&nbsp;<a href="https://kyzylorda-news.kz/ru">Kyzylorda-news.kz.</a>&nbsp;Аты-жөнін кім және қандай жағдайда өзгерте алады? Бұл сұраққа Өңірлік коммуникациялар қызметінде өткен брифингте Алматы қаласы әділет департаменті басшысының орынбасары Зәуреш Сатхожина жауап берді, - деп хабарлады <a href="https://halyq-uni.kz/news/30290-kazakstandyktardyn-aty-zhonin-kandai-zhagdaida-ozgerte-alatyny-tusindirildi/">halyq-uni.kz.</a>Оның айтуынша, адамның тегі, аты, әкесінің аты мына жағдайда өзгертілуі мүмкін:аты, әкесінің аты, тегі жағымсыз естілген жағдайда; атын, әкесінің атын, тегін айтудың қиындығы; некені мемлекеттік тіркеу кезінде жұбайының тегін алғысы келсе; некені бұзу кезінде тегін өзгертпей, некеге дейінгі тегіне қайта өтуге ниет білдірсе; алдыңғы некеден балалармен ортақ текті алғысы келсе; жұбайы қайтыс болған жағдайда некеге дейінгі фамилияны алғысы келген жағдайда; өтініш беруші некеге дейінгі тегінде болып, жұбайы қайтыс болғаннан кейін балаларымен бірдей фамилия алуға ниет білдіріп, фамилиясын өзгерту жөнінде шешім қабылдаса. Ата-анасының біреуінің (ата-анасының әртүрлі ұлты кезінде) өтініш беруші таңдаған ұлтына сәйкес келетін атын және тегін алып жүруге тілек білдірсе, өмірде құжаттардағы атауынан өзгеше есімді алғысы келсе, некеге тұру кезінде жұбайының тегі қабылданса, некеге дейінгі тегін алуға ниет білдірсе, тегін, аты-жөнін өзгерте алады, - деді Зәуреш Сатхожина.Ел тұрғындары бұдан басқа себептермен де тегін, атын, әкесінің атын өзгерте алады.Мәселен:ұлттық дәстүр бойынша тегін әкесінің немесе атасының есіміне өзгерткісі келсе; өтініш берушіні тәрбиелеген адамның тегіне өтуге не тегін сол адамның атына, әкесінің атына ауыстыруға тілек білдіру; жынысы хирургиялық өзгерген кезде таңдалған жынысқа сәйкес келетін есімді, әкесінің атын, тегін алғысы келген жағдайда. Атын, әкесінің атын, тегін өзгерту не түзету үшін Қазақстан Республикасының аумағындағы кез келген тіркеуші органға (АХАТ) өтінішпен жүгіну қажет. Сондай-ақ «Азаматтарға арналған үкімет» мемлекеттік корпорациясы КЕАҚ-қа өтінішті «электрондық үкімет» порталы арқылы электронды нысанда жіберуге болады.<blockquote>Атын, әкесінің атын, тегін ауыстыруды тіркеуші органдар 16 жасқа толған, аты-жөнін ауыстырғысы келетін адамның жеке өтініші бойынша жүргізеді. Аты, әкесінің аты, тегі өзгергеннен кейін 1 ай ішінде жеке куәлік пен паспортты өзгерту қажет, - деп нақтылады әділет департаментінің өкілі.</blockquote>Айта кетсек, өткен жылы Алматыда аты-жөнін өзгертуге 3,5 мың өтініш түскен.

