<a href="https://kyzylorda-news.kz/">Kyzylorda-news.kz</a> &nbsp;Премьер-Министр Олжас Бектеновтің төрағалығымен өткен Қазақстан Республикасы Үкіметінің отырысында Әлеуметтік-экономикалық дамудың 2025-2027 жылдарға арналған болжамы, сондай-ақ «ҚР Ұлттық қорынан кепілдендірілген трансферт туралы» заң жобасы қаралды. Премьер-Министрдің орынбасары – ұлттық экономика министрі Нұрлан Байбазаров баяндама жасады.Ұлттық экономика министрі бұл болжам әлемдік экономиканың өсуі және сыртқы тауар нарықтарындағы конъюнктура бойынша халықаралық ұйымдардың болжамдарын ескере отырып қалыптастырылғанын атап өтті. Мәселен, ХВҚ болжамына сәйкес, әлемдік экономика 2025 жылы 3,3%-ға өседі. Мұнайдың 2025 жылға арналған әлемдік бағасы бойынша консенсус болжамы барреліне $78-ды құрайды.<blockquote>«Сыртқы параметрлердің өзгеруіне байланысты үш даму сценарийі қарастырылады: базалық, оптимистік және пессимистік. Базалық сценарийде мұнайдың орташа бағасы барреліне $75 деңгейінде ұсынылады. 2025 жылы ЖІӨ-нің нақты өсімі болжам бойынша 5,6%-ды, ЖІӨ-нің 5 жылдағы орташа жылдық өсімі 5,4%-ды құрайды. Номиналды ЖІӨ 2025 жылы 150,8 трлн теңгеден 234,2 трлн теңгеге немесе 2029 жылы $498,4 млрд дейін өседі, бұл Мемлекет басшысының экономика көлемін екі есеге арттыру жөніндегі тапсырмасының орындалуын қамтамасыз етеді. Бұл ретте экономиканың барлық салаларында өсім күтілуде», – деді Н.Байбазаров.</blockquote>https://t.me/KZgovernment

 2025 жылы ЖІӨ өсімі 5,6%-ды құрайды

<a href="https://kyzylorda-news.kz/">Kyzylorda-news.kz</a> &nbsp;Сала мамандары тұрақты түрде тұрғын үйлерді жіті бақылап, өрттің орын алмауына ерте бастан қамдануда.&nbsp;Қызылорда облысы Төтенше жағдайлар департаменті қызметкерлерімен жыл сайын жылу беру маусымы басталар алдында адам өмірі мен денсаулығы, мүлікті және қоршаған ортаны өрттен қорғау бойынша тиісті іс-шаралар атқарылуда. Бұл туралы Облыстық ТЖД Мемлекеттік өрт бақылау басқармасының бастығы Асхат Оразбеков мәлімдеді.<blockquote>– 2024-2025 ж.ж. жылу беру маусымына дайындық кезеңі басталуына байланысты Департаменттің «Өрт қауіпсіздігі айлығын өткізу туралы» 2024 жылғы 7 тамызда № 78 бұйрығы бекітіліп, биылғы жылдың 15 тамызынан бастап Департамент қызметкерлері әлеуметтік аз қамтылған отбасылардың үйлеріне өрт қауіпсіздігі шараларын сақтау бойынша түсіндірме жұмыстарын жүргізуде. Қазіргі таңда, облыстық жұмыспен қамтуды үйлестіру және әлеуметтік бағдарламар басқармасынан алынған тізімге сәйкес, тұрмысы төмен, көпбалалы, жалғысбасты ана және мүгедек жандары бар 5 463 отбасы тізімі нақтыланды. Аталған отбасылардың ішіндегі жылыту жүйесі табиғи газбен қамтылған үйлерге орнату үшін 484 дана табиғи газды анықтайтын есептегіш құрал сатып алу мәселесі жерігілікті атқарушы орган тарапынан оң шешімін тауып, қазіргі таңда мемлекеттік сатып алу порталына жарияланды, нәтижесі күтілуде. Барлығы 86 218 тұрғын үй секторының ауласы араланды. Тұрғындармен 319 рет кездесу ұйымдастырылып, соның ішінде электр және газ баллон жабдықтарын, пешті және газ пештерін орнату, қолдану туралы өрт қауіпсіздігі талаптары бойынша түсіндіру жұмыстары жүргізілді, – деді Асхат Плалұлы.</blockquote>

