<a href="https://kyzylorda-news.kz/">Kyzylorda-news.kz</a>&nbsp;Облыс әкімі Нұрлыбек Нәлібаев Қызылорда қаласындағы құрылыс нысандарын аралап, алдымен кварталаралық жылу желілерін реконструкциялау жұмыстарын көрді.Аталған жоба бойынша 2,97 шақырым желі жаңғыртылуда. Бас мердігер «Механизатор-К», қосалқы мердігер «Асанас-Дар», жобалаушы КБ «МұнайГаз Инжиниринг», техникалық қадағалаушы «Актаустройэксперт серіктестіктері жұмыс атқаруда.Айта кетейік, «Қызылорда қаласындағы Сырдария өзенінің сол жағалау бөлігін жылумен жабдықтау. Аяқталмаған құрылыс» жобасы әзірленіп, мемлекеттік сараптаманың оң қорытындысы алынды. Қазандықтың жұмысына биыл облыстық бюджеттен 300 млн.теңге қаржы қаралып, №2 қазандықтың оттығы, отын сақтау резурвуары, суды химиялық тазалау және автоматтандыру жүйесі жаңғыртылды. Қазір қазандықтар толығымен іске қосылған.Әрі қарай аймақ басшысы Сырдария өзенінің сол жағалауындағы 300 орындық жатаханасы бар, 400 орындық физика-математика мектеп-интернатының құрылыс алаңына барды. Нысанда бас мердігер «Промстройсервис», техникалық қадағалаушы «Стройэксперт» серіктестіктері жұмыс жүргізуде.Аймақ басшысы сол жағалаудағы жеті қабатты 6 тұрғын үйдің құрылысын, бас мердігерлер «Аман құрылыс», «Орион ЛТД», «Риголит», «Промстройсервис», «Е Абу-Сер», авторлық қадағалаушы «Қазақ Жоба Құрылыс» серіктестіктері атқарған жұмыстарды да көрді.Мемлекеттік қолдаудың арқасында «Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы» аясында қаржыландырудың барлық көзінен 864 мың шаршы метр тұрғын үйді пайдалануға беру жоспарланған.Биыл бюджеттен тұрғын үй құрылысына және жеке салушылардан дайын пәтерлер сатып алуға 39,1 млрд теңге қаралып, жыл қорытындысымен 2,5 мыңнан аса пәтер пайдалануға беріледі.Ұлттық жоба аясында 1154 пәтерлік 21 тұрғын үйдің құрылысы жүргізілуде. Әлеуметтік жағынан осал топтар үшін 1 819 пәтер, апатты үйлер орнына 135 пәтер сатып алу жоспарланған. Бүгінде аталған топтарға 780 пәтер сатып алынды. Соңғы екі жылда 4 мыңға жуық пәтер табысталып, 17 мың тұрғынның баспана мәселесі шешілді.Тұрғын үй құрылысының көлемі 126 пайызға өсті, 2022 жылы 683 мың шаршы метрден 2023 жылы 741 мың шаршы метрге жетсе, жыл соңына дейін 864 мың шаршы метрге ұлғайту жоспарланған.Облыс әкімі жұмысқа қойылатын басты талап сапа мен мерзім екенін айтты.<blockquote>– Жаңа, жаңғыртылған нысандардың барлығына қойылатын басты талап – сапа. Нысандар қолданысқа берілгеннен кейін халыққа кедергісіз, ұзақ жылдар бойы қызмет көрсетуі тиіс. Сосын құрылысты аяқтау мерзімін қадағалаңыздар. Қолға алынған жұмыстың нәтижесін жұртшылық көруі уақытында керек. Жауапты сала басшылары жөндеу жұмыстарын үнемі тексеріп, кемшілікке жол бермеуі тиіс, – деді аймақ басшысы.</blockquote><img src="https://knadmin.beoblood.kz/uploads/Ajma_basshysy_rylys_nysandarynda_y_zh_mys_barysyn_k_rdi_3_937a4061a7.jpg" alt="Аймақ басшысы құрылыс нысандарындағы жұмыс барысын көрді 3.jpg"><img src="https://knadmin.beoblood.kz/uploads/Ajma_basshysy_rylys_nysandarynda_y_zh_mys_barysyn_k_rdi_4_1bfde9abbd.jpg" alt="Аймақ басшысы құрылыс нысандарындағы жұмыс барысын көрді 4.jpg"><img src="https://knadmin.beoblood.kz/uploads/Ajma_basshysy_rylys_nysandarynda_y_zh_mys_barysyn_k_rdi_5_0e31d504b8.jpg" alt="Аймақ басшысы құрылыс нысандарындағы жұмыс барысын көрді 5.jpg"><img src="https://knadmin.beoblood.kz/uploads/Ajma_basshysy_rylys_nysandarynda_y_zh_mys_barysyn_k_rdi_be27243345.jpg" alt="Аймақ басшысы құрылыс нысандарындағы жұмыс барысын көрді.jpg">Фото: Қызылорда облысы әкімінің баспасөз қызметі

Аймақ басшысы құрылыс нысандарындағы жұмыс барысын көрді

<a href="https://kyzylorda-news.kz/">Kyzylorda-news.kz</a>&nbsp; Қызылорда соңғы технологиямен жабдықталған жаңа терминал ашылды. “Қорқыт ата” әуежайының жаңа терминалы “Болат Өтемұратов қорының” жеке қаражаты есебінен салынды. Жаңа терминалда екі телескопиялық трап пен екі лифт, екі эскалатордан бөлек, ана мен бала бөлмесі және намаз оқитын орын қарастырылған.&nbsp;Сонымен қатар, ішкі және халықаралық рейстерге арналған залдар, транзиттік жолаушылар залы, СІР-зал, жүкті автоматты түрде беру жүйесі, «Duty Free» аймағы мен сауда нүктелері, медициналық бөлім, жолаушыларды тіркеуге арналған 8 орын және 5 өзін-өзі тіркеу орындары, 10 төлқұжат бақылау кабиналары орналасқан. Бұл туралы бүгін Өңірлік коммуникациялар қызметі ұйымдастырған баспасөз турында “Қорқыт ата” әуежайының Басқарма-төрағасы Баян Ажмолдаев айтты.<blockquote>– Жаңа терминалдың көлемі 7 500 шаршы метрді құрайды. Мұнда сағатына 250 жолаушыға, ал жылына 2 миллион жолаушыға қызмет көрсету мүмкіндігі бар. Ескі терминалмен салыстырғанда жаңа терминалдың көлемі үш есе үлкен. Заманауи стандарттарға сай салынған нысанда жолаушылар үшін барлық жағдай жасалған. 12 қараша Мемлекет басшысының тапсырмасына сәйкес, Үкімет басшысының қатысуымен салтанатты түрде ашылған болатын. Сол уақыттан бері барлық рейстер осы жаңа тенминал арқыды қабылданып жатыр. Қазіргі таңда әуежайда 210 қызметкер жұмыс істейді. Жаңа терминалдың іске қосылуы 50 жаңа жұмыс орнын ашуға мүмкіндік берді. Әуежай аптасына 26 рейсті жүзеге асыруда, оның 17-сі Астана қаласына, 9-ы Алматы қаласына бағытталған. Келесі жылы “Қызылорда-Көкшетау” рейсін ашу жоспарланып отыр. Сонымен қатар, Атырау мен Ақтау қалаларына ұшу бағыттарын іске қосу үшін әуе компанияларымен келіссөз жүргізіп жатырмыз. Өздеріңіз білесіздер, жазғы уақытта “Қызылорда - Анталия” чертерлік рейсі орындалған еді. Бұл рейс келесі жылдың жазғы уақытында жалғасын табады, - деді Баян Ғарифоллаұлы.</blockquote>

