Kyzylorda-news.kz. Облыс әкімі Нұрлыбек Нәлібаев «Қызылорда жылу-электр орталығының» жұмысымен танысты.Электр және жылу энергиясын өндіру, тарату, жеткізу қызметін жабдықтаушы мекеменің негізгі қондырғылары штаттық режимде жұмыс істеуде. Барлық жылу энергия көздерінің жұмысы сыртқы ауа температурасына қарай бекітілген кестеге сәйкес.Электр энергиясының орташа өнімі сағатына 46,3 МВт, оның ішінде өз қажеттілігіне 6,3 МВт пайдаланады, тұтынушыларға &nbsp;40 МВт жіберіледі. &nbsp;Жылу энергиясы сағатына 132 &nbsp;Гкал өндіріледі.Аймақ басшысы орталықтың тұрақты әрі қалыпты режимде жұмыс істеуін қатаң қадағалауды тапсырды.Айта кетейік, Мемлекет басшысының еліміздегі жылу-электр орталықтарының жұмысын жандандыру тапсырмасына сәйкес, Қызылордада ЖЭО құрылысы басталды. Бұл - тәуелсіздік жылдарындағы инвестор қаржысына салынатын ең ауқымды, теңдессіз жоба. Құны 215 млрд теңге болатын орталық 2025 жылы іске қосылмақ.Жаңа ЖЭО электр энергиясын сырттан сатып алудан арылтып, &nbsp;өндірілген электр энергиясының бір бөлігін аймақтан тыс жерлерге сатуға мүмкіндік береді.<img src="https://knadmin.beoblood.kz/uploads/FB_IMG_1704558449644_5d261fa150.jpg" alt="FB_IMG_1704558449644.jpg">

