<a href="https://kyzylorda-news.kz/">Kyzylorda-news.kz</a>&nbsp;Арал ауданы әкімдігінің мәжіліс залында аудан әкімі аппаратының басшысы Серік Раимбетовтың төрағалығымен жеке және заңды тұлғалардың өтініштерімен жұмысты ұйымдастыруға қатысты семинар-кеңес өтті.Дербес бөлім басшылары, қала, кент ауылдық округ әкімдері және жауапты мамандар қатысқан семинарда жергілікті атқарушы органдарда өтініштермен жұмысты ұйымдастыру барысы талқыланып, ҚР Әкімшілік рәсімдік-процестік кодекс талаптарына сәйкес «Е-өтініш» ақпараттың жүйесі бойынша құқықтық түсіндіру жұмыстары жүргізілді.Аудан әкімдігінде өтініштермен жұмыс жасау мәселесі өткен жылы аудан әкімі аппаратының мәжілістерінде 2 мәрте қаралып талқыланған. Сонымен бірге, облыс, аудан әкімі аппаратының жауапты мамандарының қатысуымен құқықтық оқулар ұйымдастырылып, әдістемелік көмек көрсетілді. Дегенмен, Құқықтық статистика және арнайы есепке алу жөніндегі Комитетінің Қызылорда облысы бойынша департаментімен жүргізілген тексеру қорытындысымен аудан әкімдігіне қарасты дербес бөлімдер мен қала, кент, ауылдық округі әкімі аппараттарында біршама кемшіліктер анықталған.Жиында Е-өтініш ақпараттық жүйесі бойынша аудан әкімі аппаратының құжаттамалық қамтамасыз ету және бақылау бөлімінің басшысы Ж.Жолаева және осы бөлімнің бас маманы Г.Сейтжан хабарлама жасады.Семинар барысында аудан әкімі аппаратының басшысы С.Раимбетов «Е-өтініш» ақпараттық жүйесіндегі кемшіліктер бірқатар бөлімдер мен ауылдық округтерде жүйелі түрде қайталанып отырған, алдағы уақытта мұндай олқылықтарға жол бермеу керектігін атап өтті. Жиынды қорытындылай келе «Е-өтініш» ақпараттық жүйеге өтініштерді тіркеу және орындауға қатысты, «Е-архив» жүйесі және азаматтарды жеке қабылдау мәселелері төңірегінде жауаптыларға бірқатар тапсырма жүктеді.Фото: Арал ауданы әкімінің баспасөз қызметі

Жеке және заңды тұлғалардың өтініші ескерусіз қалмайды

<a href="https://kyzylorda-news.kz/">Kyzylorda-news.kz</a>&nbsp;Сырдария ауданының әкімі Берік Сәрменбаевтың төрағалығымен әкімдік отырысы өтті.Бірінші мәселе – аудан бойынша құрылыс саласында атқарылған жұмыстар мен алдағы міндеттер туралы аудандық құрылыс, сәулет және қала құрылысы бөлімінің басшысы Нұржан Бисембаев хабарлама жасады. Ағымдағы жылы жүргізіліп жатқан жұмыста және ұсынылған жобалар бойынша елді мекендерді электрмен жабдықтау, инженерлік-коммуникациялық инфрақұрылымдар құрылысы және антенна-діңгектері құрылысы» жобаларына тоқталып, республикалық, облыстық және аудандық бюджеттен қаржыландыратын жобалардың жұмыс жоспарлары туралы ақпарат берді.Екінші мәселе – аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінде атқарылған жұмыстар мен алдағы міндеттер туралы бөлім басшысы Мейірхан Бақытжанұлы баяндады. 2024 жылы ауданның жол саласын дамытуға бюджеттен барлығы - 1,4 млрд. теңге бөлініп, 21,7 шақырымды құрайтын 26 көшенің автомобиль жолдары жөндеуден өткізілді. Сонымен қатар, жол белгілерін орнату және күтіп ұстау, елді мекендерді ауыз сумен қамтамасыз ету, газдандыру және көппәтерлі тұрғын үйлерді жөндеу жұмыстары жайында атап өтті.Үшінші мәселе – Айдарлы ауылдық округінде атқарылған жұмыстар және алдағы міндеттер туралы ауылдық округ әкімі Нұрбол Жұмабеков хабарлама жасады. Елді мекенде өткен жылыбірқатар жобалар іске асқан. Атап айтқанда, 2024 жылы мемлекеттік гранттар мен несиелендіру бағыттары бойынша 93,9 млн. теңгеге 10 жоба қаржыландырылды. Айдарлы ауылы «Үлгілі елді мекен» байқауының жеңімпазы атанды. Сонымен қатар, ауылдық спорт мектебі «Қазақстан халқына» қорының қаржыландыруымен «Батыр боламын» қоғамдық қорының қолдауымен 8,2 млн теңгеге жабдықталды.Аудан басшысы маңызды әлеуметтік және инфрақұрылымдық нысандар құрылысының басым бағыттарын айқындауды жеткізді. Ал тұрғын үй-коммуналдық шаруашылық, жолаушылар көлігі және автомобиль жолдары бөліміне биыл жөндеуден өтетін көшелердің сапасын қатаң бақылауда ұстап, мерзімінде жүргізілуін қамтамасыз етуді тапсырды. Сонымен қатар, Айдарлы ауылын дамыту бойынша жаңа жобаларды ұсынуды атап өтті.Әкімдік отырысында «Таза Қазақстан» республикалық акциясының жүзеге асырылуы, каникул кезеңінде балалардың сауықтыру демалысын, бос уақытын және қосымша біліммен қамтылуын ұйымдастыру мәселелері бойынша тапсырмалар берілді.Фото: Сырдария ауданы әкімінің баспасөз қызметі

