Kyzylorda-news.kz. Облыс әкімі Нұрлыбек Нәлібаев Жаңа жыл қарсаңында медицина мекемелеріне жаңа санитарлық автокөліктердің кілтін салтанатты түрде табыстап, Сыр медицинасының ілгерілеуіне жан-жақты қолдау көрсетілетінін айтты.<blockquote>«Мемлекет басшысы қоғамның тұрақты дамуы жолындағы ұлт саулығының маңызына ерекше мән беріп келеді. Медициналық қызметтің қолжетімділігін, денсаулық сақтау саласы инфрақұрылымын одан әрі жетілдіру үшін облыста да кешенді шаралар қабылдануда. Биыл медицина мамандарына, ардагерлеріне құрмет көрсетіліп, жыл жағымды жаңалықтарымен ерекшеленді. Республикаға белгілі дәрігер хирург Абдулла Шүленбаев Қызылорда облысының Құрметті азаматы атағын алса, дәрігер нейрохирург Шынжырбай Оразмаханұлы «Құрмет» орденімен наградталды. Төрт дәрігер республикалық «Үздік маман» конкурсының жеңімпазы атанып, 2 дәрігер Астанадағы Медицина қызметкерлері күніне орай өткен мерекелік шарада «Алтын шипагер» марапатын иеленді. Денсаулық сақтау саласының ардагері Ернияз Омарұлына ескерткіш-бюст орнатылды. Бұл - өңірде жасалған жұмыстардың бір бөлігі ғана», - деді Нұрлыбек Машбекұлы.</blockquote>Салтанатты іс-шарада облыстағы денсаулық сақтау ұйымдарына 512,5 млн. теңгеге алынған &nbsp;25 жаңа санитарлық автокөлік және құны 43,1 млн. теңге тұратын мүгедектігі бар балаларды тасымалдау үшін арнайы жабдықталған автобус табысталды.Айта кетейік, 2022 жылы 45 жедел жәрдем көлігі алынып, облыстық медициналық жедел жәрдем стансасы 100% &nbsp;қамтамасыз етілді. Келер жылы да денсаулық сақтау ұйымдарын санитарлық автокөліктермен қамтамасыз ету жұмыстары жалғасатын болады.Іс-шарада Денсаулық сақтау саласының үздігі, Қызылорда қаласының құрметті азаматы Сағындық Шәмшиев әріптестерін құттықтап, ізгі тілегін арнады. Рәсімде бірқатар үздік қызметкер марапатталды.Қызылорда облысында Мемлекет басшысының бастамасымен қолға алынған «Ауылдық денсаулық сақтауды жаңғырту» ұлттық жобасы аясында жалпы құны 11 млрд. теңгені құрайтын 27 нысан құрылысын салу жоспарланған. Жуырда аймақтың 7 ауданында 15 дәрігерлік амбулатория пайдалануға берілді. Қалған нысандардың &nbsp;құрылысы келер жылы жүргізілмек.<img src="https://knadmin.beoblood.kz/uploads/FB_IMG_1703925033634_3561a9dfdd.jpg" alt="FB_IMG_1703925033634.jpg"><img src="https://knadmin.beoblood.kz/uploads/FB_IMG_1703925036006_5af808a5cc.jpg" alt="FB_IMG_1703925036006.jpg"><img src="https://knadmin.beoblood.kz/uploads/FB_IMG_1703925026299_6b75335b7b.jpg" alt="FB_IMG_1703925026299.jpg"><img src="https://knadmin.beoblood.kz/uploads/FB_IMG_1703925022013_772b06b189.jpg" alt="FB_IMG_1703925022013.jpg">

