<a href="https://kyzylorda-news.kz/">Kyzylorda-news.kz</a> Ауқымды рейд барысында елордалық полицейлер 34 жастағы ер адамды қолға түсірді. Ол өлген малдың етін өңдеп, жаңа сойылған ет ретінде саудалаған. Қазіргі уақытта өнім сараптамаға жіберілді. Бұл туралы <a href="https://www.instagram.com/maskara_news/#">maskara_news</a> инстаграм парақшасы хабарлады.&nbsp; Құқық қорғау органдары мал ұрлығы, заңсыз ет саудасы және ветеринариялық құжаттарды қолдан жасау фактілерін тексеруде. Әсіресе, қала шеттеріндегі базарлар, сою пункттері және ет тасымалдайтын көліктер қатаң бақылауда. Рейд кезінде «Еуразия-1» сауда орталығы мен «Күйгенжар» бекетінде қажетті құжаттары жоқ етті заңсыз тасымалдаудың үш жағдайы анықталды. Тексеру науқаны наурыз айының соңына дейін жалғасады. Сонымен қатар, полиция халықтың денсаулығына қауіп төндірмеу мақсатында түсіндіру жұмыстарын жүргізуде.Фото: freepik.com

Өлген малдың етін сатқан кәсіпкер ұсталды

<a href="https://kyzylorda-news.kz/">Kyzylorda-news.kz</a> 20 наурыз күні сағат 11:00–де Наурыз мейрамына орай барлық мектепте республикалық челлендж өтеді, деп хабарлайды Оқу-ағарту министрлігі.Шараның мақсаты&nbsp;— өскелең ұрпақтың бойында рухани-адамгершілік құндылықтарын қалыптастыру, патриотизмді нығайту, ұлттық мәдени мұраны сақтау және балалар арасында домбыра өнерін насихаттау.<blockquote>—&nbsp;Домбырашылар челленджі&nbsp;— бұл балалар, жастар, педагогтер мен ата-аналардың музыкалық шеберлігін танытатын және бүкіл елді домбыра үнімен біріктіретін ерекше шара. Оған барлық тілек білдіруші қатыса алады. 2023 жылдан бастап челлендж барлық білім беру ұйымдарында ұйымдастырылып келеді және ол&nbsp;маңызды мәдени оқиғаға айналды. Челлендж «Біртұтас тәрбие» бағдарламасы мен «Наурызнама» іс-шаралар жоспары аясында ұйымдастырылады,&nbsp;— дейді тәрбие жұмысы және қосымша білім беру департаментінің директоры Ерлан Қалмақов.&nbsp;</blockquote>Айта кетейік, Наурыз мейрамын мерекелеу 14-23 наурыз аралығында еліміздің барлық мектептерінде өтеді. Бұл күндері тақырыптық челлендждер, экологиялық акциялар және ұлттық ойындар бойынша жарыстар ұйымдастырылады.Фото: Оқу-ағарту министрлігі

Наурыз мерекесінде оқушылар бір мезгілде күй тартады

<a href="https://kyzylorda-news.kz/">Kyzylorda-news.kz</a> Шиелі ауданында банк өкілдерінің қатысуымен аудан тұрғындарына интернет алаяқтықтың алдын алу және құқықтық көмек көрсету туралы дөңгелек үстел өткізілді. Жиын аудан әкімінің орынбасары А.Алдабергеновтың төрағалығымен өтті.Шиелі аудандық полиция бөлімінің бастығы полиция подполковнигі Мұханов Болатхан Ниязханұлы интернет алаяқтықтан сақтанудың жолдары мен сақтық шараларын атап өтті. Оның айтуынша, интернет алаяқтары түрлі тәсілдермен жеке мәліметтерді ұрлап, тұрғындарды сан түрлі алаяқтық әрекеттерге тартуда. Болатхан Ниязханұлы тұрғындарды сақ болуға шақырды.Сонымен қатар, «HALYK BANK» АҚ Қызылорда филиалының орталық меңгерушісі Жаңабаев Ғани Өмірзақұлы,«Bereke Bank» АҚ Қызылорда филиалы директорының орынбасары Абдикаримова Меруерт Мұхитқызы және «KMF МҚҰ» АҚ Шиелі аудан бөлімшесінің директорының орынбасары Исмаилов Алишер өз баяндамаларында алаяқтықтарға алданып қалмаудың жолдары, алаяқтыққа қарсы заңнамалар және жазалау шаралары туралы тереңірек мағлұмат берді.Тұрғындарды интернет алаяқтықтың алдын алу үшін сақ болуға шақырамыз! Өйткені, алаяқтар өз қақпанына түсу үшін түрлі әдістерді пайдаланады. Қосымша ақпарат пен кеңестер алу үшін аудандық полиция бөліміне немесе банктердің өкілдеріне хабарласа аласыз.Алаяқтыққа қарсы бірге күресіп, қоғамда саналы, қауіпсіз ақпараттық орта қалыптастырайық!Фото: Шиелі ауданы әкімдігінің баспасөз қызметі