Аймақ басшысы жылу-электр орталығының жұмысымен танысты

Kyzylorda-news.kz. Жаңа жылдың алғашқы жұмыс аптасында Сенат депутаттары Ақмарал Әлназарова, Руслан Рүстемов, ҚР Парламенті Мәжілісіндегі «AMANAT» партиясы фракциясының мүшелері Мұрат Ергешбаев пен Мұрат Әбенов Сыр өңіріне жұмыс сапарымен келді.Іссапардың мақсаты – &nbsp;тұрғындармен кездесіп, оларды толғандырған мәселелерді шешу жолдарын талқылау, партияның халыққа берген уәделерінің, Сайлауалды бағдарламаның орындалу барысынан хабардар ету. Фракция мүшелері түрлі сала өкілдерімен, еңбек ұжымдарымен Қызылорда қаласында, Сырдария, Жалағаш аудандарында кездесулер өткізді.Сенатор Ақмарал Әлназарова медициналық-санитариялық алғашқы көмек көрсету ұйымдары басшыларымен денсаулық саласындағы мәселелерді талқылады. Жиналыста тұрғындардың алғашқы медициналық-санитариялық көмек алуын бекіту, дәрі-дәрмекпен қамтамасыз ету, жедел медициналық көмектің 4 санаттағы шақыртулары, қаржыландыру секілді түйінді түйткілдер көтеріліп, олардың шешу жолдары қарастырылды.Сапар барысында Р.Рүстемов, А.Әлназарова және М.Ергешбаев сырдариялық спортшылармен кездесті. Кездесу күрделі жөндеуден өткен аудандық спорт клубында өтті. 1976 жылы салынған ғимаратқа былтыр «Ауыл – ел бесігі» бағдарламасы аясында 88,9 млн. теңге қаражат бөлініп, жөндеу жұмыстары жүргізілген. Қазір клубта 792 адам спорттың 9 түрінен жаттығады.Іс-шараға спортшылар, жаттықтырушылар және сала ардагерлері қатысты.Депутаттар Мемлекет басшысының бастамасымен елімізде жүргізілген конституциялық реформаларды, әлеуметтік-экономикалық бағдарламаларды, Парламент қабырғасында талқыланып жатқан Заң жобаларын таныстырды. Спортты дамытуға бағытталған басымдықтарды атап өтті. Өз кезегінде жергілікті спорт қауымдастығының өкілдері ауылдағы спорт нұсқаушыларына төленетін жалақының төмендігін айтты. Депутаттар бұл ретте қалыптасқан жүйелі кедергілерді Туризм және спорт министрлігінің назарына жеткізіп, шешу жолдарын бірге қарастыруға мүдделі екенін білдірді.Мұнан бөлек, халық қалаулылары Сырдария ауданына барып, денсаулық сақтау саласы өкілдерімен кездесті. Сала қызметкерлері кадр дайындау мәселесіне байланысты ұсыныстарын жеткізді. Атап айтқанда, ауылдық жерден шыққан мамандардың интернатурада тегін оқуына квота қарастыру керек. Депутаттар &nbsp;бұған байланысты тиісті сауалдар жолданатынын атап өтті.Жалпы өңірде денсаулық сақтау саласында ауқымды жұмыстар атқарылуда. Халықтың сапалы медициналық қызметке қолжетімділігін арттыру мақсатында елді мекендерде 15 дәрігерлік амбулатория пайдалануға берілді. Биыл облыс бюджетінің басым бөлігі әлеуметтік салаға бағытталды. Оның ішінде денсаулық саласына 138 млрд. 600 млн. теңгеден астам қаржы бөлінді.Мәжіліс депутаты Мұрат Әбенов «Қызылорда-Жезқазған» жолын қайта жаңғырту жұмыстарымен танысты.&nbsp; Автожолдың Қызылорда облысына қарасты бөлігі 204 шақырым, ол 6 лотқа бөлінген. Техникалық-экономикалық негіздемесіне сәйкес, Қызылорда қаласының айналма жолы I б санатты, 4 жолақты, 14,6 шақырым. 12-216 шақырым аралығы &nbsp;II санатты, 2 жолақты. Жоба бойынша жұмыстар жүргізілуде. Атап айтсақ, ауыл шаруашылығы техникалары мен үй жануарларына арналған өткелдер, су арналарына өтетін көпірлер, көпфункцианалды аралық бақылау өлшейтін аркалар, заманауи жылы дәретханалар мен демалыс алаңдары толық қарастырылған.Фракция мүшесі мониторинг барысында сала өкілдері, мердігер мекеме қызметкерлерімен кездесті.Мұрат Әбеновтің Қызылорда қаласындағы жұмыс сапары қалалық жылу-электр орталығында жалғасты. Мұнда жаңа жылу-электр орталығының құрылысымен және қаланы ыстық сумен қамту жобасымен танысты.2025 жылдың соңына дейін пайдалануға берілетін ЖЭО қаланың жылу және электр қажеттілігін толық қамтамасыз етіп қана қоймай, артылған электр энергиясын басқа өңірлерге сатуға мүмкіндік береді.&nbsp; Қазіргі қолданыстағы орталық 1964 жылы салынған. Бірнеше рет күрделі жөндеу жүргізілгеніне қарамастан, стратегиялық нысанның негізгі және қосалқы қондырғыларының тозу деңгейі 90 пайызға жеткен.Былтыр Энергетика министрлігі түркиялық «Aksa Enerji Uretim AS» компаниясымен Қызылорда қаласында жаңа бу-газ қондырғысын орнату жөнінде келісім-шартқа қол қойды. Шетелдік инвестиция есебінен салынатын жаңа ЖЭО 240 МВт электр қуатын өндіре алады. Жобаның болжамды құны – 215 миллиард теңге. 2023 жылдың 24 қазанында іргетасы қаланды.Іссапар барысында мәжілісменге Қызылорда қаласын ыстық сумен қамту жобасы таныстырылды. Бүгінде облыс орталығындағы 781 үйдің 6-уы ыстық су жүйесіне қосылған, тағы 174 үйді қосуға мүмкіндік бар, 423 үйді қосуға қаржы қажет, 184 үйді қосуға мүмкіндік жоқ екені анықталды. Қаладағы көпқабатты тұрғын үйлер 7 аймаққа бөлініп, әр аймаққа жобалаушы ұйым бекітілді. Ыстық су қосу мүмкіндігі бар көпқабатты тұрғын үйлерге жоба-сметалық құжаттамалар әзірленуде.Сонымен қатар, Мұрат Абдуламитұлы Қызылорда қаласындағы Темірбетон бұйымдарын өндіру зауытының жұмысын көрді. Заманауи құрылғылармен жабдықталған зауытта құрылысқа қажет бетон бұйымдардың барлық түрі жасалады. Мұнда тәулігіне 200 м3 темірбетон бұйымдары шығарылады. Өндіріс орынында екі ауысыммен 100 адам тұрақты жұмыс істейді. Тауарлар ішкі нарықты толықтай қамтуда.

Депутаттар Сыр өңірінде: Халық қандай мәселе көтеріп жатыр?

