<a href="https://kyzylorda-news.kz/">Kyzylorda-news.kz</a> Бүгін «AMANAT» партиясының облыстық филиалының төрағасы Алмасбек Есмаханов «Қарызсыз қоғам» партиялық жобасының аймақтық жұмысшы топ өкілдерімен кездесіп, аймақта жүзеге асу барысын пысықтап, жоба аясын кеңейту, келер жылға жүрігізілетін жұмыс жоспарды пысықтады.&nbsp;Биыл облыс бойынша «AMANAT» партиясының «Қарызсыз қоғам» жобасы аясында 11 мың азаматты қаржылық сауаттылық бағытында оқыту жоспарланса, бүгінге олардың 90 пайызы, яғни 9 861 азамат оқу курстарынан өтті.&nbsp;Мұнан бөлек аталған жоба аясында 3 мыңнан астам азаматқа сарапшылар мен заңгер тарапынан жеке консультациялар өткізіліп, оларды жұмысқа орналастыру бойынша&nbsp;<a href="https://l.facebook.com/l.php?u=http%3A%2F%2Fenbek.kz%2F%3Ffbclid%3DIwZXh0bgNhZW0CMTAAAR1Jkx-USxMNHKmFwcXF6GWx-2vzdvqdKLLc8ASs9Wa3r7guA38QD0R5B78_aem_o3fSXrhNK6VUF5wXngyamg&amp;h=AT0bGDrtSB3KLX29PaFJ3TQHLnfilYD_-clGfMw_a4Z4HGNT-diL2TkThPC6MzhpJCETy-qZIX7y3UvnUEt7AKPq23hnFbD3ln3SxG1dELhTOPdnFdYPszudUvNkWD9vjLOC&amp;__tn__=-UK-R&amp;c%5b0%5d=AT1P-jwiOnloMQVOApV7k6jd9BPe9UNym1YsO4tJvaNkLKMAuTFizYa7SVRjRDbSClJjmoGYoMx9EnL3xELcdnTH62qWU4ieTEq2CcQcKppP7jHdFUeMDCUVJOdqyywbFSNbtpRsl1eFbPbDDiu_dJXvxl8fhHJTCm2a7lLGqY_NuZscKBkb93uRCO4E1oynfOgEF-KrW613tHA6BN_nmzKGQXViXpVmGDGyEnoXgZuVwkIrRq9Qia6G_w">enbek.kz</a> порталына тіркеуден бастап олардың банктермен борыштық сұрақтарын реттеу, жеке кәсіп ашу, бизнес жоспарлар даярлау, депозиттер ашу, отбасылық бюджетті құрау және «Стоп кредит» қызметін пайдалану түсіндірілді.&nbsp;Отырыс барысында «Қарызсыз қоғам» жобасының Қызылорда облысы бойынша менеджері, сертификатталған тренер, ментор – Наталья Мишукова жоба аясында алдағы жылы жасалатын жұмыс жоспарларымен бөлісті.Айта кетейік, азаматтарға консультациялық көмек көрсету үшін барлық өңірде «Қарызсыз қоғам» жобалық кеңселері құрылды. Мұнда арнайы мамандар қарызға белшеден батып, үмітін үзгендерге нақты қолдау көрсетіліп, қолда бар қаражатқа өмір сүруге, қажетсіз несиеден бас тартуға үйретіп жатыр.&nbsp;<img src="https://knadmin.beoblood.kz/uploads/467703122_985023273663309_5051365162768081774_n_264221dbc7.jpg" alt="467703122_985023273663309_5051365162768081774_n.jpg">