Атқарылып жатқан жобалар туралы ақпарат берді

<a href="https://kyzylorda-news.kz/">Kyzylorda-news.kz</a>&nbsp;ҚР Премьер-министрі Олжас Бектеновтің төрағалығымен Үкімет отырысы өтті. Күн тәртібінде мемлекеттік қызметтерді дамыту және цифрландыру, Үкімет қаулыларының жобалары қаралды.&nbsp;&nbsp;Оған облыс әкімі Нұрлыбек Нәлібаев селекторлық режим арқылы қатысты. Үкімет отырысынан кейін аймақ басшысының төрағалығымен өткен мәжілісте осы және өзге де мәселелер талқыланып, жауапты сала басшыларына тапсырмалар жүктелді.<blockquote>«Мемлекеттік қызмет көрсетуде заң бұзушылықтың алдын алып, бақылауды күшейтіңіздер. Қызмет көрсетуші мекемелерге нормативтік-құқықтық актілердің талаптарын жүйелі түрде түсіндіріңіздер. Барлық мемлекеттік органда мемлекеттік қызметтердің сапалы көрсетілуін үйлестіріңіздер. Алдымызда өте жауапты су қабылдау кезеңі тұр. Өңірдегі су шаруашылығы нысандары науқанға толық дайын болуы тиіс. Су шаруашылығы мекемелерінің басшылары, Қызылорда қаласы, аудан әкімдерімен бірлесіп, 10 күн ішінде су нысандарының дайындығын, канал тазалау жұмыстарын зерделеп, нәтижесін баяндаңыздар. Су шаруашылығының жағдайын, егіс пен экологиялық мұқтаждыққа қажетті су көлемінің тиісті деңгейде бөлінуін қатаң бақылауға алыңыздар. Биылғы оқу жылының аяқталуына да аз уақыт қалды. Маусымның &nbsp;бірінші күнінен жазғы тынығу лагерьлері жұмысын бастайды. Каникул кезінде балалардың сауықтыру демалысын, бос уақытын және қосымша білім алуын ұйымдастыру өте маңызды. Білім басқармасы қала, аудан әкімдіктерімен бірлесіп, демеушілер есебінен балаларымыздың өзге өңірлерде де тынығуын үйлестіріңіздер»,– деді Н.Нәлібаев.</blockquote>Өңірде мемлекеттік мекемелер 184 мемлекеттік қызмет түрін көрсетеді. Мемлекеттік қызметтерді электронды түрде алуды арттыру мақсатында жергілікті атқарушы органдарда, білім беру ұйымдарында, емханалар мен ауруханаларда 960 өз-өзіне қызмет көрсету бұрышы ашылып, жұмыс жасауда.Өткен жылы 5 563 096 мемлекеттік қызметтің 98,6%-ы электрондық үкімет веб-порталы мен ақпараттық жүйелер арқылы көрсетілді.Бұдан бөлек, өңір тұрғындарын мемлекеттік қызметтерді онлайн алу дағдыларына үйрету арқылы цифрлық сауаттылығын арттыру мақсатында Жол картасы бекітілді. Тұрғындар арасында, студенттерге, жоғары сынып оқушыларына электронды қызметтерді алуды оқыту семинарлары ұйымдастырылуда.Фото: Қызылорда облысы әкімінің баспасөз қызметі