Интернет аляқтыққа қарсы жиын өтті

<a href="https://kyzylorda-news.kz/">Kyzylorda-news.kz</a> Қазақстанда енді жедел жәрдем мен полиция көлігін өткізбегендерге айыппұл салынады. Бұл туралы <a href="https://stan.kz/">Stan.kz</a> ақпарат агенттігі <a href="https://www.ktk.kz/kz/news/video/2025/03/13/292959/">КТК </a>телеарнасына сілтеме жасап хабарлайды.&nbsp;Осы айдан бастап бірқатар жол жүру ережелеріне өзгеріс енгізіледі. Енді жедел жәрдем мен полиция көлігін өткізбей,&nbsp;кедергі келтіргендерге 80 мың теңгеге дейін айыппұл салынбақ.&nbsp;Сондай-ақ жүріп келе жатқан көлікте басын шығарғандарға да&nbsp;40 мың теңгеге дейін айыппұл хаттамасы толтырылады.&nbsp;Дегенмен заңда жұмсартылған тұстар да бар. Мәселен, жол-көлік апатында кінәлі жүргізуші, ешкімнің өліміне себепкер болмаса, бұған дейін жүргізуші куәлігінен жарты жылға дейін айырылатын болса, енді 80 мың теңге айыппұл төлеп, жазадан құтыла алады.Жоғары палата депутаттары автомектептерге тексерісті күшейту керек деген пікірді ұстанады. Себебі, куәлікті оңды-солды таратқандардың кесірі жазықсыз адамның өмірін қиып жатыр.<blockquote>“Жол инфрақұрылымы әлі жолда апат болудан сақтауға дайын емес. Жолдарды жөндеуіміз керек. Екінші мәселе, жүргізушілердің дайындығын дамыту керек, басқаша тәсілмен. Бүгінде жүргізуші куәлігін алу рәсімі өте жеңіл”, –&nbsp;дейді сенат депутаты&nbsp;Марат Қожаев.&nbsp;</blockquote>Фото: Нұрболат Нұржаубай

Қазақстанда енді жедел жәрдем мен полиция көлігіне жол бермегендерге айыппұл салынады

<a href="https://kyzylorda-news.kz/">Kyzylorda-news.kz</a> Арал ауданының әкімі Аманжол Оңғарбаев «AMANAT» партиясы Арал аудандық филиалы ғимаратында аудан тұрғындарын жеке мәселелері бойынша қабылдап, ұсыныс-пікірлеріне құлақ түрді.Аудан басшысының қабылдауында болған азаматтар өздерін толғандырған мәселелерін жеткізді. Қабылдауға келгендердің дені жұмыссыздық мәселесін алға тартса, бірқатар тұрғындар жер, үй және әлеуметтік мәселесімен жүгінді.Қабылдау барысында аудан әкімі Аманжол Сақыпұлы әрбір тұрғынның жеке мәселесін тыңдап, бірқатарына заңдылыққа сәйкес жауап берді. Сонымен бірге бірқатар жұмыс сұраушыларға аудан бойынша бос жұмыс орындары ұсынылып, кейбір мәселелер бойынша тиісті бөлім басшыларына тапсырмалар жүктелді.Фото: Арал ауданының әкімінің баспасөз қызметі