Облыс көлемінде жылу беру маусымына дайындық жұмысы жан-жақты пысықталуда

<a href="https://kyzylorda-news.kz/">Kyzylorda-news.kz</a> &nbsp;Қызылордада жолшылар балаларға ерекше шара өткізді. Аймақтағы Жол активтерінің ұлттық сапа орталығының қызметкерлері балаларына жұмыс орнын таныстыру үшін экскурссия ұйымдастырды.&nbsp;Кішкентайлар ата-анасы еңбек ететін жол зертханасына келді. Олар асфальт-бетон материалдарына сынама жұмыстары қалай жүргізілетініне куә болды. Бүгінде ең озық технологиялармен қамтылған орталықта жылына мыңнан аса зертханалық тексеру жүргізіледі. Қайнаған тіршіліктің ортасына түскен балалар ата-аналарының күнделікті жұмысын көріп, бойында мақтаныш сезімі ұялады.<blockquote>«Әрбір бала үшін үлгі тұтар адамы ол ата-анасы. Жауапкершілік жүгі ауыр салада еңбек ететін біздің мамандар маусымдық кезеңде жер-жерде салынып жатқан жолдардың сапасын тексеруге шығып, апталап-айлап сыртта жүреді. Сондықтан осындай қауырт кезеңге қарамастан үйдегі балаларды зертханаға әкеліп, ата-анасының еселі еңбегін көрсін дедік. Бұл отбасылық құндылықты арттыра түседі деп ойлаймызә»,- дейді филиал директоры Ерболат Көштаев.</blockquote><img src="https://knadmin.beoblood.kz/uploads/7_f42aba5dac.jpg" alt="7.jpg">

Балалар жол зертханасының жұмысымен танысты

<a href="https://kyzylorda-news.kz/">Kyzylorda-news.kz</a>&nbsp; Облыс әкімінің тапсырмасына сәйкес, «Теміржол саябағында» санитарлық тазалық жұмыстары жүргізілуде.Саябақтағы талдарды балақтау, орындықтар мен серуендеу орындарын сырлау, арам шөптерден тазарту секілді жұмыстар атқарылуда.Сонымен қатар аяқ су жүйелері аршылып, ішкі жолдар, ойын алаңдары қалпына келтірілуде.Фото: Қала әкімдігі

Теміржол саябағы күтімге алынды

<a href="https://kyzylorda-news.kz/">Kyzylorda-news.kz</a>&nbsp; «AMANAT» партиясы мүмкіндігі шектеулі азаматтарды қолдауға бағытталған «Кедергісіз келешек» партиялық жобасын жүзеге асырып келеді. Жобаның мақсаты – еліміздегі мүмкіндігі шектеулі жандардың өмір сүру сапасын жақсарту, олардың жұмысқа тұруына көмектесу және кедергісіз орта қалыптастыру.Партияның Қызылорда қалалық филиалы жанынан құрылған арнайы мониторингтік топ еңбек ұжымдарында мүмкіндігі шектеулі жандарды жұмысқа орналастырудың 2-4% квотасының сақталуын қадағалау, сондай-ақ оларды себепсіз жұмыстан шығару жағдайларының алдын алуды түсіндіру бойынша зерделеу жұмыстарын жүргізді.Аталған заңнама негізінде зерделеу тобы облыс әкімдігінің 2023 жылғы 29 желтоқсандағы «Қызылорда облысы 2024 жылға арналған әлеуметтік саласы бойынша квоталарды белгілеу туралы Қызылорда облысының білім басқармасының «Қызылорда қаласы бойынша білім бөлімінің» «№253 орта мектебі» КММ -не «Электрик» штаты бойынша жұмысқа орналасқан азаматпен кездесіп, ұсыныс-пікірін тыңдады.<blockquote>«Бүгінде жұмыс қарқыны жақсы. Ешқандай мәселе жоқ. Аталған заңнама аясында жұмысқа орналастым. Жалақымыз уақытылы, өз жұмысыма көңілім толады,» дейді ІІІ топ мүгедегі Болат Жақсылықов.</blockquote>Жалпы, ағымдағы жылы Қызылорда қаласы бойынша мүмкіндігі шектеулі, жұмысқа қабілетті деп танылған 29 азаматты жұмысқа орналастыру жоспарланған. Қазіргі таңда тиісті меже бойынша қажетті жұмыстар жүргізілуде. Партия тарапынан мұндай зерделеу шаралары алдағы уақытта да жалғасын табатын болады.

