<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалында ел дамуына өлшеусіз үлес қосқан, саналы ғұмырын халыққа қызмет етуге арнаған қоғам қайраткері, партия ардагері Сайлаубай Әбішұлы Әбішевпен кездесу өтті.Кездесуді партияның облыстық филиалының төрағасы Жандос Базартай &nbsp;жүргізді. Жиын барысында Сайлаубай Әбішұлының өмір жолы, еңбек тәжірибесі мен елге сіңірген қызметі жайлы кеңінен әңгіме өрбіді. Қатысушылар тарапынан сұрақтар қойылып, мазмұнды пікір алмасу болды.Партияның облыстық филиалының төрағасы Жандос Базартай «Ардагерлерді ардақтайық» партиялық жоба аясында қолға алынып отырған «AMANAT: TULGAлар» атты жаңа бастаманы таныстырды.<blockquote>«AMANAT» партиясы «Ардагерлерді ардақтайық» жобасы аясында қазыналы қариялардың денсаулығынан бастап, үй шаруасына дейінгі көмек көрсету бағытында түрлі іс-шараларды өткізіп келеді. Бүгінгі «AMANAT:TULGAлар» атты бастама түрлі салада жетістікке жеткен тұлғалардың, соның ішінде партия мүшелерінің өмір жолын, ел дамуына қосқан, қосып жатқан үлесін ұлықтауға арналып отыр. Мұндай кездесу партия алаңында тоқсанына бір рет тұрақты түрде ұйымдастырылып, ұрпақтар сабақтастығын нығайтып, өмірлік тәжірибе мен ұлттық құндылықтарды кейінгі буынға жеткізудің маңызды алаңына айналатын болады», -деді Жандос Базартай.</blockquote>Сайлаубай Әбішұлы Әбішев 1946 жылы Қызылорда облысы, Арал ауданында дүниеге келген. Жоғары білімді маман еңбек жолын мұғалім болып бастап, кейін комсомол, партия, ауыл шаруашылығы, мәдениет салалары мен мемлекеттік қызметте жауапты қызметтер атқарған. Ол ұзақ жылдар бойы елдің әлеуметтік-экономикалық дамуына және қоғамдық-саяси өміріне белсенді араласып, өңірдің өркендеуіне елеулі үлес қосты. Қазіргі уақытта да &nbsp;қоғам өмірінен шет қалмай, тәлімгерлік бағытта, қоғамдық кеңестер аясында белсенді қызмет атқарып келеді. Қызылорда қаласы мен Арал ауданының «Құрметті азаматы», ҚР ауыл шаруашылығы саласының «Құрметті ардагері», «Қазақстан Республикасына еңбегі сіңген ардагері», Қазақстан Республикасының «Алтын жұлдызы» төсбелгісінің &nbsp;иегері.Биыл ардақты азаматтың 80 жылдық мерейтойы облыс көлемінде аталып өтуде. Кездесу барысында &nbsp;Жандос Базартай партия ардагеріне құрмет көрсетіп, партияның Атқарушы хатшысы Дәулет Жамаубайұлы Кәрібектің мерейтой иесіне арналған арнайы құттықтауын табыс етті. &nbsp;

