<a href="https://kyzylorda-news.kz/">Kyzylorda-news.kz</a> Қазақ атамыз ертеден-ақ дүниені байлыққа санамаған.&nbsp;Себебі ол, тозады, ескіредіге есептеген. Нағыз байлық деп – рухани байлықты атаған. Бұл жөнінде әлем әдебиетінің абызы, халық жазушысы Әбіш Кекілбаев "Жалпақ әлемді аузыңа қарату үшін – рухани ерлік керек, жалпақ әлемге қысылмай, қымтырылмай қарау үшін – рухани байлық керек" деп ой түйіндеген. Рухани байлық алдымен өзіңді-өзің тану әрі білім, оқу-тоқу арқылы өзіңді қамшылау, жетілдіру болмақ. Соның бір сағасы – бұқаралық ақпарат құралдары. Осындай орасан еңбекте сала ардагерлерінің де толассыз еңбегі жатыр.&nbsp;«Қармақшы таңы» аудандық газетінде саналы ғұмырын арнап, зейнет демалысына шыққан ардагер-журналист Бақыт Қаналиевамен болған сұқбатымызды оқырман назарына ұсынамыз.– Бақыт Тәжібайқызы, журналистика саласында ұзақ жыл еңбек еттіңіз. Түрлі тақырыпқа қалам салдыңыз әрі талай жастың осы мамандыққа келуіне себепкер болдыңыз. Жалпы мамандықтың маңызы неде және одан қандай ой түйдіңіз?– Журналист болу – өте жауапты жұмыс. Елдің білімі қай деңгейдегі адамы болса да, соған айтарыңды түсінікті етіп айтуың, жеткізуің керек. Этикалық өлшем, жылы қарым-қатынас орнату, кейіпкердің болмысын аша білу – соның бәрі тілшінің мойнындағы дүние. Негізі, қоғамдағы болып жатқан жаңалықтар легін қабылдаудың өзі оңай емес. Ал енді оны алғаш болып халыққа таратып, насихаттау журналиске үлкен жауапкершілік жүктейді. Саланың маңыздылығы жаңалық таратумен бітпесе керек. Елмен етене жүріп, қызықты тақырыпты да, күнделікті ақпаратты да қамтуға тиіссің. Әдетте, барлық мамандықтың өзіне тән қуанышы мен қиындығы болады. Дегенмен, қырық жылғы еңбек жолымда түйгенім – журналистің жұмысы күрделі әрі үнемі ізденісті қажет етеді. Қазіргі көзбен қарағанда, халыққа газеттің қағаз нұсқасымен қоса, электронды түрі де қатар жұмыс істеуде. Заманның озық үлгісіне сай, сайттар мен түрлі әлеуметтік желілерге тарату да осы тілші қауымның еншісінде. – Уақытпен санаспайтын бір мамандық болса, ол – өзіңіз білетіндей журналист...– Менің еңбек жолым Кеңес одағы тұсымен де, тәуелсіздіктің тұғырлы жылдарымен де тығыз байланыс­ты. Өткен формациядағы қатып қалған қағиданы жаңа әлеуметтік-демократиялық көзқарасқа өзгертіп, егемен елдің жаңалығын насихаттауда біздің тілшілеріміз аянып қалмады. Әлі де тер төгіп, аттан түспей келеді. Оған бір дәлел – әлем басына ауыр іс түсірген пандемия кезеңінде жанкештілік танытып, алдыңғы қатарда, қауіпті аймақтарда жүрді. Көптеген репортаж, мақала, сұқбаттар жазды. Кейіпкерінің образына еніп, солардың әрбір атқарған жұмысы мен еткен еңбегінің нәтижесін шынайы түрде оқырманына жеткізе алды. Медицина, полиция, әскерилермен қатар, еріктілердің де еңбегін тұрақты ақпараттандырып, газет беті мен сайттарға, әлеуметтік желілерге үзбей жариялап отырды. Соның бір дәлелі – жақында жерлесіміз, "Сыр медиа" ЖШС-на қарасты Kyzylorda-news.kz ақпарат агенттігінің бас редакторы Нұрсұлтан Мықтыбай Қазақстанның баспасөз, радио және интернет-журналистика саласындағы "Үркер" Ұлттық сыйлығы байқауында "Жылдың үздік репортажы" номинациясы бойынша жеңімпаз атанды. Бұл біріншіден, Сыр елінің журналистикасына сүйінші жаңалық болса, екіншіден, карьерасын енді бастап жатқан жас журналистерге үлкен серпін.– Жауапты қызметке жап-жас болып келіп, ардагер болып шыққан аудандық басылымда аға буын өкілдерінің қайталабас қолтаңбасы бар...– Аудандық басылым – менің өмірімнің өнегелі мектебі. Еңбек жолы Қанибек Молдахметов, Сапабек Махмутов, Рашид Жарылқасынов, газетке басшылық еткен Әзілхан Аманов, Алтай Үсенов, Шегебай Құндақбаев тағы басқа әріптес-аға-інілеріміздің орны бөлек. Бұл кісілердің қай-қайсысы болсын ауылдың азаматтары. Елдің ағасы болған кісілер. Сонымен бірге, Алтын Убайдуллаева, Баян Әлиасқарова апамызды айта аламын. Мәриямкүл, Ақсұлу, Галя, Жадыра, Жұмагүл, Баян атты замандастарым бүгінде әже атанған. Қазір ауылдың әкімі болып отырған Нұржамал Бектайқызы, «Қармақшы таңынан» еңбек жолын бастаған қыздарымыздың алды республикаға танымал тұлғалар. Олар – Жайна Сламбек, Гүлжазира Жалғасова, Бота Бөрібаева тағы басқалары.