&nbsp;<a href="https://kyzylorda-news.kz/">Kyzylorda-news.kz</a> &nbsp;Ақша Biz Birgemiz Qazaqstan қоғамдық қорына жолдарды жөндеуге, құтқару тікұшақтарының жұмысын қамтамасыз етуге, генераторлар, сорғылар, үрлемелі қайықтар мен дәрі-дәрмектер сатып алуға жіберіледі.Су тасқыны жағдайы бірқатар облыстарда күрделі күйде қалып отыр. Мыңдаған отбасы уақытша орналастыру орталықтарында. Бүгін Kaspi.kz қосымша 500 миллион теңге бөлді. Бұл туралы <a href="https://sn.kz/sn-akparat-agyny/111563-kaspi-kz-su-taskynynan-zardap-shekkenderge-komek-retinde-tagy-500-million-tenge-audardy">sn.kz</a> ақпарат агентігі хабарлады.&nbsp;Ақша Biz Birgemiz Qazaqstan қоғамдық қорына жолдарды жөндеуге, құтқару тікұшақтарының жұмысын қамтамасыз етуге, генераторлар, сорғылар, үрлемелі қайықтар мен дәрі-дәрмектер сатып алуға жіберіледі.&nbsp;<blockquote>«Мен су тасқынынан зардап шеккен аудандарда жүрмін. Апаттың ауқымын көріп отырмын. Біз су тасқынынан зардап шеккен барлық аймақтарға техника ұсынған жалғыз қормыз. Бізге генераторлар, сорғылар, үрлемелі қайықтар, үлкен моторлы қайықтар, қолшамдар, күректер, қаптар керек. Олардың біраз бөлігін сатып алдық, қалған техниканы бізге қарызға берді. Біз бұл қаражаттың дәл қазір қажет екенін түсініп, Kaspi.kz-тен тағы да қосымша көмек сұрадық. Алынған заттардың ақысын төлеу үшін бізге 500 миллион теңге қажет болды. Әрбір қазақстандыққа қайырымдылықтарыңыз үшін және Kaspi.kz бізбен үнемі байланыста болып, барлық қажетті көмекті көрсетіп жатқаны үшін алғыс айтамыз. Бұл көмекке баға жетпейді, мұның арқасында біз зардап шеккен отбасыларға көмекті жалғастыра аламыз!», – деді Biz Birgemiz Qazaqstan ҚҚ төрағасы Перизат Қайрат.</blockquote>Biz Birgemiz Qazaqstan қоғамдық қоры 2020 жылы құрылған. Қор Covid-19 пандемиясы кезінде қазақстандықтарға көмек көрсетті, Арыстағы төтенше жағдайлар мен Семейдегі өрттен зардап шеккендерге көмектесті, сондай-ақ ерекше балалары бар отбасыларды тұрақты қолдайды.Наурыз айының соңында Kaspi командасы Kaspi.kz қосымшасында онлайн қызмет ұйымдастырды. Ол арқылы жағдайға бей-жай қарай алмайтын әрбір қазақстандық зардап шеккендерге көмектесу үшін «Biz Birgemiz Qazaqstan» қорына қаражат аудара алады. Қазіргі уақытта қорға 100 мыңнан астам қазақстандықтан 145 миллион теңгеден астам қаражат келіп түскен.Kaspi.kz сонымен қатар сүйікті клиенттері мен серіктестеріне көмектеседі және мұқтаж адамдарға несиені кейінге қалдыру мен есептен шығаруды ұсынады. Kaspi.kz жағдайды жіті қадағалап, көмек көрсетуді жалғастырады.Фото: primeminister.kz

Kaspi.kz су тасқынынан зардап шеккендерге көмек ретінде тағы 500 миллион теңге аударды

<a href="https://kyzylorda-news.kz/">Kyzylorda-news.kz</a> &nbsp;Бүгін «AMANAT» партиясының «Қарызсыз қоғам» жобасы аясында ЖОО мен колледж студенттері және жас мамандар қаржылық сауаттылықты арттыру курсының кезекті аптасын бастады.Мемлекет басшысы Қасым-Жомарт Тоқаев Қазақстан халқына Жолдауында азаматтардың қаржылық сауатын арттырудың маңызын атап өткен еді. Соған байланысты «AMANAT» партиясына Үкіметпен бірлесіп «Қарызсыз қоғам» жобасының ауқымын кеңейтуді тапсырған болатын. Бұл жоба қазақстандықтардың қаржылық сауатын ашуына мүмкіндік береді. Бұған дейін жоба аясында қаржылық сабақа алығы келген біршама қызылордалықтар арнайы курстан өткен. Жалпы биыл еліміздің барлық 20 өңірінде 200 мың адамды оқыту жоспарлануда. Сондай-ақ мектеп, колледж және жоғары оқу орнына арналған әдістемелік құралдар әзірленеді. Бұл шамамен 100 мың студент пен 450 мың оқушыны қаражатқа неғұрлым жауапты қарауға үйретуге мүмкіндік бермек.Ал өткен аптада Қызылорда қаласында жоба бойынша кезекті оқу курстарынан өткен азаматтарға сертификат табысталды. Онда аталған жоба шеңберінде ЖОО мен колледж студенттері, жұмыссыз жастар қаржылық сауаттылығын арттыру курсынан өткен болатын.Жалпы жоба бойынша Қызылорда қаласынан жыл соңына дейін 1620 азаматты оқудан өткізу жоспарланған.