Қазақстандықтардың аты-жөнін қандай жағдайда өзгерте алатыны түсіндірілді

Фото: aikyn.kz<a href="https://kyzylorda-news.kz/ru">Kyzylorda-news.kz.</a> &nbsp;Бұл бағытта бюджеттен 30 млрд теңге бөлу көзделген. Үкімет «Серпін» бағдарламасына осылай тың тыныс беруге тырысып отыр, - деп хабарлайды <a href="https://dalanews.kz/del-qazir/96924-auylga-baratyn-zhastarga-9-mln-tenggege-d">dalanews.kz</a>«Серпін» жобасы бойынша екі жылдық жұмыспен өтеу мерзімін аяқтаған жас мамандар (денсаулық сақтау, білім беру, әлеуметтік қамсыздандыру, мәдениет, спорт және агроөнеркәсіптік кешен саласында, ауылдар, кенттер, ауылдық округтер әкімдері аппараттарының мемлекеттік қызметшілеріне) «Дипломмен – ауылға» бағдарламасы шеңберінде әлеуметтік көмек ала алады. Онда 100 АЕК мөлшерінде біржолғы көтерме жәрдемақы және тұрғын үй сатып алуға немесе салуға бюджеттік кредит төлеу түріндегі қолдау ретіндегі әлеуметтік шаралар көзделген.<blockquote>– Бұдан басқа ауылды аумақтарды дамытудың 2023-2027 жылдарға арналған тұжырымдамасын іске асыру шеңберінде «Дипломмен – ауылға» жобасы бойынша мамандарға әлеуметтік қолдау көрсетуді жақсарту мақсатында 2024 жылғы 1 қаңтардан бастап көрсетілген бюджеттік кредит (1500 АЕК-тен 2500 АЕК-ке дейін, аудан орталықтары мен ауылды елдімекендер үшін 2000 АЕК-ке дейін) мөлшері ұлғайтылады. 2024 жылы 3,6 мыңнан астам маманға 30 млрд теңгеге бюджеттік кредит беру жоспарлануда, – делінген үкімет басшысының депутаттарға берген жауабында.</blockquote>Сонымен бірге, қолданыстағы бағдарламаларды жүйелеу мақсатында «Отбасы банк» АҚ-мен бірлесіп несиелеудің жеңілдікті шарттары бар жастар үшін бірыңғай тұрғын үй бағдарламасын іске асыру мәселесі пысықталған.Еске сала кетейік, депутаттар «Серпін» бағдарламасы тоқтағалы тұрғаны турасында осыдан екі жыл бұрын да дабыл қаққан. Ол тұста сенаторлар жеңілдіктің алынып тасталуы оңтүстік өңірден келген түлектердің солтүстік өңірлердегі колледждер мен жоғары оқу орындарында оқуға деген ынтасы құртатынын мәлім еткен еді.

Ауылға баратын жастарға 9 млн теңге беріледі

Фото: soft-setup.ru<a href="https://kyzylorda-news.kz/">Kyzylorda-news.kz.</a>&nbsp; Алматы, Астана және Шымкент қалалары бойынша мемлекеттік кірістер департаменттерінің сайттары екінші күннен бері жұмыс істемейді, - деп хабарлайды <a href="https://kaz.orda.kz/bir-memlekettik-organnyn-sajty-zhumys-istemejdi-121821/">kaz.orda.kz.</a>kgd.gov.kz барлық ресурстарымен байланыс орнату мүмкін болмады.Сондай-ақ ESF (электрондық шот-фактураның ақпараттық жүйесі) жұмысындағы үзілістер туралы хабарламалар бар.Мемлекеттік кірістер комитетінің ақпараттық жүйелері бизнес-процестерді кешенді автоматтандыруға және азаматтарға әртүрлі электрондық қызметтерді көрсетуге арналған.Айта кету керек, қазір салық заңнамасына мобильді аударымдарды пайдалану мәселелері бойынша түзетулер енгізудің басталуына байланысты заңды тұлғалар ресурсқа ерекше қажеттілікті сезіне бастады.

Қандай мемлекеттік органдардың сайты жұмыс істемейді?

Фото: zhardem.kz<a href="https://kyzylorda-news.kz/">Kyzylorda-news.kz.</a>&nbsp;Алматы облысының әкімшілік-аумақтық құрылысында &nbsp;өзгерістер енгізілді, – деп хабарлайды <a href="https://aikyn.kz/261064/k-azak-standa-zhan-a-k-ala-payda-boldy">Aiqyn.kz. </a>Ақордаға сілтеме жасап.«Қазақстан Республикасының әкімшілік-аумақтық құрылысы туралы» Қазақстан Республикасы заңының 9-бабына сәйкес ҚАУЛЫ ЕТЕМІН:1. Алматы облысының Іле ауданы одан Жетіген ауылын бөлу жолымен қайта ұйымдастырылсын.2. Алматы облысы Іле ауданының Жетіген ауылы облыстық маңызы бар қала санатына жатқызылсын және оның атауы Алатау қаласы болып өзгертілсін.3. Қазақстан Республикасының Үкіметі осы Жарлықтың 1 және 2-тармақтарын іске асыру жөнінде қажетті шаралар қабылдасын.4. Осы Жарлық алғашқы ресми жарияланған күнінен бастап қолданысқа енгізіледі", – делінген Президент қол қойған құжатта.

