<a href="https://kyzylorda-news.kz/">Kyzylorda-news.kz</a> Астанада ҚР Премьер-Министрінің орынбасары – Мәдениет және ақпарат министрі Аида Балаеваның төрағалығымен министрліктің кеңейтілген алқа отырысы өтті.Жиынға вице-министрлер, комитет төрағалары, ведомстволық бағынысты ұйымдардың жетекшілері және салалық құрылымдардың өкілдері қатысты. Отырыс барысында министрліктің 2025 жылғы қызметінің қорытындылары сараланып, алдағы кезеңге арналған стратегиялық басымдықтар айқындалды.Алқа отырысын ашқан Аида Балаева Негізгі заңға енгізілген ауқымды өзгерістерге ерекше тоқталды. Ол ұлттық мәдениетті қолдау мен тарихи-мәдени мұраны сақтау мәселелері алғаш рет конституциялық деңгейде мемлекеттің іргелі даму қағидаттарының қатарына енгізілгенін атап өтті.Кездесу барысында министрлік қызметінің барлық бағыттары бойынша жаңа тәсілдер мен заманауи даму үрдістері жан-жақты қаралды. Салаларды уақыт талабына және өзекті сын-қатерлерге сай жүйелі жаңғырту қажеттігіне ерекше назар аударылды.Сонымен қатар дамыған мемлекеттердің озық тәжірибесіне негізделген жаңа Конституция жобасы сөз бостандығына кепілдік беретінін, азаматтардың цифрлық кеңістіктегі құқықтарын қорғау жөніндегі норма алғаш рет енгізілгені атап өтілді. Осыған байланысты Аида Балаева министрлік пен ведомстволық бағынысты ұйымдардың қызметіне цифрлық шешімдерді кеңінен енгізу және жасанды интеллект технологияларын тиімді пайдалану мәселесіне айрықша тоқталды. Премьер-Министрдің орынбасары саланың бірыңғай әрі кешенді цифрлық даму стратегиясын әзірлеуді тапсырды.Алқа отырысына қатысушылар мәдениет саласын дамыту, креативті индустрияларды жүйелі қолдау, ақпараттық саясатты жетілдіру, азаматтық қоғам институттарының әлеуетін арттыру, сондай-ақ мемлекеттік жастар және отбасы саясатын тиімді іске асыру мәселелерін талқылады.Жиынды қорытындылаған Аида Балаева әріптестеріне атқарылған нәтижелі жұмыс үшін ризашылығын білдіріп, әр бағытта нақты бастамалар көтеріп, жауапкершілікпен әрекет етуге шақырды. Үкімет басшысының орынбасары ведомствоаралық өзара іс-қимылды күшейтуді және қойылған міндеттердің сапалы әрі мерзімінде орындалуын қамтамасыз етуді тапсырды.

Аида Балаева мәдениет және ақпарат салаларын жаңғыртудың басым бағыттарын белгіледі

<a href="https://kyzylorda-news.kz/">Kyzylorda-news.kz</a> ХҚКО-дан дайын құжаттарды ыңғайлы уақытта, демалыс және мереке күндері де алып кетуге болады. «Азаматтарға арналған үкімет» Мемлекеттік корпорациясының мәліметінше, бұл мүмкіндікті тәулік бойы және демалыссыз жұмыс істейтін құжат беруге арналған автоматтандырылған постаматтар қамтамасыз етеді.Постамат қызмет алушыға дайын құжатты жеке ұяшық арқылы өз бетінше алып кетуге мүмкіндік береді. Құжат дайын болған кезде азаматтың телефон нөміріне SMS-хабарлама жіберіліп, онда ұяшықты ашуға арналған жеке код көрсетіледі. Сонымен қатар азамат биометриялық сәйкестендіруден өтеді.Қазіргі таңда еліміздің 10 өңірінде жалпы саны 14 постамат жұмыс істейді. Олар арқылы мемлекеттік қызметтердің 19 түрі бойынша дайын құжаттарды алуға болады. Олардың қатарында туу туралы, некеге тұру, некені бұзу және қайтыс болу туралы қайталама куәліктер, архивтік анықтамалар, сондай-ақ аттестаттар мен дипломдардың телнұсқалары бар.2025 жылдың қорытындысы бойынша Семей, Тараз және Түркістан қалаларының тұрғындары постамат қызметін ең көп пайдаланған.Айта кетейік, постамат арқылы құжат алу тәртібі қарапайым. ХҚКО-да өтініш беру кезінде азамат дайын құжатты алу тәсілін таңдап, оны автоматтандырылған пункт арқылы алуға келісім беруі қажет. Құжат дайын болғаны туралы SMS келгеннен кейін, оны үш күн ішінде алып кетуге болады. Егер осы уақыт ішінде алынбаса, құжат ХҚКО маманы арқылы әдеттегі тәртіппен беріледі.2026 жылы постамат арқылы құжат беру қызметінің құны 518 теңгені құрайды.Мемлекеттік корпорацияның мәліметінше, постамат қызметі азаматтарға дайын құжаттарды ыңғайлы уақытта алып кетуге мүмкіндік береді және мемлекеттік қызметтерді алу тәсілдерін кеңейтеді. Бұл қызмет әсіресе жұмыс уақытында ХҚКО-ға келе алмайтын тұрғындар үшін тиімді.Анықтама: постамат орнатылған ХҚКО мекенжайлары: &nbsp;Қызылорда — Астана даңғылы, 46 Фото: «Азаматтарға арналған үкімет» Мемлекеттік корпорациясы

