<a href="https://kyzylorda-news.kz/">Kyzylorda-news.kz</a> &nbsp;Жуырда Алматыда "Набат операциясы" Шиеліде болған оқиға желісінде түсірілген фильмнің тұсауы кесілді. Бұл Алматыдан арнайы репортаж ұсынған Гүлжанат Шонабайдан білдік.<blockquote>– «Қазақфильм» киностудиясы соңғы екі жылда «НАБАТ операциясы» атты жаңа көркем туындысын бітіріп, Астана мен Алматы қалаларында&nbsp;тұсауын кесті. Өзім туып-өскен Шиеліде болған оқиғаны экраннан көремін деп мен де ерекше ынтықтым. Әлі есімде, 1992 жылдың 22 ақпаны. «Москва-Ташкент» жүрдек пойызы арқылы этаппен Ресейге жөнелтіліп бара жатқан аса қауіпті, екеуіне өлім жазасы кесілген алты қылмыскер үш күзетшініауыр жаралап,тордан қашып шығады. Сарыағашқа кетіп бара жатқан қалааралық «Икарус» автобусына мініп, 20 шақты жолаушыларды кепілге алады. Шиелі автостанциясына тоқтағанда оқ атылып, милиция қызметкері ажал құшады.&nbsp;</blockquote>«Автостанция аймағы түгел қоршауға алынды. Террористер шетелге ұшатын ұшақ, көп ақша талап етіпті. Олармен рация арқылы келіссөздер жүріп жатыр екен» дегенді естіп, төбе құйқамыз шымырлаған еді.&nbsp; Өрімдей&nbsp; милиционер жігіт Мұрат Өмірбековтің дәл жүрегіне оқ тиіп, сол жерде қаза тауыпты дегенді де естіп аза бойымыз қаза болған.Ол жылдар Одақ тарап, бір жағы Еліміз тәуелсіздік алды деп қуанып, бір жағы колхоз-совхоз тарайтын болып, қайта құрудың әлегімен әйелдер ала сөмке арқалап, сауда жасауға бой ұрып жатқан күйбең уақыт болатын. Жәй жатқанШиеліге террористер топ етіп, елдің зәресі ұшты, ал бұл күштік құрылымдардыбір пәсте дүр сілкіндірген еді.Тосын оқиға ұмытылмасын деп аракідік мақалалар да, оқиға куәгерлері тарапынан деректі әңгімелер де жазылды. Енді міне, араға тура отыз екі жыл салып«Қазақфильм» киностудиясы «Набат» операциясы» атты шындыққа құрылған шытырман картина түсіріп,жайсыз жайтты қайта есімізге салды.&nbsp;<blockquote>«Набат –&nbsp;дабыл,&nbsp;алаңдаушылық, қауіп деген сөз. Сондықтан бұл операция «Дабыл» деп аталды, өйткені Кеңес заманында КГБ бөлімшесінің әрбір бастығының қолында «Өте құпия, бөлім бастығының нұсқауы бойынша ғана ашылады» деген жазуы бар балауыз мөр басылғ&nbsp;ан сары конверт болатын. Михаил Дәуеновтың нұсқауымен мен оны ашып қарасам, «Әуе көлігінде террористерден кепілге алынғандар босатылған жағдайда не істеу керек» деген жазуы бар парақты көрдім, – деп еске алады&nbsp;«Дабыл» операциясының тікелей қатысушысы, ҰҚК ардагері Қадыржан Қарабаев «ҚазАқпарат» тілшісіне берген сұхбатында.</blockquote>Қылмыскерлермен келіссөздерді сол кезде Қызылорда облысы бойынша МҚК бастығы полковник Михаил Дәуенов, ал жедел штабты Қадыржан Қарабаев басқарған.<blockquote>«Жағдай өте қиын болды. Ол кезде бізде келіссөз жүргізетін адамдар жоқ еді, біз оларды тек шетелдік фильмдерден көретінбіз, сондықтан полковник Михаил Дәуенов (фильмде – Марат Дәуенов) бір тәулікке жуық уақытын өткізіп, оларды Шымкент әуежайына баруға көндірді», дейді ҰҚК ардагері.&nbsp;</blockquote><blockquote>«Мен ол кезде Қызылорда қаласы бойынша кадр бөлімі бастығының орынбасары едім. Кеңес заманында қызылордалықтардың мемлекеттік қызметте жұмыс істеуге білімі мен денсаулығы жеткіліксіз деп есептелген. Одақ ыдырағаннан кейін көптеген қызметкерлер өз республикаларына кетті, мен жұмысқа келгенде 50% ғана басшылық болды. Менің алдымда оны кадрмен қамтамасыз ету міндеті тұрды, бір жылдың ішінде біз болашақта қызметте жоғарылай алатын 48 адамды таптық», – дейді ардагер Қадыржан Қарабаев.</blockquote>Шынында, осы оқиға қаншама құқ қорғау қызметкерлерінің отансүйгіш, ел қорғаны, өз міндетіне адал, патриот азаматтар екенін дәлелдеді емес пе?! Сол кездегі шиелілік полиция қызметкерлерінің қылмыскерлерді ұстауға тырысып, кеудесін оққа тосқаны нағыз ерлік болды.&nbsp;«Бұл операцияның ерекшелігі – мұндай жағдай Қазақстан тарихында алғаш рет орын алып, сәтті аяқталды.Ол кезде ешқандай марапат жоқ, бірде-бір басшы еңбегі үшін марапатталмаған. Михаил Дәуенов қарамағындағы қызметкерлерін сертификаттармен марапаттап, қоймадан сағаттар мен транзисторларды тауып алып, сыйлыққа берді», дейді ҰҚК ардагері Қ.Қарабаев.Оның пікірінше, өз жұмысына жоғары жеке жауапкершілік және төтенше жағдайларда тез шешім қабылдау қабілеті кез келген басшыға қажет қасиет.<blockquote>Фильмнің тұсаукесерінде Ш.Айманов атындағы «Қазақфильм» АҚ президенті Азамат Сатыбалды: «Набат» операциясы қызық оқиға, әрине, біз оның көрермендер жадында қалғанын қаладық. Фильмді барлығына көрсетуге болады, өйткені ол қызықты, сапалы фильм болып шықты. Бұл өскелең ұрпаққа туған жерін сүюге, оны қорғауға үндеу деп түсінеміз. Ол үшін адал азамат боп өсу керек. Адам елін сүйсе, оны қорғау үшін бәрін жасауға дайын», – деп пікір білдірді.</blockquote>Фильмнің қоюшы режиссері – Рашид Сүлейменов. Қоюшы операторы – Ернұр Рыспаев. Басты рөлдерді «Міржақып. Оян, қазақ!» фильмімен халық батырына айнаған сүйікті актеріміз Бақыт Қажыбаев пен «Шифр», «Дятлов асуы» және «Жолбарыстың сары көзі» фильмдерінде ойнаған Алексей Шемес сомдады.