Қазақстанда жаңа қала пайда болды

&nbsp;Дереккөз:<a href="https://www.ktk.kz/kz/news/video/2024/01/08/260390/"> ktk.kz</a>Фото: malim.kzБаласы терезеден құлап мертіккен ата-ана енді заң алдында жауап береді. Қазір депутаттар мен бала құқығын қорғау жөніндегі уәкіл тақырыпты қызу талқылап, заңнамаға бірнеше түзету әзірлеуде.&nbsp;Әзірге әр жағдай жеке дара қаралады дейді жауаптылар. Сондықтан кесіп-пішіп, жазаның нақты қандай боларын ешкім айта алмай отыр. Дегенмен бала өміріне бейжай қараған ата-аналар айыппұлмен ғана құтылмайды екен. Заңның қатаңдатылуына соңғы бес жылдағы статистика түрткі болған. Бұған бірінші кезекте терезеге арнайы қорғаныш механизмінің орнатылмауы себеп. Сондай-ақ үлкендердің перзентіне бас-көз болмауы да осындай қайғылы жағдайларға әкеп соғуда. Отбасының шырқын бұзатындарға да жаза қатайтылады. Бұған дейін жұдырығын ала жүгіріп үйдің беркесін қашырғандарға әуелі ескерту жасалып, кейіннен 15 тәулікке қамалса, енді бірден 60 тәулікке қамалады.&nbsp;Алма Мұқанова, ҚР Әділет вице-министрі:&nbsp;<blockquote>— Әкімшілік құқық бұзушылық кодексінде осы қылмыстар үшін 15 тәулікке дейін қамауға алу санкциясы қарастырылған. Егер де ол қылмыстық кодекс қатарына енетін болса, мұндай нормалардың жауапкершілігі&nbsp;қатая түседі, яғни 50-60 тәулікке дейін. &nbsp;</blockquote>

Баласына бейжай қараған ата-ана енді тек айыппұлмен құтылмайды 

Фото: <a href="https://azh.kz/kz/news/view/59524">azh.kz</a>Әрбір жас мөлшері үшін зейнетақы қоры жеткіліктілігінің шегі бар, бұл&nbsp;– БЖЗҚ шотында сақталуы тиіс жинақтың белгілі бір сомасы.&nbsp;Қордан алуға болатын артық ақшаны және тұрмыс жағдайын жақсартуға, емдеуге пайдалануға немесе инвестициялық компанияның сенімгерлік басқаруына беруге болады,&nbsp; – деп хабарлайды&nbsp;<a href="https://aikyn.kz/260967/260966/Aiqyn.kz.">Aiqyn.kz</a>.Артық ақшаға пәтер, үй немесе құрылысқа жер сатып алуға болады. Немесе сома жеткіліксіз болса, оны ипотека бойынша бастапқы жарна ретінде пайдаланыңыз, немесе сол жерде мүлік сомасының 50 пайызын жинақтау үшін "Отбасы банкіндегі" депозитке аударыңыз, содан кейін тұрғын үй несиесін рәсімдеңіз.Несиесі бар адамдар үшін артық ақшаны ипотеканы ішінара немесе толық мерзімінен бұрын өтеуге пайдалануға болады.Сондай-ақ ипотекалық төлемдерді зейнетақы жарналарымен жабуға болады. Дегенмен қолжетімді сома ай сайынғы ипотекалық төлемнен аз болса да, артық зейнетақыңызды пайдалана аласыз. Немесе керісінше, егер артық сома үлкен болса және оны толығымен пайдаланғыңыз келмесе, бір төлемге тең соманы алуға болады. Қалған ақша зейнетақы шотында қалады.Ипотекалық несиені өтеу үшін артық зейнетақыны автоматты түрде шығаруға болмайды. Әр жолы БЖЗҚ-дан қаражат алу үшін жаңа сұраныс толтыру қажет. Ақша шотқа түскеннен кейін 20 күн ішінде несиені өтеуге жұмсалғаны маңызды. Банк бұл ақшаны уақытында есептен шығару үшін ақшаны алу күнін несие бойынша төлем күнімен сәйкестендірген дұрыс. Ипотекалық төлемді өтеу үшін артық соманы алу туралы өтінішті ай сайын жасауға болады.Артық соманы несиені мерзімінен бұрын өтеу үшін шексіз пайдалана беруге болады. Салымшы БЖЗҚ-дан алынған қаражатты бір мақсатқа немесе әртүрлі мақсатқа да бағыттауға құқылы.Ипотека зейнетақы қорындағы ақшамен жабылса, пәтерді сатуға тыйым жоқ. Пәтерді ипотека өтеліп, пәтердегі ауыртпалық (кепіл) жойылғаннан кейін бірден сатуға болады.Туыстардың зейнетақысын ипотека төлеуге жұмсауға болады. Ол үшін зейнетақыны табыстау (уступка пенсионных ) жасау керек.

