<a href="https://kyzylorda-news.kz/">Kyzylorda-news.kz</a>. Қызылорда қаласында мал ұрлаған 4 адам ұсталды.
Наурыз айында Қызылорда қаласы Полиция басқармасының Тасбөгет полиция бөліміне Махамбет ауылының тұрғыны белгісіз біреулер үйінің мал қорасынан 5 бас қойын ұрлап кеткендігі туралы арызданған болатын. Жәбірленушіге 225 мың теңге көлемінде материалдық шығын келтірілген.
Полицейлермен жүргізілген кешенді жедел-тергеу жұмыстарының нәтижесінде күдікті ретінде 4 азамат анықталып, ұсталды. Олар 22-26 жастағы қала тұрғындары екені белгілі болды. Сонымен қатар, күдіктілердің қала аумағында орын алған басқа да мал ұрлықтарына қатыстылығы тексерілуде.
Аталған дерек бойынша Қазақстан Республикасы Қылмыстық кодексінің 188-1 бабы 3-бөлігінің 2-тармағымен (тұрғын үй-жайдың, кәсіпорынның, ұйымның, мекеменің, мал қораның, қашаның немесе өзге де қойманың ауласына кiрумен жасалған мал ұрлау) сотқа дейінгі тергеп-тексеру амалдары жүргізілуде.

Қызылордада мал ұрлаған төрт 4 адам ұсталды

<a href="https://kyzylorda-news.kz/">Kyzylorda-news.kz</a>. Қызылорда қаласының әкімі Ғанибек Қазантаевтың төрағалығымен қала аумағында карантин талаптарының сақталуы туралы жедел штаб отырысы өтті.
Штаб отырысында&nbsp; қалалық полиция басқармасының бастығы Нұрлан Ағаділов пен қалалық санитариялық-эпидемиологиялық бақылау басқармасының басшысы Ерлан Ұзақбаев қала аумағында карантин талаптарының сақталу барысы, індеттің алдын алу шаралары туралы атқарылып жатқан жұмыстар жайында баяндады.
Қалалық полиция басқармасы бастығының хабарлауынша қалада арнайы мониторингтік топ құрамына басқарманың 16 учаскелік полиция инспекторлары бекітіліп, қазіргі таңда 16 мониторингтік топпен күнделікті рейдтік жұмыстары жүргізілуде. 2 учаскелік инспектор, екі мобильдік топқа бөлініп, жұмыс атқарса, қалған 14 учаскелік инспекторлар өз аймақтары бойынша жұмыстар атқаруда.
Келесі баяндамашы Ерлан Ұзақбаев тіркелген шұғыл хабарламалар мен мәліметтер бойынша 93 жоспардан тыс тексерулер жүргізіліп, 9&nbsp;128&nbsp;945 теңгеге 159 айыппұл салынып, 155 айыппұл өндірілді, 93 ұйғарымдар берілді. Карантиндік шаралардың бұзушылықтары анықталған орындардың 86-сы қоғамдық тамақтану орындары болса, 3 сауда орындары, 33-і тойлар және өзге де нысандарға айыппұлдар салынып өндірілгенін жеткізді.
<blockquote>
 «Қала &nbsp;тұрғындарының қауіпсіздігін қамтамасыз ету бағытында қабылданған шектеу шараларына қарамастан, тұрғындар арасында той, отбасылық іс-шаралар мен басқа да мерекелік шараларды өткізу тыйылмауда. Яғни бұл, тұрғындар аурудың қауіптілігін әлі сезінбей жүр деген сөз. Қазіргі таңда коронавирус инфекциясының таралу көрсеткіші өткен айда 2 300 адамды құраса, осы айдың жиырма күнінің өзінде таралу көрсеткіші 2 600 адамнан асып отыр. Бұл дегеніміз, қала аумағында қауіпсіздік шараларының өз деңгейінде сақталмайтындығын және мониторингтік топтардың жұмыстары әлі де төмен екендігін көрсетуде», – деді Ғанибек Қазантаев.
</blockquote>
Отырыс соңында қала әкімі карантин талаптарының сақталуын бақылау бойынша құрылған мониторингтік топтардың жұмысын жандандыруды тапсырды.

Ғанибек Қазантаев: Мониторингтік топтардың жұмысы әлі де төмен екендігі байқалады

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 9748 адам коронавирус індетінен емделіп шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 866,
Алматы қаласы – 3 314,
Шымкент қаласы – 607,
Ақмола облысы – 276,
Ақтөбе облысы – 614,
Алматы облысы – 556,
Атырау облысы – 539,
Шығыс Қазақстан облысы – 133,
Жамбыл облысы – 493,
Батыс Қазақстан облысы – 134,
Қарағанды облысы – 1 054,
Қостанай облысы – 212,
Қызылорда облысы – 201,
Маңғыстау облысы – 230,
Павлодар облысы – 391,
Солтүстік Қазақстан облысы – 108,
Түркістан облысы – 20.
Қазақстан бойынша жазылғандар саны – 641 249.