Қорқыт ата әуежайы күніне 1 000-ға жуық жолаушыға қызмет көрсетеді

<a href="https://kyzylorda-news.kz/">Kyzylorda-news.kz</a> Биылғы жылдың тамыз айында Ақжарма ауылдық округіне газ желісін тарту жұмыстары басталған еді. Құны 1 миллиард 260 миллион теңге болатын ауқымды жоба жоспарға сәйкес 10 ай мерзімде аяқталуы тиіс болатын.<blockquote>Дегенмен, мердігер мекеме «СМП – Қызылорда» ЖШС жыл соңына дейін көгілдір отынға қосуға бар күшті жұмылдырамыз деп отыр. Аталған ауылдық округке арнайы барып, жұмыс барысын пысықтаған қала әкімі Нұржан Ахатов: «Облыс әкімінің қолдауымен елдімекендерді көгілдір отынмен қамту жұмыстары қарқын алды. Биыл Ақжарма ауылдық округімен қатар Сабалақ саяжайына газ желісін тарту жұмыстары жүргізілуде. Ендігі кезекте мердігер компаниялар ауқымды жобаны сапалы аяқтауы қажет, – деді.</blockquote>Айту керек, ауылдарды көгілдір отынмен қамтудың тиімділігі орасан. Бұл кәсіпкерлікті дамытуға, ең бастысы, халықтың өмір сүру сапасын арттыруға мол мүмкіндік береді.Фото: Қала әкімдігі

Ақжармада ауқымды жоба жүзеге асуда

Көркейген қала: Барлығы тұрғындар игілігі үшін

<a href="https://kyzylorda-news.kz/">Kyzylorda-news.kz</a>&nbsp;Соңғы жылдары қаланың инфрақұрылымы қарқын алған. Бұған автокөлік жолдары, көшелер мен жаяу жүргінші жолдарының жөнделуін, қайта жаңғыртылып, кеңейтілуін мысал етуге болады. Биыл қалада 92 жоба жүзеге аспақ.&nbsp;Сол жобаның бірі – жол-көлік инфрақұрылымын дамыту. Осы бағытта бюджеттің барлық көздерінен 6 милилард теңге қаралған.&nbsp;Осыған орай биыл біраз ауқымды жұмыс қолға алынды. Қала аумағында жөндеуден өтетін көшелер мен мердігер мекемелер анықталып, тиісті қаржы бөлінді. Тіпті қызу жұмыстың нәтижесі сезілуде. Тұрғындар мен қала қонақтарына қолайлы жағдай жасау үшін шаһарға кіретін күре тамыр жолдардың барлығына мән беріліп жатыр. Осы ретте, әуежай жолы мен Шиелі ауданынан кіре беріс жолдарға кеңейту жұмыстары жүргізілсе, «ҚазАвтоЖол» ҰК» АҚ арқылы «Қызылорда-Құмкөл» жолын қайта жаңғырту үшін техникалық-экономикалық негіздеме дайындалуда.Сонымен қатар еліміздің бас қаласы Астана бағытынан кіретін Сағымбаев көшесіне қайта жаңғырту жұмысы үшін жоба-сметалық құжаттары әзірленуде. Ал қаланың магистралды Яссауи мен Жаппасбай батыр көшелері, Тәуелсіздіктің 25 жылдығы даңғылы төрт жолақтыға кеңейтілді.Оған қоса Е.Көшербаев көшесі қайта жаңғыртылып, 96 көшеге күрделі, 34 көшеге орташа жол жөндеу және жаңа жол құрылысын салу жұмыстарын жүзеге асыру жоспарлануда.&nbsp;Айталық, Н.Назарбаев даңғылынан Тәуелсіздіктің 25 жылдығы даңғылына дейінгі аралықта жаңа жол құрылысы салынды. Сонымен бірге Сырдария жағалауының бойынан ескі базар мен «Мерей» шағын ауданы аралығына жаңа жол салу жоспарланған. Жаяу жүргінші жолдары бойынша биыл 2,3 миллиард теңге болатын 54 көшеге жаяу жүргіншілер жолы салынуда.&nbsp;Олардың 40 көшесі – қалада, Тасбөгет кентінен – 6, Белкөлден – 1, Қарауылтөбе ауылынан – 7 жаяу жүргінші жолы. Сондай-ақ жарықтандыру мәселесі де назардан тыс қалған емес. Қала көлемінде 81 көшені жарықтандыруға 1,4&nbsp;миллиард теңге бөлінген. Оның&nbsp;елу төрті – қалада, алтауы – Тасбөгетте,&nbsp;он бесі – Сабалақта,&nbsp;бесеуі – Белкөл кентінде, біреуі – Ақжарма ауылдық округінде қолға алынды. Биыл жол инфрақұрылымын жақсартуда жүзеге асқан тағы бір ауқымды жоба Жаппасбай батыр көшесінің қайта жаңғыртылып, 4 жолақты жолға кеңейтілуі.&nbsp;Жобаның мердігері – «УАД» ЖШС, техникалық қадағалаушы – «Тараз-Технопроект». Төрт жолақты жолдың ұзындығы – 3,3 шақырым. Жобада жаяу жүргіншілер жолын және жарықшамдар орнату қарастырылған. Жаппасбай батыр көшесі – қаладағы магистральды көшенің бірі.&nbsp;Бүгінде осы көшемен көліктер зулап жүріп жатыр. Ал тұрғындар болса, тек алғысын айтуда. Соның бірі – Жаппасбай батыр көшесінің тұрғыны Ибрагим Меңлібаев.<blockquote>– Шыны керек, қалада тұрғын үй, көше жөндеу болсын, қарқынды жұмыс жүруде.&nbsp;Сенесіз бе, біздің қаланың көшелерін басқа облыс орталығымен салыстырсаңыз, біздікі сапалы әрі түзу көшелер екендігі көңіл қуантады. Сырттан келген адамдардың өздері Қызылорданың көшесін мақтап жатады. Ол рас! Нәтиже бар, – дейді қала тұрғыны.</blockquote>Облыс&nbsp;әкімінің&nbsp;қолдауымен қалада ауқымды жұмыстар&nbsp;жүргізілді. Соның бірі – Қожа Ахмет Яссауи көшесін қайта жаңғыртуға арналды. Ұзындығы 3 шақырымға жуықтайтын көше 4 жолақтыға ауыстырылды. Жаяу жүргіншілер жолы салынып, толығымен жарықтандырылды. Аталған жоба бойынша құрылыс-монтаж жұмыстары 6 наурыздан бастап «Қыран» ЖШС-мен жүргізілді. Айта кету керек, қайта жаңғыртудан өтетін көшенің бойы қосымша абаттандырылды. Мұнан бөлек, көшені абаттандыру жұмыстарына 725 миллион теңге бөлінді. Жоба бойынша теміржолдың екі бетіне тұрғындардың серуендеуіне ыңғайлы аллеялар, жаяу жүргіншілер жолы салынады.&nbsp;Бұл көше халыққа қолайлы болуымен қатар, Қызылордаға жеткен пойыз жолаушыларының қаланың көркі, тазалығы туралы алғашқы ойын қалыптастырады. Осылайша қаланың орталық көшелері ғана емес, шет аймақтағы көшелер де кеңейтіліп, көркейтіледі.Аймақ басшысының тікелей қолдауымен «Самара-Шымкент-Қызылорда» аудандық маңызы бар автожолын жаңғырту жобасы жүзеге асырылуда. Оңтүстік өңірден қалаға кірер айналма көпір мен аспалы көпірдің арасын жалғайтын жолдың жаңғырту жобасын «УАД» ЖШС атқаруда. Екі ортадағы 4 жолаққа негізделген бұл жолдың ұзындығы 8434 метрді құрайды. Өңір басшысының қолдауымен қаладағы басты жолдар мен көшелердің аясы кеңейтілуде.&nbsp;Соның бірі – Тәуелсіздікке 25 жыл даңғылындағы қайта жаңғырту жұмысы. Бұл ауқымды жоба 27 тамыздан басталды. Ұзындығы 6 711 метрді құрайтын даңғыл екі жолақтыдан төрт жолақтыға ауыстырылады. Дәл осы кезде автожолдың да, даңғылдың да жұмысы қарқынды жүруде.Шаһарға сырттан келетін&nbsp;қонақтар кейінгі кезде шаһардың шырайлы жерлерін, кеңейтілген, түзу көшелерін көргендер жоғары бағасын беруде. Соның бірі – Ахмет Байболұлы. Ол – Шымкент қаласының тұрғыны.<blockquote>– Өзім Қызылорда қаласына тойға келгенмін. Шыны керек, қаланы танымай қалдым. Қатты өзгеріп кеткен, көшелеріне тәнті болдым. Қызылорданың көшелері тақтайдай тегіс, түп-түзу, жап-жарық. Көпке үлгі боларлықтай қалаға айналуда, – дейді&nbsp;мейман.</blockquote>А.НҰРЛЫ