«Кедергісіз келешек»: Мүмкіндігі шектеулі азаматтардың жұмысқа орналасуы бойынша бақылау жасалды

<a href="https://kyzylorda-news.kz/">Kyzylorda-news.kz</a> &nbsp;Бүгінде Арал ауданындағы ауыл шаруашылық саласы жыл сайын жаңа көрсеткіштерге қол жеткізіп, қарқынды дамып келеді. Соңғы алты ай көлемінде өсім 101,8 пайызды құрауы сөзімізге дәлел. Аудан бойынша облыстық межеге сәйкес 2024 жылға егіс көлемін арттырудың межесі 910 гектарды құрап, 1014,7 га жерге егістік дақылдары отырғызылды. Су үнемдеу технологиялары бойынша 117 гектар жерге егіс егу жұмыстары жүргізілген. Бұь туралы Арал ауданының әкімі Аманжол Оңғарбаев мәлімдеді.<blockquote>– Президенттің тапсырмасына сәйкес су үнемдеу технологиясын пайдалану мақсатында «Camel Pro» шаруа қожалығы 800 гектар жерге жаңбырлатып суару арқылы мал азығын дайындау үшін 16 жаңбырлатып суару қондырғысын пайдаланып, жоңышқа дақылын егуді жоспарлауда. Қазіргі таңда аталған шаруа қожалық әрқайсысы 50 гектарға арналған 4 жаңбырлатып суару қондырғысын орналастырды. Қосымша 2 қондырғыны орналастыру бойынша жұмыстар жүргізілуде. Кіші Арал теңізіне өткен жылдың осы кезеңінде 6 м3/сек су түскен болса, 01.08.2024 жылы 70 м3/сек су түсуде. Бұл көрсеткіш өткен жылмен салыстырғанда 10 есеге артық,- деді Аманжол Сақыпұлы.</blockquote>Ауданның мал шаруашылығында да айтарлықтай өсім байқалады. Соңғы үш жылда 4 түлік мал 30 мыңнан астам басқа өскен.<blockquote>– Ауданда мал шаруашылығынан алынатын өнім де артқан. Өткен жылдың қантар-маусым айларымен салыстырғанда сиыр сүтін өндіру 101,5пайызға артығымен орындалып отыр. Балық шаруашылығына келетін болсақ, аудан аумағында Кіші Арал теңізінің 18 учаскесі, Сырдария өзені және 17 көл бар. Кіші Арал теңізінде балықтың 19 түрі мекендейді, кәсіпшілік балық аулау мақсатында балықтың 16 түрі ауланады. Есепті кезеңде 5489,2 тонна балық ауланған болса, өңделген балық 3105 тонна болды. Негізі, облыстағы су айдындарының басым көпшілігін Арал ауданы құрайды. Соңғы жылдары Кіші Арал теңізіне түсетін судың көлемі едәуір азайды. Тиісінше ондағы балық қорының да мөлшері айтарлықтай төмендеді. Ендігі кезекте балықты молайтып, ата кәсіпті үзбей, саланы әртараптандырудың өзге де жолдарын іздестіру арқылы оны дамыту біз үшін аса маңызды болмақ,- деді Аманжол Сақыпұлы.</blockquote>

