<a href="https://kyzylorda-news.kz/">Kyzylorda-news.kz</a> Қызылорда қаласының әкімі Нұржан Ахатов қала ардагерлерімен бірге «Қызылорда Саз-М» ЖШС заманауи кірпіш зауытының тыныс-тіршілігімен танысты. Нысан Мемлекет басшысы Қасым-Жомарт Тоқаевтың жергілікті құрылыс материалдарын шығаруды және отандық өндірушілерді жан-жақты қолдау жөніндегі тікелей тапсырмасы шеңберінде бой көтерген болатын.Жобаны жүзеге асыруға 5 миллиард теңге жеке инвестиция бағытталды. Жаңа өндірістік кешен индустриалды аймақтағы 7 гектар аумақты алып жатыр. Зауыт жылына 90 миллион кірпіш шығаруға қауқарлы. Бұл - қаламыздағы құрылыс жұмыстарының қарқынын үдетіп, құрылыс материалдарына деген ішкі сұранысты толықтай қамтамасыз етуге мүмкіндік береді. Зауыттың өндіріс процесі толықтай автоматтандырылылған.Ардагерлер өндіріс ошақтарының көбеюі қала құрылысының сапасын жаңа деңгейге көтеретінін атап өтіп, зауыт ұжымының жұмысына табыс тіледі.Ардагерлер «Қызылорда Саз-М» кешенінен кейін «Orda Glass Ltd» шыны зауытында болды. Бүгінгі таңда Сыр өңірінде инвестициялық ахуалды жақсарту және экономиканы әртараптандыру бағытында ауқымды жұмыстар атқарылуда.Экономиканы әртараптандыру мақсатында өткен жылы 37 миллиард теңгенің 21 жобасы сәтті жүзеге асса, 2025-2029 жылдарға арналған пул аясында 1 триллион 900 миллиард теңгенің 65 инвестициялық жобасын мақсатына жеткізу межеленіп отыр.Мұнда жылына 197,1 мың тонна жоғары сапалы шыны өндіріліп, ішкі нарықты қамтамасыз етумен қатар, Ресей, Өзбекстан, Қырғызстан және Тәжікстан мемлекеттеріне белсенді түрде экспортталуда. Өндіріс ошағында отандық кадрлардың үлесін арттыру мен тәжірибе алмасу процесі жоғары деңгейде ұйымдастырылған. Өткен жылы зауыт ішінен заманауи құрылыс нарығында сұранысқа ие энергия үнемдейтін шыны өндірісінің жаңа желісі сәтті іске қосылды.Қытайлық инвестормен бірлесе отырып, екі кезеңнен тұратын жаңа инвестициялық жоба қолға алынды. Алғашқысы биыл жылына 200 мың тонна кварц құмын өңдейтін заманауи цех ашылады. Ал, 2028 жылы тәулігіне 500 тонна күн фотоэлектрлік шыны өндірісі іске қосылмақ.Аралауда қала ардагерлері шаһардың экспорттық және индустриалды әлеуетін халықаралық деңгейге көтерген зауыттың бағытына бата арнап, қызметкерлердің қажырлы еңбегіне алғыстарын жаудырды.<img src="https://knadmin.beoblood.kz/uploads/Ardagerler_shyna_zauytyna_bardy_57f3440cf2.jpg" alt="Ардагерлер шына зауытына барды.jpg">Ардагерлер нысандарды аралау барысында жаңа жылу электр орталығына да барды. Қаламыздың ескі жылу орталығы 1964 жылдан бері жұмыс істеп, оның 90 пайызы тозған еді. Мемлекет басшысы Қасым-Жомарт Тоқаевтың тікелей қолдауымен және бұған дейін аймақты басқарған, қазіргі Премьер-министрдің бірінші орынбасары Нұрлыбек Нәлібаевтың ұтымды үйлестіруімен бұл мәселе түбегейлі шешілді.