңбек етіп, жүрген теміржолшы мамандармен, сондай-ақ салада ұзақ жылдар табанды еңбек етіп, өңір экономикасының дамуында өзіндік қолтаңбалары бар отбасылық династиялармен кездесті.&nbsp;Кездесуде партияның облыстық филиалының төрағасы сала мамандарын Амал мерекесімен құттықтап, мемлекет, партия, жергілікті әкімдік тарапынан жұмысшы мамандықтарды дәріптеу, еңбек адамдарына құрмет көрсету мен аймақты дамыту бағытында атқарылып жатқан жұмыстар жөнінде кеңінен ақпарат берді. Олардың ұсыныс пікірлерін тыңдады.«Елімізде «Жұмысшы мамандықтары жылы» аясында ауқымды тірлік атқарылып жатыр. Мәселен, техникалық және кәсіби білімге басымдық берілуде. Биыл сала мамандықтарына мемлекеттік тапсырыс 10 мың орынға артты. Оның ішінде 65 пайызы техникалық мамандықтарға бөлінді. Сонымен қатар өңірлерде әлемдік деңгейде беделді оқу орындарының филиалдары ашылып жатыр. Жыл сайын шамамен 500 ғалым шетелде машықтануға мүмкіндік алады»,- деді Алмасбек Есмаханов.&nbsp;Іс-шара барысында теміржол саласында 30-40 жыл қызмет жасап, еліміздің дамуына үлесіп қосып келе жатқан аға буын өкілдері сөз алып, өткен күндерді еске алып, бүгінгі күнге тәубе етті. Солардың бірі 40 жыл қызмет жасап бүгінде соның зейнетін көріп отырған Махмед Майгелдиев.&nbsp;<blockquote>«Мен теміржол саласында 40 жыл таза еңбек етіп, зейнетке шықтым.Менің әкем Баймұхамбет 1901 жылы дүниеге келген. Теміржол саласында 32 жыл жол жөндеушісі болып қызмет атқарып, 1963 жылы зейнетке шыққан. Өзінің еңбек жолында «Қызыл Ту» орденімен және «Еңбек ерлігі үшін» медалімен марапатталған. Ағаларым да, кейін өзім де келдім осы салаға. Біз жұмысқа кірген жылдары жұмыс істеу механизмдері тым бөлек болатын. Қазір барлығы өзгеше, жұмысшыларға барлық жағдай жасалған. Шүкір, еңбек етсең барлығы болады. Осы күнге еңбекпен жеттік. Жолдасымда осы саланың ардагері. 7 бала тәрбиеледік. Қазір балаларымыздың барлығы осы теміржолға қарасты әртүрлі бөлімшелерде қызмет етеді», - деді Махмед Майгелдиев.&nbsp;</blockquote>Кездесу соңында партияның облыстық филиалының төрағасы сала ардагерлері мен мамандарын алғыс хатпен марапаттап, естелік сыйлықтар табыстады.«Магистралды желі» бастауыш партия ұйымында «Жол дистанциясы», «Вокзал шаруашылығы», «Белгі беру және байланыс дистанциясы», «Электрмен жабдықтау дистанциясы» барлығы 4 бастауыш топқа топтастырылған 793 партия мүшесі бар. Бастауыш партия ұйымы қатарына жыл басынан бері жаңадан 35 мүше қабылданды. Мұндағы партия мүшелері негізгі қызмет пен бірге еліміздің қоғамды саяси өміріне белсенділік танытып келеді. Биыл жұмысшы мамандықтар жылы аясында ұйымдастырылған «Ең үздік бастауыш ұйы» конкурсының қалалық кезеңінде жүлделі ІІІ орынды иеленді.

