<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев пен Шавкат Мирзиёев видео байланыс арқылы Қазақстан мен Өзбекстанның бірлескен жобаларын іске қосу рәсіміне қатысты.Тараптар өнеркәсіп, құрылыс, мұнай-газ химиясы, қаржы, логистика және туризм салаларында жалпы құны 1,2 миллиард доллар болатын 7 жоба әзірлеген.Мемлекеттер басшылары символикалық түймені басып, бірнеше жобаны бастап берді. Атап айтқанда, Сырдария және Түркістан облыстарында «Орталық Азия» Халықаралық өнеркәсіп кооперациясы орталығы, Ташкентте «Tenge Bank» бас кеңсесі қызметіне кірісті. Сондай-ақ Ташкент облысында көпбейінді логистика орталығының, Жаңа Ташкентте «Астана» тұрғын үй орамының, Қашқадария облысында алкилбензол өндіретін мұнай-газ химиясы кешенінің, Жаңа Ташкентте «Астана» қонақ үйінің, ал елордамызда «Ташкент» қонақ үйінің құрылысы басталды.

Қазақстан мен Өзбекстан президенттері бірлескен жобаларды іске қосу рәсіміне қатысты

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев Шавкат Мирзиёевке Ташкентке мемлекеттік сапармен келуге шақырғаны және дәстүрлі қонақжайлық танытқаны үшін ризашылығын білдірді.Кездесу барысында мемлекеттер басшылары қазақ-өзбек стратегиялық серіктестігі мен одақтастығын одан әрі дамыту перспективасын егжей-тегжейлі талқылады.Президенттер сауда, өнеркәсіп кооперациясы, көлік-логистика, энергетика, ауыл шаруашылығы, су ресурстары секілді басым бағыттардағы, сондай-ақ мәдени-гуманитарлық салалардағы ықпалдастықты нығайту мәселелерін қарастырды.Сонымен қатар өңірлік және халықаралық күн тәртібінің өзекті мәселелері жөнінде пікір алмасты.

Мемлекет басшысы Өзбекстан Президенті Шавкат Мирзиёевпен келіссөз жүргізді

<a href="https://kyzylorda-news.kz/">Kyzylorda-news.kz</a> &nbsp;Биыл ҚР Әділет министрлігі «Әділет» порталында жасанды интеллектке негізделген жаңа цифрлық сервис құқықтық кеңесшіні қолданысқа енгізді. Жаңашыл жүйе азаматтарға құқықтық ақпаратты жылдам әрі қолжетімді форматта алуға мүмкіндік береді. Бұл туралы Өңірлік коммуникациялар қызметінің ақпарат алаңында Қызылорда облысы бойынша Әділет департаменті басшысының міндетін атқарушы Ұзақбай Оразгелді хабарлады.<blockquote>- Жыл басынан бері облыс тұрғындарының құқықтық мәдениеті мен құқықтық сауатын арттыру мақсатында 1 101 іс-шара ұйымдастырылып, 11 166 азаматқа тегін заң көмегі көрсетілді. Жалпы, биыл департаментке барлығы 1 152 өтініш келіп түсті. Өтініштерге сәйкес 1 081 құжатқа апостиль қойылып, 71 бас тарту берілді. Сондай-ақ, мемлекеттік алым ретінде мемлекеттік бюджетке 2 125 246 теңге түсірілді. Айта кетейік, Әділет департаменті ресми құжаттарға апостиль қою жұмыстарын бүгінгі таңда «электрондық үкімет» порталы арқылы жүргізуде. Осы аталған мемлекеттік қызмет 1 жұмыс күні ішінде көрсетіледі. Зияткерлік меншік құқығын сақтау және қорғау саласы бойынша жүргізілген тексеру мен әкімшілік істер бойынша түскен өтініштер негізінде 5 субъектіге тексеру жүргізілді. Нәтижесінде, құқық бұзушылықтар анықталып, әкімшілік іс қозғалды,- деді Ұзақбай Оразгелдіұлы.</blockquote>Әділет департаментінің басты бағыттарының бірі – алимент төлемдерін өндіру.&nbsp;<blockquote>– Осы бағыт бойынша биыл жеке сот орындаушыларының өндірісінде 12 996 атқарушылық іс жүргізілуде. Есепті кезеңде жеке сот орындаушыларының орындауында мемлекет кірісіне өндіру санатындағы 72 279 атқарушылық іс жүргізу болды. Оның 33 898-і аяқталып, 17 719-ы нақты орындалды. Жеке сот орындаушыларының қызметін бақылау үшін биыл 96 жоспардан тыс тексеру жүргізіліп, 74 жеке сот орындаушысына тәртіптік шара қолданылды,- деді Қызылорда облысы бойынша Әділет департаментінің сот орынлаушыраның қызметін реттеу және бақылау бөлімінің басшысы Жандос Абсат.</blockquote>Фото: Қызылорда облысының Өңірлік коммуникациялар қызметі

