<a href="https://kyzylorda-news.kz/ru/obshestvo/">Kyzylorda-news.kz</a>. Қазгидромет 21-23 қыркүйегіне арналған ауа райы болжамын жариялады.
Атмосфералық фронтальді жүйелермен батыста, оңтүстік пен оңтүстік-шығыстың таулы аудандарында жаңбыр жауады, елдің солтүстігі мен шығысында екпінді желмен аздаған жауын-шашын болады. Ауа температурасы елдің батысында түнде 3-17, күндіз 12-28 жылы, солтүстік-батыста түнде 0-7 жылы, кей жерлерде 3 градус үсік жүреді.
Ал орталықта және облыстың шығысында түнде 0-5 жылы, 3 градусқа дейін үсік күтіледі. Елдің оңтүстігі мен оңтүстік-шығыста ауа температурасы түнде 4-15, күндіз 17-28 градус жылы болады.

Алдағы күндері үсік жүреді

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облыстық Қазақстан халқы ассамблеясы жанындағы Аналар кеңесінің&nbsp; ұйымдастыруымен ҚР Президенті Қ.Тоқаевтың&nbsp; Жолдауын талқылау мақсатында Достық үйінде келелі кездесу өтті.
Оған «Қоғамдық келісім» КММ директорының міндетін атқарушы Фархат Әбдібағдатұлы, облыс әкімі жанындағы әйелдер істері және отбасылық-демографиялық саясат жөніндегі комиссия хатшысы Қаламқас Каримова, облыстық ҚХА құрылымдарының жетекшілері, этномәдени бірлестіктің өкілдері, облыстық, қалалық, аудандық мәслихат депутаттары, Аналар кеңесінің белсенділері, аудандық аналар кеңесінің төрайымдары және БАҚ өкілдері қатысты.
Шара модераторы облыстық ҚХА жанындағы Аналар кеңесінің төрайымы Рахима Ахметова болды. Алғы сөзді алған «Қоғамдық келісім» КММ директорының міндетін атқарушы Фархат Әбдібағдатұлы Президент Жолдауы нағыз уақыт рухын сезіндіргендігін, бүгінгі күні әрқайсымызды толғандырған мәселелерін алдымызға алып шыққандығын айта отырып, Тәуелсіздік – тарих тоғыстырған, тағдыр табыстырған барша ұлт пен ұлыстың берік тұтастығы, Қазақстанның басты жетістіктерінің бірі екендігіне тоқталып өтті.
Шараның шымылдығы «Тәуелсіздік – ұлы құндылық» бейнеролигімен ашылды. Мұнан соң облыс әкімі жанындағы әйелдер істері және отбасылық-демографиялық саясат жөніндегі комиссия хатшысы Қаламқас Каримова Жолдаудың негізгі басымдықтарына тоқталып өтті. «Ел экономикасын және ел басқаруды түбегейлі өзгерту – заман талабы» тақырыбында облыстық мәслихатының депутаты, облыстық іскер әйелдер қауымдастығының төрайымы Манат Алмашева сөз сөйледі. Ал облыстық ҚХА төрағасының қоғамдық негіздегі орынбасары Ирина Шек «Участие Ассамблеи народа Казахстана в укреплении единства и согласия казахстанского общества» мәселесін айтып өтті. «Здоровье нации – главное богатство» бағыты бойынша облыстық онкоорталығының бөлім басшысы Виктория Юн және «Качественное образование – гарантия достойного будущего» жайында №198 Ж. Нұрманов атындағы орта мектептің директоры Анжела Садықбекова және «Мемлекеттік тіл – тәуелсіздіктің нышаны» тақырыбында &nbsp;Қорқыт Ата атындағы Қызылорда университетінің студенті, тіл жанашыры Пак Елена тұшымды ойларын ортаға салды.

Жолдау: Аналар кеңесі бас қосты

<a href="https://kyzylorda-news.kz/">Kyzylorda-news.kz</a>. 2021 жылғы 19 қыркүйекте коронавирус инфекциясын жұқтырған 2 438 жағдай тіркелді. Және коронавирус инфекциясын жұқтырғандардың жалпы саны 862 862 жетті.
Оның ішінде:
Нұр-Сұлтан қаласында – 299,
Алматы қаласында – 506,
Шымкент қаласында – 81,
Ақмола облысында – 135,
Ақтөбе облысында – 106,
Алматы облысында – 166,
Атырау облысында – 75,
Шығыс Қазақстан облысында – 115,
Жамбыл облысында – 56,
Батыс Қазақстан облысында -67,
Қарағанды облысында – 340,
Қостанай облысында – 115,
Қызылорда облысында – 41,
Маңғыстау облысында – 14,
Павлодар облысында – 192,
Солтүстік Қазақстан облысында – 72,
Түркістан облысында – 58.