Дайын құжаттарды ХҚКО-дан тәулік бойы алуға болады: постаматтар қалай жұмыс істейді?

<a href="https://kyzylorda-news.kz/">Kyzylorda-news.kz</a> Қаладағы «Сыр балажан» балабақшасында Масленица мерекесі басталды. Мерекелік шара барысында балабақша ауласы мен ғимараты ерекше кейіпке еніп, бүлдіршіндер мен ата-аналарға, қонақтарға көтеріңкі көңіл-күй сыйланды. Таңғы сағаттардан бастап әсем әндер шырқалып, жиналған қауымға дәстүрлі құймақтар ұсынылды.<img src="https://knadmin.beoblood.kz/uploads/assambleya_5_1ed66fed2c.jpg" alt="ассамблея 5.jpg">&nbsp;Іс-шараның басты мақсаты – балаларды славян этносының мәдениетімен таныстыру, этносаралық достықты нығайту болып табылады. Мерекелік бағдарлама аясында балғындар тақпақ айтып, ән шырқап, би билеп, арнайы әзірленген қойылымдарға белсене қатысты.<img src="https://knadmin.beoblood.kz/uploads/assambleya_3_55e3e7ab07.jpg" alt="ассамблея 3.jpg">Сонымен қатар, «Славяне» орталығының ұйымдастыруымен мерекелік шаралар қаланың бірқатар мекемелерінде жалғасын тапты. Атап айтқанда, Достық үйінде, Кірістер департаментінде, қалалық білім беру бөлімінде және қала орталығындағы «Small» сауда орталығында көпшілікке арналған мәдени бағдарламалар ұйымдастырылды. Әр алаңда жиналған қауымға концерттік нөмірлер ұсынылып, дәстүрлі құймақтар мен түрлі тәттілер таратылды. Қала тұрғындары мерекелік думанға атсалысып, қуанышқа ортақтасты.<img src="https://knadmin.beoblood.kz/uploads/assambleya_2_3dadfbbafc.jpg" alt="ассамблея 2.jpg">Ұйымдастырушылардың айтуынша, Масленица – көктемді қарсы алудың, кең пейіл мен татулықтың белгісі. Осындай игі бастамалар қоғамдағы бірлік пен келісімді нығайтуға, достықты дәріптеуге қызмет етеді.

