<a href="https://kyzylorda-news.kz/">Kyzylorda-news.kz</a> Арал ауданы әкімдігі жанындағы құқық бұзушылық профилактикасы жөніндегі ведомствоаралық комиссияның кезекті отырысы өтті. Жиынға аудан әкімі Аманжол Оңғарбаев төрағалық етіп, күн тәртібіне шығарылған мәселелердің өзектілігіне тоқталды.Комиссия отырысына құқық қорғау органдарының басшылары, комиссия мүшелері, қала, кент және ауылдық округ әкімдері қатысты.Күн тәртібінде аудан көлемінде жол-көлік оқиғаларының алдын алу және жол қауіпсіздігін қамтамасыз ету бағытында атқарылып жатқан шаралар қаралды. Бұл мәселелер бойынша Арал ауданы полиция бөлімінің бастығы Нұрсұлтан Әлтай мен аудандық тұрғын үй-коммуналдық шаруашылығы, жолаушылар көлігі және автомобиль жолдары бөлімінің басшысы Жанқожа Құдайберген баяндама жасады.Көтерілген мәселелердің маңыздылығын атап өткен аудан басшысы жол-көлік оқиғаларының және өзге де құқық бұзушылықтардың алдын алу – басты міндет екенін, осы бағытта профилактикалық жұмыстарды күшейтіп, заң талаптарын бұзған азаматтарға қатысты қатаң шаралар қабылдау қажеттігін қадап айтты.Сонымен қатар, аудан бойынша және қала аумағында жол-көлік оқиғалары жиі тіркелетін аймақтарды анықтап, сол аумақтарға қажетті жол белгілері мен бағдаршамдар орнату мәселесін зерделеу тапсырылды. Бұл жұмыстарды тиісті мекеме басшылары мен қала, кент және ауылдық округ әкімдері бірлесіп жүзеге асыруы қажет екені атап өтілді.Жиын барысында жол қозғалысына қатысушылардың қауіпсіздігін қамтамасыз ету, жаяу жүргіншілердің өмірі мен денсаулығын қорғау бағытындағы негізгі міндеттер жан-жақты талқыланып, аталған саладағы жұмысты жандандыру жөнінде жауапты бөлімдер мен мекеме басшыларына нақты тапсырмалар берілді.

Құқық бұзушылық профилактикасы жөніндегі комиссияның кезекті отырысы өтті

<a href="https://kyzylorda-news.kz/">Kyzylorda-news.kz</a> Қазақ боксы – тәртіп пен төзімділікті шыңдайтын үлкен спорт мектебі. Бұл спорт түрі арқылы тек чемпиондар ғана емес, қайсар мінезді тұлғалар да шыңдалып шығады.&nbsp;Бүгінде Сыр өңірінде боксты дамыту жүйелі жолға қойылған. Қазіргі таңда өңірде 5 мыңнан астам спортшы бокспен жүйелі түрде шұғылданып, халықаралық және республикалық деңгейдегі жарыстарда аймақ абыройын асқақтатып келеді.&nbsp; Осыған орай, бүгін қаланың сол жағалауындағы «Теннис орталығында» &nbsp;бокстан 2012 жылы туылған қыздар арасында ҚР чемпионатының салтанатты ашылу рәсімі өтті.&nbsp;Шараға басқарма басшысы Бахтияр Ғарифоллаұлы, Халықаралық дәрежедегі төреші және жарыстың техникалық делегаты Дархан Нұргелдіұлы және Бокстан жасөспірім және кіші жасөспірім қыздар құрамасының аға жаттықтырушысы Айбек Тынышбайұлы қатысып, былғары қолғап шеберлеріне сәттілік тіледі.&nbsp;– Бокстан 2012 жылы туылған қыздар арасындағы ел біріншілігінің ашылу салтанатымен баршаңызды құттықтаймын! Бұл жарыс – жас спортшыларымыздың алдағы әлемдік додаларға қатысуына үлкен мүмкіндік деп білемін. Осындай маңызды жарыстар арқылы болашақ чемпиондарымыздың жаңа есімі елге танылады. Осы орайда барша жарыс қатысушыларына тартысты бәсеке, жарқын жеңіс пен сәттілік тілеймін! Ал төрешілеріміз әділ бағасын береді деп сенемін! Бокс бәсекесі баршамызға құтты болсын!, – деді басқарма басшысы. &nbsp;Өз кезегінде халықаралық дәрежедегі төреші және жарыстың техникалық делегаты Дархан Нұргелдіұлы мен бокстан жасөспірім қыздар құрамасының аға жаттықтырушысы Айбек Тынышбайұлы да құттықтау сөз сөйлеп, өздерінің ізгі тілегін жеткізді.&nbsp;Осы орайда, басқарма басшысы Бахтияр Ғарифоллаұлы құрметті қонақтарымызға қазақтың дәстүріне сай сый-сияпат жасады.&nbsp;Шара соңы каратэ спортшыпарының спорттық қойылымымен жалғасып, сырбойылық әншілердің әдемі әнімен аяқталды.&nbsp;Айта кетейік, бокс бәсекесіне еліміздің барлық аймағынан келген 200-ге жуық спортшы шаршы алаңда сынға түседі. Жарыс қорытындысы 2 наурыз күні анықталып, жеңімпаздар арнайы медаль және дипломдармен марапатталады.<img src="https://knadmin.beoblood.kz/uploads/El_birinshiligi_2_278d67ba99.jpg" alt="Республикалық турнир.jpg">

