<a href="https://kyzylorda-news.kz/">Kyzylorda-news.kz</a> Қазақстандық продюсер Баян Алагөзова жұбайы, кәсіпкер Тұрсын Алагөзовтің 100 қызметкеріне пәтер сыйлаған әрекетіне қатысты пікір білдірді, деп хабарлады<a href="https://turkystan.kz/article/261451-tursyn-alagozovtyn-zumyssylarga-ne-sebepti-baspana-bergeni-belgili-boldy">&nbsp;turkystan.kz.</a>Әлеуметтік желілерде жарияланған видеожолдауында ол халықтың қолдауы мен жылы лебізіне алғысын айтты.<blockquote>"Шын айтсам, мұны ешкім күтпеді. Мен де, тіпті Тұрсынның өзі де. Ол әлі де аң-таң, халық осылай қабылдайды деп ойламады", – деді Баян Алагөзова.</blockquote>Оның айтуынша, Тұрсын Алагөзов бұл әрекетін қарапайым ғана түсіндірген:<blockquote>"Мен тек өзімнің азаматтық борышымды орындадым. Көмекке мұқтаж жандарға қолдау көрсеткім келді", - деп айтқан Тұрсын Алагөзов.</blockquote>Баянның айтуынша, жұбайы бұрыннан бері адамдарға көмектесіп келеді, алайда оны жария етуді құп көрмеген. Ол әрдайым көмек беріп жүреді, бірақ мұны көпшілікке айтпайды. Біз жақсылықты жария етпей жасауды жөн көрген. Дегенмен, бұл жолы продюсер бұл оқиғаның ел ішінде кеңінен тарағанын өзі қалағанын жасырмады. Себебі мұндай қадам басқа кәсіпкерлерге де үлгі болуы мүмкін екенін айтты.<blockquote>"Ол 100 пәтер сыйлаймын деген шешім қабылдағанда, мен: “Тұрсын, бұл туралы халық білуі керек. Бұл өзге кәсіпкерлерге де серпін береді”, – деп айтқан жұбайына продюсер.</blockquote>Тұрсын Алагөзовтің бұл әрекеті қоғамда кеңінен талқыланып, әлеуметтік желілерде алғыс пен құрметке толы пікірлерге ұласты.Фото: https://www.instagram.com/tursenalaguzov/

Тұрсын Алагөзовтың жұмысшыларға не себепті баспана бергені белгілі болды

<a href="https://kyzylorda-news.kz/">Kyzylorda-news.kz</a> Танымал блогер Мөлдір Анарбаева қызметкерлеріне 100 пәтер табыстаған Тұрсын Алагөзовті мақтады. Бұл туралы Stan.kz ақпарат агенттігі хабарлайды. Блогер байлығын бөлісе алатын байлардың көбейгенін тіледі.<blockquote>"Тұрсын Алагөзовтың бір-ақ күнде 100 пәтерді бұрқ еткізгені нағыз жаңалық болды. Жігітке тән қасиет, жасай берсін, Жұмағұл! Дақпыртып, елдің бәрін жинап алып, "Ойбай мен пәтер беремін" демей-ақ, жайлап барып, шақырып алып, "мәңдер" деп бере салды. Міне нағыз жігіт! Құдай-ау, жүз бірдей адамның жыртығы жамалды ғой?! Бөлісе алатын байлар көбейсін!”, – деді блогер.</blockquote>Одан кейін қажылыққа жолдама беріп, кейін алдап кететін кәсіпкерлерді де сынады.<blockquote>“Меккеге жолдама беріп жатады ғой, алдайды-сулайды, артынан жылатады. Соны он орап алады ғой. Сол жаққа барып келгенде не табасың? Үй-күйі жоқ қаншама адам бар. Нағыз сауаптың қайда екенін мына кісі біледі. Адамның ең кереметі ұлтына, тіліне, дініне қарап бөлмей, адам ретінде қарап, құрмет көрсетуі — адамның ең кереметі. Ол қараған жоқ, по жуғыш па, неше жылдан бері водитель ме? Оның ұлты орыс па, қазақ па? Діні қандай? Тілі қандай? Ол тек қана жақсылық жасады, жарайсың!", – деді блогер.</blockquote>Фото:&nbsp;https://www.instagram.com/moldir_anarbaeva/

"Меккеге жолдама бергенше, үй бер": Белгілі блогер кәсіпкер Тұрсын Алагөзовті көпке үлгі етті

<a href="https://kyzylorda-news.kz/">Kyzylorda-news.kz</a> 1 маусым – Балаларды қорғау күні мерекесі қарсаңында “Атамекен” отбасы үлгісіндегі балалар ауылында ҚАЖД-нің №60 мекемесінің ұйытқы болуымен және Қызылорда облысының өңірлік коммуникациялар қызметімен бірлесіп тағылымы мол шара өтті.&nbsp;Іс-шара барысында ұйымдастырушылар балаларға қуаныш сыйлайтын түрлі сыйлықтар табыстап, мерекелік көңіл-күй қалыптастарды. Өз кезегінде балалар да өз өнерлерін ортаға салды. Балалар әуелетіп ән салып, би десе би билеп мерекені шын көңілмен қарсы алды.Бұл күн әр баланың жүрегіне жылу ұялататын күн. Ұйымдастырушылардың бастамасы балалардың жүзіне күлкі, жүрегіне сенім ұялатты.<img src="https://knadmin.beoblood.kz/uploads/Atameken_balalar_auyly_7245bfc65b.jpeg" alt="Атамекен балалар ауылы.jpeg">

