<a href="https://kyzylorda-news.kz/">Kyzylorda-news.kz</a> Қайтарымын күтпей қайырымдылық жасау – ізгі іс. ҚАЖ департаментіне қарасты №68 мекемесі жомарттық жолынан жаңылмай, “Мектепке жол” республикалық қайырымдылық акциясына белсене қатысты.Баланың жүзі балбұл жайнап, білімнің қара шаңырағына қапаланбай барғаны құба-құп. Сондықтан, жыл сайын дәстүрлі үрдіске айналған акцияның маңызы зор. Яғни, аз қамтылған, көпбалалы немесе қиын жағдайдағы отбасының балаларын жаңа оқу жылына дайындауда қолдаумен қуаттап келеді . Бұл ретте, мекеменің жеке құраммен жұмыс жөніндегі аға инспекторы Динара Шахи бір отбасының екі баласына сөмке мен оқу құралдарын табыстады.&nbsp;<blockquote>– Биыл ұлым 2 сыныпқа, ал қызым 1 сыныпқа барады. Олардың қалауын орындап, қамдану керегі белгілі ғой. Мектепке дайындықтың қалтаға салмақ салатыны жасырын емес. Сол себепті, қажетті оқу құралдарымен қамтамасыз еткен мекеме ұжымына алғыс айтамын. Балаларым қуанып, көңілі көтеріліп қалды, - дейді жалғызбасты ана.&nbsp;</blockquote>Баланың қуанышынан артық бақыт жоқ. Кедергісіз білім алу – кемел келешегінің кірпішін қалауға негіз болмақ.

ҚАЖД қызметкерлері “Мектепке жол” қайырымдылық акциясына атсалысты

<a href="https://kyzylorda-news.kz/">Kyzylorda-news.kz</a> Партиялық бақылау комиссиясының мүшелері Қызылорда қаласының Арай шағын ауданындағы 1500 орындық «Жайлы мектеп» құрылысының жұмысымен танысты.Аталмыш мектеп «AMANAT» партиясының Сайлауалды бағдарламасы аясында салынуда. Нысанның бүгінгі жай-күйімен «АбуСер» ЖШС мердігер мекемесінің өкілдері таныстырып, жұмыстың уақтылы жүргізіліп жатқанын жеткізді.Құрылыс жұмыстарынан сыртқы беттері сендвич панельмен қапталып, шатыры жабылған. Ішкі инженерлік жүйе жұмыстары толықтай жүргізіліп, &nbsp;қабырғаларының әрлеу жұмыстарымен сыртқы электр жүйелері толығымен монтаждалған.Қазіргі таңға спорт залдың құрылысы 90% орындалған. 2-3 қабатындағы пәндік кабинеттер арнайы оқу жабдықтарымен қамтылған.Партиялық бақылау комиссиясының төрағасы Мейрамбек Есжанов мердігер мекеме өкілдерінен құрылыс жұмыстарының уақытылы әрі сапалы бітуін талап етті.<img src="https://knadmin.beoblood.kz/uploads/Amanat_fe5adda1fd.jpeg" alt="Аманат.jpeg">

Жайлы мектеп құрылысы партия бақылауында

<a href="https://kyzylorda-news.kz/">Kyzylorda-news.kz</a> Бүгін ҚР Парламенті Сенатының депутаты, «AMANAT» партиясының мүшесі Наурызбай Байқадамов Жаңақорған ауданында болды.Сенатор алдымен «Руханият» орталығында ауданның белсенді жастарымен бас қосып, ұсыныс-пікірлерін тыңдады. Жиында сөз алған Наурызбай Сейтқалиұлы елде болып жатқан бірқатар жаңалықтар жайында әңгіме өрбітті.<blockquote>– Кеше халықаралық жастар мерекесінде президент Қасым-Жомарт Тоқаев еліміздің абыройын әлем деңгейінде асқақтатып жүрген олимпиада жеңімпаздарын қабылдады. Бұл жастардың білім деңгейін көтеруге, білім бәсекелестігін қалыптасытыруға үлкен серпін береді деп санаймын. Білім саласында биік белестерді бағындырып жүрген жастарға қомақты қолдау тетігін ұйымдастыру жайында ұсыныстар айттылды. Демек, болашақта ғылым мен білімге бетбұрған жастарға мемлекеттік қолдау аясы артады, – деді ол.</blockquote>Басқосуда еліміздегі жастар саясатындағы жарқын жобалар мен айқын мақсаттар жайында тереңірек түсіндіріп өтті. Сондай-ақ, қабылданған заң жобаларының халыққа берер мүмкіндігі, артық жүктемелерден арылу жолдары, су, салық, бюджет кодексіндегі өзгерістер мен толықтырулар, студенттер степендиясының артуы жайында жаңалықтарды тарқатты.&nbsp;Мұнан соң жеке қоғамдық қабылдау өткізіп, азаматтардың өтініш-тілектері мен ұсыныстарын назарға алды. Сондай-ақ Сенат депутаты Шалқия кенті аумағындағы «Engineering &amp; Construction Company» («ЕСС») ЖШС нің Асфальт зауытының жұмысымен танысты. Бұл жобада дайын асфальт өнімдері шығарылады. Қазіргі уақытта қажетті құрал - жабдықтары алынып, құрылыс жұмыстары жүргізілуде. Жоба бірыңғай индустрияландыру картасына енгізілген. Жоба құны 700 млн. теңге. Бүгінгі таңға құрылыс жұмыстарының 95% аяқталды. Зауыт іске қосылған кезде сағатына 160 тонна асфальт өндіреді деп күтілуде.