Kyzylorda-news.kz. Тоқаев елдегі жылу жүйесінің ескіргенін атап, үкімет пен әкімдіктердің мұқият болуын еске салды, деп жазады “Адырна” порталы. Бұл туралы ол “Егемен Қазақстан” газетінн берген сұхбатында айтты.<blockquote>“Жылу электр орталықтарын­дағы және тұрғын үй-коммуналдық шаруашылығындағы мүшкіл ахуал – көп жылғы салғырттықтың салдары. Осы саладағы түйткілдер бір күнде аяқ астынан пайда бола қалған жоқ. Оның бәрі жылдар бойы қордаланған мәселелер екені баршаға мәлім. Өңірлердегі жылу орталықтары мен басқа да құрал-жабдықтардың 80 пайызы әбден тозған. Өткен жылдарда коммуналдық шаруашылыққа салынған инвестиция бұл саланың қажетін өтеуге жеткіліксіз болды” деді Тоқаев жылу жүйелері жайлы.</blockquote>Ол өз сөзінде арандатушылардың да ісін атай кетті:“Электр энергетикасы нысандарында болып жататын кішігірім оқиға­ларды дардай қылып көрсетіп, жылу­мен қамтамасыз ету ісіндегі бол­машы олқылықты «қасіретке айналдыруға» ұмтылатын әлеуметтік желідегі белсенділер отқа май құйып, елді дүрбелеңге салып жүр”.<blockquote>“Бүкіл Қазақстандағы инженерлік инфрақұрылымды толық жаңғырту – өте ауқымды әрі күрделі міндет. Бұл мәселе біртіндеп шешіліп жатыр. Көктем-жаз айларында Үкімет пен әкім­­діктер жылу маусымына дайын болу үшін біраз жұмыс жасады. Жағ­дайы сын көтермейтін бірқатар нысанды жөндеді. Ең алдымен, күрделі апаттардың алдын алып, үйлерге жылудың үздіксіз берілуін қамтамасыз ету керек. Бірақ жаңа қуат көздерін ашу, желілерді біртіндеп жаңарту және коммуналдық саланы түгел жаңғырту басты міндет екенін ұмытпаған жөн” деді президент.</blockquote>Сонымен қатар, мемлекет басшысы қазіргі таңда елдегі жылу жүйесінің әрең жұмыс істеп тұрғанын жасырмады. Жағдайды бақылауға алып, қажетті шараларды жүзеге асыру қажеттігін еске салды.<blockquote>“Қазір жылу желілері әрең жұмыс істеп тұр. Үкімет пен әкімдіктер батыл қимылдап, қажетті шараларды дереу қолға алуы керек. Онсыз болмайды” деді ол.</blockquote>

“Жылу желілері әрең жұмыс істеп тұр”. Президент үкімет пен әкімдіктерді құлаққағыс етті

Kyzylorda-news.kz. Арқалықта туған, Еуропада өскен қазақ баласы Мұрат Севальев іздеу жұмыстары туралы өзінде бар соңғы &nbsp;жаңалықтармен бөлісті, – деп хабарлайды Aikyn.kz.Оның айтуынша, Жәнібектің анасы болуы мүмкін деген Жазира есімді әйелдің баласы басқа.<blockquote>"Менің туған анамды табуға деген үмітімді үзбей, қолдап отырғандарыңызға рақмет. Осы бір күрделі жұмбақты шешу жолында әр адамның менің өмірімдегі рөлі ерекше, сіздерге алғыстан басқа айтарым жоқ. Қазақ радиосына барғанымда айтылған әйел – «Жазира» естеріңізде ме? Менің өмірге келген сәтімнен бастап бәрін айтып бере алатын әйел сол еді. Маған қатысты перзентханадағы ресми құжат бойынша менің туған анам деп жазылған адам да сол еді... Естеріңізге түсті деп ойлаймын", &nbsp;– деп жазды Instagram парақшасында.</blockquote>Сілекей сынамасы арқылы жасатқан тест нәтижесі 0% болып шықты.<blockquote>"Нәтижеге сенімді болу үшін басқа клиникаға екінші рет қан арқылы тест жасаттық. Біз тағы да теріс нәтиже алдық. Иә, шындық &nbsp;– осы. Мен тағы бір жылап алдым. Мен қатысып отырған эфирді көріп, ол әйел де жылапты. Қолда бар мәліметті қорытсақ, мені ауыстырып жіберген сияқты және мен құжатта жазылған Жәнібек те болмауым мүмкін...", – деді ол.</blockquote>

