<a href="https://kyzylorda-news.kz/">Kyzylorda-news.kz</a> Қоғамның даму қарқыны мен мемлекеттік басқарудың тиімділігі көбіне бір факторға – сыбайлас жемқорлықтың деңгейіне байланысты.Бұл құбылыс бар жерде әділдік әлсірейді, азаматтардың мемлекетке деген сенімі төмендейді, ал экономикада тоқырау байқалады. Сондықтан жемқорлықтың алдын алу – елдің стратегиялық қауіпсіздігімен тең мәселе.Сарапшылардың айтуынша, сыбайлас жемқорлықпен күрестің ең тиімді жолы – алдын алу. Яғни құқық бұзушылықтың орын алуына жол бермейтін тетіктерді қалыптастыру. Соңғы жылдары Қазақстан дәл осы бағытқа басымдық беріп отыр. Мемлекеттік қызметшілердің этика талаптарын күшейту, басшылардың жеке жауапкершілігін арттыру және қызметтік процестерді толық цифрландыру – қабылданған жүйелі шаралардың бір бөлігі ғана.Бүгінде кез келген мемлекеттік орган өз қызметін ашық көрсетуді міндетіне айналдырды. Мемлекеттік сатып алулардан бастап, бюджеттің әр тиынына дейін ашық платформада жарияланып келеді. Бұның барлығы — қоғам алдында есеп берудің жаңа мәдениетін қалыптастыруға бағытталған. Өйткені ақпараттың қолжетімді болуы – жемқорлыққа қарсы иммунитеттің басты шарты.Сонымен қатар, мемлекеттік органдарда ішкі бақылау мен тәуекелдерді талдау тетіктері күшейтілуде. Әрбір мекеме өзінің қызметіндегі әлсіз тұстарды анықтап, оларды жоюға бағытталған жоспар әзірлейді. Бұл — ұйымдардың жауапкершілігін арттырып қана қоймай, әділ басқару мәдениетін қалыптастыруға ықпал етеді.Алдын алу жұмысының тағы бір маңызды бағыты — азаматтардың құқықтық сауатын арттыру. Өз құқығын білетін адам заңсыз талаптар мен негізсіз қысымға жол бермейді. Сондықтан ақпараттық-түсіндіру жұмыстарының тұрақты жүргізілуі қоғамның қорғаныс қабілетін күшейтеді.Бүгінде барлық мемлекеттік қызмет саласында ашықтықты қамтамасыз етуге ерекше көңіл бөлінуде. Мысалы, құжат айналымы мен қызмет көрсету процестерінің басым бөлігі электронды форматқа көшті. Бұл адам факторын азайтып, азамат пен мемлекеттік қызметкер арасындағы тікелей байланыстарды қысқартуға мүмкіндік береді. Мұндай өзгерістер жемқорлық тәуекелдерін төмендетіп, қызметтің сапасын арттырады.Жемқорлықпен күрес — бір күндік науқан емес. Бұл үздіксіз әрі жүйелі жүргізілетін процесс. Мемлекет тиімді саяси-құқықтық тетіктер жасаса, азаматтар адалдық пен жауапкершілікті күнделікті өмірінің қағидатына айналдырса ғана нақты нәтиже көрінеді.Сыбайлас жемқорлықтың алдын алу — тұрақты, әділ, сенімді қоғам қалыптастырудың негізгі шарты. Өйткені адалдық үстемдік құрған жерде ғана мемлекет пен халықтың арасындағы сенім нығаяды, ал сенім бар жерде даму да бар.А.БолатҚазақстан Республикасы Мемлекеттік қызметістері агенттігінің Қызылорда облысы бойыншадепартаментінің бас маманыФото: Нұрболат Нұржаубай

