<a href="https://kyzylorda-news.kz/">Kyzylorda-news.kz.</a>&nbsp; Қызылорда олыстық мәслихат депутаты, комиссия төрағасы Балжан Шәменованың төрағалығымен облыстық мәслихаттың экономика, әлеуметтік және құқықтық мәселелері жөніндегі тұрақты комиссияның кеңейтілген отырысы өтті.Комиссия отырысына облыстық мәслихат депутаттары, облыстық экономика және қаржы басқармасының басшысы Қ.Мүбараков және басқарманың тиісті мамандары қатысты.Күн тәртібінде «2024-2026 жылдарға арналған облыстық бюджет туралы» № 63 шешіміне өзгерістер енгізу туралы» мәселе қаралды.Аталған мәселе бойынша облыстық экономика және қаржы басқармасының басшысы Қ.Мүбараков хабарлама жасады.Басқарма басшысының хабарламасынан кейін, бірқатар депутаттар аталған мәселеге қатысты сауалдарын қойды. Атап айтсақ, депутат Балжан Шәменова қалалық ауруханаға лапараскопия, облыстық көпбейінді аурухананың канализациясына күрделі жөндеу жұмыстарын жүргізу, жөндеу жұмысы басталған облыстық жұқпалы аурулар ауруханасына қаржы бөлу мәселесіне тоқталды.<blockquote>– Қазіргі кезде медицина саласына көп көңіл бөліну қажет. Әсіресе, қалалық аурухана ғимараттары күрделі жөндеу жұмыстарын қажет етуде. Ғимараттардың ішіне жаңа үлгіге сай етіп жөндеу жұмыстарын жүргізу керек. Сондай-ақ, жұқпалы аурулар ауруханасына қаржы бөлу мәселесі де күн тәртібінде бар. Сол себепті осы сынды өзекті мәселелерді бірінші орынға қойып, тез арада қолға алу қажет, – деді комиссия төрағасы Б.Шәменова.</blockquote>Депутат М.Нәлібаев сол жағалаудағы музей, облыс бойынша 10 әлеуметтік нысанның қазандықтарын газға ауыстыру, балабақшадағы аз қамтылған отбасылардың балаларын тегін ыстық тамақпен қамтамасыз ету мәселесін айтса, І.Тілеп Қызылқұм ауылдық округінде Жаңқожа бабаның кесенесінің бейітінің басынан скважина қазу, Қазалы ауданында жаңадан ашылған жер учаскелеріне инженерлік инфрақұрылым салу үшін қаржы бөлу, Қазалы ауданында жұмыспен қамту әлеуметтік орталығын газға ауыстыру мәселесі, Сапақ елді мекенінде жаңа мектеп салу, Арал қаласында салынып жатқан «Жайлы мектептің» жанына жаяу жүргіншілер жолын абаттандыру, Қосжар ауылы көшесінің жолдарына асфальт жабындысын төсеу, «Мамандығым – болашағым» жобасын жүзеге асыру үшін қаржы бөлу туралы сөз қозғады.Ә.Шаймағамбетов полиция департаментін соңғы үлгідегі құралдармен жабдықтау, Қызылорда қаласындағы Қ.Яссауи көшесі, Ә.Бөкейхан көшесін Әйтеке би көшесіне дейін қайта жаңғырту жұмыстарын жүргізу керектігін баяндады.Мәслихат депутаты Б.Махашов құрылыстың барлық құжаттық-техникалық паспортын әзірлеуге қаржы бөлу, 8 су шаруашылық жобаларының техникалық-экономикалық негіздемелерін дайындау қажет екенін, Ж.Ысқақ Аққұм және Қауық ауылындағы электр желісінің мәселесі, Жаңақорған кентіндегі Саяжай-1 мөлтек ауданын су, газбен жабдықтау, тас жолдары, электрмен жабдықтау мәселесін мәлімдеді.Н.Әмитов Қазалы ауданы бойынша 6 дәрігерлік амбулаторияны газға ауыстыру, Сырдария ауданы бойынша ескі бұрынғы туберкелезге қарсы диспансер ғимаратына паллиативті орталық ашу, сирек кездесетін дәрілер бойынша 381 науқасты жыл соңына дейін дәрі-дәрмекпен жүйелі түрде қамтамасыз ету, қалалық орталық емхананың 2 ғимаратына 2 дизельдік генератор қою креектігі туралы айтты.А.Абибуллаева мектептерде сапалы білім беруді ұйымдастыру мақсатында мектептерді пәндік кабинеттермен қамту, жазғы тынығу маусымын ұйымдастыру бойынша мектеп жанындағы лагерьлерге керует алуға қаржы бөлу мәселесін алға тартты.С.Мұстафа Жалаңтөс Баһадүр атындағы колледжін білім беру стандартына сәйкестендіру үшін 7-11 сынып оқушыларын физика, биология, алғашқы әскерге дайындық кабинеттерімен жабдықтау, Қазалы ауданы олимпиадалық спорт мектебіне қосымша ғимаратты жалға алу үшін қаржы бөлу және т.б ұсыныстарын жеткізді. Сондай-ақ, бюджетті жоспарлаудағы өзекті мәселелер мен оның орындалу маңыздылығына тоқталды.Өз кезегінде басқарма басшысы Қ.Мүбараков комиссия мүшелерінің көтерген сауалдарына тұрақты комиссиялардың бірлескен отырысында толыққанды жауаптар берілетіндігін жеткізді.Отырыс соңында күн тәртібіндегі мәселелер бойынша депутаттардың ұсыныстары ескеріліп, шешім жобасы тұрақты комиссиялардың бірлескен отырысының қарауына ұсынылды.Аружан Мырзалықызы

Облыстық мәслихатта тұрақты комиссия отырысы өтті

<a href="https://kyzylorda-news.kz/">Kyzylorda-news.kz.</a> &nbsp;Бүгін облыс әкімі Нұрлыбек Нәлібаевтың қатысуымен облыстық мәслихаттың XIV сессиясы өтті. Сессияға облыс әкiмiнiң орынбасарлары, құқық қорғау органдарының, облыстық басқармалар мен аумақтық инспекциялардың басшылары қатысты. Аудан, қала әкімдері, мәслихат төрағалары және активі бейнебайланыс жүйесі арқылы қосылды.Күн тәртібінде бес мәселе қаралды. Біріншісі – «2024-2026 жылдарға арналған облыстық бюджет туралы» облыстық мәслихаттың 2023 жылғы 13 желтоқсандағы № 63 шешіміне өзгерістер енгізу. Сонымен қатар, облыс әкімдігі жанындағы бірқатар комиссиялар мен сараптамалық, өңірлік үйлестіру кеңестерінің құрамына өзгеріс енгізу және бекіту мәселелері талқыланды.Аймақ басшысы негізгі әлеуметтік-экономикалық көрсеткішітерге тоқталып, 2024 жылға арналған облыстық бюджетті кезекті нақтылауға ұсынды.«2023 жылдың қорытындысымен және осы жылдың басынан бері аймақтың әлеуметтік-экономикалық дамуында оң тенденция сақталуда. Өңір өңдеу өнеркәсібінде былтырғы 11-орыннан биыл 4-орынға көтерілді, өткен 4 айда көшбасшы позициясын сақтадық.Осы нақтылауда «Шығармашылық академиясының» құрылысына 1 млрд. теңге, Сырдария өзенінің сол жағалауына салынатын тарихи-мәдени мұра орталығына 875,8 млн. теңге, «Оқушылар сарайына» 55,1 млн.теңге бағытталды. Сонымен қатар, Қожа Ахмет Яссауи көшесін қайта жаңғырту жұмыстарына 1 млрд.теңге, әуежайға кіреберіс автомобиль жолын қайта жаңғыртуға 1 млрд.теңге жоспарланған.ТЭЦ-тің газтурбинасы мен турбогенераторын жөндеуге 886,8 млн. теңге, қала аумағында 2005 жылдан бері жұмыс жасап тұрған АБМК-ларды жөндеуге 695,7 млн. теңге қаржы қаралуда. Индустрия және инфрақұрылымдық даму министрлігі жүргізген жұмыстар нәтижесінде, биыл әлеуметтік кредиттік тұрғын үй салу үшін облигациялық қарыздар есебінен 5,4 млрд.теңгеге мемлекеттік бағалы қағаздар шығару келісілді. Бұл қаржы есебінен 904 пәтерлік 16 тұрғын үй салынады. Халықтың әлеуметтік осал топтары үшін коммуналдық тұрғын үй қорынан 1400 пәтер сатып алуға 20,7 млрд.теңгеге мемлекеттік бағалы қағаздар шығару жоспарлануда. Екі жыл бұрын облыс бюджеті 387 млрд. теңге болса, осы жылдың басында 650 млрд.теңге көлемінде бекітілді.Құрметті депутаттар! Сіздердің қолдауларыңыз бен бірлесіп жүргізілген жұмыстардың арқасында бүгінгі күні облыс бюджеті 678 млрд.теңгеге жетті», – деді Нұрлыбек Нәлібаев.Облыс әкімінің айтуынша, биыл Сыр диқандары 187,5 мың гектар алқапқа ауыл шаруашылығы дақылдарын егуде, оның 81,1 мың гектары – күріш. Су үнемдеу технологияларын 4,2 мың гектарға қолдану көзделсе, 2028 жылға қарай бұл әдіспен егін егу 24,2 мың гектарға жетеді деп жоспарлануда.Экономиканы индустрияландыру аясында 16 жоба іске асырылмақ. Оның біреуі, яғни Қазалы ауданындағы «Жанкент Агро» серіктестігінің күріш ақтау зауыты іске қосылды.Жергілікті жол инфрақұрылымын дамытуға қаржы бөлініп, 266 шақырым автомобиль жолдары, көпір өткелдері және көшелер жөнделеді. Қызылорда қаласындағы Жаппасбай батыр көшесі 4 жолақты болып кеңейтіледі. Яссауи көшесін қайта жаңғырту жұмыстары қарқынды жүруде. Жанқожа батыр көшесіндегі теміржол асты көпірінің құрылыс-монтаждау жұмыстары басталды.Мемлекет басшысының қолдауымен Қызылорда қаласының тұрғын үйлерін ыстық сумен қамтуға Үкімет резервінен 11 млрд.теңге бөлінді. Биыл қаладағы 187 үй орталықтандырылған ыстық сумен қамтылады. Жылу желілерін жаңғырту жұмыстары да кезең-кезеңімен атқарылуда. Осы жылы 7 млрд. теңгеге 9,5 шақырым жылу желілері қайта жаңғыртылуда. Бұдан бөлек, 11 млрд. теңгеге 741 шақырым электр желілері мен 127 қосалқы станция күрделі жөндеуден өтуде.Наурыз айында Шиелі ауданында 4 ауыл (Бестам, Тәжібаев, Алмалы Ақтоған) газға қосылса, жыл соңына дейін аймақтағы тағы 8 елді мекенді «көгілдір отынмен» қамтып, газдандыру көрсеткішін 78 пайызға жеткізу көзделуде.<img src="https://knadmin.beoblood.kz/uploads/444790912_750418543946059_5329520134801612338_n_1f338412cf.jpg" alt="444790912_750418543946059_5329520134801612338_n.jpg"><img src="https://knadmin.beoblood.kz/uploads/443928761_750418763946037_394062902477592786_n_1b51320b1c.jpg" alt="443928761_750418763946037_394062902477592786_n.jpg"><img src="https://knadmin.beoblood.kz/uploads/443714021_750418720612708_7746787640594400088_n_626271635f.jpg" alt="443714021_750418720612708_7746787640594400088_n.jpg">Фото: Қызылорда облысы әкімінің баспасөз қызметі

