<a href="https://kyzylorda-news.kz/">Kyzylorda-news.kz</a> Сот актісінің заңды күшіне енуі – дауды шешудің соңғы нүктесі ғана емес, сонымен қатар оны міндетті түрде орындаудың басталуы. Сот шешімі заңды күшіне енгеннен кейін онда белгіленген талаптар тиісті тұлғалар үшін міндетті болып табылады. Сондықтан сот актісін немесе атқарушылық құжатты орындау – әрбір борышкердің заңда көзделген міндеті.Алайда тәжірибеде сот актілері мен атқарушылық құжаттарды орындаудан жалтару, сот орындаушысының заңды талаптарын елемеу, мүліктік жағдайы туралы мәліметтерді жасырын ұстау сияқты жағдайлар кездеседі. Мұндай әрекеттер заңда белгіленген жауаптылыққа әкеп соғуы мүмкін.Әкімшілік жауаптылықтың құқықтық негізіҚазақстан Республикасының Әкімшілік құқық бұзушылық туралы кодексінің 669-бабында сот үкімін, сот шешімін немесе өзге де сот актісін және атқарушылық құжатты орындамау үшін әкімшілік жауаптылық көзделген.Бұл норма сот актілерінің орындалуын қамтамасыз етудің маңызды құқықтық тетіктерінің бірі болып табылады. Сот актісін орындамау деп борышкердің сот актісін немесе атқарушылық құжатты орындаудан жалтаруы түріндегі әрекеті не әрекетсіздігі түсіндіріледі. Бұл ретте әрекетте қылмыстық құқық бұзушылық белгілері болмауы қажет.Яғни борышкердің міндеті тек сот орындаушысының талаптарын күту немесе мәжбүрлеу шараларын қолдануды күтумен шектелмейді. Ол өзіне жүктелген міндеттемені орындау үшін өзіне байланысты барлық шараларды қабылдауға тиіс.Борышкер қандай жағдайда жауапқа тартылуы мүмкін?Борышкердің сот актісін орындаудан әдейі жалтаруы әкімшілік жауаптылыққа негіз болуы мүмкін.Мысалы, борышкер:<ul><li style="text-align:justify;">сот актісінде белгіленген міндеттемені орындамаса;</li><li style="text-align:justify;">атқарушылық құжат бойынша берешекті өтеуге нақты мүмкіндігі бола тұра оны орындамаса;</li><li style="text-align:justify;">сот актісін орындауға кедергі келтіретін әрекеттер жасаса;</li><li style="text-align:justify;">сот орындаушысына өзінің жұмыс орны немесе тұрғылықты жері өзгергені туралы хабарламаса;</li><li style="text-align:justify;">орындауға қажетті мәліметтерді беруден жалтарса;</li><li style="text-align:justify;">мүліктік жағдайын жасыруға немесе атқарушылық іс жүргізудің орындалуын қиындатуға бағытталған әрекеттер жасаса,&nbsp;</li><li style="text-align:justify;">заңда белгіленген жауаптылық мәселесі туындауы мүмкін.</li></ul>Жоғарғы Соттың нормативтік қаулысында борышкердің сот орындаушысына келуден жалтаруы, жұмыс орны мен тұрғылықты жерінің өзгергені туралы хабарламауы, сот орындаушысының талаптарын орындамауы және оның заңды қызметіне кедергі келтіруі жауаптылық мәселесін қарауға негіз болатын әрекеттер ретінде көрсетілген.Қарыздың болуы автоматты түрде жауаптылыққа әкеле ме?Бұл жерде маңызды бір жайтқа назар аудару қажет. Борышкердің атқарушылық құжатты орындауға нақты мүмкіндігі болмаған жағдайда, оны тек қарызы бар болғаны үшін әкімшілік жауаптылыққа тартуға болмайды.Соттар борышкердің сот актісін толық немесе белгілі бір бөлігінде орындауға нақты мүмкіндігі болған-болмағанын анықтауға тиіс.Мәселен, борышкердің жалғыз кіріс көзі болып табылатын жалақысының төленбеуі, зейнетақы немесе жәрдемақының тоқтатылуы, ұзақ уақыт еңбекке жарамсыз болуы сияқты мән-жайлар сот актісін орындаудың нақты мүмкін болмағанын дәлелдеуі мүмкін.Дегенмен мұндай жағдай борышкерді міндеттемесін орындауға бағытталған барлық мүмкін шараларды қабылдау міндетінен босатпайды.Сондықтан борышкер өзінің қаржылық немесе мүліктік жағдайын сот орындаушысына ашық көрсетуі, табысы мен мүлкі туралы қажетті ақпаратты ұсынуы және берешекті өтеу бойынша нақты мүмкіндіктерін пайдалануы қажет.Сот орындаушысының талаптарын орындамауАтқарушылық іс жүргізу барысында сот орындаушысының барлық заңды талаптары міндетті түрде орындалуға тиіс. Бұл ретте сот актісін немесе атқарушылық құжатты орындамау мен сот орындаушысының заңды талаптарын орындамауды ажырата білу маңызды.Жоғарғы Соттың түсіндіруіне сәйкес, сот орындаушысының қаулыларын және өзге де заңды талаптарын орындамау, атқарушылық құжатты толық орындау туралы талапты қоспағанда, ӘҚБтК-нің 670-бабы бойынша жауаптылыққа әкеп соғуы мүмкін.Демек, борышкер сот орындаушысының заңды талаптарын елемей, атқарушылық іс жүргізуге кедергі келтірмеуге тиіс.Жауаптылықтың мақсаты – жазалау ғана емесӘкімшілік жауаптылықтың негізгі мақсаты – борышкерді жазалау ғана емес, ең алдымен заң талаптарының орындалуын қамтамасыз ету.Борышкер әкімшілік жауаптылыққа тартылғаннан кейін де негізгі міндеттемесінен босатылмайды. Яғни айыппұл салынуы немесе өзге де әкімшілік ықпал ету шарасының қолданылуы сот актісінде белгіленген міндетті орындау қажеттігін жоймайды.Сондықтан борышкер үшін ең дұрыс жол – сот орындаушысының талаптарын елемеу емес, атқарушылық іс жүргізу шеңберінде өзінің құқықтары мен міндеттерін біліп, берешекті өтеудің заңды жолдарын қарастыру.Қорытындылай келе, сот актісінің орындалуы – сот төрелігінің тиімділігін көрсететін негізгі көрсеткіштердің бірі. Заңды күшіне енген сот актісі барлық тұлғалар үшін міндетті.Борышкердің атқарушылық құжатты орындауға нақты мүмкіндігі бола тұра сот актісін орындаудан жалтаруы әкімшілік жауаптылыққа әкелуі мүмкін. Ал сот орындаушысының заңды талаптарын орындамау да заңда белгіленген жауаптылыққа негіз болады.Сонымен бірге әрбір жағдай жеке бағалануы тиіс. Борышкердің кінәсі, оның нақты мүмкіндігі, мүліктік жағдайы және сот актісін орындауға бағытталған әрекеттері жан-жақты ескеріледі.Заң талаптарын орындау – жауаптылықтан қорқудың ғана емес, азаматтық жауапкершілік пен құқықтық мәдениеттің көрінісі. Сот актісін уақтылы орындау арқылы әрбір азамат сот төрелігінің беделін арттыруға және қоғамдағы заң мен тәртіп қағидатын нығайтуға өз үлесін қосады.Мейрамбек Ермекбаев,Қызылорда облысы Әділет департаментінің«Қызылорда қаласының №1 мәжбүрлеп орындату&nbsp;аумақтық бөлімінің» сот орындаушысыСурет: Нұрболат Нұржаубай

