<a href="https://kyzylorda-news.kz/">Kyzylorda-news.kz</a> &nbsp;Абай облысында өтетін Қызылорда облысының өнер күндеріне барған Қызылорда облысының әкімі Нұрлыбек Нәлібаев бастаған делегация Семейдегі «Абай ұлдарымен» ескерткішіне гүл шоқтарын қойды. Делегация құрамында Парламент Сенаты мен Мәжілісінің депутаттары Н.Байқадамов, Р.Рүстемов, М.Ергешбаев, облыстық ардагерлер кеңесінің төрағасы С.Дүйсенбаев, аймақ ардагерлері, зиялы қауым өкілдері, Тұрмағамбет атындағы халық аспаптар, симфония оркестрлері, «Сыр самалы» вокалды-аспапты, «Томирис» би ансамбльдері, хор ұжымы, басқа да өнерпаздар бар.Сыр елі делегациясының мүшелері Абайдың «Жидебай-Бөрілі» мемлекеттік тарихи-мәдени және әдеби-мемориалдық музей-қорығын аралап, құнды жәдігерлермен танысты.Абай облысының әкімі Берік Уәли қонақтарға «Semey Smart City» шағын ауданының құрылыс жобасын таныстырды. Қаланың солтүстік бөлігінде орналасқан жаңа ауданда 75 мың тұрғынға арналған тұрғын үй кешендері, 40-тан астам әкімшілік, коммерциялық және әлеуметтік нысандар, саябақтар бой көтермек.Мемлекет басшысының қолдауымен басталған «Абайға құрмет» акциясы аясында еліміздің 11 өңірі Семей қаласына бір нысан салып беруге өз ұсыныстарын берді. Маңғыстау облысы Достық үйінің іргетасын қалады. Шымкент қаласы шығармашылық орталығын, Түркістан облысы көрме орталығын, Астана қаласы Келешек мектебін, Ақтөбе облысы жекпе жек орталығын, Павлодар облысы үстел теннисі орталығын, Солтүстік Қазақстан облысы Рәміздер алаңын, Батыс Қазақстан облысы желілік саябақ салуды, Шығыс Қазақстан облысы Ертіс жағажайын абаттандыруды жоспарлаған.Қызылорда облысының әкімі Нұрлыбек Нәлібаев Мемлекет басшысының бастамасын қолдайтынын жеткізді.«Барлық бастамаларыңызға сәттілік тілейміз. Мемлекет басшысының, Үкіметтің қолдауымен үлкен жобаны қолға алған екенсіздер. Біз де бұл игілікті іске өз үлесімізді қосамыз. Қызылорда қаласында «Анаға тағзым» орталығы бар. Сондай ғимараттың бірін жоспарлаймыз» деді.Делегация Семей қаласында орналасқан еліміздегі автобус құрастыратын жетекші кәсіпорындардың бірі «Daewoo Bus Kazakhstan», жүк көліктерін, арнайы техника құрастырумен айналысатын «СемАЗ» және түрлі баспа өнімдерін шығарумен шұғылданатын «Казполиграф» серіктестіктерін аралады. Кәсіпорындардың өнімдеріне қызығушылық танытып, алдағы уақытта бірлесе жұмыс істеуге дайын екендерін жеткізді.Фото: Қызылорда облысы әкімінің баспасөз қызметі

Сыр өңірінің делегациясы Семейдегі бірқатар нысандарды аралады

<a href="https://kyzylorda-news.kz/">Kyzylorda-news.kz</a> Еңбек және халықты әлеуметтік қорғау&nbsp;вице-министрі Олжас Анафин елімізде енді атаулы әлеуметтік көмекті (АӘК) жасанды интеллект&nbsp;тағайындайтынын айтты. Бұл туралы&nbsp;<a href="http://stan.kz/">Stan.kz</a>&nbsp;ақпарат агенттігі хабарлайды.&nbsp;Вице-министрдің айтуынша, бұл мақсатта 90%-дан жоғары дәлдік көрсеткен Random Forest Classifier моделі қолданылып жатыр.Бірінші кезеңде жасанды интеллекттің шешімдері әкімдіктер үшін ұсынымдық сипатта болады. Екінші кезеңде өтініштердегі фото және видеоны талдау үшін компьютерлік көру технологиясын қосу жоспарлануда.Үшінші кезеңде жүйе қиын жағдайға тап болған отбасылар үшін жеке көмек жоспарларын құратын болады.Фото: freepik.com