Облыстық мәслихаттың XIV сессиясы өтті

<a href="https://kyzylorda-news.kz/">Kyzylorda-news.kz.</a> &nbsp;Бүгін облыс әкімі Нұрлыбек Нәлібаев «Қорқыт Ата» әуежайы жаңа терминалы аумағын абаттандыру барысымен танысты."УАД" ЖШС басшысы Мұрат Үдербаев құрылыс алаңындағы жұмыстарды баяндады. Бұл туралы Қызылорда облысы әкімінің баспасөз қызметі хабарлады.Нысан таяуда ел игілігіне табысталмақ. Жобаға бағытталған 20 млрд теңгенің 15 млрд 700 млн теңгесі Болат Өтемұратов қорынан бөлінген. Жергілікті бюджеттің 4 млрд 300 млн теңге қаржысы инфрақұрылымды дамытуға, абаттандыруға, яғни жылу, су, электр, телефон және кәріз, желілерін, автожол жүргізуге жұмсалды.Қазір әуежай және оған іргелес аумақ абаттандырылуда. Сонымен қатар, осы аумаққа 615 шаршы метр гранит жабыны, 16,2 шаршы метр асфальт, 4038 шаршы метр кеспетас және 3630 шаршы метр қиыршық тас төселуде. «Қызылорда қаласындағы әуежайдың іргелес аумағын абаттандыру құрылысы» жобасына 634 050 млн теңге бөлініп, 4 жолақты, ұзындығы 480 метр, әр жолақтың ені 3,5 метр болатын жол салынуда.Аймақ басшысы жұмыс сапасына баса мән беріп, мерзімінде аяқталуын қадағалауды ескертті.Айта кетейік, «Қорқыт Ата» әуежайы жаңа терминалының құрылыс жұмыстары 2023 жылдың ақпанынан басталған болатын.<img src="https://knadmin.beoblood.kz/uploads/443716055_750364833951430_5493055749210225325_n_2c6fdf3b8a.jpg" alt="443716055_750364833951430_5493055749210225325_n.jpg"><img src="https://knadmin.beoblood.kz/uploads/442512941_750371050617475_7245453235491195454_n_3bcfad0e21.jpg" alt="442512941_750371050617475_7245453235491195454_n.jpg"><img src="https://knadmin.beoblood.kz/uploads/442483458_750370983950815_5526341212058096220_n_bc2975e614.jpg" alt="442483458_750370983950815_5526341212058096220_n.jpg"><img src="https://knadmin.beoblood.kz/uploads/442413513_750371003950813_1024420068123246962_n_3e4c10a37a.jpg" alt="442413513_750371003950813_1024420068123246962_n.jpg"><img src="https://knadmin.beoblood.kz/uploads/441490837_750371030617477_147392705516631072_n_aeb830807a.jpg" alt="441490837_750371030617477_147392705516631072_n.jpg">Фото: Қызылорда облысы әкімінің баспасөз қызметі

Аймақ басшысы әуежай терминалы аумағын абаттандыру жұмыстарымен танысты

Инфрақұрылым игілігі – халыққа

<a href="https://kyzylorda-news.kz/">Kyzylorda-news.kz.</a> &nbsp;Енді елімізде&nbsp;банкте бірнеше несиесі барларға да автонесие берілуі мүмкін. Қарыз ұсынғалы отырған қаржы ұйымдары жаңа көлік мінуге ниетті адамның борыш жүктемесіне қарамайды. Тек кейінгі алты айдағы төлем тарихы ескеріледі.&nbsp;Бұл туралы&nbsp;<a href="https://stan.kz/kazakstanda-endi-nesiesi-barlarga-da-avtonesie-berilmek-400514/">Stan.kz</a>&nbsp;ақпарат агенттігі хабарлайды.Берешегін уақытылы өтеп жүрген борышкер банкке өтініш беріп, автонесие рәсімдей алады.&nbsp;Бірақ көлік кепілге қойылады. Бұл бастаманы қаржы нарығын реттеу және дамыту агенттігі көтеріп отыр. Қаулыға сәйкес, қарыз алушының борыш жүктемесі коэффициентін есептеуге қатысты бірқатар өзгерістер енгізілмек.Қаржы нарығын реттеу және дамыту агенттігінің бастамасы&nbsp;отандық автомобиль өнеркәсібін дамытуға бағытталған. Жеңілдетілген автонесие жобасы шеңберінде сатылуға тиіс көліктерді сатады.&nbsp;Бастысы&nbsp;жаңа көлік мінуге ниетті адам алты ай банк алдындағы берешегін кешіктірмей, уақытылы төлеп тұруы шарт.<blockquote>“Жобада қарыздар бойынша борыштық жүктеме коэффициентін есептеуге қойылатын талаптарды алып тастау көзделеді. Бірақ&nbsp;несиеге алынған көлік кепілге қойылады. Яғни&nbsp;борышкер қарызын өтемесе, банк көлікті сатылымға шығарып, ақшаны қайтарады”, –&nbsp;деп мәлімдеді Қаржы нарығын реттеу және дамыту агенттігі.</blockquote>Сарапшылар банктер борыш жүктемесіне қарамайды екен деп қарызға батуға, автонесие рәсімдеуге болмайтынын айтады. Демек, берешекке асқан жауапкершілікпен қарап, бизнесті дамыту, не жолаушы тасымалдау деген секілді белгілі мақсаттар үшін алу қажет. Пікірлерінше, саланы дамыту үшін де алдымен өндіріс көлемін ұлғайту маңызды.<blockquote>“Дөңгелегін, я болмаса басқа дискісін бе, я басқа бөлшегін шығару үшін оған үлкен көлем керек. Ол көлем 200 мыңнан асқаннан кейін ғана болады. Сондықтан&nbsp;бүгінде мақсатымыз – 150-ден 200 мыңға жеткізіп, одан әрі қарай кейін жаңағы автомобиль шығару деген мемлекеттік қатарына қосылу мәселесі”, –&nbsp;деді экономист Сапарбай Жұбаев.</blockquote>Сарапшының сөзінше, жаңа көліктің қолжетімділігі отандық автопаркті де жаңалауға мүмкіндік береді.Айта кетейік, өнеркәсіп және құрылыс министрлігі 2027 жылы&nbsp;өндіріс көлемін 200 мыңға жеткізуді жоспарлап отыр.Фото: Pixabay.com