– Журналисті өсіретін не нәрсе?– Негізі қай мамандықта да ізденіс болмаса, бір орында тұрып қалады. Даму тежеліп, тоқайрайды. Соның ішінде сөзімнің басында айтқанымдай, журналиске әркез білімін жетілдіріп, айналасына сергек қарау ләзім. Әр тұстың өз саясаты болады. Уақыттың тынысын, ағымын саралау, қоғамды игілікке ұйыту, бірлік пен берекені назарда ұстау да – осы сала сарбаздарының үлесіндегі сүбелі дүние.– Соңғы шамада газеттің келешегі жайында әртүрлі пікір айтылуда. Ардагер ретінде оған сіздің көзқарасыңыз?– Мейілінше, мерзімді баспасөзге әркім өз сүйіспеншілігімен жазылады. Менің тұстастарымның бәрі газетті іздеп оқиды. Ауданның бас басылымы – «Қармақшы таңын» Қармақшының жыр, өнерсүйер халқы жақсы көреді. Тіпті оны нөмірлеп, отбасылық мұрағат үшін тігіп жинайтынды да кездестіріп жүрміз. 40 жылдық еңбек тә­жі­рибемде ұққаным, ойлы оқырман газетті іздеп оқиды.– Қазір әлеуеттің назарын аударатын бір жүйе болса – ол әлеуметтік желі. Сіз осы желі дегенді қолдайсыз ба?– Жаңалықтан соншалықты қашқаным емес. Бірақ кейде желіден ақпараттың ақиқаты мен жалғанын айыра алмай жататынымызды жоққа шығара алмаймыз. Сол себептен де қолдамаймын. Мен үшін газеттің орны ерекше. Оны қолмен ұстап, парақтап қарайсың. Түсінбеген жеріңізді қайтадан көз жүгіртіп, керек тұсының астын сызып тұрып оқу үшін де газетті жақсы көремін.– Үш перзентті дүниеге әкеліп, мәпелеген анасыз. Ананың жүрегі қашаннан кең әрі мейірімге толы. Аналарымыз туралы да пікіріңізді білдіре отырсаңыз?– Қазір әйелдер сауатты. Кәсіпті біркісідей дөңгеліп әкетіп жатқан да әйел-аналар. Олар адамға, әр жанұяға, балаға не керек екенін, сонымен бірге жастардың талғамының қандай болатынын біледі. Сондықтан да әйел кәсіпкерлер пысығырақ па деймін. Табиғаты жағынан үйлестіргіш, сұрыптағыш әйел ғой. Үйдің жиһазы, сәндік нәрселерді де екшеп білетін – солар. Осыны көріп жүрген кейбір ер кісі «әйелдер бұрынғыша күйеуін күтіп үйде отыруы керек еді, қазір өзгеріп кетті» деп нәзікжандыларға өкпе артатыны содан ба деген ойға келесің. Өз басым кәсіпте жүрген қыз-келіншектерді қолдаймын. Әйел – саясаткер, әйел – ұстаз, әйел – отбасында ұйымдастырушы, еріне – жар, балаларына – ана болып жүрген ана қаншама. Дәл сондай нәзікжандылар көбейе берсе екен деп ойлаймын. Әйел-ана туралы нашар көзге қосылмаймын. Кейбір енелер келіндерінің заманауи өзгерістерін көтере алмайды, түсіне білмейді. Түсінсе де соңынан барып түсініп жатады. Қазіргі кезде әйелдерге жаңаша көзқарас керек секілді.– Жас журналистерге берер кеңесіңіз?– Журналистика – тынымсыз ізденісті, терең білімді, ұшқыр қиял мен табиғи дарындылықты қажет ететін сала. Біздің тұсқа қарағанда, қазіргі журналистерге міндет өте зор деп есептеймін. Өйткені, біздің кезіміздегі саясат басқашалау болды. Қазір оқырмандардың талабы бұрынғыдан да күшейіп кеткен бе деймін?!&nbsp;Ел мен жер тарихын, мәдени мұра тұрғысында да әлі де болса материалдар жариялануы керек. Біздің қатарымыз пышақтың қырындай келетін жұп-жұқа Қазақстан тарихын оқыды. Жұрт кейде көшелерге әкелерінің, аталарының атын берді деп өкпе артып жатады. Ол – дұрыс емес. Сол кісілердің барлығының еңбегі бар адамдар. Тегіннен-тегін айтылмайды. Сондай тұлғаларды айта түсу керек. Әдет-ғұрып, салт-дәстүрімізге де орын берсек, артық емес.– Ауданның бас басылымының оқырмандарына тілегіңіз болса?– «Қармақшы таңы» қармақшылықтардың әрбірінің отбасының төрінен орын алсын. Газетке жазылып, рухани азықтанғаннан адам азбайды, керісінше түлейді. Айналасындағы жаңалықтардан хабардар болып отырады. Одан оқырман ұтылмайды. Өңірдің басылымы – біздің сүйікті газетіміз. Тоқсан жылдан аса ғұмыры бойы үлкеннің сырласы, жастың ақылшысы болып келе жатқан «Қармақшы таңы» ұжымына шығармашылық табыс тілеймін!– Әңгімеңізге рақмет!Әңгімелескен Сәрсенкүл Жаудатбекқызы