«Ардагерлерді ардақтайық»: Партия ардагерімен кездесу өтті

<a href="https://kyzylorda-news.kz/">Kyzylorda-news.kz</a> Премьер-министр Мемлекет басшысының Ұлттық құрылтайдың V отырысында алға қойған міндеттері аясында «Деректерді өңдеу орталықтарының алқабы» жобасының қазіргі жағдайы жөнінде кеңес өткізді.Жиында атқарылып жатқан жұмыстар туралы &nbsp;Премьер-министрдің орынбасары – жасанды интеллект және цифрлық даму министрі Жаслан Мәдиев, энергетика министрі Ерлан Ақкенженов, Павлодар облысының әкімі Асайын Байханов, «Қазақтелеком» АҚ басқарма төрағасы Бағдат Мусин баяндады.Павлодар облысының Екібастұз қаласында «Деректерді өңдеу орталықтары алқабы» жобасын жүзеге асыру шеңберінде жер учаскелері айқындалып, негізгі келісімдер жасалды, сондай-ақ қуаты 215 МВт болатын қосалқы станса сатып алынды. Аталған шаралар жобаның энергетикалық инфрақұрылымының негізін қалыптастырады.Кеңес барысында инвесторлар үшін одан әрі қажетті жағдай қалыптастыру аясында энергиямен жабдықтаудың жеңілдетілген тарифтік моделі бекітіліп, тиісті инвестициялық және салықтық преференциялар белгіленді.Бағдат Мусин халықаралық технологиялық және инвестициялық компанияларды тарту бағытында жұмыстар жүргізіліп жатқанын баяндады. АҚШ, Қытай және Үндістан елдерінен «бұлтты» есептеу, үлкен деректерді өңдеу және ЖИ салаларында жұмыс істейтін 20-дан астам hyperscale-компаниялармен келіссөздер жүргізілді.Келіссөздер қорытындысы бойынша 100 МВт-тан жоғары қуатқа алдын ала сұраныс қалыптастырылды. Сонымен қатар «Деректерді өңдеу орталықтары алқабы» жобасының жалпы әлеуеті 1 ГВт-қа дейін жетеді және ірі «зәкірлік» клиенттерді орналастыруға есептелген.Жалпы алғанда, «ДӨО алқабы» жобасын жүзеге асыру Қазақстанда ірі өңірлік цифрлық хабты қалыптастыруға және әлемдік жетекші технологиялық компанияларды тартуға бағытталған.Премьер-министр қажетті нормативтік шешімдер қабылдауды жеделдетуді және жобаның барлық кезеңінің белгіленген мерзімде орындалуын қамтамасыз етуді тапсырды.

Олжас Бектенов Президент тапсырмаларын орындау аясында кеңес өткізді

<a href="https://kyzylorda-news.kz/">Kyzylorda-news.kz</a> Қызылорда қаласындағы Абай атындағы мектеп базасында су ресурстарын үнемдеу мен басқару тақырыбына арналған ауқымды өңірлік дебат турнирінің финалдық кезеңі өтті. Іріктеу кезеңінен өткен 10 үздік команда жеңіс үшін бақ сынады.Іріктеу кезеңі сәуір айының басында басталып, өңірдегі 55 мектепті қамтыды. Жарыстар 10 пилоттық білім беру ұйымының базасында өтіп, қатысушыларға пікір алмасуға және экологиялық мәселелерді терең талдауға мүмкіндік берді. Нәтижесінде финалға тек шешендік шеберлігімен ғана емес, су шаруашылығының ерекшеліктерін жақсы меңгерген 10 команда жолдама алды.Турнирдің басты мақсаты – суды Қазақстан үшін стратегиялық ресурс ретінде түсінетін саналы көзқарасты қалыптастыру және жастардың экологиялық ойлауын дамыту. Жоба «Адал азамат: табиғатты аялау және суға құрмет» бағдарламасын жүзеге асыру аясында ұйымдастырылып отыр. Аталған бастама Қазақстан мен Өзбекстандағы (Арал теңізі бассейні) балалар мен жастар арасында су ресурстарын ұқыпты пайдалануға тәрбиелеуге бағытталған «Су және білім» жобасының бір бөлігі болып табылады.&nbsp;Жоба ЮНИСЕФ, Француз дамыту агенттігі, Қазақстан Республикасы Су ресурстары және ирригация министрлігі мен Қазақстан Республикасы Оқу-ағарту министрлігінің қолдауымен, сондай-ақ, халықаралық Аралды құтқару атқарушы комитетімен ынтымақтастықта жүзеге асырылуда.Іс-шара елдің экологиялық қауіпсіздігіне нақты шешімдер ұсына алатын жауапты ұрпақты тәрбиелеуге бағытталған. Финалға шыққан қатысушылар келесі маңызды тақырыптар бойынша өз ұстанымдарын қорғады: ● Азаматтық жауапкершілік пе, әлде мемлекеттік бақылау ма: су үнемдеу әр азаматтың міндеті ме, әлде тек билік органдарының құзыретіне жата ма? ● АӨК және өнімділік: су үнемдеу ауыл шаруашылығы тиімділігін арттырудың негізгі тетігі бола ала ма? ● Инновациялар: «сұр су» (grey water) технологияларын тұрмыста және өндірісте қолдану қаншалықты экологиялық тұрғыдан тиімді? ● Өңірлік даму: су ресурстарын ұтымды пайдалану экономикалық өсім мен тұрақтылыққа қалай әсер етеді?<img src="https://knadmin.beoblood.kz/uploads/V_Kyzylorde_proshel_final_regionalnogo_debatnogo_turnira_po_voprosam_vodosberezheniya_7de7a04fd1.jpg" alt="В Кызылорде прошел финал регионального дебатного турнира по вопросам водосбережения.jpg">