Қазақстанда енді бірнеше несиесі барларға да автонесие берілмек

<a href="https://kyzylorda-news.kz/">Kyzylorda-news.kz.</a> Бүгін өңірлік коммуникациялар қызметінде Арал ауданының әкімі Аманжол Оңғарбаев БАҚ өкілдеріне арнап брифинг өткізді. Онда биылғы жылдың бірінші тоқсанында ауданда атқарылған жұмыстар, алдағы міндеттер айтылды.Аудан әкімі экономикалық дамуда оң тенденция қалыптасып, жеті макроэкономикалық көрсеткіш бойынша өсім орын алғанын атап өтті. Мысалы, инвестиция саласында 16,4 пайыз өсім бар. Жыл басынан бері ауданға 4,1 млрд теңгеге жуық инвестиция тартылған. Оның 1,5 млрд теңгесі ауылдық жерлерге, 2,6 млрд теңгесі Арал қаласына тиесілі. Аудан бюджеті биыл 15,2 млрд теңгемен бекітіліп, өткен жылғыдан 105,3 пайызға жоғарылаған. Есепті мерзімде өңірдің барлық кірістері 3 млрд теңгені құрап, 107,5 пайызға өскен. Оның ішінде, ауданның өз түсімдері 1 млрд теңгені құрап, 25,4 пайызға артық орындалған.<blockquote>– Жыл басынан бері өнеркәсіп орындары 9,1 миллиард теңгенің өнімін өндіріп, өсім 17,4 пайызға жетті. Атап айтсақ, 148,1 мың тонна тұз, 49,4 мың текше метр табиғи құм қазылып, 84,8 мың тонна йодталған тұз, 1494 тонна балық және балық өнімдері өндірілді. Аудан көлемінде 2024-2028 жылдар аралығында бірыңғай индустрияландыру картасы, жалпыұлттық жобалар пулы және өңдеу өнеркәсібі жобаларының пулында іске асырылуы жоспарланған құны 174,8 миллиард теңгені құрайтын 13 инвестициялық жоба бар. Биыл өңірлік үйлестіру кеңесіне инвестициялық жобалар тізіміне қосымша 3,4 миллиард теңге болатын үш жоба ұсынылды, – деді Аманжол Оңғарбаев.</blockquote>Аталған үш жоба биыл іске қосылмақ. Олар – «CamelPro» шаруа қожалығының заманауи су сақтау технологияларды пайдалана отырып жоғары калориялық жоңышқа өсіру жобасы, «Арал Проф Н» ЖШС-ның темірден дайын өнімдерді өндіру жобасы және «Аманжолов Жұбаныш» дара кәсіпкерлігінің ылғал майлықтар өндіру цехы.Сонымен қатар, Арал қаласының индустриялық аймағындағы жер телімдері толық игеріліп, қосымша 10 гектар жер табысталған. Жалпы көлемі 16 гектарды құрайды. Бұдан бөлек, ауданда шағын және орта кәсіпкерлік субъектілерінің саны 5204-ке жеткен. Оның 95,7 пайызы тұрақты жұмыс істеп тұр. Шағын және орта кәсіпкерлік саласында 8397 адам жұмыспен қамтылып, салада өндірілген өнім 21,1 млрд теңгені құраған. Өсім – 147,3 пайыз.Сондай-ақ, аудан әкімі мемлекеттік бағдарламалар мен жалпы қаржы институттары арқылы 954,3 млн теңгенің 35 жобасы несиелендірілгенін атап өтті. Ауданда туризм саласына 2,4 млрд теңге тартылып, 3 мейрамхана, қонақ үй және «Арал» қонақ үйі жанынан бассейн, «Батыс Еуропа – Батыс Қытай» автомобиль жол бойы сервисі мен метангаз құю бекетінің құрылыс жүргізілуде.Ауданда 2022-2024 жылдарға арналған «Ауыл шаруашылығы саласын дамытудың Жол картасы» мал, егін, балық шаруашылығы бағыттары бойынша іске асырылуда. Бұл бағытта жыл басынан бері 2,3 млрд теңгенің өнімі өңделген.<blockquote>– Бекітілген жол картасы аясында 792 миллион теңгені құрайтын 30 жобаны жүзеге асыру жоспарланса, бүгінге 298,4 миллион теңгенің 24 жобасы іске қосылды. Оларда 99 адам тұрақты жұмыспен қамтылды. Атап өту керек, биыл жол картасына өзгеріс енгізіліп, қосымша 12 жоба қосылды, – деді аудан әкімі.</blockquote>Мал шаруашылығы да тұрақты дамуда. Ауданда кейінгі үш жылда төрт түлік мал басы 30 мыңнан астам өскен. Құрылыс саласы да қарқынды. Жыл басынан бері 1,1 млрд теңгенің құрылыс жұмыстары жүргізілген.Атқарылып жатқан тағы бір ауқымды жұмыс – биыл Сексеуіл кенті көгілдір отынға қосылмақ. Құны 3,5 млрд теңгені құрайтын жоба жыл соңында аяқталады. Сондай-ақ, «Нұрлы жер» тұрғын үй құрылысы мемлекеттік бағдарламасы шеңберінде Арал қаласындағы №4, №5, №6 шағын аудандарында газ желілерінің, №1 шағын ауданда электр желісінің құрылысы жүруде. Алдағы уақытта «Ауыл – ел бесігі» жобасы аясында Аманөткел ауылында 150 орындық клуб, Шижағада заманауи спорт кешені салынып, Шижаға елді мекені мен Арал қаласында 0,4 және 10кВа әуе желілері жүргізіледі.Биылғы жылдың басты жаңалықтарының бірі – Арал қаласында жалпы ұзындығы 12 шақырым кәріз желісі салынады. Оған 15 әлеуметтік нысан қосылады. Бұдан бөлек, биыл көлік инфрақұрылымын дамытуға барлығы 3 939,9 млн теңге жоспарланған.Аудан әкімі бірнеше жылдан бері қордаланып келген мәселе – Арал қаласындағы темір жол &nbsp;үстінен өтетін көпір құрылысы жыл соңына дейін толық аяқталатынын айтты. Айта кетсек, «Жайлы мектеп» жобасы аясында ауданда төрт 300 орындық білім ордасы бой көтереді. Оның екеуі – аудан орталығы мен Сексеуіл кентінде салынып жатқан мектептер биылғы оқу жылында пайдалануға берілмек.Жалпы, аудан бойынша алдағы жоспарлар ауқымды. Мысалы, 2024-2026 жылдары республикалық және облыстық бюджеттен қаржыландыру мақсатында тиісті министірліктерге жалпы құны 18 млрд 676,6 млн теңгеге 27 жоба ұсынылып, нәтижесі күтілуде.Әлеуметтік салада да оң серпін бар. Брифингте аудан әкімі мектеп бітіруші түлектер үшін қуанышты жаңалықпен бөлісті.<blockquote>– Бұған дейін мектеп бітіруші түлектер ұлттық бірыңғай тестілеуді Қазалы, Қызылорда қалаларына барып тапсыратын. Биыл бұл мәселе оң шешімін тапты. Енді аралдық талапкерлер ҰБТ-ны аудан орталағында тапсыратын болады. ҰБТ пункті болып Ұзақбай Қараманов атындағы № 262 мектеп-гимназиясы таңдалды, – деді Аманжол Сақыпұлы.</blockquote>Ауданда денсаулық сақтау нысандары, олардың техникалық жағдайына байланысты мәселелер де түбегейлі шешім табуда. Былтыр Қызылжар, Бөген ауылдарында жаңадан дәрігерлік амбулаториялар, Жалғызағым, Тастүбек, Көктем елді мекендерінде медициналық бекеттер пайдалануға берілген. Биыл Сексеуіл кентінде 40 орындық аурухана пайдалануға беріліп, Тоқабай елді мекенінде дәрігерлік амбулатория салынады. Оған қоса, аудандық аурухана жанынан жапсаржай, Арал қаласының Шанхай мөлтек ауданынан аусымына 250 адамды қабылдай алатын емхана құрылыстары да биыл басталады.Аудандық ауруханада 54 орынды кардиология және инсульттық бөлімшелер ашылған. Бұдан бөлек, биыл аурухана МРТ, ангиограф қондырғыларымен жабдықталады. Аудан халқы үшін тағы бір жағымды жаңалық – «Қамқорлық» ерте оңалту орталығын ашу үшін реконструкция &nbsp;жасауға 360,0 млн теңге бөлініп, жұмыстар басталған. Орталық 2-17 жас аралығындағы мүгедектігі бар балалар мен жасөспірімдерге арналған. Ашылған соң мекеме «Қазақстан халқына» қорынан 1,2 млрд теңгеге медициналық құрал-жабдықтармен қамтылады.Сондай-ақ, биыл ауданда «Руханият» орталығының құрылысы басталады.Биболат СәтжанФото: &nbsp;freepik.com

