<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев АҚШ-тың Қазақстандағы Төтенше және Өкілетті Елшісі Дэниел Розенблюммен және USAID Халықаралық даму агенттігі өңірлік миссия директорының орынбасары Моник Мосольфпен кездесті.Басқосуда аймақ басшысы Қазақстан мен Америка Құрама Штаттары арасында 30 жылдан бері ашық әрі сенімді өзара қарым-қатынас қарқынды дамығанын атап өтті.<blockquote>«Бүгінгі күні Қазақстан мен АҚШ арасында екіжақты қарым-қатынастың барлық бағыттары бойынша кеңейтілген стратегиялық серіктестік орнатылған. Жоғары деңгейдегі тұрақты ресми кездесулер, өзара сауда-экономикалық қатынастың қарқынды дамуы оның айқын дәлелі деп білеміз. Өткен жылдың қорытындысына қарағанда, Қызылорда облысы мен Америка Құрама Штаттары арасындағы тауар айналымы 10,1 млн. АҚШ долларын құрап, алдыңғы жылдың сәйкес кезеңімен салыстырғанда 3,7 есе өскен.Әлемдік қауымдастық Арал теңізінің тартылуын адамзат тарихындағы экологиялық дағдарыстың бірі ретінде бағалады. Құрғаған теңіздің зардабы тек өңірге немесе бір елге ғана емес, барша әлемге тиюде. Осы іссапарда Аралдың қазіргі жағдайымен және атқарылған жұмыстармен арнайы танысқандарыңыз, Аралды құтқару ісіне қосқан елеулі үлестеріңіз үшін алғысымызды білдіреміз», – деді облыс әкімі.</blockquote>Айта кетейік, 2021-2023 жылдары USAID Халықаралық даму агенттігінің «Оазис» жобасы шеңберінде Арал теңізінің құрғаған ұлтанындағы экожүйені қалпына келтіру мақсатында 150 гектар жерге сексеуіл тұқымы себіліп, көшеттер отырғызылды, 500 метр тереңдікте су ұңғымасы қазылып, пайдалануға берілді.Еске салсақ, Мемлекет басшысы 2021-2025 жылдар аралығында Арал теңізінің құрғаған ұлтанындағы 1,1 млн. гектарға сексеуіл екпелерін егуді тапсырған болатын. Биыл 276,2 мың гектар аумақта осы бағыттағы жұмыстар жоспарланған. Қазір 65 мың гектар ұлтанға 19,4 млн. сексеуіл көшеті отырғызылды, алдағы жылы 280 мың гектар алқапқа егіледі.Бүгінгі кездесуде АҚШ елшісі Америка мен Қазақстанның өзара тиімді әріптестігін әрі қарай дамытуға мүдделі екенін жеткізді.Өңірге жұмыс сапары барысында Дэниел Розенблюм Қызылорда облысының су шаруашылығы нысандарымен, USAID Oasis жобасының жүзеге асырылу барысымен танысты.

Облыс әкімі АҚШ Елшісімен кездесті

<a href="https://kyzylorda-news.kz/">Kyzylorda-news.kz.</a> Облыс әкімі Нұрлыбек Нәлібаевтың төрағалығымен өңірдің өзекті мәселелері талқыланған жедел мәжіліс өтті. Жиында санитарлық тазалық және көгалдандыру-абаттандыру жұмыстарының атқарылуы, салынатын нысандардың құрылыс сапасы, әр сала бойынша түйткілді мәселелер қаралды. &nbsp;Аймақ басшысы қалаға ыстық су жүйесін орнату, экотакси қызметін ұйымдастыру, автобус паркінің жұмысын үйлестіруде халықтың талап-тілегін ескеру, қоғамдық көліктердің жолаушыларға қалтқысыз қызмет көрсетуін күнделікті бақылауда ұстауды тапсырды. Жауапты басшылар жалпы қоғамдық маңызы бар мәселелерге әрдайым сергек қарауы тиіс.&nbsp; Айта кетейік, қазіргі таңда облыс орталығындағы 153 көпқабатты тұрғын үйдің 70-і ыстық су қосуға дайын, тұрғындармен келісім-шарт жасалуда. Бұл жұмыстарға 140 млн. теңге бөлінген.&nbsp; Қалада жолаушыларға арзан бағамен тасымал қызметін көрсету үшін 1 млрд. теңгеге 100 экотакси алынуда. Электр қуатымен жүретін көліктер ортақ желі арқылы жұмыс жасайды. Сондай-ақ, жаңадан салынған «Қорқыт Ата» әуежайына кірерберіс жол салынуда. Ауласы абаттандырылып, көгалдандыру жұмыстары жүргізілуде. Нұрлыбек Машбекұлы жол құрылысын сапалы жүргізіп, мерзімінде аяқтауды ескертті. Жауапты тұлғалар көтерілген мәселелер бойынша жағдайды баяндап, оларға тиісті тапсырмалар берілді. Фото: Қызылорда облысы әкімінің баспасөз қызметі

Жедел мәжілісте өңірдің өзекті мәселелері талқыланды

<a href="https://kyzylorda-news.kz/">Kyzylorda-news.kz</a>&nbsp; Облыста әлеуметтік маңызы бар азық-түлік тауаларының бағасын тұрақтандыру бағытында түрлі шаралар қолға алынуда. Осы жұмыстардың нәтижесінде бүгінде әлеуметтік маңызы бар азық-түліктер, оның ішінде пияз – 30 теңгеден тұрғындарға сатылуда. Бұдан бөлек, жыл басынан бері әлеуметтік маңыздағы 6 өнімнің бағасы біршама төмендеген. Атап айтқанда, қарақұмық – 26 пайызға, күнбағыс майы – 15,7 пайызға, пияз – 9,5 пайызға, ұн – 7,7 пайызға, тұз – 1,9 пайызға, макарон өнімдері –0,7 пайызға төмендеді. Жалпы бүгінде тұрақтандыру қорында 3 650,7 тонна азық-түлік өнімі бар. Бұл туралы Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасының басшысы Талғат Дүйсебаев хабарлады.<blockquote>– Жыл басынан бері әлеуметтік маңызы бар азық-түлік тауарларының бағасының өсу индексі – 99,2 пайызды құрап отыр. Жалпы, облыста әлеуметтік маңызы бар азық-түлік өнімдерінің бағасын бірқалыпты ұстау үшін тұрақтандыру қорының тауарлық интервенциялары мен айналым схемасы негізінде кәсіпкерлік субъектілеріне заем беру арқылы жүргізілуде. Бүгінде тұрақтандыру қорында 43,2 тонна - қарақұмық, 22,3 тонна - қырыққабат, 62,6 - тонна картоп өнімі, 137,4 - тонна сәбіз, 150 - тонна пияз, 1,2 - тонна макарон, 99,4 - тонна күнбағыс майы, 2113,6 - тонна ұн бар. Сондай-ақ, былтырғы жылдың күзгі өнімінен форвардтық негізде 4 982 тонна көкөніс өнімін сатып алу жөнінде келісім жасалды. Қазіргі таңда бұл өнімдердің 1450,4 тоннасы жеткізілді. Бұдан бөлек, Түркістан облысының дихандарымен сәуір, мамыр, маусым айларында қырыққабат өнімін 10-20 пайыз төмен бағамен сатып алу жөнінде келісім жасалды. Сонымен қатар, нан бағасын негізсіз өсірмеу мақсатында тұрақтандыру қорына 7 339 тонна ұн сатып алынды. Қазіргі таңда облысқа жеткізілген ұн өнімдері наубайханаларға таратылуда. Бағаны тұрақтандыру мақсатында қабылданған шаралардың нәтижесінде, өңірде әлеуметтік бөлке нанның орташа бағасы – 99 теңгені құрап отыр.</blockquote>Азық-түлік тауарларының бағасын нарықтан төменгі бағада сату үшін қала және аудандарда жәрмеңкелер өткізілуде. Мәселен, жыл басынан бері 104 ауыл шаруашылығы өнімдерінің жәрмеңкесі ұйымдастырылып, тұрғындарға әлеуметтік маңызы бар азық-түліктер төменгі бағада сатылды.–Тұрақтандыру қорында әлеуметтік маңызы бар азық-түлік қоры жеткілікті. Қазіргі таңда жеткізілген тауарларды 35 әлеуметтік және 8 ірі сауда дүкендерге таратудамыз. Қазіргі таңда пияз – 30 теңгеден, ал жұмыртқа – 50 теңгеден сатылуда. Алдағы уақытта басқа да әлеуметтік маңызы бар тауарлардың бағасын төмендету бағытында жұмыстар жалғасуда. Сондай-ақ, облыс әкімінің тапсырмасы негізінде барлық аудандарға жуа, картоп, сәбіз өнімдерін тиімді бағада жеткізу бойынша жұмыстар жүргізілуде, -деді «Байқоңыр» ӘКК АҚ-ның тұрақтандыру қоры басқармасының басшысы Мейрамбек Серікбай.Фото: Қызылорда облысының Өңірлік коммуникациялар қызметі