Қызылордада су үнемдеу мәселесіне арналған өңірлік дебат турнирі өтті

<a href="https://kyzylorda-news.kz/">Kyzylorda-news.kz</a> Байқоңыр қаласында «Адал азамат: табиғатты аялау және суға құрмет» тақырыбында облыстық семинар өтті.&nbsp;Іс-шара «Су және білім» атты білім беру жобасы аясында ұйымдастырылып, Қазақстан мен Өзбекстандағы (Арал теңізі бассейні) балалар мен жастар арасында су ресурстарын ұқыпты пайдалануға тәрбиелеуге бағытталған. Жоба ЮНИСЕФ, Француз дамыту агенттігі , Қазақстан Республикасы Су ресурстары және ирригация министрлігі, сондай-ақ Қазақстан Республикасы Оқу-ағарту министрлігінің қолдауымен, ҚР Су ресурстары және ирригация министрлігі мен халықаралық Аралды құтқару қоры атқарушы комитетімен бірлесіп жүзеге асты.Диалог алаңының бастамашысы – Қармақшы аудандық білім бөлімінің қолдауымен №273 пилоттық орта мектеп ұжымы. Ауқымды іс-шараға 100-ден астам педагог, сарапшы және өңірдің білім беру қауымдастығының өкілдері қатысып, өскелең ұрпақтың экологиялық мәдениетін қалыптастыру, сондай-ақ, су ресурстарын ұқыпты пайдалану мәселелерін талқылады.<img src="https://knadmin.beoblood.kz/uploads/Seminar_po_ekologii_i_vodnym_resursam_v_Bajkonyre1_7761b88823.jpg" alt="Семинар по экологии и водным ресурсам – в Байконыре1.jpg">Жобаның негізгі мақсаты – мектеп оқушыларының бойында жалпыадамзаттық құндылықтарды, экологиялық сананы және табиғатқа жауапкершілікпен қарауды қалыптастыруға бағытталған «Адал азамат» тұжырымдамасын жүзеге асыру. Сонымен қатар экологиялық білім беру саласындағы озық педагогикалық тәжірибелерді енгізу мен таратуға ерекше назар аударды.Бағдарлама аясында қатысушылар үздік тәжірибелерін ұсынып, экологиялық тәрбие мен су үнемдеудің заманауи тәсілдерін талқылады. Тұрақты даму тақырыбын білім беру үдерісіне енгізу жолдары бойынша тәжірибе алмасу да қарастырылған.Семинар қорытындысы бойынша өңір педагогтеріне арналған практикалық ұсынымдар әзірленіп, экологиялық білім берудің тиімділігін арттыруға және табиғи ресурстарға саналы көзқарас қалыптастыруға бағытталды.<img src="https://knadmin.beoblood.kz/uploads/V_Kyzylorde_proshel_final_regionalnogo_debatnogo_turnira_po_voprosam_vodosberezheniya1_11669fabd3.jpg" alt="Семинар по экологии и водным ресурсам – в Байконыре2">

Қызылордалық педагогтер облыстық семинарда пікір алмасты

<a href="https://kyzylorda-news.kz/">Kyzylorda-news.kz</a> Сырдария ауданының "Руханият" орталығында 18 сәуір – Халықаралық ескерткіштер мен тарихи орындарды қорғау күніне орай Қызылорда облыстық тарихи-өлкетану музейінің “МУЗЕЙ TOUR: экспонаттар экспедициясы” кешенді жобасы аясында “Отырар” мемлекеттік археологиялық музей-қорығының “Отырар алқабының қалалық мәдениеті және тарихи-мәдени мұрасы” атты көшпелі көрмесінің ашылу рәсімі өтті.Ашылу салтанатына аудан әкімінің орынбасары Диас Молдабаев, зиялы қауым өкілдері, тарихшылар мен өлкетанушылар, студенттер, музей мамандары мен бұқаралық ақпарат құралдарының өкілдері қатысты.&nbsp;Көрменің мақсаты – Отырар алқабының сан ғасырлық қалалық мәдениеті мен тарихи-мәдени мұрасын кеңінен таныстыру, ұлттық құндылықтарды дәріптеу.&nbsp;Іс-шара қонақтарына көрме бойынша экскурсия жүргізіліп, Отырар алқабындағы қалалық өмір, тұрмыс, егіншілік, қолөнер, сауда-саттық жайында толыққанды мәліметтер айтылды.Алдағы уақытта да мұндай іс-шаралар ұйымдастырылып, Сырдария ауданының мәдениет саласының дамуы үшін бірқатар жұмыстар атқарылатын болады. Бұл тұрғыда аудандық музей ұжымы да өз үлесін қосатын болады.