Сот актісін немесе атқарушылық құжатты орындау – әрбір борышкердің міндеті

<a href="https://kyzylorda-news.kz/">Kyzylorda-news.kz</a> Корея Республикасына жұмыс сапары аясында ҚР Премьер-министрінің орынбасары Қанат Бозымбаев Korea Electric Power Corporation (KEPCO), Lotte Hotels &amp; Resorts, Doosan Enerbility және Global Green Growth Institute (GGGI) басшылығымен кездесулер өткізді. Тараптар корей компанияларының Alatau City-дегі инфрақұрылымдық және инвестициялық жобаларды іске асыруға қатысуын талқылады.Келіссөздер барысында Қанат Бозымбаев қазақстандық-корей стратегиялық әріптестігінің жоғары деңгейін және жаңа қаланы дамыту үшін озық технологияларды, инвестицияларды және халықаралық сараптаманы тартуға мүдделілігін атап өтті.<blockquote>«Alatau City – Қазақстанның басты ұлттық жобаларының бірі. Бүгінде қала үшін арнаулы инвестициялық және реттеушілік орта қалыптастырылып, заманауи инфрақұрылым құрылуда. Біз жетекші корей компанияларымен ұзақ мерзімді әріптестікке мүдделіміз және бірлескен жобаларды нақты пысықтауға дайынбыз», — деп атап өтті Қанат Бозымбаев.</blockquote>KEPCO-мен кездесуде Alatau City-дің энергетикалық инфрақұрылымын дамыту бойынша ынтымақтастық перспективалары қаралды. Атап айтқанда, корей корпорациясының электр энергиясын беру және тарату жүйелерін жобалауға, қосалқы стансалар салуға, ұлттық энергия жүйесімен интеграциялауға және жергілікті электр желілерін қосуға қатысуы талқыланды.Doosan Enerbility және GGGI басшылығымен Alatau City-дің меншікті генерациясын дамыту мәселелері талқыланды. Перспективалы бағыттардың бірі ретінде қуаты 2×250 МВт болатын, кейіннен сутегіге көшу мүмкіндігі бар газ электр стансасын салу қарастырылуда. Жобаны мемлекеттік-жекешелік әріптестік тетіктерін қолдана отырып іске асыру алдын ала қарастырылуда.Сондай-ақ туристік және қонақүй инфрақұрылымын дамыту мәселелері талқыланды. Lotte Hotels &amp; Resorts компаниясымен Alatau City-де L7 by Lotte қонақүйі бар көпфункционалды кешенді іске асыру мүмкіндігі талқыланды. Құны $200 млн-нан асатын жоба 180 нөмірлі қонақүйді, кеңсе кеңістіктерін және тұрғын апартаменттерді көздейді.Кездесулер қорытындысы бойынша тараптар талқыланған жобалар бойынша, оның ішінде оларды қаржыландыру және іске асыру тетіктерін айқындау жөнінде бірлескен жұмысты жалғастыруға келісті. Alatau City Authority бұл жұмысты салалық мемлекеттік органдармен және әлеуетті серіктестермен бірлесіп үйлестіруді және сүйемелдеуді қамтамасыз етеді. Қазіргі уақытта Alatau City-дің инвестициялық портфелі жалпы құны $6,9 млрд болатын, іске асырылуы 55 мыңнан астам жұмыс орнын құруды көздейтін 67 жобаны қамтиды.Талқыланып жатқан жобаларды іске асыру Alatau City-дің кешенді дамуына, атап айтқанда, сенімді энергетикалық және инженерлік инфрақұрылымды қалыптастыруға, қонақүй, іскерлік және коммерциялық нысандарды дамытуға ықпал етеді. Халықаралық серіктестерді тарту және жаңа инвестициялық жобаларды іске асыру қосымша жұмыс орындарын ашуға, қалалық қызметтердің аясын кеңейтуге, сондай-ақ іскерлік белсенділіктің өсуіне және қалалық ортаның сапасын арттыруға жағдай жасайды.