Сыр өңірінде бокстан қыздар арасында ел біріншілігі басталды

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Достық үйінде» ардагерлер және зиялы қауым өкілдерімен кездесті. Оған Халық Қаһарманы, армия генералы Мұхтар Алтынбаев, көрнекті мемлекет және қоғам қайраткері, дипломат, Түркі мемлекеттері ұйымы ақсақалдар кеңесінің мүшесі, Қызылорда облысының құрметті азаматы Икрам Адырбеков қатысты.Аймақ басшысы халқымыз ұлт жылнамасындағы жаңа кезеңге қадам басқанын айтып, Конституциялық реформаға тоқталды.«Президентіміздің Жарлығымен 21 қаңтарда Ата Заңымызға өзгерістер енгізуге қатысты ұсыныстарды тұжырымдайтын Конституциялық реформалар жөніндегі комиссия құрылды. Комиссияның қорытынды шешімінің нәтижесімен Мемлекет басшымыз 2026 жылғы 15 наурызда республикалық референдум өткізу жөнінде Жарлыққа қол қойды.Конституция жобасында Ұлы Даланың мыңжылдық тарихының сабақтастығы сақталып, мемлекеттің унитарлы сипаты мен шекарасына, аумақтық тұтастығына қол сұғуға болмайтыны нақтыланған. Елдігіміздің басты нышаны саналатын жаңа құжатта «Адам мемлекет үшін емес, мемлекет адам үшін» қағидаты айқындалған.Президентіміздің бастамасымен қолға алынған саяси науқандар мен реформаларды жүзеге асыруда Сыр жұртшылығы береке-бірліктің, тату тірліктің үлгісін көрсетіп келеді.<blockquote>Мемлекет басшымыз Қасым-Жомарт Кемелұлы Сыр бойында өткен Ұлттық құрылтайда: «Соңғы жылдары Қызылорда облысы заман талабына сай өсіп-өркендеп жатыр», – деп ерекше атап өтіп, атқарылған жұмыстарға оң бағасын берді. Алдағы уақытқа да Сыр өңірінің әлеуметтік-экономикалық жағдайын жақсартуға, сәулеттік келбетін жаңартуға, заманауи ғимараттардың бой көтеруіне бағытталған жаңа жобалар жоспарланған. Бұл бастамалар ардагерлеріміздің ақыл-кеңесімен, тұрғындарымыздың сұранысына сәйкес іске асуда. Еліміздің тұрақты дамуы мен халықтың бірлігін сақтауда ардақты ардагерлеріміздің орны ерекше», – деді Н.Нәлібаев.</blockquote>Жиында Мұхтар Алтынбаев пен Икрам Адырбеков сөз сөйлеп, атқарылған жұмыстарға оң бағасын берді. Сонымен қатар мемлекет және қоғам қайраткерлері Бекмырза Еламанов, Ибрагим Әбибуллаев, облыстық ардагерлер кеңесінің төрағасы Серік Дүйсенбаев, Қорқыт ата атындағы Қызылорда университетінің басқарма төрағасы – ректоры, облыстық «Әділетті және Прогрессивті Қазақстанның Халықтық Конституциясы үшін!» өңірлік коалиция жетекшісі Наурызбай Байқадамов Конституциялық реформаға қатысты пікірлерін ортаға салды.Сондай-ақ Конституциялық реформа жөнінде жарты жылға жуық уақытқа созылған, әртүрлі алаңдарда жүргізілген жалпыхалықтық талқылаулар қоғамның саяси белсенділігі мен азаматтық жауапкершілігінің айқын көрінісі екені айтылды. Ел тағдырына қатысты маңызды шешімдерді халықтың тікелей дауыс беруіне ұсыну – демократияның шынайы әрі мызғымас қағидаты. Жаңа Конституция жобасында мемлекетіміздің іргелі негіздері, басты құндылықтары мен дүниетанымдық ұстанымдары жүйеленіп, заманауи талаптарға сай жаңғыртылды.Еске салсақ, қаламызда өткен тарихи маңызды жиында Мемлекет басшысы Қызылорда қаласында 48 млрд 500 млн теңгеге перзентхана, 14 млрд 780 млн теңгеге емхана салынатынын, 36 млрд 400 млн теңгеге көпбейінді аурухананың құрылысы басталғанын жариялаған еді. Өткен аптада аталған медицина нысандарының және Титов қыстағында ауысымына 400 келушіге арналған емхананың іргетасы қаланды.<img src="https://knadmin.beoblood.kz/uploads/Ardagerlermen_kezdesu_3_ffedd41cd5.jpg" alt="Ардагерлермен кездесу 3.jpg">