Әділет департаменті ЖИ-құқықтық кеңесшіні іске қосты

<a href="https://kyzylorda-news.kz/">Kyzylorda-news.kz</a>&nbsp; 15 қараша - Ұлттық валюта күні және қаржы саласы қызметкерлерінің кәсіби мерекесі. Бұл күн - тәуелсіз еліміздің қаржы жүйесінің қалыптасу тарихындағы ерекше белес, экономикалық дербестіктің жарқын көрінісі. Осы атаулы датаға орай Өңірлік коммуникациялар қызметінің ақпарат алаңында Қызылорда облысының экономика және қаржы басқармасының басшысы Сәкен Мырзабек өңірдің қаржылық ахуалы мен экономикалық дамуы туралы баяндады.Басқарма басшысының айтуынша, биылғы жылы Қызылорда облысының жалпы бюджет көлемі 855,8 млрд теңгені құрап отыр. Өңір экономикасының негізгі көрсеткіштері жыл басынан бері тұрақты өсімге ие болып, дамудың оң динамикасын көрсетуде.«Жыл сайын өңір экономикасын әртараптандыруға және халықтың өмір сүру сапасын жақсартуға бағытталған жаңа жобаларымыз қарқынды жүзеге асуда. Биыл жалпы өңірлік өнім көлемі 3 трлн 100 млрд теңгеге жетті. Негізгі макроэкономикалық көрсеткіштердің барлығында өсім бар. Жыл соңына дейін осы қарқынды сақтап, жалпы өңірлік өнім көлемін 3,7 трлн теңгеге жеткізуді жоспарлап отырмыз. Аймақ бюджеті 247 пайызға өсті, оның 56 пайызы әлеуметтік салаға бағытталды. Даму бюджетінің көлемі 4,4 есеге ұлғайды. Өңірдің өзекті мәселелерін шешуге және тұрғындардың әл-ауқатын арттыруға арналған бастамалар алдағы уақытта да жалғасын табады», — деді Сәкен Салхадинұлы.Спикердің мәлімдеуінше Қызылорда облысының әлеуметтік-экономикалық дамуы соңғы жылдары жаңа серпін алып, инвестициялық белсенділік артып келеді. Инфрақұрылымдық жобалар, әлеуметтік салаға құйылған қомақты қаржы және өндірістік әлеуеттің артуы өңірдің тұрақты дамуын қамтамасыз етуде.Ұлттық валютамыз - теңге күні қарсаңында БАҚ өкілдеріне ұсынылған ақпарат ел экономикасы мен өңірдің даму бағытын көрсетті. Қаржы жүйесіндегі тұрақтылық - елдің әлеуметтік әл-ауқаты мен болашаққа деген нық сенімінің кепілі.Фото: Қызылорда облысының Өңірлік коммуникациялар қызметі

15 қараша - ұлттық валюта күні

<a href="https://kyzylorda-news.kz/">Kyzylorda-news.kz</a> Облыс әкімінің бірінші орынбасары Данияр Жаналинов "AMANAT" партиясы облыстық филиалының қоғамдық қабылдау кестесіне сәйкес қоғамдық қабылдау өткізіп, азаматтардың өтініштерін тыңдады.Қабылдауға келген облыс тұрғындары білім беру, денсаулық сақтау, кәсіпкерлікті дамыту және әлеуметтік қолдау бағыттары бойынша өз өтініштері мен ұсыныстарын жеткізді.Облыс әкімінің бірінші орынбасары азаматтар өтініштері бойынша нақты кеңестер беріп, оларды шешу бойынша тиісті басқарма басшыларына нақты тапсырмалар берді.Қабылдау барысында азаматтарға онлайн да өтінішін білдіруге мүмкіндік жасалды.&nbsp;