Тұрақтандыру қорында 3 650,7 тонна өнім бар

&nbsp; Облыста балық шаруашылығын дамытып, су маржандарын қорғау мақсатында наурыз айынан бастап «Таза су айдындары» табиғат қорғау акциясы мен «Уылдырық шашу» балық қорғау акциясы жүргізілуде. Бұл науқан мамыр айына дейін жалғасады деп жоспарлануда. Бұл туралы Өңірлік коммуникациялар қызметінің ақпарат алаңында Арал-Сырдария облысаралық бассейндік балық шаруашылығы инспекциясы басшысының орынбасары Жанқожа Сапаров мәлімдеді.<blockquote>– Өздеріңізге белгілі, Қызылорда облысында балық шаруашылығын өңірлік дамытудың 2030 жылға дейін бағдарламасы қабылданған еді. Бағдарлама аясында 2030 жылға қарай облыста 16 мың тонна тауарлы балық өсіру көлеміне жеткізу межеленген. Бүгінгі күннің өзінде бағдарлама индикаторын орындауда оң нәтиже бар. Өңірлік бағдарлама аясында облыс бойынша 76 тауарлы су айдыны, 8 тоған шаруашылығы және 2 тұйық сумен қамтамасыз етілген. Өткен жылы өңірде 837 тонна тауарлы балық өндірілсе, биыл 1 000 тонна тауарлы балық аулау жоспарланып отыр. Сонымен қатар, облыста «Таза су айдындары» науқаны наурыз-мамыр айлары аралығында жүргізіледі. Акция басталған уақыттан бері инспекция бойынша тазалау жұмыстарына 100 адам қатысып, 6 арнайы техника мен 6 шағын көлемді жүзу құралдары қамтылып, 10 тоннаға жуық әр түрлі қоқыстар мен суда қалған 35 дана аулардың қалдықтары жиналды. Ал, «Уылдырық шашу» кезеңінде облыстағы су айдындарында балық ресурстарын пайдалануға шектеу қойылды. Сондай-ақ, Тұщыбас, Чернышева шығанақтарын қоса алғанда, Үлкен Арал теңізінде 1 сәуір мен 31 шілде аралығында артемия жұмыртқаларын жинауға және дайындауға тыйым салынған. Акция барысында құқық қорғау органдарымен берлесіп, күшейтілген рейд жұмыстары ұйымдастырылатын болады,- деді Жанқожа Рамбердіұлы.</blockquote>Фото: Қызылорда облысының Өңірлік коммуникациялар қызметі &nbsp; &nbsp; &nbsp; &nbsp;&nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;&nbsp;