Бақыт Қаналиева:  Уақыттың тынысын саралау журналистке жүктелген жұмыс

&nbsp;<a href="https://kyzylorda-news.kz/">Kyzylorda-news.kz</a>&nbsp; Қазіргі таңда Сырдария ауданы бойынша қоғамдық-саяси ахуал тұрақты. 2024 жылғы ІІ тоқсанына Шіркейлі, С.Сейфуллин ауылдық округтердегі жер мәселесі және Тереңөзек кентіндегі апатты үйлер шиеленіс картасына енгізілген болатын.&nbsp; Аудандық қоғамдық-саяси ахуалға және тұрғындардың көңіл-күйіне әсер ететін бұқаралық ақпарат құралдары мен әлеуметтік желілерге күнделікті мониторинг жүргізіліп отыр. Сырдария ауданы әкімдігі және оған қарасты мекемелермен фейсбук және инстаграм желілері арқылы 1000-ға жуық материал жарияланды.&nbsp; &nbsp;Сырдария ауданы бойынша діни ахуал тұрақты. Есепті мерзімге дейін қоғамдық-саяси, діни шиеленіс тудыратын проблемалық мәселелер орын алған жоқ.Қазіргі таңда, аудан бойынша 15 мешіт, 1 өзге діни бірлестік тіркеліп, жұмыс жасауда. Оның ішінде 4 мешіт бейне кармералармен қамтамасыз етілген.2024 жылы аудан тұрғындары арасында діни экстремизмнің және тероризмнің алдын алу бағытында облыстық қоғамдық даму басқармасы арқылы құрылған облыстық ақпараттық-түсіндіру тобы жұмыс жасауда.&nbsp; Топ құрамында ауданнан 7 адам енгізілді. Ақпараттық топ мүшелерімен бірлесіп, қарсынасихаттық жұмыстар тұрақты түрде жүргізіліп келеді. Жыл басынан бері 31 кездесу мен 4 акция ұйымдастырылып, 1392 адам қамтылды. Нақты контингент ретінде пробацияда тіркеудегі азаматтар, NEET санатындағы жастар, жұмыссыз азаматтар және әр түрлі санаттағы аудан тұрғындары қамтылды. Өткізілген шараларға республикалық, облыстық түсіндіру тобының 4 теологы, 2 психолог маман тартылған.&nbsp; &nbsp;Облыстық дін істері басқармасы арқылы ұсынылған бейне және фото материалдар, аудан көлемінде өткізілген барлық профилактикалық іс-шаралар туралы ақпараттар facebook желісіндегі арнайы ашылған «Дін және дәстүр» парқшасында, instagram желісінде «Сырдария LIVE», жастар контенті жиналған «Сырдария аудандық жастар ресурстық орталығының» tik-tok, instagram, facebook парақшалары, аудандық «Тіршілік тынысы» газеті &nbsp;мен газеттің сайты пайдаланылуда. Жыл басынан бері қарсы насихаттық 451 материал орналастырылды.&nbsp; Сырдария ауданы бойынша жалпы халық саны - 37890, оның ішінде 14-35 жас аралығында 11727 жас (олардың &nbsp;6484 ерлер, 5243 әйелдер), халықтың 30 % құрайды. 2024 жылға арналған іс-шаралар жоспарына сәйкес 65 шара ұйымдастырылып, 863 жас қамтылды. Өткен жылы республикада жастардың өңірлік базасы яғни отбасылық цифрлық картасы іске қосылып, аудан бойынша NEET санатындағы 245 жастың тізімі енгізілген. Өткен жылы 56,33 % құраса, ағымдағы жылдың ақпан айында 72,65 % құрады. Қазіргі таңда 130 жасты өзектендіру жұмыстары жүргізілуде. Жастар арасындағы жұмыссыздық деңгейі 4% немесе 309 адамды құрайды. «Жасыл ел» жобасына 110 жас (маусым-тамыз) маусымдық жұмыспен қамтылады. Оның ішінде 27 жас (маусым айы) кент орталығында тазалық жұмыстарына белсене қатысуда.Аудандық пробация қызметі және аудандық жастар ресурстық орталығымен меморандум жасалып, пробация есебінде тұрған 26 азаматпен әр айдың 5-і күні кездесу жоспарланған.Кәмелеттік жасқа толмаған жасөспірімдер мен жастар арасында заңды өкілдерінсіз түнгі уақытта жүруі бойынша 7 рейдтік іс-шаралар ұйымдастырылып, жастарға түсіндірме жұмыстары жүргізілді.Аудан көлемінде мемлекеттік рәміздерді насихаттау, халықтың рәміздерге деген құрмет сезімін қалыптастыру мақсатында мемлекеттік рәміздер жөніндегі аудандық комиссия тұрақты жұмыс жасауда. Мемлекеттік рәміздер жөніндегі аудандық комиссияның отырысы бекітілген жұмыс жоспарына сәйкес жылына 2 рет өткізу жоспарланған. Аудан әкімдігі тарапынан аудан көлеміндегі мемлекеттік мекемелердегі рәміздердің жай-күйі күнделікті қатаң бақылауға алынып, тиісті зерделеу жыл басынан бері 1 рет жүргізілді.Ауданда жалпы саны 463 әртүрлі этнос өкілдерінің 16 түрі мекен етеді. Аудандық ассамблеяның құрамы – этномәдени бағыттағы бірлестік өкілдерінен, қоғамда өзіндік орны, абырой-беделі бар тұлғалардан тұрады. Ассамблея қазіргі таңда, «Аналар кеңесі», «Қоғамдық келісім кеңесі» және «Медиация» бойынша жұмыстар атқаруда. Сонымен қатар, этносаралық қатынастар саласындағы мемлекеттік саясатты жүргізу үшін аудан көлемінде тұратын этнос өкілдерінің ұлттық салт-дәстүрлері мен әдет-ғұрыптарын қолдау мақсатында аудандық қоғамдық даму бөлімі арқылы «Қоғамдық бірлік пен тұрақтылықты қалыптастыру, этносаралық қатынастарды дамыту» әлеуметтік &nbsp;жобасы бойынша «Сырдария ауданының әйелдері» қоғамдық бірлестігі жеңімпаз атанып, тиісті жұмыстар жүргізуде. Жоба аясында 5 іс-шара &nbsp;ұйымдастырылып өткізді. Гендерлік саясаттың басты мақсаттарының бірі – ана мен баланың денсаулығын қорғау болып табылады. Сырдария ауданы бойынша халық саны 37821 адамды құрады. Оның ішінде ерлер саны 19503 ( 51,6%), әйелдер саны 18318 (48,4%) адам. Аудандағы 38 мыңға жуық халықтың 48 пайызын әйел-аналар, қыз-келіншектер құрайды. Олардың басым көпшілігі білім, денсаулық, мәдениет салаларында қызмет жасайды. «Сырдария ауданының әйелдері» қоғамдық бірлестігінің жанынан &nbsp;құрылған «Жас отау» клубы және «Әжелер мектебі» жұмыс жасайды. Отбасы құндылықтарына, ана мен бала мәселелеріне байланысты қоғамдық бірлестіктің жұмыстарының айтарлықтай маңызы бар. «Жас отау» клубында&nbsp;жаңадан бас қосқан жас жұбайлардың аяқтарынан нық тұрып кетуіне байланысты кездесетін қиыншылықтарды шешуге ақыл кеңес айтылса, «Әжелер мектебінде» келін мен ене арасындағы туындайтын мәселелер туралы, әулеттің үлкендерінің жақсы дәстүрлері үлгі ретінде айтылып, насихатталып отырады.Аудандық қоғамдық даму бөлімінің қолдауымен «Отбасы және жеке құндылықтарын сақтау,гендерлік теңдікті насихаттау, отбасылық қатынастарды нығайту бағытында шаралар ұйымдастыру» әлеуметтік жобасына 2024 жылы аудандық бюджеттен - 1500,0 мың теңге бөлініп, &nbsp;1205,3 мың теңгеге келісім-шарт арқылы, «Сырдария ауданының әйелдері» қоғамдық бірлестігі жеңімпаз атанып, тиісті жұмыстар жүргізуде. Аудан көлемінде &nbsp;7 &nbsp;іс-шара ұйымдастырылды.