Облыс әкімінің бірінші орынбасары азаматтарды қабылдап өтініштерін тыңдады

<a href="https://kyzylorda-news.kz/">Kyzylorda-news.kz</a>&nbsp;ҚР ҚМ МКК Қызылорда облысы бойынша Мемлекеттік кірістер департаменті басшысының орынбасары Елеманов Асқар Сейдекәрімұлы партия алаңында қабылдау өткізді.Қабылдауға қатысқан азаматтар мүлік салығын төлеу мерзімі, банкроттық рәсімі және төлем қабілеттілігін қалпына келтіру тақырыптарын қозғады.2026 жылғы 1 қаңтардан бастап заңды тұлғалардың мүліктері бойынша салықтар жылына бір рет төлем жүргізуге жатады.&nbsp; Оңайлатылған салық декларациясы және басқа да режимдер біріктіріліп бөлшек салықтың арнаулы салық режимі негізінде жұмыс жасау көзделуде.&nbsp;Салықтық кесте бойынша 2000 жылғы автокөліктердің салық жүктемесіне ешқандай өзгеріс енгізілмеген.&nbsp; 2026 жылдан бастап жаңа «Салық Кодексі» бойынша 10 жылдан асқандарға 0,7, 20 жылдан асқандардың салығынан 0,5 пайызы азайтылады.&nbsp;Келесі жылы Салық Кодексіне өзгерістер енгізілуі күтілуде. Оңайлатылған салық декларациясы және басқа да режимдер біріктіріліп бөлшек салықтың арнаулы салық режимі негізінде жұмыс жасау көзделуде. Қосымша құн салығы мен жылдық шекті табыс көлеміне өзгерістер енгізіледі деп күтілуде. Осыған сәйкес жеке кәсіпкерлердің ҚҚС-ның жылдық шекті табысынан асып кетпеуін болдырмау мақсатында бөлшек салықтың арнаулы салық режимін қолдану керектігі ескертілді.Банкроттық рәсіміне тапсыру заңдылықтары түсіндірілді. Қолданыстағы Заңға сәйкес төлем қабілеттілігін қалпына келтіру рәсімін қолдану талаптарына сәйкес жалпы қарызы 6 291 мың тг (1600 АЕК) асу қажет.&nbsp;Банкроттық рәсім бойынша тұрғынға заңдылықтар аясында түсіндірме жұмыстары жүргізілді. Банкроттыққа өтудің алғышарттары мен қажетті құжаттар тізімі айтылды. Сонымен қатар, банкроттыққа өтудің салдары туралы, оның ішінде, 5 жыл көлемінде ешбір несие алуға мүмкіндігі болмайтыны жеткізілді.

Салық төлемдері бойынша кеңес берілді

<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясы Жалағаш аудандық филиалының ұйымдастыруымен &nbsp;Жалағаш кентінде кезекті «Таза бейсенбі» экологиялық акциясы өтті. &nbsp;Бұл жолғы тазалық жұмыстары Жеңістің 50 жылдығы көшесінің бойында жүргізіліп, аумақ күл-қоқыстан, қураған шөптер мен тұрмыстық қалдықтардан толықтай тазартылды.Акцияға аудандық мәслихаттағы партия фракциясының депутаттары, бастауыш партия ұйымдарының мүшелері, еріктілер мен жастар жұмылдырылып, 60-тан астам азамат белсенділік танытты.<blockquote>«Біз бұл акция арқылы экологиялық мәдениетті арттырып, тұрғындарды қоршаған ортаны таза ұстауға үндеуді мақсат етеміз. Тазалық қоғам алдындағы ортақ жауапкершілігіміз. “Таза бейсенбі” – бұл бір күндік жұмыс емес, бұл – ортақ жауапкершілік пен тәрбие. Сондықтан да &nbsp;«AMANAT» &nbsp;партиясы алдағы уақытта да бұл бағыттағы жұмыстарды жүйелі түрде жалғастырады», – деді партияның аудандық филиалының атқарушы хатшысы Қаншагүл Мұстафаева.</blockquote>Жалпы, Жалағаш ауданында «Таза бейсенбі» акциясы дәстүрлі түрде өткізіліп келеді. Сонымен қатар әр сенбі сайын партия мүшелері «Таза Қазақстан» ұлттық экологиялық акциясы аясында сенбілік жұмыстарын тұрақты жалғастыруда.Бүгінгі акция барысында 3 шақырымға жуық көше аумағы тазаланып, 4 тоннаға жуық қоқыс арнайы орындарға шығарылды.&nbsp;

