<a href="https://kyzylorda-news.kz/">Kyzylorda-news.kz.</a> Міндетті әлеуметтік медициналық сақтандыру жүйесінің өзекті мәселелерінің бірі - халықтың сақтандырылу мәртебесі. Қызылорда облысында МӘМС жүйесінде халықтың 84 пайызы, яғни 680 394 адам, сақтандырылған. 126 196 адам сақтандырылмаған (халықтың 16 пайызы). Олардың арасында бюджеттік және жеке ұйымдардың қызметкерлері аз емес. Жұмысшылардың сақтандырылмауының себептері қандай? Осы сауалмен біз Әлеуметтік медициналық сақтандыру қорының облыстық филиалының директоры Бақыт Исмаханбетовке жүгінген едік.Қор филиалының басшысы 2023 жылғы 1 қаңтардан бастап жұмыс берушілердің жұмыскерлер үшін аударымдары 3 пайызы құрайтынын еске салды. Аударымдардың ең жоғары сомасы 21 000 теңгеден аспауы тиіс. Бұл 10 айлық есептік көрсеткішінің 3 пайызы болып саналады. Азаматтық-құқықтық сипаттағы шарт (АҚС) бойынша жұмыс істейтін қызметкерлер мен жеке тұлғалардың жарналары 2023 жылы табыстарының 2 пайызды құрады. Жарнаның ең жоғары сомасы 14 000 теңгені құрайды. Бұл 10 айлық есептік көрсеткішінің 2 пайызы болып саналады.Егер қызметкердің сақтандыру мәртебесі болмаса, не істеу керек?&nbsp;Ең алдымен, 12 ай ішінде жіберілген төлемдердің мәртебесін тексеру қажет (мысалы, осы жылдың наурыз айынан өткен жылдың наурыз айына дейін).Егер төлемдер қайтарылған болса, қарыз бен өсімпұлды төлеу қажет. Төлем құжаттарын толтыру кезінде төлеуші ЖСН, жеке деректерде, төлем мерзімдерінде және т. б. қателіктер жібереді. МӘМС-ға қате аударылған төлемдерді қайтаруға болады, бірақ басқа кезеңдерге қайта бөлу мүмкін емес.&nbsp;Ақшаны қайтару үшін өз аймағындағы «Азаматтарға арналған үкімет «Мемлекеттік корпорациясы» КЕАҚ филиалына хабарласу қажет (мекен-жайларды https://gov4c.kz/ сайттан табуға болады). Өтінішті толтырғаннан кейін оған төлемді растайтын құжаттарды (төлем тапсырмасы немесе банктен анықтамасы) қоса беріп, қол қойыңыз. Өтініш 15 жұмыс күні ішінде қаралады және ақша төлем жасалған тәртіпте қайтарылады.&nbsp;Өтініште деректердің дұрыс толтырылмауы, төлемді растайтын құжаттардың жоқтығы, ақпараттық жүйелерден растаудың болмауы, сондай-ақ қайтаруды шетелдік азаматтың ресімдеуі - Мемлекеттік корпорацияның қайтарудан бас тартуына себеп бола алады.Егер қызметкер төлемдер болмаған кезеңде ақысыз демалыста болса, онда осы кезеңдер үшін дербес төлеуші ретінде төлеу керек. 2023 жылы ай сайынғы жарна сомасы 3 500 теңгені құрайды (1 ЕТЖ-дан 5 пайыз).Барлық төлемдер түскеннен кейін сақтандыру мәртебесі үш жұмыс күні ішінде беріледі.<figure class="image image_resized" style="width:75%;"><img src="https://knadmin.beoblood.kz/uploads/Bezymyannyj_5398bcd3d1.jpg" alt="Безымянный.jpg"></figure>

АҚС шарттары бойынша жұмыскерлер және жұмыскерлердің сақтандырылмау себептері

