<a href="https://kyzylorda-news.kz/">Kyzylorda-news.kz.</a> &nbsp;Мемлекеттік қызмет істері агенттігі төрағасының орынбасары Салауат Мүксімов министрліктерде артық басшы көп екенін айтты, деп хабарлады <a href="https://halyq-uni.kz/news/31135-ministrlikterde-artyk-basshy-kop-muksimov/">Halyq Uni</a> тілшісі.Оның айтуынша, былтыр агенттік 4 салаға ауқымды талдау жүргізген. Олар – Сауда және интеграция, Қаржы, Ауыл шаруашылығы, Экология және табиғи ресурстар министрліктері.Осылайша, біз 70-тен аса функцияны бөлу керектігін анықтадық. Мысалы, әкімдіктер мен әкімдерді төмен тұрған деңгейге қатысты. 50-ден аса ақпараттық жүйені интеграциялау және тағы басқа. Олар мемлекеттік қызмет бойынша ақпарат алмасу үшін керек, - деді агенттік төрағасының орынбасары ОКҚ-да өткен баспасөз мәслихатында.Осы орайда Салауат Мүксімов министрліктерде артық басшы көп екенін атап өтті.Бюрократияның бірінші белгісі – басқару құрылымы мен штат санының жеткіліксіздігі және артық болуы. Бұл – көбіне мемлекеттік органдарда басшы лауазымдар санының артық болу дерегі. Ол басшы құрамға жүктемені азайтуға, басқарудың тиімділігі мен жеделдігін төмендетуге, жауапкершіліктен жалтаруға, қаржылық мүмкіндікті азайтып, қызметкерлерді ынталандыруға мүмкіндік бермейді, - деді ол.Сондай-ақ агенттік төрағасының орынбасары бұл сөзіне нақты дәлел келтірді.Мысалы, Экология және табиғи ресурстар министрлігінде орталық аппаратының штат саны – 122. Оның ішінде 61 лауазымды басшы және сонша орындаушы бар, яғни басқарушы және орындаушы буынның арақатынасы: бірге – бір. Сонымен қатар осы министрліктің құрылымында жеке департамент бар. Онда басқарушы және орындаушы буынның арақатынасы – 4/1-ге тең. Демек, 4 басшы және 1 орындаушы бар деген сөз. Нақты айтсақ, біз директор, директордың орынбасары, 2 бөлім басшысы және 1 бас сарапшы туралы айтып отырмыз, - деді Салауат Мүксімов.Фото: pexels.webp

Министрліктерде артық басшы көп – Мүксімов

<a href="https://kyzylorda-news.kz/ru">Kyzylorda-news.kz.</a>&nbsp; 29 қаңтарда Қызылорда облысында ауа райының күрт нашарлауына байланысты «Самара-Шымкент» автомобиль жолының бірқатар бөлігіне шектеу енгізілді, - деп хабарлайды Aikyn.kz.Қызылорда облысында ауа райы күрт бұзылды. Қарлы боран соғып, ауа температурасы нөлден төмен түсті.<blockquote>«Осыған байланысты „ҚазАвтоЖол“ АҚ Қызылорда облысы филиалы тарапынан Астана қаласы уақытымен 29 қаңтар түнгі 01:50-ден бастап республикалық маңызы бар „Самара-Шымкент“ автомобиль жолының 1940-2055,5 шақырым аралығына барлық көлік қозғалысына уақытша шектеу қойылды. Ол Шиелі ауданынан Түркістан облысының шекарасына дейінгі аралықты қамтиды», — деп мәлім етті Қызылорда облыстық полиция департаментінен.&nbsp;</blockquote>Фото: Нұрболат Нұржаубай

Қызылорда облысында жолдар жабылды

<a href="https://kyzylorda-news.kz/ru">Kyzylorda-news.kz.</a>&nbsp; &nbsp;2024 жылдың 1 наурызынан бастап Қазақстан бірыңғай уақыт белдеуіне ауысады. <a href="https://stan.kz/uakit-beldeui-1-sagat-artka-shegeriledi-mamandar-adam-a-394383/">Stan.kz</a> ақпарат агенттігінің тілшісі сағаттың ауысуы адам ағзасына қалай әсер ететінін мамандардан сұрап білді.&nbsp;Сомнолог Әділ Бейсенбаев уақыт белдеуінің кері жылжуы адам ұйқысының бұзылуына әсерін тигізетінін айтады.<blockquote>"Бірақ Алматы мен Астана тұрғындары үшін аздаған қиындықтар туғызады. Себебі 1 сағат артқа жылжығандықтан, әдеттегі әрекеттерінен бас тартуына тура келеді. Күнделікті өмірді барынша тиімді жалғастыру үшін сапалы ұйқы қажет. Сапалы ұйқы барысында ағзаны келесі күнге дайындау, оны токсиндерден тазарту, эндокриндік жүйені реттеу, иммундық жүйені нығайту жұмыстары реттеледі", – деді Әділ Бейсенбаев.</blockquote><blockquote>"Мелатонин адамды ұйқыға дайындайды. Біздің ағзамыз әрі кетсе, екі-үш күн ішінде жаңа режимге бейімделіп алады. Егер біз сағатты 1 сағат кері жылжытсақ, сәйкесінше, біз 1 сағат бұрын оянып, 1 сағат бұрын ерте жатамыз", – деді сомнолог дәрігер.</blockquote> Ал онколог дәрігер Алтынай Ерікқызы адам ағзасының әрбір мүшесінің өзіндік ырғағы бар, оның жұмысы тәуліктің белгілі бір бөлігіне сәйкес жұмыс істейді дейді.<blockquote>“Оны ағзаның "биологиялық ырғағы" деп атайды. Ал "биологиялық ырғақ" бұзылса, адам ағзасында біршама өзгерістер болуы мүмкін. Мәселен, сағат 17:00-ден 19:00-ге дейін бүйрек жұмысының белсенділігі артатын кез”, – дейді ол.&nbsp;</blockquote>Фото:freepik.com