Сенат депутаттары Жаңақорған ауданында

<a href="https://kyzylorda-news.kz/">Kyzylorda-news.kz</a> Аймақта 2025 жылы ауыл шаруашылығы дақылдарын зиянкестерден қорғау мақсатында ауқымды фитосанитариялық іс-шаралар атқарылды. Облыстық инспекция деректерінің мәліметінше, биылғы жылы ерекше қауіпті шегіртке зиянкестеріне қарсы 70 682 гектар жер көлемінде химиялық өңдеу жүргізілді. Зиянкестермен күрес тек шегірткемен ғана шектелмейді. Биыл жатаған у кекіреге қарсы - 97,5 га, қауын шыбынына - 1 750 га, калифорниялық қалқанша сымырына - 34,5 га, арамсояуға - 427,87 га жерге өңдеу жұмыстарын жүргізу жоспарға енгізілген. Бұл туралы ҚР АШМ Агроөнеркәсіптік кешендегі мемлекеттік инспекция комитетінің Қызылорда облыстық аумақтық инспекциясының басшысы Мұхтар Оразбаев баяндады.<blockquote>- Биылғы жылы ерекше қауіпті шегіртке зиянкестеріне қарсы фитосанитариялық күрес жұмыстарына келісім шарт негізінде 4 арнайы жер агрегаттары, 2 аса жеңіл ұшақ, 1 дана ұшақ және 3 дрон, қосымша 3 ұшақ, 10 жер агрегаты - барлығы 23 техника қатыстырылды. Ерекше қауіпті шегіртке зиянкестеріне қарсы күрес шараларын тиімді ұйымдастыру-үйлестіру мақсатында,аудандар бөлінісінде шегіртке зиянкестеріне қарсы қорғау іс-шараларын ұйымдастыру жөнінде «2025 жылы Қызылорда облысында шегіртке зиянкестерімен күрес шараларының іс-жоспары» жасалынды. Жол картасына сәйкес, маусымдық кезеңде облыс көлемінде шегіртке зиянкестерімен күрес шараларын ұйымдастыру-үйлестіру жұмыстарын жүргізуге 4 жұмысшы топ жұмылдырылды. Осыған сәйкес, өңдеу жұмыстары жүргізілетін әр ауылдық округтер бойынша қажетті техникалар, зертеушілер мен жауапты мамандар бекітіліп, тиісті деңгейде жұмыстар атқарылды. Сондай-ақ, сауда базарларына жүргізілген қадағалау нәтижесінде биыл 75 әкімшілік айыппұл салынды,- деді Мұхтар Әуесұлы</blockquote>

Ауыл шаруашылығы дақылдарын зиянкестерден қорғау бойынша ауқымды іс-шаралар жүргізілуде