201 қызылордалық коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстандағы коронавирусқа қатысты 25 тамыз 23:59-дағы эпидемиологиялық жағдай бойынша ПТР арқылы 6 358 адамның коронавируспен ауырғаны расталды, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 601,
Алматы қаласы – 1 605,
Шымкент қаласы – 260,
Ақмола облысы – 263,
Ақтөбе облысы – 420,
Алматы облысы – 376,
Атырау облысы – 316,
Шығыс Қазақстан облысы – 211,
Жамбыл облысы – 193,
Батыс Қазақстан облысы – 161,
Қарағанды облысы – 821,
Қостанай облысы – 265,
Қызылорда облысы – 151,
Маңғыстау облысы – 190,
Павлодар облысы – 338,
Солтүстік Қазақстан облысы – 110,
Түркістан облысы – 77.
Жалпы ел бойынша ауырғандар саны 761 249.

Қызылордада тағы 151 адам коронавирус жұқтырды

<a href="https://kyzylorda-news.kz/">Kyzylorda-news.kz</a>. Тамыздың 26-сы күні Қазақстан аумағының басым бөлігінде күн жауын-шашынсыз болады, деп хабарлайды Қазгидромет.
Тек атмосфералық фронталды бөліктердің өтуімен оңтүстік-шығыста, оңтүстікте таулы аудандарда және солтүстік-батыста найзағай ойнап жаңбыр жауады.
Республика бойынша жел күшеіп, оңтүстік-шығыста таулы аудандарда бұршақ жауады.
Жамбыл, Түркістан облыстарының таулы аудандарында күндіз және Қостанай облысының батысында найзағай ойнайды. Найзағай кезінде жел 15-20 м/с жылдамдықпен соғады. Күндіз Жамбыл облысының таулы аудандарында бұршақ жауады.
Алматы облысының таулы аудандаорында күндіз найзағай ойнайды.
Қызылорда облысының батысында күндіз жел 15-20 м/с жылдамдықпен соғады.
Күндіз Атырау, Батыс Қазақстан, Ақтөбе, Қостанай облыстарының басым бөлігінде, Маңғыстау облысының оңтүстігінде аптап ыстық болады.
Маңғыстау, Батыс Қазақстан, Атырау, Ақтөбе, Қызылорда, Түркістан, Жамбыл, Алматы облыстарының басым бөлігінде, Қостанай, Шығыс Қазақстан облыстарының оңтүстігінде, Қарағанды облысының батысында, Ақмола облысының оңтүстігінде, солтүстік-батысында төтенше өрт қаупі сақталады.

26 тамызға арналған ауа райы болжамы

Kyzylorda-news.kz. Бүгін облыс әкімі Гүлшара Әбдіқалықова «Болашақ» университетіндегі жаңа спорт кешенінің ашу рәсіміне қатысып, оқу орнындағы жатақхана, жылыжайдың жұмыстарымен танысты.
Шараға “Болашақ” университетінің ғылыми жетекшісі, профессор, ұлттық ғылымдар академиясының академигі Бақберген Досманбетов, қала әкімі Ғанибек Қазантаев қатысып, университет кампусын аралады.
Жабық спорт кешенінің жалпы аумағы 2260 шаршы метрді құрайды. Ғимарат құрылысы өткен жылы жеке инвестиция есебінен салынған. Нысан ішінде шағын футбол, баскетбол, волейбол, гимнастика, бокс, күрес, ауыр атлетика мен үстел теннисі залы және бассейн қаралған. 
Сондай-ақ, бүгін университеттегі жаңа жатақхананың лентасы қиылды.
Аймақ басшысы 444 орындық Назарбаев университеті үлгісінде салынған жатақхананы аралап, студенттерімен сұхбаттасты. Мұнда «Мемлекеттік және жергілікті басқару» мамандығының ІІ курс студенті Камал Мейірхан вакцина алып, ұтыс нәтижесімен жатақхана төлеміне 50 пайыз жеңілдік ұтып алғанын жеткізді. 
Мұнан кейін аймақ басшысы жаңа корпустың алдында салынып жатқан екінші жатақхананың құрылысын көрді. Жатақхана құрылысы 2022 жылдың қаңтар айында аяқталады. 
Шара барысында облыс әкімі университет ауласындағы конгресс-холлдың құрылыс жұмыстарымен де танысты. Алдағы уақытта мұнда дүкен, дәріхана, пошта бөлімшесі секілді студенттердің күнделікті өміріне қажетті нысандар салынбақ.
Сондай-ақ, Гүлшара Әбдіқалықова университет жылыжайының жұмысымен танысты. Аумағы 2000 шаршы метрді құрайтын жылыжай сегіз бөліктен тұрады. Мұнда қияр, қызанақ, құлпынай, лимон секілді жеміс-жидек пен көкөністің бірнеше түрі өсіріліп, университет асханасына қолданылады.
Білім беру нысанының жұмысымен танысқан аймақ басшысы университет ұжымына сәттілік тіледі.
Айта кетейік, университет аумағында 1 оқу корпусы, 400 орындық жатақхана, конгресс-холл, студенттерге қызмет көрсету орталығы, кинотеатр, көрме залы, ашық спорт кешені, сауда ойын-сауық орталығы, тәжірибелік-өндірістік орталық, клиника, балабақша, дендропарк қарастырылған. Мұнда 250 педагог 5000-ға жуық студент және магистрантқа білім береді.
<img src="https://kyzylorda-news.kz/wp-content/uploads/2021/08/fb_img_1629913733166.jpg" alt="" />
<img src="https://kyzylorda-news.kz/wp-content/uploads/2021/08/fb_img_1629913727433.jpg" alt="" />
<img src="https://kyzylorda-news.kz/wp-content/uploads/2021/08/fb_img_1629913736429.jpg" alt="" />
<img src="https://kyzylorda-news.kz/wp-content/uploads/2021/08/fb_img_1629913730368.jpg" alt="" />
<img src="https://kyzylorda-news.kz/wp-content/uploads/2021/08/fb_img_1629913719574.jpg" alt="" />