Менің анам сол еді: Бельгиядан келген қазақ бала тағы қиындыққа тап болды

Kyzylord-news.kz. 1 қаңтардан бастап мемлекеттік жәрдемақылардың барлық түрлері және базалық зейнетақы төлемі ҚР Ұлттық Банкі айқындайтын инфляцияның болжамды деңгейіне сәйкес 7%-ға, ынтымақты зейнетақы 9%-ға, яғни инфляция деңгейінен 2%-ға артып көтерілді, деп хабарлады turkystan.kz.Еңбек және халықты әлеуметтік қорғау министрлігінің хабарлауынша, 2024 жылы бюджеттен төленетін жиынтық зейнетақының орташа мөлшері (БЖЗҚ төлемдерін есептемегенде) 130 414 теңгені құрайды (2023 жылы – 120 838 теңге).Бұдан басқа, Мемлекет басшысының тапсырмасы бойынша, 2023 жылдан бастап бес жыл ішінде ең төмен базалық зейнетақыны ең төмен күнкөріс деңгейінің 70 %-на дейін, ең жоғары – 120 %-ға дейін жыл сайын кезең-кезеңімен арттыру жүзеге асырылады.<blockquote>«Мәселен, 2024 жылғы 1 қаңтардан бастап базалық зейнетақының ең төмен мөлшері ең төмен күнкөріс деңгейінен 60 %-дан 65 %-ға дейін өсті, бұл 28 215 теңгені құрайды, ең жоғары мөлшері ең төмен күнкөріс деңгейінен 100-ден 105 %-ға дейін арттырылып, 45 578 теңгені құрайды», - делінген министрлік хабарламасында. 2024 жылғы 1 қаңтардан бастап мемлекеттік жәрдемақылардың ұлғаюының бірнеше мысалы:</blockquote>1, 2, 3 баланың тууына берілетін жәрдемақы 131 100 теңгеден 140 296 теңгеге дейін, 4 және одан да көп бала тууына берілетін жәрдемақы – 217 350 теңгеден 232 596 теңгеге дейін ұлғайды;мөлшері балалар санына байланысты көпбалалы отбасыларға берілетін жәрдемақы 4 баласы бар отбасылар үшін 55 304 теңгеден 59 183 теңгеге дейін, 10 баласы бар отбасылар үшін – 138 000 теңгеден 147 680 теңгеге дейін ұлғайды;I топ мүгедектігі бар адамдарға арналған жәрдемақы 89 248 теңгеден 95 496 теңгеге дейін, II топ – 71 398 теңгеден 76 397 теңгеге дейін, III топ – 48 681 теңгеден 52 089 теңгеге дейін ұлғайтылды.Сондай-ақ Мемлекеттік әлеуметтік сақтандыру қорынан (бұдан әрі – МӘСҚ) асыраушысынан айырылу және еңбекке қабілеттілігінен айырылу бойынша төлемдер 7 %-ға ұлғайтылды. Аталған төлемдер міндетті әлеуметтік сақтандыру жүйесіне қатысушыларға бюджеттен берілетін мемлекеттік жәрдемақыларға қосымша жүзеге асырады.Төлемдердің мөлшері жеке-жеке және мыналарға байланысты болады: соңғы 2 жылда МӘСҚ-ға әлеуметтік аударымдар жүргізілген орташа айлық табыс, еңбекке қабілеттілігінен айырылу коэффициенттері, асырауындағы адамдар саны, міндетті әлеуметтік сақтандыру жүйесіне қатысу өтілі және табысты алмастыру.

Елімізде зейнетақы мен жәрдемақы мөлшері өсті

Фото: travelask.ruӘлемдегі ең қымбат металл саналатын осмий-187 Қазақстанда ғана өндіріледі. Бірақ оның өндірісіне қатысты мәліметтер – мемлекеттік құпия, деп хабарлайды &nbsp;<a href="https://kaz.nur.kz/society/2053828-ol-zaily-bukil-malimet-qupiya-qazaqstanda-gana-ondiriletin-en-qymbat-metall-turaly-bilesiz-be/">nur.kz</a>Агенттік мәліметінше, осмий табиғатта 7 изотоп түрінде кездеседі. Осы 7 изотоптың ішінде осмий-187 тек біздің елде өндіріледі. Осмийдің 1 грамы 10 мың доллардан 200 мың долларға дейін бағаланады. Алайда Қазақстанда бұл металлдың өндірісі мемлекеттік құпия болып саналады. "Қазақстанның 1999 жылғы 15 наурыздағы № 349-I Мемлекеттік құпиялар туралы заңының 12-бабы 10-тармағына сәйкес металлургия өнеркәсібінің сирек кездесетін металдарды немесе стратегиялық маңызы бар басқа да материалдарды, оның ішінде осмий өндіру туралы мәліметтер мемлекеттік құпияға жатқызылады", - дейді Өнеркәсіп және құрылыс министрлігінің өкілдері "ҚазАқпарат" тілшісіне берген жауабында.&nbsp;Бір қызығы, табиғатта Осмий-187-ден тығыз зат жоқ. Сондықтан бұл элементті 9 ай бойы өндіреді. Оны ерекше дәлдікті қажет ететін өлшеуіш және медициналық аспаптарды жасауға қолданады.&nbsp;

"Ол жайлы бүкіл мәлімет құпия": Қазақстанда ғана өндірілетін ең қымбат металл туралы білесіз бе?

