<a href="https://kyzylorda-news.kz/">Kyzylorda-news.kz</a> 12 мамыр – Аналар күні мерекесінде Ә.Тәжібаев атындағы облыстық әмбебап ғылыми кітапханасында «Кітап сыйла» акциясы ұйымдастырылды.Кітап мәртебесін көтеру мен жастарға кітап оқуды насихаттау мақсатында бұл ұйымдастырылған акция барысында кітапханаға бірнеше кітап сыйға тартылды. Сыйға тартылған кітаптар арнайы кітап бұрыштарына орналастырылды.&nbsp;Іс-шараға қатысушылар кітапхана сөрелеріндегі кітаптарды көріп, ұрпаққа қалдырар ең үлкен мұра – кітап екендігін, өткеннің рухы, келешектің кілті, мәдениеттің биік шыңы да осы кітапта жатқандығын айтып, жастарды кітап оқуға, сол арқылы білімдерін жетілдіруге шақырды.Сондай-ақ, акцияға қолдау білдіріп, кітапхана ұжымына ризашылығын білдірген батыр ана Берманова Раунақ Берманқызы 200 ден астам кітапты сыйға тарту етті.<blockquote>– Барша қатысушыларға акцияға атсалысқаны үшін шексіз алғысымды білдіремін. Сіз сыйлаған әрбір кітап өз оқырманын табатынына сенімдімін. Сіз бен біз сыйлаған кітаптарды оқу арқылы бүгінгі жас ұрпақ ертеңгі ел тұтқасын ұстайтын азамат болып өсері анық. Барлық жастарды кітап оқуға шақырамын. Ел ертеңін ойлайтын азамат бүгіннен бастап болашағын қалыптастыруы қажет. Баршаңызға мың алғыс! – деді ол.&nbsp; &nbsp;</blockquote><img src="https://knadmin.beoblood.kz/uploads/82ec43ed_b882_4893_a0b4_848e6b88a290_8e73625ef5.jpg" alt="82ec43ed-b882-4893-a0b4-848e6b88a290.jpg">

«Кітапханаға кітап сыйла» акциясы өтті

<a href="https://kyzylorda-news.kz/">Kyzylorda-news.kz</a> Қызылорда облысының Сыбайлас жемқорлыққа қарсы волонтерлері Қызылжарма кентінің Ы.Жахаев, Қ.Сексенбаев көшелеріне жүргізілген мониторинг барысында кемшіліктерді анықтады.Мониторинг барысында, жарты жыл бұрын жөнделген Қызылжарма кенті бойынша аталған екі көшенің жол сапасы нашар және ойылған шұңқырлардың &nbsp;пайда болғаны белгілі болды.Мәселені зерделеу кезінде былтырғы жылы аталған екі көшенің жол жөндеу құрылысына бюджеттен 33,2 млн теңге бөлінгені анықталды (Ы.Жахаев көшесі 10 906,7 мың тг, Қ.Сексенбаев көшесі 22 297,6 мың тг).Волонтерлердің бастамасы бойынша департамент &nbsp;тиісті ұсынымдар енгізіп, нәтижесінде Қызылжарма кенті Ы.Жахаев көшесінің жөндеу жұмыстары аяқталып, жол құрылысының сапасы талаптарға сай орындалды. Волонтерлармен жүргізілген жұмыс барысында көшелер жаңаланып, тұрғындар ризашылығын білдірді.Сонымен қатар, аталған кенттің Қ.Сексенбаев көшесіне төселген асфальт қабатының бұзылған 300 метрге жуық аумағы қайта алынып, жаңадан асфальт қабатын төсеуге әзірлеу жұмыстары жүргізілуде.Алдағы уақытта еріктілер тобы бірқатар көшелерге мониторинг жұмыстарын жүргізіп, күрделі жөндеуді қажет ететін жолдарды анықтамақ. &nbsp;

Қызылордалық еріктілер мониторинг жұмыстарын жүргізді

<a href="https://kyzylorda-news.kz/">Kyzylorda-news.kz</a> Арал ауданында «Таза Қазақстан» экологиялық акциясының «Мөлдір бұлақ» апталығы аясында көлдер жүйесі мен су айдындарының айналасы тазаланды.Қамыстыбас ауылдық округіне қарасты «Аққұмшық» жағажайы, Аманөткел ауылдық округіндегі «Кәрібөгет» көпірі маңы, «Лайкөл», «Қамбаш», «Жалаңаш», «Шөмішкөл», «Райым», «Тұщы» көлдерін тұрмыстық қалдықтардан тазарту жұмыстары ұйымдастырылды.Сонымен бірге, «Мөлдір бұлақ» апталығына орай өңірде көркейту-көгалдандыру жұмыстары, өзен арналары мен су айдындарын тазалау бағытындағы шаралар барлық елді мекендерде жалғасуда.<img src="https://knadmin.beoblood.kz/uploads/9303787d_d391_427a_a13f_e27e1fa1347b_93bee33426.jpg" alt="9303787d-d391-427a-a13f-e27e1fa1347b.jpg"><img src="https://knadmin.beoblood.kz/uploads/74ae7da5_1cfb_4b7e_b547_8c5b3e3ea412_9e98420ade.jpg" alt="74ae7da5-1cfb-4b7e-b547-8c5b3e3ea412.jpg">

