<a href="https://kyzylorda-news.kz/">Kyzylorda-news.kz</a> Қазақстанның Қаржы нарығын реттеу және дамыту агенттігі алаяқтық несие рәсімдеу жағдайларына қатысты түсіндірме беріп, мұндай қарыздарды банктердің өз есебінен жабу тәртібін түсіндірді, деп хабарлайды <a href="https://baq.kz/bankter-zhalgan-nesielerdi-qalay-zhabady-tolyq-mehanizm-tusindirildi-200026058/">BAQ.KZ </a>тілшісі.Агенттіктің редакциямыздың ресми сауалына берген жауабына сәйкес, азаматтарды алаяқтықтан қорғау және артық қарыз жүктемесінің алдын алу мақсатында 2025 жылғы қыркүйектен бастап бірқатар жаңа талап күшіне енеді.Клиенттің ниетін растауға арналған жаңа талаптар2025 жылғы қыркүйектен бастап азаматтардың артық қарыз алуын және алаяқтық әрекеттерді болдырмау үшін қаржылық операцияларда клиенттің ниетін растаудың мынадай қосымша талаптары енгізіледі:1) Банкке немесе МҚҰ-ға (микро қаржы ұйымы) міндетті түрде жеке бару150 АЕК-тен (589 800 теңге) асатын сомада кепілсіз банктік кредитті немесе 75 АЕК-тен (294 900 теңге) жоғары микрокредитті бірінші рет рәсімдеу кезінде клиент міндетті түрде банк бөлімшесіне немесе микроқаржы ұйымына өзі баруы тиіс.Бұл – бөгде адамдардың қарыз рәсімдеуіне және “виртуалды сәйкестік” жасауына жол бермеу үшін қажет.2) Жас ерекшелігіне байланысты қосымша растау21 жасқа толмаған және 55 жастан асқан азаматтар үшін қарыз шартына келісімді растау талап етіледі. Келісім:<ul><li style="text-align:justify;">кредитордың бөлімшесінде жеке барғанда,</li><li style="text-align:justify;">EGOV порталында,</li><li style="text-align:justify;">кредиттік бюро арқылы немесе электрондық үкіметпен біріктірілген кредитор жүйелері арқылы берілген жағдайда</li><li style="text-align:justify;">ресімделген деп есептеледі.</li></ul>3) Онлайн-қарыздарда “шешім қабылдау кезеңі”Онлайн рәсімделетін қарыздар үшін міндетті күту мерзімі енгізілді:<ul><li style="text-align:justify;">банктік қарыздарда 150-255 АЕК (589 800-1 002 660 теңге) аралығында –8 сағаттан кейін аударылады;</li><li style="text-align:justify;">255 АЕК-тен (1 002 660 теңге) жоғары сомада – 24 сағаттан кейін;</li><li style="text-align:justify;">75 АЕК-тен (589 800 теңге) асатын онлайн микрокредиттер – 24 сағат күту.</li></ul>Бұл талап бірнеше қарызды қатар рәсімдеу жағдайларында да қолданылады. Шара азаматтарды қысыммен немесе ойланбай несие алудан қорғауға бағытталған.Агенттік алаяқтармен қалай күресіп жатыр?Агенттік алаяқтықпен күрес аясында бірнеше шара қабылдады:1. Банктер мен МҚҰ-ларда антифрод-жүйелер енгізілдіҚаржы ұйымдары күмәнді әрекеттерді анықтап, тоқтатуға міндетті.2. Электрондық қызметтерде клиентті растау талаптары күшейтілдіИнтернет арқылы ақша жіберу кезінде клиент белгілі бір шектен артық сома аударса, биометрия және бір реттік код арқылы қосымша сәйкестендіру міндеттелді.3. Алаяқтық несиелерді есептен шығарудың құқықтық негіздері кеңейтілдіБанктер мен МҚҰ келесі талаптарды бұзған жағдайда несиелер соттан тыс немесе сот арқылы есептен шығарылады. Алаяқтық несиелер мынадай жағдайларда жойылады:Есептен шығаруға тиіс бұзушылықтар:<ul><li style="text-align:justify;">жаңа қарыз алушының бөлімшеге жеке бармауы;</li><li style="text-align:justify;">1 жасқа толмаған немесе 55 жастан асқан азаматтарға олардың келісімінсіз несие беру;</li><li style="text-align:justify;">“шешім қабылдау кезеңін” бұзу.</li></ul>Сот арқылы есептен шығарылатын жағдайлар:<ul><li style="text-align:justify;">клиенттің сәйкестендіру құралдарын үшінші тұлғаның заңсыз алып қолдануы;</li><li style="text-align:justify;">қашықтан басқару бағдарламалары арқылы несие рәсімдеу;</li><li style="text-align:justify;">кредитордың биометриялық сәйкестендіру тәртібін бұзуы;</li><li style="text-align:justify;">ішкі және сыртқы алаяқтықты анықтау талаптарын орындамау.</li></ul>4. Ұлттық Банктің Антифрод-орталығының өкілеттіктері кеңейтілдіОрталық:<ul><li style="text-align:justify;">ұялы байланыс абоненттері туралы деректермен жедел алмасады,</li><li style="text-align:justify;">күмәнді төлемдер мен нөмірлерді бұғаттау шараларын қолданады.</li></ul>Сонымен бірге телефон алаяқтығына қарсы қосымша шектеулер енгізілді:<ul><li style="text-align:justify;">биометриялық сәйкестендірусіз SIM-карта тіркеуге тыйым салынды;</li><li style="text-align:justify;">бір адамға 10 нөмірден көп тіркеуге рұқсат жоқ;</li><li style="text-align:justify;">байланыс операторларында алаяқ қоңырауларды автоматты бұғаттайтын антифрод жүйесі міндеттелді.</li></ul>Алаяқтық несие дәлелденсе, банк төлейдіҚабылданған шаралардың бәрі азаматтарды алаяқтықтан қорғауға, қажетсіз кредит рәсімдеу тәуекелін азайтуға және қаржы ұйымдарының жауапкершілігін күшейтуге бағытталған.&nbsp;Егер несие алаяқтық жолмен рәсімделгені дәлелденсе немесе қаржы ұйымы белгіленген талаптарды бұзса, банктер мен микроқаржы ұйымдары мұндай қарызды өз қаражаты есебінен есептен шығарады.