<a href="https://kyzylorda-news.kz/">Kyzylorda-news.kz</a> Шілде айында Қазақстандық әуе компанияларындағы жолаушылар саны рекордтық көрсеткішке жетті. Бұл туралы <a href="https://stan.kz/kazakstandik-aue-kompaniyalarindagi-zholaushilar-sani-r-421920/">Stan.kz </a>ақпарат агенттігі хабарлайды.&nbsp;Шілде айында әуе компаниялары 1,7 миллион жолаушыға қызмет көрсеткен. Бұл 2024 жылдың осы уақытымен салыстырғанда 12,9% көп. Бұл сан 2007 жылдың басынан бергі рекордтық көрсеткіш болып, алдыңғы барлық айлық көрсеткіштерден асып түсті."Жолаушылар саны рекордтық деңгейге жеткендей, осы жылдар ішінде кез келген ай үшін ең жоғары көрсеткіш болғаны сияқты, жолаушылар тасымалының көлемі де артты. Бұл көрсеткіш тасымалданған қашықтықты да ескереді. Шілде айында ол 3,4 миллиард жолаушы-километрден асты, бұл өткен жылдың сол айымен салыстырғанда 6,9% көп", – дейді сарапшылар.Жыл басынан бері жалпы жолаушылар саны да рекордтық деңгейге жетті: қаңтар-шілде аралығында 8,9 миллионнан астам адам қызмет көрсетілді.Тасымалдан түскен табыс та өсіп жатыр. Шілде айында пайда 113 миллиард теңгеге жетті, бұл бағаның өсуін ескергенде де өткен жылдың сәйкес айымен салыстырғанда 15,6% артық.Фото: Нұрболат Нұржаубай

Қазақстандық әуе компанияларындағы жолаушылар саны рекордтық көрсеткішке жетті

<a href="https://kyzylorda-news.kz/">Kyzylorda-news.kz</a> 2025 жылдың шілдесінде Қазақстанның басым бөлігінде қалыптан тыс ыстық ауа райы тіркелген. Бұл туралы <a href="https://stan.kz/kazakstanda-83-zhil-byringi-aua-rayi-rekordi-zhanardi-421940/">Stan.kz</a> ақпарат агенттігі хабарлайды.Синоптиктердің мәліметінше, еліміздің бірқатар қалалары мен аудандарында ауа температурасы жоғарылап, рекорд орнатты. Тіпті ондаған жыл бойы сақталып келген көрсеткіштерден асып түсті.Осылайша, Түркістанда 4 шілдеде ауа температурасы +44,9 градусқа жетіп, 1942 жылғы абсолютті максимумнан (+44,2 градус) асып, 83 жыл бойы сақталып келген рекордты жаңартты.Шымкентте 3 шілдеде ауа температурасы +40,6 градусқа дейін көтеріліп, 1978 жылғы рекордты жаңартты (+40,0 градус).&nbsp;Бұл қалада бір ай ішінде бірнеше рет жоғары көрсеткіштер тіркеліп, 2001 және 2021 жылдардағы рекордтарды жаңартты.Алматыда 5 шілдеде +39,0 градус ыстық тіркелді, бұл 1968 жылғы рекордтан 1,8 градусқа жоғары.Ақтауда 13 шілдеде +41,1 градус ыстық тіркелді, бұл 1995 жылғы рекордтан жоғары.Жезқазған, Қызылорда, Балқаш, Өскемен және басқа қалаларда да температура жоғары болды.Астанада шілдеде орташа температура +21,9 градус болды. Бұл қалыпты көрсеткіштен 1,3 градусқа жоғары. Ал жауын-шашын мөлшері климаттық нормадан аз болды.Метеорологтардың мәліметінше, аптап&nbsp;еліміздің басым бөлігінде жауын-шашын тапшылығын туғызып,&nbsp;құрғақ ауа райын күшейтті.Ал&nbsp;солтүстік-батыс облыстарда және Жамбыл облысының оңтүстік-батысының, шығысының және орталығының жекелеген аудандарында жауын-шашын әдеттегіден көп болды.&nbsp;Фото: Нұрболат Нұржаубай

Қазақстанда 83 жыл бұрынғы ауа райы рекорды жаңарды

<a href="https://kyzylorda-news.kz/">Kyzylorda-news.kz</a> Қосшыңырау ауылдық округінің әкімі Сейдуали Әбдіқадыров бұқаралық ақпарат құралдарының өкілдеріне І жартыжылдықта атқарылған жұмыстар бойынша баспасөз конференциясын өткізді.<blockquote>- Қосшыңырау ауылдық округіне қарасты Досан елді мекенін талапқа сай электр қуатымен қамтасыз ету мақсатында құрылыс жұмыстары басталды. Досан ауылында құны 49,2 млн. теңгеге №2, №12, №7 көшелеріне тас жол төселді. Алдағы уақытта Абай ауылына жаттығу алаңын салу мен Абай көшесін жарықтандыру жоспарлануда,- деді ауылдық округ әкімі Сейдуали Әлайдарұлы.</blockquote>Ауылдық округте 371 кәсіпкерлік нысан жұмыс істейді. Жыл басынан 12 кәсіпкерлік субъекті тіркеліп, мемлекеттік бағдарламаларға жүгінген кәсіпкерлердің 158 млн.теңгені құрайтын 20 жобасы қаржыландырылды. Оның ішінде 10 тұрғын мемлекеттік қайтарымсыз грантты иеленіп, кәсіптерін бастады. Ауыл шаруашылығы саласы бойынша 1579 гектар жерге күріш, 528 гектар жерге ескі жоңышқа және 120 гектар жерге жаңа жоңышқа, 131 гектар жерге бидай егілді. Ал мал саны 15 136 басқа жетті.

