<a href="https://kyzylorda-news.kz/">Kyzylorda-news.kz</a> &nbsp;Облыс әкімі Нұрлыбек Нәлібаев ҚР Парламенті Сенатының депутаттары Дархан Қыдырәлі, Руслан Рүстемов және Наурызбай Байқадамовпен кездесті.Кездесуде мәдениет пен руханият саласында атқарылған жұмыстар, алдағы жоспарлар талқыланды.<blockquote>«Алаш арыстарын ортамызға оралтып, тарихтың ақтаңдақ беттерін қайта қалпына келтіру, жас ұрпақтың санасында олар туралы дұрыс түсінік қалыптастыру тәуелсіз ел болашағы үшін аса маңызды.Қазіргі уақытта Қорқыт ата атындағы Қызылорда университеті жанында Мұстафа Шоқай ғылыми орталығы жұмыс жасайды. Облыстық тарихи-өлкетану музейінде қайраткерге арналған экспозициялық бұрыш жасақталып, қола бюсті орнатылған. Облыста 2 мектепке, 14 көшеге тұлғаның есімі берілген, 2 ескерткіші, 2 бюсті бар (Қызылорда қаласында, Шиелі ауданында).Алаш зиялыларының есімін ұлықтаумен қатар, соңғы жылдары аймақтың мәдениет пен руханият саласында ауқымды жұмыстар, тың жобалар жүзеге асырылуда.Ұлттық салт-дәстүрімізді ұлықтап, құндылықтарымызды дәріптеу мақсатында биыл аймағымызда «Руханият жылы» жарияланды.Халықаралық «ТҮРКСОЙ» ұйымының шешімімен Сыр өңіріне түркі дүниесінің «Ең үздік мәдени аймағы» номинациясы берілді. Бұл тұтас Орта Азияда рухани, мәдени кемелденген өңір екенімізді көрсеткен жоғары баға деп білеміз. Руханият саласындағы ілкімді жобаларымыз алдағы уақытта да жалғасын табады», - деді Н.Нәлібаев.</blockquote>«Руханият жылы» шеңберінде облыстағы 171 мәдениет үйі мен клубтар «Адал адам» тұжырымдамасы аясында жұмысын қайта жаңғыртуда.Қызылорда қаласында ұлттық құндылықтарымыз бен салт-дәстүрімізді жан-жақты насихаттау үшін заманауи үлгімен салынған «Анаға тағзым», "Өнер орталығы", "Отбасы орталығы", "Жыраулар үйі" халыққа рухани-мәдени қызмет көрсетуде.Сырдария өзенінің сол жағалауынан жаңа облыстық тарихи-мәдени мұра орталығы (облыстық музей), барлық ауданда музей, кітапхана, архив, неке қию залы, ардагерлер және аналар, жастар орталықтарын біріктіретін типтік үлгідегі «Руханият» орталықтары салынуда.Теміржол вокзалы маңындағы «Ақмешіт» музейі қайта жаңғыртудан өткізілуде.Ішкі экспозициясының тұжырымдамасы жасалып, Алаш мұраларына арналған «Алаш әдебиеті» музейі болып қайта жасақталуда.«Алаш әдебиеті» музейінде Алаш зиялыларына, Сыр өңірінің ақын - жазушыларына, халық ауыз әдебиеті өкілдеріне қатысты тарихи деректер зерттеліп, ғылыми айналымға қосылады. Алаш зиялылары мен әдебиет өкілдеріне қатысты архив жәдігерлері жан-жақты насихатталады.Сыр еліне жұмыс сапарымен келген сенаторлар атқарылған жұмыстарға оң бағасын беріп, бастамаларға әрдайым қолдау көрсетілетінін жеткізді.Фото: Қызылорда облысы әкімінің баспасөз қызметі

Аймақ басшысы Сенат депутаттарымен кездесті

<a href="https://kyzylorda-news.kz/">Kyzylorda-news.kz</a> &nbsp;Аймақ басшысының қолдауымен «Тәуелсіздікке 25 жыл» даңғылының Тасбөгет плотинасымен түйісетін тұсында Қызылжарма каналы арқылы өтетін автомобиль көпірі салынуда.​Бұл көпір қала орталығы мен Тасбөгет кенті арасындағы қосымша байланысты қамтамасыз етіп, көлік кептелісін азайтуға мүмкіндік береді. Көпірдің ұзындығы 47 метрді құрайды. Мердігер мекеме «СЕРВИС НС» ЖШС-гі жұмысты екі ауысыммен атқаруда.