Тұрғындарды жеке мәселелері бойынша қабылдады

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев қазақстандықтарды Амал күнімен құттықтады. Бұл туралы<a href="https://stan.kz/tokaev-kazakstandiktardi-amal-merekesimen-kyttiktadi-415076/"> Stan.kz</a> ақпарат агенттігі хабарлайды.Тоқаев әз-Наурыздың басы 14 наурызда халқына тілек жолдады.<blockquote>“Амал келгенде амандық білісу – көне заманнан жалғасқан айрықша дәстүріміз .Қыстан шығып, шуақты көктемге аман жеткен ағайын осы күні бір-бірімен көріседі. Жастар үлкендерге сәлем беріп, қариялардың батасын алады. Халқымыз ежелден осындай ғұрыптар арқылы бауырмалдық пен &nbsp;жанашырлықты, татулық пен мейірімділікті дәріптеп, ұрпақтың бойына асыл қасиеттерді сіңіре білген. Мұның бәрі қазіргі Қазақстанның Адал азамат тұжырымдамасымен толық үндеседі”, – деді президент.</blockquote>Сөзінше, қазір Наурыз мейрамы алдындағы көрісу ғұрпы қайта жаңғырып, жалпыұлттық сипат ала бастады. Ол бірегей дәстүр еліміздің ырысты ынтымағы мен берекелі бірлігін нығайта түседі деп үміттенеді.<blockquote>“Әр шаңырақ шаттық пен қуанышқа кенелсін! Баршаңызға зор денсаулық, бақ-береке тілеймін! Айдан аман, жылдан есен болайық!”, – деді ол.</blockquote>Көрісу күні – қазақ халқының көнеден келе жатқан ұлттық мейрамы. Бұл күн жыл сайын 14 наурызда аталып өтеді. Әсіресе Батыс өңірлерде кеңінен тойланады. Ол күні халық бір-бірімен сәлемдесіп, амандық сұрасады.Фото: Ақорда

Мемлекет басшысы қазақстандықтарды Амал мерекесімен құттықтады

<a href="https://kyzylorda-news.kz/">Kyzylorda-news.kz</a> Қазіргі таңда Сырдария өзеніндегі мұз Жосалы кентінен 136 шақырым төмен орналасқан, яғни Байқоңыр қаласы маңында. Бұл Қызылорда су торабының төменгі ағысынан шамамен 428 шақырым қашықтықта орналасқан. Бүгін Өңірлік коммуникациялар қызметінің ақпарат алаңында Сырдария өзенінің су деңгейі туралы Су ресурстарын реттеу, қорғау және пайдалану жөніндегі Арал-Сырдария бассейндік инспекциясы басшысының орынбасары Сейітқасым Әбуұлы және «Қазсушар» РМК Қызылорда облысы филиал директорының орынбасары Айдос Әлібекұлы айтты.<blockquote>–&nbsp;⁠Республика аумағында өзен суын реттеу үшін 6 су торабы жұмыс істейді, олардың барлығы жан-жақты зерттеуден өткен. Қызылорда облысында жалпы көлемі 34,7 млн м³ болатын 6 су қоймасы бар, оның 5-еуі көп факторлы тексеруден өткен. Бүгінде бұл қоймаларда 17,2 млн м³ су жиналған. Бұдан бөлек, аймақта 22 магистралды канал, 1 қорғаныс дамбасы, 2 су өткізу құрылғысы, 1 САТ бөгеті және 1 тоған орналасқан. Қазіргі уақытта Сырдария өзенінде мұз Жосалы кентінен 136 шақырым төмен, Байқоңыр қаласы маңында Қызылорда су торабынан 428 шақырым қашықтықта байқалады. Жалпы жағдай тұрақты. Шардара су қоймасы мен Көксарай су реттегішінің жұмысы қатаң бақылауда ұсталып, жергілікті билік пен су шаруашылығы ұйымдары Сырдария өзеніндегі су деңгейін күн сайын қадағалап отыр,-деді, Сейітқасым Әбуұлы.&nbsp;</blockquote>Қазіргі таңда Сырдария өзені арқылы келіп жатқан су көлеміне байланысты Шардара су қоймасы мен Көксарай су реттегішіне су жинау жұмыстары жүргізілуде.<blockquote>– Қызылорда облысына секундына 300 текше метр су келіп жатыр. Өзеннің оңтүстік және орталық бөліктерінде мұз толық еріген, ал Арал мен Қазалы аудандарында мұз әлі де сақталып тұр. Қармақшы ауданында мұздың 90%-ы еріді. Ақпан айының басынан бастап ауа райының жылынуына байланысты Сырдария өзенінде сең жүруде. Осыған орай, су тасқынының алдын алу мақсатында Тасбөгет кентіндегі Қызылорда және Қазалы су тораптарында мұз кептелісін болдырмау шаралары қолға алынды. Арнайы техникамен ірі қалқымалы мұздарды тазалау жұмыстары жүргізілуде. Қазіргі уақытта Сырдария өзеніндегі жағдай тұрақты, су шаруашылығы нысандары күнделікті бақылауда,-деді, Айдос Әлібекұлы.</blockquote><img src="https://knadmin.beoblood.kz/uploads/1_a0fa367e2b.jpg" alt="1.jpg">Фото:&nbsp;