«Қарызсыз қоғам» жобасының кезекті оқу аптасы басталды

<a href="https://kyzylorda-news.kz/">Kyzylorda-news.kz</a> &nbsp;Қазіргі таңда Сырдария өзеніндегі су деңгейі тұрақты. Сала мамандарының айтуынша, облыс аумағында су тасқынынан қауіп жоқ. Дегенмен, қазіргі су жағдайы салаға жауаптылардың күнделікті бақылауында. Бүгін Өңірлік коммуникациялар қызметінің ақпарат алаңында Сырдария өзеніндегі су деңгейі туралы айтылып, облыстағы су тасқынының алдын алу шаралары сөз болды.<blockquote>– Бүгінде Шардарадан жоғары орналасқан су қоймаларындағы жинақталған судың көлемі - 12,205 млрд текше метрді құрап отыр. Бұл өткен жылмен салыстырғанда - 812 млн метр кубқа кем. Шардара су қоймасындағы су көлемі 4 749 млн метр куб болса, қоймаға түсіп жатқан су көлемі секундына - 414 метр куб, ал төменге тасталып жатқан су көлемі секундына - 300 метр куб болып отыр. Сонымен қатар, Көксарай су реттегішіндегі су көлемі - 1 497,11 млн метр кубты құрап отыр. &nbsp;Жергілікті атқарушы органдар мен су шаруашылық ұйымдары бірлесіп, Сырдария өзеніндегі су деңгейіне күнделікті мониторинг жұмыстарын жүргізуде, - деді Арал-Сырдария бассейндік инспекциясының басшысы Қайратбек Сәрсенбаев.</blockquote>Қазіргі таңда Шардара су қоймасы мен Көксарай су реттегішінің жұмыс кестесі бақылауға алынды.<blockquote>– Облыс аумағында 6 су қоймасы бар. Оның бесеуі Жаңақорған ауданында болса, біреуі Аралда орналасқан. Бұл су қоймаларының екеуі, яғни Бесарық пен Жиделі су қоймасы республикалық меншікке тиесілі болса, үшеуі (Қыраш, Манап, Көлтоған) облыстық коммуналдық меншікте, ал, Құмсай су қоймасы Арал аудандық коммуналдық меншігіне кіреді. &nbsp;Барлық су қоймайларында су тасу қаупі жоқ. Біз су жағдайын күнделікті бақылауда ұстайтын боламыз,- деді облыстық табиғи ресурстар және табиғат пайдалануды реттеу басқармасы басшысының орынбасары Қайрат Жансұлтанұлы.</blockquote>Бүгінде су қоймалары жеткілікті түрде сумен толтырылған.<blockquote>– Облыс аумағындағы Сырдария өзенінде мұз толық ұстасты. Мұздың орташа қалыңдығы 15-30 см аралығын құрады. Ал, биыл облыс ауағында ауа райының жылы болуы себебінен 1 наурыздан 20 наурыз дейін Сырдария өзені мұздан толық тазарды. Өзенде сең жүру кезінде су деңгейінің төмендігі, ұстасқан мұздың қалыңдығы өткен жылмен салыстырғанда 1,5-2,0 есеге дейін жұқа болды. Сол себепті де су шаруашылығы нысандарына және елді мекендерге қауіп төнген жоқ. Қазіргі таңда Қызылорда облысы аумағында су тасқынынан қауіп жоқ. Ахуал тұрақты. Бүгінгі күні егістікке су алу науқанының жақындауына байланысты филиал тарапынан жерге дән себілгенге дейін шабындық жайылымдықтарды суландыру жұмыстары қарқынды жүргізіліп жатыр, - деді «Қазсушар» РМК Қызылорда облысы филиалы директорының орынбасары Айдос Асанбаев.</blockquote>