Мемлекеттік қызметтерді дамыту және цифрландыру мәселесі қаралды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың төрағалығымен кадрлық өзгерістерге орай актив отырысы өтті. Оған селекторлық режимде қала, аудан әкімдері, басқарма, департамент басшылары мен ардагерлер қатысты.Мәжілісте Қазақстан Республикасы Мемлекеттік қызмет істері агенттігінің келісімімен Қызылорда облысының дін істері басқармасының басшысы лауазымына тағайындалған Мира Қазбекова таныстырылды.<blockquote>«Мира Жомартқызы – аймақтың әлеуметтік-саяси ахуалымен жақсы таныс, мемлекеттік қызметте мол тәжірибе жинақтаған, облыстың мәдени-рухани өмірін дамытуға зор үлес қосқан білікті маман. Басқарма мен оның басшысына маңызды міндеттер жүктеледі. Атап айтқанда, діни қызмет саласындағы мемлекеттік саясатты жүзеге асыру, өңірдегі діни тұрақтылықты толыққанды бақылау, діни бірлестіктердің, миссионерлердің, рухани білім беру ұйымдарының қызметін зерделеу және талдау керек. Жастарды діни экстремистік әрекетке тартуға жол бермеу, азаматтардың бойында деструктивті діни идеологияға қарсы иммунитет қалыптастыру бағытында жұмыс атқаруды тапсырамын», – деді Н.Нәлібаев.</blockquote>Мира Жомартқызы 1984 жылы Қазалы ауданында дүниеге келген. Қорқыт ата атындағы Қызылорда мемлекеттік университетінде «Қазақ тілі мен әдебиеті», «Экономика», «Болашақ» университетінде «Заңтану» мамандықтары бойынша білім алған.Еңбек жолын 2005 жылы мемлекеттік қызметшілерді және бюджеттік сала қызметкерлерін қайта даярлау және олардың біліктілігін арттыру өңірлік орталығында бастаған.Әр жылдары Қызылорда облысының мәдениет, архивтер және құжаттама басқармасы басшысының орынбасары, Қызылорда қалалық мәдениет және тілдерді дамыту бөлімінің басшысы, Қызылорда қаласы әкімі аппаратының басшысы, Қызылорда қаласы әкімінің орынбасары, Қызылорда облысының қоғамдық даму басқармасының басшысы лауазымдарында абыройлы еңбек еткен.2023 жылдың қаңтар айынан осы күнге дейін Қызылорда облысының мәдениет, архивтер және құжаттама басқармасының басшысы қызметін атқарып келді.Фото: Қызылорда облысы әкімінің баспасөз қызметі

Дін істері басқармасының басшысы тағайындалды

<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев кадрлық өзгерістерге орай өткен актив отырысында облыстық мәдениет, архивтер және құжаттама басқармасының жаңа басшысы Жанмұрат Сейіловті таныстырды.Жанмұрат Жақсымұратұлы 1985 жылы Жамбыл облысы, Қаратау қаласында дүниеге келген.Мұхаммед Хайдар Дулати атындағы Тараз мемлекеттік университетінде «Тарих, құқық және экономика негіздері», Қожа Ахмет Яссауи атындағы Халықаралық қазақ-түрік университетінде «Мемлекеттік және жергілікті басқару» мамандықтары бойынша білім алған.Еңбек жолын Қызылорда облысы әкімі аппаратының инспекторы ретінде бастаған. Әр жылдары Қызылорда қаласының кәсіпкерлік, өнеркәсіп және туризм бөлімінің басшысы, қалалық мәслихаттың, қала әкімі аппаратының басшысы, Қызылорда қаласы әкімінің орынбасары, Қызылорда облысының дене шынықтыру, спорт және туризм басқармасының басшысы лауазымдарында еңбек еткен.2024 жылдың қыркүйек айынан осы күнге дейін Қызылорда облысы әкімі аппараты басшысының орынбасары лауазымын абыроймен атқарып келді.Облыс әкімі жаңа басшыға өңірдегі тарихи-мәдени мұраларды сақтау жұмысын ұйымдастыруды, тарихи, ұлттық және мәдени дәстүрлерді дамытуды жүктеді. Халық шығармашылығы, театр, кино өнері, музей жұмысын үйлестіруді, кітапханаларды ақпараттандыру орталығына айналдыруды тапсырды.Фото: Қызылорда облысы әкімінің баспасөз қызметі