Көпір құрылысы – халық игілігі

<a href="https://kyzylorda-news.kz/">Kyzylorda-news.kz</a>&nbsp; Әдетте мен әлуметтік желілерде пост жазбайтын адамдардың қатарынан боламын. Алайда, қазіргі таңда көп талқыға салынатын және халық арасында радиофобия жоғары деңгейде &nbsp;болғандықтан елімізде Атом электр станциясын салуға қатысты өз көз қарасымды жазғым келеді. Атом электр станциялары – әлемдегі электр энергиясының маңызды көздерінің бірі. АЭС арқылы көптеген елдер экономикалық және әлеуметтік дамуда негізгі мәселелерін шешіп жатыр.&nbsp;АЭС артықшылықтарыЭкологиялық таза энергия: Атом электр станциялары климаттың өзгеруінің негізгі себебі болып табылатын көмірқышқыл газы (СО2) сияқты парниктік газдарды атмосфераға шығармайды. Олар іс жүзінде ауа мен судың ластануына ықпал етпейді, бұл қоршаған ортаға әсерді азайтады.Жанармайдың жоғары тиімділігі: Атом электр станциялары уран сияқты ядролық отынды тиімді пайдаланады және жанармайдың бір зарядымен көптеген жылдар бойы жұмыс істей алады. Бұл отынды жиі ауыстыру қажеттілігін азайтып, экономикалық үнемдеуге әкеледі.Үлкен көлемдегі энергия: Атом электр станциялары ірі қалалар мен өнеркәсіптік аудандардың энергетикалық қажеттіліктерін қанағаттандыра алатын үлкен көлемдегі электр энергиясын өндіруге қабілетті.Ауаның аз ластануы: көмір және газ электр станциялары сияқты дәстүрлі энергия көздерімен салыстырғанда, атом электр станцияларында күкірт және азот оксидтері сияқты зиянды заттардың шығарындылары төмен.Зерттеулер мен инновациялар: атом энергетикасының дамуы ғылыми зерттеулер мен инновацияларға ықпал етеді, бұл қауіпсіз және тиімді технологияларға әкелуі мүмкін.Қазіргі заманғы атом электр станциялары ел үшін энергия өндірудің негізгі көзі болып табылады, оны қауіпсіз түрде "жасыл энергетика"деп атауға болады.&nbsp;Бүгінгі заманға сай атом электр станциялары өнеркәсіп пен халықтың қажеттіліктерін қамтамасыз етіп, экологиялық жағынан да таза, сенімді энергия көзі болып табыла алады.Атом электр станциясы біздің экономикамыз үшін ауыр және орта өнеркәсіптің дамуына жаңа серпін бола алады және менің ойымша, бұл ел үшін ерекше маңызды – бұл елдің энергетикалық қауіпсіздігі!&nbsp;Күлтібаева Гүлжан Рүстемқызы,ҚР ММ ВВР-К ИНП ҒЗИ радиациялық қауіпсіздік қызметінің дозиметрі

АЭС - әлемдегі электр энергиясының маңызды көздерінің бірі

<a href="https://kyzylorda-news.kz/">Kyzylorda-news.kz</a> &nbsp;Партияның облыстық филиалының төрағасы Алмасбек Есмаханов, Партияның облыстық, қалалық филиалдары жанындағы Партиялық бақылау комиссияларының төрағалары Нұркен Бақытбекұлы мен Мейрамбек Есжанов, облыстық, қалалық мәслихаттардағы депутаттық фракция мүшелері партияның Сайлауалды бағдарламасы аясында Қызылорда қаласындағы Қожа Ахмет Яссауи көшесін Ә.Бөкейхан көшесінен Әйтеке би көшесіне дейінгі және Жаппасбай батыр көшесін Қорқыт Ата көшесінен көлік жол айрығына дейін қайта жаңғырту жұмыстарымен танысып, жолдың сапасына бақылау жасады.Қожа Ахмет Яссауи көшесін Ә.Бөкейхан көшесінен Әйтеке би көшесіне дейін жаңғырту жұмыстары мауысым айында басталды. Келісім шарт бойынша желтоқсан айында аяқталуы тиіс. Құрылыс жұмыстарын «Қыран» ЖШС-і жүргізуде. Жол құрылысы жұмыстарының 50 пайызы аяқталған. Ал, Жаппасбай батыр көшесінің жаңғырту жұмыстарын «УАД» мекемесі қолға алған. Қазіргі таңда құрылыс жұмыстарының 90 пайызы аяқталған. Мердігерлер уақытынан бұрын аяқтаймыз деп отыр.Жалпы екі нысанда да жұмыс сапасы көңілге қонымды.&nbsp;Қаржы, материал жағынан кедергі жоқ. Жұмыс күші, техника жеткілікті. Жұмысшылардың айлық жалақысы барлығы уақытылы төленуде.Мониторинг барысында партия филиалының төрағасы Алмабек Есмаханов мердігерлер мен тапсырыс берушілерге жол сапасының дұрыс болуы мен мерзімінде ел игілігіне табысталуын тапсырды.&nbsp;