Қызылордада «Мөлдір бұлақ» экологиялық науқаны жалғасуда

<a href="https://kyzylorda-news.kz/">Kyzylorda-news.kz</a> 7 мамыр Отан қорғаушылар мерекесіне орай «Қазақ тілі» қоғамы аудандық филиалында бастауыш ұйымдарында еңбегімен елдің алғысына бөленіп жүрген бірқатар азаматтар бас қосты. Жиында сөз алған &nbsp;филиал төрағасы Гүлжауһар Төлегенқызы мерекенің мән-мазмұнына тоқталып, ер азаматтарды мерейлі мерекемен құттықтады.<blockquote>– Бұл айтулы мерекенің қай кезде де орны бөлек. Біздің тәуелсіздігіміз бен тұтастығымызды, тыныштығымыз бен бейбіт тірлігімізді күзететін халқымызға қорған болған ұлттық әскеріміз бар. Әр отбасының алтын қазығы болған ер азаматтардың орны қашанда биік. Сондықтан &nbsp;абзал азаматтарымызға деген алғыс пен құрметіміз шексіз. 7 мамыр – Отан қорғаушылар күні мерекесімен шын жүректен құттықтаймыз. Әрқашан Отанға адал, елге қайырымды, отбасына мейірімді қалыпта жастарға, ұрпаққа өнегесіздер. Аға ұрпақ пен жас буынның Отанымызды қорғап, қызметте айтулы үлес қосқанын біз әрқашанда мақтан тұтамыз. Еліміздің өркендеуі жолында атқарып жатқан игі қызметтеріңізге табыс, отбасыларыңызға амандық, дендеріңізге саулық, мол бақыт және ұзақ ғұмыр тілейміз, &nbsp;– деді ол.</blockquote>Кездесуде «Қазақ тілі» қоғамы аудандық филиалының алқа мүшесі, ауданының Құрметті азаматы Әбдірахман Құлдүйсенов ағамыз қатысушыларды отан қорғаушылар күнімен құттықтап, елге адал қызмет ету – әркімнің өз отбасынан бастау алатынын, &nbsp;ата-ана балаларын адал еңбегімен тапқан нанымен асыраса, адал тамақты жеп өскен ұрпақтан ертең Отанға адал қызмет ететін тұлғалар тәрбиеленіп шығатынын тілге тиек етті. &nbsp;Жиын соңында «Қазақ тілі» қоғамы аудандық филиалы атынан Қармақшы агротехникалық колледжі, директордың оқу-өндірістік жұмысы жөніндегі орынбасары Әбдікәрім Жұбанышовты, №121 мектеп, география пәні мұғалімі Абай Әліповті, №26 мектеп, биология пәні мұғалімі Әбдірахман Мусаевты, обаға қарсы күрес &nbsp;мекемесінің автокөлік жүргізушісі Мирамбек Өмірзақовты, аудандық емхана бағдарламашысы &nbsp;Ержан Бәкіровті, аудандық емхана, сантехникнигі Батырұлан Ерімбетовті, №5 «Айгөлек» бөбекжай-бақшасының электригі Мұхит Қозыбағаровты, «Қармақшысушар» өңдірістік учаскесінің қызметкері Данабек Алмашовтарға арнайы алғыс хаттар мен естелікке сыйлықтар табыс етілді.Туған еліңді сүю – ақылдың ғана емес, жүректің ісі. Осы туған ел мен жерге еге болу, амандығын тілеу, ұрпақтың болашағына жауаппен қарау, ел тыныштығымен қатар рухани бірлікті сақтау – әрбіріміздің парызымыз.