Қала көшелері қайта жаңғыртылуда

<a href="https://kyzylorda-news.kz/">Kyzylorda-news.kz</a>&nbsp;Мемлекет басшысы халыққа Жолдауында 2025 жыл – «Жұмысшы мамандықтар жылы» деп атады. Қазіргі таңда, өңірде 28 колледж бар. Оның ішінде 19 колледжде 45 мамандық 49 біліктілік бойынша жұмысшы кадрларды даярлау жүзеге асырып келеді. Бұл туралы Өңірлік коммуникациялар қызметінің баспасөз алаңында өткен брифингте облыстық білім басқармасы басшысының міндетін атқарушы Бағдат Бердәулетов айтты.Аймақта студенттердің 35,7 пайызы жұмысшы мамандығы бойынша білім алып жатыр.<blockquote>– Облыстық білім басқармасы Жолдаудан туындайтын тапсырмаларды жүзеге асыру мақсатында ағымдағы жылы аймақтағы техникалық және кәсіптік білім беру саласын дамытудың кешенді іс-шаралар жоспарын әзірлеуде. Мемлекет басшысының тапсырмасына сәйкес 2025 жылы 9 сыныпты бітірушілердің жұмысшы және орта буын мамандықтары бойынша білім алуға ниетті жастарды 100 пайызтегін кәсіптік біліммен қамту жоспарланған болатын. Осыған орай, келесі жылға республикалық бюджеттен 2200 орын, жергілікті бюджеттен 3108 орын, барлығы – 5308 орын мемлекеттік тапсырыс бөлініп отыр, – деді Бағдат Бердәулетов.</blockquote>Баланы отбасында тәрбиелеу қағидатын ұстанатын және баласын балабақшаға жіберуге асықпайтын ата-аналар үшін консультациялық пунктердің желісі кеңеюде. Қызылорда облысында ата-аналарға арналған 161 консультациялық пункт жұмыс істейді.<blockquote>– &nbsp;Жыл басынан бері консультациялық пункттерге 312 бала қамтылып, олардың білім, білік дағдыларын қалыптастыруға бағытталған жұмыстар жүргізілді. Аймақтағы мектепке дейінгі ұйымдардың базасында инновациялық педагогикалық тәжірибелерді тарататын 48 құзыреттілік орталық жұмыс істейді. Биыл алғаш рет мектепке дейінгі ұйымдардың педагогтері бірінші сыныпқа келетін барлық мектепке дейінгі ұйымдар тәрбиеленушілерінің жеке даму карталарын цифрлық форматта толтыруда. Бүгінгі таңда облыста мектеп жасына дейінгі балалардың 100 % жеке даму картасы толтырылған, – деді Бағдат Камбозұлы.</blockquote><img src="https://knadmin.beoblood.kz/uploads/R_BALA_A_TE_M_MKINDIK_7274500bce.jpg" alt="ӘР БАЛАҒА ТЕҢ МҮМКІНДІК.jpg">Фото: <a href="https://baq.kz/toqaev-2025-zhyldy-zhumysshy-mamandyqtary-zhyly-dep-zhariyalady-339582/">baq.kz</a>