COVID-19: Қызылордада 41 адам тіркелді

<a href="https://kyzylorda-news.kz/">Kyzylorda-news.kz</a>. Синоптиктердің болжауныша, дүйсенбіде елімізде тұман түсіп, жел күшейеді, жаңбыр жауады, шығыс өңірлерде арты қарға ұласуы мүмкін, түнде бірқатар өңірде үсік жүреді, деп хабарлайды Қазгидромет.
20 қыркүйекте еліміздің басым бөлігінде фронтальды бөліктердің ықпалымен ауа райы құбылмалы болады. Оңтүстікте, оңтүстік-шығыста, батыста найзағай ойнап, жаңбыр жауады, солтүстікте, шығыста аздаған жаңбыр жауып арты қарға ұласады. Қалған өңірлерде антициклон әсерінен күн райы ашық болады. Еліміздің басым бөлігінде жел күшейеді, шығыста және орталықта тұман түсуі ықтимал.

Күн суытып, жаңбыр жауады

Kyzylorda-news.kz. Әрбір ана үшін туған баласы әлемдегі ең мінсіз адам екені рас. Алайда ол кенеттен өзінің денесі, сырт келбетіне көңілі толмайтынын айтып бастағанын көру қиын соғады. Осындай жағдайларда ата-аналар балаларына өзін бар болмысымен жақсы көруді үйретудің жолдарын іздейді. Сонымен, жасөспірімге келбетіне қатысты позитивті пікір қалыптастыруға қалай көмектесуге болады?
Біз сыртқы келбеттен біреу болмаса, біреу мін тауып беріп, бетіне басатын әлемде өмір сүріп жатырмыз. Қоғам әлеуметтік желіде көрсетілетін жарнамалық идеалға жақындау үшін әрқашан «түзететін нәрсе» іздеп тұратын болды. Косметикалық компаниялар мен пластикалық хирургтар адам өзіне сенімсіз болғанда жүрегін жаулап алатын сәтсіздік, жалғыздық, қартаюдан қашу сынды қорқыныштардан пайда табады. Өз келбетін қабылдау және сол болмыспен гармонияда өмір сүру жасөспірім түгіл, тіпті ересектер үшін де оңай емес.
Мұндай баланы бос проблема ойлап тауып, құр әуре болып жүрсің дегенге сендірудің қажеті жоқ. Біздің ата-ана ретіндегі міндетіміз – баланың жек көру, ашу, ыза, қорқыныш секілді сезімдерін мойындау және осы сезімдермен жұмыс жасай алатын қауіпсіз аура құруға көмектесу. Міне, сол себепті сөйлесе білудің маңызы зор.&nbsp; Сөйлесуді бастауға көмектесетін бірнеше фразалар:
<ol>
<li>“Сен не себепті мұндай сезімге бой алдырдың?” 
Әңгімелесудің басында баланың айтқанына “Мұның нағыз ақымақтық, Құдай жаратқан болмысыңнан мін іздеме”, “Бұл нонсенс, ойлап таппайтының жоқ!” деген секілді пікір білдірудің қажеті жоқ. Керісінше оған мұның табиғи нәрсе екенін көрсетіңіз, яғни, кез келген адамның бойында сымбатына күмән болатынын білдіріңіз. Ондай сезім ең сұлу адамдарға да тән екенін айтыңыз.</li>
</ol>
Оның сезімдерін талқылаңыз. Сұрақты ашық қою балаға эмоцияларын еркін жеткізуге және олардың не үшін пайда болғанын айтуға мүмкіндік береді.Бұл жасөспірімге оның мұндай сезімге бөленуі заңды екенін көрсетеді және сіз журналдардың, жарнамалардың, құрбы-құрдастардың сөздерінің кесірінен қалыптасқан сенімсіздікті өшіресіз.
Сонымен қатар, сіз балаңыздың өзіне деген сенімін нығайтып, бағалы ақпарат бересіз. Әрі қарай не айту керек екенін болжай аласыз.
<ol start="2">
<li>“Өзіңе ұнайматын тұсың мінсіз болса, өмірің қалай өзгереді деп ойлайсың?” 