«Набат операциясы»: Шиеліде болған оқыс оқиға

<a href="https://kyzylorda-news.kz/">Kyzylorda-news.kz</a> Жаңақорған ауданынан Ұлы Отан соғысына бес мыңға жуық жауынгер аттанды. Аудан еңбекшілері майданда да, тылда да ерен ерліктің үлгісі көрсетті. Отты жылдары Жаңақорған ауданынан кеткен жауынгер Сайпулла Мырзаевтың тектік құжаттары аудандық архивтің «Ұлы Отан соғысының ардагерлері» атты қор коллекциясына қойылды.Мырзаев Сайпулла 1924 жылы 5 мамырда а Жаңарық елді мекекенінде дүниеге келген. 1942 жылдың 24 желтоқсаны күні Совет Армиясы қатарына алынған екен. Өзбекстанның Ферғана облысының орталығында 8 ай оқып, сержант шенін алып, Москва түбіндегі Орехова Зуева қаласында 3- ай дайындықта болып, үлкенсынақтардан өтіп Украинаның Сумма облысында тұрған 27 мотоатқыштар командирі гвардия полковнигі Котуновтың басқаруындағы 2-ші корпусының 1-ші гвардиялық танкистер армиясын толықтыруға алынған. 1943 жылдың 24 желтоқсанында Киевтің шеткі ауданы Вишневаға жеткізіліп, таңғы сағат 4-те немістің қорғанысын бұзып, Украинаны неміс фашистерінен азат етуге қатысты. «1944 жылы жоғарғы қолбасшының бұйрығымен біздің армия 1-ші Беларус майданы командирі Маршал Жуковтың қарауына ауыстырылды. Беларус майданынан жалғасын жауынгерлік жорығы Сан, Бух, Днестр, Висла, Одер өзендерінің бойындағы Киев, Виница, Белло-Церковь, Чернобица, Шепетовка, Варшава, Лодзь қалалары үшін болған сұрапыл соғыстармен жалғаса отырып, 1945 жылдың 2 мамыр күні неміс фашизмнің орталығыБерлин қаласына жетіп, Германияның батысының Бранденбург жеріндегі Котбус қаласына дейін барып, 1946 жылдың желтоқсанынан, Дрезден қаласынан Туркия шекарасы Кавказ маңындағы Ахалхалак қаласында 35-ші гвардия атқыштар полкінде, 3 ай тұрып, 1947 жылдың 27 наурыз күні елге оралдық»-деп есіне алып, өз қолымен қағаз бетіне түсірген екен жауынгерСайпулла Мырзаев. Міне осындай өмір мен өлім жолында жүріп, қайтпас қайсарлығын көрсетіп жанқиярлықпен соғысқан жауынгерлердің ерліктері елеусіз қалған жоқ. Сұрапыл соғыстағы ерліктері үшін«Ерлігі үшін», Жауынгерлік еңбегі үшін» медальдарымен және Жоғарғы басқолбасшы Совет Одағының маршалы Сталиннен 1941 жылдың 22 қаңтарында алған «Алғыс хаттары» түпнұсқалары негіз болады. Сонымен қатар «І дәрежелі Ұлы Отан соғысы» және «Қызыл Жұлдыз» орденімен, «1941-1945 жылдардағы Ұлы Отан соғысы жеңісінің 20,30,40,50 жылдығы» мерекелік медалымен, Кеңес Одағының Маршалы Г.К Жуков медалімен марапатталған.Елге аман-есен оралған жауынгер Сайпулла сондай табандылықпен елге еңбек етті. Жауынгердің елдегі еңбегі аудандағы Жаңарық ауыл советіне қарасты 1 май колхозында басталып, Төменарық станциясындағы Ащысай полиметалл комбинатына қарасты «Горняк» қосалқы шаруашылығында жалғасын тапты. 1954-1970 жылдар аралығында май зауытының Төменарық сүт қабылдау бөлімшесінің меңгерушісі Қызылорда қалалық кардон заводының шикізат дайындайтын бөлімшесінің меңгерушісі, 1970-1976 жылдары аудандық май зауытының өндіріс басқарушысы, 1976-1984 жылдары Қызылорда жылжымалы механикалық колоннасында құрылыс мастері болып еңбек етіп, 1984 жылдың 5 мамыр күні құрмет демалысқа абыроймен шығады.Еңбек жолында «Еңбек ардагері» медалімен, «Социалистік жарыстың жеңімпазы», «Соғыс ардагерлері комитетінің одағы» төсбелгілерімен және «Құрмет грамоталармен», «Алғыс хаттар»марапатталған. Патима Махантайқызымен отбасын құрып, перзенттер өсіріп тәрбиеледі. Ол 80 жасқа қараған шағында 2005 жылы дүниеден озды.Отан үшін от кешкен майдангерлердің көрсеткен өшпес ерлігін, қаһармандық өнегесін жас ұрпақ бойында қалыптастыру ең басты мақсатымыз.Архив қызметкерлері «Ұлы Отан соғысының ардагерлері» қор коллекциясында жеке тектік қор иелерінің құнды деректерін сақтап, ұрпаққа насихаттап келеміз. Біз оларға мәңгі қарыздармыз. <img src="https://knadmin.beoblood.kz/uploads/1ef442fd_a5db_4b76_9f0d_082f2318a9c6_399bc5a177.jpg" alt="1ef442fd-a5db-4b76-9f0d-082f2318a9c6.jpg">