Сырдария ауданында көшпелі көрменің ашылу рәсімі өтті

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов ауданға арнайы жұмыс сапарымен келген облыстық мәслихат депутаты Садық Мұстафамен кездесті.Кездесу барысында аудан аумағындағы бұқаралық спортты дамыту мәселелері кеңінен талқыланды. Атап айтқанда, спорт кешендерінің жағдайы, материалдық-техникалық жарақтандыру деңгейі және қолданыстағы нысандарды заманауи талаптарға сай жаңғырту тетіктері сөз болды.&nbsp;Облыстық мәслихат депутаты тарапынан Қазалы қаласындағы №18 балалар-жасөспірімдер спорт мектебінің стадионын қайта жаңғырту, ауылдық округтерде заманауи спорт кешендерін көбейту мәселелерін қозғады.Аудан басшысы бүгінде аймақ басшысы Нұрлыбек Машбекұлының қолдауымен өңірде бұқаралық спортты дамыту мақсатында аудан орталығы мен елді мекендерде заманауи спорт кешендерін салу жұмыстары қарқынды жүргізіліп жатқанын айтты.<blockquote>– Бұған дейін аудандағы Қ. Пірімов, Ү.Түктібаев және жыл басында ғана Бекарыстан би ауылдарына жаңа спорт кешендері пайдалануға берілсе, бүгінде «Ауыл - ел бесігі» жобасы аясында Әйтеке би кенті мен Қожабақы ауылында 2 спорт кешенінің құрылысы қарқынды жүргізілуде. &nbsp;Алдағы уақытта да жоспарға сәйкес елді мекендерде тағы да жаңа спорт нысандарын салуды және аудан орталығындағы Жалаңтөс Баһадүр атындағы орталық стадионға күрделі жөндеу жұмыстарын жүргізетін боламыз, - деді аудан башсысы.</blockquote>Облыстық мәслихат депутаты Садық Мұстафа ауданға жасаған жұмыс сапары барысында спорт мектептері мен кешендерін аралап, нысандардың материалдық-техникалық жағдайымен танысты.

Бұқаралық спортты дамыту мәселесі қаралды

<a href="https://kyzylorda-news.kz/">Kyzylorda-news.kz</a> Қазалы ауданының әкімі Алмасбек Есмаханов аудан орталығындағы бірқатар мемлекеттік балабақшаларды аралап, олардың жұмыс барысымен танысты.Алдымен №11 «Балапан» бөбекжай-балабақшасына барған аудан басшысы мекеменің материалдық-техникалық базасын, топтардың жабдықталуын және тәрбие үдерісін көрді. 280 орынға арналған 12 топта 74 қызметкер еңбек ететін балабақшада бүлдіршіндердің жан-жақты дамуына бағытталған түрлі үйірмелер ұйымдастырылған. Сонымен қатар экологиялық тәрбиеге ерекше мән беріліп, «Жасыл балабақша» бағыты жүйелі жүзеге асырылуда.Мұнан соң №7 «Балдырған» санаториялық бөбекжай-балабақшасында болып, мұндағы балалардың денсаулығын нығайтуға бағытталған емдеу-сауықтыру жұмыстарына назар аударды. 120 бала тәрбиеленетін мекемеде арнайы медициналық бақылаудағы бүлдіршіндерге кешенді қолдау көрсетілуде. 1986 жылдан бастап жұмыс жасап келе жатқан балабақша ғимаратына соңғы рет 2016 жылы күрделі жөндеу жұмыстары жүргізілген.Қазалы ауданының әкімі Әйтеке би кентіндегі №4 «Шұғыла» бөбекжай-балабақшасына да барып, білім беру мен тәрбие сапасын арттыру бағытындағы жұмыстармен танысты. Қазіргі таңда 140 бала тәрбиеленіп жатқан балабақшада балалардың қауіпсіздігі мен жайлы жағдайы қамтамасыз етілген. Балабақшада жалпы 46 қызметкер жұмыс жасайды.Аралау барысында аудан басшысы аудандық білім бөлімінің басшысы мен балабақша меңгерушілеріне мектепке дейінгі білім беру сапасын арттыру, балалардың қауіпсіздігі мен тәрбиесіне баса мән беру, сондай-ақ мекемелердің материалдық-техникалық жағдайын үнемі жақсартып отыру қажеттігін атап өтті.<img src="https://knadmin.beoblood.kz/uploads/azaly_balaba_sha_zh_mysymen_tanysty_2_2bdeeadc2e.jpg" alt="Қазалы балабақша жұмысымен танысты 2.jpg">