Балалар күніне орай тағылымды іс-шара өтті

<a href="https://kyzylorda-news.kz/">Kyzylorda-news.kz</a> &nbsp;Ақорда резиденциясында елімізге ресми сапармен келген Руанда Республикасының Президенті Поль Кагамені салтанатты қарсы алу рәсімі өтті. Мемлекеттер басшылары бір-біріне ресми делегация мүшелерін таныстырды. Құрмет қарауылының бастығы рапорт берген соң Қазақстан мен Руанданың әнұрандары шырқалды. Салтанатты рәсімнен кейін президенттер келіссөз өткізді.Қасым-Жомарт Тоқаев Поль Кагамеге ілтипат білдіріп, бұл сапардың тарихи мәні зор деп бағалады. Сондай-ақ Қазақстан мен Руанда арасындағы қарым-қатынас жаңа деңгейге шығатынын жеткізді.<blockquote>– Сіздің бұл сапарыңыз және алдағы келіс­сөздер екіжақты ықпалдастыққа тың серпін беру тұрғысынан өте маңыз­ды деп ойлаймын. Руанданың эко­но­микасы қарқынды дамып келеді. Менің­ше, өзара байланыстарды нығайта беру қажет. Өйткені Қазақстан – ІЖӨ кө­лемі, ІТ технологиялар мен жасанды ин­теллектті дамыту бойынша өңірдегі көшбасшы ел. Бұл біздің өзара тиімді ынтымақтастығымызды өркендетудің басым бағыттары бола алады. Сондықтан сіздің сапарыңызға ерекше мән беремін, – деді Қасым-Жомарт Тоқаев.</blockquote>Руанда Президенті Мемлекет бас­шысына қонақжайлық танытқаны үшін алғыс айтып, екіжақты ынтымақтастықты дамытуға ниетті екенін жеткізді.<blockquote>– Еліңізге шақырғаныңыз үшін ризашылығымды білдіремін. Мен бұған дейін Қазақстанға 2015 жылы келген болатынмын, бұл – менің екінші сапарым. Өзіңізбен және сіздің командаңызбен бірге екі ел игілігі жолындағы бірлескен жұ­мысымызды жалғастырудың мүмкін­дік­терін қарастырамыз, – деді Поль Кагаме.</blockquote>Тараптар Қазақстан мен Руанданың сая­си, сауда-экономикалық, көлік-ло­гис­­тика, ауыл шаруашылығы және цифр­­ландыру салаларындағы қарым-қа­­ты­­настарын дамыту перспективасын тал­қы­лады. Сондай-ақ президенттер аймақ­тық және халықаралық мәселелер туралы пікір алмасты.Мемлекет басшысы кеңейтілген құрамда келіссөз кезінде Астана халық­аралық форумына қатысу үшін елімізге келген Руанда Президентінің Қазақстанға 2015 жылы жасаған сапарынан кейін екі елдің өзара құрметке негізделген, ынтымақтастық пен орнықты дамуды көздейтін қарым-қатынасы айтарлықтай табысқа жеткенін атап өтті. Президент Қазақстанның Африка мемлекеттерімен байланысты кеңейтуге ерекше мән беретініне назар аударды.<blockquote>– Сіздің көреген көшбасшылығыңыз­бен Руанда даму даңғылына түсіп, инсти­туционалды орнықтылық пен болашаққа бағдарланған жаңашылдықтың үлгісін көрсетті. Еліңіздің экономикалық өсімі 8 пайыздан асты. Бұл – жаңғыртудың жарқын көрінісі. Осы орайда сіздің еліңізбен ынтымақтастықты дамытуға айрықша мән береміз. Қазақстан екіжақты тиімді байланыстарды нақты жобалар арқылы ілгерілетуге дайын. Сіздің сапарыңыз барысында қол жеткізілген уағдаластықтар Қазақстан мен Руанда арасындағы қарым-қатынасты жаңа деңгейге көтеретініне сенімдімін, – деді Қасым-Жомарт Тоқаев.</blockquote>Өз кезегінде Поль Кагаме көрсетілген сый-құрмет үшін ризашылығын білдіріп, Қазақстанның екіжақты ықпалдастықты дамытудағы күш-жігеріне жоғары баға берді. Сондай-ақ Руанда мен Қазақстан арасындағы серіктестіктің әлеуетіне тоқталып, екі елдің өркендеуіне және стратегиялық диалогтың нығаюына ықпал ететін бірлескен жобаларды жүзеге асыруға дайын екенін жеткізді.<blockquote>– Астанаға екінші мәрте жолым түскеніне қуаныштымын. Қазақстан ұлттық даму жолында толайым табысқа жетіп, соның арқасында халықаралық аренадағы рөлі артып келеді. Біз өзіңізбен және сіздің еліңізбен серіктес әрі достас болғанымызға ризамыз, – деді Руанда Президенті.</blockquote>Келіссөз барысында мемлекеттер басшылары екіжақты ықпалдастықтың басым бағыттарын, соның ішінде сауда, инвестиция, көлік, ауыл шаруашылығы, ақпараттық технология, электрондық үкімет және қаржы салаларындағы байланыстарды дамытуға уағдаласты.Қазақстан мен Руанда президенттері БАҚ өкілдері үшін брифинг өткізді. Мемлекет басшысы Президент Поль Кагаменің Қазақстанға ресми сапармен келгеніне ризашылығын білдіріп, елдеріміз үшін мән-маңызы зор келіссөздер жүргізілгенін атап өтті. Оның айтуынша, Африка құрлығының халықаралық ықпалы жылдан жылға күшейіп келеді. Қазақстан осы аймақтағы елдермен тығыз қарым-қатынас орнатуға ерекше мән беріп отыр.