Біз оларға мәңгі қарыздармыз

<a href="https://kyzylorda-news.kz/">Kyzylorda-news.kz</a> 7 мамыр – Отан қорғаушылар күні! Мерейлі мерекеде жыл сайын шекараны күзетіп, жердің шетіне жаудың табанын тигізбеу үшін күні-түні ұйықтамаған шекарашы сарбаздарды марапат мінберіне мінгезіміз. Әрине, олар құрметке лайық! Жасыратыны жоқ, соңғы жылдары «әскерге шақыру» десе, әккі әрекеттерге көшіп, сап түзеуден үркитін жастардың қатары артуда. Оған әшкере болып жатқан әскердегі әлімжеттікті себеп дейміз. Бірақ таразылай келсек оның бір емес бірнеше себеп-салдарын аңғаруға болады. Өйткені смартфонды шұқылап, виртуалды әлемнің әлегімен өскен әлсіз баланың қару асынуға қауқары жетпеуі бек мүмкін. Одан қалды ата-ананың бала біткенді асыра мақтап, еркелетуі де енжарлыққа бастап, ауырдың астымен, жеңілдің үстімен жүруге тәрбиелеп жібергендей ме?Әлімжеттіктің бастауы әрідеНегізінен әскердегі әлімжеттік өткен ғасырдың екінші жартысында өршіген. Бастапқыда Ұлы Отан соғысынан оралған майдангерлердің біразы әскер құрамында қалып, жеңістен кейін шақырылған жас буынға аға болып, ұрыс жүргізу тәсілдеріне баулыған, темірдей тәртіп орнатқан. Артынша, 1960 жылдары олардың орнын басқан соғыс көрмегендері де бұл дәстүрді қабылдап, өз білгенінше бұрмалап, жаңа шақырылғандарға әмір етудің бейресми қағидасына, жазылмаған заңдылығына айналдырып жіберген. Себебі ол кезде азаматтар 3 жыл бойы әскери қызметтен өткен. Нәтижесінде жаңа шақырылғандар жеткенше, бұрын кіріскендер «қартайып» қалады: олар өздерін әбден ысылған, тісқаққан жауынгер санап, командирлер рұқсатымен жас сарбаздарға көрген-білгенін үйретеді. «Сабақ» үстінде зорлық әдістері де қолданылады.Тәуелсіздік алғаннан кейін Қазақстан әскердегі әлімжеттікпен күрес мақсатында өз Қарулы Күштеріндегі мерзімді әскери қызметке шақыру уақытын 12 айға дейін азайтып тастады. Бірақ жағдайдың түзелгені шамалы сыңайлы. Өйткені бүгінгідей жауынгерлердің өз-өзіне қол салуы Қарулы Күштерде әлімжеттік тамырына балта шабылмағанын көрсетеді. Мысалы, «Айқын» газетінде жарияланған деректерге сәйкес 2010 жылы әскерде 17 суицид оқиғасы тіркелсе, 2011 жылы бұл сан 21-ге дейін өскен. Бұдан бөлек, 2015 жылы – 11, 2016 жылы – 6, 2017 жылы 6 жауынгер өз өмірін өзі қиған.Сол басылым келтірген тағы бір деректерге сүйенсек, соңғы 5 жылда Қарулы Күштерде, басқа да әскерлер мен әскери құрылымдарда 23 суицид тіркелген. Оның ішінде құқыққа қарсы іс-әрекеттердің 4 дерегі ашылған. Ал қалған жағдайларда сарбаздар арасындағы суицидтің себептері отбасылық және жеке проблемалардан туындаған көрінеді. Статистикаға сүйенсек, соңғы он жылда 200-ден аса әскери өз-өзіне қол жұмсапты. Бұл дегеніңіз – жыл сайын 20-дан аса отбасы Отан алдындағы борышын орындауға кеткен оғландарынан айырылып, қайғыдан қан жұтатынын көрсетеді.Әскерге шақыру науқаны жүрудеӘскерге шақыру науқаны басталды дегенді естіген ата-аналардың түн ұйқысы төрт бөлінетін болған. Әскерге жарамды ұлдарының бас амандығын ойлаған олардың да жайын түсінуге болады. Өйткені ауық-ауық әскердегі әлімжеттік, соңы суицидпен аяталып жатқан ақпаратты көз көріп, құлақ естіп жүр. Бұрын сарбаз болу жас жігіттің арманы еді. Қыздар да сарбаз атанбаған азаматтың етегінен ұстауға асықпайтын. Ал қазір әскер деген сөзді естігеннен елдің төбе шашы тік тұрады. Өкінішті...Қазіргі уақытта көктемгі әскерге шақыру науқаны жүріп жатыр. Әзірге Шиеліден 55 азамат Отан алдындағы борышын өтеуге құлық танытып отыр. Бұл туралы Шиелі аудандық қорғаныс істері бөлімінің басшысы Р.Шарипаевтан хабарласып білген болатынбыз.<blockquote>– Ер азамат ең алдымен елге қызмет етуді ойлайды. Ол үшін әуелі Отан алдындағы борышын өтеуге тиіс. Қолына қару ұстап көрмеген азамат, ел басына күн туған сындарлы шақта тез сынып қалуы мүмкін. Сондықтан да әр отбасында дүниеге келген ұлды қайсарлы, жігерлі етіп тәрбиелеу, оған өз борышын өтеуді парыз санау шаңырақтағы тәрбиеден бастап беріледі. Міне, сондай қайсар жігіттер бүгінгі күні өз еркімен сап түзеп, сарбаз атануға сақадай сай отыр. Мәселен, 22 азамат ҚР Ұлттық Қауіпсіздік комитетінің шекара қызметіне, 2 азамат ҚР Қауіпсіздік комитетінің күзет қызметіне, 31 азамат ҚР Қарулы күштерінде борышын өтемек, – деді.</blockquote>Отанды сүю отбасынан басталадыӘскерге міндетті борышкерлердің статистикасын сараптасақ, 60 проценті енжарлық немесе қорқақтықтан бас тартса, 30 проценті жарамсыздық себебінен әскерге бармайды екен. Тек 10 проценті ғана өздігінен әскерге баруға сұранатын көрінеді. Сондықтан да бұл күндері «Ұлымды қорғаймын» деп балаларымызды қорқақ, әлсіз, босбелбеу етіп тәрбиелеп жүрген жоқпыз ба? Осыны да ой елегінен өткізіп қойсақ қайтеді?<blockquote>– Дені сау, ақыл-ойы жетілген әрбір азамат Отан алдындағы борышын өтеуге міндетті. Келешектің тұтқасы болар ер азаматтарымыздың жасынан жігер-қайраты толысып, ширақ қимыл иесі атануы отбасындағы тәрбиеден бастау алмақ. Тәуелсіз еліміздің еңсесін тік ұстайтын жастарымыздың патриоттық сезімі биік, күш-қайраты толық, жігері жалынды болғаны жарасымды емес пе?! Жасыратыны жоқ, еліміз нарықтық экономикаға қадам басқалы азаматтардың көзқарасы да өзгере бастады. Патриоттық тәрбиені тұрмыстық сана ұмыттырды. Тәуелсіздіктің алғашқы жылдары мен қазіргі жастардың рухани айырмашылығы жер мен көктей. 2005 жылға дейін отбасында бір бала болса да, студент болса да, 18 жасқа толғандықтан әскерге алып кететін. Қазір жеңілдіктер көп. 1-2 келі салмағы жетпесе жарамсыз болып танылады. Қатарынан қалып қойған азамат келесі жолы әскерге баруға құлықсыз болады. Екіншіден, теледидардан қылмыстық топтар туралы кинолар жиі көрсетіледі. Әскери өмірден сыр шертетін дүниелер көп болса, жастардың ынтасы артар еді, – дейді Шиелі аудандық ардагерлер кеңесінің төрағасы Өркен Исмаил.</blockquote>Ал Шиелі кентінің тұрғыны М.Әлжанова «Менің балам өткен жылы әскерден аман-есен оралды. Қазір әскердегі әлімжеттік тиылған. Әскери қызметтегі ұлымның аман-саулығына көз жеткізіп отыру үшін арнайы ата-аналарға арналған «ватцап» желісінен ортақ чат ашылды. Сол жерде борышкерлердің күнделікті жағдайы айтылып, арасында телефонмен тілдестіріп те тұрды. Бұрынғыдай 1 жыл бойы балаңнан хабар алмай қорқыныш күн кешпейсің, қазір. Сондықтан ұлдарымызды әскерге жіберуден қорықпайық» дейді.Үлкен өмірге қадамОтан алдындағы борышын өтеп келген сарбазды замандастары: «Әскерде қалай екен? Ұрды ма? Баруға тұра ма?» деп сұрақтың астына алатыны белгілі. Міндетін мінсіз атқарып келген сарбаз Ә.Қасымбектің айтуынша, әскердегі уақыт үлкен өмірге нық қадам басуға оң ықпалын тигізген.<blockquote>– Мектеп қабырғасында жүргенде тентектігім басым болды. Үйдің кенже баласымын. Кез келген істі ақылға салып, ойланып істемейтінмін. Жауапкершілікті терең сезінбедім, жеңілдің астымен, ауырдың үстімен жүрген кезім көп еді. Әскерге барғанға дейінгі және әскерден келген Әділханның арасы жер мен көктей. Әскер мені көп нәрсеге үйретті. Ең әуелі ата-анамның, бауырларымның, туыстарымның, достарымның қадірін түсіндім. Уақыттың маңыздылығын білдім. Бір сөзбен айтқанда, әскер мені жақсы жағынан өзгертті. Отан алдындағы борышымды өтеуге барғаныма қатты қуанамын. Жастарға да әскерден қашпауға кеңес беремін. Ел болашағы – жігерлі жастардың қолында! – дейді Әділхан.</blockquote>Бүгінде әскерге шақырушылардың денсаулығынан бөлек, білімі мен біліктілігіне де сұраныс артып отыр. Себебі, ел әскері жаңа технологиялармен жасақталуда. Сарбаздардың компьютерлік біліктілігі, сауаттылығы мен кәсіби шеберліктері қажет. Жай ғана қару ұстап, жаттығудан бөлек, логикалық-интеллектуалды білімінің бар болуы заман талабына айналған. Бастысы – әр азаматтың бойында патриоттық рух болуы тиіс. Тәуелсіз еліміздің шегедей нық тірегі, құрыш қамал қорғаны – айбынды әскері екенін естен шығармайық.