<a href="https://kyzylorda-news.kz/ru/">Kyzylorda-news.kz</a>. Шаңырақтың шырайын кіргізіп, бүтін бір әулетті бақытқа бөлейтін шыр етіп дүниеге келген шарананың іңгәлаған дауысы. Он екі мүшесі сау, жүрек соғысы қалыпты сәбиді дүниеге әкелу әрбір ата-ананың арманы десек артық айтқандық емес. Асылында, «дені сау ұрпақ – ұлт болашағы» екені баршаға аян. Отау тігіп, шаңырақ көтерген соң екі жастың денсаулығында қандай да бір кінәраттың болмағаны игі. Тіпті, құрсақ көтергеннен бойына біткен баланы аман-сау жарық дүниеге әкелем дегенше алаңдайтын ата-ана болса, туған-туыстар аман-есен қол-аяғын бауырына алуына тілекші болады. Ежелден қазақ халқы бала десе ішкен асын жерге қойып, дүние есігін ашқан сәбиіне сүйсіне қарап, отыз күн ойын, қырық күн тойын жасайтын болған. Әсте, бүгінде бұл үрдіс үзілген емес. Қуанышы қойнына сыймаған соң, сүйіншілетіп, дүркіретіп тойлайтыны содан. Бірақ, қазіргі таңда денсаулығына немқұрайлықпен қарау сынды салғырттықтың салдарынан сан соғып, олқылықтан опық жеп жүргендер аз емес. Тіпті, кейде мамандардың біліксіздігінен де өмірмен қош айтысқан, өмір мен өлімнің арасында қалған аналар қаншама? Сондықтан соңғы уақыттағы ана мен сәби өліміне қатысты түрлі факторларды қарастыруға болады.Әсте, әркім өз өміріне һәм денсаулығына өзі жауапты. Адам өзіне-өзі жаны ашымаса, бөгде біреуден жанашырлық күтуі тіпті қисынсыз. Әсіресе, ана атанғалы жатқан шақта шамадан тыс шаршаудың, күтіммен қарамаудың кесірінен келеңсіздік пен кедергіге тап болуы ықтимал. Мұндайда қорқыныш пен қауіп те сананы сан саққа бөлген соң психологиялық тұрғыда да соққы алады. Жалпы, жүкті болғанға дейінгі және кейінгі кезеңде денсаулыққа көп көңіл бөлу керектігі жиі айтылады.Асылында, қажетті тексерістерге қолды сілтемей, уақытында қаралып тұрғаны тіпті жақсы. Осы орайда, облыстық жастар денсаулығы орталығы жастарға денсаулығына қатысты кеңес беруде, қолдау көрсетуде, тексерістен өткізудің тиімді тұсын қарастыруда қапы қалған емес. Сонымен қатар, жастардың салауатты өмір сүру қағидатын қалыптастыруға үлес қосып жатқандығы ұлт саулығына септігін тигізетіні сөзсіз. Мәселен, былтыр аталмыш орталыққа 19 мыңнан астам жас жүгініп, емдеу -сауықтыру және қажетті кеңес алу бойынша тиімді шараларды қабылдаған. Соның бірі – отбасын жоспарлау алдындағы негізгі міндеттер. Өмірге дені сау ұрпақ әкелу ата-анаға тікелей байланысты болғандықтан жанұя құрғысы келетін жастардың негізгі мәселелеріне назар аудару – орталықтың басты міндеті.&nbsp;<blockquote>– Біздің орталықтың негізгі бағыты – жастарда кездесетін әр түрлі дерттің алдын алу. Сәйкесінше, орталыққа 10-29 жас аралығындағы кез келген жас жүгіне алады. Біз ең алдымен отбасын құрғысы келетін жастарды толықтай профилактикалық тексеруден өткіземіз. Орталықта гинеколог, уролог, дерматолог, психолог мамандар жұмыс істейді. Олар әрбір азаматты жіті тексеріп, қажетті кеңестерін береді. Қазіргі таңда жастар арасында дұрыс тамақтанбау, қимыл-қозғалыстың аздығы және ағзаға керекті дәруменнің жетіспеуі салдарынан көптеген аурулар пайда болады. Бұл өз кезегінде бала жоспарлап жүрген жандарға әсер етпей қоймайды. Сол себепті жанұя құрғысы келетін әрбір жас міндетті түрде денсаулықтарын тексертіп, дәрігерлерден кеңес алуы қажет, - деді облыстық жастар денсаулығы орталығының валеолог маманы Гүлназ Мазқожа.