Ауқымды жобаны түріктің белгілі «Aksa Energy» компаниясы қолға алып, нысан құрылысына 215 миллиард теңге инвестиция салды. Заманауи станция экологиялық тұрғыдан тиімді, яғни табиғи газ шығынын екі есеге дейін үнемдейді. Инновациялық қондырғылардың арқасында станция небәрі 20 минут ішінде өндіріс қуатын 50 МВт-тан 240 МВт-қа дейін жедел өзгерте алады. Бұл желідегі жүктеме өзгерістеріне тез бейімделуге мүмкіндік береді. Тұрғын үйлерге жіберілетін желілік судың температурасы ескі жүйедегі 95°C-тан 130°C-қа дейін ұлғайтылды. Нысан кез келген сыртқы төтенше жағдайлар кезінде автономды режимде үзіліссіз жұмыс істей алады және қаланы жарық пен жылусыз қалу қаупінен толық қорғайды. Бүгінде жаңа және ескі жылу орталықтары жылыту маусымына сақадай дайын тұр.Нысанмен танысқан ардагерлер жылу орталығының тұрғындардың жайлылығы үшін қызмет ететінін атап өтіп, атқарылған ауқымды жұмысқа жоғары баға берді.<img src="https://knadmin.beoblood.kz/uploads/Ardagerler_zhylu_elektr_ortaly_yna_bardy_33e28e538b.jpg" alt="Ардагерлер жылу электр орталығына барды.jpg">Кестедегі нысанның бірі – «Панабек» заманауи жиһаз фабрикасы. Ардагерлерге шағын ғана цехтан бастап, бүгінде индустриалды деңгейге көтерілген отандық кәсіпорынның жетістіктері мен инновациялық жоспарлары таныстырылды.2024 жылы кәсіпкер Амангелді Панабеков мемлекеттің қолдауын тиімді пайдаланып, Қызылорда аймақтық инвестициялық орталығынан жылдық 6 пайыздық мөлшерлемемен 59 миллион теңге несие алды. Жергілікті билік органдары мен «Самұрық-Қазына» қорының бірлескен қолдауының арқасында «Саяхат» шағын ауданынан 1 гектар жер учаскесі бөлініп, жаңа заманауи өндірістік кешен бой көтерді. Фабрика өткен жылдың желтоқсан айында ресми түрде ашылып, нарыққа жол тартты.Бүгінгі таңда фабрика толық автоматтандырылған жүйемен жылына 35 000 бірлікке дейін кеңсе, үй, мектеп, балабақша және медициналық мекемелерге арналған корпус, металл және жұмсақ жиһаздарды шығарады. «Қызылордада жасалған» сапалы өнімдерге тек аймақ ішінде ғана емес, сонымен қатар Алматы, Астана, Шымкент, Ақтау, Тараз сияқты еліміздің ірі қалаларынан тапсырыстар түсуде. Тұтынушылар қатарында мемлекеттік органдар, халыққа қызмет көрсету орталықтары мен жеке компаниялар да бар. Кәсіпорын өнімінің жоғары деңгейін халық та, сарапшылар да мойындаған. Сондықтан фабрика «Қазақстанның үздік өнімі» өңірлік көрме-байқауында «Халыққа арналған үздік өнімдер» номинациясының жеңімпазы атанды.Фабриканың алдағы даму бағыты да ауқымды. Сыр өңірінің ауыл шаруашылығы ерекшелігін ескере отырып, престелген күріш қабығынан экологиялық таза жиһаз материалдарын &nbsp;шығару технологиясын қолға алуда.Сапар соңында қала ардагерлері шағын бизнесті ірі өндіріске айналдырған кәсіпкердің еңбегіне ризашылық білдіріп, Сыр өнімінің брендін республика деңгейінде асқақтатып жатқан фабрика ұжымына ақ баталарын берді.&nbsp;<img src="https://knadmin.beoblood.kz/uploads/Ardagerler_zhi_az_fabrikasyna_bardy_2_680ef4cf8e.jpg" alt="Ардагерлер жиһаз фабрикасына барды 2.jpg"><img src="https://knadmin.beoblood.kz/uploads/Ardagerler_zhi_az_fabrikasyna_bardy_f4818a7580.jpg" alt="Ардагерлер жиһаз фабрикасына барды.jpg">