Тазалық – қоғам алдындағы ортақ жауапкершілік

<a href="https://kyzylorda-news.kz/">Kyzylorda-news.kz</a>&nbsp;Қылмыстық-атқару жүйесі департаментінің №60 мекемесінің ұйымдастыруымен &nbsp;Қызылорда облысы кәсіпкерлер палатасында дөңгелек үстел өтті. ҚР Презитінің әкімшілігің басшысында қылмыстық-атқару жүйесінің проблемалық мәселелеріне арналған кеңес отырысының хаттамалық тапсырмасы негізінде жиын өтті.Дөңгелек үстелдің негізгі мақсаты – жазасын өтеуші азаматтардың еңбегін ұйымдастыру бойынша №60 мекеменің өндірістік аймағына шағын және орта бизнес иелерін тарту.Отырысқа «Атамекен» ҰКП Қызылорда облысы бойынша директорының орынбасары Р.С.Зейнуллин төрағалық етті. №60 мекеменің басшысының жалпы сұрақтар жөніндегі орынбасары, әділет майоры А.Ж.Ертай баяндама жасады. Дөңгелек үстелге мекемеде ісін дөңгелетіп отырған кәсіп иелері, басшылық құрам, РМК «Еңбек-Қызылорда» филиалынан өкілі, кәсіпкерлер палатасының қызметкерлері &nbsp;және қызығушылық танытқан кәсіпкерлер қатысты.Мекеменің өндірістік аймағының жалпы жер телімі 5,6 гектар болса, оның ішінде бос жер телімі – 974 шаршы метр, бос ғимарат – 250 шаршы метрді құрайды. Сондай-ақ, шарада кәсіпкерлерге РМК «Енбек-Қызылорда» филиалымен тиімді келісім-шарт жасасудың артықшылықтары нақта айтылды. Атап айтқанда жерді жалға алу ақысының жоқтығы, комуналдық қызметтерге тек қолданған жағдайда төлеуі, жұмыс жасайтын сотталғандарға төлететін еңбекақының өндіріс көлеміне қарай төленуі және мемлекеттен субсидия алуға қолдау көрсету.Дөңгелек үстелде кәсіпкерлер мен жауапты мамандар арасында талқылау жұмыстары жүріп, нәтижесінде тиісті органдарға ұсыныстар айтылды. Кәсіпкерлер қазіргі шешуі күрмеліп жатқан мәселелерді ортаға салып, салыстырулар мен тараптар жағынан пікірлер айтылды. Дайын өнімнің өтімін арттыру, салық төлемдеріне жеңілдіктер қарастыру, субсидия алуды қолайлы ету жайында ұсыныстар айтылды және де ҚАЖ департаментінің №60 мекемесінің өндірістік аймағына дайын кәсіпорындар ашу және кәсіпкерлердің ішке кіруін жеңілдету бойынша идеялар айтылды. Түптеп келгенде басты мақсат жазасын өтеп жатқан азаматтарды жұмыспен қамтып, еңбекке араластыру.Талықылау барысында 2023 жылдан бастап сотталғандарды тұрақты еңбекпен қамтамасыз етіп отырған кәсіпкерде пікірін білдірді.<blockquote>«Сотталғандарды жұмыспен қамту оларды тек жұмыс күшінде пайдалану ғана емес, қоғамға бейімдеу. Мұнда машықтанған адам көп, бостандыққа шыққан соң көбі өз кәсіптерін ашып, кәсіпкер атанып жатыр. Жазасын өтеп болған соңда жұмыспен қамтамасыз етуге ниеттімін. Әрине осылай менде өнім алып, оларда осындай нәтиже көрсетсе қуантарлық жағдай. Мекемеде қатаң тәртіп екені белгілі, алайда кәсіп жасау үшін сырттан шикізат кіргізу керек. Осы жағынан және дайын өнімдерді сыртқа шығару процестерін тездетуге мүмкіндік жасаса деймін», – дейді «Сұлтан» ЖСШ директоры А.Алибеков.</blockquote>

ҚАЖ: Өндіріс аймағына шағын және орта бизнес өкілдерін тарту мәселесін қарады

<a href="https://kyzylorda-news.kz/">Kyzylorda-news.kz</a>&nbsp;Ауыл шаруашылығы еңбеккерлерінің екінші форумында Жұмысшы мамандықтары жылына орай еңбек адамдарына айрықша құрмет көрсетілді.Мемлекет басшысының Жарлығымен еліміздің агроөнеркәсіп саласын дамытудағы аса үздік жетістіктері үшін «Степное» жауапкершілігі шектеулі серіктестігінің (Ақтөбе облысы) директоры Аманғос Сансызбайұлы Төлеуовке жоғары дәрежелі ерекшелік белгісі – «Қазақстанның Еңбек Ері» атағы берілді.Президент Қасым-Жомарт Тоқаевтың қолынан ауыл шаруашылығы саласының 30 еңбеккері мемлекеттік награда алдыАтап айтқанда, бір адам – «Парасат» орденінің кавалері, саланың 6 өкілі «Құрмет» орденінің иегері атанды.II дәрежелі «Еңбек даңқы» орденімен 1 азамат, III дәрежелі «Еңбек даңқы» орденімен 10 адам, «Ерен еңбегі үшін» медалімен 6 еңбеккер марапатталды.Сондай-ақ бүгінгі іс-шарада «Қазақстанның аграрлық саласының еңбек сіңірген қайраткері» құрметті атағы ауыл шаруашылығы саласында озат атанған төрт азаматқа алғаш рет тапсырылды.<img class="image_resized" style="width:100%;" src="https://knadmin.beoblood.kz/uploads/image_2025_11_14_T162930_571_84bc546cde.png" alt="Награда.png">Фото: Ақорда