</blockquote>Яғни, баланың жағдайы әке мен ананың денсаулығына тікелей байланысты. Сол себепті, саулық басты назарда болса, нәрестенің де науқас болмайтыны анық. Медицина мамандары айтып өткендей, ағзаның әлсіздіктен алыс, дәруменге бай болуы қаншалықты маңызды болса, дұрыс тамақтануы да деннің сау болуына әсер етеді. Байқасаңыздар, аталған орталықта тек жас отбасылар ғана емес, жасөспірімдер де тексерістен өтіп, керекті кеңесін алып, сұрақтарына жауап таба алады.Сайып келгенде, сәби сүю, өмірге бала әкелу, 9 ай құрсақта көтеріп, іштегі баланың дамуына қалыпты жағдай жасау оңай емес. Пайдалы мен зиян, зақым мен қажет дегеннің аражігін ажыратып, ескеру керек ескертпе һәм ережелерді қаперде ұстаған жөн. Әйтпегенде, қамсыздықтың ақыры қапаландырып, ойсыздықтың орға жығатынын ешкім жоққа шығармас. Залалын кейін көрмес үшін бала көтермей тұрып көрінудің, тиісінше ем қабылдаудың айыбы жоқ.<blockquote>– Өмірге дені сау бала әкелу – үлкен жауапкершілікті қажет етеді. Мәселен, алкогольді сусындар мен шылым шегу адам денсаулығына зиян тигізумен қатар, оның ұрпағына кері әсер етеді. Сондықтан мейінше зиянды әдеттерден аулақ болу керек. Тағы бір айта кететін жайт, дәрігерлер бала жоспарлау алдында ерлі-зайыптыға арнайы алгоритм әзірлейді. Осы арқылы кез келген ауруды ерте анықтап, емделуге мүмкіндік болады,- деді № 1 қалалық емхананың психолог &nbsp;маманы Мөлдір Әбдірейова.</blockquote>«Дүниеде баланың у-шуына жетер не бар?! Одан асқан сазды әуен ойлап табу мүмкін емес» деп Б.Момышұлы айтпақшы, өмірдің мәні мен сәні сәбидің шат күлкісі деп танығандықтан, бейқамдықтан бала өміріне балта шабылып, ата-ана өзегіне өксік жиналмауы тиіс. Ұрпақ саулығының ұлт болашағы үшін маңызды екенін де естен шығармайық.&nbsp;

Аналарға кеңес: жүкті әйелдің күтіну жолдары

<a href="https://kyzylorda-news.kz/">Kyzylorda-news.kz.</a> Сәби – әр отбасының баға жетпес байлығы, соңында қалған ізі, ұрпақ жалғастырары, көз қуанышы. Қазақ ертеден «Тар құрсақты кеңітіп» дүниеге келген сәбиінің езу тартып күлгеніне, тәй-тәй басқанына, былдырлап сөйлегеніне төбесі көкке жетеді. Әр қадамына той арнайды. Ал, бір перзенттің жоғынан кең дүниесі тарылғандай, қанатынан қайырылғандай күй кешеді. Әсіресе құрсағын кеңітіп, жарып шығатын шарананың болмауы анаға үлкен қасірет болары сөзсіз.Иә, отбасын құрған әрбір жанның бала сүю бақытына бөленіп, сәбиін құшағына алғысы келетіні рас. Десек те, мұндай бақыт біреуге ерте, біреуге кеш бұйырып жатады. Ал «Аңсаған сәби» бағдарламасы осындай отбасылардың үмітін жалғаған жобаға айналуда.2021 жылы ауданда бедеулік есебінде тұрған 7 әйел Аңсаған сәби» бағдарламасы арқылы жүкті болса, былтыр бұл мүмкіндікке 14 отбасы қол жеткізген.<blockquote>«Қазіргі таңда ЭКО-ға қатысқа 6 ана уақытында аман-есен сәбиін дүниеге әкелсе, оның үшеуі мерзімінен бұрын босанды. Өкінішке қарай бір түсік жағдайы орын алды. Барлығының денсаулық жағдайы жіті бақылауда. Ал бір әйел басқа жаққа қоныс аударды. Биыл «Аңсаған сәби» бағдарламасына облыс бойынша 270 квота бөлініп отыр. Соның аясында кезекте тұрған тағы да бірнеше әйелге ана болу бақыты бұйырмақ», – дейді аудандық емхананың гинеколог дәрігері Нұргүл Аширова.