Мәдениет, архивтер және құжаттама басқармасының басшысы тағайындалды

<a href="https://kyzylorda-news.kz/">Kyzylorda-news.kz</a> Қызылорда облысының қоғамдық даму басқармасы басшысының 2025 жылғы 1 сәуіріндегі №02-05/33 бұйрығымен басқарма басшысының орынбасары – ҚХА хатшылығының меңгерушісі лауазымына Қамбаров Артур Раушанбекұлы тағайындалды.Артур Раушанбекұлы 1985 жылы 14 мамырда Қызылорда облысы, Шиелі ауданында дүниеге келген.2002-2006 жылдары Қорқыт Ата атындағы Қызылорда мемлекеттік университетін «Тарих, құқық және экономика негіздері», 2009-2011 жылдары Қазақтұтынуодағы Қарағанды экономикалық университетін «Жергілікті мемлекеттік басқару» мамандықтары бойынша бітірген.Еңбек жолын 2007 жылы Қызылорда облысы, Шиелі ауданы «Ортақшыл ауылдық округі әкімінің аппараты» мемлекеттік мекемесінде инспектор ретінде бастаған.2007 жылдың шілдесінде аталған мекемеде алғаш мемлекеттік қызметке қабылданып, 2013 жылға дейін маман, әскери есеп столының жетекші маманы, бас маман статист қызметтерін атқарған.2013-2015 жылдары «Қызылорда қаласы, Тасбөгет кенті әкімінің аппараты» мемлекеттік мекемесінде жетекші маман-заңгер;2015-2021 жылдары «Қызылорда облысының ішкі саясат басқармасы» мемлекеттік мекемесінің Азаматтық қоғам институттарымен жұмыс бөлімінің бас маманы, «Дін істері» бөлімінің бас маманы, «Ақпараттық саясат және БАҚ» бөлімінің бас маманы, бөлім басшысы, «БАҚ және интернет ресурстарымен жұмыс» бөлімінің басшысы;2021 жылдың 1 маусымынан 2022 жылдың 22 тамызына дейін «Қызылорда облыстық мәслихатының аппараты» мемлекеттік мекемесінің бас инспекторы;2022 жылдың 23 тамызынан 2022 жылдың 12 қыркүйегіне дейін «Қызылорда облысының қоғамдық даму басқармасының дін істері бөлімінің басшысы;2022-2024 жылдары Қызылорда облысының қоғамдық даму басқармасы басшысының орынбасары, «Тілдерді дамыту және ономастика» бөлімінің басшысы;2024 жылдың 3 қыркүйегінен бастап бүгінге күнге дейін «БАҚ және интернет-ресурстармен жұмыс» бөлімінің басшысы қызметтерін абыроймен атқарып келді.Фото: Қоғамдық даму басқармасы

Артур Қамбаров – жаңа қызметке тағайындалды 

<a href="https://kyzylorda-news.kz/">Kyzylorda-news.kz</a> Ақтауда дәмхана басшысы құқығын талап еткен тұрғынды шашынан сүйреп қуып шыққан.&nbsp;Бұл туралы&nbsp;<a href="https://stan.kz/">Stan.kz&nbsp;</a>ақпарат агенттігі&nbsp;хабарлады.&nbsp;Ақтаулық дәмханада “хот-догтың ішінен шаш табылды, басқасына ауыстырып бер” деген әйелге кәсіпкер анасымен бірге жабылып, күш көрсетіпті. Қазір полиция күдіктіні қамап, тергеуді бастады.Бала-шағасымен 600 теңгелік хот-дог жеуге барған келіншек шыр-пыр болып, айналадағы адамдардан көмек сұраған. Барлық жайтты видеоға түсіріп алған әйел дәмхана басшылығы санитарлық талапты сақтаудың орнына&nbsp;өзін қорқытып, ұрып-соғып шығарып салғанын айтты. Сөзінше, кәсіпкер "біреудің тапсырмасымен келіп, күйе жағып отырсың" деп айыптаған.Осы шудан кейін тамақтанатын орын уақытша жабылып, тергеу басталды. Соттың санкциясымен тұтынушысын балағаттап, зәбір көрсеткен азамат 2 айға қамауға алынды. Қазір полиция оқиғаның мән-жайын анықтап жатыр.Фото: Видеодан скриншот