Қазақстан мен жетекші корей компаниялары Alatau City-ді дамытуға бағытталған жаңа жобаларды пысықтауда

<a href="https://kyzylorda-news.kz/">Kyzylorda-news.kz</a> Қазақстан Республикасы Премьер-министрінің бірінші орынбасары Нұрлыбек Нәлібаев Мемлекет басшысының денсаулық сақтау, оқу-ағарту, туризм және спорт салалары жөнінде берілген тапсырмаларын орындау мәселелері бойынша кеңес өткізді.Денсаулық сақтау министрі Ақмарал Әлназарованың, оқу-ағарту министрі Жұлдыз Сүлейменованың, туризм және спорт министрі &nbsp;Ербол Мырзабосыновтың есептері тыңдалды.Нұрлыбек Нәлібаев әлеуметтік инфрақұрылымды дамыту, азаматтарға медициналық қызметтердің қолжетімділігі мен білім беру сапасын арттыру, сондай-ақ бұқаралық спортты дамыту және туризмнің ел экономикасындағы үлесін ұлғайту мәселелеріне тоқталды.Кеңес барысында Мемлекет басшысының тапсырмасы бойынша салынып жатқан әлеуметтік нысандарға кешенді талдау жүргізу, оларды сапалы әрі уақтылы пайдалануға беру қажеттігі атап өтілді. Жиын қорытындысы бойынша мүдделі мемлекеттік органдарға тиісті тапсырмалар берілді.

Үкіметте әлеуметтік саланы дамыту мәселелері қаралды

<a href="https://kyzylorda-news.kz/">Kyzylorda-news.kz</a> Нартай Бекежанов атындағы Қызылорда облыстық қазақ академиялық музыкалық драма театры кезекті еңбек демалысынан кейін 72-ші театр маусымын ашты. Жаңа маусымның шымылдығы көрерменге ой салар жаңа қойылым – «Ку-ку» трагикомедиясымен түрілді.Қойылым америкалық жазушы Кен Кизидің «Көкектің ұясы» романының желісі бойынша сахналанған. Шығарманы қазақ тіліне Ә. Оразбеков аударған. «Ку-ку» спектаклінің режиссері – Жәнібек Махамбетияр, суретшісі – Нұркен Қалымбетов, костюм дизайнері, модельер-суретшісі – Камила Даулбаева, жарық беруші жөніндегі суретшісі – Асқар Исмайлов.Психологиялық драма жанрын ұнататын көрерменге арналған қойылым 16 жастан жоғары аудиторияға бағытталған. Спектакль оқиғасы психиатриялық ауруханадағы қалыптасқан тәртіп пен адам еркіндігі арасындағы тартысты арқау етеді.Басты кейіпкер Макмерфи түрмеден құтылу мақсатында өзін психикалық ауытқуы бар адам ретінде көрсетіп, психиатриялық ауруханаға түседі. Оның еркін мінезі мен қалыптасқан тәртіпке бағынбауы бөлімдегі науқастардың өміріне өзгеріс әкеледі. Алайда бөлімді басқаратын Мисс Рэтчед үшін бұл өзгеріс қалыптасқан жүйеге қауіп ретінде қабылданады.Қойылымда адам санасына әсер етудің шегі, жеке тұлғаның еркіндігі, қоғамдағы қалыптасқан тәртіп және адамдық қасиетті сақтап қалу мәселелері көтеріледі. Электр тоғымен емдеу, қатаң тәртіп орнату секілді тәсілдер арқылы спектакль көрерменді «Адамды емдеу дегеніміз не?» деген сауал төңірегінде ойлануға жетелейді.«Ку-ку» спектаклі адамды жынды ететін не екенін емес, қандай жағдайда болмасын адам болып қалудың қаншалықты қиын екенін көрсетеді. Осы арқылы қойылым бүгінгі көрерменге де маңызды ой тастайды.Жаңа театр маусымы тек премьерамен шектелмейді. Алдағы уақытта Сыр сахнасы бірқатар ауқымды мәдени жобаларға қатысып, халықаралық және республикалық деңгейдегі өнер шараларын өткізуді жоспарлап отыр.Соның бірі – театр труппасының 1-6 қазан аралығында Әзербайжанның Шеки қаласында өтетін халықаралық фестивальге қатысуы.&nbsp;Сонымен қатар 19-24 қазан аралығында Қалибек Қуанышбаев атындағы қазақ ұлттық музыкалық драма театрымен бірлесіп, Бағыбек Құндақбаевтың 100 жылдық мерейтойына арналған Қазақстан драма театрларының XXXI республикалық фестивалі Қызылордада өтеді.&nbsp;Ал 3-6 қараша күндері театр ұжымы Ақтау қаласына гастрольдік сапармен барады. Гастрольдік қойылымдар арқылы өңірлер арасындағы мәдени-рухани байланысты нығайтып, Сыр елінің театр өнерін өзге көрерменге таныту көзделіп отыр.Жаңа маусымда театр труппасының құрамы да екі жаңа артиспен толықты. Алдағы уақытта репертуар жаңа туындылармен толығып, драма жанрындағы қойылымдармен қатар балаларға арналған екі спектакль көрермен назарына ұсынылады.

