<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 7521 адам коронавирус індетінен емделіп шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Өңірлер&nbsp;бойынша:
Нұр-Сұлтан қаласы – 1988,
Алматы қаласы – 1713,
Шымкент қаласы – 710,
Ақмола облысы – 210,
Ақтөбе облысы – 434,
Алматы облысы – 294,
Атырау облысы – 284,
Шығыс Қазақстан облысы – 85,
Жамбыл облысы – 152,
Батыс Қазақстан облысы – 135,
Қарағанды облысы – 307,
Қостанай облысы – 322,
Қызылорда облысы – 205,
Маңғыстау облысы – 25,
Павлодар облысы – 360,
Солтүстік Қазақстан облысы – 151,
Түркістан облысы – 146.
Жалпы, пандемия басталғалы Қазақстанда коронавируспен 656 777 адам ауырса, олардың 540850-і жазылып шықты.

205 қызылордалық коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 7657 адамда коронавирус індеті ПТР-сынама арқылы расталды, деп хабарлайды <a href="https://www.coronavirus2020.kz/kz">coronavirus2020.kz.</a>
Өңірлер бойынша:
Нұр-Сұлтан қаласы – 1153,
Алматы қаласы – 1493,
Шымкент қаласы – 574,
Ақмола облысы – 265,
Ақтөбе облысы – 304,
Алматы облысы – 350,
Атырау облысы – 618,
Шығыс Қазақстан облысы – 228,
Жамбыл облысы – 140,
Батыс Қазақстан облысы – 156,
Қарағанды облысы – 1125,
Қостанай облысы – 257,
Қызылорда облысы – 218,
Маңғыстау облысы – 212,
Павлодар облысы – 291,
Солтүстік Қазақстан облысы – 157,
Түркістан облысы – 116.
Жалпы, пандемия басталғалы коронавирус елімізде 656 777 адамнан анықталды.

Коронавирус бір тәулікте 218 адамнан анықталды

<a href="https://kyzylorda-news.kz/">Kyzylorda-news.kz</a>. Циклон және онымен байланысқан атмосфералық фронттар республиканың солтүстігі, шығысы мен оңтүстік-шығысындағы ауа райына әсер етеді, деп хабарлайды Қазгидромет.
Осыған байланысты солтүстікте және солтүстік-шығыста қатты жаңбыр жауады, жекелеген аудандарда найзағай жарқылдап, бұршақ жауады. Кей жерлерде тұман түседі.
Еліміздің қалған өңірлерінде айтарлықтай жауын-шашын жоқ, күн ашық болады. Батыс аудандарда аптап ыстық сақталады.
Республика бойынша кей жерлерде жел күшейеді.
Солтүстік Қазақстан, Павлодар облыстарының кей жерлерінде найзағай, бұршақ пен тұман күтіледі. Жел қарқыны 15-20 м/с дейін күшейеді.
Қостанай облысының кей жерлерінде күн күркіреп, тұман түседі. Жел екпіні – 15-20 м/с.
Ақмола, күндіз Жамбыл облысының кей жерлерінде найзағай ойнайды, бұршақ жауады. Секундына 15-20 метр жылдамдықпен жел соғады.
Жамбыл облысында шаңды дауыл көтеріледі. Күндіз Қызылорда, Батыс Қазақстан облыстарының кей жерлерінде жел қарқыны 15-20 м/с жетеді.
Ақтөбе облысының кей жерлерінде, Алматы облысының таулы аудандарында найзағай болжанады.
Шығыс Қазақстан облысының кей жерлерінде күн күркірейді. Желдің күші – 15-20 м/с төңірегінде.
Күндіз Атырау облысында өте қатты ыстық сақталады.
Маңғыстау, Батыс Қазақстан облыстарының басым бөлігінде қатты ыстық, кей жерлерінде де аптап ыстық болады.
Қызылорда, Түркістан, Маңғыстау, Атырау, Жамбыл, Ақтөбе облыстарының басым бөлігінде, Алматы, Қарағанды, Батыс Қазақстан облыстарының кей жерлерінде, Қостанай, Шығыс Қазақстан облыстарының оңтүстігінде, Ақмола облысының жекелеген аудандарында төтенше өрт қаупі сақталады.