Kyzylorda-news.kz. Бүгін облыс әкімі Нұрлыбек Нәлібаевтың төрағалығымен өткен мәжілісте Қызылорда облысының дене шынықтыру, спорт және туризм басқармасы құрылғаны хабарланып, жаңа басқарма басшысының міндетін атқарушы таныстырылды.Облыс әкімінің өкімімен Қызылорда облысының дене шынықтыру, спорт және туризм басқармасы басшысының міндетін атқарушы лауазымына Сейілов Жанмұрат Жақсымұратұлы қабылданды.Аймақ басшысы Жанмұрат Жақсымұратұлының бұған дейін де қала әкімінің орынбасары, облыс әкімі аппараты басшысының орынбасары қызметтерінде өңірдің идеология, оның ішінде спорт және туризм салаларына жетекшілік жасап, нәтижелі жұмыс көрсеткенін атап өтіп, жаңа қызметіне сәттілік тіледі.Жаңа басқарма басшысына өңірдегі бұқаралық спортпен айналысушылар үлесін арттыру, 2024 жылғы Париж жазғы Олимпиадасы мен Паралимпиадасында өңір спортшыларының жоғары нәтижеге қол жеткізуін қамтамасыз ету тапсырылды. Білім беру ұйымдары ғимараттарында сабақтан тыс және кешкі уақытта спорт секцияларының жұмысын үйлестіру және іс-шаралар өткізу де жұмыстың бір бағыты болмақ. &nbsp;Қызылорда облысының туристік әлеуетін дамыту, өңірдің танымалдылығы мен келушілер үшін тартымдылығын арттыру бойынша жұмыстар да осы басқарма басшысының құзыретіне кіреді. Сондай-ақ аймақтың туристік инфрақұрылымын дамыту, көрікті жерлерге саяхаттау мүмкіндіктерін насихаттау, туризм саласындағы мемлекеттік бағдарламаларды жүзеге асыруға жауапты болмақ.Жанмұрат Жақсымұратұлы 1985 жылы дүниеге келген. Мұхаммед Хайдар Дулати атындағы Тараз мемлекеттік университетін «Тарих, құқық және экономика негіздері», Қожа Ахмет Яссауи атындағы Халықаралық қазақ-түрік университетін «Мемлекеттік және жергілікті басқару» мамандықтары бойынша бітірген.Еңбек жолын Қызылорда облысы әкімі аппаратының инспекторы ретінде бастаған.Әр жылдары облыстық балалардың құқықтарын қорғау департаментінде, ішкі саясат басқармасы мен қала әкімі аппаратында қызмет атқарған. 2017-2019 жылдары Қызылорда қаласының кәсіпкерлік, өнеркәсіп және туризм бөлімінің басшысы болған.2019-2022 жылдары Қызылорда қалалық мәслихатының, Қызылорда қаласы әкімі аппаратының басшысы,2022-2023 жылдары Қызылорда қаласы әкімінің орынбасары қызметтерін абыроймен атқарған. 2023 жылдың тамыз айынан бері Қызылорда облысы әкімі аппараты басшысының орынбасары қызметін атқарып келді.&nbsp;

Облыстық дене шынықтыру, спорт және туризм басқармасының басшысы қабылданды

<a href="https://kyzylorda-news.kz/">Kyzylorda-news.kz.</a>&nbsp; Облыс әкімі Н.Нәлібаевтың төрағалығымен 2023 жылғы бюджет қаражатын игеру нәтижесі бойынша мәжіліс өтті.Аймақ басшысы бөлінген қаржыны толық игермеген мекемелерді сынға алды.<blockquote>«Өздеріңізге белгілі, бюджет қаражатының сапалы игерілуі өткен жылы ай сайын тұрақты қаралды, тиісті тапсырмалар да берілді. Дегенмен, 2023 жылдың қорытындысында облыс бюджетінің игерілуі 99,3%-ды құрады. Игерілмеген қаржы – 4 млрд. 378 млн. теңге. Үнемделген қаржы 1 млрд. 692,6 млн. теңгені құраса, басқа да себептермен игерілмегені – 2 млрд. 685,3 млн. теңге. Мен барлық облыстық мекеме басшыларына, аудан, қала әкімдеріне бюджет қаржысының тиімді жоспарлануына, пайдаланылуына қатысты қатаң талап қойылатынын ескерттім. Бюджеттің әр тиынының сұрауы бар! Дегенмен, кейбір бюджеттік бағдарлама әкімшілері және әкімдіктер жұмысты дұрыс үйлестіре алмады», – деді Нұрлыбек Машбекұлы.</blockquote>Қаржының толық игерілуін қамтамасыз ете алмаған басқарма басшылары мен қала, аудан әкімдері &nbsp;жағдайды баяндап, қабылданған шаралар туралы айтты.Аймақ басшысы көрсеткіші нашар мекемелердің жұмысына орынды сын айтып, кемшіліктерді шұғыл арада түзетуді міндеттеді. Мәселен, республикалық бюджеттен бөлінген 120,8 млн теңгені игермеген облыстық энергетика және тұрғын үй-коммуналдық шаруашылығы басқармасына биылға қаржының қайта бөлінуін қамтамасыз етіп, жоспарланған жұмыстарды &nbsp;аяқтау тапсырылды. Ұлттық қор қаржысы есебінен 247,3 млн. теңгені, республикалық бюджеттен бөлінген 32,4 млн.теңгені игермеген Қызылорда қаласы әкімдігінің көрсеткіші өте төмен. Осыны ескеріп, тиісті шара қабылдануы керек. Мұнан бөлек, қаржыны игеруде межені жеткілікті орындамаған Арал ауданы әкімдігіне де ескерту жасалды.Мәжіліс соңында облыс әкімі жыл қорытындысымен республикалық бюджеттен бөлінген игерілмеген қаржыны биыл толық пайдалану үшін министрліктермен тиісті жұмыс жүргізуді, басталған қаржы жылының ай сайын жоспарланған қаражатының толық игерілуін қамтамасыз етуді тапсырды.Осыған байланысты, жауапты басшылар бірінші кезекте өткізілуі тиіс мемлекеттік сатып алулар бойынша өтінімдерді веб-портал арқылы облыстық мемлекеттік сатып алу басқармасына шұғыл жолдауы тиіс. Аймақ басшысы мемлекеттік сатып алу конкурстарының жедел жариялануы үшін тапсырыс берушілер техникалық ерекшелік және біліктілік талаптарын сапалы әзірлеуі қажеттігін қаперге салды. &nbsp;