Ардагерлер бірқатар нысандардың жай-күйімен танысты

<a href="https://kyzylorda-news.kz/">Kyzylorda-news.kz</a> Қазақстан Республикасының Президенті Қасым-Жомарт Тоқаевтың Корея Республикасына мемлекеттік сапары аясында ҚР Өнеркәсіп және құрылыс министрлігі желісі бойынша жалпы сомасы $401,9 млн болатын 15 құжатқа қол қойылды.Атап айтқанда, Мемлекет басшысының қатысуымен «Астана Моторс» ЖШС мен Hyundai Motor Company арасында жаңа Hyundai Tucson моделін өндіру туралы құны $67 млн болатын келісімге қол қойылды. Hyundai Motor Company Қазақстанға жаңартылған Hyundai Tucson моделін өндіру үшін жаңа технологияларды шағын торапты әдіспен береді.Бүгінде Қазақстанда Hyundai Tucson автокөлігі жоғары деңгейдегі локализациялау бойынша өндіріліп келеді. Әлемдік тұсаукесер аясында модельдің жаңа нұсқасы таныстырылды. Компания модельдің технологиялық платформасын айтарлықтай жаңартқан. Қазақстанның осы жаңа технологияларға қол жеткізуі автомобиль өнеркәсібін дамытудағы маңызды қадам болып саналады. Тұтынушылар үшін бұл – Қазақстанда шығарылған Hyundai Tucson-ның дәл осы жаңа нұсқасын сатып алу мүмкіндігі.«Еуразиялық Топ» ЖШС мен Hyundai SungWoo Casting Co. Ltd автомобиль компоненттерін локализациялау бағдарламасы аясында автомобиль дискілерін өндіру бойынша ынтымақтастық туралы құны $50 млн болатын меморандумды бекітті. Жоба арқылы ҚР автозауыттары үшін негізгі техникалық серіктесті тарту көзделген.QazIndustry мен Оңтүстік Кореяның жетекші мемлекеттік ғылыми-зерттеу институты – KIET Өзара түсіністік туралы меморандумға қол қойды. Құжатты бекітудегі мақсат – өңдеу өнеркәсібін дамыту, озық цифрлық технологиялар мен инновациялық шешімдерді енгізу мәселелері бойынша ынтымақтастық орнату және тәжірибе алмасу. Меморандумға қол қоюдың стратегиялық маңызы бар, өйткені Қазақстан тарапы бұл арқылы индустрияландыруды сараптамалық сүйемелдеу бойынша қажетті серіктеске ие болады.Сондай-ақ «Mineral Product International» ЖШС мен SAC Co., Ltd арасында Екібастұз қаласындағы ферросилиций өндіретін зауыттың екінші кезеңіне арналған жабдықтарды жеткізу туралы Ниеттестік хатына және серіктестік байланыстар мен өнеркәсіптік кооперацияны кеңейтуге бағытталған басқа да бірқатар құжатқа қол қойылды.Қазақстанның «Ұлттық технологиялық болжау орталығы» РМК мен Оңтүстік Кореяның Ұлттық сирек металдар институты Ынтымақтастық туралы меморандумға қол қойды. Келісім Қазақстандағы зертханалық мүмкіндіктерді дамыту бойынша бірлесіп жұмыс істеуге, шикізат базасын, өңдеу технологияларын және жоғары қосылған құны бар өнім өндірісін бірлесіп дамытуға серпін береді деп күтілуде.

Қазақстан-Корея: Өнеркәсіп саласындағы ынтымақтастықты кеңейту туралы бірқатар меморандумға қол қойды

<a href="https://kyzylorda-news.kz/">Kyzylorda-news.kz</a> Қызылордада отбасы құндылықтарын нығайтуға арналған «Отбасы – бақыт мекені» атты ашық алаң форсайт-сессиясы ұйымдастырылды. Іс-шара барысында отбасы тәрбиесі, ата-ананың бала алдындағы жауапкершілігі, ұрпақтар сабақтастығы, психологиялық ресурс, кітап оқу мәдениеті және адал азамат тәрбиесі мәселелері қамтылды.Басқосуға әйелдер істері және отбасылық-демографиялық саясат жөніндегі комиссия, әйелдер кеңестері, «Қоғамдық келісім және тіл орталығы» мекемесі, «Әкелер одағы», «Анаға тағзым» орталығы, ата-аналар қауымы, мектепішілік қамқоршылық кеңес және «Ұлағат» ата-әжелер ансамблінің өкілдері қатысты.Алдымен «Отбасылық құндылықтар және Конституция» облыстық конкурсының жеңімпаздары марапатталды. І орын Жаңақорған ауданынан Ақылбековтер отбасына, ІІ орын Жалағаш ауданынан Ахметжамиевтер отбасына, ІІІ орын Қызылорда қаласынан Әзілхановтар отбасына бұйырды.Сондай-ақ мектеп оқушыларының ата-аналары мен әжелеріне отбасы тәрбиесіне қосқан үлесі үшін құрмет көрсетілді. Марапатталғандардың қатарында көпбалалы аналар, «Алтын алқа» және «Күміс алқа» иегерлері, сондай-ақ бірнеше онжылдық бойы отбасылық өмірдің өнегесін көрсетіп келе жатқан жанұя мүшелері бар.Форсайт-сессияның «Отбасы – тәрбие бесігі» бөлімінде облыстық «Әкелер одағының» төрағасы Ескендір Ержан, облыстық әйелдер кеңесінің төрайымы Райкүл Мансұрқызы Байназарова, «Ұлағат» ата-әжелер ансамблінің жетекшісі Құрмашова Балхия және көпбалалы ана Сматуллаева Зарипа Алмаханқызы пікір білдірді.Қатысушылар әкенің бала тәрбиесіндегі орны, ата-ананың жауапкершілігі, отбасылық дәстүрлер, ата-әже өнегесі және мектеппен серіктестік мәселелерін талқылады.Бағдарламадағы «STOP – RESET – GO» тренингін мектеп-лицей-интернатының педагог-психологы Сисенбаева Зәуре Сұлтанбекқызы жүргізді. Интерактивті сабақта қатысушылар эмоцияны басқару, күйзелісті азайту және психологиялық ресурсты қалпына келтіру тәсілдерімен танысты.«Жүректен жүрекке – ұрпаққа аманат» бөлімінде ата-аналар мен оқушылар арасында ашық сұхбат өтіп, ұрпақтар арасындағы өзара түсіністік пен сенімнің маңызы сөз болды.Кітап оқу мәдениетіне арналған «Бір шаңырақ. Үш ұрпақ. Бір кітап» бөлімінде Ғабит Мүсіреповтің «Ұлпан» романы негізінде сахналық көрініс ұсынылды. Сонымен қатар «12 айда – 12 кітап» жобасының тәрбиелік мәні таныстырылды.Іс-шара соңында оқушылар «10 қадам – Адал азамат» перформансын ұсынып, адалдық, мейірім, жауапкершілік және азаматтық ұстаным құндылықтарын сахна тілімен жеткізді. Шара «Атамекен» әнімен қорытындыланды.<img src="https://knadmin.beoblood.kz/uploads/V_Kyzylorde_proshla_forsajt_sessiya_Otbasy_ba_yt_mekeni_da634c59b0.jpg" alt="В Кызылорде прошла форсайт-сессия «Отбасы – бақыт мекені».jpg">