Аймақ басшысы ардагерлер және зиялы қауым өкілдерімен кездесті

<a href="https://kyzylorda-news.kz/">Kyzylorda-news.kz</a> &nbsp;«Жол активтері сапасының ұлттық орталығы» республикалық кәсіпорны еліміз үшін маңызды жаңа Конституция жобасын ұжыммен талқылап, Ата заңға енгізілген түзетулермен кеңінен танысты. Орталықтың бас директоры Болатбек Айтбаевтың төрағалығымен өткен жиынға облыстық филиал басшылары мен мамандары «Zoom» платформасы арқылы онлайн қатысты.&nbsp;Кездесу барысында Қазақстан Республикасының жаңа Конституциясын қабылдауға байланысты мәселелер, оның негізгі ережелері және елдің одан әрі дамуы үшін маңызды бағыттары айтылды. Сонымен қатар құқықтық аспектілерге және құқықтық мәдениетті қалыптастырудағы әрбір ұжымның рөліне ерекше назар аударылды. Осындай талқылаулар ортақ түсінік қалыптастыруға және барлық деңгейдегі қызметкерлердің хабардар болуын қамтамасыз етуге мүмкіндік береді. Және де жолшылар 15 наурыз күні өтетін республикалық референдумға бей-жай қарамай, ел ертеңі үшін маңызды науқанға қатысуды азаматтық парыз санайды.

Жолшылар Конституцияның жаңа жобасын талқылады

<a href="https://kyzylorda-news.kz/">Kyzylorda-news.kz</a> Республикалық, өңірлік және қалалық жалпыұлттық коалиция өкілдері – Руслан Рүстемов, Гүлшат Мұсаева, Садық Мұстафа, Бақтияр Сыздықов және Арайлым Байжігітова – «Ассоль» тұз зауытының еңбек ұжымымен кездесті.Кездесу барысында коалиция мүшесі Руслан Рүстемов жаңа Конституция жобасында қамтылған негізгі бағыттарға тоқталды. Оның айтуынша, құжатта заң үстемдігі, қоғамдық диалог, экологиялық мәдениет, тарихи-мәдени мұраны сақтау және адам капиталын дамыту мәселелері көрініс тапқан. Сонымен қатар цифрлық ортадағы құқықтарды қорғау, дербес деректердің қауіпсіздігі, жеке өмірге қол сұқпаушылық, ақпарат еркіндігі және цензураға тыйым салу нормалары нақтыланған. Адвокатураға қатысты жеке бап енгізіліп, білікті заң көмегіне кепілдіктер күшейтілгені айтылды.Жиында еңбек құқықтары мен әлеуметтік кепілдіктер мәселесіне де назар аударылды. Жоба аясында еңбек ету құқығы, әлеуметтік қамсыздандыру және қауіпсіз еңбек жағдайлары жөніндегі нормалар қарастырылғаны баяндалды.Кездесу барысында қатысушылар өз пікірлерін білдіріп, сұрақтарын қойды. Зауыт басшысы Нариман Әбжанов ұжым атынан кездесуді ұйымдастырушыларға алғыс білдіріп, алдағы республикалық референдумға қатысатынын жеткізді.<img src="https://knadmin.beoblood.kz/uploads/Assol_t_z_ndiru_zauyty_2_f5eca02bb2.jpg" alt="Ассоль тұз өндіру зауыты 2.jpg">