Банктер жалған несиелерді қалай жабады?

<a href="https://kyzylorda-news.kz/">Kyzylorda-news.kz</a> 2025 жылғы 24 қараша мен 5 желтоқсан аралығында Қазақстанда Экономикалық ынтымақтастық және даму ұйымы (ЭЫДҰ) жүргізетін мектептерге арналған халықаралық PISA-2025 зерттеуі өтуде. Бұл туралы Білім беру саласында сапаны қамтамасыз ету комитеті мәлім етті, деп хабарлайды <a href="https://baq.kz/qazaqstanda-mektepterge-arnalgan-pisa-2025-zertteui-bastaldy-200026059/">BAQ.KZ.</a>Зерттеуге еліміз бойынша 1 мыңға жуық мектептен 15 жастағы 40 мыңнан астам оқушы қатысады. Бағалау оқу, математика және жаратылыстану бағыттары бойынша функционалдық сауаттылықты анықтауға бағытталған.Комитет төрағасы Серік Әшіровтың айтуынша, мектептерге арналған PISA жыл сайын өткізіледі және дәстүрлі PISA-дан айырмашылығы – әрбір білім беру ұйымы үшін сыртқы бағалау нәтижелері жеке есеп түрінде ұсынылады.<blockquote>Бұл мектеп басшылығына оқу орнының күшті және әлсіз жақтарын анықтап, білім беру процесін жетілдіруге нақты шаралар қабылдауға мүмкіндік береді, - деді Әшіров.</blockquote>Зерттеуді Қазақстанда үйлестіру А.Байтұрсынұлы атындағы ұлттық зерттеулер және білімді бағалау орталығына жүктелген. 2021-2024 жылдары бұл бағдарламаға елдің 3 мыңнан астам білім беру ұйымы қатысқан.Фото: Нұрболат Нұржаубай