 Сырдария өзеніндегі су деңгейі бірқалыпты

<a href="https://kyzylorda-news.kz/">Kyzylorda-news.kz</a> &nbsp;Бүгін қала әкімдігінің баспасөз орталығында Қызылорда қаласы бойынша Мемлекеттік кірістер басқармасы басшысының орынбасары Ашраф Жүсіпов жалпыға бірдей декларациялау туралы баяндады.2024 жылдың 1 қаңтарынан бастап жалпыға бірдей декларациялаудың 3-ші кезеңі басталды. Үшінші кезеңде заңды тұлғалардың басшылары мен құрылтайшылары және олардың жұбайлары, сондай-ақ дара кәсіпкерлер және олардың жұбайлары 2024 жылдың 15 қыркүйегіне дейін декларация ұсынуға міндеттелген. Декларацияларды «Салық төлеушінің кабинеті», «Электрондық үкімет» порталы, сондай-ақ «App Store» немесе «Play Market»-тен арқылы «e-Salyq Azamat» және «eGov mobile» мобильді қосымшаларын жүктеу арқылы тапсыруға болады.<blockquote>– «Жеке тұлғаның активтері мен міндеттемелері туралы декларациясы» (250.00-нысан) жеке тұлғалардың ҚР-ның шегінен тыс жерлерде жылжитын, жылжымайтын мүліктердің, банктік шоттардың, ҚР-дағы немесе одан тыс жерлердегі тұрғын үй құрылысына үлестік қатысу туралы келісім, заңды тұлғаның жарғылық капиталына қатысу үлесі, туынды қаржы құралдары, инвестициялық алтын, зияткерлік меншік объектілері, авторлық құқық, жеке тұлғаның екінші деңгейлі банктен бөлек дебиторлық және кредиторлық берешектерін көрсетуге және бағалау құны айлық есептік көрсеткіштің 1000 еселенген мөлшерінен асып кеткен жағдайда жеке тұлғаның қалауы бойынша басқа мүлік көрсетілуі мүмкін. Жеке тұлға активтер мен міндеттемелер туралы декларацияны табыс еткен жылдан кейінгі жылдан бастап жыл сайын кірістер мен мүлік туралы декларацияны (270.00-нысан) табыс етеді», – деді Ашраф Шағдатұлы.</blockquote>ҚР-сының Салық кодексінде белгіленген мерзімде жеке тұлғаның активтері мен міндеттемелері туралы және жеке тұлғаның кірістері мен мүлкі туралы декларациясын ұсынбаған жағдайда алдын ала ескерту беріледі. 1 жыл ішінде қайталап жасалған әрекеттер 15 айлық есептік көрсеткіш мөлшерінде айыппұл салуға әкеп соғады.Айта кету керек, 2025 жылдан бастап азаматтардың барлық санаттары декларация тапсыратын болады. Жалпыға бірдей декларациялау бойынша сұрақтар туындаған жағдайда жеке тұлғалар 1414 нөмірі бойынша бірыңғай байланыс орталығынан кеңес ала алады.

Қызылордада жалпыға бірдей декларациялаудың үшінші кезеңі басталды

<a href="https://kyzylorda-news.kz/">Kyzylorda-news.kz</a> Бүгін облыс әкімі Нұрлыбек Нәлібаев Қызылорда қаласы Жаппасбай батыр көшесіндегі көпқабатты үйден 150 отбасыға пәтер кілтін табыстады. Қызылорда облысы әкімінің баспасөз қызметі хабарлады. Аймақ басшысы жиналған жұртшылықты қоныстоймен құттықтап, ізгі тілегін білдірді.«Мемлекет басшысы Қасым-Жомарт Кемелұлы Ұлттық құрылтайда сөйлеген сөзінде «Баспана – жұрттың тұрмыс сапасын танытатын тағы бір маңызды көрсеткіш. Жеңілдетілген жаңа ипотеканың енгізілуі және жалға берілетін тұрғын үйдің көптеп салынуы құрылыс қарқынын арттырады. Құрылыс саласында жүз мыңдаған отандасымыз адал еңбек етіп жүр. Ең бастысы, бұл бағдарлама баспанаға мұқтаж көптеген адамның үй алуына жол ашады», – деп атап өткен болатын.<blockquote>Халықтың аз қамтылған тобына баспана беру, қамқорлық көрсету – еліміздің әлеуметтік-экономикалық даму бағдарының негізгі басымдығы. Өңірде бұл бағытта тындырымды тірлік атқарылуда. Өткен жылы аймақта 4 108 пәтерлік 300 тұрғын үй салынды. Нәтижесінде 2 400-ге жуық пәтер табысталып, 11 мыңнан астам тұрғынның баспана мәселесі шешімін тапты. Биыл бюджет қаражаты есебінен 13,3 млрд. теңгеге 1 269 пәтерлік 67 тұрғын үй құрылысы жүргізіледі. Алдағы уақытта бұл көлем тағы да ұлғаймақ. Жыл басынан бері 252 отбасы баспаналы болған еді, бүгін міне, өздеріңіздің қатысуларыңызбен 150 отбасы қоныс тойын тойлайды. Ендігі аптада «Сыр жастары» жеңілдетілген ипотекалық несие бағдарламасымен тағы да 60 шақты жас отбасыға баспана кілті табысталады», – деді облыс әкімі.</blockquote>Айта кетейік, бүгінгі пәтерлер мүгедектігі бар азаматтарға, толық емес отбасыларға және жетім балаларға берілді. Жаңа 60 және 90 пәтерлік көпқабатты тұрғын үйлерді «Сәт Сервис» және «СК Дәнекер» ЖШС салды.Рәсімде Айсулу Ошпанова қоныстой иелері атынан қуанышын жеткізіп, құрылыс саласының ардагері Ақмұрат Мадияров ақ батасын берді. Өңірдің әлеуметтік-экономикалық дамуына үлес қосқан тұрғындар мен құрылысты сапалы салуға атсалысқан мердігер мекеме қызметкерлері марапатталды.Қазір Қызылорда қаласы мен елді мекендерде бой көтерген әлеуметтік нысандардың сәулетті, сапалы және үйлесімді болуына баса назар аударылады. Жаңа құрылысқа қойылатын талаптардың бұлжытпай орындалуы да қатаң бақылауда.Бүгінде сол жағалаудан 300 орындық жатақханасы бар 400 орындық физика-математика мектеп-интернаты бой көтеруде. Мемлекет басшысының бастамасымен қолға алынған «Жайлы мектеп» ұлттық жобасы аясында биыл 10 мектеп ел игілігіне табысталады, тағы 11-нің құрылысы басталады. Балалар мен жасөспірімдер шығармашылығын шыңдау мақсатында «Шығармашылық академиясы», Жаңақорған, Шиелі аудандарында Оқушылар үйі мен Өнер мектептері салынады. Өткен жылы «Отбасы орталығы» және «Анаға тағзым» орталығы өз қызметін бастады. Жақында 1000 орындық «Өнер орталығы» салтанатты түрде ашылса, сол жағалаудан жаңа өлкетану музейі бой көтермек.<img src="https://knadmin.beoblood.kz/uploads/420310790_723780109943236_5319489873904163261_n_137205ae3d.jpg" alt="420310790_723780109943236_5319489873904163261_n.jpg"><img src="https://knadmin.beoblood.kz/uploads/420358793_723780199943227_8638986749662743541_n_3fc293ff35.jpg" alt="420358793_723780199943227_8638986749662743541_n.jpg"><img src="https://knadmin.beoblood.kz/uploads/420426229_723780219943225_4470843723625396397_n_712ae56306.jpg" alt="420426229_723780219943225_4470843723625396397_n.jpg"><img src="https://knadmin.beoblood.kz/uploads/424914566_723780186609895_2397095966767295747_n_32e1ce777b.jpg" alt="424914566_723780186609895_2397095966767295747_n.jpg">Фото:&nbsp;Қызылорда облысы әкімінің баспасөз қызметі