Гүлшара Әбдіқалықова жаңа спорт кешенінің ашылуына қатысты

<a href="https://kyzylorda-news.kz/">Kyzylorda-news.kz</a>. Қазақстанда ауыл әкімдігі аппаратының қызметін ұйымдастыру қайта қаралмақ, деп хабарлайды <a href="https://www.inform.kz/kz/auyl-akimdiginin-kuzyreti-kayta-karalady_a3828216">ҚазАқпарат</a>.
<blockquote>
 «Қазіргі күні ауыл әкімдігінде 3-5 қана қызметкер жұмыс істейді. Олар жұртшылыққа барлық сала бойынша қызмет көрсетіп үлгермейді. Уақыт жетпейді немесе қызметкердің қосымша жүктемесі көп. Осы орайда ауыл әкімдігі аппараты қызметін ұйымдастыру құқығын қайта қарастырмақпыз. Оның ішінде ауыл әкімдігіне 3-5 қана емес, одан да көп қызметкер алу құқығы беріледі. Және қызметкерлердің жалақысын өсіру де назардан тыс қалмайды. Бұның барлығы ауыл әкімдігі жанындағы кеңесте қаралып, тиісті шешім сол жерде қабылданатын болады. Одан бөлек, бүгінгі таңда ауыл әкімдігі өздеріне тән емес құзыретті атқарып жатқан жайттар да бар. Немесе керісінше ауыл әкімдігінің кейбір мәселелер бойынша құзыреті жоқ болып шығады. Осы орайда ауыл әкімдігі қызметін ұйымдастыруды қайта қарау маңызды, – деді ҚР Ұлттық экономика министрлігі Өңірлерді талдау және жергілікті өзін-өзі басқаруды дамыту департаменті директорының орынбасары Миржан Иманбаев.
</blockquote>
Оның айтуынша, бүгінде ауыл әкімдігі аппараты қызметіне қатысты кең ауқымды талдау жүріп жатыр.

Ауыл әкімдігінің құзыреті қайта қаралады

<a href="https://kyzylorda-news.kz/">Kyzylorda-news.kz</a>. Қызылордада Қазақстан Республикасы Тәуелсіздігінің 30 жылдығы мен Конституция күні аясында «Тәуелсіз Қазақстан: Жасампаздыққа толы жылдар. Қызылорда облысының басты жетістіктері» тақырыбында дөңгелек үстел өтті.
Дөңгелек үстелге аймақтың зиялы қауым өкілдері, облыстық және қалалық мәслихат депутаттары, жоғары оқу орындарының ғалымдары, үкіметтік емес ұйым өкілдері, облыстық этномәдени бірлестіктер мен жастар ұйымының жетекшілері мен белсенділері қатысты.
Қатысушылар жиын барысында Тәуелсіздігіміздің қатпарлы тарихынан сыр шертіп, отыз жылда еліміз бен Қызылорда облысының қол жеткізген табыстары мен жасампаз істер туралы ой бөлісті. Басқосуда сондай-ақ еліміздің сенімді дамуына негіз болған, әлeмдік қaуымдaстықтa кeңінeн тaнылған, Елбасының сарабдал саясатымен жүзеге асқан «Қaзaқстaндық дaму модeлі» жайлы да пікір білдірді. Eлбaсының сындaрлы сaясaты мeн оның көшбaсшылық қaсиeті ел экономикaсын әлeм бойыншa eң қарқынды дaмығaн мемлекеттердің дәрeжeсінe жeткізді. Бүгіндe Қaзaқстaнның әлeм eлдeрімeн тeрeзeсі тeң сaясaтты орнaтуы,&nbsp; көп этносты eліміздe бeйбітшілікті сaқтaуы, EҚЫҰ-дa төрaғaлық eтуі, Елорданың сaлынуы, EXPO-2017 хaлықaрaлық көрмeсінің өткізілуі, Солтүстік Aрaл тeңізін сaқтaп қaлу жобасының іске асырылуы – мұның бәрі Тұңғыш Прeзидeнтіміз – Елбасының бaсшылығымен жүзeгe aсырылды.
Aлaштың aнaсынa бaлaнғaн қaсиeтті Сыр өңірі әрдaйым Eлбaсының eрeкшe нaзaрындa. Облысымыздың болашаққа деген ұмтылысына, іргелі істерді жүзеге асырудағы әрбір бастамасына Елбасының үздіксіз қолдауы сезіліп, өңір тұрғындарының табысын арттырды, тұрмысын жақсартты, &nbsp;ең бастысы, ертеңге деген сенімін күшейтті.
Дөңгелек үстел жұмысы барысында &nbsp;– Тәуелсіздігіміздің 30 жылында еліміздің, оның ішінде Қызылорда облысының қол жеткізген жетістіктері мен жасампаз істеріне, тәжірибелері мен бастамаларына тарихи шолу жасау арқылы Елбасының рөлі айшықталып, Тәуeлсіз Қaзaқстaнның ұлттық құндылықтары дәріптелді.&nbsp;
<img src="https://kyzylorda-news.kz/wp-content/uploads/2021/08/5-6.jpg" alt="" />
<img src="https://kyzylorda-news.kz/wp-content/uploads/2021/08/2-14.jpg" alt="" />