11 тамызға арналған ауа райы болжамы

<a href="https://kyzylorda-news.kz/">Kyzylorda-news.kz</a>. Еңбек ардагері, зейнеткер Жұмағали Мырзағалиев халықты екпе алуға шақырады. Ол өз денсаулығы және жақындарының қауіпсіздігі үшін вакцина салдырған.
<blockquote>
 «Елімізге және дүниежүзіне зор қауіп төндірген пандемияға қарсы күрес әлі жалғасуда. Біз азаматтардың өмірі мен денсаулығын қорғау үшін күш-жігерімізді біріктіруге тиіспіз. Ол үшін барлық аурудың емі болып табылатын екпені міндетті түрде қабылдауымыз қажет. Менің жасым 84-те. Қызым, немерелерім дәрігер. Осы уақытқа дейін түрлі ауруларға қарсы екпе қабылдап, оның ішінде тұмауға қарсы екпелерді жылда-жыл алып, дерттің бәрін еңсердім”, – дейді еңбек ардагері.
</blockquote>
Зейнеткер коронавирус індетіне қарсы сақтық шараларын қаматасыз ету үшін бүгін Сырдария аудандық орталық ауруханасына Қызылорда қаласынан келіп, өзінің және отбасымның денсаулығы үшін екпе қабылдаған.
<blockquote>
 «Өз отбасымда 18 жасқа толған барлығы коронавирусқа қарсы егілген. Мамандар ең алдымен менің қан қысымымды, дене қызуымды өлшеді. Бұған дейін қабылдаған ем-домдарынды сараптап, екпе қабылдауға жарайтынымды анықтады. Сөйтіп, екпенің бірінші кезеңін алдым. Екпе қабылдағаннан кейін күту залында дәрігерлердің бақылауында болдым. Денемде ешқандай өзгеріс, кері нәтиже болған жоқ. Қазір екпеге қатысты алып-қашпа әңгіме көп. Бос сөзге сенуге болмайды. Дәрігерлердің ғана кеңесіне құлақ асқан жөн. Елімізге және әлемге белгілі дәрігерлер екпе қабылдау арқылы қауіпті індетті жеңетінімізді ресми мәлімдеді. Сондықтан үлкен-кішінің бәрі екпе қабылдауы қажет. Өзімнің замандастарымды екпе қабылдауға шақырамын”, – дейді зейнеткер.
</blockquote>

Жұмағали Мырзағалиев: Екпе &#8211; барлық аурудың емі

<a href="https://kyzylorda-news.kz/">Kyzylorda-news.kz</a>. Бүгін – қазақтың біртуар ақыны Абай Құнанбайұлының туған күні. Үкімет қаулысымен өткен жылы Абайдың 175 жылдығында Қазақстанда 10 тамыз – Абай күні деп бекітілді.
Абай күні – қазақтың ізгілікпен өркениет өріне басқан тағы да бір қайырлы қадамы!Мен тілі басқа тілегі бір этнос өкілі ретінде – былтырдан бастап мереке ретінде тойланатын бұл күнді асыға күтемін. Мен үшін Абай құбылысын ерекше құрметтеу бұлжымас парыз.Абай тағылымына тағзым ету – Рухани жаңғырудың үлкен кезеңі.
Абай шығармалары бірнеше тілге аударылып, әлемдік деңгейде кең көлемде насихатталуда. Мен Абай өлеңдерінен, қара сөздерінен ерекше бірлікке шақыратын, адамгершілікке үндейтін рухани азық аламын. «Біріңді қазақ бірің дос» демекші, барша адамзат баласын өзіне бауыр, дос көрген Абай әлемі – әлемдік деңгейдегі құны мол мұра.
<img src="https://kyzylorda-news.kz/wp-content/uploads/2021/08/231438296_3003585943293899_4099239576048314241_n.jpg" alt="" />
Наталия Баркова,
Қазалы аудандық Аналар кеңесінің мүшесі