 Қызылордада 150 отбасы баспаналы болды

<a href="https://kyzylorda-news.kz/">Kyzylorda-news.kz</a> 2024 жылдың 1 қаңтарынан бастап Қазақстанда бизнесті тексеруге мораторий жойылды. Көлеңкелі экономиканың көле¬мін төмендету – ел алдында тұрған маңызды міндеттің бірі. Яғни әлдекімнің қалтасына түсіп жатқан жасырын табысты анықтап, мемлекет қоржынына түсіру маңызды мәселе.Иа, салық түсімін арттыруда тағы бір теріс әсер ететін жайт, салық есебін нөлдік көрсеткішпен тапсыру немесе табысын жасыру соңғы кездері кең етек алған.Осы жерде АҚШ-тың салық жүйесі қазіргі уақытта әлемдегі ең озық жүйелердің бірі болып табылатынын зерделедік. Қоғамның экономика¬лық белсенді топтарынан алынатын алымдар федералдық бюджеттің негізгі бөлігін қамтамасыз етеді екен. Яғни, заң қатал деген сөз. Салықты өз деңгейінде, өз дәрежесінде төлемеген жағдайда бірден барлық қызметтерге бұғат қойылып, үйден шығуға қауқарсыз болып қалады екен. Ал, Қытайдың тәжірибесіне сүйенсек, мемлекеттің негізгі тірегі – дамыған шағын және орта бизнес. Міне, ресми Пекин бизнесті дамытуға айрықша көңіл бөліп отыр, екінші жағынан, есептілікті сәтті үйлестіруде. Миллиардтар елінде бұл қалай жүзеге асуда деп ойларсыз-дар? Қытайда кәсіпкер бір рет са¬лық есептілігін нөлдік көрсеткішпен тапсырса, «сенімсіз кәсіпкер» ретінде бағаланып, жұмысына шектеу қойылады екен. Ал, бізде субсидияны миллиондап алса да, салық төлегенде сол қомақты қаржы көрсетілмейді. Бәлкім, тек өзімдікі болсын, өзгенікі «бұл болмаса күл болсын» деген тоғышарлық психологиядан әлі арыла алмай жүргендіктен болар. Мұның бағасын психологтар мен әлеуметтанушылар берер. Бір анығы, ауданда көлеңкелі экономиканың үлесі басым…Мемлекет алдында тұрған маңызды міндет – көлеңкелі экономиканың көлемін азайту. Алайда халықаралық тәжірибеде бейресми экономикамен күресудің бірегей әдіс-амалы жоқ. Әр ел өзіндегі көлеңкелі экономиканың өміршеңдігін қамтамасыз ететін себебін анықтап, соған байланысты кешенді шаралар жүргізеді. Мәселен, салық саясатын жетілдіру, шағын және орта бизнес жұмысын оңтайландыру, есірткі бизнесімен күрес, иммиграция ағымын реттеу, сыбайлас жемқорлықпен күрес және тағы басқасын атау керек.Парламент Мәжілісінің депутаты Жарқынбек Амантайұлы әлеуметтік-экономикалық жағымсыз құбылыс саналатын жасырын экономикамен күресуде халықтың қаржы мәдениетін көтеру маңызды екенін атап:<blockquote>«Сауда орындарына барғанда алған тауардың есебін көрсететін түбіртекті талап ете бермейміз. Міне, ең бірінші осыдан бастау керек. Мұны ұсақ-түйек мәселе деп қабылдайтын шығармыз. Бірақ мұның артында сауда орнының тауар айналымын нақты есептеп, салыққа төлейтін мөлшері анықталатын құрал екенін ұмытпауымыз керек» деді.</blockquote>Ақиқатында, сауда жасаған кезде түбіртекті сұрамайтынымыз белгілі. Осы ретте аудандағы сауда орталығындағы сатушылар мен тұтынушыларға сауалнама жүргіздік. Біз сұраған 20 тұрғын түбіртекті мүлде талап етпейтінін, 12-сі мұндағы саудагерлер мүлде түбіртек бермейтінін алға тартса, біз сауал жолдаған 10 саудагер алдағы уақытта касса аппаратын алатынын желеу етті. Яғни, кәсібінен нәсіп тауып отырғандар мемлекетке салық төлеуге селқос қарап, бейресми экономиканың көлемін арттыруға үлес қосуда. Мысалы, Қытай елінде сауда орнынан тауар алған адамдар түбіртекті арнайы сайтқа тіркейді. Сөйтіп, қаржысының белгілі бөлігін қайтарып алады екен. Бұл бастама халықтың түбіртек талап етуіне, сол арқылы салық түсімінің тұрақты жүргізілуіне мүмкіндік беретіні сөзсіз. Одан бөлек, Германияда көлеңке¬лі экономикамен күресте заңсыз еңбек нарығын бақылап, ең төменгі жалақыны кезең-кезеңімен көтеріп, саяси тұлғалардың қаржысын тексеріп, нәтижеге жеткенін көріп отырмыз.Салық жүйесі – мемлекеттің қаржылық қуатының басты тірегі һәм негізгі кіріс көзі. Сол арқылы мемлекет өзінің көптеген қоғамдық-әлеуметтік, саяси-экономикалық мәселелерін шешіп, азаматтарына жағдай жасап, тұрақтылығын қамтамасыз етеді. Осы мақсатта әр аймақ, әр аудан салық базасын ұлғайту шараларын үздіксіз ұйымдастыруға күш салатыны анық. Ал біздің ауданда бұл бағыттағы ахуал қандай? Жаңақорған аудандық мемлекеттік кірістер басқармасының басшысы Қалдыбек Мырзанұлы Мұсаевпен &nbsp;жолығып, сұқбаттасқан едік.