Тәуелсіз Қазақстан: Қызылорданың басты жетістіктері

<a href="https://kyzylorda-news.kz/">Kyzylorda-news.kz</a>.&nbsp;«Бастау Бизнес» жобасының түлегі Жанатбек Қазалы ауданы үшін жаңа кәсіп түрін қолға алды. Ол аквапринт қызметін ұсынады.
Жанатбек үшін кәсібітұрақты табыс көзіне айналды. Ол жобаға дейін көпір салушы құрылысшылармен бірге жұмыс істеген. Тапсырыс қай өңірден түседі, сол жақта жұмыс істеуге мәжбүр болған.Үнемі жолда болуқиындық тудырған соң Жанатбектұрақты бір саланы таңдауға шешім қабылдайды.
Жас кәсіпкер Алматыға барғанда көлік әрлеумен айналысатын мамандардың аквапринтпен жұмыс істеу тәсілін көреді. Қызығушылығы оянып, осы бағытты зерттеуді қолға алады.
<blockquote>
 «Маған аквапринтті үйрену бастапқыда қиын болды. Бұл бағытта кәсіби жұмыс істейтін компания Ресейдің Самарасында орналасқан. Бірақ онда оқу өте қымбатқа шығатын болды. Сондықтан өздігімнен іздендім. Интернеттен видео материалдар қарадым. Алматыға барып, мамандардың жұмыс процесін көрдім. Осылайша бұл істің қолымнан қаншалықты келетінін білу үшін азғантай материалдарға тапсырыс беріп, үйде істеп көрдім», – дейді Жанатбек Аманов.
</blockquote>
Аквапринт – Қазалы ауданында әрі таныла қоймаған қызмет. Жанатбектіңкәсіпті жүйелі жүргізуі үшін қаржысы, тәжірибесі жеткіліксіз болған. «Бастау Бизнес» жобасы туралы жолдасынан естіп, оқуға өтінім береді.
<blockquote>
 «Жобадан көп нәрсені үйрендім. Кәсібіме жарнама жасауды, түрлі есептіліктітапсыруды, тіпті адамдармен дұрыс қарым-қатынас жасау жолдарына дейін біліп шықтым. Пандемия болғандықтан оқу онлайн болды. Бірақ бизнес-тренеріміз үнемі байланыста болып, барлық сауалымызға уақытылы жауап ала алдық», –дейді бастаулық кәсіпкер.
</blockquote>
Жанатбек Аманов жобаның сертификатымен және дайын бизнес-жоспарымен конкурсқа қатысып, «Еңбек» бағдарламасы аясында берілетін 555&nbsp;мыңтеңге грантты жеңіп алады.
Бастапқыда жаңа кәсіп түрі қазалылықтарға таңсық болып, тапсырыс аз түскен. Оның үстіне шектеу шаралары еркін жұмыс істеуге мүмкіндік бермеген.
Дегенмен Жанатбек «Бастау Бизнес» жобасы барысында үйренген біліктілігінпайдаланып, әлеуметтік желілер арқылы жарнама беріп, нәтижесінде тұтынушыларының саны артқан.
<blockquote>
 «Қазір 2 адам болып жұмыс істейміз. Көлігі ескі азаматтар салонын жаңалауға қаржы таба бермеуі мүмкін. Ал аквапринт, яғни фото клеенка арқылы көлік салонын әрлеу, әрі жаңалау өте тиімді. Сұраныс күннен күнге артып келеді» – дейді Жанатбек Аманов.
</blockquote>
Айта кетейік, Қызылорда облысы кәсіпкерлер палатасының мәліметінше, Қазалы ауданында 2017-2020 жылдары 1288 азамат «Бастау Бизнес» жобасы бойынша оқып, 911 жоба мемлекет тарапынан&nbsp; қаржыландырылған. Биылға жоспарланған 400 адамның 282-сі сертификатын алды.
<img src="https://kyzylorda-news.kz/wp-content/uploads/2021/08/bd9067a8-389d-49aa-963a-d2f93959a563.jpg" alt="" />
<img src="https://kyzylorda-news.kz/wp-content/uploads/2021/08/d93c98fe-a4c0-4846-8407-a38b34e64427.jpg" alt="" />

