<a href="https://kyzylorda-news.kz/">Kyzylorda-news.kz</a>&nbsp; &nbsp; Келесі жиырма бес жылда әлем халқының 75%-ын қуаңшылық жайлауы мүмкін. Бұл – ауыл шаруашылығы мен экожүйеге ауыр соққы беретін табиғаттың қатаң сынағы. Әлемде жылына 100 миллион гектар жер тозып қурайтын көрінеді. Мұндай мәселенің негізгі себептерінің бірі – климаттың өзгеруі. Ғылыми зерттеулерге қарап, жаһандық жылынудың кері әсерін байқауға болады.&nbsp;Әріптесіміз Ернат Мелсұлының мәліметінше, ең ірі апельсин шырынын экспорттаушы Бразилияның апельсин алқаптарына қауіп төніп тұр. Бұл климаттың өзгеруінен туындаған аптап ыстық пен құрғақшылықтың салдары. Мамандар мұндай ауыртпалық кейінгі 14 жылда алғаш тіркелгенін айтады. 2019 жылы ғалымдар қатердің алдын алу үшін жер шарын жасанды жолмен суыту тәсілдерін қарастырды. Еnvironmental Research Letters басылымы күн сәулесінің жер шарына түсуін азайту керегін жазған еді. Осы ұсыныс аясында 20 шақырым биіктікке сульфаттар қоспасын шашу қарастырылған. Сол жылдары ғалымдар мұндай үлкен көлемдегі химиялық қоспаларды шашатын ұшақ әзірге жасалмағанын, тек 15 жылдан кейін жүзеге асыруға болатынын айтқан. Бұл шамамен 2034 жылдары болуы мүмкін. Оған кететін шығын 3,5 миллиард доллар көлемінде есептелді. Сондай-ақ ұсынылған жобалардың арасында мұхит суына темір ионын қосу қарастырылған еді. Мұндайда фотосинтез процесі реттеліп, содан кейін атмосферадағы көмірқышқыл газы үнемі мұхитқа сіңіп отырады. Ғалымдар осылай ауадағы парниктік газдарды азайтуды көздеген болатын.&nbsp;Бұл әлем бойынша қарастырылған мүмкіндіктер, ал Қазақстандағы жағдай ше? Шырын экспортына қауіп төнбесе де, қуаңшылық бізді айналып өтпеді. Қазақстанның кей аймақтарында жауын-шашынның азаюы мен температураның шектен тыс көтерілу жағдайлары жиі болады. Антропогендік факторлар да қуаңшылықтың өршуіне ықпал етеді. Ормандардың кесілуі, су ресурстарын тиімсіз пайдалану, ауыл шаруашылығында суды көп қажет ететін дақылдарды өсіру сияқты факторлар табиғи су айналымын бұзады. Биыл елде құрғақшылық болады деген болжам бар. «Ұлттық аграрлық ғылыми орталығының» тәуелсіз директоры, сарапшы Кирилл Павлов америкалық мұхитты зерттейтін қызметтің зерттеулеріне сүйеніп, осындай тұжырымдама жасаған. Осыдан 3 жыл бұрын Маңғыстауда құрғақшылық басым болды. Жаңбыр мен қардың уақытылы жаумауы ауыл шаруашылығына айтарлықтай залал әкелді. Кейін ғалымдар жасанды жаңбыр әдісін қолға алуды шешкен, бірақ жоспар жүзеге аспаған еді. Алайда шикіліктер мен олқылықтардың орны толығып, кей аймақтарда қолдан жаңбыр жауды. Мәселен, былтыр Түркістанда жазда жаумаған жауын жауды. Бұл нәтижеге қол жеткізу үшін халықаралық климат өзгерту технологиялары мекемесінің мамандары Шымкент индустриялық аймағына жасанды жаңбыр жауғызу құрылғыларын орнатқан. Мамандардың айтуынша, атмосфераға теріс зарядты иондарды жіберіп, ашық аспанға будақ бұлттарды жинауға болады. Нәтижесінде жаңбырды қажетті мөлшерде жауғызып, климатты реттеуге мүмкіндік туады. Осылайша Маңғыстауға да, Түркістанға да жауын жауды. Жалпы алғанда бұл ғылыми жаңалық емес. Себебі бұған дейін де қолдан жаңбыр жасау практикада бар тәсіл. Мәселен, Біріккен Араб Әмірліктері өткен ғасырдың 40-жылдарында бұлт себу бойынша эксперименттер жүргізіп, жауын-шашынды жасанды түрде көбейту жөніндегі ғылыми зерттеу бағдарламасын ашқан. Сондай-ақ Қытай егінді қорғау үшін осы әдісті қолданған көрінеді.Құрғақшылық мәселесінде Аралдың жағдайы нашар. Осы орайда International Center of Climate change Technologies &nbsp;компаниясының мамандары жасанды жабыр технологиясын Аралға орнатуда. Бұл тақырыпта International Center of Climate change Technologies компаниясының директоры, климаттық технологиялар саласының сарапшысы Алтай Айнабекпен сұхбаттасқанымызды хабарлаған едік.&nbsp;<blockquote>− Маңғыстау (Бейнеу), Қызылорда, Арал аудандарында климатқа әсер ету жағдайын жасаймыз. Атмосфера статикалық емес, сол себепті технология әсері Маңғыстау, Қызылорда, Ақтөбе, Жезқазған, Түркістан облыстарында және Қарақалпақстанда байқалады. Бұл аймақтың барлығында температура деңгейі жоғарылап, құрғақшылық пен дала өрттері туралы ТЖМ дабыл қағып отыр. Біз мұны болдырмаймыз. Перифириялық облыстарда жауын 30-50%-ға дейін көтеріліп, температура мен өрт қауіпінің деңгейі түседі. ірінші кезекте «атмосфераның төменгі қабаттарын иондау» тәсілін жасаймыз, ол сол ылғалды тартады. Мұның мүмкін екенін көрсеткеннен кейін 100-ге жуық қосымша дрон жасақтаймыз. Қазір 3 министірлік пен 2 институттың мамандарынан жұмыс тобы құрылып жатыр. Аралға ылғал тартып, конденсациялау жүзеге асса, Орталық Азия болашақтағы су қауіпсіздігіне алаңдамаса болады. Жауын мөлшерін кем дегенде 100%-ға көтеруді жоспарлаудамыз. Өткен жылы тамызда Түркістан облысында жаңбыр деңгейі 650%-ға жоғарылады. Кейінгі жылдары Аралға мүлде су келіп жатқан жоқ. Біз бір жыл ішінде 8-15 шаршы шақырым су құюды жоспарлап отырмыз. Ол 4 Шардара су қоймасымен тең, деген еді климаттық технологиялар саласының сарапшысы Алтай Айнабек.</blockquote>Бұдан бөлек, аудан әкімі А. Оңғарбаевтың төрағалығымен аудандағы инвестициялық жобалардың іске асырылу барысы жөнінде мәжіліс өтті. Алдымен аудандық кәсіпкерлік және өнеркәсіп бөлімінің басшысы Р. Жанаев ауданда іске асырылып жатқан инвестициялық жобалар жөнінде баяндады.Биылғы жылы аудан көлемінде 40 адамды тұрақты жұмыспен қамтитын 3 жоба іске қосылады деп жоспарлануда.Атап айтар болсақ, жеке кәсіпкер Аманжолов Жұбаныштың “Ылғал майлықтар өндіру цехын ашу», «Sinooil» ЖШС-нің Батыс Қытай – Батыс Еуропа автодәлізінің бойынан «Жанар-жағармай бекетінің» құрылысы, «Қарашалаң Балық» ЖШС-нің «Арал ауданында балық зауытын салу» жобалары.Бұдан бөлек 2025 жылға 4 жоба іске қосылады деп жоспарлануда. Мәжіліс барысында аудан басшысы инвестициялық жобалардың қазіргі жағдайына тоқталып, жоба бастамашыларынан іске қосылуына кедергі келтіретін мәселелерді сұрады. Сондай-ақ, аудан экономикасына оң әсерін тигізетін, халықтың игілігіне арналған жобалардың маңыздылығына орай, жұмыстарды жеделдету қажеттігін айтып өтті.Жиын қорытындысымен аудан әкімінің жауапты орынбасарына &nbsp;жоспарланған жобалардың іске қосылуы үшін тиісті шаралар қабылдап, бақылауда ұстау жүктелді.Сонымен бірге жауапты сала басшыларына жер телімін табыстау, инфрақұрылым тартуды қажет ететін жобаларға қатысты ұсыныс енгізу тапсырылды.&nbsp;А.Текебай Фото: freepik.com

