<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Қызылорда қаласының құрылыс нысандарындағы жұмыс барысын бақылады.Алдымен Тәуелсіздік даңғылындағы жөндеу жұмыстарын көрді.Еске салсақ, өткен жылы өңірде 38 млрд теңгеге 671 шақырым жол жөнделіп, жақсы жағдайдағы жолдар үлесі 87,5 пайызға жеткен еді. Осы жылдың қорытындысымен бұл көрсеткішті 92 пайызға жеткізу жоспарлануда. Жергілікті жол инфрақұрылымын дамыту бағытында ұсынылған 61 млрд теңге бюджеттік өтінімнің 30 млрд теңгесі қолдау тапты, 215 шақырым автомобиль жолдары, көпір өткелдері және көшелер жөнделмек. Жыл соңына дейін қаржыландыру көлемі тағы да ұлғайтылады. Қызылорда қаласының жол-көлік инфрақұрылымын дамытуға республикалық және облыстық бюджеттерге 28,3 млрд теңгеге бюджеттік өтінім беріліп, оның 12 млрд теңгесі қолдау тапты. Айта кету керек, өткен жылы Қызылорда қаласында 11 млрд теңгеге 82 шақырым болатын 267 көше жөндеуден өтті.Әрі қарай Нұрлыбек Машбекұлы "Жан-Арай" өндірістік кешеніндегі жеміс-жидек сақтау қоймасының құрылысын көрді.Кешенде күріш жармасы халықаралық стандарттарға сай өңделіп, түйіршіктелген құрама жем өндіріледі. Қазіргі таңда зауытта 1500 тонна жеміс сақтау қоймасы салынуда, оның тоңазытқышының сыйымдылығы - 1120 тонна. Жобаның құны - 1 млрд. теңге.Қоймаға температуралық режимді қамтамасыз ететін тоңазытқыш агрегаттарының 8 жиынтығы орнатылған. Жабдық өндіруші түріктің "Gantek" компаниясы.Қызылордадағы заманауи үлгідегі жаңа жылу-электр орталығы қуат тапшылығын азайтуға мүмкіндік беретін жоба екені белгілі. Жоспарға сәйкес 2025 жылы ел игілігіне беріледі. Қазіргі уақытта жұмыс қарқынды жүруде.Орталықтан кейін облыс әкімі сол жағалаудағы жайлы мектеп құрылысын да көрді. Өткен жылы басталған білім ошағы биыл пайдалануға беріледі."Білімді қолдау қоры» есебінен қолға алынған физика-математика мектеп-интернаты да аймақ басшысының назарынан тыс қалған жоқ.Мұнан бөлек, сол жағалаудағы жеті қабатты үйлердің құрылыс алаңына да аялдады.Өткен жылы тұрғын үй құрылысын дамыту мақсатында өңірімізде алғаш рет жеті қабатты 6 тұрғын үй салына бастаған болатын. Бүгінгі күні абаттандыру, сыртқы және ішкі әрлеу жұмыстары жүргізілуде.Өңірде соңғы екі жылда 4 мыңға жуық пәтер табысталып, 17 мың тұрғынның баспана мәселесі шешілді. Биыл тұрғын үй құрылысына және дайын пәтерлер сатып алуға 34,1 млрд теңге бөлінген. Бұл арқылы 2,5 мыңнан астам пәтерді пайдалануға беруге мүмкіндік жасалмақ.Облыс орталығының құрылыс нысандарын аралап шыққан аймақ басшысы жұмыс сапасын күнделікті бақылауды тапсырды.<img src="https://knadmin.beoblood.kz/uploads/2_4a28399369.jpg" alt="2.jpg"><img src="https://knadmin.beoblood.kz/uploads/3_6b993f6f7c.jpg" alt="3.jpg"><img src="https://knadmin.beoblood.kz/uploads/4_65c2671fbc.jpg" alt="4.jpg"><img src="https://knadmin.beoblood.kz/uploads/5_7de7a5bf56.jpg" alt="5.jpg">Фото: Қызылорда облысы әкімінің баспасөз қызметі