Мемлекет басшысы ауыл шаруашылығы еңбеккерлерін мемлекеттік наградалармен марапаттады

<a href="https://kyzylorda-news.kz/">Kyzylorda-news.kz</a> Қазақстандық күріш өндіру және өңдеу саласының мамандары Германияның Ганновер қаласында өткен AGRITECHNICA 2025 әлемдік агротехникалық көрмесіне қатысты. Көрмеге 2 700-ден астам компания келген, бұл – агроөндірістің жаһандық деңгейде трансформацияланғанына айқын мысал.Бүгінгі негізгі бағыт – агросекторды цифрландыру, күріш индустриясын дамыту, су ресурстарын үнемдейтін және смарт-технологияларды енгізу. Осы сапарда күріш жинайтын, жер өңдейтін техникалық жабдықтарды, DJI T100 дрондарын (Қызылордада қарашаның соңында таныстырылады), күріш сақтау қоймаларын интеллектуалды басқару жүйелерін, алқапты тегістеу және ақылды дренаж жүйелерін қолдану технологияларын жеткізу туралы келісімдер жасалды.Бұл – инновациялық агроплатформаға бағытталған нақты қадам. Тұрақты даму, цифрлық трансформация және ресурстарды тиімді пайдалану өсімді қамтамасыз етеді.<img src="https://knadmin.beoblood.kz/uploads/Agrotehnikaly_k_rme_2_dbcc974231.jpg" alt="Агротехникалық көрме 2.jpg">