«AMANAT»: Жұмысшы мамандықтар жылы аясында теміржолшылармен кездесу өтті

<a href="https://kyzylorda-news.kz/">Kyzylorda-news.kz</a>&nbsp; Барлық саладағы реформалар мен өзгерістер салықтың тілегіне сай жасалып жатыр. Бұл туралы Ұлттық құрылтайдың IV отырысында Мемлекет басшысы Қасым-Жомарт Тоқаев айтты.<blockquote>- Жалпы құрылтай мүшелері қоғамдағы өзекті мәселелерді үнемі көтеріп жүр. Бәрін сынап-мінеп отыратын бәзбіреулер басты түйткіл – бұл емес, мемлекет назар аударуға тиіс басқа да проблемалар бар деуі мүмкін. Азаматтарымыз күнделікті тіршілікте көптеген қарапайым түйткілге тап болады. Оны елемей, назардан тыс қалдыру дұрыс емес екенін ескерген жөн. Біз азаматтардың тұрмысына қатысты мәселелерді алдағы уақытта да көтереміз, ең бастысы, бұл проблемаларды шешетін боламыз, - деді Президент.</blockquote>Мемлекет басшысы біртіндеп барлық салада ауқымды реформалар мен нақты өзгерістер жүзеге асырылып жатқанына назар аудартты.<blockquote>- Оның бәрі халықтың тілегі мен заманның талабына сай жасалуда. Бұл жердегі түпкі мақсат – барлығын өзгерту емес. Ең бастысы – атқарылып жатқан шаруаны оңтайландырып, оның тиімділігін арттыру. Алдымызда тұрған негізгі міндеттің бірі – жекелеген бағыттар бойынша мемлекеттік аппараттың жұмысын жүйелеп, ретке келтіру, - деді Қасым-Жомарт Тоқаев.</blockquote>Фото: Ақорда

Азаматтарымыз тап болатын қарапайым түйткілді назардан тыс қалдыру дұрыс емес - Тоқаев  

<a href="https://kyzylorda-news.kz/">Kyzylorda-news.kz</a> Анимацияны дамыту мәселесін қолға алу керек. Бұл туралы Бурабайда өтіп жатқан Ұлттық құрылтайдың IV отырысында Мемлекет басшысы Қасым-Жомарт Тоқаев мәлім етті, – деп хабарлайды <a href="https://kaz.inform.kz/news/kazak-tlnde-tusrlgen-multfilmder-kop-bolui-kazhet-tokaev-f460f3/">Қазақпарат</a>.<blockquote>- Жақында «Шоқан. Қашқария сапары» деген мультфильм шығыпты. Бұл өскелең ұрпаққа әйгілі тарихи тұлға Шоқан Уәлиханов туралы мәлімет беретін өте жақсы туынды деп айтуға болады. Қазақ тілінде ұлттық нақышта түсірілген осындай мультфильмдер көп болуы қажет. Бұл – ұлт болашағына тікелей ықпал ететін мәселе. Сондықтан анимацияны дамыту мәселесін қолға алу керек, - деді Қасым-Жомарт Тоқаев.</blockquote>Фото: Ақорда

Қазақ тілінде түсірілген мультфильмдер көп болуы қажет - Тоқаев 

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Бурабайда өтіп жатқан Ұлттық құрылтайдың IV отырысында құқық қорғау органдарын жалған психологтар мен «коучтардың» әрекетіне жіті бақылау орнатуды тапсырды, – деп хабарлайды <a href="https://kaz.inform.kz/news/magan-zhalgan-psihologtar-men-kouchtardin-ustnen-tusetn-shagim-kobeyp-kett-prezident-cd7eee/">Қазақпарат.</a><blockquote>- Құрылтай мүшелері тағы бір жайтқа алаңдаушылық білдіріп отыр. Соңғы кезде ел ішінде түрлі алаяқтық әрекеттер жиілеп барады. Теріс пиғылды адамдар қайырымдылыққа деп ақша жинап, оны жеке басының пайдасына жаратады. Сондай-ақ көп адам интернет-алаяқтардан зардап шегуде, - деді Қасым-Жомарт Тоқаев.</blockquote>Мемлекет басшысы құрылтайда сөз алған заңгер Айгүл Орынбектің ұсыныстарына қолдау білдірді.<blockquote>- Бұдан бөлек, қазір жұртқа ақыл айтып ақша табатын жалған психологтар мен «коучтар» көбейіп кетті. Оларға сеніп, алданып қалғандар көп. Маған бұл туралы көптеген шағым түсіп жатыр. Бұл мәселені Құрылтай мүшесі Айгүл Орынбек дұрыс көтеріп отыр. Жауапты органдар бұл мәселені де назарға алуға тиіс, - деді Президент.</blockquote>Фото: Ақорда