<blockquote>– Біз Руанданы Африкадағы сенімді серіктесіміздің бірі ретінде қарастырамыз. Сондай-ақ өзара әріптестікті одан әрі нығайтуға мүдделіміз. Бүгінгі кездесу мазмұнды әрі мағыналы болды. Біз екіжақты ынтымақтастықты күшейту жолдарын талқыладық. Нақты келісімдерге қол жеткіздік. Екі ел арасындағы саяси диалогты дамытуға уағдаластық. Алдағы уақытта Сыртқы істер министрліктері жоғары деңгейдегі кездесулер өткізетін болды, – деді Қасым-Жомарт Тоқаев.</blockquote>Мемлекет басшысы биыл Қазақстан мен Руанда дипломатиялық және қызметтік төлқұжат иелерін визалық талаптардан босатуға келіскеніне тоқталды.Бұдан бөлек, мемлекеттер басшылары парла­ментаралық дипломатия мәселесін пысықтағанын жеткізді. Сондай-ақ көлік-логистика және сауда салаларында бірлескен жұмыс топтарын құру туралы келісім жасады. Қазақстан Президенті мұны сауда-экономикалық қатынастарды одан әрі дамытудың тетігі санайды.<blockquote>– Бұл ретте халықаралық дәліздердің мүм­кіндігін талқыладық. Келіссөз барысында азық-түлік қауіпсіздігін қамтамасыз ету мәселесін пысықтадық. Қазақстанның ауыл шаруашылығы өнімдерін Африка құрлығына тасымалдау жолдарын қарастырдық. Елдеріміз озық технология, жасанды интеллект және ғарыш саласында айтарлықтай тәжірибе жинақтады. Біз цифрландыру және киберқауіпсіздік мәселелеріне қатысты ортақ жобаларды қолға аламыз деп келістік. Ғарыш кеңістігін бірлесіп игеру жөнінде уағдаластыққа қол жеткіздік. Мұндай қадам мемлекеттік қызмет пен бизнестің тиімділігін арттыруға септігін тигізеді. Ақпараттық қауіпсіздікті күшейтуге мүмкіндік береді, – деді Президент.</blockquote>Қасым-Жомарт Тоқаев Қазақстан мен Руанда жасыл энергетика саласын өркендетіп, табиғи ресурстарды тиімді пайдалануға мүдделі екенін айтты. Осыған орай қос мемлекет бірлескен жобаларды жүзеге асыруға ниетті. Бұл уағдаластықтар сауда-саттық көлемін арттыруға жол ашады. Сонымен қатар екі елдің инвестициялық ықпалдастығына тың серпін береді.<blockquote>– Бүгінде Астана мен Кигалидің халықаралық қаржы орталықтары арасында тығыз байланыс бар. Біз жаһандық қаржы нарығындағы осы байланысты одан әрі нығайтуға келістік. Климаттың өзгеруіне қарсы күрес және қоршаған ортаны қорғау мәселелері де назардан тыс қалған жоқ. Руанданың климатты сақтау бағытында мол тәжірибесі бар. Соның арқасында жаһандық жобаларға зор үлес қосып келеді. Осы ретте тәжірибе алмасудың өзекті екенін атап өттік. Халықаралық конвенциялар мен келісімдер аясында экология мәселелерін шешу үшін күш біріктіру жолдарын талқыладық, – деді Мемлекет басшысы.</blockquote>Келіссөздер кезінде мәдениет, білім-ғылым салаларындағы ынтымақтастыққа да ерекше назар аударылды. Атап айтқанда, президенттер академиялық байланысты дамытуға, студент алмасуға, сондай-ақ, бірлескен ғылыми зерттеулер жүргізуге келісті.Қасым-Жомарт Тоқаев Поль Кагамені әлемдік саясатта мол тәжірибесі, беделі бар Президент ретінде атап өтіп, жаһандық мәселелер жөнінде пікір алмасқанына тоқталды.<blockquote>– Екі елдің халықаралық түйткілдерге қатысты ұстанымдары ортақ деп айтуға болады. Біз жаһандық дағдарыстың бәрін тек дипломатиялық жолмен шешу керек деп есептейміз. Бейбіт келіссөздер жүргізуді қолдаймыз. Бұған қоса, халықаралық ұйымдар аясында өзара ықпалдастықты күшейтуге уағдаластық. Бастамаларымыз бойынша бір-бірімізге қолдау көрсетуге келістік. Президент Кагаме мырзаның елімізге ресми сапарының тарихи маңызы бар. Біз екіжақты байланысты дамытуға, түрлі саладағы ынтымақтастықты кеңейтуге мүдделі екенімізді растадық. Бүгінгі келіссөздің нәтижесі – соның айқын дәлелі. Енді осы келісімдерді сапалы жүзеге асыруымыз керек, – деді Мемлекет басшысы.</blockquote>Өз кезегінде Поль Кагаме келіссөздердің қорытындысын жоғары бағалады.<blockquote>– Қазақстан Президентімен өте нәтижелі келіссөз жүргіздік. Елдеріміз арасындағы берік достық өзара серіктестігімізді одан әрі нығайтуға негіз болады. Келісімдерге қол қою арқылы ынтымақтастық мүмкіндіктерін арттыруға ниеттіміз. Екі мемлекеттің сауда, технология және ауыл шаруашылығы салаларында бір-бірінен үйренері көп. Біз «Самұрық-Қазына» АҚ мен Rwanda Mines, Petroleum and Gas Board арасында келісім жасалуын құптаймыз. Руанда Қазақстанның энергетика, тау-кен өнеркәсібі және минералдарды өңдеу салаларындағы инновацияларын игеру арқылы айтарлықтай пайдаға кенеле алады, – деді Руанда Президенті.</blockquote>Фото: Ақорда