Қазалы: Балабақша жұмысымен танысты

<a href="https://kyzylorda-news.kz/">Kyzylorda-news.kz</a> Қызылорда облысында «Су және білім: Қазақстан мен Өзбекстанның (Арал теңізі бассейні) балалары мен жастары арасында су ресурстарын сақтауға ұқыпты көзқарас қалыптастыру» атты пилоттық білім беру жобасы іске қосылды. Жоба ЮНИСЕФ, Францияның даму агенттігі (AFD) ҚР Су ресурстары және ирригация министрлігі, ҚР Оқу-ағарту министрлігі қолдауымен мен Аралды құтқару халықаралық қоры Атқарушы комитетінің (АҚХҚ АК) ынтымақтастығымен жүзеге асырылуда.Жобаның мақсаты – су ресурстарының тапшылығы мен климаттық қауіп-қатерлер күшейіп отырған жағдайда су сауаттылығын арттыру және тұрақты мінез-құлық дағдыларын қалыптастыру. Пилоттық алаң ретінде Арал теңізі бассейнінде орналасқан, су тапшылығына аса осал өңірлердің бірі – Қызылорда облысы таңдалды.Пилоттық жоба 10 мектепті және 12 мыңнан астам оқушыны қамтидыЖобаға облыстағы 10 пилоттық мектеп қатысуда. Білім беру және ағартушылық іс-шараларға 12 мыңнан астам оқушы мен 800-ден аса педагог тартылды. Сонымен қатар, 55 мың оқушысы бар 45 магниттік мектеп бастамаға қосылып, тәжірибе мен білім беру форматтарын кеңейтілген мектеп желісіне тарататын болады.«Суды ұтымды пайдалану мәдениетін қалыптастыруды ерте жастан бастау қажет. Білім беру жүйесі арқылы біз ұзақ мерзімді перспективада елдің су қауіпсіздігіне тікелей әсер ететін тұрақты мінез-құлық дағдыларын қалыптастырамыз. Бұл әсіресе су тапшылығы жоғары өңірлер үшін маңызды», – деп атап өтті ҚР Су ресурстары және ирригация министрлігінде.Мектептерде әрекет командалары құрылып, су тұтыну мониторингі басталдыПилоттық кезең аясында мектептерде әрекет командалары құрылып, су үнемдеу бойынша жеке жоспарлар әзірленуде. Сонымен қатар, су тұтынуды бақылау, мектеп инфрақұрылымының қазіргі жағдайын талдау жұмыстары басталды. Мұндай практикалық тәсіл судың маңыздылығын түсіндіріп қана қоймай, оқушыларды білімді күнделікті өмірде қолдануға – өлшеуге, талдауға және әдеттерін өзгертуге үйретеді.Жастар су клубтары, байқаулар және интерактивті әдістемелік материалдар2026 жылғы қаңтардан бастап пилоттық мектептерде жастар су клубтары жұмыс істей бастады. Жоба аясында балалар суреттері мен педагогтарға арналған экологиялық ертегілер байқауларын қоса алғанда, 6 шығармашылық және білім беру конкурсын өткізу жоспарланған. Сонымен бірге, тиімді су пайдалану дағдылары мен экологиялық ойлауды дамытуға бағытталған ойындар, квестер және тапсырмалардан тұратын әдістемелік пакеттер әзірленеді.Жобаға ЮНИСЕФ-тің жас еріктілері де қосылады. Олар 2025 жылы Қазақстан өңірлерінде ашылған ЮНИСЕФ-тің алты жастар хабы базасында климат және қоршаған ортаны қорғау саласындағы бастамаларды іске асырып келеді.Келесі кезең: Арал теңізі маңындағы эко-кемп, медиа-форум және Tamshy.kz цифрлық платформасыЖобаның алдағы жоспарында – сәуір айында барлық пилоттық және магниттік мектептердің қатысуымен плоггинг өткізу, балалар мен жасөспірімдерге арналған офлайн медиа-форум ұйымдастыру, сондай-ақ су үнемдеу бойынша мектеп жобаларының байқауын өткізіп, үздік бастамалар авторларын ақшалай сертификаттармен марапаттау көзделген.Пилоттық мектептердің аумағында су үнемдеу технологияларын көрсететін демонстрациялық учаскелер құрылады. Бұл балаларға тамшылатып және ұсақ-диспенсерлі суару жүйелерінің, сенсорлық крандар мен ауызсу субұрқақшалардың тиімділігін бақылауға, сондай-ақ агроволокно қолдану арқылы мектеп ауласында көкөніс, жасыл желек, гүлдер мен бұталар өсіру тәжірибесін жүргізуге мүмкіндік береді.Сонымен қатар, байқау жұмыстарын онлайн бағалау және білім беру материалдарын орналастыру үшін Tamshy.kz цифрлық платформасы іске қосылады. Барлық әдістемелік материалдар мен жоба нәтижелері ашық қолжетімді болады.Фото: Нұрболат Нұржаубай