Жауапкершілік пен ашықтық: ортақ міндет

<a href="https://kyzylorda-news.kz/">Kyzylorda-news.kz</a> Мемлекеттік кеңесші Ерлан Қариннің төрағалығымен Шетелде кадрлар даярлау жөніндегі республикалық комиссияның кезекті отырысы өтті.Биыл «Болашақ» стипендиясын тағайындау конкурсының ережелері өзгерді. Үміткерлер үш кезеңнен тұратын іріктеуден өтеді: кешенді тестілеу, сұхбат және Республикалық комиссияның ең жоғары ұпай жинаған қатысушыларды іріктеуі. Сондай-ақ бір күнтізбелік жыл ішінде конкурсқа қайта қатысуға болады. Бұл әлеуетті үміткерлер қатарын көбейтіп, олардың бағдарламада бағын сынап көруіне қосымша мүмкіндік ұсынады.Конкурс қорытындысы бойынша комиссия еліміздің 225 азаматына халықаралық «Болашақ» стипендиясын тағайындау туралы шешім қабылдады. Орта есеппен бір орынға 4 үміткерден келді. Сонымен қатар биыл шетелдік жоғары оқу орындары мен ғылыми орталықтарға қойылатын талаптар өзгерді. Яғни олар міндетті түрде беделді халықаралық рейтингтердің үздік жүздігіне енген болуы керек. Бұл «Болашақ» стипендиясы аясындағы академиялық білім сапасын арттыруға жол ашады.Жаңа стипендианттардың 152-сі – магистратурада, 16-ы докторантурада оқиды. Ал 57 отандасымыз шетелдік университеттер мен орталықтарда кәсіби тағылымдамадан өтеді.Бұдан бөлек, 182 жерлесіміз әлемнің жетекші ғылыми және зерттеу орталықтарында тағылымдамадан өтуге грант алды. Іріктеу сапасын арттыру мақсатында биыл үміткерлерге қойылатын талаптар күшейтілді. Атап айтқанда, беделді басылымдарда ғылыми мақалалардың немесе халықаралық патенттердің болуы міндетті талап ретінде қарастырылды. Сонымен қатар ғылыми тағылымдама бағыттарының тізімі Үкімет жанындағы Жоғары ғылыми-техникалық комиссияның басымдықтарына сәйкестендірілді.Отырыста 2026 жылы кәсіби тағылымдамадан өтушілер үшін «Жасанды интеллект жүйесін пайдаланушылар» деген жаңа санат бекітілді. Экономиканың түрлі саласын жаппай цифрландыру бағдары жасанды интеллект құзыреттерін дамытуды талап етеді. Бұл ұлттық экономиканың бәсекеге қабілеттілігін нығайтудың әрі цифрлық трансформация жағдайында негізгі салаларды дамытудың маңызды шарты саналады.Сондай-ақ жиында 2026 жылдан бастап магистратура, докторантура, тағылымдама бойынша атом энергетикасы саласындағы мамандарды даярлауға бағытталған арнайы санатты енгізу туралы шешім қабылданды. Жыл сайын бұл бағытқа 20 квота бөлінеді. Мұндай қадам отандық атом өнеркәсібіне қажетті жергілікті білікті кадрларды уақтылы даярлауға мүмкіндік береді.Жалпы, жаратылыстану-техникалық бағыт бойынша тағайындалған «Болашақ» стипендияларының үлесі 2022 жылғы 59,2 пайыздан 2025 жылы 70 пайызға дейін өсті. Инженерлік-техникалық мамандықтар бойынша ғылыми тағылымдамаларға берілген стипендиялар үлесі 2022 жылғы 46 пайыздан 72,4 пайызға дейін артты.Отырыс қорытындысы бойынша Мемлекеттік кеңесші Ерлан Қарин «Болашақ» халықаралық стипендиясын одан әрі іске асыру және жетілдіру жөнінде нақты тапсырмалар берді.<img src="https://knadmin.beoblood.kz/uploads/Whats_App_Image_2025_12_25_at_14_58_24_c58bf47d7c.jpeg" alt="Е.Қарин.jpeg">

Жасанды интеллект және атом энергетикасы мамандары «Болашақ» бағдарламасы бойынша білім алады