Жұмысшы мамандардың саны артады

<a href="https://kyzylorda-news.kz/">Kyzylorda-news.kz</a> Төтенше жағдайлармен күресу тек сала мамандарының жұмысы деген – қате түсінік. Шындығында, жұмыс барысында болсын, қарапайым үй шаруасында да қауіпсіздік талаптарының сақталмауы үлкен апаттарға сеп болуы мүмкін. Сорақысы, оның соңы кей жағдайларда адам шығынымен аяқталуда. Міне, осы ретте әрбір адам әрбір жерде қауіпсіздік ережелерін сақтаса, кез келген мәселенің алдын алуға жол ашылады. Жалағаш аудандық төтенше жағдайлар бөлімінің басшысы Еркін Назарқұловтың да айтары осы. Салаға жауапты бөлім басшысымен сұхбаттастық...&nbsp;– Еркін Есетұлы, енді бір аттасақ, жаңа жылға да аяқ басамыз. Осы ретте үш тоқсанның қорытындысын сараласақ, жалпы ауданда 9 айда қанша төтенше жағдай орын алды және оған басты себеп не?&nbsp;– 9 айда ауданда 12 төтенше жағдай тіркелді, былтыр 41 жағдай орын алған болатын. Биыл орын алған 41 төтенше жағдайдың 9-ы техногенді, 3-еуі табиғи төтенше жағдайларға жатады. Былтыр 1 жағдай адам шығынымен аяқталған.– Жалпы осындай жағдайлардың алдын алуда қандай шаралар қабыл-дайсыздар?&nbsp;– Жыл басынан бері 4 рет комиссия отырысы өтті. Оның 3-еуі жоспарлы, 1-еуі жоспардан тыс ұйымдастырылды. Жоспарлы өткен комиссия отырыстарында 12 өзекті мәселе қаралып, 42 жауапты тұлғаға нақты тапсырмалар берілген. Ал жоспардан тыс комиссия отырысында 1 мәселе талқыланып, тиісті мекемелерге хаттамалық тапсырмалары жолданды. Комиссия отырыстарында төтенше жағдайлардың алдын алу пысықталып, нақты шаралар қабылданады. Биыл соның барлығы өз жемісін берді деп толық айта аламын. Себебі өткен жылмен салыстырғанда төтенше жағдайлар саны азайды. Бірақ бұған тоқмейілсуге тағы болмайды. Сондықтан әлі де жұмыс қарқынын бәсеңдетпейміз.&nbsp;– Тілсіз жау өрттің шығу себептеріне тоқталсаңыз?– Биыл 9 айда 12&nbsp; өрт оқиғасы орын алды.&nbsp; Былтыр дәл осындай 38 жағдай тіркелген. Өткен жылмен салыстырғанда өрт оқиғалары 68 пайызға азайған. Тіркелген өрт оқиғаларын талдасақ, нысандарда 1, автокөліктерде 1, тұрғын үй секторларында 7, далалық жерлерде 3 өрт оқиғасы орын алды. Былтыр да, биыл да осы өрт салдарынан 1 адамнан қаза тапты. Сондай-ақ биыл 1 адам жарақат алды.Енді жаңағы сауалыңыздың түйінін тарқатсақ, тек өрт оқиғасы ғана емес, осыған дейін орын алған барлық төтенше жағдай қауіпсіздік талаптарының сақталмауынан орын алып отыр. Еріншектік дейміз бе, әлде немқұрайлықпен байланыстырамыз ба, көбінесе адамдар қауіпсіздік ережесіне бейжай қарайды. Ал салдары үлкен шығынға әкеледі. Мұны жете түсінгенде ғана біз мәселенің алдын аламыз. Бұл бойынша түсіндірме жұмыстарын да ұдайы жүргізіп келеміз. Оның барлығы өз нәтижесін беріп келеді. Бірақ бізге әлі де қауіпсіздік талаптарын сақтау қажет.&nbsp;– Жаңа үлкен шығын деп қалдыңыз, мәселен, осы 9 айғы өрттен қанша шығын келді?&nbsp;– Өрттен келген шығындарды талдасақ, биыл 9 айдағы шығын 4 млн 497 мың теңгені құрады. Ал былтыр 18 млн 211 мың 900 теңге шығын келген. ҚР Әкімшілік құқық бұзушылык туралы кодексінің 410 бабы 1 бөліміне сәйкес, өрт қауіпсіздігі ереже талаптарын сақтамағаны үшін 10 жеке тұлғаға ескерту шарасы, 410 бабы 3 бөліміне сәйкес, 1 заңды тұлғаға 36 920 теңге әкімшілік айыппұл шарасы, 4 өртке жатпайтын жану оқиғасы бойынша жеке тұлғаларға 336 бабына сәйкес 147 680 теңге айыппұл шарасы көрілді. Өткен жылмен салыстырғанда өрт бойынша көрілген әкімшілік шаралар 72 пайызға көбейген. Тұрғын үйлердегі өрт және көмірқышқыл газынан улану жағдайларының алдын алу мақсатында аудан әкімдігіне ұсыныс беріліп, 160 көмірқышқыл газын анықтайтын датчиктер алынып, 116 әлеуметтік тұрмысы төмен отбасына орнатылды.Жалпы материалдық шығын да адамға оңай емес, бірақ адам шығынын толтыра алмайсыз. Міне, осы ретте біз селқостық пен еріншектікті ысырып, немқұрайлықтан ада болуымыз керек. Сондықтан үгіт-наихат жұмыстарын тоқтатпаймыз. Осыған дейін аудандық «Жалағаш жаршысы» және «Сыр дидары» газетіне 52 мақала жарияланды. Барлығы қауіпсіздік талаптарына негізделген. Телеарнада 4 рет сұхбат та ұйымдастырдық. Қызылорда облысы ТЖД-ның әлеуметтік желісіне және ауданның «Facebook», «Instagram» парақшаларында 164 мақала жарық көрді. Мұның барлығы өз жемісін беруде.&nbsp;– Жеке тұрғын үйлердің қауіпсіздік талаптарын түсіндірме кезінде көретін шығарсыздар, ал әлеуметтік нысандар бақылаудан тыс қалып жатқан жоқ па?– Өрт қауіпсіздігі саласындағы профилактикалық бақылау мен қадағалау тізімінің негізінде Жалағаш ауданының білім бөліміне қарасты 11 мектеп, Жалағаш орман және жануарлар дүниесін қорғау жөніндегі мемлекеттік мекеме, Жалағаш ауданының оқшау сумен жабдықтау жүйелерін пайдалану жөніндегі өндірістік учаскесі ғимаратына өрт техникалық тексеру жұмыстары жүргізіліп, анықталған 160 кемшілікті жою туралы ұйғарым берілді. Аудан прокурорының қаулысымен ауданда орналасқан 20 орта мектеп ғимаратына өрт қауіпсіздігі бойынша тексеру жүргізіліп, анықталған кемшіліктерге сәйкес ҚР ӘҚБтК-нің 410 бабының 1 бөлімімен 20 лауазымды тұлғаға ескерту шарасы көрілді. Сондай-ақ мектеп асханаларының кәсіпкерлеріне ҚР ӘҚБтК-нің 410 бабының 2 бөлігіне сәйкес 73 840 теңге айыппұл салынып, уақытылы өндірілді. 11 жеке балабақша мен №203 орта мектеп ғимаратында орналасқан «Береке» шағын орталығы, Жалағаш индустриалды-аграрлық колледжі ғимаратына тексеру жүргізіліп, 11 балабақша мен 1 шағын орталыққа заңды тұлға ретінде ҚР ӘҚБтК-нің 410 бабының 1 бөлігіне сәйкес, әкімшілік ескерту түрінде шара, 1 колледж бойынша ҚР ӘҚБтК-нің 359 бабының 1 бөлігіне сәйкес, 36 920 теңге айыппұл салынды. Жалағаш аудандық №11 ӨСБ-нің шығу ауданында 704 өрт гидранты орналасқан. Аудан орталығында 163 өрт гидранты бар, елді мекендерде 532 өрт гидранты және нысандарда 9-ы бар. Қазіргі таңда күзгі тексеру жұмыстары жүргізілуде.&nbsp;– Өртке қарсы қызмет бөлімшелері жоқ елді мекендерде төтенше жағ-дайлардың дер кезінде алдын алу қиынға соқпай ма? Әсіресе орман өртінің алдын алуда нендей шаралар қабылдайсыздар?&nbsp;– Ауданда мемлекеттік орман қоры 769 482 гектарды құрайды. Жалпы Жалағаш орман және жануарлар дүниесін қорғау жөніндегі мемлекеттік мекеменің 660 шақырым ескі минералды жолақтары толық жаңартылып, 150 шақырым минералды жолақ жаңадан жүргізілді. Жыл басынан бері орман шаруашылығының аумағындағы өрттердің алдын алу және шұғыл ден қою мақсатында 4 өрт-тактикалық оқу-жаттығу өткізілді. Орман қоры аумағында жергілікті атқарушы органдар мен аудандық полиция бөлімінің учаскелік инспекторлары бірлесіп, күнделікті рейдтік іс-шаралар жүргізді. Сонымен қатар облысы әкімінің елді мекендерде өрт сөндіру бекеттерін кезең-кезеңімен құру туралы жоспарына сәйкес былтыр Қаракеткен мен Бұқарбай батыр ауылында өрт сөндіру бекеттері ашылды. 2021 жылы Мәдениет пен&nbsp; Аламесекте ашылған. Сырдария ауданы №10 өрт сөндіру бөлімінің теңгерімінен 1 негізгі өрт сөндіру автокөлігі алынып, Жалағаш ауданы, Мәдениет ауылы әкімі аппаратының теңгеріміне алу бойынша жұмыстар атқарылуда. Алдағы уақытта бұл мәселені де кезең-кезеңімен шешеміз.– Бір жылдары суға түсу маусымында ауданда адам шығыны көп тіркелді. Мұны сол кезде мамандар ауданда су түсуге арналған арнайы орындардың болмауымен байланыстырған. Биыл маусымында төтенше жағдайлар орын алды ма?&nbsp;– 9 айда ауданда су айдындарында қайғылы жағдайлар тіркелген жоқ. Былтыр 9 айда 3 жағдайадам шығынымен аяқталған. Оның 2-еуі – бала. Әлбетте сіз айтқан жағдайлар да өз әсерін тигізеді. Бірақ мен бұл шешімге толық келіспеймін. Бағана сөз басында айтқанмын, тағы да қайталап айтайын, кез келген төтенше жағдай қауіпсіздік талаптарының сақталмауынан орын алады.&nbsp;Су айдындарындағы адам қазасының алдын алу бағытындағы профилактикалық іс-шаралар ұдайы ұйымдастырылуда. Бұл ретте біз БАҚ-пен тікелей жұмыс жасаймыз, елді құлақтандырамыз. Осыған дейін басылымдарда 7 мақала жарияланды, теледидарда 1 рет сұхбат берілді, әлеуметтік желілерде және интернет мессенджерлерінде 104 мақала және 4 бейнеролик таратылды. Бөлім қызметкерлері мен №11 өрт сөндіру бөлімінің кезекшіліктен бос қызметкерлері кешегі маусымда су айдындарында 124 рейд жүргізді. Рейд жұмыстары барысында балық аулап, мал іздеп жүрген және басқа да жеке шаруаларымен жүрген 438 адамға түсіндірме жұмыстарын жүргізіп, арнайы үнпарақтар таратылды. Соның нәтижесі болар, биыл ешқандай адам шығыны орын алған жоқ. Биыл шомылу маусымы басталғалы аудандағы су айдындарында 150 ден астам патрульдеу және рейд жүргізілді. Сонда ҚР ӘҚБтК 412-бабына сәйкес белгіленбеген орындарға суға түскен жеке тұлғаларға 4 әкімшілік хаттама толтырылып, 51 688 теңге айыппұл салынды.&nbsp;– Сұхбатыңызға рақмет!&nbsp;Сұхбаттасқан Кенжетай ҚАЙРАҚБАЕВ