Жасанды жаңбыр Аралда

&nbsp;<img src="http://degdar-news.kz/wp-content/uploads/2024/03/64DFC43E-6A55-4365-BAB8-F09842E9E636-920x425.jpeg" alt="" loading="lazy"><a href="https://kyzylorda-news.kz/">Kyzylorda-news.kz.</a>&nbsp;&nbsp; 15 маусымнан бастап Қазақстан азаматтарының жеке куәлігі жаңа үлгіде беріле бастайды. Жаңа үлгідегі құжатта жеке куәлік иесінің азаматтығы мен жынысы туралы деректер көрсетілетін болады. Бұрын бұл мәліметтер жеке куәлікке салынған чипте орналасқан еді. Дегемен, жаңа үлгідегі жеке құжатты жаппай ауыстыру міндеттелмейді. Азаматтар жеке куәліктің жарамдылық мерзімі өткеннен кейін жаңа үлгідегі куәлікке ие болмақ. Бұл туралы Өңірлік коммуникациялар қызметінің ақпарат алаңында облыстық Көші-қон қызметі басқармасы басшысының орынбасары Сағындық Камитбеков хабаралады.-ҚР Ішкі істер министрінің осы жылдың 13 маусымда құжат үлгісін бекіту туралы бұйрығына өзгерістер енгізілді. Осыған сәйкес, ҚР азаматының жеке куәлігінің беткі жағында құжат иесінің фотобейнесі, қолы және дербес деректері, тегі, аты, әкесінің аты, туған күні, жынысы және жеке сәйкестендіру номері орналасады, Ал жеке куәліктің артқы бетінде туған жері, ұлты, азаматтығы, берілген күні, қолдану мерзімі және тиісті органның аты көрсетіледі. Жеке куәлікке өзгеріс енгізілгенімен, жаңа үлгідегі құжатты тек жарамдылық мерзімі аяқталған кейін алуға болады. Халықтың жаппай құжаттарын ауыстыруына міндетті емес, - деді Сағындық Убайдуллаұлы.Брифинг барысында «Азаматтарға арналған үкімет» КЕАҚ облыстық филиалының директорының орынбасары Айдос Серекеев жеке куәлік алудағы басты талаптарды атап өтті.-ҚР азаматына жеке куәлікті рәсімдеу 16 жасқа толғаннан кейін беріледі. Статистикалық мәліметке сүйенсек, 2023 жылы 90 806 , ал 2024 жылы жылдың 5 айында 43 412 жеке куәлік ҚР азаматтарына табысталды. 16 жасқа толғаннан кейін жеке куәлік алу үшін заңды өкілі барып, баланың туу туралы куәлігін апаруы қажет. Жеке куәлік 10 жыл мерзімге беріледі, - деді Айдос Алмасұлы.Фото: Қызылорда облысының Өңірлік коммуникациялар қызметі

 Жеке куәлікке өзгеріс енгізілді

<a href="https://kyzylorda-news.kz/">Kyzylorda-news.kz</a>&nbsp; &nbsp; Қызылорда халқының көптен күткен жаңалығы Қызылорда - Жезқазған жолының жөнделуі. 2022 жылда құрылыс басталып, бүгінде мемлекетаралық стандартқа сәйкес салынып жатқан 192 км жолдың 140 км-і соңғы жұмысын, яғни 3 қабат асфальт төсеуге дайындық үстінде.&nbsp;«СП DOHWA Engineering &amp; M50 Consulting Group» мекемесінің инженері, Корей елінің маманы Ли Вун Квон өз командасымен техникалық қадағалау жүргізуі жол сапасының барлық халықаралық стандартқа сай болатынының кепілі, себебі үнемі құрылыс басында барлық жұмыс пен қолданылып жатқан материал сапасын қадағалауда2024 жылдың соңына қарай 140 км жол мерзімінен бұрын тапсыру көзделуде.Еске сала кетейік, Антикор жол құрылысы саласына жемқорлық тәуекелдері бойынша талдау жүргізетінін мәлімдеген болатын.&nbsp;Мемлекет басшысының жол саласындағы жемқорлықты жою жөніндегі тапсырмасын орындау мақсатында Сыбайлас жемқорлыққа қарсы іс-қимыл агенттігі мен Көлік министрлігі жол құрылысы саласындағы жемқорлық тәуекелдеріне бірлескен сыртқы талдау жүргізеді.Ағымдағы жылдың 10 маусымында Сыбайлас жемқорлыққа қарсы іс-қимыл агенттігінің Төрағасы Асхат Жұмағали мен Көлік министрі Марат Қарабаев бірлескен кеңесте талдау барысында шешілуі қажет өзекті мәселелер мен міндеттерді талқылады.Соңғы 3,5 жылда Сыбайлас жемқорлыққа қарсы қызмет 64 жемқорлық құқық бұзушылықты тіркеп, 70 адамды әшкереледі, 38 адам сотталды. Залал сомасы 8,8 млрд теңгені құрады.&nbsp;Негізінен қылмыстар парақорлық, жымқыру, сондай-ақ лауазымдық өкілеттіктерді теріс пайдалану фактілерімен байланысты.«Жол жұмыстары сапасының төмендігі құрылыстың барлық кезеңдерінде (бюджеттік жоспарлау, жобалау, сметалық жоспарлау, жобалық-сметалық құжаттаманың мемлекеттік сараптамасы, техникалық қадағалау, қабылдау, пайдалануды бақылау) жүйелі жемқорлық тәуекелдерімен байланысты».Осыған орай, Мемлекет басшысының тапсырмаларын орындау аясында жол саласына бөлінген барлық қаражатты жоспарлау және жұмсау үдерістері зерделеніп, жол құрылысының халықаралық тәжірибесін, атап айтқанда, Гонконг, Сингапур, Қытай тәжірибесін зерделеуге ерекше назар аударылатын болады. Талдау нәтижелері бойынша жол құрылысының барлық кезеңдерінде жемқорлық тәуекелдерін жою және жолын кесу күтілуде. Ғылыми қауымдастықпен бірлесіп құрылыстың жаңа технологияларын енгізу тетіктері әзірленіп, ұсынылатын болады, деп атап өтті Асхат Жұмағали.Кездесу қорытындысы бойынша тараптар жол құрылысы саласындағы қалыптасқан жағдайды өзгерту бойынша кешенді шараларды белгіледі.&nbsp;Қорлан САРЫФото:aqmeshit-zhastary.kz