Аймақ басшысы құрылыс нысандарындағы жұмыс барысын көрді 

<a href="https://kyzylorda-news.kz/">Kyzylorda-news.kz</a>Халықтың өмір сүру сапасын жақсартудағы маңызды фактордың бірден бір бөлігі сапалы инфрақұрылыммен қамтамасыз ету.Соңғы жылдары ауданда ауыл арасындағы жолдар мен елді мекенішілік көшелердің жағдайы жақсарып келеді. Жалпы, ауданның коммуналдық меншігінде 406,2 шақырым аудандық маңыздағы автомобиль жолдары бар.Оның ішінде 261,8 шақырымына асфальт төселсе, 96,4 шақырым қиыршық тасты және 48 шақырым топырақты жолдар. Жолдардың жақсы және қанағаттанарлық жағдайдағы үлесі 88,2 пайызды құрап отыр. Түрлі жобалардың нәтижесінде, мердігер мекемелердің тыңғылықты жұмысының арқасында аудан жолдарының жай-күйі жақсы. Бұл туралы Қазалы ауданының әкімі Мейрамбек Шермағанбет Өңірлік коммуникациялар алаңының ақпарат алаңында баяндады.<blockquote>- Биылғы жылы облыстық бюджеттен бөлінген қаржы есебінен «Бозкөл-Тасарық», «Бекарыстан би–Шөмішкөл» бағытындағы барлығы 20,4 шақырым автомобиль жолдарын қайта жаңғырту жұмыстары жалғастырылуда. Жолды пайдалануға беруге республикалық бюджеттен қаржы қажеттігіне қарамастан мердігер мекеме «Қазалы жолшы» ЖШС өз қаражаты есебінен жобаны аяқтауға жұмыс жасауда. «Ауыл–ел бесігі» бағдарламасы аясында Әйтеке би кентіндегі Жанқожа батыр және Әйтеке би көшесін қайта жаңғырту жобасына 2024 жылға ұлттық қордан тиісті қаржы бөлініп, жол құрылыс жұмыстары жүргізілуде. «Шағын және моноқалаларда бюджеттік инвестициялық жобаларды жүзеге асыру» бағдарламасымен Қазалы қаласының 10 көшесін қайта жаңғырту жұмыстары мердігер мекеме «Болашақ» ЖШС тарапынан жүргізілуде. Аталған жұмыстар аяқталған соң жақсы жағдайдағы автомобиль жолдарының үлесін 91 пайызға жеткізу межеленуде,- деді Мейрамбек Зинабдинұлы.</blockquote>

 Мейрамбек Шермағанбет: Автомобиль жолдарының жақсы жағдайдағы үлесін 91%-ға жеткізу межеленуде