Жол сапасы партия бақылауында

&nbsp;<a href="https://kyzylorda-news.kz/">Kyzylorda-news.kz</a> «AMANAT» партиясының облыстық филиалының төрағасы Алмасбек Есмахановтың қатысуымен «Құқықтық көмек» партиялық жоба аясында тақырыптық қабылдау өтті.Өткен жылдың мамыр айынан бастау алған партиялық жобаның негізгі мақсаты азаматтардың құқықтық деңгейін арттыру, тегін заңгерлік кеңестер беру, заң талаптарына сәйкес мүгедектер санатына жататындарға заңгерлік сүймелдеумен көмектесу.<blockquote>«Жыл басынан бері жоба аясында облыстағы бірқатар уәкілетті органдар өкілдерімен және заңгерлер, адвокаттар, медиаторлардың қатысуымен 95 қабылдау өткізіліп, қабылдаулар барысында азаматтардан 217 өтініш түсті. 103 мәселе бойынша оң нәтижеге қол жеткізіліп, 27 өтініш бойынша толықтай заңгерлік сүйемелдеу жұмыстары жүргізілді. Жоба түрлі форматтарда ұйымдастырылуда. Атап айтсақ, еліміздегі заңнамаларға енгізілген өзгерістер мен толықтырулар, олардағы талаптармен айқындалған жеңілдіктер тиісті сала мамандарымен көпшілікке кеңінен түсіндіріліп, кеңестер де берілуде. Мәселен, ауыр қызметтерде жұмыс жасайтындарға заңмен берілген жеңілдіктер, салық кодексі, жол көлік ережелерін сақтау, құрылыс нормалары мен ережелері, жұмыспен қамту бағдарламаларына, т.б. қатысты енгізілген жаңа талаптар таныстырылды. Бүгінгі шара жаңа оқу жылы қарсаңында өткізілуі Балалар құқықтарын қорғау тақырыбындағы мәселе ауқымды және көптеген салалар қызметтерін қамтиды. Соныдақтан бүгінгі қабылдау барысында білім, денсаулық сақтау, әлеуметтік қорғау салаларымен қатар, әділет органы, заңгерлер палатасы, адвокаттар палатасы, медиация қызметінің білікті мамандары қатысып отыр»,- деді қатысушыларды жобаның маңыздығымен таныстырған партияның облыстық филиалының төрағасы Алмасбек Есмаханов.</blockquote>Қабылдау барысында тұрғындар алимент өндіру, бұрыңғы ерлі-зайыптылар арасындағы несиені ортақ деп танудың жолдары, медициналық қызметтің сапасы, мектепке қабылдау жолдары және балаларды мектепке қажетті құрал жабдықтармен қамтамасыз ету жөнінде өтініштер білдірді.Қабылдау нәтижесі бойынша алимент өндіру және несиені ортақ деп тану жолдары бойынша Әділет департаментіне ұсыныс беру жолдары түсіндірілді.Медициналық қызмет сапасы және санаториялық ем алу жолдамалары жайында түсіндірме жұмыстары жүргізіліп, жазбаша өтініш білдіру ұсынылды.Мектепке қабылдау жолдары бойынша түсіндірме жұмыстары жүргізіліп, мектеп әкімшілігіне мәселені шешуге ұсыныс берілді.Балаларды мектепке қажетті құрал жабдықтармен қамтамасыз ету бойныша тиісті мектеп әкімшілігіне ұсыныс беріліп, көмек көрсету жолдары қарастырылды.&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;

«Құқықтық көмек» партиялық жобасы аясында қабылдау ұйымдастырылды

<a href="https://kyzylorda-news.kz/">Kyzylorda-news.kz</a> &nbsp;Газ тұтынушылардың назарына!«QAZAQGAZ AIMAQ» АҚ Қызылорда өндірістік филиалы тарату желілерінде жөндеу-профилактикалық жұмыстарының жүргізілуіне байланысты ағымдағы жылдың 15 тамызында сағат 9:00-ден 18:00-ге дейін Қызылорда қаласының Төле би көшесі, Байтұрсынов көшесі, Ғ.Мұратбаев көшесі, Цай Ден Хак көшесі, Тәуелсіздік даңғылы аралығында орналасқан (сызбаға сәйкес) жеке және өндірістік, сонымен қатар коммерциялық-тұрмыстық объектілерінің тұтынушыларына табиғи газ беру тоқтатылатынын хабарлайды.Газды өшіру кезеңінде газ қондырғылары алдындағы крандарды жабуды және «QAZAQGAZ AIMAQ» АҚ қызметкерлерінің тұтынушыларға газ беру үшін жұмыстар жүргізуге 2024 жылы 15 тамызында сағат 15.00-ден бастап қол жеткізуін қамтамасыз етуді сұраймыз.Газдың иісі шығуы анықталған жағдайда 104 телефонына қоңырау шалыңыз.<img src="https://knadmin.beoblood.kz/uploads/2_569cd13588.jpg" alt="2.jpg"><img src="https://knadmin.beoblood.kz/uploads/3_92ddcfe9de.jpg" alt="3.jpg">Сурет: Оrenburg.kp.ru

