<a href="https://kyzylorda-news.kz/">Kyzylorda-news.kz</a>.&nbsp;Қорқыт ата атындағы Қызылорда университетінің студенттері Нұр-Сұлтан қаласында ҚР Білім және ғылым вице-министрі Қуаныш Ерғалиевтың қабылдауында болды.
Кездесу барысында вице-министр Қуаныш Асылханұлы министрліктің атқарып жатқан жұмыстарымен таныстырып, жаңа оқу жылына сәттілік тіледі. Қабылдауға келген студенттер ҚР Білім және ғылым министрі А.Аймағамбетовтің бастамасымен көтерілген «Оқуға құштар ұлт» жобасы аясында әңгіме өрбітіп, өздерінің қолға алған жобаларын таныстырды.
<blockquote>
 «Қорқыт Ата атындағы Қызылорда университетінің студенттерімен кездестім. Вакцина алған студенттер арасында өткен акция шеңберінде аталған жоғарғы оқу орнының білім алушылары Нұр-Сұлтан қаласына экскурсияға келді. Вакцина алған студенттер мен оқытушылар арасында акция өткізетін жоғары оқу орындарының саны күн санап артып келе жатқаны қуантады», – деді Қуаныш Ералиев.
</blockquote>
Сондай-ақ, университеттің дебат орталығының жаңа бастамалары, студенттік өзін-өзі басқарудағы тың идеялар төңірегінде ой бөлісті.
Еске сала кетейік, Қорқыт ата атындағы Қызылорда университетінде студенттер мен оқытушылардың арасында вакцина алуды жеделдету мақсатында арнайы ұтыс ойындары ұйымдастырылған болатын. Нәтижесінде 30 студент жеңімпаз атанды. Қазіргі таңда олар Нұр-Сұлтан қаласында саяхаттап жүр. Ел Тәуелсіздігінің 30 жылдығына орай ұйымдастырылған экскурсия «Бәйтерек» монументінен бастау алды. Одан кейін студенттер «Экспо 2017» көрмесін, «АЛЖИР» мемориалды-мұражай кешенін, «Тәуелсіздік» монументі мен басқа да мәдени нысандарды аралады.

«Тәуелсіздікке 30 жыл»: Қызылордалық студенттер вице-министрмен кездесті

<a href="https://kyzylorda-news.kz/">Kyzylorda-news.kz</a>. Қызылорда облысындағы коронавирус инфекциясының жұғу деңгейі азаймай тұр. Қызылорда облысында 16 күн ішінде 3141 жағдай тіркелген. Аурушандық көп, өлім жағдайлары азаймай тұр. Бұл туралы бүгін Өңірлік коммуникациялар қызметінде өткен брифингте облыстық санитариялық-эпидемиологиялық бақылау департаменті басшысының орынбасары Әлия Әбдіқайымова мәлімдеді.
<blockquote>
 «Вирустың мутацияланған штамдарының инкубациялық кезеңі екі-үш күнде бас көтереді. Уақытылы қаралмай, медициналық ем қабылдамаған жағдайда ауыр халге әкеп соғады. Статистикалық талдау жүргізгенде екпенің әсері өте жоғары екенін байқадық. Екпе егілгендер ауру белгісі жеңіл өтеді. Тағы бір айта кетерлігі, науқастанған жандардың екпе алғандары мен алмағандарына екі түрлі ем-шаралар жасалады. Сондықтан да жалған құжат алғандар өз өмірлеріне өздері қауіп төндірмек,- деді Әлия Мүтәліпқызы.
</blockquote>
Жалпы, республика көлемінде, оның ішінде біздің облыста да коронавирус инфекциясы бойынша эпидемиологиялық ахуал күрделі. Барлық аудандарда, Қызылорда қаласында мониторингтік топтар жұмыс атқаруына қарамастан мейрамханалар, кафелер, жеке тұрғын үйлерде көпшілік мерей тойлар өткізу тиылар емес.
Бүгінде коронавирус індетіне қарсы карантиндік шараларды сақтауда 167 мониторингтік топ жұмыс жасауда. Облыс көлемінде мониторингтік топтармен барлығы 4167 рейд жүргізіліп, 12750 нысан рейдтік тексерумен қамтылды. Нәтижесінде 305 нысанда заң бұзушылықтар анықталды. Белгіленген карантиндік шаралардың орындалуын бақылау нәтижесінде санитариялық-эпидемиологиялық талаптардың бұзылуы бойынша 533 құқық бұзушыға ҚР ӘҚБтК-тің 425-бабының 1-бөлігімен жалпы соммасы 37 187 714 теңге көлемінде әкімшілік айыппұл салынды.
<img src="https://kyzylorda-news.kz/wp-content/uploads/2021/08/aelija-aebdiqajymova.jpg" alt="" />