Қызылордада су ресурстарын сақтау жөнінде пилоттық жоба іске қосылды

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаев Атырауда өткен Ұлттық құрылтайда ұлттық құндылықтарды жаңғырту мен насихаттауды мемлекеттік саясаттың басым бағыты ретінде айқындап, «Әділетті Қазақстан – Адал азамат» тұжырымдамасы аясында ұлттық бірегейлікті сақтау, жастарды отаншылдыққа тәрбиелеу және мәдени мұраны заман талабына сай дәріптеу қажеттігін атап өткен болатын.Осы маңызды бағытты негізге алған «AMANAT» партиясының облыстық филиалы «125 YBYRAI ULTTYQ MEKTEBI» мектебінің ұжымымен бірлесіп, «Ұлттық мұра» жобасы аясында «Ұлттық мұра – халықтың асыл қазынасы» атты ауқымды мәдени кездесу ұйымдастырды.Қаланың орталық алаңында өткен кеш ұлттық бояуға қанық мазмұнымен ерекшеленіп, жиналған жұртшылыққа ата дәстүрдің тағылымын кеңінен паш етті.Бағдарламаның өзегі – ұлттық мәдениет пен салт-дәстүрді ұлықтау, жас буынның бойына отаншылдық пен мемлекетшілдік қасиеттерді сіңіру, сондай-ақ адалдық пен еңбекқорлық құндылықтарын дәріптеу болды.Кеш барысында әуелеген ән мен күмбірлеген күй көрерменге рухани серпіліс сыйлап, халқымыздың асыл мұрасы кеңінен насихатталды. Сонымен қатар қатысушылар асық ату, қол күрес, арқан тарту секілді ұлттық спорт түрлерінен бақ сынап, өз шеберліктері мен қайсарлықтарын танытты. Ауа райының қолайсыздығына қарамастан, жаңбыр жауған сәтте де спортшылар жарысты тоқтатпай, табандылық пен жігердің үлгісін көрсетті.Жиында сөз алған партияның облыстық филиалының төрағасы Жандос Базартай ұлттық мұраның ұлт болашағындағы маңызына тоқталып өтті.«Бұл басқосу – ұрпақтар сабақтастығын жалғайтын маңызды алаң. Ұлттық мұра – тек өткеннің еншісі емес, ол – келешектің темірқазығы. Мемлекет басшысы атап өткендей, ұлттық бірегейлікті сақтау – баршамыздың ортақ міндетіміз. Осындай мазмұнды кездесулер арқылы біз жастардың бойына отансүйгіштік рухты, адалдық пен еңбекқорлық қасиеттерді сіңіруді көздейміз. «AMANAT» партиясы бұл бағыттағы жұмыстарды жалғастыра беретін болады», – деді филиал төрағасы.Кеш қорытындысында ұлттық ойындар мен сайыстарда топ жарған қатысушылар «AMANAT» партиясының Қызылорда облыстық филиалының Алғыс хаты және Қызылорда қалалық &nbsp;дене шынықтыру, спорт және туризм бөлімінің арнайы сыйлықтарымен марапатталды.&nbsp;Ұйымдастырушылар бұл бастаманың алдағы уақытта да жалғасын тауып, ұлттық құндылықтарды дәріптеу ісі жүйелі түрде жүзеге аса беретінін жеткізді.Атап өтейік, «AMANAT» партиясының «Ұлттық мұра» жобасы аясында өңірімізде ақын-жазушыларға арналған кештер, айтыстар, әдеби кездесулер, тарихи тұлғаларды ұлықтау шаралары, жастардың әдебиетке, тарихқа деген қызығушылығын арттырып, ұлттық сананы қалыптастыруға ықпал ететін «Ұлы дала» шығармашылық байқауы ұйымдастырылуда.&nbsp;Ұлттық спорт пен ойындарды дамыту мақсатында тоғызқұмалақ, асық ату, арқан тарту, садақ ату сияқты ұлттық ойындар кеңінен насихатталып, түрлі деңгейдегі турнирлер мен жарыстар өткізілуде. Сондай-ақ тарихи-мәдени орындарға экскурсиялар ұйымдастырылып, ел тарихын тереңірек таныту бағытында жүйелі жұмыстар жүргізілуде.