Ертең Қызылордада уақытша газ болмайды 

&nbsp;<a href="https://kyzylorda-news.kz/">Kyzylorda-news.kz</a> &nbsp;Қызылорда облысы бойынша экология департаменті облыстың экологиялық мәселесін кешенді шешу жөніндегі «Жол картасы» аясында жылжымалы көздерден атмосфералық ауаға ластаушы заттардың шығарындыларын азайту мақсатында бірқатар жұмыстар жүргізілуде. Бұл туралы Қызылорда облысы бойынша экология департаментінің баспасөз қызметі хабарлады.&nbsp;Атап айтсақ, Департаменттің зертханалық-талдамалы бақылау бөлімінің мамандары «Таза ауа» іс-шарасын жүзеге асыруда тоқсан сайын полиция департаментінің қызметкерлерімен бірлесіп рейд жұмыстарын ұйымдастырып, газ және дизель отынымен жүретін автокөліктерден шығатын шығарындыларға өлшеу жұмыстарын жүргізді. &nbsp;Мақсат – қала төңірегіндегі автокөліктердің экологиялық нормаларға сәйкестігін анықтау.Сынақ барысында бензин, газ және дизель отынымен жұмыс істейтін 59 автокөлікке өлшеу жұмыстары жүргізіліп, оның ішінде 3 автокөліктен белгіленген нормативтен асу деректері анықталды.Нәтижесінде жол полиция қызметкерлерімен автокөлік иелеріне тиісті шаралар жасалды.

Қызылордада «Таза ауа» жедел-алдын алу іс-шарасы жүргізілуде

<a href="https://kyzylorda-news.kz/">Kyzylorda-news.kz</a> &nbsp;Аудан әкімдігінің мәжіліс залында аудандық төтенше жағдайлардың алдын алу және оларды жою жөніндегі комиссияның кезектен тыс отырысы өтті. Жиынға аудан әкімі, комиссия төрағасы А.Оңғарбаев қатысып, күн тәртібіндегі негізгі мәселені назарға алды.Жиында ауа-райының салдарынан Сексеуіл кентіндегі әлеуметтік нысандар, тұрғын-үй шатырлары мен қабырға жабындыларының ұшу жағдайы туралы Сексеуіл кенті әкімінің міндетін атқарушы Н.Орынбасаров хабарлама жасап, кент орталығында жауын-шашын аралас қатты дауыл салдарынан қалыптасқан жағдайды баяндады.Төтенше жағдай салдарынан орын алған олқылықтарды қайта қалпына келтіруге қатысты жауаптыларға бірқатар сауал жолдаған аудан әкімі, бүлінген әлеуметтік нысандарды қысқа мерзім ішінде қайта қалпына келтіруді тапсырды.Сондай-ақ орын алған жағдайдың табиғи апаттың салдарынан болғанын және жеке тұрғын үйлерге қаржы қаралмағандығы жөнінде түсіндірме жұмыстарын жүргізу керектігін атап өтті.Қазіргі таңда Секесуілде болған қатты дауылдың салдарынан келтірілген нақты шығындар көлемі есептелу үстінде. Дүлей дауылдан кенттегі көппәтерлі тұрғын үйлердің шатырларына да зақым келген. Аудан әкімі кемшіліктерді қалпына келтіру үшін жауапты сала басшыларын бірлесіп, шұғыл әрекет етуге шақырды.Оқиға болған күні кент бойынша 25 тің үстінде жарық бағаналары құлап, салдарынан 850 дей тұрғын үй жарықсыз қалған-ды. Бүгінде олқылықтар түгел қалпына келтірілген. Ал бүлінген әлеуметтік нысандар бойынша жауапты сала басшылары атқарылып жатқан жұмыстарды аудан басшысына қысқаша хабарлады.Комиссия құрамының жұмысына қаныққан аудан әкімі А.Оңғарбаев кемшіліктерді жою барысында ең алдымен жұмыстың сапасына мән беру керектігін атап өтті.<blockquote>– «Апат айтып келмейді» деген. Бірақ қайтып келуі мүмкін. Сондықтан, салынып жатқан тұрғын үйлердің, барлық құрылыс нысандарының, оның ішінде әлеуметтік нысандардың сапасына аса мән беруді тапсырамын, – деді аудан басшысы.</blockquote>Мұнан соң жиынды қорытындылап, күн тәртібіндегі мәселеге қатысты тиісті сала басшыларына бірқатар тапсырмалар жүктеді.