Қызылордада медицина мекемелеріне жаңа 26 көлік табысталды 

Kyzylorda-news.kz. Жаңа жыл мерекесі қарсаңында «Бәйтерек» тұрғын ауданына «Қызылжарма» каналы арқылы өтетін автомобиль көпірі пайдалануға берілді.Бұл көпір халықтың көптен бергі сұранысы бойынша салынды. Құны 368,6 млн. теңге болатын өткел құрылысын «Стандарт Ойл» ЖШС жүргізді. &nbsp; &nbsp;Көпірдің ашылу салтанатына қала әкім Асылбек Шаменов, &nbsp;облыстық мәслихат төрағасы Наурызбай Байқадамов, Қызылорда қаласының және Арал ауданының Құрметті азаматы Имамадин Оңғарбаев және еңбек ардагері Жүзбай Таңрықбаев қатысты. &nbsp;Сөз алған облыстық мәслихат төрағасы Наурызбай Сейітқалиұлы «Ұлт даналығында «құдық қазған, көпір салған және ағаш еккен» деген үш сауапты іс бар. Бүгінде сол сауаптың ең күрделісі және маңыздысы орындалды. Халықтың сұранысына сәйкес қажетті жұмыстардың легі мұнымен тоқтамайды. Аймақ басшысының қолдауымен байыпты бастамалар, жарқын жобалар жүзеге аса бермек. Жаңа жыл қарсаңындағы қуанышты сәтпен баршаңызды құттықтаймын!» - деді.Бірнеше жылдан бері көтеріліп келген мәселе шешімін тауып, қолайлы жағдай жасалғанына бәйтеректіктер ризашылықтарын білдіріп, ел азаматтарына алғыстарын жаудырды.Айта кету керек, «Бәйтерек» - жаңа тұрғын аудандардың бірі. Бұл елдімекенге қоныстанушылар қатары күн сайын артып келеді. Тиісінше, мұнда қажетті инженерлік-инфрақұрылым жүйелері жүргізілуде.Биылдың өзінде республикалық бюджеттен бөлінген 1 млрд. 111 млн. теңгеге 7 дана су ұңғымасы мен 3 дана резервуар құрылысы жүрді. Осы ұңғымалар арқылы Бәйтерек, КБИ, Шанхай, Әл-Фараби мөлтек аудандарына сапалы ауыз су берілуде. &nbsp;1 млрд. 261 млн. теңгеге 600 орындық мектеп салынып, қазірде осы тұрғын ауданның балалары жаңа ғимаратта білім алуда. Сонымен қатар, 11 көше жөндеуден өтіп, мақсатты жобалар жалғасуда.<img src="https://knadmin.beoblood.kz/uploads/FB_IMG_1703923969961_e63574df36.jpg" alt="FB_IMG_1703923969961.jpg">

Жаңа көпір ел игілігіне берілді

Спорттық-әуесқойлық балық аулау – спорттық қажеттіліктерді қанағаттандыру, спорттық жарыстарға қатысу үшін, сонымен қатар, балық аулауға арналған өнімдерді жеке тұтыну мақсатында, тек балық аулауға мүмкіндік беретін балық аулау құралдарымен (жылтырауық, қармақ, жыртқыш балықтарды аулауға арналған қармақтар, спиннингтер) жүзеге асырылатын балық аулау түрі.Сондай-ақ, спорттық-әуесқойлық балық аулау – бұл табиғатта адамдардың таза ауада оңаша уақыт өткізу хоббиі болып табылады. Елімізде спорттық-әуесқойлық балық аулауды халық демалатын аймақтан тысқары арнайы бөлінген жерлерде, сонымен қатар, жануарлар дүниесін пайдаланушымен белгіленген арнайы орындарда, бекітіліп берілген балық шаруашылығы су айдындарында ұйымдастыруға болады. Бүгінде елімізде спорттық-әуесқойлық балық аулау енді дамып келе жатқан салалардың бірі болып табылады.&nbsp;Балық шаруашылығы су айдындарының және учаскелерінің резервтік қорында әуесқойлық балық аулауды жүзеге асыруға мүмкіндік беретін «Жануарлар дүниесін өсімін молайту мен пайдалану туралы» ҚР Заңының 26-бабының 2-тармағын көрсетілгендей, 1 балықшыға 5 кг дейін балықты рұқсатсыз аулауға болады, егерде 5 кг астам балық аулау жағдайында жазбаша өтініш бойынша жергілікті атқарушы органнан рұқсат алу қажет. Тіркелген балық шаруашылығы су айдындарында және учаскелерінде балық аулау жолдама негізінде жүзеге асырылады. Жолдамаларды ақылы түрде балық аулау квотасы арқылы немесе тағайындаған табиғи ресурстарды пайдаланушылар береді. Балық аулаушы спорттық-әуесқойлық балық аулау кезінде өзімен бірге жолдама, рұқсат қағазы және жеке басты куәландыратын құжатын алып жүруі тиіс. &nbsp;Шынжырхан Сүлейменов,&nbsp; «Қызылорда Fish» Қызылорда облысы бойынша спорттық және әуесқой балық аулаушылар қоғамы қоғамдық бірлестігінің атқарушы директоры &nbsp;