Абай әлемі &#8211; құны мол мұра

<a href="https://kyzylorda-news.kz/">Kyzylorda-news.kz</a>. Қызылорда облысындағы эпидахуалға байланысты облыстық денсаулық сақтау басқармасы басшысының орынбасары Жангелді Шайымбетов брифинг өткізді.
Аймақта індеттің таралуы мен, екпе жұмыстарына тоқталып өткен басқарма басшысының орынбасары «Covid-19» инфекциясын үй жағдайында емдеп жатқандар әлі де көп екенін айтып, тұрғындарға дер кезінде дәрігер шақыру керек екенін ескертті.
<blockquote>
 «Коронавирус инфекциясы белгілі болып, ол туралы емханаға немесе дәрігерге хабарламай, үйден өздігінен ем қабылдап жатқандар қатарынан «Covid-19» көптеп анықталып жатқанын айтқым келеді. Сол себепті барша тұрғындардан ауру белгісі байқалған сәттен, дәрігерге қаралып, дер кезінде ем бастауды сұраймын. Медицина саласының мамандары бір жылдан аса уақыт осы кеселмен күресіп келе жатыр. Ауа жетпей, өкпесі қысылған науқастарды көріп, оларды ажалдан арашалау ақ халаттыларға оңайға тиіп жатқан жоқ. Індетпен күрес – ортақ парыз. Осы ретте баршаңызды індетпен күрес жұмыстарына атсалысуға, вакцина салдыруға шақырамын», – деді Жангелді Шайымбетов.
</blockquote>

Жангелді Шайымбетов: Дәрігерге қаралып, дер кезінде ем бастауды сұраймын

<a href="https://kyzylorda-news.kz/">Kyzylorda-news.kz</a>. Қызылорда облысында Көші-қон заңнамасын бұзған 749 шетел азаматы әкімшілік жауапкершілікке тартылды.
Биылғы жылдың 7 айында Қызылорда облысы Полиция департаментінің Көші-қон қызметі бөліністерімен облыс аумағында бірқатар жұмыстар атқарылды.
Жыл басынан облыс аумағына түрлі мақсаттармен келген 2138 шетел азаматы уақытша тіркеуге алынды. Оның 1973-і ТМД елдерінен, ал 165-і алыс шетелдерден келгендер. Шетелдіктердің ішінде 249-ы жеке мақсатта, 32-і іс сапармен, 1838-і жұмысқа, 7-і оқуға, 1-і миссионер, басқа мақсаттарда 11 азамат келіп тіркелген. Олардың 1747-і Өзбекстан Республикасынан, 19-і Қырғызстаннан, 169-і Ресейден, 155-і Қытай Халық Республикасынан келген.
<blockquote>
 «ҚР халықтың көші-қон саласындағы заңнамасын бұзған 749 шетелдік анықталып, олар ҚР ӘҚбТК-нің 517 бабы бойынша әкімшілік жауапкершілікке тартылды. Шетелдіктерді және азаматтығы жоқ адамадарды қабылдайтын жеке немесе заңды тұлғалардың ҚР-ның халықтың көші-қон саласындағы заңнамасын бұзған 389 азаматқа және шетелдік жұмыс күшін және еңбекші көшіп келушілерді ҚР заңнамасын бұза отырып тарту, шетелдіктің немесе азаматтығы жоқ адамның ҚР еңбек қызметін заңсыз жүзеге асырған 72 азаматқа Қазақстан Республикасының ӘҚБтК-нің 519 және 518 баптарымен әкімшілік шара көрілді», – дейді Қызылорда облысы Полиция департаментінің&nbsp;бастығы Сұлтан Бектөре.
</blockquote>
Әкімшілік кодекстің 517 бабы бойынша әкімшілік жолмен республика аумағынан 64 шетелдік шығарылды. Сотқа дейіңгі тергеп-тексеру тізіліміне 2 қылмыстық құқық бұзушылықтар тіркелді.