Аманжол Оңғарбаев: Сексеуілдегі бүлінген нысандар қалпына келтіріледі

<a href="https://kyzylorda-news.kz/">Kyzylorda-news.kz</a> &nbsp;Бүгінде Жаңақорған ауданындағы 35 елді мекенге орталықтандырылған таза ауыз су жүйелері жүргізілген. Ал, электр желілерін жаңғырту мәселесін шешу мақсатында 10 жоба жүзеге асырылып, 9 елді мекеннің электр желілік жүйелері жаңғыртылмақ. Айта кету керек, аудан орталығы мен 19 елді мекеннің электр желілері толық жаңғыртудан өткен соң электр тарату жүйесінің тозу көрсеткіші 75 пайыздан 25 пайызға дейін төмендейтін болады. &nbsp;Өңірлік коммуникациялар қызметінің ақпарат алаңында Жаңақорған ауданының әкімі Мәжит Самитов жыл басынан бері ауданда атқарылған жұмыстарды баяндады.&nbsp;<blockquote>– Жыл басында Шалқия, Құттықожа, Кейдер ауылдарындағы газдандыру жұмыстары аяқталып, тұрғындарға пайдалануға берілді. Одан бөлек газдандыру бойынша тағы 3 жобаның құрылыс жұмыстары жүргізілуде. Сондай-ақ, 40 жыл бұрын басталып, аяқсыз қалған Жаңақорған кентіндегі темір жол үстінен өтетін көпір құрылысына демеушілер есебінен жоба дайындалып, сараптамадан өткізілді. Ал, аудандағы 4 елді мекеннің 7 көшесіне жаяу жүргіншілер жолы салынып, 8 ауылдың 27 көшесі жарықтандырылатын болады,- деді Мәжит Самитұлы.</blockquote>Қазіргі таңда Жаңақорған ауданында 6 711 шағын және орта кәсіпкерлік субъекті бар. Аудандағы кәсіпкерлікті дамыту бойынша ұлттық жоба шеңберінде 82 жобаға мемлекеттік грант берілген. Аудан әкімінің айтуынша, биыл “Ауыл аманаты” бағдарламасы аясында биыл 101 жоба қаржыландырылып, 145 жаңа жұмыс орны ашылатын болады.<blockquote>– Тұрғындардың табысын арттырудың бірден бір жолы тұрақты жұмыспен қамту болғандықтан, жұмыссыздарды нәтижелі жұмыспен қамтуға баса мән беріп отырмыз. Жыл басынан бері жұмыс іздеуші ретінде жұмыспен қамту орталығына 3 050 адам хабарласса, жұмыссыздықтан әлеуметтік қорғау шараларымен 2 468 азамат қамтылды. Жалпы, хабарласқан тұрғындардың 72,4 пайызы жұмысқа орналастырылды. Есепті мерзімдегі ресми жұмыссыздар саны - 1 654 адам болып, жұмыссыздық деңгейінің 5 пайызын құрап отыр,- деді Мәжит Самитұлы.&nbsp;</blockquote>Фото: Қызылорда облысының Өңірлік коммуникациялар қызметі