 «Қарызсыз қоғам» жобасы бойынша жұмыс тобының отырысы өтті

<a href="https://kyzylorda-news.kz/">Kyzylorda-news.kz</a> Еңбек және халықты әлеуметтік қорғау министрлігі қазақстандықтар 2025 жылдың 1-4 қаңтары аралығында демалатынын мәлімдеді. Бұл туралы <a href="https://stan.kz/kazakstanda-zhana-zhildagi-demalis-kunderi-auistirildi-409982/">Stan.kz </a>ақпарат агенттігі хабарлайды.Министрлік 2025 жылдың қаңтар айындағы демалыс күндерін ауыстыруды қарастыратын бұйрық жобасын әзірледі. Жұма, 3 қаңтардағы жұмыс күні 5 қаңтарға ауыстырылды.<blockquote>"Қазақстандықтар 2025 жылдың 1-4 қаңтар аралығында демалады. Ал 5-6&nbsp;қаңтар – жұмыс күні. Сейсенбі,&nbsp;7 қаңтар – демалыс. Әрі қарай әдеттегі кесте бойынша жұмыс істейміз. Бұл демалыс күндерін ауыстыру жұмыс уақытын тиімді бөлуге және демалыс үшін қолайлы жағдай жасауға мүмкіндік береді", – деп хабарлады Еңбек министрлігі.&nbsp;</blockquote>Фото:&nbsp;pixabay.com

Қазақстанда Жаңа жылдағы демалыс күндері ауыстырылды

<a href="https://kyzylorda-news.kz/">Kyzylorda-news.kz</a> Бүгінде үш кезең шеңберінде Жалпыға бірдей декларациялау жүйесімен 4 млн астам адам, оның ішінде мемлекеттік қызметшілер, квазимемлекеттік сектор басшылары, бизнес өкілдері мен олардың жұбайлары қамтылды. Бұл шамамен 4,8 млн адамды құрайды, деп хабарлайды&nbsp;<a href="https://egemen.kz/">Egemen.kz</a>&nbsp;Қаржы министрлігінің Мемлекеттік кірістер комитетіне сілтеме жасап.Халыққа ыңғайлы болу үшін салық төлеушінің кабинеті арқылы декларацияларды тапсыру бойынша электронды сервистер жолға қойылған. Айталық, бүгінде (cabinet.salyk.kz), «Электронды үкіметтің» веб-порталы (egov.kz), e-Salyq Azamat (салық әмияны), eGov mobile, Halyk, «Банк Центр кредит» және «Kaspi» мобильді қосымшалары&nbsp; көпшілікке қолжетімді.Азаматтардың қалған санаттары бойынша декларацияларды ұсыну бойынша міндеттемелер 2025 жылы жалғасады. Атап айтқанда, 4 кезеңде зейнеткерлер, үй шаруасындағы азаматшалар, студенттер және т.б. қамтылуға тиіс. Бұл шамамен – 8 млн адам құрайды.Мемлекет басшысының Жалпыға бірдей декларациялау тәсілдерін қайта қарау туралы тапсырмасын іске асыру үшін елімізден тыс активтері бар адамдарды қоспағанда, азаматтардың осы санатын активтері мен міндеттемелері туралы декларацияларды ұсынудан босату ұсынылып отыр.<blockquote>«Бұған мемлекеттік органдардың деректер базасын цифрландыру, қолма-қол ақшасыз төлемдердің жоғары үлесі (86%), автоматтандырылған салықтық бақылау, халықаралық келісімдер шеңберінде қаржылық шоттар бойынша деректер алмасу, сондай-ақ цифрлы қызметтердің кең қолжетімділігі ықпал етіп отыр. Қаржы министрлігі шетелде активтері бар тұлғаларға, сайлауға түсуге құқығы бар азаматтарға, мемлекеттік лауазымға орналасуға және оларға теңестірілген кандидаттар үшін, сондай-ақ банктердің, бағалы қағаздар нарығының, сақтандыру ұйымдарының ірі қатысушылары болғысы келетіндер үшін активтер мен міндеттемелер туралы декларацияны (250.00 СЕН) ұсыну жөніндегі міндетті сақтауды ұсынып отыр», делінген хабарламада.</blockquote>Сондай-ақ азаматтарға активтер мен міндеттемелер туралы декларацияны өз еркімен ұсыну құқығы берілетінін атап өткен жөн.Бұл ретте мемлекеттік қызметшілерге, квазимемлекеттік және жеке компаниялардың басшыларына, құрылтайшыларға (оның ішінде 25% астам және одан да көп акция иеленушілерге), олардың жұбайларына, сондай-ақ Қазақстан Республикасынан тыс жерлерде активтері бар және (немесе) дербес салық салынатын табыс алған адамдарға кірістері мен мүлкі туралы жыл сайынғы декларацияны (270.00 СЕН) тапсыру жөніндегі міндет сақталады.Қосымша құны 20 000 АЕК (74 млн теңге) асатын ірі сатыпалым жасаған тұлғалар үшін осындай міндетті белгілеу ұсынылды.Фото: Қаржы министрлігінің Мемлекеттік кірістер комитеті