Сұлтан Бектөре: Көші-қон заңнамасын бұзған 749 шетел азаматы жауапқа тартылды

<a href="https://kyzylorda-news.kz/">Kyzylorda-news.kz</a>. Бүгінде аймақта Қызылорда облысы және Байқоңыр қаласын қосқанда 244 097 адам вакцинаның 1-компонентін алған. Бұл тұрғындардың 61 пайызын құрайды. Ал 185 463 адамға екпенің 2-компоненті егілген. Бүгін Өңірлік коммуникациялар қызметінің ақпарат алаңында өткен брифингте облыстық денсаулық сақтау басқармасы басшысының орынбасары Жангелді Шайымбетов өңірдегі эпидемиологиялық ахуалға кеңінен тоқталып, екпе алу жұмыстарының жүргізілу барысын баяндады.
<blockquote>
 «Маусым айында короновирус инфекциясымен 541 науқас тіркелсе, шілдеде 6 есеге өсіп, 3387 науқасқа артқан. Ал тамыз айының 9 күнінде 1827 адам вирус жұқтырып отыр. Бұл айдың соңына дейін өсуі мүмкін. Мәселен өткен тәулікте короновирус инфекциясымен 228 жағдай тіркелді. 1772 науқас үй жағдайында емделіп жатыр. Емхананың 138 мобильді бригадалары емдеу, дәрі-дәрмекпен қамтамасыз ету жұмыстарын атқаруда. Сосын бұл аурудың 70-80 пайызы симптомды түрі, былтыр көбіне симптомсыз еді», – деді Жангелді Мырзагелдіұлы.
</blockquote>
Айта кетейік, қазіргі таңда күніне 2000-2500 жан екпе алуда. Зейнет жасындағылар мен үй шаруасындағы адамдар арасында вакцина алу көрсеткіші әлі де төмен.

Қызылордада күніне 2 мыңнан астам адам екпе алуда

<a href="https://kyzylorda-news.kz/">Kyzylorda-news.kz</a>. Қытайдан коронавирусқа қарсы Sinopharm вакцинасының бірінші партиясы Алматыға жеткізілді, деп хабарлайды&nbsp;<a href="https://sputnik.kz/">Sputnik Қазақстан</a>.
Денсаулық сақтау министрлігінің ақпаратына сәйкес, Қазақстан Бейжің биологиялық өнімдер институты әзірлеген Covid-19-ға қарсы Sinopharm вакцинасының 4 миллион дозасын сатып алды.
Қытай вакцинасының бірінші партиясы 1 миллион дозадан тұрады. Осылайша, Sinopharm вакцинасы жақын күндері Қазақстанда тіркелген бесінші вакцина болады.
Вакцинаны стикерлеу рәсімі аяқталғаннан кейін жедел түрде өңірлерге жіберіледі.
<blockquote>
 «Sinopharm вакцинасының ерекшелігі – жеткізу процесі мұздатқышты қажет етпейді. Плюс 2…+8 градус температурада сақталады және тасымалданады», – делінген министрлік ақпаратында.
</blockquote>
Дүниежүзілік денсаулық сақтау ұйымы Sinopharm Қытай вакцинасын 2021 жылдың 7 мамырында қолдануға мақұлдады. Вакцина белсенді емес, екі дозалы. Сақтау мерзімі – 24 ай.
<blockquote>
 «Бұл ДДҰ қауіпсіз және тиімді деп таныған алғашқы қытай препараты, 45 елде ересектерге салуға рұқсат етілген. Қазір вакцина Қытайдан басқа БАӘ мен Сербияда өндіруге мақұлданды. Сонымен қатар Қытай мен БАӘ Қытайдың Sinopharm фармакологиялық компаниясының белсенді емес вакцинасын 3-17 жас аралығындағы балаларға салдыруды мақұлдады», – делінген ақпаратта.
</blockquote>
Айта кетері, сәуірдің соңында Қазақстан БАӘ-де Hayat-Vax сауда атауымен шығарылған Sinopharm компаниясының Бейжің биологиялық өнімі институты препаратының миллион дозасын сатып алған болатын.