Сыр сахнасы 72-ші театр маусымын жаңа премьерамен ашты

<a href="https://kyzylorda-news.kz/">Kyzylorda-news.kz</a> Қазақстандық қоғамдық даму институты (ҚҚДИ) жүргізген тоқсан сайынғы сауалнама нәтижесі әлеуметтік оптимизмнің жоғары деңгейі сақталып отырғанын көрсетеді. Азаматтардың басым бөлігі елдегі жағдайды оң бағалап, өз өміріне көңілі толатынын, жайлы эмоционалдық көңіл-күйде екенін және алдағы бір жылда отбасы жағдайы жақсаратынына сенетінін білдірген.ҚҚДИ-ның 2026 жылдың ІІІ тоқсанындағы зерттеуіне сәйкес, қоғамдық көңіл-күйде елдегі ахуалды оң қабылдау басым. Респонденттердің 79,3%-ы Қазақстандағы жағдайды қолайлы және тұрақты деп сипаттаған. Бұл көрсеткіш өткен жылдың осы кезеңімен салыстырғанда 1,7 %-ға артты.Экономикалық ахуалға қатысты да оң көзқарас басым. Сауалнамаға қатысқандардың 72,9%-ы елдің экономикалық ахуалына жақсы баға берген. Яғни, әрбір он респонденттің жетіден астамы оның қазіргі жай-күйін қолайлы деп санайды.Елдегі ахуалды жақсы қабылдау үрдісі азаматтардың өз өмірін жоғары бағалауымен ұштасып жатыр. Қазақстандықтардың 83,6%-ы өз өміріне риза екенін білдірген.Осыған ұқсас жағдай күнделікті эмоционалдық көңіл-күйде де байқалады. Сауалнамаға қатысқандардың жалпы 88,1%-ы соңғы күндері көңіл-күйі керемет және орнықты екенін жеткізген. Атап айтқанда, зерттеуге қатысушылардың 27,6%-ы өз көңіл-күйін тамаша деп бағаласа, тағы 60,5%-ы қалыпты әрі бірқалыпты деп сипаттаған. Респонденттердің басым көпшілігінде сауалнама жүргізілген сәтте көңіл-күйі жағымды және қалыпты эмоционалды жағдайда екенін атқан.Отбасының материалдық жағдайын бағалау кезінде сауалнамаға қатысқандардың 69,1%-ы отбасылық табыстың сақталғанын немесе өскенін айтқан, бұл көптеген отбасылардың материалдық жағдайы негізінен тұрақты екенін көрсетеді.Бұған дейін орын алған өзгерістер де негізінен оң бағалануда. Респонденттердің жартысына көбі (49,5%) соңғы бір жылда өз өмірі мен отбасының әл-ауқаты жақсарды деп есептейді.Жағымды өзгерістерді көбіне жастар сезінген. 18 бен 28 жас аралығындағы респонденттердің 57,7%-ы, ал 29 бен 45 жас аралығындағы қатысушылардың 50,6%-ы өмірінің жақсарғанын мәлімдеген. Осы жас санаттарындағы азаматтардың басым бөлігі үшін өткен жыл жеке және отбасылық өмірдегі жағымды өзгерістермен есте қалған.Жақын болашақты бағалауда да оптимистік көзқарас басым. Қазақстандықтардың жартысынан көбі (56,6%) бір жылдан кейін өздері мен отбасылары қазіргіден де жақсы өмір сүреді деп сенеді.Мұндай үмітті көңіл-күй қала халқына да, ауыл тұрғындарына да тән. Бұл ретте ауылдық жерлерде бұл көрсеткіш анағұрлым байқалады: алдағы бір жыл ішінде өмірінің жақсаратынына ауыл тұрғындарының 61,9%-ы және қалалықтардың 53,4%-ы сенеді.Жалпы алғанда, зерттеу нәтижелері елдегі жағдайды оң бағалау мен жеке тұрмысқа қанағаттанудың жоғары деңгейі және азаматтардың едәуір бөлігінің жақын болашаққа деген сенімі бір-бірімен үйлесім тауып отырғанын көрсетеді. Қоғамдық көңіл-күй тек ағымдағы ахуалды байсалды қабылдаумен ғана емес, сонымен бірге өз өмірі мен отбасы жағдайындағы бұдан да арғы жағымды өзгерістерден үміт күтуімен ерекшеленеді.Мұндай бағалаулар жиынтығы елдің дамуын қабылдау күнделікті өмірдегі тұрақтылық сезімімен және болашаққа деген оң көзқараспен нығайтылатын берік әлеуметтік негіз қалыптастырады.Сауалнама 31 шілде мен 16 тамыз аралығында жүргізілді. Оған еліміздің 18 жастан асқан ересек тұрғындарының жынысы, жасы, елді мекен түрі мен өңірлік құрылымын толық қамтитын ұлттық іріктеу бойынша 2 400 респондент қатысты. Іріктеудің шекті қателігі 95% сенімділік ықтималдығы кезінде ±2%-дан аспайды.Сурет: stat.gov.kz