Қазақстанда мектептерге арналған PISA-2025 зерттеуі басталды

<a href="https://kyzylorda-news.kz/">Kyzylorda-news.kz</a> Қазақстан Республикасы &nbsp;Бас прокуратурасы &nbsp;құқықтық &nbsp;статистика және арнайы &nbsp;есепке &nbsp;алу жөніндегі &nbsp;комитетінің қылмыстық &nbsp;қауіп-қатердің және қоғамдық қауіпсіздік тәуекелдерін болжау орталығы iPhone иелеріне қатысты интернет-алаяқтықтың қаупі туралы ескертеді.Шетелдік дереккөздердің ақпаратына &nbsp;сәйкес &nbsp;зиянкестер адамдарға Apple атынан &nbsp;жалған табылған iPhone-ның &nbsp;моделі, түсі &nbsp;және жадының &nbsp;көлемі &nbsp;көрсетілген жалған SMS немесе iMessage-ті, фишингтік &nbsp;сілтемені қоса жалғай отырып, жолдайды, осылайша хабарламаның жалған еместігі туралы әсер туындайды.Бекітілген сілтеме бойынша өту арқылы, пайдаланушы Apple Find My сервисіне визуалды ұқсас жалған парақшаға түседі, ол Apple ID логині мен паролін алаяқтарға жолдайды.Бұл &nbsp;зиянкестерге &nbsp;iPhone-ның &nbsp;қосылуын &nbsp;құлыптауды, құрылғыға және жеке ақпаратқа қол жеткізуге мүмкіндігін береді.&nbsp;Қауіп-қатердің көрсетілген түрі белсенді түрде таралуын ескере отырып, қатаң түрде келесі іс-шараларды ұстануды ұсынамыз:<ul><li style="text-align:justify;">күмән тудыратын сілтемелер бойынша өтпеуді;</li><li style="text-align:justify;">жоғалған &nbsp;құрылғының &nbsp;құлыптау &nbsp;экранында &nbsp;байланыс &nbsp;ақпаратын көрсету үшін бөлек электрондық поштаның мекенжайын пайдалануды;</li><li style="text-align:justify;">SIM-картаға қол жеткізуді қиындату үшін оны PIN-кодпен қорғауды;</li><li style="text-align:justify;">құрылғыны тек icloud.com/find. арқылы тексеруді.</li></ul>Сақ болыңыздар, киберқауіпсіздік талаптарын сақтаңыздар.Фото: Canva.com

Алаяқтықтың жаңа түрі пайда болды

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев Геннадий Головкинді World Boxing халықаралық федерациясының президенті болып сайлануымен құттықтады. Бұл туралы <a href="https://stan.kz/gennadiy-golovkin-world-boxing-halikaralik-federaciyasi-426611/">Stan.kz</a> ақпарат агенттігі хабарлайды.Қазақстанның даңқты боксшысы Геннадий Головкин Римде өтіп жатқан World Boxing басшысын сайлау барысында жеңіске жетіп, &nbsp;ұйымның президенті болып бекітілді.Сайлауда GGG жалғыз кандидат болды. Конгреске қатысқан мүшелер оны бірауыздан қолдап, дауыс беру нәтижесінде жоғары лауазымға тағайындады.Осылайша, Геннадий Головкин халықаралық спорт федерациясын басқаратын тұңғыш қазақстандық ретінде тарихқа енді.Сайлаудан кейін Мемлекет басшы Қасым-Жомарт Тоқаев Головкинді халықаралық ұйым президенті болып сайлануымен құттықтап, оның бұл жетістігін спорттағы қажырлы еңбектің лайықты жемісі екенін атап өтті.<blockquote>“Бұл – Геннадий Головкиннің ерен еңбегіне берілген лайықты баға. Даңқты отандасымыз олимпиадалық спорт түрі бойынша халықаралық федерацияны басқаратын Қазақстанның алғашқы өкілі атанды” – делінген құттықтауда.</blockquote>Фото: facebook.com/gggboxing/

