Kurs.kz мәліметінше, қазіргі уақытта елорданың ақша айырбастау пункттерінде:<ul><li>доллар 469,01 теңгеден сатып алынады, 475,99 теңгеден сатылады;</li><li>еуро: сатып алу — 537,00 теңге, сату — 547,00 теңге;</li><li>рубль: сатып алу — 5,60 теңге, сату — 5,80 теңге;</li><li>юань 68,76 теңгеден сатып алынады, 73,30 теңгеден сатылады.</li></ul>Алматының ақша айырбастау пункттерінде:<ul><li>доллар: сатып алу — 472,36 теңге, сату — 474,57 теңге;</li><li>еуро: сатып алу — 542,54 теңге, сату — 547,99 теңге;</li><li>рубль 5,62 — 5,76 теңге аралығында саудаланады.</li><li>юань 68,44 — 70,99 теңге аралығында саудаланып жатыр.</li></ul>Сурет: freepik.com

Доллардың бүгінгі бағамы қандай?

Румынияның Бухарест қаласында өткен Халықаралық лингвистика олимпиадасында (IOL 2026) Оралдағы Назарбаев Зияткерлік мектебінің оқушысы Шыңғыс Қарасаев қола медаль иеленді. Ал Павлодардағы NIS оқушысы Аслан Ажибаев Құрмет грамотасымен марапатталды.Биылғы халықаралық білім додасына әлемнің 40-тан астам елінен 220-дан аса оқушы қатысты. Қатысушылар лингвистикалық заңдылықтарды анықтауға бағытталған күрделі тапсырмаларды орындап, логикалық және аналитикалық ойлау қабілеттерін сынға салды.Айта кетейік, беделді халықаралық лингвистика олимпиадасы (IOL) 2003 жылдан бері жыл сайын өткізіліп келеді. Оның басты ерекшелігі – олимпиада тапсырмаларын орындау үшін белгілі бір шет тілін алдын ала білу талап етілмейді. Қатысушылар берілген тілдік деректерді талдап, олардың құрылымы мен заңдылықтарын логикалық және аналитикалық ойлау арқылы анықтайды.<img src="https://knadmin.beoblood.kz/uploads/FB_IMG_1785659852227_0f0fbad9c0.jpg" alt="FB_IMG_1785659852227.jpg">

NIS оқушысы халықаралық лингвистика олимпиадасында қола медаль иеленді

«Заң мен тәртіп» қағидаты аясында балалардың терезеден құлауының алдын алу бойынша профилактикалық іс-шара өтті.Іс-шара барысында көпқабатты тұрғын үйлердің тұрғындарымен түсіндіру жұмыстары жүргізіліп, балалар қауіпсіздігін қамтамасыз ету жолдары кеңінен насихатталды. Сондай-ақ, қауіптің алдын алу мақсатында тұрғын үйлердің терезелеріне арнайы қорғаныс бекіткіштері орнатылды.Талдаулар көрсеткендей, балалардың терезеден құлауы тұрмыстық жағдайда жиі кездесетін жарақаттану себептерінің бірі болып қалып отыр. Әсіресе жаз мезгілінде терезелердің жиі ашық болуы қайғылы оқиғалардың туындау қаупін арттырады. Ең жоғары қауіп тобына 2–5 жас аралығындағы балалар жатады. Бұл жастағы балалар ашық терезенің және маса торының қауіпсіз еместігін толық бағалай алмайды.Жыл басынан бері еліміз бойынша балалардың терезеден құлауының 169 дерегі тіркеліп, оның 14-і қайғылы жағдаймен аяқталған. Мұндай оқиғалардың негізгі себептері – балаларды қараусыз қалдыру, терезелерге еркін қолжетімділік және қауіпсіздік талаптарының сақталмауы.Профилактикалық іс-шара барысында ата-аналарға балаларды ешқашан қараусыз қалдырмау, жиһаздарды терезе маңына орналастырмау, терезелерге арнайы қорғаныс құрылғыларын орнату және маса торына сүйенудің қауіпті екені түсіндірілді.Қызылорда облысы Полиция департаменті мен облыстық Төтенше жағдайлар департаменті ата-аналарды балалардың өмірі мен денсаулығына жауапкершілікпен қарап, қауіпсіздік талаптарын қатаң сақтауға шақырады.<img src="https://knadmin.beoblood.kz/uploads/IMG_20260801_WA_0005_6b8a7c7bd1.jpg" alt="IMG-20260801-WA0005.jpg">