Облыста су маржандарын қорғау акциясы жүргізілуде

<a href="https://kyzylorda-news.kz/">Kyzylorda-news.kz</a> &nbsp;Көктем келді. Енді егін жұмыстарының да кезегі жақындады. Осы айдың аяғы, ары кетсе, келер айдан бастап, диқандар дән себуді бастайды. Қыстың қамын жазда ойлайтын халқымыз егін-тегіннің жайын ерте ойлап, жердің де, аяқсудың да алдын алуды әдетке айналдырған.Кеше ғана қамбаны астыққа толтырып, «Алтын күз» мерекесін тойлаған еңбекшіл қауым қысқы демалыстан соң дала жұмысына қайта кірісіп кетті. Таң атпай кетпенін асынып, жерден несібесін жинағандар егістік алқабын егінге дайындау үстінде. Өткен жылдан қалған қалдықтар өртеліп, жер өңдеу, оны тегістеуде атыздықтарда техникалар тізіліп жүр. Биыл да мол өнім алуға үмітті диқандар осылайша көктемгі егін егу жұмыстарын жүйелі жүзеге асырудың қамын жасауда.Халық тәмсілінде «Көктемнің әр күні жылға азық» деген бар. Қазір жұмыстың нағыз қызған шағы. Күн жылынып, жер арқасы жібіген шақ шаруа адамының да білек сыбана қарбалас тірлікке кірісетін кезі. Сәл кешіксе болғаны, еңбегі еш кететінін қаперге ұстайтын шаруалар тамшылата тер төгіп, егіс алқаптарында таң сәріден, кеш батқанша еңбек етуде.«Не ексең, соны орарсың» деп тегін айтылмаған. Көктемгі тынымсыз еңбектің өтемін күзде, жиын-терім кезінде көретініміз айдан анық. Осыған орай, Қазалы ауданындағы шаруақожалықтары қызу жұмысқа кірісіп кетті. Бұл ретте, тиісті сала мамандарының мәліметінше, аудан бойынша 17377 гектар жерге ауыл шаруашылығы дақылдарын орналастыру жоспарлануда. Көктемгі дала жұмыстарына 291 дана ауыл шаруашылығы техникасы қатысады.Қазалы ауданы әкімі Мейрамбек Зинабдинұлы көктемде келетін мол суды тиімді пайдаланып, егіске жарату бағытында шаралар қабылдауды тапсырды. Сондай-ақ, тұқым дайындау, жанар-жағармай қорын қалыптастыру, техникалардың әзірлігі мәселелерін алдын ала пысықтады. Солардың қатарында "Агро-Өркен" жауапкершілігі шектеулі серіктестігінің егіс алқабы дала еңбеккерлерінің тынымсыз тірлігімен жандануда. Қазалы қаласынан 20-30 шақырым қашықтықта орналасқан Қожабақы ауылындағы бөлінген егістік алқабына күріш, жоңышқа мен бидай егу жоспарда бар. Мұндағы басты талап – темірдей тәртіп пен жұмысқа деген аса жауапкершілік. Сонда ғана, діттелген жоспарлар жүзеге асып, жақсы өнім алынады. Бұл үшін қаншама жан-тәнімен берілген еңбек пен аянбай төгілген тер жұмсалады. Халықтың алғысын алып отырған серіктестік өзге диқаншылармен қатар биыл егін егуге әзірлікті бастап кетті.«Агро-Өркен» жауапкершілігі шектеулі серіктесігі бойынша есепте барлығы 1800 гектар тегістелген жерге 5 ауыспалы егістік ротациялық кестеге сай егіс орналасқан. Биыл барлығы 1703 гектардан жоғары жерге ауыл шаруашылығы дақылдарын орналастыру межеленген. Оның ішінде, 720 гектар жерге күріш дақылын, 487 гектар жерде көне жоңышқа, 296 гектар жерге жаңа жоңышқа, 200 гектар жерге бидай егу жоспарлануда.Бүгінде 15 шақырым су арналарына арналған арықтар экскаватор арқылы қазылып, тіршілік нәрінің жолдары ашылды. «Мағжан и К» жауапкершілігі шектеулі серіктестігімен келісім шартқа отырып, 160 тонна бірінші репродукциялы «Янтарь» &nbsp;тұқымы мен 3,5 тонна бірінші репродукциялы «Семиреченская местная» жоңышқа &nbsp;тұқымы алынды. «BayDala» жауапкершілігі шектеулі серіктестігімен арадағы келісім шарт арқылы – 67 тонна аммофос пен 345 тонна аммоний сульфаты тыңайтқышқа қол жеткізілді.«EXPLANTA» жауапкершілігі шектеулі серіктестігінің келісім шартымен «Солито, каратэ атты гербицидтер алу жоспарлануда. «Жібек жолы ЛТД иК» жауапкершілігі шектеулі серіктестігімен келісім шартқа отырып, жанар жағар май алынды.Шаруашылықта техникалар базасы көңілді көншітеді. Атап айтқанда, 3 дана – ХТЗ, 3 дана-К700А(701), 3 дана –&nbsp;автомашина, &nbsp;3 дана - Камаз, 3 дана - ЖРК - 5 жаткалары бар. Сонымен қатар 1 дана - МТЗ-80 малютка экскаваторы, 6 дана - МТЗ-80, 2 дана - Трактор AXION &nbsp;ауылшаруашылық техникалары жұмыс жасауда. Ал, күріш жинайтын техникадан &nbsp; &nbsp; &nbsp;Магдон, 4 дана - Енисей-1200, 2 дана - Класс комбайндары қызметке жарап тұр. Бұл комбайндар «Казагрофинанс» жауапкершілігі шектеулі серіктестігі арқылы лизинге алынған.Егіске керекті жанар-жағар май алынып, толықтай қамтамасыз етілген. &nbsp; Шаруашылық 50 адамды жұмыспен қамтып отыр. Егіс егу және жинау кезінде 70 адамдай жұмыспен қамтылады.Былтыр егін жинау барысында 750 гектардан орта есеппен 50 центнер өнім жинап, қамбаға 3750 тонна астық құйылды. Оның ішінде, күріш өсіруші Сәденов Өмірхан өзіне бекітілген 52 гектар жерден 66,9 центнерден өнім жинап, қамбаға 349 тонна астық құйған.&nbsp; &nbsp; &nbsp; &nbsp; &nbsp;Егілген 145 гектар бидайдан әр гектарына 7,2 центнер өнім алып, қамбаға 1044 центнер бидай құйған. Оның ішінде, бидай өсірушісі – Жолдыбаев Орақбай өзіне бекітілген 56 гектар жерге бидай егіп, 10,6 центнерден өнім жинады. Сонымен бірге, қамбаға 59 тонна бидай жинаған. Бекітілген – 257 гектар жерге егілген жаңа жоңышқадан 73000 дана жоңышқа шөп бастырған. «Агро-Өркен» жауапкершілігі шектеулі серіктестігі салық есептіліктерін уақытылы тапсырып отырады, қызметкерлердің еңбек жалақысына қарызы жоқ. Жыл сайын ұйымдастырылатын «Мектепке жол» акциясына қатысып, мектеп балаларына демеушілік көмек жасап отырады. 2021 жылы егін жинау барысында 700 гектардан орта есеппен 60 центнер өнім жинап, қамбаға 4200 тонна астық құйылды. Осы жылдың егін жинау қорытындысы бойынша II-дәрежелі дипломмен марапатталды.Есқожаев Медеу Бердібайұлы Қазақстан Республикасы Президенті Қ.Тоқаевтың «Құрмет Грамотасымен», &nbsp;Қазақстан Республикасының Тәуелсіздігінің 30 жылдығы мерекесіне орай, Қызылорда облысы әкімі Г.Әбдіқалықованың «Алғысымен» марапатталды.&nbsp; &nbsp; &nbsp; &nbsp; «Алтын-дән» мерекесіне орай, «Агро-Өркен» жауапкершілігі шектеулі серіктестігінің директоры Есқожаев Медеу Бердібайұлы мол өнім жинаған екі күріш еккен күріш өсірушіге Шүленбаев Ғибарат Мархабатұлы және Шайықов Амангелді Нұрмашұлына 2 автокөлік және механизатор – Қошқарбаев Жеңіс Нұрмағамбетұлына 500000 теңге ақшалай сыйлық, ақ егіс бригадирі – Жәми Мейрамбек Қазиұлына 500000 теңге ақшалай сыйлық және егіс бригадирі – Шайық Кеңес Нұрмашұлына 1 000 000 теңге ақшалай сыйлық табыстады. 2022 жылы 600 гектар жерге қара күріш сеуіп, әр гектарына 50 центнерден өнім жинап, қамбаға 3000 тонна астық құйған. Осы жылы Есқожаев Медеу Бердібайұлы Қазалы ауданы әкімі Мұхтар Оразбаевтың «Алғысымен», Қазақстан Республикасы оқу ағарту министрі Асхат Аймағамбетовтың «Алғыс хатымен» марапатталды.2022&nbsp;жылы &nbsp;Қызылорда облысы бойынша «Алтын-Дән» қорытындысы бойынша «Агро-Өркен» жауапкершілігі шектеулі серіктестігінің агрономы Шайық Кеңес Нұрмашұлы ауыл шаруашылығы министрлігінің «Ауыл шаруашылығы үздігі» төсбелгісімен марапатталса, жаткист – Умадатов Аралбек Бағланұлы облыс бойынша «Үздік жаткист» номинациясымен марапатталды. Қазалы ауданы бойынша 2022 жыл «Алтын-Дән» қорытындысы бойынша «Агро-Өркен» жауапкершілігі шектеулі серіктестігі&nbsp;1-дәрежелі дипломмен марапатталды. Мол өнім жинаған екі күріш еккен күріш өсірушіге Шүленбаев Ғибарат Мархабатұлы және Жүсіпов Русланға, механизатор Келмағанбетов Арыстан Серікұлына, жоңышқа өсіруші Жолдыбаев Орақбайға бағалы сыйлықтар табысталды. «Агро-Өркен» ЖШС директоры Есқожаев Медеу Бердібайұлы күзгі егін жинау науқанына белсене қатысқан жұмысшы қызметкерлерге Шайық Кеңес Нұрмашұлы, Қошқарбаев Жеңіс Нұрмағамбетұлы, Келмағанбетов Арыстан Серікұлы, Алиев Нұркен Мусаұлына ақшалай сыйақы мен жоңышқа өсіруші Жолдыбаев Орақбайға (мотоцикл) бағалы сыйлықтар тапсырылды.Қызылорда қаласында және Қазалы ауданында болған жәрмеңкелерге күріш пен жем өнімдерін алып барды, халықтың сұранысы өте жоғары болды.Қожабақы ауыл күніне байланысты 500000 теңге қаржылай көмек берген. Мектепке жол акциясы бойынша №25 мектеп және №97 мектепке оқушыларға демеушілік жасады. Қожабақы және Аранды ауылына бақша егетін жеке азаматтарға өз қаражаты есебінен жерін өңдетіп, бақша суғаруға су жеткізіп берді. Қожабақы ауылында орналасқан №25 мектеп және №97 мектептерге жыл сайын «Мектепке акцияға» қайырымдылық көмек жасап, мектеп оқушыларына қажетті оқу құралдарын алуға ақшалай көмек береді. Мектеп оқушыларының жарысқа қатысуына ықпал жасап көмегін созады. Қожабақы ауылында орналасқан мешітке жыл сайын демеушілік жасап, мешіттің ішін сыртын күрделі жөндеу жасалуына және қатты отын алуына көмек жасайды. Әлемді індет өршіген карантин &nbsp;кезінде Қожабақы ауылының тұрғындарына 700000 мың теңге көлемінде азық түлік өнімдері таратылып берілді. Қожабақы ауылдық мәдениет үйіне демеушілік жасап, музыкалық аппарат алып берді. Есқожаев Медеу Бердібайұлы «Жастар жанашыры» номинациясымен марапатталды. &nbsp;2021 жылғы &nbsp;«Алтын-дән» мерекесіне орай «Агро-Өркен» жауапкершілігі шектеулі серіктестігінің директоры Есқожаев Медеу Бердібайұлы &nbsp;мол өнім жинаған екі &nbsp;күріш еккен күріш өсірушіге Шүленбаев Ғибарат Мархабатұлы және Шайықов Амангелді Нұрмашұлына 2 автокөлік және механизатор Қошқарбаев Жеңіс Нұрмағамбетұлына 500000 теңге ақшалай сыйлық, ақ егіс бригадирі Жәми Мейрамбек Қазиұлына 500000 теңге ақшалай сыйлық және егіс бригадирі Шайық Кеңес Нұрмашұлына 1 000 000 теңге ақшалай сыйлық табыстады.Диқандар биыл да жылдағыдай егін маусымын еш алаңсыз бастай алады. Тек, Сырдың суы тобыққа түсіп, тапшылық туындатпаса болды. Дала жұмысы барысында айтылған дүниелерге сенсек, күз мезгілінде жылдағыдай мол өнім алуға мүмкіндік бар. Әрине, шаруаларға бөлінген бюджет пен бос жатқан жер толығымен игерілсе ғана.Басын көтеріп, елден сұрағанша, басын иіп, жерден сұрайтын диқан қауымы осылайша, нәпақасын табу үшін тырбанып, тірлік жасауға кірісіп кеткен. Ала жаздай егіннің бабын жасау үшін, осы кезден барлық құрал-саймандарын сайлап алған.«Диқан жерім дейді, жері үшін ерінбейді» демекші, тілімдей жерден жылдық азық жинауға бел байлап, қызу тірлікке араласқан. Сондықтан, биылғы жылы да, ауданның еңбеккерлері күріштен тау тұрғызып, ел мерейін үстем етеді деген сенім мол.Фото: Нұрболат Нұржаубай

