<a href="https://kyzylorda-news.kz/">Kyzylorda-news.kz</a> Қызылорда облыс әкімінің орынбасары Бахыт Дүйсенұлы Жаханов Қармақшы ауданына жұмыс сапарымен болып, Жосалы және Төретам кенттеріндегі теміржол вокзалдарында жүргізіліп жатқан күрделі жөндеу және қайта жаңғырту жұмыстарының барысымен танысты.Алдымен жұмыс сапары Төретам кентіндегі теміржол вокзалынан басталды. Нысанда атқарылып жатқан құрылыс кезеңдері талқыланып, жұмыс қарқынын күшейту, құрылыс сапасы және белгіленген мерзімде аяқтау мәселелері бойынша мердігер мекеме өкілдеріне тиісті тапсырмалар жүктелді.<figure class="image"><img src="https://knadmin.beoblood.kz/uploads/zhahanov_karmakshy_ccdb8234e5.jpg" alt="жаханов кармакшы.jpg"></figure>Одан кейін Жосалы кентіндегі теміржол вокзалынының күрделі жөндеу және қайта жаңарту жұмыстарының барысын көрді. 1904 жылы салынған тарихи ғимаратты жаңғырту жұмыстары бүгінде қарқынды жүргізілуде.Жүзеге асырылып жатқан жоба жолаушыларға қолайлы әрі заманауи жағдай жасауға бағытталған. Нысанды аралау барысында құрылыс жұмыстарының сапасы мен мерзімінде аяқталуына ерекше назар аударылып, мердігер мекеме өкілдеріне нақты тапсырмалар берілді.Жұмыс сапары барысында Бахыт Дүйсенұлы барлық құрылыс жұмыстарының сапалы әрі уақытылы орындалуын қатаң бақылауда ұстап, жұмыстарды талапқа сай аяқтауды қажет екендігін қаперге салды.&nbsp;<figure class="image"><img src="https://knadmin.beoblood.kz/uploads/zhahanov_karmakshy_6725556be8.jpg" alt="жаханов кармакшы.jpg"></figure>

Бахыт Жаханов Жосалы және Төретам вокзалдарындағы құрылыс барысымен танысты

<a href="https://kyzylorda-news.kz/">Kyzylorda-news.kz</a> 2026 жылғы қаңтар-маусымда орындалған құрылыс жұмыстарының көлемі 15,2% өсіп, 4072,1млрд теңге болды.&nbsp;Республика бойынша құрылыс жұмыстарының жалпы көлемінен жеке құрылыс ұйымдарымен 91,1%, шетелдік – 8,3%, мемлекеттік – 0,6% орындалды.2026 жылғы қаңтар–маусым айларында құрылыс жұмыстары көлемінің 2025 жылғы осы кезеңмен салыстырғанда артуы ғимараттар мен құрылыстарды салу және жөндеу жұмыстары көлемінің 22,5% өсуіне байланысты.Өңірлер бөлінісінде құрылыс жұмыстары көлемінің өсуі республиканың он жеті өңірінде байқалды. Едәуір өсім Ұлытау облысында (3,3 есе), Қызылорда (31,3%), Абай (31%), Павлодар (29,6%), Қостанай (26%), Түркістан (25,5%), Шығыс Қазақстан (22,3%), Атырау (19,7%), Батыс Қазақстан (17,1%) және Жамбыл облысында (13,4%), сондай-ақ Алматы (22,5%) және Шымкент (12,9%) қалаларында тіркелді.Фото: Қызылорда облысының әкімдігі