Хот-догты ауыстырып беруін сұраған: Ақтауда дәмхана басшысы құқығын талап еткен тұрғынды шашынан сүйреп күш көрсеткен

<a href="https://kyzylorda-news.kz/">Kyzylorda-news.kz</a> Бүгін «AMANAT» партиясының облыстық филиалының төрағасы Алмасбек Есмаханов партия филиалы жанындағы Өңірлік даму және экономика, кәсіпкерлік, аграрлық секторды қолдау жөннідегі кеңес мүшелерімен бірге Исатай Әбдікәрімов атындағы Қызылорда аграрлық-техникалық жоғары колледжінде болып, жұмысшы мамандарды даярлау бағытындағы жұмыстарымен тынысып, ұсыныс - пікірлерін тыңдады.Кеңес мүшелерін қарсы алған колледж директорының міндетін атқарушы Бауыржан Ермұхан колледж тарихына тоқталып, оқу ордасының қабырғасында дайындалатын жұмысшы мамандықтар туралы кеңінен мәлімет берді. Сонымен қатар, кәсіби оқыту және оқу зертханаларымен таныстырды.Оның айтуынша, колледж «Атамекен» Ұлттық кәсіпкерлер палатасының сұранысы бойынша 2025 жылдан бастап «Электромонтаждаушы», «Ветеринарлық санитар», «Дәнекерлеу ісі», «Автокөлікті жөндеу слесарі», «Вагон жөндеу слесары» секілді жұмысшы мамандықтарын қысқа курста дайындауға көшкен. Бүгінде өңірімізде аталған мамандарға деген сұраныс күн сайын артып келеді екен.Сондай-ақ, колледж Германияның «Seven Rivers Technologies» ЖШС-мен 2025-2026 оқу жылына бюджеттік негізде қабылданатын «Шыны талшықтарын және шыны өнімдерін өндіру», «Автомобиль көлігіне техникалық қызмет көрсету, жөндеу және пайдалану, автомобиль электр жабдықтарын жөндеу жөніндегі электрик» жұмысшы мамандықтары бойынша ынтымақтастық туралы меморандум мен келісім-шарты жасалып, оқытуды бастаған.<blockquote>«Басты ерекшелігі – аталған екі жұмысшы мамандығы бойынша практикалық сабақтарды осы бағытта жұмыс тәжірбиесі бар неміс мамандары үйрететін болады»,- дейді Бауыржан Ермұхан.</blockquote>Бүгінде жоғары колледжде «Жас маман» – бәсекеге қабілетті маман даярлау жобасы жұмыс жасайды. Осы жоба аясында «Электрмен қамтамасыз ету» жұмысшы мамандығының салалары бойынша 3 зертханаға әрқайсысына 110 млн теңге тұратын жабдықтар алынған. Бұдан бөлек, «Жылу электр станцияларының жылу энергетикалық қондырғылары» зертханасы құны 70 млн теңгелік құрал-жабдықтармен қамтамасыз етілген.Сондай-ақ, білім алушылар оқу-тәжірибе базасы ретінде пайдалану мақсатында колледж базасында ветеринарлық клиника ашылған. Онда студенттер теориядан алған білімін клиникада тәжірибемен ұштастырады, жануарларға клиника - диагностикалық зерттеулер жүргізіп, арнайы құрал-жабдықтармен жұмыс жасап үйренеді. Клиниканың ветеринарлық дәрігерінің жетекшілігімен ақылы түрде халыққа қызмет көрсетіп қаражат табады, төрт түлік және үй жануарларына алғашқы көмек шақыртуларына барады.Кездесу соңында колледж басшылығы мен ұжымы партияның облыстық филиалының төрағасы және кеңес мүшелеріне колледждің материалдық-техникалық базасын жаңғырту, өңірімізде жұмысшы мамандықтарының еңбек ақысын көтеру, ғылыми жобаларға қатысуға қолдау көрсетуді сұрап, өз ұсыныстарын жеткізді.Айта кетейік, қазіргі таңда колледже 1805 студент политехникалық, ауылшаруашылық, кен орындарын игеру және сандық технологиялар, көлік және коммуникация мамандықтары бойынша білім алуда. 95 жылдық тарихы бар оқу ордасында 152 оқытушы 34 мамандық, 35 біліктілік бойынша дәріс береді.