Инвестиция: Арал ауданында ылғал майлық өндіретін цех іске қосылады

<a href="https://kyzylorda-news.kz/">Kyzylorda-news.kz.</a> &nbsp;Халықтың өмір сүру сапасын жақсартудағы маңызды фактордың бірден бір бөлігі - сапалы инфрақұрылыммен қамтамасыз ету.Арал ауданында 2024 жылға көлік инфрақұрылымын дамыту мақсатында барлығы 4 млн-ға жуық қаржы жоспарланған. Өткен жылы бастау алған «Самара-Шымкент-Бекбауыл», Аққұлақ елді мекеніне кіре беріс, «Самара-Шымкент-Қамыстыбас-Аманөткел-Жаңақұрылыс» автожолдарының құрылысы, «Қаратерең-Жаңақұрылыс», «Қызылжар елді мекеніне кіреберіс» автожолдарын орташа жөндеу жұмыстары жүргізілуде. Ал, аудандық маңызы бар «Самара-Шымкент-Шөміш-Аралқұм» автожолының құрылысы және «Жаңақұрылыс-Бекарыстан би», автожолдарын орташа жөндеу жұмыстары басталатын болса, Хан елді мекені тұсындағы қалқымалы көпірді ел игілігіне пайдалануға беру көзделуде. Бұл туралы Арал ауданының әкімі Аманжол Оңғарбаев Өңірлік коммуникациялар алаңының ақпарат алаңында баяндады.– Бұдан бөлек, «Ауыл-Ел бесігі» бағдарламасы аясында жалпы ұзындығы 5 шақырымды құрайтын Жақсықылыш кентіндегі 12 көшенің автожолына құрылыс жұмыстары жүргізілуде. Сонымен бірге, «Моно және шағын қалаларды дамыту» бағдарламасы аясында 2 жоба яғни Арал қаласының 5,3 шақырымды құрайтын 7 көшесінің автожолын қайта жаңғырту жұмыстары өз бастауын алмақ,- деді Аманжол Сақыпұлы.Теміржол үстінен өтетін көпірдің құрылысы бірнеше жылдан бері шешімін таппай келе жатқан мәселе еді. Аудан орталығында бүгінде 40 мыңға жуық халық тұрады. Тұрғындар шойын жолдың екі бетінде қоныс тепкен. Бір ғана өткел көлік қатынасына айтарлықтай қиындық тудырып келді. Бүгінде құны 2,8 млрд құрайтын көпір құрылысының да жұмысы жүйелі. Брифинг барысында аудан әкімі осы және өзге де автожолдар құрысының жоспарын нақтылап өтті.<blockquote>– Арал қаласындағы темір жолдың үстінен өтетін көпір құрылысы жалғасын табуда. Бұл жұмыстарды 2024 жылдың аяғына дейін толықтай аяқтап, ел игілігіне пайдалануға береміз деп отырмыз. Оған қоса, Арал қаласындағы бірнеше көшелердің құрылысын бастауға салалық министрліктермен келісім бар. Бюджетті нақтылау қорытындысымен оң шешімі табылады деп күтілуде, - деді Аманжол Сақыпұлы.</blockquote>Фото: Нұрболат Нұржаубай

Арал ауданында жол құрылысы жандануда

«Криптовалюта» термині&nbsp; 1989 жылы американдық компьютер ғалымы Дэвид Ли Чаум цифрлық ақшаны ойлап тапқан кезде пайда болды. Ол транзакцияларды қорғау және растау үшін криптографияны қолданды. Тек 1990 жылдардың басында криптографиялық әдістер мен бағдарламалық жасақтама сәтті дамыды. Бұл толығымен орталықтандырылмаған электронды валютаны құруға мүмкіндік берді. Аталған ұғымды көп естісек те, астарына үңіліп жатпаймыз. Қызылордалық жастар да бұл саланың жаңалықтарынан қалыс қалмай, крипто бағытты бағындыруда.&nbsp;<blockquote>– Қазақстанда криптовалюта саласы әзірге қатты дамымаған, десе де оның жұмысын жүргізетін ең ірі биржалардың бірі Binance Қазақстанда лицензиясын алды. Сондықтан Қазақстан азаматтарына заңды түрде криптовалютаны қолдануға болады. Алайда көптеген қызмет көрсететін орталықтарда криптовалютамен төлем жасауға мүмкіндік жоқ.&nbsp;Криптовалютаны қолданатын басқа мемлекеттер онлайн төлем жасай алады және инвестиция құралы ретінде пайдаланады. Ол виртуалды валюта болғандықтан, қолдану және сақтау өте тиімді. Дегенмен кез келген активты сатып алудың өзіндік қауіпі бар. &nbsp;Биткоинды сатып алғанмен, кейін оның болашағы сіздің активыңызға кері әсері етуі мүмкін. Менің пікірімше, биткоин сатып алу қауіпті емес, тек сатып алатын нүктені дұрыс таба білу керек.&nbsp;Web 3.0 қазір қарқынды дамуда, басқа мемлекет өкілдерімен де жұмыс істеу крипто арқылы тиімді бола бастады. Сол себепті криптовалютаны басқару тиімді. Криптовалютаның түрлері өте көп және көбі эко-системаға өз пайдасын тигізеді. Криптовалюта арқылы NFT секілді активтерді сатып алуға болады. Криптовалюта өзара алмаса алатын токен болғандықтан, басқа да токендерді криптовалютаға сатып алуға болады, – дейді қызылордалық экономист Бекболат Сұлтан.&nbsp;</blockquote>Көпшіліктің пікірінше криптовалюта жай мемлекеттің валюта бағамымен есептелінетін ақша, алайда ол онлайн платформадағы ешқандай мемлекеттің валютасына жатпайтын биткойндардан тұрады. 10 жыл бұрын 1 биткоинның Қазақстандағы бағасы – 62 мың теңге болса, бүгінде 27&nbsp;631&nbsp;172 теңгеге дейін өсті. Мақаламызда виртуалды валютаның мәніне үңіліп көрдік.&nbsp;Криптовалюта – қауіпсіздікті қамтамасыз ету және жаңа бірліктердің құрылуын бақылау үшін криптографияны қолданатын сандық немесе виртуалды валюталар. Олар Blockchain технологиясы негізінде жұмыс істейді және интернетте анонимді, қауіпсіз транзакцияларды қамтамасыз етеді. Оның айырмашылығы – криптовалютаның өзіндік шегі бар. Яғни шекті бір санды мақсат етсеңіз, кейін жоспарланған бағадан асып кету мүмкіндігі болмайды. Криптовалюта – тауар және ақша.&nbsp;Криптовалютаның ерекшелігі – олардың орталықтандырылмаған табиғаты. Орталық банктер мен үкіметтер бақылайтын теңге, доллар, еуро, сияқты дәстүрлі валюталардан айырмашылығы, криптовалюталар желінің әрбір мүшесіне жалпыға қолжетімді транзакциялар тізілімінің көшірмесін алуға мүмкіндік береді.Оның айырмашылығы – криптовалютаның өзіндік шегі бар. Яғни шекті бір бағаны мақсат етсеңіз, кейін жоспарланған бағадан асып кету мүмкіндігі болмайды. Криптовалюталар, сонымен қатар, банк жүйелері мен олардың комиссияларын айналып өтіп, жылдам және арзан халықаралық транзакцияларға мүмкіндік береді.&nbsp;Десек те цифрлық валютаның да өзіндік кемшіліктері бар. Мәселен, валютаның жоғары деңгейдегі құбылмалылығы, яғни тұрақсыздықтың әсерінен криптовалюта бағасы өзгеруі мүмкін. Бұл олардың айырбастау және сақтау құралы ретіндегі құнын төмендетеді. Криптовалюта орталық банктерге бағынышты болмағандықтан, оларды пайдалану тұтынушылардың жеткіліксіз қорғалуына және алаяқтықтың орын алуына әкелуі мүмкін. Атап өтетін маңызды кемшіліктің бірі – криптовалюталарды заңсыз, яғни &nbsp;терроризмді қаржыландыру және басқа да жасырын мақсаттарда пайдалану мүмкіндігі бар. Цифрлық валютаның техникалық осалдығын да есте сақтаған жөн. Себебі оның салдары биржалар мен әмияндарды бұзуға, құпия сөзі ұмытылған әмиянға кіруден шектеп, қолжетімсіз етуі хақ. Сонымен қатар оның экологиялық та әсері бар. Кейбір криптовалюталар, әсіресе Proof-of-work тау-кен алгоритмдерін қолданатындар, қоршаған ортаға әсер ететін үлкен көлемдегі энергияны тұтынады. Мұндай қорғаныс мәселелері сіздің жеке мәліметтеріңіз бен валюталарыңыздың қауіпсіздігін сақтамауы мүмкін. Бұл ескеретін жайт. Инвесторлар әрбір шешімді тиянақты қабылдауы тиіс, эмоцияның әсерімен «ақша табу керек» деген асығыс ойдан аулақ болу маңызды. Сол себепті алаяқтықтың құрбаны болмау үшін лицензияланған криптокомпаниялармен, криптобиржалармен байланысқан жөн.<blockquote>– Есте сақтауға тиісті маңызды дүние: қысқа мерзімді пайда немесе ұзақ мерзімді жинақтау болсын, нақты және шынайы инвестициялық мақсаттар қою керек екенін ұмытпаңыз. Жылдам пайдаға ұмтылудан, нарықтық толқудың әсерінен эмоционалды әрекет етуден абзал болу маңызды. Тәртіпті және салмақты тәсіл сізге инвестициялық стратегияны құруға, жақсы басқаруға және тәуекелдерді азайтуға көмектеседі, – деп кеңес берді BigONE&nbsp;криптовалюта бизнесін дамыту жөніндегі вице-президенті Афина Миао.&nbsp;</blockquote>Криптовалютаның кемшіліктерінен бөлек айрықша пайдалы тұстары да көп. Цифрлық валютаны мемлекеттік банктер бақылауда ұстай алмайды. Мәселен, заңды түрде сіз некеңізді бұзғыңыз келсе, өз мүлкіңіздің белгілі бөлігін беруге тиісті боласыз. Алайда криптовалюта заңмен қудаланбайды және оны ешкіммен бөлісуге міндетті болмайсыз. Криптовалюталар – банк жүйелері мен олардың комиссияларын айналып өтіп, жылдам және арзан халықаралық транзакцияларға мүмкіндік береді. Яғни, дәстүрлі банктік аударымдармен салыстырғанда, криптовалюта операциялары төмен комиссиялармен және қысқа мерзімде жүзеге асырылуымен ерекшеленеді. Сондай-ақ ол транзакциялардың ашықтығы мен қауіпсіздігін сақтай отыра, манипуляциялар мен цензураға төзімді болады. Анығырақ айтсақ, әрбір криптовалюта шифрланған, оны ұрлау немесе өзге де астыртын әрекеттерді жүзеге асыру мүмкін болмайды. Тіпті, 1 криптовалютаны бұзу үшін мың жыл уақыт керек деседі.&nbsp;Blockchain – көптеген криптовалюталарға негізделген технология, барлық транзакциялар туралы деректердің ашықтығы мен қол жетімділігін қамтамасыз етеді. Кейбір криптовалюталар инвесторларға жылдам өсуі мен құбылмалылығының арқасында жоғары табыс әлеуетін ұсынады. Соның арқасында инвестиция құюға мүмкіндік алады. Сонымен қатар криптовалюта және blockchain – технология, логистика және медицина сияқты әртүрлі салалардағы инновацияларды ынталандырады. Жаңа жобалар мен технологиялар үнемі пайда болып, криптовалютаны қолданудың жаңа тәсілдерін ұсынады. Инновациялық мүмкіндіктер сіздің крипто-қаржы қорыңыздың қомақты болуына үлес қосады.&nbsp;Криптовалюта және Blockchain технологиясын дамытуға және ілгерілетуге айтарлықтай үлес қосқан бірнеше табысты тұлға бар. Мәселен, Сатоси Накамото. Ол – биткоинді жасаушы, бірақ оның шынайы тұлғасы әлі күнге дейін құпия.Виталик Бутерин – «Ethereum» ақылды келісімшарт платформасы және орталықтандырылмаған қосымшалар негізін қалаушы.&nbsp;Чарли Ли – ең танымал балама криптовалюталардың бірі Litecoin-ді жасаушы.&nbsp;Санпин Джао (CZ) – &nbsp;CEO Binance, әлемдегі ең ірі криптовалюта биржаларының бірінің негізін қалаушы.&nbsp;Джозеф Любин – CEO Chainlink, блокчейндегі сыртқы деректерге қол жеткізуге мүмкіндік беретін ақылды келісімшарт платформасын ойлап тапқан.&nbsp;Кавин Вуд – «Ethereum» негізін қалаушылардың бірі және әртүрлі блокчейн желілері арасындағы интероперабельділік платформасы «Polka dot»-ты&nbsp; құрушы.Қазір ең ірі агрегаторларының бірі – CoinGecko мәліметтері бойынша, 2024 жылдың басында әлемде цифрлық активтерді айырбастау және саудалау үшін 1500-ден астам алаң жұмыс істейді. Әлемдегі кейбір мемлекеттерде криптовалютаны қолдануға, онымен саудаласуға рұқсат берілген. Қазақстанда да ресми түрде майнингпен айналысуға болады, алайда елде криптовалютаның еркін айналымы бар деп айтуға болмайды. Елімізде &nbsp;криптовалюта даулы құқықтық мәртебеге ие, өйткені оны өндіруге болғанымен, қаржылық операциялар жүргізуге болмайды.Қорытынды. Әлемде криптовалюта инвесторлар мен әртүрлі сала өкілдерінің қызығушылығының арқасында дамып келеді. Кейбір елдер криптовалютаны белсенді қолдап, қаржы, логистика, денсаулық сақтау және мемлекеттік басқару сияқты әртүрлі салаларға блокчейн технологияларын енгізеді. Басқа елдерде криптовалюталар дәстүрлі қаржы институттарына кедергі келтіріп, қарсылығына тап болып жатады. Бірақ соған қарамастан крипто сала дами бермек.&nbsp;Қорлан САРЫ Фото: Нұрболат Нұржаубай