Келісім өзара серіктестікті нығайтуға негіз болады

<a href="https://kyzylorda-news.kz/">Kyzylorda-news.kz</a> Елордада Орталық Азия елдері мен Қытай елі медиа саласы мамандарының қатысуымен форум өтіп жатыр, – деп хабарлайды <a href="https://kaz.inform.kz/news/astanada-ortalik-aziya-kitay-mediaforumi-bastaldi-a9d936/">Қазақпарат.</a>Медиафорум Президент Қасым-Жомарт Тоқаевтың құттықтау сөзімен ашылды. Құттықтау сөзін ҚР Президентінің ішкі саясат мәселелері және коммуникациялар жөніндегі көмекшісі Арман Қырықбаев оқып берді.<blockquote>— Құрметті достар, сіздерді Қытай мен Орталық Азияның ықпалдастығын арттыруға арналған форумның ашылуымен құттықтаймын. Бұл - біздің еліміздің медиа саласындағы келісім мен сенімді арқау еткен, серіктестікті бекемдей түсетін бас қосу. Бүгінде жер жүзінде ауқымды өзгерістер болып жатыр, түрлі мәдениеттер мен қоғам арасындағы алтын көпір саналатын журналистердің рөлі бұрынғыдан да артып келеді. Сауатты әрі байыпты ақпараттық саясат, ынтымағымызды күшейтіп, орнықты дамуымызға септігін тигізеді. Қазіргі заманда медиа саласында бейбітшілікті, өзара қолдау мен татулықты дәріптейтін аса маңызды құралға айналды. Осы орайда Қытай Халық Республикасының төрағасы Си Цзиньпин мырзаның «Бір белдеу, бір жол» бастамасының мәні зор. Бірегей жоба жаһандық ынтымақтастық тұжырымдамасы ретінде әлем қауымдастығының жоғары бағасына ие болып отыр. Қазақстан Қытай Халық Республикасымен достық қатынасты дамытуға айрықша мән береді. Тиімді диалог құруға ұмтылған елдеріміздің мүддесі бір, мақсаты ортақ. Халықтардың бір-бірін жақын танып білуі және жаһандық сын-қатерлердің шешімін бірлесіп іздеу өте маңызды. Бұған жауапкершілігі мол медиа саласы өкілдері зор үлес қоса алады. Мұндай алқалы жиындар Еуразия кеңістігінде тұрақтылық, ашықтық және жасампаздық қағидаттарын орнықтыра түсуге ықпал етеді. Форумда осы аймақтағы барлық елдің игілігіне қызмет ететін тың идеялар мен парасатты пікірлер айтылады деп сенемін. Баршаңызға бақ-береке, мол табыс тілеймін, — делінген Президент құттықтауында.</blockquote>Фото: Виктор Федюнин