Аймақтағы жол құрылысының сапасы бақылауда

<a href="https://kyzylorda-news.kz/">Kyzylorda-news.kz&nbsp;</a>&nbsp; Еліміздің Тәуелсіздігін алғаш рет мойындаған мемлекет ретінде Түркия елі қашан да байырқалы бастамаларға бірлесіп келеді. Осы екі ел арасындағы достық қарым-қатынастың берік болуының нәтижесінде ел экономикасы едәуір өсіп, сауда айналымы айтарлықтай арта түсті.Бұл ретте, ауыл шаруашылығы өнімдерінің экспорт үлесін де ерекше айтуымызға болады. Дегенмен, кейінгі 20 жыл көлемінде Түркия еліне &nbsp;ет бағытындағы бірқатар өнімдерді экспорттауға шектеу енгізілген болатын. Енді бұл шектеулер толықтай алынып тасталды.Нақтырақ айтқанда, ҚР Президентінің тікелей тапсырмасы аясында осы жылдың 7 маусымынан бастап қазақстандық өнімдерді Түркия нарығына жеткізуге кедергі болған бірқатар шектеулер алынып, емін-еркін сауда айналымын жасауға ҚР Ауыл шаруашылығы министрі Айдарбек Сапаров пен Түркия Республикасы Ауыл шаруашылығы министрінің орынбасары Гизлигидер Эбубекирдің екіжақты келісімі ықпал етті.Бұл тікелей Президентіміз Қасым-Жомарт Кемелұлы Тоқаевтың жүргізген экономикалық ынтымақтастықтың нәтижесі деп білеміз. Қазақстандық өнімдерді шет мемлекеттердің нарығына жеткізу үшін әрбір бастаманың маңыздылығы айрықша екені сөзсіз. Сол себепті аграрлық саланы дамытушы азамат ретінде Мемлекет басшысына отандық өнімге қолдау танытқаны үшін алғаусыз алғысымды білдіремін.Жалпы, елімізде мал шаруашылығы оң динамикада дамып келеді. Бұған қоса, елімізде осы шаруашылықтан өндірілген өнімдерді тереңдетіп өңдеу үшін көптеген комбинаттар мен фабрикалар салынды.<img src="https://knadmin.beoblood.kz/uploads/500b0bc9_c7ac_446a_9554_bd6ac2f1e4bb_42c9ba3bab.jpg" alt="500b0bc9-c7ac-446a-9554-bd6ac2f1e4bb.jpg">Мәселен, былтыр Сыр өңірінде ет бағытындағы құс шаруашылығын дамыту мақсатында Қармақшы ауданында «Қармақшы құс» ЖШС-нің қуаттылығы жылына &nbsp;1500 тонна құс етін өндіретін құс фабрикасы іске қосылды. Қазіргі уақытта серіктестік 500 тонна құс етін экспортқа шығаруды жоспарлап отыр.2025 жылы Жаңақорған ауданында қуаттылығы жылына 3500 тонна құс фабрикасының құрылысы жобасы және мал бордақылау алаңдарының құрылыс жобаларын жүзеге асыру жоспарлануда. Бұл инвестициялық жобалар іске асқан жағдайда түркі мемлекеттеріне экспорттауға ниетті екендігін жеткізгім келеді.Жыл сайын Қызылорда облысында асыл тұқымды мал сатып алуға, асылдандыруға, ет-сүт өніміне мемлекет тарапынан қаржы бөлініп келеді. Нәтижесінде, аймақта төрт-түлік мал басы жоғары көрсеткіште өсіп, өнім өндіру тұрақты ұлғаюда.Ел экономикасының ең маңызды салаларының бірі – ауыл &nbsp;шаруашылығы саласы болғандықтан тың жобалардың нәтижелі іске асуы өте маңызды. &nbsp;Сыр өңірінің мал шаруашылығымен айналысатын азаматтары ақжолтай жаңалықты естіп, өздерінің қуаныштарымен бөлісуде.<img src="https://knadmin.beoblood.kz/uploads/cc405510_5096_4dc1_b982_0acfb4fabd1e_f431ef072f.jpg" alt="cc405510-5096-4dc1-b982-0acfb4fabd1e.jpg">Осы ретте, мал шаруашылығы оның ішінде ет өнімдерін өңдеу бағытындағы тың бастамаларды жүзеге асырып, аталған салада еңбек ететін азаматтарға осындай үлкен мүмкіндік тудырғаны үшін Мемлекет басшысына ерекше алғысымызды жеткіземіз.Президентіміздің тікелей тапсырмасы негізінде Үкіметтің қолдауымен отандық өнімнің әлем нарығына жеткізілуін қамтамасыз етуге ықпал жасаған ҚР Сыртқы істер және Ауыл шаруашылығы министрліктеріне барша ауыл шаруашылығы саласының оның ішінде, төрт-түлікті түлетіп, &nbsp;азық-түлік қауіпсіздігіне үлес қосып жүрген шаруалардың атынан шынайы ризашылығымызды білдіреміз.Еліміздің әл-ауқаты артып, отандық өніміміз дами берсін!Абзал Ералиев, Қазақстанның Еңбек Ері

Қазақстанның ет өнімдері Түркия нарығына шектеусіз экспортталады

<a href="https://kyzylorda-news.kz/">Kyzylorda-news.kz</a> «Сырдария орман және жануарлар дүниесін қорғау жөніндегі мемлекеттік мекемесі» КММ директоры Болатбек Ұлтанбекұлы 2024 жылдың 5 айында мекеменің атқарылған жоспарлы жұмыстары жайлы айтып берді.Жалпы қазіргі уақытта мекеменің штат кестесі бойынша 51 адам жұмыс жасайды. Сонымен қатар, мекемеге қарасты 236 549 га орман қоры &nbsp;жері бар. Осы жерлер 13 айналымға бөлінген. Мекеменің негізгі жұмысы осы жерлерді қорғау, молайту, тиімді пайдаланумен қатар орман өртінің алдын алу болып табылады.<blockquote>– 2024 жылға бөлінген қаржы 223&nbsp;млн 812 мың теңгені құрайды. Осы уақытқа дейін игерілген соммасы – 109 млн 411 мың теңге. Төтенше жағдай орын алған жағдайда қатысатын 7 дана техникалар бар. Мекемеде өрт сөндірушілер 7 адам жұмыс жасайды. Өрт қауіпті маусымдарда мекеме техникаларының жанар-жағармайлары 1 тонна бензин және 1 тонна дизель толығымен шешілген. Мекемедегі орман күтушілері және өрт сөндірушілері байланыс құралдарымен (рация) қамтамасыз етілген және бұл байланыс құралдары биылғы жылы жаңаланатын болады. Өрт сөндіру УРАЛ маркалы автокөлігі 2022 жылы алынған. Өртке қауіпті маусымдарда тәулік бойы кезекшілік мекеме ғимаратында және өрт бақылау мұнарасында ұйымдастырылуда.</blockquote>Биыл аудандық полиция бөлімі, төтенше жағдайлар бөлімі, №12 өрт сөндіру бөлімі, қоғамдық даму бөлімдерімен бірлесіп наурыз, мамыр айларында өртке қарсы бірлескен орман өртінің алдын алу оқу-тактикалық жаттығу іс-шарасы ұйымдастырылып, телеарнадан көрсетілді. Өрт қауіпті кезеңдерде орманшы инспекторларға өздеріне бекітілген орман қоры жерлерінде орман &nbsp;өртінің алдын-алу және орман &nbsp;өртіне жол бермеу жайлы &nbsp;қатаң ескертілген. Жыл басынан бері мекемеде орман өрті тіркелген жоқ, – деді мекеме басшысы.Орманды молықтыру бойынша мекеме қызметкерлері №9 аялдама саябағында көктемгі ағаш егу, жер жырту, жеміс ағаштарын отырғызу, саябақты тазалау, қораларды қоршау және тағы да басқа жұмыстары жүргізді.<blockquote>–1 га питомниктің 0,5 га сеппе бөліміне 80 кг қарағаш пен 50 кг үйеңкі тұқымдары егілсе, 0,5 мектеп бөліміне 4000 терек, 4000 жиде, 12 000 сыр талы ағаштарының қаламшалары отырғызылды. Сәкен Сейфуллин елді мекенінің маңайынан жоспардан тыс 1 га тұқымбақ үйеңкі, қарағаш тұқымдары егілсе, терек, сыр талы, үйеңкі ағаштарының қаламшалары егілді. Сонымен қатар 2023 жылы күз айында жұмыс жоспары бойынша егілген уақытша сексеуіл тұқымбағы қоршаланды. Арал теңізінің құрғаған ұлтанында сексеуіл егу мақсатында Сырдария орман шаруашылығынан 626 мың сексеуіл көшеті берілді.</blockquote>Биылғы жылы аудан көлемінде ағаш егу жұмыстары және акциялары жүргізіліп 7200 дана көшеттер мекемелер мен мектептерге &nbsp;Сыр талы қарағаш, үйеңкі, терек көшет&nbsp;түрлері таратылды, – деді Б. Ұлтанбекұлы.Мұнан бөлек, орман қорғау барысында браконьерлерге қарсы күрес шараларын күшейту мақсатында аудандық полиция бөлімі, облыстық инспекциясымен жедел топтар құрылып, бірлескен рейдтер ұйымдастырылып, нәтижесінде барлығы 13 заң бұзушылық анықталды. Оларға ӘҚБтК-сінің №382 бабының 1 тармағымен және №372 бап, №138 бабының 1 тармақтарымен13 дана хаттама толтырылды.<blockquote>– Мобильді топ арнайы байланыс құралдарымен және автокөлік, жанар-жағар маймен қамтылған. Әр елді мекендегі орманшылар ақбөкен аңын, қызыл мия тамырын, сексеуіл ағашын қорғау мақсатында халық арасында түсіндірме жұмыстарын жүргізуде, тиісті хаттамалар жасалды және жергілікті басылымға мақалалар берілді.</blockquote>Қыс мезгілінде су айдындарында мұздарды ойып, қамыс қою арқылы балықтардың дем алуына жағдай жасау жұмыстары жүргізілді. 2024 жылға мекеме бойынша жабайы аң-құстарға биотехниялық шаралар жасап мақсатында бірінші тоқсанда орман қоры жеріне жем шашылып, есеп-санақ жұмыстары жүргізілді.Мекемеге қарасты мемлекеттік орман қоры жерлерінде заңсыз есірткі егуге, өсіруге жол бермеу &nbsp;мақсатында мекемеде қызметкерлер арасында арнайы жиналыстар өткізіліп, орман қоры жерлері жіті бақылауға алынады. Орманшылықта, учаске мастерлері және орман күтушілері айналымдарын күзету, қадағалау&nbsp;жұмыстарына ерекше мән беріп келеді. Бүгінгі күні мекемеге қарасты орман қоры жерлерінде есірткі алқаптары анықталған жоқ, – деді мекеме директоры.