 Арал ауданында мал басында өсім бар

<a href="https://kyzylorda-news.kz/">Kyzylorda-news.kz</a>&nbsp; &nbsp;Биылғы «Руханият жылында» Сыр өңіріндегі 7 ауданның барлығында музей, кітапхана, архив, неке қию залы, ардагерлер және аналар, жастар орталықтарын біріктіретін, типтік үлгідегі «Руханият орталықтары» салынуда. Облыс әкімі Нұрлыбек Нәлібаев Қармақшы ауданына жұмыс сапары кезінде аталған орталықтың құрылыс барысын көрді.Жосалы кентіндегі «Руханият орталығының» құрылысы сәуір айында басталған. Мердігер мекеме «Иман» ЖШС жұмысты желтоқсан айында аяқтамақ.Еске салсақ, Сыр елінің жауһар жәдігерлерін сақтап, келер ұрпаққа жеткізуді, жастарды отаншылдық рухта тәрбиелеуді, тәуелсіздіктің қасиет-құндылығын ұғындыруды жүйелі әрі тұрақты негізде, бір орталықтан жүргізу мақсатында «Руханият орталықтарын» салу туралы шешім қабылданған болатын. Бұл – әртүрлі бағытта қызмет көрсететін мекемелерді бір орталыққа оңтайландыру арқылы бюджет қаражатын үнемдеуге, әкімшілік шығындарды азайтуға мүмкіндік беретін тың жоба.Аймақ басшысы құрылыс жұмыстарын тиянақты жүргізіп, нысанды уақытылы пайдалануға беруді тапсырды.Айта кетейік, мерейлі жылдың Наурыз мерекесінде облыс орталығындағы 1000 орындық «Өнер орталығы» пайдалануға берілді. Қызылорда қаласының сол жағалауынан облыстық тарихи-өлкетану музейі ғимаратының құрылысы басталды. Жыл соңына дейін Сыр өңірінің жазба мәдениетін насихаттайтын «Алаш әдебиеті» музейі ашылады. Облыс орталығында «Шығармашылық академиясы», екі ауданда «Оқушылар үйі» мен «Өнер мектептерінің» құрылысы жүруде. «Саутс ойл» компаниясының демеушілігімен мәдени мұраның, ұлттық өнердің кемелденуіне өзіндік үлесін қосқан Қазанғап атындағы Қызылорда музыкалық жоғары колледжінің жаңа ғимараты салынуда.Өткен жылдан бері қасиетті мекеннің абыройын асырып, бақ-беделін сақтауға үлес қосып жүрген мәдениет және өнер, әдебиет өкілдеріне облыс әкімінің «Тұран» арнайы сыйлығы табысталды. Мемлекет басшысының «Адал азамат» тұжырымдамасы аясында республикада алғашқы болып 171 мәдениет үйі мен клубтарда 7 бағыт бойынша «Адал адам» мәдени-тәрбие беру орталығы» жобасы іске асырылуда.<img src="https://knadmin.beoblood.kz/uploads/7_e7b1ba1d79.jpg" alt="7.jpg"><img src="https://knadmin.beoblood.kz/uploads/8_ed0abc5dd6.jpg" alt="8.jpg">Фото: Қызылорда облысы әкімінің баспасөз қызметі