Қызылордада Масленица мерекесі басталды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен Сабалақ елді мекеніне газ қосу рәсімі өтті. ОғанПарламент Мәжілісінің депутаттары Мұрат Әбенов, Мархабат Жайымбетов,Мұрат Ергешбаев, құқық қорғау органдарының бірінші басшылары, мәслихат депутаттары, зиялы қауым өкілдері мен ел ағалары арнайы қатысты.<img src="https://knadmin.beoblood.kz/uploads/Sabala_sayazhajyna_gaz_osyldy_1_6c0ecd720c.jpg" alt="Сабалақ саяжайына газ қосылды 1.jpg">Аймақ басшысы тұрғындарды көптен күткен игіліктің іске асуымен құттықтады.<blockquote>«Мемлекет басшымыз Қасым-ЖомартКемелұлықаламызда өткен Ұлттық құрылтайда: «Соңғы жылдары Қызылорда облысы заман талабына сай өсіп-өркендеп жатыр» деп, аймағымыздың барлық салада қарқынды дамығанын ерекше атап өтті. Cыр өңірінде атқарылған жұмыстарға оң бағасын берді.Тарихи миссиясы маңызды жиында Мемлекет басшымыз Қызылорда қаласында 300 орындық көпбейінді аурухана құрылысы басталғанын, алдағы уақытта 500 орындық емхана мен 200 орындық перзентхана салынатынын, жаңа драма театр мен заманауи Президенттік кітапхана құрылысы басталатынын жариялады.«Батыс Еуропа – Батыс Қытай» халықаралық автодәлізінің Қызылорда – Ақтөбе бағытындағы жолын төрт жолақты етіп кеңейту жобасы, «Бейнеу – Сексеуіл» жолының құрылысы биыл қолға алынатынын айтты. Бұл – Мемлекет басшымыздың Сыр жұртшылығынаыстықықыласы, тұрғындарымыздың бекем бірлігі мен тату тірлігінің нәтижесі!Халқымызда «Мұраты бірдің қуаты бір» деген сөз бар. Ауылдың дамуы, келешегі Сіздерге, тұрғындардың еңбекқорлығымен ауызбірлігіне байланысты. Сабалаққа қосылған көгілдір отын халықтың тұрмыс сапасын арттырып, әлеуметтік жағдайын жақсартуға оң әсер етеді деп сенеміз!», – деді Н.Нәлібаев.</blockquote>Рәсімде аймақтың әлеуметтік-экономикалық дамуына үлес қосқан тұрғындар және мердігер мекеме қызметкерлері облыс әкімінің Алғыс хатымен марапатталды. Парламент Мәжілісінің депутаттары Мұрат Абдуламитұлы, Мархабат Жайымбетұлы, Мұрат Нәлқожаұлы құттықтау сөз сөйледі. Қызылорда қаласының құрметті азаматы Сайлаубай Әбішев батасын берді.Айта кетейік, Қызылорда қаласында 80-ге жуық саяжай бар, оның 10-ға жуығында халық тығыз қоныстанған. Осыған байланысты бас жоспарға өзгерістер енгізіліп, бірқатар саяжайға «Тұрғын үй аумағы» мәртебесі берілді.<img src="https://knadmin.beoblood.kz/uploads/Sabala_sayazhajyna_gaz_osyldy2_44831ef74d.jpg" alt="Сабалақ саяжайына газ қосылды2.jpg">Сабалақ саяжайы қала шекарасына енгізіліп, инфрақұрылым жеткізуге мүмкіндік жасалды. Соңғы төрт жылда бұл аумаққа 6 млрд теңгеден астам қаржы бөлініп, 22 шақырым ауыз су магистралі тартылды. Су мұнарасы орнатылып, электр желісі жүргізілді, 20-ға жуық көшеге орташа жөндеу жасалды.Сонымен қатар, мемлекет және қоғам қайраткері Мұрат Бақтиярұлы бизнестің әлеуметтік жауапкершілігі аясында «Орда скул-2» жеке мектебін мемлекет меншігіне берді.<img src="https://knadmin.beoblood.kz/uploads/Sabala_sayazhajyna_gaz_osyldy3_6921e9c4ff.jpg" alt="Сабалақ саяжайына газ қосылды3.jpg">Сабалаққа 3,2 млрд теңгеге газ тартылып, 1 694 үйге көгілдір отын қосылады. Алдағы уақытта басқа да саяжайларға кезең-кезеңімен инфрақұрылым жүргізіледі.Фото: Қызылорда облысы әкімінің баспасөз қызметі