«Заң мен тәртіп» қағидаты аясында профилактикалық іс-шара өтті

Қармақшы ауданы әкімінің тапсырмасына сәйкес дәстүрлі түрде ұйымдастырылатын «Ел іші – өнер кеніші» мәдени шарасы алғаш рет Төретам кентінде өтті.Тағылымды шарада аудан әкімінің орынбасары Диас Асылбекұлы құттықтау сөз сөйлеп:<blockquote>– Бүгінгі кештің маңызы ерекше. Өйткені ауданымызда дәстүрге айналған бұл мәдени жоба алғаш рет қасиетті Төретам кентінде ұйымдастырылып отыр. Осы уақытқа дейін Жосалы кентінің орталық алаңында өткізіліп келген игі бастаманың Төретам төрінде жалғасуы – мәдениетіміздің өрісін кеңейтіп, елді мекендердегі рухани өмірді жандандыруға бағытталған маңызды қадам, – деп атап өтті.</blockquote>Кеш барысында аудан өнерпаздары ән мен жырдан, күй мен биден шашу шашып, көрермендерге көтеріңкі көңіл күй сыйлады. Ұлттық нақыштағы көрмелер, өнер көрсетілімдері мен әсерлі музыкалық туындылар көпшіліктің ыстық ықыласына бөленіп, мәдени кештің мазмұнын айшықтай түсті.Ашық аспан астында өткен тағылымды шараға Төретам кентінің тұрғындары мен қонақтары белсене қатысып, жергілікті өнерпаздардың өнеріне зор қошемет көрсетті.Алғаш рет Төретам кентінде ұйымдастырылған «Ел іші – өнер кеніші» мәдени жобасы тұрғындарға ерекше әсер сыйлап, ел бірлігі мен ұлттық өнерді ұлықтайтын игі бастама ретінде жоғары бағаланды.<img src="https://knadmin.beoblood.kz/uploads/FB_IMG_1785646824639_a9d8b77c14.jpg" alt="FB_IMG_1785646824639.jpg">

Қармақшылық өнерпаздар тұрғындарға ерекше көңіл-күй сыйлады 

Қармақшы ауданының әкімі Жандос Еркінбек жұмыс сапарымен Төретам кенті, Ақай ауылдық округі және Байқоңыр қаласында болып, бірқатар әлеуметтік және инфрақұрылымдық нысандарды аралады.Алдымен аудан әкімі Байқоңыр қаласында салынып жатқан «Қызылорда» спорт кешенінің құрылыс алаңына барып, атқарылып жатқан жұмыстардың барысымен танысты. Жауапты мамандар нысанның құрылыс кезеңдері, орындалған жұмыстардың көлемі, дайындық деңгейі және алдағы жоспарлар жөнінде баяндады.Қазіргі таңда спорт кешенінің құрылыс жұмыстарының басым бөлігі аяқталған. Жоспарға сәйкес, құрылыс жұмыстары жақын арада толық аяқталып, нысанның тұрғындар игілігіне пайдалануға беріледі деп күтілуде. Аудан әкімі құрылыс жұмыстарының сапасына ерекше назар аударып, барлық жұмыстардың белгіленген талаптарға сәйкес әрі уақытылы аяқталуын тапсырды.Одан кейін аудан әкімі Ақай ауылдық округіндегі «Достық» саябағына барып, абаттандыру және күтіп-ұстау жұмыстарының жай-күйімен танысты. Саябақ аумағының тазалығы, жасыл желектердің күтімі, жарықтандыру жүйесі мен тұрғындардың демалысына қолайлы жағдай жасау бағытында атқарылып жатқан жұмыстар қаралды. Аудан әкімі жауапты сала басшыларына саябақтың санитарлық тазалығын тұрақты бақылауда ұстап, тұрғындардың жайлы демалысы үшін барлық қажетті жағдайды қамтамасыз етуді тапсырды.Жұмыс сапарының соңында аудан әкімі Төретам кентіндегі теміржол вокзалы ғимаратының күрделі жөндеу жұмыстарының барысымен танысты. Нысанда жүргізіліп жатқан құрылыс-монтаж жұмыстары, инженерлік желілерді жаңарту және ғимараттың ішкі-сыртқы әрлеу жұмыстарының орындалу барысы талқыланды. Мердігер мекеме өкілдері атқарылған жұмыстар туралы есеп беріп, алдағы кезеңге жоспарланған жұмыстар жөнінде ақпарат ұсынды.Жалпы жұмыс сапары барысында аудан әкімі араланған әрбір нысан бойынша жауапты басшыларының ұсыныс-пікірлерін тыңдап, тұрғындардың игілігіне бағытталған жобаларды сапалы әрі уақытылы жүзеге асырудың маңыздылығын атап өтті.<img src="https://knadmin.beoblood.kz/uploads/FB_IMG_1785565833029_042dd67604.jpg" alt="FB_IMG_1785565833029.jpg">