Бюджет қаржысын игеру нәтижесі қаралды

Kyzylorda-news.kz. Облыс әкімі Нұрлыбек Нәлібаев Бесарық ауылындағы бөдене фермасының ашылу салтанатына қатысты.Аймақ басшысы ауыл тұрғындарын жаңа ферманың іске қосылуымен құттықтады.<blockquote>«Президентіміз Қасым-Жомарт Кемелұлы халыққа арнаған Жолдауында «Елімізде сапалы ет, сүт, астық өнімдерін терең өңдеуді дамытуға бағытталған жобаларға басымдық берген абзал. Құс фабрикаларын, көкөніс қоймаларын, ет өнімдерін шығаратын кәсіпорындар ашу арқылы азық-түлік қауіпсіздігін қамтамасыз ету қажет», - деген болатын. Өздеріңізге белгілі, Тәуелсіздік күні &nbsp;қарсаңында Мемлекет басшысы бизнестің әлеуметтік жауапкершілігі жөніндегі «Парыз» республикалық конкурсының Гран-при жүлдесін «Абай Дәулет» жауапкершілігі шектеулі серіктестігіне табыс етіп, аймағымыздың мерейі үстем болды. Бұл жүлдені бір &nbsp;кәсіпорынның ғана емес, Сыр жұртшылығының жеңісі, облыстағы барлық кәсіпкерлерге берілген жоғарғы баға деп білеміз. Азық-түлік қауіпсіздігін қамтамасыз ету бағытындағы маңызды жобаны қолға алып, бөдене фермасын салған кәсіпкер Сәрсенбаев Мұрат Абайұлына Сыр жұртшылығы атынан шынайы ризашылығымызды білдіріп, алғысымызды айтамыз!», - деді Нұрлыбек Машбекұлы.</blockquote>Айта кетейік, &nbsp;«Абай Дәулет» ЖШС күріш, құс, мал өсірумен, тамақ өндірісі және құрылыс материалдарын шығарумен айналысып, 200-ге жуық адамды жұмыспен қамтып отыр.&nbsp; Іс-шарада Бесарық ауылдық округінің коғамдық кеңес төрағасы Әкбар Ақжігітов жерлестерін құттықтап, жиналған көпшілікке бата берді. Сондай-ақ, жобаны іске қосуға атсалысқан, ауылдың дамуына үлес қосқан азаматтар марапатқа ие болды.Ферма жылына 1500 тонна құс етін өндіруге қауқарлы. &nbsp;Сыйымдылығы - 80000 бас, оның ішінде 40000 бас &nbsp;ет бағытында, 40000 бас жұмыртқа бағытында. Кәсіпорын толық қуаттылыққа шыққанда 160 адамды жұмыспен қамтиды, жоба құны - 300 млн. теңге.&nbsp; Айта кетейік, биыл Қызылорда облысында шағын және орта бизнес субъектілерінің саны 10,3 пайызға артып, 70 977 бірлікке жетті. Кәсіпкерлікті қолдауға әртүрлі көздерден 42 млрд теңге &nbsp;тартылып, 3,5 мыңнан астам жобаға қаражат бөлінді. Мемлекеттік қолдау тетігіне қаралған қаржы өткен жылмен салыстырғанда 20 пайызға артық. Оның ішінде Сырдария ауданында 2,5 млрд теңгеге 355 жоба қаржыландырылды.Облыста алдағы 6 жылда құны 1,1 трлн теңгені құрайтын 65 жоба жүзеге асып, 9 мыңға жуық жаңа жұмыс орны ашылады. Негізінен өндірістік жобаларға басымдық берілген. Биыл 14,1 млрд теңгенің 15 жобасы іске қосылды.<img src="https://knadmin.beoblood.kz/uploads/FB_IMG_1704062349651_dca8db4f92.jpg" alt="FB_IMG_1704062349651.jpg"><img src="https://knadmin.beoblood.kz/uploads/FB_IMG_1704062360316_4e45d1a44c.jpg" alt="FB_IMG_1704062360316.jpg"><img src="https://knadmin.beoblood.kz/uploads/FB_IMG_1704062368912_1f96ce6cc9.jpg" alt="FB_IMG_1704062368912.jpg">