Қазақстанда атаулы әлеуметтік көмекті жасанды интеллект тағайындайды

<a href="https://kyzylorda-news.kz/">Kyzylorda-news.kz</a> &nbsp;М.Мәметова атындағы педагогикалық жоғары колледжінде «Отанға қызмет – абыройлы міндет» тақырыбында білім алушылармен тәрбиелік мәні бар кездесу болып өтті.Кездесуге облыстық Қазақстан халқы ассамблеясының Ақсақалдар кеңесінің мүшесі Жәкеев Жақсыбай Малбағарұлы мен атқарушы хатшысы, саясаттанушы Үсенбаев Бауыржан Серікұлы, Қазақстан Республикасы Қарулы күштері ардагерлері филиалының Қызылорда облысы бойынша төрағасы, отставкадағы подполковник Ршауов Мыңділдә Сағидоллаұлы, Қызылорда облысының қорғаныс істері жөніндегі департаментінің шақыру бөлімінің бастығы майор Сейітханов Нұрлыбек Қалыбекұлы, осы департамент бастығының тәрбие ісі жөніндегі орынбасарының міндетін уақытша атқарушы майор Искакова Нэлля Нәбиқызы қатысты.Алғашқы сөз алған облыстық Ақсақалдар кеңесінің мүшесі Жақсыбай Малбағарұлы ұлттық салт-дәстүрімізден туындайтын тәлім-тәрбиелік маңызы бар құндылықтар жөнінде айтып, жастарды отан алдындағы борышын өтеуден жалтармауға шақырды. Кеңестің атқарушы хатшысы Бауыржан Серікұлы қазақ халқының ұлт болып қалыптасу жолындағы қиын кезеңдер жайлы тарихи мағлұматтар келтіріп, тәуелсіздіктің қауіпсіздігі мен елдің болашағы алдында барлық қазақстандық азамат жауапты екендігіне өмірден мысалдар келтірді.Шара соңында ақсақал – Жақсыбай Малбағарұлы білім алушы жастар мен келген қонақтарға ақ батасын берді.

Отанға қызмет – абыройлы міндет» тақырыбында кездесу өтті

<a href="https://kyzylorda-news.kz/">Kyzylorda-news.kz</a> &nbsp; &nbsp;Мемлекет басшысы Қ.Тоқаев 18 шілдеде жаңа Салық кодексіне қол қойды. Құжат еліміздің салық жүйесін заман талабына сай жетілдіруге бағытталған. Кодекстің басты ерекшеліктерінің бірі – сараланған салық ставкаларының енгізілуі. Өз кезегінде бұл әдіс табыс деңгейіне қарай әділдік орнатуға мүмкіндік береді. Салық кодексіндегі өзгерістер мен жаңалықтарды Өңірлік коммуникациялар қызметінің ақпарат алаңында облыстық кірістер департаменті басшысының орынбасары Асқар Елеманов айтты.<blockquote>– Салық кодексіне енгізілген өзгерістер бойынша 2026 жылдан бастап қосылған құн салығының мөлшерлемесі 16 пайыз деңгейінде белгіленеді. Медицина саласы үшін айналымға және импортқа келер жылдан бастап 5 пайыз, 2027 жылдан бастап 10 пайыз төмендетілген салық салынады. Жеке табыс салығы бойынша прогрессивті шкала енгізілді. Жылдық табысы 35 миллион теңгеге дейінгі азаматтар 10 пайыз, одан жоғары табыс иелері 15 пайыз мөлшерінде салық төлейді. Дивидендтер мен кәсіпкерлер табысына да осындай сараланған ставкалар қолданылмақ. Сонымен қатар, әлеуметтік салықтың мөлшерлемесі 6 пайыз көлемінде белгіленді. Алкоголь өнімдері мен темекіге салынатын акциз мөлшерлемелері жыл сайын 10 пайызға өсіп отырады. 2026 жылдан бастап энергетикалық сусындарға да акциз салығы енгізілетін болады. Тағы бір айта кететін жайт, мүлік пен жер салығы бойынша төлемдер есебі қысқартылды, салық тек жыл қорытындысы бойынша төленетін болады. Пайдаланылмайтын ауыл шаруашылығы жерлеріне салық көлемі қырық есеге ұлғайтылады. Бұл қадам жерді тиімді пайдалануға мүмкіндік береді. Жаңа кодекстің тағы бір маңызды тұсы – цифрландыру. Салық органдары сервистік модельге көшіп, кәсіпкерлер үшін қызмет көрсету сапасын арттырады. Салық есептілігінің нысандары 30 пайызға қысқартылды. Бұл бизнес пен азаматтар үшін айтарлықтай жеңілдік болмақ. Жалпы алғанда, жаңа Салық кодексі ұлттық экономиканы дамытуға, әділ салық салу жүйесін қалыптастыруға және инвестициялық ахуалды жақсартуға бағытталған кешенді құжат ретінде қабылданды, - деді Асқар Сейдекәрімұлы.</blockquote>Фото: Қызылорда облысының Өңірлік коммуникациялар қызметі