"1 сағат бұрын ерте оянамыз": Мамандар Қазақстанда уақыт белдеуінің өзгеруі адам ағзасына зиян екенін айтты

Фото жеке қорынан<a href="https://kyzylorda-news.kz/ru">Kyzylorda-news.kz.</a> Жақында «Тұмар» баспасынан «Қазақстан – татар баспасөзінде» атты монография жарық көрді. Монография авторы – Қызылорда «Болашақ» университеті филология, журналистика және тарих кафедрасының аға оқытушысы, тарих ғылымдарының кандидаты А.А. Еңсепов. Монография 3 тараудан тұрады. Кітап Қазақстан тарихының шетелдік тарихнамасының негізін қалаушы, тарих ғылымдарының докторы, професссор К.Л. Есмағамбетовтың бұрын жазылған алғы сөзімен басталады. Бірінші тарау ХХ ғасыр басындағы татар баспасөзінің қалыптасуы мен дамуы және оның қазақтар арасындағы ықпалына арналған. Бұл тарауда татар тіліндегі мерзімді басылымдардың қалыптасып, дамуы және олардың идеялық ұстанымдарындағы ерекшеліктер, татар баспасөзінің таралу ауқымындағы Қазақстан және қазақ-татар баспасөздері арасындағы байланыстар дәйектеледі. Елдегі татар баспасөзінің дамуына әсер еткен геосаяси, әлеуметтік және мәдени факторлар ескеріліп, ХХ ғасырдың басындағы тарихи алғышарттар белгіленеді. Татар тіліндегі мерзімді басылымдардың идеялық ұстанымдары талданып, жарияланымдардың сол кездегі саяси, әлеуметтік және мәдени үрдістерді қалай бейнелегені зерттеледі. Екінші тарауда патшалық Ресейдің үстемдігі жағдайындағы Қазақстанның қоғамдық-саяси өмірінің татар баспасөзінде көрініс табуы дәйектелген. Тарау Бірінші орыс революциясы тұсындағы қоғамдық-саяси өмірдегі өзгерістер, қазақ халқының ұлттық мүддесін қорғау жолындағы күрестің екпін алуы мәселелеріне арналған. Бірінші орыс революциясының тарихи контекстін және оның Қазақстандағы әлеуметтік-саяси динамикаға әсері толық зерделенген. Қазақ халқының революциялық оқиғаларға реакциясын қолдайтын және қарама-қарсы көзқарастар ескере отырып талданған. Бірінші орыс революциясы кезіндегі қоғамдық-саяси өзгерістерді татар баспасөзі қалай көрсетіп, қалай жариялағаны зерттелген. Соңғы тарауда татар баспасөзінің 1917 жылғы саяси өзгерістер тұсындағы Қазақстан тарихын зерттеудегі деректік маңызы қарастырылады. Тарау Уақытша үкімет жағдайындағы саяси-әлеуметтік ахуал, Түркістан автономиясы мен Алашорда үкіметінің жариялануы мәселелерін айқындайды. Уақытша үкімет тұсындағы Қазақстандағы саяси-қоғамдық жағдайды татар баспасөзінде жариялануына талдау жүргізілген. Татар тіліндегі басылымдарда патша өкіметінің құлауынан туындаған өзгерістерге жергілікті халықтың ұмтылысы, үрейі мен реакциясы анықталады. Жалпы ХХ ғасырдың басындағы татар баспасөзінің қалыптасуы мен дамуы, оның қазақтар арасындағы ықпалы тарихи өзгерістер кезеңіндегі түрлі этностық және тілдік қауымдастықтың өзара қарым-қатынасын айқындайтын қызықты тақырып. Монографияда мәселелерді жан-жақты түсінуді қамтамасыз ету үшін мұрағаттық материалдар, сол кезеңдегі газеттер мен басқа да жарияланымдар алғашқы дереккөздер ретінде пайдаланылған. Монографияға Қорқыт ата атындағы Қызылорда университетінің қауымдастырылған профессоры, тарих ғылымдарының докторы Т.Я. Сәтбай, Л.Н. Гумилев атындағы Еуразия ұлттық университетінің доценті К.М. Ильясова және Қызылорда «Болашақ» университетінің аға оқытушысы, тарих ғылымдарының кандидаты А.Т. Еспенбетова пікір білдірген. Оқырманға ұсынылған монографияның ғылыми редакторы – «Болашақ» Ғылыми-зерттеу институтының директоры, саяси ғылымдарының кандидаты, қауымдастырылған профессор М.Ө. Насимов. Келесі аптада монографияның тұсаукесері Қызылорда «Болашақ» университетінің кітапханасында өтеді. «Болашақ» Ғылыми-зерттеу институты &nbsp;