Қызылордалық экономист қаржы саласы туралы тың ақпаратпен бөлісті

<a href="https://kyzylorda-news.kz/">Kyzylorda-news.kz.</a> Азаматтарды тұрақты жұмыспен қамту – басым бағыттардың бірі. Бұл ретте жыл сайын ұйымдастырылатын Солтүстік өңірлердегі бос жұмыс орындарының жәрмеңкесі жұмыссыз азаматтарға үлкен көмек беруде. Осыған орай, қаланың сол жағалауында «Жетістіктер алаңы» бос жұмыс орындарының жәрмеңкесі ұйымдастырылмақ. Аталған шарада қызылордалықтарға Солтүстік өңірлердегі 3500-ге жуық бос жұмыс орны ұсынылады деп жоспарлануда. Бұл туралы кеше Өңірлік коммуникациялар қызметінің ақпарат алаңында облыстық жұмыспен қамтуды үйлестіру және әлеуметтік бағдарламалар басқармасы басшысының орынбасары Жанар Дәулетбаева хабарлады.<blockquote>&nbsp;– Қаланың сол жағалауында жұмыс күші жетіспейтін өңірлерге қоныс аударуды ынталандыру мақсатында «Жетістіктер алаңы» бос жұмыс орындарының жәрмеңкесі ұйымдастырылады. Мұнда Солтүстік Қазақстан, Абай, Ұлытау облыстарынан келген делегация мүшелері облыс тұрғындарына тұрақты жұмыс орындарын ұсынады. Қоныс аударуға ниеті бар азаматтардың отбасы мүшелеріне 70 АЕК көлеміндегі бірретік қаржылай көмек беріледі. Сондай-ақ, тұрғын үйді сатып алу және салу үшін ақшалай төлем ретінде экономикалық ұтқырлық сертификаты ұсынылады. Бұдан бөлек, ай сайын тұрғын үйді жалдау және коммуналдық қызметтерге ақы төлеу бойынша көмек көрсетіледі, – деді Жанар Жұмабекқызы.</blockquote>Брифинг барысында Солтүстік Қазақстан облысы, Ұлытау, Абай облыстарынан келген жауапты сала өкілдері өңірлердегі бос жұмыс орындары мен әлеуметтік көмек туралы айтып берді.<blockquote>– Біздің өңірге 2 700-дей адам қоныс аударады деп жоспарлап отырмыз. Бізде білім мен медицина салаларында бос орындар бар. Сондай-ақ, “Дипломмен ауылға” бағдарламасы бойынша қаладан, ауданнан келетін жас мамандарға қосымша 5 млн теңге көлемінле қаржы беру қарастырылған. Бұдан да өзге де салаларда бос жұмыс орындары бар. Екі қолға бір күрек іздеп келген мамандарға қолдау білдіруге әрқашан әзірміз, – деді Солтүстік Қазақстан облысы «Еңбек мобильділігі орталығының директоры Аман Төрегелдин.</blockquote>Бүгінгі өткізілетін бос жұмыс орындарының жәрменкесі жұмыс іздеп жүрген адамдарға үлкен сеп болмақ.&nbsp;<blockquote>– Біздің өңірде мал шаруашылығы қарқынды дамыған. Ауыл ақсақалдары мен көпбалалы отбасылар көшіп келетін болса оларға мемлекеттің қолдауынан бөлек, бес жыл бойы төрт түлікпен қамтасыз етуді көздеп отырмыз. Айта кету керек, былтыр көшіп келген отбасыларға 5 ірі қара мал, 10 ұсақ мал берілді. Біздің өңірге қоныс аударған азаматтарға қолайлы жағдай жасалады, – деді Ұлытау облысының «Еңбек мобильділігі» орталығының директоры Айдар Қойшыбаев.</blockquote>Айта кетейік, брифинг барысында 3500-ге жуық бос жұмыс орны бар екені айтылды.&nbsp;<blockquote>– Егер Қызылорда облысында жұмыссыз жүрген жандар болса бізде, яғни Абай облысында мемлекеттік жұмысқа орналасам деген жандарға 300-ден астам бос жұмыс орындары қарастырылған. Тағы айта кететін жаңалық, 2023 жылдың қараша айынан бастап Абай облысында “Интеграциялау және емдеу” орталығы ашылды. Мәселен, біздің өңірге қоныс аударған азаматтар облысқа қарасты аудандарға көшуіне мүмкіндік бар. Оларға тұрғын-үй сатып алуға немесе өзі қалаған үйін салып алуға қаржы бөлінетін болады, –деді Абай облысының жұмыспен қамту және әлеуметтік бағдарламаларды үйлестіру басқармасының бас маманы Дархан Аюпов.</blockquote>Фото:&nbsp;Қызылорда облысының Өңірлік коммуникациялар қызметі