«Жұмысшы мамандықтар жылы» аясында колледж жұмысымен танысты

<a href="https://kyzylorda-news.kz/">Kyzylorda-news.kz</a> Сыр өңірінің бас имамы Дастан Жанасұлы бастаған дін қызметкерлері жасанды интеллект бойынша оқыту курсына қатысуда.«Kyzylorda hub» өңірлік хабында ұйымдастырылған курстың алғашқы күнінде хаб жетекшісі Жанарыс Тубекбаев имамдарға деректер базасын құру, ақпаратты саралау және жеке қызметтік ассистент жасау жолдарын үйретті.Айта кетейік, заман талабына сай жаңашылдыққа ұмтылған сырбойылық жас имамдарға арналған бұл оқыту курсы екі күнге жалғасады.ҚМДБ-ның Қызылорда облысы бойынша өкілдігінің баспасөз қызметі

Сыр имамдары жасанды интеллектті меңгеруде

<a href="https://kyzylorda-news.kz/">Kyzylorda-news.kz</a> Облыстық Қазақстан халқы Ассамблеясының Ақсақалдар кеңесінің отырысы болып өтті. Отырысқа облыстық, қалалық және аудандық Ақсақалдар кеңестерінің мүшелері қатысты.Күн тәртібінде Қызылорда облысының тұрғылықты жерлері мен әлеуметтік нысандарының инфрақұрылымдармен қамтамасыз етілу және Қызылорда қаласы, Белкөл зиратының жағдайы (мемлекеттік сатып алу заңдылықтары, тазалығы, қоршалуы, мәйіттің жерленуі және т.с.с.) мәселелері қаралды.Аталған мәселелер бойынша облыстық энергетика және тұрғын үй-коммуналдық шаруашылық басқармасы мен қалалық тұрғын үй-коммуналдық шаруашылығы, жолаушылар көлігі және автомобиль жолдары бөлімінің өкілдері қатысып, атқарылған жұмыстары жөнінде кеңеске ақпараттарын берді.Кеңес мүшелері өз тараптарынан мемлекеттік қызметкерлерге сұрақтарын қойып, мәселелердің оңтайлы шешімдерін табуға ұсыныстарын айтты.Фото: Қоғамдық даму басқармасы