Сырдария ауданында қоғамдық-саяси ахуал тұрақты

&nbsp;<a href="https://kyzylorda-news.kz/">Kyzylorda-news.kz</a>&nbsp; Елімізде 2023 жылдың 23 сәуірде Қазақстан Республикасының «Әлеметтік Кодексі» қабылдануына байланысты 1 шілдеден бастап&nbsp;«Еңбек мобильдігі орталығы» құрылған болатын. «Сырдария аудандық Мансап орталығы» филиалы 2023 жылдың 11 шілдеде Әділет басқармасына тіркеліп өз жұмысын бастады. Жұмыспен қамту орталығының жабылуына &nbsp;байланысты барлық белсенді шараларға қатысушылармен жасалған келісім шарттар тоқтатылып, Кодекске сәйкес Еңбек мобильділігі орталығы 1 шілдеден бастап бағдарламаға қатысушылармен 343 келісім шартқа қайта отырды.Орталықтың жұмысы жайында&nbsp;«Сырдария аудандық Мансап орталығы» филиалының директоры Еркебұлан Дәуітбекұлы айтып берді.<blockquote>– 2023 жылы 1056 адамды жұмыспен қамтудың белсенді шараларына тарту жоспарланып, 1083 адам қамтылды. Оның ішінде:&nbsp;«Жастар тәжірибесіне» &nbsp;140 жасты жастар тәжірибесінен &nbsp;өткізу &nbsp;жоспарланып, 141 жас жолданды, жоспар 100,7 пайызға орындалды. &nbsp;2024 жылдың 1 қаңтарға &nbsp;121 жас &nbsp;жастар тәжірибесін жалғастырды. «Әлеуметтік жұмыс орындарына» жоспарланған &nbsp;32 адамды қамту көзделіп, жоспар 100 пайыз орындалды. Қоғамдық жұмысқа – 806 адамды қамту жоспарланса, 833 адам қоғамдық жұмысқа тартылды. Жоспар 103,2 пайызға орындалды. &nbsp;«Алғашқы жұмыс орындарына» &nbsp;25 адам жолданып, жоспар толықтай орындалды. «Ұрпақтар сабақтастығы» бойынша 3 адам жоспарланып, жоспар &nbsp;толықтай орындалды. &nbsp;«Күміс жас» жобасы бойынша &nbsp;жоспарланған 50 адам &nbsp;жұмыспен қамтылып, жоспар 100 пайызға орындалды. 2024 жылға 27 адам жұмыстарын жалғастыруда.&nbsp;Жұмыспен қамтудың белсенді шараларына қатысушылардың қаржылары «Еңбек мобильділігі орталығы» арқылы &nbsp;толық төленді, – дейді филиал директоры.</blockquote>Сырдария ауданында 2023 жылы жұмыссыз ретінде 2572 адам тіркелді. Жұмыссыз азаматтардың ішінен жұмыс берушілердің сұраныстарының талаптары мен мамандықтарына сәйкес келетіндерін жұмысқа орналасуларына ықпал жасалған. Жыл аяғында &nbsp;306 адам жұмыссыз ретінде тіркеуде қалған. 2023 жылдың 1 шілдесіне дейін жұмыссыз ретінде тіркелгендерге статус беру, мүгедектігі бар адамдарды, бас бостандығынан &nbsp;айыру орындарынан босатылған пробация есебінде тұрған адамдарды аудан әкімінің қаулысымен бекітілген квотаға сәйкес жұмысқа орналастыру &nbsp;аудандық жұмыспен қамту және әлеуметтік бағдарламалар бөлімінің құзіретінде болды. 2023 жылдың 1 шілдесінен бастап осы аталған жұмыстардың барлығын "Мансап" орталығы атқарып, квотаға сәйке тізімдегі мекемелерге 10 мүгедектігі бар адам және пробация есебінде тұрған 4 адам жұмыспен қамтылды. Сонымен қатар жұмыс іздеушілерді, жұмыссыздарды тіркеу және жұмыс берушілердің бос жұмыс орындарын enbek.kz порталына уақытылы жариялауына ықпал жасап, еңбек делдалдығын жүзеге асырады.«Жаңа бизнес идеяларды іске асыруға мемлекеттік гранттар беру» тетігі бойынша 72 адамға грант қаражаты берілсе,&nbsp;өткен жылдың соңында ұйымдастырылған конкурс нәтижесімен 72 адам грант алды. Шарт талаптарына сәйкес грант иегерлеріне мониторинг жұмыстары 3 ай сайын жасалуда. Бұдан бөлек, жалпы жұмыспен қамтудың белсенді шараларына қатысушыларға ұдайы түрде жүргізілген мониторинг жұмыстарының нәтижесінде бағдарламаға қатысушы 69 адамның (жұмысқа қатысу тәртібін сақтамаған) келісім шарттары бұзылып, жұмыстары тоқтатылған.Ауданда өткен жылы атаулы әлеуметтік көмек барлығы 201 отбасына – 1160 адамға тағайындалған. Оның ішінде шартты ақшалай көмек 182 отбасы, шартсыз ақшалай көмек 19 отбасы, 48 адам қоғамдық жұмысқа, 43 адам тұрақты жұмысқа тартылған. Облыс әкімінің орынбасарымен өткен мәжіліс хаттамасында АӘК алушылар санын 30 пайызға дейін төмендетуге берілген тапсырмасына сәйкес &nbsp;жұмыстар жүргізіліп аудан бойынша көрсеткіш 31,0 пайызға төмендеген.2024 жылы&nbsp;аудан бойынша – 1090 жұмыссыз адамды жұмыспен қамтудың белсенді шараларына тарту жоспарланған. Оның ішінде: 195 жасты &nbsp;«Жастар тәжірибесіне» &nbsp;өткізу &nbsp;жоспарланып, 1 наурызға 17 жас жастар тәжірибесіне жолданған. «Әлеуметтік жұмыс орындарына» 34 адамды қамту көзделіп, 1 наурызға 6 адам жолданған. Қоғамдық жұмыстарға 600 адамды қамту жоспарланып, 1 наурызға 542 адам &nbsp;жолданып, жоспар 90 пайызға орындалып отыр. «Алғашқы жұмыс орындарына» &nbsp;26 адамды орналастыру жоспарланып отыр. «Ұрпақтар сабақтастығы» бойынша 3 адам жоспарланып, 3 адам жолданып, жоспар 100,0 пайызға орындалған. «Күміс жас» жобасы бойынша 52 адам &nbsp;жоспарланған, 7 адам жұмыс жасап жатыр.2024 жылдың наурыз айына "Мансап" орталығына &nbsp;1836 адам хабарласып, 1428 адам жұмыссыз ретінде тіркелген және жұмыссыз статусына сәйкес келмейтін 200 адам (МЗЖ салған, жеке кәсіпкерлік ашқан т.б) тіркеуден шығарылған.«Жаңа бизнес идеяларды іске асыруға мемлекеттік гранттар беру» тетігі бойынша 146 адамды қамту жоспарланып 2 лек бойынша конкурс ұйымдастыру межеленіп отыр. Грант конкурсына қатысуға үміткерлердің өтініштері 1 лек бойынша ағымдағы жылдың 15-26 сәуір аралығында өтсе, 2 лек бойынша 12-23 тамыз аралығында &nbsp; enbek.kz порталы арқылы қабылданады.2023 жылдың қазан айында ұйымдастырылған конкурс нәтижесімен грант алған 72 кәсіпкерге мониторинг жұмыстары жүргізіліп, нәтижесінде шарт талаптарын бұзған 4 адам сотқа беріліп, сот ұйғарымы шыққан. Бағдарламаның белсенді шараларымен қамтылғандарға, яғни субсидияланған жұмыс орындарына қатысушыларға &nbsp;мониторинг жұмыстары тұрақты түрде жүргізіліп, 1 наурызға 2 адамның келісім шарты бұзылып, жұмыстары тоқтатылған.Қысқа мерзімді кәсіптік оқытудың жоспары – 25 адам. Қазіргі таңда жұмыс берушілердің сұраныстарына &nbsp;байланысты &nbsp;«Тракторист-машинист» мамандығы бойынша аудандық аграрлық-техникалық колледжде оқыту жоспарланып, бүгінгі күнге 14 адам тіркеліп, құжаттары қабылданды. Қалған 11 адаммен жұмыстар жасалуда.<blockquote>– 2024 жылғы 1 наурызға атаулы әлеуметтік көмек барлығы 96 отбасына – 551 адамға тағайындалған. Оның ішінде шартты ақшалай көмек 85 отбасы, шартсыз ақшалай көмек 11 отбасы, 41 адам қоғамдық жұмысқа,11 адам тұрақты жұмысқа орналасқан. Аудандық Мансап орталығының филиалы өз жұмысын толыққанды атқаруда және жоспарланған көрсеткіштерге нәтижелі қол жеткізу үшін жұмыстар өз кезегімен жалғасын табады, – дейді орталық директоры Еркебұлан Дәуітбекұлы.&nbsp;</blockquote>Фото: egemen.kz