Сабалақ саяжайына газ қосылды

<a href="https://kyzylorda-news.kz/">Kyzylorda-news.kz</a> Қазақстан президенті Қасым-Жомарт Тоқаев UAE SWAT Challenge-2026 халықаралық жарысының жеңімпаздарын марапаттады, деп хабарлайды <a href="https://kaz.nur.kz/politics/kazakhstan/2344219-toqaev-dubaidagy-zharysta-zhengiske-zhetken-arnaiy-zhasaq-qyzmetkerlerin-marapattady/">KAZ.NUR.KZ </a>Ақордаға сілтеме жасап.️Ақордада UAE SWAT Challenge-2026 халықаралық жарысынан жүлделі оралған командаларды салтанатты түрде марапаттау рәсімі өтті.️Президент Қасым-Жомарт Тоқаев жеңімпаздарды шын жүректен құттықтап, олар нағыз қазақ жауынгері рухының қандай болатынын әлем жұртшылығына паш еткенін, Қазақстанның беделін биікке көтергенін атап өтті.<blockquote>"Намысты қолдан бермей, байрақты бәсекеде топ жардыңыздар! Соның арқасында көк Туымыз желбіреді. Еліміздің мерейі үстем болды. Халқымыз сіздерді мақтан тұтады. Әлемнің 48 елінен 100-ден астам команда жиналған Дубайдағы дүбірлі дода – халықаралық маңызы бар оқиға. Бұл аса тартысты жарыс деп айтсақ, қате болмайды. Себебі барлық команда бес күн бойы өте күрделі мақсаттарға қол жеткізу үшін көптеген тосқауылды еңсеруі қажет болды. Бірақ біздің жауынгерлер барын салды, әскери міндеттерді мінсіз орындап, ақыры ең жоғары деңгейдегі шеберліктерін көрсетті. Мұндай жарысқа әр мемлекет өзінің ең мықты сарбаздарын жібереді. Соған қарамастан, ел үмітін ақтап, үздіктердің үздігі атану оңай емес екені анық. Бұл кездейсоқ жетістік емес. Әр жетістік – зор ерік-жігер мен қажырлы еңбектің жемісі. Әр жеңіс – мықты кәсіби дайындық пен асқан шеберліктің айқын көрінісі. Өздеріңіз білесіздер, былтыр осы беделді жарыста Қазақстан құрамасы екі күміс жүлдені еншіледі. Биыл да сол жеңіс жолын жалғастырып, зор сенім артқан ұлттық командамыз абыроймен оралды. "Қазақстан С" командасы теңдесі жоқ, яғни абсолютті чемпион атанды. Бұл – тамаша жетістік, бұл жеңіс осы турнирдің тарихында қалады. Жылдар зымырап өтеді, бірақ сіздердің балаларыңыз, осы қуанышты күндердің куәсі болған, сіздерді қолдаған, сіздерді мақтан тұтқан барлық адам бұл жеңісті әрдайым ерекше сезіммен еске алып, айтып отырады. Ал "Қазақстан А" командасы екінші орынға ие болды. Бұл да өте жақсы, бәрімізді қуантқан керемет нәтиже", – деді Қасым-Жомарт Тоқаев.</blockquote>Президент "Томирис" қыздар құрамасының жетістігіне айрықша тоқталды.<blockquote>"Сұлу қыздарымыз өте жоғары деңгейде өнер көрсетті, шеберлікпен алға шығып, әйелдер арасында топ жарды. Қазақстанның намысын қорғаған бес құраманың бәрі де үздік 20 команданың тізіміне кірді. Бұл нағыз жасампаз отаншылдық деп күмәнсіз айтуға болады. Төрткүл дүние ұл-қыздарымыздың мықтылығына куә болды. Сондықтан тағы да атап өткім келеді, сіздер көрсеткен мықты тактикалық дайындық, айрықша күш-жігер мен тамаша топтық жұмыстың арқасында әлем жұртшылығы қазақтың батыл, қайсар және өр рухты ұлт екеніне көз жеткізді. Баршаңызға шынайы ризашылығымды білдіремін. Барлық бапкер мен жаттықтырушыға және әскери басшыларға, басқа да мамандарға зор алғыс айтамын", – деді президент.</blockquote>️Мемлекет басшысы арнайы жасақ қызметкерлері мен әскерилер әрдайым тәртіп пен мінсіз кәсібиліктің үлгісін көрсетіп, мемлекет мүддесін қорғау үшін батыл әрекетке дайын болуы қажет екенін айтты.<blockquote>"Қазіргі күрделі әрі тұрақсыз геосаяси ахуал ел қауіпсіздігін қамтамасыз етудің тың тәсілдерін әзірлеуді талап етеді. Сондықтан мемлекет әскери-күштік құрылымдарды кешенді түрде жаңғыртуға, технологиялық тұрғыдан жан-жақты жарақтандыруға баса мән береді. Сіздердің жарыстағы табыстарыңыз – еліміздің күштік құрылымдарын жүйелі дамытудың, әскер қатарындағы жоғары моральдық рух пен физикалық даярлықтың нәтижесі. Сіздер Отанға қалтқысыз қызмет етіп, антқа адал болсаңыздар, Қазақстанның қорғаныс қабілеті нығая түсетініне сенімдімін", – деді Қасым-Жомарт Тоқаев.</blockquote>Мемлекет басшысы қазір еліміз ауқымды өзгерістердің шешуші кезеңіне қадам басқанына назар аударып, 15 наурызда азаматтарымыз жалпыхалықтық референдумда Конституцияға қатысты өз таңдауын жасайтынын еске салды.Мемлекет басшысының Жарлығымен UAE SWAT Challenge-2026 халықаралық жарысынан жеңіспен оралған бір топ офицер мен әскери қызметкер Бауыржан Момышұлы атындағы ІІ дәрежелі "Айбын" орденімен, "Жауынгерлік ерлігі үшін" медалімен және Қазақстан Республикасы президентінің алғысымен марапатталды.Марапаттау рәсімінде UAE SWAT Challenge-2026 турнирінің қатысушылары Нұрсұлтан Сапаров, Дарина Билденова, Максим Бухметов және Наталья Местоева сөз сөйледі.Қасым-Жомарт Тоқаев UAE SWAT Challenge-2026 халықаралық жарысының жеңімпаздарымен суретке түсті.Фото: Ақорда