Биыл Шиеліде 55 азамат Отан алдындағы борышын өтеуге құлықты

<a href="https://kyzylorda-news.kz/">Kyzylorda-news.kz</a> Әскери қызмет – біздің егемен мемлекетіміздің берік қалқаны. Оны нық ұтсап тұру – қасиетті борыш қана емес,&nbsp; зор құрмет. Қазақ әскерінде қызмет атқарып, ел алдындағы борышын орындауда ер жігіттерге аса жауапкершілік пен үлкен міндет жүктелетіні хақ. Талай ғасыр халқының еркіндігін сыртқы жаулардан қорғаған Қабанбай, Бөгенбай, Наурызбай сынды батыр бабаларымыз, кешегі фашизмнің отын өшірген майдангер аталарымыз аманаттаған Отанның тәуелсіздігін қырағы күзету – ең ұлық қызмет дер едік. Туған жерім деп аянбай тер төккен ұлы тұлғалар қазақ елінде жетерлік. Отанды қорғау абыройлы міндет деген ұстаныммен жүретін шиелілік Бексұлтан Төлепбергеновті көпке үлгі етуге болады.&nbsp;Кейіпкеріміз Пензаартиллериялық-инженерлік институтын бітіріпті. Әскердегі қызметін Шығыс Қазақстан облысының әскери бөлімдерінің бірінде лейтенант болып бастаған. Қазіргі таңда ол мансап сатысы жоғарылап, Абай облысында орналасқан әскери бөлімде майор атағымен Отанға қызмет етуде. Адал еңбегі мен жауынгерлік дайындықтағы жақсы көрсеткіштері үшін ол бірнеше рет медальдармен, төсбелгілермен және алғыс хаттармен марапатталған.&nbsp;<blockquote>– Елге адал қызмет ету – өз еліңнің патриоты болу. Мемлекетке еңбек етудің ең үлкен дәлелі – адамның өз елін сүйетін азаматы болуынан көрініс табады. Ал патриот дегеніміз кім? Өз ұлтын, тілін, тілін сүйетін, туған тарихы мен ата-бабамыздан жеткен салт-дәстүрін дәріптейтін, өз ұлтының дамуына барынша үлес қосатын адамды айтамыз. Ал Отанды қорғау – біздің басты борышымыз, – деді Бексұлтан.</blockquote>Шынында, әскери қызмет елдің басына күн туа қалғандайда жүгінер ең маңызды күш. Бүгінде бейбітшіліктің туы желбіреген мемлекеттердің де әскери күші жағынан бес қаруы сай, төрт құбыласы түгел. Әйткенмен, әскер соғысты күтпейді, тыныштықты күзетіп, елдің есендігін тілейді Отанды қорғау – қасиетті борыш. Шежірелі өлкенің азаматы Бексұлтан да елдің амандығын, қорғап жүрген азаматтардың бірі. Әлбетте, осындай ер азаматтар әрқашан құрметке лайықты деп білеміз.&nbsp;