Қосшыңырау: Жоспар бойынша жұмыс жүргізілуде

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен арнайы мәжіліс өтіп, жаңа оқу жылына дайындық мәселесі пысықталды.Аудан әкімі бұл мәселе Үкімет отырысында және облыста өткен арнайы жиында қаралғанын айтып, өзекті екенін жеткізді.<blockquote>– Бұл бір ғана басқарманың немесе бөлімнің жұмысы емес. Барлық жергілікті атқарушы органдардың бірлесе отырып жасайтын жұмысы. Сондықтан да жүзеге асырылуы тиісті міндеттер сапалы әрі мерзімінде орындалуы қажет, – деді аудан әкімі.</blockquote>Сонымен қатар жиында апатты мектептерді жою мәселесі бойынша жұмыстарды қайта жандандырып, тиісті салалық министрліктер мен басқармаларға білім беру стандарттарына сәйкес келмейтін мектептерді қайта салу бойынша ұсыныс енгізу керектігін жеткізді.Бұдан бөлек құрылыс жұмыстары жүргізіліп жатқан кейбір білім ұяларынан кемшіліктер анықталып жатқанын айтып, олар бойынша қажетті шараларды қабылдап, құрылыс сапасына ерекше мән беру керектігі баса айтылды.Осы және өзге де кемшіліктерді пысықтаған аудан әкімі Аманжол Сақыпұлы оқулық және оқу-әдістемелік кешендермен қамту бойынша және осал топтағы отбасындағы мектеп бітірушілерге облыс әкімінің гранты тағайындау мәселесі мен білім ұяларының жылу беру маусымына дайындығын жетілдіру жөнінде жауаптыларға бірқатар тапсырма жүктеді.Жиында мұнан өзге тұрғындарды баспанамен қамту және ауданның тазалық мәселесі кең көлемде қаралды. Әсіресе қала аумағындағы тазалық жұмыстары сын көтермейтінін айтып, кемшіліктер арнайы слайд арқылы көрсетілді.Бұл мәселелерге қатысты жауапкершіліктің жоғары болуы керектігін айтқан аудан әкімі берілген тапсырмадан уақытысында нәтиже шығарудың маңызды екенін жеткізді.