Бірқатар әлеуметтік және инфрақұрылымдық нысандарды аралады

Сырдария ауданы әкімдігінде аудан әкімі аппаратының мемлекеттік-құқықтық жұмыстар бөлімінің ұйымдастыруымен, аталған бөлімнің басшысы Ернар Зұлқарнаевтың төрағалығымен жаңадан қабылданған Қазақстан Республикасы Конституциясының қолданысқа енуіне байланысты, Қазақстан Республикасының заңдарына енгізілген өзгерістерді түсіндіруге және елімізде жүзеге асырылып жатқан «Заң мен тәртіп» қағидатының ауданда іске асырылу барысын талқылауға арналған құқықтық-оқу семинары өтті.Семинарға кент және ауылдық округтер мен дербес бөлімдердің және аудан әкімі аппаратының жауапты қызметкерлері қатысты.Күн тәртібінде:1. Ауданда «Заң мен тәртіп» қағидатын іске асыру шараларын күшейту туралы».2. «Қазақстан Республикасындағы жергілікті мемлекеттік басқару және өзін-өзі басқару туралы» Заңына енгізілген өзгерістер мен толықтырулар туралы».3. «Қазақстан Республикасының Конституциялық реформаларына сәйкес сыбайлас жемқорлыққа қарсы заңнамадағы өзгерістерді түсіндіру туралы.4. Қосымша өзге де мәселелер қаралды.Күн тәртібіне сәйкес, бөлімнің бас инспекторы Айбек Сәдуақасовтың және бөлімнің бас маманы Светлана Арысбаеваның баяндамалары тыңдалды.Семинардың негізгі мақсаты – қолданыстағы заңдарға енгізілген өзгерістерді кеңінен түсіндіру, құқықтық мәдениетті арттыру, заң бұзушылықтардың алдын алу және мемлекеттік органдар мен қоғам арасындағы құқықтық өзара іс-қимылды нығайту.Іс-шара барысында Конституциялық реформаларға сәйкес қабылданған заңнамалық өзгерістердің мазмұны, олардың мемлекеттік басқару жүйесіне, сондай-ақ мемлекеттік қызметтің тиімділігін арттыруға ықпалы, сонымен қатар, Мемлекет басшысы айқындаған «Заң мен тәртіп» қағидатын аудан көлемінде іске асыру бағытында атқарылып жатқан жұмыстарға тоқталып, құқық бұзушылықтардың алдын алу, заң талаптарын сақтау, сыбайлас жемқорлыққа қарсы мәдениетті қалыптастыру және тұрғындардың құқықтық сауаттылығын арттыру мәселелері кеңінен талқыланып, слайдтар және бейнероликтер арқылы жан-жақты түсіндірілді.Семинарда қатысушылар өздерін толғандырған құқықтық мәселелер бойынша сұрақтарын қойып, заңнама талаптары аясында нақты түсіндірмелер алды.Мұндай кездесулер мемлекеттік орган қызметкерлерінің құқықтық сауаттылығын арттыруға, заң талаптарын дұрыс түсінуге және қоғамда заң үстемдігі қағидатын нығайтуға өз үлесін қосады.Аудан әкімдігі алдағы уақытта да құқықтық ағарту бағытындағы іс-шараларды тұрақты түрде ұйымдастырып, осы бағыттағы жұмыстарды жалғастыра береді.Сонымен қатар жұмыс барысында қолданыстағы заңнамаларды &nbsp;қатаң сақтап, заңдылықтың бұзылуына жол бермеу мақсатында тиісті шараларды қабылдау қажеттігі тапсырылды.<img src="https://knadmin.beoblood.kz/uploads/FB_IMG_1785559856912_2b9bd6409c.jpg" alt="FB_IMG_1785559856912.jpg">