Маған жалған психологтер мен «коучтар» үстінен түсетін шағым көбейіп кетті - Президент 

<a href="https://kyzylorda-news.kz/">Kyzylorda-news.kz</a> Билік бизнеске қолдау көрсетіп келді, көрсете де береді. Бұл туралы Бурабайда өтіп жатқан Ұлттық құрылтайдың IV отырысында Мемлекет басшысы Қасым-Жомарт Тоқаев мәлім етті, – деп хабарлайды <a href="https://kaz.inform.kz/news/prezident-salik-reformasi-ayasinda-batil-sharalardi-dal-kazr-kabildau-kerek-3a7f7e/">Қазақпарат.</a><blockquote>- Әділ әрі тиімді салық жүйесін құру еліміздің болашағына, кейінгі ұрпақтың тұрмысына тікелей әсер ететінін ұғынған жөн. Билік бизнеске қолдау көрсетіп келді, көрсете де береді. Бұған күмән болмауға тиіс. Бірақ бизнестің өзі заңды және заңсыз болады. Біз заңды сақтау, тәртіпке бағыну керек деп жатамыз. Ендеше Үкіметтің және жалпы биліктің қолдау шараларының игілігін, бірінші кезекте, адал әрі жауапты, ең бастысы, заң аясында жұмыс істейтін кәсіпкерлер көруге тиіс, - деді Қасым-Жомарт Тоқаев.</blockquote>Президент салық реформасы аясында батыл шараларды дәл қазір қабылдау керек екенін атап өтті.<blockquote>- Әйтпесе, бұдан да зор қиындыққа тап боламыз, - деді Мемлекет басшысы.</blockquote>Фото: Нұрболат Нұржаубай

Президент: салық реформасы аясында батыл шараларды дәл қазір қабылдау керек

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаев Ұлытауда өтіп жатқан Ұлттық құрылтайдың IV отырысында Үкіметке жыл аяғына дейін әлеуметтік сипаттағы шығындарды оңтайландыруды тапсырды, – деп хабарлайды <a href="https://kaz.inform.kz/news/komek-shin-muktazh-azamattarga-gana-korsetlu-kerek-memleket-basshisi-1231f2/">Қазақпарат.</a><blockquote>- Біздің еліміз – әлеуметтік мемлекет. Сондықтан білім беру, денсаулық сақтау салаларына инвестиция салуды жалғастырамыз. Бұл – біздің конституциялық міндетіміз. Бірақ шын мұқтаж азаматтарға ғана көмек көрсетілуі керек. Қызметін асыра пайдалануға, алаяқтыққа жол берілмейді. Сондықтан басымдық берілмеген жобаларға бөлінетін қаржы азаяды. Бұл қажет шара екені айдан анық. Үкімет осы жылдың соңына дейін оны қалай оңтайландыру керектігін біржола анықтап алуға тиіс, - деді Президент.</blockquote>Қасым-Жомарт Тоқаев Үкімет ұсынған салық реформасына да тоқталды.<blockquote>- Бұл шаралар, жалпы алғанда, дұрыс. Онда негізгі экономикалық және әлеуметтік факторлар ескерілген.&nbsp;Кәсіби мамандар да, жалпы жұртшылық та қосымша құн салығының мөлшерлемесін көтеру қажеттігіне түсіністікпен қарайды. Дегенмен ұсынылған шараларға, соның ішінде, қосымша құн салығына қатысты сын-пікірлер де естіліп қалады. Бірақ мұндай пайым шынайы ахуалға негізделмеген.&nbsp;Түрлі себепке байланысты өзіне ауқымды әлеуметтік міндеттеме алмайтын елдер аз емес. Ал Қазақстанның бюджет қаржысының жартысынан көбі әлеуметтік саланың еншісінде, - деді Мемлекет басшысы.</blockquote>Фото: freepik.com