Ұлттық мұра ұлықталған тағылымды іс-шара өтті

<a href="https://kyzylorda-news.kz/">Kyzylorda-news.kz</a> Партия алаңында облыстық мәслихаттағы «AMANAT» партиясы депутаттық фракциясының мүшесі Гүлшат Мұсаева азаматтарды жеке мәселелері бойынша қабылдау өткізді.Қабылдау барысында тұрғындар тарапынан бірқатар өзекті мәселелер көтерілді. Атап айтқанда, қала аумағындағы көшелердің бірін асфальттау қажеттігі жөнінде ұсыныс білдірілді. Бұл мәселе тиісті мекемелермен жан-жақты зерделеніп, алдағы уақытта нақты шешім қабылдау үшін қосымша жұмыстар жүргізілетіні хабарланды. Сондай-ақ, аталған аумақта жол жөндеу жұмыстары жоспарға енгізілгені жөнінде түсіндірме берілді.Сонымен қатар, көпқабатты тұрғын үй ауласындағы қоқыс жәшіктерінің алынып тасталып, қайта орнатылмауына байланысты мәселе көтерілді. Осыған орай, тиісті сала өкілдерімен байланыс орнатылып, аталған мәселе бақылауға алынды.Барлық көтерілген мәселелер бойынша жауапты мекемелерге нақты тапсырмалар беріліп, олардың орындалуы партия бақылауында болады.Алдағы уақытта мұндай мәселелер шешімін тауып, «AMANAT» партиясы тарапынан көмек көрсетіліп, барлық тиісті тапсырмалар бойынша бақылау жүргізілетін болады. Бұл жөнінде фракция мүшесі тұрғындармен кездесу барысында айтып, мәселелердің барлығы толыққанды шешімін табатынын жеткізді.

Фракция мүшесі жеке қабылдау өткізді

<a href="https://kyzylorda-news.kz/">Kyzylorda-news.kz</a> ҚР Президентінің кеңесшісі Бақытжан Сапиевтің төрағалығымен кеңес өтті. Күн тәртібінде «Таза Қазақстан» бағдарламасының іске асырылу барысы, туристік дестинацияларды дамыту, мемлекеттік орман қорына 2 млрд ағаш отырғызу, экопарктер құру мәселелері қаралды. Оған облыс әкімінің бірінші орынбасары Данияр Жаналинов селекторлық режим арқылы қатысты.&nbsp;Өткен жылдың қорытындысы бойынша аймаққа келген туристер саны 212 278 адамға жетіп, 25,4%-ға артқан. Қызмет көрсету көлемі 3 млрд 288 млн теңгеге, яғни 42,8%-ға өсті.&nbsp;Туристер мен жергілікті тұрғындарға қолайлы жағдай жасау бағытында ауқымды жұмыстар жүргізілуде. Қайта жаңғыртылған теміржол вокзалы мен "Қорқыт ата әуежайына" үш тілде ақпарат беретін виртуалды карталар мен QR кодтар орнатылды.<img src="https://knadmin.beoblood.kz/uploads/Turistik_infra_rylymdy_damytu_m_selesi_3_3f798e4d8e.jpg" alt="Туристік инфрақұрылымды дамыту мәселесі 3.jpg">Сондай-ақ заманауи музей ашылып, демалыс парктері жаңартылды. Қауіпсіздікті қамтамасыз ету үшін халық көп шоғырланатын орындарға он бес 102 және SOS дабыл батырмалары қойылды.Туристік инфрақұрылымды дамытуда бес, үш жұлдызды IBIS Qyzylorda, Pana қонақ үйлері салынып, аудандардағы теміржол вокзалдары жаңғыртылуда.Туристендіру картасына енген 13 нысанда нақты шаралар қолға алынды. Жергілікті бюджет есебінен Жосалы кентінен Марал баба кесенесіне дейінгі 6,5 шақырым жол жөнделді. Байқоңырдағы зымыран ұшырылымын көрушілерге арналған 400 орындық заманауи киіз үй форматындағы бақылау пункті ашылды.Еліміздегі алғашқы «Арал геопаркі" табиғи және геологиялық мұраны сақтау, тұрақты дамуды қамтамасыз ету, геотуризмді дамыту мақсатында құрылды.&nbsp;<img src="https://knadmin.beoblood.kz/uploads/Turistik_infra_rylymdy_damytu_m_selesi_2_343d6a12de.jpg" alt="Туристік инфрақұрылымды дамыту мәселесі 2.jpg">