Сырдария ауданында құқықтық семинар өтті 

Облыс әкімі Мұрат Ергешбаев қаладағы құрылысы жүріп жатқан нысандарды аралады.&nbsp;Алдымен Президент саябағы аумағында бой көтерген &nbsp;тоғыз қабатты 15 тұрғын үй кешеніне барды. Бас мердігер «Мелиоратор» ЖШС 8,2 гектар аумаққа тұрғындарға жайлы әрі сапалы баспана салуда. Жоба бойынша 945 пәтер жақын арада пайдалануға беріледі.Жалпы кейінгі төрт жылда қаржыландырудың барлық көзінен 3,2 млн шаршы метр тұрғын үй &nbsp;табысталды. &nbsp;Кезекте тұрған азаматтарды баспанамен қамтамасыз ету үшін 6010 дайын пәтер сатып алуға 117,1 млрд.теңге қаржы қаралды.<img src="https://knadmin.beoblood.kz/uploads/akimat_ed072f2f55.jpg" alt="акимат.jpg">Қызылорда облысында 2026-2030 жылдары 3,7 млн. шаршы метр тұрғын үй беру жоспары белгіленген. Биылғы меже - &nbsp;950,0 мың шаршы метр тұрғын үй.Келесі нысан – Сырдария өзені жағалауындағы қорғаныс бөгеті. Ұзындығы 3 шақырым &nbsp;аумақтың екі шақырымына геобекіткіш тор төселіп, таспен толтырылады. Қалған бөлігінде еңісті қалыптастыру қолға алынған. Сонымен қатар, жағалауды шайылудан қорғайтын арнайы тірек құрылымдары орнатылып жатыр. Тұрғындарға қауіпсіз әрі қолайлы болу &nbsp;үшін жаяу жүргіншілер жолы мен веложолақ салынуда. Бүгінде жұмыстың 50 пайызы аяқталған.Облыс әкімі жауапты тұлғаларға құрылыс сапасы мен мерзіміне қатысты талаптарды ескертіп, &nbsp;тұрақты бақылауды &nbsp;тапсырды.<img src="https://knadmin.beoblood.kz/uploads/akimat_9ba78190b2.jpg" alt="акимат.jpg">