Қызылордада «Отбасы – бақыт мекені» ашық алаңы өтті

<a href="https://kyzylorda-news.kz/">Kyzylorda-news.kz</a> Күздің салқыны сезіле бастаған тұста тұрғындардың қауіпсіздігіне ерекше көңіл бөлінеді. Әсіресе жылу беру маусымында пештер мен газ, электр жылыту құрылғыларын пайдалану кезінде өрт қауіпсіздігі талаптарын сақтау аса маңызды. Осыған байланысты Қызылорда облысында 2026-2027 жылдардағы жылу беру маусымына дайындық жұмыстары күшейтілді.Жыл сайын жылыту маусымы қарсаңында облыстық Төтенше жағдайлар департаменті азаматтардың қауіпсіздігін қамтамасыз ету және тұрғын үйлердегі өрттердің алдын алу бағытында кешенді профилактикалық іс-шаралар өткізеді.Қызылорда облысы ТЖД Мемлекеттік өрт бақылау басқармасының бастығы, азаматтық қорғау подполковнигі Бейбітхан Спановтың айтуынша, биыл да әлеуметтік осал санаттағы азаматтардың үйлеріндегі өрт қауіпсіздігіне назар аударылып отыр.<blockquote>«Жыл сайын жылыту маусымы қарсаңында азаматтардың қауіпсіздігін қамтамасыз ету және тұрғын үйлердегі өрттердің алдын алу мақсатында Қызылорда облысы Төтенше жағдайлар департаменті тарапынан кешенді профилактикалық жұмыстар жүргізіледі. Осы бағыттағы жұмыстар 15 тамыз бен 15 қыркүйек аралығында әлеуметтік осал санаттағы азаматтардың тұрғын үйлерін аралау арқылы жүргізілді. Биыл мемлекеттік органдардан алынған мәліметтерді өзектендіру нәтижесінде облыс бойынша әлеуметтік осал топқа жататын 5 864 азаматтың тізімі нақтыланған. Олардың қатарында атаулы әлеуметтік көмек алатын отбасылар және өздігінен жүріп-тұру мүмкіндігі шектелген бірінші топтағы мүгедектігі бар азаматтар бар. Пештер мен түтін мұржаларын жылыту маусымы басталғанға дейін тексеріп, тазалау қажет. Сонымен қатар жылыту құрылғыларын қараусыз қалдырмау, электр желілеріне шамадан тыс жүктеме түсірмеу, жанғыш заттарды пештер мен жылыту құралдарына жақын орналастырмау керек », – деді Бейбітхан Спанов.</blockquote>Профилактикалық аралау кезінде мамандар тұрғындарға пештерді, газ және электр жылыту құрылғыларын қауіпсіз пайдалану талаптарын түсіндірді. Әсіресе ақаулы немесе қолдан жасалған жылыту құрылғыларын пайдаланбау қажеттігі ескертілді.<img src="https://knadmin.beoblood.kz/uploads/Usileny_mery_bezopasnosti_v_Kyzylordinskoj_oblasti_gotovyatsya_k_otopitelnomu_sezonu_091ac43634.jpg" alt="Усилены меры безопасности в Кызылординской области готовятся к отопительному сезону.jpg">Сурет: Нұрболат Нұржаубай

Қауіпсіздік шаралары күшейтілді: Жылыту маусымына дайындық жүріп жатыр

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбек бірқатар маңызды нысандарды аралап, атқарылып жатқан жұмыстардың барысын бақылады.Алдымен Жосалы теміржол вокзалына барып, күрделі жөндеуден өткен нысанды тексерді. Қазір вокзалдың ішкі және сыртқы әрлеу жұмыстары, аумағын абаттандыру бағытындағы жұмыстары аяқталуға жақын. Нысанды алдағы уақытта пайдалануға беру үшін соңғы жұмыстар пысықталуда.Бұдан бөлек аудан басшысы Жосалыдағы дендро саябағын аралап, қайта жаңғыртудан өткен саябақтың абаттандырылу жұмыстарын көрді. Аумағында көгалдандыру және тұрғындарға жайлы демалыс ортасын қалыптастыру бағытында жұмыстар жүргізілген.Жандос Еркінбек жұмыстардың сапалы әрі белгіленген талаптарға сай орындалуына назар аударып, абаттандыру жұмыстарын тиісті деңгейде аяқтауды тапсырды.