Геннадий Головкин World Boxing ұйымының президенті болып сайланды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов Қазалы ауданына арнайы жұмыс сапарымен келген Қызылорда облысы әкімі аппаратының Әдеп жөніндегі уәкілі Бағдат Әбдіқадыр мен ҚР Адам құқықтары жөніндегі уәкілдің Қызылорда облысы бойынша өкілі Берікбол Байхожаевпен кездесті.Кездесуде мемлекеттік қызметшілердің әдеп кодексін сақтау, құқықтық мәдениетті арттыру, азаматтардың құқықтары мен заңды мүдделерін қорғау бағытында жүргізіліп жатқан жұмыстар және бірқатар мәселелер бойынша пікір алмасты.&nbsp;Бағдат Әбдіқадыр мен Берікбол Байхожаев ауданда атқарылып жатқан жұмыстарға оң бағасын беріп, мемлекеттік қызметшілер арасында әдептілік қағидаларын сақтау, халықпен тиімді байланыс орнату бағытындағы алдағы уақытта жоспарға сәйкес бірқатар жұмыстардың атқарылатындығын жеткізді. Сондай-ақ, аудан әкімі мен &nbsp;аудан халқының игілігі жолындағы жұмыстарға сәттілік тіледі.&nbsp;Қазалы ауданына арнайы жұмыс сапарымен келген қонақтар аудандағы мемлекеттік қызметкерлерге арнап көшпелі семинарлар мен жеке қабылдаулар өткізді. Семинар барысында мемлекеттік қызметішілерге қызметтік этика, құқықтық сауаттылық, мемлекеттік қызметтегі тәртіп пен әдеп нормаларын сақтау жөнінде түсіндірме жұмыстары жүргізілді.

Бірқатар мәселелерді талқылады

Бүгін облыс әкімі Нұрлыбек Нәлібаевтың төрағалығымен осыған дейін берілген &nbsp;тапсырмалардың орындалуы талқыланған жиналыс өтті. Оған жауапты сала басшылары мен қала, аудан әкімдері қатысты.Аймақ басшысы атқарылған жұмыстарға, олардың нәтижесіне тоқталып, алдағы міндеттерді айқындады.&nbsp;<blockquote>“Әлеуметтік азық-түлік бағасын реттеуді, тазалық, абаттандыру жұмыстарын, газ тапшылығын болдырмауды жіті бақылауға алыңыздар. Қажет болса, нақты шаралар қабылдау қажет. Жауапкершілік бірінші басшылардан сұралады”,-деді Н.Нәлібаев.&nbsp;</blockquote>Басқосуда жауапты тұлғаларға жыл аяғында межеленген көрсеткіштерге қол жеткізу үшін атқарылатын жұмыстарға байланысты &nbsp;міндеттер жүктелді.