Қызылордалық ғалымның монографиясы жарық көрді

Фото: Қызылорда облысының әкімдігі<a href="https://kyzylorda-news.kz/ru">Kyzylorda-news.kz.</a>&nbsp;ҚР Үкіметінің агроөнеркәсіп кешені туралы кеңес отырысында Мемлекет басшысының ауыл шаруашылығының жалпы өнім көлемін екі есе ұлғайту жөніндегі тапсырмасын орындау бойынша қабылданатын және жоспарланған шаралар талқыланып, тиісті тапсырмалар берілді. Кеңес отырысында облыс әкімі Нұрлыбек Нәлібаев ҚР Премьер-министрі Әлихан Смайыловқа осы бағытта өңірде атқарылған жұмыстарды баяндады.&nbsp;<blockquote> «Ауыл шаруашылығы министрлігі ұсынған, Жол картасында қамтылған жаңа тәсілдерді толық қолдаймыз. Өңірде әртараптандыру бағытында биылдың өзінде күріш алқаптарын 5 мың 100 гектарға қысқартып, мал азығындық дақылдар мен көкөніс, бақша егісі көлемін көбейту жоспарлануда. &nbsp;2028 жылға қарай күріш көлемі 72 мың 200 гектарға дейін оңтайландырылады. Су үнемдеу технологиясымен егілетін мал азығындық және жүгері, көкөніс, бақша дақылдарының көлемі 47 мың 300 гектарға ұлғаяды. Күріштің егіс көлемі азайғанмен, агротехнологияларды қатаң сақтау, минералды тыңайтқыштарды өз деңгейінде пайдалану, тұқым сапасын жақсарту, жаңа сорттарды өндіріске енгізу арқылы өнімділігін 20-25 пайызға дейін арттыруға толық мүмкіндік бар. Осының есебінен жыл сайын 450-460 мың тонна күріш өндіру көзделуде. Бұл еліміздің күрішке қажеттілігін толық қамтамасыз етеді және экспорттық әлеует сақталады. Егісті әртараптандыру, агротехнологияларды жақсарту шаралары &nbsp;жеңілдетілген несиелендіру, субсидиялау секілді мемлекеттік қаржылай қолдауды қажет етеді. Дайын жобаларымыз бар», – деді аймақ басшысы.</blockquote> Нұрлыбек Машбекұлы статистикалық мәліметтерді өзектендіру, мал басын арттыру, Жол картасында бекітілген индикативтерге қол жеткізу бағытындағы жұмыстарға тоқталды. Кеңес отырысынан кейін арнайы мәжіліс өткізген аймақ басшысы Қызылорда облысының өсіп-өркендеуіндегі аграрлық саланың орны мен маңызы туралы айтты.<blockquote> «Мемлекет тарапынан жыл сайын аграрлық саланы қолдауға қомақты қаржы бөлініп, ауыл шаруашылығының даму қарқынына оң әсерін тигізуде. Өткен жылғы 18,2 млрд. теңге биыл 6,7 млрд. теңгеге артып 24,9 млрд. теңгені құрады. Мемлекеттік қолдаудың арқасында ауыл шаруашылығында 220,9 млрд. теңгенің өнімі өндіріліп, өсім көрсеткіші 3,7 пайыз артты. Ауыл шаруашылығының негізгі қорына салынған инвестиция 19,7 пайыз, тамақ өнімдерін өндірудегі негізгі капиталға салынған инвестиция 14,3 пайыз өсті. Жалпы өнім бойынша жылдық жоспар 192,7 млрд. теңгені құраса, өткен жылдың қорытындысымен жоспардағыдан 31,3 млрд. теңгеге артық болды, облыс көрсеткіші республикада 2-орыннан көрінді», – деді аймақ басшысы.</blockquote> Мәжілісте жауапты басшыларға ауыл шаруашылығы саласына тартылатын инвестиция көлемін арттыру, суды үнемдейтін озық технологияларды енгізу, егін егуге ынталы отбасыларға жер учаскелерін дайындау міндеті жүктелді. Жиынды қорытындылай келе, аймақ басшысы ауыл шаруашылығы және жер қатынастары басқармасына, Қызылорда қаласы мен аудан әкімдеріне статистика департаментімен бірлесіп, саладағы барлық көрсеткіштерді нақты жағдайға келтіріп, өзектендіруді тапсырды. Жол картасындағы жоспарланған шаралардың мерзімінде орындалуы, инвестициялық жобаларға қайта талдау жүргізу, &nbsp;2024-2028 жылдары жүзеге асырылатын жобалар пулын қалыптастыру аса маңызды.&nbsp;Сондықтан шағын несие және қаржы ұйымдарымен бірлесіп, инвестжобалардың қаржылық мәселесін шешуге ықпал жасау керек.&nbsp;

Нұрлыбек Нәлібаев: Егісті әртараптандыру субсидияны қажет етеді

<a href="https://kyzylorda-news.kz/ru">Kyzylorda-news.kz.</a> Құқық қорғау органдарының қызметкерлерін суретке немесе видеоға түсіруге бола ма? Бұл сұраққа заңгер Надежда Гельдт жауап берді, - деп хабарлайды <a href="https://tengrinews.kz/mixnews/">Tengri Life.</a>Заң бойынша физикалық тұлғаларды олардың келісімінсіз сурет пен видеоға түсіруге және оны желіге салуға болмайды.Алайда жол полиция қызметкерлеріне келсек, бұл жайлы "Жол жүрісі туралы" Заңның 54-бабында қарастырылған. Онда көлік құралы жүргізушісінің және иесінің құқықтары мен міндеттері жазылған.<blockquote>"Қазақстанда жүргізуші лауазымды тұлғадан оны тоқтату себебін түсіндіріп беруін сұрай алады және бұл кезде оны суретке немесе видеоға түсіре алады", - дейді маман.</blockquote>"Қазақстан Республикасының ішкі істер органдары туралы" заң бойынша да полиция қызметкерлерін тергеу шаралары кезінде суретке немесе видеоға түсіруге тыйым жоқ.Алайда қызметкерлер кей жағдайларда түсірілімге тыйым салуы мүмкін.<blockquote>"Бұл заңның 6-шы бабына сәйкес полиция қызметкерлері төтенше жағдай жарияланған немесе лаңкестікке қарсы операция болған жерде тергеу шараларын жүргізген кезде физикалық тұлғаларға фото немесе видеотүсірілім жасауға тыйым сала алады", - дейді Надежда Гельдт.</blockquote>Фото: Нұрболат Нұржаубай