Әлия Әбдіқайымова: Екпе алғандарда ауру белгісі жеңіл өтеді

<a href="https://kyzylorda-news.kz/">Kyzylorda-news.kz</a>.&nbsp;Мемлекет басшысы Қасым-Жомарт Тоқаев Сеулде Абай ескерткішінің ашылу рәсіміне қатысты.
Мемлекет басшысы Сеулдағы Кибер университеттің аумағында ашылған ұлы Абай бюстінің ашылуына зор мән беріп, оның Қазақстан мен Корея Республикасының достығын нығайта түсетінін атап өтті.
<blockquote>
 «Сеул төрінде қазақ халқының ұлы перзенті, ақын Абай Құнанбайұлының бюсті орнатылды. Бұл – корей бауырларымыздың қазақ халқына деген зор құрметінің белгісі», – деді Қазақстан Президенті.
</blockquote>
Бюсттің жобасы Қазақстанда дайындалып, тұтас мүсіні Кореяда қоладан құйылған. Қасым-Жомарт Тоқаев бюсттің Корея астанасындағы университет аумағына орнатылуының маңызды екеніне тоқталды.
<blockquote>
 «Абай – ұлы ақын ғана емес, кемеңгер ойшыл, әйгілі ағартушы. Сондықтан, Абайға арналған бюсттің білім ордасына қойылуы орынды шешім екені сөзсіз. Мұның символдық мән-маңызы айрықша. Ол жұртты ғылым игеруге, білімдар болуға үндеді. Жаңашылдық пен жасампаздықты дәріптеді. Абай мұрасы – біздің елімізге ғана емес, барша адамзатқа ортақ құндылық. Дала данышпанының «Адам баласы адам баласынан ақыл, ғылым, ар, мінез деген нәрселермен озбақ» деген сөзі бар. Бұл қасиеттерді корей халқы да ерекше бағалайтынын білеміз. Осы құндылықтардың арқасында қазіргі таңда Корея Республикасы озық дамыған мемлекеттердің қатарына қосылып отыр. Былтыр біз Абайдың 175 жылдық мерейтойын атап өттік. Осыған орай, көптеген ауқымды іс-шаралар ұйымдастырдық. Абай шығармалары әлемнің бірнеше тіліне аударылды. Соның ішінде, корей тілінде «Алтын шаңырақта шырқалған ән» атты кітабы жарыққа шықты. Кореяда ұлы ойшылға арналған маркалар әзірленді. Мұның бәрі екі елдің рухани ынтымақтастығын одан әрі нығайта түсері анық», – деді Мемлекет басшысы.
</blockquote>
2010 жыл Қазақстанның Кореядағы жылы деп жарияланса, 2011 жылы Кореяның Қазақстандағы жылы атап өтілді. Қасым-Жомарт Тоқаев осы шаралар арқылы барлық бағыттағы байланыстардың арта түскеніне тоқталды.
<blockquote>
 «Әсіресе, мәдени-рухани саладағы ынтымағымызды нығайттық. Осындай тығыз қарым-қатынас болашақта да жалғасын табады. Қазақстанның жетекші оқу орнында корей тілі оқытылып келеді. Кореялық студенттер де қазақ тілін оқып жүргенін жақсы білемін. Бұл, әрине, көңіл қуантарлық ерекше жағдай. Көптеген қазақ жастары корей университеттерінде білім алуда. Біз білім, ғылым және мәдениет саласындағы ынтымақтастықты одан әрі жалғастыра береміз. Бұл өзара байланысты келешекте де достық рухта дамыта түсуге жол ашады», – деді Қазақстан Президенті.
</blockquote>
Мемлекет басшысы сөзінің соңында атсалысқан азаматтарға шынайы ризашылығын білдіріп, Абай мұрасының Корей халқының рухани әлемінен орнын табатынына сенімді екенін айтты.
Бұдан кейін Қасым-Жомарт Тоқаев кибер университеттің арт-студиясымен танысты.

Қасым-Жомарт Тоқаев Сеулде Абай Құнанбайұлына қойылған бюсттің ашылу рәсіміне қатысты

<a href="https://kyzylorda-news.kz/">Kyzylorda-news.kz</a>.&nbsp;«Дипломмен ауылға» жобасы бойынша Шиелі ауданына&nbsp;4 млн. 375 мың теңгеден 97 маманға қаржы бөлінді. Бұл туралы аудан әкімі Нариман Мақұлбеков мәлімдеді.
Қазіргі таңда бұл 100-ге жуық маманның барлығына 424&nbsp;млн. 424 мың &nbsp;теңге қаржы бөлінген. Сонымен қатар сәуір, мамыр, маусым, шілде айларында 64 маманға 280 млн.&nbsp;33 мың теңге көлемінде қаржы қарастырылып, тұрғын үй сатып алу үшін бюджеттік несие түріндегі әлеуметтiк қолдау шаралары көрсетілді.
Ауылдық елді мекендерге жұмысқа орналасуға және сонда тұрақтауға келген мамандарға көтерме жәрдемақыға –&nbsp; 6 878 мың теңге бөлініп отыр.
Жалпы аталған бағдарлама бойынша жұмыстар жалғасуда. Қазіргі таңда аудан бойынша бюджеттік несие алу үшін – 103 маман, көтерме жәрдемақы алу үшін – 517 маман кезекте тұр.