Тапсырмалардың орындалуы бақылауда 

Облыс әкімі Нұрлыбек Нәлібаев «Қазақстан Халық партиясының» төрағасы &nbsp;Ермұхамет Ертісбаевпен кездесті.Аймақ басшысы партия филиалымен бірлесіп атқарылған жұмыстар, алдағы жоспарларға тоқталды.<blockquote>“Мемлекет басшысы Қасым-Жомарт Кемелұлының ауқымды реформаларын іске асыруға барынша атсалысып, жергілікті тұрғындарды толғандырған өзекті мәселелерін тыңдап, шешімін табуға ұйытқы болып жүрген Өзіңіздің еңбегіңізді ерекше бағалаймын. Мемлекет басшысының ерекше қолдауы жаңа жетістіктерге жетелейді, еселенген жауапкершілік жүктейді. Бүгінде облыстың барлық деңгейдегі атқарушы органдары саяси партиялармен, оның ішінде «Қазақстан Халық партиясы» облыстық филиалымен тығыз жұмыс жасап, олардың бастамаларына әрдайым қолдау көрсетуде. Президентіміздің, Үкіметтің ерекше қолдауымен Сыр өңірінде соңғы жылдары байыпты бастамалар қолға алынып, ауқымды жобалар жүзеге асуда. Өңіріміздің барлық негізгі макроэкономикалық көрсеткіштерінің өсімі қамтамасыз етілді. Іссапарыңыз сәтті, жемісті болғай. Мемлекет мүддесі жолындағы ортақ еңбегіміз әрдайым нәтижелі болсын”,-деді Н.Нәлібаев.</blockquote>Ермұхамет Ертісбаев өңірдегі жақсы жетістіктерге жоғары баға беріп, елдің жарқын болашағы жолында бірлесіп жұмыс атқаруға дайын екенін айтты.Жұмыс сапары аясында партия төрағасы «Қазақстан Халық партиясының» форумына қатысып, қаланың көрікті жерлерін аралайды.Айта кетейік, аймақта 7 саяси партияның филиалы қызмет етеді. Саяси партиялардың облыстық филиалдарында 81 мыңнан астам адам тіркелген.<img src="https://knadmin.beoblood.kz/uploads/FB_IMG_1763925774678_c8e32b4b28.jpg" alt="FB_IMG_1763925774678.jpg">

Аймақ басшысы "Қазақстан халық партиясының" төрағасымен кездесті 

Партияның облыстық филиалының төрағасы Жандос Базартай аумақтық партия филиалдары атқарушы хатшыларымен бас қосып, жұмысты жетілдіру бағытында ұсыныс –пікірлерімен бөлісті.Жиында филиалдар қызметін бағалау, сайлауалды бағдарлама мен &nbsp;партиялық жобалардың орындалуы, қоғамдық қабылдауларға азаматтардан келіп түскен өтініштердің оң шешілу динамикасын арттыру, партиялық бақылау мен фракция жұмысын күшейту, жергілікті жерлердегі әлеуметтік мәселелерді мониторингтеу, ұйымішілік тәртіп пен жауапкершілікті арттыру, атқарылған жұмыстарды бұқаралық ақпарат құралдары мен әлеуметтік желілерде халыққа кеңінен насихаттау мәселелері жан –жақты талқыланып, ұсыныстар ортаға салынды. &nbsp;Төраға партия жұмысының ашықтығын қамтамасыз ету, халықпен күнделікті кері байланыс орнату және көтерілген мәселелердің дер кезінде шешілуін бақылауды басты міндеттердің бірі ретінде атап, көтерілген мәселелер бойынша сапалы &nbsp;жұмысты жетілдіру бағытында нақты тапсырмалар берді.