Тоқаев Дубайдағы жарыста жеңіске жеткен арнайы жасақ қызметкерлерін марапаттады

<a href="https://kyzylorda-news.kz/">Kyzylorda-news.kz</a> Аумақтық коалиция мүшелері &nbsp;"AMANAT" партиясының белсенді мүшелерімен кездесті. Онда жаңа Конституция жобасының негізгі бағыттары кеңінен түсіндіріліп, реформаның қоғам дамуындағы ықпалы талқыланды.Кездесуге аумақтық коалиция жетекшісі Ержан Әжікенов, коалиция мүшелері Мұса Келдібаев, Жұмабек Ембергенов, Ақтөре Ибрагимұлы қатысты.&nbsp;Келелі кездесудің негізгі мақсаты – жаңа Конституция жобасының мазмұнын таныстырып, ұсынылған өзгерістердің бағыт-бағдарын және маңызын түсіндіру.Коалицияның мүшелері сөз алып, Конституциялық реформаның мазмұнына жеке-жеке тоқталды. Олар билік тармақтарының тепе-теңдігін күшейту, жергілікті өзін-өзі басқаруды дамыту, азаматтардың мемлекет ісіне қатысу мүмкіндігін кеңейту секілді бастамалардың маңызын түсіндірді. Коалиция мүшесі Жұмабек Ембергенов Конституциялық реформалардың негізгі басымдықтарына тоқталды.<blockquote>– Жаңа Конституция жобасында әрбір азаматқа жақын Әділетті Қазақстан, Заң мен Тәртіп, Адал азамат, Таза Қазақстан сынды қастерлі құндылықтар айқындалды. Оның негізгі ұстанымы анық әрі түсінікті: адам мемлекет үшін емес, мемлекет адам үшін. Конституция ұлттық мәдениетті сақтауға және тарихи-мәдени мұраны кеңінен насихаттауға тікелей кепілдік береді, – деді коалиция мүшесі Жұмабек Әшімұлы.&nbsp;</blockquote>Партия белсенділері алдағы референдумның мәні мен маңызын терең түсінетінін, &nbsp;жаңа Конституцияны қолдауға және Қуатты, Әділетті әрі Прогрессивті Қазақстанның жарқын болашағына үлес қосуға дайын екенін &nbsp;айтты.<img src="https://knadmin.beoblood.kz/uploads/Partiya_belsendilerine_t_sindirme_zh_mystaryn_zh_rgizdi_2_4380d4e952.jpg" alt="Партия белсенділеріне түсіндірме жұмыстарын жүргізді 2.jpg">

Партия белсенділеріне жаңа Конституция жобасының мазмұнын түсіндірді

<a href="https://kyzylorda-news.kz/">Kyzylorda-news.kz</a> Қызылорда қаласында конституциялық реформа мәселелеріне арналған түсіндірме жұмыстары өтті.&nbsp;Іс-шараға Гуманитарлық-педагогикалық институтының Археология және этнология білім беру бағдарламасы мен Тарих білім беру бағдарламасы бойынша білім алушы АЭ-25-1, Т-25-1 оқу топтары қатысты. Кездесуге аталған бағыттардың студенттері белсенді түрде атсалысты.Түсіндірме жұмысын аға оқытушы, АТТ мүшесі Сыдыкова Жайна Темірбекқызы жүргізді. Ол өз сөзінде конституциялық реформалардың мәні мен маңызына тоқталып, ел дамуы үшін жүргізіліп жатқан саяси жаңғыру үдерістерінің негізгі бағыттарын түсіндірді. Сонымен қатар, реформалардың қоғам өміріне, заңнамалық жүйеге және азаматтардың құқықтық мәдениетіне әсері кеңінен талқыланды.Іс-шара Қызылорда облыстық Қазақстан халқы Ассамблеясы жанындағы Ақпараттық түсіндіру тобының ұйымдастыруымен өткізілді. Жиын барысында студенттер өздерін толғандырған сұрақтарын қойып, пікір алмасты.