Қазақстандықтардың 79,3%-ы елдегі ахуалды қолайлы немесе тұрақты деп бағалайды

<a href="https://kyzylorda-news.kz/">Kyzylorda-news.kz</a> Биыл Қазалы ауданында халықтың әлеуметтік осал топтары үшін пайдалануға берілетін 50 пәтерлі тұрғын үйдің құрылысы жүргізілуде.&nbsp;Қазалы ауданының әкімі Алмасбек Есмаханов Әйтеке би кенті мен Қазалы қаласының аумағында салынып жатқан тұрғын үйлердің құрылыс жұмыстарын көріп, құрылыс жұмыстарымен айналысып жатқан кәсіпкерлермен кездесті.Қазіргі таңда тұрғын үйлердің шатырын жабу, ішкі әрлеу, сырлау жұмыстары жүргізілуде. Аудан басшысы кәсіпкерлерге тұрғындардың игілігі үшін берілетін баспаналарды мерзімінен кешіктірмей тезірек сапалы етіп аяқтау керектігін айтты. Ал салаға жауапты орынбасарына тұрғын үйлерді қабылдау кезінде барлық талаптарға сай болуын, алдағы уақытта тұрғындардан ешқандай шағым болмау керектігін тапсырды.Айта кетейік, тұрғын үйлердің құрылыс жұмыстары жыл соңына дейін аяқталып, тұрғындар игілігіне пайдалануға беріледі деп жоспарлануда.Айта кетейік, өткен жылы ауданда халықтың әлеуметтік осал топтары үшін 2 пәтерлі 40 тұрғын үй сатып алынып, 80 отбасыға жаңа баспана табысталған болатын.<img src="https://knadmin.beoblood.kz/uploads/azaly_t_r_yn_j_25ed9c55f7.jpg" alt="Қазалы тұрғын үй.jpg">

Қазалыда әлеуметтік осал топтағы азаматтарға арналған тұрғын үй құрылысы жүргізілуде

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Қазалы ауданының қорғаныс істері жөніндегі бөліммен және бөлімге қарасты әскерге шақыру пунктінің жұмысымен танысты.Қазіргі таңда мұнда азаматтарды күзгі мерзімді әскери қызметке қабылдауға әзірлеу, медициналық тексеруден өткізу және жөнелту жұмыстары жүргізілуде.Қорғаныс істері жөніндегі бөлім ғимаратына өткен жылы 188 млн теңгеге жөндеу жұмыстары жүргізілген болатын. Жөндеу барысында ғимараттың сыртқы қасбеті жаңғыртылып, ішкі әрлеу жұмыстары атқарылды. Сондай-ақ инженерлік-коммуникациялық желілер мен жылу жүйесі толығымен қайта жаңартылды.Айта кетейік, биыл аудан бойынша күзгі әскерге шақыру науқаны аясында 58 азаматты әскер қатарына жөнелту жоспарланған. Бүгінге дейін облыстық жиын пунктіне 39 азамат жіберіліп, оның 19-ы Отан алдындағы әскери борышын өтеу үшін ҚР ҰҚК Шекара қызметінің әскери бөлімдері мен Ұлттық ұлан сапына жөнелтілді.Аудан әкімі қорғаныс істері бөлімі ғимаратынан кейін Қазалы жедел жәрдем станциясының да жұмысымен танысты. Станция меңгерушісі аудан басшысына медицина қызметкерлерінің еңбек жағдайы, материалдық-техникалық базасы және жедел медициналық көмек көрсету сапасы туралы баяндады.Қазіргі таңда станцияда 99 қызметкер еңбек етеді. Бөлімшенің қарамағында 9 санитарлық автокөлік бар. Күндізгі ауысымда 4, түнгі ауысымда 5 бригада тұрғындарға жедел медициналық көмек көрсетеді.Аудан әкімі салаға жауапты орынбасарына қорғаныс істері бөлімінің шақыру пунктіндегі арнайы медициналық кабинеттерді санитарлық талапқа сәйкестендіру және жедел жәрдем ауласындағы автотұраққа дейін жолға қиыршық тас төсеу мәселелері бойынша жұмыс жасауды тапсырды.&nbsp;Берілген тапсырмаларды сапалы ұйымдастырып, халыққа көрсетілетін қызметтердің тиімділігі мен қолжетімділігін қамтамасыз ету керектігін ескертті.<img src="https://knadmin.beoblood.kz/uploads/azaly_zhedel_zh_rdem_stancziyasy_96fd0c59c7.jpg" alt="Қазалы жедел жәрдем станциясы.jpg">