Жалағаш: Қауіпсіздік басты назарда

<a href="https://kyzylorda-news.kz/">Kyzylorda-news.kz</a> Президентіміз Қасым-Жомарт Тоқаев ел халыққа жолдаған Жолауында еңбек адамдарының мәртебесін өсіріп, дәрежесін көтеру жөнінде баса айтып, әркез басымдық беріп келеді. Еңбек адамдарына құрмет көрсету керек деген мемлекет басшысының бұл бастамасы тәуелсіз еліміз үшін жасалған маңызды әрі игі істің бірі болары сөзсіз. Иа, расында адал еңбекті жанына серік еткен еңбек адамдарының еңбегі қашан да өлшеусіз. Бүгінде несібесі мен нәпақасын адал еңбек, маңдай термен тауып жүрген жандар аз емес.Қай саланың болсын өз қиындығы мен қызығы болады. Қолайсыз жағдайлардың бел ортасында жүретін еңбек адамының қызметі қай кезде де бағалы. Дәл осындай еңбегімен қалтқысыз қызмет етіп жүрген жанның бірі – Абилова Қалдыгүл. Еңбекқор жан Қалдыгүл Айдарқызы аудандағы Оспан Әбілпаттаев атындағы №210 орта мектептің тазалығына жауап беретін маман. Өз ісіне тиянақты әрі жауапкершілікпен қарайтын тазалық сақшысының абыроймен қызмет етіп келе жатқанына 19 жылға таяған. Ол алғашқы еңбек жолын аспаз болып бастаған. Қалдыгүл – негізінен Шиелі ауданы, Сұлутөбе ауылының тумасы. Жастайынан еңбекке төселген кейіпкеріміз мектептегі оқушылардың таза ауамен тыныстап, қолайлы әрі таза ортада білім алуына жағдай жасайды. Әріптестерінің сөзінше ол өзіне жүктелген міндет пен тапсырылған жұмысты уақытылы әрі тиянақты орындайды және осы қасиетін ұжымдастары ерекше бағалайды.<blockquote>– Мектептегі санитарлық тазалықты сақтау менің жауапкершілігімде. Күнделікті мектепте тазалық жұмыстарын уақытылы жасап отырамыз. Оқушылар таза, гигиеналық талаптарға сай ортада білім алулары қажет. Тазалық әр адамның өзінен басталады деп ойлаймын. Мектепте ұстаздарымыз оқушыларға әркез тазалық сақтау, айналаны таза ұстау, ұқыптылық жөнінде түсіндіріп, ескертіп отырады. «Тазалық – денсауық кепілі» деп бекер айтпаса керек-ті. Деніміздің саулығы ең алдымен тазалыққа тікелей байланысты. «Еңбектің наны тәтті» демекші, еңбектенген адам далада қалмайды. Жұмыстың оңайы жоқ. Барлық жерде қиындық болады. «Балам, қандай жұмыс істесең де шын ынтаңмен істе, ешқашан жалқауланба, себебі ол сенің жейтін наның» деп үнемі өз балаларыма айтып отырамын, – дейді кейіпкеріміз.</blockquote>Негізінде тазалық сақшысының жұмысы жеңіл емес. Ол үшін үлкен сабырлық, тиянақтылық, денсаулық керек. Еңбекке әбден ысылған жан 2000 жылы отау құрып, бүгінде жұбайымен 4 баланың ата-анасы атанып, балдай тәтті немерелерінің қызығын көріп отыр. Кейіпкеріміздің жұбайы Айбек Айдаров – ауданымызға белгілі спортшы әрі ұстаз. Балаларының барлығы спорт саласында түрлі республикалық, облыстық ареналарда жеңімпаз атанып келеді.Әр адам өз несібесін еңбектен ғана табады. Қолынан келгенін аянбайтын еңбек адамына әркез сый-құрмет көрсетілуі тиіс. Президенттің «Қарапайым еңбек адамына деген құрметті арттырып, ел сүйсініп қарайтындай жағдай жасау қажет» деп атап өтуі өте орынды. Нәпақасын маңдай тер, адал еңбектен тауып жүрген кейіпкеріміздің ісі көпке үлгі. Ауыр жұмыстың ыстығы мен суығына қатар төзетін еңбек адамы қашанда маңдай тердің жемісін көре бермек. Тазалық үшін тер төгіп жүрген жандардың еңбегі әркез бағалы.Алтынай Қайратқызы