Сырдария өзеніндегі су деңгейі мен қауіпсіздік шаралары бақылауда

<a href="https://kyzylorda-news.kz/">Kyzylorda-news.kz</a> Наурыз айының ортасында алдағы күндері ауа температурасы түнде нөлден жоғарылап, біртіндеп жылынады, ал күндіз айтарлықтай көтеріліп, облыстың оңтүстігінде одан да жоғары болады. Бұл туралы бүгін Өңірлік коммуникациялар қызметінің ақпарат алаңында «Казгидромет» РМК Қызылорда облысы бойынша филиалының бөлім басшысы Әйгерім Жокелова және І санатты инженер-гидролог Раушан&nbsp; Бейсетаева айтты.<blockquote>– «Қазгидромет» РМК Қызылорда облысы бойынша филиалы Сырдария өзені бойындағы су деңгейін арнайы бекеттер арқылы тұрақты бақылауда ұстайды. Өзен бойында он су бекеті орналасқан, олар күн сайын ауа мен су температурасын, мұз жағдайын өлшеп, деректерді реттеп отырады. Бұл ақпарат тәулігіне екі рет жаңартылып, тиісті мекемелерге беріледі. Су деңгейіне қатысты мәліметтер желтоқсаннан сәуір айына дейін тұрақты түрде жеткізіледі, бұл өзендегі жағдайды бақылап, алдын алу шараларын уақтылы жүргізуге мүмкіндік береді,-деді, Раушан Қыдырбайқызы.</blockquote>&nbsp;Наурыз айында ауа температурасы қалыпты деңгейден сәл жоғары болады деп болжануда.&nbsp;<blockquote>– Айдың соңына қарай ауа райы салқындап, түнде суытады, ал күндізгі температура біршама жылы болады. Жауын-шашын Арал, Қазалы, Қармақшы аудандарында әдеттегіден көбірек түссе, қалған аймақтарда қалыпты мөлшерде болады. Облыс бойынша айдың ортасы мен соңында аздаған жаңбыр жаууы мүмкін. Желдің күшеюі жиі байқалып, айдың екінші жартысында шаңды дауыл соғуы ықтимал,-деді Әйгерім Болатбекқызы.</blockquote><img src="https://knadmin.beoblood.kz/uploads/Nauryz_ajy_zhyly_bolady_e785b01225.jpg" alt="Наурыз айы жылы болады.jpg">Фото: Нұрболат Нұржаубай

Наурыз айы жылы болады

&nbsp;<a href="https://kyzylorda-news.kz/">Kyzylorda-news.kz</a> «Таза Қазақстан» жалпыұлттық бастамасы аясында «AMANAT» партиясы қолға алған «Таза бейсенбі» экологиялық акциясына бүгін Қызылорда облысы, Қармақшы ауданындағы аманаттықтар өз үлесін қосты.Экологиялық акцияға партия қызметкерлері, партия мүшелері, ауданға қарасты мекеме қызметкерлері қатысып, Жосалы кенті, Амангелді көшесінің бойына тазалық жұмыстарын жүргізді.– Аудан тұрғындарының тұрмыс жағдайын жақсарту мақсатында әр түрлі тазалау жұмыстарын жүргізіп, қоршаған ортаны таза ұстаудың маңыздылығы жоғары. Мұндай шаралар экологиялық мәдениетті арттырып, жұртшылықты қоғамдық жұмыстарға белсене қатысуға шақырады. Бүгін партияның Қармақшы аудандық филиалына қарасты бастауыш ұйымдар да өз мекемелері ауласына тазалық жұмыстарын жүргізді. Бір мезетте жүргізілген жұмыстарға аудан тұрғындары да ат салысты. Бұл тұрғындардың «Таза Қазақстан» жалпыұлттық бастамаға бей-жай қарамайтындығының дәлелі деп білемін, &nbsp;– деді партияның Қармақшы аудандық филиалының атқарушы хатшысы Ғалымжан Ақжігітов.Бүгін экологиялық акцияға 60-тан астам адам қатысып, 2 тонна шамасында қоқыс шығарылды.&nbsp;50 түп ағаш түбі ақталды.