Зейнетақы қорындағы қаржымен ипотеканы қалай төлеуге болады?

Фото BBC News сайтынан алынды. Авторлығы: Reuters&nbsp;АҚШ-та және шетелде ірі технологиялық компаниялардың қызметінің қауіпсіздігіне қатысты талаптар күшейтілуде. Адамның жеке өмірін бақылау, оның қандай интернет сайттарға кіретіні, қандай қызметтерді қолданатыны үлкен қаржы табу көзіне айналды. Жеке өмірдің құпиялығын сақтау бірінші орынға шыға бастады.Google компаниясы пайдаланушылар интернет желісін «жеке режимде» қолданатын кездің өзінде оларды бақылап, адамдардың жеке өміріне қол сұғатыны белгілі. <a href="https://www.bbc.com/news/business-67838384">BBC News</a> осы мәселе бойынша компания сот алдында жауап беріп, проблеманы шешуге келіскенін жариялады. <a href="https://aikyn.kz/260961/260830/starbucks-kofesi-k-iyndyk-k-a-tap-boldy">Aikyn.kz</a> желіні пайдаланушыларының мүддесі енді қалай қорғалатынын түсіндіреді.Заңгерлер қолданушылардың атынан әлемдегі әйгілі іздеу жүйесінен және Alphabet бас компаниясынан кем дегенде 5 миллиард доллар өндіріп алғысы келеді. Google және оның пайдаланушыларының мүддесін қорғап сотқа арызданған заңгерлер BBC-дің сұрауларына бірден жауап бермеген.&nbsp;<blockquote>Кейіннен белгілі болғандай АҚШ округінің судьясы Ивонна Гонсалес Роджерс адвокаттар алдын ала бітімге келгенін айтқаннан кейін бейсенбі күні Калифорниядағы іс бойынша жоспарланған сот процесін кейінге қалдырған. Судья Роджерс Google-дың осы жылдың басында істі тоқтату туралы өтінішін қабылдамағаны белгілі. Ол желі пайдаланушылардың онлайн әрекеттері туралы ақпаратты жинауына Google-ға рұқсат берілуімен келісе алмайтынын айтқан.</blockquote>Әзірше екі жақтың бітімге келгені белгілі болғанымен келісім шарттары жарияланбады. Дегенмен адвокаттар 2024 жылдың ақпанына дейін соттың бекітуінде бітімгерлік келісімнің толық шарттары мәлім болады деп күтілуде.2020 жылы Boies Schiller Flexner заңгерлік фирмасы берген топтық шағымда Google пайдаланушылардың әрекеттерін олар Google Chrome браузерін «Инкогнито» режимінде, ал басқа браузерлерде «жеке режим» орнатылған кезде де бақылайтынын мәлімдеген.<blockquote>Бұл пайдаланушылардың жеке қалаулары мен «ұятты нәрселері» туралы ақпаратты жинау арқылы Google-ды «ақпарат қазынасына» айналдыратыны айтылған еді. Сонымен бірге шағымда Google «компьютері немесе телефоны бар әрбір америкалықтың деректерін жасырын және рұқсатсыз жинауды жалғастыра алмайды» деп көрсетілген.&nbsp;Google Chrome браузеріндегі инкогнито режимі пайдаланушыларға браузерде немесе құрылғыда іс-әрекеттер тарихын сақтамай-ақ интернетте іздеуге мүмкіндік береді. Бірақ пайдаланушы кіретін веб-сайттар қолдануды бақылау үшін Google Analytics сияқты құралдарды пайдалана алады.<blockquote>Осы айдың басында технологиялық алпауыт «бәсекелестікке кедергі келтірді» деп айыптаған АҚШ-тың бірнеше штатына 700 миллион доллар төлейтінін мәлімдеді.</blockquote>Бұл жерде бір мәселені дұрыс түсінген орынды. Егер Boies Schiller Flexner заңгерлік фирмасы интернет пайдаланушылардың атынан берген шағым бойынша Google-ден 5 млрд доллар өндіріп алса, оны сол желіні пайдаланушыларға бөлім бермесі анық. Бұл да Google, Apple сияқты алпауыт компанияларды сотқа беріп пайда тапқысы келетін заңгерлік фирмалардың кезекті іс-әрекеті екені анық. Қарапайым халықтың атын жамылып пайда табу барлық елдерде кездеседі.</blockquote>Google болса пайдаланушылар жеке режимде интернет желісін аралаған кезде деректер жиналатыны туралы ашық мәлімдегендерін айтады. Дегенмен көптеген пайдаланушылар жеке режимде ақпараттар жиналмайды деп ойлайды. Жеке режим кезінде де іздеу деректерін жинау сайт иелеріне «өз контентін, өнімдерін, маркетингін және қызметтерін жақсартуға» көмектесетіні айтылуда.&nbsp;