Қазалыда дала жұмыстары қарқынды жүргізілуде

&nbsp;<a href="https://kyzylorda-news.kz/">Kyzylorda-news.kz</a>&nbsp; Бүгін облыс әкімі Нұрлыбек Нәлібаев Қызылорда қаласының сол жағалауында бой көтерген заманауи үлгідегі жаңа автовокзалдың ашылу рәсіміне қатысып, қала тұрғындарын құттықтады.<blockquote>«Мемлекет басшысы Қасым-Жомарт Кемелұлы халыққа арнаған Жолдауында «Көлік-логистика саласы экономикамызды алға бастайтын басты күштің біріне айналуға тиіс» деген болатын. Автобустармен жолаушы тасымалдау – үлкен сұранысқа ие қызмет. Жолаушылар мен жүк тасымалын ұлғайту, қызмет сапасын жақсарту мақсатында өткен жылы жаңа автовокзал салу жөнінде шешім қабылданып, Сырдың бас шаһары тағы бір әсем, заманауи нысанмен толықты. Құрылысшыларымыздың құрыш қолынан шыққан осы ғимараттан аттанған жолаушылардың жолы ақ, сапары сәтті болсын! Аймақ экономикасының кірісін еселейтін көліктер легі толастамасын! Ел мен елдің, ағайын мен туыстың арасын жалғайтын татулықтың тұтқасы, сауда-саттық пен іскерлік байланыстың алтын көпірі болсын!», – деді аймақ басшысы.</blockquote>Іс-шарада Қызылорда облысының Құрметті азаматы Айтбай Көшербаев жерлестерін құттықтады. Сондай-ақ, нысан құрылысын сапалы жүргізуге атсалысқан мердігер мекеме қызметкерлері облыс әкімінің Алғыс хатымен марапатталды.Жаңа автовокзал халықтың талап-тілегі мен сұранысына сай бюджет қаржысы есебінен 975 млн. теңгеге салынды. Мұнда жолаушылар мен жүргізушілерге, мүмкіндігі шектеулі азаматтарға барлық жағдай қарастырылған. Жолаушылар автовокзалдан халықаралық және түрлі бағыттағы 38 маршрут бойынша сапарға шыға алады.Айта кетейік, соңғы жылдары Сыр өңірінде барлық саланың материалдық-техникалық базасын, оның ішінде автопаркін жаңартуға басымдық берілуде. Қызылорда қаласындағы қоғамдық көліктің мәселесін түбегейлі шешу үшін жаңадан 300 автобус, мектеп оқушыларына 30 автобус, денсаулық сақтау саласына 70 жедел жәрдем көлігі, орманшыларға 95 техника, ветеринария саласының мамандарына 30, құқық қорғау органдарына 92 қызметтік автокөлік, төтенше жағдайлар қызметіне 17 арнайы техника алынды. «Үлгілі елді мекен» облыстық байқауының жеңімпаздарына күнделікті ел тұрмысына ең қажетті деген заманауи үлгідегі 29 арнайы техника берілді. Биыл облыс тұрғындарының сұранысына сәйкес барлық елді мекендердегі денсаулық сақтау ұйымдарына 200 санитарлық автокөлік сатып алынбақ.Қала тұрғындарына арзан бағамен тасымал қызметін көрсететін 100 экотакси 1 млрд. теңгеге алынуда. Электр қуатымен жүретін көліктер ортақ желі арқылы жұмыс жасап, жолаушыларды діттеген жеріне қауіпсіз жеткізеді.Еске салсақ, өткен жылы «Қазақстан Темір Жолы» компаниясының және жергілікті кәсіпкерлердің демеушілігімен 600 млн. теңгеге жуық қаржыға тоғыз жолдың торабындағы бас қақпа – теміржол вокзалы күрделі жөндеуден өтті. Аумағы абаттандырылып, жаңадан жарық шамдар орнатылды. Жақында «Қызылорда-Семей» бағытындағы жолаушылар пойызына 44 заманауи вагон алынып, толығымен жаңаланды.«Болат Өтемұратов» қорының қолдауымен 17 млрд. теңгеге жуық қаржыға «Қорқыт Ата» әуежайының жаңа терминалы халықаралық талаптарға сай етіп салынды. Ғимарат жақын арада пайдалануға берілмек.<img src="https://knadmin.beoblood.kz/uploads/437706969_726027579718489_958343980593986243_n_250298a794.jpg" alt="437706969_726027579718489_958343980593986243_n.jpg"><img src="https://knadmin.beoblood.kz/uploads/437653443_726027986385115_7652734673765460646_n_e47b16e605.jpg" alt="437653443_726027986385115_7652734673765460646_n.jpg"><img src="https://knadmin.beoblood.kz/uploads/437613232_726027923051788_5498045324472747869_n_3dbc7bd17a.jpg" alt="437613232_726027923051788_5498045324472747869_n.jpg"><img src="https://knadmin.beoblood.kz/uploads/437569983_726027756385138_6317882915186195539_n_a999ca30df.jpg" alt="437569983_726027756385138_6317882915186195539_n.jpg"><img src="https://knadmin.beoblood.kz/uploads/437541879_726027389718508_5091520184312416420_n_b7493e8b5e.jpg" alt="437541879_726027389718508_5091520184312416420_n.jpg"><img src="https://knadmin.beoblood.kz/uploads/437540551_726027296385184_7050874595590379993_n_0b994acb3e.jpg" alt="437540551_726027296385184_7050874595590379993_n.jpg"><img src="https://knadmin.beoblood.kz/uploads/437392342_726027976385116_4674138703376528358_n_21d32acd82.jpg" alt="437392342_726027976385116_4674138703376528358_n.jpg">Фото:&nbsp;Қызылорда облысы әкімінің баспасөз қызметі