Қызылорда облысы құрылыс қарқыны бойынша көшбасшылар қатарында

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен өткен Үкімет отырысында автокөлік жасау саласын дамыту мәселелері талқыланды. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейінгі мәжілісте аймақ басшысы өңірдің автомобиль жасау өндірісіндегі бастамалар мен мәселелерге тоқталды.Еске салсақ, Мемлекет басшысы өңдеу өнеркәсібін дамыту, оның ішінде отандық машина жасау саласын қолдау жөнінде нақты міндеттер қойған болатын.Өңірде толық циклді автомобиль шығаратын кәсіпорын болмаса да, жүк вагондарын жөндеу және қосалқы бөлшектер өндіруде тиісті жұмыс өз деңгейінде атқарылуда. Мәселен, сала кәсіпорындары бірінші жартыжылдықта 12 млрд теңгеге қызмет көрсетіп, негізгі өсім 9,9 пайыз болған.<blockquote>«Келесі міндетіміз – жөндеу жұмыстарынан өнеркәсіптік өндіріс деңгейіне көшу. Бұл бағытта Қызылорда қаласындағы «Марал-Нұр» серіктестігінің вагон жөндеу, заманауи жолаушылар вагондарын құрастыру жобасы кезең-кезеңімен сәтті жүзеге асып жатыр. Сонымен қатар, Арал ауданында «Дара Мото» инвестициялық жобасы аясында өңірімізде алғаш рет мотоцикл және мопед құрастырылуда. Бұл экономиканы әртараптандыруға және экспорттық әлеуетті арттыруға оң ықпал етеді. Салаға қажетті кадрлар Қорқыт ата атындағы Қызылорда университеті мен И.Әбдікәрімов атындағы аграрлық-техникалық колледжінде даярлануда. Кейінгі екі жылда 200 студент білім алып, көлік, логистика, техникалық қызмет көрсету және теміржол саласындағы кәсіпорындарда еңбек етіп жүр. Жауапты басқармаға, қала және аудан әкімдіктеріне жаңа инвестициялық жобалар тартуды, кәсіпорындардың өндірістік жүктемесіне тұрақты мониторинг жүргізуді және өнім көлемін ұлғайтуды тапсырамын», – деді аймақ басшысы.</blockquote>Жиында дала өртінің алдын алу мәселесі де талқыланды. Орман және дала өрттерінің басым көпшілігі адамдардың немқұрайлық әрекеттерінен, қауіпсіздік ережелерін сақтамауынан туындайды. Өңірдің құрғақ және желді климатын ескерсек, дала өрттерінің пайда болу, тез тарау қаупі аса жоғары. Осы жылдың 6 айында 24 өрт тіркелген. Облыс әкімі қауіпсіздік шараларын күшейтуді ескертті.Сонымен қатар қала және аудандардағы байланыс сапасын арттыру, цифрлық инфрақұрылымды дамыту, &nbsp;ветеринария саласында статистикалық дерекқор жүйесін қалпына келтіру, хаттамалық тапсырмаларды уақытылы орындау тапсырылды.

Автокөлік жасау саласын дамыту мәселелері талқыланды 

<a href="https://kyzylorda-news.kz/">Kyzylorda-news.kz</a> Бүгінде Шиелі аумағындағы аудандық маңыздағы жолдардың 138,1 шақырымы немесе 94,9 пайызы жақсы және қанағаттанарлық жағдайда болса, республикалық және облыстық жолдар толықтай асфальтталған. Жол сапасын арттыру бағытындағы жұмыстар бюджет қаражатымен қатар демеушілердің қолдауымен де жүйелі түрде жүзеге асырылуда. Бұл туралы Өңірлік коммуникациялар қызметінің ақпарат алаңында өткен баспасөз конференциясында Шиелі ауданының әкімі Айтбай Жандарбеков баяндады.Есепті кезеңде «Шиелі-Тайқоңыр» бағытындағы автомобиль жолы толықтай күрделі жөндеуден өтіп, тұрғындардың қауіпсіз әрі қолайлы қатынауына мүмкіндік жасалды. Сонымен қатар «Самара-Шымкент- Еңбекші» және аудандық маңыздағы жолдарды қайта жаңғырту жобалары іске асырылып жатыр. Алғабас ауылындағы көшелерді жөндеу жұмыстары аяқталуға жақын.<blockquote>«Шиелі кентінде де жол-көлік инфрақұрылымын жаңғырту жалғасуда. Алдағы жылдары ондаған көшені және көпқабатты тұрғын үйлердің кіреберіс жолдарын жөндеу жоспарланған. Биыл оның алғашқы кезеңі басталып, бірқатар көшеде құрылыс жұмыстары жүргізілуде. Жол қозғалысы қауіпсіздігін қамтамасыз ету мақсатында жаңа бағдаршамдар орнатылып, бейнебақылау жүйесі кеңейтілуде. Қазіргі таңда Шиелі кентінде 72 бейнебақылау камерасы, 8 жылдамдық өлшегіш камера және 18 бағдаршам жұмыс істейді. Жол белгілері мен жасанды жол кедергілерін күтіп ұстау жұмыстары да тұрақты жүргізілуде. Сонымен бірге аудан тұрғындарына қоғамдық көлік қатынасы үздіксіз қызмет көрсетіп келеді. Шиелі кентіндегі жол-көлік инфрақұрылымын кезең-кезеңімен жаңғырту мақсатында жалпы құны 5,3 млрд теңгені құрайтын 21 көшені және көпқабатты тұрғын үйлердің кіреберіс жолдарын жөндеудің жобалық-сметалық құжаттары әзірленді. 2026-2028 жылдары жүзеге асатын жобаның алғашқы кезеңінде 11 көшеде жөндеу жұмыстары басталды», – деді аудан әкімі Айтбай Жандарбеков.</blockquote><figure class="image"><img src="https://knadmin.beoblood.kz/uploads/brifing_shieli_a3053066e3.jpg" alt="брифинг шиелі.jpg"></figure>