Құрылыс барысы тұрақты бақылауда 

Қазалы ауданы әкімдігінде аудан әкімінің орынбасары, аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссияның төрағасы Жәнібек Алиевтің төрағалығымен комиссияның кезекті отырысы өтті.Комиссия отырысының күн тәртібінде аудандық полиция бөлімінің ұсынысы, өмірдің қиын жағдайында қалған балалар мен олардың отбасыларына қолдау көрсету, кәмелетке толмағандардың құқықтарын қорғау жөніндегі комиссияларда қаралған құқық бұзушылық деректері мен көрсетілген көмектер, сондай-ақ жасөспірімдер арасындағы нашақорлықтың алдын алу мәселелері қаралды.Күн тәртібіндегі мәселелер бойынша аудандық полиция бөлімінің, аудандық білім бөлімінің, аудандық отбасын қолдау орталығының және аудандық көпбейінді орталық аурухананың жауапты мамандары баяндама жасап, атқарылған жұмыстар мен алдағы міндеттер туралы хабарлады.Комиссия отырысын қорытындылаған комиссия төрағасы Жәнібек Алиев кәмелетке толмағандардың құқықтары мен қауіпсіздігін қамтамасыз ету, құқық бұзушылықтың, қаңғыбастықтың және нашақорлықтың алдын алу бағытындағы профилактикалық жұмыстарды күшейтуді тапсырды. Сондай-ақ тәуекел тобындағы балалармен және олардың отбасыларымен жүйелі жұмыс жүргізіп, барлық жауапты мекемелердің өзара үйлесімді іс-қимылын қамтамасыз ету қажеттігін атап өтті.Жиын қорытындысында күн тәртібіндегі барлық мәселелер бойынша тиісті хаттамалық шешімдер қабылданып, жауапты мекемелерге нақты тапсырмалар жүктелді.

Жасөспірімдердің қауіпсіздігі – басты назарда 

Сырдария ауданы әкімінің орынбасары Талғат Нұртазаевтың қатысуымен өскелең ұрпақтың кітап оқуға деген қызығушылығын арттыруға, рухани-танымдық әлеуетін дамытуға бағытталған «Кітап оқы да, кемелден!» атты дәстүрлі көркем әдебиет оқу байқауының ашылу жиыны өтті. Жиынға Сырдария ауданының Құрметті азаматы, Қызылорда облыстық тарихи-өлкетану музейінің басшысы Нұрмат Мансұр, Ә. Тәжібаев атындағы Қызылорда облыстық әмбебап ғылыми кітапханасы басшысының орынбасары Айгүл Есенқызы, аудандық кітапхана жүйесінің қызметкерлері және сала мамандары қатысты.Жиында аудан әкімінің орынбасары Мемлекет басшысының жастар арасында кітап оқу мәдениетін қалыптастыруға қатысты бастамаларына тоқталып, кітап – ұлттың рухани дамуы мен зияткерлік әлеуетін арттыратын басты құндылықтардың бірі екенін атап өтті.<blockquote>– &nbsp;Кітап – ғасырлар бойы ұрпақтан-ұрпаққа жалғасып келе жатқан рухани қазына, баға жетпес байлық. Кітап – тек білімнің ғана емес, адамзаттың ақыл-ойы мен тәжірибесінің жиынтығы, тарихтың шынайы куәсі. Мемлекет басшысы Қасым-Жомарт Кемелұлы Тоқаев «Біз, ең алдымен, жастарды кітап оқуға баулуымыз керек. Сонда жаппай кітап оқитын ұлтқа айналамыз. Озық ойлы ұлт болудың төте жолы – кітап оқу» деп ерекше атап өтті. Ауданымызда кітап оқуға байланысты жақсы үрдіс қалыптасты. Жастардың кітапқа деген қызығушылығын арттыру мақсатында бұған дейін 3 рет «Кітап оқы да, тұлға бол» байқауы өткізілген болатын. Бұл байқауға аудандағы жомарт жандар демеушілік жасап, оқушылардың білім көкжиегін кеңейтуге үлес қосты. Ұлт ұстазы Ахмет Байтұрсынұлы «Кітап – өткенді танытатын кілт, болашаққа бастайтын жол» деп атап көрсеткен. Сондықтан сарқылмас қазына – саналы ұрпақ өсірудің, ел болашағын кемел етудің кепілі саналады, – деді Талғат Мейрамханұлы.</blockquote>Кездесу барысында Сырдария ауданының Құрметті азаматы, Қызылорда облыстық тарихи-өлкетану музейінің басшысы Нұрмат Мансұр кітаптың тарихи-танымдық, тәрбиелік маңызы туралы ой-пікірін ортаға салса, Ә. Тәжібаев атындағы Қызылорда облыстық әмбебап ғылыми кітапханасы басшысының орынбасары Айгүл Есенқызы кітап оқу мәдениетін қалыптастырудың өзектілігіне тоқталып, қатысушыларға ізгі тілегін білдірді.<img src="https://knadmin.beoblood.kz/uploads/FB_IMG_1785503987200_f0ef824841.jpg" alt="FB_IMG_1785503987200.jpg">