Жеке тұлғаларды активтер мен міндеттемелер туралы декларацияны тапсырудан босату ұсынылды

<a href="https://kyzylorda-news.kz/">Kyzylorda-news.kz</a> Ерекше&nbsp;мемлекеттік&nbsp;тіркеу&nbsp;нөмірлерін&nbsp;қалай&nbsp;тегін&nbsp;алуға&nbsp;болатындығы&nbsp;туралы айтатын боламыз.Қазақстандықтардың&nbsp;көпшілігі&nbsp;өз&nbsp;көліктерін&nbsp;әдемі&nbsp;нөмірлік&nbsp;белгілермен&nbsp;ерекшеленгісі&nbsp;келеді. Дегенмен, әдемі&nbsp;нөмірлік&nbsp;белгілерVIP санатына&nbsp;жатпауы&nbsp;мүмкін. Бүгін&nbsp;біз&nbsp;сізге VIP нөмірдің&nbsp;жай "әдемі" нөмірден&nbsp;қалай&nbsp;ерекшеленетінін&nbsp;және оны қалай&nbsp;сатып&nbsp;алуға болатыңдығын&nbsp;айтамыз.VIP немесе&nbsp;жоғары&nbsp;сұранысқа&nbsp;ие&nbsp;нөмірлер&nbsp;әдеттегіден&nbsp;әріптер мен сандық&nbsp;комбинациялардың&nbsp;арнайы&nbsp;жиынтығы&nbsp;мен&nbsp;және&nbsp;бағасымен&nbsp;ерекшеленеді. 010, 020, 030, 040, 050, 060, 070, 077, 080, 090, 707 VIP нөмірлер&nbsp;құны 57 АЕК (210 330 теңге) құрайды. Ең&nbsp;қымбат VIP нөмірлер - 001, 002, 003, 004, 005, 006, 007, 008, 009, 777 бірдей&nbsp;әріптік&nbsp;белгілермен 285 АЕК немесе 1 051 650 тұрады.Нормативтік-құқықтық&nbsp;актілерде&nbsp;белгіленген&nbsp;талаптарға&nbsp;сәйкес&nbsp;жоғары&nbsp;сұранысқа&nbsp;жатпайтын МТНБ автоматтандырылған&nbsp;ақпараттық&nbsp;жүйеде&nbsp;айқындалған&nbsp;кезектілік&nbsp;тәртібімен&nbsp;беріледі.Дегенмен, нөмірлерді&nbsp;еркін&nbsp;таңдау&nbsp;мүмкіндігі&nbsp;әлі де бар. Автокөлікті&nbsp;тіркеу&nbsp;кезінде мамандандырылған ХҚКО сізге&nbsp;таңдауға&nbsp;болатын бос нөмірлердің&nbsp;тізімін&nbsp;ұсынады. Еңбастысы&nbsp;ХҚКО-ға&nbsp;ертерек бару, өйткені&nbsp;тізім&nbsp;тәулік&nbsp;сайын&nbsp;жаңартылып&nbsp;отырады.

Ерекше мемлекеттік тіркеу нөмірлерін қалай тегін алуға болады?