Шиеліде жол сапасы жақсарып, көлік инфрақұрылымы жаңғыртылуда

<a href="https://kyzylorda-news.kz/">Kyzylorda-news.kz</a> Өңірде құрылыс саласындағы мемлекеттік бақылау жұмыстары жүйелі жүргізілуде. Биылғы жылдың алғашқы жартыжылдығында құрылыс нысандарына бақылауды күшейту, мемлекеттік қызметтердің сапасын арттыру және цифрлық жүйелердің тиімділігін қамтамасыз ету бағытында ауқымды жұмыстар атқарылды. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыстық мемлекеттік сәулет-құрылыс бақылауы басқармасының басшысы Ғанижан Қалиев мәлімдеді.<blockquote>- Есепті кезеңде басқармаға жеке және заңды тұлғалардан барлығы 347 өтініш келіп түсті. Оның 287-сі бойынша заңнама талаптарына сәйкес тиісті шаралар қабылданып, өтініш иелеріне жауап берілсе, 60 өтініш қарау құзыретіне сәйкес өзге мемлекеттік органдарға жолданды. Сонымен қатар, тұрғындардың өтініштері негізінде 82 жоспардан тыс тексеру жүргізіліп, нәтижесінде 62 жағдайда заң бұзушылықтар анықталып, оларды жою жөнінде нұсқамалар берілді. Жалпы есепті кезеңде 270 әкімшілік құқық бұзушылық туралы іс қозғалды. Мемлекеттік қызметтерді цифрландыру бағытында да оң нәтижелер бар. «Е-лицензиялау» порталы арқылы 1309 өтініш қаралып, нәтижесінде 991 лицензия мен аттестат рәсімделді. Ал, құрылыс-монтаждау жұмыстарының басталғаны туралы түскен 952 хабарламаның 657-сі заң талаптарына сәйкес тіркелсе, 295 хабарлама талаптарға сәйкес келмеуіне байланысты кері қайтарылды. Сондай-ақ, құрылыс сапасына жүргізілетін техникалық бақылау да электронды форматта жүзеге асырылуда. Осы ретте «E-Qurylys» ақпараттық жүйесі арқылы аккредиттелген техникалық қадағалау ұйымдарынан 2430 айлық есеп қабылданды. Бұдан бөлек, мемлекеттік сатып алу веб-порталының электрондық депозитарийі арқылы жұмыс өтілін растауға қатысты 294 өтінім қаралып, оның 181-і заң талаптарына сәйкес мақұлданды. Тұрғындардың өтініштері бойынша жүргізілген бақылау жұмыстары да нақты нәтижесін берді. Атап айтқанда, Қызылорда қаласындағы Желтоқсан көшесінің бойында көпқабатты тұрғын үйлерге жапсарлас заңсыз салынған 7 жазғы кафе құрылысы анықталып, меншік иелеріне заң талаптарына сәйкес нұсқамалар берілді. Қабылданған шаралардың нәтижесінде аталған заңсыз нысандар толықтай бұзылып, аумақтар бастапқы қалпына келтірілді, - деді Ғанижан Піртазаұлы.</blockquote>Спикердің айтуынша, басқарма алдағы уақытта да құрылыс саласындағы заң талаптарының сақталуын қамтамасыз етуге, мемлекеттік бақылаудың тиімділігін арттыруға, цифрлық жүйелердің мүмкіндіктерін кеңейтуге және азаматтар мен кәсіпкерлерге көрсетілетін мемлекеттік қызметтердің сапасы мен қолжетімділігін одан әрі жетілдіруге басымдық береді.<figure class="image"><img src="https://knadmin.beoblood.kz/uploads/brifing_stroitelstvo_35d55c486e.jpg" alt="брифинг строительство.jpg"></figure>