Жосалыдағы жаңарған нысандардың жұмысы бақылауда

<a href="https://kyzylorda-news.kz/">Kyzylorda-news.kz</a> Заңды құрметтеу, тәртіпті сақтау және әрбір әрекетке жауапкершілікпен қарау – әскери қызметтің басты талаптарының бірі. Әскери ортада тәртіптің орны бөлек. Өйткені әскери бөлімдегі күнделікті қызметтің жүйелі орындалуы, жауынгерлік даярлықтың нәтижесі мен жеке құрамның ұйымшылдығы ең алдымен темірдей тәртіпке байланысты.Мемлекет басшысы Қасым-Жомарт Тоқаевтың бастамасымен қоғамда орнығып келе жатқан «Заң және тәртіп» қағидаты әскери қызметшілер үшін де маңызды бағыттардың біріне айналып отыр. Осы талапты жеке құрам арасында кеңінен түсіндіру, құқықтық сауаттылықты арттыру және құқық бұзушылықтардың алдын алу мақсатында Қазақстан Республикасы Ұлттық ұланының 5547 әскери бөлімінде мерзімді әскери қызметшілермен тағылымды кездесу ұйымдастырылды.Іс-шара барысында әскери қызметшілерге заң талаптарын сақтау, әскери жарғы нормаларын орындау, қызметтік тәртіпті бұзбау және өзара сыйластықты қалыптастыру мәселелері жан-жақты түсіндірілді.Кездесуге Қызылорда гарнизоны әскери прокуратурасының аға прокуроры, әділет аға лейтенанты Сұлтан Тельмухамет арнайы қатысып, сарбаздарға әскери қызмет барысында туындауы мүмкін құқықтық мәселелер жөнінде түсінік берді.Әскери прокуратура өкілі өз сөзінде Қазақстан Республикасының Қылмыстық кодексінің 440-бабына ерекше тоқталды. Аталған бап әскери қызметшілер арасындағы бағыныштылық қатынастар жоқ кезде әскери тәртіп ережелерін бұзу жағдайларына қатысты жауапкершілікті қарастырады.Сарбаздарға заң талаптарын бұзудың салдары нақты мысалдар арқылы көрсетілді. Дәріс барысында әскери қызметші Толстов В.А.-ның оқиғасы негізінде арнайы бейнематериал ұсынылды. Қызметтесіне жасалған бір ғана соққының өзі оның денсаулығына ауыр зиян келтіріп, істің әскери сотқа дейін жетуіне себеп болғаны түсіндірілді.

Әскери тәртіп – темірдей талап

<a href="https://kyzylorda-news.kz/">Kyzylorda-news.kz</a> &nbsp;Астана қаласына Қызылорда облысының ауыл шаруашылығы өнімдері тиелген керуен жолға шықты. 19-20 қыркүйек күндері елордада Қызылорда облысының тауарөндірушілері қатысатын дәстүрлі ауыл шаруашылығы жәрмеңкесі өтеді.Арқа төрінің тұрғындары мен қонақтарына Сыр өңірінің брендіне айналған ақ күріші, дарияның дәмді балығы, табиғи ас тұзы, балдай тәтті қауын-қарбызы, ұлттық сусындар және басқа да ауыл шаруашылығы өнімдері ұсынылады.Сыр елінен елордаға 100 жүк көлігіне тиелген 600 тоннадан астам ауыл шаруашылығы өнімі жеткізіліп, жәрмеңкеге 100-ге жуық дихан мен тауарөндіруші қатысады.&nbsp; &nbsp;Атап айтқанда, 230 тоннадан астам күріш, 30 тонна ет өнімдері, 30 тонна балық өнімдері, 280 тонна бақша өнімдері, 30 тоннадан астам көкөніс пен жеміс-жидектер, 15 тоннаға жуық сүт және кондитер өнімдері, 5 тонна ас тұзы жеткізіледі.Сонымен қатар, елордалықтарға Сыр елінің өнерпаздарының қатысуымен концерттік бағдарлама ұсынылады.Өтетін орны: «Қазанат» ипподромына қарама-қарсы, Қарқаралы тас жолының бойыКүні: 19-20 қыркүйекУақыты: 09:00–18:00<img src="https://knadmin.beoblood.kz/uploads/yzylorda_oblysyny_auylsharuashyly_nimderi_2_5ac136a68d.jpg" alt="Қызылорда облысының ауылшаруашылық өнімдері 2.jpg">