"Мансап" орталығы: Жұмыспен қамтудың белсенді шараларына тарту

<a href="https://kyzylorda-news.kz/">Kyzylorda-news.kz</a>&nbsp; Қазақта «Еңбектің көзін тапқан, байлықтың өзін табады» деген қанатты сөз бар. Күріштің бабын тауып, баласындай мәпелеп, дүниежүзілік рекорд жасаған қазақтың диқаны Ыбырай Жақаев болса, артынан ерген ізбасарлары да көпке танымал. Елдің қамын ойлап, оны өркендету жолында аянбай еңбек еткен жанның бірі – Садық Ермаханов.Алаш зиялысы Ахмет Байтұрсынұлы «Жұртқа керегін білетіндер көп, істейтіндер аз» дейді. Осы орайда елдің құрметтісіне айналған кейіпкеріміздің елге жасаған еңбегі бір төбе. Оны мақаламызда сөз етпекпіз. Алдымен ағамыздың өмір жолына сәл шегініс жасасақ, 1923 жылы бұрынғы Қашқансу ауылдық кеңесіне қарасты Амангелді атындағы ұжшарда, қазіргі Ақтөбе ауылында кедей шаруаның отбасында дүниеге келген. Қашқансудағы Абай мектебінде жеті жылдық білім алған. Тағдырдың сынағына ерте түскен Садық ағамыз тоғыз жасында әкесінен, он үш жасында анасынан айырылып, оқуын жалғастыра алмайды. Тіпті қарашаңырақты құлатпай ұстап тұруға шамасы келмей, ауыл-аймақты жағалап туысы Молдахмет Дабыловтың үйін паналайды. Адал ниетті ағасы оның маңдайынан әкесіндей сипап, жас жүрекке жетімдіктің дағын түсірмей ержеткізеді. Тек бір қиыны қатарынан кем болып, кейіндеп қалғаны бәрінен ауыр тиеді.Ел басына күн туып, сұрапыл соғыс басталған шақта ауылдың үлкен де кіші ерлері елді жаудан азат етуге майданға аттанады. Садық ағамыздың құрдастары да түгел соғысқа кетеді. Тек өзі ауылда бара алмай қалып қояды. Оған себеп, кішкентай бала кезінде ойнап жүріп отқа күйіп, бір қолының тамыры тартылып, семік болып қалғаны екен. Замандастары Отан үшін деп сапқа тұрғанда, оны әлгі кедергі ұстап қалып, жарамсыз еткен. Бұл жағдайға ол қатты қиналып, қатарынан қалып қойғанына қорланып егіле жылапты. Алайда Молдахмет ағасы қолдау көрсетіп, ақыл-кеңесін беріп, өмірдегі өз жолын көрсетеді. Осыдан кейін өзін кемсітіп жүргенін бекершілік екенін түсінеді. Өзге жұрт секілді соғысқа қатыса алмаса да, елге пайдасын тигізуге кіріседі. Мүкіс қолымен кетпен ұстап, жер қазып, егін жинау секілді қат-қабат жұмыстарды атқарады. Осылайша ауылдағы күйзелген шаруашылықты қалпына келтіріп барып ес жияды.Еңбекке ерте араласқанның пайдасы Садық Ермаханов уақыт өте Сыр өңірі табиғатының қыр-сырына қанығады. Қолынан кетпенін тастамай диқаншылықпен айналысады. 1957 жылы күріш бригадасының бригадирі болып, сол кәсіпті үзіліссіз атқарады. Алғашқы уақытта ол басқарған бригада күріштен жарытып өнім жинай алмайды. Оған әртүрлі себеп кедергі келтірсе керек. Бұл ағамызға естен кетпейтін ащы сабақ болады. Құнарлы жерді қуалап, қыруар шығын да жұмсайды. Ашығын айтқанда жақсы өнімге қол жеткізіп, жұрттың еңбек ақысын төлеу үшін үйіндегі сауынды сиырларын өткізіп жіберген. Есесіне сол жылы егін бітік шығып, бұрын-соңды болмаған өнім жинап, еңбегі ақталады. Егін орағының әр кезеңінде ақ күріштен тау тұрғызып, өзі басқарған бригада абырой биігінен көрінеді.Садық ағамыз осылайша күріш өсіруге қызығып, бар ынтасын осы салаға арнайды. Күріш өсірудің атасы, Ыбырай Жақаевтың еңбек үлгісін үйренуге көңіл бөледі. Оны өз жұмысына қолданып, жылдар бойы ізденіс үстінде болады.1970 жылы С.Ермаханов басқарған №3 бригада 350 гектар күріш егіп, егін орағының қорытындысында әр гектардан 43,5 центнерден өнім алады. Негізгі міндеттелген көрсеткіш 29 центнерден өнім жинау болатын. Алайда бұл көрсеткіштен асырып орындайды. Ұжымның бұл еңбегі жоғары бағаланып, бригада жетекшісі Садық ағамыздың омырауына «Құрмет белгісі» төсбелгісін тағады.Бригада бұл жетістіктен кейін ел байлығын молайтуға, тамшыдай болса да өз үлестерін қосуға бар ынтасымен ұмтылады. Әр жылғы қажырлы еңбек оларға толассыз қуаныш сыйлайды. Осындай зор жетістіктер үшін Садық Ермаханов 1973 жылы «Еңбек Қызыл ту» орденімен наградталады. Бұл құрмет бригададағы бірсыпыра адамдарға да көрсетіледі.Еңбек ері келер жылда мол өнім алу үшін де қысы-жазы егістік басынан табыла білген адам. Сонымен қатар әрбір атқарылған іс агротехникалық талаптарға сай сапалы атқарылуына да көңіл бөлген. Бір жұмысты шала бітіріп, екінші рет оны қайта атқарудан қарамағындағы жұмысшыларды сақтандырып отырған. Әрбір коллектив мүшесін пісенттілікке, ұқыптылыққа, іскерлікке тәрбиелеп, ең бастысы уақытпен санаспай құлшына еңбек етуді үйреткен.Садық ағамыздың темірдей тәртібінің арқасында ұжым мәртебесі бұрынғыдан да биіктеп, сол жылдары бригада 300, 400 гектар жерге күріш егіп, әр гектарынан 60 центнерден жоғары өнім алып, жүлдегер де атанған. Мемлекет қоймасына бір составқа жуық ақ күріш жөнелтіп, жұрт Садық Ермаханов басқарған №3 бригадаға ризалық ниетпен шынайы алғысын жеткізген. Шындап келгенде бригада аз шығын жұмсап, көп пайда табуды басты нысан еткен. Осылайша табыстың тайқазанын тасытып, елдің атын көпшілікке танытқан. Қарапайым еңбек адамының табыс көрсеткішін салмақтап көрсек, туған еліне деген қосқан үлесі ұшан-теңіз. Көп жыл күріш бригадирі болуы – оның үлкен сенімнің адамы екенін білдіреді.Садық Ермаханов еңбек еткен жылдары «Еңбек Қызыл ту» ордені, «Лениннің 100 жылдық», «Еңбек ардагері», «Ұлы жеңістің 30-40 жылдығы» медальдарымен марапатталған. Бүгінде ағамыздың көзін көргендер әрбір жетістіктері мен ел үшін атқарған ісін аузынан тастамай айтып жүр.Ерсін Сәдуұлы<img src="https://knadmin.beoblood.kz/uploads/a26ea99a_a4d0_4c0e_97a3_d5651780bb1d_3df0d5e88a.jpg" alt="a26ea99a-a4d0-4c0e-97a3-d5651780bb1d.jpg">