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаевтың төрағалығымен өткен актив отырысында Мемлекет басшысының 2024 жылғы 2 қыркүйектегі Қазақстан халқына Жолдауындағы тапсырмаларды орындау мәселесі талқыланды.Аймақ басшысы стратегиялық құжатта айтылған басым бағыттар бойынша әзірленетін Жолдауды іске асыру жөніндегі Жалпыұлттық іс-шаралар жоспарын негізге алып, Өңірлік іс-шаралар жоспарын бекіту қажеттігін атап өтті.<blockquote>«Мемлекет басшысы Жолдауда экономикалық дамудың 9 бағыты бойынша мақсат-міндеттерді айқындап берді. Оларды іске асыру үшін біз нақты шаралар қабылдауымыз керек. Бұл шаралардың түпкі нәтижесі - халықтың табысын арттыру, инфрақұрылымды одан әрі дамытуды жаңғырту, қауіпсіздікті қамтамасыз ету, адами капиталдың жан-жақты дамуы үшін мүмкіндіктерді кеңейту. Біріншіден, ақша-несие және фискалды саясаттың арасындағы үйлесімсіздікті жоюда бюджет саясатының тиімділігін арттыру маңызды. Салық заңнамасын жетілдіруде бюджетті тиімді басқару және сапалы жоспарлау - біздің басты міндетіміз. Жыл басынан бері салық базасын ұлғайту үшін Қызылорда қаласы және аудан әкімдеріне, мемлекеттік органдар басшыларына бюджет түсімдерінің резервтерін анықтауды тапсырған болатынмын. Қорытындысындаөз кірістерінің барлық тетіктерін анықтау, түгендеу арқылы жыл аяғына дейін жергілікті бюджетке қосымша күтілетін түсім көлемін 135 млрд. теңгеге жеткізу жоспарлануда. Болжамды межеге жету үшін ірі кәсіпорындар филиалдарын облысқа тіркету, жалдамалы жұмысшылардың еңбекақы қорына түгендеу жүргізу, тіркелмеген мүлікті түгендеу және қайта бағалау керек», - деді Нұрлыбек Машбекұлы.</blockquote>Өңірде бизнеске барынша қолайлы жағдай жасау мақсатында өткен жылы бөлшек салық режимінің мөлшерлемесі 2 пайызға төмендетілді. Бүгінде бұл салық режимін аймақта 1 139 кәсіпкер қолдануда. Халықпен тікелей жұмыс жасайтын кәсіпкерлерді осы салық режиміне тартып, кәсіпкерлік қызметтерді бөлшектеуді азайту қажет.Өңірде инвестициялық ахуалды жақсарту, жаңа инвестор тарту және сүйемелдеуде нақты бағыт белгіленген. Биыл 517 млрд. 500 млн. теңге инвестиция тарту межеленсе, көрсеткіш осы жылдың 7 айында 57,2 пайызға орындалды. Индикатордың орындалуы бойынша облыс республикадағы алдыңғы орында.Өнеркәсіптік әлеует туралы айтсақ, өңірдің мұнай-газ саласында мол мүмкіншілік бар. Облыстық кәсіпкерлік және өнеркәсіп басқармасына Қызылорда қаласы және аудан әкімдіктерімен бірлесіп, өңдеу өнеркәсібі саласындағы жаңа жобаларды мерзімінде іске қосу тапсырылды. Аймақтағы электр энергиясы тапшылығы мәселесін шешу үшін Қызылорда қаласында қуаттылығы 240 мегаваттық жаңа жылу-электр орталығының құрылысы қарқынды жүруде. Сондай-ақ, өңірде жылу желілерін жаңғырту, ыстық сумен қамту және өзге де маңызды жобалар қолға алынған.Мемлекет басшысы Жолдауда атап өткен 23 шетелдік жоғары орнының бірі - Қорқыт Ата университетінің Кореяның СеулТех университетімен бірлесіп, университет базасында ашқан Жасанды интеллект және информатика жоғары мектебі. Мұнан бөлек, Мемлекет басшысы жариялаған «Жұмысшы мамандықтар жылы» аясында өңірдегі техникалық және кәсіптік білім беру саласын модернизациялау үшін кешенді іс-шаралар жоспарын әзірлеу тапсырылды. Әлеуметтік- медициналық сақтандыру қорының облыстағы филиалы медициналық сақтандыру жүйесіне халықтың сұранысын ескеріп, қаржының бөлінуін қайта қарап, оның мақсатты жұмсалуына мониторингті күшейтуі қажет.Облыстық денсаулық сақтау, экономика және қаржы басқармалары денсаулық сақтау саласындағы мемлекеттік-жекеменшік әріптестікті зерделеп, жаңадан әзірленетін нормативтер мен ережелерге ұсыныс беруі тиіс.Мемлекет басшысы әлеуметтік қолдау шаралары нағыз мұқтаж азаматтарға көрсетілуі керектігін үнемі айтып келеді. Облыстық жұмыспен қамтуды үйлестіру және әлеуметтік бағдарламалар, денсаулық сақтау, білім, басқармалары «Әлеуметтік әмиян» жобасын жүзеге асыру барысында салалық ақпараттық жүйелерді қалыптастыруды тиісті министрліктермен бірлесіп жүргізуге жауапты.Экологиялық ахуалды жақсартуда елімізде көктемнен бері «Таза Қазақстан» жалпыұлттық экологиялық акциясы өтуде. Өңірде жыл соңына дейін ұйымдастырылатын облыстық іс-шаралар жоспары бекітілді. Бүгінгі дейін оған 461 мыңнан астам адам қатысқан. Алдағы уақытта акцияға тұрғындарды жаппай жұмылдырып, мұны қалыпты әдетке, өмір салтына айналдыру керек.Бұдан былай аудан және облыстық маңызы бар қалалардың әкімдері тікелей сайлау арқылы ғана қызметке келеді. Бұл бағыттағы шаралар облыс әкімінің тікелей бақылауында болмақ.Мұнан бөлек, Жолдауда қоғамда заң мен тәртіп идеологиясын терең орнықтыру қажеттігі атап айтылды. Құқық қорғау органдары Қызылорда қаласы және аудан әкімдерімен бірлесіп, құқық бұзушылықтар мен жол қауіпсіздігі бағытындағы жұмыстарды жандандыруы тиіс.Жиын соңында Нұрлыбек Машбекұлы Мемлекет басшысының Жолдауынан туындайтын міндеттерді нақты іс-қимыл алгоритмі аясында айқындап, өңірлік іс-шаралар жоспарын әзірлеу барысында ескеруді тапсырды.Жоспардың сапалы әзірленуін және орындалуын қадағалау облыс әкімінің бірінші орынбасары Данияр Жаналиновке жүктелді.<img src="https://knadmin.beoblood.kz/uploads/4_facf1add9f.jpg" alt="4.jpg"><img src="https://knadmin.beoblood.kz/uploads/5_4576ec75eb.jpg" alt="5.jpg">Фото: Қызылорда облысы әкімінің баспасөз қызметі