Туған еліңді сүю –  жүректің ісі

<a href="https://kyzylorda-news.kz/">Kyzylorda-news.kz</a>&nbsp; Қызылорда қаласының тұрғыны, 4 баланың анасы сотқа жүгініп, өзін банкрот деп тануды сұраған. Белгілі болғандай, марқұм күйеуі банктен несие алып, оны техникалық қызмет көрсету станциясының қосымша құрылысына және қажетті құрал-жабдықтар сатып алуға жұмсаған. Дегенмен күйеуі кенеттен қайтыс болып, несие қарыздары мұрагерлік бойынша әйеліне өткен. Қазіргі таңда әйелдің несие бойынша қарызы 8 миллион теңгеден асқан.Әйел қалалық сотқа берген өзінің ары­зында денсаулығына байланысты жұмыс жасамайтынын, тұрақты табысы жоқтығын, күйеуі қайтыс болғаннан кейін, несиені жалғыз өзі төлей алмай келе жатқанын, отбасында күйеуінің қарт анасын және төрт баласын бағып отырғанын, асыраушысынан айырылуына байланысты берілетін әлеуметтік жәрдемақыдан басқа кіріс жоқ екенін көрсетіп, сот арқылы банкроттық рәсімін қолдануды сұраған.Банк өз пікірінде несие қарызын талап ету құқығы коллекторлық серіктестікке берілгенін білдірген. Ал серіктестік әйелдің несие қарызын өтемей отырғанын көрсеткен. Сот отыры сында әйелдің атына жылжымайтын мүліктер тіркелмегені және әйелдің жұмыс жасамайтыны анықталған.Әйелдің банк алдындағы несие мөлшері заңнамада белгіленген 1600 айлық есептік көрсеткіштен асқан, банк алдындағы міндет­темелер бойынша қатарынан он екі ай бойы өтеу және жеті жыл бойы соттан тыс немесе сот арқылы банкроттық рәсімін қолдану фактісі анықталмаған.Анықталған мән-жайлардың заң талапта­рына сәйкестігі ескеріліп, әйелдің арызы қана­ ғаттандырылып, сот арқылы банкроттық рәсім қолдану туралы шешім шығарылды. Осылайша 4 баланың анасы банкрот деп танылды.Өмірдегі түрлі жағдайларға байланысты азаматтар несие міндеттемелері бойынша қарызын өтей алмай, қиын жағдайға тап болуы мүмкін. Мұндай жағдайларда әр істің мән-жайы жан-жақты зерделенеді. Бұл ретте банкрот деп тану туралы рәсімдерді жауап­кершіліктен жалтару мақсатында қолдануға жол берілмейтінін біле жүрген абзал.&nbsp;А.Жанәбілқызы Фото: kapital.kz

4 балалы ананың мәселесі оңтайлы шешілді

<a href="https://kyzylorda-news.kz/">Kyzylorda-news.kz</a>&nbsp; Жоғары оқу орнында білім алатын студент жас жігіттердің көбі әскери кафедрада оқып, әскери даярлықтан өтуді мақсат етеді.&nbsp;Себебі кафедраға қабылдану үшін де іріктеуден өтуі керек. Бір саланың маманы атанумен қатар, кәсіби білімді әскери маман болудың жөні бөлек. Кейінгі кезде ел арасында «әскери кафедрада оқығандар әскери борышын өтеуге бара ма?» деген сауал туындады. Бұл сұрақтың жауабын білмек үшін Қорқыт ата атындағы Қызылорда университетінің әскери кафедрасына хабарластық.Әскери кафедра – Қарулы Күштер мен басқа да әскери құрылымдар үшін запастағы офицерлер мен сержанттарды даярлайтын дайындық курсы.Азаматтарды запастағы офицерлер мен сержанттар бағдарламалары бойынша әскери маман даярлау, Қазақстан Республикасының әскери оқытылған резервін қалыптастыру, сондай-ақ ҚР Қарулы Күштері офицерлер мен сержанттар құрамының бастапқы лауазымдарын қосымша жасақтау мақсатында алатын жоғары кәсіптік білім негізінде әскери-есептік мамандықтар бойынша жүзеге асырылады. Әскери даярлауға оқыту процесін ұйымдастыру және басқару, әскери-патриоттық тәрбие беру, оқу материалдық базамен қамтамасыз ету, кәсіби даярлау кіреді.