Google желіні пайдаланушыларды аңдыған. Енді 5 миллиард доллар төлейді

Фото: astana-akshamy.kz"Ұлттық қор — балаларға" бағдарламасымен ақша алатындардың нақты тізімі 15 қаңтарда жарияланады. Ал әзірге ата-аналар өз перзенті туралы мәліметтің дұрыс-бұрыстығын e-Gov электронды үкімет порталында тексеріп әлек. Өйткені кейбірі баласын тізімнен таппаса, деректер базасында өз баласының орнына бейтаныс адамдардың тіркелгенін көріп таң қалған. Бұл туралы <a href="https://stan.kz/">Stan.kz</a> ақпарат агенттігі <a href="https://www.ktk.kz/">КТК</a> арнасына сілтеме жасап хабарлайды.Былтырдан бері сүйіншілеткен "Ұлттық қор — балаларға" жобасы 1 қаңтардан бастап іске қосылды. Айдың ортасында жоба қаражатына дәмелі 7 миллион баланың нақты тізімі жарияланады. Осылайша ақпан айынан бастап кәмелетке толмаған балалардың шотына қордың инвестиция табысының елу пайызы түсіп отырады.Бұған дейін жауаптылар 18-ге толмаған балалардың деректерін eGov-тағы базадан бір тексеріп қою туралы құлаққағыс жасаған-ды. Дәл осы деректер қорына кіру барысында біраз қазақстандыққа қызықтың көкесі басталады. Өз баласының орнына өзге біреудің тіркелгенін көріп таң қалғандар аз емес. Әсіресе қазақстандықтар жеке сәйкестендіру нөмірінің оңды-солды интернетті кезіп жүргеніне наразы.“Мен eGov-ке кірсем, мүлдем басқа баланың аты жазылған екен. Тізімнен өз баламды таппай қалдым. Таң қалдым, қалайша деп. Деректер сонда сақталмай ма? Құпиялылық қайда?”, –&nbsp;дейді Илья Рыбин.Құпиялықтың сақталмай, дербес деректердің ауысып жатқанынан "Ұлттық ақпараттық технология" Акционерлік қоғамы хабардар. Бар айтар уәжі — мәліметтің бәрі автоматты түрде сақылдап жұмыс істеуі үшін қызу жұмыс атқарылып жатыр екен. Дегенмен eGov порталында цифрлық құжаттар жаңылысқанымен, төлемді алуға барлық баланың таласы бар. Әрбір Қазақстан азаматы Ұлттық қордан өзіне тиесілі төлемді алатыны хақ.“Сирек жағдайларда, цифрлық құжаттарда кейбір балалар, ата-аналар да мүлдем көрсетілмеуі немесе қате көрсетілуі мүмкін. Дегенмен бұл олардың төлем алуына әсер етпейді және ата-ана мен бала арасындағы туыстық қарым-қатынас тек цифрлық құжатта анықталмағанын білдіреді. Қазақстан азаматы болып табылатын әрбір бала Egov порталында көрсетілген деректерге қарамастан, Ұлттық қордан төлем алады”, –&nbsp;дейді&nbsp;"Ұлттық ақпараттық технологиялар" АҚ маманы Арманай Мирасқызы,&nbsp;"Түсетін ақша бәрібір түссе, eGov-ты аңдып неміз бар" деген заңды сауал көптің көкейінде жүр. Мамандар баланың жеке сәйкестіндіру нөмірін "баланы қосу" батырмасын басып платформаға енгізу арқылы шотқа түскен ақшаны бақылауға болады дейді.Қорға түскен ақшаны ата-аналар egov.kz не болмаса enpf.kz платформалары арқылы бақылай алады.“Қаражат тек азаматтығы бар жеткіншектерге аударылады. Құдай сақтасын, бірақ бала қайтыс болған жағдайда Ұлттық қор төлем аударуды тоқтатып, мұрагерлік құқығы күшіне енеді. Ал заңды тұлға баладан қалған ақшаны қалауынша пайдалана алады”, –&nbsp;дейді&nbsp;"БЖЗҚ" АҚ басқарушы директоры Мұрат Шәріпов.Болжам бойынша, 2024 жылы туған баланың шотына 18 жылда 3 жарым мың АҚШ доллары жиналуы тиіс. Кәмелетке толғаннан кейін де шоттағы қаражат 10 жыл бойы сақталады. Осы уақыт аралығында ақша кәдеге асырылмаса, азаматтың зейнетақы шотына аударылады. Балалар қаражатты білім алуға, тұрғын үй жағдайын жақсартуға пайдалана алады.