Спорттық-әуесқойлық балық аулау шарттары білесіз бе?

Kyzylorda-news.kz. Бүгін облыс әкімі Нұрлыбек Нәлібаев Н.Бекежанов атындағы облыстық музыкалық-академиялық драма театрында өткен салтанатты жиында әр саланың озаттарын марапаттады. Жыл бойы еңбегімен көзге түсіп, шәкірттері білім бәсекесінде топ жарған ұстаздарға 1 млн 035 мың теңгенің біржолғы қаржылай сыйақы сертификатын табыстады.Аймақ басшысы Сыр жұртшылығын Жаңа жыл мерекесімен құттықтап, өткен жыл толағай табыстар мен ілкімді істерге толы болғанын айтты.«Санаулы күннен кейін 2023 жылды түйіндеп, жаңа жылға қадам басамыз. 2023 Сыр елі үшін берекелі, ырысы мол жыл болды. Президентіміз Қасым-Жомарт Кемелұлы арнайы жұмыс сапарымен келіп, өңірдің дамуына оң бағасын берді. Облыстағы маңызды мәселелерге қатысты тарихи шешімдер қабылдады. Экономиканың барлық негізгі көрсеткіштерінде өсім бар. Тамыз айынан бері үздіктер қатарында, яғни алғашқы үштіктеміз. Осыдан бір жарым жыл бұрын облыс бюджеті 387 млрд теңгені құраса, 13 желтоқсандағы облыстық мәслихат сессиясында 2024 жылдың бюджеті 650 млрд теңге болып бекітілді. Келер жылдың соңына дейін салық түсімдерін арттырып, жаңа өндіріс орындарын ашу арқылы бюджет көлемін &nbsp;700 млрд теңгеден асырамыз. Бұған резервтеріміз бар. Әлеуметтік салаға 435 млрд теңге (67%), жолдарды жөндеуге &nbsp;31,5 млрд теңге (4,8%), энергетика нысандарына &nbsp;32,7 млрд теңге (5%), құрылыс саласына &nbsp;19,7 млрд теңге (3%) қаржы бағытталуда. Жыл ішінде бұл қаржы көлемі едәуір ұлғаятын болады», – &nbsp;деді Н.Нәлібаев.Аймақ басшысы биыл ашылған әлеуметтік нысандар, пайдалануға берілген тұрғын үйлер, жүзеге асырылған инвестициялық жобалар мен алдағы уақытқа қойылған межелі міндеттерді атап шықты. Олардың ішінде түрік инвесторларымен бірге &nbsp;жаңа ЖЭО-ның іргетасын қалау, қалалық автобус паркін жаңа қоғамдық көліктермен толықтыру, 12 елді мекенді газдандыру секілді жетістіктер, келер жылға жоспарланған ауқымды жұмыстар бар.&nbsp; Жыл қорытындысына арналған салтанатты жиында сала озаттары мен түрлі номинация иегерлері марапатталды. Жетістіктерімен көзге түскен өз ісінің нағыз шеберлері, меценаттар, қоғам белсенділері &nbsp;құрмет төрінен көрінді.<img src="https://knadmin.beoblood.kz/uploads/FB_IMG_1703854880742_d71c8c10f5.jpg" alt="FB_IMG_1703854880742.jpg"><img src="https://knadmin.beoblood.kz/uploads/FB_IMG_1703854899930_ec3f2a5970.jpg" alt="FB_IMG_1703854899930.jpg"><img src="https://knadmin.beoblood.kz/uploads/FB_IMG_1703854936862_a97489aa7b.jpg" alt="FB_IMG_1703854936862.jpg"><img src="https://knadmin.beoblood.kz/uploads/FB_IMG_1703854874950_0575b1ea62.jpg" alt="FB_IMG_1703854874950.jpg"><img src="https://knadmin.beoblood.kz/uploads/FB_IMG_1703854870338_64b0758723.jpg" alt="FB_IMG_1703854870338.jpg">