«Дипломмен ауылға»: Шиеліде 97 маманға қаржы бөлінді

<a href="https://kyzylorda-news.kz/">Kyzylorda-news.kz</a>.&nbsp;Кәсіпкерлерге Ashyq жобасына тіркелу оңайырақ болады. Halyk Bank қазақстандық банктер арасында бірінші болып Атамекен ҰКП бірлесе заңды тұлғаларға арналған QR-кодты тіркеу функциясын енгізді. Қызмет көрсету саласымен байланысты бизнес объектілері немесе Ashyq жобасымен кіру міндеттелген қызметкерлерінің саны көп компаниялар Onlinebank-тің веб-нұсқасында QR-кодты бірнеше батырманы басу арқылы және онлайн алып, карантиндік талапты сақтана алады.
Естеріңізге сала кетейік, Ashyq – бұл қоғамдық орындарға келушілерді тіркеуге арналған қосымша. Мекемеге кірер алдында пайдаланушы арнайы QR-кодты сканерлейді және нәтижесін әкімшіге көрсетеді. Қосымшада адамның төрт күйі көрсетілген: бейтарап (күй фоны – көк), қауіпсіз (жасыл), байланыс (сары) және жұқтырған (қызыл).
<blockquote>
 «Halyk Bank екінші деңгейлі банктер арасында өзінің финтех-процестерін Ashyq тіркеу жүйесімен біріктірген алғашқы банк болды. Біздің заңды тұлғалар енді үйден шықпай-ақ Onlinebank веб-нұсқасы арқылы бірнеше батырманы басу арқылы QR – кодты жасай алады», – деп бөлісті Halyk Bank мемлекеттік қызметтерді цифрландыру жөніндегі басқарушы директоры Нариман Мұқышев.
 «Қазіргі уақыттағы коронавирустық пандемияға байланысты елдегі жағдайдың қиын екенін ескере отырып, экономика саласының көптеген бағытындағы қызмет көрсету жұмысы шектеліп, тек Ashyq арқылы жұмыс істейді. Осыған орай кәсіпкерлерге Ashyq жүйесінде тіркелудің ыңғайлы тәсілін ұсыну осы күрделі кезеңде Банк тарапынан айтарлықтай қолдау болады», – деп есептейді Мұқышев.
</blockquote>
Onlinebank-те QR-кодты алу тек бизнес субъектілеріне ғана берілетінін атап өтті. Ол субъектінің атауы, оның орналасқан жері және басқа сәйкестендіру деректері көрсетілген электрондық идентификатор болып табылады. Бір объектіге кіру үшін бір QR коды беріледі.
Өз компанияңызды Onlinebank арқылы Ashyq-қа тіркеу үшін:
– Onlinebank жүйесінің веб-нұсқасына кіріңіз
– Жеке кабинетке кіріп, Ashyq функциясын таңдаңыз
– Сәйкестік актісін алуға өтінім жолдаңыз
– Сәйкестік актісін алуға өтінімді мақұлдағаннан кейін – Сіз QR-кодты алуға өтінім жолдай аласыз
– Дайын! Ashyq QR-кодын басып шығаруға болады.
Егер Ashyq жүйесінде әдеттегі тіркеу кезінде кәсіпкерлерге ҰКО-тан ЭЦҚ қажет болса, ал Onlinebank веб-сервисінде QR-кодты алу үшін Halyk Bank заңды қолданушыларының цифрлық қолтаңбасы қажет етеді. Тіркеу кезінде басқа ештеңе талап етілмейді және офлайн қол қоюдың қажеті жоқ.
Өз кезегінде Нариман Мұқышев Halyk Bank-те осындай қызметтің пайда болуы Банктің ішкі командасы: транзакциялық бизнес департаменті мен Onlinebank департаментінің үлкен еңбегі бар екенін атап өтті.
<blockquote>
 «Атамекен” ҚР Ұлттық кәсіпкерлер палатасының ашықтығы мен бизнеске арналған осындай сервистерді іске асыруға дайын болғанына алғыс айтқым келеді. Halyk Bank-тің осындай сервистермен интеграциялау бойынша барлық талаптарға сәйкес келетін қажетті инфрақұрылымы және дамыған технологиялары бар екенін атап өткім келеді», – деп қорытындылады Halyk Bank цифрландыру жөніндегі басқарушы директоры.
</blockquote>