«Ассоль» тұз зауытында жаңа Конституция жобасы талқыланды

<a href="https://kyzylorda-news.kz/">Kyzylorda-news.kz</a> Республикалық, өңірлік және қалалық жалпыұлттық коалиция өкілдері Руслан Рүстемов, Гүлшат Мұсаева, Бақытбек Алпысбаев, Қуат Шарабадинов, Асылжан Жаманқұл және Ерлан Алтаев Абылайхан атындағы колледжінің ұжымымен, оқытушылар қауымымен кездесті.Республикалық коалиция өкілі Руслан Рүстемұлы жаңа Конституция жобасының халықтың талап-тілектері мен сарапшылардың пікірлері, саяси партиялардың пайымдары ескеріле отырып, жазылған жоба екенін атап өтті. 2026 жылғы қаңтарда өткен Ұлттық құрылтай отырысында реформаның жалпы тұжырымдамасы жарияланып, қоғамдық талқылаулар нәтижесінде түзетулер ауқымы бастапқы жоспардан әлдеқайда кеңейгені белгілі болды. Соның негізінде Конституциялық комиссия құрылып, оның құрамына 130 адам – қоғамның барлық саласының өкілдері кірді.&nbsp;Осы бағытта арнайы жұмыс тобы құрылып, оның құрамына заңгерлер, сарапшылар, саяси партиялар мен қоғамдық ұйым өкілдері енгізілді. Сонымен қатар азаматтар eGov және e-Otinish порталдары арқылы өз ұсыныстарын жолдап, талқылау процесіне белсенді қатысты. Соның бір дәлелі - шиелілік тұрғынның Гимн сөзін Әнұран деп өзгерту бойынша ұсынысының қабылданғанын да көріп отырмыз.&nbsp;Жаңа Конституция жобасының басты ерекшелігі – адам құқықтарына басымдық берілуі. Құжаттың Преамбуласында бірлік, татулық, этносаралық және конфессияаралық келісім мемлекеттіліктің негізі ретінде бекітілген. Егемендік, Тәуелсіздік, унитарлық құрылым және аумақтық тұтастық мызғымас құндылықтар ретінде айқындалғанын атап өтті.&nbsp;<blockquote>– Жобада неке ерікті және тең құқықты ер мен әйелдің одағы екенін нақтылайды. Бұл дәстүрлі отбасылық құндылықтарды қорғауды күшейте отырып, әйелдердің құқықтарын құқықтық тұрғыдан нығайтады. Дін мен мемлекеттің ара-жігі айқын ажыратылып, білім беру жүйесінің зайырлы сипаты бекітілген. Сонымен қатар ұлттық мәдениетті қолдау және тарихи мұраны сақтау конституциялық деңгейде негізгі қағидаттардың біріне айналды, – деді қалалық коалиция жетекшісінің орынбасары Гүлшат Исақызы.</blockquote>Оқытушылармен кездесуде өңірлік коалция өкілі Бақытбек Алпысбаев жаңа Конституция жобасы – ашық талқылаулар мен азаматтық белсенділіктің нәтижесі екенін айтып, құжатта қоғамнан түскен мазмұнды ұсыныстар көрініс тапқанын жеткізді. Оның өзі де аталмыш жобаға ұсыныстар жібергенін жеткізді.