Нәпақасын адал еңбектен тапқан тазалық сақшысы

<a href="https://kyzylorda-news.kz/">Kyzylorda-news.kz</a> Астанада Мемлекет басшысы Қасым-Жомарт Тоқаевтың қатысуымен Ауыл шаруашылығы еңбеккерлерінің бірінші форумы өтті.Форумға аймақ басшысы Нұрлыбек Нәлібаев бастаған облыс делегациясы қатысуда. Делегация құрамында Қазақстанның Еңбек Ерлері Абзал Ералиев, Имамзада Шағыртаев, облыс әкімінің орынбасары Бахыт Жаханов, саланың және 50-ден астам шаруа қожалығының басшылары бар.Президент Жарлығымен Ауыл шаруашылығы, тамақ және өңдеу өнеркәсібі қызметкерлері күні қарсаңында елдің агроөнеркәсіп кешеніндегі жемісті еңбегі, отандық ауыл шаруашылығы инфрақұрылымын дамытуға қосқан үлесі үшін Сыр өңірінің еңбеккерлері де «Ерен еңбегі үшін» медалімен марапатталды. Адал ісімен көпке үлгі болған, ерте көктемнен егіс даласында тер төгіп, жоғары жетістіктерге жеткен еңбек адамдары марапат төрінен көрінді. Олардың қатарында Қазалы ауданындағы «РЗА Агро» жауапкершілігі шектеулі серіктестігінің егіс бригадирі Балғазы Томай бар.Сонымен қатар, Жалағаш ауданындағы «Агрохимсервис-С» ЖШС директоры Сергей Ким «Құрмет» орденіне, Қармақшы ауданындағы «Ақжар» шаруа қожалығының егіс бригадирі Қанат Төралиев, Арал ауданындағы «Қуаныш» шаруа қожалығының жұмысшысы Төрехан Бердімағамбетов, Шиелі ауданындағы «Халықберді» жеке шаруа қожалығының күрішшісі Жұмабек Бүрісов «Ерен еңбегі үшін» медаліне лайық деп танылды.<img src="https://knadmin.beoblood.kz/uploads/467158698_864900712497841_3950169809449924719_n_29230801f6.jpg" alt="467158698_864900712497841_3950169809449924719_n.jpg">Фото: Қызылорда облысы әкімінің баспасөз қызметі

Сыр елінің еңбеккерлері марапат төрінен көрінді

<a href="https://kyzylorda-news.kz/">Kyzylorda-news.kz</a> &nbsp;Сырдария ауданындағы Бесарық ауылдық округінде бүгінде Мемлекет басшысының тапсырмасымен,Үкімет және облыс әкімінің қолдауымен нақты жұмыстар атқарылуда. Бұл жайында ауыл әкімі Дәулет Сәрсенбаев айтып берді.Бүгінде ауыл 2437 адам тұрады. Оның&nbsp;1011-і экономикалық белсенді халық. Ауылдық округте&nbsp;2024 жылдың 1 қарашасына тіркелген кәсіпкерлер саны –&nbsp;299, оның ішінде жұмыс жасап тұрған кәсіпкерлер саны&nbsp;294 болып, тіркелгендер үлесі 98,3 пайызды құрайды.Жыл басынан бері Бесарық ауылында мемлекеттік және өңірлік бағдарламалар аясында құны 1,1 млрд теңгені құрайтын 46 жобаға қаржылай қолдау көрсетілді. Оның ішінде, құны 1 млрд 78 млн теңгенің 30 жобасы несие болса, 23,6 млн теңгенің 16 жобасы &nbsp;қайтарымсыз грант қаражаты.Мемлекет басшысы Қасым-Жомарт Кемелұлы Тоқаевтың бастамасымен жүзеге асып жатқан «Ауыл аманаты» жобасы аясында елді мекенде «Сыр құсы» ауылшаруашылық өндірістік кооперативі құрылып, құны 27,6 млн теңгенің «Құс етін өндіру» жобасы іске қосылды. Нәтижесінде, 5 тұрақты жұмыс орны ашылды.Бүгінгі таңда құс етін өндіру үшін 3 бройлер тауық фермасы және 4500 дана бройлер балапандары сатып алынды.Бройлер тауықтары 35-40 күн ішінде 3 келіге дейін өседі. Мұнда бүгінге дейін 80 тонна құс еті өндірілді. Келісім-шартқа сәйкес құс еті Қызылорда, Шымкент, Тараз, Алматы қалаларының сауда нүктелеріне сатылуда.«Ауыл аманаты» жобасына ауыл халқының қызығушылығы жоғары және қатысу белсенділігі де артып келеді. Мәселен, биыл Бесарық ауылында «Ауыл аманаты» жобасы бойынша 62,7 млн теңгенің 6 жобасы қаржыландырылды.Аймақ басшысы елді мекендерге жергілікті кәсіпкерлерді тарта отырып, ауылдық округтерді дамыту, әлеуетін жақсарту жөнінде тапсырма берген болатын. Осы мақсатта биыл «Абай-Даулет» серіктестігінің демеушілігімен елді мекен орталығында көлемі 3600 шаршы метрді құрайтын шағын өндірістік аймақ салынды. Өндірістік аймақта 12 кәсіпорын орналасқан. Қазір жеке кәсіпкерлер нысанды ақысыз, тегін пайдалануда. Жоғарыда аталған «Ауыл аманаты» жобасы арқылы қаржыландырылған 6 жобаның 3-і өндірістік аймақта орналасқан. Атап айтқанда, жеке кәсіпкер Гүлмира Смағұлова7 млн теңгеге «Наубайхана ашу» жобасын жүзеге асырды. Наубайханада нан өнімдері, тәттілер өндірілуде. Екіншісі, жеке кәсіпкер Гүлнара Дүкенбаева 6 млн теңгеқаржыға «Кондитерлік цех» жобасын іске қосты. Үшіншісі, шұлық өндіретін цех. Құны 5 млн теңгенің жобасын жеке кәсіпкер Сәрсенкүл Аралбаева бастады. «Ауыл аманаты» жобасынан бөлек 4 кәсіпкер «Өңірлік инвестиция» орталығы арқылы кәсібін бастап, өндірістік аймаққа орналастырылды.Оның қатарында құны 15 млн теңгеге тігін цехы, ағаш бұйымдары, ою-өрнектер өндіретін цех, 12 млн теңгеге сабын өндіретін цех, 12 млн теңгеге пластикалық бөтелке өндіретін цех және 6,0 млн теңгеге жұмыс қолғабын өндіретін цех жұмысы бар. Осы ретте жоғары аталған өндірістік аймақта жеке қаражат есебінен 5 кәсіпорын халыққа қызмет көрсетіп жатқанын айтқым келеді.Біріншісі – «Қызылорда» шағын маркеті, екіншісі – «POMIDOR» асханасы, үшіншісі – «Морганн» фаст-фуд өнімдері, төртіншісі – «Фри» шығаратын зауыт және бесіншісі – тұшпара цехы. «Қызылорда» шағын маркеті елді мекен тұрғындарына азық-түлікті төмен бағамен ұсынуда.Өндірістік аймақтан бөлек, Бесарық ауылында «Ауыл аманаты» жобасымен құны 44,7 млн теңгені құрайтын 3 жоба қаржыландырылды. Атап айтқанда, «Зейнеп» ауылшаруашылық өндірістік кооперативіне «Егін шаруашылығы» жобасына 29,5 млн теңге берілді. Бүгінгі күнге кооператив қажетті техникасын алды. Екінші – «Бөдене еті мен жұмыртқасын сату» жобасын жеке кәсіпкер Айгерім Абай іске асыруда. Жеке кәсіпкер 9,2 млн теңгеге қажетті құрал-жабдықтар сатып алды. Үшіншісі – «Фото-видео студиясын ашу» жобасы 6 млн теңгеге қаржыландырылып, жеке кәсіпкер Ғабит Бектасов жұмыс жүргізуде.Елді мекенде Ел Президентінің, Үкіметтің және аймақ басшысының қолдауымен «Ауыл аманаты» жобасы бойынша нәтижелі жұмыстар алдағы уақытта да атқарылатын болады.Ауылымызда «AMANAT» партиясының жобалары да тұрақты жүзеге асуда. Мәселен, «Ардагерлерді ардақтайық», «Бақытты отбасы», «Кедергісіз келешек» жобалары бойынша аға буын өкілдері мен зейнеткерлерге, тыл және еңбек ардагерлеріне құрмет көрсету, әлеуметтік аз қамтылған отбасыларды қолдау іс-шаралары тұрақты түрде ұйымдастырылуда.Мемлекеттік әріптестік аясында «Абай-Даулет» серіктестігінің демеушілігімен ауылдық округте бірқатар жұмыстар жүргізілуде.2024 жылы Бесарық ауылдық округінде «Абай-Даулет» серіктестігінің&nbsp;демеушілігімен 697 млн теңге инвестиция тартылды. Атап айтар болсам, серіктестік шағын өндірістік аймақ құрылысын 520 млн теңгеге жүргізді.«Абай-Дәулет» серіктестігі тарапынан 70 млн теңгеге ауылдық мәдениет үйі күрделі жөндеуден өткізілді. Үлкен залға жаңа орындықтар орнатылып, мәдени нысанның іші және сырты заманауи талаптарға сай жаңарды. Серіктестік көлемі 3800 шаршы метр болатын Орталық алаңды брусчаткалау, субұрқақ орнату, ауыл паспортын жөндеуге 40 млн теңгеге демеушілік көрсетті.Сонымен қатар, 35 мл .теңгеге 2000 шаршы метр болатын «Рәміздер алаңын» брусчаткалап, газон егу, жарықтандыру және қоршау жұмыстарын жүргізді. Бұдан бөлек, ауылды абаттандырып, көркейтуге 32 млн теңгеге қаржылай көмек көрсетті. Серіктестік тарапынан ауыл тұрғындарына әлеуметтік қолдаулар тұрақты жасалып келеді.Жыл сайын ауыл тұрғындарына, оның ішінде шаруашылық қызметкерлеріне көмірмен, азық-түлікпен қолдау көрсетіп, ардагерлерді шипажайларға, оқушыларды демалыс лагерьлеріне жіберуге үлес қосып келеді. Одан бөлек, серіктстік соңғы 5 жылдың көлемінде үздік шаруашылық қызметкерлеріне 9 автокөлік сыйға тартты.Осындай мемлекеттік жекеменшік әріптестік аясында ауылда өзекті деген мәселелер өз шешімін табуда. Өндіріс өркендеп, кәсіпкерлік саласы дамуда және әлеуметтік мәселелер шешімін тауып келеді.Алдағы уақытта да Бесарық ауылында мемлекеттік қолдаулар және демеушілік арқылы кәсіпкерлікті, оның ішінде өндірісті дамыту жұмыстары жалғасатын болады.&nbsp;Бибісара ЖАНӘЛІ