Экономикалық дамудың 9 бағыты бойынша мақсат-міндеттер айқындалды

<a href="https://kyzylorda-news.kz/">Kyzylorda-news.kz</a> Атом энергетикасы және атом электр станциясының (АЭС) құрылысы мәселелерін тереңірек түсінгісі келетін азаматтар үшін порталда Gov.kz eGov mobile мобильді қосымшасында жиі қойылатын сұрақтарға жауап беретін жаңа бөлім құрылды.2 қыркүйекте Қазақстан Президенті Қасым-Жомарт Тоқаев республикалық референдум өткізу туралы Жарлыққа қол қойды, ол еліміздегі алғашқы атом электр станциясын салу туралы шешім қабылдаудағы шешуші кезең болады.Қазақстан Республикасының Энергетика министрлігі Цифрлық даму, инновациялар және аэроғарыш өнеркәсібі министрлігімен бірлесіп <a href="https://www.gov.kz/?lang=kk">Gov.kz</a> порталында және eGov mobile мобильді қосымшасында арнайы ақпараттық бөлімдер әзірлеп, енгізді. Мұнда пайдаланушылар атом энергетикасы, атом электр станцияларының құрылысы мен жұмысы, олардың қауіпсіздігі мен қоршаған ортаға және денсаулыққа әсері туралы өзекті сұрақтарға жауап таба алады.Бұл шаралар әрбір қазақстандықтың атом энергетикасына қатысты барлық аспектілерге объективті баға беріп, референдумға толық және сенімді ақпаратпен қатысуын қамтамасыз етуге бағытталған. <a href="https://www.gov.kz/situations/723/intro?lang=kk ">сілтеме </a>арқылы өтіп бөліммен таныса аласыздар.Фото kapital.kz&nbsp;

Атом энергетикасы мен АЭС құрылысы туралы толық ақпаратты қайдан оқуға болады?

<a href="https://kyzylorda-news.kz/">Kyzylorda-news.kz</a> ҚР Премьер-министрі Олжас Бектеновтің төрағалығымен өткен Үкімет отырысында Мемлекет басшысының Қазақстан халқына Жолдауындағы тапсырмаларын орындау мәселелері қаралды.Үкімет отырысынан кейінгі арнайы мәжілісте жауапты тұлғаларға бірқатар міндет жүктелді.Осы жылдың 7 айында өңірге барлық көзден 296,1 млрд. теңге инвестициялар тартылды. Оның 75,6 пайызы – жеке инвестициялар. Жыл соңына дейін жарты триллионнан астам инвестиция тарту жоспарлануда.Өңірдегі мұнай қорының сарқылуы салдарынан соңғы 10 жыл бойы төмендеу тенденциясын көрсетіп келген өнеркәсіп өндірісі көлемі өткен жылдың қыркүйек айынан бастап оң динамикаға шықты. Өсім өңдеу өнеркәсібі есебінен қалыптасты. Сыр өңірі өңдеу өнеркәсібіндегі өсу қарқыны бойынша 2022 жылы республикада 11-орында болса, өткен жылдан бастап аймақтар арасында алдыңғы қатардан көрінді.<img src="https://knadmin.beoblood.kz/uploads/457840636_813138677674045_154463068461066444_n_955b8a7e35.jpg" alt="457840636_813138677674045_154463068461066444_n.jpg">Соңғы 2 жылда облыста 19,6 млрд. теңгенің 22 инвестициялық жобасы іске қосылды. Биыл 31,3 млрд. теңгенің 14 жобасын жүзеге асыру, 409 жаңа жұмыс орнын құру көзделуде. Одан бөлек, инвестицияның жаңа толқынын тарту мақсатында 77 млрд. теңгенің 6 жобасы бойынша жұмыс басталды.Жеке кәсіпкерлікті қаржылай қолдауға барлық қаржы көзінен 34,5 млрд. теңге қарастырылды. Екінші деңгейлі банктер мен қаржы ұйымдары арқылы 3 мыңға жуық жоба қаржыландырылуда. Қолдау шараларының нәтижесінде соңғы екі жылда шағын және орта кәсіпкерлікте жұмыспен қамтылған адамдар саны 15,4%, өнім шығару көлемі 1,7 есе, салықтық түсім 45,4% ұлғайып, кәсіпкерліктің жалпы өңірлік өнімдегі үлесі 18,9%-ға жетті.Биыл аймақта 43,3 млрд. теңгеге 300 шақырымнан асатын жол жөндеуден өтеді. Осылайша сапалы жолдардың үлесі 87,5 пайыздан 92 пайызға жеткізіледі. 2025 жылға дейін «Жайлы мектеп» ұлттық жобасы аясында 12 300 орынға арналған 21 мектептің құрылысы жүргізіледі. Жыл соңына дейін 6 900 орындық 10 мектеп пайдалануға беріледі.Өңірде Мемлекет басшысы айқындаған барлық тапсырмалар іске асырылады.<img src="https://knadmin.beoblood.kz/uploads/457748527_813138637674049_4466126660284531127_n_a344a7bdc8.jpg" alt="457748527_813138637674049_4466126660284531127_n.jpg"><img src="https://knadmin.beoblood.kz/uploads/458110795_813138504340729_8968416414049987409_n_683adcea59.jpg" alt="458110795_813138504340729_8968416414049987409_n.jpg">