Абылайхан колледжінде жаңа Конституция жобасын түсіндіру бойынша кездесу өтті

<a href="https://kyzylorda-news.kz/">Kyzylorda-news.kz</a>&nbsp;Қызылорда қалалық орталық «Нұр» мешітінің бас иамамы Берік Сүлейменовтың ұйымдастаруымен қаладағы «Айтбай» мешітінде «Ислам және адал қоғам» тақырыбында еркін ашық алаң ұйымдастырылды. Оған қалалық ардагерлер кеңесінің төрағасы Өмірбек Шәменов және дін өкілдері қатысты.Ашық алаңды Берік Мәдиұлы ашып, бас қосудың мәні мен мағынасына тоқталды. Алғашқы сөз қалалық ардагерлер кеңесінің төрағасы Өмірбек Мөрәліұлына берілді.&nbsp;<blockquote>– Құрметті ардагерлер мен дін саласының өкілдері! Біз бүгін «Ислам және адал қоғам» тақырыбы аясында ой бөлісу мақсатында бас қосып отырмыз. Бұл өте құптарлық іс. Өздеріңіз білесіздер, Ислам діні ең алдымен адалдықты алға қояды. Адал табыс, адал ас, таза сөз, адал іс. Пайғамбарымыз: «Адалдық – жақсылыққа, жақсылық – жәннатқа бастайды» деген. Мемлекет басшысы Қ.Тоқаев «Әділетті Қазақстан», «Таза Қазақстан» құру себептері осыған саяды. Бұл бір күнде құрыла салатын нәрсе емес. Бұл &nbsp;әділ экономика, таза басқару, ел тілегіне құлақ түре білетін мемлекет болуды меңзейді. Бір сөзбен айтқанда иман бар жерде – ұят бар, ұят бар жерде –адалдық бар, адалдық бар жерде – береке бар. Мен бүгін дін өкілдерімен бас қосып қоғамға қажетті пікірмен ой бөлісіп отырғанымыз үшін, Берік қажыға алғысымды айтамын, – деді.&nbsp;</blockquote>Мұнан соң ардагерлер Рамазан Молдашов, Жақсыбай Жәкеев, Сисенбі &nbsp;Шермаханов, Жүзбай Таңрықбаев өз ойларын бөлісті. Ашық алаңда бүгінгі қоғамдағы Исламның орны, тәрбие мен тәлім, отбасы туралы, ел басқарудағы ниеттің түзу болуы жөнінде кеңінен ой өрбітті. Ашық алаң өте тартымды, қызықты ойларға ұласты.Келелі ашық отырысты қорытындылаған қалалық орталық «Нұр» мешітінің бас имамы Берік қажы Сүлейменов бас қосуға келген ардагерлерге шексіз ризашылығын білдірді.<img src="https://knadmin.beoblood.kz/uploads/Whats_App_Image_2026_02_26_at_23_38_15_eece4d7b10.jpeg" alt="Ардагерлер басқосу.jpeg">

Ардагерлер бас қосып, бірқатар мәселелерді талқылады

<a href="https://kyzylorda-news.kz/">Kyzylorda-news.kz</a> Бүгін «27 ақпан – Дүниежүзілік үкіметтік емес ұйымдар» күніне арналған «Үкіметтік емес ұйымдардың әлеуеті арқылы жергілікті қоғамдастық қызметін дамыту» тақырыбында кездесу өтті.Іс-шараға қала әкімінің орынбасары Ділмұхамед Абызов, «Қызылорда облысының Үкіметтік емес ұйымдарының Альянсы Ассоциациясы» заңды тұлғалар бірлестігінің төрайымы Анар Ізден және үкіметтік емес ұйымдардың өкілдері, кент және ауылдық округ әкімдері мен жергілікті қоғамдастық мүшелері қатысты.Мерекелік жүздесуде азаматтық қоғам мен мемлекеттік органдар арасындағы өзара іс-қимылды нығайту, жергілікті қоғамдастықтардың жұмысын жандандыру, ауылдық аумақтарды дамыту және әлеуметтік жобаларды тиімді іске асыру мәселелері талқыланды.Сондай-ақ, жергілікті өзін-өзі басқарудың қаржылық дербестігін арттыру, 4-ші деңгейлі бюджетті енгізу және азаматтық сектордың әлеуетін дамыту бағытында маңызды ұсыныстар айтылды.Жиын соңында үкіметтік емес ұйымдардың өкілдері қала әкімінің алғыс хаты мен арнайы сыйлықтармен марапатталды.Фото: Қызылорда қаласының әкімдігі