Облыс әкімі сала үздіктерін марапаттады

Kyzylorda-news.kz. Мемлекет дамуының бір көрсеткіші - көлік инфрақұрылымының дамуы, оның ішінде жолаушылар тасымалы мен оларға қолайлы жағдайлар жасау. Бұл бағытта Қызылорда облысында қарқынды жұмыстар жүргізіліп, ірі жобалар қолға алынуда. Солардың қатарында, Мемлекет басшысының тікелей тапсырмасымен «Батыс Еуропа - Батыс Қытай» халықаралық дәлізінің Ақтөбе облысына дейінгі аралығын 2 жолақтан 4 жолаққа ауыстыру және «Қызылорда - Жезқазған» автожолын қайта жаңғырту жұмыстары жандануда. Жолаушылар тасымалы сапасын арттыру мақсатында биыл өңірімізде бірқатар нысандар салынуда. Атап айтар болсақ, Қорқыт ата әуежайының заманауи үлгідегі жаңа терминалының және жаңа автовокзал ғимаратының құрылысы қарқынды жүруде. Халықаралық стандартқа сай барлық жағдай қарастырылған әуежай терминалы іске қосылғаннан кейін сағатына қазіргі 150 жолаушының орнына 250 жолаушы қабылдайтын болады. Жаңа терминал жылына жолаушылар тасымалын 137 мыңнан 200 мыңға, жүк тасымалын 150 мың тоннадан 240 мың тоннаға дейін арттыруға мүмкіндік береді. Ал, жолаушылар мен тасымалдаушыларға қызмет көрсету талаптарына сәйкестендірілген жаңа автовокзал пайдалануға берілгеннен кейін барлығы 55 автобус маршруты яғни, 124 рейс ұйымдастырылады. Мұнан бөлек, 1 халықаралық (Ташкент қаласына),&nbsp; 13 облысаралық, 46 ауданаралық рейс жолға шығады. Автовокзал жаз мезгілінде күніне 3700-ден астам, қыста мыңнан астам жолаушыға қызмет көрсетуге ыңғайластырылып салынады. Сонымен қатар, көптен бері жөндеу жүргізілмеген Қызылорда теміржол вокзалы да қайта жаңғыртудан өтті. Вокзалға сыртқы және ішкі жөндеу жұмыстары жүргізіліп, аумағына асфальт жабындылары төселіп, жолаушыларға ыңғайлы жағдай жасалды. Көлік инфрақұрылымына деген сұраныс артқанын ескеріп, облыс орталығындағы жолаушылар тасымалдау қызметін жақсарту үшін өткен жылы заманауи 150 жаңа автобус сатып алынды. Биылға қосымша&nbsp; 50 автобус алынды. Қалған 100 автобус жақын күндері келеді.<img src="https://knadmin.beoblood.kz/uploads/IMG_20231228_WA_0110_6d5e5945b1.jpg" alt="IMG-20231228-WA0110.jpg"><img src="https://knadmin.beoblood.kz/uploads/IMG_20231228_WA_0111_7941825960.jpg" alt="IMG-20231228-WA0111.jpg">