Күріш өндірушілер әлемдік агротехникалық көрмеге қатысты

<a href="https://kyzylorda-news.kz/">Kyzylorda-news.kz</a> Қызылорда облысы әкімдігі және Қорқыт ата атындағы Қызылорда университетінің ұйымдастыруымен «Мұстафа Шоқай мұраларын зерттеудің өзекті мәселелері: тарих, таным және тағылым» тақырыбында халықаралық ғылыми-теориялық конференция өтті.&nbsp;Конференция Мұстафа Шоқайдың өмірі мен мансабы туралы бейнероликпен басталды. Көрнекті мемлекет және қоғам қайраткері, Алаш қозғалысының ірі өкілі, түркі дүниесінің ұлы перзенті Мұстафа Шоқайдың туғанына 135 жыл аясында ұйымдастырылған халықаралық ғылыми-теориялық конференцияға Қазақстан, Түркия, Әзербайжан, Өзбекстан елдерінің ғалымдары мен зерттеушілері, БАҚ және қоғамдық ұйым өкілдері, магистранттар мен докторанттар қатысты. Конференция жұмысы пленарлық және секциялық отырыс түрінде өтті. Ғалымдар мен сарапшылар Мұстафа Шоқайдың өмір жолы, саяси-қоғамдық қызметі, публицистикалық және ағартушылық еңбектері сонымен бірге оның идеяларының қазіргі кезеңдегі өзектілігі жөнінде баяндама жасады.&nbsp;Конференцияның пленарлық мәжілісін Қызылорда облысы әкімінің орынбасары, педагогика ғылымдарының кандидаты Мейрамбек Шермағанбет алғы сөзімен ашты.<img src="https://knadmin.beoblood.kz/uploads/Whats_App_Image_2025_11_14_at_10_26_28_a1be8cb896.jpeg" alt="М.Шоқай конференция.jpeg"><blockquote>– Қызылорда – Мұстафа Шоқайдың кіндік қаны тамған, Сыр бойының қасиетті өлкесі. Бұл өлке – елдік пен ерліктің, руханият пен білімнің тоғысқан жері. Сондықтан аймағымызда Мұстафа Шоқай есімін дәріптеу, мұрасын насихаттау бағытында жүйелі жұмыстар жүргізіліп келеді. Бүгінде облыс пен қала көлемінде қайраткер есімі көшелер мен білім беру ұйымдарына берілді. Қаланың ортасында Мұстафа Шоқайдың еңселі ескерткіші бой көтерді. Университет қабырғасында дәстүрлі түрде «Мұстафа Шоқай оқулары» өткізіліп, жас ғалымдардың зерттеу көкжиегі кеңейіп келеді. Мектептер мен жоғары оқу орындарында қайраткердің өмірі мен қызметін танытатын ғылыми-танымдық және тәрбие бағытындағы іс-шаралар жүйелі жолға қойылған. Театр сахнасында қойылымдар ұсынылып, деректі фильмдер түсіріліп, еңбектері мен энциклопедиясы жарық көруде. Мұның барлығы өңірдің Мұстафатану іліміне қосқан нақты үлесі. Ұлттың ертеңі – білімді, елжанды, отансүйгіш жастардың қолында. Ал сол жастардың жүрегінде Мұстафа Шоқай сынды тұлғалардың өнегесі мен рухы мәңгі жасай береді, – деді Мейрамбек Зинабдинұлы.</blockquote>Пленарлық мәжілісте Түркия мемлекеті Мимар Синан көркем өнер университетінің профессоры, тарих ғылымдарының докторы – Әбдіуақап Қара, АҚШ, Мичиган университетінің құрметті профессоры, филология ғылымдарының докторы – Тимур Кожаұлы, Өзбекстан Республикасы Ғылым академиясының Тарих институтының бас ғылыми қызметкері, тарих ғылымдарының докторы, профессор – Қаһромон Раджабов, Азербайжан ҰҒА тарих және этнология институтының бөлім меңгерушісі, тарих ғылымдарының докторы, профессор – Гюллю Йологлу, ақын, Қазақстан Жазушылар одағы төрағасының орынбасары – Қасымхан Бегманов, Қазақстан мұсылмандары діни басқармасы жанындағы Ислам ғылыми-зерттеу институтының директоры, филология ғылымының кандидаты, доцент – Төрәлі Еділбайұлы, PhD, Қазақстан Жазушылар одағы балалар мен жасөспірімдер әдеби жанрлық кеңесінің төрағасы – Елдос Тоқтарбай, Мұстафа Шоқайтану ғылыми орталығының жетекшісі, саяси ғылымдарының докторы, профессор – Әбдіжәлел Бәкір баяндама жасады.Көп жылғы уақытын Мұстафа Шоқай өмірін зерттеуге арнаған ғалым Әбдіуақап Қара ел тәуелсіздігі жолында құрбан болған ұлы тұлғаларға тиісті баға берілмей келе жатқанын тілге тиек етті. Бұрынғы идеологиялық таным-түсініктен арылу қажет екенін және оларға саяси баға беруде тәуелсіз¬дік мұратын басшылыққа алу керегін ортаға салды. Шоқайдың саяси күресінің басты мақсаты – Түркістандағы кеңес билігінің орнына тәуелсіз ұлттық басқару жүйесін орнықтыру болғанын нақты деректермен дәлелдеп берді.Қорқыт ата атындағы Қызылорда университетінің профессоры Әбдіжәлел Бәкір Мұста¬фа Шоқайдың саяси қайраткер болып қалыптасуына ең алдымен оның өскен ортасы, отбасындағы тәрбиесі ықпал еткенін ортаға салды.&nbsp; Алаштанушы ғалым Елдос Тоқтарбай ХХ ғасырдың алғашқы ширегіндегі әдебиеттегі Түркістан мүддесі туралы айта келіп, Мұстафа Шоқай мұрасын тереңдете зерттеу қажеттігіне тоқталды.