</blockquote>Ұрпақ – адам өмірінің жалғасы, болашақтың иесі. Ұрпағы бардың ұтары мол екенін ата-бабамыз ертеден-ақ айтып кеткен. Баланы бақытқа балаған халқымыз үшін бала сүюдің қиындап бара жатқаны үлкен әлеуметтік түйткіл. Қоғам шындығының себебін бірі – экологиядан көрсе, енді бірі – құнарлы, яғни таза өнім тұтынбаудан деп есептейді. Бұрын бедеулік көбінесе әйелдер арасында жиі кездессе, бүгінде ер-азаматтардың денсаулығында кінәрат көп екені жасырын емес. Сол себепті бала сүюге ниетті жандардың тексеруден бірге өтіп, бірге ем қабылдағаны абзал. Сондай-ақ дәрігер мамандар жұбайлар 5-6 жыл, кейде тіпті одан да көп уақытын өткізіп барып, кеш қаралатынын айтып дабыл қағуда.Айта кетейік, Қазақстанда жасанды жолмен ұрықтандыруға квота бөлуге арналған бағдарлама 2010 жылы қолға алынған. Бірақ алғашқыда квотаның саны аз болды. 2021 жылдан бастап Президент Қасым-Жомарт Тоқаевтың тапсырмасына сәйкес елімізде «Аңсаған сәби» мемлекеттік бағдарламасы қолға алынған болатын. Осылайша, экстракорпоральды ұрықтандыруға бөлінетін квота саны да артты. Бұл өз кезегінде еліміздегі мыңдаған отбасының сәби сүю бақытына ие болуына жасалған мүмкіндік. Ал барлық шығын мемлекет қаржысы есебінен төленеді.Бала – өмірдің мәні. Елде әрбір алтыншы отбасы баланың сыңғырлаған күлкісіне мұқтаж. Осыған орай ажырасудың да саны көбейген. Жыл бойынша ажырасқандардың 20 процентінің себебі балалы бола алмағаннан екен. Елімізде сәби болмағандықтан, әрбір алтыншы отбасы ажырасып тынса, «Аңсаған сәби» бағдарламасының арқасында әрбір үшінші әйел сәбилі болуда. Жылт еткен сәулені жарыққа балайтын жандар үшін бұл үлкен қуаныш. Себебі өз қаражатымен ЭКО жасатуға бәрінің мүмкіндігі жоқ. Жасанды ұрықтандырудың бір мүмкіндігі миллионға жуық қаржыны қажет етеді. Десе де, мүмкіндікті пайдаланғанның барлығы бірден балалы болып кете алмайды. Оның да өзіндік алғышарты мен ерекшелігі бар. Алғашқысы әйел 18 бен 42 жас аралығында болуы керек. Одан соң белгіленген гинекологиялық көрсеткіштер нормадан аспауы, фолликулярлық резервтің жоғары болуы маңызды. Сондай-ақ түрлі туа бітті немесе жүре біткен ақаулары да ескеріледі.«Аңсаған сәби» бағдарламасы жайлы айтқанда көпшіліктің арасында ислам діні жасанды ұрықтандыру әдісіне рұқсат бере ме деген сұрақ туындап жатады. Бұған қатысты ҚМДБ-ның ғұламалар кеңесі үкім шығарған. Оған сәйкес, тек өз күйеуінің ғана ұрығын ЭКҰ әдісі арқылы қолдануға шариғи тұрғыдан рұқсат берілген. Ал жасанды ұрықтандыру кезінде донорлық қызметті пайдалану исламға жат болып саналады. Яғни, донорлардан алынған аналық жасуша немесе ұрықты қолдану мұсылманға жат. Мұның діни, моральдық жағынан бөлек, қаржылай тұсы да бар. Дәрігерлер бұл тұрғыдан отбасы мүшелеріне психологиялық тренингтен өтіп, моральдық-этикалық жағын ескеруге кеңес береді.Елімізде «Дені сау ұлт» ұлттық жобасы аясында 2025 жылға дейін жыл сайын бедеулігі расталған 7000 жұпқа міндетті медициналық сақтандыру аясында ЭКҰ жасату қарастырылған. Демек, сәби аңсаған талай отбасының шырағы жанып, шаттығы таситын күні алда.