Жолаушылар тасымалы саласы жандануда

<a href="https://kyzylorda-news.kz/">Kyzylorda-news.kz.</a>&nbsp; Күз, қыс мезгілдерінде көптеген балықшылар балық аулауды жөн көреді. Қызылорда облысының су айдындарындағы, атап айтқанда Арал теңізі мен дария маңында тіршілік тоқтамайды. Күз, қыс мезгілдері балық аулауды ұнататындардың сүйікті уақыты.&nbsp;Бірақ балық аулау демалудың қауіпсіз түрі емес деп ешкім ойламайды. Өйткені, кез келген су айдыны - адамдардың өмірі мен денсаулығы үшін белгілі бір қауіп-қатер болуы мүмкін. Күзде судың төмен температурасы, егер қайық аударылса, балықшы суда болғасын дымқыл киім оны бірден тартып алады, ал суық су қозғалысты тежейді. Мұндай жағдайда жағаға шығу өте қиын болуы мүмкін. Сондықтан, балық аулауға дайындалған кезде, бұл мәселелерді алдын ала ойластыру қажет, яғни өзінің жеке қауіпсіздігі мен құтқару шаралары болып табылады.Бірінші, жүзу құралын суға түсірмес бұрын, оның жай-күйін мұқият тексеріп, оның ағып кетпегеніне, ескектерінің жарамды екеніне көз жеткізу, құтқару кеудешесін әрқашан киіп жүру. Сондай-ақ, алкогольді сусынды ішпеу қажет, өйткені ол адам денесінің реакциясын баяулатады, зейінді босаңсытады және нақты қауіп сезімін басады.Шынжырхан Сүлейменов,&nbsp; «Қызылорда Fish» Қызылорда облысы бойынша спорттық және әуесқой балық аулаушылар қоғамы қоғамдық бірлестігінің атқарушы директоры &nbsp;

Балық аулау - демалудың қауіпсіз түрі емес

Kyzylorda-news.kz. Жаңа жыл қарсаңында мерекені асыға күтетін балаларға арналған Президент шыршасын ұйымдастыру дәстүрге айналған. Бүгін өткен «Қош келдің, Жаңа жыл» атты Президент шыршасына &nbsp;аудандардан 200 бала шақырылды.Шарада &nbsp;облыс әкімі Нұрлыбек Нәлібаев Мемлекет басшысының бүлдіршіндерге арналған &nbsp;жаңажылдық құттықтауын жеткізді.<blockquote>«Бүгін республикамыздың барлық аймағында Президент шыршасы өтуде. Мемлекет басшысы өз сөзінде «Мен өскелең ұрпақтың болашағына баса мән беремін. Жастарға зор үміт артамын. Олардың арасында көзі ашық, көкірегі ояу, ойы ұшқыр азаматтар аз емес. Жастарымыз атқарылып жатқан ауқымды жұмыстың, реформалардың игілігін міндетті түрде көреді. Біз өскелең ұрпаққа жол ашу үшін барлық жағдайды жасауымыз керек» - деді. 31 жыл бұрын бастау алған Қазақстан Республикасы Президентінің шыршасына осы уақытқа дейін біздің өңірден 4 мыңға жуық бала қатысты. Еліміздің басты шырша тойын мерекелеу үшін сіздер де облысымыздың әр ауылынан келдіңіздер. Бұл салтанатты шара – Президентіміздің өздеріңдей өскелең ұрпаққа көрсеткен құрметі», - деді аймақ басшысы.</blockquote>Шыршаға келген балалар ойын ойнап, ән шырқады, театрландырылған қойылым тамашалады және естелік сыйлық алды. Сондай-ақ, мейрам қонақтарына арнайы фотосессия ұйымдастырылды.Қызылорда облысында 280 мыңға жуық бала бар. Олар 680 балабақша және 325 мектепте білім мен тәрбие алады. &nbsp;Оқушылардың мектепке қатынауына жақын, ыңғайлы болу үшін биыл қаладағы 4 мектеп жанынан қосымша ғимараттар салынды, 2 жаңа мектеп іске қосылды.Ел Президентінің бастамасымен қолға алынған «Жайлы мектеп» ұлттық жобасы аясында облыста 21 мектеп салынады.Дарынды балалардың талабын шыңдауға баса мән беріліп келеді. &nbsp;Биыл Қызылорда қаласы мен Қармақшы ауданында мамандандырылған мектеп-лицей-интернаттар жұмысын бастады. Сол жағалаудан 300 орындық жатақханасы бар 400 орындық &nbsp;физика-математика мектеп-интернатының құрылысы жүргізілуде. «ҚазГерМұнай» компаниясының демеушілігімен 350 орындық заманауи үлгідегі Оқушылар сарайының іргетасы қаланды. Алдағы жылы Жаңақорған және Шиелі аудандарында 200 орындық Оқушылар үйі мен 50 орындық Өнер мектебінің құрылысы басталады.&nbsp; Соңғы екі жылда үздік нәтиже көрсеткен оқушыларды олимпиадалар мен ғылыми жобаларға дайындау мақсатында «Сыр дарыны» оқу-жаттығу жиыны ұйымдастырылуда. Лагерьде облыстың &nbsp;1000-ға жуық дарынды оқушысы кәсіби мамандардың көмегімен білімін жетілдірді. Биыл 102 сырбойылық өрен халықаралық, республикалық дәрежедегі ғылыми жобалар мен олимпиадалардың жеңімпазы атанды. Облыстың пәндік олимпиадалық командасы жаратылыстану-математика бағыты бойынша командалық есепте республикада ІІ орынды, қоғамдық-гуманитарлық бағытта ІІІ орынды иеленді.Балаларды әлеуметтік қолдау және қауіпсіз орта қалыптастыру да басты назарда. Аймақта бастауыш сынып оқушылары ыстық тамақпен толық қамтылған. Көмекке мұқтаж отбасыларға қаржылай қолдау көрсету мақсатында 37 087 балаға 41 мың теңгеден барлығы 1,3 млрд теңгеге бірреттік қаражат берілді. Балаларды қауіпсіз, жайлы көлікпен тасымалдау үшін &nbsp;жаңа үлгідегі 30 автобус алынды.<img src="https://knadmin.beoblood.kz/uploads/FB_IMG_1703414505876_3e8f2132bd.jpg" alt="FB_IMG_1703414505876.jpg"><img src="https://knadmin.beoblood.kz/uploads/FB_IMG_1703414503337_ec275d1c8f.jpg" alt="FB_IMG_1703414503337.jpg"><img src="https://knadmin.beoblood.kz/uploads/FB_IMG_1703414514500_8789a7394b.jpg" alt="FB_IMG_1703414514500.jpg"><img src="https://knadmin.beoblood.kz/uploads/FB_IMG_1703414508677_9c0df930e3.jpg" alt="FB_IMG_1703414508677.jpg"><img src="https://knadmin.beoblood.kz/uploads/FB_IMG_1703414516797_ba19a80110.jpg" alt="FB_IMG_1703414516797.jpg">