«Таза бейсенбі»: 100-ге жуық тал көшеттері отырғызылды

<a href="https://kyzylorda-news.kz/">Kyzylorda-news.kz</a> Бүгін Премьер-министр Олжас Бектеновтің төрағалығымен Су тасқынына қарсы шараларды үйлестіру және қарғын су жүру кезеңінің салдарын жою жөніндегі республикалық штаб отырысы өтті.Қазіргі таңда Шардара су қоймасынан Сырдария өзенінің төменгі ағысына секундына 500 текше метр су жіберілсе, оның 200 текше метрі Көксарай су реттегішіне алынуда. Облыс аумағына секундына 378 текше метр су келіп түсуде. Ықтимал су тасқынының алдын алудың кешенді шаралары үйлестіріліп, «2024-2025 жылдардағы қысқы-көктемгі кезеңде Сырдария өзеніндегі үлкен көлемдегі суды қауіпсіз өткізу» жоспары бекітілді.Өзен суы магистральді каналдар мен көлдер жүйесіне жіберу арқылы реттелуде. Су басу қаупі бар аймақтарға арнайы техника, күш-құралдары бар жауапты мекемелер бекітілген. Тасқынға қарсы қажетті материалдық-техникалық қор да, халықты көшіру пункттері де дайын. Жергілікті атқарушы органдар, төтенше жағдайлар мен су шаруашылығы мамандары тәулік бойы кезекшілікте.Облыс бюджетінен 139 млн. теңге бөлініп, «Қазавиақұтқару» акционерлік қоғамымен жасалған келісім-шартқа сәйкес 2 тікұшақ дайындыққа келтірілді. Мұз жарумен айналысатын арнайы мамандандырылған мекемемен келісім-шарт жасалған. Өткен жылы 3 нысандағы қорғаныс бөгеттеріне облыстық бюджеттен 130 млн. 500 мың теңге бөлініп, тиісті жұмыс жүргізілді. Бұдан бөлек, бюджеттен тыс қаржы көздері есебінен 20 нысан жөндеуден өтті.<img src="https://knadmin.beoblood.kz/uploads/Su_tas_ynyny_aldyn_alu_m_seleleri_tal_ylandy_37957b4687.jpg" alt="Су тасқынының алдын алу мәселелері талқыланды.jpg"><img src="https://knadmin.beoblood.kz/uploads/1_Su_tas_ynyny_aldyn_alu_m_seleleri_tal_ylandy_8ee1ae1dde.jpg" alt="1 Су тасқынының алдын алу мәселелері талқыланды.jpg">Фото: Қызылорда облысы әкімінің баспасөз қызметі