Полиция қызметкерлерін суретке және видеоға түсіруге бола ма? Заңгер жауабы  

<a href="https://kyzylorda-news.kz/ru">Kyzylorda-news.kz.</a>&nbsp; Республикада миграция мәселесі өткір тұр, - деп хабарлайды<a href="https://inbusiness.kz/kz/news/ujinde-otyrmajtyn-kazakstandyktar-zhazalanuy-mumkin"> inbusiness.kz</a>Ұлттық статистика бюросының дерегінше, 2023 жылғы қаңтар-қыркүйек айларында елімізге шетелден 751 887 адам келген. 745 483 адам кеткен. Яғни, бірнеше жылдан бері оң сальдо (+6 404 адам) қалыптасуда.Сондай-ақ 337 791 адам еліміздің өңірлері арасында көшкен.Нәтижесінде, полиция және басқа да құзырлы құрылымдар, жергілікті атқарушы органдар, жеке сот орындаушылары, коллекторлар және басқасы көптеген адамды ресми тіркелген және тұрғылықты деп саналатын мекенжайынан таппай қалады. Бұл оларға ұнамайды.Сондықтан биыл ел Үкіметі "Әкімшілік құқық бұзушылық туралы" кодексіне өзгерістер мен толықтырулар енгізу туралы" заң жобасымен ел Парламентіне кірмек. Оған сәйкес, кодекстің 493-бабындағы айыппұл көлемін көбейту ұсынылып отыр.Үкімет әрине, мұның халықтың игілігі үшін жасалатынын алға тартады. Заң жобасының түсініктемесінде бұл талап "жеке тұлғалардың құқықтары мен заңды мүдделерін қорғау мақсатында ғана енгізілетіні" көрсетілген.<blockquote>"Астана, Алматы, Шымкент қалаларында халық санының өсу үрдісі жалғасуда. Бұл тұрғын үйге, әлеуметтік объектілерге сұраныстың да қарқынды артуына әкеледі. Бақылаусыз көші-қон қаланың инженерлік коммуникацияларына ауыртпалық түсіреді, әлеуметтік-экономикалық мәселелерінің шиеленісуіне, сондай-ақ жұмыссыздықтың өсуіне, құқық бұзушылықтардың, соның ішінде тұрғын үй заңнамасын бұзушылықтардың, атап айтқанда "резеңке пәтерлердің" көбеюіне себеп болады. Бұл біріншіден, тұрғын үй тұрғындарының құқықтарының бұзылуына соқтырады. Екіншіден, тұрғын үйдің азаматтық айналымға қатысуын қиындатады", – делінген Ұлттық экономика министрлігінің түсініктемесінде.</blockquote>Қазақстанда ХХІ ғасырдың алғашқы онжылдықтарында болған терактілерден кейін көші-қон заңнамасы қатайтылды. 2015 жылдың 1 қаңтарынан бастап, Әкімшілік кодексте жаңа айыппұл түрлері күшіне енді. Оны бір адрес бойынша тіркелген, алайда мүлдем басқа мекенжайда тұрақты тұратын адамдар мен соған жол берген пәтер иелері төлейтін болды. Бастапқыда айыппұл көлемі 10 мың теңгені құраған. Бүгінде ол 3 еседен көпке артты.Дегенмен, Үкіметтің дерегінше, бұл заң талабы сақтала бермейді. Билік оған халықтың өзін айыптап отыр. Баспанасын жалға берушілер пәтершілерін заң талабы бойынша "тұрақты тіркеуге" қоймайды. Оны талап еткен клиенттерінен қосымша ақы сұрайды.Немесе тұрақты тіркеуге қойған пәтершілерін олар баспананы жалдауды доғарған соң уақытылы есептен шығарып тастап отыруға мән бермейді. Салдарынан бұл еліміздің мегаполистерінде жалған "резеңке пәтерлердің" пайда болуына үлес қосады. Шын мәнінде, бірқатар баспана иелері бұрын тұрған пәтершілерін қалай есептен шығарып тастауға болатынын біле бермейді. &nbsp;Оның үстіне бұған дейін болған заң талабы бойынша тұрақты тіркеуден шығарып тастау үшін шығарылатын адамның да рұқсаты қажет етілетін. Ал пәтершілер ақысын төлемей, қашып кетуі немесе пәтерді босататынын дәл кететін күні хабарлауы мүмкін. Салдарынан үй иесінде оны ХҚКО-ға ертіп апаруына мүмкіндік қалмайды. Сондықтан бұл талап жойылып, үй иелеріне келісімсіз, өз бетімен шығарып тастау құқығы берілген.Сондай-ақ бұл процесс автоматтандырылды. Уақытша тіркеу ХҚКО-ға бармай, "Электрондық Үкімет" порталы арқылы онлайн-режимде жүзеге асырылады. Тұрақты тұрғылықты жері бойынша тіркелу үшін де осындай тәртіп. Бұл ретте тұрғын үйге құқық белгілейтін құжаттарды ұсыну талап етілмейді, себебі бұл мәліметтерді ХҚКО операторлары азаматтар өтініш білдірген кезде Мекенжай тіркелімінен өздері алады. Азаматтар өзінде қанша адам тіркеуде тұрғанын білуі үшін "Электрондық үй кітабы" жасалды.Ұлттық экономика министрлігі құқық қорғау органдарына сілтеме жасап, көші-қон заңнамасын бұзуға жаппай жол беріліп жатқанын мәселе етіп көтерді.<blockquote>"Тұрақты тіркеу талабын бұзатын тұрғын үй иелеріне қатысты бүгінде 10 АЕК немесе 36 920 теңге мөлшеріндегі әкімшілік айыппұл салынады. Соған қарамастан, кейбір баспана қожайындары өз мекен-жайларында сонда шын мәнінде тұрмайтын азаматтарды, мигранттарды жаппай тіркеуді жалғастыруда. Өйткені одан түсетін заңсыз табыс көлемі айыппұлдың мөлшерінен асып түседі. Ішкі істер органдары осылай пайда болатын "резеңке пәтерлер" проблемасын болдырмау үшін тұрақты мониторинг жүргізеді. Соның қорытындысында меншік иелері әкімшілік жауапкершілікке тартылады", – деп хабарлады ведомство.