Көмек шын мұқтаж азаматтарға ғана көрсетілуі керек - Мемлекет басшысы 

<a href="https://kyzylorda-news.kz/">Kyzylorda-news.kz</a>&nbsp; Қазір әлеуметтік желіде адамға тіл тигізу, ар-намысын аяққа таптау көбейіп кетті. Бұл туралы Бурабайда өтіп жатқан Ұлттық құрылтайдың IV отырысында Мемлекет басшысы Қасым-Жомарт Тоқаев мәлім етті.<blockquote>– Сондай-ақ бүгін Бекзат Алтынбеков, одан бұрын Бақтықожа Ізмұхамбетов пен Светқали Нұржан қоғамдық әдеп мәселесін қозғады. Бұл өте орынды деп ойлаймын. Қазір әлеуметтік желіде адамға тіл тигізу, ар-намысын аяққа таптау көбейіп кетті. Жалған мәлімет таратушылар бар, - деді Қасым-Жомарт Тоқаев.</blockquote>Осы орайда Президент мұндай келеңсіз үрдістерді тыю жолын қарастыру керек екенін атап өтті.<blockquote>– Мәжіліс депутаты Ермұрат Бапи еліміздегі діни ахуалға алаңдаушылық білдіріп жүр. Құрылтай мүшелері Дания Қыдырбаева және Олжас Сүлеймен жат діни ағымдардың жастар арасында, әсіресе спорт саласында ықпалы күшейіп бара жатқанын айтты. Теріс ағымдарға, қазақтың болмысына жат идеологияларға тосқауыл қою қажет екеніне еш күмән жоқ. Елімізде дін бостандығына кепілдік берілген. Бірақ жүгенсіздікке, тәртіпсіздікке жол беруге болмайды. Діннің аса маңызды миссиясы – ұлтты ұйыстыру. Діни ұйымдардың қызметін реттейтін құжаттар осы талапқа сай болуға тиіс. Бұл мәселені жан-жақты қарау керек. Соның ішінде заңнаманы жаңа жағдайға бейімдеп отыру өте маңызды, - деді Мемлекет басшысы.</blockquote>Бұдан бұрын хабарланғандай, Президент қоғамда қызу талқыланып жатқан салық реформасына қатысты пікір айтты.Фото: Ақорда

Қазақтың болмысына жат идеологияларға тосқауыл қою қажет - Мемлекет басшысы  

<a href="https://kyzylorda-news.kz/">Kyzylorda-news.kz</a> Ұлттық құрылтай жұртымызды ортақ мақсатқа ұйыстырып, игі істерге жұмылдырды. Бұл туралы Бурабайда өтіп жатқан Ұлттық құрылтайдың IV отырысында Мемлекет басшысы Қасым-Жомарт Тоқаев мәлім етті.<blockquote>– Ел ішіндегі өзгерістерге Ұлттық құрылтай мүшелері де орасан зор үлес қосты. Жұртымызды ортақ мақсатқа ұйыстырып, игі істерге жұмылдырды. Алқалы жиын алғашқы күннен бастап жалпыхалықтық жаңғырудың символына айналды. Қоғамдық диалогтың жаңа үлгісі қалыптасты. Өзара түсіністік пен құрмет бар жерде келісім болады. Құрылтайдың түпкі мақсаты да – осы, - деді Қасым-Жомарт Тоқаев.</blockquote>Бұдан бұрын хабарланғандай, Бурабайда Президент Қасым-Жомарт Тоқаевтың қатысуымен Ұлттық құрылтайдың IV отырысы басталды.Фото: Ақорда

Ұлттық құрылтай алғашқы күннен бастап жалпыхалықтық жаңғырудың символына айналды 

<a href="https://kyzylorda-news.kz/">Kyzylorda-news.kz</a> Оңтүстікте ауа температурасы +19 градусқа дейін жылынса, елдің шығысында түнде әлі де 20 градустық аяз сақталады, деп хабарлайды <a href="https://baq.kz/20c-qay-onirlerde-kun-zhylidy-200009618/">BAQ.KZ.</a>Ал Қызылорда облысында ашық, жауын-шашынсыз, желдің жылдамдығы 7-12 м/с. Ауа температурасы түнде 0...+2°C, күндіз +14...+16°C.Фото: Нұрболат Нұржаубай