Құрылыс саласындағы мемлекеттік қызметтердің сапасы мен  қолжетімділігі артуда 

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев «Казстройподряд» ЖШС құрылтайшысы, «TUKİB» түрік-қазақ кәсіпкерлер қауымдастығының төрағасы Аталай Хикметті қабылдады.Тараптар облыс орталығында заманауи сауда-ойын-сауық орталығын салу жобасын талқылап, алдағы жоспарларды бірлесіп жүзеге асыру жайын қарастырды.<blockquote>«Өткен аптада Қызылорда облысына арнайы келіп, өңірдің инвестициялық әлеуетімен танысқаныңыз үшін Сізге алғысымды білдіремін. Сол жолы заманауи сауда-ойын-сауық орталығын салуға қатысты жоспарды жан-жақты талқылаған болатынбыз. Баршамызға белгілі, «Казстройподряд» – халықаралық деңгейде танылған, күрделі құрылыс жобаларын табысты жүзеге асырып келе жатқан бірегей компания. Сіздердің мол тәжірибелеріңіз Қызылорда қаласында заманауи &nbsp;сауда-ойын-сауық кешенін салуға мүмкіндік береді деп сенеміз. Облыс әкімдігі жер телімі, қажетті инженерлік инфрақұрылыммен қамтамасыз ету және мемлекеттік органдармен келісу рәсімдеріне жан-жақты қолдау көрсетуге дайын», – деді аймақ басшысы.</blockquote>А.Хикмет өңірде инвестициялық жобаларды жүзеге асыруға қолайлы жағдай жасалғанын атап өтіп, қолдау үшін алғысын білдірді.Айта кетейік, «Казстройподряд» ЖШС – 2005 жылы құрылған отандық құрылыс компаниясы. Негізгі қызметі – заманауи құрылыс индустриясын дамыту, жоғары сапалы әрі сенімді стандарттарды қалыптастыру.Компания осы уақытқа дейін Астанадағы ірі сауда-ойын-сауық орталықтарын, кеңсе ғимараттарын, заманауи тұрғын үй кешендерін, қонақ үйлерді, білім беру ұйымдарын, спорт кешендерін және болат конструкциялардан тұратын түрлі нысандарды салған.Кездесуде компанияға сол жағалаудан немесе Президент паркі аумағынан жер телімі ұсынылды. Тамыз айында сауда-ойын-сауық орталығының нақты эскизі таныстырылады.

Қызылордада заманауи сауда-ойын-сауық орталығы бой көтермек

<a href="https://kyzylorda-news.kz/">Kyzylorda-news.kz</a> Облыс прокуратурасының үйлестіруімен құқық бұзушылықтың алдын алу мақсатында қадағалау аумағында кешенді рейдтік іс-шаралар өткізілді.Оның негізгі мақсаты – бала тәрбиесіне, оның мінез-құлқы мен қоғамдағы орнына ең алдымен ата-ана жауапты екенін кеңінен түсіндіру, кәмелетке толмағандар арасында құқық бұзушылықты алдын алу және жол жүрісі қағидаларын сақтауға шақыру болып табылады.Себебі балалар еліміздің болашағы, ал оның бойындағы адамгершілік, тәртіп пен жауапкершілік қасиеттерінің қалыптасуы тікелей отбасындағы тәрбиеге байланысты.Іс-шарамен адамдар көп шоғырланатын, ойын сауық орындары, кафе және түнгі клубтар қамтылды.<figure class="image"><img src="https://knadmin.beoblood.kz/uploads/rejd_52870f9db1.webp" alt="рейд.webp"></figure>Прокурорлар тұрғындарға қоғамдық тәртіпті сақтау, балалардың қауіпсіздігін қамтамасыз ету, бала тәрбиесіндегі ата-ананың жауапкершілігін кеңінен түсіндірді.Қоғамдық қауіпсіздікті қамтамасыз етуге және құқық бұзушылықтың алдын алуға бағытталған іс-шаралар алдағы уақытта да тұрақты түрде жүргізілетін болады.<figure class="image"><img src="https://knadmin.beoblood.kz/uploads/rejd_4df7e41cee.webp" alt="рейд.webp"></figure>Фото: Қызылорда облысының прокуратурасы