Қызылордада жаңа автовокзал ашылды

<a href="https://kyzylorda-news.kz/">Kyzylorda-news.kz</a> Қызылорда қаласына қарасты Ақсуат және Қарауылтөбе ауылдық округінен әр отбасыға уақытша 10 сотық жер берілетіндігін хабарлады қала әкімдігі.&nbsp;Уақытша берілген жерге маусымдық кезеңге картоп, көкөніс және бақша дақылдарын егу ұсынылып жатыр. Бақшалық егін егуге ынта білдірген қала тұрғындары Қызылорда қаласының ауыл шаруашылығы мен жер қатынастары бөліміне хабарласа алады.&nbsp;Байланыс телефондары: &nbsp;27-11-58, 27-45-49.&nbsp;Мекен-жайы: Қазантаева көшесі № 43.<img src="https://knadmin.beoblood.kz/uploads/60f4e826_3926_45c5_ac9f_59946075ec5b_6aa1ba1781.jpg" alt="60f4e826-3926-45c5-ac9f-59946075ec5b.jpg">Фото: kaznovosti.kz

Қызылорда: Әр отбасыға 10 сотық жер беріледі

<a href="https://kyzylorda-news.kz/">Kyzylorda-news.kz</a> &nbsp; Алматылықтар 2 балл болатын жер сілкінісін сезді. Бұл туралы <a href="https://kaz.nur.kz/accidents/2082596-almatylyqtar-zer-silkinisin-sezdi/">KAZ.NUR.KZ</a> хабарлайды.«10 сәуірде 19-58-де Алматы қаласында 2 балл жер сілкінісі болды. Жер сілкінісінің эпицентрі мен баллдық нақтылануда», – деп хабарлады ТЖД өкілдері. Кейінірек «Сейсмологиялық байқау және зерттеулер ұлттық ғылыми орталығы» ҚР ТЖМ ЖШС мәлімет берді. Жер сілкінісінің ошағы Алматыдан оңтүстік-шығысқа қарай 484 километрде болған, афтершок. Жер сілкінісінің энергетикалық класы 13.6. MPV магнитудасы 6.0. Эпицентрдің координаттары 41.37° С. Е. 82.23° ш. б. Тереңдігі 10 км. Сезілуі туралы мәліметтер (МЅК-64 шкаласы бойынша): Алматы қаласы 2 балл, Кеген, Райымбек аудандары 3 балл. Еуропалық-Жерорта теңізі сейсмологиялық орталығының мәліметінше, Шыңжаң-Ұйғыр автономиялық ауданында жер сілкінген. Оның магнитудасы 5,7-ге тең болған.Айта кетейік, бүгін, 10 сәуірде сағат 10:57-де Алматыдан оңтүстік-шығысқа қарай, Қытай аумағында жер сілкінісі тіркелген. Сейсмоинституттағылар бұл жағдайды афтершок деген. Алайда Қазақстан аумағында сезілмеген.Сурет: freepik.com