Кәсіпкерлер енді Ashyq QR-кодын Halyk Bank арқылы жасай алады

<a href="https://kyzylorda-news.kz/">Kyzylorda-news.kz</a>.&nbsp;Қызылорда қалалық Полиция басқармасының Ақсай полиция бөліміне жергілікті тұрғын арызданды.
Жәбірленушінің айтуынша кешкілік уақыт &nbsp;17:00-18:30 аралығында белгісіз адам, үйінің асхана бөлмесінің пластик терезесін күштеп ашып кіріп, қонақ бөлмедегі шкаф ішінде тұрған алтын бұйымдарын ұрлап кеткен. Жәбірленушіге келтірілген жалпы шығын көлемі 610 мың теңгені құрайды.
Қызылорда қаласы Полиция басқармасының Ақсай Полиция қызметкерлері бұл мақсатта жедел-іздестіру шараларын жүргізді. Нәтижесінде «ізін суытпай» 36 жастағы бұрын сотты болған, облыс тұрғыны күдікті азамат ретінде тәртіп сақшыларының қолына түсті.
Қазіргі уақытта, Қазақстан Республикасының &nbsp;Қылмыстық кодексінің 188-бабының 3-бөлігінің 3 тармағы (Ұрлық, тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) бойынша сотқа дейінгі тергеп-тексеру амалдары жүргізілуде. Күдіктінің өзге де қылмыстарға қатыстылығы анықталуда.
Сонымен қатар Тасбөгет кентінде де пәтерге ұрлыққа түскен ұрыны ұстады. Қызылорда қалалық Полиция басқармасының Тасбөгет полиция бөлімінің&nbsp;қызметкерлері жеке үйдің заттарын ұрлады деген күдікпен 32 жастағы қала тұрғынын ұстады.&nbsp;
Кезекші бөлімге 15 тамыз күні жеке меншік үйдің тұрғыны жүгініп, күндіз 12:00-14:00 шамасында белгісіз біреудің оның үйінің дәліз бөлмесінің пластик терезесін күштеп ашып, теледидар алдында тұрған «Отау ТВ» тюнерін, жатын бөлмесіндегі қара түсті сөмкеде тұрған кілттер жинағы және пластикке арналған өтегін ұрлап кеткен. Келтірілген залал 79 мың теңгені құрады.
Жедел-іздестіру іс-шарасы барысында пәтер ұрлығына қатысы бар күдікті анықталып, ұсталды. Бірнеше рет ұрлық жасағандығы болып шықты.
Аталған&nbsp; дерек бойынша Қазақстан Республикасының Қылмыстық кодексінің 188 бабы 3 бөлігі (Тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық – мүлкi тәркiленіп, екі жылдан жетi жылға дейiнгi мерзiмге бас бостандығын шектеуге, не сол мерзімге бас бостандығынан айыруға жазаланады) бойынша сотқа дейінгі тергеп-тексеру амалдары жүргізілуде.
Күдіктіге қатысты ешқайда кетпеу туралы қолхат түрінде бұлтартпау шарасы қолданылды.

Қызылордада пәтерге ұрлыққа түсушілер азаймай тұр

<a href="https://kyzylorda-news.kz/">Kyzylorda-news.kz</a>. Қызылордалық полицейлер кезекті тойды тоқтатты.<a href="https://polisia.kz/">​</a>
Шектеу шараларының күшейтілгеніне қарамастан​ тығылып​ той жасау деректері​ тыйылмай тұр.​Карантин талаптарының сақталуын қадағалау мақсатында құрылған арнайы мобильдік мониторингтік топпен жүргізілген тексеру барысында өткен демалыс күндері​ карантин талаптарын бұзудың 31 дерегі анықталды.​ ​ ​ ​
​​Мәселен, демалыс күндері Жалағаш кентінің өзінде қыз ұзату, үйлену тойы, бесік той, құдалық ​ өткізіліп жатқаны анықталды.
Мобильдік топ мүшелері жиналған жұртшылыққа түсіндірме жұмыстарын жүргізіп, бұл тойларды дер кезінде тоқтатты. ​
Той иелерінен түсініктемелері алынып, жинақталған материалдар заңды шешім қабылдау үшін құзырлы органдарға жолданды.​

Қызылордалық полицейлер кезекті тойды тоқтатты

<a href="https://kyzylorda-news.kz/">Kyzylorda-news.kz</a>. Қазақстанда 80 мыңға жуық адам жұмысынан айырылуына байланысты әлеуметтік төлем алады, деп хабарлайды&nbsp;<a href="https://stan.kz/">Stan.kz</a>.
Еңбек және халықты әлеуметтік қорғау министрлігінің&nbsp;мәліметінше, 1 тамыздағы жағдай бойынша мемлекеттік әлеуметтік сақтандыру қорынан жұмысынан айырылуына байланысты әлеуметтік төлем алушылардың саны 77,9 мың адамды құрады. Биыл 52 мың адамға төлем алғаш рет тағайындалды.
Қолданыстағы заңнамаға сәйкес, жұмыссыз қалған азаматтар міндетті әлеуметтік сақтандыру жүйесіне қатысу өтіліне және соңғы 24 айдағы табысына байланысты 1 айдан 6 айға дейін жұмысынан айырылуы бойынша әлеуметтік төлем алады. Төлем жоғалған кірістің 40%-іне дейінгі мөлшерде мемлекеттік әлеуметтік сақтандыру қоры қаражатынан төленеді.
Төлем тағайындалу үшін жұмыссыз қалған азамат:
<ul>
<li>eGov.kz порталында авторизациялану;</li>
<li>“Жұмысқа орналастыру және жұмыспен қамту” бөлімінде “Жұмыс іздеуші адамдарды тіркеу” қызметін таңдау;</li>
<li>&nbsp;онлайн-қызметке тапсырыс беріп, барлық жолдарды толтыру және оған электрондық цифрлық қолтаңбамен қол қойып, өтінімді жіберу қажет;</li>
<li>бір күн ішінде тұрғылықты жеріңіздегі халықты жұмыспен қамту орталығы бос жұмыс орындарын ұсынады;</li>
<li>егер жұмыс табылмаса, 3 жұмыс күні ішінде жұмыссыз мәртебесі беріледі. Ол қашықтан жүзеге асырылады (қажет болған жағдайда сізге халыққа қызмет көрсету орталығы қызметкері қосымша ақпарат жинау үшін хабарласады).</li>
</ul>
Бұл қызметті онлайн режимінде электрондық еңбек биржасы (enbek.kz) арқылы да алуға болады.
Жұмыссыз ретінде тіркелу туралы мәліметтер болған кезде министрліктің ақпараттық жүйесі төлемді тағайындау бойынша қызмет көрсетуге келісу үшін мобильді телефонға SMS-хабарлама жібереді. Келіскен жағдайда SMS-хабарламаға жауап беру қажет. Төлем автоматты түрде тағайындалады.
Мемлекеттік әлеуметтік сақтандыру қоры қаражаты есебінен жұмыссыз қалған жағдайда төленетін әлеуметтік төлем жұмыстан шығу себебіне қарамастан беріледі және жұмыс іздеу кезеңде қолдауға арналған.
Айта кетсек, министрлік еліміздің 40 қаласының тұрғындары үшін халықты жұмыспен қамту орталықтарының жұмысын қашықтан жүзеге асыру мақсатында электрондық еңбек биржасы қызметін іске қосты.
Пилоттық жоба жұмыссыздарды тіркеу рәсімін жеңілдету және жұмыспен қамтуды қолдау бойынша мемлекеттік қызметтерді, оның ішінде жұмысынан айрылу бойынша әлеуметтік төлемдерді алуды жеңілдету үшін іске қосылды.
Енді барлығын тек интернет, компьютер және электрондық цифрлық қолтаңба арқылы ғана жасауға болады.