<a href="https://kyzylorda-news.kz/">Kyzylorda-news.kz</a>&nbsp;Үкімет соңғы жылдары халықтың әл-ауқатын, білімі мен денсаулық жағдайын жақсартуға бағытталған мақсатты бағдарламаларды қабылдап, жүзеге асырып келеді. Соның маңызды бір саласы – ауызсу мәселесі. Ибн Синаның «Ауру көбінесе ішкен астан пайда болады, соның ішінде әсіресе ауызсудан болады» деп ескерткеніндей, халық үшін сапалы ауызсуға қолжетімділіктің маңызы зор.&nbsp;Ел Президенті ҚасымЖомарт Кемелұлы Тоқаев: «Ауызсу мәселесін толық шешу – ең бірінші міндетіміз. Бұл бағыттағы жобалар сапалы, жұмыстар тиянақты болуы тиіс. Жол карталары мен жоспарлар нақтыланып, елді мекендерді 100 пайыз ауызсумен қамту жұмысы жүйелі жүргізілуі керек» деген болатын. Расында, «Дені сау ұлт», «Жаңа Қазақстан» құру жолындағы жүйелі жұмыстың жеміс беруі тікелей ауызсуға байланысты. Өйткені ауыз судың ауылы алыстап тұрған шалғайдағы елді мекендерді жоққа шығара алмаймыз. Бір жұтым тұщы су үшін әбігерге түскен халыққа сандық жүйенің сиқырын айтып, «Цифрлы Қазақстан» құрамыз деу де әбестік болар. Бастысы, шиеліліктер Президент пәрменіне басымдық беріп, бұл мәселенің толық шешім табуына талпынып келеді. Елдегі ахуалды егжей-тегжейлі тарқатпай-ақ, аудандағы атқарылып жатқан жұмыстарды тізбектеп көрелік. 2024 жылдың 9 айын түйіндеп, 10-шы айдың соңына таядық. Аудан әкімінің тоғыз айлық есебіне сүйенсек аудан халқының 99,9 пайызы, яғни 39 елді мекеннің 95 пайызы ауызсумен қамтылған. Ауызсуды сарыла күткен Қызылқайың, Қосүйеңкі елді мекендерінде бұл мәселе шешімін тауыпты, яғни ауызсу жүйесінің құрылысына 447 млн теңге қаржы бөлініп, пайдалануға берілген. Сондай-ақ Жуантөбе елді мекеніне су тұшытқыш (блок-модуль) орнатуға қажетті 17 млн теңге бөлініп, олда іске қосылған. Демек, енді алға бір қадам жасап, әлеуметтік бағдарламалардың әлеуетін пайдалансақ, аудан халқы 100 пайыз ауызсумен қамтылмақ. Ендігі меже Ақтам, Лесхоз елді мекенінде. Қос ауылға су тұшытқыш орнатуға аудандық бюджеттен 40 млн теңге қаржы қаралып, мемлекеттік сатып алу жұмыстары жүргізілу үстінде. Сонымен қатар Бұланбай бауы, Тұрсынбай датқа елді мекеніне ауызсу ұңғымасы, су мұнарасы, су қоймасы және ішкі желілерін жаңалау үшін құрылыс жұмыстарына 897 млн теңгеге ЖСҚ әзірленіп, Құрылыс және тұрғын үйкоммуналдық шаруашылық істері комитетіне бюджеттік өтінім ұсынылған. Алдағы уақытта қаржы қаралса, бұл түйткілдің де түйіні тарқатылмақ. Дәл сол секілді 1-Мамыр, Жаназар батыр және Майлытоғай елді мекендеріндегі ауызсу ұңғымасы, су мұнарасы, су қоймасы және ішкі желілерін жаңалау үшін құрылыс жұмыстарына 28,5 млн теңгеге жобасметалық құжаттама әзірленіп, сараптама қарауына ұсынылғанын да айта кетейік. Міне, осындай көлемдегі ірі қаржыны мемлекет тек бір ғана – халықты сапалы ауызсумен қамту мәселесіне арнамақ. Халық денсаулығы жолында мұндай мол шығын жұмсау – екі елдің бірінің қолынан келмесі де ақиқат. Бастысы, бөлінген қаржы бүлінбей, халық толық сапалы ауызсуға қол жеткізсе болғаны. Сонда бұқараның тұрмыс сапасы артып, әлеуметтік-экономикалық ахуал да алға жылжи түспек.&nbsp;Гүлнәр ДҮЙСЕБАЙ