Жаңақорғандағы 9 елді мекеннің электр желісі жаңартылмақ

<a href="https://kyzylorda-news.kz/">Kyzylorda-news.kz</a> &nbsp;Әлеуметтік демалыстың еңбек демалысына қатысы жоқ. Ол бөлек беріледі, - деп хабарлайды <a href="https://massaget.kz/">Massaget.kz</a> тілшісі "<a href="https://tengrinews.kz/kazakhstan_news/kazahstantsyi-imeyut-pravo-3-dnya-sotsialnogo-otpuska-ne-ob-543829/">Tengrinews.kz</a>"-ке сілтеме жасап.3 күн әлеуметтік демалыс емханада скрининг өтуге арналған.Бұл жайлы Еңбек кодексінде не айтылған?Еңбек және халықты әлеуметтік қорғау министрлігінің айтуынша, қызметкерлерге әлеуметтік демалыс Қазақстан Еңбек кодексінің 87-бабы 1-тармағының 2-тармақшасына сәйкес беріледі."Қызметкерлерге (өзге де әлеуметтік демалыстардан басқа) бір жыл ішінде 3 жұмыс күнінен аспайтын мөлшерде скринингтік зерттеулерден өту үшін демалыс, сондай-ақ жүктіліктің 12 аптасына дейін медициналық есепке тұру үшін кемінде 3 жұмыс күні көлемінде демалыс беріледі", - деп хабарлады Еңбек министрлігі.Демалыс беру жұмыс берушінің актісімен ресімделеді."Еңбек Кодексінің 23-бабы 2-тармағының 26-1-тармақшасына сәйкес жұмыс беруші Қазақстан Республикасының Денсаулық сақтау саласындағы заңнамасында айқындалған тәртіппен және көлемде жұмыс орнын (лауазымын) және орташа жалақысын сақтай отырып, қызметкерге скринингтік зерттеулерден өту үшін демалыс беруге міндетті", - деп хабарлады Еңбек министрлігі.Кім және қашан скринингтен өтуі керек?Скринингтік зерттеулерден өту үшін демалыстың тәртібі мен көлемін айқындау "Халық денсаулығы және денсаулық сақтау жүйесі туралы" Кодекспен регламенттеледі."Халық денсаулығы және денсаулық сақтау жүйесі туралы" Кодекстің 80-бабының 3-тармағына сәйкес Қазақстан Республикасының азаматтары профилактикалық медициналық тексеруден және скринингтік зерттеулерден өтуге міндетті."Скринингтік зерттеулер халықтың нысаналы топтары арасында ауруларды ерте анықтау және аурулардың дамуын, аурулардың пайда болуына ықпал ететін қауіп факторларын болдырмау, халықтың денсаулығын қалыптастыру және нығайту мақсатында жүргізіледі. Скринингтік зерттеулерге жататын адамдардың нысаналы топтары уәкілетті орган айқындайтын осы зерттеулерді жүргізу тәртібі, көлемі және кезеңділігі бойынша скринингтік зерттеулерден өтуі тиіс", - деп атап өтті Еңбек министрлігі.Еске салайық, белгілі бір жасқа толған қазақстандықтар үшін онкоскринингтің үш түрі бар:сүт безі қатерлі ісігінің скринингі (40 жастан 70 жасқа дейінгі әйелдер, 2 жылда 1 рет); жатыр мойны қатерлі ісігінің скринингі (30 жастан 70 жасқа дейінгі әйелдер, 4 жылда 1 рет); колоректальды қатерлі ісікке скрининг (50 жастан 70 жасқа дейінгі ерлер мен әйелдер, 2 жылда 1 рет).Сондай-ақ, қан айналымы жүйесінің негізгі аурулары (артериялық гипертония, жүректің ишемиялық ауруы), қант диабеті, глаукома, сондай-ақ қауіп тобындағы адамдарда созылмалы В және С гепатиті бойынша скрининг бар.Скринингтен өту үшін тұрғылықты жері (тіркелген жері) бойынша емханаға жүгіну қажет. Әрбір алғашқы медициналық-санитарлық көмек ұйымында скринингтік кабинеттер бар. Өзіңізбен бірге жеке куәлігіңіз болуы керек.Әлеуметтік демалыс қалай рәсімделеді?Еңбек және халықты әлеуметтік қорғау министрлігінде қызметкер әлеуметтік демалысты рәсімдеу үшін қандай құжаттар керегін айтты."ҚР Еңбек кодексінде қызметкердің скринингтік зерттеулерден өткені туралы растайтын құжаттарды ұсыну міндеті регламенттелмегендіктен, құжаттарды қызметкер өз еркімен ұсынған жағдайларды қоспағанда, бұл демалыс қызметкердің өтініші негізінде берілуі тиіс деп есептейміз (бұл дербес деректер туралы заңнаманы сақтау қажеттілігінен туындады)", - деп түсіндірді Министрлікте.Егер жұмыс беруші қызметкерді скринингке жібермесе не істеу керек?Еңбек министрлігінің мәліметі бойынша, егер жұмыс беруші қызметкерге скринингтік зерттеулерден өту үшін әлеуметтік демалыс беруден бас тартса, қызметкер "еңбек жөніндегі уәкілетті мемлекеттік органның аумақтық бөлімшесіне жүгінуге құқылы".Фото: ru.freepik.com