Астанада «Орталық Азия – Қытай» медиафорумы басталды  

<a href="https://kyzylorda-news.kz/">Kyzylorda-news.kz</a> Шымкентте жалғызбасты ана өзін белгісіз біреулердің ұрлап әкетіп, қаладағы психологиялық көмек орталығында 10 күн бойы күштеп ұстап, зорлық-зомбылық көрсетіп, беймәлім құжаттарға қол қойғызғанын жария етті, деп хабарлайды <a href="https://azattyq-ruhy.kz/">Azattyq Rýhy.</a>Әйел ақыл-есінің түзу екенін, денсаулығына қатысты ешқандай тіркеуде тұрмайтынын айтып, президенттен көмек сұрады. &nbsp;&nbsp;<blockquote>«Құрметті Қасым-Жомарт Кемелұлы! Мен, Фаузия Ахметова, жалғызбасты анамын. Сізге өз басымнан өткен ауыр оқиғаға байланысты мәжбүрлі түрде жүгініп отырмын.2025 жыл, 25 сәуір күні таңғы сағат 05:30 шамасында Түркістан қаласындағы өз үйімнен белгісіз үш ер адам мені балаларымның көзінше күштеп алып кетіп, Шымкент қаласындағы «Көмек центр» деп аталатын оңалту мекемесіне апарды. Аталған мекеме өздерін реабилитациялық орталық ретінде таныстырып, мені ешқандай медициналық немесе құқықтық негізсіз ұстап отырды.Менің есірткіге немесе басқа да психобелсенді заттарға еш қатысым жоқ. Ешбір тіркеуде тұрмаймын. Соған қарамастан, мені күшпен ұстап, ұрып-соғып, қол қоюға мәжбүрледі. Қол қоймағаным үшін дәрі-дәрмек ішкізіп, есімді білмей қалу деңгейіне жеткізді. Бірнеше рет аяқ-қолымды скотчпен байлады. Мен жаным қиналғаннан өз-өзіме қол жұмсап, қолымды бірнеше рет кестім», - деді әйел видеоүндеуінде.</blockquote>Айтуынша, ол 5 мамыр күні ғана туыстарымен хабарласуға мүмкіндік алған.<blockquote>«Жедел жәрдем шақырту мақсатымен үйіме хабар жеткізгім келді, алайда ешқандай медициналық көмек көрсетілмей, қайтадан бір аяқ-қолымды байлап тастады. Он күн бойы заңсыз ұсталдым. Тек 5 мамырда туыстарыма хабарласып, сол жерде құтқарылдым. Осылайша мені шығарып алды», - деді ол.</blockquote>Әйелдің сөзінше, орталықта кәмелетке толмаған балалар да күштеп ұсталып отырған көрінеді. Ол өзінің басынан өткен оқиғаға байланысты полицияға арыз жазса да, құқық қорғау органдары тергеуді бастамаған.<blockquote>«Ол орталықта кәмелетке толмаған қыздардың, балалардың заңсыз қорқытып, ұсталып отырғанын көзіммен көрдім. Осыдан кейін Шымкент қаласының Полиция департаментіне арыз жаздым. Алайда жиырма күн өтсе де, арызым бойынша ешқандай тергеу әрекеті жүрмей отыр. Заңсыз оңалту орталығы әлі де жұмысын тоқтатпай отыр. Бұл жағдай құқық қорғау органдары мен аталған орталықтың арасында сыбайластық бар деген күмән туады», - деді ол.</blockquote>Алайда Шымкент қаласының полиция департаменті азаматшаның арызы бойынша қылмыстық іс тергеуге алынған дейді.<blockquote>«Оқиғаның барлық мән-жайы мен құқыққа қайшы әрекеттерге қатысы бар тұлғаларды анықтауға бағытталған тергеу іс-шараларының кешені жүріп жатыр. Тергеу аясында орталықтың қызметі тексеріліп, құжаттама, жазбалар, сондай-ақ екі тараптың уәждері зерделенеді. Тергеу жұмыстары заң шеңберінде жүріп, ұсынылған барлық жайттар объективті және толыққанды қаралады», - деп хабарлады полиция.</blockquote>Зәбір көрдім деген ана кінәлі адамдардың жауапқа тартылуын талап етті.<blockquote>«Осы оқиға бойынша менің заңсыз ұсталғаным мен зорлық-зомбылыққа ұшырағанымды, «Көмек центр» деп аталатын орталықтың медициналық лицензиясыз жұмыс істеп отырғанын, онда кәмелетке толмаған балалардың да заңсыз ұсталғанын, полицияның арызымды қараусыз қалдырғанын, өзімнің балаларымның қауіпсіздігі үшін алаңдайтынымды ескере отырып, сізден осы істі жеке бақылауыңызға алып, әділетті тергеу жүргізілуін және кінәлі тұлғалардың заң алдында жауапқа тартылуын сұраймын», - деді Президентке үндеу жолдаған әйел.</blockquote>Редакция тілшісі осы оқиғаның мән-жайын анықтау үшін Шымкенттегі психологиялық орталыққа хабарласты. Мекеменің қызметкері дәл қазір жауап беруге мүмкіндігі жоғын айтып, 1-2 сағаттың көлемінде қайта байланысқа шығуға уәде берді.Фото: скрин