Қызылорда облысының ауыл шаруашылығы өнімдері тиелген керуен жолға шықты

<a href="https://kyzylorda-news.kz/">Kyzylorda-news.kz</a> Бүгін Жалағаш ауданындағы Руханият орталығында аудан әкімі Ерлан Төрәлиев ауданның зиялы қауым өкілдерімен және еңбек ардагерлерімен кездесті.Кездесуде аудан әкімі Жалағашқа басшылық ету үлкен мәртебе әрі зор жауапкершілік екенін айтып, алғашқы күндерден бастап ауданның әлеуметтік-экономикалық жағдайын зерделеп, халықтың талап-тілегі мен өзекті мәселелерін анықтауға басымдық беріп келе жатқанын жеткізді.<blockquote>«Бүгінгі кездесудің мақсаты – сіздердің пікірлеріңізді тыңдап, ауданның өзекті мәселелерін бірге талқылау. Сіздердің өмірлік тәжірибелеріңіз бен ақыл-кеңестеріңіз алдағы жұмыстардың дұрыс бағыт-бағдарын айқындауға үлкен септігін тигізеді. Мемлекет басшысының, Үкіметтің қолдауымен және облыс әкімінің тапсырмасымен ауданда бірқатар маңызды жобалар жүзеге асырылуда. Алдағы уақытта да құрылыс, жол, газдандыру, әлеуметтік нысандарды жаңғырту және абаттандыру бағытындағы жұмыстарды жүргізіп, тұрғындарға қажетті жобаларға басымдық береміз. Айтылған әрбір ұсыныс пен көтерілген мәселе назарға алынып, тиісті жұмыстар ұйымдастырылады», – деді аудан әкімі Е.Төрәлиев.</blockquote>Дөңгелек үстелде аудандық ардагерлер кеңесінің төрағасы, «Құрмет» орденінің иегері Садық Әлиев, аудандық ақсақалдар кеңесінің төрағасы Асылбек Тәуіпбаев, білім саласының ардагері Ұлданай Тоқпенбетова, Бұқарбай батыр ауылдық округі ардагерлер кеңесінің төрағасы Қабылбек Нұрмағанбетов, аудандық қоғамдық кеңестің төрағасы Қожатай Құлмахан және басқа да зиялы қауым өкілдері сөз сөйлеп, өз ұсыныс-пікірлерін білдірді.Сонымен қатар, ардагерлер аудан әкіміне жаңа қызметінде сәттілік тілеп, ауданның дамуына бағытталған жұмыстарға қолдау білдіретіндерін жеткізді.

Аудан әкімі зиялы қауым өкілдерімен және еңбек ардагерлерімен кездесті

<a href="https://kyzylorda-news.kz/">Kyzylorda-news.kz</a> Қызылорда облысы, Сырдария ауданының «Руханият» орталығында «Адал азамат» тұжырымдамасы аясында Қазақстан Республикасы Мемлекеттік қызмет істері агенттігінің Қызылорда облысы бойынша департаментінің басшысы Е.Мендалиевтің қатысуымен кездесу өтті. Іс-шараға мемлекеттік қызметшілері, қала, кент және ауылдық округ әкімдері мен қызметшілері, мемлекеттік ұйымдар мен квазимемлекеттік сектор субъектілерінің басшылары, қоғамдық және үкіметтік емес ұйымдардың өкілдері қатысты.&nbsp;Кездесу барысында сыбайлас жемқорлыққа қарсы іс-қимыл саласындағы заңнамаға енгізілген өзгерістер, сыбайлас жемқорлықтың алдын алу және &nbsp;мемлекеттік қызметшілердің әдеп нормалары мен мінез-құлық стандарттарын сақтау мәселелері түсіндірілді. Сонымен қатар, «Қазақстан Республикасының мемлекеттік қызметі туралы» жаңа Заңның негізгі ережелері мен жаңашылдықтарына тоқталды.&nbsp;Сондай-ақ, «Адал азамат» және «Заң мен тәртіп» тұжырымдамаларының қоғамда жауапкершілік, адалдық, еңбекқорлық, отансүйгіштік және заңға құрмет құндылықтарын қалыптастырудағы рөліне тоқталды. Бұл қағидаттарды күнделікті өмірде ұстанудың, құқықтық мәдениетті арттырудың және әр азаматтың қоғам алдындағы жауапкершілігін сезінудің маңыздылығы атап өтілді.Іс-шара соңында қатысушылар тарапынан сыбайлас жемқорлыққа қарсы мәдениетті арттыру, мемлекеттік қызмет саласындағы шектеулер мен талаптар, сондай-ақ жаңа заңға қатысты сұрақтар қойылып, департамент басшысы азаматтарды жеке мәселелері бойынша қабылдады.<img src="https://knadmin.beoblood.kz/uploads/Adal_azamat_i_Zakon_i_poryadok_v_Kyzylordinskoj_oblasti_obsudili_vazhnye_voprosy1_23fee65d62.jpg" alt="«Адал азамат» и «Закон и порядок» в Кызылординской области обсудили важные вопросы1.jpg">