Жолдау: Қызылорда облысында 22 инвестициялық жоба іске қосылды

Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауы

<a href="https://kyzylorda-news.kz/">Kyzylorda-news.kz</a> Мемлекет басшысы Қасым-Жомарт Тоқаевтың «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында соңғы 5 жылда ауқымды реформалар жасалғанын айтты.&nbsp;<blockquote>&nbsp; &nbsp;«Қазақстан халқы қазір мүлде жаңа саяси жағдайда өмір сүруде. Соңғы 5 жылда ауқымды реформалар жасалды. Еліміздің саяси жүйесі түбегейлі өзгерді. Жұрттың сана-сезімінде бетбұрыс болып жатыр. Халықтың құқықтық мәдениеті артып келеді. Азаматтардың бойында жаңа әдеттер, дағдылар қалыптасып, жаңа құндылықтар орнығуда. Саяси және қоғамдық болмысымыз, менталитетіміз және мәдени кодымыз өзгере бастады. Бір сөзбен айтсақ, Әділетті Қазақстан құрылып жатыр. Мұның бәрі, ең алдымен, халықтың қалауымен жасалуда. Сондықтан біз алған бетімізден қайтпаймыз, бағытымыздан таймаймыз. Бүгін біз алға қойған жоспарымызды пысықтап, мақсаттарымызды айқындаймыз.Қазір жер жүзінде геосаяси текетірестер белең алып тұр. Соған қарамастан, Қазақстан бейбіт әрі эволюциялық жолмен дамып келе жатыр.Біз дамудың жаңа бағдарын белгіледік. Экономиканы әртараптандыру ісіне тың серпін бердік. Инфляция баяулады, яғни былтырғы ең жоғарғы деңгейден 2,5 есе төмендеді. Еліміздің халықаралық резерві 100 миллиард доллардан асты. Өңдеу өнеркәсібі тау-кен саласымен салыстырғанда жылдам өсіп жатыр. Біз осы қарқынды жоғалтпауымыз керек. Бұған дейін жасалған қолайлы жағдайды тиімді пайдаланып, жаңа инвестициялық кезеңді бастауымыз қажет.Үкімет және әкімдер экономиканың құрылымын өзгертуге баса назар аударуға тиіс. Еліміздің тұрақты дамуына мүмкіндік беретін жаңа тетіктерді қарастырған жөн. Басты мақсат – азаматтардың табысын арттыру. Жұмысты дұрыс үйлестіре білсек, бұл – қолдан келетін шаруа.Экономика өскен сайын әлеуметтік теңсіздік азайып, орта тап (яғни орта класс) күшейе түсуі керек. Сонда ғана біз еліміздің әлеуетін күшейте аламыз. Ол үшін кез келген істің басты өлшемі тиімділік болуға тиіс. Яғни, әрбір шешім, әрбір жоба ең алдымен елге пайдалы болуы қажет»,-деді.</blockquote><a href="https://t.me/aqorda_resmi">t.me/aqorda_resmi</a>