&nbsp;<blockquote>– Бүгінде ел бірлігі жолында қызмет еткен азаматтардың өз дәрежесінде ұлықталмай келе жатқаны шындық. Еліміздің тарихы Мұстафа Шоқайдың еңбектерінде айқын көрсетілген. Оның барлығы басқа тілде болғандықтан бүгінде көптеген еңбектерін түсіне алмай келеміз. Сол себепті оқу ордаларында қазақ, орыс, ағылшын тілдерінен бөлек басқа да тілдерді ресми түрде енгізіп, оқыту қажет деп ойлаймын. Мұның барлығы тарихты зерттеу үшін қажет. Сонда болашақ ұрпақтың ұлы тұлғаның өмірі мен шығармашылығына деген қызығушылығы артары сөзсіз. Мұстафа Шоқайдың еңбектері ұлт үшін қызмет ететін мың жылдық мұра. Оны атадан балаға аманат ретінде сақтауымыз қажет, – деді ол.</blockquote>Жазушылар одағы төрағасының орынбасары Қасымхан Бегманов Мұстафа Шоқайдың шығармаларына қатысты ұсынысын айтты.<blockquote>– Мұстафа Шоқай салған жол Санкт-Петербургтен бастап Ташкент, Тбилиси, Баку, Ыстанбұл, Берлин, Париж, Лондон, Варшава, Ригаға дейін созылады. Осы елдердің архивінде түпнұсқа материалдардың басым бөлігі орыс, француз, түрік, неміс тілдерінде сақтаулы тұр. Қазақ және өзбек тіліндегі аудармалар қысқартылып, контексті бұзылған. Осы баяндама аясында бірқатар ұсынысым бар. &nbsp;Біріншіден, бірлескен көптілді аударма-редакция кеңесін құрып, ғылыми аударманың бірыңғай стандарты мен глоссарийін бекіту керек деп ойламын. Сонда болашақ шоқайтанушылар таза ғылыми ізденіспен айналысар еді. Екінші – Мұстафа Шоқайдың Берлиндегі және Париждегі басылымдарының толық жиынтығы қолымызда емес. Кей сандар түрлі жеке қорларда сақтаулы тұр. Осы орайда «Мұстафа Шоқай мұрасы» атты жоба бастап, &nbsp;электронды каталог жасап, еңбектерінің бәрін қолжетімді етуге атсалыссақ нұр үстіне нұр. Үшінші – Мұстафа Шоқайдың қай кезеңде, қандай құжаттарға қол қойғанын және де оның позициясын айқын көрсетіп, ғылыми дәйектермен тайға таңба басқандай етіп көрсетуіміз керек. Оны нақты дәлел ретінде ғылыми айналымға енгізу керек. Ол үшін – хронологиялық карта, Мұстафа Шоқай қатысқан жиналыстар, кездесулер, хаттар тізбелері арқылы биобиблиографиялық профилін жасау міндетті. Төртінші ұсынысым – &nbsp;«Мұстафа Шоқай және түркішілдік» идеясы. Осы идеяны нақтылап, ғылыми тұжырымдап көрсету керек деп ойлаймын. Кей басылымдарда Мұстафа Шоқайдың көзқарасын үстірт көрсетеді. Оның тұлғасын «тарихи пантеон» форматына лайықтап, мультимедиялық көрме, цифрлық тур жасау қажет. Қателеспесем бұл Түркістан қаласында бастау алды. Мұстафа Шоқайдың болған әрбір мемлекеттерін көрсете отырып, құжаттарды да соған сай цифрландырып көрсету бүгінгі заман талабына сай болар еді, – деді ол.</blockquote><img src="https://knadmin.beoblood.kz/uploads/Whats_App_Image_2025_11_14_at_10_26_29_a68e64f2bb.jpeg" alt="М.Шоқай конференция.jpeg">Конференция Мұстафа Шоқайдың саяси-құқықтық, публицистикалық және ағартушылық мұрасын кешенді түрде зерттеу, оның мемлекетшілдік идеяларының қазіргі кезеңдегі өзектілігін айқындау және Мұстафатану ғылымының дамуына жаңадан серпін беруді мақсат етті.Конференцияға қатысушылар Мұстафа Шоқайдың еркіндік пен әділет жолындағы күресі қазіргі Қазақстанның тарихи жадын, рухани тәуелсіздігін және мемлекетшілдік дәстүрін қалыптастырудағы маңызды іргетас екенін атап өтті. Сонымен қатар, Қорқыт ата атындағы Қызылорда университеті жанынан тұрақты түрде жұмыс істейтін «Мұстафа Шоқай мұрасын зерттеу жөніндегі халықаралық ғылыми кеңес» құру, Мұстафа Шоқайдың шығармашылық және саяси мұрасын цифрландыру, оның еңбектерінің толық академиялық жинағын бірнеше тілде дайындау, ашық электрондық «Mustafashokay.kz» цифрлық платформасын іске қосу, Мұстафа Шоқайдың 135 жылдығына арналған халықаралық ғылыми еңбектер жинағын басып шығару және тарату туралы шешім қабылдады.Алаш қайраткерлерінің есімін мәңгі есте сақтау үшін Қызылорда қаласының сол жағалауында «Алаш қайраткерлері аллеясын» ашу, Шиелі ауданына «Мұстафа Шоқай» атауын беру, мектептер мен колледждерде жыл сайын оқушылардың ғылыми конференциясын, эссе байқауларын, дебаттурнирлерін дәстүрлі форматқа енгізу мен Қорқыт ата атындағы Қызылорда университетінде демеушілер есебінен жыл сайын конкурс негізінде білім алушыларға «Мұстафа Шоқай» атындағы білім грантын, «Мұстафа Шоқай» атындағы степендия тағайындау туралы ұсыныстар айтылды.Аталған іс-шара Алаш қайраткерінің мұрасын зерттеудегі жаңа кезеңнің басталғанын айқындайды. Қазақстан, Түркия, Әзербайжан, Өзбекстан сияқты елдерден келген ғалымдардың басын қосқан конференция, Мұстафа Шоқайдың өмірі мен қызметіне қатысты тың дерек пен жаңаша көзқарастарды ортаға салды. Бұл Мұстафа Шоқайдың мемлекетшілдік идеяларының бүгінгі Қазақстан үшін маңызын айқындап, оның мұрасын тереңірек зерттеуге жаңа серпін бергені сөзсіз.Аружан ЕРАЛЫ