Бәрі біле бермейді: қазақстандықтар 3 күндік әлеуметтік демалыс ала алады

<a href="https://kyzylorda-news.kz/">Kyzylorda-news.kz</a> Сырдария ауданының әкімі Берік Сәрменбаев құрылыс саласының ардагерлері мен қызметкерлерін арнайы қабылдап, кәсіби мерекемен құттықтады. Аудан әкімі Мемлекет басшысы Қасым-Жомарт Кемелұлы Тоқаевтың тапсырмасымен, аймақ басшысы Нұрлыбек Машбекұлы Нәлібаевтың қолдауымен облыста құрылыс саласында ауқымды жұмыстар атқарылып жатқанын атап көрсетті.<blockquote>– Бүгінде аймағымызда барлық салада қарқынды даму динамикасы қалыптасқан. Оның ішінде, құрылыс саласында ауқымды жұмыстар атқарылуда. Аймақта биыл құрылыс жұмыстарының көлемі 35,6 пайызға артты. Облыс орталығында «Өнер орталығы», жаңа автовокзал ғимарты және облыстық қан орталығы пайдалануға берілді. Құны 20,9 млрд. теңгені құрайтын Қорқыт ата әуежайының жаңа терминалының құрылысы аяқталуға жақын. Қазіргі таңда инфрақұрылымды дамыту және абаттандыру жұмыстары атқарылуда. «Жайлы мектеп» ұлттық жобасы аясында аймағымызда 21 мектептің, дарынды балаларға арналған физика-математика бағытындағы 300 орындық жатақханасы бар 400 орындық мектеп-интернатының құрылысы жүргізілуде. «ҚазГерМұнай» компаниясының демеушілігімен 350 орындық Оқушылар сарайы және «Саутс Ойл» компаниясының демеушілігімен облыс орталығында музыкалық колледждің жаңа ғимараты салынуда. Бұқаралық спортты дамыту мақсатында Қызылорда қаласының сол жағалауында 10 мың адамға арналған жаңа стадионының, үстел теннисі орталығы мен «Көпсалалы дене шынықтыру сауықтыру кешенінің құрылысы» жүргізілуде. «Ауылдық денсаулық сақтауды жаңғырту» ұлттық жобасы аясында облыста 27 нысан салынуда. Оның бірі Нағи Ілиясов ауылында бой көтерді. Құрылысшылардың еңбегі ел экономикасының дамуы үшін зор маңызға ие. Тұрғын үйлер, әлеуметтік, инженерлік және көлік инфрақұрылымы нысандарын салуда сала мамандары мен ардагерлердің еңбектері өлшеусіз. Сондықтан шынайы алғысымды білдіремін, – деді Берік Әбдіғаппарұлы.</blockquote>Аудан басшысы сала ардагерлері мен қызметкерлерін облыс және аудан әкімінің, облыстық құрылыс басқармасының Алғыс хатымен марапаттап, сый-құрмет көрсетті.Өз кезегінде сала ардагерлері Кожамұрат Сматұлы, Жамаладдин Есболғанов, Назтай Тлемесова, Құдайберген Шманов сөз сөйлеп, мерекелік лебіздерін жеткізіп, ризашылықтарын білдірді.Ауданда 2024 жылдың І жартыжылдығында құрылыс жұмыстары 8,5 млрд. теңгені құрап, 65,7 пайызға ұлғайды. Өткен жылы аудан орталығында халықтың әлеуметтік осал топтарына 80 пәтер берілсе, биыл 100 пәтерлі 50 үйді сатып алуға облыстық бюджеттен 1,4 млрд. теңге қаржы бөлінді. Ауданда аймақ басшысының қолдауымен салтанат сарайы, музей, архив, тәулік бойына жұмыс істейтін кітапханасы бар және жастар, ардагерлер мен аналар бас қосатын «Руханият» орталығының құрылысы жүргізілуде. Биыл аудан орталығында «Жайлы мектеп» ұлттық жобасы аясында 1 мектептің құрылысы басталады.Фото: Сырдария ауданының әкімдігі