Бексұлтан Төлепбергенов: Отанды қорғау – басты борышымыз

<a href="https://kyzylorda-news.kz/">Kyzylorda-news.kz</a> Ел ризығын еселеуде мал шаруашылығының атқарар рөлі зор. Себебі төрт түлік халықты азықпен ғана емес, ауыл шаруашылық өндірісін күш-көлікпен және табиғи тыңайтқышпен қамтамасыз етеді. Тарих беттерін парақтасақ, мал шаруашылығының осыдан ондаған мың жыл бұрын пайда болғанын аңғарамыз. Ал ғалымдардың зерттеуі қазақ жеріндегі мал шаруашылығы қола дәуірінен бастау алады дейді. Бұған археологиялық қазбалар мен көшіп-қонып жүрген жұрттың атақонысы дәлел бола алады. Сондай-ақ, 1743 жылы Қалдан Серен қолынан Абылай ханды босатуға барған қаз дауысты Қазыбек бидің «Біз мал баққан елміз...» деген толғауы да осы шаруашылықтың атакәсіп екенін айғақтайды. Демек, қазақ елі үшін қой бағып, жылқы асырау жат емес. Ата-бабадан жалғасып келе жатқан үрдіс.Шиелі ауданы да шаруашылықтың бұл бағыты бойынша алға жылжып келеді. Мәселен, осыдан екі жыл Шиелі ауданында мүйізді ірі қара саны – 89 253-ке жетсе, қой мен ешкі – 128 539, түйе – 1656, жылқы – 22 956, ал құс –30 315 болған. Бүгін осы көрсеткіштер тарих беттерінде таңбаланып қалған өткен жылғы көрсеткіштерден едәуір өскен. Осының арқасында 2022 жылы 4404,0 тонна ет, 17279,8 тонна сүт, 2476,9 мың дана жұмыртқа өндірілген.&nbsp;Әлімсақтан атакәсіппен айналысып, болмыс-бітімін мал шаруашылығымен байланыстыра білген өңірде мал бордақылау, қолдан ұрықтандыру сынды шаруа да оң нәтиже көрсетіп келеді. Кезінде соның арқасында Шиелі ауданында 50 бастан 120 басқа дейін мал бордақылайтын орындар болған-ды. Олардың қатарындағы Керделі ауылдық округінде «Халық», Ақмая елді мекенінде «Әсет», аудан орталығындағы «Шорабаев Ә» бордақылау алаңдары көш бастады. Сондай-ақ, жеке кәсіп ашып, елдің экономикасының дамуына сүбелі үлес қосуға атсалысып жатқан жеке кәсіпкерлер де жетерлік.Олар шежірелі өлкеде мал бордақылау алаңының артуы үшін жұмыс істеуде. Мәселен, Бәйгеқұм ауылындағы «Бәйімбетов», Иіркөлдегі «Жерұйық», Керделідегі «Дидар», Төңкерістегі «Жылқыайдаров» алаңдарының бүгінде тасы өрге домалап отыр.&nbsp;Бүгінгі таңда ата кәсіп мал шаруашылығына жұрттың қызығушылығы артқан. Ол үшін мемлекет тарапынан қолдау көрсетіліп келеді. Мәселен, «Құлан», «Алтын асық», «Сыбаға», «Ырыс» атты бағдарламалар арқылы осы кезге дейін қаншама елді мекендердегі кәсіпкерлер ісін қаржыландырудың тиімді бағытын пайдаланды. Бұл өңірде мал шаруашылығының тың серпінмен дамуына әсер еткені анық.&nbsp;Тақырып мал шаруашылығы турасында болғандықтан одан өндірілетін өнімдерді айналып өте алмаймыз. Жесең азық, ішсең сусын болатын төрт түліктің өнімдері де елдің есінен шыққан емес. Қазір егінмен қоса мал шаруашылығын бірге дамытып отырған қожалықтар бүтіндей бір ауылды ағарғанмен қамтамасыз етуге қауқарлы. Мысалы, «Ақмая» шаруа қожалығында мал фермасы жұмыс істейді. Мұндағы сүт өнімдері аудан орталығындағы дүкендерге және Ақмая ауылының тұрғындарына жөнелтіледі. Ал шипалы шұбат өндіретін «Ару ана» цехы Алматы, Ақтөбе, Қызылорда қалаларына түйе сүтін тасымалдайды. Мұнда тәулігіне 400 литрдей шұбат өндірумен қатар, сүт, айран, құрт, балмұздақ, қымыз секілді сүт өнімдері дайындалады. Жалпы өңірде алып өнеркәсіптерден бөлек, тұрғындар да ағарғаннан алыс қалған емес. Қорасында бірді-екілі сауынды сиыры барлар қаймақ шайқап, май дайындаудан алдына жан салмайды. Ал дәмі тіл үйіретін қазақтың бренді құртты сатып, нәсібін тауып отырған жандар қаншама?!Рас, атакәсіп тоқырау тұсында тұралап қалды. Амандық-саулық сұрасқанда да «Мал-жан аман ба?» дейтін халық үшін ол оңайға соқпады. Ал қазір бұл саланың тамырына қан, өңіне нәр жүгіргенін жоғарыда сөйлеткен сандардан аңғара аламыз.

Мал шаруашылығы: Шиеліде тарих беттерінде таңбаланған көрсеткіш

<a href="https://kyzylorda-news.kz/">Kyzylorda-news.kz</a>&nbsp; Тарихшы Жамбыл Артықбаев Adal Adam youtube арнасына берген сұхбатында қазақ тарихында әйелін ұрып өлтірген еркектерді қалай жазалағанын айтты. «Тарихта Бишімбаев ісіне ұқсас оқиғалар болған. Ұлбике деген атақты ақын қызды өзінің күйеуі қызғанып, ұрып өлтірген. Туысқандары оған үш адамның құнын төлеттірген. Соның ішінде өнер құны бар. Себебі, Ұлбике айтыскер, ақын қыз болған. Содан кейін, күйеуін Ұлбикенің туған жұртының босағасына құл ғып байлап қойған, өлтірмеген. Міне, осы сияқты жазаны Бишімбаевқа қолдану керек», - деді Жамбыл Артықбаев.