Алматыда жер сілкінді

&nbsp;<a href="https://kyzylorda-news.kz/">Kyzylorda-news.kz</a> &nbsp; Сырдария ауданы бойынша жер қоры 4 млн 261 мың гектарды құрайды. Ауыл шаруашылық мақсатындағы жер көлемі – 386513 гектар, жер пайдаланушылар саны – 1099. Оның ішінде шаруа қожалықтар – 994, мемлекеттік емес заңды тұлғалар – 73, өндірістік кооператив – 2, мемлекеттік заңды тұлғалар - 30. Елді мекендердің жер көлемі – 5191 гектар, жер пайдаланушылар саны – 48 723.&nbsp;Өнеркәсіп, байланыс, қорғаныс жері және ауыл шаруашылығына арналмаған өзге де жердің көлемі – 151&nbsp;272 гектар, жер пайдаланушылар саны – 134 &nbsp;құрайды. Орман қорының жері – 481711 гектарды, босалқы жерлер – 3 млн 217 мың гектарды құрайды.Қазақстан Республикасының жер заңнамасының принциптері мен міндеттеріне келесі мәселелер белгіленген. Атап айтқанда табиғи ресурсты тиімді пайдалану, жерді халықтың өмірі мен қызметінің негізі ретінде сақтау, жерді қорғау және ұтымды пайдалану, ауылшаруашылығы мақсатындағы жерлердің басымдығы, жеке және заңды тұлғалар мен мемлекеттің жерге құқықтарын қорғау, жер қатынастары саласында заңдылықты нығайту. Ауыл шаруашылығы мақсатындағы жерлердің жәй-күй жайында ауыл шаруашылығы және жер қатынастары бөлімінің басшысы Қанат Нұрсейітов баяндады.<blockquote>– Аудандағы&nbsp;280333 гектарды құрайтын 889 субъектіге табысталған 1099 жер учаскесіне 2022 жылы түгендеу жүргізілді. Нәтижесімен&nbsp;123 484 гектарды құрайтын 725 жер учаскесі бойынша барлығы 47545 (МІҚ – 17015, жылқы – 8874, түйе – 1225, уақ мал – 20431)&nbsp;ИСЖ базасына тіркелген.&nbsp;Қалған көлемі&nbsp;106418&nbsp;гектар болатын&nbsp;342&nbsp;шаруашылық субъектілерінің ауылшаруашылығы мақсатындағы жер учаскелерінің пайдаланбай отырғандығы анықталды. Оның негізгі себептері қаржылық қиындықтар, жер пайдалануға құлықсыздық танытуы және т.б.</blockquote>Қазақстан Республикасы Ауыл шаруашылығы министрлігінің Жер ресурстарын басқару комитетімен облыстар бойынша мемлекетке қайтарылатын жер көлемдері бекітіліп, Қызылорда облысына 2023 жылы&nbsp; 200 мың гектар қайтару көзделген. Соның ішінде,&nbsp;Сырдария ауданы бойынша жалпы көлемі – 38 000 гектар болатын пайдаланылмай жатқан ауылшаруашылығы мақсатындағы жерлерді мемлекет меншігіне қайтару жоспарланып, облыс әкімінің бірінші орынбасары С. Қожаниязовпен аудандар бөлінісінде бекітілген. Бектілген жоспарға сәйкес, 2023 жылы жалпы көлемі – 53261,3 гектар болатын 32 жер учаскесі азаматтардың өз өтінішіне және пайдалану мерзімі аяқталуына орай ауданның босалқы жер қорына қайтарылды, – деді бөлім басшысы.2022-2023 жылдары жер пайдаланушылардың өз өтініші және пайдалану мерзімі аяқталуына орай 57 жер пайдаланушыдан көлемі 69892,4 гектар жер учаскелері мемлекет меншігіне қайтарылды.Сонымен қатар пайдаланылмай отырған ауыл шаруашылығы мақсатындағы жалпы көлемі – 1639 гектарды құрайтын 30 жер учаскесі бойынша Қазақстан Республикасы Ауыл шаруашылығы министрлігінің Жер ресурстарын басқару комитеті Қызылорда облысының жер ресурстарын басқару департаментіне тиісті нұсқама және &nbsp;мемлекет меншігіне қайтару мақсатында жолданып, Департамент тарапынан жер пайдаланушыларға 1 (бір) жыл мерзімге нұсқау жолданған.Бөлім басшысының айтуынша Қазақстан Республикасы Жер Кодексінің 43-1-бабаның талаптарына сәйкес 2022 жылы қайтарылған ауыл шаруашылығы мақсатындағы жер учаскелерінің ішінен&nbsp;жалпы көлемі 6789 гектарды құрайтын 12 жер учаскесін 2023 жылы айналымға алу &nbsp;жоспарланса, қазіргі таңда 3589 гектарды құрайтын 16жер учаскесі конкурс негізінде жеке және заңды тұлғаларға табысталған.Бұған қоса, жыл басынан ауданның босалқы жер қорынан шалғайдағы мал шаруашылығы (маусымдық жайылымдар) үшін жалпы көлемі – 5326,4 гектар болатын 14 жер учаскесі 5 жыл мерзімге уақытша өтеусіз жер пайдалану құқығымен табысталып, ауыл шаруашылығы айналымына алынған.Бұдан бөлек, 2022 жылы&nbsp;Сырдария ауданы бойынша "Қазғарыш" ұлттық компаниясы" акционерлiк қоғамы тарапынан жерді ғарыштан қашықтықтан зондтау нәтижесімен көлемі – 56418 гектар болатын барлығы 202 пайдаланылмай жатқан ауыл шаруашылығы мақсатындағы жерлер анықталды. Тиісті пайдаланылмай жатқандығы анықталған жер учаскелері&nbsp;«JerInSpectr» &nbsp;платформасымен жолданды.Инцидент карточкаларының ішінде нысаналы мақсатына сәйкес пайдаланып, төрт-түлік малын ауыл шаруашылығы жануарларын бірдейлендіру базасына тіркеткен және меншік иелері ауысқан көлемі – 31806 гектар болатын 74 жер пайдаланушылар бойынша мәліметтерді&nbsp;"Қазғарыш" ұлттық компаниясы" акционерлiк қоғамына қайтарды. Ал, мақсатына сәйкес пайдаланылмай жатқан көлемі – 24&nbsp;612 гектар болатын 128 жер учаскелері тиісті шаралар қабылдау үшін «Қазақстан Республикасы Ауыл шаруашылығы министрлігінің Жер ресурстарын басқару комитеті Қызылорда облысының жер ресурстарын басқару департаментіне жолданған.&nbsp;Нәтижесінде, Департамент тарапынан 128 жер пайдаланушыға СМС хабарламалар жіберіліп, заң бұзушылықтарды жоюды ескерту ретінде 1 жылға нұсқау хаттары жолданды.Нұсқау хаттарын алған жер пайдаланушылар мал басы санын ИСЖ базасына тіркетуде. Одан бөлек, жер учаскелерін шаруа қожалық атына ауыстыру жұмыстарын жүргізіп, жер учаскелерін мақсатты игеруге кірісуде.2023 жылы «JerInSpectr» &nbsp;платформасы арқылы жерді ғарыштан қашықтықтан зондтау нәтижесімен 38236,3 гектар болатын 169 ауыл шаруашылығы мақсатындағы жер учаскелерінің игерілмегендігі жолданған.Бөлім мамандарының жүргізген жұмыстары нәтижесінде 11074 гектарды құрайтын 23 жер учаскесінің меншік иелері мен жер пайдаланушылары ИСЖ базасында мал басын тіркесе, 2491 гектар құрайтын 1 жер учаскесі мемлекеттік мекеменің теңгерімінде тұрғандығы анықталған. Қалған жер пайдаланушылармен түсіндірме жұмыстарын жүргізу жалғасуда.Жайылымдық жерлерді пайдаланудың тиімділігін арттыру мақсатында аудандағы әрбір елді мекеннің 2022-2023 жылдарға арналған жайылымдық басқару жобасы бекітілген&nbsp;(аудандық мәслихаттың 2022 жылғы &nbsp;25 шілдедегі №154 шешімімен).Қазіргі таңда «Сырдария ауданының кент және ауылдық округтерінің 2024-2025 жылдарға арналған жайылымдарды басқару және оларды пайдалану жөніндегі жоспарын бекіту туралы» Сырдария аудандық мәслихатының шешім жобасы әзірленуде.Қорыта келгенде, Сырдария ауданы бойынша игерілмеген және мақсаты бойынша пайдаланылмаған ауыл шаруашылығы мақсатындағы жер учаскелерін анықтау және мемлекет меншігіне қайтару жұмыстарын жүргізу алдағы уақытта да атқарылатын болады.фото: inbusiness.kz