Нұргүл Аширова: Биыл «Аңсаған сәби» бағдарламасы бойынша 270 квота бөлінген

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалы МӘМС төлемдерін жүзеге асыру кезінде жұмыс берушілер мен қызметкерлер қандай қырларына назар аудару керектігін хабарлайды.Бас сарапшы Айгүл Аханованың айтуынша, жұмыс беруші қызметкерді МӘМС үшін жарналар мен аударымдар туралы хабардар етуі тиіс.&nbsp; Қызметкерге төлемнің екі түрі түседі:&nbsp;аударымдар - оларды жұмыс беруші өз қаражаты есебінен төлейді - 2023 жылы оның мөлшері қызметкер жалақысының 3% құрайды.Аударымдардың максималды мөлшері 10 ЕТЖ-дан 3% - дан аспауы керек (3%*10*70 000=21 000 теңге);&nbsp;жарналар - оларды жұмыс беруші қызметкердің жалақысынан ұстайды, олар қызметкердің жалақысының 2% құрайды. Аударымдардың ең жоғары мөлшері 10 еселенген ЕТЖ - 2% (2%*10*70 000=14 000 теңге).Егер қызметкер МӘМС жарналарын мемлекет төлейтін 6 жеңілдікті санаттың біріне кірсе, онда жұмыс беруші олар үшін аударымдар мен жарналарды төлемейді.&nbsp;Бұл санаттар: балалар; зейнетақы жарналарын алушылар, «Алтын алқа», «Күміс алқа» алқаларымен марапатталған немесе «Батыр ана» атағын алған, сондай-ақ I және II дәрежелі «Ана даңқы» ордендерімен марапатталған көп балалы аналар; мүгедектер; орта, техникалық және кәсіптік, орта білімнен кейінгі, жоғары білім беру, сондай-ақ жоғары оқу орнынан кейінгі білім беру ұйымдарында күндізгі оқу нысаны бойынша білім алатын адамдар; жүктілікке және босануға, жаңа туған баланы (балаларды) асырап алуға, баланы (балаларды) үш жасқа толғанға дейін оның (олардың) күтіміне байланысты демалыстағы адамдар.Егер тағы сұрақтар туындап жатса, сіз оларды Әлеуметтік медициналық сақтандыру қорының мамандарына байланыс арналары арқылы сұрай аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Осы құралдар арқылы сақтандыру мәртебесін тексеруге болады. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің сайтында egov.kz "Денсаулық сақтау" бөлімінде "Медициналық қызметтер туралы және МӘМС-ға аударылған сомалар туралы ақпарат" мемлекеттік қызметі арқылы білуге болады.&nbsp; <img src="https://knadmin.beoblood.kz/uploads/Platezhi_2023_rabotodateli_kaz_5a71e5c910.jpeg" alt="Платежи 2023 работодатели каз.jpeg">

Жалдамалы қызметкерлер мен жұмыс берушілер МӘМС төлемдері туралы не білуі керек? 