Конституциялық реформаға қатысты түсіндірме жұмыстары жүргізілді

<a href="https://kyzylorda-news.kz/">Kyzylorda-news.kz</a> Қазақстанда оқушылардың мектепте телефон пайдалануына толық тыйым салынбақ. Бұл туралы <a href="https://stan.kz/kazakstanda-mektep-okushilarinin-uzilis-kezinde-telefon-430340/">Stan.kz</a> ақпарат агенттігі хабарлайды.&nbsp;Тиісті түзету ұстаз мәртебесі мен білім беру мәселелеріне қатысты заң жобасында қарастырылған. Мәжіліс депутаттары бастамашы болған құжатқа сәйкес, білім беру саласындағы уәкілетті орган орта білім беру ұйымдарында білім алушылар мен тәрбиеленушілердің телефон пайдалану тәртібін әзірлеп, бекітетін болады.Сондай-ақ "Білім туралы" заңға мектеп оқушыларына смартфон пайдалануға толық тыйым салуды көздейтін өзгеріс енгізу жоспарланған. Депутаттар 47-бапты мынадай тәртіппен өзгертуді ұсынды:<blockquote>"Орта білім беру ұйымдарында оқу процесі барысында білім алушылар мен тәрбиеленушілердің ұялы байланыс абоненттік құрылғыларын пайдалануына жол берілмейді. Бұл норма білім беру саласындағы уәкілетті орган бекіткен орта білім беру ұйымдарында білім алушылар мен тәрбиеленушілердің ұялы байланыс абоненттік құрылғыларын пайдалану қағидаларында көзделген жағдайларды қоспағанда қолданылады", – делінген құжатта.</blockquote>Қазір бұл бап былай жазылған:<blockquote>"Орта білім беру ұйымдарында оқу процесі барысында білім алушылар мен тәрбиеленушілердің ұялы байланыс абоненттік құрылғыларын пайдалануына жол берілмейді, тек қысқамерзімді оқу жоспарларында оқу мақсатында көзделген жағдайларды қоспағанда", – делінген заңда.&nbsp;</blockquote>Депутаттардың айтуынша, телефондарды тек сабақ кезінде ғана емес, үзіліс кезінде де пайдалануға тыйым салу кибербуллинг пен деструктивті контентке қатысты қауіп-қатерді азайтуға, сондай-ақ мектептердегі тәртіп пен қауіпсіздікті нығайтуға мүмкіндік береді.Фото GettyImages

Мектеп оқушыларына үзілісте де телефон пайдалануына тыйым салынбақ

<a href="https://kyzylorda-news.kz/">Kyzylorda-news.kz</a> Арал ауданында «Әділетті және Прогрессивті Қазақстан Халықтық Конституциясы үшін!» аумақтық коалициясының бастамасымен жастармен ауқымды кездесу ұйымдастырылды.&nbsp;Онда жаңа Конституция жобасының негізгі бағыттары кеңінен түсіндіріліп, реформаның қоғам дамуындағы ықпалы талқыланды.Кездесуге аумақтық коалиция жетекшісі Базарбай Төрахметов, коалиция мүшелері Алдаберген Жоланов, Талғат Қанатов, Лаура Ибраимова мен Берік Сұлтаниязов қатысты.&nbsp;Жиынға ауданның белсенді жастары, студенттер, жас мамандар мен еріктілер жиналып, өзара пікір алмасу алаңы қалыптасты.&nbsp;Коалиция жетекшісі өз сөзінде Конституция – мемлекеттің басты құжаты екенін атап өтіп, ұсынылып отырған өзгерістер ел болашағына тікелей әсер ететінін айтты. Оның айтуынша, жаңа жоба қоғамдағы әділеттілік қағидаттарын нығайтуға, азаматтардың құқықтары мен бостандықтарын қорғау тетіктерін жетілдіруге және мемлекеттік басқару жүйесінің ашықтығын арттыруға бағытталған.&nbsp;Коалиция мүшелері де сөз алып, Конституциялық реформаның мазмұнына жеке-жеке тоқталды. Олар билік тармақтарының тепе-теңдігін күшейту, жергілікті өзін-өзі басқаруды дамыту, азаматтардың мемлекет ісіне қатысу мүмкіндігін кеңейту секілді бастамалардың маңызын түсіндірді. Сонымен қатар жастар саясатына қатысты нормалар жөнінде айтылды.&nbsp;Кездесу барысында жаңа Конституция жобасында адамның құқықтары мен қадір-қасиеті ең жоғары құндылық ретінде қарастырылатыны, әлеуметтік әділеттілік пен заң үстемдігі қағидаттарының нақты бекітілетіні, Мемлекет пен қоғам арасындағы өзара жауапкершілік күшейіп, азаматтардың бастамаларына қолдау көрсету тетіктері арта түсетіні де айтылды.&nbsp;Жиын соңында ел болашағына қатысты маңызды шешімдерге қатысу әр азаматтың жауапкершілігі екені атап өтілді