«Адал азамат» және «Заң мен тәртіп»: Қызылордада маңызды мәселелер талқыланды

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен алдағы жылыту маусымына дайындық жайы талқыланған кеңес өтті. Оған облыс әкімі Мұрат Ергешбаев қатысты. Жиында энергетикалық және коммуналдық инфрақұрылымның әзірлігі, энергия көздері мен жылу желілерін жөндеу, отын қорын қалыптастыру мәселелері қаралды.Аймақта жауапты кезеңге дайындық бекітілген іс-шара жоспарына сәйкес жүргізілуде. Биыл жылумен қамту нысандарын жаңғыртуға 5,5 млрд. теңге қаржы бөлінді. Бұл қаржыға 8,7 шақырым жылу желісін жаңғырту, 1 газтурбиналық қондырғыны күрделі жөндеу, 1,3 шақырым жылу желісін, 1 қазандық, 1 &nbsp;турбина және 10 автономдық қазандықты, негізгі және қосалқы қондырғыларды жөндеу жұмыстары толығымен аяқталды. Қазір гидравликалық сынақ жұмыстары жүргізілуде.Сонымен бірге алдағы жауапты маусымда тұрғындар жаңа жылу-электр орталығының 4 қазандығы арқылы жылумен қамтамасыз етіледі.Жалпы 7,6 млрд. теңгеге 460 шақырым электр желілері мен 134 қосалқы станция жөндеуден өтті. Аймақтағы 1 074 әлеуметтік нысан 100 пайыз дайын. Бүгінде энергетикалық және әлеуметтік нысандардың дайындық паспорты алынып жатыр. Қажетті көмір қоры – 80 мың тонна, тұрғындарға 68 мың тонна, әлеуметтік нысандарға 12 мың тонна керек. Өңірлік операторлар көмір қорын жасақтауды бекітілген кестеге сәйкес жүргізуде.

Жылыту маусымына дайындық мәселелері қаралды

<a href="https://kyzylorda-news.kz/">Kyzylorda-news.kz</a> Республикалық Киберқауіпсіздік айы аясында «Сыр жұлдыздары» шығармашылық-инновациялық академиясында өңірлік форум-семинар өтті.Іс-шара Қазақстан Республикасы Жасанды интеллект және цифрлық даму министрлігі Ақпараттық қауіпсіздік комитетінің қолдауымен және Қызылорда облысы әкімдігінің ұйымдастыруымен өткізілді.Форумға Қызылорда облысы Полиция департаментінің Киберқылмыстарға қарсы іс-қимыл басқармасының инспекторы, полиция подполковнигі Ермаханов Нұртілек Тұрмаханұлы қатысып, киберқауіпсіздік бағытында түсіндіру жұмыстарын жүргізді.Іс-шараның басты мақсаты – азаматтардың киберқауіпсіздік саласындағы хабардарлығын арттыру, дербес деректерді қорғау мәдениетін қалыптастыру, интернет-алаяқтықтың алдын алу және цифрлық ортада қауіпсіз мінез-құлық дағдыларын дамыту.Форум барысында:<ul><li style="text-align:justify;">киберқауіпсіздік және цифрлық гигиена;</li><li style="text-align:justify;">дербес деректерді қорғау;</li><li style="text-align:justify;">интернет-алаяқтықтан сақтану;</li><li style="text-align:justify;">цифрлық ортадағы негізгі қауіптер және олардан қорғану тәсілдері талқыланды.</li></ul>Қатысушыларға киберқауіпсіздікті қамтамасыз ету бойынша практикалық ұсынымдар беріліп, сұрақ-жауап сессиясы өткізілді. Сонымен қатар сала мамандарына арналған воркшоп ұйымдастырылды.Іс-шараға Ақпараттық қауіпсіздік комитетінің, IT-саланың және Қорқыт Ата атындағы Қызылорда университетінің өкілдері қатысып, өз тәжірибелерімен бөлісті.Форум-семинарға 120-дан астам адам – мемлекеттік қызметшілер, білім беру және денсаулық сақтау салаларының өкілдері, кәсіпкерлер, IT-мамандар және цифрлық қауіпсіздікке қызығушылық танытқан азаматтар қатысты.Киберқауіпсіздік айы аясындағы ақпараттық-түсіндіру жұмыстары өңірде жүйелі түрде жалғасуда. Қала және аудан орталықтарындағы LED экрандарда, білім беру, денсаулық сақтау және мәдениет ұйымдарында киберқауіпсіздікке арналған бейнероликтер көрсетіліп, тұрғындарға ақпараттық-түсіндіру материалдары ұсынылуда.Заң мен тәртіп – қауіпсіз қоғамның негізі. Цифрлық ортадағы қауіпсіздік те әр азаматтың жауапкершілігінен басталады. Киберқауіпсіздік талаптарын сақтау – интернеттегі құқық бұзушылықтардың алдын алудың маңызды кепілі.<img src="https://knadmin.beoblood.kz/uploads/Whats_App_Image_2026_09_16_at_11_03_11_1_a447ec67e3.jpeg" alt="Семинар.jpeg">