<blockquote>– Салық қызметі – маңызды мемлекеттік құрылымдардың бірі болып табылады. Елдің қаржылық ахуалының тұрақтылығы ең алдымен осы саланың жемісті қызмет етуіне қатысты. Ал біздің жұмысымыздағы басты көрсеткіш бюджетке түсім болып саналады.Салық төлеу – мемлекеттің әлеуметтік құрылымына қосылған үлес. Бұл дегеніміз біз үшін маңызды саналатын мектептер, ауруханалар, балалар бақшалары, басқа да құрылыстар. Біздің көрікті көшелеріміз, жақсы демалыс орындарымыз болуы да салыққа қатысты. Ендеше әрбір салық төлеуші өз міндетін кең ауқымда ойланса дұрыс болар еді. Жаңақорған ауданы бойынша мемлекеттік кірістер басқармасымен үстіміздегі жылдың 1 тоқсанына мемлекеттік бюджет жоспары 21 156 876,0 мың теңге, түскен түсім – 20 650 375,4 мың теңге болып, жоспар 97,6 пайызға, яғни бекітілген болжам 506 500,6 мың теңгеге кем орындалды. Ал, былтырғы жылдың 1 тоқсанымен салыстырғанда 126,2 пайыз немесе 4 284 318,8 мың теңгеге артып орындалып отыр. Жергілікті бюджетке &nbsp;2 109 031,6 мың теңге түсім түсіп, 201,7 пайызға орындалды немесе 1 063 376,6 мың теңгеге артық түсті. Өткен жылдың 1 тоқсанымен салыстырғанда өсу қарқыны 119,6 пайыз немесе 345 310,7 теңгеге артық орындалды. Аудандық бюджетке 1 368 759,3 мың теңге түсіп, 133,9 пайызға орындалды яғни 346 874,3 мың теңге түсім артық түсті. Өткен жылдың 1 тоқсанымен салыстырғанда өсу қарқыны 122,9 пайыз немесе 255 363,8 мың теңгеге артық орындалды. Жыл қорытындысымен болжамның толық және сапалы орындалуына жұмыс жасалуда.Аудан бойынша мемлекеттік кірістер басқармасында жалпы шағын және орта кәсіпкерлік субьектілері бойынша 745 заңды тұлға, 5554 дара кәсіпкер және 1021 шаруа қожалығы тіркеу есебінде тұр. Шыны керек, қазір аудан көлемінде заңсыз сауда, яғни салық төлеуден жалтарып, кірістер басқармасына тіркелмейтіндер көп. Көлеңкелі экономиканың тежеу жолы бірінші салық органына тіркелмей жұмыс жасайтын тұлғаларды тіркетіп тиісті салығын төлету. 2023 жылдан бастап кәсіпкерлік субъектілеріне тексеру жүргізуге мораторий алынып тасталған. Сонымен қатар айналым сомасынан, яғни табысынан төленетін салықты төлеу міндеттелген. Алайда 2023 жылдың қорытындысымен тапсырған салық есептілігі бойынша 5301 салық төлеушінің 1640 салық төлеушісі салық есептілігін тапсырмағаны анықталып отыр. Осыған байланысты Жаңақорған ауданы бойынша мемлекеттік кірістер басқармасы 1640 салық төлеушіге бұзушылықты қалпына келтіру үшін хабарлама шығарылды. Хабарламаны орындамаған жағдайда банкілік есеп шоты жабылып тиісті шарасы қарастырылады. Содай-ақ, 630 салық төлеуші салық есептілігін 0-мен тапсырганы анықталып аталған салық төлеушілермен жұмыстар жасалуда. Камералдық бақылау жұмыстар нәтижесінде 37 салық төлеушіге 56 797,2 мың теңге бұзушылықты қалпына келтіру үшін хабарлама шығарылып, оның республикалық бюджеттен 13 салық төлеушіден 28 284,6 мың теңге, жергілгілікті бюджеттен 4 салық төлеушіден 1 103,3 мың теңге қосымша салық өндірілді.&nbsp;Дара кәсіпкер ретінде тіркелмеген тұлғаларға тексеру жүргізілуде. 2024 жылы 5 тұлға анықталып шара көруге сотқа жолданды. Өздеріңізге белгілі қазіргі таңда ауданда сауда орындары көптен салынуда. Алайда кәсіпкерлік мақсаттағы мүлік салығын төлеуге асығар емес. Осыған байланысты барлық ғимараттардың есебі уәкілетті орган алынып түгелдеу жұмыстары жүргізілуде. Бұзушылық анықталған жағдайда хабарлама шығарылып банкі есеп шоты жабылатын болады.Сондай ақ тексеруге маратория аяқталғанымен барлық кәсіпкерлерге тексеру жүргізіле бермейді. Тек тәуекелі жоғары салық төлеушілерге, яғни мерзімінде салық есептілігін тапсырмаған, хабарламаны орындамаған, карызын уақтылы төлемеген салық төлеушілерге ғана тексеру жүргізілуі мүмкін. Сонымен қатар ірі сауда орындарының тарсырған Салық есептілігіне талдау жүргізіліп табысын аз көрсеткен жағдайда хронометраждық тексеру жүргізіледі.Салық жүйесі – мемлекеттің қаржылық қуатының басты тірегі һәм негізгі кіріс көзі. Сол арқылы мемлекет өзінің көптеген қоғамдық-әлеуметтік, саяси-экономикалық мәселелерін шешіп, азаматтарына жағдай жасап, тұрақтылығын қамтамасыз етеді. Сондықтан азаматтарынан салық алмайтын мемлекет жоқ. Оның ішінде әр аймақ, әр аудан салық базасын ұлғайту шараларын үздіксіз ұйымдастыруға күш салатыны анық.</blockquote>&nbsp;