 Сырдария ауданында орман қоры жерлері жіті бақылауға алынған

<a href="https://kyzylorda-news.kz/">Kyzylorda-news.kz</a> Бұл жайында аудандық ветеринариялық станцияның басшысы Нұрлыбек Дәулетбаев хабарлады.Нұрлыбек Ахметұлы алдымен аудан бойынша ветеринария саласының 2024 жылдың 5 айында атқарылған жұмыстарға тоқталды. &nbsp; &nbsp;<blockquote>– 2024 жылы «Эпизоотияға қарсы іс-шараларға»&nbsp;аудан бойынша ауыл шаруашылығы жануарларына арналған 14 түрлі індетке қарсы ветеринариялық-профилактикалық шаралар жоспары бекітілді. 2024 жылдың 5 айына жоспарланған көрсеткішпен алғанда&nbsp;ветеринариялық-профилактикалық және диагностикалық іс-шаралар орындалып, жұмыс жалғасуда. Сонымен қатар, сарып індетінің таралуына тосқауыл қою мақсатында ауырған жануарларды санитарлық союды ұйымдастыру бойынша облыстық ветеринария басқармасы мен мал сою және қайта өңдеу бекеті Түркістан облысындағы «ДС и Братя» ЖШС-і арасында келісім-меморандум жасалынды.</blockquote>Ағымдағы жылдың 5 айында диагностикалық зерттеулер барысында сарып ауруына барлығы 2 бас оң нәтиже (А.Тоқмағанбетов) анықталып,&nbsp;ветеринариялық -санитариялық талаптарға сай қайта өңдеу кәсіпорнына өткізілді, – деді бөлім басшысы.Одан әрі бөлім басышысы&nbsp;Энзоотиялық ауруларға қарсы іс-шаралар&nbsp;туралы мәлімет берді.Ауыл шаруашылығы жануарларын энзоотиялық ауруларына қарсы профилактикалық іс-шаралар жүргізу мақсатында 6 түрлі (тейлериоз-13000, сақау-7200, бауыр құрт-10200, қатпа-600, гастрофилез-3500, пироплазмоз-7000) ауруларға қарсы ветеринариялық іс-шаралар жоспары бекітіліп, қажетті ветеринариялық препараттар жеткізілді.2024 жылдың 5 айында 2000 бас жылқы&nbsp;сақау (мыт), 600 бас түйе қатпа, 2000 бас жылқы гастрофилез, 4000 бас МІҚ малы пироплазмоз&nbsp;ауруына қарсы егіліп, жоспарға сәйкес жұмыс жалғасуда.Эпизоотиялық және энзоотиялық ауруларға қарсы іс шаралардың алдын алу мақсатында бөлінген ветеринариялық препараттардың босаған құтыларын (флакон, щприц, ине)&nbsp;«Ветеринарияда пайдаланылатын дәрілік заттар мен биологиялық препараттар қауіпсіздігіне қойылатын талаптар» техникалық регламентіне сәйкес жеке кәсіпкер «Темирлан» жоюға тапсырылуда.<blockquote>– Ауыл шаруашылығы жануарларын бірдейлендіру бойынша тоқталсақ, ҚР АШМ 2015 жылғы 30 қаңтардағы «Ауыл шаруашылығы жануарларын бірдейлендіру қағидаларын бекіту туралы» № 7-1/68 бұйрығына сәйкес, 2024 жылға барлығы 10000 бас МІҚ, 10000 бас уақ мал, 4000 бас жылқы, 100 бас түйе, 50 бас шошқа бірдейлендіру жоспары бекітіліп, қазіргі таңда 4809 (48 %) бас МІҚ, 9289 (93 %) бас уақ мал, 4609 (115 %) &nbsp;бас жылқы, 164 (164 %) бас түйе, 37 (74 %) бас шошқа бірдейлендіріліп, жұмыс жалғасуда.</blockquote>&nbsp; Сонымен қатар, ауыл шаруашылығы жануарларын бірдейлендіру дерекқор жүйесіне МІҚ, Уақ малдары 3 айлық жасқа дейін, ал жылқы малы 1 жасқа дейін тіркеуге мүмкіндік береді. Қалған жасы асқан ересек жануарларды дерекқор жүйесіне тіркелмейді.&nbsp; Осыған орай, «Ауыл шаруашылығы жануарларын бірдейлендіру» деректер базасында «Жасыл дәліз» функциясын ашу мақсатында,&nbsp;аудан көлемінде түрлі себептермен бұрын тіркелмеген, есепке алынбаған ересек ауыл шаруашылық жануарлардың есебі жинақталып, қазіргі таңда, аудан бойынша бұрын тіркелмеген 3844 бас (263 бас МІҚ, 3307 бас жылқы, 257 бас уақ малға, 17 бас түйе) ауыл шаруашылығы жануарлары есепке алынып, жұмыстар жүргізілуде.Бұл жұмыстар негізінде бұрын тіркелмеген, есепке алынбаған ересек ауыл шаруашылық жануарлардың иелеріне өз атына тіркеп алу мүмкіндігі берілді.Қазіргі таңда, аудан бойынша ауыл шаруашылығы жануарларын бірдейлендіру дерекқор базасында 43410 бас МІҚ, 35168 бас уақ мал, 27658 бас жылқы, 1746 бас түйе, 109 бас шошқа тіркеуде тұрғандығын хабарлаймын.Сонымен қатар,&nbsp;Сырдария ауданы бойынша 2024 жылы автомагистраль жанында орналасқан елді мекенде жыл басынан (Шіркейлі-8, Н.Ілиясов-24, Қалжан ахун-34, Тоқмағанбетов-47, Ақжарма-10) барлығы 123 бас МІҚ малына жарық шағылыстыратын аспалы мойындық тағылып, жұмыс жалғасуда, – деді Нұрлыбек Ахметұлы.Одан әрі станция басшысы иесіз ит-мысықтарды аулау жұмыстарына тоқталды.<blockquote>&nbsp;– «Жануарларға жауапкершілікпен қарау туралы» Заңының 11 бабына сәйкес үй жануарларын (ит, мысық) есепке алу чиптерді, сырғаларды, білезік немесе жағалар не шлейкалар және тағы басқа да есепке алу бұйымдарын пайдалана отырып, ақылы негізде жүргізіледі. Тек иелері халықтың әлеуметтік осал топтарына жататын отбасылардың үй жануарларын (ит, мысық) есепке алу тегін жүргізіледі, – деді.</blockquote>&nbsp;Тіркеу рәсімдерін мемлекеттік және жеке ветеринариялық қызметті атқаратын ұйымдар жүзеге асырады. Үй жануарларын (ит, мысық) тіркеу міндетті. Күшіктер мен марғаулар жаңа туылған сәттен бастан 45 күннен кейін есепке алынады. Қазіргі таңда, аудан бойынша 658 ит «ТАҢБА.KZ» платформасына тіркеліп, жұмыс жалғасуда.<blockquote>–&nbsp;Сонымен қатар, Қазақстан Республикасының 2021 жылғы 30 желтоқсандағы «Жануарларға жауапкершілікпен қарау туралы» Заңының&nbsp;15-баптың &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; 1-тармағының 4) тармақшасына сәйкес, (4) жануар (жануарлар) адамға, жануарларға шабуыл жасаған жағдайда және (немесе) жануарлар адамның, жануарлардың өміріне немесе саулығына, сондай-ақ қоғамдық тәртіп пен қауіпсіздікке қатер төндіретін өзге де жағдайларда) қазіргі таңда барлығы &nbsp; &nbsp; &nbsp; &nbsp; &nbsp; 226 ит, 4 мысық ауланғанын хабарлаймын, – деді Н.Дәулетбаев.</blockquote>&nbsp; Ветеринар мамандар ветеринариялық іс-шаралар жүргізуімен қатар ауыл тұрғындарына иелігіндегі ит-мысықтарды қағидаға сәйкес байлап ұстау жөнінде үнемі түсіндірме жұмыстары жүргізуде.