"Өз баласының орнына өзге біреуді тіркеген": "Ұлттық қор - балаларға" жобасына байанысты шу шықты

Kyzylorda-news.kz. Бүгін облыс әкімі Нұрлыбек Нәлібаев Қызылорда қаласына қарасты Талсуат ауылдық округіндегі 150 орындық клубтың ашылу салтанатына қатысып, &nbsp;тұрғындарды құттықтады. Іс-шараға ҚР Парламенті Сенатының депутаты Руслан Рүстемов пен Мәжіліс депутаты Мұрат Ергешбаев қатысты.<blockquote>«Өңірде мәдениет пен спорт саласында ауқымды жобалар жүзеге асырылуда. Облыс орталығында халықаралық стандарттарға сай келетін Орталық стадион және жабық бассейні бар көпсалалы дене шынықтыру-сауықтыру кешенінің &nbsp;құрылысы басталды. Келесі жылы ел игілігіне табысталады. «Самұрық қазына траст» қорымен бірге құны 2,7 млрд. теңге болатын үстел теннисі орталығының құрылысын бастаймыз. Аудандарда 2 млрд 600 млн теңгеге 11 дене шынықтыру кешені салынуда. Оның 8-і тапсырылды, қалғаны жақын күндері пайдалануға беріледі. Биыл балалар мен жасөспірімдердің шығармашылығын шыңдау мақсатында облыс орталығынан «Шығармашылық академиясы» салынады. Қазір демеушілер есебінен жоба-сметалық құжаттары әзірленуде», - деді аймақ басшысы.</blockquote>Іс-шарада Қазақстанның Еңбек сіңірген әртісі Бақытбек Алпысбаев жерлестерін құттықтады. &nbsp; &nbsp; &nbsp; &nbsp; &nbsp; &nbsp; &nbsp; &nbsp; Жаңа клубтың ашылу рәсімінде бірқатар азамат облыс әкімінің Алғыс хатымен марапатталды.Облыста &nbsp;150 орындық төрт клуб жаңадан салынып пайдалануға берілуде. &nbsp;Қызылорда қаласында отбасылық құндылықтар мен салт-дәстүрді дәріптейтін «Анаға тағзым», «Отбасы» орталықтары қызметін бастады. 1000 орындық «Өнер» орталығының құрылысы жуырда аяқталып, пайдалануға берілмек. Келер жылы 7 ауданда салтанат сарайы, кітапхана, музей, архив және жастар, ардагерлер мен аналар бас қосатын &nbsp;«Руханият» орталықтары салынады.<img src="https://knadmin.beoblood.kz/uploads/FB_IMG_1704615539311_19d13f42a5.jpg" alt="FB_IMG_1704615539311.jpg"><img src="https://knadmin.beoblood.kz/uploads/FB_IMG_1704615553894_1484658b2f.jpg" alt="FB_IMG_1704615553894.jpg"><img src="https://knadmin.beoblood.kz/uploads/FB_IMG_1704615543419_41f72ab511.jpg" alt="FB_IMG_1704615543419.jpg">