 «Ауыл аманаты» жобасымен 62,7 млн теңгенің 6 жобасы қаржыландырылды

<a href="https://kyzylorda-news.kz/">Kyzylorda-news.kz</a> &nbsp;Сырдария ауданының орталығы Тереңөзек кентіндегі көпқабатты тұрғын үйлерге күрделі жөндеу жұмыстары жүргізілуде. Бұл күні бірнеше көпқабатты тұрғын жайды жөндеу аяқталып, оның игілігін қарапайым халық көруде. Қайта жаңғыртудан өткен тұрғын үйлер тұрғындардың жайлы, жақсы жерде өмір сүруіне жасалған қолайлы жағдай. Мұнан басқа көпқабатты тұрғын үйлердің аулалары да абаттанып, ойын алаңдары салынуда.«Елу жылда – ел жаңа» дегендей, кенттегі көпқабатты тұрғын үйдің құрылысының алды осыдан жарты ғасырдан астам уақыт бұрын жүргізілген. Осы уақыт аралығында бұл үйлерге күрделі жөндеу жүргізілді десек, шындыққа жанаспауы мүмкін. Дегенмен соңғы жылдары қолға алынған нәтижелі жұмыстың арқасында бірнеше көпқабатты тұрғын үйлердің қасбеті жаңарды.&nbsp;Биылғы жылы кенттегі А.Иманов көшесіндегі №25, №37 және Жеңістің 50 жылдығы көшесіндегі №19, №32, №36, №38 үйлерге жалпы сомасы 44 246,0 мың теңге қаржыға күрделі жөндеу жұмыстарын жүргізу жоспарланған. Бұл жайында «Сырдария-Нұрдаулет» ЖШС директоры Б.Ильясов айтып берді.<blockquote>– Өткен жылы серіктестік пен «ПСК Qabylet» ЖШС арасында 11 759,0 мың теңгеге келісімшарт жасалып, тиісті жоба-сметалық құжаты дайындалды. Аталған көпқабатты тұрғын үй тұрғындарымен жиналыс өткізілді. Бас мердігер ретінде «Жәрдем-1» және «Мұрат Құрылыс және К» ЖШС, техникалық қадағалау жұмыстарын атқаруға «Достар Строй Груп» ЖШС-ын таңдады. Авторлық қадағалаушы – «ПСК Qabylet» ЖШС. Келісімшартта көр¬сетілгендей, тұрғындар күрделі жөндеу жұмысы үшін әр шаршы метр тұрғын алаңына 102-110 теңге көлемінде 15 жыл мерзімде төлейтін болып бекітілді, – дейді серіктестік басшысы.</blockquote>Осы күні бірінші кезекте 1968 жылы салынған кенттегі Жеңістің 50 жылдығы көшесіндегі №19, №32, №36 және №38 мекен-жайдағы тұрғын үйлерге жөндеу жұмыстары жүргізілуде. Мердігер тарапынан тұрғын үйлердің сыртқы күрделі жөндеу жұмысы, атап айтқанда, шатыр жабындылары, үйдің қасбеті және есіктері ауыстырылады.<blockquote>– Кенттің орталық көшелеріндегі көпқабатты тұрғын үй¬лер¬ге жөндеу жүргізілгенін көріп қуанғанбыз. Біздің де үйімізге осындай жөндеу жүргізілсе деген тілегіміз де болды. Қазір үйдің шатыры ауысып, сырты жөнделген соң еңсеміз де көтеріліп қалды. Қандай керемет, көз сүйсінеді. Енді тұрғындар осы жасалған жұмысты бағалап, осылай таза етіп ұстауға дағдылануы керек, – дейді кент тұрғыны Мардан Ықыласұлы.</blockquote>Қайта жаңғырту жұмыстары жүргізіліп жатқан көпқабат¬ты тұрғын үй иелері жасалып жатқан оң тірлікке қолдау білдіріп, бір мезгіл айналасын тазартуды қолға алса, таза¬лықтың, жасалған жұмыстың нәтижесі болады. Сонымен қатар үйден шыққан тұрмыстық қалдықтарды, қоқысты кез келген жерге тастамай, арнайы орынға апарып салуға дағдылану қажет. Себебі кент тазалығы – ортақ міндет.Б.ТАҢАТАРҚЫЗЫ