Шиеліде ауызсудан тапшылық жоқ

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаевтың қатысуымен «Қыс-2024» республикалық штабтық оқу-жаттығуы өтті. Жаттығудың республикалық штабы Көкшетау қаласында орналасқан.Оқу-жаттығу осы жылдың 21-22 қарашасы аралығында азаматтық қорғау мемлекеттік жүйесінің және халықтың қысқы кезеңде төтенше жағдайларды жоюға дайындығын, қабілетін арттыру, азаматтық қорғау қызметтері мен құрылымдарының төтенше жағдайға ден қою әзірлігін тексеру мақсатында өткізіледі.Командалық-штабтық жаттығулар, авариялық құтқару қызметтерінің және азаматтық қорғау құрылымдарының практикалық іс-қимылдары пысықталады. Саптық қарауға азаматтық қорғау, авариялық-құтқару құтқару қызметтерінен 49 техника, 119 қызметкер қатысады. Оқу-жаттығу барысында электр сиреналары іске қосылып, құлақтандыру жүйесіне техникалық тексеру жүргізіледі.<img src="https://knadmin.beoblood.kz/uploads/respublikaly_shtabty_o_u_zhatty_uy_bastaldy_1_d8e52e7dff.jpg" alt="республикалық штабтық оқу-жаттығуы басталды 1.jpg"><img src="https://knadmin.beoblood.kz/uploads/respublikaly_shtabty_o_u_zhatty_uy_bastaldy_2_3fb7b6f2b0.jpg" alt="республикалық штабтық оқу-жаттығуы басталды 2.jpg"><img src="https://knadmin.beoblood.kz/uploads/respublikaly_shtabty_o_u_zhatty_uy_bastaldy_3_cb2c788901.jpg" alt="республикалық штабтық оқу-жаттығуы басталды 3.jpg">Фото: Қызылорда облысы әкімінің баспасөз қызметі

«Қыс-2024» республикалық штабтық оқу-жаттығуы басталды

<a href="https://kyzylorda-news.kz/">Kyzylorda-news.kz</a> Бүгін тамыры терең, тарихы кенен, береке тұнған Сыр еліне Қытай Халық Республикасынан арнайы туристер мен туризм саласына қызығушылық білдіріп жүрген бірқатар әлеуметтік желі белсенділері келді. Олар ең алдымен Қызылорда қаласындағы тарихи-мәдени орындар мен көрікті жерлерді, сондай-ақ жаңадан ашылған бірқатар нысандарды аралады. Атап айтқанда, Сыр өңірінің символы саналатын Қорқыт ата ескерткіші, “Сыр ана” монументі, қазақы тәрбие мен отбасы құндылығын насихаттауға арналған “Анаға тағзым” орталығы, облыстық тарихи-өлкетану мұражайымен етене танысып, Сыр өңірінің тарихынан сыр шертетін құнды мағлұматтарға қанық болды.&nbsp;Тарихи-мәдени нысандарды аралау барысында облыстық дене шынықтыру, спорт және туризм басқармасы басшысының міндетін атқарушы Жұлдызхан Ерқосаев БАҚ өкілдеріне өңірдегі туризм саласының әлеуетін айтып, арнайы сұхбат берді.&nbsp;<blockquote>— Биыл Қазақстанның Қытайдағы туризм жылы болып жарияланып, наурыз айында Пекин қаласында туризм жылының ашылу салтанаты өткен болатын. Аталған шарада жергілікті туристік операторлар мен тұрғындардың біздің өңірдегі «Байқоңыр» ғарыш айлағына ерекше қызығушылық танытатынын байқадық. &nbsp;Осы ретте, басқарма тарапынан «Қазақтуризм» АҚ бірлесіп, қытайлық, отандық туроператорларымен жүргізілген келіссөздер арқылы «Байқоңыр» ғарыш айлағы аумағына ыңғайлы туристік бағыттар таңдалды. Осыған сәйкес 20-22 қараша аралығында өңірімізде ғарыштық туризм бағытындағы тақырыптық апта өтуде. Апталық барысында қытайлық туристерге Сыр өңірінің тарихынан сыр шертетін тарихи-мәдени орындар, аймақ басшысының қолдауымен ашылған жаңа нысандар, сондай-ақ “Байқоңыр” ғарыш айлағы таныстырылатын болады. Жалпы облыстағы туризм саласының даму көрсеткіші жылдан-жылға оң динамикамен артып келеді. Нақтырақ айтсақ, ІІ тоқсанының қорытындысымен өңірге келген туристердің жалпы саны 12,2 пайызға өсіп, 67 мыңға жуықтады, - деді Жұлдызхан Байназарұлы.&nbsp;</blockquote>Айта кетейік, 20-22 қараша аралығында өтетін ақпараттық тур барысында Қармақшы ауданындағы Қорқыт ата мемориалдық кешені, Байқоңыр қаласының туристік нысандары және зымыранның ұшырылуын тамашалау жоспарлануда. Ал, 22 қараша күні Арал қаласында гастро-тур ұйымдастырылатын болады.<img src="https://knadmin.beoblood.kz/uploads/sport_86c0a641b8.jpg" alt="спорт.jpg">