Баланың жасына байланысты бұл сұрақ одан әрі сөйлесуді басқа бағытқа бұруы мүмкін. Бірақ мақсат бір: жасөспірімнің неге басқаша көрінгісі келетінін, оның денесін неге жек көретінін және оны сүйкімсіз деп санайтынын түсіну. Бұл сұрақ баланың қиялындағы өзінің идеал болмысын көруге әкеледі.</li>
</ol>
Осы жерде сіз идеал бейне мен баланың шынайы болмысының арасында пайда болған бос орынға көпір сала аласыз. Мүмкін сіздің балаңыз бес келі салмақ тастағаннан кейін өзін бақытты сезінемін деп ойлайтын шығар? Бұл ақпарат жасөспірімнің сыртқы келбетке қатысты ойын анық көрсетеді.
<ol start="3">
<li>“Саған өз бойыңнан ұнайтыны не?” 
Жасөспірімнің жағымсыз сезімдерін мойындағаннан кейін, осы сұрақты оның назарын өзінің артықшылықтарына аудару үшін қолданыңыз. Ол сыртқы келбетінің тартымды бөліктер атап өтсін. Егер бала өзінің әдемі кірпіктерін жақсы көрсе де, мәселе соншалық шиеленіспегенін байқайсыз. Себебі өз артықшылығын байқаған балада&nbsp; жағымсыз ойларға қарсы тепе-теңдік жасайтын позитивті пікір де бар болып шығады.</li>
</ol>
Оған “мен сыртқы келбетімде нені жақсы көремін” және “мен сыртқы келбетімде жек көретін нәрселер” деген екі тізімнің де қатар өмір сүре алатынын айтыңыз. Және біртіндеп осы екеуі бір-бірімен теңесе келе, дененің тек сүйкімсіз ғана болмайтыны туралы ой қалыптастыруға жақындай алады.
<ol start="4">
<li>“Сен тәнің &nbsp;– сенің құндылығың, деніңнің саулығы” 
Көлемі, түсі мен мүмкіндіктеріне қарамастан, біздің денеміз расымен біздің байлығымыз. Біз сыртқы келбетімізден мін іздеумен жиі айналысатындықтан, денеміздің таңғажайып мүмкіндіктерін ұмытып кетіп жатамыз.</li>
</ol>
Баланың осыны түсінуі маңызды: өзінің қолынан қолынан не келетінін білу оның мәселесін шешуге бір табан жақындатады.
Балаңызға денесінің арқасында не істей алатыны туралы ойлануын сұраңыз. Мүмкін биіктікке секіре алатын шығар, футболды керемет ойнайтын өнерін есіне салыңыз, жылдам жүгіретіні секілді физикалық қабілеттерін айтып еңсесін көтеріңіз. Мұның бәрі осы өзі көңілі толмайтын денесінің арқасы екенін ескертіңіз.
<ol start="5">
<li>“Адамның болмысы сырт келбетпен бағалы болмайды” 
Жасөспірімге оның адами қасиеттері киім өлшемімен немесе салмақпен бағаланбайтынын қайта-қайта ескертіңіз. Сыртқы келбетке қатысты “әдемі” деген сөзден аулақ болыңыз, бұл тым субьективті пікірге келеді. Бала да ә радам өзінше ерекше екенін, белгілі бір стандарт жетегінде кетпеу керек екенін ұғады. “Сенің келбетің керемет” деп жиі айтыңыз.</li>
</ol>
Бұл оның күннен күнге өзіне деген сенімді болуын арттырады және жасөспірімге өзін жақсы көруге көмектеседі. Сыртқы келбетке қатысты алаңдаушылықты қалай жеңе алатыныңызды сипаттаңыз, сонда жасөспірім сіздің де сондай күй кешетініңізді біліп, өзінің жалғыз емес екенін түсінеді.
<a href="https://massaget.kz/kyizdarga/psihologiya/66149/">Massaget</a>

Сырт келбетіне көңілі толмайтын жасөспірімге қалай көмектесуге болады?