Облыс әкімі «Руханият орталығының» құрылысымен танысты

<a href="https://kyzylorda-news.kz/">Kyzylorda-news.kz</a>&nbsp; Биыл Арал ауданында өнеркәсіп және өңдеу өнеркәсібінде оң динамика қалыптасты.Өнеркәсіп орындары бойынша өсім 14,7 пайызды құраған. Әрине, айдынды Арал десе алғаш ойға оралатыны - балық. Биыл ауданның балық өндіру жұмыстары бойынша көші ілгері. Түрлі жобалар дайындалып, сала айтарлықтай даму жолында. Осы және өзге де атқарылған ауқымды жұмыстар легін Арал ауданының әкімі Аманжол Оңғарбаев Өңірлік коммуникациялар қызметінің ақпарат алаңында баяндап берді.– Өндірілген өнеркәсіп өнімдерінің 70 пайызы өңдеу саласына тиесілі болып, 19,8 пайызға өсті. Жыл басынан бері 460 мыңға жуық тонна тұз, 87,4 мың текше метр табиғи құм қазылып, 158,2 мың тонна йодталған тұз өндірілген. Сондай-ақ 3249 тонна балық және балық өнімдері өндірілді,-деді Аманжол Сақыпұлы.Жалпы аудан көлемінде өңдеу өнеркәсібі саласына айтарлықтай басымдық берілуде. Түрлі жобалар дайындалып, сала дамуына қызмет жасауда. Аудан әкімі брифингте осы бойынша атқарылған жұмыстарды мәлімдеп берді.<blockquote>– 2024-2028 жылдар аралығында Бірыңғай индустрияландыру картасы, Жалпыұлттық жобалар пулы және өңдеу өнеркәсібі жобаларының пулында 11 инвестициялық жобаны іске асыру жоспарланған. Бұл жобалардың ішінде биылғы жылы 40 адамды тұрақты жұмыспен қамтитын 3 жоба қолға алынуда. Арал қаласының солтүстік-шығыс бетінде орналасқан индустриялық аймақтың жалпы жер көлемі – 16 гектарды құрайды. Аталған индустриялық аймақтан 2 жобаны іске асыру мақсатында жер телімдері табысталған. Олар: «Берекет» ШҚ – «Ет және ет өнімдерін өндіру, тұшпара цехын салу» жобасы. «Qazaq Camel» ЖШС-ның «Түйе сүтінен құрғақ ұнтақ дайындау» жобасы. Аталған жобалардан бөлек тағы 2 жобана жүзеге асыру ойда бар,- деді Аманжол Сақыпұлы.</blockquote><img src="https://knadmin.beoblood.kz/uploads/5_4eae714de9.jpg" alt="5.jpg">Фото: Қызылорда облысының Өңірлік коммуникациялар қызметі