Сыр еліне қытайлық туристер келді 

<a href="https://kyzylorda-news.kz/">Kyzylorda-news.kz</a> 21 қарашада бүкіл ел бойынша дабыл қосылады.&nbsp;Бұл туралы&nbsp;<a href="https://stan.kz/">Stan.kz&nbsp;</a>ақпарат агенттігі хабарлайды.Ертең, 21 қарашада сағат 11:00-де Қазақстан бойынша дабыл жүйесі іске қосылады.&nbsp;Төтенше жағдайлар министрлігі қызметтердің қыстағы төтенше жағдайларға дайындығын тексеру бойынша жоспарлы оқу-жаттығулар өткізеді.Айта кетейік, бұған дейін 17 қазанда&nbsp;қалада жедел құлақтандыру жүйесі тексерілетіні хабарланған&nbsp;еді.&nbsp;Онда алғаш рет iOS операциялық жүйесін пайдаланушыларға хабарлама жіберілетіні айтылған. Сынақ хабарламалары «Президенттік ескерту» немесе «Ұлттық ескерту» белгісімен келетіні жазылған.&nbsp;iPhone қолданушыларына хабарламаларды алу үшін құрылғыларын iOS 18 нұсқасына «Баптаулар – Негізгі – Бағдарламалық жасақтаманы жаңарту» батырмасын басып, жаңалау керек делінген.&nbsp;Фото: Pexels.com

21 қарашада Қазақстан бойынша дабыл жүйесі қосылады

<a href="https://kyzylorda-news.kz/">Kyzylorda-news.kz</a> Үкімет уақыт белдеуінің қазақстандықтарға әсерін зерттеуге 100 млн теңгеден астам қаржы жұмсамақшы. Бұл туралы Мәжіліс кулуарында Ғылым және жоғары білім министрі Саясат Нұрбек мәлім етті – деп хабарлайды&nbsp;<a href="https://massaget.kz/">Massaget.kz</a>&nbsp;тілшісі.Министрдің мәліметінше, бүгінгі таңда&nbsp; 160 миллион теңгеге өтінім түскен, бірақ қаражат қысқаруы мүмкін.<blockquote>«Өтінім үш жылдық бюджетке – 160 миллион теңгеге берілген, бірақ шын мәнінде бұл сома азаяды. Меніңше, шамамен жартысына қысқарады, яғни 90-100 миллион теңге көлемінде болады», – деді Нұрбек.</blockquote>Оның айтуынша, жуырда ғана Жоғары ғылыми-техникалық комиссияның отырысы өткен, енді жақында конкурс жарияланады. Осыдан кейін Ұлттық ғылыми кеңес зерттеудің нақты құнын анықтайды.<blockquote>«Уақыт белдеуінің әсерін зерттеу алгоритмін нақты білмеймін, өйткені әзірге бұл тек өтінім. Конкурс өткеннен кейін қалай жүргізілетінін көреміз. Зерттеуге физиология институты, біздің география институтымыз қатысады», – деп нақтылады министр.</blockquote>Зерттеудің қалай жүргізілетіні туралы сұраққа жауап бере отырып, ол оның «сауалнама әдісімен емес» жүргізілетінін айтты. Министрдің сөзінше, үкімет Қазақстанда бірыңғай уақыт белдеуін сақтап қалу туралы шешім қабылдағанына қарамастан, бұл зерттеуге жұмсалатын қаражат босқа кетпейді: «Қоғамдық сұраныс болды, сондықтан біз жауап беруге мәжбүрміз. Денсаулық сақтау министрлігі толық қолдау білдірді, ал біз грант бөлетін ұйым ретінде бұл жобаны қолдадық» деді Саясат Нұрбек.Айта кетейік, 19 қараша күні Үкімет&nbsp; бірыңғай уақыт белдеуі туралы мәлімдеме жасады. Бектенов аталған шешімді ғылыми&nbsp;тұрғыдан дұрыс деп санайтындарын жеткізді.&nbsp;&nbsp;2024 жылғы 1 наурызда Қазақстан бірыңғай уақыт белдеуіне көшті.&nbsp;Бірақ тұрғындардың басым көпшілігі бірыңғай уақыт белдеуі кері әсер етіп жатқанын айтып,&nbsp;<a href="https://massaget.kz/news/uakyit-beldeun-auyistyiruga-karsyi-petitsiya-densaulyik-113129/">петиция</a>&nbsp;жинады.&nbsp;Фото: Коллаж: primeminister.kz, depositphotos.com