Аудан әкімі қорғаныс істері бөлімі мен жедел жәрдем станциясының жұмысымен танысты

<a href="https://kyzylorda-news.kz/">Kyzylorda-news.kz</a> Облыс әкімі Мұрат Ергешбаев құрылыс компанияларының басшыларымен кездесіп, өңірдегі инвестициялық жобаларды уақытылы жүзеге асыруда атқарылып жатқан жұмыстарға тоқталды. Кездесуге қатысушылармен инвесторларға қолдау көрсету мәселелерін де талқылады.Аймақтағы ірі инвестициялық жобаны жүзеге асырушы компанияның бірі – испандық «Roca Group». Елімізге санитарлық-техникалық бұйымдар түгелдей шет мемлекеттерден импортталатынын ескерсек, бұл жоба өңір үшін ғана емес, отандық құрылыс индустриясы үшін өте маңызды.<blockquote>«Мемлекет басшысы елімізде жаңа инвестициялық кезеңді бастауды, әсіресе, заманауи өндірістер ашуды тапсырды. Өздеріңізге белгілі, маусым айында испандық «Roca Group» компаниясының санитарлық-техникалық бұйымдар өндіру зауытының капсуласын салу рәсімі өтті. Бұл ірі компанияның өңірімізге келуі – бірнеше жылдық еңбектің жемісі. 2024 жылдан бастап сол кездегі облыс әкімі Нұрлыбек Машбекұлының бастамасымен инвесторды Қызылорда облысына тарту үшін жүйелі жұмыс жүргізілді. Бүгінде инвесторға қолайлы жағдай жасау және жобаны сапалы іске асыру мақсатында компания басшылығымен тұрақты келіссөздер жүргізіліп, нақты жұмыс атқарылуда. Жобаның жалпы инвестиция көлемі – 40 млрд 700 млн теңге, 300 жаңа жұмыс орнын құру жоспарланған», – деді Мұрат Нәлқожаұлы.</blockquote>Қызылорда облысы – «Roca Group» компаниясының Қазақстандағы жобасын қолдаған алғашқы өңірлердің бірі. Осы ретте компания өнімдерін өңірдегі құрылыс нысандарында кеңінен қолдану және оларды нарыққа шығаруға жағдай жасау бағыты айқындалған.Компания биыл жазда Алматы қаласында Орталық Азиядағы алғашқы шоу-румын ашты. Сонымен қатар Алматы және Астана қалаларында өнімдерді сақтауға арналған қоймалары бар.