Қазақстанға ДДҰ мойындаған вакцина жеткізілді

<a href="https://kyzylorda-news.kz/">Kyzylorda-news.kz</a>. Пандемия басталғалы Қызылорда облысында 12 362 адам коронавирус инфекциясын жұқтырды. Бұл туралы бүгін Өңірлік коммуникациялар қызметінде өткен брифингте Қызылорда облысының денсаулық сақтау басқармасы басшысының орынбасары Жангелді Шайымбетов хабарлады.
<blockquote>
 «Елімізде коронавирус инфекциясына байланысты ахуал күн өткен сайын күрделеніп бара жатыр. Бұл індет біздің өңірімізде де өршіп тұр. Сақтыққа салғырт қарағанның нәтижесінде көптеген азаматтар кеселді дерттің тырнағына ілігіп, аурумен алысып жатыр. Індет басталғалы бері өңірімізде коронавирус инфекциясымен 12 362 науқас тіркелді», – дейді Жангелді Шайымбетов.
</blockquote>
Айта кетейік, өткен тәулікте 228 жағдай тіркелді. Бұл өте көп тіркелім болып отыр. Анықталған жағдайдың көбісі жаңа ошақтан анықталды.
Облыс бойынша инфекциялық стационарда 1314 науқас, реанимациялық төсек-орында 94 науқас ем қабылдап жатыр. Тіркелім көбейген тұста инфекциялық төсек-орындар санын көбейтіп, дер кезінде тиісті ем шаралар жүргізіліп келеді.
<img src="https://kyzylorda-news.kz/wp-content/uploads/2021/08/b62ac731-ffb6-4f66-a4ed-8a60368dd844.jpg" alt="" />