Уақыт белдеуінің әсерін зерттеуге 100 млн теңге бөлінеді

<a href="https://kyzylorda-news.kz/">Kyzylorda-news.kz</a> Қазақстан елшілігі қазақстандықтарға Украинадан кетуге кеңес берді. Бұл туралы <a href="https://stan.kz/">Stan.kz</a> ақпарат агенттігі хабарлайды.Украинадағы соғысқа байланысты елшілік ескерту жасады.<blockquote>«Украинада артиллериялық атқылау мен әуе шабуылдарының жиілігінің артуына байланысты қауіпсіздік мақсатында Қазақстанның Украинадағы елшілігі Қазақстан азаматтарына белсенді ұрыс қимылдары жүргізіліп жатқан жерлерден немесе Украинадан кету мүмкіндігін қарастыруды ұсынады», – деп хабарлады елшілік.</blockquote>Елшілік барлық азаматтарды әуе шабуылы туралы ескертуді елеп, өздерінің қауіпсіздік шараларын сақтауға және ресми органдардың ұсыныстарын орындауға шақырады.Украинадан Қазақстанға бару үшін Қазақстан Республикасының азаматтары Польша немесе Молдова арқылы ұша алады, одан әрі коммерциялық әуе қатынасын қолданады.Польша арқылы кеткен жағдайда Қазақстан азаматтарында Шенген визасы болуы керек. Ал Молдоваға кіру үшін виза қажет емес.Фото: Pixabay.com

Елшілік қазақстандықтарды Украинадан кетуге кеңес берді

<a href="https://kyzylorda-news.kz/">Kyzylorda-news.kz</a> Қызылорда облысында экологиялық ағарту шаралары қарқынды жүруде. Арал теңізінің құрғаған түбіне 4 жылда 600 мың гектардан астам жерге сексеуіл отырғызылды. Биыл 211 мың га, 2025 жылы қалған 280 мың га аумаққа ормандандыру жұмыстары жүргізіледі.<blockquote>«Арал теңізінің құрғаған ұлтанындағы ормандандыру жұмыстарына халықаралық ұйымдар мен ірі шетелдік компаниялар да кеңінен тартылуда», - деді өңір басшысы Нұрлыбек Нәлібаев көшпелі ОКҚ баспасөз конференциясында.</blockquote>Орман шаруашылығы мекемелерінің материалдық-техникалық базасын нығайту үшін соңғы 3 жылда облыстық бюджеттен 1 млрд. 800 млн. теңге қаржы бөлініп, 96 арнайы техника, 49 қажетті құрал-жабдық сатып алынды.<blockquote>«Арал теңізінің құрғаған ұлтанындағы ормандандыру жұмыстарына Еуропа елдерінен грант тарту үшін Сыртқы істер министрлігінің келісімімен Еуроодаққа мүше мемлекеттер елшілерін өңірге арнайы шақырдық.&nbsp;Мамыр айында Сыртқы істер министрінің орынбасары Роман Юрьевич Василенко бастаған 20 елші келді. Арал өңіріндегі жұмыстармен танысып, қолдау көрсету жөнінде алдын-ала келісім жасалды. Нәтижесінде, Арал өңірінің экожүйесін жақсарту бағытында нидерландық «DGB Group» және қытайлық «BGI Group» компанияларымен бірлескен жұмыстар жүргізілуде.Арал теңізінің құрғаған ұлтанына сексеуіл егу жоспарға сай атқарылып, белгіленген мерзімде аяқталатын болады. Жұмыстар тұрақты бақылауымда» – деді Н.Нәлібаев.</blockquote>Арал өңіріндегі ормандандыру жұмыстарына отандық компаниялармен қатар, шетелдік ұйымдар да кеңінен тартылуда. Мәселен, америкалық «USAID» Халықаралық даму агенттігі «Аралды құтқару қоры» арқылы құрғаған ұлтандағы сексеуіл екпелерін суаруға алғаш рет ұңғымалар қазып, 500 гектар аумаққа «Оазис» демонстрациялық алаңын құрды. Осындай жобаны жүзеге асыруда отандық «Freedom Finance» холдингі басшылығымен де келісімге қол жеткізілді.