Сырдарияда көркем әдебиет оқу байқауының ашылу жиыны өтті

Димаш Құдайбергеннің «Aqerke» әніне түсірілген жаңа бейнебаяны әншінің ресми <a href="https://www.youtube.com/watch?app=desktop&amp;v=4BdbQJOeSs4&amp;ra=m&amp;fbclid=PAZnRzaATZYC1wZG9mAmV4dG4DYWVtAjExAHNydGMGYXBwX2lkDzEyNDAyNDU3NDI4NzQxNAABp2Uf9ASwkRRr3aM4LUAXz2JejP4XGPI4IRb715jigsMGac0iEp0ocP_Rrimh_aem_bcQXYVoNJIxnutXlie40FA">YouTube арнасында</a> жарық көрді.Әнде ғашығына деген сағыныш пен қоштасу сезімі жырланғанымен, клиптің астарында одан да терең мағына жатыр. Бейнебаянда Қазақстанның кең байтақ табиғаты мен әртүрлі тағдыр иелері бейнеленген. Кадрлардан егде жастағы ерлі-зайыптыларды, балаларды, футбол жанкүйерлерін және қарапайым тұрғындарды көруге болады. Осылайша лирикалық кейіпкер сүйіктісіне ғана емес, туған жеріне деген шексіз махаббатын жеткізгендей әсер қалдырады.Еске салайық, бейнебаянның бір бөлігі Димаштың туған қаласы – Ақтөбеде түсірілген.Клипте ауқымды көріністер де аз емес. Соның бірі – Димаштың бір жүк көлігіне толы гүл сатып алып, оларды көшедегі қыз-келіншектерге таратуы. Сонымен қатар бейнебаянда жасанды интеллект элементтері де қолданылған. Мәселен, бір эпизодта әншінің бейнесі бірнеше есе көбейіп көрінеді.Жаңа туындыны Мексика, Чили, Перу, Аргентина, Қазақстан, Ресей және өзге де елдердегі тыңдармандар жоғары бағалады. Желі қолданушылары Димаштың ерекше дауысымен қатар, оның пластикасы мен сахнадағы қимыл-қозғалысына да тәнті болған.Айта кетейік, «Aqerke» – қазақтың халық әнінің авторлық өңделген нұсқасы. Димаш бұған дейін де ұлттық музыкалық мұраны заманауи үлгіде ұсынып келеді. Оның кеңінен танылған өңдеулерінің қатарында «Айқаракөз», «Құсни – Қорлан» және «Дайдидау» әндері бар.Сурет: dimashnews.com