«Таңғы бесте үш ер адам күшпен алып кетті»: Түркістандағы жалғызбасты ананың оқиғасы резонанс тудырды

&nbsp;<a href="https://kyzylorda-news.kz/">Kyzylorda-news.kz</a> 2025 жылдың 31 мамыр 01 маусым күндері Қызылорда қаласы, Саламатов, Хон Бен До көшелеріндегі темір жол арқылы өтетін көпір жолында жол жөндеу жұмыстарының жүргізілуіне байланысты көпірде уақытша жол қозғалысы шектеледі. Жолда абай болыңыздар!<img src="https://knadmin.beoblood.kz/uploads/2_b5ed428499.jpg" alt="2.jpg">Фото: Нұрболат Нұржаубай

Қызылорда: Көпірде көлік қозғалысы уақытша шектеледі

<a href="https://kyzylorda-news.kz/">Kyzylorda-news.kz</a> &nbsp;Алматы облысында мектеп бітіру кешінде оқушыны шампурмен өлтіру оқиғасына қатысты ішкі істер министрінің орынбасары түсініктеме берді, деп хабарлайды <a href="https://el.kz/oqushyny-shampurmen-oltirdi-mektep-direktory-qyzmetinen-bosatyldy_400025293/">El.kz </a>ақпарат агенттігі.<blockquote>Аталған факті бойынша қасақана кісі өлтіру бабымен қылмыстық іс қозғалды. Тергеу тобы жұмыс істеп жатыр. Қазіргі таңда белсенді тергеу амалдары жүргізілуде. Бүгінгі күні мектеп директоры қызметінен босатылды, оқу ісінің меңгерушісі мен екі сынып жетекшісіне қатаң тәртіптік шара қолданылды, – деді Санжар Әділов.</blockquote>Ол сондай-ақ күдікті жасөспірімге қатысты соттың санкциясымен екі айға қамауға алу бұлтартпау шарасы қолданылғанын хабарлады.Фото: pixabay.com