Құрылысшыларға құрмет көрсетті

<a href="https://kyzylorda-news.kz/">Kyzylorda-news.kz</a> Қала әкімдігінің баспасөз орталығында Қызылорда қаласы бойынша Мемлекеттік кірістер басқармасының басшысы Фердоуси Қожабергеновтың қатысуымен брифинг өтті.&nbsp;Басқарма басшысы жалпыға бірдей декларациялау, жеке тұлғалардың банкроттығы бойынша атқарылып жатқан жұмыстарға тоқталды.<blockquote>– Өздеріңізге белгілі, биыл жалпыға бірдей декларациялаудың 3-ші кезеңі басталды. Үшінші кезеңде заңды тұлғалардың басшылары мен құрылтайшылары және олардың жұбайлары, сондай-ақ дара кәсіпкерлер, олардың жұбайлары (зайыптары) 2024 жылдың 15 қыркүйегіне дейін декларация ұсынуға міндеттелген. Декларацияны электрондық түрде салық төлеушінің кабинеті (<a href="http://cabinet.kgd.gov.kz/?fbclid=IwZXh0bgNhZW0CMTAAAR1Gk_IaOn8KCe6ftEU5deHbErHTYe_hUkLLg0fBbZMpcqNb8aZyVsZ9MI4_aem_R-LJOYKtFAW3Ml4rMPrnLQ">cabinet.kgd.gov.kz</a>) арқылы ұсынуға болады. «Электрондық үкімет» порталы (<a href="https://l.facebook.com/l.php?u=http%3A%2F%2Fegov.kz%2F%3Ffbclid%3DIwZXh0bgNhZW0CMTAAAR3fc01q-lT6-smH1VdQSa0n7dp84A2U-pPvLZBe7dOhD-ohLQsYRdacUdQ_aem_HmPE7gCcKNn44QUDHEM9hg&amp;h=AT3MdQWZ2m5OGhyATOp3aJke9l2PYTRIYRmMqr-URzImsj_FfL7u5XK8GXied_C7ariAuBSpYN2XmKsI6K8IacGaomoXYQCnZQyAYBfYFbFiSdeGobYTWPlllrmQCI_P-AgT&amp;__tn__=-UK-R&amp;c%5b0%5d=AT1Y5oT8pj5B-LJqfcor-ol1ajaKs_32WkZxf8sC1fVv8yqsTH5HaAZxN_YK6AEZ5gZjoYOs2YoyupN2ddsWU-XG5ZsWueCUmEF9GKmmts3kb7OWGNgyKjk_OvmvnbmbdvOWHd-QhlKEX1dR6i3o236G8Ta0hKQ6BDSrfQ8ceCMjIKlEIgJN06jhJFblsYtnFbqoekepWHyWODSOcHV7ouRJdfX-iUi1Q43ElV0q3yYDzm8">egov.kz</a>), сондай-ақ e-Salyq Azamat және eGov mobile, halyk,&nbsp;<a href="https://l.facebook.com/l.php?u=http%3A%2F%2Fkaspi.kz%2F%3Ffbclid%3DIwZXh0bgNhZW0CMTAAAR3AIFvpgBcbxluPs1cSmk_U6Z_n8cu0T9QOwaN0WfmKHagijfyNHRdWTT8_aem_T4mqFuU48irV7yQ-DJB0Bg&amp;h=AT1IG-21hDsvHo0RCSeAqRENfwTk-wycRZcbagDJplZyKBPGpsQ1ihNtMIatjAEjIGkbSZZB8MuilRqZQ_EgYXsnHiXdsJ-xgFmJ5TybqUwlkgIFce6lPL07qNNqo0q5kc2B&amp;__tn__=-UK-R&amp;c%5b0%5d=AT1Y5oT8pj5B-LJqfcor-ol1ajaKs_32WkZxf8sC1fVv8yqsTH5HaAZxN_YK6AEZ5gZjoYOs2YoyupN2ddsWU-XG5ZsWueCUmEF9GKmmts3kb7OWGNgyKjk_OvmvnbmbdvOWHd-QhlKEX1dR6i3o236G8Ta0hKQ6BDSrfQ8ceCMjIKlEIgJN06jhJFblsYtnFbqoekepWHyWODSOcHV7ouRJdfX-iUi1Q43ElV0q3yYDzm8">kaspi.kz</a> мобильді қосымшалары арқылы жүзеге асырылады. Айта кету керек, жеке тұлғаның кірістері мен мүлкі туралы декларациясына (270.00 СЕН) өзгерістердің енуіне байланысты уақытша e-Salyq Azamat мобильді қосымшасы арқылы декларацияны ұсыну тоқтатылды. Алайда, салық төлеушінің кабинеті арқылы ұсынуға болады. Өзгертілген нысанда айлық табысты көрсету қажеттілігі туындамайды, - деді басқарма басшысы Фердоуси Әбілқасымұлы.</blockquote>Бүгінде Қызылорда қаласы бойынша «Жеке тұлғалардың активтері мен міндеттемелері туралы» декларацияны (250.00 СЕН) міндеттелген 38 926 жеке тұлғаның 25 788-сі (66,2%), «Жеке тұлғалардың кірістері мен мүлкі туралы» декларацияны (270.00 СЕН) 58 662 жеке тұлғаның 49 260-сі (84,0%) ұсынған.Аталған жалпыға бірдей декларацияны белгіленген мерзімде ұсынбаған жағдайда, ҚР-ның «Әкімшілік құқық бұзушылық туралы» кодексінің 272-бабына сәйкес әкімшілік шара көзделген. Бірінші рет ескерту түрінде, егер екінші рет бір жыл ішінде қайталанса 15 айлық көрсеткіш айыппұл салынады.<blockquote>– Өткен жылдан бастап елімізде жеке тұлғалар банкрот болуға өтініш бере алатын болды. Азаматтар «жеке тұлғаның банкроттығын» қолдану үшін үш түрлі нұсқаның бірін таңдай алады. Соттан тыс банкроттық, сот банкроттығы және төлем қабілетін қалпына келтіру. Өткен жылдан биылға Қызылорда қаласы бойынша жеке тұлғалардың соттан тыс банкроттығы бойынша 3310 өтініш түсіп, 535 жеке тұлғаның өтініші қабылданып, «банкрот» статусы берілді, - деп қорытындылады басқарма басшысы.</blockquote>

Қазақстан және Қызылорда облысының жаңалықтары: Экономика