Димаш Құдайбергеннің «Aqerke» бейнебаяны жарық көрді

Президент Қасым-Жомарт Тоқаев Орталық Азия және Әзербайжан мемлекеттері басшыларының бейресми Консультативтік кездесуіне қатысты, деп жазады Ақорда.Мемлекет басшысы жиында сөйлеген сөзінде дәстүрге сай айрықша ықыласпен қарсы алғаны және бейресми кездесуді өткізу туралы бастама көтергені үшін Қырғыз Республикасының Президенті Садыр Жапаровқа шынайы ризашылығын білдірді.<blockquote>– Қырғыз халқы – қазақ халқы үшін бауырлас ел. Біз бәріміз – бір туған ағайын халықпыз. Біздің арамызда қалыптасқан достық, сенім, туысқандық және өзара қолдау – ата-бабамыздан өсиет болып қалған қасиетті аманат әрі мәңгі құндылық. Қазіргі таңда біз Қырғызстанның қарқынды дамуына куә болып отырмыз. Сіздер қол жеткізіп жатқан әр жетістікке шын жүректен қуанамыз. Қырғыз елінің өсіп-өркендеуі – Орталық Азияның тұрақтылығы мен баянды дамуының маңызды кепілі. Бұл құрметті Президент Садыр Нұрғожаұлы Жапаровтың табанды еңбегі мен көреген басшылығының арқасы екені сөзсіз, – деді Қазақстан Президенті.</blockquote>Қасым-Жомарт Тоқаев бүгінгі кездесу қазіргі күн тәртібіндегі өзекті мәселелерді талқылауға, сан қырлы серіктестіктің алдағы басымдықтарын айқындауға мол мүмкіндік беретініне тоқталды.<blockquote>– Барлық деңгейдегі байланыстың жандануы бауырлас халықтарымыздың игілігі мен тұтас аймақтың өркендеуі жолында мемлекеттеріміздің жасампаз ықпалдастыққа ортақ ұмтылысын айқын көрсетеді. Бұл орайда «ХХІ ғасырда Орталық Азияны дамыту мақсатындағы достық, тату көршілік және ынтымақтастық туралы шартқа» қол қою рәсімдерінің аяқталуы айтулы жетістік болды. Аталған тарихи құжат стратегиялық серіктестігіміздегі жаңа кезеңнің басталғанын айшықтайды. Өзара сенімге, құрметке және бауырлас халықтарымыздың болашағына деген ортақ жауапкершілікке негізделген өңірлік ынтымақтастықтың «саяси арқауын» қалыптастырады, – деді Қазақстан Президенті.</blockquote>Сурет: Ақорда&nbsp;

Тоқаев: "Қырғыз халқы қазақ үшін бауырлас ел"

Мемлекет басшысы жиында сөйлеген сөзінде дәстүрге сай айрықша ықыласпен қарсы алғаны және бейресми кездесуді өткізу туралы бастама көтергені үшін Қырғыз Республикасының Президенті Садыр Жапаровқа шынайы ризашылығын білдірді.<blockquote>– Қырғыз халқы – қазақ халқы үшін бауырлас ел. Біз бәріміз – бір туған ағайын халықпыз. Біздің арамызда қалыптасқан достық, сенім, туысқандық және өзара қолдау – ата-бабамыздан өсиет болып қалған қасиетті аманат әрі мәңгі құндылық. Қазіргі таңда біз Қырғызстанның қарқынды дамуына куә болып отырмыз. Сіздер қол жеткізіп жатқан әр жетістікке шын жүректен қуанамыз. Қырғыз елінің өсіп-өркендеуі – Орталық Азияның тұрақтылығы мен баянды дамуының маңызды кепілі. Бұл құрметті Президент Садыр Нұрғожаұлы Жапаровтың табанды еңбегі мен көреген басшылығының арқасы екені сөзсіз, – деді Қазақстан Президенті.</blockquote>Қасым-Жомарт Тоқаев бүгінгі кездесу қазіргі күн тәртібіндегі өзекті мәселелерді талқылауға, сан қырлы серіктестіктің алдағы басымдықтарын айқындауға мол мүмкіндік беретініне тоқталды.<blockquote>– Барлық деңгейдегі байланыстың жандануы бауырлас халықтарымыздың игілігі мен тұтас аймақтың өркендеуі жолында мемлекеттеріміздің жасампаз ықпалдастыққа ортақ ұмтылысын айқын көрсетеді. Бұл орайда «ХХІ ғасырда Орталық Азияны дамыту мақсатындағы достық, тату көршілік және ынтымақтастық туралы шартқа» қол қою рәсімдерінің аяқталуы айтулы жетістік болды. Аталған тарихи құжат стратегиялық серіктестігіміздегі жаңа кезеңнің басталғанын айшықтайды. Өзара сенімге, құрметке және бауырлас халықтарымыздың болашағына деген ортақ жауапкершілікке негізделген өңірлік ынтымақтастықтың «саяси арқауын» қалыптастырады, – деді Қазақстан Президенті.</blockquote>Сурет: Ақорда

Қазақстан және Қызылорда облысының жаңалықтары: Қоғам