Солтүстік өңірлердегі бос жұмыс орындарының жәрмеңкесі өтеді

<a href="https://kyzylorda-news.kz/">Kyzylorda-news.kz.</a> Қызылорда облысының энергетика және тұрғын үй-коммуналдық шаруашылық басқармасы жыл басынан бастап қарқынды жұмыс атқарып келеді. Атап айтар болсақ, газдандыру саласы бойынша биыл газбен жабдықтауға 20 жобаны жүзеге асыру үшін 5,9 млрд теңге бөлінді. Оның ішінде РБ-тен 3,9 млрд.теңге, ОБ-тен 2,0 млрд теңге.Бұл қаржыға 2023 жылдан өтпелі 14 жоба жалғастырылады және 6 жаңа жоба құрылысы басталады. Ресми мәліметтерге сәйкес, ағымдаағы жылы 11 елді мекенге табиғи газ беру жоспарлануда. Ағымдағы жылдың &nbsp;наурыз айында Бестам елді мекеніне газ берілді. Қалған 10 елді мекенде қазіргі таңда құрылыс-монтаж жұмыстары жүргізілуде. Нәтижесінде жыл соңында облыстың газбен қамту деңгейі &nbsp;78 пайызға, газдандырылған елді мекендер санын 46-ға жеткізу &nbsp;жоспарлануда.Ал, ауыз сумен қамту бойынша облыс бойынша 230 ауылдық елді мекеннің 204-і немесе халық санымен алғанда 98,4 пайызы орталықтандырылған ауыз су жүйесіне қосылған. Қалған 26 ауылда 7 мыңнан аса адам немесе ауыл халқының 1.6 пайызы қоныстанған.&nbsp;<blockquote>– Мемлекет басшысының 2021 жылғы жолдауында Үкіметке алдағы бес жыл ішінде халықтың 100 пайызын таза ауыз сумен қамтамасыз етуді тапсырған болатын. Осыған байланысты, 26 елді мекендегі халықты 100 пайыз ауыз сумен қамту бойынша кезеңдік жоспар жасалынып, жұмыстар жүргізілуде. Оның ішінде, Қазақстан Республикасы Су ресурстары және ирригация министрлігі арқылы 3 елді мекен Арал ауданы – Ақбасты, Абай, Тоқабай, ҚР Өнеркәсіп және құрылыс министрлігі арқылы 5 елді мекенге Арал ауданы –Тастүбек, Ерімбетжаға, Қазалы ауданы – Шәкен, Сарбұлақ, Шилі су жүйелерін салу және жергілікті бюджеттен 24 елді мекенге Арал ауданы (6) – Тастүбек, , Қазалы ауданы (11) – Ажар, Бірлік, Сарбұлақ, Жұбан, Шилі, Шиелі ауданы (2) – Лесхоз, &nbsp;Ақтам су тұщытқыш &nbsp;(КБМ) орнату жоспарланып отыр, – дейді сала мамандары.</blockquote>Биылғы жылы ауыз сумен қамту және су бұру жобаларына республикалық және облыстық бюджеттен 12 жобаға 2,5 млрд. теңге бөлінді. Қазіргі таңда, жобалар тиісті құрылыс-монтаж жұмыстары мерзімінде атқарылып пайдалануға берілетін болады.Электр энергетикасы саласы бойынша бүгінде өңірдегі электрмен қамту жүйелерінің жалпы ұзындығы 10490,82 шақырым электр желілер және әр-түрлі кернеуліктегі 2008 дана қосалқы станциялардан &nbsp;тұрады, олардың тозу деңгейі 66 %-ды құрайды.&nbsp;Былтырғы жылы облыстағы бірінші кезекте жөндеуді қажет ететін электрмен қамту нысандары анықталып, жаңғырту-жөндеу, ауыстыру жоспары жасалды. Оның бірінші кезеңіне облыстық бюджеттен 1,6 млрд.теңге қаражат бөлінді. Бұл қаржыға кернеулігі 10/0,4 кВ 35 қосалқы станция ауыстырылып, 27 дана кірпіштен жасалған ескі күштік трансформатор күрделі жөнделді. Оған қоса 32 шақырым желі ауыстырылды.2024 жылға екінші кезекке облыстық бюджеттен 1,5 млрд. теңге қаржы бөлініп, бөлінген қаржыға 16 дана 10/0,4 кВ-ты ТП, КТПН-ді 10/0,4кВ КТПБ-ға ауыстыру, 0,5 шақырым 35кВ Л–33,34 әуе желілерін жаңғырту, ұзындығы 128,4 шақырым 10/0,4 кВ әуе желілерін қайта жаңарту, 5,6 шақырым 0,4 кВ кабель желілерін қайта жаңарту және автотехника сатып алу, атап айтқанда 4 дана «Коммуналдық қызметтерге арналған металл платформасы бар автокөлік», «Жылжымалы электротехникалық зертхана автокөлігі», «Мамандандырылған кран-манипулятор автокөлігі» қарастырылды.Жауапты сала мамандары 2024 жылға Шиелі кентіндегі «Шиелі» 220/110/35/10 кВ қосалкы станциясын қайта жаңғырту жобасы бойынша, мемлекеттік сараптама оң қорытындысы алынып, Ұлттық қордан 1,5 млрд. теңге қаржы бөлініп, жеңімпаз анықтау мақсатында мемлекеттік сатып алу конкурсы жүргізілуде. Одан соң жылу желілерін жаңғырту &nbsp;бойынша облыста 2023-2024 жылғы жылу беру маусымы 10 сәуірден бастап аяқталып, тұрақты өтті. Тіршілікті қамтамасыз етуші кәсіпорындар штаттық режимде жұмыс жасады. Алдағы жылу маусымына дайындық пен оны өткізу жөніндегііс шара жоспары әзірленді. Барлық тіршілікті қамтамасыз етуші кәсіпорындардың дайындық жұмыстарының кестесі бекітіліп, жұмыстар жүргізілетін болады – дейді.Облыс бойынша жылу желілерінің ұзындығы 216 шақырым, тозу көрсеткіші 44.6 пайызды құрайды.&nbsp;Тозу деңгейін азайту мақсатында ағымдағы жылы 6 жоба бойынша 6,7 млрд. теңге бһлініп, 9,5 шақырым жылу желілері қайта жаңғыртылатын болады. Нәтижесінде жылу желілерінің тозуы 2,8 пайызға төмендейді.Сонымен қатар, жылу желелерін жаңғырту бойынша 8 жоба әзірленіп, экспертизаның қарауында. Облыстық бюджет нақтылауымен қосымша 16 жобаны әзірлеуге қаржы бөлініп, 6 жобаның жобалаушы мекеме анықталды, қалған 10 жоба бойынша конкурс жариялау жұмыстары жүргізілуде.2024 жылы облыс бойынша 19 абаттандыру жобасын жүзеге асыруға республикаляқ және облыстық бюджеттен 6,5 млрд. тенге бөлінді. Бұл қаржыға 56 көшеге 57 шақырым жаяу жүргіншілер жолының құрылысы, 26 көпқабатты тұрғын үйлердің қасбеттерін жөндеу және 62,5 шақырым құрайтын 54 көшені жарықтандыру жұмыстары жүргізілетін болады.&nbsp;Қазіргі таңда, Қызылорда облысында сараптама қорытындысымен апатты деп танылған 55 үй көппәтерлі тұрғын үйлер бар. Оның ішінде, Қызылорда қаласында 51 үй, Сырдария ауданында 3 үй, Жалағаш ауданында 1 үй бар. Жалғыз тұрғын жайы апатты деп танылған барлығы 663 отбасы тұрғын үй кезегінде тұр. Оның ішінде, Қызылорда қаласында 638 отбасы, Сырдария ауданы бойынша 18 отбасы, Жалағаш ауданы бойынша 7 отбасы.2024 жылы Қызылорда қаласының жалғыз тұрғын жайы апатты деп танылған 135 отбасына пәтер сатып алу үшін облыстық бюджеттен 1,6 млрд.теңге қаралды. Бүгінгі таңда, күрделі жөндеуді талап ететін кондоминиум объектілерінің үлесі 2011 жылғы 800 үйден 550 үйге азайды.Ағымдағы жылы республикалық бюджеттен 36 көпқабатты тұрғын үйді күрделі жөндеуден өткізуге 2,111 млрд.теңге қаржы қаралды. Негізінен мемлекет басшысының халықтың әлеуметтік жағынан осал топтарын қолжетімді жалға берілетін тұрғын үймен қамтамасыз ету жөніндегі тапсырмасына сәйкес жұмыстар жасалуда.Азаматтарға тұрғын үйдің жалдау ақысын төлеу бойынша қаржы операторы болып «Отбасы банк» тұрғын үй құрылыс жинақ банкі» АҚ-ы тағайындалды.Басқарма мәліметінше, қазіргі уақытта, «Отбасы банк» АҚ мен 784 азамат келісім жасалып, &nbsp; ай сайын төлем жасалуда. Тұрғын үй алу кезегінде тіркеуде тұрған азамматтар саны - 35782. Оның ішінде, Ұлы отан соғысының ардагерлері – 2, жетім &nbsp;балалар мен ата-анасының қамқорлығынсыз қалған балалар – 2251, «Алтын алқа», «Күміс алқа», алқаларымен наградталған немес бұрын «Батыр ана» атағын алған, сондай ақ 1 және 2 дәрежелі «Ана даңқы» орденімен наградталған көпбалалы аналар, көпбалалы отбасылар – 8407, халықтың әлеуметтік жағынан әлсіз топтары – 13895, мемлекеттік қызметшілер, бюджеттік ұйымдардың қызметкерлері, әскери қызметшілер және мемлекеттік сайланбалы қызмет атқаратын адамдар -10503, жалғыз тұрғын үйі Қазақстан Республикасының заңнамасында белгіленген тәртіппен авариялық жағдайда деп танылған азаматтар – 725. Қызылорда облысының энергетика және тұрғын үй-коммуналдық шаруашылық басқармасының биылғы 3 айда атқарған жұмыстары өткен жылмен салыстырғанда оң нәтиже көрсетті. Жауапты мамандар алдағы уақытта жоспар бойынша бірқатар жұмыстар атқарылатынын жеткізді.&nbsp;Аружан ЕРАЛЫ &nbsp;