Қызылордада жауын-шашынсыз, күн ашық болады

<a href="https://kyzylorda-news.kz/">Kyzylorda-news.kz</a> Щучинскте IV Ұлттық құрылтайдың отырысы аясында секциялар басталды, деп хабарлайды <a href="https://baq.kz/biylgy-ulttyq-quryltayda-qanday-masele-koteriledi-200009536/">BAQ.KZ </a>тілшісі.Мәжіліс депутаты Максим Рожин атап өткендей, бұл - IV Құрылтай. Президент әрқашан Құрылтайдың еліміздің тарихында, руханиятында ерекше орны бар жерлерде өткізуді ұсынып келеді.<blockquote>Бүгін біз Бурабай өңіріне жиналып отырмыз. Құрылтай өзінің мақсатын орындайды деген ой бар. Өйткені әр құрылтайда әртүрлі көзқарастағы азаматтар жиналады. Бұл - пікір алуандылығы, өйткені түрлі көзқараста диалог арқылы белгілі бір шешімдер пайда болады деген сенім бар. Бұл жерге біройлы, біркелкі азаматтар жиналмайды. Тіпті кей жағдайда кейбір мәселелер бойынша азаматтарда қарама-қайшы пікірлер де пайда болады, - деді депутат.</blockquote>Ол бүгін өзі қатысатын секцияда қоғамның мәдени саласында өршіп жатқан мәселелер көтерілетінін атап өтті.<blockquote>Мен бүгін әдеп мәселесі жайлы айтқым келеді. Қоғамды, қоғам мүшесі ретінде өзімді қоғамда болып жатқан әдепсіз дүниелер алаңдатып отыр. Неге ондай жағдай туындап жатыр? Оны қалай шешуге болады? Осы сұрақтарды ортаға талқыға салғым келеді. Азаматтың қауіпсіздігіне, баланың мектептегі, қоғамдағы қауіпсіздігіне қатысты ойлар болады, - дейді Рожин.</blockquote>Депутат әдеп - ол фундамент екенін, сол себепті алдымен әдеп мәселесін көтеру орынды дейді.<blockquote>Мысалы, соңғы кездері жүргізушілердің көшеде төбелесіп қалуы, оқушылардың бір-бірін ұрып-соғуы. Мені бұл мәселелер алаңдатады. Өйткені менің балам мектепке барады, ертең менің балам көшеге шығады, қоғам мүшесі болады. Енді мен баламның әдепті болуы үшін жұмыс істеуім керек. Басқалары да солай жасауы керек. Оны қалай жасаймыз? Бәлкім, біз үйде тәрбие беріліп жатыр дейміз. Бірақ қоғамда осындай жағдайлар болады. Қайдан шығады? Неге болады? Біз қай жерден олқылық жібердік? Осыны көтергім келіп отыр, - деп ойын айтты Максим Рожин.</blockquote>Ол елімізде мәдениет үйлерін көбейту керек деп санайды. Себебі депутаттар өңірлерді аралағанда кейбір өңірлерде мәдениет ошақтарының жоқ екенін байқаған.<blockquote>Кейбір өңірлерде мәдениет үйлері әлі жоқ. Ауылды жерлерде балалардың не кітап оқитын жері жоқ. Президент айтқандай, мәдениет үйі концерт өтетін орынға ғана емес, жастар жиналып, түрлі бағыттағы жұмыстар жүргізілетін орындарға айналуы керек. Кейбір өңірлерде азаматтар оны әлі күтіп отыр. Ауылдарда тәрбие беретін қариялар да қалмады. Сол қарияларды мәдениет үйлеріне алып келу керек шығар, - деді ол.</blockquote>Рожин қазір ата-аналар баласын асырау үшін жұмыстан қолы босамай жүретініне назар аударды.Фото: Гүлжан Раманқұлова

Қазақстан және Қызылорда облысының жаңалықтары: Қоғам