«Запастағы офицерлер мен запастағы сер-жанттар бағдарламалары бойынша әскери дайындық қағидаларын бекіту туралы» Қазақстан Республикасы Қорғаныс министрінің 2023 жылғы 31 наурыздағы №265 бұйрығына сәйкес әскери кафедраларда Запастағы офицерлерді даярлау бағдарламасы бойынша оқу үшін құжаттар бірінші (3 және 4 жылдық оқумен) және екінші (5 жылдық оқумен) курс студенттерінен қабылданады.Ал запастағы сержанттарды даярлау бағдарламасы бойынша оқу үшін құжаттар бірінші, екінші (4 жылдық оқумен) және бірінші, екінші, үшінші (5 жылдық оқумен) курс студенттерінен қабылданады.Университет құрамындағы әскери кафедра 2000 жылы құрылды. 2000-2024 жылдар аралығында 2800-ден астам студент әскери дайындықтан өтті. Оның ішінде 2474 түлек запастағы офицерлер қатарына, 400 түлек запастағы сержанттар құрамына аттестатталды.<blockquote>– Қазіргі уақытта кафедрада әскери даярлық запастағы офицерлер және запастағы сержанттар бағдарламалары бойынша ұйымдастырылуда. Атап айтқанда, «Жалпы әскери бөлімшелер, бөлімдер мен құрамаларды жауынгерлік қолдану», «Құрлық әскерлерінде тәрбие және идеологиялық жұмыстарды ұйымдастыру», «Аумақтық қорғанысты жоспарлау және ұйымдастыру», «Тасымалды зениттік зымыранды кешендермен қаруланған бөлімшелерді жауынгерлік қолдану» оқу бағдарламалары бойынша іріктеліп алынған студенттер 2 жылдық әскери дайындықтан өтеді. Ал «Атқыштық» оқу бағдарламасы бойынша іріктеліп алынған студенттер 1 жыл әскери дайындықтан өтеді, – деді әскери кафедра жетекшісі Нұрсейт Увайдаев.</blockquote>Бүгінде университетте 5 оқу бағдарламасы бойынша 280 студент әскери дайындықтан өтуде. Әскери дайындық басшылық құжаттардың талабына сәйкес тегін және ақылы негізде ұйымдастырылады.Әскери дайындықтың оқу үдерісі университеттің №3 оқу ғимаратында, ЖОО-ның оқу полигонында және 66597 әскери бөлімнің базасында өткізіледі.Кафедраның профессорлық-оқытушылар құрамы ҚР Қарулы Күштері, басқа әскерлер мен әскери құрылымдарда қызмет атқарған тәжірибелі, запастағы және отставкадағы офицер мамандармен жасақталған.Әскери кафедрадағы әскери дайындыққа кімдер қабылданатынына келсек, Қорқыт ата атындағы Қызылорда университеті, Қызылорда Ашық университеті, Қызылорда Ашық университетінің Болашақ құрылымдық бөлімшесінде білім алушы жастар конкурстық іріктеуден өтіп, қабылдана алады.Конкурстық іріктеудің негізгі критерийлері бар. Атап айтсақ, бірінші – әскери дәрігерлік сараптамадан өтуі, талапкер студенттің мамандығы бойынша орташа сабақ үлгірімі – GPI көрсеткіші, үшінші – кәсіби психологиялық тестілеу, төртінші – дене дайындығы бойынша тапсырылатын нормативтер.Осы орайда әскери кафедараның 2023 жылғы түлегі, студент Әділет Темірбековпен тілдестік.<blockquote>– Әскери кафедрада екі жылға жуық уақыт білім алдық. Осы уақыт ішінде жауынгерлік атыс жаттығулары, жауынгерлік техниканы жүргізу бойынша практикалық оқудан өттік. Тактикалық жаттығулар, дене дайындығы бойынша нормативтерді орындадық. Оқу-жаттығу алаңында болып, әскери шеберлікті шыңдадық, – деді Әділет Темірбеков.</blockquote>ҚР Қарулы Күштер қатарында офицер немесе сержанттардың әскери қызмет өткеруі ҚР Үкіметінің Жарлығы негізінде ұйымдастырылады. Әскери кафедраны бітірген запастағы лейтенант немесе сержанттар әскери міндеттілер болып саналады. Сондықтан ҚР Қарулы Күштер қатарына әскери міндетін өткеруге 2 жылға офицерлік немесе сержанттық лауазымдарға шектеулі саны ғана шақырылады. Өз еркімен болса 3 жыл әскери міндетін өткере алады.&nbsp;А.&nbsp;Жұмадинова Фото:alash24.kz