<a href="https://kyzylorda-news.kz/">Kyzylorda-news.kz</a> «AMANAT» партиясы облыстық филиалының төрағасы Жандос Базартай Сырдария ауданында болды. Төраға ең алдымен аудан әкімі Берік Сәрменбаевпен кездесіп, ауданда партияның жобалары мен сайлауалды бағдарламасының орындалуы және жақында «AMANAT» партиясының ұйымдастыруымен өткен ауыл әкімдерінің диалог-платформасында Президент жүктеген міндеттерді іске асыру мәселелерін талқылады.«AMANAT» партиясынан аудан әкімдігіне ұсынылып, халықтың сенімі мен қолдауына ие болып, жеңіске жеткен аудан басшысы Берік Сәрменбаев партияның сайлауалды бағдарламасының аудан көлемінде орындалу деңгейі туралы кеңінен ақпарат берді.<blockquote>– «AMANAT» партиясының сайлауалды бағдарламасының ауданда орындалуы жіті бақылауда. 2023-2027 жылдарға арналған сайлауалды бағдарламаны іске асырудың Жол картасының Сырдария ауданына жүктелген міндеттеріне 2025 жылға барлығы 48 шара белгіленген. Бүгінгі күнге 48 шараның 38-і орындалды, 10-і орындалу үстінде. Біз жетекші партияның сайлауалды бағдарламасын ауданда толық жүзеге асыру жұмыстарын жалғастыра береміз. Бұл бағытта нақты шаралар қабылдануда. Партиялық жобалар аясында да түрлі бағытта мәдени, спорттық іс-шаралар ұйымдастырылуда. Жол картасы аясында ағымдағы жылы Н.Ілиясов ауылын газдандыру жобасына облыстық бюджеттен 661,4 млн теңге бөлініп, елді мекен табиғи газден қамтамасыз етілді. Ауданда электр желілерін тозу деңгейін 68 пайызға дейін түсіру межеленген. Бұл бағытта 2024 жылы Шаған ауылын электр желілерімен жабдықтау жұмыстары толық аяқталса, «Ауыл – ел бесігі» бағдарламасы аясында құны 490,5 млн теңгені құрайтын Қалжан ахун елді мекенін электрмен жабдықтау жүзеге асуда, – деді Берік Әбдіғаппарұлы.</blockquote>Келелі кездесу барысында төраға Жандос Базартай партияның мақсат-міндеттеріне кеңінен тоқталып, алдағы кезеңге арналған жоспарларымен бөлісті. Сонымен қатар аудандық филиал тарапынан атқарылып жатқан жұмыстары мен сайлауалды бағдарламаның негізгі басым бағыттары туралы атап айтты.&nbsp;Сондай-ақ, партия төрағасы Сырдария ауданына сапары барысында аудан жастарымен кездесу өткізді.Алдымен төраға «Руханият» орталығымен танысып, тарихи-өлкетану музейін, архив мекемесін, үкіметтік емес ұйымдар жұмысын көрді. Сонымен қатар «Кітап – AMANAT» партиялық жобасы аясында әзірленген кітап көрмесімен танысты. Мұнан соң аудандық жастар ресурстық орталығында жастармен кездесіп, олардың ой-пікірін тыңдап, пікірлесті.<blockquote>– Санасы сергек, ойы озық, рухы биік ұрпақ – мемлекеттің басты байлығы. Бүгінгі жастар тек технологиямен емес, ұлттық мәдениетпен де сусындауы тиіс. Домбыраның үні мен Абайдың сөзі жүректеріңізде жаңғырып тұрса, онда сіздер елдің шын патриот азаматысыз. Сіздер тек ертеңнің емес, бүгінгі күннің белсенді, креативті тірегісіздер. Армандаудан қорықпаңыздар, ал өнер мен мәдениетті қадірлеуден, бос уақытты тиімді пайдаланып, Отанымыздың дамуына үлес қосудан ешқашан жалықпаңыздар, – деді төраға Жандос Базартай.</blockquote>Кездесуде аудандық жастар ресурстық орталығының директоры, «Жастар» бастауыш партия ұйымының төрағасы Н.Сейтжан, ерікті жас М.Сейілханов сөз сөйлеп, өздерінің атқарып жатқан жұмысы мен алдағы жоспарлары туралы айтты.

«AMANAT»: Партия төрағасы Сырдария ауданының әкімімен кездесті

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен Үкімет жанындағы құқықбұзушылықтың алдын алу жөніндегі ведомстворалық комиссия отырысы өтті.Күн тәртібінде мереке кезіндегі қауіпсіздік шаралары, кәмелетке толмағандар, бұрын сотталғандар арасындағы құқықбұзушылық профилактикасы, аумақтық ведомствоаралық комиссия қызметінің қорытындылары, комиссияның 2026 жылға арналған жұмыс жоспары талқыланды.Оған облыс әкімі Нұрлыбек Нәлібаев селекторлық режим &nbsp;арқылы қатысты. Облыста «Заң мен тәртіп» қағидаты аясында құқық қорғау органдарымен бірлесіп, кәмелетке толмағандар арасындағы құқықбұзушылықтың алдын алу үшін тиісті жұмыстар атқарылуда. Білім беру ұйымдарының барлығына ювеналды, учаскелік полиция инспекторлары мен жедел уәкілдер бекітілген. Құрамында прокуратура, полиция, білім беру, жастар ұйымдарының өкілдері бар мобильді топтар құрылып, түнгі рейдтер мен арнайы профилактикалық іс-шаралар тұрақты жүргізіледі.Суицидке бейім балаларды ерте анықтау үшін 181 мыңнан астам бала жаппай диагностика мен сауалнамаға қатыстырылды. «Сенім телефоны», «111» ұлттық байланыс желісі арқылы тұрақты кері байланыс қамтамасыз етілген. «Aдал бала» цифрлық білім беру платформасы 300 мектепке енгізіліп, құқықтық мәдениет, қаржылық сауаттылық, киберқауіпсіздік, буллингтің алдын алу бағытында сабақтар өткізіліп келеді.Бұрын сотталғандар арасында құқықбұзушылықтың алдын алу, оларды әлеуметтік бейімдеу, жұмыспен қамтуда да кешенді жұмыстар қолға алынған. Қазір полицияның профилактикалық есебінде 542 адам бар. Қайта қылмыс жасаудың алдын алу үшін бақылау, әлеуметтік қолдау шаралары күшейтілді. Белгіленген 92 &nbsp;квота бойынша осы жылы босатылған, пробация қызметінде есепте тұрған азаматтар жұмыспен қамтылды.Үкіметтік емес ұйымдар арқылы қайта әлеуметтендіруге 14,7 млн. теңге бөлініп, әлеуметтік жобалар іске асты. Жұмыссыз ретінде тіркелген 344 адамның 231-і тұрақты, 50-і уақытша жұмысқа орналастырылды.«Бастау Бизнес» жобасымен 31 азаматқа 48,6 млн. теңге қайтарымсыз мемлекеттік грант берілді, 25 отбасы 13,6 млн. теңге атаулы әлеуметтік көмек алып, &nbsp;162 азаматқа 2,9 млн. теңге қайырымдылық көмек көрсетілді.