Ұлы тұлға есімі дәріптелген күн

<a href="https://kyzylorda-news.kz/">Kyzylorda-news.kz</a> Бүгін облыс әкімнің бірінші орынбасары Данияр Жаналиновтың төрағалығымен Автожол саласы мен автомобиль көлігі жұмыскерлері күніне орай мәжіліс өтті. Оған басқарма басшылары, сала қызметкерлері қатысты.«Мемлекет басшысы Қасым-Жомарт Кемелұлы автомобиль жолдары мен авиахабтар желісін белсенді дамытудың маңызын атап өтті. Бұл мақсатта ауқымды жұмыс атқарылуда. 2021 жылдың қорытындысымен өңірімізде жақсы және қанағанаттарлық жағдайдағы жолдың үлесі 75 пайыз болған. 2022-2025 жылдар аралығында республикалық және жергілікті бюджеттен 147 млрд. 525 млн. теңге бөлініп, 485 жоба жүзеге асты. Бөлінген қаржыға 1600 шақырым жол, 30 көпір өткелінің құрылысы, қайта жаңғырту және реконструкциялау жұмыстары жүргізілді. Жол салу – бұл жай ғана инфрақұрылым жеткізу емес, &nbsp;сауда, туризм және халықтың әл-ауқатын арттырудың негізін қалау. Біздің міндетіміз – жол инфрақұрылымын одан әрі дамыту. Автожол қызметкерлерінің еңбегі көп жағдайда көзге көрінбегенімен, елдің тіршілігі мен дамуы осы сала еңбеккерлері салған нысандарға байланысты. Жолдар мен көшелерге олардың маңдай тері сіңген», – деді Данияр Еренғалиұлы.Басқосуда сала қызметкерлеріне «Еңбек ардагері», «Құрметті жолшы», «Үздік автокөлікші» төсбелгісі, &nbsp;Көлік министрінің, облыс әкімінің Құрмет грамотасы табысталды. Еңбек ардагері Жәнібек Нұрқышұлы құттықтау сөз сөйледі.Биыл жол инфрақұрылымын дамытуға республикалық, облыстық және аудандық бюджеттен 49 млрд 643 млн теңге бөлінді.Соның арқасында 329 шақырым автомобиль жолы, көшелер мен көпір өткелдері жөндеуден өтті. Жақсы және қанағаттанарлық жағдайдағы жолдың үлесі 95 пайызға жетеді.Республикалық маңызы бар «Қызылорда-Жезқазған» автомобиль жолын қайта жаңғырту 2022 жылы басталғаны белгілі.Бүгінде облыс аумағына тиесілі 191 шақырым жол &nbsp;толық аяқталып, жақын күндері пайдалануға беріледі.&nbsp;Мемлекет басшысының тапсырмасына сәйкес Қызылорда қаласынан Ақтөбе облысының шекарасына дейінгі 566 шақырым жолды І санатқа ауыстыру үшін «ҚазАвтоЖол» мекемесі жоба-сметалық құжаттама әзірледі. &nbsp;Жобаның жалпы құны 879 млрд 191 млн теңге, қазір «Ислам даму банкі» арқылы қаражат тарту және мердігерлерді анықтау жұмыстары жүргізілуде.<img src="https://knadmin.beoblood.kz/uploads/Zhol_salasyny_yzmetkerleri_marapattaldy_15435b8d69.jpg" alt="Жол саласының қызметкерлері марапатталды.jpg">

Қазақстан және Қызылорда облысының жаңалықтары: Қоғам