Жастарға жаңа конституция жобасындағы нормалар түсіндірілді

<a href="https://kyzylorda-news.kz/">Kyzylorda-news.kz</a> Бүгін республикалық және өңірлік коалиция өкілдері Мархабат Жайымбетов, Мақсұт Нәлібаев, Нұридин Әмитов, Гүлшат Мұсаева, Әлібек Жаппасбаев және Арайлым Байжігітова қалалық аурухананың ұжымымен кездесіп, Қазақстан Республикасының жаңа Конституция жобасының мазмұны мен маңызын жан-жақты түсіндірді.Ақ халатты абзал жандар ел өміріндегі маңызды саяси науқандарға әрдайым белсенді қатысып келеді. Сондықтан да медицина саласы қызметкерлерімен өткізілген бұл кездесу – қоғамның маңызды бөлігінің пікірін ескеру тұрғысынан ерекше мәнге ие.Жаңа Конституция жобасы – мемлекеттің құқықтық және саяси жүйесін заман талабына сай жетілдіруге бағытталған ауқымды құжат. Ол билік тармақтарының өзара тепе-теңдігін нақтылауды, азаматтардың құқықтары мен бостандықтарын қорғау тетіктерін күшейтуді және мемлекеттік басқару құрылымын тиімді етуді көздейді. Конституциялық өзгерістердің басты мақсаты – «Күшті Президент – ықпалды Парламент – есеп беретін Үкімет» қағидатын институционалдық тұрғыдан бекіту.Басқосуда республикалық коалиция мүшесі, мәжіліс депутаты Мархабат Жайымбетов жобаға сәйкес, адам және оның өмірі, құқықтары мен бостандықтары мемлекеттің ең жоғары құндылығы ретінде айқындалады. Азаматтардың заң алдындағы теңдігі, сот төрелігінің тәуелсіздігі және құқық қорғау жүйесінің ашықтығы – жаңа редакциядағы негізгі басымдықтардың бірі. Сонымен қатар, Конституциялық Сот институтының енгізілуі азаматтардың өз құқықтарын тікелей қорғау мүмкіндігін кеңейтеді. Бұл – құқық үстемдігін қамтамасыз етудегі нақты қадам екенін атап өтті.Сондай-ақ, Парламенттің рөлі күшейтіліп, заң шығару үдерісіндегі жауапкершілігінің артуы, Мәжіліс депутаттарының бір бөлігі бірмандаттық округтер арқылы сайлануы халық пен сайланған өкіл арасындағы тікелей байланысты нығайтатындығы жайлы айтты. «Бұл демократиялық институттардың ашықтығын арттырып, қоғамдық бақылауды күшейтуге мүмкіндік береді», – деді ол.Өңірлік коалиция мүшесі Мақсұт Нәлібаев әлеуметтік бағыттағы нормалар да жаңа жобада кеңінен көрініс тапқанын атап өтті.<blockquote>«Ата заң жобасында халықтың тұрмысына қажетті жер және оның қойнауы, су көздері, өсімдіктер мен жануарлар дүниесі халыққа тиесілі екені нақты айқындалған. Сонымен бірге, мемлекет азаматтардың денсаулығын сақтауға, сапалы білім алуға және әлеуметтік қамсыздандыруға кепілдік беретін нормалар нақтыланады. Яғни, «адам мемлекет үшін емес, мемлекет адам үшін» деген қағидат жаңа Конституция жобасында берік орныққан», – деді ол.</blockquote>Жаңа Конституция жобасынан әрбір азамат өзін толғандырған сұрақтарға жауап таба алады. Оның негізінде «адам мемлекет үшін емес, мемлекет адам үшін» деген қағидат берік орнықты.Коалиция өкілдері жаңа Конституция жобасының әрбір нормасы қоғамның сұранысы мен ұсынысы негізінде әзірленгенін айтты. Облыстық мәслихат депутаты Гүлшат Мұсаева Жалпыұлттық талқылау барысында азаматтардан мыңдаған ұсыныс түсіп, олардың ескерілуі, реформаның ашықтық және жариялылық қағидаттарына сүйенгенін дәлелдейді,- деді.Әлібек Жаппасбаев Конституция жобасында алғаш рет адами капитал – білім, ғылым және инновация стратегиялық басымдық деңгейінде бекітілгенін атап өтті.Қалалық аурухана ұжымымен болған жүздесу өзара пікір алмасу форматында өтті. Медицина қызметкерлері конституциялық өзгерістердің әлеуметтік салаға ықпалы, денсаулық сақтау жүйесінің құқықтық негіздері жөнінде сұрақтар қойып, нақты жауаптар алды. Мұндай кездесулер азаматтардың саяси сауаттылығын арттырып қана қоймай, ел болашағына бейжай қарамайтын белсенді азаматтық ұстанымды қалыптастыруға ықпал етеді.