 Арал ауданында өңдеу саласы бойынша өсім 70%-ды құраған

<a href="https://kyzylorda-news.kz/">Kyzylorda-news.kz</a>&nbsp; &nbsp;Бүгін облыс әкімі Нұрлыбек Нәлібаев Қармақшы ауданына жұмыс сапарымен барып, «Төретам» кенті мен «Ақай» ауылына газ қосу рәсіміне қатысты. Салтанатты шараға ҚР Парламенті Сенатының депутаттары Руслан Рүстемов, Наурызбай Байқадамов, Мәжіліс депутаттары Мархабат Жайымбетов, Мұрат Ергешбаев, облыстық мәслихат төрағасы Мұрат Тілеуімбетов және еңбек ардагерлері келді.Аймақ басшысы «көгілдір отын» игілігіне кенелген тұрғындарды құттықтап, елді мекендерді дамыту жоспарына тоқталды.<blockquote>«Президентіміздің, Үкіметтің Сыр өңірін ерекше қолдауының арқасында аймағымызда ауқымды жобалар жүзеге асуда. Екі жыл бұрын облыс бюджеті 364 млрд. теңге болса, бүгінде 733 млрд. теңгеге жетті, яғни 101,4 пайыз өсім бар. Бұл қаражат аймақтағы ең өзекті мәселелерді шешуге, тұрғындардың өмір сүру сапасын арттыруға және ауқымды инфрақұрылымдық жобаларға жұмсалуда.Аймақта 43 млрд. 300 млн. теңгеге 300 шақырымнан астам автомобиль жолы жөндеуден өтеді. Осылайша жақсы жағдайдағы жолдар үлесі 92 пайыздан аспақ. Электр энергиямен қамтуда 11 млрд. теңгенің 38 жобасы қолға алынған. Бұл тозығы жеткен электр желілерін 66 пайыздан 62 пайызға азайтады.Биыл 11 елді мекенді газдандыру бойынша 30 млрд. теңгенің 20 жобасы жүзеге асырылуда. Нәтижесінде газбен қамту көрсеткіші 78 пайызға жетеді. Облыс халқының 98,4 пайызы орталықтандырылған ауыз сумен қамтылған. Осы уақытта 5 млрд. 300 млн. теңгенің 13 жобасы қарқын алды», – деді Нұрлыбек Машбекұлы.</blockquote>Ауыл тұрғындарын Қызылорда облысының құрметті азаматы, «Құрмет» орденінің иегері Ибрагим Әбибуллаев құттықтап, ардагер Махамбет Рысмағамбетов батасын берді. Іс-шарада ауданның дамуына үлес қосқан азаматтар мен ардагерлер облыс әкімінің Алғыс хатымен марапатталды.Сол жерде аймақ басшысы тұрғындармен кездесіп, көтерген мәселелерін тыңдап, ұсыныс-пікірлер бойынша сала басшыларына тапсырма берді.Рәсімнен кейін облыс әкімі газ қосылған үй иелеріне ізгі тілегін білдірді.Өткен жылы Қармақшы ауданының бюджеті 12 млрд. 800 млн. теңге болса, бүгінде 16 млрд. 800 млн. теңгеге жетті. Бұл қаржы аудан тұрғындарының түйткілді мәселелерін шешуге бағытталды. Бүгін 2022 жылы басталған «Төретам» кенті мен «Ақай» ауылын газдандыру толық аяқталды.Дүр Оңғар ауылына газ желісін тартуды бастау үшін республикалық бюджеттен қаржы бөлінді. Жұмыс жақын арада басталады. Бұдан бөлек, «Жосалы» кентіндегі жаңадан ашылған «Тәуелсіздік» шағын ауданына газ жеткізілуде. Т.Көмекбаев, «Ақтөбе» ауылдарының электр желілері қайта жаңғыртылуда. «Ауыл – ел бесігі» бағдарламасы аясында Дүр Оңғар және «ІІІ Интернационал» ауылдарында денешынықтыру кешендері салынуда. Биыл толық аяқталып, пайдалануға беріледі.«Ақай» ауылындағы денешынықтыру кешенінің құрылысы мердігер мекеменің дұрыс ұйымдастырмауынан созбалаңға салынған. Ғимарат жыл соңына дейін пайдалануға беріледі.«Ақжар-Тұрмағамбет-Көмекбаев» аудандық маңызы бар автомобиль жолының 27 шақырымына орташа жөндеу жұмыстары жүргізілді. «Қызылтам» елді мекеніне кіреберіс автомобиль жолы қайта жаңғыртылып, 4,6 шақырымына асфальт төселді. Жалпы ауданда 46,3 шақырым көше жөндеуден өтті. Қазіргі кезде жақсы және қанағаттанарлық жағдайдағы жолдың үлесі 83 пайызға жетті.«Білімді қолдау қорына» Тұрмағамбет ауылындағы №29 орта мектептің 250 орынға арналған құрылысы үшін бюджеттік өтінім жолданып, 2025 жылы салынатын нысандар тізіміне енгізілген.Аймақ басшысы алдағы уақытта елдің игілігі мен балалардың болашағы жолындағы ауқымды жобалар жалғасын табатынын айтты.<figure class="image"><img src="https://knadmin.beoblood.kz/uploads/456586934_806087105045869_3274153589756274780_n_e509b0eb8d.jpg" alt="456586934_806087105045869_3274153589756274780_n.jpg"></figure>&nbsp;<figure class="image"><img src="https://knadmin.beoblood.kz/uploads/456458925_806087045045875_7251154303186107633_n_ab52ae4010.jpg" alt="456458925_806087045045875_7251154303186107633_n.jpg"></figure>&nbsp;<figure class="image"><img src="https://knadmin.beoblood.kz/uploads/456430915_806087108379202_1875928697337438449_n_b211cf40e3.jpg" alt="456430915_806087108379202_1875928697337438449_n.jpg"></figure>&nbsp;<figure class="image"><img src="https://knadmin.beoblood.kz/uploads/456601407_806087028379210_3472637704109101197_n_227500ae56.jpg" alt="456601407_806087028379210_3472637704109101197_n.jpg"></figure>&nbsp;<figure class="image"><img src="https://knadmin.beoblood.kz/uploads/456287051_806087031712543_385484236673950593_n_1768556c93.jpg" alt="456287051_806087031712543_385484236673950593_n.jpg"></figure>&nbsp;