Мемлекет басшысы: Соңғы 5 жылда ауқымды реформалар жасалды

<a href="https://kyzylorda-news.kz/">Kyzylorda-news.kz</a> 2024 жылдың 2 қыркүйегінде мемлекет басшысы Қасым-Жомарт Тоқаев парламент палаталарының бірлескен отырысында Қазақстан халқына жолдауын жариялайды, деп хабарлайды <a href="https://kaz.zakon.kz/sayasat/6048431-bgn-toaevty-azastan-khalyna-zholdauy-telearnalardan-tkeley-efirde-krsetled.html">Zakon.kz.</a>Ақорда таратқан ресми ақпаратқа сүйенсек, президент Жолдауы сағат 11:00-де барлық республикалық телеарналардан тікелей эфирде көрсетіледі.Сондай-ақ телеграм арнамыздан мәтін түрінде трансляция жүреді.<blockquote>"Жиынға Сенат пен Мәжіліс депутаттары, орталық мемлекеттік органдардың басшылары, Ұлттық құрылтай, Адам құқықтары жөніндегі комиссияның, Әйелдер істері және отбасылық-демографиялық саясат жөніндегі ұлттық комиссияның мүшелері, қоғам өкілдері және еңбек ұжымдары қатысады", — деп хабарлады Ақорда.</blockquote>Президент Жолдауында еліміздің саяси және әлеуметтік-экономикалық даму перспективаларына қатысты мәселелер қамтылады.Сурет: akorda.kz

Бүгін Мемлекет басшысы Қазақстан халқына Жолдауын жариялайды

<a href="https://kyzylorda-news.kz/">Kyzylorda-news.kz</a> Конституция күні қарсаңында облыс әкімі Нұрлыбек Нәлібаев Жаңақорған ауданына жұмыс сапарымен барып, «Төменарық» елді мекеніне газ қосу рәсіміне қатысты.Аймақ басшысы ауылдарға «көгілдір отын» құбырын тартуда атқарылған жұмыстарға тоқталып, игілікке қол жеткізген тұрғындарды құттықтады.<blockquote>«Мемлекет басшысы Қасым-Жомарт Кемелұлы: «Аса маңызды мәселелердің бірі – ауылды кешенді түрде жетілдіру. Ауылдарға нақты қолдау көрсетіп, заманауи инфрақұрылымды дамытуымыз керек», – деп тапсырма берген болатын. Президентіміздің, Үкіметтің ерекше қолдауының арқасында бұл мәселе кезең-кезеңімен шешілуде.Екі жыл бұрын облыс бюджеті 364 млрд. теңге болса, бүгінде 733 млрд. теңгеге жетті. Бұл қаражат тұрғындардың жайлы тұрмысына ең қажетті игіліктерге, атап айтқанда, жолмен, ауыз сумен, электр энергиясымен, газбен қамтамасыз етуге, әлеуметтік мәселелерді шешуге бағытталды. Биыл аймақта 43 млрд. 300 млн. теңгеге 300 шақырымнан асатын автомобиль жолдары жөндеуден өтеді. Бұл арқылы жақсы жағдайдағы жолдар үлесі 92 пайыздан асады. Тұтынушыларға электр энергиясын сапалы әрі тұрақты жеткізу үшін 11 млрд. теңгенің 38 жобасы қолға алынған.Осы жылы аймақта 11 елді мекен газдандырылып, «көгілдір отын» тұтыну көрсеткіші 78 пайызға жеткізілмек. 2025 жылдың соңына дейін барлық елді мекен орталықтандырылған ауыз су құбырына 100 пайыз қосылады», – деді Нұрлыбек Машбекұлы.</blockquote>Газды пайдалануды бастаған ауыл тұрғындарын облыстық ардагерлер кеңесінің төрағасы Серік Дүйсенбаев құттықтап, ардагер Темірбек Құтжанов бата берді. Іс-шарада аудан дамуына үлес қосқан азаматтар мен ардагерлер, мердігер мекеме қызметкерлері облыс әкімінің Алғыс хатымен марапатталды.Айта кетейік, «Төменарыққа» табиғи газ кіргізу үшін республикалық және облыстық бюджеттен 2 299,8 млн теңге бөлінді. Мердігер мекеме «Алия-Сервис» ЖШС 69,3 шақырым құбырды жүргізіп, 10 дана ШРП орналастырды. Осылайша 735 тұрғын үй, әлеуметтік нысандар газдандырылмақ.Ауылға газ қосу рәсімінен кейін аймақ басшысы тұрғындармен кездесті. Әлеуметтік-экономикалық дамудың бағыт-бағдары, инфрақұрылымдық жобалардың жүзеге асу барысы туралы айтып, ой-пікірлерді тыңдады. Жиналған жұртшылықтың сауалдарына жауап беріп, барлық ұсыныс ескерілетінін жеткізді.<figure class="image"><img src="https://knadmin.beoblood.kz/uploads/457402421_809777328010180_9048151527476798603_n_eb3c41096d.jpg" alt="457402421_809777328010180_9048151527476798603_n.jpg"></figure>&nbsp;<figure class="image"><img src="https://knadmin.beoblood.kz/uploads/457221116_809776924676887_6150006184720581304_n_aba3513d95.jpg" alt="457221116_809776924676887_6150006184720581304_n.jpg"></figure>&nbsp;<figure class="image"><img src="https://knadmin.beoblood.kz/uploads/457255575_809777291343517_8727750311111669955_n_00ffcb66f8.jpg" alt="457255575_809777291343517_8727750311111669955_n.jpg"></figure>&nbsp;<img src="https://knadmin.beoblood.kz/uploads/457241779_809776958010217_8526136303564874981_n_b49559b8a3.jpg" alt="457241779_809776958010217_8526136303564874981_n.jpg">