Ведомстворалық комиссия отырысы өтті

<a href="https://kyzylorda-news.kz/">Kyzylorda-news.kz</a> Қызылорда облысының прокуратурасымен сот актілері үнемі зерделенуде. Ағымдағы жылы әкімшілік құқық бұзушылық туралы істер бойынша 38 апелляциялық өтінішхат қанағаттандырылды.&nbsp;Сот актілерін зерделеу барысында тексерулердің нәтижесінде бірқатар кәсіпкерлердің әкімшілік жауаптылыққа тартылғаны анықталды. Дегенмен кәсіпкерлерге қатысты тексерістер Қызылорда облысы бойынша құқықтық статистика және арнайы есеп саласындағы уәкілетті органға тіркелмей жүргізілген.&nbsp;Яғни, кәсіпкерлік субъектілерін тексеру заңнама талаптары бұзыла отырып іске асқан. Апелляциялық өтінішхаттарды қарау нәтижесінде сот актілерінің күші жойылып, заңсыз жауаптылыққа тартылған 7 кәсіпкердің құқығы қорғалды.&nbsp;Заңнама талаптарының сақталуы облыстық прокуратураның ерекше бақылауында.Фото Gov.kz

Кәсіпкерлерді заңсыз тексеру арқылы жауаптылыққа тарту тоқтатылды

<a href="https://kyzylorda-news.kz/">Kyzylorda-news.kz</a> Қызылорда облсында мемлекеттік тілді насихаттау және этносаралық келісімді нығайту бағытында атқарылып жатқан жүйелі жұмыстардың қорытындысына арналған жиын өтті. Іс-шараға Қоғамдық даму басқармасының «Қоғамдық келісім» КММ директорының орынбасары, модератор Дәулет Омаров, тіл жанашырлары, тіл мамандары, жастар және Қазақстан халқы Ассамблеясымен бірлесе жұмыс істеп келе жатқан серіктес мекемелердің өкілдері қатысты.Жиында сөз сөйлеген Дәулет Омаров барша қатысушыларды Қазақстан халқы Ассамблеясының 30 жылдық мерейтойымен құттықтап, Сыр өңірінің этносаралық келісім мен бірлікті нығайтуда өзіндік орны бар екенін атап өтті. Бүгінде Қызылорда облысында 35-тен астам этнос өкілдері тату-тәтті өмір сүріп келеді. Осы бағытта этнос өкілдері арасында мемлекеттік тілді кеңінен насихаттау мақсатында «Мың бала» және «Мемлекеттік тіл – этносаралық қатынас тілі» республикалық жобалары аясында кешенді жұмыстар жүзеге асырылуда.<img src="https://knadmin.beoblood.kz/uploads/ASSAMBLE_Ya_4_26bc6b8d64.jpg" alt="АССАМБЛЕЯ (4).jpg">Атап айтқанда, жыл бойы «Мың бала» республикалық мәдени-ағартушылық жобасы шеңберінде 50-ден аса, ал «Мемлекеттік тіл – этносаралық қатынас тілі» жобасы аясында 30-ға жуық түрлі форматтағы іс-шара ұйымдастырылды. Мектептер мен мекемелерде интеллектуалдық сайыстар, дөңгелек үстелдер, байқаулар өткізілді. Сонымен қатар кең көлемде өткен «Өнерлі өрге жүзер», «Ассамблея аруы – 2025» сұлулық байқауы мен «ҚАЗАҚША QUIZ» интеллектуалдық ойыны көпшілік тарапынан жоғары бағаланды. Жалпы аталған іс-шараларға 5 мыңнан астам адам қамтылды.Жобалар аясында этнос өкілдеріне арналған қазақ тілі курстары ұйымдастырылып, 50-ге жуық этнос өкілі мемлекеттік тілді базалық деңгейде меңгеріп шықты. Бұл бастамалар мемлекеттік тілдің этносаралық қатынас тілі ретіндегі рөлін арттыруға зор үлес қосты.Жиын барысында №23 мектеп-лицейінің қазақ тілі мен әдебиеті пәнінің мұғалімі Меруерт Маратқызы, №5 мектеп-лицейінің мұғалімі, ҚХА белсендісі Альфия Фауисовна, Қызылорда облысы бойынша қылмыстық атқару жүйесі департаментінің ішкі және сыртқы коммуникация қызметінің маманы Данагүл Жеңісқызы, сондай-ақ №233 орта мектептің қазақ тілі мен әдебиеті пәнінің мұғалімі Мөлдір Мақсұтбекқызы сөз сөйлеп, өз ой-пікірлерін ортаға салды.Іс-шара соңында мемлекеттік тілді дамытуға белсенді атсалысып жүрген тіл жанашырлары арнайы марапаттарға ие болды. Қорытынды сөзінде Дәулет Омаров мемлекеттік тілдің мәртебесін арттыру – баршамыздың ортақ міндетіміз екенін атап өтіп, жиынға қатысқан барлық тіл мамандарына алғысын білдірді.<img src="https://knadmin.beoblood.kz/uploads/ASSAMBLE_Ya_1_d4790cb450.jpg" alt="АССАМБЛЕЯ (1).jpg">