«Бишімбаевты құл ғып байлап қою керек»: Тарихшы әйелін ұрып өлтіргендерді қалай жазалау керегін айтты

<a href="https://kyzylorda-news.kz/">Kyzylorda-news.kz</a>&nbsp; Ұшқан құстың қанаты талатын ұлан-байтақ даламызды қорғау – үлкен жауапкершілік.&nbsp;«Ер – елінің қорғаны, ел – ерінің панасы» деген даналық сөз осындайда айтылса керек-ті.Шекарашының басты міндеті – ел шебін күзету. Ол сақ болса, елдің ұйқысы тыныш, күлкісі жарқын. Ал оны күзету Ұлттық қауіпсіздік комитетінің шекара қызметіне сеніп тапсырылған.Осы салада ерлермен тең еңбек етіп келе жатқан қыздар жетерлік. Соның бірі – ҚР Ұлттық қауіпсіздік комитеті шекара қызметі облыс бойынша департаментінің медициналық қамтамасыз ету тобының медбикесі, аға сержант Нұргүл Алпамысова.Ол шекара шебінде 20 жылдан бері абыройлы еңбек етіп жүр.<blockquote>– Біздің жұмыстың жауапкершілігі жоғары. Жасыратыны жоқ, ел шекарасы аумағын бұзып немесе жасырын түрде зат алып өтпек болған талай заңбұзушылықтың жолы кесілді. Ол шекарашылардың қырағылығының арқасы екенін мақтанышпен айта аламыз. Әр азаматтың денсаулығын мұқият тексеріп, қадағалау маған міндеттелген. Отан қорғаушылармен қатар еңбек ету – зор абырой. Мемлекеттік шекара дегеніміз – ел аумағының шегін, құрлығын, суын, жер қойнауын және әуе кеңістігін айқындайтын сызық. Бүгінде шекара мәселесі біржола оң жолға қойылды, яғни ел аумағы түгелімен бекітіліп, барлық ендіктері бойынша күзетіледі. Әрбір азамат туған Отанына қамқор бола білсе, перзенттік парызының өтелгені. Ұлт үшін ту түбінен табылатын табанды перзент тәрбиелеу – әр ата-ананың парызы, – дейді аға сержант өз сөзінде.</blockquote>Бүгінде мемлекеттік шекарамызды толық белгілеп алдық. Қазақстан өзі шектесетін Ресей, Қытай, Өзбекстан, Түркіменстан және Қырғызстан мемлекеттерімен шекара мәселесін біржола шешіп, халықаралық құжаттармен бекітті. Бұл – еліміздің сыртқы саясаттағы үлкен табысы. Біз барлық көршілерімізбен орныққан, өзара ынтымақтастық пен адал әріптестікті тұрақты түрде дамытып келеміз.Туған жерін сүймейтін адам жоқ және әркім қолынан келгенше қызмет еткісі келеді. Ал байтақ еліміздің байрағын биік ұстап, еліміз бен жерімізді сұқ көз, сұғанақ қолдан сақтайтын шекарашы сарбаздар.Тарих тінін тарқатсақ, еліміз өз алдына дербес мемлекет атанған соң Шекара қызметі құрылды. Мемлекеттік шекара күзетін заң талаптары аясында жүзеге асыру ісі бірізділікке жүйеленді.Біздің кейіпкеріміздің бала арманы ақиқатқа айналған. Айтуынша, әскери салаға бала күнгі қызығушылығымен келген.Тәуелсіздігіміздің басты нышандары Елтаңба, Әнұран, Ту секілді рәміздерімізбен қатар айтылатын қастерлі мемлекеттік шекарамыздың қорғанысы осындай мамандардың арқасында нығая бермек.&nbsp;

Шекарашының басты міндеті – ел шебін күзету

Қалалық мәслихаттың кезектен тыс 20-сессиясы өтті. Сессия отырысына қалалық мәслихат төрағасы И.Құттықожаев төрағалық етті.Сессияның күн тәртібіне «Әлеуметтiк көмек көрсетудің, оның мөлшерлерiн белгiлеудің және мұқтаж азаматтардың жекелеген санаттарының тiзбесiн айқындаудың қағидаларын бекiту туралы» Қызылорда қалалық мәслихатының 2023 жылғы 14 қыркүйектегі №63-8/5 шешіміне өзгерістер енгізу туралы» және «№19 сайлау округінен сайланған қалалық мәслихат депутаты Жанат Садуақасованың депутаттық өкілеттігі туралы» мәселелері шығарылып, талқыланды.Күн тәртібіндегі бірінші мәселеге байланысты қалалық жұмыспен қамту және әлеуметтік бағдарламалар бөлімінің басшысы Кенжегүл Құрақбаева хабарлама жасап, берілген сауалдарға жауап берді.Сессияда барысында №19 сайлау округінен сайланған қалалық мәслихат депутаты болған Жанат Садуақасованың қалалық білім бөлімінің басшысы қызметіне тағайындалуына орай, «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасының Заңының 20-бабының 3-тармағының 1-тармақшасына сәйкес, қалалық мәслихат депутаты өкілеттігі тоқтады. Сессия отырысына қалалық тиісті дербес бөлімдер мен мекеме басшылары қатысты.