Жаңақорған ауданы «Төменарық» ауылы табиғи газға қосылды

&nbsp;<a href="https://kyzylorda-news.kz/">Kyzylorda-news.kz</a>&nbsp; Қазіргі таңда ішкі нарықта азық-түлік қауіпсіздігін қамтамасыз ету мақсатында «Сапалы өнім» жобасы іске асырылуда. Жобаның басты міндеті – тұтынушыларды қауіпті әрі сапасыз өнімдерден сақтау. Осы мақсатта өткен жылы еліміз бойынша импорттық өнімдердің шамамен 68 түрі зерттелсе, оның 19 түрі бойынша тамақ өнімдерінің нормативтік қауіпсіздігінің бұзылуы анықталған. Бұл туралы Өңірлік коммуникациялар қызметінің ақпарат алаңында Қызылорда облысы бойынша Сауда және тұтынушылардың құқығын қорғау департаментінің басшысы Ерқасым Сүлейменов мәлімдеді.<blockquote>– «Сапалы өнім» жобасы бойынша біздің облыста да тексеру жұмыстары жүргізілді. Ішкі нарықта отандық өндірушілер мен тұтынушыларды қорғау мақсатында сапасыз және қауіпті тамақ өнімдерін анықтау мақсатында сүзбелер, кілегейлі сүттер, ультрапастерленген сүттер мен қаймақтар, балалар кондитерлік өнімдері және шикі істалған шұжық секілді 24 өнім сауда үйлерінен санық өткізу мақсатында сатып алынып, «Ұлттық сараптама орталығы» РМК Қызылорда облысы бойынша филиалымен сараптамадан өткізілді. Нәтижесінде, 16 өнімнен таңбалаудағы сәйкестіктер мен мемлекеттік тілде ақпараттардың жоқтығы анықталды. Айта кету керек, нарықтық қатынастарда тұтынушыны барынша қорғау мақсатында тұтынушылардың құқықтарын қорғау туралы заңнамаға үнемі жүйелі түрде өзгерістер мен толықтырулар енгізіліп тұрады. Мемлекет басшысының тапсырмасымен уәкілетті орган заң жобасын әзірлеп, бүгінде мәжілістің қарауына жіберілді. Өздеріңізге белгілі, тұтынушылардың шағымдарын қарау мен шешу кәсіпкер, медиатор және мемлекеттік орган деген үш сатылы жүйе бойынша жүзеге асырылады. Аталмыш Заң жобасы бұл процедураны жеңілдетуді ұсынады. Сонымен қатар, Заң жобасында кәсіпкерге сотқа дейінгі кезеңде заңды талаптарын қанағаттандырмаған тұтынушының пайдасына айыппұл салу көзделгенін атап өткен жөн. Бұл айыппұлдың бірегей ерекшелігі – оның тараптардың бәсекелестігі негізінде сот өндіріп алған сомасы сотта өзінің заңды тұтынушылық құқықтарын қорғайтын тұтынушының пайдасына аударылады. Бұл ретте тауардың құны төмен болған кезде айыппұл пайызы жоғары, ал тауардың құны жоғары болған кезде айыппұл пайызы 10 пайыздан төмен болатынын атап өткен жөн, – деді Ерқасым Жайбергенұлы.</blockquote>Фото: Қызылорда облысының Өңірлік коммуникациялар қызметі