Арал теңізінің құрғаған түбін ормандандыру жұмыстары жалғасуда 

<a href="https://kyzylorda-news.kz/ru">Kyzylorda-news.kz</a> Бұл туралы Орталық коммуникациялар қызметінің брифингінде Қызылорда облысының әкімі Нұрлыбек Нәлібаев хабарлады.<blockquote>«Мемлекет басшысы мен Үкіметтің қолдауының арқасында осы жылдың 9 айында құрылыс жұмыстары көлемінің көрсеткіші 173 млрд. 830 млн. теңгеге жетіп, өткен жылдың осы кезеңімен салыстырғанда 143,6 пайызға өсім қалыптасты Жалпы, соңғы 2 жылда Қызылорда облысында құрылыс жұмыстары қарқынды жүргізілуде», деді – аймақ басшысы.</blockquote>«Тұрғын үй-коммуналдық инфрақұрылымды дамытудың 2023-2029 жылдарға арналған тұжырымдамасы» аясында қаржыландырудың барлық көзінен 864 мың шаршы метр тұрғын үйді пайдалануға беру жоспарланған. Биыл бюджеттен тұрғын үй құрылысына және жеке салушылардан дайын пәтерлер сатып алуға 39,1 млрд теңге қаралып, жыл қорытындысымен 2,5 мыңнан аса пәтер пайдалануға беріледі.Ұлттық жоба аясында 1 мың 154 пәтерлік 21 тұрғын үйдің құрылысы жүргізілуде. Әлеуметтік жағынан осал топтар үшін 1 мың 819 пәтер, апатты үйлер орнына 135 пәтер сатып алу жоспарланған. Бүгінде аталған топтарға 780 пәтер сатып алынды. Соңғы екі жылда 4 мыңға жуық пәтер табысталып, 17 мың тұрғынның баспана мәселесі шешілді.Тұрғын үй құрылысының көлемі 126 пайызға өсті, 2022 жылы 683 мың шаршы метрден 2023 жылы 741 мың шаршы метрге жетсе, жыл соңына дейін 864 мың шаршы метрге ұлғайту жоспарланған.Құрылыс саласында биыл 189 жобаны жүзеге асыруға 134,8 млрд. тг. бөлінді. Оның ішінде, 36 білім беру, 22 денсаулық сақтау, 13 мәдениет, 14 спорт, 1 қоғамдық тәртіп, 1 жұмылдыру дайындығы, 3 мемлекеттік орган ғимараты, 1 154 пәтерлік 21 тұрғын үй құрылысы, инженерлік-коммуникациялық инфрақұрылым тарту бойынша 85 жоба бар.Жыл басынан бері Қызылорда қаласында «Өнер орталығы», «Қан орталығы», «Үстел теннисі орталығы», «Оқушылар сарайы» және сол жағалаудағы 900 орындық «Жайлы мектеп» пайдалануға берілді. Жаңа стадион, «Инновациялық- шығармашылық орталық», музыкалық колледж ғимараты құрылысы басталды. Барлық ауданда музей, кітапхана, архив, неке қию залы, ардагерлер және аналар, жастар орталықтары, азаматтық қоғам өкілдері мен тарихи-мәдени, рухани ұйымдарды біріктіретін типтік үлгідегі «Руханият орталықтары», 9 дәрігерлік амбулатория және 2 фельдшерлік-акушерлік пункт, Жаңақорған ауданының Төменарық ауылында, Арал ауданының Сексеуіл кентінде аурухана, Жаңақорған кентінде «Оқушылар үйі» және 3 жайлы мектеп пайдалануға беріледі.Сонымен қатар, биыл демеушілер есебінен 17 нысанның жоба-сметалық құжаттамасы әзірленді.<img src="https://knadmin.beoblood.kz/uploads/Syr_irinde_rylys_zh_mystary_ar_yndy_zh_rgizilude_1_b9ff86b2e2.jpg" alt="Сыр өңірінде құрылыс жұмыстары қарқынды жүргізілуде 1.jpg">

Қазақстан және Қызылорда облысының жаңалықтары: Қоғам