Елімізде салық кодексі жаңарады

<a href="https://kyzylorda-news.kz/">Kyzylorda-news.kz</a> &nbsp; Қызылорда облысы бойынша қылмыстық атқару жүйесі департаментінің № 60 мекемесінде <a href="https://kaz.inform.kz/news/kizilordada-sottalgandar-uyrek-kaz-osrp-zhur-c46bd2/">өндірістік аймақ</a> бар.Департаменттің баспасөз қызметі хабарлағандай, онда 17 шағын және орта бизнес субъектісі жұмыс істеп тұр. Бұл нысандарда 500-ден астам адам түрлі салада еңбекпен қамтылған.Сотталғандардың бір тобы құс шаруашылығына ден қойған. Жеке кәсіпкер Орынбасар Тұрғанбекұлы бұған дейін мекеме аумағындағы дәнекерлеу цехында қоршау, пескоблок өнімдерін шығарумен айналысып келген. Енді оған құс шаруашылығы қосылды. Оның ішінде тауық, үйрек пен қаз өсіреді.<blockquote>—&nbsp;Қаз өсіріп, көбейтіп сатуды жоспарлап отырмын. Құстың еті де, жұмыртқасы да&nbsp;халыққа пайдалы. Бұл жұмысқа түзеу мекемесінде жазасын өтеушілер тартылған,&nbsp;— деді кәсіпкер.</blockquote>Соның бірі еңбектің арқасында жалақы алып, бала-шағаны асырауға сеп болғанына риза.<blockquote>—&nbsp;Бала кезімізде өзіміз де&nbsp;тауық, үйрек, қаз бақтық. Бұл біз үшін қиын емес, қайта еңбекке араласқаныма қуаныштымын,&nbsp;— деді ол.</blockquote>Түзеу мекемесінде сотталғандардың уақытын тиімді өткізіп, еңбекке баулу арқылы олардың әлеуметтік бейімделуіне осындай мүмкіндік жасалған. Кәсіпкер енді құс санын көбейтіп, кәсіп аясын кеңейтісі келеді.Бұған дейін хабарлағанымыздай, Қызылорда облыстық қылмыстық атқару жүйесі департаментіне қарасты № 60 мекемеде сот үкімі бойынша бостандығынан айырылғандарды 13 кәсіпорын жұмыспен қамтып отыр.Фото: Қызылорда облыстық қылмыстық атқару жүйесі департаменті

Қызылордада сотталғандар үйрек-қаз өсіріп жүр

<a href="https://kyzylorda-news.kz/">Kyzylorda-news.kz</a> &nbsp;Екі немесе одан да көп тұрақты жұмыс орны бар қазақстандықтар тергеуге алынады. Мұны мәжіліс алаңында Еңбек және халықты әлеуметтік қорғау вице-министрі Олжас Анафин мәлімдеді. Бұл туралы <a href="https://stan.kz/enbek-ministrligi-kazakstandiktardin-eki-nemese-odan-da-423603/">Stan.kz</a> ақпарат агенттігі хабарлайды.Заңбұзушылықтар еңбек инспекциясына хабарланады.<blockquote>«Еңбек кодексіне сәйкес, бір жұмыс орнында ғана толық жұмыс күнімен жұмыс істеуге рұқсат етіледі. Біз мұндай жағдайлардың алдын алу үшін бюджеттік салада тиісті шаралар қабылдап жатырмыз», – деді вице-министр.</blockquote>Жұмыспен қамту деректері бірыңғай еңбек кітапшалары жүйесі арқылы талданатынын түсіндірді. Бір адам бірнеше ұйымда толық күнтізбе ретінде тіркелген жағдайлар қазірдің өзінде анықталған.<blockquote>«Әзірше біз тек мемлекеттік органдарды бақылап жатырмыз. Біздің мәлімет бойынша, екі немесе одан да көп мекемеде ресми түрде тұрақты жұмыс істейтін қызметкерлер бар. Бұл жағдайлар еңбек инспекциясына хабарланады», – деді Анафин.</blockquote>Журналистер бірнеше жұмыста жүрген қазақстандықтар жұмыстан босатыла ма деп сауал қойды.<blockquote>«Иә. Егер бірнеше лауазым бойынша толық уақытты жұмыспен қамту Еңбек кодексіне қайшы келеді», – деді вице-министр.</blockquote>Бұл ретте ол азаматтардың жеке деректері қорғалатынын, кез келген тексеріс заң аясында жүргізілетініне сендірді.Фото: Pixabay.com