Қызылордада ауқымды профилактикалық шаралар жүргізілуде

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев «Liaoning Hongda Group» директорлар кеңесінің төрағасы Тан Цзюганды және аталған компанияның өкілдерін қабылдады.Кездесуде облыс әкімі компанияның Қазақстан мен Қытай арасындағы инвестициялық ынтымақтастықты дамытуға қосып отырған үлесін жоғары бағалап, Жаңақорған ауданында іске асырылатын жалпы құны 1,3 млрд АҚШ доллар болатын қорғасын-мырыш тау-кен байыту кешендері жобасының өңір үшін стратегиялық маңызын атап өтті.Жоба аясында екі карьер, екі тау-кен байыту фабрикасы және кейіннен металлургиялық зауыт салу жоспарланған. Өңір басшысы облыс әкімдігі тарапынан жоба «Жасыл дәліз» тетігіне енгізілгенін айтып, оны іске асыру барысында қажетті әкімшілік қолдау көрсетілетінін, жан-жақты сүйемелденетінін жеткізді.Өз кезегінде компания басшылығы жобаны іске асырудың қазіргі кезеңі, инфрақұрылым жеткізу және металлургиялық зауыт құрылысына дайындық бойынша атқарылып жатқан жұмыстар туралы ақпарат берді. Кездесу қорытындысында тараптар инвестициялық жобаларды уақытылы әрі тиімді іске асыру бағытындағы өзара ынтымақтастықты одан әрі жалғастыруға дайын екендіктерін білдірді.Айта кетейік, бүгінде компания Жаңақорған ауданында кен орнын игеру бағытындағы жобаның алғашқы кезеңін бастап, онда 260 жергілікті тұрғынды жұмыспен қамтып отыр. Бұл – өңірдің әлеуметтік-экономикалық, өндірістік әлеуетін арттырудағы маңызды жоба. Тау-кен саласын өркендетудегі бастамалар табысты әрі жүйелі жүзеге асып келеді. &nbsp;

Облыс әкімі «Liaoning Hongda Group» компаниясының басшылығымен кездесті

<a href="https://kyzylorda-news.kz/">Kyzylorda-news.kz</a> 21 шілдеде Қызылорда облысында ауа райы күрт құбылады.«Қазгидромет» РМК мәліметінше, 21 шілдеде Қызылорда облысының солтүстігінде күндіз жаңбыр жауып, найзағай ойнайды.Облыстың орталық, солтүстік және оңтүстік бөліктерінде шаңды дауыл соғып, батыстан соғатын желдің жылдамдығы секундына 15-20 метрге дейін күшейеді.Сонымен қатар, өңір аумағында төтенше өрт қаупі сақталады.Қызылорда қаласында да күндіз шаңды дауыл күтіледі. Батыстан соғатын желдің екпіні 15-20 м/с-қа дейін жетеді. Қала аумағында да төтенше өрт қаупі сақталады.Фото: Казгидромет

Қызылорда облысында дауылды ескерту: шаңды дауыл, найзағай және қатты жел

<a href="https://kyzylorda-news.kz/">Kyzylorda-news.kz</a> Қызылорда облысының Өңірлік коммуникациялар қызметінде өткен брифинг барысында Шиелі аудан әкімі Айтбай Жандарбеков электрмен жабдықтау саласында атқарылып жатқан жұмыстарға тоқталды.Бүгінде Шиелі ауданында жалпы ұзындығы 883,3 шақырым электр желісі мен 609 қосалқы станция халыққа тұрақты қызмет көрсетуде.Соңғы екі жылда электр желілерін жаңғырту жұмыстарының нәтижесінде желілердің тозу деңгейі 78 пайыздан 43 пайызға дейін төмендеді. Бұл көрсеткіш инженерлік инфрақұрылымды жаңарту бағытындағы жүйелі жұмыстардың нәтижесін көрсетеді.Ағымдағы жылы облыстық бюджет есебінен Бидайкөл, Жиделіарық және Ә.Тәжібаев ауылдарында сыртқы электрмен жабдықтау желілерінің құрылысына 57,6 млн теңге бөлініп, құрылыс-монтаждау жұмыстары толық аяқталып, нысандар пайдалануға берілді.Сонымен қатар, Бәйгеқұм және Ш.Қодаманов ауылдарындағы 10/0,4 кВ электрмен жабдықтау желілерін қайта жаңғыртуға 617,3 млн теңге бөлініп, қазіргі таңда құрылыс-монтаждау жұмыстары қарқынды жүргізілуде.Аудан әкімі тұрғындарды сапалы әрі тұрақты электр энергиясымен қамтамасыз ету бағытындағы жұмыстар алдағы уақытта да жалғасатынын атап өтті.<img src="https://knadmin.beoblood.kz/uploads/brifing_886a0d3d01.jpg" alt="брифинг.jpg">Фото: freepik.com