Әскери өмірге қызығушы жастар көбеюде

<a href="https://kyzylorda-news.kz/">Kyzylorda-news.kz</a>&nbsp; Әлемдік Global Firepower рейтингі бойынша Қазақстан тұрақты әскери күшімен 58­ші орынға көтерілген, ал өткен жылы 63­ші орынға ие болған. Рейтинг әлемдегі 145 мемлекет бо­йынша сараптама жұмысын жүргізеді, демек бұл көрсеткішті әлі де жақсарту керек деген сөз.Әскер десе қашқақтап, Отан алдын­ дағы борышын өтеуден жалтарып жүрген жастардың қатары азаймай тұр. Десе де осы олқылықтың орнын толтыру үшін М.Мәметова атындағы Қызылорда педагогикалық жоғары колледжі алғаш рет республика көлемінде «Әскердегі бір күн» оқу-­жаттығу далалық жиынын өткізді.Бұл тың бастама бұрын­соңды ешқандай білім беру мекемесінде орын алмаған. ҚР ҰҚК шекара қызметі Қызылорда облыстық департаментінің қолдауымен оқу­жаттығу «Наурыз» далалық әскери орталығында өтті. Жастардың бойына Отанға деген махаб­бат пен патриоттық сезімді дарытуды көздеген далалық жиынға колледждің 100­ден астам 1­курс студенті қатысты. 100 студент үшке бөлініп, 1 әскери жасақ болып құралған.Бұл әскери іс-шараның мақсаты – жас азаматтарды әскери борышын өтеуге шақыру, батылдыққа бейімдеу, Отанға құрмет көрсетуге, моральдық-психологиялық тұрғыда мығым болуына, салауатты өмір салтын ұстануына бағыттау.<blockquote>– Әскери жиынды өткізу – өзіміздің идеямыз. Студенттерді Отансүйгіштікке, мемлекетті қорғауға, ұлттық құндылықтарымыз бен сұлу табиғатымызды аялауға үйрету – патриоттық тәрбиенің басым бөліктерінің бірі. «Қазіргі жас азаматтар әскерден қашады» деген қауесет әлеуметтік ақпарат көздерінде жиі кездеседі. Алайда біздің көздегеніміз оны жоққа шығару, – дейді М.Мәметова атындағы Қызылорда педагогикалық жоғары колледжінің директоры Жақсыгүл Тоғанова.</blockquote>Сарбаздардың бір күні таңғы жаттығудан бастау алып, далалық жиын соңы жас әскерлермен кездесу кешіне ұласты. Сарбаз қатарын толықтырған жас азаматтармен кездесу алаңына Қарулы күштер ардагерлері кеңесінің төрағасы Мыңділда Рышауов, ҚР ҰҚК шекара қызметінің Қызылорда облысы бойынша департаментінің тәрбие идеологиялық және кадрлық жұмыстар бөлімінің аға офицері, майор Өмірбек Аманбаев және өзге де сала мамандары қатысты.<blockquote>– Бір күн болса да әскери тәртіпті сезініп көру маңызды. Әскер қатарына енгенде, осы алған бір күндік тәжірибе сарбаз сапындағы өмірге дағдылануға көмектеседі деп сенеміз. Жастарға әскери өмірді, темірдей тәртіпке дағдылануды көздейтін мұндай іс-шараларды дәріптеудің тәрбиелік маңызы орасан зор. Қазіргі жігіттердің санасын қорқыныш емес, өзіне деген сенім билеуі тиіс. Ақпарат айдынындағы дереккөздердің барлығы шынайы емес, сол себепті жалынды жастар үрейге бой алдырмауы қажет. Әскери құпия қатаң сақталуы – міндет. Әскер – ел алдындағы азаматтық борышыңды өтейтін орын. Әскери өмірге бір қадам ретінде ұйымдастырылған бұл іс-шараға қатысқан әрбір білім алушы ендігі сарбаз өмірінен хабардар. Яғни, психологиялық тұрғыда студент өзін дайындауға мүмкіндік алды. Қатарға қосылып, сіңісіп кету, мол жауапкершілікті алу расымен де қиын. Сол себепті осындай шаралар арқылы жастарды әскери өмірге дайындап, олардың қызығушылығын арттыруымыз керек, – дейді запастағы аға лейтенант, БӘжТД оқытушы ұйымдастырушы Оңдасын Жолдасбайұлы.</blockquote>Бейбіт заманның балалары білім алуға, жаңа технологияларды игеруге әуес. Алайда ұлтқа қызмет ету тек білім алумен шектелмейді. Далалық жиын қонақтары рухани-патриоттық атмосфераға толы кеште студенттермен сарбаздық өмірдің қыр-сыры мен әскери кезеңнің маңызы, тарихта қалған тағылымды оқиғалар туралы әңгіме өрбітті. Отанға қызмет тек білекпен ғана емес, жүрекпен орындалуы тиістігі туралы кеңінен айтылды.– Расымен де кейінгі жылдары әскерге барғысы келетіндердің қатары күрт азайды. Сондай-ақ Instagram,Tiktok желілеріне шығатын кейбір ақпарат ата-аналардың көңіліне үрей тудырады. Алайда М.Мәметова атындағы Қызылорда педагогикалық жоғары колледжінде ұйымдастырылған әскери далалық жиын түбегейлі ойымды өзгертті. Жаңа сезім, тың тәжірибе мені ерекше күйге бөледі.Оқу-жаттығу кезінде әскери өмірдің біз білмеген тұстарымен танысып, теориядан бөлек практикалық білім алдық. Әскерге шақыртуды қазір алмасақ та, болашақта Отан қорғаудан қашпаймыз. Далалық жиын барысында аға буынның ақыл-өсиетін тыңдап, өмірлік сабақ алдық. Бірге ән айттық, алау жақтық, шаршағанымызды да сезбедік. Оқытушылар түрлі әскери әдістерді үйретті, сондай-ақ нағыз қарулы күштердің қауқарын ұғындық. Әрбір азамат үшін ел алдындағы абыройлы парызын орындау – міндет. Батыр халықтың ұрпағы екенімізді ұмытпайық, – дейді әскери жиын қатысушысы, студент Ерасыл Айдарбек.Түйін.&nbsp;Қазақстаның айбары мен сенімді қорғанысына айналған Қарулы күштердің құрылғанына 30 жылдан астам уақыт болды. Оның құрамында 80 мыңнан астам қызметкер бар. Қарулы күштердің қарамағына елдің әрбі аймағындағы әскерлер кіреді. Яғни, Құрлық әскерлері, Әскери-теңіз күштері және Әуе қорғанысы.Әскерден жалтарып жүргендер көп, дегенмен ел Президенті оларға арнайы жеңілдіктердің қарастырылғанын айтты.&nbsp;Енді олар оқуға еш қиындықсыз түседі алады. Сарбаздар банкке берешек болса, әскердегі кезеңінде төлем уақытын шегереді. Сондай-ақ өз қалауымен әскери саланың маманы болып шыға алады. Қарулы күштерде қызмет атқаратын жандардың еселі еңбегін елеусіз қалдырмас үшін бұдан бөлек тағы да көптеген ынталандыру жеңілдіктері қолға алынды.Елдігіміздің маңызды алғышарттарының бірі – әскери күш. Отанымызды күн-түн демей қорғап, әр жанұяның тыныштығын сақтау мақсатында қайсар жүректі азаматтарды даярлау – ел игілігі үшін екенін есте сақтайық.&nbsp;Н.Нышанова Фото: inbusiness.kz