Елімізде жұмыссыз қалған кезде берілетін әлеуметтік төлемді кім және қалай алады?

<a href="https://kyzylorda-news.kz/">Kyzylorda-news.kz</a>.&nbsp;Биыл алғаш рет еліміздің әрбір мұғалімі жылдың бас педагогикалық кеңесіне қосылуға мүмкіндік алып отыр. Бүгінде NIS-тің орталық кеңсесінде тікелей эфир арқылы ауқымды конференцияның пәндік сессиялары ел аумағына таралатын екі телестудия үздіксіз жұмыс істеуде. Мұғалім тәжірибесін әдістемелік қолдау – жаңа жағдайдағы білім беру туралы кәсіби ойталқының өзегі.
9-17 тамыз аралығында өтетін дәстүрлі тамыз конференциясы аясында қазақ және орыс тілдерінде 15 пән бойынша тақырыптық сессиялар, сондай-ақ кітапханашылар сессиясы жоспарланған. «Назарбаев Зияткерлік мектептері» ДББҰ, жетекші және пилоттық мектептердің педагогтері онлайн форматта вебинарлар, шеберлік сабақтар мен презентациялар өткізеді, халықаралық сарапшылардың эксперттік пікірлері ұсынылады, сондай-ақ Ы.Алтынсарин атындағы Ұлттық Білім академиясы жаңа оқу жылында оқу-тәрбие үдерісін ұйымдастыруға қатысты ұсыныстарын білдіреді. Қазіргі таңда педагогтер үшін ең өзекті басымдықтардың бірі – пән аясында функционалдық сауаттылықты қалыптастыру, сондай-ақ ағымдағы және қорытынды бағалаудың форматы мен мазмұны.
Онлайн-кеңестің алғашқы күні еліміздің әр өңірінен ондаған мың педагог жиналды. Пәндік сессиялар бастауыш сынып мұғалімдері мен «Жаратылыстану» пәніне арналды. Тікелей эфир ЭЫДҰ-ның «Білім беру 2030» компасын тамашалаудан басталып, мектеп табалдырығын енді ғана аттамақ Айзере Қайратбек пен Самина Сейтбекованың сұрақ-жауап сұхбатымен жалғасын тапты. Олар NIS телестудиясына өздерінің армандаған мектептері туралы ой бөлісу үшін келді. Бастауыш сынып мұғалімдеріне арналған пәндік сессиянының шымылдығын болашақ мектеп оқушылары түрді. Айзере мен Самина жаңа өмірге жетелеуші болашақ ұстаздарының қандай болатынын елестетіп, бала армандарымен бөлісті.
Сарапшылар жаңа оқу жылына арналған міндеттерді, ағымдық және қорытынды бағалаудың форматы мен мазмұнын, оқушылардың функционалдық сауаттылығын қалыптастыруды талдады, ал зияткерлік және жалпы білім беретін мектептердің мұғалімдері шеберлік сыныптарын дайындады. Спикерлер арасында Педагогикалық шеберлік орталығының өкілдері: бастауыш мектеп пәндері бойынша оқу бағдарламаларын жасаушы, мектепке дейінгі және бастауыш білім беру бөлімінің бастығы Қаламқас Байтенова, аға менеджерлер Наталья Орехова мен Гүлмира Жақыпова, сондай-ақ Ыбырай Алтынсарин атындағы Ұлттық білім академиясының ЖМБ және STEM-технологиялар пәндері зертханасының бас ғылыми қызметкері Орденбек Мазбаев, Павлодар қаласындағы NIS-тің өнер мұғалімі Динара Қабиева және басқалары болды.
Онлайн-конференцияға Алматы облысы Текелі қаласынан қосылған №8 орта мектептің бастауыш сынып мұғалімі Гүлнар Мұсабекова пәндік сессия барысында одан әрі жұмыс істеу үшін көптеген жаңа білім мен идеялардың тұсбағдарын тапқанын айтады.&nbsp;
<blockquote>
 «Карантиндік шектеулерден туындаған қиындықтарға қарамастан үлгерім деңгейін тиісті дәрежеде ұстап тұру&nbsp; мүмкіндігіне ие болдық . Бастауыш сынып мұғалімдеріне арналған конференция алдағы оқу жылында әдеттегі оқыту форматына оралуға дайындалуға өз септігін тигізері анық», – деп пікір білдірді Гүлнар Мұсабекова.
</blockquote>
Қаратал ауданы Қошқарбаев атындағы орта мектептің жаратылыстану пәні мұғалімі Алишер Советбаев NIS-ке конференцияның мазмұнды әдістемелік бөлімі үшін алғысын білдіріп, оқытудағы олқылықтардың орнын толтыру бойынша сарапшылар кеңесі барлық мүмкін қиындықтарды еңсеруге және оқу процесін қалыпты режимде сенімді түрде жалғастыруға көмектесетінін айтты.
Пәндік сессиялардың екінші күнінің басты назарында – музыка, көркем еңбек және дене шынықтыру мұғалімдері болды.
Сарапшылар музыкалық, цифрлық және ақпараттық сауаттылықтың бірегей қосындысы туралы ой қозғап, сауаттылықты дұрыс дамыта отырып, музыканы тыңдау және орындау ұлттық және әлемдік мәдениеттің құндылығын түсінуге көмектеседі деген қорытындыға келді. Көркем еңбек сабақтарында әдемілік пен нәзіктік сезімі қалыптасады. Өнер саласындағы сарапшылардың пікірінше, балалардың шығармашылық қабілеттерін дамыту мұғалімнің шығармашылығына тікелей байланысты.