Құрылыс компанияларының басшыларымен кездесті

<a href="https://kyzylorda-news.kz/">Kyzylorda-news.kz</a> Қазақстанда ЖІӨ-нің сегіз айдағы нақты өсуі 4,1%. Бұл деңгей үш ай бойы сақталуда, – деп хабарлайды <a href="https://baq.kz/qazaqstan-ekonomikasy-41-ga-osti-qay-salalar-kosh-bastap-tur-320044347/">BAQ.KZ.</a>Вице-премьер – Ұлттық экономика министрі Серік Жұманғариннің төрағалығымен өткен экономикалық өсуді қамтамасыз ету жөніндегі штаб отырысында елдегі сегіз ай ішіндегі экономика дамуының жедел қорытындысы қаралды.Атап өткендей, экономиканың өсуі, ең алдымен, шикізаттық емес сектордың орнықты динамикасымен қамтамасыз етілуде. Өңдеу өнеркәсібіндегі өндіріс көлемі 8,4%-ға артты. Машина жасау (21,2%), тамақ өнімін өндіру (12,9%), химия өнеркәсі (27,3%), құрылыс материалын өндіру (7%), дайын металл бұйымы (33,3%), резеңке және пластмасса бұйымы (+18,5%), жеңіл өнеркәсіп (+70,4%) және фармацевтика (38,9%) ең жоғары қарқынды көрсетті.Жалпы, өнеркәсіптік өндіріс 2,6%-ға өсті. Құрылыста (15,6%), көлікте және қоймада (7,3%), саудада (6%), ауыл шаруашылығында (5,2%) және байланыста (4,4%) едәуір өсім байқалады.Штаб отырысында өңдеу өнеркәсібінің негізгі салаларындағы ахуал егжей-тегжейлі қаралды.Металлургияда, белгілісі, кәсіпорындар бүгінде 90-100% деңгейіндегі жүктемемен жұмыс істейді. Осыған қарамастан, қара металлургияда шойын мен болат өндірісін арттыру арқылы өндіріс 2%-ға өскен. &nbsp;Сегіз айда машина жасау 21,2%-ға өсті. Жоғары динамика, оның ішінде жеңіл автомобиль, автобус, жүк және арнайы техника өндірісін қамтитын автоөнеркәсіп есебінен (+27,7%) қамтамасыз етілді.Жылжымалы құрам өндірісінде жолаушылар вагоны мен платформалар шығарылымының едәуір ұлғаюы кезінде жартылай жүк вагондары мен локомотив өндірісінің төмендеуі байқалады. Серік Жұманғарин төмендеу себебін егжей-тегжейлі түсініп, машина жасаудың өсу қарқынын сақтау мүмкіндігін анықтау үшін арнайы жиналыс өткізуді тапсырды.Металлургия өңдеу өнеркәсібінің 40%-ынан көбін қамтиды. Сондықтан металлургиядағы өсу қарқыны өңдеудің өсуі үшін ерекше маңызға ие. Өңдеу саласындағы екінші орындағы үлесі бойынша машина жасау динамикасын сақтау маңызды. Бұл бағыт жыл соңына дейін айрықша назарда болады, - деп атап өтті Серік Жұманғарин.Ауыл шаруашылығында үшінші ай қатарынан белсенді өсу қарқыны байқалады: сегіз айда 5,2% (қаңтар-шілдеде 5%, қаңтар-маусымда 4,4%). Мұндай динамика жиым-терім науқанының қызуы мен егіннің пісуі секілді маусымдық факторға байланысты. Азық-түлік өндірісінде де 12,9% айтарлықтай өсім тіркелді. &nbsp;Мұнай-газ саласында мұнай өндіру көлемінің біртіндеп қалпына келуі байқалады. Сегіз айдағы НКИ 91,6%. 2026 жылғы қаңтар-шілдеде 91,1%, 53,2 млн тоннаға қарсы 61,7 млн тонна мұнай өндірілді.2026 жылғы мұнай өндірудің түзетілген болжамы 96 млн тонна. Бұл 91,6% НКИ-ға сәйкес келеді.Сурет: t.me/tengenomika

Қазақстан экономикасы 4,1%-ға өсті: Қай салалар көш бастап тұр?

<a href="https://kyzylorda-news.kz/">Kyzylorda-news.kz</a> Қазақстанда «Аңсаған сәби» бағдарламасының арқасында 15 мыңға жуық бала дүниеге келді. 2021 жылдан бері бағдарлама шеңберінде ЭКҰ-ның 37 мыңға жуық циклі жүргізіліп, жыл сайын бөлінетін квотаның саны 7 мыңға дейін ұлғайтылды. Бұл туралы Денсаулық сақтау министрлігі мәлім етті.&nbsp;Министрліктің дерегінше, Қазақстанда заманауи репродуктивтік технологиялардың қолжетімділігі кезең-кезеңімен кеңейтіліп келеді. Бүгінде отбасылардың шамамен 15%-ы бедеулік мәселесіне тап болады. Жыл сайте медициналық көмекке шамамен 20,5 мың ерлі-зайыпты жүгінеді.«Аңсаған сәби» бағдарламасы Мемлекет басшысы Қасым-Жомарт Тоқаевтың тапсырмасы бойынша 2021 жылы іске қосылды. Бағдарлама қосалқы репродуктивтік технологияларға мұқтаж отбасыларға көрсетілетін мемлекеттік қолдауды едәуір кеңейтуге мүмкіндік берді.Сонымен қатар репродуктивтік медицина желісі де&nbsp;дамып келеді. Егер 2004 жылы ЭКҰ-ны төрт клиника жүргізсе, 2025 жылы олардың саны 32-ге жетті. Осы кезеңде қосалқы репродуктивтік технологиялар циклдерінің саны сегіз еседен астам өсіп, жылына 18,6 мыңға жетті.<blockquote>—&nbsp;Пренаталдық диагностика бағытында да&nbsp;оң динамика байқалады. 2026 жылдың бірінші жартыжылдығында ультрадыбыстық зерттеу кезінде туа біткен даму&nbsp;кемістіктерін анықтау көрсеткіші 13,8%-ға артты. Ал&nbsp;туа біткен кемістіктермен және хромосомалық бұзылыстармен дүниеге келген балалардың саны 25,6%-ға төмендеді,&nbsp;— делінген хабарламада.</blockquote>Алты айдың ішінде «Бір күндік клиника» шеңберінде шамамен 66 мың жүкті әйел алғашқы скринингтен өтті. Мұндай формат қауіп-қатерлерді дер кезінде анықтауға және қажет болған жағдайда болашақ аналарды қосымша тексерулерге жіберуге мүмкіндік береді.Денсаулық сақтау министрлігі репродуктивтік көмектің қолжетімділігін одан әрі кеңейтіп, ерте диагностиканы жетілдіру жұмыстарын жалғастырады. Бұл заманауи медициналық технологиялардың еліміздің барлық өңірлеріндегі отбасыларға қолжетімді болуын қамтамасыз етуге бағытталған.Сурет: pexels.com