Шиелі ауданында электр инфрақұрылымы жаңғыртылып жатыр

<a href="https://kyzylorda-news.kz/">Kyzylorda-news.kz</a> Қызылорда қаласында жол қозғалысы қауіпсіздігін қамтамасыз ету және жол-көлік оқиғаларының алдын алу мақсатында өткізіліп жатқан «Қауіпсіз жол» жедел-профилактикалық іс-шарасы аясында полиция қызметкерлері күшейтілген режимде қызмет атқаруда.Рейдтік іс-шаралар барысында Қызылорда қаласы Полиция басқармасы патрульдік полиция батальонының қызметкерлері бір тәулік ішінде алкогольдік масаң күйде көлік басқарған 4 жүргізушіні анықтады.Аталған құқық бұзушыларға қатысты Қазақстан Республикасының Әкімшілік құқық бұзушылық туралы кодексінің 608-бабына сәйкес әкімшілік шаралар қолданылды.Полиция департаменті жүргізушілерді жол қозғалысы ережелерін қатаң сақтауға және алкогольдік ішімдік ішкеннен кейін көлік басқармауға шақырады.Мас күйде көлік жүргізу – тек жүргізушінің өз өміріне ғана емес, жол қозғалысының өзге де қатысушыларының өмірі мен денсаулығына тікелей қауіп төндіретін өрескел құқық бұзушылық.Әрбір жүргізушінің жауапкершілігі – жолдағы қауіпсіздіктің басты кепілі. Заң талаптарын сақтау арқылы өзіңіздің және өзгелердің өмірін қорғауға үлес қосыңыз.

«Қауіпсіз жол»: Қызылордада 4 мас жүргізуші анықталды

<a href="https://kyzylorda-news.kz/">Kyzylorda-news.kz</a> Күннің аптап ыстығына байланысты Қазалы ауданында тұрғындарға, әсіресе балаларға қолайлы жағдай жасау мақсатында ерекше іс-шара ұйымдастырылды.Қазалы мәдени-демалыс кешенінде аудан әкімдігінің ұйымдастыруымен өткен шараға аудандық төтенше жағдайлар бөлімінің өрт сөндірушілері мен сала мамандары қатысты. Балаларға көтеріңкі көңіл күй сыйлауға бағытталған іс-шара мазмұнды бағдарламасымен ерекшеленді.Мерекелік шара аясында концерттік бағдарлама ұсынылып, түрлі танымдық ойындар мен қызықты сайыстар ұйымдастырылды. Сонымен қатар бүлдіршіндерге балмұздақ таратылып, олардың жазғы демалысын көңілді әрі мазмұнды өткізуіне мүмкіндік жасалды.Өрт сөндіру қызметінің мамандары арнайы техникалардың мүмкіндіктерін таныстырып, өрт қауіпсіздігі талаптары жөнінде түсіндіру жұмыстарын жүргізді. Сондай-ақ арнайы өрт сөндіру көлігі арқылы жаңбырлатып су шашып, аптап ыстықта балаларға ерекше қуаныш сыйлады.Балалардың шат күлкісі мен көтеріңкі көңіл күйіне бөленген шара тұрғындарға қолайлы жағдай жасаумен қатар, жас ұрпақтың қауіпсіздік мәдениетін қалыптастырудың маңызын айқындай түсті.Осындай игі бастамалар алдағы уақытта да өз жалғасын табады. Өйткені тұрғындардың жайлылығы мен қауіпсіздігін қамтамасыз ету, сондай-ақ балалардың жазғы демалысын мазмұнды ұйымдастыру – басты міндеттердің бірі.<figure class="image"><img src="https://knadmin.beoblood.kz/uploads/azaly_4a27d51706.jpg" alt="қазалы.jpg"></figure>

Қазақстан және Қызылорда облысының жаңалықтары: Қоғам