Мемлекеттік тіл – ел бірлігінің берік тұғыры

<a href="https://kyzylorda-news.kz/">Kyzylorda-news.kz</a> Өнер орталығында Қызылорда облыстық қоғамдық даму басқармасының "Қоғамдық келісім" КММ ұйымдастыруымен этнос және мекеме қызметкерлерінің балаларына арналған жаңа жылдық кеш өтті. Кешке этномәдени бірлестіктердің өкілдері және балалар қатысты.Жаңа жыл мерекесіндегі шырша кешінде балғындар үшін қызықты мерекелік қойылым ұйымдастырылды. Балалар ән айтып, би билеп, Аяз ата мен Ақшақарға өз өнерлерін көрсетті.Аяз ата барша балғындарға жаңа жылдық жақсы тілек арнады.<img src="https://knadmin.beoblood.kz/uploads/novyj_god_c5ae138da0.jpg" alt="новый год.jpg">Кеш соңында 180 балаға тәтті сыйлықтар таратылып, өз кезегінде ата-аналар ұйымдастырушыларға рақмет айтып, ризашылығын білдірді.<img src="https://knadmin.beoblood.kz/uploads/601951470_4278370752482072_8913462330007641031_n_3ea4bfa8af.jpg" alt="601951470_4278370752482072_8913462330007641031_n.jpg">

«Қоғамдық келісім» КММ балаларға жаңа жылдық көңіл-күй сыйлады

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев құқық қорғау органдарының бірінші басшыларымен бірге Қазалы ауданындағы «Руханият орталығында» тұрғындарды жеке мәселелері бойынша қабылдады.Қазалылықтар негізінен жер кезегі, тұрғын үймен қамтамасыз ету, ауыз су, электр желілерін жаңғырту, көшелерге түнгі жарықшамдар орнату, асфальттауға қатысты сұрақтар қойды.Атап айтсақ, Аранды ауылының тұрғыны ауылға баратын автомобиль жолын асфальттау мәселесін қозғады. Бұл автомобиль жолына асфальт төсеу үшін ХТ ПТ «Мекен и К» жобалаушы мекемесі жоба-сметалық құжаттарды әзірлеп, сараптама қарауына ұсынған. Сараптаманың қорытындысы шығып, бюджеттен тиісті қаржы бөлінгеннен кейін жол құрылысы басталады.<img src="https://knadmin.beoblood.kz/uploads/2_azaly_audanynda_y_abyldauda_t_r_yndardy_m_seleleri_araldy_440bdda9d6.jpg" alt="2Қазалы ауданындағы қабылдауда тұрғындардың мәселелері қаралды.jpg">Бозкөл ауылының тұрғыны электр желілерін жаңғыртуды сұрады. Ауылдың жеке тұрғын үй секторын электрмен қамтамасыз ету мақсатында 2023 жылы жоба-сметалық құжаттама әзірлеуге аудандық бюджеттен қаржы бөлінген. Сол жылдың мамыр айында оң қорытынды алынды. Қазіргі уақытта қаржыландыру мәселесі қаралуда. Қаржы бөлінсе, құрылыс-монтаж жұмыстары басталады. Жоба аудан әкімдігінің тұрақты бақылауында.Аймақ басшысы барлық сауалға орай заң аясында тиісті шара қабылдауды, мәселелерді оңтайлы шешу жолдарын қарастыруды жауапты сала басшыларына тапсырды.Қабылдауда 50-ден астам азаматтың өтініші жан-жақты қаралып талқыланды. Ал, облыс әкімі 25 тұрғынның сұрақтарына жауап берді.Фото: Қызылорда облысы әкімінің баспасөз қызметі