Қызылордада Президенттің жаңа жылдық шыршасы өтті

Kyzylorda-news.kz. Мемлекет басшысы 2021 жылғы Жолдауында Үкіметке алдағы бес жылда халықты 100 пайыз таза ауыз сумен қамтамасыз етуді тапсырған болатын.Соңғы екі жылда Қызылорда облысында тұрғындардың орталықтандырылған таза ауыз сумен қамтылу көрсеткіші 98,1 пайызға жетті. Бүгінде амақтағы 230 ауылдың 198-і ауыз су жүйесіне қосылған. Қалған 32 ауылда 8 мыңнан астам адам қоныстанған. 32 елді мекенге қатысты кезеңдік жоспар жасалып, жұмыстар жүргізілуде. Республикалық бюджеттен 8 елді мекенге су желісін тарту және жергілікті бюджеттен 24 елді мекенге су тұщытқыш қондырғылар орнату жоспарлануда. Бұдан бөлек, осы жылы аймақты жаппай газдандыру бойынша жүйелі жұмыстар атқарылды. Шалғай орналасқан елді мекендерге газ желілері тартылып, табиғи газға қосылды. Осының нәтижесінде&nbsp; 12 ауылдық елді мекен, яғни 40 мыңнан астам тұрғынның газ мәселесі шешіліп, игілігін көруде. Осылайша, өңірде газбен қамту көрсеткіші&nbsp; 75 пайызға жетті. Сондай-ақ, осы жылы 26 газбен жабдықтау жобасына&nbsp; 9,3 млрд теңге бөлінді. Келер жылы 4 млрд теңгеге 12 елді мекен көгілдір отынға қосылып, газдандырылу деңгейі 78 пайызға жеткізіледі.<img src="https://knadmin.beoblood.kz/uploads/IMG_20231224_WA_0003_aa5837db39.jpg" alt="IMG-20231224-WA0003.jpg">