Газдандыру: 20 жобаны жүзеге асыруға 5,9 млрд теңге бөлінді

<a href="https://kyzylorda-news.kz/">Kyzylorda-news.kz.</a>&nbsp; Соңғы мәліметтерге зер салсақ, Сыр өңірінің макроэкономика саласындағы серпіні өте жоғары. Өнеркәсіп, өңдеу, аграрлы сала, құрылыс жұмыстары, бөлшек сауда және инвестиция көлемі жыл сайын екі еселеніп келеді. Әсіресе, инвестиция әлеуетінің көрсеткіші жоғары. Бұл қатарда Жаңақорған ауданының да үлесі аз емес. Жыл басынан бері құрылыс пен өңдеу өнеркәсібінің өрісі кеңейіп, былтырғы жылмен салыстырғанда 1,5-3 есеге дейін артқан. Шағын кәсіпкерлік пен өнім өндіру ісінде де жеткен жетістігіміз толайым табыспен түйінделіп отыр. Осы тақырып төңірегінде қысқаша тоқталып, ауданның әлеуетін зерделеп көрдік.Елімізде өңдеу өнеркәсібі өрісін кеңейтіп, өнім көлемі артып келеді. Өткен жылдың қорытындысында еліміздің ішкі жалпы өнімінің 13,4%-ын осы сала құрапты. Сөйтіп, экономикаға қосқан үлесі бойынша сауда және тау-кен өнеркәсібінен кейінгі үшінші көрсеткішті иеленді. Өндіріс көлемі бойынша оң динамика орын алып отыр. Бір өкініштісі, еуразиялық экономикалық елдер көшіндегі көрсеткішіміз көңіл көншітпейді. Еуразия¬лық экономикалық комиссияның статистикасына сәйкес, 2024 жылдың қаңтар-ақпан айларында Қазақстан көш бастай алмады. Бірақ осыған қарамастан біздің ауданның салыстырмалы статистикасы едәуір жоғары.Жалпы, Жаңақорған ауданы бойынша хаық саны 82 мыңға жуықтайды. Бұл нақты тіркелгендердің көрсеткіші.Алдымен инвестициядан бастағанды жөн көрдік. Жыл басынан бері үш айдың ішінде капиталға салынған негізгі инвестиция 11 млрд 162 млн-ға жеткен. Бұл өткен жылдың тиісті кезеңімен салыстырғанда 139,1 пайызды құрады. Бұл облысқа тартылған инвестиция көлемінің 10 пайызын көрсетіп тұр. Оның ішінде аграрлы салаға салынған қаржы қуантады. Бұл бәрінен бұрын отандық өнім көлемін көбейтіп, экспортты арттырудан бұрын халықтың әлеуметтік ахуалын, нарық бағасын реттейді. Мұның қатарында биыл тұңғыш өнім бергелі отырған Қыраш ауылындағы алма бақтың үлесі ерекше болғалы тұр.Ауылшаруашылығы саласында да көрсеткіш жаман емес. Егін шаруашылығында әртараптандыру бағыты жақсы жолға қойылса, төрт түлікті төлдетуде облыста озық келеміз. Аграрлы саладағы көрсеткіш былтырғы жылмен салыстырғанда 102 пайыздан асқан. Бұл салада 2358 шаруа қожалығы тіркеліпті. Демек, жыл сайын саладағы серпіліс оң нәтижеге бастап келеді. Қазір негізгі қажеттілік, ол – инфрақұрылым. Бұл бағытта Жаңақорған ауданы көш бастап тұр. Ауданаралық жолдар толық жөнделіп, ауыз су мәселесі кезең-кезеңімен шешіліп келеді. Көгілдір отыны жүргізіліп, жарықтар жаңғыртыла бастады. Жыл соңына дейін кенттегі жарық жүйелері толық жаңарады деп күтілуде. Құрылыс жұмысы қарқынды, әлеуметтік нысандардың құрылысы да уақытылы жүруде.Жаңақорған ауданының әлеуметтік-экономикалық әлеуеті айтарлықтай артып, былтыр барлық макроэкономикалық көрсеткіштер бойынша өсім қалыптасты. Мәселен, ауданда өнеркәсіп өнімдерін өндіру көрсеткіші 140 млрд теңгеге жетіп, өсім 124,2 пайызға жетті. Ал, өңдеу өнеркәсібі бойынша жалпы өсім 140,6 пайызға артқан. Бұдан бөлек, ауданның негізгі капиталына салынған инвестиция көлемі 2022 жылмен салыстырғанда 105,4 пайызға ұлғайып, 60,5 млрд теңгені құрады.&nbsp;Былтыр ауданымыздағы барлық салаларда ауқымды жұмыстар атқарылды. Соның ішінде құрылыс саласы қарқынды дамыды. Атап айтқанда, 2023 жылы ауданымыздағы құрылыс жұмыстарының көлемі 123,9 пайызға орындалып, межеленген жоспар толық орындалды. Сондай-ақ, былтыр 58 265 шаршы метр болатын тұрғын үйдің құрылысы аяқталып, аудан халқының игілігіне пайдалануға берілді. Өздеріңіз білетіндей, Жаңақорған ауданы ауыл шаруашылығы саласын дамытуға өте ыңғайлы аймақтардың бірі. Тиісінше, облыстағы барлық мал басының 28,7 пайызы біздің ауданда өсірілуде. Оның ішінде қойдың үлесі 47 пайызды құрайды. Осы жылдың қаңтар айындағы мәлімет бойынша, ауданда мүйізді ірі қара саны - 67 144 бас, уақ мал - 266 003 бас, жылқы - 25 398 бас, түйе - 1 790 бас, құс - 21 155 бас тіркелген. Мал басын әрі қарай көбейту және асылдандыру бойынша жұмыстар өз жалғасын табады. Егін егу бойынша да ауданымыз нәтижелі көрсеткіштерге қол жеткізді. Мәселен, былтыр 7 903 гектар жерге негізгі дақыл күріш егіліп, толығымен бастырылды. Тиісінше, егілген күріштің әр гектарынан 56,3 центнерден өнім жиналды..Сонымен қатар, облыс көлемінде әлеуметтік-экономикалық дамуы жыл сайын жақсы көрсеткіш көрсетіп келеді. Биылғы жылдың алғашқы екі айының өзінде көрсеткен нәтижеміз көңіл қуантады. Қаңтар-ақпан айларындағы елдің әлеуметтік-экономикалық даму қорытындылары және республикалық бюджеттің атқарылуы қаралған отырыста премьер-министрдің орынбасары – Ұлттық экономика министрі Нұрлан Байбазаров есепті кезеңде атқарылған жұмыстарды, нәтижелерді саралады. Вице-премьердің айтуынша, облыста негізгі экономикалық макрокөрсеткіштер өсімі бойынша алдыңғы орынға жайғасты.Иә, өндірісі өркендеп, өркениеті өрістеген өңір қазір индустриалды-аграрлы өлкеге айналды. Күріштің отаны саналатын облыс тек аграрлы салаға ғана емес, барлық салаға басымдық беріп, кешенді жоспарлар құрып, жарқын жобалар мен бірегей бастамаларды қолға алуда. Нәтижесінде аймақтар арасында көшіміз ілгеріледі. Отырыста үздіктер көшінің тізіміне енген өзге де аймақ¬тар назардан тыс қалмады. Үкімет басшысы барлық негізгі макрокөрсеткіш Қызылорда, Батыс Қазақстан, Шығыс Қазақстан, Солтүстік Қазақстан, Түркістан, Абай облысы мен Астана қаласында өскенін тілге тиек етті. Ең төмен көрсеткіштер Маңғыстау, Атырау, Ақмола облысы мен Алматы қаласында байқалды. Қазіргі таңда өсу қарқыны сақталып отырғанын, дегенмен динамиканы арттыра түсу қажет екенін айтты.