Аудан бойынша 6 елді мекенде орналасқан 6 сібір жарасының ошақтары бар: Жетікөл ауылдық округіндегі «Шошқа ауыл», Қоғалыкөл ауылдық округінде орналасқан «Сары құм», &nbsp;Шіркейлі ауылдық округіндегі «Ескі коровник», Шаған ауылдық округіндегі «Ескі шаған», Ақжарма ауылдық округіндегі «Күміс қорған», О.Мәлібаев ауылындағы «Құндызды учаскесі» қазір Тереңөзек кентіне қарайды;Сырдария ауданы бойынша (Шіркейлі, Ақжарма, Шаған, Қоғалыкөл, Жетікөл елді мекендері және Тереңөзек кентінің «Құндызды» учаскесіндегі) елді мекендеріндегі сібір жарасы ошақтарының орындары қоршалып, табаны цементпен бетондалып, белгілері (табличка) қойылып, мемлекеттік жер актісі алынған. Сонымен қатар, ауданға қарасты кент және ауылдық округтеріне ветеринариялық-санитариялық талаптарға сәйкес&nbsp;типтік жобадағы 14 мал көмінділерімен толық қамтамасыз етілген.Одан әрі станция басшысы Конго-Қырым геморрагиялық қызбасы ауруына қарсы іс-шараларға тоқталды.<blockquote>– 2024 жылы Конго-Қырым геморрагиялық қызбасынан Сырдария ауданы бойынша 11 елді мекен (Іңкәрдария, Аманкелді, Шіркейлі, Айдарлы, С.Сейфуллин, Қалжан ахун, Қоғалыккөл, Шаған, Тереңөзек (Мәлібаев елді мекені), Ақжарма, Н.Ілиясов) қолайсыз болып анықталды. Сырдария ауданы бойынша Конго-Қырым қанды безгегі ауруына қолайсыз болып есепке алынған елді мекендерде 2024 жылы көктемгі және күзгі залалсыздандыру жұмыстарына 30987 бас МІҚ, 22583 бас уақ мал, 967 бас түйе &nbsp;және 67 бас шошқа, 3755 қора (250540 ш/м), 180 суаттар мен шаңылақтар (130521 ш/м) өңдеуге жоспарланып, «Ақтөбе- дезинфекция» жеке медициналық мекемесі тарапынан&nbsp;Сырдария ауданы бойынша көктемгі маусымда 1-кезеңі 24 сәуір – 10 мамыр аралығында жүргізіліп, қазіргі таңда 2- кезең 25 мамырдан бастап – 10 маусым аралығына залалсыздандыру жұмыстары жүргізілуде.</blockquote>Сонымен қатар, төрт түлік малдың ветеринариялық препараттармен мал иелері қаржысы есебінен &nbsp;экто және эндо паразиттерге қарсы иньекциялық жолмен 5635 МІҚ, 3905 Уақ мал, 3510 жылқы, 145 бас түйеге ветеринариялық препараттар (ивен, ивермек) қолданылып, жұмыс жалғасуда.Конго Қырым гемморагиялық қызбасы ауруларын алдын-алу, болдырмау &nbsp;мақсатында көктемгі мал тоғыту кестесі бекітіліп, &nbsp;үстіміздегі жылдың маусым айының 10 жұлдызынан бастап уақ малдарды тоғыту жұмыстары жүргізілетіндігін хабарлаймын, – деді Нұрлыбек Дәулетбаев.Ветеринария саласындағы мемлекеттік көрсетілетін қызметтер стандарты бойынша 2024 жылдың 4 айында барлығы 2369 ветеринариялық анықтамалар беру қызметі мен 8069 ауыл шаруашылығы жануарларын ветеринариялық паспорт бере отырып бірдейлендіру жұмыстары жүргізілген. &nbsp;Фото: Н.НҰРЖАУБАЙ

Сырдарияда ауыл шаруашылығы жануарларын бірдейлендіру жалғастырылуда

<a href="https://kyzylorda-news.kz/">Kyzylorda-news.kz</a> Қалалық мәслихаттың биылғы жылғы 20 маусымда өтетін кезекті сессиясында «Қызылорда қаласының тұрғын-үй коммуналдық шаруашылығын дамытудың жай-күйі мен өзекті мәселелері туралы» мәселесін қарау жоспарлануда.Аталған мәселені кезекті сессияға әзірлеу мақсатында қалалық мәслихатта уақытша комиссия құрылып, тиісті жұмыстар жүруде.Комиссия жұмысы аясында биылғы жылдың 14 маусым күні қалалық мәслихат депутаттары күн тәртібіндегі мәселе бойынша көркейту, көгалдандыру, аяқсу, абаттандыру, жол, тұрғын үй мәселелері бағытында қаламызда жұмыстар жүргізіліп жатқан бірнеше нысандарды аралап көрді.Депутаттар тоқтаған алғашқы нысан, Мұратбаев көшесі 15,17 көпқабатты тұрғын үйлердің тұрғындары орталықтандырылған кәріз жүйесіне дұрыс қосылмаған, тұрғын үйлерге бірнеше жыл бұрын жүргізген күрделі жөндеу жұмыстары сапасыз орындалған, өжірелеріндегі жылу құбыры, ауыз су құбырлары тозығы жеткен.Келесі нысан, Н.Назарбаев даңғылынан Тәуелсіздікке 25 жыл даңғылына дейін салынып жатырған жол мәселесі болды. Құрылысы аяқталған соң, аталған көше қаламыздағы екі негізгі көшелерді қосатын ауқымды көшенің біріне айналмақ. Мердігер мекеме – «Қыран» ЖШС биылғы жылдың шілде айының ішінде жұмыстарды аяқтауды жоспарлауда. Жоба бойынша жаяу жүргіншілер жолы, лоток және жарық шамдарын орнату жұмыстары қарастырылған.Сонымен бірге депутаттық аралау барысында «Жасыл Қызылорда» мекемесінің қазіргі атқарып отырған жұмыстары, назарға алынды. Облыс әкімінің тапсырмасына сәйкес, өткен жылдың қыркүйек айында «Жасыл Қызылорда» коммуналдық мемлекеттік мекемесі құрылып, қазіргі таңда бұрынғы күрделенген проблемаларды шешуге мүмкіндік туып отыр.Депутаттық аралау шарасы қалалық мәслихатта құрылған уақытша комиссия отырысына жалғасты. Уақытша комиссия отырысына қала әкімінің аппарат басшысы М.Тасқараев, облыстық мәслихаттың депутаты, «Қазсушар» шаруашылық жүргізу құқындағы республикалық мемлекеттік кәсіпорнының Қызылорда филиалының директоры Ж.Нұрымбетов, қалалық мәслихат депутаттары, кент және ауылдық округ әкімдері, тиісті дербес бөлімдер мен арнайы шақырылған мекеме басшылары және бұқаралық ақпарат құралдарының өкілдері қатысты.Комиссия отырысында «Қызылорда қаласының тұрғын-үй коммуналдық шаруашылығын дамытудың жай-күйі мен өзекті мәселелері туралы» мәселесі бойынша сөз қалалық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы М.Әбсұлтанов хабарлама жасап, депутаттардың сауалдарына жауап берді.Уақытша комиссия жұмысына қалалық мәслихат төрағасы Ибадулла Құттықожаев төрағалық етті.Комиссия отырысында көтерілген ұсыныстар мен пікірлер мәслихат шешіміне енгізіліп, алдағы өтетін кезекті сессияның қарауына ұсынылатын болады.