Оқушыны шампурмен өлтірді: мектеп директоры қызметінен босатылды

<a href="https://kyzylorda-news.kz/">Kyzylorda-news.kz</a> 28 мамырда мәжілістің жалпы отырысында депутаттар Қазақстанда алғаш рет сталкингке (қудалауға) жаза енгізуді және қалыңдық ұрлау бойынша бапты Қылмыстық кодекске қайта енгізуді қарастыратын заң жобасын екінші оқылымда қабылдады. Құжат сенатқа жолданды. Бұл туралы <a href="https://stan.kz/kazakstanda-kalindik-yrlagandar-ayippyl-tolep-10-zhilga-418523/">Stan.kz</a> ақпарат агенттігі хабарлайды.Заң жобасы "Қазақстан Республикасының кейбір заңнамалық актілеріне Қылмыстық, Қылмыстық-процессуалдық және Қылмыстық-атқару кодекстерін оңтайландыру мәселелері бойынша өзгерістер мен толықтырулар енгізу туралы" деп аталады. Онда қылмыстық жауапкершілікті белгілеу, жаза мен өзге де шараларды қолдану, үкімді орындау тәртібі реттеледі.Ең көп талқыланған және қоғамдық резонанс тудырған екі норма – қалыңдық ұрлау және сталкинг болды. Осылайша, қалыңдық ұрлау "Неке қиюға мәжбүрлеу" деп өзгертілді.Мәжіліс депутатының айтуынша, жаңа 125-1-бап "Неке қиюға мәжбүрлеу" деп аталады. Бұл бап бойынша жәбірленуші тек әйел емес, ер адам да бола алады. Ең үлкен қоғамдық резонанс тудырған нормалардың бірі қалыңдық ұрлау мен сталкингке қатысты баптар болды.<blockquote>"Баптың атауы өзгерді және бұл өзгеріс мазмұндық тұрғыдан да орын алды. Бастапқыда ол қалыңдық ұрлау деп аталған болса, қазіргі таңда бұл бап 125-1-бап деп аталады және "Неке қиюға мәжбүрлеу" деп аталады. Жәбірленуші ретінде әйел де, ер адам да танылуы мүмкін. 1-бөлігі бойынша, яғни "Жеке тұлғаны неке қиюға күш қолдану немесе бопсалау арқылы мәжбүрлеу" әрекеті үшін 2000 айлық есептік көрсеткішке (7 864 000 теңге) дейін айыппұл, не түзету жұмыстары, не бостандығын шектеу немесе 2 жылға дейін бас бостандығынан айыру жазасы қарастырылған. 2-бөлігінде, егер күш қолданылса, не кәмелетке толмаған адамға қатысты жасалса, не топпен жасалса, онда 5000 айлық есептік көрсеткішке дейін (19 660 000 теңге) айыппұл немесе 3 жылдан 7 жылға дейін бас бостандығынан айыру жазасы көзделеді. Ал 3-бөлік бойынша егер бұл әрекеттер ауыр зардаптарға, мысалы, жәбірленушінің қаза болуына әкелсе, онда 5 жылдан 10 жылға дейін бас бостандығынан айыру жазасы тағайындалады", – деді Мәжіліс депутаты.</blockquote>Сондай-ақ заң жобасында "қалыңдықты" ұстауға көмектескен туыстарға да жауапкершілік қарастырылған.Сталкинг (қудалау) үшін де жаза қарастырылған:Ең ауыр жазасы – 50 тәулікке дейін әкімшілік қамау. Бұл қылмыстық теріс қылық ретінде есептеледі, яғни қылмыс емес. Жәбірленуші ішкі істер органдарына арызданса жеткілікті, ары қарай тергеуді полиция жүргізеді. Бұл өзгерістер Қазақстандағы әйелдердің, кәмелетке толмағандардың және азаматтардың қауіпсіздігін арттыруға бағытталған құқықтық қадам ретінде қабылданған. Заң жобасында сонымен қатар азаматтарды негізсіз қылмыстық жауапкершілікке тартудан қорғауға бағытталған нормалар қарастырылған. Адвокаттарға айыптау актісіне қарсы құжат қорғаныс актісін сотқа ұсыну құқығы беріледі.Жеке блок ретінде қылмыстық жазаларды тағайындау, босату және орындау тәртібін рационализациялау ұсынылады. Мысалы, қылмыстық құқық бұзушылықтар мен жеңіл қылмыстарға жасалған әрекеттер үшін жауапкершілік енгізу, сондай-ақ кейбір қосымша қылмыстық жазалар негізгі жазаға қарамастан, жеке қылмыстық-құқықтық ықпал шаралары ретінде қарастырылуы ұсынылып отыр.Қылмыстық процесті оңтайландыру және "дебюрократизациялау" мақсатында заң жобасында келесі нормалар қарастырылған:Қылмыстық істі әдепкі түрде электрондық форматта жүргізу мүмкіндігі енгізіледі, әрі мұндай шешімге шағымдану құқығы беріледі; Қашықтан тікелей кездесуді өткізу мүмкіндігі енгізіледі; Барлық процессуалдық шешім мен әрекеттерді бір ғана айыптау протоколына біріктіру ұсынылады; Интернет арқылы жасалған қылмыстар бойынша тергеуді зардап шегушінің орналасқан жерінде жүргізу мүмкіндігі енгізіледі. Сонымен қатар құжат өмір бойы бас бостандығынан айыру қолданылмайтын тұлғалар санын кеңейтеді. Мысалы, Қылмыстық кодекстің 46-бабы былай толықтырылды. Егер баптың санкциясы өмір бойы бас бостандығынан айырудан басқа жаза түрін қарастырмаса, 18 жасқа толмаған тұлғаларға 15-тен 20 жылға дейін бас бостандығынан айыру жазасы тағайындалады. Сондай-ақ әйелдерге, бірінші немесе екінші топтағы мүгедектерге, 63 жастан асқан ер адамдарға 20-дан 25 жылға дейін бас бостандығынан айыру жазасы беріледі. Сонымен қатар темекі шегуге арналмаған темекі өнімдерін және вейптарды сақтау, тасымалдау және сату немесе тарату мақсатында жіберу үшін қылмыстық жауапкершілікті енгізу ұсынылады.2025 жылдың 5 ақпанында сталкингтің (қадағалап, қудалау әрекеттерінің) неге қылмыстық құқық бұзушылықтарға жатқызылғаны туралы хабарланған еді.Құрбысы қызды алып қашуды ұйымдастырған: Қазақстандық ару өзін көлікке малша күштеп тиеген сәтті ұмыта алмай жүрҚазақстанда қыз алып қашқандарды 7 жылға дейін бас бостандығынан айыру жазасы енгізілмекЕске салайық, бұған дейін алып қашып бара жатқан қалыңдық Алматы облысында жол апатынан қаза тапқанын жазған едік. Үлкен Алматы айналма автомобиль тас жолында "Kia" мен "Mercedes-Benz" көліктері соқтығысып, салдарынан "Mercedes" аударылып кетті. Оқиға орнында қалыңдық қаза тапты. Жарақат алғандар – күйеу жігіт пен оның екі танысы. Олар түрлі жарақатпен ауруханаға жеткізілді.Фото: Нұрболат Нұржаубай

Қазақстанда қалыңдық ұрлағандар 7,8 млн теңгеден аса айыппұл төлеп, 10 жылға дейін бас бостандығынан айырылмақ