Салық көлемін ұлғайту – маңызды міндет

<a href="https://kyzylorda-news.kz/">Kyzylorda-news.kz</a> Қазақ эстрадасының жарық жұлдызы Мадина Сәдуақасова елімізде болып жатқан жағдайға бей-жай қарамай, су тасқынына зардап шеккендерге қаржылай көмек көрсетті. Өнер иесі ақша жинаумен айналысып жатқан танымал қорға 1 млн теңге аударған, деп жазады <a href="http://kaz.nur.kz/">KAZ.NUR.KZ.</a>Мадина Сәдуақасова қиын жағдайда қалған отандастарына қол ұшын созып, гуманитарлық көмекке қомақты қаржы аударды.Шоу-бизнес жұлдызы бұл туралы Instagram парақшасында хабарлады.Өнер иесі бұл тек бастамасы екенін алға тартып, халыққа көмектесуді әлі жалғастыратынын жеткізді. «Елімізде бұндай табиғи апат бұрын- соңды болмаған. Бұндай қиын кезеңдерде бір бірімізге қол ұшын беріп, демеу болайық.Суға кеткен өңірлерде құтқару жұмыстарын жүргізіп жатқан азамат пен азаматшаларға мың алғыс. Гуманитарлық пен қаржылай көмек көрсетіп жандарға Алла разы болсын! Біздің отбасы да өз үлесін қосып, қорға 1 млн теңге аудардық! Бұл тек бастамасы, қолымнан келгенше, әлде де көмек беруді тоқтатпаймын, жалғастырамын. Аллам Қазақстанның әр өңірін табиғи апатынан сақтасын», – деп жазды әнші.Фото: ашық дереккөз

«1 млн теңге»: Мадина Сәдуақасова су тасқынынан зардап шеккендерге қаржылай көмек көрсетті

<a href="https://kyzylorda-news.kz/">Kyzylorda-news.kz</a> &nbsp;Қызылорда облыстық төтенше жағдайлар саласының мамандары қазір Қостанай және Ақтөбе облыстарында тасқын суға қарсы күрес жұмыстарын <a href="https://kaz.inform.kz/news/kizilordalik-kutkarushilar-aktobe-men-kostanay-oblisina-attandi-e63f4e/">жүргізіп келеді</a>.Бүгінде Қостанай және Ақтөбе облыстарында қызылордалық 66 құтқарушы қызметін атқарып жүр. Олардың еншісінде 9 арнайы техника, 4 қайық, 20 мотопомпа бар.<blockquote>«Ал еріктілер барлық аудан мен Қызылорда қаласынан 112 тонна гуманитарлық көмекті Ақтөбе қаласы мен Қобда ауданына 25 жүк көлігімен жөнелтті. Оның ішінде ақтөбелік тұрғындарға қажетті азық-түлік, көрпе-төсек, гигиеналық құралдар, дәрі-дәрмек, құрылыс заттары бар. Оған қоса Ақтөбе облысында ашылған есепшоттарға көмек ретінде қомақты қаржы аударылды. Тасқыннан зардап шеккен басқа өңірлерге де гуманитарлық көмек көрсету үшін «Жастар орталықтары» жанынан, сауда үйлері мен базарлардан пункттер ашылған. Бұл бастаманы Сыр өңірінің жанашыр азаматтары мен еріктілер қолдап, өз үлестерін қосуда», – деп мәлім етті Қызылорда облысы әкімдігінен.</blockquote>Фото: Қызылорда облыстық ТЖД