Талсуат ауылдық округінде клуб ашылды

Kyzylorda-news.kz. "Хабар" арнасының эфирінде 2022 жылғы Қаңтар оқиғасына қатысты жаңа деректі фильм жарық көрді. Фильмде екі жыл бұрынғы "қанды қаңтардың" хронологиясы көрсетілген.Фильм авторлары көрерменге жаңа деректер ұсынып, тәртіпсіздік кезіндегі эксклюзивті кадрларды жинақтау арқылы оқиғаның нақты хронологиясын ұсынған. 2022 жылғы 1 қаңтарда Батыс Қазақстанда газ бағасының көтерілуіне байланысты халық наразылығын білдірген болатын.<blockquote>"Газ бағасы 60 теңгеден 120 теңгеге көтеріліп кетті. Бұл өңір үшін аса маңызды сұйытылған отын. Оны көптеген көлік қолданады. Бастапқыда бейбіт митингтер болды. Бірақ бұл әлеуметтік шиеленісті тудыру үшін әдейі жасалған болуы мүмкін деген болжам бар. 2 қаңтар күні Ақтау мен Маңғыстау облысында жағдай ушыға бастады", - деді жүргізуші.</blockquote>3 қаңтар күні Атырау, Ақтөбе, БҚО, ШҚО, Алматы облыстары мен Алматы қаласында бейбіт митингтер өтті. Алайда жүргізушінің айтуынша, кейін жағдай күрт өзгеріп, өңірлерде тәртіпсіздік басталды. Олар 11 өңірді қамтыды. Тәртіпсіздікке қатысқандар мемлекеттік төңкеріске шақыра бастады. Бейбіт митингтер жаппай тәртіпсіздікке ұласты. Тәртіп бұзушылар мемлекеттік мекемелердің ғимараттарын өртеп, Ұлттық Ұлан мен полиция қызметкерлеріне шабуыл жасады. Жүргізушінің айтуынша, ұйымдастырушылар Алматыны жаппай тәртіпсіздіктің орталығы етіп белгілеген.Сол күні оңтүстік астана көшелерінде бетперде киген адамдар көбейіп, әкімдік, президент резиденциясы, "Қазақстан" телерадиокомпаниясының ғимараты өртеніп жатты. Полиция департаментіне алты қарулы шабуыл жасалды. "Бұл жай ғана тәртіпсіздік мен бұзақылық әрекеттер емес. Бұл - мемлекеттік төңкеріс жасаудың бір амалы. Басты мақсат - Тоқаевты президенттіктен кетіру. Белгілі болған фактілерге сүйене отырып, бұл алдын ала ұйымдастырылған жоспар екенін айтуға болады. Әр әрекет қатаң бақылауда болған. Оларды қолдап отырғандар болды. Ондай адамдардың бірі - "Дикий Арман". Ол "Қазақстан" қонақ үйін өз штабына айналдырды. Кейін тергеу барысында оның Кәрім Мәсімовтың жақын адамы екені екені белгілі болды.Бұған дейін шетелде жасырынып жүрген Арман Жұмагелдиев Қазақстанға алдын ала 2022 жылдың 17 желтоқсанында келіп алған", - деді жүргізуші. Оның айтуынша, 2022 жылдың 7 қаңтарында Қазақстанның барлық өңірінде конституциялық тәртіп орнатылды. "Арнайы операция барысында "Дикий Арман" мен оның тобының бірнеше мүшесі ұсталды. Қазіргі уақытта Жұмагелдиев пен ұйымдасқан қылмыстық топтың 40-тан астам мүшесіне қатысты сот жүріп жатыр. Ұйымдастырушылар оқиғаның үш кезеңін іске асырды.Бірінші кезеңде бейбіт жиындар болып, кейін тәртіпсіздіктер басталған. Ал үшінші кезеңде нағыз қылмыскерлер, террористер қосылды. Олар асқан қатыгездік танытты. Сонымен қатар төртінші кезең де жоспарланған болатын. Еліміздің барлық террористік ұйымдары белсенділік танытып, кейін тәртіпсіздік жалғасқан жағдайда Қазақстанға Ауғанстан мен Сириядан дайындығы бар жасақтар жібермек болған. Алайда еліміздегі тәртіпті қалыпқа келтіру бойынша атқарылған шұғыл шаралар бұл жоспардың іске асуына және Сирия сценариінің Қазақстанда қайталануына жол бермеді", - деді жүргізуші.