Партиялық жобалардың тиімділігін арттыру маңызды 

Қызылордада өткен республикалық ардагерлер кеңесінің көшпелі отырысына &nbsp; қатысушылар қайта жаңғыртылған Президент паркіне тал екті. “Таза Қазақстан” экологиялық бағдарламасы аясындағы іс-шараға эковолонтерлер, «Жастар Рухы» жастар қанатының белсенділері, Қорқыт Ата атындағы Қызылорда университетінің еріктілері, жастар ұйымдарының өкілдері, құқық қорғау &nbsp;органдарының, облыстық басқармалардың басшылары қатысты. Шара барысында 165 түп қайың, үйеңкі және туя көшеті отырғызылды.Аймақ басшысы Нұрлыбек Машбекұлы қонақтарды Президент саябағын қайта жаңғырту жұмыстарымен де таныстырды. Мұнда ауқымды абаттандыру жобалары &nbsp;қолға алынған. Бас мердігер Bi Global ЖШС осы аумаққа 3 аллея, 6 &nbsp;субұрқақ, 5 амфитеатр, 7 балалар ойын алаңын, 4 спорт және 4 workout, 7 демалыс аймағын, 4 фудкорт, теннис үстелдерін, &nbsp;50 метрлік айналмалы дөңгелек аттракцион, би алаңын, стритбол, вело және жүгіру жолақтарын, сахна, сарқырама каналдары мен олардың үстінен өтетін көпірлер, шахмат, баскетбол және футбол алаңдарын, арқан саябағы мен модульдік-санитарлық нысандар орналастырмақ.Саябақта жылдың төрт мезгілінде үздіксіз жұмыс істейтін 300 орындық заманауи балалар тынығу лагері мен Ботаникалық білім беру орталығы (қысқы бақ) бой көтеріп келеді. Бұл нысандардың бас мердігері Alem Qurylys AQ ЖШС &nbsp;спорт блогын, іс-шараларға арналған event-аймақ, тұрғын корпустар, қонақ үй үлгісіндегі шағын ғимараттар, дәстүрлі киіз үйлер, ашық бассейн, стадион, футбол алаңы және сахна салуды қарастырған.Еске салайық, «Таза Қазақстан» республикалық экологиялық бағдарламасы аясында өңірдің барлық елді мекенінде санитарлық тазарту, абаттандыру және көркейту-көгалдандыру жұмыстары жүргізілуде.Оған 484 мыңнан аса ерікті, қоғам қайраткерлері, бюджет саласы мен кәсіпорын қызметкерлері қатысып, 21 мың тоннадан астам қоқыс қалдықтары шығарылды. Елді мекендердегі 510 сквер мен парк, 256 тарихи-мәдени ескерткіш, 1019 әлеуметтік нысан, 3 733 өнеркәсіп және бизнес нысаны, 332 су объектісі, 44 394 &nbsp;көше бойы, 11 025 көпқабатты, 33 369 жер үй аулалары тазартылды. Оған 540-тан аса техника &nbsp;жұмылдырылды.Жыл басынан бері облыс аумағына 255 500 түп өңір климатына жерсінетін қарағаш, терек және Сыр талының көшеттері егілді.<img src="https://knadmin.beoblood.kz/uploads/FB_IMG_1763829132199_cb049012d7.jpg" alt="FB_IMG_1763829132199.jpg">

Ардагерлер тал егу рәсіміне қатысты 

<a href="https://kyzylorda-news.kz/">Kyzylorda-news.kz</a> Қызылордада өңір экономикасына тың серпін берген «Қызылорда-Нан» серіктестігінің нан өнімдері кешені ашылды. Аймақтың өңдеу өнеркәсібі саласына ауқымды инвестиция салған меценат Нейля Жүсіпова.Қызылордада алғаш рет 1957 жылы іске қосылған нан зауыты 1995 жылға дейін тұрғындарды сапалы өніммен қамтамасыз еткен болатын. Араға отыз жыл салып, бұл игі дәстүр жалғасын тауып, жаңа кешен жұмысын бастады.Жалпы 5,6 миллиард теңге қаржы жұмсалған бұл кешен – тек өндірістік ғана емес, әлеуметтік және ұлттық маңызға ие ірі нысан. Бүгінде мұнда 120 адам еңбек етуде, алдағы уақытта жұмыс орындарының саны 170-ке дейін көбейеді.Кешенге мемлекеттік қолдау ретінде 5 гектар жер телімі бөлініп, қажетті инфрақұрылыммен қамтамасыз етілді. Сонымен қатар, 1,2 миллиард теңге жеңілдетілген несие беріліп, оның пайыздық мөлшерлемесі субсидияланды. Бірінші кезеңде 3,1 миллиард теңгеге заманауи, толық автоматтандырылған жабдықтары бар төрт өндірістік цех іске қосылды. Алдағы жылы жобаның екінші кезеңінде 2,5 миллиард теңгеге ұн комбинатын салу жоспарланған.