«Бастау Бизнес»: Қазалылық кәсіпкер аквапринт қызметін ұсынады

<a href="https://kyzylorda-news.kz/">Kyzylorda-news.kz</a>.&nbsp;Коронавирус инфекциясы барлық аймақта тіркелуі орын алуда, соның ішінде облыстық орташа көрсеткіштен 2 есеге жоғары деңгей Қызылорда қаласында қалыптасуда. Бұл туралы Қызылорда облыстық санитариялық-эпидемиологиялық бақылау департаменті басшысының орынбасары Әлия Әбдіқайымова мәлімдеді.
Тіркелген жағдайларды жас ерекшеліктеріне қарай талдағанда, барлық жас арасында аурушаңдық орын алып отыр. Дегенмен, өткен жылмен салыстырғанда 14 жасқа дейінгі балалар арасынан, оның ішінде бір жасқа дейінгі балалар арасында КВИ шалдыққан балалар саны көбеюде және клиникалық белгілерімен де анықталуда. Бұл ерекшеліктер мутацияланған «Дельта» штаммасының вируленттік және жұқпалылық қасиеттерінің жоғары және жылдам екенін тәжірибеде көрсетіп отыр. Сондай-ақ, ауруды жас ерекшелігіне сәйкес талдағанда өткен жылдан жұмыссыздар, зейнеткерлер және ұйымдаспаған балалар мен оқушылар саны көбейген.
Әлия Мүтәліпқызының айтуынша, жаңа оқу жылы басталғанда аурудың бас көтеру ықтималдығы бар. Себебі, егілуге жатпайтын контенгенттің арасында ауру саны көбейіп тұр.
<blockquote>
 «Биыл аурушаңдық саны наурыз айындағы мерекелік күндерінен кейін сәуір айында анықталды. Ауру саны жоғарылап 1540 жағдай тіркелген. Содан кейінгі аурудың жоғарылауы шілде айында орын алып, 3387 жағдай тіркелсе, тамыз айының 24 күнінді 4422 жағдай тіркелді. Ал, шілде айының 15-ші жұлдызынан бастап күннен күнге артып, күнделікті 100-дің үстінде тіркелген. Шілденің 29-шы жұлдызынан бастап 200-дің үстінде адамнан инфекция анықталған. Бұндай жағдай былтырғы пандемияның кезінде болған емес, былтырғы шілде айында ең жоғарғы ауру тіркелген саны 118 болатын, эпидемиологиялық ахуал өте күрделі», – дейді Әлия Әбдіқайымова.
</blockquote>