Kyzylorda-news. kz. QazAvtoJol компаниясы жаұында пайдалануға беруге дайын ақылы учаскелер туралы жариялады.
<blockquote>
 «Бүгінгі таңда «Нұр-Сұлтан – Павлодар», «Шымкент – Өзбекстан шекарасы» (Ташкент), «Щучинск – Көкшетау», «Қапшағай – Талдықорған», «Шымкент – Тараз», «Тараз – Қайнар», «Шымкент – Қызылорда» учаскелері ақылы жолдардың қатарына қосылуға дайын. Бұл учаскелер барлық қажетті құралдармен жабдықталған. Аталған учаскелерді пайдалануға беру туралы бұйрық жобалары мемлекеттік органдардың келісуінде», – делінген компания мәліметінде.
</blockquote>
Бұл 1 санаттағы жол учаскелерінде ақылы жолды енгізу 2021 жылдың 1 қазан айынан тестілік режимде, 2021 жылдың 1 қарашасынан бастап нақты пайдалануға беріледі.
<blockquote>
 «Ақылы учаскелер бойынша жүріп өту үшін төлемақы мөлшерлемесі 2013 жылы «Нұр-Сұлтан – Щучинск» бірінші ақылы учаске енгізілгеннен бері өзгерген жоқ және ол сол қалпында қалады. ІІ санаттағы жол қозғалысы үшін төлемақы тарифін төмендету жоспарда бар. Аталған мәселе мемлекеттік органдардың келісуінде», – деп аталып өткен хабарламада.
</blockquote>
Бұдан бұрын хабарланғандай, Қазақстанда ақылы жолмен жүру тарифі өзгермейді.

Биыл 1 қарашадан бастап Қазақстанда жаңа ақылы жолдар болады

Kyzylorda-news.kz. Қыркүйек айының үшінші жексенбісі – Аналар күні. Ресми түрде бұл мереке 2012 жылы Елбасы Нұрсұлтан Назарбаевтың бастамасымен бекітілген.
Ол 2012 жылдың 8 наурызын тойлау қарсаңында қазақстандық аналарды құрметтеу үшін белгілі бір күнді белгілеу туралы ойын білдірді.
Сондай-ақ Назарбаев қазақстандық аналарды күзде “тазалау аяқталғанда, жеміс-жидек піскен уақытта” құттықтауды ұсынды.
Көп ұзамай, Үкіметтің қаулысымен “Қазақстан Республикасындағы кәсіби және басқа мерекелер туралы” Қазақстан Республикасы Президентінің 1998 жылғы 20 қаңтардағы №3827 Жарлығына тиісті өзгерістер енгізілді, оған сәйкес елде жаңа мереке – Аналар күні пайда болды және оны атап өту күні қыркүйектің үшінші жексенбісі белгіленді.

Бүгін – Аналар күні

Kyzylorda-news.kz. Қазақстанның басым бөлігі солтүстік антициклон ықпалында болғандықтан, күн ашық болады, деп хабарлайды Қазгидромет.
<blockquote>
 “Қазақстанның солтүстік, орталық, шығыс және оңтүстік аймақтарына әлі де солтүстік-батыс циклоны ықпал етеді, жаңбыр жауады, оңтүстікте найзағай ойнап, тұман түседі, жел күшейеді”, – деп хабарлады синоптиктер.
</blockquote>
Солтүстік Қазақстан облысының&nbsp;солтүстігінде тұман, түнде оңтүстік-шығысында жел 15-20 м/с-ке дейін күшейеді, күндіз облыстың басым бөлігінде желдің күші 15-20, екпіні 23-28 м/с болады.
Ақмола облысының&nbsp;солтүстігінде тұман, күндіз басым бөлігінде жел 15-20 м/с-ке дейін күшейеді.
Қостанай, Павлодар облыстарының&nbsp;солтүстік-шығыс және шығысында тұман түсіп, жел15-20-ке дейін күшейеді.
Түркістан облысының&nbsp;таулы аймақтарында найзағай ойнап, желдің күші 15-20 м/с-ке дейін жетеді. Түнде облыстың солтүстік және орталығында тұман түседі.
Түнде&nbsp;Батыс Қазақстан облысының&nbsp;солтүстігінде топырақ бетінде,&nbsp;Ақмола, Солтүстік Қазақстан облысының&nbsp;батысында,&nbsp;Ақтөбе, Қостанай облыстарының&nbsp;солтүстігінде,&nbsp;Қарағанды облысының&nbsp;солтүстік және орталығында&nbsp;1-3 градус үсік күтіледі.
Алматы, Жамбыл, Түркістан, Қызылорда, Маңғыстау, Атырау, Ақтөбе облыстарының басым бөлігінде, Қостанай облысының оңтүстік-батыс, батыс және орталығында, Қарағанды облысының оңтүстік және орталығында, Батыс Қазақстан облысының солтүстік-шығыс және орталығында, Павлодар облысының орталығында, Шығыс Қазақстан облысының оңтүстігінде төтенше өрт қаупі сақталады.