Қазалы ауданындағы қабылдауда тұрғындардың мәселелері қаралды

<a href="https://kyzylorda-news.kz/">Kyzylorda-news.kz</a> &nbsp;Қармақшы ауданының орталық алаңында «Жарқыра шаттық шыршасы» атты жаңа жылдық бас шыршаның шамын жағу рәсімі өтті. Көпшілік асыға күтетін мерекелік шараға аудан тұрғындары мен қонақтары жиналып, көтеріңкі көңіл-күйге бөленді.Салтанатты іс-шараға аудан әкімі Жандос Еркінбек қатысып, жиналған жұртшылықты келе жатқан Жаңа жылмен құттықтап, ауданның әлеуметтік-экономикалық дамуындағы жетістіктерге тоқталды.<blockquote>– Санаулы күндерден кейін ескі жылмен қоштасып, жаңа жылға қадам басамыз. Бұл – әрбір адам ерекше көңіл-күймен қарсы алатын айрықша сәт. Биыл ауданымыз үшін толайым табысқа толы, жемісті жыл болды. Бүгінгі жеткен жетістіктер – Мемлекет басшысы мен Үкіметтің, сондай-ақ облыс әкімінің ерекше қолдауымен қатар, тұрғындардың қажырлы еңбегінің жемісі, – деді аудан әкімі.</blockquote><img src="https://knadmin.beoblood.kz/uploads/arma_shy_Zhar_yra_shatty_shyrshasy_2_7e5f90cc8a.jpg" alt="Қармақшы «Жарқыра шаттық шыршасы» 2.jpg">Сонымен қатар Жандос Еркінбек 2025 жылы ауданның бастапқы бюджеті 12 млрд 176 млн теңге көлемінде бекітіліп, жыл ішінде үш мәрте нақтылау жүргізілуі нәтижесінде аудан бюджеті 22 млрд теңгеге дейін ұлғайып отқанын атап өтті. Қазіргі таңда қаражатты тиімді жоспарлау мен қосымша қаржы көздерін тарту арқылы аудан бюджеті 9,9 млрд теңгеге, яғни 80,9 пайызға артқанын жеткізді.<blockquote>– Қадірлі жерлестер! Алдағы жыл ауданымыз үшін жаңа міндеттер мен мүмкіндіктер кезеңі болмақ. Біз әлеуметтік және инфрақұрылымдық жобаларды, сондай-ақ тұрғындардың өмір сапасын арттыру бағытындағы жұмыстарды жүйелі түрде жалғастыра береміз, – деп сөзін түйіндеді аудан басшысы.</blockquote>Мұнан соң аудан әкімі және ауданымыздың үздік атанып жүрген озаттарының қатысуымен, жылқы жылына жалғасар тұстағы шыршаның алғашқы шамын жағу рәсімі өткізілді. Мерекелік кеш аудан өнерпаздарының концерттік бағдарламасына ұласып, шараға жиналған жұртшылыққа ерекше көңіл-күй сыйлады.Фото: Қармақшы ауданы әкімінің баспасөз қызметі

Қармақшы: «Жарқыра шаттық шыршасы»

<a href="https://kyzylorda-news.kz/">Kyzylorda-news.kz</a> Бүгін Әйтеке би кентінде облыс әкімі Нұрлыбек Нәлібаевтың қатысуымен әлеуметтік осал топтағы азаматтарға кезекке сәйкес 80 пәтерлік 40 тұрғын үйді табыстау рәсімі өтті. Оған құқық қорғау органдарының, жауапты салалардың басшылары, зиялы қауым өкілдері мен аудан тұрғындары қатысты.Аймақ басшысы жиналған жұртшылықты, Жаңа жыл қарсаңында жаңа баспаналы болған азаматтарды құттықтады.<blockquote>«Қазан айында Мемлекет басшымыз Қасым-Жомарт Кемелұлы Сыр өңіріне арнайы жұмыс сапарымен келгенде әлеуметтік нысандар мен өндіріс орындарында болды. Атқарылған жұмыстарға оң бағасын беріп, Астана мен Алматы қалаларындағыдай тәулік бойы қызмет көрсететін үшінші Президенттік кітапхана Қызылордада ашылатындығын жеткізді. Бастаманы жерлестеріміз зор қуанышпен қабылдауда. Президентіміз Үкімет пен облыс әкімдеріне мемлекеттік қолдауларды тиімді және мақсатты пайдаланып, ауыл халқының табысын арттыру, экономикасын жоғары көрсеткіштерге жеткізу міндетін жүктеді. Кейінгі үш жылда өңірде бірінші рет барлық ауданда тұрғын үйлер салынып, атап айтсақ, &nbsp;2023 жылы 430, 2024 жылы 1015, 2025 жылы 332 жуық жаңа пәтер жерлестерімізге берілді», – деді Н.Нәлібаев.</blockquote><img src="https://knadmin.beoblood.kz/uploads/azaly_t_r_yn_j_tabystau_4e1376be4b.jpg" alt="Қазалы тұрғын үй табыстау.jpg">Рәсімде ауданның әлеуметтік-экономикалық дамуына үлес қосқан, тұрғын үйлер құрылысын салған азаматтар облыс әкімінің Алғыс хатымен марапатталды. Облыс прокуроры Ризабек Ожаров қазалылықтарды қоныстоймен құттықтап, қоғам қайраткері Самұрат Имандосов бата берді.Айта кетейік, өңірде 2022 жылдан бері 200-ге жуық халыққа қажетті әлеуметтік нысан салынып, тұрғындар игілігіне айналған. Кезекте тұрған азаматтарға 5 мыңнан астам пәтер (5148) табысталды. Биыл 3 600 пәтерлік үйлер салуға бюджеттен 58 млрд. 785 млн. теңге бөлінді.Қазалы ауданында өткен жылы 148 пәтерлік 74 тұрғын үй табысталған болатын.<img src="https://knadmin.beoblood.kz/uploads/azaly_t_r_yn_j_tabystau_2_453c575519.jpg" alt="Қазалы тұрғын үй табыстау 2.jpg">Қызылорда облысы әкімінің баспасөз қызметі