</blockquote>Министрлік бір мысал келтірді. Осы жұмыс аясында Астана қаласында, ағымдағы жылы адамдар бір мекенжайда тым көп тіркелген 924 баспана тексерілді. Оларда 35 мыңдай адам тіркеуде тұрғаны әшкереленді.Оның ішінде мысалы, бір ғана пәтердің өзінде 800-ден астам адам, екіншісінде – 600-ден астам азамат, үшіншісінде – 400-ден астам адам тұрақты тіркеліп, "тұрып" жатқан болып шықты. Дұрысы, коттедждің өзіне сонша адам сыймас еді.Елордада әрқайсысында 300-ден астам адам "мекен еткен" 4 пәтер табылды.3 пәтердің иесі өз баспаналарында 200-ден астам адамды тіркеген.8 пәтердің қожайыны 100-ден астам адамға "пана" ұсыныпты.70-тен астам адам тіркелген 3 мекенжай, 50-ден астам адамды тіркеген 5 мекенжай мәлім болды.Сондай-ақ тексерулер нәтижесінде 8,5 мыңға жуық адамның тұрақты тіркелген жерінде нақты тұрмайтыны әшкереленді.Осы себепті, Үкімет қолданыстағы әкімшілік жауапкершілікті күшейтуде. Яғни, айыппұл көлемі арттырылады.Заң қабылданғаннан кейін өсірілген айыппұлды бұзушылық тіркелген баспананың, сонымен қатар өзге де ғимараттардың және үй-жайлардың меншік иелеріне төлеуге тура келеді.Бұдан бөлек, тұрақты тіркелген жерінде тұрмайтын қазақстандықтарды жауапкершілікке тарту пысықталуы мүмкін.<blockquote>"Ұсынылып отырған түзетулер тұрғын үй иелерінің өздерінде іс жүзінде тұрмайтын жеке тұлғаларды тіркеуге жол бергені немесе тұрғын үйде тіркелген, бірақ іс жүзінде онда тұрмайтын жеке тұлғаларды тіркеуден шығару бойынша шаралар қабылдамағаны үшін жауапкершілігін күшейту мақсатында енгізіледі. Бұл ретте халықтың көші-қоны саласындағы мемлекеттік бақылауды жүргізу тәртібі өзгермейді. ІІМ басшылығының бұйрығы негізінде учаскелік инспекторлар рейдтік тексерулер, жедел-профилактикалық іс-шаралар жүргізеді", – деп түсіндірді Экономика министрлігі.</blockquote>Заң бұзушылықтар статистикасы да артуда. Мәселен, Бас прокуратураның Құқықтық статистика комитетінің есебіне сәйкес, Әкімшілік құқық бұзушылық кодексінің 493-бабы бойынша 2019 жылы – 2 956, 2020 жылы – 1 760, 2021 жылы – 2 637, 2022 жылы – 3 220 әкімшілік іс қозғалған. Яғни, әшкереленген құқық бұзушылықтардың саны да артып келеді.Сондықтан жаңа заң жобасында өсірілген келесі айыппұлдарды енгізу ұсынылып отыр.Біріншіден, баспана не басқа ғимарат иесі өзінде нақты тұрмайтын жеке тұлғаларды тiркесе, жеке тұлғаларға – 20, шағын кәсiпкерге немесе коммерциялық емес ұйымдарға – 30, орта кәсіпкерлік субъектілеріне – 50, ірі кәсіпкерлік субъектілеріне 100 айлық есептік көрсеткіш (369 200 теңге) айыппұл салынбақ.Екіншіден, осы бұзушылықты әкiмшiлiк жаза қолданылғаннан кейiн бiр жыл iшiнде қайталап жасаса, жеке тұлғаларға – жиырма АЕК немесе 40 сағатқа дейін қоғамдық жұмыстарға тарту, шағын кәсiпкерге немесе коммерциялық емес ұйымдарға – 50, орта кәсіпкерлік субъектілеріне – 100, ірі кәсіпкерлік субъектілеріне 120 АЕК айыппұл салу көзделеді.Үшіншіден, тіркелген және бүгінде тұрмайтын жеке тұлғаларды тiркеуден шығармаса, бұл жеке тұлғаларға – 15, шағын кәсiпкерлерге немесе коммерциялық емес ұйымдарға – 30, орта кәсіпкерлік субъектілеріне – 35, ірі кәсіпкерлік субъектілеріне 100 АЕК айыппұл салуға әкеп соғады.Төртіншіден, осы бұзушылықты 1 жыл iшiнде қайталап жасаса, айыппұл көлемі жеке тұлғалар үшін – 20, шағын кәсiпкерлiк немесе коммерциялық емес ұйымдары үшін – 30, орта кәсіпкерлік субъектілері үшін – 60, ірі кәсіпкерлік субъектілеріне 120 АЕК-ке дейін өседі.Бесіншіден, егер пәтерші уақытша немесе тұрақты тiркеусіз тұрып жатса, онда пәтерін не басқа ғимаратын жалға беретін жеке тұлғалар – 20, шағын кәсiпкерлiк немесе коммерциялық емес ұйымдар – 25, орта кәсіпкерлік субъектілері – 35, ірі кәсіпкерлік субъектілері 70 АЕК айыппұл арқалайды.Егер осы бұзушылықты әкiмшiлiк жаза қолданылған соң бiр жыл iшiнде қайталап жасаса, айыппұл мөлшері жеке тұлғалар үшін – 30, шағын кәсiпкерлер немесе коммерциялық емес ұйымдар үшін – 40, орта кәсіпкерлік субъектілері үшін – 70, ірі кәсіпкерлік субъектілері үшін 120 айлық есептік көрсеткішке (443 040 теңгеге) дейін ұлғаяды.Осылайша, биыл елде заңсыз миграциямен күрес те күшейтіледі деп күтілуде.Фото: Нұрболат Нұржаубай