Covid-19: Қызылордада 94 науқас жан сақтау бөлімінде ем қабылдап жатыр

<a href="https://kyzylorda-news.kz/">Kyzylorda-news.kz</a>. Бүгін Арал ауданының әкімі Серік Сермағамбетовтың төрағалығымен әкімдік және аппарат мәжілісі өткізілді. Басқосуда аудан әкімі ең алдымен орын алған кадрлық өзгерістерге тоқталып, аудандық мәдениет және тілдерді дамыту бөліміне және аудан әкімінің кеңесшісі қызметіне жаңадан тағайындалған қызметкерлерді таныстырып өтті.
Одан әрі күн тәртібіне көшкен аудан басшысы ең алдымен әкімдік мәжілісінде қаралатын өзекті үш мәселеге тоқталды.
Алғашқы мәселе, 2021 жылғы 6 айдың қорытындысы бойынша ауданның әлеуметтік-экономикалық даму көрсеткіштері туралы аудандық экономика және бюджеттік жоспарлау бөлімінің басшысы Т.Рашев хабарлама жасап, негізгі көрсеткіштерді баяндап өтті. Баяндама негізінде аудан басшысы көңіл көншітпей тұрған бірқатар көрсеткіштерге тоқталып, тиісті сала басшыларымен талдай келе, межелі көрсеткіштерді орындау бағытында жұмысты жандандыру қажет екендігін ескертті.
Екінші мәселе бойынша аудандық білім бөлімінің басшысы С.Жанназарова сөз алып, аудан мектептерінің 2021-2022 оқу жылына дайындық жұмыстарының жай-күйін кеңінен баяндап өтті. Белгілі болғандай қазіргі таңда білім бөліміне қарасты 50 мектеп, 4 қосымша білім беру ұйымы және 54 мектепке дейінгі білім беру ұйымында жаңа оқу жылына байланысты дайындық жұмыстары қарқынды. Мектеп және балабақшаларда оқытудың онлайн немесе оффлайн форматына көшіруге бағытталған шаралар үйлестіріліп, барлық білім беру ұйымдары “ASHYQ” бағдарламасы негізінде жұмыс жасауға кіріскен. Алдын ала есептеме бойынша жаңа оқу жылында 18000 оқушы білім алады деп жоспарланса, тамыз айына дейін 1 сыныпқа 1742 оқушы қабылданып үлгерген.
Осылайша білім саласындағы атқарылып жатқан жұмыстар сараланған жиын барысы үшінші мәселе, 2021-2022 жылдардағы жылу беру маусымына дайындық жұмыстарының барысына ойысты. Аталған мәселе жайлы аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Ж.Құдайберген сөз алып, аудан көлемінде орналасқан 189 әлеуметтік нысанның жылу беру маусымына дайындығы бойынша толыққанды талдап өтті. Сонымен қатар электр қуатымен қамту, ауыз су желілерінің қыс айларында қалыпты жұмыс істеуін қамтамасыз ету және газдандыру бағытында атқарылып жатқан жұмыстарға тоқталды.
Айта кету керек, аудан бойынша 2021-2022 жылдардағы жылу беру маусымына қатты отынға қажеттілік 15 000 тоннаны құрап отыр. Осы орайда аудан басшысы жылу беру кезеңінде кедергілерді болдырмау мақсатында бұл бағыттағы жұмыстарды тағы бір пысықтап, алдын ала жоспарлап, қажетті шараларды жүзеге асыру керектігін айтты. Өзекті мәселелер қаралған жиын қорытындысымен тиісті қаулылар қабылданды.
Алқалы жиын одан әрі аппарт мәжілісіне ұласып, күн тәртібінде аудан бюджетінің 6 айдағы игерілу барысы талқыланды. Мәселе бойынша аудан әкімінің салаға жауапты орынбасары Е.Талекенов баяндап өтті.
Атап өтілгендей, аудан бюджетінен қаржыландырылатын бюджеттік бағдарлама әкімшілері ағымдағы жылдың 1 шілдесіне бөлінген қаржының 99,7 пайызын игерген. Осы ретте аудан әкімі жылдың үшінші тоқсаны басталғанын, бюджет қаржыларының тиімді әрі уақытылы игерілуі аса маңызды екенін баса айтып, игерілмеген қаржылардың қалай, неден қалыптасқанын таразылап, атқарылған жұмыстардың кемшін тұстарын тізбектеді. Бюджет қаржыларының тиімді игерілмеуіне салаға жауапты орынбасарынан бастап, аудандық қаржы бөлімі мен бюджет әкімшілері тікелей жауапты екендігін еске салып, жоспарлы жұмыстарды тез арада ретке келтіруді тапсырды.
Аппарат мәжілісінің қорытындысы бойынша тиісті сала басшыларына нақты тапсырмалар беріліп, аталған тапсырмалардың орындалуын қадағалау аудан әкімінің орынбасарларына жүктелді.