19 қыркүйекте ауа райы қандай болады?

<a href="https://kyzylorda-news.kz/">Kyzylorda-news.kz</a>. «Бизнес по-казахски Түркияда» фильмінің прокатқа шығуын көрермен ұзақ күтті. Елдің тағатын тауысқан комедияны шығару үшін Қоябаев: «Кинотеатрлардың 100 пайыз ашылуын күтемін», – деген еді. Енді ол 30 пайызға рұқсат берілсе де, картинасын жаңа жыл қарсаңында ұсынуға әзір.
<blockquote>
 «Бизнес по-казахски Түркияда» және «I go to school» кинолары желтоқсан айында жарыққа шығады деп айтуға болатын шығар. Қазақ тілінде түсірілді. Бесінші бөлім өзі ерекше, өйткені 100 пайыз қазақ тіліне ауыстық», – дейді продюсер.
</blockquote>
Туынды толықтай қазақ тілінде болған соң, Нұрлан оның атауын “Қазақ бизнесі енді Түркияда” деп өзгерткісі келіп, желідегі оқырмандарының ойын сұраған да еді.
Сондай-ақ, Қоянбаев танымал түрік актері әрі продюсер Кадыр Догулының тапсырысымен, “Митат” атты фильм түсірді. Аталған туынды отандық прокатқа шықпақ! Картинаның тұсаукесері қараша айына жоспарланып отыр.&nbsp;
<blockquote>
 «Өзім барған жерде жұмыс істеймін, олар енді көреді ғой кімнің қалай жұмыс істейтінін. Жұмыс істеп болғаннан кейін, біз әңгімелесеміз, жоспарлармен бөлісеміз, сол кезде жақсы-жақсы ұсыныстар жасайды», – дейді Нұрлан.
</blockquote>
Айта кететін жайт, Қоянбаевтың қолынан шыққан туындыны түріктер ғана емес, корей халқы да тамашалай алмақ! Нұрлан жуырда ғана Оңтүстік Кореялық киногерлермен келісімге отырып, тарихи лента таспалауға кіріспек.
Продюсерліктен бөлек, тек өз жобаларында актер ретінде төбе көрсетіп жүрген Нұрлан, өзге режиссерлардан да шақырту күтіп жүрген көрінеді.
<blockquote>
 «Осы жалпы өмірде «Нұрлан кинома түсіп берші, осындай киноға түсесіз ба?» деген ұсыныстар көп түспейді. Сондықтан да мен өзім күтіп отырамын. Біреу звондай ма, звондамай ма?! Звондамағаннан кейін өзім түсіремін», – деп күлді актер.
</blockquote>
<a href="https://stan.kz/nyrlan-koyanbaev-tanimal-turik-akterine-film-tusirip-be-352583/">Stan.kz</a>

Нұрлан Қоянбаев танымал түрік актеріне фильм түсіріп берді

<a href="https://kyzylorda-news.kz/">Kyzylorda-news.kz</a>.&nbsp;Украиналық әнші және тиктокер Михаил Поплавский Киев мәдениет және өнер университетінде ТикТок факультетін ашты.
Бұл факультет Украинада ғана емес, әлемдегі алғаш ашылған факультет. Факультетте оқу Киев мәдениет және өнер университетінің барлық студенттері үшін ақысыз болады.
Поплавскийдің айтуынша, болашақ әлеуметтік желілерге тиесілі болады, сондықтан жастарды әлеуметтік желілерде жұмыс істеуге үйрету керек.
<blockquote>
 «Менің мақсатым – ТикТокты украинизациялау, елдің жаңа тарихын жасайтын креатив және болашағы зор жастарды басқару. Біз нөлден бастап үйретеміз және әрбір түлекке диплом беріледі», – деп жазды Тиктокер.
</blockquote>
Айта кетейік, Михаил Поплавский 1993-2015 жылдар аралығында Киев ұлттық мәдениет және өнер университетінің ректоры болды.&nbsp;
<a href="https://massaget.kz/layfstayl/bilim/66171/">massaget.kz</a>