"Үйінде отырмайтын" қазақстандықтар жазалануы мүмкін

<a href="https://kyzylorda-news.kz/ru">Kyzylorda-news.kz.</a> &nbsp;Енді «Б» корпусының мемлекеттік әкімшілік лауазымдарына қызметкерлер жаңа ережемен қабылданады, - деп хабарлайды<a href="https://kaz.inform.kz/news/kazakstanda-memlekettk-kizmetke-rkteu-erezhes-ozgerd-798abd/"> kaz.inform.kz</a>Өзгерістер Қазақстан Республикасы Президентінің 2019 жылғы 22 шілдедегі №74 Жарлығымен бекітілген Қазақстан Республикасының Мемлекеттік қызмет істері агенттігі туралы ереженің 15-тармағының 20-1 және 44-9 тармақшаларына сәйкес енгізілген.Президент Жарлығы негізінде Қазақстан Республикасының Мемлекеттік қызмет істері агенттігінің бұйрығы шықты.<blockquote>«Бұйрықтың 1-қосымшасына сәйкес «Б» корпусының мемлекеттік әкімшілік лауазымдарына қызметіне қабылдау конкурсы мен мемлекеттік қызмет үміткерлеріне қойылатын біліктілік талаптарының қағидасы бекітілсін. Бұйрық заңнамада белгіленген тәртіппен Әділет министрлігінде тіркелсін», - делінген ресми құжатта.</blockquote>Бұйрықтың орындалу барысын агенттік төрағасының мемлекеттік қызмет мәселелеріне жетекшілік ететін орынбасары қадағалайды.«Б» корпусының мемлекеттік әкімшілік лауазымдар қағидасымен сілтеме арқылы танысуға болады.&nbsp;Фото: Нұрболат Нұржаубай