Қызылордадағы тұрғын-үй коммуналдық шаруашылығы мәселелері сессияда қаралмақ

<a href="https://kyzylorda-news.kz/">Kyzylorda-news.kz</a> Апта басында аудан әкімі Жандос Еркінбектің Президент Жарлығына сәйкес ауданға қарасты елді мекендердегі халықпен кездесуі басталған-ды. Одан кейін аудан әкімінің кестеге сай есеп беруі шалғай жатқан Т.Көмекбаев, Қуаңдария, Алдашбай ахун, Дауылкөл, Ақжар, Ақтөбе, ІІІ Интернационал және Жаңажол ауылдық округтерінде жалғасты.Еркін форматта өткізілген кездесуде аудан басшысы Жандос Еркінбекұлы ауыл тұрғындарына&nbsp;ауданның әлеуметтік-экономикалық дамуы жолында атқарылып жатқан жұмыстары мен алдағы жоспарын жан-жақты баяндады. Сондай-ақ әкімдердің дәстүрлі есеп беруі халық пен билік арасындағы ашық байланыстың қалыптасуына, жауапкершілікті арттыруға және әлеуметтік-экономикалық тұрғыдан аудандағы мәселелерді шешуге үлкен ықпал тигізетіндігін жеткізді.Кездесуде алдымен ауыл әкімдері ауыл тұрғындарына жарты жылдықта атқарған жұмыстарының есебін берді. Биыл Т.Көмекбаев ауылындағы өзекті мәселелердің бірі электр желілерін қайта жаңғырту үшін 186,2 млн теңге қаржы бөлініп, оған қажетті жабдықтар алынып, жұмысы басталған. Сонымен қатар ауылдың бір көшесіне жарықтандыру жүргізілуде. Көптен күткен балалар және спорттық ойын алаңының құрылысы басталса, жаз бітпей нысан ел игілігіне пайдалануға берілетін болады. Облыс әкімінің тапсырмасына сәйкес нарықты ішкі өнімдермен толықтыру мақсатында 13 гектар бақшалық жер ауыл тұрғындарына бөлініп берілген. Бөлінген гектарға картоп, көкөніс және бақша дақылдары егілген.Ал Қуаңдария ауылында ел күткен жаңа фельдшерлік-акушерлік бекеттің құрылысы басталмақ. Сондай-ақ мұнда да аудандық бюджет есебінен қаржы бөлініп, балаларға арналған спорттық ойын алаңы салынуда. Ауылға кіре берістегі паспорт жаңаланып, орталық алаңға жөндеу жұмыстары мен әкімшілік ауласын қоршау толығымен аяқталған. Шағын және орта кәсіпкерлік саласын дамытуда ауылдық округ бойынша тіркелген кәсіпкерлік субъектілер саны – 49 бірлік. «Бастау Бизнес» қайтарымсыз грант оқуына &nbsp;2 азамат қатысып, 1 азамат сиыр малын көбейту грантын жеңіп алған.Жыл көлемінде аудан спортшылары спорт түрлерінен жасөспірімдер, жастар және ересектер арасындағы Қазақстан Республикасының чемпионаты мен кубогында 7 алтын, 12 күміс, 16 қола медальды иеленсе, Азия чемпионатында 3 алтын, 1 күміс, 1 қоланы қанжығаға байлады. Самбодан Ақтау қаласында өткен Азия чемпионатында жерлесіміз Әсемай Рүстемова жеңімпаз атанса, Ұлтай Сейілова қола жүлдегер атанды. Ал қуаңдариялық спортшы Еркебұлан Кәжденбек Тайван қаласында өткен Азия чемпионатында І орынды иеленді.Аудан әкімі Жандос Еркінбек шалғай елді мекендерді дамыту ісі ерекше назарда болатынын айтып, тұрғындардың ұсыныс-тілектерін тыңдады. Көтерілген мәселелер бойынша тиісті шаралар қабылданатынын және барлық мәселенің жіті қадағалауда болатынын жеткізді.Бүгінде ауылдардың жарық мәселесін шешуде ауқымды жұмыстар қолға алынуда. Себебі электр жарығынсыз көптеген шаруа тұралап қалатыны сөзсіз. Биыл Алдашбай ахун ауылының электр желілерін қайта жаңғырту бойынша жоба сметалық құжаттары әзірленуде. Тұрғындар үшін бұл да жағымды жаңалық болды. Ауылды абаттандыруда «Тағзым алаңын» орнату мен кіре беріс арканы жөндеу жұмыстары жүргізілуде.Ал Тұрмағамбет ауылында былтыр желтоқсан айында дәрігерлік амбулатория халық игілігіне пайдалануға берілсе, биыл «Ауыл – Ел бесігі» бағдарламасы аясында бес көшеге жөндеу жұмыстары жүргізілді. Сондай-ақ облыстық бюджет қаражаты есебінен «Ақжар-Тұрмағамбет-Көмекбаев» аудандық маңыздағы автомобиль жолының 27 шақырымы толық жөндеуден өткізілді. Ауыл шаруашылық саласы бойынша 1818 гектар жерге күріш орналастырылса, бақша дақылдарын егуге 36 гектар жер бөлінген.<blockquote>– Ел қазынасынан бөлінген әрбір тиынның сұрауы бар. Бөлінген қаржы халық игілігі мен жайлылығы үшін жұмсалуда. Ауылдарда оң өзгерістер бар. Алдағы уақытта біз ауқымды жұмыстарды жүзеге асыратын болсақ, ол тек халықтың қолдауының арқасы, – деді аудан әкімі.</blockquote>Аудан басшысы Ақжар ауылының тұрғындарымен кездесуде ауылдың электр желісін қайта жаңғырту бойынша жоба сметалық құжат әзірленіп, бюджеттік өтінім өткізілгенін айтты. «Ауыл – Ел бесігі» бағдарламасы аясында биылғы жылы ауданда 9 көшеге жөндеу жұмыстары жүргізілетін болса, соның бір көшесі осы ауылда қаралған. Күріш алқаптарын азайтып, ауыл шаруашылық саласын әртараптандыру және егіске су ресурстарын ұтымды пайдалану мақсатында Ақжар ауылдық округінде замануи технологияларды пайдаланып, тамшылатып суару тәсілімен бақша және жаңбырлатып суару тәсілімен жоңышқа дақылдарын өсіру қолға алынған.<blockquote>– Биыл жалпы көлемі 25731 гектарға егіс орналастырылды. Оның ішінде күріштің көлемі – 13000 гектар болып, Сырдария өзеніндегі су көлемінің азаюына байланысты өткен жылмен салыстырғанда 770 гектарға қысқарды. Осыған орай облыс басшылығы су жетіспеушілігі мәселесін оңтайлы шешуге ықпал жасап, әрбір шаруашылықтың қажетті көлемде су алуға жағдай жасауда. Ендігі кезекте диқандар осы қиындықтарды еңсеріп, егіске уақытылы күтім жасап, өнім алғанға дейін аянбай еңбек етеді деген сенімдеміз, – деді аудан әкімі Жандос Еркінбек.</blockquote>Ауданда ауыл шаруашылық саласымен қатар кәсіпкерлік саласының да маңызы жоғары. Былтыр облыс әкімінің қатысуымен ауқымды жобалардың бірі – «Қармақшы құс» фабрикасы Ақтөбе ауылында іске қосылды. Өз кезегінде құс фабрикасы қажетті деңгейде өнімін берді. Сонымен қатар Ақтөбе ауылында электр желілерінің тозығы жетуіне байланысты биыл бюджеттен тиісті қаражат бөлініп, желілер қайта жаңғыртылуда.Ауыл халқын спорттық инфрақұрылыммен қамтамасыз ету мақсатында «Ауыл – Ел бесігі» бағдарламасы аясында ІІІ Интернационал және Дүр Оңғар ауылында дене шынықтыру кешенінің құрылыс жұмыстары жүргізілуде. Алдағы уақытта нысандар ел игілігіне берілетін болады. Сондай-ақ ІІІ Интернационал ауылында «Жайлы мектеп» ұлттық жобасы бойынша 2024-2025 жылдар аралығында жаңа заманауи мектеп ғимаратының құрылысы басталмақ.Ал Жаңажол ауылдық округінде жаңа дәрігерлік амбулатория пайдалануға берілсе, биыл ауылды газдандыру мақсатында ауылішілік газ желісінің құрылысына қаржы бөлініп, мемлекеттік сатып алу жұмыстары жүргізілуде. Ауылға газ жеткізілген жағдайда сол аймақтағы басқа да елді мекендерді газдандыру жұмыстары жалғасатын болады. Сонымен қатар, демеушілік қаражат есебінен ауылдың электр желілерін қайта жаңғырту бойынша жоба сметалық құжаттары әзірленіп отыр. Алдағы уақытта, кезең-кезеңімен жаңғырту жұмыстары жүргізілетін болады.Жалпы аудан әкімінің ел ішіндегі жиі жұмыс сапары тұрғындар тарапынан көтерілген мәселелердің уақытылы шешімін табуына зор ықпал етуде. Аудан әкімі Жандос Еркінбек тұрғындардың ұсынысын тыңдай келе алға қойылған міндеттерді іске асыру үшін барша жерлестер бірлесе отырып, білек сыбана іске кірісуі керек деп түйді.