Еңбек адамы: Мәртебе төріндегі еңбеккер

<a href="https://kyzylorda-news.kz/">Kyzylorda-news.kz</a>&nbsp; Қазіргі таңда жасөспірімдер арасындағы және оларға қарсы жасалған қылмыстар қоғамның өзекті мәселелерінің бірі болып отыр.Сырдария ауданы бойынша жыл басынан кәмелетке толмағандарға қарсы және олармен жасалатын қылмыстар, алкоголь, есірткінің зияны, ата-ананың бала тәрбиесіндегі, жасөспірімдердің заң алдындағы жауапкершіліктері туралы 90-ға жуық дөңгелек үстел, сұхбат, кездесу өткізілді.Атқарылған іс-шаралардың жүргізілуіне қарамастан жасөспірімдер арасында 1 қылмыс орын алды. Бұл жайында Сырдария ауданының полиция бөлімі бастығының міндетін атқарушысы, полиция подполковнигі Әділхан Қанзадаев хабарлады.<blockquote>– Орта мектеп оқушысымен жасалған бұзақылық қылмысының салдарнан 1 оқушы қаза болды. Кәмелетке толмағандар арасында профилактикалық жұмыстарды күшейту мақсатында ауданда жалпы білім беру мекемелерінде 2023-2024 оқу жылына Департамент бастығының&nbsp;13.10.2023 жылғы №738 бұйрығымен мектептер мен колледждерге аймақтық ювеналды полиция бөліністерінің, криминалды полиция, учаскелік полиция инспекторлары бекітілді. Жыл басынан бері кәмелетке толмағандар мен жастар арасында құқық бұзушылықтың алдын алу бағытында «Түнгі қаладағы балалар», «Абайлаңыз балалар», «Мен және менің полицейім», атты профилактикалық іс шаралар жүргізілді. Атқарылған жұмыстар нәтижесінде, қаңғыбастық пен кезбелікке салынған – 2 жасөспірім бейімдеу орталығына орналастырылса, 61 құқық бұзушылық анықталып, әкімшілік хаттама толтырылды, – деді Әділхан Қанзадаев.</blockquote>Кәмелетке толмағандардың түнгі уақытта заңды өкілдерінің бірге жүруінсіз ойын-сауық мекемесінде болуына жол берген ҚР ӘҚБтК-нің 442 бабы 1 бөлігі 1 жасөспірімге және ата-ана немесе заңды өкілсіз ойын сауық мекемесінде жүрген ҚР ӘҚБтК-нің 132 бабы 1 бөлігімен баланың әкесіне әкімшілік хаттама рәсімделіп, айыппұл салынған. Сонымен қатар өз&nbsp;міндеттерін орындамаған 5 ата-анаға шара көру үшін құжаттар сотқа жолданған. ӘҚБтК 127-б. - 10 АЕК- 36 920 тг. немесе 20 АЕК- 73 840 тг. Ауданда түнгі уақытта сағат 23:00-ден кейін заңды өкілсіз тұрғын жайдан тыс &nbsp;жүрген 53 жасөспірімнің ата-анасы әкімшілік жауапкершілікке тартылған. Оларға&nbsp;ҚР ӘҚБтК 442-бабымен ескерту жасалған. Сондай-ақ, белгіленбеген орында темекі бұйымын тұтынғаны үшін ҚР ӘҚБтК-нің 441 бабы 1 мұғалімге әкімшілік шара көрілген. Алкоголь өнімін сату талаптарын сақтау (ӘҚБтК 200-бабы) жөнінде дүкен иелеріне түсіндірме жұмыстары жүргізілгенімен, заң талаптарын бұзған 3 дүкен иесіне қатысты жинақталған құжаттар сотта қаралып, айыппұл салынғанын айту керек.<blockquote>– Талдау көрсеткендей, жасөспірімдермен қылмыс жасауға жиі әсер ететін факторлар: ата-ана тарапынан тиісті қадағалау мен бақылаудың жоқтығы, тәрбие жұмыстарының өз деңгейінде жүргізілмеуі, жасөспірімнің бос уақытының көп болуы, әлеуметтік желілердегі қоғамдық ортаға сыйламаушылық танытатын материалдарды көріп, соларға еліктеушілік танытуы ықпал етуде. Жасөспірімдермен жасалған қылмыстың барлығы сабақтан тыс уақытта болғандықтан, баланың бос уақытын тиімді ұйымдастыруды ұсынамын. Сондай-ақ, балалар бос уақыттарында интернет пен&nbsp; Тик-ток желілерінде зорлық-зомбылық,&nbsp;құмар ойындар, дөрекілік және ортаға ешқандай құрмет көрсетпейтін әртүрлі пранктер қарайтындығы белгілі.&nbsp;Аталған сілтемелерді біздің тарапымыздан қадағалау мүмкін емес. Осы себепті, ата-аналар балалардың әлеуметтік желілерде қандай парақшаларда отырғанын қадағалауы қажет, – деді Әділхан Серікқазыұлы.</blockquote>Иә, полицияның басты міндеті – тек жазалау ғана емес, қылмыстың алдын алу, болдырмау. Сол себепті анықталған немесе белгілі болған құқық бұзушылықтарды (ұрып соғу, бопсалау, әлімжеттік, топтық төбелестер) дереу ішкі істер органдарына хабарлау керек.Фото: Нұрболат Нұржаубай