Қазалы ауданында кезекте тұрған азаматтарға тұрғын үй кілті табысталды

<a href="https://kyzylorda-news.kz/">Kyzylorda-news.kz</a> &nbsp; Жаңа жыл қарсаңында Арал қаласында облыс әкімі Нұрлыбек Нәлібаевтың қатысуымен әлеуметтік осал топтағы азаматтарға арнап жаңадан салынған 60 пәтерлік 30 тұрғын үйді табыстау рәсімі өтті. Оған құқық қорғау органдарының бірінші басшылары, облыстық мәслихаттың төрағасы, зиялы қауым өкілдері мен ардагерлер қатысты.Аймақ басшысы құрылыс саласындағы, оның ішінде тұрғын үй құрылысындағы атқарылған жұмыстарға тоқталып, жаңа қоныс иелерін құттықтады.<blockquote>«Мемлекет басшысы Қасым-Жомарт Кемелұлы: «Халықтың басым көпшілігі үшін тұрғын үй – ең өзекті мәселе. Бұл түйткіл мемлекет тарапынан мүмкіндігінше шешіліп жатыр. Мемлекет шын мұқтаж адамдарға жәрдем береді» деп атап өткен болатын.Өңіріміз қарқынды құрылыс алаңына айналып, 2022 жылдан бері 200-ге жуық әлеуметтік нысан салынды. Кейінгі үш жылда тұрғын үй кезегіндегі азаматтарға 5 мыңнан астам пәтер табысталды.Алғаш рет барлық ауданда 1 800-ге жуық жаңа пәтер жерлестерімізге берілді. Биыл 3600 пәтерлік тұрғын үй салуға бюджеттен 58 млрд. 785 млн. теңге бөлінді. Оның ішінде 322 пәтерлік 161 тұрғын үй аудандарда бой көтеруде.Бүгін – мемлекет қолдауымен баспаналы болған әрбір отбасы үшін ерекше күн! Жаңа жыл қарсаңында жаңа үйдің кілтін алып, отбасылық мерекені өз үйінде қарсы алу қуанышты еселей түседі.Қоныстарыңыз құтты, іргетасы берік, қабырғасы мығым, ішіндегі әр отбасының шаңырағы татулық пен берекеге толы болғай! Баршаңыздың дендеріңізге саулық, отбасыларыңызға амандық тілеймін!», – деді Нұрлыбек Машбекұлы.</blockquote>Іс-шарада ауданның әлеуметтік-экономикалық дамуына үлес қосқан азаматтарға, құрылыс мекемесінің мамандарына облыс әкімінің Алғыс хаты табысталып, аудандық ақсақалдар кеңесінің төрағасы Нұралы Оспанов батасын берді.Арал ауданында құрылыс және инфрақұрылымдық жобалар жоспарға сай жүзеге асырылуда. Жыл басынан бері 300 орындық «Келешек мектебі», «Руханият орталығы», қамқорлық және оңалту орталығы, әлеуметтік осал топтағы отбасыларға арналған 150 пәтерлік 75 тұрғын үй, сондай-ақ теміржол үстінен өтетін көпір пайдалануға берілді.<img src="https://knadmin.beoblood.kz/uploads/Aral_alasynda_60_p_terlik_30_t_r_yn_j_tabystaldy_6788e4e5e1.jpg" alt="Арал қаласында 60 пәтерлік 30 тұрғын үй табысталды.jpg">Сексеуіл кенті табиғи газға қосылып, 300 орындық мектеп пен 40 төсектік аурухана ел игілігіне табысталды. Тоқабай ауылында жаңа дәрігерлік амбулатория салынды. Сонымен қатар демеушілер есебінен апатты мектептің орнына тұрғызылған жаңа мектеп пайдалануға берілді. Бұл ауыл жақында таза ауыз сумен қамтылды.Ақшатау ауылындағы 60 орындық жаңа мектеп шәкірттер игілігіне айналды. Ақбасты және Ерімбетжаға ауылдарына таза ауыз су жеткізілді. Жақын күндері Абай ауылына ауыз су қосу жұмыстары аяқталады.Фото: Қызылорда облысы әкімінің баспасөз қызметі