<a href="https://kyzylorda-news.kz/">Kyzylorda-news.kz</a> Қызылордада ұлттық спорттың мәртебесін айшықтайтын қазақ күресінен XVI облыстық «Алтын белбеу» жарысы жалауын көтерді.&nbsp;Биыл он алтыншы мәрте ұйымдастырылған дәстүрлі додаға жеті аудан, Байқоңыр мен Қызылорда қаласынан 250-ден астам балуан қатысты.Жарыс ережесіне сәйкес, қатысушылар кіші жасөспірімдер, жасөспірімдер, жастар және ересектер санатында 10 түрлі салмақ дәрежесі бойынша сынға түсті.<img src="https://knadmin.beoblood.kz/uploads/Syr_barysy_3_9ec6437344.jpg" alt="Сыр барысы 3.jpg">Көрермен әртүрлі салмақтағы белдесулерден соң түйе палуандардың сайысына куә болды. 16 спортшы бақ сынаған додада ІІІ орынды 18 жасар Сұлтан Бейбарыс иеленіп, “Сыр сұңқары” атанды. Ал, ақтық айқаста Нұрым Сәлімгереев пен Мақсат Исағабылов өзара белдесіп, жеңісті &nbsp;және “Сыр барысы” атағын Нұрым Сәлімгереев өз қанжығасына байлады. ІІ орын иеленген Мақсат Исағабылов “Сыр арланы” атағын иеленді.&nbsp;Айта кетейік, қос спортшы алдағы уақытта өтетін “Қазақстан барысы” додасында аймақ намысын қорғайды.<img src="https://knadmin.beoblood.kz/uploads/Syr_barysy_2_197949b58c.jpg" alt="Сыр барысы 2.jpg">Фото: Қызылорда облысы әкімінің баспасөз қызметі

«Сыр барысы»: Дәстүрлі дода мәресіне жетті

<a href="https://kyzylorda-news.kz/">Kyzylorda-news.kz</a> Бүгін Шерзат Болаттың өліміне қатысты іс бойынша өткен сот отырысында айыпталушы Шынасылдың адвокаты Әбенов судья Ержан Жанұзақовты ауыстыруды талап етті, деп хабарлайды <a href="https://el.kz/sherzat-isi-advokat-sudyany-auystyrudy-talap-etti_400025298/">El.kz </a>ақпарат агенттігі.Бұл арызды судья Бейімбетов қарайтын болады.Сот отырысының тікелей трансляциясы бүгін сағат 15:30-да басталуы керек еді, алайда ол кейінге шегерілді. Жоғарғы сот өкілдері сот процесінің нақты қашан басталатынын кейінірек хабарлайтынын алға тартты.Фото: Жоғарғы сот

Шерзат ісі: адвокат судьяны ауыстыруды талап етті

<a href="https://kyzylorda-news.kz/">Kyzylorda-news.kz</a> &nbsp;Бүгін Қызылорда қалалық мәслихатының кезекті ХХХVІІІ сессиясы өтті. Сессияда 2024 жылға арналған Қызылорда қаласының, кент және ауылдық округтері бюджеттерінің атқарылуы туралы есептер бекітіліп, 2025-2027 жылдарға арналған Қызылорда қаласының бюджетіне өзгерістер енгізілді.Қала әкімі Нұржан Ахатов халық қалаулыларына шаһарда атқарылып жатқан жобаларды айтып, алдағы жоспарлармен бөлісті.<blockquote>– Ел Президентінің, Үкіметтің тұрақты қолдауымен, аймақ басшысының үйлестіруімен тұрғындарымыздың өмір сүру сапасын арттыруға негізделген жұмыстар қарқынды жүргізілуде. Соған сай барлық даму көрсеткіштерінде оң динамика қалыптасты. Жыл басында бюджет көлемі 73,1 млрд теңгемен бекітіліп, бүгінде ол 133,4 млрд теңгеге ұлғайып отыр, – деді Нұржан Сәбитұлы.</blockquote>Шаһардың заманауи бейнесінде оң өзгеріс көп. Жол-көлік инфрақұрылымын дамытуға 15,3 млрд теңге бөлініп, 50 көшеде жөндеу және қайта жаңғырту жұмыстары басталуда.Әлеуметтік нысандар мен тұрғын үй салу құрылыстары, абаттандыру ісі қарқын алды. Санитарлық тазалық сақтауда жақсы үлгі қалыптасты. Жалпы, облыс орталығының серпіні барлық салаға өсім беріп отыр.Шағын және орта бизнес саласында кәсіпкерлер саны 35 мыңнан асып, өткен жылмен салыстырғанда 5,5 пайызға өсті. Мемлекеттік қолдау аясында 4,5 млрд теңге болатын 127 жоба қолдау алды. Биылғы жылы негізгі капиталға тартылатын инвестиция көлемі 323,7 млрд теңге болып белгіленді. Бұл 2024 жылғы нақты көрсеткіштен 12,2 пайызға артық.Жыл басынан бері 84,6 млрд теңге инвестиция тартылып, жылдық жоспардың 26,1%-ы орындалды.Сессия отырысында «2025-2027 жылдарға арналған Қызылорда қаласының бюджетін бекіту туралы» Қызылорда қалалық мәслихатының 2024 жылғы 18 желтоқсандағы №223-32/1 шешіміне өзгерістер енгізу туралы баяндамашылардың ұсыныстары депутаттар тарапынан қолдау тапты.Фото: Қала әкімдігі

Қазақстан және Қызылорда облысының жаңалықтары: Қоғам