Қазақстанда екі немесе одан да көп жерде жұмыс істеуге тыйым салынбақ

<a href="https://kyzylorda-news.kz/">Kyzylorda-news.kz</a> Андасбек Алмасбек И.Әбдікәрімов атындағы Жоғарғы политехникалық колледжінің студенті. Ол вагон жөндеу депосында тәжірибеден өтіп жүріп, болашақ мамандығының қыр-сырын меңгергісі келеді. Дөңгелек жұптарын жөндеуге тікелей араласып жүрген жас маман еңбек процесінің әрбір сәтінен үйренуге тырысады. Ол үшін әрбір күн – жаңа тәжірибе, жаңа білім, жаңа мүмкіндік. Ұстаздарының қолдауы мен өндірістегі шебер мамандардың ақыл-кеңесі оның арманына жақындата түсуде.<blockquote>- Біз үшін вагон жөндеу депосындағы тәжірибе - үлкен мектеп деп айтсам болады. Мұнда дөңгелек жұптарын жөндеу жұмысына тікелей араласу арқылы болашақ мамандығымыздың қыр-сырын тереңірек меңгерудеміз. Бұл саланың ел экономикасы үшін маңызы зор екенін түсіндік, өйткені теміржол - халықты, өндірісті, сауданы байланыстыратын маңызды жүйе. Ұжымдағы тәжірибелі мамандардан үйренеріміз көп. Олар бізге тек жұмыс тәсілдерін ғана емес, еңбек тәртібін, жауапкершілікті де үйретуде. Бұл - болашақта жақсы маман болуымызға жол ашатын қадам,-деді Андасбек Алмасбек.</blockquote>

Өндірістегі алғашқы қадам: Болашақ маманның арманы

<a href="https://kyzylorda-news.kz/">Kyzylorda-news.kz</a> &nbsp; &nbsp;Қырғызстанда қолма-қол ақшасыз есеп айырысу жүйесін енгізу жұмыстары қарқынды түрде жүргізіліп жатыр, деп <a href="https://kaz.inform.kz/news/kirgizstanda-qr-kod-tolemdernn-kolem-rekordtik-dengeyge-zhett-f828e3/">хабарлайды</a> Кабар.Ұлттық банктің мәліметінше, ELQR жүйесіне қазір 20 коммерциялық банк пен 14 төлем ұйымы қосылған, сондай-ақ 32 мобильді қосымша жұмыс істейді.Елде 15 миллионнан астам есепшот, 9,8 миллион банк картасы, 3,5 миллион сәйкестендірілген электронды әмиян және 3 миллион мобильді агенттік қосымшалар қызмет көрсетеді.Тек 2025 жылдың алғашқы жартыжылдығында QR-код арқылы төлемдердің рекордтық сомасы – 274,9 миллиард сомға жасалды.Бұл өткен жылдың осы кезеңімен салыстырғанда (13,8 млрд сом) 19,9 есе көп.Өсім бүкіл республика бойынша 80,5 мыңнан астам сауда нүктелерінде QR-кодтарды кеңінен енгізу есебінен қамтамасыз етілді.Осыдан бұрын хабарланғандай, Қырғызстанда Жалаал-Абад қаласының атауы Манас болып өзгертілді.Фото: Кабар