 «Төретам» кенті мен «Ақай» ауылы газға қосылды

<a href="https://kyzylorda-news.kz/">Kyzylorda-news.kz</a> Экономиканы индустрияландыру арқылы еңбек өнімділігі артып, жұмыс орындары құрылады. Сол арқылы халықтың өмір сүру деңгейі жақсармақ. Ол үшін елімізде индустрияландыру бағдарламаларына басымдық беріліп, нақты стратегиялық жоспарлар бекітілді. Бұл мақсатта Арал ауданында құны 170,5 млрд. теңгені құрайтын 11 инвестициялық жобаны іске асыру жоспарланған. Биыл 1,3 млрд. теңгені құрайтын 3 жоба қолға алынды.&nbsp;Аралдық кәсіпкер Жұбаныш Аманжолов ылғал майлықтар өндіру цехын ашпақ. «Sinooil» ЖШС-нің Батыс Қытай - Батыс Еуропа автодәлізінің бойынан жанар-жағармай бекетінің құрылысы және «Қарашалаң Балық» ЖШС-нің балық зауытын салу жобасы индустрияландыру картасына енген. Өндіріс орындарының жұмысы іске қосылғанда 40 адамды тұрақты жұмыспен қамтымақ.<blockquote>«Арал қаласында орналасқан «Республикалық маңызы бар №1 индустриялық аймақ» мәртебесін «Арал ауданының шағын индустриялық аймағы» мәртебесіне ауыстыру және «Қызылорда индустриялық аймақтары» ЖШС-не қолданыстағы заңнамаға сәйкес индустриялық аймақтарды орналастыру үшін жер учаскелеріне кемінде 20 жыл мерзімге уақытша өтеулі жер пайдалану (жалдау) құқығын беру бойынша Арал қаласы әкімдігі тарапынан тиісті шаралар қабылдануда», - деді Өңірлік коммуникациялар қызметінде берген баспасөз конференциясында Арал ауданының әкімі Аманжол Оңғарбаев.&nbsp;</blockquote>Сонымен қатар мемлекет жеке кәсіпкерлерге қолдау көрсетіп, өнеркәсіптің басым салаларын дамыту мақсатында индустриялық аймақ құруды қолға алған болатын. Арал қаласының солтүстік-шығыс бетінде орналасқан индустриялық аймақтың жалпы жер көлемі – 16 гектарды құрайды. Бұл аймақта құны 2 538,3 млн. теңгені құрайтын 2 жобаны іске асыру мақсатында жер телімі табысталған. Аталған жобалардан бөлек, Бірыңғай индустрияландыру картасына енгізу және индустриялық аймаққа орналастыру мақсатында жалпы құны 4,4 млрд. теңге болатын 2 жобаның тиісті құжаттары дайындалып жатыр.&nbsp;Фото: syrboyi.kz