Арал қаласында 60 пәтерлік 30 тұрғын үй табысталды

<a href="https://kyzylorda-news.kz/">Kyzylorda-news.kz</a> Жыл қорытындысы бойынша өткен алқа отырысында балалардың құқықтарын қорғауды қамтамасыз ету мәселелері жөнінде облыс прокурорларының баяндамалары тыңдалды.Батыс Қазақстан облысының прокуратурасы қылмыстық тәуекелдерді анықтауға және азайтуға бағытталған «Қауіпсіз өңір» жобасын ұсынды. Жоба қауіпті учаскелерді абаттандыруды, көшелерді жарықтандыруды, инфрақұрылымды мониторингтеуді, сондай-ақ құқық бұзушылықтар туралы деректерді талдау негізінде профилактикалық және патрульдік жұмысты күшейтуді көздейді.Қазіргі таңда әжептеуір нәтижелер бар: бірқатар қауіптер төмендетілді, балалардың мектепке баратын жолында инфрақұрылым қамтамасыз етілді, буллинг фактілері анықталып, жедел шаралар қабылданды.Аталған жұмыс Мемлекет басшысы Қасым-Жомарт Тоқаевтың ұл-қыздарымыздың парасатты және жан-жақты болып өсуіне жағдай жасау, жас азаматтардың құқығын қорғап, денсаулығын сақтау әрдайым мемлекеттің басты басымдығы болып саналады деген талаптарына сәйкес келеді. Балалар – біздің болашағымыз. Сондықтан еліміздегі &nbsp;әрбір жеткіншектің мейірім мен қамқорлыққа бөленіп, үлкеннің қолдауын сезінуі ертеңгі күнге сеніммен қарауы өте маңызды.Барлық өңір прокурорларына балалар қауіпсіздігі мәселелеріне ерекше назар аудара отырып, осындай жұмысты жүргізу тапсырылды.&nbsp;Қауіпті учаскелерді анықтау, жарықтандыру мен патрульдеуді күшейту, жергілікті атқарушы органдармен және полициямен нақты өзара іс-қимылды қамтамасыз ету прокурорлардың алдағы кезеңдегі негізгі міндеті.Балаларды қылмыстық қол сұғушылықтан қорғау және олардың өмірі үшін қауіпсіз, сенімді орта қалыптастыру барлық деңгейдегі мемлекеттік органдардың жұмысының сөзсіз басымдығы болуы тиіс.Алматы облысының прокуратурасы Kundelik платформасымен меморандум жасап, қосымшаның басты бетінде прокуратураның блогын іске қосты.Блог балалардың құқықтық мәдениетін арттыруға және олардың қауіпсіздігін қамтамасыз етуге бағытталған. Құқықтық негіздерді тиімді қабылдау үшін өзара іс-қимылдың 4 негізгі тетігі қарастырылған.Материалдар (фото, видео, мәтіндік форматтар және вебинарлар) оқушылардың жас ерекшеліктеріне қарай жасалып, күрделі құқықтық мәселелер түсінікті тілде беріледі, ұсынымдар мен кеңестерді қамтиды және оқу процесінде қолданылады.Балалармен кері байланыс QR-кодтар, сондай-ақ мессенджерлер арқылы анонимді өтініш беру мүмкіндігімен қамтамасыз етілген.Блогты 210 мың оқушы мен олардың ата-аналары қарады.Kundelik платформасымен ынтымақтастық құқықтық ақпаратты жеткізумен қатар, қолда бар мәліметтерді талдауға, оларды «Бақытты және қауіпсіз балалық шақ» жобасы аясында пайдалануға, сондай-ақ тәуекел тобындағы балаларды және баланы тәрбиелеу бойынша өз міндеттерін орындамайтын ата-аналарды уақтылы анықтауға мүмкіндік берді.Атқарылған жұмыстың нәтижесінде 16 мыңнан астам бала тиісті медициналық қызметтермен қамтылды, 4 мыңнан астам ата-анаға заңда көзделген әлеуметтік төлемдер қамтамасыз етілді.Қамқорлықсыз қалған үш жасар балаға жедел көмек көрсетілді: әкесі жазасын өтеп жатқан, ал анасы қоғамға жат өмір салтын ұстанған. Анасы маскүнемдіктен мәжбүрлі емдеуге жіберіліп, бала Кәмелетке толмағандарды бейімдеу орталығында тиісті күтім мен бақылауға алынды. Бұл атқарылған жұмыстың бір бөлігі ғана.Балалардың құқықтарын қорғау жөніндегі прокурорлар жұмысын жүйелеу, сондай-ақ балалар мен ата-аналарды ақпараттандыру тиімділігін арттыру мақсатында Kundelik платформасымен осындай интеграцияны жүзеге асыру тапсырылды.Бұл:<ul><li style="text-align:justify;">балалардың құқықтарын қорғауға бағытталған прокуратура жобаларын біріктіруге және жүйелеуге;</li><li style="text-align:justify;">нақты балалар мен ата-аналар топтарымен жұмысты бірыңғай әрі үйлестірілген тәсілде жүргізуге;</li><li style="text-align:justify;">қолайлы әрі кеңінен қолданылатын цифрлық құрал арқылы құқықтық тәрбиені және заңға бағынатын азаматты қалыптастыруды күшейтуге мүмкіндік береді.</li></ul>Аталған жұмыстардың барлығы балалар үшін қауіпсіз орта қалыптастыруға және «Заң мен Тәртіп» қағидаттарын профилактика, уақтылы көмек көрсету және әрбір баланың құқығын қорғау арқылы іс жүзінде іске асыруға бағытталған.

Қазақстан және Қызылорда облысының жаңалықтары: Қоғам