<blockquote>– Министрліктер мен өңірлердің бірінші басшылары жоспарды сапалы әрі уақытылы іске асыру үшін қажетті шараларды қабылдауға тиіс. Үкімет жұмыла жұмыс істеп, экономиканың барлық саласын тиімді үйлестіруі керек, – деді Олжас Бектенов.</blockquote>Премьер-Министр әрі қарай инфляциялық қысымды төмендету керектігіне назар аударды. Екі айдың қорытындысы бойынша инфляция баяулап, 9,3%-ды құрады. Бұл ретте Үкімет пен Ұлттық Банктің алдында оны 8%-дан төмен ұстап тұру міндеті тұр. Мұнан бөлек, мәжілісте ҚР Премьер-министрі Олжас Бектенов Сыр өңірі екі ай қорытындысымен жоғары даму көрсеткіштеріне қол жеткізгенін айтты. «Қаңтар-ақпан айларында ел экономикасы 4,2%-ға, барлық макрокөрсеткіштер Қызылорда, Батыс Қазақстан, Шығыс Қазақстан, Солтүстік Қазақстан, Түркістан, Абай облыстары мен Астана қаласында өсті» – деді Үкімет басшысы.Сонымен қатар атаулы жиында қатты тұрмыстық қалдықтарды қайта өңдеу мәселесі қаралып, өзекті мәселелерді ортаға салды. Облыс әкімі Нұрлыбек Нәлібаев қалдықтарды қайта өңдеу жобаларын іске асыру барысын баяндады.<blockquote>– Облыста қатты тұрмыстық қалдықтарды өңдеумен 18 кәсіпкерлік субъектісі айналысады. Өткен жылы 166 мың тонна тұрмыстық қатты қалдықтың 45,7 мың тоннасы немесе 27,5 %-ы өңделді. Былтыр облыстық бюджеттен бөлінген 1 млрд 700 млн теңгеге қалдықтарды жинау, тасымалдау жұмыстарын атқаратын 49 арнайы техника алынды. Мемлекет басшысының ірі қалаларда қатты тұрмыстық қалдықтарды қайта өңдейтін зауыттар салу тапсырмасына сәйкес, алдағы 2 жылда құны 36 млрд 400 млн теңгені құрайтын 9 жобаны іске асырамыз. Аталған жобалар аясында өңірдің барлық аудандары мен Қызылорда қаласы толық қамтылады. Бүгінде инвесторлар анықталды, – деді аймақ басшысы.</blockquote>Айта кетейік, қалдықтарды сұрыптау және өңдеу саласындағы 8 жоба «Жасыл даму» акционерлік қоғамының қаржыландыру меха¬низмі арқылы іске асырылады, 1 жобаға облыстық бюджеттен 475 млн теңге қаралды.Нұрлыбек Машбекұлы жобалар толық жүзеге асқанда 498 тұрақты жұмыс орны ашы¬латынын, жылына 380 мың тоннадан астам қатты тұрмыстық қалдық сұрыптау және қайта өңдеуден өтетінін айтты. Одан құрылысқа қажетті брусчатка, кәріз люктері, қағаз, пластик және шыны шығарылатынын жеткізді.Қазір Қызылорда қаласында құны 33 млрд теңгені құрайтын 2 жоба жүзеге асырылуда. Оның бірі – қолданыстағы полигонды жаңғырту жобасы. Қалдықтарды ұсақтау және өртеу қондырғылары, 32 арнайы техника (мусоровоз, экскаватор, жүк тиегіш, жүк тасымалдаушы, өрт сөндіру, суару автокөлікте¬рі), 3 мың евроконтейнер алынып, медициналық және құрылыс қалдықтары кәдеге жаратылатын болады. Осылайша полигонның қалдық қабылдау қуаттылығы 60 мың тоннадан 210 мың тоннаға ұлғаяды.Бұдан бөлек, шыны ыдыстар өндіруде 1 жоба іске асырылады, жоба құны – 29 млрд.теңге, қуаттылығы жылына 220 млн шыны ыдыс. Зауытқа шикізат ретінде жиналған шыны қалдықтары қолданылатыны арқау болды.Осындай ірі бастамаларға ден қойған Үкімет басшысы ҚР Экология және табиғи ресурстар министрлігіне Қызылорда облысының тәжірибесін басқа өңірлерге енгізуді тапсырды.<blockquote>– Кәсіпорындардың көпшілігі қайталама шикізатты жинаумен, оны буып-түйіп, шетелге сатумен ғана айналысады. Ал қалдықтарды қайта өңдеп, түпкілікті өнім шығарушылар аз. Қызылорда облысында әрбір аудан қалдықтарды қайта өңдеуге қатысты өз жобаларын іске асыруда. Осындай оң тәжірибелер әр өңірде болуы керек. Жобалардың барлығын аяғына дейін жеткізу қажет. Ерлан Нұралыұлы, Қызылорда облысының оң тәжірибесін басқа өңірлерге тарату керек, – деді Премьер-министр.</blockquote>Ал, Үкімет отырысынан кейінгі арнайы мәжілісте өңір басшысы Нұрлыбек Нәлібаев бірқатар тапсырма беріп, қазіргі жоғары даму қарқынын сақтауды және бюджет қаражатын толық игеруді тапсырды.Аудандағы негізгі капиталда шағын кәсіпкерлік пен өнім өндірудің үлесі басымырақ болып тұр. Әсіресе, шағын кәсіпкерлікпен айналысуға ниетті тұрғындар қатары көбейді. Былтырғы жылдың осы кезеңімен салыстырғанда белсенді кәсіпкерлік субъектілерінің үлесі 112,3 пайызға жеткен. Қорыта айтқанда, өңір өркендеуінің шынайы көрсеткішін нақты цифрлар ғана емес әлеуметтік ахуал айқындап тұр. &nbsp;

Макроэкономикалық тұрақтылық – табыс кепілі

<a href="https://kyzylorda-news.kz/">Kyzylorda-news.kz</a> Облыс әкімі Нұрлыбек Нәлібаев «Қорқыт Ата» әуежайы жаңа терминалының құрылыс алаңына барды.«Болат Өтемұратов қорының» қолдауымен салынған халықаралық талаптарға сай келетін жаңа терминалда ішкі және халықаралық рейстерге, транзиттік жолаушыларға арналған залдар, CIP-зал, жүкті автоматты түрде беру жүйесі, «Duty Free» аймағы, сауда нүктелері, медпункт, кафе, ғибадат ету, жүк сақтау, ана мен бала бөлмелері бар. Екі қабатты ғимараттың сыйымдылығы – 250 адам, төлқұжат бақылайтын 10 кабина қызмет етеді. Нысан таяуда ел игілігіне табысталмақ. Жобаға бағытталған 20 млрд теңгенің 15 млрд 700 млн теңгесі Болат Өтемұратов қорынан бөлінген. Жергілікті бюджеттің 4 млрд 300 млн теңге қаржысы инфрақұрылымды дамытуға, абаттандыруға, яғни жылу, су, электр, телефон және кәріз, желілерін, автожол жүргізуге жұмсалды.Қазір әуежай және оған іргелес аумақ абаттандырылуда. Осы аумаққа 615 шаршы метр гранит жабыны, 16,2 шаршы метр асфальт, 4038 шаршы метр кеспе тас және 3630 шаршы метр қиыршық тас төселуде. «Қызылорда қаласындағы әуежайдың іргелес аумағын абаттандыру құрылысы» жобасына 634 050 млн теңге бөлініп, 4 жолақты, ұзындығы 480 метр, әр жолақтың ені 3,5 метр болатын жол салынуда.Аймақ басшысы құрылыс сапасына, ғимараттың жолаушыларға барынша жайлы, сыртқы келбеті үйлесімді болуына мән беруді тапсырды.Фото: Қызылорда облысы әкімінің баспасөз қызметі

Қазақстан және Қызылорда облысының жаңалықтары: Экономика