Ақсақалдар кеңесінің отырысы өтті

<a href="https://kyzylorda-news.kz/">Kyzylorda-news.kz</a> 24-27 наурыз аралығында Қызылорда облысының Еуропадағы өнер күндері өтті. Сыр елінің өнерпаздары Финляндия, Эстония және Испания елдеріне қазақ халқының бай мәдени мұрасын таныстырып, ұлттық өнерімізді дәріптеді. Шығармашылық сапар барысында мемлекеттер арасындағы мәдени-рухани байланыс артып, шетелдегі қандастарымыз да елге деген сағынышын басып, ұлттық өнерден қуат алды. Бұл туралы өңірлік коммуникациялар қызметінің ақпарат алаңында өнер сапарынан оралған бір топ өнерпаз сапардан алған әсерімен бөлісті.<blockquote>– Сыр бойының өзіне тән жыр-күйлері сол жақтағы халықтың үлкен қызығушылығын туғызды деп айта аламыз. Ең алғашқы кешіміз Финляндия елінде басталды. Концерттен соң фин халқы бізді сахнадан жібермей, әріптестеріміздің әрқайсысымен суретке түсіп, Сыр жұртшылығына жалынды сәлемін айтып жіберді. Бұл ілтипаттар Эстония мен Испанияда да қайталанды. Осы орайда әлеуметтік желі арқылы біздге тілекші болып, қолдап отырған жерлестерімізге ризашылығымызды білдіреміз. Сондай-ақ, Сыр өнерпаздарының атынан осы тарихи сапардың жүзеге асуына үлкен қолдау білдірген аймақ басшысы Нұрлыбек Машбекұлына алғыс айтамыз,- деді айтыскер ақын Мұхтар Ниязов.</blockquote>&nbsp;<blockquote>– Бұл Еуропалық сапардың орны ерекше болды деп айта аламыз. Біз бұған дейін де шет елдерде болдық, десе де бір ғана мемлекетпен шектелетін едік. Ал осы жолы Еуропаның үш елінің бас қалаларында өнер көрсеттік. Қазақтың өнеріне тән барлық жанрлар қамтылған ерекше концерт болды. Үстімізге киген ұлттық костюмдеріміз жергілікті тұрғындардың назарын аударып, қандастарымыздың туған жерге деген сағынышын басуға септігін тигізді. Тіпті кей қандастарымыз сағыныш сезімінен көзіне жас алған сәттері де болды. Осы сәттерді көзімізбен көріп, залда отырған әр көрерменнің қошеметін, ыстық ықыласын шынайы сезінген кезде төбеміз көкке жетті. Сонымен қатар, әрбір шет елдегі қандасымыздың Ұлыстың ұлы күнін сезініп, ұлттық өнерді тағы бір естіп, өздерінің ішкі толғаныстарын айтқан кезде аймақ басшысының көрегендігіне тәнті болдық, - әнші Самал Байсейітова.</blockquote><img src="https://knadmin.beoblood.kz/uploads/Brifing_01_04_2_976c0134b3.jpg" alt="Брифинг 01.04 2.jpg"><blockquote>- Үлкен сапардан абыроймен оралдық қой деп есептейміз. Наурыз мейрамын тойлау барысында салт-дәстүрімізді, ұлттық тағамдарымызды көрерменге ұсынғанда тіпті бөлек болды. Ол жақтағы халықтың сағынышпен қарсы алуы, қимастықпен шығарып салуын көзімізбен көрдік. Біз тек Сыр өңірінің атынан ғана емес қазақ елінің атынан бардық. Бұған дейін бір ғана мемлекетке ғана барып қайтатынбыз. Бұл сапарда үш бірдей мемлекетте қазақтың дәстүрлі өнерін насихаттадық. Оған қолдау көрсеткен аймақ басшысына, азаматтарға алғыс білдіреміз, - деді дәстүрлі әнші Руслан Ахметов.</blockquote><img src="https://knadmin.beoblood.kz/uploads/Brifing_01_04_4_cf142b76bf.jpg" alt="Брифинг 01.04.4.jpg"><blockquote>- Қазақтың ұлттық өнерін шетелде көрсетіп қайттық. Қай қалаға барсақ та көрерменнің ерекше ықыласын сезіндік. Біз үшін бұл сапар тарихи сәт болды. Ұлттық өнерді насихаттап, шетелдегі қандастарымыз бен жергілікті тұрғындарға ұсыну мақсатындағы сапарға қолдау білдерген облыс әкімі Нұрлыбек Машбекұлына алғыс білдіреміз, - деді «Ақмешіт» фальклорлық ансамбілінің әртісі Алтынай Берденова.</blockquote><img src="https://knadmin.beoblood.kz/uploads/Brifing_01_04_3_3d219d7496.jpg" alt="Брифинг 01.04.3.jpg">Фото: Қызылорда облысының өңірлік коммуникациялар қызметі

Қызылордалық өнерпаздар Еуропада қазақ мәдениетін насихаттады

<a href="https://kyzylorda-news.kz/">Kyzylorda-news.kz</a> Чехияда әскерге жаңа шақырылғандарға 43 мың доллар немесе 21 млн теңгеден астам бірреттік жәрдемақы төленетін болды, деп хабарлайды <a href="https://baq.kz/askerge-bargandarga-21-mln-tenge-zhardemaqy-tolenedi-200010714/">BAQ.KZ.</a>Idnes басылымы жазған мәліметке сәйкес, ел президенті Петр Павел кәсіби әскери қызмет туралы заңға түзету енгізу туралы жарлыққа қол қойған.Осылайша, билік ел әскерінің қатарына қосылғысы келетіндердің санын арттыруға, сондай-ақ оны қазіргі жеке құрамда ұстап қалуға ниетті.Президент қол қойған түзетулер жаңадан қатарға қосылған кәсіби әскери қызметкерлер үшін бірреттік жәрдемақыны 1 млн кронға (21 млн теңгеден астам) дейін ұлғайтуға мүмкіндік береді. Сондай-ақ әскердегі қызметі үшін оларға басқа да жеңілдіктер ұсынылады, - делінген хабарламада.Сондай-ақ өзге жеңілдіктердің қатарында тұрғын үйге төленетін жәрдемақы мен шетелде қызмет етсе берілетін үстемақы бар. Осыған байланысты, Чехия бюджетіне жылына 16 млн доллар шығын келетіні айтылды.Фото: gov.kz

Қазақстан және Қызылорда облысының жаңалықтары: Қоғам