Қалалық мәслихаттың кезектен тыс жиырмасыншы сессиясы өтті

<a href="https://kyzylorda-news.kz/">Kyzylorda-news.kz</a> Биыл екінші дүниежүзілік соғыстың аяқталғанына 79 жыл. Бұл соғыстың қасіреті бүгінге дейін аз айтылған жоқ: кітап болып жазылды, кино болып түсірілді, тарих болып хатталды. Елге аман-есен келген жауынгердің сыр сұхбаты болып та баяндалды. «Ешкім де, ешқашан да ұмытылмайды» ұстанымын атадан балаға өсиет ету бүгінгі қаламгерлердің басты мақсаты десек, артық айтпаған болар едік. Бір анығы, эпистолярлық жазбалар, яғни ұрыс даласы мен бейбіт өмірді жалғаған жауынгер хаттары әлі де болса ғылыми тұрғыда арнайы зерттеу нысанына айналмауы елдігімізге сын дер едім.Жауынгер хаттары – солдаттың ел¬ге деген сағынышы ғана емес, майдан өмірі, окоп шындығы. Дала поштасынан жолданған бұл хаттардың көбі бүгінгі күнге жеткен жоқ. Алайда елім деп еңіреген ерлердің үшбу сәлем хаттарын еміренген елі, асыл аналар көздің қарашығындай сақтап, ұрпағына рухани мұра қылып жеткізді. Бізге дейін аман жеткен сарғайған сары хаттардың сырын ашқымыз келеді.Жауынгер жігіттің қан майданнан жолдаған үшбу хаты аудандық өлкета¬ну музейінде көздің қарашығындай сақталыпты. Қос ғасырды көрген құжат әбден сарғыштанып, әріптері өше бастаған. Сұрапыл соғыс жылдарында майдан шебіндегі жауынгермен елде қалған туған-туыстың арасын хаттар жалғаған. Арада ғасырға жуық уақыт өтсе де осы хаттардағы әр жол оқыған адамның жүрегі елжіремеуі мүмкін емес. Жаңақорған аудандық музейі қорында соғыстан жазылған барлығы 64 дана хат жинақталып, зерттелінген. Осы хаттардың бірегей коллекциясын Жаңақорған ауданының тумасы Райс Пәзілбекұлының соғыста жазған хаттары құрайды. Жауынгердің 55- тен астам хаты жеткен, соның барлығы өзінің анасына жазып отырған. Сондай ақ, Қызыл Армияның әскер қатарында бөлімше командирі қызметін атқарған Баймырза Өскенбаев, қатардағы жауынгер Мыр¬зақасым Бекбенбетовтің де ұрыс дала¬сынан жазған хаттары сақтаулы.1924 жылы Жаңақорған кентінде туып, 1941 жылы Ұлы Отан соғысына аттанған Исмаил Сарбасовтың ауылдағы інісі Әмірге келген 3 дана хаты бар. Соның бірін назарларыңызға ұсынуды жөн көрдік. Хат былай деп басталады. «Жаннан артық көруші көкем Өтеге, апам Әмилаға, Әмірге, Сабырға, Насырға Исмаилдан сағынышты сәлем! Аман-есенсіздер ме?! Құдайдың құдіретіне шүкір етіп отырған боларсыздар. Мені ойлап жүдемеңіздер. Сіздерден хат алғаным жоқ. Сіздерден қат ала алмай кетемін ау! Бір қат алсам жақсы болар еді. Сіздердің қандай халде екендеріңізді, аманшылықтарыңызды білсем болар еді. Туған туысқанға, нағашыларға, елге сәлем айтарсыз. Бәріне бірдей жазуға болмайды. Насырды сағындым. Амал қанша? Құдай аманшылықпен жолықтырсын. Балаңыз қазір аға сержант. Кәмәндір болып істеймін. Көке, уайым қылма. Аман болсақ неміс фашистерді жеңіп, елге қайтамыз. Қош болыңыздар. Хат жазушы балаңыз, аға сержант Сарбасов Исмаил».Бораған оқтың ортасында жүрген солдаттың алыстағы ағайынға сарқылмас сағынышы, жұбаныш тілегі осы хатта түйілген. Бұл оның майдан даласынан 1943 жылдың 18 сәуірінде жазған ең соңғы хаты еді. Содан хабарсыз кеткен. Қайда жерленгені белгісіз. Хатта дала поштасының мөрі басылған, әскери бөлімшесінің нөмірі жазылған. Боздақ жауынгерден қалған жалғыз белгі еді.«Әскер жиып аттандық, Бектай еді тұрағым. Айқайлап жауға тигенде, Ағатай, Беріш – ұраным» – деп ұрысқа ұрандап кірген ер Махамбеттей, ұлттың асқақ рухын айқындатып, ел басына күн туған қасіретті өлең жолдарына сиғызған ақын жауынгерлер де аз болмады. Олар ерлік жасады ма, жасамады, әңгіме ол жайында емес. Ол өз хикаясын жазды. Жасөспірім іні бауырларын жігерлендіріп, ой тастады. Пазылбек Қалыбеков 1940 жылы Жаңақорған ауданына қарасты Қанды¬арал орталау мектебін бітіріп, Қаплан¬бекте оқуын жалғастырады. 1942 жылы 27 маусымда майданға аттанады. Чкалов қаласындағы әскери даярлықтан өтіп, қазан айында Уфа қаласынан соғысқа кіреді. Ең соңғы хатын 1943 жылы шілдеде жазып, содан хабарсыз кеткен. Ол өз інісі Тазабекке жолда көргендерін өлеңмен үзбей жазып отырған. Соның бірі былай деп басталады:Тазабек қалқам, шырағым, Көлге біткен құрағым. Майданнан сәлем жолдаймын, Салып бір көрші құлағың . Алыстағы елді ойлап, Сенімді жүрміз құлатпай. АйдаҺардай ысқырып , Темірден құрсау күш құрып . Жалмауыздай жалындап, Әлемді мынау ыс қылып. Жау жағадан алып тұр, Әділдік үшін барлық ұлт . Шығып тұр ұлы жорыққа , Намысты қолдан бермейміз , Осыны жеткіз халыққа. Мені ойламай, елді ойла, Елің бір үшін ет пайда. Қан құйлы жауды талқандап, Жеңелік оны қалайда. Тылда да майдан қарағым, Тәртіпті бұзба, абайла. Үйдегі Ата-Анаңның Қас-қабағына қарайла! 1942 жыл.»Жаңақорған аудандық тарихи өл¬ке¬тану музейі қорындағы майданнан жазылған хаттардың тарихы осындай. Жүрегінің тұсында бойтұмарындай сақ¬таған үшбу хаттардың арқалаған аманаты – батырлар ерлігі уақыт өткен сайын жаңғыра береді. &nbsp;

Солдат хаты: соғыс сызы, сағыныш сыры

<a href="https://kyzylorda-news.kz/">Kyzylorda-news.kz</a> &nbsp;Сырдария аудандық мәдениет үйінде Отан қорғаушылар күні мерекесіне арналған салтанатты іс-шара ұйымдастырылды.&nbsp;Жиналған қауымды аудан әкімі Берік Сәрменбаев құттықтап, ел мен жердің қорғаны болған азаматтардың ел дамуындағы еңбегін жоғары бағалайтынын жеткізді.<blockquote>– Тәуелсіз елді қорғап, оның тыныштығын күзету – ер азаматқа жүктелетін қасиетті міндет. Отан алдындағы әскери борышты адал атқару жігіттің жігітіне парыз және әскери қызмет жастарды қажырлы да қайратты, төзімді де тәубешіл болуға үйретеді. Ел тыныш болса, береке мен бірлік орнап, халық алаңсыз еңбек етіп, тыныш өмір сүретіні анық. Сондықтан бұл мерекенің алатын орны ерекше. Отан үшін қызмет етіп жатқан барша азаматқа амандық тілеймін. Халқымызға қорған болған әскеріміздің айбыны арта берсін, – деді аудан әкімі.</blockquote>Су тасқынынан зардап шеккен аймақтарға гуманитарлық көмек көрсетуге атсалысқан бірқатар азамат мерекелік іс-шарада облыс әкімінің Алғыс хатымен марапатталады. Олардың қатарында «Абай-Дәулет» ЖШС жүргізушісі Руслан Тасыбаев, «Мәді Қажы» ЖШС төрағасы Жанарбек Нұрымбетов, «Аманат» шаруа қожалығының директоры Меңдіғали Есжанов, «Жалын» еріктілер штабының жетекшісі Бексұлтан Серікбаев пен «Сырдария жастары» еріктілер штабының мүшесі Рамазан Ыдырысов бар. Ал аудан әкімінің Алғыс хаты Сырдария аудандық төтенше жағдайлар бөлімінің аға анықтаушысы, азаматтық қорғау аға лейтенанты Әділет Кенжеев, Сырдария аудандық полиция бөлімінің уақытша ұстау изоляторының полицейі, полиция старшинасы Әсет Бегімбаев, №131 Талғат Қозыбаев атындағы орта мектептің алғашқы әскери дайындық пәні мұғалімі Жайлхан Кеукенов, аудандық аурухана дәрігері Байтабын Рүстемов, Айдарлы ауылдық округі әкімі аппаратының әскери есеп столы маманы Ермекбай Смайловқа берілді. Іс-шарада Сламбековтер отбасына ерекше марапат табысталды. Бұл отбасының балалары Инабат пен Дінмұхаммед ата-анасы мен ұстаздарынан алған тәлім-тәрбиенің негізінде елге деген сүйіспеншілігін, құрметін, игі ниетін өздері жинап жүрген қаражатты гуманитарлық көмекті қабылдау пунктіне өткізу арқылы көрсеткен. Бұл – жастардың ортақ Отанымыздың бүгіні мен болашағына бей-жай қарамайтынын, Туған елін шексіз сүйетінін, ерекше құрметтейтінін білдіреді.Мерекелік іс-шара әрі қарай концерттік бағдарламамен ұласты. Аудан өнерпаздары театрландырылған қойылым қойып, патриоттық әндер шырқады.