Қырғызстанда QR-код төлемдерінің көлемі рекордтық деңгейге жетті

<a href="https://kyzylorda-news.kz/">Kyzylorda-news.kz</a> &nbsp; Исатай Әбдікәрімов атындағы Жоғарғы политехникалық колледжінің бастамасымен ұйымдастырылған баспасөз туры аясында тілшілер қауымы вагон жөндеу депосына барды. Мұнда болашақ теміржол саласының мамандары - колледж студенттері тәжірибеден өтіп, дөңгелек жұптарын жөндеу ісіне тікелей араласып жүр.Жастардың өндірістік ортадағы алғашқы қадамдары олардың кәсіби машығын шыңдап қана қоймай, еңбек мәдениетін қалыптастыруға жол ашады. Шеберханаларда еңбек етіп жүрген студенттер үшін бұл - теорияны практикамен ұштастырудың таптырмас мүмкіндігі.Айта кетейік, Мемлекет басшысы 2025 жылды «Жұмысшы мамандықтар жылы» деп жариялаған болатын. Бұл шешім - кәсіби-техникалық білімге жаңа серпін беріп, еңбек адамының мәртебесін арттыруға бағытталған маңызды қадам. Ал аталған колледж бен вагон жөндеу депосының бірлескен жұмысы осы бастаманың нақты көрінісіндей.Оқу ордасының өкілдері де студенттердің өндірістік тәжірибеге қатысуы - олардың болашақта бәсекеге қабілетті маман болып қалыптасуына ықпал ететінін атап өтті.

Жұмысшы мамандықтарына жаңа серпін: Студенттер вагон жөндеу депосында тәжірибе жинап жүр

<a href="https://kyzylorda-news.kz/">Kyzylorda-news.kz</a> &nbsp;2025 жылғы 17 қыркүйекте аудан әкімінің орынбасары Шыңғыс Әбділәмитұлы аудан орталығы – Жосалы кентінде абаттандыру бағытында жүзеге асырылып жатқан бірқатар әлеуметтік және инфрақұрылымдық нысандарды аралады.Аралау барысында жаңа бағдаршамдар орнату орындарын белгілеу, жаяу жүргіншілерге арналған тротуарлар төсеу, балалар және спорт алаңдарын орнату, сондай-ақ қоғамдық қауіпсіздікті қамтамасыз етуге бағытталған өзге де мәселелер қаралды.Нысандарды аралау кезінде нақты тапсырмалар беріліп, жұмыс сапасын арттыру, белгіленген мерзімдерге сәйкестігін қамтамасыз ету, қауіпсіздік нормалары мен құрылыс стандарттарының қатаң сақталуын бақылау жөнінде жауапты құрылымдық бөлімдерге міндеттер жүктелді.Абаттандыру жұмыстары – аудан әкімдігі қызметінің басты бағыттарының бірі. Бұл жұмыстардың негізгі мақсаты – тұрғындарға қауіпсіз, қолайлы және заманауи инфрақұрылыммен қамтылған қоғамдық орта қалыптастыру.