Қызылордалық студенттер әскери-патриоттық іс-шараға қатысты

<a href="https://kyzylorda-news.kz/">Kyzylorda-news.kz</a> Қызылорда облысының Сыбайлас жемқорлыққа қарсы волонтерлері Қызылжарма кентінің Ы.Жахаев, Қ.Сексенбаев көшелеріне жүргізілген мониторинг барысында кемшіліктерді анықтады.Мониторинг барысында, жарты жыл бұрын жөнделген Қызылжарма кенті бойынша аталған екі көшенің жол сапасы нашар және ойылған шұңқырлардың &nbsp;пайда болғаны белгілі болды.Мәселені зерделеу кезінде, 2023 жылы аталған екі көшенің жол жөндеу құрылыстарына бюджеттен 33,2 млн теңге бөлінгені анықталды (Ы.Жахаев көшесі 10&nbsp;906,7 мың тг, Қ.Сексенбаев көшесі 22&nbsp;297,6 мың тг).Волонтерлердің бастамасы бойынша Департамент &nbsp;тиісті ұсынымдар енгізді, нәтижесінде Қызылжарма кенті Ы.Жахаев көшесінің жөндеу жұмыстары аяқталып, жол құрылысының сапасы талаптарға сай орындалды.Сонымен қатар, аталған кенттің Қ.Сексенбаев көшесіне төселген асфальт қабатының бұзылған 300 метрге жуық аумағы қайта алынып, жаңадан асфальт қабатын төсеуге әзірлеу жұмыстары жүргізілуде.

Қызылордада Антикор еріктілері жол жөндеу жұмыстарына мониторинг жүргізді

<a href="https://kyzylorda-news.kz/">Kyzylorda-news.kz</a> Ауыл шаруашылығы министрі Айдарбек Сапаров тасқыннан зардап шеккен қазақстандықтарға құжаты жоқ малдың шығыны қалай өтелетінін айтты, - деп хабарлайды <a href="https://massaget.kz/">Massaget.kz</a> тілшісі.Ол бұл мәселе бойынша өңірлерде арнайы комиссия құрылғанын атап өтті."Малына құжаты барлардың шығыны бюджеттен өтеледі. Енді малына құжаты болмаса, тіркелмесе, алгортимде "3 куәгер болуы керек" деп жазылған. Олар – көршілер, учаскелік полиция инспекторы, ауылдық округтің әкімі. Осы адамдар барлығын дәлелдейді. Нәтижесінде (мал шығынының) құжатын толтырады да қорлар немесе демеушілер есебінен (мал шығыны) өтеледі", - деді Айдарбек Сапаров Үкіметтің баспасөз орталығында. Министр табиғи апаттан зардап шеккен халық көмексіз қалмайтынын жеткізді. "Мысалы, бүгінде Қарағанды облысында демеушілер барлық (мал шығынын) жауып тастады. Ақтөбе, Қостанай облыстарында да осындай жұмыс жүріп жатыр. Президенттің тапсырмасы бар. Барлық шығын өтеледі", - деді ол.Фото: massaget.kz

Тасқын: құжаты жоқ малдың шығыны қалай өтеледі?

<a href="https://kyzylorda-news.kz/">Kyzylorda-news.kz</a> Күні кеше Шымкентте орналасқан № 2&nbsp;Түркістан облыстық перинаталды орталығы маңында шала туған нәрестенің табылғанын хабарлаған едік. Құзырлы органдар нәрестені қорапқа салып тастап кеткен ананы тапты, деп жазады&nbsp;<a href="https://egemen.kz/">Egemen.kz</a>&nbsp;<a href="https://kaz.inform.kz/news/shimkentte-sabinn-ol-denesn-korapka-salip-tastap-ketken-ana-ustaldi-170b72/">kaz.inform.kz-</a>ке сілтеме жасап.Бүгін&nbsp;Шымкент полициясы 20-21 апталық нәрестені тастап кеткен ананы тапты. Ол Шымкент қаласының тұрғыны болып шықты.«Аталған факті бойынша қала тұрғыны анықталып, ұсталды. Қылмыстық іс қозғалып, сот-медициналық сараптама тағайындалды. Тергеу амалдары жүргізіліп жатыр», делінген полиция берген түсініктемеде.Еске салайық, 7 мамыр күні Шымкентте орналасқан перзентхана маңына шетінеген&nbsp; сәбидің денесі <a href="https://egemen.kz/article/363908-turkistan-oblysynda-naresteninh-oli-denesi-tabyldy">табылған еді.</a>Фото: caspianlife.kz