ҮЕҰ өкілдері марапатталды

<a href="https://kyzylorda-news.kz/">Kyzylorda-news.kz</a> &nbsp;Арал ауданының әкімі Аманжол Оңғарбаев бекітілген кестеге сәйкес азаматтардың жеке мәселелері мен өтініштері бойынша қабылдау өткізді.Жеке қабылдауға келген тұрғындар аудан басшысына ұсыныс-тiлектерiн жеткізіп, мәселелерiнiң оң шешiмiн табуына ықпал жасауды сұрады.Қабылдауға жазылған азаматтардың басым көпшілігі жұмысқа орналасу және тұрғын үй алуға қатысты мәселелерін айтты.Азаматтардың ішінде ауданның экологиялық мәселесіне алаңдаушылық білдіріп, өз жобасын ұсынған азаматтар да, елге ортақ мәселелерді көтере келген азаматтар да болды.Аудан басшысы келушілердің мәселелеріне жеке дара тоқталды. Тұрғындардың өтінішіне сай жауапты бөлім басшыларына заң шеңберінде барлық мүмкіндіктерді қарастыруды тапсырды.Фото: Аудан әкімінің баспасөз қызметі

Арал ауданының әкімі жеке қабылдау өткізді

<a href="https://kyzylorda-news.kz/">Kyzylorda-news.kz</a> &nbsp;2025 жылы 60 мыңнан астам қазақстандық мемлекеттік қызметтерді жеке менеджер арқылы алуды таңдаған. «Жеке менеджер» қызметі халыққа қызмет көрсету орталықтарында, көшпелі қызмет көрсету форматында да қолжетімді, деп хабарлайды «Азаматтарға арналған үкімет» Мемлекеттік корпорациясы.«Жеке менеджер» қызметі барлық ХҚКО-ларда, оның ішінде мамандандырылған орталықтарда көрсетіледі және басымдықпен қызмет алуға мүмкіндік береді. Қызметті пайдалану үшін тіркеу орнына жүгініп, келісімшарт жасау қажет. Осыдан кейін маман құжаттарды рәсімдеудің барлық кезеңінде қызмет алушыға жеке көмек көрсетеді.Қызмет құны халыққа қызмет көрсету орталықтарында – 5 697 теңге, ал мамандандырылған ХҚКО-ларда – 6 306 теңге.ХҚКО-ға түрлі себептермен келе алмайтын азаматтар үшін жеке менеджердің көшпелі қызмет көрсету форматы қарастырылған. Маман алдын ала берілген өтінім негізінде келісілген уақыт пен мекенжайға барады. Көшпелі қызмет көрсету құны – 7 447 теңге. Бұл сомаға ұйымдастыру және логистикалық шығындар кіреді.Айта кетейік, көшпелі формат ХҚКО-ның мемлекеттік қызметтері бойынша ұсынылады. Алайда паспортты, жеке куәлікті, жүргізуші куәлігін рәсімдеу және көлік құралдарын қайта тіркеу қызметтері бұл форматта көрсетілмейді.Аталған қызмет әсіресе кішкентай баласы бар ата-аналар, жұмыс кестесі тығыз азаматтар және кәсіпкерлер арасында сұранысқа ие. Дегенмен оны кез келген өтініш беруші өз қалауымен пайдалана алады. Бұл формат қызмет алуды алдын ала жоспарлап, күту уақытын барынша азайтуға мүмкіндік береді.Жеке менеджердің көшпелі қызметіне өтінім беру үшін Мемлекеттік корпорацияның ресми сайтындағы «Қызметтер» бөліміне өтіп, «Жеке менеджердің үйіне бару» бөлімін таңдау қажет. Одан кейін «Өтінім қалдыру» батырмасын басып, қажетті мәліметтерді толтыру керек.Өтінім жіберілген соң көрсетілген телефон нөміріне растау коды бар SMS-хабарлама жолданады. Бір жұмыс күні ішінде оператор өтініш берушімен байланысып, қызмет көрсету уақыты мен өзге де мәліметтерді нақтылайды.Сонымен қатар, 1414 бірыңғай байланыс орталығы арқылы кеңес алып, өтінім қалдыруға болады. Кеңес берілгеннен кейін өтініш берушіге жеке менеджерді үйге шақыру үшін арнайы сілтеме SMS арқылы жіберіледі.Мемлекеттік корпорация азаматтардың қажеттіліктерін ескеретін және мемлекетпен өзара байланысты жеңілдететін қызметтерді кезең-кезеңімен енгізуді жалғастырады.Фото: ХҚКО

Мемлекеттік қызметті жеке менеджер арқылы алу: сервис қалай жұмыс істейді?