Қармақшы: Аудан орталығында абаттандыру жұмыстары қарқын алуда

<a href="https://kyzylorda-news.kz/">Kyzylorda-news.kz</a> Қармақшы ауданында «Руханият» орталығында Қазақстан Республикасының Президенті Қасым-Жомарт Кемелұлы Тоқаевтың «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауын талқылауға арналған аудан активінің отырысы өтті.Жиынды аудан әкімі Жандос Еркінбек ашып, Мемлекет басшысының биылғы Жолдауында ел экономикасының барлық салаларын жаңғырту мақсатында цифрландыру мен жасанды интеллект технологияларын жедел енгізуге ерекше назар аударылғанын атап өтті.Жолдауда айқындалған міндеттер негізінде аудандық мәслихат төрағасы Әділ Қошалақов еліміздің экономикалық және қоғамдық-саяси дамуына тың серпін беретін бастамаларға тоқталып өтсе, «Жаңажол» ЖШС-нің төрағасы Төлепов Орынбасар ауыл шаруашылығы саласында суды үнемдеу, озық технологияларды енгізу және инвестициялық белсенділік шаралары туралы сөз сөйледі. Сондай-ақ білім беру саласын цифрландыру мен жасанды интеллектіні дамыту жөнінде аудандық оқушылар үйінің директоры Құралай Манасова баяндама жасаса, «Ұлт бірлігі – Қармақшы» қоғамдық бірлестігінің және аудандық ақсақалдар кеңесінің төрағасы Шегебай Құндақбаев жағымсыз әдеттерден арылып, мәдениетті және өркениетті қоғам қалыптастыру мәселелерін көтерді.Президенттің Жолдауын талқылау барысында аудан әкімі актив отырысында негізгі 7 бағыттар бойынша жұмыстарды үйлестіріп, орындауды міндеттеді.Мәселен, Мемлекет басшысы экономиканы әртараптандыру және шағын, орта бизнесті қолдау мәселесіне ерекше тоқталған болатын. Аудан әкімі бұл бағытта ауданға инвестиция тарту, өнімдерді өңдеу, жаңа жұмыс орындарын ашу міндеттері бойынша аудандық кәсіпкерлік және өнеркәсіп бөлімі жүйелі әрі нәтижелі жұмыстар жүргізуі қажеттігін тапсырды.Жолдауда игерілмей бос жатқан ауыл шаруашылығы жерлерін мемлекет меншігіне қайтару туралы да сөз болды. 2024 жылы мемлекет меншігіне қайтарылған ауыл шаруашылығы мақсатындағы жерлерді қайта айналымға енгізу жұмыстарын аудандық ауыл шаруашылығы және жер қатынастары бөлімі толық аяқтауы тиіс. Аудан әкімі бұл жерлердің тек тиімді пайдалана алатын азаматтарға берілуі керектігін баса айтты.Сонымен қатар, тұрғын үй-коммуналдық шаруашылығы мен инфрақұрылымның тозу деңгейін төмендету мәселесі көтерілді. Биыл Иіркөл ауылында электр желілерінің құрылысы жүргізілсе, аталған жұмыс Дүр Оңғар ауылында қазан айында аяқталып, пайдалануға беріледі. Аудан әкімі аталған жобалардың сапалы әрі мерзімінде аяқталуын талап етті.Сонымен қатар, су тапшылығы мәселесін шешу бағытында 2026–2028 жылдары су үнемдеу технологияларын енгізу көзделген. Бұған қоса, Ақтөбе және Ақжар ауылдарындағы тозығы жеткен су насос қондырғылары жаңартылып, екі дана ұңғыма насосы орнатылғаны атап өтілді. Аудан басшысы бұл жобалардың сапалы әрі уақытылы іске асырылуын қамтамасыз ету қажеттігін талап етті.Президенттің мектеп оқушыларына арналған жасанды интеллект негіздері бойынша оқу бағдарламаларын әзірлеу тапсырмасына сәйкес, аудандық білім бөліміне білім сапасын арттыру жұмыстарын күшейту жүктелді.Жиынды қорытындылай келе аудан әкімі Жандос Еркінбек: «Біз ашық бәсекелестік пен тең мүмкіндікке негізделген Әділетті Қазақстанды бірге қалыптастырудамыз. Баршаңызды ел игілігі жолындағы жұмысты жоғары жауапкершілікпен атқаруға шақырамын», — деп сөзін түйіндеді.Фото: Қармақшы ауданы

Мемлекет басшысының Жолдауын іске асыру бойынша нақты тапсырмалар жүктелді

<a href="https://kyzylorda-news.kz/">Kyzylorda-news.kz</a> &nbsp;«AMANAT» &nbsp;партиясының облыстық филиалының атқарушы хатшысы Ләйлә Төрешова, партияның облыстық филиалы жанындағы сыбайлас жемқорлыққа қарсы іс –қимыл жөніндегі кеңес төрағасының орынбасары Берікбол Байхожаев, партиялық бақылау инспекторы Алтынбек Жарылқасынов бейнебайланыс режимінде «AMANAT» партиясының жанындағы Сыбайлас жемқорлыққа қарсы іс-қимыл жөніндегі Республикалық кеңестің көшпелі отырысына қатысты.Маңғыстау облысында өткен көшпелі жиында Мемлекет басшысының «Жасанды интеллект дәуіріндегі Қазақстан: өзекті мәселелер және оны түбегейлі цифрлық өзгерістер арқылы шешу» атты Қазақстан халқына Жолдауынан туындайтын негізгі міндеттер талқыланып, оны жүзеге асырудың жолдары пысықталды.Жиында «AMANAT» партиясының жанындағы Сыбайлас жемқорлыққа қарсы іс-қимыл жөніндегі Республикалық кеңестің төрағасы Ерлан Саиров, Маңғыстау облысының әкімі Нұрдәулет Қилыбай, «AMANAT» партиясының жанындағы Сыбайлас жемқорлыққа қарсы іс-қимыл жөніндегі Республикалық кеңестің мүшесі Абзал Құспан, сондай-ақ жер қатынастары саласындағы проблемалар төңірегінде «Риза-Ана» қоғамдық қорының директоры Бибігүл Рамазановлар сөз алып, ойларымен бөлісті.&nbsp;

Қазақстан және Қызылорда облысының жаңалықтары: Қоғам