Шымкентте шала туған сәбиін тастап кеткен ана ұсталды

<a href="https://kyzylorda-news.kz/">Kyzylorda-news.kz</a>&nbsp; Жастарды қолдау – басты міндет әрі жарқын болашақтың кілті. Ел тұтқасын ұстайтын жастардың бастамаларын қолдау бойынша іс-шаралар ұйымдастырылуда. Қызылорда облысында да бұл бағытта түрлі жобалар қолға алынған.&nbsp;<h2 style="text-align:center;">Өнер фестивалі</h2>Қызылорда. Облыстық жастар ресурстық орталығы базасында дарынды, шығармашыл, талантты жастарды анықтау және қолдау, орындаушылардың кәсіби өсуіне ықпал ету мақсатында облыстық мәдени және шығармашыл жастары арасында іріктеу өнер фестивалі өтті.&nbsp;Фестивальде сурет, қолөнер, хореография, дәстүрлі ән, халықтық ән, эстрадалық ән, аспаптық орындау, тележүргізушілік бағыттары бойынша 100-ден астам өнерпаз бақ сынады.&nbsp;<h2 style="text-align:center;">Әскерилендірілген кростан біріншілік</h2>Арал. Аудандық білім бөлімі, Арал аудандық дене тәрбиесі, спорт және туризм бөлімі, «Қызылорда облысының әскери спорттық клубтарының федерациясы» қоғамдық бірлестігі және аудандық жастар ресурстық орталығының ұйымдастыруымен Халық қаҺарманы Р.Қошқарбаевтың 100 жылдығына орай жасөспірімдер арасында әскерилендірілген кростан аудан біріншілігі өткізілді.&nbsp;№260 орта мектебінде өткен жарысқа 5 адамнан тұратын 7 команда қатысты. Олар жекелей әскерилендірілген крос қашықтығы қыздар үшін – 1300 м, ұлдар үшін – 1800 м, граната лақтыру, пневматикалық мылтық ату бойынша сайысып,өз күштерін ортаға салды. Жарыс нәтижесі бойынша №262, №71, №83 мектеп командалары І орын, №13, №14 мектеп командалары ІІ орын, №220, №2, №260 мектеп командалары ІІІ орынды еншіледі. Жарыс жеңімпаздары мен жүлдегерлері Арал ауданы бойынша білім бөлімінің мадақтамасы және медальдарымен марапатталды.&nbsp;<h2 style="text-align:center;">Интеллектуалды сайыс</h2>Қазалы. 1 мамыр – Қазақстан халықтарының бірлігі күніне орай «Жастар ресурстық орталығы» КММ-нің тапсырысы аясында «Жас Арал өрендері» жастар қоғамдық бірлестігінің ұйымдастырумен колледж студенттері арасында 4 кезең бойынша интеллектуалды сайыс өтті.&nbsp;Сайыс қорытындысы бойынша жүлделі І орынды Қазалы Көліктехникалық жоғары колледжі, ІІ орынды Қазалы Гуманитарлықтехникалық колледжі және ІІІ орынды Қазалы Агроколледжі иеленді. «Үздік талпыныс» номинациясы бойынша Қазалы көлік-техникалық жоғары колледжінің студенті Аслан Лепес марапатталды. Шара соңында жеңімпаз топтар марапатталып, арнайы сыйсияпаттар табысталды.&nbsp;<h2 style="text-align:center;">Жақсы әлемдегі – жаңа Қазақстан</h2>Қармақшы. Жалпы білім беру ұйымдарының 8-11 сынып оқушылары арасында әкім кубогы үшін «Жаңа күн – жаңа Қазақстан» тақырыбындағы аудандық пікірсайыс турнирі өткізілді.&nbsp;Пікірсайыс қозғалысын дамыту, насихаттау және қолдау, пікірсайысшылардың өзара ынтымақтастығын қалыптастыру мақсатында өткізілген дебат турнирінің нәтижесінде I орынды №121 мектептің «Фаворит» фракциясы, II орынды №250 мектеплицейінің «Жақсы пікір» фракциясы, III орынды №85 мектептің «Азимат» фракциясы иеленді.&nbsp;<h2 style="text-align:center;">Шағын футболдан сайыс</h2>Жалағаш. Ұлы Жеңістің 79 жылдығына, Отан қорғаушылар күніне орай білім беру ұйымдарының қызметкерлері арасында шағын футболдан жарыс ұйымдастырылды.&nbsp;Салауатты өмір салтын насихаттау мақсатында өткен спорттық жарысқа аудандық білім беру ұйымдарынан барлығы 20 команда, 100-ден аса ойыншы қатысты.&nbsp;Сайыстың ашылуында білім бөлімі басшысы Т.Құрақбайұлы және аудандық кәсіподақ комитеті төрағасы Г.Құрманбаева қатысушыларға сәттілік тілеп, ізгі лебізін білдірді. Жеңімпаздар аудандық білім бөлімінің және кәсіподақ ұйымының дипломдарымен марапатталды.<h2 style="text-align:center;">«Жас құтқарушылар» экскурсияда</h2>Сырдария. Болашақ ұрпақты Отансүйгіштікке тәрбиелеу, құтқарушы тәсілдері арқылы салауатты өмір салтының дағдыларын қалыптастыру және жасөспірімдерді әскери-патриоттық негізде тәрбиелеу мақсатында №36 Ә.Тәжібаев атындағы мектеп-лицейінің Жас құтқарушы кадет сыныбының оқушылары Қызылорда қаласы Төтенше жағдайлар депаратаментінің мұражайына және Жедел құтқару жасағының мекемесіне экскурсия жасады.&nbsp;Оқушыларға азаматтық қорғау саласындағы құтқарушылардың тыныс-тіршілігі таныстырылып, құтқару жасағының судағы және басқа да төтенше жағдайлардың алдын алу бойынша құралдарымен таныстыру жұмыстары ұйымдастырылды. Іс-шара соңында оқушылар өз алғыстарын айтып, «құтқарушы» кім және қаншалықты өз өмірімен тәуекел ететін қызмет екендігін түсініп, бұл экскурсия алдағы уақытта мамандық таңдауға оң ықпалын тигізетінін білдірді.&nbsp;<h2 style="text-align:center;">Салтанатты саптық шеру</h2>Шиелі. Шиелі индустриалды-аграрлық колледжінде 7 мамыр – Отан қорғаушылар күні, 9 мамыр – Ұлы жеңіс күні және Кеңес Одағының батыры Рақымжан Қошқарбаев пен Халық қаһарманы, Тәуелсіз Қазақстанның тұңғыш Қорғаныс министрі, армия генералы Сағадат Нұрмағамбетовтің 100 жылдығына орай салтанатты саптық шеру ұйымдастырылды.&nbsp;Әскери саптық шерудің басты мақсаты – жас ұрпақты Отан қорғауға, Ұлы Отан соғысының батырларының ерлік істеріне тағзым етуге және елінің патриоты болуға тәрбиелеу.<h2 style="text-align:center;">Аймақтық пікірсайыс турнирі</h2>Жаңақорған. Жаңақорған аудандық қоғамдық даму бөлімінің «Жастар ресурстық орталығы» КММ-нің Төменарық ауылдық округі әкімінің аппаратының ұйымдастырумен 1 мамыр – Қазақстан халықтарының бірлігі күніне орай «Ынтымағы жарасқан елміз» тақырыбында аймақтық пікірсайыс турнирі өтті.&nbsp;Пікірсайыс турнирі АПФ (Америкалық Парламенттік Формат) ережесі бойынша өткізілді. Тартысты ойын нәтижесінде I орынды №195 орта мектебінің «Симбиоз» фракциясы, II орынды №53 орта мектебінің «Ақиқат» фракциясы иемденсе, жүлделі III орынды №223 орта мектебінің «Шах» фракциясы еншіледі.&nbsp;&nbsp;Фото: ortalyq.kz