Әлия Әбдіқайымова: Эпидемиологиялық ахуал өте күрделі

<a href="https://kyzylorda-news.kz/">Kyzylorda-news.kz</a>.&nbsp;Бүгін Қазақстан Республикасы Ұлттық спорт қауымдастығының Президенті, ҚР Парламенті Мәжілісінің депутаты Тілеухан Бекболат Қанайұлы, Қазақстан Республикасы Ұлттық спорт қауымдастығының атқарушы директоры Жақсыбай Рахат Жақсыбайұлы, Ұлттық ат спорты түрлерінен ҚР мемлекеттік жаттықтырушысы Байбуриев Нүркен Манапұлы арнайы Қызылорда облысына жұмыс сапарымен келді.
Сапар барысында облыс әкімдігінің мәжіліс залында облыс әкімінің орынбасары Серік Ахметтің төрағалығымен өткен Қызылорда облысында ұлттық ат спорты түрлерін дамыту бойынша мәжіліске қатысты. Сондай-ақ, жиында облыстық дене шынықтыру және спорт басқармасының басшысы Оспанов Жақсылық Әбдімәлікұлы, қалалық, аудандық спорт бөлімдерінің басшылары және Қызылорда облысы бойынша Ұлттық спорт түрлеріне жауапты мамандар болды.
Отырыста үш мәселе қаралып, алғашқы мәселе Қызылорда облысында ұлттық ат спортының дамуы бойынша атқарылып жатқан жұмыстар туралы облыстық дене шынықтыру және спорт басқармасының басшысы Жақсылық Оспанов баяндама жасады. Ал, Ұлттық ат спорты түрлерінен ҚР мемлекеттік жаттықтырушысы Нүркен Байбуриев Қазақстан Республикасында ұлттық ат спорты түрлерінің дамуы туралы жұмыстарды баяндады. Сонымен бірге, Қазақстан Республикасы Ұлттық спорт қауымдастығының атқарушы директоры Рахат Жақсыбай Өңірдегі спорт түрлері бойынша федерациялардың жұмысы. Қызылорда өңірінде республикалық және халықаралық жарыстарды өткізуді ұйымдастыру мәселелері туралы хабарлама жасады.
Сондай-ақ, отырыс барысында Ұлттық ат спортын дамыту мен спорттық жарыстардың қатарын арттыру бойынша бірқатар ұсыныс-пікірлер айтылды.
Айта кету керек, қазіргі таңда Қызылорда облысында 4 ұлттық ат спорты түрі бойынша (аударыспақ – 190 спортшы мен 5 жаттықтырушы, көкпар – 850 спортшы мен 27 жаттықтырушы, жамбы ату – 30 спортшы мен 1 жаттықтырушы, теңге ілу – 121 спортшы мен 4 жаттықтырушы) 1191 шұғылданушымен 37 жаттықтырушы жұмыс жасауда.
Облысымыздағы 1 балалар мен жасөспірімдер спорт мектебі мен ұлттық және ат спорты түрлері бойынша спорт клубында 8 жаттықтырушы-оқытушы 161 спортшымен (1 – біліктілігі жоғары деңгейдегі жаттықтырушы) тұрақты оқу-жаттығу процесін жүргізеді.
Сонымен қатар, Қызылорда қаласы мен Жалағаш, Сырдария, Шиелі, Жаңақорған аудандарында көкпармен – 954, аударыспақпен – 105, теңге ілумен – 61 спортшы тұрақты шұғылданады.
Қазақстан Республикасының Ұлттық құрама команда мүшелігіне 2021 жылға 2 (аударыспақтан – Оразбек Бекмұрат, жамбы атудан – Өміртай Ғалымжан) облыс спортшылары енгізілген. &nbsp;&nbsp;&nbsp;
Облыста жамбы атудан – Ғ.Өміртай мен аударыспақтан – С.Әмірсейт пен&nbsp; Ә.Файзуллаевтар ҚР спорт шеберлері атанды.
Сонымен бірге, №7 Жаңақорған ауданының олимпиадалық резервтің мамандандырылған балалар-жасөспірімдер мектебінде ұлттық ат спорты (аударыспақ, жамбыату, көкпар) бойынша 18 жылқымен 5 жаттықтырушы 116 спортшыны, ұлттық және ат спорты түрлері бойынша спорт клубында (аударыспақ, жамбы ату, теңге ілу) 17 жылқымен 3 жаттықтырушы 45 спортшыны баулуда.
Сонымен қатар, облыста ұлттық ат спортын дамыту мақсатында 2010 жылдан бастап ауыл спортшыларының арасында көкпар, аударыспақ, теңге ілу спорт түрлерінен «Алтын Күз» облыстық спартакиадасы тұрақты өткізіліп келеді.