Туристік инфрақұрылымды дамыту мәселесі талқыланды

Қызылордадағы қолданыстағы ескі &nbsp;жылу- электр орталығы 1964 жылы пайдалануға берілген, екі қазандық пен бір турбогенераторы болған. Орталық 67 мегаватт электр энергиясын өндіріп,облыстың тұтыну көлемінің тек 30 пайызын қамтып келді.Мемлекет басшысының тікелей қолдауымен оңтүстік өңірлерде электр энергиясының тапшылығын болдырмау мақсатында Қызылорда қаласында &nbsp;240 мегаватт электр энергиясы мен 277 гигакалория жылу энергиясын өндіретін жаңа жылу- электр орталығы құрылысы аяқталып, іске қосылды.«Aksa Energy» түрік компаниясы қолға алған жобаға &nbsp;215 млрд теңге инвестиция салынған. &nbsp;Жоба бойынша қуатылығы 176 МВт 2 &nbsp;газ турбиналық қондырғы (General Electric, АҚШ), 95 МВт бу турбинасы (Doosan Skoda, Чехия), қуаттылығы 120 тн/сағ 2 бу қазандығы (ACBOILERS, Италия), 150 Гкал/сағ 4 жылу қазандығы (Mimsan, Түркия) орнатылды.<ul style="list-style-type:disc;"><li style="text-align:justify;">Бүгінде жылу орталығында &nbsp;176 мегаватт электр энергиясы өндірілуде және &nbsp;150 МВттық &nbsp;4 су жылыту қазандығы қосылды.</li><li style="text-align:justify;">Қосымша 95 МВттық бу турбинасы да &nbsp;дайын.</li><li style="text-align:justify;">Станция құрылысы 2024 жылы басталып, екі жыл ішінде аяқталды.</li></ul>Инвестициялық шартқа сәйкес &nbsp;2026 жылдың тамыз айында іске қосу жоспарланған болатын. Облыс әкімдігінің ұйымдастыруымен құрылыс мерзімінен бұрын бітті. &nbsp;Орындалған жұмыстардың сапасы да тиісті деңгейде &nbsp;әрі бекітілген кестеден ерте.Орталық облысты &nbsp;электр энергиясымен толық қамтамасыз етіп, &nbsp;өндірісті дамытуға серпін беруде. Жаңа станцияның қуаты 240 мегаватт,облыстың электр энергиясын тұтыну көрсеткіші 220 мегаватт, яғни ауысқанын өзге өңірлерге сатуға мүмкіндік бар.Станция жұмысына заманауи технологиялар енгізілген. Ескі жылу-электр орталығынан артықшылықтарын атап айтсақ:<ul><li style="text-align:justify;">газ тұтыну көрсеткіші 50 пайызға үнемді;</li><li style="text-align:justify;">станция 20 минут ішінде 50 мегаваттан 240 мегаватқа дейін жүктеме өзгерістеріне тез бейімделіп, қуатты жылдам арттырып немесе азайта алады. Бұл жалпы оңтүстік өңірлердің энергетика жүйенің тұрақтылығын сақтау үшін қажет.</li><li style="text-align:justify;">ескі жылу- электр орталығының ең жоғарғы желілік температурасы тек 950С болса, жаңа станцияда 1300С дейін ұлғайтуға мүмкіндік бар.</li><li style="text-align:justify;">су қыздыру қазандықтарының пайдалы әсер коэффициенті (КПД) 30 пайызға жоғары, себебі жылу жоғалтуы аз.</li><li style="text-align:justify;">жаңа станция автономды жұмыс істей алады, яғни жоғары қуатты (магистралдық) желілерде ақау шықса немесе кернеу күрт өзгерсе &nbsp;өшіп қалмайды.</li></ul><img src="https://knadmin.beoblood.kz/uploads/Zhylu_elektr_ortaly_y_2_9a90a71343.jpg" alt="Жылу-электр орталығы 2.jpg">

Қазақстан және Қызылорда облысының жаңалықтары: Қоғам