Шеберлік сабақтары барысында NIS-тің&nbsp; пән мұғалімдері – Әлия Кайдарова, Альмира Даниярова, Гаухар Қайырбаева және Сәуле Ахметқалиева, сондай-ақ жалпы білім беретін мектептердің педагогтері Юлия Березко, Зейнолла Хасенов және Мұхаметқан Ахметжанов өз білімдерімен бөлісті.
Шымкенттегі физика-математика бағытындағы NIS-тің дене шынықтыру пәнінің мұғалімі, &nbsp;«Үздік педагог – 2019» республикалық байқауының жеңімпазы Ербол Тілеулов шеберлік сабағы &nbsp;барысында дене шынықтыру сабақтарында функционалдық сауаттылықты дамытуға болатынын және қажет екенін көрсетті.
<blockquote>
 «Өз денеңмен үйлесімді өмір сүру – дені сау адамның салауатты өмірінің міндетті компоненті. Бұл қағиданы қозғалыс белсенділігі, салауатты өмір салты және қозғалыс дағдылары арқылы сыни ойлауды дамытуға негізделген оқу бағдарламасының басты бағыты айқындай түседі», – дейді Ербол Эрнстович.
</blockquote>
Сегіз мыңнан астам дене шынықтыру мұғалімдері жаңа оқу жылында өз сабақтарында осы құралдарды қалай қолдану керектігі туралы көрнекі түсінік алды.
Ел педагогтеріне арналған тамыз конференциясының үшінші күнінің фокусын – филологтарға арналған пәндік сессиялар құрады.
Жиырма мыңнан астам пән мұғалімдері педагогикалық қоғамдастық үшін өзекті тақырыптарды талқылап, сарапшы әріптестерінің шеберлік сабақтарына қатысу үшін қазақ, орыс және ағылшын тілдерінен онлайн конференцияға қосылды.
Филологтар оқушылардың оқу сауаттылығын дамыту жоспарларын талдады, өйткені әртүрлі мәтіндерді түсініп оқып, қойылған міндеттерді шешу үшін ақпаратты пайдалану қабілеті 21 ғасырдағы адамның маңызды құзыреттерінің бірі болып табылады. Қазіргі адамдардың тағы бір маңызды шеберлігі – үлкен көлемде ақпаратпен жұмыс істеу.
<blockquote>
 «Мен оқушылардың сауаттылығын дамыту әдістері туралы сұрақтарға жауап алдым. Мәтінмен жұмыс істеу үшін берілген тапсырмалар мен авторлардың ұсыныстары пайдалы болды. Айта кету керек, ақпарат пен қаралған материалдар маған өз көзқарастарымды тағы бір рет қайта қарап, ішкі дүрбелеңнен арылуға, өзімді сенімді сезінуге, функционалдық сауаттылық туралы үзік білімді жүйеге келтіруге және өз тәжірибемді одан әрі жетілдірудің жолын көруге мүмкіндік берді», – деп өз әсерімен бөлісті Қарағанды облысы Қарқаралы ауданы №2 орта мектептің орыс тілі мен әдебиеті пәнінің мұғалімі Арай Тобықова.
</blockquote>
Келесі кезекте онлайн-конференцияның тікелей эфиріндегі сессиялар математика, информатика, физика, химия, биология,&nbsp;география, Қазақстан тарихы, Дүниежүзі тарихы пәндерінің мұғалімдеріне арналмақ. Ауқымды педкеңес кітапханашыларға арналған секциямен қорытындыланатын болады.
Айта кету керек, жылдың басты педагогикалық жиыны оқу үдерісінде оқушылардың бойында функционалдық сауаттылықты қалыптастыру жолдарын, мектеп қауымдастығындағы оқушылардың қауіпсіздігі мен әл-ауқаты мәселелерін, ағымдағы және қорытынды бағалаудың форматы мен мазмұнын, ковидтен кейінгі кезеңдегі оқу үдерісінің ерекшеліктерін, білім беру саласын цифрландырудың маңызын, білім берудегі жасанды интеллектінің мүмкіндіктері, жаңа оқу жылында оқу-тәрбие үдерісін ұйымдастырудың ерекшеліктерін кәсіби ойталқы өзегіне айналдырды.
<blockquote>
 «Биылғы тамыз кеңесі ерекше форматта өтуде. Ең бастысы жаңа оқу жылының ерекшеліктері мен әр ұстаздың көкейінде жүрген сұрақтарға жауап алынды. Оқушылардың қабілеттеріне қарай жүргізілетін жұмыстарға жекелей тоқтала отырып, практикалық түрде көрсетілді. Конференция барысында ой бөліскен әр маман өз іс-тәжірибесін үлкен дайындықпен жинақтай келіп, әр ұстаздың жүрегіне жол таба білді деп ойлаймын», – дейді Әлкей Марғұлан атындағы №40 мектеп-лицейі директорының оқу-тәрбие ісі жөніндегі орынбасары Жұмагүл Есіл.
</blockquote>
Еске сала кетейік, еліміздің ұстаздар қауымы асыға күткен дәстүрлі тамыз кеңесінің секциялық отырыстары NISTamyzConf2021 Youtube арнасында қазақ және орыс тілдерінде күнделікті таралуда. Сонымен қатар, «Назарбаев Зияткерлік мектептері» ДББҰ ресми интернет ресурстарында конференцияға еліміздің түкпір-түкпірінен қосылған педагогтердің бейне пікірлері мен кері байланыстары жариялануда.
<img src="https://kyzylorda-news.kz/wp-content/uploads/2021/08/333.jpg" alt="" />
<img src="https://kyzylorda-news.kz/wp-content/uploads/2021/08/555-1.jpg" alt="" />