Бесарық ауылында бөдене фермасы ашылды

Kyzylorda-news.kz. Облыс әкімі Нұрлыбек Нәлібаев Жаңа жыл қарсаңында медицина мекемелеріне жаңа санитарлық автокөліктердің кілтін салтанатты түрде табыстап, Сыр медицинасының ілгерілеуіне жан-жақты қолдау көрсетілетінін айтты.<blockquote>«Мемлекет басшысы қоғамның тұрақты дамуы жолындағы ұлт саулығының маңызына ерекше мән беріп келеді. Медициналық қызметтің қолжетімділігін, денсаулық сақтау саласы инфрақұрылымын одан әрі жетілдіру үшін облыста да кешенді шаралар қабылдануда. Биыл медицина мамандарына, ардагерлеріне құрмет көрсетіліп, жыл жағымды жаңалықтарымен ерекшеленді. Республикаға белгілі дәрігер хирург Абдулла Шүленбаев Қызылорда облысының Құрметті азаматы атағын алса, дәрігер нейрохирург Шынжырбай Оразмаханұлы «Құрмет» орденімен наградталды. Төрт дәрігер республикалық «Үздік маман» конкурсының жеңімпазы атанып, 2 дәрігер Астанадағы Медицина қызметкерлері күніне орай өткен мерекелік шарада «Алтын шипагер» марапатын иеленді. Денсаулық сақтау саласының ардагері Ернияз Омарұлына ескерткіш-бюст орнатылды. Бұл - өңірде жасалған жұмыстардың бір бөлігі ғана», - деді Нұрлыбек Машбекұлы.</blockquote>Салтанатты іс-шарада облыстағы денсаулық сақтау ұйымдарына 512,5 млн. теңгеге алынған &nbsp;25 жаңа санитарлық автокөлік және құны 43,1 млн. теңге тұратын мүгедектігі бар балаларды тасымалдау үшін арнайы жабдықталған автобус табысталды.Айта кетейік, 2022 жылы 45 жедел жәрдем көлігі алынып, облыстық медициналық жедел жәрдем стансасы 100% &nbsp;қамтамасыз етілді. Келер жылы да денсаулық сақтау ұйымдарын санитарлық автокөліктермен қамтамасыз ету жұмыстары жалғасатын болады.Іс-шарада Денсаулық сақтау саласының үздігі, Қызылорда қаласының құрметті азаматы Сағындық Шәмшиев әріптестерін құттықтап, ізгі тілегін арнады. Рәсімде бірқатар үздік қызметкер марапатталды.Қызылорда облысында Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында жалпы құны 11 млрд. теңгені құрайтын 27 нысан құрылысын салу жоспарланған. Жуырда аймақтың 7 ауданында 15 дәрігерлік амбулатория пайдалануға берілді. Қалған нысандардың &nbsp;құрылысы келер жылы жүргізілмек.<img src="https://knadmin.beoblood.kz/uploads/FB_IMG_1703925033634_3561a9dfdd.jpg" alt="FB_IMG_1703925033634.jpg"><img src="https://knadmin.beoblood.kz/uploads/FB_IMG_1703925036006_5af808a5cc.jpg" alt="FB_IMG_1703925036006.jpg"><img src="https://knadmin.beoblood.kz/uploads/FB_IMG_1703925026299_6b75335b7b.jpg" alt="FB_IMG_1703925026299.jpg"><img src="https://knadmin.beoblood.kz/uploads/FB_IMG_1703925022013_772b06b189.jpg" alt="FB_IMG_1703925022013.jpg">