Жаңа Конституция жобасы – қоғамдық келісім мен құқықтық жаңғыру негізі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Даму» кәсіпкерлікті қолдау қоры» АҚ басқарма төрағасы Фархат Сарсекеевпен кездесті. Кездесуде мемлекеттік қолдау шаралары арқылы инвестициялық жобаларды жүзеге асыру мәселесі талқыланды.<blockquote>«Биыл Мемлекет басшысының тапсырмасына сәйкес, микро және шағын бизнес үшін «Іскер аймақ» бағдарламасы жүзеге асырылуда. Бағдарлама аясында қолдау көрсетілетін экономиканың басым секторларына қоса, әкімдік өз тарапынан өңір үшін негізгі салалардың тізбесін әзірлеп, Ұлттық экономика министрлігіне ұсынды. Аймағымызда өңірлік бағдарламаның жүзеге асырылуы жолға қойылған. Әсіресе ауылдық жерлердегі микро және шағын бизнесті қолдау бағытында «Қызылорда» өңірлік инвестициялық орталығы тиімді жұмыс жасауда. Соңғы он жылдан астам уақытта бұл орталық бизнестің 2 900-ға жуық жобасын 16 млрд 481 млн теңгеге қаржыландырды, 3 мыңнан аса жұмыс орны құрылды. Орталыққа бюджет қаржысымен қатар, «Даму» қоры «Аграрлық несиелік корпорациясы» арқылы 6 млрд &nbsp;300 млн теңге қаржы тартылды. Осы оң тәжірибені одан әрі жалғастырып, бағдарламаны «Қызылорда» өңірлік инвестициялық орталығы арқылы жүзеге асыруды жалғастырамыз», – деді Н.Нәлібаев.</blockquote>Айта кетейік, аймақта кәсіпкерліктің даму қарқыны жоғары. Қазіргі таңда оның экономикадағы үлесі 20,5 пайыз, кәсіпкерліктің тұрақты дамуына мемлекеттік қолдаудың жүйелі шаралары оң ықпал етті. Былтыр жеке кәсіпкерліктің 2 929 жобасына 61 млрд 100 млн теңге көлемінде қаржылай қолдау көрсетілді. Оның ішінде жалпы несие портфелі 16 млрд 100 млн теңге болатын 210 жобаға субсидия беріліп, 214 жобаға кепілдік ұсынылды. Сонымен қатар, қаржы институттары арқылы өңдеу өнеркәсібін дамытуға бағытталған «Өрлеу» бағдарламасы аясында 51 жоба 10 млрд 428 млн теңгеге қаржыландырылды.Аталған қолдау шаралары өңірдің инвестициялық әлеуетін арттырып, жаңа жобаларды іске асыруға мүмкіндік берді. Биыл жеке кәсіпкерлікті қаржылай қолдауға бюджеттен 13 млрд 300 млн теңге қарастырылды. Оның ішінде банк несиелерін субсидиялау мен кепілдендіруге жергілікті бюджеттен 2 млрд 300 млн теңге бөлінді.

Инвестициялық жобаларды жүзеге асыру мәселесі талқыланды

<a href="https://kyzylorda-news.kz/">Kyzylorda-news.kz</a> &nbsp;2026 жылдың 15 наурызында Республикалық референдум өтеді.Референдумға қатысу құқығына 18 жасқа толған Республика азаматтары ие болады. Референдум ерікті қатысу, еркін ерік білдіру, сондай-ақ азаматтардың жалпыға бірдей, тең, тікелей және жасырын дауыс беру қағидаттарына сай өтеді. Референдумда&nbsp;«Жобасы бұқаралық ақпарат құралдарында 2026 жылғы 12 ақпанда жарияланған Қазақстан Республикасының жаңа Конституциясын қабылдайсыз ба?»деген сауал қойылды.Әрқайсымыздың дауысымыз маңызды!

Қазақстан және Қызылорда облысының жаңалықтары: Қоғам