Университетте әлемдегі алғашқы TikTok факультеті ашылды

<a href="https://kyzylorda-news.kz/">Kyzylorda-news.kz</a>. Әр мезгіл өз сұлулығымен&nbsp;ерекше. Айналамыз алтын түске боялатын күзде саяхаттау тіпті ғажап.
Егер осы мезгілде саяхатқа шығу жоспарыңызда болса, төмендегі қалаларға барсаңыз болады. Күзде бұл қалалар таңғажайып кейіпке енеді.
Плёс, Ресей
Плёске күзде не үшін бару керектігін түсіну үшін Исаак Левитанның суреттеріне қарау жеткілікті. Тыныштықты іздейтіндер үшін мұнда бәрі бар: жинақы үйлер, ағаш шіркеулер, Собор тауының таңғажайып панорамасы.
<img src="https://kyzylorda-news.kz/wp-content/uploads/2021/09/resej.jpg" alt="" />
Таллин, Эстония
Ортағасырлық үйлер, тас төселген әдемі көшелер,&nbsp;жұмсақ пастелді түстердегі аласа ғимараттар. Ал күзде Таллин сондай таңғажайып, жарқын, тірі қала. Кез келген бұрыштағы кафеде сіз күні бойы кітап оқып, шай ішіп, отыра аласыз. Бір сөзбен ертегі қала.
<img src="https://kyzylorda-news.kz/wp-content/uploads/2021/09/jestonija.jpg" alt="" />
Брюгге, Бельгия
Брюгге жылдың кез келген уақытында әдемі, сондықтан оған кемінде 4 рет бару керек: қыста, көктемде, жазда және күзде. Бұл қаланың табиғатына тамсанбау мүмкін емес.
<img src="https://kyzylorda-news.kz/wp-content/uploads/2021/09/belgija.jpeg" alt="" />
Прага, Чехия
Сіз өміріңізде Прагаға кем дегенде бір рет келуіңіз керек. Күзде Прага мүлде басқаша болады. Бұл жердегі саябақтар мен аллеялар санаулы күнде жапырақтармен көмкеріледі.
<img src="https://kyzylorda-news.kz/wp-content/uploads/2021/09/chehija.jpg" alt="" />

Күзде баруға тұрарлық Еуропадағы таңғажайып қалалар (ФОТО)

<a href="https://kyzylorda-news.kz/">Kyzylorda-news.kz</a>. Анықтама бойынша, «мизам шуақ» (бабье лето) – бұл күзде құрғақ, шуақты және салыстырмалы түрде жылы ауа райының ұзақ кезеңі.
Алдағы күндері Қазақстан аумағының солтүстік жартысына, Солтүстік теңіздердің аудандарынан суық ауа массаларының өткірленуі жүзеге асырыла бастайды. Осыған байланысты түнгі сағаттарда ауа температурасының айтарлықтай төмендеуі күтіледі: 3°С дейін үсік жүру мүмкіндігі бар. Күндіз +8+12°С дейін жылынады, оңтүстік өңірлерде ағымдағы онкүндіктің соңында ауа температурасының төмендеуі соншалықты елеулі болмайды – ауа температурасы түнде +15+20°С-тан +5+15°С дейін, күндіз +27+35°С-тан +22+27°С дейін болады деп болжануда.
Үшінші онкүндіктің басында, Иран аудандарынан жылы ауа массаларының республика аумағына шығарылуымен, температуралық фонның біртіндеп көтерілуі күтілуде. Алдымен еліміздің батыс өңірлерінде ауа температурасы күндіз +20+25°С дейін көтеріліп, келесі күндері Қазақстанның қалған өңірлері де жылумен қамтылады. Солтүстік өңірлерде ауа +17+25°С дейін жылынады, орталық және шығыс бағандарында термометрлер +20+28°C белгісіне дейін, оңтүстік өңірлерде +28+33°С дейін көтеріледі.
Қазан айындағы алдын ала болжамға сәйкес, айдың екінші онкүндігінде ауа райы жылы күндермен құбылады, алайда түнгі температура төмен болады: батыста түнде +5+13°С, күндіз ауа +23+28°С дейін, солтүстік өңірлерде түнде +2+9°С, күндіз +15+23°С, оңтүстік өңірлерде түнде +8+15°С, күндіз +22+30°С.
Ескерту: консультациялық болжам синоптикалық жағдайдың өзгеруіне қарай түзетіледі және болжам күні жақындаған сайын нақтыланады.

Қазақстан және Қызылорда облысының жаңалықтары: Қоғам