Тамыз кеңесі: NIS-тің тікелей эфирінде – мұғалімдерді әдістемелік қолдау

<a href="https://kyzylorda-news.kz/">Kyzylorda-news.kz</a>. Жергілікті атқарушы органдардың мәліметінше, облыста 167 мониторинг тобы жұмыс істейді. Бір жарым айда InfoKazakhstan.kz сайтында 155 рейд тіркелген. Бұл туралы Қызылорда облысы кәсіпкерлер палатасының баспасөз қызметі хабарлады.
<blockquote>
 «Қазір санитарлық шаралар күшейтілген соң, көптеген кәсіпкерлік субъектінің қызметіне шектеу сақталып отыр. Дегенмен, Ashyq жобасы арқылы кейбір қызмет түрін ашу, жұмыс уақытын ұзарту мәселесі шешіліп жатыр. Кәсіпкерлердің ұсынысы негізінде Үкімет тарапынан қажетті шаралар қабылданды. Соның бірі – мониторинг тобы рейдтерінің алдын ала InfoKazakhstan.kz сайтында тіркелуі. Бұл сыбайлас жемқорлық тәуекелдерінің алдын алып, бизнес өкілдерінің ақпаратқа қолжетімділігін арттыратыны сөзсіз. Ендігі жерде кәсіпкерлерді де санитарлық талаптарды қатаң сақтауға шақырамыз. Бұл&nbsp; бірінші кезекте, азаматтардың денсаулығы үшін маңызды», – деді облыстық кәсіпкерлер палатасының директоры Ғалымбек Жақсылықов.
</blockquote>
Айта кетейік, ведомствоаралық комиссияның 2021 жылғы 1 шілдедегі хаттамасына сәйкес, мониторинг тобының тексеру алгоритміне өзгеріс енгізілді. Нәтижесінде мониторинг топтар рейдтерді InfoKazakhstan.kz сайтында тіркелгеннен кейін жүргізетін болды. Сондай-ақ кәсіпкерлер мониторинг тобы рейдінің тіркелген-тіркелмегенін алдын ала тексеріп, кестесін біле алады.
Қазір Қызылорда қаласы мен аудандарда рейдтерді тіркеуді ұйымдастыратын арнайы мамандар бекітілген.
Мониторинг тобы рейдтерінің заңдылығына қатысты мәселе туындаған жағдайда мына мамандарға хабарласуға болады:
– Тілеужан Ғалымжан Бауыржанұлы, Құқықтық статитика және арнайы есепке алу жөніндегі комитетінің Қызылорда облысы бойынша басқармасының аға прокуроры, тел.: 8 /7242/ 27-64-09;
– Жақсылықов Руслан Әділбекұлы, облыстық прокуратураның аға прокуроры, 8&nbsp;702&nbsp;018 96 00;
– Қаюпова Аида Жарасқызы, облыстық кәсіпкерлер палатасы Кәсіпкерлердің қүқықтарын қорғау және әкімшілік кедергілерді азайту бөлімінің бастығы, 8 /7242/ 40-09-81, 8&nbsp;777&nbsp;456 30 90.