Жаңа оқу жылына дайындық барысы пысықталды

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев "Руханият" орталығында аудан жастарымен кездесті. Кездесуге аудандық ардагерлер кеңесінің төрағасы Мұса Келдібаев, аудандық мәлихат депутаты Алмас Есназар, "АМАНАТ" партиясы аудандық филиалының Атқарушы хатшысы Ақтөре Ибрагимұлы, бөлім басшылары мен жастар қатысты.Аудан басшысы жастарға қоғамның қозғаушы күші ретінде ерекше жауапкершілік жүктелетінін және олардың белсенділігі ел болашағы үшін аса маңызды екенін атап өтті.<blockquote>– Кемеңгер ойшыл, дана ақын Абай Құнанбайұлының «...Өзіңе сен, өзіңді алып шығар, еңбегің мен ақылың екі жақтап» деген сөзі – әрбір жас үшін ұранға айналған өсиет. Мемлекетіміздің ілгері дамуы мен өркендеуінде жастардың алатын орындары ерекше. Мемлекет басшысы Қасым-Жомарт Кемелұлы Тоқаев «Тәуелсіздігімізді нығайтып, елімізді одан әрі өркендету – қазіргі ұрпақтың қасиетті борышы. Сондықтан біз Сіздерге зор үміт артамыз» деп атап өтті. Президентіміздің тапсырмасымен, аймақ басшысы Нұрлыбек Машбекұлы Нәлібаевтың қолдауымен аймағымызда жастарға сапалы білім беру, мәдени шығармашылығын қолдау, спортпен шұғылдануына жағдай жасау мақсатында бірнеше әлеуметтік нысандар салынып, пайдалануға берілді. «Отбасы» орталығы, «Анаға тағзым», «Өнер орталығы», «Оқушылар сарайы» мен «Теннис орталығы», музыкалық колледждің жаңа ғимараты, физика-математика бағытындағы мектеп-интернаты, «Сыр жұлдыздары» шығармашылық-инновациялық академиясы жастарға қызмет етуде. Заманауи талаптарға сай 11 мың орындық жаңа стадион, «Қазақстан халқына» Қорының демеушілігімен мүмкіндігі шектеулі жандарға арналған дене шынықтыру-сауықтыру кешенінің құрылысы қарқынды жүруде. Осындай қолдаулардан кейін сырдариялық жастар барлық игі істердің алдыңғы шебінде. Мемлекеттік қызметте, білім мен ғылымда, мәдениет пен спортта, кәсіпкерлік пен ауыл шаруашылығында жетістіктерге жетіп, ауданымыздың абыройын асырып жүр, – деді Берік Әбдіғаппарұлы.</blockquote>Ауданда да жастарды қолдау жұмыстары жүйелі жүргізілуде. Аймақ басшысының қолдауымен биыл «Руханият» орталығы ашылып, мұнда аудан жастарына жақсы жағдай жасалды. &nbsp;Мемлекет басшысының тапсырмасымен азық-түлік қауіпсіздігін қамтамасыз ету жұмыстарына жастарымыз белсенділік танытып келеді. Ауданға қарасты 6 ауылда жастар бригадалары 60 гектардан артық жерге бақша дақылдарын егіп, нәтижесін көруде. Бүгінде ауданда 500-ге жуық жас жұмыспен қамтылса, 20-ға жуық жас маман жаңа бизнес-идеяларды іске асыру үшін қайтарымсыз грант иегері атанды. Ауданда 900-ға жуық жас кәсіпкеріміз өз кәсіптерін дамытуда. Оларға биыл 730 млн. теңге қаржылай қолдау көрсетілді.Мұнан соң аудандық ардагерлер кеңесінің төрағасы Мұса Келдібаев сөз сөйлеп, жігерлі жастар ел дамуының кепілі екенін жеткізді. Өз кезегінде жалынды жастармен еркін пікір алмасу болып, аудан басшысы жас өрендердің сауалдарына жауап беріп, ұсыныстарын тыңдады.Кездесу барысында аудан дамуына еңбек етіп жүрген жастар облыс және аудан әкімінің "Алғыс хатымен" марапатталды. Сондай-ақ, аудан басшысы жас кәсіпкерлер мен қолөнершілердің өнімдерінен жасақталған көрмемен танысты.<img src="https://knadmin.beoblood.kz/uploads/Syrdariya_audany_kimi_zhastarmen_kezdesu_2_04e433fcbc.jpg" alt="Сырдария ауданы әкімі жастармен кездесу 2.jpg">

Жастар – қоғамның қозғаушы күші

<a href="https://kyzylorda-news.kz/">Kyzylorda-news.kz</a> Қармақшы ауданының әкімі Жандос Еркінбектің төрағалығымен жаңа 2025–2026 оқу жылына дайындық мәселелері бойынша мәжіліс өткізілді.Жиын барысында Үкімет басшысы мен облыс әкімінің тапсырмаларына сәйкес, жаңа оқу жылына дайындық жұмыстарының маңыздылығы атап өтілді. Аудан басшысы оқу жылының сәтті басталуы – мекемелер мен әкімдіктердің үйлесімді еңбегіне байланысты екенін атап өтті. Оқушыларды оқулықпен қамту, оқу ордаларының материалдық-техникалық базасын жетілдіру, әсіресе “Мектепке жол” акциясын белсенді ұйымдастыру – басты міндет екенін ескертті.<blockquote>– Жаңа оқу жылын барлық балабақша мен мектептер 100 пайыз кедергісіз бастауы тиіс. Бұл – ортақ жауапкершілік. Әр басшы өз ісіне тиянақты болуы керек, – деді Жандос Еркінбек.</blockquote>Сондай-ақ мектептер мен балабақшалардағы санитарлық-гигиеналық тазалық пен білім беру ұйымдарының жылыту жүйелері- тағы бір өзекті тақырып. Аудан басшысы бұл бағыттағы толық дайындықты 1 қыркүйекке дейін аяқталуы тиіс екенін қатаң тапсырды.Күн тәртібінде №1 санаториялық бөбекжай-бақшасы мен №275 мектептің шатырын жөндеу, 5 мектептің спорт алаңдарын жаңарту мәселелері де қаралды. Жөндеу сапасы мен уақытылы орындалуы – басты бақылауда.Мәжілісті қорытындылай келе, аудан басшысы барлық бөлім басшыларына, ауылдық округ әкімдеріне, білім мекемелерінің басшыларына нақты тапсырмалар жүктеп, олардың орындалуын қатаң бақылауда ұстайтынын жеткізді.