Су тасқынының алдын алу мәселелері талқыланды

<a href="https://kyzylorda-news.kz/">Kyzylorda-news.kz</a> TikTok жасөспірімдердің қауіпсіздігі мен әл-ауқатын қамтамасыз ету үшін жаңа функцияларды іске қосады. Бұл туралы ҚР Мәдениет және ақпарат министрі Аида Балаева мәлім етті, – деп хабарлайды <a href="https://kaz.inform.kz/news/tiktok-zhasosprmderdn-kaupszdgn-kamtamassiz-etu-ushn-zhana-funktsiya-kospakshi-2091f8/">Қазақпарат.</a><blockquote>– TikTok жасөспірімдердің қауіпсіздігі мен ата-аналардың бақылау жүйесін одан әрі жақсартуда. Платформа жасөспірімдер үшін қауіпсіз онлайн кеңістік құруға және ата-аналарға балаларының TikTok-тағы белсенділігін басқаруға көмектесетін жаңа мүмкіндіктерді іске қосқанын хабарлайды. Атап айтқанда, TikTok «Отбасылық баптаулар» бөлімінде ата-аналарға жасөспірімдердің қосымшаға қолжетімділігін белгілі бір уақыт аралығында шектеуге мүмкіндік беретін жаңа функцияны іске қосуды жоспарлап отыр. Сондай-ақ, платформа сағат 22.00-ден кейін TikTok-ты пайдаланатын жасөспірімдердің назарын аударып, тынығуына көмектесетін жаңа мүмкіндікті іске қоспақ, – деп жазды Аида Балаева.</blockquote>«Отбасылық баптаулардың» қосымша функцияларыTikTok-тағы ата-аналардың бақылау жүйесінің бір бөлігі болып табылатын «Отбасылық баптаулардың» іске қосылғанына бес жыл болды. Осы жылдар ішінде ата-аналардың кері байланысы мен сарапшылардың ұсыныстарын ескере отырып, TikTok жаңа функцияларды бірнеше рет еңгізіп отырды.Бұл жолы TikTok қолданбасының әзірлеушілері «Демалыс» деген жаңа функцияны қосты. Ол қосымшаны белгілі бір уақытқа бұғаттауға мүмкіндік береді.Енді ата-аналар:<ul><li style="text-align:justify;">Балаларына TikTok-қа қол жеткізуді шектеу уақытын белгілей алады, мысалы, оқу уақытында немесе түнгі уақытта.</li><li style="text-align:justify;">Цифрлы детокстқа қол жеткізу үшін қайталанатын кестені орната алады. Шектеу қойылған уақыт аралығында жасөспірімнің TikTok-ты қолдану сұранысын қабылдай алады.</li><li style="text-align:justify;">Оған қоса «Отбасылық баптаулардың» жаңа функциясы ата-аналарға балаларының аккаунттары туралы толық ақпарат алуға мүмкіндік береді.</li></ul>Балаларының TikTok-та кімдерді бақылап отыратынын және олардың аккаунтына кімдер жазылғанын көре алады. Қандай қолданушылардың аккаунттарын бұғаттағанын біле алады. Тіпті ата-аналардың бақылауы қосылмаған кезде де, алдағы айларда TikTok жасөспірімдерге қауымдастық ережелеріне сәйкес келмейтін контент туралы ата-аналарына хабарлау мүмкіндігін қосуды жоспарлап отыр.Фото: Нұрболат Нұржаубай

TikTok жасөспірімдердің қауіпсіздігін қамтамасыз ету үшін жаңа функция қоспақшы

<a href="https://kyzylorda-news.kz/">Kyzylorda-news.kz</a> Қамыстыбас көлдер жүйесіндегі ахуал қазіргі таңда тұрақты бақылауда. Бұл бағыттағы ахуал бойынша Арал ауданының әкімі Аманжол Оңғарбаев Қамыстыбас көлінде болып, су деңгейінің көтерілуіне байланысты жағдайды бағамдады. Бүгінде Аққұмшық жағжайына көлден келер айтарлықтай қауіп жоқ. Аудан әкімі десе де жағдайды бақылауда ұстап, жауаптыларға сәт сайын ахуалды баяндап тұруды тапсырды.Қазіргі таңда Сырдария өзенінің бойында мұз ұстасуда. Аудан әкімі «Ақшатау-Қамыстыбас» көлдер жүйесін суландыру мақсатында салынған «Аспай» суағытқысының және Бұрмақұлақ арнасының жағдайын да бақылады. Аталған аймақтарда дария суы қалыпты деңгейде. Дария бойындағы жағдайды көрген соң аудан басшысы жауапты мамандарға сол маңдағы каналдардың шлюз ағытқылары ашып-жабылуы қиындық тудырмас үшін қажетті жұмыстар жасауды жүктеді.&nbsp;Сондай-ақ, алдағы уақытта дариядан су көп мөлшерде келген жағдайда бөгеттерді жарып өту қаупін болдырмас үшін алдын алу шараларын үйлестіруді жүктеді.

Қазақстан және Қызылорда облысының жаңалықтары: Қоғам