Сырдарияда 32 жер учаскесі мемлекет меншігіне  қайтарылды

&nbsp;<a href="https://kyzylorda-news.kz/">Kyzylorda-news.kz</a>&nbsp; Жаңақорған ауданында сала мамандарымен мен жастар ұйытқы болып, нарықтың құбылмалы уақытында аз ақшаның өзі үлкен табыстардың бастауы болатынын жан-жақты талқылап, үлкен басқосу ұйымдастырды. Әлемдік деңгейдегі талай мықтылардың өмір жолынан, тәжірбиесінен белгілі. Біздің елімізде де қаржылық сауаттылықты арттыру, қалтадағы қаржыны оңтайлы игеру әрбір жан білуі тиіс қағидаға айнала бастады. Байқасақ, кез келген жан ақша таба алады. Алайда, сол тапқан табысын бей-берекет жаратып, есепсіз жұмсайды екен. Осы мақсатта, Жаңақорған ауданының жастары, аудандық ішкі саясат бөлімінің қызметкерлері &nbsp;жастардың басын қосып, дөңгелек үстел ұйымдастырды.Яғни, ақшаны табу мен оны басқару арасында байланыс жоқ, қаржылық сауатсыздығымыздың басым екенін аңғартады. Заман талабына сай, барлығы қу ақшаның құнымен өлшенетін болды ғой. Күнделікті қажетті азық-түлік, киім-кешектен басқа білім алу, несие жабу, қарыз қайтару, басқа да керек-жараққа қаржы қажет. Ай сайын алақанға тиетін ақшаның шығынын &nbsp;азайтып, кірісті көбейтуге жол ашқың келеді. Алайда, отбасылық бюджеттің есебінің жоқтығынан жалақың келесі айға дейін жетпейтіні рас. Айдың басында алған жалақы ары кетсе бір аптаның ішінде өз жөнін тауып, қалтамыз босап қалады. Мұндайда қарыз алып күнелтудің жолын іздейміз. Айналадағы адамдарға қол жайын, таныс-тамырдан қарызға ақша сұраймыз. Осындай қиын-қыстау уақытта әрбір адам отбасылық бюджетке немқұрайлы қарамай, үнемдеуді үйренсе өз септігін тигізері анық. Осы тұста, аудандағы қаржы саласының ардагері Жамур Мүсілімнің өз айтары бар:<blockquote>«Көпшілігіміз отбасылық бюджетті жүргізбейміз. Ақша келеді, кетеді. Есепсіз жаратудың әсерінен артық қаражат жинауға тырыспаймыз. Қолда бар қаражатты көбейтудің жолдарын қарастырмаймыз. Осы қаржы саласының маманы ретінде айтайын, жалақыны алған күннен бастап кіріс-шығысты басқару, жинау, қосымша табыс табуға тырысу, білімді көтеріп, сол арқылы табысты жұмысқа орналасу, артық ақшаны кәсіпке салу бір күнде пайда болатын дүние емес. Мұның бәрі жылдар бойы қалыптасады. Адам тіршілік барысында қаржысыз, экономикалық үрдістерсіз өмір сүре алмайды. Қалай дегенмен де осы мәселелерге кезігеді, жолығады. Дәл осындай сәттері тиімді шешімдер қабылдамаса, отбасылық бюджетке кері әсерін тигізуі әбден мүмкін. Оған қарапайым мысал, қазіргі кезде көп адамдарда несие бар. Несиені ақылмен алмағандар, үлкен пайыздары бар қарыздардың шырмауында қалып жатады. Нәтижесінде кепілдікке қойылған баспанасына дейін иелігінен кетіп, сан соғып жататын жағдайларда көп. Сол себепті әр адам отбасы бюджетті саналы басқарғаны жөн», – дейді қаржы саласының ардагері.</blockquote>Расында, қазіргі жағдайда қаржыгерлердің басым көпшілігі ақшаны оңды-солды шашуға болмайтындығын айтады. Сондықтан азаматтар қаражаттарын міндетті түрде есептеп, үнемдеп, жоспарлап отырулары шарт. Әр отбасының қаржылай сауатты болуы еліміздің бай-қуатты елдердің қатарына қосылуының негізі кілті болары сөзсіз. Осы бағытта белгілі кәсіпкер «Хан» нан өнімдерінің негізін салушы Рустам Әмірханмен де әңгімелесіп, ойын білген едік.<blockquote>«Уақыт талабы жайбасарлық пен еріншектікті жаратпайды. Қимылдамаған жан әлбетте кедейліктің шырмауынан шыға алмайды. Наубайханамызда отбасы мүшелері жабылып таң атқаннан кеш батқанша дамыл таппаймыз. Адал еңбек қып тапқан бір тиынды екі етіп берекесіне қауышқан оны бей-берекет ысырап етпесе керек. &nbsp;Отбасылық қаржыны дұрыс құрау үшін ай сайынғы төлемнің нақты есебін шығарып отыру керек. Мәселен су, жарық, жылу, газ, такси қызметі. Осыған төленетін қаржыны үнемдеймін десең құнтты болуға тура келеді. Көлікпен емес жаяу жүруге тырысу керек. Қарапайым күнделікті қолданатын салфетканы алып қарайықшы. Барлық үйдің дастарқанында оны пайдалану дәстүрге айналған. Бірақ оған да қаржы жұмсалатынын ұмытпаңыз. Мысалы, салфетканың бір данасы 350-400 теңге тұрды. Оның орнына кәдімгі жуып, қайта қолданатын майлықтар алып қоюға болады. Сол сияқты, жарықты да арнайы лампа көмегімен әжептәуір үнемдеуге болады. Мұның бәрі елеусіз дүние болғанымен, қалтадағы қаржыға едәуір әсер ететінін өзім күнделікті аңғарып отырамын», – дейді жас кәсіпкер.</blockquote>Тағы бір мәселе, көпшілік банктерге 2-3 несиеден төлеп жатады. Осы жерде тағы бір мәселе, қарапайым халық банктің қойған талаптарына мән бермей, қолдарына ұстаған ақшаға риза болады. Кейбіреулері тек пайыз мөлшерлемесіне ғана назар аударып жатады. Бұған қоса, мамандар несиенің төлем түрін де ескеруге кеңес айтады. Мысалы, бизнеске, үй шаруашылығына арналған қаржы пайдалы несиеге жатады. Өйткені мұндай несие қосымша табыс табуға мүмкіндік береді. Ал сатып-алулар мен күтпеген нәрселерге жұмсалатын несиелерден ешқандай табыс таппайсыз. Керісінше қарызбен қоса, үстеме пайыз төлейсіз. Тіпті ең пайдалы саналатын несиелерді дұрыс өтемеген жағдайда салдары түрлі мәселелерге әкеп соқтырады. Сол себепті кез келген несие алушы алдымен өзінің төлем қабілеттерін анықтап алғаны жөн дейді аудандық «Халық» банкінің маманы Дана Тұрлыбекова.<blockquote>«Несиені көп азаматтар аспаннан түскен тегін ақша ретінде қарайды. Қандай ақша болмасын, оның қайтарымы барын ескермейді. Тіпті қазіргі кезде құжатыңызды ұсынсаңыз 20 000-30 000 мың теңгеден бастап қарыз беретін жеңіл кредиттердің саны арта бастады. Жарнамалары да жер жарып тұр. Олар адамдардың банктерге берешектері бар не жоғын да тексеріп жатпайды. Микроқаржы ұйымдары ұсынған қаржыны қолайлы екен деп ойланбастан бірден ала салуға болмайды. Қаржы аса қажетті болмаса, мұндай несиелерге мүлдем жақындамау қажет», – дейді жауапты маман.</blockquote>Осы орайда, қарапайым халықты бизнеске бейімдеуде бірнеше жылдан бері «Атамекен» кәсіпкерлер палатасы «Кәсіпкерлік негіздері» пәнін енгізуді көтерген болатын. Қаржылық сауаттылықты арттыруды көздейтін пәнді ҚР Білім және ғылым министрлігі қолдап, 2019 жылдан бастап еліміздің барлық мектептерінде факультатив ретінде оқытыла бастады. Бұл біздің ауданымызда қаншалықты орындалып жатыр. Бұл туралы Қызылорда облысы кәсіпкерлер палатасы Жаңақорған аудандық филиалының директоры Асылжан Жолдасбековтен сұраған едік.<blockquote>«Оқушыларға Ұлттық кәсіпкерлер палатасымен пилоттық негізде әзірленген «Кәсіпкерлік пен бизнес негіздері» атты кітап таратылған. Оқулықта экономика, бизнес саласындағы терминдер, компания құруға дайындық, бизнес-жоспар құрудың негізгі кезеңдері сынды материалдар қамтылған. Жылдан жылға бұл пәннің аясы кеңейіп келеді. Бұл бағытта аудан мектептері де 90 пайыз қамтылып отыр. Сол себепті баланы күнделікті тіршілікке ерте араластырып, нақты қаржылық жоспар құруға баулуда, кіріс-шығысты, отбасылық бюджетті жоспарлау туралы дәрістердің пайдасы үлкен. Мұның арты қаржылық сауаттылыққа алып келеді. Оқушылардан бөлек, кез келген жан өз қаржысын басқаруды үйренгені жөн. Қарапайым мысал, темекі, кола, кофе сынды денсаулыққа зиянды дүниелерден бас тарту арқылы бір жылда, қанша ақша үнемдейтініңізді есептеп көріңіз. Олардың жыл сайын өсетін құнын еске алғанда қаншама қаржыны сақтап қалғаныңызға өзіңіз таң қаласыз», – дейді ол.</blockquote>Әлем елдерінің де тәжірбиесіне зер салуды жөн көрдік. &nbsp;Мәселен, Британ билігі 2008 жылы елдегі дағдарыстың салдарынан шығу үшін оқушылардың қаржылық сауаттылығын көтеруді қолға алыпты. Бастапқыда факультативте оқытылса, кейіннен жалпы пән ретінде оқытыла бастаған. Бастауыш сыныпта жеке қаржы және оның жұмсалу жолдары туралы айтылады. Ал жоғары сынып оқушыларына несие, ақша жинау жолдары үйретіледі. Еуропалықтар, әсіресе, чехиялықтар балаға келген табыс пен шығыстың арасын түсіндіреді. Тіпті, қарапайым оқушылар коммуналдық төлем, азық-түлік, киім-кешекке жұмсалатын ақшаны басқара алады. Бұл үшін қаржы және бизнес саласында тәжірибесі бар сарапшылар шақырылады. Ал, Израиль Үкіметі бизнесте табысқа жеткен кәсіпкерлерді мектепке шақырып, оқушыларды кәсіпкерлікке үйретеді екен.Қорыта келе, ақшаны тиімді басқару үшін қаржы бұлақтарын көбейту керектігін білікті мамандардан білдік. Қаржы бұлақтары дегеніміз – қалтаға ақша түсіретін табыс көзі. Қаржы бұлақтары көбейген сайын адам байлыққа бір қадам жақындайды екен. Ал оны көбейту үшін не істеген дұрыс? Ол үшін жүйелі түрде ақшаны шашпай, жинау керек. Яғни үнемдеу арқылы шығынды азайтып, соның нәтижесінде артылған ақшаны ай сайын жинақтап отыру қажет. Фото: Freepik