Қызылордаға «Қазақстан Республикасы ұлттық спорт қауымдастығы» өкілдері келді

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың төрағалығымен «Білімді Ұлт – тұрақты даму кепілі» тақырыбындағы білім беру қызметкерлерінің педагогикалық тамыз кеңесі өтті. Аймақ педагогтарының басқосуына Қазақстан Республикасы Парламент Сенатының депутаттары Мұрат Бақтиярұлы, Ақмарал Әлназарова, Қазақстан Республикасы Парламент мәжілісінің депутаты, Парламент Мәжілісі төрағасының орынбасары Балайым Кесебаева, «Talap» КЕ АҚ вице-президенті Санжар Тәтібеков, ZOOM платформасы арқылы Ы.Алтынсарин атындағы Ұлттық білім академиясының президенті Ғани Бейсембаев қатысты. Сондай-ақ, пандемия жағдайын ескере отырып, кеңес жұмысына Қызылорда қаласы және аудан әкімдері, аймақтағы білім беру ұйымдарынан 400-ге жуық өкілдері ZOOM платформасы арқылы қосылды.
<img src="https://kyzylorda-news.kz/wp-content/uploads/2021/08/tamyzz.jpg" alt="" />
<blockquote>
 «Ел Тәуелсіздігінің 30 жылдығы қарсаңында өздеріңізбен дәстүрлі тамыз кеңесінде кездесіп отырмыз. Тамыз конференциясы тек алқалы жиын ғана емес, білім саласының кешенді даму жоспарын айқындап, алдағы міндеттерді саралап, тың ой мен ерекше идеяларды ортаға салатын боламыз. Өздеріңізге белгілі, биыл Үкіметпен дәстүрлі форматта оқыту туралы шешім қабылданды. Өткен аптада және күні кеше қала, ауылдарды аралап, бірнеше мектептің жаңа оқу жылына дайындық барысын өзім көріп шықтым. Облыс бойынша білім беру ұйымдары 1-қыркүйекте оқушыларды қабылдауға дайын! Індеттің жаңа штамдары пайда болған қазіргідей қиын кезеңде біз үшін әрбір баланың денсаулығы маңызды! Сондықтан, облыстық білім басқармасына барлық білім ұйымдарында санитарлық талаптарды қатаң сақтауды, балалар өмірінің қауіпсіздігін қамтамасыз ету мәселесін ерекше бақылауда ұстауды тапсырамын. Бұл – күн тәртібіндегі біздің жұмысымыздың ең маңызды бағыты! Мемлекет басшысы Қасым-Жомарт Кемелұлы Тоқаевтың мәртебелі мамандық иелеріне деген ықыласы ерекше екенін жақсы білесіздер. Президенттің бастамасымен соңғы жылдары бұл салада реформалар сәтті жүзеге асырылды: педагогтардың мәртебесін көтеру, ауыл мектептерінің жағдайын жақсарту бойынша нақты қадамдар жасалды», – деді облыс әкімі Гүлшара Әбдіқалықова.
</blockquote>
Педагог және оларға теңестірілген қызметкерлердің еңбекақысы биылдың өзінде 50%-ға көтерілді. Алдағы екі жылда еңбекақы екі есеге дейін өсетін болады. Осы жылы республикалық бюджеттен бұл мақсатқа 32,2 млрд тенге қаржы бөлінді. Үстіміздегі жылы білім саласының бюджеті 185 млрд. теңгені құрады, бұл өткен жылмен салыстырғанда 14 пайызға артты. Сәйкесінше, жаңа реформаға сәйкес мұғалімдерге қойылатын талап та күшейді.
Жиында Қазақстан Республикасы Парламент Сенатының депутаты Мұрат Бақтиярұлы мен ҚР Парламент мәжілісінің депутаты, Парламент Мәжілісі төрағасының орынбасары Балайым Кесебаева сөз сөйлеп, білім саласындағы маңызыды мәселелерді көтерді. Атап айтсақ, білім беру ұйымдарындағы білім сапасының айырмашылығы, инклюзивті білім беру үшін арнайы мектеп ашу, мұғалімдердің медициналық анықтамасын әзірлеуде жеңілдіктер қарастыру секілді ұсыныстарын жеткізді.
Сонымен қатар аймақ педагогтарының басқосуында Ы.Алтынсарин атындағы Ұлттық білім академиясының президенті Ғани Бейсембаев «Білім алушылардың білімін толықтыру жаңа оқу жылының басты міндеті», «Talap» Коммерциялық емес акционерлік қоғамының вице-президенті Санжар Тәтібеков «Техникалық және кәсіптік білім беруді трансформациялаудың өзекті бағыттары» тақырыптарында баяндама жасады.Облыстық білім басқармасының басшысы Ақзира Қасымова атқарылған жұмыстар мен алдағы міндеттер туралы баяндады.
<img src="https://kyzylorda-news.kz/wp-content/uploads/2021/08/tamyzzzz.jpg" alt="" />
<blockquote>
 «Былтырға онлайн оқыту мектептердің компьютерлік паркін жаңартуға да септігін тигізді. Осылайша компьютерлер паркін 100% жаңарту нәтижесінде бір оқушы санына шаққандағы компьютерлер көрсеткіші 14-тен 5-ке дейін төмендеді. Білім саласының бастапқы сатысы – мектепке дейінгі тәрбие бағытында да нәтижелі қадамдар бар. Облыста 670 мектепке дейінгі ұйымдарда 58 мыңнан астам бала тәрбиеленуде. «Нұр Отан» партиясының сайлауалды бағдарламасында көзделген 1 мен 6 жас аралығындағы балаларды балабақшалармен қамту бастамасын кезең-кезеңімен жандандыруға тиіспіз. Балаларды ерте дамыту институтын құру бойынша жұмыстар жүргізілуде. Алғашқы тәжірибені бастап та кеттік. «Алтын ұя» бөбекжай балабақшасы цифрлық білім беру ісіне көшті. Биылғы жылғы мақсат – тірек білім беру ұйымдары арқылы тәжірибені әр ауданнан ІТ балабақша желісін ашатын боламыз», – деді Ақзира Қасымова.