Сырдарияда 53 жасөспірімнің ата-анасы әкімшілік жауапкершілікке тартылды

<a href="https://kyzylorda-news.kz/">Kyzylorda-news.kz</a>&nbsp; Қармақшы аудандық сотында мемлекеттік тілдің мәртебесін көтеру мақсатында «Ұлттық руханиятымыздың өзегі – Ана тілі» тақырыбында семинар сабағы өткізілді.&nbsp;Іс-шараға аудандық сот әкімшісінің басшысы Е.Мәтжанов, кеңсе қызметкерлері, адвокат&nbsp;Г.Қадырбаева, «KMF» Микроқаржылық ұйымның Қармақшы аудандық бөлімшесінің өкілі А.Әбдікамалов, «Халық Банкі» АҚ Байқоңыр қалалық филиалының Қармақшы аудандық бөлімшесінің басшысы &nbsp;Н.Үсенов қатысты.Семинарды сот әкімшісінің басшысы Е.Мәтжанов, &nbsp;қатысушыларды күн тәртібімен таныстырып, мемлекеттік тілді қолдану саясатының маңыздылығын және мемлекеттік тіл мәселесін назарға салып, микроқаржылық ұйымдар мен екінші деңгейлік банк өкілдеріне, адвокаттарға &nbsp;іс қағаздарды мемлекеттік тілде жаппай іске асыруды &nbsp;ұсынды. &nbsp; &nbsp; &nbsp; &nbsp;Семинар барысында «Мемлекеттік қызмет мемлекеттік саясатты жүзеге асыратын биліктің бірден-бір құрылымы &nbsp;болса, мемлекеттік тілді дамыту мемлекет саясаттарының бірі. Сондықтан әрбір мемлекеттік қызметкердің ұлтымыздың қазынасы мемлекеттік тілді білуі міндет. Тілдің қолданысын тиісті деңгейіне көтеру біздің парызымыз. Мемлекеттік тіл ‑ мемлекеттің бүкіл аумағында қоғамдық қатынастардың барлық саласында қолданылатын мемлекеттік басқару, заң шығару, сот ісін жүргізу және іс қағаздарын жүргізу тілі болғандықтан мәртебесі жоғары болуы тиіс» екенін атап өтті.&nbsp;Аудандық сот әкімшісінің басшысы Е.Мәтжанов әрбір азамат тілді дамытуға үлес қосуына міндетті екендігін, іс жүзінде парызына адалдық танытса, ұлттың қазығы да, қазынасы да тіліміздің абыройының асқақтайтыны анық екенін атап өтті.Семинар сабағының соңында қатысушылар мемлекеттік тілді қолдану аясын одан әрі дамыту бойынша пікірлерін ортаға салды.

 Қармақшы: Мемлекеттік тіл мәселесін талқылады

Еліміз үлкен қоқыс алаңына айналмасын десек... 	

<a href="https://kyzylorda-news.kz/">Kyzylorda-news.kz</a> Қызылорда облысы әкімінің қолдауымен облыстық ардагерлер кеңесі аймақтағы 50 ардагерді Ұлытау өңірінің тарихи орындарымен танысып, зиярат жасауына мүмкіндік жасап, сапар ұйымдастырды.Сапар барысында «Қазақмыс» корпорациясы музейінің директоры К.Балкенов өлке тарихы жөнінде әсерлі әңгімелерін айтты. Ардагерлер Алтын шоқы, Хан ордасы, Алашахан, Жошыхан тарихи орындарында болып, кесенелеріне зиярат жасады.Алғашқы күннен бастап Ұлытау облысының әкімі Б.Әбдіғалиұлы аймақ ардагерлерін қабылдап, кешкі ас беріп, өзінің сый-сияпатые жасады. Сондай-ақ, тарихи орындарға баруға әкімшілік тарапынан арнайы автокөліктер ұйымдастырылып, Сыр елі ардагерлеріне жағдай жасап, үлкен қолдау көрсетті.Облыстық ардагерлер кеңесінің төрағасы С.Дүйсенбаев, ақын Қаршыға Есімсейітова, қоғам қайраткері Ә.Әмірғалиев, мемлекет және қоғам қайраткері Б.Қаюпов, жазушы Ж.Таңрықбаев сөз сөйлеп, Ұлытау облысының әкімдігіне алғыс білдірді.Қызылорда облыстық филармониясының жыршы-термешісі Ә.Қуанбаев, облыстық аурухана мейіргері Л.Донбаева ардагерлердің ұзақ сапар барысында өз қызметтерін көрсетіп, олардың батасын алды.&nbsp;Саяхатқа барған ардагерлер маңызды тарихи мағлұматтар алып, көңіл-күйлері көтеріліп, ұйымдастырушыларға ризашылықтарын білдірді.<img src="https://knadmin.beoblood.kz/uploads/71719604_606d_4263_b051_75c08ad5496b_874acbd3f2.jpg" alt="71719604-606d-4263-b051-75c08ad5496b.jpg">

Облыс ардагерлері Ұлытау облысына сапарлап қайтты

&nbsp;<a href="https://kyzylorda-news.kz/">Kyzylorda-news.kz</a> Шымкентте 5 айдың ішінде кәмелекетке толмаған 55 қыз босанған, &nbsp;деп хабарлайды <a href="https://kz.otyrar.kz/2024/06/shymkentte-73-qyz-kameletke-tolmaj-zhukti-bolgan/">otyrar.kz</a>.Шымкентте жыл басынан бері кәмелетке толмаған 73 қыз бала жүкті болған. Бұл туралы қалалық денсаулық сақтау басқармасының мамандары мәлімдеді. Олардың сөзінше, небәрі 5 айдың ішінде 17 жастағы 38 жасөспірім босанған.<blockquote>«2024 жылы 5 айда қала бойынша босанған жасөспірімдер саны — 55. 2023 жылы 54 болған. 2024 жылы 5 айда қала бойынша РСБ порталынан босанған жасөспірімдер саны — 44. Оның ішінде 15 жасқа дейінгі — 1, 16 жаста — 5, 17 жаста — 38», — дейді Шымкент қалалық денсаулық сақтау басқармасы басшысының орынбасары Сәуле Дүйсенбаева.</blockquote>Айта кетейік, статистикаға сүйенсек, елімізде орта есеппен 100 қыздың үшеуі кәмелетке толмай жүкті болады. Мамандар ерте жүктіліктің алдын алу бойынша түрлі бағдарламаның жүргізіліп жатқанын айтады. Алайда нәтижесі әлі де көңіл көншітпей отыр.Фото: istockphoto.com