<a href="https://kyzylorda-news.kz/">Kyzylorda-news.kz</a> Қазақстанда мемлекеттік қызметтер кезең-кезеңімен цифрлық форматқа көшіп жатыр. Қазіргі таңда мемлекеттік қызметтер тізілімінде 1448 қызмет бар, оның 1278-і онлайн форматта қолжетімді. Осындай цифрлық арналардың бірі – «ЦОН» мобильді қосымшасы. Онда 18 қызмет іске қосылған, оның ішінде бейне қоңырау форматында 79 қызмет түрі бар, деп хабарлайды «Азаматтарға арналған үкімет» Мемлекеттік корпорациясы.Мемлекеттің корпорацияның мәліметінше, 2025 жылы «ЦОН» мобильді қосымшасын 2 миллионнан астам адам жүктесе, 2026 жылдың басынан бері тағы шамамен 370 мың пайдаланушы қосылған. Қосымша арқылы азаматтар уақытын үнемдеп, кезекті алдын ала жоспарлап, QR-талон алып, өтініштерінің мәртебесін және құжаттарының жеткізілуін онлайн қадағалайалады.Пайдаланушылар ең жиі таңдайтын қызметтердің бірі – электронды талон алу. Қосымша іске қосылған сәттен бері пайдаланушылар 3,5 миллионнан астам электронды талон рәсімдеген. Бұл қызмет азаматтарға бөлімшеде тіркеу рәсімін оңайлатып, қызмет алу процесін ыңғайлы етеді.Қосымша қашықтан қызмет алу мүмкіндігін де ұсынады.Пайдаланушылар құжаттардың жеткізілуін онлайн бақылай алады, сондай-ақ «Бейне қызметі» арқылы маманмен бейне байланысқа шығып, бөлімшеге бармай-ақ кеңес алып, қызметті рәсімдей алады.Көлікке қатысты бірқатар рәсімдер де цифрлық форматқа көшірілген. Қосымшада автокөлікті сатып алу-сату шартын рәсімдеу, көлік тарихын тексеру, мемлекеттік тіркеу нөміріне тапсырыс беру және жүргізуші куәлігін алу үшін емтиханға жазылу қызметтері қолжетімді.Мемлекеттік корпорацияның атап өтуінше, «ЦОН» мобильді қосымшасы халықпен өзара байланыстың негізгі онлайн құралдарының біріне айналды. Цифрландыру және жасанды интеллект жылы аясында бұл платформа мемлекеттік қызметтерді автоматтандыру мен қолжетімділікт іарттыру бағытында өз жұмысын жалғастырады.

«ЦОН» мобильді қосымшасы: қазақстандықтар қосымша арқылы қанша қызмет түрін алады

<a href="https://kyzylorda-news.kz/">Kyzylorda-news.kz</a> Шиелі кентіндегі Руханият орталығы ғимаратында «Ардагерлер кеңесі» және «Қоғамдық кеңес» мүшелерімен кездесу ұйымдастырылды.Кездесудің спикері – Шиелі ауданының әкімі Айтбай Насриддинұлы 2025 жылы атқарылған жұмыстар бойынша есеп беріп, 2026 жылға арналған жоспарлармен бөлісті. Ауданның әлеуметтік-экономикалық дамуы, инфрақұрылымдық жобалар, тұрғындардың әл-ауқатын арттыру бағытындағы бастамалар кеңінен талқыланды.Сонымен қатар, алдағы референдумның маңызы айтылып, оның ел дамуы үшін стратегиялық мәні түсіндірілді. Қатысушылар өз пікірлерін білдіріп, ұсыныстарын ортаға салды.Кездесу ашық әрі мазмұнды форматта өтіп, ардагерлер тарапынан қойылған сұрақтарға нақты жауаптар берілді. Мұндай басқосулар қоғам мен билік арасындағы байланысты нығайтып, ортақ мақсаттарға жетуге жол ашады.

Қазақстан және Қызылорда облысының жаңалықтары: Қоғам