Тереңөзек кентінде көпқабатты тұрғын үйлер қайта жаңғыруда

<a href="https://kyzylorda-news.kz/">Kyzylorda-news.kz</a> Бүгінде еңбек адамы – ел мақтанышы екені даусыз.&nbsp; «Ауыр жол ерді сынайды» демекші, темір тұлпарымен адал еңбегінің арқасында өз нәпақасын тауып жүрген ер азаматтарымыз баршылық. Бірі екі ортада зат тасымалдаса, енді бірі жолаушыны діттеген жеріне дер кезінде жеткізеді. Сондай жанның бірі Мейрамбек Мұратов. Сырдариялық жүргізуші ең бірінші жолаушының қауіпсіздігін басты назарда ұстайтын еңбек адамы.42 жыл көлік тізгіндеген тереңөзектік Мейрамбек Тұрлыбайұлы есімі кент тұрғындарына етене таныс. Бүгінде ол – кентішілік қоғамдық көліктің жүргізушісі. Сонымен бірге жұмыстан бос уақытында аудан тұрғындары той-томалаққа, өзге аудан немесе қалаға түрлі жарыс, байқаулар өтсе, осы кісінің көлігін жалдайды. Тереңөзектіктердің дені «газелист Мако» деп атап кеткен. Бұл есімді Мейрамбек Тұрлыбайұлы да жатсынбай қабылдаған. Жеке кәсіпкер Алмасбек Арысбаймен келісім шарт негізінде кентішілік жолаушылар тасымалы қызметімен айналысады.<blockquote>– Газель жүргізушісі Мейрамбекпен 15 жылдан бері жұмыс жасап келе жатырмыз. Сондай-ақ келісім шарт негізінде тағы да бес газель бар. Оның үшеуі кентішілік, үшеуі елдімекендерге қатынайды. Кент тұрғындары Мейрамбекке алғысын айтып, ризашылығын білдіріп жатады. Тазалыққа қатты мән береді. Жұмысына адал, жауапкершілігі мол. Қыстың көзі қырауда да «машинам жүрмей қалды, майы қатып қалды» демейді. Жұмысына жауапкершілікпен қарайтын азамат, тәжірибесі мол жүргізуші, – дейді жеке кәсіпкер.</blockquote>Мейрамбек Мұратов – Тереңөзектің тумасы. Қай кезде де қолынан келген көмегін аямайтын азамат – №35 мектептің түлегі. Ең алғашқы еңбек жолын сол кездегі санитариялық-эпидемиологиялық станцияда бастаған. 10 жыл сол мекемеде жүргізуші болып жұмыс істеген. Одан әрі қызметтік жолын 8 жыл бойы орман шаруашылығында жалғастырады.<blockquote>– Жастайымнан көлік айдап, ұзақ жолға шыққанды ұнататынмын. Міне, бүгінде 15 жылдан бері кентішілік маршруттың жүргізушісімін. Жұмыстан бос уақытымда аудан тұрғындары той-томалаққа, мектеп мұғалімдері оқушыларды жарысқа немесе түлектерді ҰБТ сынағына апару үшін жалдайды. «Сақтансаң, сақтаймын!» демекші, қай кезде де алыс жер болсын, жақын жер болсын жолда барынша мұқият әрі сақ болуға тырысамын. Өйткені қанша жанның қауіпсіздігіне жауапты болатынымды білемін. Әрқашан жолға шықпас бұрын, көлігімді тексеріп, тазалық жұмысын жүргізіп, қауіпсіздік шараларын басты назарға аламын. Әр жолаушы тасымалдайтын жүргізуші қашанда ережеге бағынғаны дұрыс.</blockquote>«Жол қадірін жүрген білер» демекші, техника тізгіндеген адам тек жүргізіп қана қоймай, жөндеуді де білуі тиіс деп ойлаймын. Себебі, көлікке сенім жоқ. Шүкір, бірақ әлі ондай жағдай орын алмапты. Жолға шыққан кезде үйге жеткенше уайым¬дап отырамын, – дейді жолаушының алғысына ие болған жүргізуші.Әрқашан жолаушының көңілін таба білетін жүргізушінің тұрақты жолаушылары да бар.<blockquote>– Мәкеңді бұрыннан білеміз. «Жақсының жақсылығын айт, нұры тасысын» деп жатады ғой. Өзі ақкөңіл, әрбір жолаушының тілін таба біледі. Қай кезде болмасын, сол кісінің газелін жалдауға тырысамыз. Жаупкершілігі мол азамат баратын жерімізге уақытында жеткізеді. Әрі қанша жыл жүргізуші болған соң жолдың сырын біледі, – дейді кент тұрғыны Ә.Ыдырысова.</blockquote>Еңбек етуден шаршамайтын жан қашан да кез келген жұмыстың ебін таба біледі. Қандай шаруа жасаса да аяғына жеткізбей тынбайды. Қазақтың ұлы ақыны Абай Құнанбайұлының «Еңбек қылмай тапқан мал дәулет болмас» деген қанатты сөзін өмірлік ұстанымына айналдырған. Нәпақасын маңдай тер, адал еңбекпен тауып келе жатқан Мейрамбек Тұрлыбайұлының бір бойынан еңбек-қорлық, іскерлік, қарапайымдылық, жауапкершілікті байқауға болады. Адал еңбегінің арқасында кәсіби мерекесінде аудан әкімінің Алғыс хатымен марапатталса, тұрғындардың риясыз алғысына әркез ие болуда.Бүгінде Мейрамбек Мұратов – берекелі шаңырақтың отағасы, балаларының асқар тауы. Жұбайы Жанат Көшербаевамен 4 қыз тәрбиелеп өсірді. Екі қызын құтты орнына қондырып, жиендерінің нағашы ата-әжесі болып отыр. Кейінгі бір қызы студент болса, кенжесі оқушы. Отағасына барынша қолдау білдіріп отыратын Жанат медбике болып жұмыс істейді.&nbsp;Таңшолпан ШАНЖАРХАНОВА

Қазақстан және Қызылорда облысының жаңалықтары: Қоғам