Шымкентте 5 айдың ішінде кәмелекетке толмаған 55 қыз босанған

<a href="https://kyzylorda-news.kz/">Kyzylorda-news.kz</a> Бүгін ҚР Премьер-министрі Олжас Бектеновтің төрағалығымен өткен Үкімет отырысында ел азаматтарын тұрақты жұмыспен қамту шаралары талқыланды.Еңбек және халықты әлеуметтік қорғау министрі Светлана Жақыпова Қызылорда облысы халықты тұрақты жұмысқа орналастыру бойынша республикада үздік үштікке енгенін атап өтті.<blockquote>«Жыл басынан бері елімізде 288 мыңнан азамат жұмыспен қамтылды. Оның 16 мыңға жуығы ұлттық жобалар мен салалық тұжырымдамалар аясында ашылған жұмыс орындарына жолдануда. Бұл ретте, «Өңірлік жұмыспен қамту карталарында» жоспарланған көрсеткіштерге қол жеткізген Абай, Солтүстік Қазақстан, Қызылорда және Жамбыл облыстарын атап өткен жөн», – деді ведомство басшысы.</blockquote>Айта кетейік, аталған көрсеткішті Абай облысы 53%, Солтүстік Қазақстан облысы 47%, Қызылорда және Жамбыл облыстары 45%-ға орындады.Үкімет отырысынан кейінгі арнайы мәжілісте облыс әкімі Нұрлыбек Нәлібаев өңір үздіктер қатарында аталғанымен, жұмыс қарқынын төмендетпеу қажеттігін ескертті.<blockquote>«Бүгін Үкімет отырысында Еңбек және халықты әлеуметтік қорғау министрі Светлана Қабыкенқызы Қызылорда облысында халықты жұмысқа орналастыру бойынша жылдық көрсеткіш 45 пайызды құрағанын, республикада үздік үштікке енгенімізді ерекше атап өтті. Мұнымен тоқтап қалмай, жоспарды жыл соңына дейін артығымен орындауымыз қажет. Халықтың тұрақты жұмыспен қамтылуы – әкімдердің жұмысына нақты баға беретін басты көрсеткіш. Қала және аудан әкімдері бұл мәселеге жауапкершілікпен қарап, тұрғындардың уақытша емес, тұрақты жұмыспен қамтылуын қадағалаңыздар. Қазіргі таңда өңірімізде «Өңірлік жұмыспен қамту картасы» қабылданып, іске асырылуда. Осы орайда 21 мыңға жуық азамат жұмысқа орналастырылып, жылдық меже 45 пайыз болды. Өңірлік картадағы көрсеткіштер белгіленген мерзімде орындалуы тиіс», – деді Нұрлыбек Машбекұлы.</blockquote>Жиында Мемлекет басшысының «10 мың адамға 100 жұмыс орнын құру» тапсырмасы бойынша, ұлттық жобалар мен концепциялар шеңберінде жаңа жұмыс орындарын ашу мәселелері қаралды. Облыстық жұмыспен қамту және әлеуметтік бағдарламаларды үйлестіру басқармасына өңірлік картадағы жоспарды 100 пайыз орындау, жұмыссыздық деңгейін тұрақты бақылауда ұстау, субсидияланған жұмыс орындары мен өз кәсібін ашуға қайтарымсыз грант алғандарға мониторингті күшейту тапсырылды.<img src="https://knadmin.beoblood.kz/uploads/448929341_770461328608447_9186701356918480703_n_c18bf5ced5.jpg" alt="448929341_770461328608447_9186701356918480703_n.jpg">

Қызылорда облысы халықты жұмысқа орналастыру бойынша үздіктер қатарында

Қаржылық сауаттылық – жарқын болашақтың кепілі

<a href="https://kyzylorda-news.kz/">Kyzylorda-news.kz</a> Қазақстан Республикасының Қаржы нарығын реттеу және дамыту агенттігі (бұдан әрі – Агенттік) мемлекеттік органдармен және халықаралық сарапшылармен бірлесіп төтенше жағдайлар кезінде мемлекет және сақтандыру ұйымдарының өзара іс-қимыл тетігін пысықтауда &nbsp;және залалды өтеу тәртібін айқындауда.Апаттық тәуекелдерден сақтандыру енгізуге табиғи апаттар қарқындылығының күшеюі, оның ішінде Қазақстандағы ауқымды су тасқыны негіз болып табылады.Қазіргі уақытта табиғи апаттардан болған залал үшін өтемақыны мемлекет негізінен бюджет қаражаты есебінен төлейді. Өз мүлкін табиғи апаттар тәуекелінен сақтандыру үшін алдын ала шаралар қабылдаған азаматтар мен кәсіпкерлердің аз бөлігі ғана сақтандыру қорғаумен қамтылған.Біздің елімізде апаттық тәуекелдерден сақтандыру ерікті болып табылады. 2023 жылы 366 мың ерікті сақтандыру шарты жасалды, 2022 жылмен салыстырғанда 11,6%-ға өсу, соңғы 5 жылда – 114%-ға өсу.Сонымен бірге тұрғын үй-жайларды табиғи апаттардан сақтандырумен қамту ел бойынша орташа есеппен 3,2%-ды және Алматы қаласы бойынша 7,7%-ды құрайды. Бұл өңіріміздің географиялық және климаттық ерекшеліктерін ескере отырып, халықаралық стандарттар бойынша төмен көрсеткіш.<blockquote>«Ең тиімді модель мемлекеттік-жеке әріптестік қағидаты бойынша қорғау тетігін құру болып табылады. Халықаралық тәжірибе көрсеткендей, сақтандыру ұйымдары ірі табиғи апаттардың залалын толығымен өтей алмайды. Табиғи апаттар қаупіне жиі ұшырайтын елдердің басым бөлігінде, соның ішінде Түркия, Румыния, Франция, Испания, Марокко, АҚШ және Қырғызстанда апаттық тәуекелдерді сақтандыру міндетті болып табылады»,- деп атап өтті ҚР Қаржы нарығын реттеу және дамыту агенттігінің Төрағасы Мәдина Әбілқасымова.</blockquote>Қазіргі уақытта Қазақстанда тұрғын үйді міндетті немесе жүктелген сақтандыруды енгізу қарастырылуда. Республика бойынша тіркелген барлық тұрғын үй құрылыстары сақтандырумен қамтылуы мүмкін. Міндетті сақтандыру бойынша төлемдер белгіленген шаманы құрайтын болады. Міндетті сақтандырудан басқа, ерікті сақтандыру шартын жасасқан азаматтар келтірілген залал үшін көбірек өтем алатын болады.Бүгінгі күні әлемдегі бірде-бір ел өз аумағында болып жатқан апаттардың залалын өз бетінше өтей алмайды, ірі тәуекелдерді қайта сақтандыруға отандық сақтандыру ұйымдарымен қатар халықаралық қайта сақтандыру ұйымдары қатысуға тиіс.Сақтандыру жарналарының мөлшерін және ең төменгі сақтандыру төлемдерін анықтау үшін сақтандыруға жататын жылжымайтын мүлік объектілері бойынша, оның ішінде құрылыс түрі, салынған жылы, жер сілкінісінен қорғау деңгейі және басқа өлшемдер бойынша сипаттамаларды қоса алғанда, толыққанды статистика қажет.Сондай-ақ, ел өңірлері бойынша орын алған сақтандыру жағдайлары бойынша тарихи ақпаратқа және жылжымайтын мүліктің бұзылу дәрежесіне байланысты залалды өтеу мөлшері жөнінде деректерге қол жеткізу маңызды.Апаттық тәуекелдерден сақтандыруды енгізу актуарлық есептеулер жүргізуді және тиісті заңнамалық түзетулер әзірлеуді талап етеді. Егер тұрғын үйді міндетті сақтандыруды енгізу туралы шешім қабылданса, жеке заңнамалық акт қабылдау талап етіледі.Дереккөзі: <a href="https://www.gov.kz/memleket/entities/ardfm/press/news/details/798519?lang=kk">ҚНРДА</a> сайты&nbsp;

Қазақстан және Қызылорда облысының жаңалықтары: Қоғам

Бақыт Қаналиева: Уақыттың тынысын саралау журналистке жүктелген жұмыс