Қармақшы: Ел қазынасынан бөлінген қаражаттың сұрауы бар

<a href="https://kyzylorda-news.kz/">Kyzylorda-news.kz</a>&nbsp; Облыс әкімі Нұрлыбек Нәлібаев Франция Президентінің арнаулы өкілі Барбара Помпили бастаған делегациямен кездесті.Аймақ басшысы екі ел арасында жоғары деңгейдегі тұрақты байланыс пен ерекше достық қарым-қатынас орнағанын атап өтіп, делегацияның жұмыс сапары жемісті әрі нәтижелі болуына тілектестік білдірді.<blockquote>«Біздің еліміз, оның ішінде біздің аймағымыз Францияның инвестициялық және сауда-экономикалық серіктесі болып саналады. Бүгінгі сапарыңыз ынтымақтастыққа оң серпін беретініне сенімдімін.Су ресурстарын тиімді пайдалану – бүгінде біздің өңір үшін ғана емес, Орта Азияның барлық мемлекеттері үшін маңызды және өзекті мәселе. Қызылорда облысының экономикалық және экологиялық жағдайы Сырдария өзенінің деңгейіне, Арал теңізінің жағдайына тікелей байланысты. Сырдарияға құйылатын судың 90%-дан астамы республикадан тыс жерлерден, яғни Қырғызстан, Өзбекстан, Тәжікстан елдерінен келеді. Біздің облыс өзеннің төменгі ағысында орналасқандықтан, су соңғы кезекте жетеді. Сондықтан қазір біз үшін суды үнемді, ұтымды және әділ пайдалану мәселесі аса маңызды», – деді Нұрлыбек Машбекұлы.</blockquote>Өз кезегінде, Барбара Помпили облыс әкіміне ризашылығын, әріптестік аясын кеңейту ниетін білдірді.Айта кетейік, делегация мүшелері сапар барысында «Қорқыт Ата» мемориалдық кешенінің, Арал қаласындағы «Балықшылар» музейінің және балық өңдеу зауытының жұмысымен танысады. «Көкарал» бөгетіне барып, Қазалы ауданындағы орман питомнигін аралайды. Мұнан бөлек, Жалағаш ауданының Таң ауылындағы күріш алқаптарын көреді. Сондай-ақ, Қызылорда қаласындағы тарихи-өлкетану музейіне және «Анаға тағзым» орталығына барады.

Облыс әкімі Франция Президентінің арнаулы өкілімен кездесті

<a href="https://kyzylorda-news.kz/">Kyzylorda-news.kz</a>&nbsp; Президент Қасым-Жомарт Тоқаевтың төрағалығымен туризмді дамыту жөнінде кеңес өтті. Мемлекет басшысы, ең алдымен, туризм әлемдік экономиканың қарқынды дамуына ықпал етіп отырған әрі инвесторлар үшін тартымды сала екенін атап өтті.Кеңестен кейін облыс әкімі Нұрлыбек Нәлібаев аймақта туризмді дамытуға қатысты бірқатар міндеттерді айқындады.<blockquote>«Мемлекет басшысы жаңа ғана осыған байланысты мәселе көтеріп, нақты тапсырмалар жүктеді. Туризмді дамыту арқылы біз өңірдің экономикалық жағдайының жақсара түсуіне, әлеуметтік түйткілдердің шешілуіне қол жеткіземіз. Қызылорда қаласы және аудан әкімдіктері облыстың даму бағдарламасындағы әрбір индикатор бойынша тоқсандық және жылдық межені орындауы керек. Қала және әр ауданда жыл соңына дейін құны кемінде 300 млн теңгеден кем емес 1 инвестициялық жобаның жүзеге асырылуын қамтамасыз етсін. Жалпы І жартыжылдықтың қорытындысымен инвестицияның жылдық жоспарының 50%-ын орындау қажет», - деді Нұрлыбек Нәлібаев.</blockquote>Айта кетейік, биыл өңірдің туристік әлеуетін арттыру бағытында нақты шаралар қабылданды. Қазақстанның Қытайдағы туризм жылы жарияланып, наурыз айында Пекин қаласында атаулы жылдың ашылу салтанаты өтті. Осы шарада туристік операторлар мен туристердің «Байқоңыр» ғарыш айлағына қызығушылығы жоғары екені байқалды. «Байқоңыр» ғарыш айлағы аумағынан ыңғайлы туристік бағыттар таңдалып, ортақ туристік пакет әзірлеу келісілді. Жыл басынан бері «Байқоңыр» ғарыш айлағын тамашалауға 3 мыңға жуық турист келген.Сондай-ақ, сәуір айында Еуроодақ елшілері Сыр өңіріне арнайы келіп, облыстың инвестициялық мүмкіндіктерімен танысты. Экотуризм бағытымен Арал ауданындағы "Көкарал" бөгетіне, Кіші Арал теңізіне барып, ондағы сексеуіл егілген теңіз табанын тамашалады.Аймақтың туристік мүмкіндігін арттыру және ішкі туризмді дамыту үшін жаңа автовокзал пайдалануға берілді. Ал, сыртқы туризмді ілгерілетуге мүмкіндік беретін "Қорқыт ата әуежайының" жаңа терминалы қолданысқа дайын.Өңірде алғаш рет "Қызылорда - Анталья" бағытындағы халықаралық рейс ашылды. Тұрақты рейс Қызылорда мен Анталья арасына аптасына бір рет, сейсенбі күні қатынайды.ҚР Туризм және спорт министрлігінің бекіткен жоспар межесіне сәйкес, 2024 жылдың қаңтар-сәуір айларының қорытындысымен, туризм саласына салынған инвестиция көлемі 5,1 млрд теңгені құрап, жылдық жоспар 41,5 пайызға орындалды.Осы жылдың І тоқсанының қорытындысына қарағанда, ішкі туристер 25,3 мың, сыртқы туристер 595 адам болған.Ішкі туризмді дамытуда туристік маршруттар бойындағы туристік, мәдени-тарихи нысандардың инфрақұрылымын жақсарту маңызды. Осы ретте, "Қамбаш" көлі, "Жанкент" қалашығы мен Марал ишан кесенелерін қажетті инженерлік инфрақұрылыммен қамтамасыз етудің жоба-сметалық құжаттамасы әзірленіп, жобалар «Kazakh Tourism» ҰК АҚ жасақтаған тізімге қосылған.Еліміздің туризм саласын дамытудың 2023-2029 жылдарға арналған тұжырымдамасы аясында ТОП-20 басым жобалар тізіміне облыстан "Байқоңыр" кешені енгізілді.