Отыз жылдан кейін қайта жаңғырған нан зауыты

<a href="https://kyzylorda-news.kz/">Kyzylorda-news.kz</a> Облыстық «Ассамблея аруы – 2025» сұлулық байқауында 100 000 теңге көлеміндегі бас жүлдені Сырдария ауданының өкілі, славяне этносының белсендісі Лидия Мясцова жеңіп алды.Лидия – өнерлі, ибалы, ұлттық құндылықтарды терең қадірлейтін, қазақтың салт-дәстүрін жақсы білетін жас. Оның сахнадағы мәдениеттілігі мен өзіндік болмысы көрермен жүрегінен ерекше орын алды.Абайдың әндерін шынайы орындауымен танылған Лидия байқау барысында дауыс тазалығы мен орындаушылық шеберлігін жоғары деңгейде көрсетті. Қазақ классикасын үлкен сүйіспеншілікпен жеткізе білуі оның рухани дүниесінің байлығын айқын танытты.Лидия Мясцова – этнос жастары арасындағы тілге құрметтің, бірлікке адалдықтың, мәдениетке жанашырлықтың жарқын үлгісі.

“Ассамблея аруы – 2025” Бас жүлде иегері – Лидия Мясцова

<a href="https://kyzylorda-news.kz/">Kyzylorda-news.kz</a>&nbsp; 2025 жылғы 21 қарашада Қызылорда қаласында «Мемлекеттік тілдің мәртебесін арттырудың тиімді тәжірибелері» тақырыбында республикалық семинар-кеңес ұйымдастырылды. Шараға ҚР Ғылым және жоғары білім министрлігінің Тіл саясаты комитеті, тіл саясатын іске асыру мәселесіне жауапты өңірлік басқармалар, тілдерді оқыту орталықтары және ұлттық компания өкілдері, филолог-ғалымдар, қалалық, аудандық мәдениет және тілдерді дамыту бөлімдерінің басшылары мен тіл мамандары, тіл жанашырлары, «Халықаралық «Қазақ тілі» қоғамы» ҚБ облыстық, аудандық филиал төрағалары, бұқаралық ақпарат құралдары және облыстық, аумақтық мекемелердің мемлекеттік тілге жауапты қызметкерлері қатысты.Семинар екі бөлімнен тұрды: тәжірибелік және пленарлық.Тәжірибелік бөлімде қатысушылар «Анаға тағзым» ғимаратында жиналып, мемлекеттік тілдің қоғамдағы рөлін арттыруға бағытталған әртүрлі практикалық жобалармен танысты.Абай облысы әкімдігінің Мәдениет, тілдерді дамыту және архив ісі басқармасының өкілдері «DIGITAL ABAI» IT-хакатоны арқылы мемлекеттік тілді дамыту тәжірибесін таныстырды.Қостанай облысының «Тілдарын» орталығы «Ұлттық диктант» жобасын өткізудің үздік тәжірибесін ұсынды. Атырау облысы әкімдігінің өкілдері әкімшілік құқық бұзушылықтарды бірыңғай платформа арқылы басқару тәжірибесін бөлісті.Солтүстік Қазақстан облысының өкілдері ресми интернет-ресурстарға мониторинг жүргізу және мемлекеттік мекемелерге тексеру нәтижелері бойынша тәжірибелерін ортаға салды.Қатысушылар әр баяндамадан кейін сұрақ-жауап сессиясына қатысып, өз өңірлерінде қолдануға болатын әдіс-тәсілдерді талқылады.Семинар Қызылорда облысы әкімдігінің ғимаратында жалғасты. Пленарлық бөлімде қатысушылар мемлекеттік тіл саясатын іске асырудағы үздік тәжірибелер, бұқаралық ақпарат құралдарындағы тіл саясатының жүргізілуі, ғылым тілін қазақ тілінде дамыту мәселелері, жасанды интеллект пен цифрлық технологияларды қолдану арқылы тілдің қолданыс аясын кеңейту тақырыптарын талқылады.Атап айтқанда: • Қорқыт ата атындағы Қызылорда университетінің профессорлары мемлекеттік тілдегі ғылыми жұмыстар мен инновацияларды дамыту жолдарын көрсетті.«Тіл-Қазына» орталығы цифрлық технологиялар арқылы қазақ тілінің қолданылуын кеңейту тәжірибесін таныстырды.«Қазақстан темір жолы» ұлттық компаниясы мемлекеттік тілдің ұлттық құндылықтар арқылы мәртебесін арттыру жолдарын ұсынды.«Қазақстанның орыс қауымы» Қызылорда филиалы мемлекеттік тілді үйретудің тиімді әдістерін бөлісті.Шара соңында мемлекеттік тілдің дамуына сүбелі үлесін қосып жүрген еліміздің бір топ азаматтары ҚР Ғылым және жоғары білім министрлігінің «Ана тілін дамытуға қосқан үлесі үшін», «Ахмет Байтұрсынұлы» төсбелгілерімен, Құрмет грамоталарымен және Алғысхаттарымен марапатталды. ​Семинар мемлекеттік тілдің қоғамдағы орнын нығайтуға, оның қолданысын кеңейтуге бағытталған практикалық тәжірибелер мен инновациялық жобаларды бөлісуге арналған маңызды алаң болды.