Арал ауданында биыл 1 800-ге жуық бала 1 сыныпқа барады

<a href="https://kyzylorda-news.kz/">Kyzylorda-news.kz</a>. Өткен жылдан бастап елімізде 10 тамыз “Абай күні” болып бекітілген болатын. Ұлт руханияты үшін айтулы мерекеге айналған күнді дәріптеу биыл да жоғары деңгейде жалғаспақ. Мәселен, облысымыздың мәдениет ұйымдарында апта көлемінде онлайн форматта түрлі мерекелік шаралар өткізілуде. Бұл туралы өңірлік коммуникациялар қызметінде өткен брифингте облыстық мәдениет, архивтер және құжаттама басқармасының міндетін атқарушы Нұршат Наурызбаева баяндады.
Ұлы ақынның мұрасын насихаттау мақсатында «Абай әлемі» атты ардагерлердің облыстық өнер фестивалі және «Көзімнің қарасы» тақырыбында Абай шығармашылығына арналған облыстық өнер байқауы өткізіледі.
Сондай-ақ, облыстық филормонияның «Қорқыт сазы» қобызшылар ансамблі мен дәстүрлі орындаушылардың «Абай аманаты» тақырыбында ұлы ақынның әндерін көпшілік назарына ұсынса, облыстық халық шығармашылығын дамыту мәдени-продюсерлік орталығының ұйымдастыруымен «Абай жырлары – Сыр мақамдары» атты дәстүрлі түрде өткізілетін кеш қалың көрерменге ұсынылмақ.
<blockquote>
 «Әбілдә Тәжібаев атындағы кітапхана қызметкерлері мен облысымыздың барлық кітапханашылары Абай шығармаларын жас ұрпаққа дәріптеу мақсатында тамыз айының 3-ші жұлдызынан бастап «Абайды оқы жалықпа» тақырыбында челлендждер өткізіліп жатыр. Абай күніне арналған мерекелік шаралар тек бір күндік емес. Ол біздің күнделікті өмірімізге рухани мұра болып қалатын дүние» -деді Нұршат Бегежанқызы.
</blockquote>
Брифингте “Абай қазынасына саяхат” клубының жетекшісі Елена Пак клубтың Абай мұрасын кеңінен ұлықтауда атқарып жатқан шараларына тоқталды.
<blockquote>
 “Клуб өз жұмысын бастағалы бері 15-тен астам ауқымды шараларды өткізген. Қазіргі таңда клубқа 35-тан астам Абай шығармаларын сүйіп оқитындар мүшелік етеді. Олардың 70 пайызы этнос өкілдері болып табылады. Алдағы уақытта да олар Абай тынысымен тыныстап, клубтың жұмысын жандандыра түспек”, – деді клуб жетекшісі.
</blockquote>

Қазақстан және Қызылорда облысының жаңалықтары: Қоғам

205 қызылордалық коронавирустан жазылды

Коронавирус бір тәулікте 218 адамнан анықталды

11 тамызға арналған ауа райы болжамы

Жұмағали Мырзағалиев: Екпе – барлық аурудың емі

Абай әлемі – құны мол мұра

Жангелді Шайымбетов: Дәрігерге қаралып, дер кезінде ем бастауды сұраймын

Сұлтан Бектөре: Көші-қон заңнамасын бұзған 749 шетел азаматы жауапқа тартылды

Қызылордада күніне 2 мыңнан астам адам екпе алуда

Қазақстанға ДДҰ мойындаған вакцина жеткізілді

Covid-19: Қызылордада 94 науқас жан сақтау бөлімінде ем қабылдап жатыр

Арал ауданында биыл 1 800-ге жуық бала 1 сыныпқа барады

Абай күні: Қызылордада онлайн форматта мерекелік шаралар өтеді

Қазақстан және Қызылорда облысының жаңалықтары: Қоғам

205 қызылордалық коронавирустан жазылды

Коронавирус бір тәулікте 218 адамнан анықталды

11 тамызға арналған ауа райы болжамы

Жұмағали Мырзағалиев: Екпе &#8211; барлық аурудың емі

Абай әлемі &#8211; құны мол мұра

Жангелді Шайымбетов: Дәрігерге қаралып, дер кезінде ем бастауды сұраймын

Сұлтан Бектөре: Көші-қон заңнамасын бұзған 749 шетел азаматы жауапқа тартылды

Қызылордада күніне 2 мыңнан астам адам екпе алуда

Қазақстанға ДДҰ мойындаған вакцина жеткізілді

Covid-19: Қызылордада 94 науқас жан сақтау бөлімінде ем қабылдап жатыр

Арал ауданында биыл 1 800-ге жуық бала 1 сыныпқа барады

Абай күні: Қызылордада онлайн форматта мерекелік шаралар өтеді

Жұмағали Мырзағалиев: Екпе – барлық аурудың емі

Абай әлемі – құны мол мұра