Қызылордада медицина мекемелеріне жаңа 26 көлік табысталды 

Kyzylorda-news.kz. Жаңа жыл мерекесі қарсаңында «Бәйтерек» тұрғын ауданына «Қызылжарма» каналы арқылы өтетін автомобиль көпірі пайдалануға берілді.Бұл көпір халықтың көптен бергі сұранысы бойынша салынды. Құны 368,6 млн. теңге болатын өткел құрылысын «Стандарт Ойл» ЖШС жүргізді. &nbsp; &nbsp;Көпірдің ашылу салтанатына қала әкім Асылбек Шаменов, &nbsp;облыстық мәслихат төрағасы Наурызбай Байқадамов, Қызылорда қаласының және Арал ауданының Құрметті азаматы Имамадин Оңғарбаев және еңбек ардагері Жүзбай Таңрықбаев қатысты. &nbsp;Сөз алған облыстық мәслихат төрағасы Наурызбай Сейітқалиұлы «Ұлт даналығында «құдық қазған, көпір салған және ағаш еккен» деген үш сауапты іс бар. Бүгінде сол сауаптың ең күрделісі және маңыздысы орындалды. Халықтың сұранысына сәйкес қажетті жұмыстардың легі мұнымен тоқтамайды. Аймақ басшысының қолдауымен байыпты бастамалар, жарқын жобалар жүзеге аса бермек. Жаңа жыл қарсаңындағы қуанышты сәтпен баршаңызды құттықтаймын!» - деді.Бірнеше жылдан бері көтеріліп келген мәселе шешімін тауып, қолайлы жағдай жасалғанына бәйтеректіктер ризашылықтарын білдіріп, ел азаматтарына алғыстарын жаудырды.Айта кету керек, «Бәйтерек» - жаңа тұрғын аудандардың бірі. Бұл елдімекенге қоныстанушылар қатары күн сайын артып келеді. Тиісінше, мұнда қажетті инженерлік-инфрақұрылым жүйелері жүргізілуде.Биылдың өзінде республикалық бюджеттен бөлінген 1 млрд. 111 млн. теңгеге 7 дана су ұңғымасы мен 3 дана резервуар құрылысы жүрді. Осы ұңғымалар арқылы Бәйтерек, КБИ, Шанхай, Әл-Фараби мөлтек аудандарына сапалы ауыз су берілуде. &nbsp;1 млрд. 261 млн. теңгеге 600 орындық мектеп салынып, қазірде осы тұрғын ауданның балалары жаңа ғимаратта білім алуда. Сонымен қатар, 11 көше жөндеуден өтіп, мақсатты жобалар жалғасуда.<img src="https://knadmin.beoblood.kz/uploads/FB_IMG_1703923969961_e63574df36.jpg" alt="FB_IMG_1703923969961.jpg">

Жаңа көпір ел игілігіне берілді

Спорттық-әуесқойлық балық аулау – спорттық қажеттіліктерді қанағаттандыру, спорттық жарыстарға қатысу үшін, сонымен қатар, балық аулауға арналған өнімдерді жеке тұтыну мақсатында, тек балық аулауға мүмкіндік беретін балық аулау құралдарымен (жылтырауық, қармақ, жыртқыш балықтарды аулауға арналған қармақтар, спиннингтер) жүзеге асырылатын балық аулау түрі.Сондай-ақ, спорттық-әуесқойлық балық аулау – бұл табиғатта адамдардың таза ауада оңаша уақыт өткізу хоббиі болып табылады. Елімізде спорттық-әуесқойлық балық аулауды халық демалатын аймақтан тысқары арнайы бөлінген жерлерде, сонымен қатар, жануарлар дүниесін пайдаланушымен белгіленген арнайы орындарда, бекітіліп берілген балық шаруашылығы су айдындарында ұйымдастыруға болады. Бүгінде елімізде спорттық-әуесқойлық балық аулау енді дамып келе жатқан салалардың бірі болып табылады.&nbsp;Балық шаруашылығы су айдындарының және учаскелерінің резервтік қорында әуесқойлық балық аулауды жүзеге асыруға мүмкіндік беретін «Жануарлар дүниесін өсімін молайту мен пайдалану туралы» ҚР Заңының 26-бабының 2-тармағын көрсетілгендей, 1 балықшыға 5 кг дейін балықты рұқсатсыз аулауға болады, егерде 5 кг астам балық аулау жағдайында жазбаша өтініш бойынша жергілікті атқарушы органнан рұқсат алу қажет. Тіркелген балық шаруашылығы су айдындарында және учаскелерінде балық аулау жолдама негізінде жүзеге асырылады. Жолдамаларды ақылы түрде балық аулау квотасы арқылы немесе тағайындаған табиғи ресурстарды пайдаланушылар береді. Балық аулаушы спорттық-әуесқойлық балық аулау кезінде өзімен бірге жолдама, рұқсат қағазы және жеке басты куәландыратын құжатын алып жүруі тиіс. &nbsp;Шынжырхан Сүлейменов,&nbsp; «Қызылорда Fish» Қызылорда облысы бойынша спорттық және әуесқой балық аулаушылар қоғамы қоғамдық бірлестігінің атқарушы директоры &nbsp;

Қазақстан және Қызылорда облысының жаңалықтары: Керек дерек