Қазақстан және Қызылорда облысының жаңалықтары: Қоғам

Банктер жалған несиелерді қалай жабады?

Қазақстанда мектептерге арналған PISA-2025 зерттеуі басталды

Алаяқтықтың жаңа түрі пайда болды

Геннадий Головкин World Boxing ұйымының президенті болып сайланды

Бірқатар мәселелерді талқылады

Тапсырмалардың орындалуы бақылауда

Аймақ басшысы "Қазақстан халық партиясының" төрағасымен кездесті

Партиялық жобалардың тиімділігін арттыру маңызды

Ардагерлер тал егу рәсіміне қатысты

Отыз жылдан кейін қайта жаңғырған нан зауыты

“Ассамблея аруы – 2025” Бас жүлде иегері – Лидия Мясцова

Қызылордада «Мемлекеттік тілдің мәртебесін арттырудың тиімді тәжірибелері» тақырыбында республикалық семинар-кеңес өтті

Қазақстан және Қызылорда облысының жаңалықтары: Қоғам

Банктер жалған несиелерді қалай жабады?

Қазақстанда мектептерге арналған PISA-2025 зерттеуі басталды

Алаяқтықтың жаңа түрі пайда болды

Геннадий Головкин World Boxing ұйымының президенті болып сайланды

Бірқатар мәселелерді талқылады

Тапсырмалардың орындалуы бақылауда

Аймақ басшысы "Қазақстан халық партиясының" төрағасымен кездесті

Партиялық жобалардың тиімділігін арттыру маңызды

Ардагерлер тал егу рәсіміне қатысты

Отыз жылдан кейін қайта жаңғырған нан зауыты

“Ассамблея аруы – 2025” Бас жүлде иегері – Лидия Мясцова

Қызылордада ​«Мемлекеттік тілдің мәртебесін арттырудың тиімді тәжірибелері» тақырыбында республикалық семинар-кеңес өтті

Қызылордада «Мемлекеттік тілдің мәртебесін арттырудың тиімді тәжірибелері» тақырыбында республикалық семинар-кеңес өтті