«Киберқылмыстың алдын алу – қауіпсіздіктің негізі»

<a href="https://kyzylorda-news.kz/">Kyzylorda-news.kz</a> «Заң мен тәртіп» идеологиясын ілгерілету, жастар арасында құқықтық мәдениетті қалыптастыру, сондай-ақ олардың құқықтық және цифрлық сауаттылық деңгейін арттыру мақсатында «Болашақ» университетінің «Bolashak Hall» студенттер сарайында «Заң мен тәртіп – қауіпсіз қоғамның негізі» тақырыбында студенттермен кездесу өтті.Іс-шараға Қызылорда облысы Полиция департаменті бастығының бірінші орынбасары полиция полковнигі Тоқтыбаев Серік Әбдімәуленұлы , Қызылорда облысы Полиция департаментінің Қоғамдық қауіпсіздік басқармасының бастығы полиция полковнигі Жаукеев Ердаулет Баянбайұлы, облыс прокурорының кәмелетке толмағандар жөніндегі аға көмекшісі Байкенже Дінахмет Алмасбекұлы, Қызылорда облысының дін істері басқармасының «Дін мәселелерін зерттеу орталығының» теолог маманы Оспанов Бақтияр Есенгелдіұлы, «Жастар Рухы» жастар қанаты облыстық филиалының төрағасы Баймұрза Әсетхан Қазиханұлы, Полиция департаменті облыстық Профилактикалық кеңесінің мүшесі, блогер, контент-мейкер Балтақожа Олжас Айтқожаұлы, Қызылорда облыстық білім басқармасының «Қызылорда облыстық психологиялық қолдау орталығы» КММ директоры Баянова Жумагүл Тасболатқызы және өзгеде Полиция департаментінің сала басшылары қатысты.&nbsp;Жиынға университеттер мен колледждерден 1200-ге жуық студент қатысып, өзекті мәселелер бойынша пікір алмасты. Кездесудің негізгі мақсаты – жастар арасында заң мен тәртіп құндылықтарыннасихаттау, құқықтық сауаттылықты арттыру, құқық бұзушылықтың, есірткі қылмысының және интернет-алаяқтықтың алдын алу, сондай-ақ қауіпсіз орта қалыптастырудағы жастардың жауапкершілігін түсіндіру.Жиында Қызылорда облысы Полиция департаменті бастығының бірінші орынбасары полиция полковнигі Тоқтыбаев Серік Әбдімәуленұлы &nbsp;сөз сөйлеп, қоғамдағы қауіпсіздікті қамтамасыз етудегі заң мен тәртіптің маңыздылығына тоқталды. Сонымен қатар киберқылмыстың негізгі түрлері, интернет желісінде жиі кездесетін алаяқтық схемалар, жеке деректер мен қаржылық ақпаратты қорғау тәсілдері туралы түсіндірді.Сондай-ақ дроппер ретінде заңсыз әрекеттерге қатысқаны үшін көзделетін қылмыстық жауапкершілікке ерекше назар аударылды. Атап айтқанда, банктік карталарды, шоттарды немесе электрондық әмияндарды үшінші тұлғаларға беру секілді әрекеттердің құқықтық салдары түсіндірілді. Мұндай әрекеттердің қылмыстық жауапкершілікке әкеп соғуы мүмкін екені ескертілді.Кездесу ашық пікір алмасу форматында өтіп, студенттер мамандарға өздерін толғандырған сұрақтарын қойды. Атап айтқанда, кибералаяқтыққа тап болған жағдайда не істеу керек, құқық бұзушылықтың куәсі болған кезде қайда хабарласу қажет және жастардың заң алдындағы жауапкершілігі қандай деген сауалдар талқыланды.Іс-шара соңында жастар заңды құрметтеу, құқық бұзушылыққа жол бермеу, интернеттегі қауіпсіздік ережелерін сақтау, есірткіден аулақ болу және қауіпсіз қоғам қалыптастыруға өз үлесін қосу жөніндегі ортақ ұстанымдарын білдірді.Мұндай кездесулер жастардың құқықтық сауатынарттырып, заңға құрметін қалыптастыруға және қоғамдағы қауіпсіздікке деген жеке жауапкершілігін нығайтуға бағытталған.<img src="https://knadmin.beoblood.kz/uploads/Whats_App_Image_2026_09_16_at_11_03_14_4110785d19.jpeg" alt="WhatsApp Image 2026-09-16 at 11.03.14.jpeg">

Қазақстан және Қызылорда облысының жаңалықтары: Қоғам