Жыл қорытындысы: Халықтың өмір сүру сапасын жақсарту – басты міндет

Kyzylorda-news.kz. Сыбайлас жемқорлықтың алдын алу және отбасы құндылықтарын насихаттау мақсатында қала тұрғындары арасында өткен "Парасатты отбасы" атты бейнеролик байқауының жеңімпаздары марапатталды. &nbsp; &nbsp; &nbsp; &nbsp; Байқауға Қызылорда қаласының әртүрлі қызмет саласында жұмыс істейтін азаматтар отбасымен қатыстырылып, "Менің отбасым" тақырыбында әзірлеген бейнероликтерін ұсынды. Комиссия мүшелері отбасылардың сыбайлас жемқорлыққа қарсы мәдениеті мен азаматтық ұстанымдарына назар аударды.Байқаудың қорытындысы бойынша анықталған жеңімпаз отбасылар қаржылай сыйақылар және дипломдармен марапатталды.І орынды Ислам отбасы жеңіп алса, ІІ орын Қалиевтер отбасына, ІІІ орын Абеновтар отбасына бұйырды. "Парасатты отбасы" номинациясын Бисеналиевтер отбасы иемденді.Айта кету керек, байқау "Cыбайлас жемқорлықтың алдын алуға бағытталған ақпараттық түсіндірме шараларын және адам саудасының алдын алуға бағытталған шараларды ұйымдастыру" жобасы аясында Қызылорда қаласының қоғамдық даму бөлімі мен "Қызылорда облысының жастар Одақтары" қоғамдық бірлестігінің ұйымдастыруымен өткізілді.

"Парасатты отбасы" атты байқауының жеңімпаздары марапатталды

Фото: Казинформ&nbsp;Kyzylorda-news.kz. «Қазгидромет» РМК 24 желтоқсанға арналған ауа райы болжамын жариялады.Жексенбіде Қызылорда облысының орталығында – тұман, күндіз өңірдің шығысында 15-20 м/с екпінде жел болады.

Жексенбіге арналған ауа райы болжамы 

Kyzylorda-news.kz. Мемлекет басшысының қолдауымен 2022 жылы «Қазақстан Халқына» қоғамдық қоры құрылған болатын. Қор құрылған сәттен бастап, Қызылорда облысының әкімдігімен бірлесіп денсаулық сақтау, білім беру салаларындағы күрмеулі мәселелерге қаржылай қолдау көрсетілді.&nbsp;Аталған бағытта соңғы 2 жылда аймаққа 3,9 млрд теңге қаржы бөлінген. Бағытталған қаржы аясында онкологиялық скрининг жүргізуге арналған құны 1,1 млрд теңгені құрайтын 2 жылжымалы медициналық кешен өз жұмысына кірісті. Жылжымалы кешен алғаш рет табысталған республиканың 3 өңірінің бірі ретінде Қызылорда облысы таңдалды.&nbsp;Қордың қолдауымен көпбейінді облыстық балалар ауруханасы базасында «Қамқорлық» реабилитациялық орталығы ашылып, 188 млн теңгеге арнайы құрал-жабдықтар алынды. Бүгінгі күні 2800-ге жуық бала оңалту емімен қамтылды. Аталмыш қор арқылы 11,2 млн теңгеге жаңа диагностикалық офтальмоскоптар аппараты алынды. Бұл құрылғы облыстық перинаталдық орталығы, Арал, Қазалы, Шиелі, Жаңақорған аудандарындағы көпбейінді аудандық орталық ауруханаларда орналастырылды. Осы құрылғы арқылы шала туылған нәрестелер үшін офтальмологиялық скрининг жүргізуге арналған 5 дана диагностикалық офтальмоскоптармен қамтамасыз етілді.&nbsp; Бұл аппарат негізінен «Офтальмологиялық скрининг және шала туылған нәрестені емдеу үшін медициналық ұйымдарды жабдықтармен қамтамасыз ету» қайырымдылық бағдарламасы аясында жүзеге асырылды.Сонымен қатар, білім саласы бойынша - Арал, Қармақшы, Жаңақорған аудандарындағы 3 мектептің материалдық-техникалық базасы толығымен қайта жаңартылды.&nbsp;«Қазақстан Халқына» қоғамдық қорының «Ауылдық аймақтардағы тірек мектептерінің әлеуетін арттыру» жобасы аясында &nbsp;аймақтағы бірқатар білім ордаларында оқу кабинеттері мен қосымша білім беру шеберлік сыныптары, STEM-лабораториялар, арт-студия мен интеллектум-кабинеттері ашылып, акт залы мен кітапхана заманауи техникамен жабдықталды. Сондай-ақ, білім ұйымдарында жаңа телестудиясы да жасақталады.Алдағы уақытта «Қазақстан Халқына» қоры басқа да әлеуметтік салалар бойынша қолдау көрсету жалғаспақ.