«Сапалы өнім» жобасы бойынша облыста тексеру жұмыстары жүргізілді

<a href="https://kyzylorda-news.kz/">Kyzylorda-news.kz</a> &nbsp;Олжас Бектенов Жезқазған – Қызылорда автожолының құрылысын уақытылы аяқтауды тапсырды.<blockquote>"Қызылорда-Жезқазған республикалық тасжолы бойынша байқау аяқталды. Мердігер компаниялар анықталды. Жыл соңына дейін материалдарды дайындаймыз. Айналма жол салынатын болады. 208 шақырым жолды толықтай 2027 жылы аяқтаймыз. Жалпы 424 шақырым аумақ қамтылмақ", – деді "ҚазАвтоЖол" ҰК" АҚ облыстық филиалының директоры Сұңғат Рақымжанов.</blockquote>Айта кету керек, "Жезқазған – Қызылорда" автожолы – стратегиялық маңызы бар нысан. Ол өңірдің транзиттік әлеуетін арттыруға, сол арқылы облыс экономикасының дамуына және тұрғындарының тұрмыс деңгейін жақсартуға мүмкіндік береді. Осыны баса назарға алған Үкімет басшысы Көлік министрлігіне жұмыстың уақытылы аяқталуын мықтап тапсырды.Фото: Sputnik / Абзал Калиев

Бектенов Жезқазған – Қызылорда автожолының құрылысын уақытылы аяқтауды тапсырды

<a href="https://kyzylorda-news.kz/">Kyzylorda-news.kz</a>&nbsp; Бүгін ҚР Премьер-министрі Олжас Бектеновтің төрағалығымен еліміздің 2025–2029 жылдарға арналған әлеуметтік-экономикалық даму болжамы, республикалық бюджетке қатысты бірқатар маңызды заң жобалары талқыланған Үкімет отырысы өтті.Жиыннан кейін облыс әкімі Нұрлыбек Нәлібаев жауапты сала басшыларына бірқатар тапсырма берді.<blockquote>«Бүгінгі Үкімет отырысында 2025-2027 жылдарға арналған республикалық бюджет туралы заң жобасы да жан-жақты талқыланды. Үкімет басшысы оның маңыздылығын атап өтіп, орталық және жергілікті атқарушы орган басшыларына нақты міндеттер жүктеді.Бүгінде өңіріміздің әлеуметтік-экономикалық дамуының негізгі макрокөрсеткіштерінде өсу динамикасы қалыптасқан. Биылғы 7 айдың нәтижесімен Қызылорда облысы республикада көшбасшылар қатарында келеді. Өңірдің экономикалық даму деңгейін сипаттайтын «Жалпы өңірлік өнім» көрсеткішіндегі өсім 2023 жылдың қорытындысымен 5,6 пайыз болды, республикадағы өсім көрсеткіші – 5,1 пайыз. Әрине, бұл – жақсы нәтиже, дегенмен осы қарқынды сақтап қалу өте маңызды.Облыстық басқарма басшылары, қала және аудан әкімдері биылға межеленген экономикалық өсімнің жоспарын қатаң бақылауға алып, сапалы орындауы тиіс.Қызылорда қаласында өңдеу өнеркәсібінің қарқынын арттырудың мүмкіндіктері мол. Қала аумағында өңдеу секторының барлық дерлік саласы – тамақ, жеңіл өнеркәсіп, құрылыс материалдарын, жиһаз шығару және тағы басқалары қамтылған. Тек олармен тығыз жұмыс істеп, есептіліктің статистика мен салық органдарындағы сәйкестігін нақтылап, мониторинг жасау керек. Аудандар бойынша да дәл осындай шаралар атқарылуы тиіс.Әріптестер, экономиканың өсімін тұрақты ұстап тұру оңай шаруа емес. Сондықтан жұмыс қарқынын арттыра түсу қажет», – деді Н.Нәлібаев.</blockquote><img src="https://knadmin.beoblood.kz/uploads/457306094_808569934797586_7872890227717816103_n_11ebe1d130.jpg" alt="457306094_808569934797586_7872890227717816103_n.jpg">Осы ретте Қызылорда қаласы және аудан әкімдеріне ірі кәсіпорындармен өнім көлемін арттыру бойынша жұмысты жалғастыру, ірі, орта, шағын кәсіпорындардың статистика органдарына айлық, тоқсандық, жылдық есептіліктерді уақытылы әрі сапалы ұсынуын қадағалау жүктелді.Аймақтың әлеуметтік-экономикалық дамуында маңызы жоғары, қаржыландыруды қажет ететін жобалар бар. Бүгінде орталық мемлекеттік органдарға 130 млрд. 800 млн. теңгеге бюджеттік өтінім ұсынылды.Облыс әкімі 2025 жылға арналған республикалық бюджетті бекіту барысында барлық жобаны қаржыландыру бойынша бірлескен нақты жұмыстар жүргізу қажет екенін атап өтті.<img src="https://knadmin.beoblood.kz/uploads/457252845_808569954797584_6665636993049882395_n_bfde6a6301.jpg" alt="457252845_808569954797584_6665636993049882395_n.jpg">

Қазақстан және Қызылорда облысының жаңалықтары: Экономика