Өңірдегі жастардың жетістіктері көбеюде

<a href="https://kyzylorda-news.kz/">Kyzylorda-news.kz</a> Сыр елінен сұрапыл соғыс жылдары майдан даласына 70 мың азамат аттанып, оның 30 мыңы қайта оралмады. Бүгінгі Ұлы Жеңістің 79 жылдығын аймағымызда төрт батыр ардагеріміз қарсы алуда.Бүгін партияның облыстық филиалының Атқарушы хатшысы Ләйлә Төрешова «Тағзым» алаңында өткен «Ұлы Жеңіс – ұрпаққа аманат» атты салтанатты шараға қатысып, Ұлы Отан соғысы жылдары майданда ерлік көрсеткен, бақұл болған батырлардың құрметіне гүл шоқтарын қойды.Мұнан соң партияның облыстық филиалының Атқарушы хатшысы ҰОС батырлары Әбдірахман Байтіков пен Төлеген Жүнісовтың шаңырағына барып, қарт жауынгерлерді Жеңістің 79 жылдық мерекесімен құттықтады.Бәйтіков Абдрахман сұрапыл соғыс жылдарында майдан даласына алғашқылардың бірі болып, ерте жастан аттанған. Бар-жоғы 18 жастағы жігіт Курск Орел қаласының Курс доғасында ПТР бөлімінде жаяу әскер қатарында болған. 1943 жылы Курск доғасында ауыр жарақат алып, 2-топ мүгедегі болып, 1944 жылы 20 жасында елге оралған.Ал, Төлеген Жүнісов 1942 жылы қызыләскер қатарына қабылданып, кіші командирлер дайындайтын курста оқып, сержант болып, Украинада 688 атқыштар полкінде ұрыста болған.Кездесу барысында Атқарушы хатшы Ләйлә Төрешова соғыс ардагерлеріне «AMANAT» партиясының «Құттықтау» хатын жеткізді. Қарт майдангерлер сұрапыл соғыс жылдарынан сыр шертетін естеліктерімен бөлісіп, құттықтап келген аманаттықтарға ақ батасын берді.Жалпы «AMANAT» партиясы «Ардагерлерді ардақтайық» жобасы аясында ардагерлерге үнемі қолдау көрсетіп келеді. Қамқорлық шаралары тек мереке қарсаңында емес, жыл бойы жалғаса бермек.<figure class="image image_resized" style="width:86.41%;"><img src="https://knadmin.beoblood.kz/uploads/441527761_848662807299357_633326404329383503_n_6733a3b59c.jpg" alt="441527761_848662807299357_633326404329383503_n.jpg"></figure>

Қазақстан және Қызылорда облысының жаңалықтары: Қоғам