Қызылордада мониторинг топтар шілде айынан бастап 155 рейд жүргізді

<a href="https://kyzylorda-news.kz/">Kyzylorda-news.kz</a>. Қызылорда облысында міндетті әлеуметтік медициналық сақтандыру жүйесінде сақтандырылмаған 145 мыңнан астам азамат бар. Олардың көпшілігі облыс орталығы, Байқоңыр қаласы, Қазалы және Жаңақорған аудандардың Бірыңғай жиынтық төлемді төлеушілер мен жалдамалы қызметкерлері. «Nur Otan» партиясы облыстық филиалы жанындағы «Ұлт денсаулығы мәселелері» жөніндегі аймақтық қоғамдық кеңесінің отырысы барысында МӘМС жүйесінде азаматтарды өзектендіру мәселелері көтерілді.
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтың айтуынша, кәзіргі танда аймақ тұрғындарының 81,8% МӘМС жүйесінде сақтандырылған, ал 2020 жылы облыс халқының 87%-ын медициналық сақтандырумен қамту міндеті қойылған.
Сонымен қатар, медициналық ұйымдардың жұмысына шағымдар көбейді. Басым үлесі медициналық көмек көрсету сапасыздығы, медициналық көмек көрсетуден бас тарту. 2021 жылдың 6 айында қызылордалықтардан 78 шағым түскен. Мониторингтік тексерулер барысында медициналық ұйымдарға 973 898 теңге көлемінде айыппұл салынды.
Отырыс барысында тиісті ведомстволардың алдына халық арасында ақпараттық-түсіндіру жұмыстарын күшейту, қызметкерлердің, жеке кәсіпкерлердің МӘМС үшін тұрақты төлемдерін қамтамасыз ету, медициналық қызметтердің сапасын арттыру және т. б. міндеттер қойылды.
Медициналық көмек көрсетуден бас тартқан жағдайда, медициналық қызмет сапасыз болған жағдайда, пациент байланыс орталығына 1406 нөмірі бойынша немесе Qoldau-24/7 мобильді қосымшасы арқылы шағымдана алады.
<img src="https://kyzylorda-news.kz/wp-content/uploads/2021/08/nwr-otan-.jpeg" alt="" />
<img src="https://kyzylorda-news.kz/wp-content/uploads/2021/08/nwr-otan-1-1.jpeg" alt="" />

МӘМС: Қызылордада 145 мыңнан астам адам сақтандырылмаған

<a href="https://kyzylorda-news.kz/">Kyzylorda-news.kz</a>. Мемлекет басшысы салтанатты жиындағы сөзінде, «бұл – Қазақстанның корей жұртына деген шынайы ықыласы мен зор құрметінің белгісі» деп атап өтті, деп хабарлайды Ақорданың баспасөз қызметі.
<blockquote>
 «Мұндай іс-шаралардың тарихи мән-маңызы айрықша. Қазақтар да, корейлер де Тәуелсіздіктің қадір-қасиетін жақсы түсінеді. Хон Бом До – Кореяның азаттығы үшін күрескен бірегей тұлға. Нағыз батыр, шынайы отансүйгіш. Генерал тағдырдың жазуымен өмірінің соңғы жылдарын қазақ жерінде өткізді. Содан бері қанша жыл өтсе де атажұртында батырдың ерлігі ұмытылған жоқ. Оны біздің халқымыз да жақсы біледі. Қызылорда қаласында Хон Бом Доның құрметіне мемориал тұрғызылған. 2018 жылы батырдың туғанына 150 жыл толды. Қазақстан халқы Ассамблеясы осыған орай арнайы конференция өткізді. Генералдың есімі қазақ елінің жадында сақталады. Оның мемориалы мемлекет қамқорлығында болады», – деді Қазақстан Президенті.
</blockquote>
Қасым-Жомарт Тоқаев кезінде корей ұлтының көптеген өкілі Қазақстанға еріксіз қоныс аударғанын, олардың арасында Ге Бон У, Цай Ден Хак, Ким Ман Сам сияқты танымал тұлғалар барын атап өтті.
<blockquote>
 «Жер аударылған корейлерді халқымыз бауырына басып, паналатты. Олар қазақ елінде өсіп-өніп, нағыз отандастарымызға айналды. Біздің елде әр этностың өз тамырынан ажырамай, тілі мен ділін сақтауына барлық жағдай жасалған. Корей диаспорасы да осы игілікті көріп отыр. Елімізде Қазақстан корейлерінің қауымдастығы бар. Корей мәдени орталықтары мен Корей театры жұмыс істейді. Сондай-ақ, корей тілінде газет шығады. Корей бауырларымыз көптеген салада табысты еңбек етуде. Олардың ел экономикасын өркендетуге қосып жатқан үлесі зор. Қазақстанда тұратын корейлер екі елдің қарым-қатынасын дамытуға да белсенді атсалысып жүр. Біздің ынтымақтастығымыз болашақта осындай достық рухта нығая береді деп сенемін», – деді Қасым-Жомарт Тоқаев.
</blockquote>
Қасым-Жомарт Тоқаев Корея Республикасының Президенті Мун Чже Инге Корей халқының ұлттық батыры Хон Бом Доның қабірінен алынған топырақты табыстады. Корея Республикасының Президенті Мун Чже Ин Қасым-Жомарт Тоқаевқа зор ризашылығын білдіріп, ұлт батыры Хон Бом Доға ең жоғары мемлекеттік награда берілгенін хабарлады.

Қазақстан және Қызылорда облысының жаңалықтары: Қоғам