Қазақстанда мемлекеттік қызметке іріктеу ережесі өзгерді

Фото: ашық дереккөзӘлемде біз білмейтін қызық көп. Мысалы, бір ғана сурет салудың 100 түрлі әдісі бар. Құм, ас содасы, шоколад, тосап, тұз, шеге мен гипстен шебер бейне шығарып жүргендерді көрдік. Ең қызығы, жақында жаһанды жапыраққа сыйғызған суретшіні таптық. Сурет салудың 86 тәсілін меңгерген Қанат Нұртазин Nickelodeon, Warner Bros. Games, Disney секілді алпауыт компаниялардан тапсырыс алған. Ерекше стилінің және жапыраққа жан бітіруінің арқасында әйгілі «Mortal Combat 1 амбассадоры да атаныпты.«Микст-медиа» жайлы не білеміз?Қанаттың негізгі мамандығы – ІТ технологияларын қолдану арқылы бизнесті басқару. Малайзияда білімін шыңдаған жас елге оралған соң жұмыс табу қиынға соққанын айтады. Сол уақытта хоббиі – сурет салуға кіріскен. Тосап, шоколад, гипс, шеге, жіппен сурет салған. Далада серуендеп жүріп, жапыраққа дейін ойып салуға кіріскен. Осылайша, мұны «Сурет салудың 100 әдісі» деген атпен арт жобаға айналдырыпты.– Оқушы кезімде сурет сабағының тапсырмасын ағам орындап беретін. Ал, қазір суреттерім елге таныла бастады. Бұл үшін ешқандай курс, семинарға қатыспадым. Табиғи дарынның, қызығушылықтың көмегі көп болды. Жай ғана сурет салуға қарағанда жаңа әдіс-тәсіл ойлап тапқан әлдеқайда қызық. Бұл – &nbsp;шығармашылық еңбек. Қарап тұрсаң, айналаңдағы заттардың барлығы өнер туындысы үшін жасалғандай. Кейде табиғаттың, қоршаған ортаның осындай ғажайыпқа толы екенін көріп, шабыт аламын, – дейді Қанат.Суретші нақты бір жанрда немесе белгілі бір тәсілмен салмайды. Ол өз жолын «микст-медиа» стиліне, яғни аралас техникалы өнерге жатқызады.Қа­зақ­с­танда жапыраққа сурет қиып салатын жалғыз суретшіӘлем бойынша жапырақты қолданатын бір-екі суретші бар. Ал Қазақстанда әзірге Қанат топ бастап тұр. Дегенмен, негізгі жұмысы Назарбаев Университетіндегі Қанат әзірге біржола сурет өнеріне кетпей жүргенін айтты.– Бұл – &nbsp;жеке пікірім, дегенмен, қазір біздің қоғам мұндай өнерді беріле қабылдамайтын сияқты. Білерім, мен салып жүрген суреттер сату жағына келгенде өте жоғары сұранысқа ие болмай отыр. Бірақ қай жерге барсам да Қазақстанға қатысты дүние жасағым келеді. Мысалы, Вашингтонда жүріп, алмаға Алтын адамның суретін салдым, Лондонға барғанда алмаға киіз үйдің суретін ойдым. Содан кейін сол қаланың көрікті жерін артқы көрініс қылып таңдап, өзімнің туған елімнің бір бейнесін кадрға түсіріп аламын. Шетелдіктер таныс жердегі бейтаныс элементтерге қатты таң қалады. Тек шетте емес, Қазақстанның түкпір түкпіріне барсам да, туған жерімнің таңғажайып табиғатын суретке саламын. Негізі жапырақ ұзаққа шыдайды. Бәрі қайда және қалай сақтағаныңа байланысты. Әдетте кітаптың арасына салып қоямын. Онда бірнеше жыл сақтауға болады. Менде жапырақты ұзақ сақтаудың тағы бір тәсілі бар. Оны эпоксидті шайырға саламын. Одан алып, кептірген соң, ол әйнек секілді көрінеді, – дейді ол.Кейіпкерімізде идея жетіп артылады. Қол босаған кезде немесе ерекше шабыттанған сәтте соны іске асырады екен. Одан бұрын әлемде және елімізде болған оқиғаларға бейжай қарамайды. Мысалы, жуырда ел ішінде үлкен резонанс тудырған зорлық-зомбылық оқиғасына қарсылық білдіріп, әйнекке сурет қашап салды. «БҰҰ-ның гендерлік зорлық-зомбылыққа қарсы 16 күндік жаһандық кампаниясы басталған болатын. Қазақстандағы өкілдігінен зорлық-зомбылықтың түрлі әдістерін бейнелейтін суреттер сериясын салу туралы тапсырыс алдым. Ол желтоқсан айының ортасына дейін жалғасады. Өкілдіктің Instagram-дағы ресми парақшасында әр апта сайын түрлі суреттер қамтылған бейнероликтер мен маңызды ақпарат салынып отырады» дейді &nbsp;кейіпкеріміз.Қанат қалай «Mortal Combat»-тың амбассадоры атанды?Кейіпкеріміз әлеуметтік желіде 10 жылдан аса белсенді. Барлығын осында жүктеп, бөлісіп отырады. Айтуынша, уақыт өте парақшасында қозғалыс күшейіп, жазылушылар көбейген. Оның басты себебі – Қанаттың Real Madrid клубы бастаған челленджге қатысуы.– Бұл оқиғаға дейін 80 млн жазылушысы бар 9gag парақшасы жұмысымды бөліскен еді. Содан кейін әлемдік компаниялардан ұсыныстар түсе бастады. Бірінші болып Nickelodeon балалар телеарнасының өкілдері жазды. Олар көктемгі маусымға сары жапыраққа түрлі кейіп­кер­лерді қиып салу туралы ұсыныс айтты. Одан соң Disney компаниясының өкілдері байланысқа шықты. Оларға «Суық жүрек-2» және «Малефисента-2» сюжеттеріне сурет салып бердім. Сосын Nickelodeon-ның еншілес компаниясы Nick Jr-дан хабарласып, олармен әріптестік орнаттым. Әлем көрерменін жаулап алған Пэддингтон, Спанч Боб және Сквидвард, Чаки мен Пепа торай секілді кейіпкерлердің суреттерін қиып салдым.Сосын барып Real Madrid клубымен байланыс орнады. Олар команданың ойын барысын бейнелейтін арт жобалар байқауын жариялады. Ол кезде қоржынымда клуб капитаны Серхио Рамостың бейнесі қиып салынған жапырақ болатын. Мұны байқауға жібергенімде, олар оны ұнатып қалып, ізінше клубтың 149 млн жазылушысы бар жеке парақшасына жүктеп қойды. Олар тек салумен шектелген жоқ, хабарласып, байланыс орнатты. Күні кешеге дейін бірлесіп жұмыс істедік. Алдағы уақытта да жұмыс жалғасады, – дейді кейіпкеріміз.Ал жаңалықтың төресі жақында Қанат «Mortal Combat 1» амбассадоры атанды. Былтыр қараша айында Warner Bros. Games кампаниясы бұл ойынға жарнама кампаниясын бастаған. Қуантатыны, үздіктердің қатарынан дарынды қазақ баласының табылғаны. «Мені жапыраққа қиып салатыным үшін таңдаған секілді. Кейін наурыз айында жарнама кампаниясы басталған кезде Сарышаян мен Джейннің суретін салу бақыты бұйырды. Ал тамыз айында Mortal Combat 1 ойынының басты кейіпкері Лю Канның бейнесінен стоп моушн жасауды ұсынды» дейді Қанат.Алдағы уақытта кейіпкеріміз әлем комикстеріне қызығатын Marvel, DC компаниялары, сондай-ақ Netflix компаниясымен бірлесіп жұмыс істеуді жоспарлап жүр.Мөлдір СНАДИН