Қызылордалық құтқарушылар Ақтөбе мен Қостанай облысына аттанды

<a href="https://kyzylorda-news.kz/">Kyzylorda-news.kz</a> Қызылорда облысында 177 жер учаскесі мемлекет меншігіне қайтарылды. Олардың біррқатары мақсатты пайдаланылмаған болса, қалғанында тиісті заңнаманың бұзылғаны анықталып, тіркелген, деп хабарлады <a href="https://kaz.inform.kz/news/kizilorda-oblisinda-177-zher-uchaskes-memleket-menshgne-kaytarildi-eee2b4/">Қазақпарат</a>.Облыс көлемінде былтыр мақсатты пайдаланылмаған немесе оған қатысты заңнаманы бұзылуы тіркелген 177 жер учаскесі мемлекет меншігіне қайтарылды. Олардың жалпы аумағы 225,4 мың гектар. Оның ішінде егістігі 1,4 мың гектарды шамаласа, жайылымы – 223,9 мың гектар.<blockquote>«Былтыр ауыл шаруашылығы айналымына 76,1 мың гектар енгізілді. Биыл 70 мың гектар пайдаланылмай жатқан ауыл шаруашылығы мақсатындағы жерлерді мемлекетке қайтару көзделіп отыр. Жыл басынан бері көлемі 11 237 гектар 23 жер учаскесі мемлекет меншігіне қайтарылды. Ауыл шаруашылығы айналымына 36,9 мың га көлемде енгізілді», – деп мәлім етті Қызылорда облыстық Ауыл шаруашылығы және жер қатынастары басқармасы.</blockquote>Ведомство мәліметінше, облыс бойынша өзіндік қосалқы шаруашылықтардағы 1538 мың бас шартты мал басына 1966,5 мың гектар жайылым алқабы қажет. Өңірдегі 146 ауылдық округтің 97 округі жайылыммен толық қамтамасыз етілген.Фото: Виктор Федюнин/Kazinform

Қызылорда облысында 177 жер учаскесі мемлекет меншігіне қайтарылды

&nbsp;<a href="https://kyzylorda-news.kz/">Kyzylorda-news.kz</a>&nbsp;Су ресурстары және ирригация министрлігінің ресми өкілі Мөлдір Абдуалиева ел аумағындағы су қоймаларының қазіргі жағдайымен таныстырды.Бұл туралы <a href="https://kaz.inform.kz/news/elmzdeg-su-koymalari-taskinga-totep-berp-zhatir-ma-869189/">Kazinform</a> хабарлады.&nbsp;Қостанай облысыҚостанай облысының Қаратомар су қоймасынан секундына 3250 текше метр су жіберіліп, 99% толды. Су қоймасы транзиттік режимде жұмыс істеп жатыр, су жіберу көлемі ұлғаюы мүмкін. Қостанай облысында су тасқыны жалғасып жатыр. Қазіргі уақытта министрлік пен әкімдік қызметкерлері су жіберу бойынша бірлесіп жұмыс істеп жатыр.Солтүстік Қазақстан облысыСолтүстік Қазақстан облысында Сергеев су қоймасынан секундына 3820 текше метр су жіберіледі. Петропавл су қоймасынан секундына 73 текше метр су жіберіліп жатыр, екі су қоймасы да 100% толды. Облыста су тасқыны жалғасып жатыр. Қазір бұл өңірде Су ресурстары және ирригация министрі Нұржан Нұржігітов су өткізуді реттеу жұмысын жеке қадағалап жүр.Ақмола облысыАстана су қоймасы транзиттік режимге көшті. Қазір секундына 400 текше метр су жіберіліп жатыр және сол көлемде тағы су келіп жатыр. Ақмола облысының Селетин су қоймасынан секундына 150 текше метр су жіберіледі, қазір су қоймасы 99,4% толды.Батыс Қазақстан облысыӨңірде әлі күнге дейін Шаған өзені деңгейінің көтерілуі байқалады, мұнда секундына 680 текше метр су жіберіліп жатыр, Деркөл өзені бойынша су деңгейі төмендеді. Жайық өзенінде су тасқынының екінші толқыны болуы мүмкін.Су ресурстары және ирригация министрі Нұржан Нұржігітовтің ресейлік әріптестерімен алмасып жатқан деректеріне сүйенсек, бүгінде Ириклин су торабынан секундына 1680 текше метр су жіберіледі. Ең жоғарғы қарқын 4 сәуірде болған, секундына 2600 текше метр.Су ресурстары және ирригация министрлігінің қызметкерлері Батыс Қазақстан және Атырау облыстары әкімдіктерінің мамандарымен бірге Жайық өзенінің арнасын тазарту және су басуды азайту үшін кептелістің алдын алу бойынша жұмыс жүргізіп жатыр.Ақтөбе облысыҚазіргі уақытта Ақтөбе облысының су қоймасында жағдай тұрақты. Нысан 97% толды, секундына 50 текше метр су жіберіліп жатыр. Қарғалы су қоймасы транзиттік режимде жұмыс істеп тұр. Су қабылдау және өткізу көлемі секундына 350 текше метр.Шығыс Қазақстан облысыКелесі аптаның басында Шығыс Қазақстан облысының су қоймаларында су тасқыны белең алады деп болжанып отыр. Бұқтырма су қоймасына күтілетін орташа ағын 1780-2720 млн текше метр, Шүлбі су қоймасына – 2380-3730 млн текше метр.Сонымен қатар Ертіс өзені бойынша су ағыны болуы мүмкін. Сондықтан Абай, Шығыс Қазақстан және Павлодар облыстарында әкімдіктер мен Су ресурстары және ирригация министрлігінің қызметкерлері су өткізу және тұрғындардың қауіпсіздігін қамтамасыз ету бойынша қажетті іс-шараларды атқарып жатыр.Қарағанды облысыҚарағанды облысының су қоймаларында су тасқынының шарықтау кезеңі өтті, су қоймалары транзиттік режимге көшті. Су қоймалары арқылы өзендердің ағынын реттеу нәтижесінде Қарағанды облысындағы су қоймаларынан төмен орналасқан елді мекендерді су басу қаупі барынша азайды.«Бүгінгі таңда негізгі күш өзендердің ағынын реттеу және тасқын суын өткізу үшін барлық гидротехникалық құрылыстар мен су қоймаларының қауіпсіз жұмысын қамтамасыз етуге бағытталған. Барлық су шаруашылығы нысандарында тәулік бойы кезекшілік ұйымдастырылып, су шаруашылығы жағдайына сағат сайын мониторинг жүргізіліп жатыр. Сондай-ақ су қоймаларынан су жіберу жөніндегі соңғы мәліметтер әкімдіктер және жедел штабқа сағат сайын жіберіліп жатыр», – деп толықтырды аталған ведомствоның ресми өкілі М.Абдуалиева.Фото: Ақерке Дәуренбекқызы/Kazinform