 Туризмді дамыту арқылы өңірдің экономикалық жағдайы жақсарады 

<a href="https://kyzylorda-news.kz/">Kyzylorda-news.kz</a> «AMANAT» партиясы 12 сәуірден бастау алған Мемлекет басшысының «Таза Қазақстан» жалпыұлттық бастамасына қолдау білдіріп, бірнеше бағыт бойынша жұмыс жүргізе бастады.Жұмыстар экология саласындағы заң нормаларын шығару қызметі, «Таза бейсенбі» экологиялық акциясы, «Таза Qazaqstan» Road-эстафетасы, Қазақстанның тарихи, мәдени және табиғи мұрасын вандализмнен қорғау жөніндегі қоғамдық науқаны және жасыл волонтерлік деп аталатын 5 бағыт бойынша жүргізу жоспарланып,6 маусым күні партия «Таза бейсенбі» акциясы бастады.Басты мақсаты тазалық жұмыстарын жүргізу ғана емес, еліміздің тазалығы мен әсем табиғатына қамқорлық жасайтын, қоғамдағы вандализмнің көріністеріне төзбейтін заң мен тәртіптің үстемдігі қағидатына сәйкес келетін саналы экологиялық қоғам құру.Акция аясында өңірдің барлық аудандарында алдын-ала елді мекендердің ластанған аумақтарының карталары әзірленіп, әрбір ластанған учаскеге партияның бастауыш партия ұйымдары мен филиалдары бекітіліп, олар ай сайын бекітілген учаскелерде тәртіп пен тазалықты сақтауды қамтамасыз етеді, сондай-ақ абаттандыру мен инфрақұрылымды дамытуға байланысты мәселелерді шешетін болады.Мәселен, партияның облыстық филиалы акцияның алғашқы күні облыс орталығындағы азаматтардың демалыс орны, Б.Шөкенов атындағы саябаққа тазалық жұмыстарын жүргізді. Бүгінгі акция барысында да тазалық жұмыстарымен қатар азаматтардың қауіпсіздігі үшін қурап, құлауға айналған ағаштарды кесіп, орынына жаңа ағаш отырғызуға ықшамдады.Бұл жұмыстарға партияның бастауыш ұйымдары, фракция мүшелері, «Жастар рухы» жастар қанаты мүшелері мен «Жасыл Қызылорда» коммуналдық мемлекеттік мекемесі ұжымы жұмылдырылды.«Таза бейсенбі» акция аясында тазалық жұмыстары бүгін Жаңақорған және Сырдария аудандарында жоспарланып, алдын-ала картаға енген ластанған аумақтар қоқыстан тазартылды.Айта кету керек, партияның өңірлік сайлауалды бағдарламасында өңірдің экологиялық жағдайын жақсарту бойынша ауқымды міндеттер тұр. Соның бірі Арал теңізінің құрғаған ұлтанына 2027 жылға дейін 750 гектардан астам аумаққа сексеуіл егу. Өткен жылы осы мақсаттағы жоспар толық орындалса, ағымдағы жылы 250 мың гектар жерге сексеуіл егу жоспарланып, бүгінгі күні 65 мың гектар жерге фитоорманмелиорациялық жұмыстар жүргізілді. Қалған көлем агротехникалық талаптарға сәйкес күз мезгілінде жалғасатын болады.

«Таза бейсенбі» акциясы жалғасуда

<a href="https://kyzylorda-news.kz/">Kyzylorda-news.kz</a> Қызылордада қала әкімдігі тарапынан көпқабатты тұрғын үйдің пәтерлерін орталықтандырылған ыстық сумен қамтамасыз етуге бағытталған қажетті шараларды қабылдайтын жұмысшы тобы құрылып, алгоритмі бекітілді. Қазіргі таңда, бекітілген алгоритм бойынша жұмысшы топ қала аумағындағы көпқабатты тұрғын үй пәтер иелерімен орталықтандырылған ыстық суға қосу және оны жүргізу бағытында кеңінен түсіндірме жұмыстарын жүргізуде.Айта кету керек, тұрғындар тарапынан ыстық су жүйесіне қосылу жұмыстары шығынсыз, ақысыз негізде мердігер мекеме тарапынан жүргізіледі. Одан бөлек, мердігер мекеме тарапынан көпқабатты тұрғын үйдің жертөледегі сулары тазартылып, электр желісі, ауыз су, кәріз, жылу жүйесінің құбырлары жаңартылатын болады.Қызылорда қаласындағы көпқабатты тұрғын үйлерді орталықтандырылған ыстық сумен қамтамасыз ету мақсатында биылғы жылы Үкімет резервінен 11 млрд. теңге бөлінді. Бұл жұмыстар екі кезеңмен жүргізіледі. Бірінші кезең бойынша 187 үйді орталықтандырылған ыстық сумен қамту үшін мемлекеттік сатып алу конкурстары жарияланып, жеңімпаз мердігер мекеме анықталды. Ыстық су жүйесіне қосылу тұтынушылар үшін электрлі су ысытқышқа қарағанда едәуір тиімді болады. Мамандар келтірген мысал бойынша су ысытқыш қондырғысының 50 литр суды ысытуға орта есеппен 2 кВт күніне, яғни 1 айда (60 кВт электрэнергия тарифі – 23 теңге) және орта есеппен 2 м3 су пайдаланғанда (1 м3 тарифі су, кәріз – 43,1 теңге, 49,69 теңге). Орташа есеп бойынша 1 айға электрлі ысытқышпен шамамен – 1 565,6 теңге төлейді. Ал, жылу энергиясы арқылы су ысыту бекітілген тариф бойынша 1 м3 – 172,03 теңге. Яғни, орта есеппен тұтынушы 2 м3 ыстық суды пайдаланғанда (1 м3 тарифі су, кәріз – 43,1 теңге, 49,69 теңге) қоса алғанда орташа есеппен шамамен – 529,66 теңге құрайды.Жоғарыда көрсетілген есептемелерге сәйкес электрлі су ысытқыш қондырғысына қарағанда, орталықтандырылған ыстық су жүйесіне қосылу 1035,94 теңге айырмашылық, яғни 66,2 процент тиімдірек болмақ.Осы ретте, қала тұрғындарынан мердігер мекеменің мамандарына пәтерішілік құбырларды жүргізу барысында пәтерлеріне кіріп жұмыс жасауға рұқсат беру сұралады!

Қазақстан және Қызылорда облысының жаңалықтары: Экономика