Білім саласының дайындығы мен қауіпсіздігі басты назарда

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының алаңында «Ауыл аманаты» жобасы аясында кооперативтік жобалардың стратегиялық басымдықтары талқыланды.Отырысқа партия филиалының атқарушы хатшысы Ләйлә Төрешова, «Ауыл аманаты» жобасы аясында кооперативтік жобаларды жүзеге асыру мен ҚР Үкіметінің жанындағы өңірлік саясат бойынша жобалық кеңсесінің Қызылорда облысындағы өңірлік менеджері Индира Ақжігітова және тиісті басқармалардың жауапты өкілдері қатысты.Кездесуде ауыл шаруашылығын дамыту, өндірістік кооперацияны күшейту және кооперативтерді өнімдерін өткізу нарығының тізімін қалыптастыру, ауыл тұрғындарының табысын арттыруға бағытталған негізгі жобалар қаралды.«Ауыл аманаты» жобасы негізінен халықтың табысын арттыру, ауыл шаруашылығы тауарын өндірушілерді жан-жақты қолдау, ауыл тұрғындарын аграрлық бизнеске барынша тарту, азық-түлік қауіпсіздігін және азаматтардың өмір сүру сапасын жақсартуға байланысты мәселелерді шешуге бағытталған.Отырыс барысында бірқатар ұсыныстар айтылып, алдағы уақытта жүзеге асырылатын жобалар пысықталды.

Кооперативтік жобалардың стратегиялық басымдықтары талқыланды

<a href="https://kyzylorda-news.kz/">Kyzylorda-news.kz</a> 2025 жылғы 12 шілдеден бастап Қазақстан Республикасының аумағында адамның түр-сипатын анықтауға кедергі келтіретін, жүзді толығымен жабатын киімді қоғамдық орындарда киюге тыйым салынады.Халықты кеңінен ақпараттандыру мақсатында Қызылорда облысының полицейлері тұрғындар арасында түсіндіру жұмыстарын жүргізуде. Халық көп шоғырланған жерлерде, оның ішінде базарлар мен аялдамаларда, ойын – сауық орындарында жаңа талаптың мәнін, құқықтық негіздерін және бұл шектеуді сақтау қажеттілігін егжей-тегжейлі түсіндіруде.Аталған жаңашылдықтың басты мақсаты – қоғамдық қауіпсіздікті қамтамасыз ету, азаматтарды дер кезінде сәйкестендіру және құқық бұзушылықтардың алдын алу. Бұл шектеуге адамның жүзін толықтай жауып тұратын маска мен никаб сияқты киімдер жатады.Бұл талап қызметтік міндеттерді орындау, медициналық мақсаттар, ауа - &nbsp;райы жағдайлары, сондай-ақ спорттық және мәдени-бұқаралық іс-шараларға қатысты ерекшеліктерді ескереді. &nbsp;<blockquote>«Бұл – алдын алу мақсатында қабылданған шара. Ол ешкімнің діни немесе мәдени дәстүріне қарсы бағытталмаған. Ең бастысы – қоғам қауіпсіздігі. Адам көп жиналатын орындарда тұлғаны жедел анықтау мүмкіндігі – құқықбұзушылықтардың алдын алуда маңызды фактор болып табылады» деп атап өтті полиция қызметкерлері.</blockquote>Полиция жаңа талаптарды сақтау әр азаматтың міндеті екенін ескертеді. Бұл талапты бұзу қолданыстағы заңнамаға сәйкес әкімшілік жауапкершілікке әкелуі мүмкін. Түсіндіру жұмыстары облыстың барлық аудандарында жалғасатын болады. Бұл шараға қоғам белсенділері, жергілікті атқарушы органдар мен діни бірлестіктердің өкілдері де тартылды.

Қазақстан және Қызылорда облысының жаңалықтары: Қоғам