Kyzylorda-news.kz Тәжік-Ауған шекарасында атқарылған әскери қызметтің аяқталып, қазақстандық жауынгерлердің елге оралғанына 25 жыл толуына арналған іс-шара өтті. Тағылымды жиында ел тыныштығы жолында ерлік көрсеткендерге тағзым жасалды.
Жиында қала әкімінің орынбасары Ділмұхамед Абизов, қалалық ардагерлер кеңесінің төрағасы Өмірбек Шәменов, Тәжік-ауған ардагерлері одағының облыстық төрағасы Марат Орынбайұлы сөз сөйлеп, бір минуттық үнсіздік жарияланды.
Іс-шарада қаза болған жауынгерлердің рухына құран бағышталып, батырлар ерлігі мәңгі ұмытылмайтыны айтылды.