Отан қорғаушылар күні мерекесіне арналған салтанатты іс-шара ұйымдастырылды 

<a href="https://kyzylorda-news.kz/">Kyzylorda-news.kz</a>&nbsp; Қостанай облысындағы Қарасу ауданында ерекше табиғи құбылыс табылды. Бұл туралы <a href="https://stan.kz/zher-opirilip-ketken-kostanay-oblisinda-erekshe-tabigi-399870/">Stan.kz </a>ақпарат агенттігі хабарлайды.&nbsp;Қарасу ауданындағы егістіктердің бірінен тұрғындар&nbsp;жердің үлкен тесілген шұңқырды&nbsp;байқаған. Аудан әкімдігі шұңқырдың табиғи әсерден пайда болғанын алға тартты.<blockquote>"Ауылшаруашылық жерінде мөлшері 3х4 метр және тереңдігі 10 м-ге дейін шұңқыр пайда болды. 2023 жылдың күзінен бастап жаңбыр мен қар түрінде жауын-шашын мен судың көп мөлшеріне байланысты, сондай-ақ биылғы&nbsp;су тасқынына орай жер толығымен сіңірген. Соның салдарынан жер асты сулары да әсер ете отырып, топырақ жібіп жер астына опырылған”, –&nbsp;делінген хабарламада.</blockquote>Оқиға орнында түсірілген кадрлардан үлкен шұңқырдың ішінде кішкене тесік пайда болғанын және оның тереңдігі әлдеқайда тереңде&nbsp;екенін көруге болады.Фото “Наша газета” Telegram арнасынан

Жер опырылып кеткен: Қостанай облысында ерекше табиғи құбылыс табылды

<a href="https://kyzylorda-news.kz/">Kyzylorda-news.kz</a>&nbsp; Павлодар облысы Кемеңгер ауылында жерде ұйықтап жатқан 6 бала мен ата-анасының жай күйі тұрғындардың жағасын ұстатты. Жергілікті халық балалардың жылап жатқан дауысын естіп, айдаладан тауып алған көрінісі видеоға түсіп қалған. Бұл туралы <a href="https://stan.kz/bari-menin-balalarim-pavlodar-manindagi-ormannan-uy-zha-399863/">Stan.kz </a>ақпарат агенттігі хабарлайды.Кадрда әйелдің отбасы Павлодарда үй жалдап тұрғанын, үй иесі оны сатып жібергенін және олар Красноармейка, қазіргі Кемеңгер ауылына келгенін айтқан.Отбасын тапқан тұрғын олардың ауылдан бірнеше шақырым жерде тұрғылықтағын байқаған. Ал орман ішіне қалай жеткендерін сұрағанда, әйел балалармен серуендеуге шыққан көрінеді."Шынымды айтайын, бәрі менің балаларым. Біз олармен әлі серуендеуіміз керек. Біз қазір тұрып, ары қарай жүреміз", –&nbsp;деп түсіндірді әйел.&nbsp;Сөз арасында анасы балаларының біреуінің аутизммен ауыратынын айтып қалды."Бізді ешкім естімесін деп әдейі кетіп жатырмыз", –&nbsp;деп түсіндірді әкесі.Бейнежазбаны түсірген ер адам балалардың бірінің бетіне неліктен қан кеткенін сұрағанда әйел абдырап, анық емес жауап бере алмады."Біз серуендеп жүрдік, сосын балалар ұйықтап қалды. Күн ысып кеткендіктен бетін күйдіріп алды. Біз енді жолға шығып, Красноармейкаға ораламыз. &nbsp;Балам бутерброд жегісі келгендіктен аялдауды жөн көрдік", –&nbsp;деді әйел.Белгілі болғандай, балалардың ең кішісі 1 жаста, үлкені 8 жаста. Анасы мен балалары ауруханаға жеткізілді. Кемеңгер кентінің әкімдігінің мәліметінше, жергілікті тұрғындар орман ішінен көпбалалы отбасын тапты. Павлодар облыстық полиция департаментінің баспасөз қызметі ақпаратты растады."2016-2023 жылдары туылған алты баланы тәрбиелеп отырған шетелдік азаматтардың отбасы анықталды. Балалар мемлекеттік органдарда тіркелмеген: олардың туу туралы куәлігі жоқ, денсаулық сақтау және білім беру мекемелеріне бекітілмеген",&nbsp;–&nbsp;деді Павлодар облысы ішкі істер департаменті көші-қон қызметінің басшысы Дәулет Ысқақов.Полицейдің айтуынша, балалар мен олардың анасы Павлодар облысы балалар ауруханасына жатқызылған."Қазір біз балаларға туу туралы куәлік пен ЖСН алуға, сондай-ақ елімізде уақытша тұруға рұқсат алуға көмектесеміз", –&nbsp;деді Ысқақов.Денсаулық сақтау басқармасының мәліметінше, балалардың жағдайы тұрақты, олар тамақтанбаған, бірақ дәрігерлердің бақылауын қажет етеді. Полицейлердің балалардың ата-анасы көрші елдердің азаматтары екенін атап өтті. Енді олардың бала-шағасымен Қазақстанға қашан келгені, қанша уақыттан бері келгені анықталып жатыр.&nbsp;Фото видеокадрдан алынған

Қазақстан және Қызылорда облысының жаңалықтары: Қоғам