«Қазақстан Халқына» қоры Сыр өңіріне  3,9 млрд теңге қаржы бөлді

Kyzylorda-news.kz. Қазіргі таңда, сыбайлас жемқорлық тәуекелдерінің картасы арқылы барлығы 9 бағыт анықталды. Олар білім беру, медицина, бизнесті қолдау, жер, олигополия, агроөнеркәсіптік кешен және өзге де салалар.&nbsp;Осы жөнінде ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаменті басшысының бірінші орынбасары Асылхан Ашиков хабарлады.<blockquote>- Еліміздің әр өңірінде «сыбайлас жемқорлыққа тәуекелдер картасы» бар. Осы карта департаменттің күнделікті жұмысының негізгі бағдары десек болады. Өңірдің сыбайлас жемқорлыққа қарсы қызметі аталған картаға енген салалардағы мәселелер мен сыбайлас жемқорлық көріністерін шешу үшін тиісті алдын алу жұмыстарын жүргізді. Олар 8 сыбайлас жемқорлыққа қарсы мониторинг және 4 сыртқы талдау. сыбайлас жемқорлық тәуекелдері тұрғысынан неғұрлым проблемалық салалар осы картада айқындалып, олар облыс әкімдігінің ресми сайтында жарияланды. Одан бөлек, картада бөлек назарды қажет ететін бағыт ретінде бизнес саласы көрсетілді. Өздеріңізге белгілі, қыркүйек айында Мәжілістің кезекті сессиясының ашылуында Президент, «Кәсіпкерлікті жүйелі түрде қолдау» қажеттілігін атап өтті. Осы ретте, Мемлекет басшысының тапсырмаларын және бизнесті қорғау мәселесінің маңыздылығын ескере отырып, сыбайлас жемқорлыққа қарсы қызмет «Бизнеске жол» жобасын іске қосты. Бұл жобаның мақсаты – кәсіпкерлерге әртүрлі әкімшілік кедергілерді, құжаттарды рәсімдеу кезінде әуре-сарсаңдарды еңсеруге көмектесу болып табылады. Осы ретте «Атамекен» палатасы алаңында және «ANTIKOR» орталығында кіші және орта бизнес өкілдеріне жеке қабылдау жүйелі түрде жүргізілуде. Жобаны іске асыру басталғалы 600-ден астам кәсіпкерді қамтыған 50 кездесу өткізілді. Жалпы, жоба аясында 2500-ге жуық кәсіпкердің құқықтары іс жүзінде қорғалды. Біз өз қызметімізді басқа да мемлекеттік органдармен, қоғаммен және халықпен бірлесіп жалғастыратын боламыз. 1424 Call-орталығы азаматтарға тегін ақпараттық-констультациялық қолдау көрсетеді. Барлық өтініштер біздің тұрақты бақылауымызда, - деді Асылхан Амангелдіұлы.</blockquote>

Қазақстан және Қызылорда облысының жаңалықтары: Керек дерек