</blockquote>
Биылғы оқу жылындағы басты әрі қуанышты жаңалық – мектеп табалдырығын алғаш аттаған бүлдіршіндеріміз «Әліппе» мен «Ана тілін» оқиды. Жаңа оқу жылында 294 мемлекеттік және 10 жеке мектепте 177 мың оқушы білім алады. Оның ішінде 1-сыныпқа 18 мыңнан аса бала қабылданады.
Дәстүрлі форматта оқуды бастайтын мектеп оқушылары мен мұғалімдердің қауіпсіздігі үшін барлық білім беру ұйымдары «ASHYQ» қосымшасына қосылды. Педагогтардың 97% вакцинацияланды. Оқу жылының басталуына дейін бұл көрсеткіш 100% жетеді деп жоспарлануда. Аймақ мектептері бейнебақылау жүйесімен 100% қамтылды. Өткен жылы 70 мектеп жедел басқару орталығына қосылса, биыл 35 мектеп ұлттық бейнемониторинг жүйесінің тікелей бақылауына енген.
<blockquote>
 «2019 жылдан бастап ауыл мектептерінде білім алатын оқушыларға арналған «Мың бала» олимпиадасына 27502 оқушы қатысып, 174 оқушы жеңімпаз атанды. 2 жыл ішінде 50 оқушы мамандандырылған мектептерге қабылдануға жолдама алды. 2021 жылғы зияткерлік олимпиада қорытындысымен Қызылорда облысы үздік үштіктен көрінді. Басқарма басшысы алдағы 5 жылда «Nur Otan» партиясының жол картасы аясында 28 мектептің құрылысын басталып, биыл 6 жаңа мектепті пайдалануға берілетінін айтты. «Жаңа оқу жылында Президент тапсырмасымен іске асқан Арал ауданы, Сексеуіл кентіндегі 300 орындық мектеп пен инвесторлар есебінен жүргізілген 2 жеке мектеп құрылысы пайдалануға беріледі деп жоспарлап отырмыз. Қалған 3 мектепті жыл соңына дейін табыстаймыз», – деді Ақзира Қасымова.
</blockquote>
Келесі оқу жылынан бастап «Алтын белгіге» үміткерлер үшін талаптар күшейтіледі. Енді үміткерлердің жылдық қорытынды бойынша «5»-тік бағасымен қатар оқушылардың 5-11 (12) сыныптардағы барлық тоқсандық бағалары да «5» болуы керек және ерекшелік белгісіне ұсынылғанға емтиханды тәуелсіз ұйым өткізетін болады.
Облыста инклюзивті білім беруді дамыту мақсатында 2020-2022 жылдарға арналған арнайы Жол картасы жасалып, оған 4 млрд. теңге қаржы қаралды. Биыл 47 мектепке дейінгі мекемеде логопункт ашылып, олар логопед маманымен қамтылады деп жоспарлануда.
Салтанатты шарада білім беру ісіне елеулі үлес қосып, отандық білім мен ғылым саласына ерекше еңбек сіңірген үздіктер марапатталды. Облыс әкімі Гүлшара Әбдіқалықова ҚР Білім және ғылым министрлігінің «Ы.Алтынсарин» төс белгісін Текей батыр Қарпықұлы атындағы жоғары колледжінің құрылтайшысы Мирамбек Исаев, Қазалы ауданы, №276 орта мектебінің директордың оқу ісі жөніндегі орынбасары Бағдат Орымбас, Қызылорда қаласы, №23 мектеп-лицейінің алғашқы әскери дайындық пәнінің мұғалімі Роман Огай және Қызылорда облысының білім басқармасының тәрбие және өзін-өзі тану жұмыстары бөлімінің бас маманы Шолпан Байғазиеваға табыстады. Сонымен қатар Сырдария ауданы, Шіркейлі ауылы Әбірәш Жәмішов атындағы №129 мектеп-лицейінің ағылшын тілі пәнінің мұғалімі Раушан Абдраманова, Исатай Әбдікәрімов атындағы Қызылорда аграрлық техникалық жоғары колледжінің оқытушысы Рахия Абуова, Жалағаш ауданы, «Арай» бөбекжай-бақшасының тәрбиешісі Гүлбану Жалғасова мен Қармақшы ауданы, Шоқан Уәлиханов атындағы №26 орта мектебінің директоры Мәуегүл Ерғалиева «Қазақстан Республикасының Білім беру ісінің құрметті қызметкері» төсбелгісімен марапатталады. Ал, облыс әкімінің «Алғыс хаты» Арал ауданы, №19 орта мектебінің математика пәнінің мұғалімі Гүлжан Сембайқызына, облыстық №7 арнайы түзету мектеп-интернатының еңбек пәнінің мұғалімі Жарқынбек Кәрімбердіұлына, Жаңақорған ауданы, №162 орта мектептің бастауыш сынып мұғалімі Мереке Әбдімәжитқызына табысталды.
Облыс әкімінің «Үздік орта білім ұйымы» грантымен облыстық конкурс жеңімпазы – Қызылорда қаласы, Тәкей Есетов атындағы №264 мектеп-лицейі марапатталады. Сыйақы мөлшері – 34 млн. тенге.
<img src="https://kyzylorda-news.kz/wp-content/uploads/2021/08/tamyzzz.jpg" alt="" />

Қазақстан және Қызылорда облысының жаңалықтары: Қоғам