Арал ауданында индустрияландыру бағдарламасы аясында 11 жоба іске асырылады 

&nbsp;<a href="https://kyzylorda-news.kz/">Kyzylorda-news.kz</a> &nbsp;Бүгінде облыста жылу беру маусымына дайындық жұмыстары басталып кетті. Әсіресе, тіршілікті қамтамасыз етуші кәсіпорындар мен әлеуметтік маңызы бар нысандардың дайындығы қатаң бақылауда. Облыстағы 1 067 әлеуметтік нысанның 90 пайызы жылу беру маусымына сақадай сай.&nbsp;&nbsp;Ал, жылу желілерін жаңғырту бойынша жүзеге асырылып жатқан 6 жоба қыркүйек айының ортасына дейін аяқталатын болады. Бұл туралы облыстық энергетика және тұрғын-үй коммуналдық шаруашылық басқармасы басшысының орынбасары Тахир Нәдірбек пен «Қызылорда жылу электр орталығы» МКК директорының орынбасары Наурыз Сатханов мәлімдеді.<blockquote>– Бүгінде жылу желілерін жаңғырту бойынша 9,5 шақырым жылу желісінің 5,7 шақырымына жөндеу жүргізіліп, жұмыс 60 пайызға орындалды. Одан бөлек, биыл өңірдегі 741 шақырым электр желілері мен 127 дана қосалқы станцияға күрделі жөндеу жұмыстарып жүргізу және 45 шақырым электр желісі мен 48 дана трансформатор жөндеуден өтеді деп жоспарлануда. Сонымен қатар, жалпы облыс бойынша орталықтандырылған жылу жүйесіне қосылған 888 көпқабатты тұрғын үй бар. Оның ішінде Қызылорда қаласында 808 тұрғын үй, Қазалы ауданында 80 тұрғын үй. Қазіргі таңда 17 жоба бойынша 186 көппәтерлі тұрғын үйді ыстық сумен жабдықтау желілерін салу үшін тиісті қаржы бөлінді. Жоба бойынша қаламыздағы оңтүстік қазандық пен автономдық қазандықтар арқылы жылытатын үйлер, яғни қаланың оңтүстік және орталық бөліктері, Шұғыла, Сырдария, Сол жағалау м/а және Тәуелсіздік, Бейбарыс көшелеріндегі көпқабатты тұрғын үйлерге ыстық су жүйесі жүргізілуде. Орталықтандырылған ыстық сумен қамту арқылы жыл бойы электр қуатының жүктемесі төмендеп, электр энергиясына кететін шығып азаяды және өжірелердің барлық инженерлік желілері жаңаланатын болады,- деді Тахир Қуанышбекұлы.</blockquote>Қызылорда жылу электр орталығының оңтүстік қазандықтың «Боно энерджи» маркалы үш бу қазандығын жаңғыртуға бюджеттен тиісті қаражат бөлінді.&nbsp;<blockquote>– Қазіргі таңда мердігер мекеме анықталып, қажетті құрал-жабдықтарға тапсырыс берілді. Қызылорда жылу электр орталығында алдағы жул беру маусымына қарқынды түрде дайындық жұмыстары жүргізілуде. Атап айтқанда, орталықтың №3 газотурбиналық қондырғысы мен генераторы Ресейдің Тамбов қаласындағы зауытта жөндеуден өтуде. Одан басқа, №1 газотурбиналық қондырғының генераторына, 11 қазандықтарға күрделі жөндеу, 1 турбина мен 15 қазандыққа жөндеу жұмыстары жүргізілуде. Қазіргі таңда жұмыстар 85 пайызға орындалды,- деді Наурыз Асанханұлы.</blockquote>Фото: Қызылорда облысының Өңірлік коммуникациялар қызметі

Жылу беру маусымына дайындық жүйелі

&nbsp;<a href="https://kyzylorda-news.kz/">Kyzylorda-news.kz</a>&nbsp; &nbsp;Мемлекет басшысының «Таза Қазақстан» жалпыұлттық бастамасы аясында партия қолға алған «Таза бейсенбі» экологиялық акциясы жалғасуда. Акция шеңберінде бүгін Қазалы ауданының Әйтеке би кентінің 5 квартал аумағындағы «Қазақ қорымы» маңында кезекті тазалық &nbsp;жұмыстары ұйымдастырылды.Тазалық акциясына аудандық мәслихаттағы «AMANAT» партиясы фракциясының мүшелері, бастауыш партия ұйымдар мен мен жас еріктілер қатысты. Сонымен қатар сол аумақтағы тұрғындарда тазалық жұмыстарына өз үлестерін қосты.Экологиялық мәдениетті қалыптастыруға бағытталған акцияға 50-ге жуық адам қатысып, 1 техника тартылып, нәтижесінде 2 тоннаға жуық қоқыс шығарылды.

Қазақстан және Қызылорда облысының жаңалықтары: Экономика