Қаңтар оқиғасына қатысты жаңа деректер айтылды

&nbsp;Фото: turkystan.kzKyzylorda-news.kz. «Ұлттық қор – балаларға» бағдарламасының төлемдері қалай болмақ? Smart News басылымының хабарлауынша, Қаржы министрлігі вакцина алмаған балаларға Ұлттық қор ақша бөлінбейді деген ақпаратқа қатысты пікір білдірді.&nbsp;<blockquote>"Әлеуметтік желілер мен мессенджерлерде вакцинацияланбаған балаларға «Ұлттық қор – балаларға» бағдарламасы бойынша төлемдер тоқтатылатыны туралы ақпарат тарады. Бұл фейк. Бұл ақпараттың дереккөзі «Qaznews24 сатиралық жаңалықтар ақпарат агенттігі» Instagram аккаунты болып табылады. Онда тек шындыққа жанаспайтын ойдан шығарылған жаңалықтар ғана жарияланады. Бұл туралы аккаунттың профилінде жазылған", - делінген ведомство хабарламасында..</blockquote>Ақпаратта келтірілген ҚР Қаржы министрлігінің Қоғаммен байланыс департаменті директорының дәйексөзін де осы «жаңалықтың» авторы ойдан шығарған, деп хабарлады ведомствоның баспасөз қызметі. Демек, вакцинацияланбаған балаларға Ұлттық қордан төлемдер жасалмайтыны туралы таралған хабарламаға сенбеген жөн. Бұл өтірік.«Ұлттық қор – балаларға» бағдарламасы бойынша жыл сайынғы төлемдер Қазақстан азаматтарының барлық балаларына есептелетін болады. Бұл төлемдерге вакцинация мәртебесінің ешқандай қатысы жоқ. Есепті жылы барлық балаларға бірдей мөлшерде қаржы аударылады. Ол үшін ата-аналар немесе баланың заңды өкілдері жеке басын куәландыратын құжатты, оның ішінде ЖСН (егер қандай да бір себептермен болмаса) алуы керек. Сондай-ақ, «электрондық үкімет» веб-порталындағы жеке кабинетте «Балалар туралы мәліметтер» бөлімінде мәліметтердің бар-жоғын тексеру керек.

Вакцина алмаған балаларға Ұлттық қор ақша бермейтіні рас па?

Kyzylorda-news.kz. Бұған дейін «ПетроҚазақстан Құмкөл Ресорсиз» компаниясының теңгерімінде болған «Қызылорда-Құмкөл» автожолы қаланың еншісіне өткені белгілі. Осыған орай, аймақ басшысының бастамасымен, демеушілердің көмегімен үлкен жолды қайта жаңғыртуға арнайы жоба әзірленуде.Аспалы көпірден бастап, Жезқазған трассасына дейінгі аралығы 11 шақырымды құрайтын жолды қайта жаңғырту жобасы жақын күндері басталады. Құны 2,4 млрд. теңгені құрайтын жол 4 жолақтыға айналады. Сонымен бірге, «Бәйтерек» тұрғын ауданымен шектесетін көше қиылыстары, аспалы көпір де жаңаланады. &nbsp;Қала әкімі Асылбек Өмірбекұлы жобалаушы компанияға бұл жолдың халық үшін маңыздылығын ескеріп, жобалау барысында кемшіліктерге жол бермеуді тапсырды.<img src="https://knadmin.beoblood.kz/uploads/FB_IMG_1704552975895_0999e26ec8.jpg" alt="FB_IMG_1704552975895.jpg">

Қазақстан және Қызылорда облысының жаңалықтары: Керек дерек