Нарық заманында үнемдеудің жолдары талқыланды

&nbsp;<a href="https://kyzylorda-news.kz/">Kyzylorda-news.kz</a> &nbsp; Сырдария аудандық "Тіршілік тынысы" газетінің мерейлі 85 жылдық мерейтойы аясында аудандық дене тәрбиесі, спорт және туризм бөлімінің және аудандық білім бөлімінің бірлесе ұйымдастыруымен «Төл басылымның тұрақты оқырманымын» атты эссе байқауы өткізілді.&nbsp;Оқушылар арасындағы аудандық байқауға Сыр өңіріне белгілі ардагер-журналист Мейрамбек Шілдебаев бастаған азаматтар қатысып, талапкерлердің шығармашылығын бағалады. Қазылар алқасының құрамында аудандық білім бөлімінің қазақ тілі мен әдебиеті пәні бойынша әдіскері Қаракөз Қалжанова мен аудандық газет бас редакторының орынбасары Аружан Мұханбетқали болды. Байқаудың ашылу салтанатында аудандық спорт клубының директоры Диас Әлжанов сөз сөйлеп, талапкерлерге сәттілік тіледі:<blockquote>– Аудан айнасы биылғы жылы мерейлі 85 жылдығын атап өтуде. Осыған орай аудан оқушылары арасында «Төл басылымның тұрақты оқырманымын» тақырыбында эссе жазу байқауын ұйымдастыруды жөн көрдік. Байқаудың мақсаты: Ойлы оқырман үшін бағасы биік басылымның мерейтойына арнап басылым жайлы, ардагер немесе жас тілшілер, билік пен халық арасындағы алтын көпір саналатын журналистер жұмысына деген құрметін, ел тағдырына, ел тарихына қатыстылық сезімін жандандыру, ел арасында белсенді шығармашылық адамдарын халыққа кеңінен насихаттау, – деді Диас Жасұланұлы.</blockquote>Байқауға ауданның 17 мектебінен 16 оқушы қатысып, ережеге сәйкес эссе жазды. Қортындысында қазылар алқасы үздік шығармаларды анықтады.<blockquote>– Оқушылар жазған эссенің барлығын жеке оқып, танысып шықтым. Ізденісті серік еткен озат оқушылардың ұстаздарына, ата-аналарына алғыс айтамын. Байқау жеңімпаздары жөнінде арнайы мақ ала жарияланатын болады. Аудандық газет редакциясы тарапынан жыл көлемінде оқушылардың шығармашылығына ақпараттық қолдау көрсетіледі.</blockquote>Бүгінгі іс-шараның жоғары деңгейде өткізілуіне жанашырлықпен атсалысқан аудандық спорт клубының директоры Диас Әлжановқа, аудандық дене тәрбиесі, спорт және туризм бөлімінің әдіскері Жадыра Бағдатқызына, аудандық мәдениет және тілдерді дамыту бөлімінің әдіскері Әсел Қошпановаға ерекше алғысымды білдіремін.Эссе байқауының ұйымдастырылуына ұйытқы болған, ережесін бірлесе бекітіп, жан-жақты қолдау білдірген бөлім басшылары Бағдат Мырзалыұлы мен Берік Съездұлына да редакция ұжымының атынан ризашылығымды айтамын, – деді аудандық газеттің бас редакторы Ақтөре Ибрагимұлы.Айту керек, байқау нәтижесі бойынша бас жүлдені №37 мектеп-лицейінің 9-сынып оқушысы Алтыншаш Арыстанбек, жетекшісі Алтыншаш Оразалиева, 1 орынды №147 орта мектебінің 9-сынып оқушысы Шахназ Меңлібек, жетекшісі Нейла Торғаева, 2 орынды №42 Қ.Баймағанбетов атындағы &nbsp;мектеп-лицейінің &nbsp;9-сынып оқушысы Гүлім Қылышбек, жетекшісі Перуза Миянова, 3-орынды №139 орта мектебінің 10-сынып оқушысы Айзере Сағатқызы, жетекшісі Өскен Сейдахмет жеңіп алды.Барлық байқау жеңімпаздары мен қатысушыларға газет редакторы мен Сырдария ауданының Құрметті азаматы, ҚР Журналисттер Одағының мүшесі Жәнібек Махамбет Алғыс хат пен сый-сияпат тапсырды.Мерейтой аясында іс-шаралар жыл бойы жалғасатын болады.

«Төл басылымның тұрақты оқырманымын» атты эссе байқауы өтті

<a href="https://kyzylorda-news.kz/">Kyzylorda-news.kz</a> &nbsp; &nbsp;Қызылорда қаласы әкімінің &nbsp;шешімімен Қызылорда қаласында 2023-2024 жылдардағы жылу беру маусымы 2024 жылғы &nbsp;10 сәуірде 00-00 сағатта аяқталады. Бұл туралы «Қызылордажылуэлектрорталығы» МКК әкімшілігі хабарлады.Ағымдағы жылдың &nbsp;сәуір айының 15 жұлдызынан бастап, &nbsp;мамыр &nbsp;айының 15 жұлдызына дейінгі уақыт аралығында Қызылорда қаласының жылу желілерінде 16 кгс/см2 дейінгі қысыммен магистральдық және &nbsp;12 кгс/см2 ауданаралық жылу құбырларының тығыздығына гидравликалық сынақ жүргізіледі және қаланың оңтүстік ауданындағы жылу желілерінде ең жоғары температуралық жылу тасымалдағыш сынағы өткізіледі.Қауіпсіздік шараларын сақтау мақсатында сынақ жүргізу кезінде бөгде адамдарға магистральды &nbsp;құбырлардың жанында болуға қатаң тыйым салынады. Сондай-ақ, қаланың жылу құбырларында (трассаларында) авариялық жағдайлардың туындауының алғы шарттарын болдырмау мақсатында кондоминиумның барлық басқару органдары (ПИК) және жылу энергиясының басқа да тұтынушылары жылытудың, ішкі жылу желілерін сыртқы жылу желілерінен сенімді &nbsp;ажыратылуы&nbsp;тиіс.Сынақ кезінде желілік судың ағуы және құбырлардың үзілуі анықталған жағдайда диспетчерлік қызметке 25-00-45, 25-01-04&nbsp;телефоны &nbsp;бойынша дереу хабарлау қажет.Байланыс телефоны 8-776-869-20-53 немесе қалалық коммуналдық шаруашылық қызметінің диспетчерлік қызметі – 109.

Қазақстан және Қызылорда облысының жаңалықтары: Экономика