Қанат сурет салудың 86 тәсілін меңгерген

&nbsp;<a href="https://kyzylorda-news.kz/ru">Kyzylorda-news.kz.</a>&nbsp;Аты-жөнін кім және қандай жағдайда өзгерте алады? Бұл сұраққа Өңірлік коммуникациялар қызметінде өткен брифингте Алматы қаласы әділет департаменті басшысының орынбасары Зәуреш Сатхожина жауап берді, - деп хабарлады <a href="https://halyq-uni.kz/news/30290-kazakstandyktardyn-aty-zhonin-kandai-zhagdaida-ozgerte-alatyny-tusindirildi/">halyq-uni.kz.</a>Оның айтуынша, адамның тегі, аты, әкесінің аты мына жағдайда өзгертілуі мүмкін:аты, әкесінің аты, тегі жағымсыз естілген жағдайда; атын, әкесінің атын, тегін айтудың қиындығы; некені мемлекеттік тіркеу кезінде жұбайының тегін алғысы келсе; некені бұзу кезінде тегін өзгертпей, некеге дейінгі тегіне қайта өтуге ниет білдірсе; алдыңғы некеден балалармен ортақ текті алғысы келсе; жұбайы қайтыс болған жағдайда некеге дейінгі фамилияны алғысы келген жағдайда; өтініш беруші некеге дейінгі тегінде болып, жұбайы қайтыс болғаннан кейін балаларымен бірдей фамилия алуға ниет білдіріп, фамилиясын өзгерту жөнінде шешім қабылдаса. Ата-анасының біреуінің (ата-анасының әртүрлі ұлты кезінде) өтініш беруші таңдаған ұлтына сәйкес келетін атын және тегін алып жүруге тілек білдірсе, өмірде құжаттардағы атауынан өзгеше есімді алғысы келсе, некеге тұру кезінде жұбайының тегі қабылданса, некеге дейінгі тегін алуға ниет білдірсе, тегін, аты-жөнін өзгерте алады, - деді Зәуреш Сатхожина.Ел тұрғындары бұдан басқа себептермен де тегін, атын, әкесінің атын өзгерте алады.Мәселен:ұлттық дәстүр бойынша тегін әкесінің немесе атасының есіміне өзгерткісі келсе; өтініш берушіні тәрбиелеген адамның тегіне өтуге не тегін сол адамның атына, әкесінің атына ауыстыруға тілек білдіру; жынысы хирургиялық өзгерген кезде таңдалған жынысқа сәйкес келетін есімді, әкесінің атын, тегін алғысы келген жағдайда. Атын, әкесінің атын, тегін өзгерту не түзету үшін Қазақстан Республикасының аумағындағы кез келген тіркеуші органға (АХАТ) өтінішпен жүгіну қажет. Сондай-ақ «Азаматтарға арналған үкімет» мемлекеттік корпорациясы КЕАҚ-қа өтінішті «электрондық үкімет» порталы арқылы электронды нысанда жіберуге болады.<blockquote>Атын, әкесінің атын, тегін ауыстыруды тіркеуші органдар 16 жасқа толған, аты-жөнін ауыстырғысы келетін адамның жеке өтініші бойынша жүргізеді. Аты, әкесінің аты, тегі өзгергеннен кейін 1 ай ішінде жеке куәлік пен паспортты өзгерту қажет, - деп нақтылады әділет департаментінің өкілі.</blockquote>Айта кетсек, өткен жылы Алматыда аты-жөнін өзгертуге 3,5 мың өтініш түскен.Фото: Нұрболат Нұржаубай

Қазақстандықтардың аты-жөнін қандай жағдайда өзгерте алатыны түсіндірілді

<a href="https://kyzylorda-news.kz/ru">Kyzylorda-news.kz.</a> &nbsp;Бұл бағытта бюджеттен 30 млрд теңге бөлу көзделген. Үкімет «Серпін» бағдарламасына осылай тың тыныс беруге тырысып отыр, - деп хабарлайды <a href="https://dalanews.kz/del-qazir/96924-auylga-baratyn-zhastarga-9-mln-tenggege-d">dalanews.kz</a>«Серпін» жобасы бойынша екі жылдық жұмыспен өтеу мерзімін аяқтаған жас мамандар (денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласында, ауылдар, кенттер, ауылдық округтер әкімдері аппараттарының мемлекеттік қызметшілеріне) «Дипломмен – ауылға» бағдарламасы шеңберінде әлеуметтік көмек ала алады. Онда 100 АЕК мөлшерінде біржолғы көтерме жәрдемақы және тұрғын үй сатып алуға немесе салуға бюджеттік кредит төлеу түріндегі қолдау ретіндегі әлеуметтік шаралар көзделген.<blockquote>– Бұдан басқа ауылды аумақтарды дамытудың 2023-2027 жылдарға арналған тұжырымдамасын іске асыру шеңберінде «Дипломмен – ауылға» жобасы бойынша мамандарға әлеуметтік қолдау көрсетуді жақсарту мақсатында 2024 жылғы 1 қаңтардан бастап көрсетілген бюджеттік кредит (1500 АЕК-тен 2500 АЕК-ке дейін, аудан орталықтары мен ауылды елдімекендер үшін 2000 АЕК-ке дейін) мөлшері ұлғайтылады. 2024 жылы 3,6 мыңнан астам маманға 30 млрд теңгеге бюджеттік кредит беру жоспарлануда, – делінген үкімет басшысының депутаттарға берген жауабында.</blockquote>Сонымен бірге, қолданыстағы бағдарламаларды жүйелеу мақсатында «Отбасы банк» АҚ-мен бірлесіп несиелеудің жеңілдікті шарттары бар жастар үшін бірыңғай тұрғын үй бағдарламасын іске асыру мәселесі пысықталған.Еске сала кетейік, депутаттар «Серпін» бағдарламасы тоқтағалы тұрғаны турасында осыдан екі жыл бұрын да дабыл қаққан. Ол тұста сенаторлар жеңілдіктің алынып тасталуы оңтүстік өңірден келген түлектердің солтүстік өңірлердегі колледждер мен жоғары оқу орындарында оқуға деген ынтасы құртатынын мәлім еткен еді.Фото: Нұрболат Нұржаубай

Ауылға баратын жастарға 9 млн теңге беріледі

<a href="https://kyzylorda-news.kz/">Kyzylorda-news.kz.</a>&nbsp; Алматы, Астана және Шымкент қалалары бойынша мемлекеттік кірістер департаменттерінің сайттары екінші күннен бері жұмыс істемейді, - деп хабарлайды <a href="https://kaz.orda.kz/bir-memlekettik-organnyn-sajty-zhumys-istemejdi-121821/">kaz.orda.kz.</a>kgd.gov.kz барлық ресурстарымен байланыс орнату мүмкін болмады.Сондай-ақ ESF (электрондық шот-фактураның ақпараттық жүйесі) жұмысындағы үзілістер туралы хабарламалар бар.Мемлекеттік кірістер комитетінің ақпараттық жүйелері бизнес-процестерді кешенді автоматтандыруға және азаматтарға әртүрлі электрондық қызметтерді көрсетуге арналған.Айта кету керек, қазір салық заңнамасына мобильді аударымдарды пайдалану мәселелері бойынша түзетулер енгізудің басталуына байланысты заңды тұлғалар ресурсқа ерекше қажеттілікті сезіне бастады. &nbsp;Фото: Нұрболат Нұржаубай

Қазақстан және Қызылорда облысының жаңалықтары: Керек дерек