Еліміздегі су қоймалары тасқынға төтеп беріп жатыр ма? 

&nbsp;<a href="https://kyzylorda-news.kz/">Kyzylorda-news.kz</a>&nbsp; Мемлекет басшысы Қасым-Жомарт Тоқаев облыстар мен қалалардың әкімдеріне аумақтарды абаттандыру, көгалдандыру жөнінде бірқатар тапсырма берді. Облыстар мен қалалардың әкімдеріне көшелерді тазарту, көгалдандыру және елді мекендердің аумақтарын абаттандыру науқанын бастауды тапсырды және жолдарды ретке келтіру міндеті жүктелді.&nbsp;Сонымен қоса еліміздің әрбір өңірін абаттандыру мен көгалдандыру жұмыстарына қоғамның бірлесе жұмылуы өте&nbsp;маңызды екендігін ерекше атап көрсетті. Президенттің айтуынша, елді мекендер мен қоғамдық демалыс орындарын күтіп-баптау әкімдер қызметін бағалаудың тағы бір өлшемі болмақ. Жалпы, өңірлердің басшылары қалаларды лайықты және тартымды жағдайда ұстау мәдениетін енгізуі керек.&nbsp; &nbsp; Осыған сәйкес биыл аудан орталығы Тереңөзек кентінде тұрғындарға жайлы және қолайлы өмір сүру ортасын қалыптастыру мақсатында көпқабатты үйлердің ауласы абаттандырылады. Бұған дейін осы мәселе жөнінде аудан әкімі көпқаббаты үй тұрғындарының ұсыныс-пікірлерімен танысқан болатын.&nbsp; &nbsp; – Балалар ойын алаңы салынып балалар өте қатты қуанатын болды. Ауламыздың көркейіп, өзгеруіне тұрғындар да дән риза. Ауламызда кешкілік балаларды ойнатып, серуендеуге қолайлы жағдай жасаланатыны тұрғындарды қуантады. Көпқабатты үй тұрғындарын ауламызды бірлесе таза әрі ұқыпты ұстауға шақырамын, – дейді көпқабатты үй тұрғыны.&nbsp; &nbsp; Көпқабатты үйдің ауласын абаттандыру жұмыстарын мердігер мекеме «СПК Бірлік» ЖШС-і атқаруда. Бүгінгі күнге, жол жиектерін орналастыру жұмыстары қарқынды түрде жүргізілуде.&nbsp; &nbsp; Алдағы уақытта көпқабатты тұрғын үйдің ауласын абаттандыру жұмыстары аясында мердігер мекеме аумақтарды тегістеу және тазалау, абаттандыру, жолдарды, автотұрақтармен тротуарларды асфальтпен жабу, балалар ойын алаңдарын және тынығу алеясын орналастыру және тағы да басқа бірқатар жұмыстар атқарылатын болады.

Қазақстан және Қызылорда облысының жаңалықтары: Экономика