«Аңсаған сәби»: Қазақстанда 15 мыңға жуық бала дүниеге келді

<a href="https://kyzylorda-news.kz/">Kyzylorda-news.kz</a> Құрылтай спикері Айбек Дәдебайдың төрағалығымен өткен Бюро отырысында І шақырылымдағы Құрылтайдың Қоғамдық қабылдауын ашу туралы шешім қабылданды.&nbsp;Құрылтай төрағасының орынбасары Динара Закиеваның айтуынша, Қоғамдық қабылдау азаматтармен тікелей қарым-қатынас орнатуға, олардың өтініштері мен ұсыныстарын зер салып қарауға арналған алаң болмақ.Құрылтай төрағасының тапсырмасы бойынша Қоғамдық қабылдауда депутаттардың азаматтарды қабылдауын ұйымдастыру және өткізу қағидалары әзірленді. Депутаттардың қабылдау кестесі барлық фракциялар және комитеттермен келісіліп, Құрылтайдың ресми сайтында орналастырылды.Қоғамдық қабылдаудың жұмысын үйлестіруді Құрылтай депутаттары Константин Авершинге, Айжан Аймағановаға және Шолпан Кариноваға жүктеу ұсынылды.Құрылтай депутатының қабылдауына Құрылтайдың ресми сайты арқылы электрондық өтініш жолдау, жазбаша немесе қолма-қол өтініш беру, сондай-ақ тікелей ауызша жүгіну арқылы жазылуға болады.&nbsp;Сурет: Солтан Жексенбеков / Kazinform

Құрылтайда Қоғамдық қабылдау ашылды 

<a href="https://kyzylorda-news.kz/">Kyzylorda-news.kz</a> «Қала күні» мерекесіне орай бір айлық іс-шаралар легі бастау алды. Соның аясында Қызылорда «Жастар театры» III маусымын ашып, көрерменге «Іңкәр сезім» музыкалық қойылымын ұсынды.&nbsp;Театр – өнердің барша түрі тоғысатын, адам жанына ой салып, сезімін тербейтін киелі мекен. Бүгінгі кеш те қала мәдениетінің жаңа тынысын танытатын, өнерге құрмет пен көрерменге деген ықыласты тоғыстырған ерекше салтанат болды.&nbsp;Қызыл кілем үстімен Сыр елінің мақтаныштары – өнер майталмандары, көрерменнің сүйікті әртістері, осы маусымның басты кейіпкерлері мен құрметті қонақтары жүріп өтті.&nbsp;Атап айтатын болсақ, «Қызылорда қалалық Жастар театрының» көркемдік жетекшісі әрі негізін қалаушы ақын, режиссер–сценарист Оңталап Нұрмаханов және «Жастар» театрының әртістері.&nbsp;Сондай-ақ, еліміздің әр өңірінен келген театр және кино майталмандары &nbsp;̶ Әсет Иманғали, Ержан Жарылқасынұлы, Данияр Базарқұлов, Жұмат Шанин атындағы Шымкент қалалық академиялық қазақ драма театрының бір топ әртістері және Қазақстанның еңбек сіңірген қайраткері, &nbsp;режиссер Хұсейін Әмір-Темір бастаған Қызылорда облыстық Н.Бекежанов атындағы қазақ академиялық музыкалық драма театрының &nbsp;актерлары мен өнер шеберлері.Театрға келген көрермендер Берік Ахмедтің «Іңкәр сезім» атты музыкалық қойылымын тамашалады. Шынайы махаббатқа толы қойылымда сезім мен сенім, асқақ арман, биік мақсат ұғымдары көркем түрде бейнеленді. Адам өміріндегі мейірім мен ізгілік құндылықтары дәріптеліп, отбасы қадірі мен адамдық қасиеттердің маңызы ұсынылды.«Іңкәр сезім» қойылымы бір ғана оқиғаны баяндап қоймай, көрерменді адамның ішкі жан дүниесіне үңілдіретін, жүрекке жақын сезімдерді сахна тілімен жеткізетін таңғажайып туынды болды.Қойылым барысында көрермен жанды дауыста орындалған әндер, би, поэзиялық шығармалар мен монологтарды тамашалай алды.&nbsp;Әсерлі сахналық көріністер музыкалық аспаптардың сүйемелдеуімен орындалып, қойылымның көркемдік мазмұнын аша түсті.<img src="https://knadmin.beoblood.kz/uploads/Kyzylordinskij_molodyozhnyj_teatr_otkryl_novyj_sezon1_5513e38f0c.jpg" alt="Кызылординский молодёжный театр открыл новый сезон1.jpg">

Қазақстан және Қызылорда облысының жаңалықтары: Қоғам