<a href="https://kyzylorda-news.kz/">Kyzylorda-news.kz.</a>&nbsp; Жүйе іске қосылған 2017 жылдың 1 шілдесінен 2023 жылдың 1 наурызға дейінгі аралықта Қызылорда облысының тұрғындары Әлеуметтік медициналық сақтандыру қорына 47,8 млрд. теңге аударды. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов хабарлады.Аударылған қаржының 29,8 млрд. теңгесі жұмыс берушілердің аударымдары болса, қалған 18 млрд. теңге - жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі.&nbsp;Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.&nbsp;Егер тағы сұрақтар туындап жатса, сіз оларды Әлеуметтік медициналық сақтандыру қорының мамандарына байланыс арналары арқылы сұрай аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Осы құралдар арқылы сақтандыру мәртебесін тексеруге болады. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР электрондық үкіметінің сайтында egov.kz "Денсаулық сақтау" бөлімінде "Медициналық қызметтер туралы және МӘМС-ға аударылған сомалар туралы ақпарат" мемлекеттік қызметі арқылы білуге болады.&nbsp; &nbsp;

Қызылордалықтар әлеуметтік медициналық сақтандыру қорына 47,8 млрд теңге аударды

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің орынбасары Нұрымбет Сақтағанов 14 наурыз - Көрісу күніне орай, көпбейінді облыстық ауруханадағы науқас жандардың жағдайымен танысып, мерекемен құттықтады.&nbsp;Аймақ басшысының орынбасары емделушілерге жылы лебізін білдірді.<blockquote>«Өздеріңізге белгілі, бұл күн қыс мезгілінен аман-есен шығып, адамзат баласының бір-бірімен қауышатын күні.&nbsp;Көрісу - жаңа жыл, жаңа өмір, жана күн. Яғни, халық көктемге аяқ басып, туыс-туған, көрші-көлеңмен жүздескеніне қуанып, қол алысып, төс қағысады. Бір-біріне деген араздық, өкпе-ренішті ұмытып, амандық тілейді. Ендеше әулеттің көпті көрген үлкеніне амандық-саулық тілеп, ізеттілікті дəріптейтін, алыстағы туған-туыспен көрісіп, татулыққа бастайтын халқымыздың ежелден келе жатқан мерекесі əр шаңыраққа құт-береке əкелсін», - деді Нұрымбет Сақтағанов.</blockquote>Одан соң, облыстық денсаулық сақтау басқармасы басшысының міндетін атқарушы Жангелді Мырзагелдіұлы мен медицина саласының ардагері Тұрғанбай Маханұлы аурухана мұражайымен қатар кардиохирургия, эндоваскулярлы хирургия, хирургия №1 бөлімше жұмыстарымен таныстырды.Ауруханада ішіндегі кардиохирургия бөлімі 20 төсек орынға арналған. Қазіргі таңда мұнда 26 науқас ем алуда.&nbsp;Ал эндоваскулярлы хирургия бөлімінде екі ангиограф орнатылған. Жылына 4 мыңнан аса ота жасалады.&nbsp;Хирургия №1 бөлімшесі 25 төсек орынға арналған, оның ішінде бет жақ хирургиясына 5 төсек орын бөлінген. Қазіргі таңда 19 науқас ем алуда.Көпбейінді облыстық ауруханасында 525 тәуліктік төсек орын қызмет көрсетеді. Оның 170-і хирургиялық, 105-і кардиология, 45 орын инсульттік, 95 орын реабилитациялық, 110-ы терапиялық бейінді. Сонымен қатар 115 төсек орындық күндізгі стационар жыл бойына халыққа медициналық көмек көрсетуде. &nbsp;&nbsp;2021 жылы 30 төсек орындық хирургиялық және терапиялық салаға арналған ақылы бөлім ашылды. Одан бөлек 2020 жылдың 1 шілдесінен бастап «Короновирусты инфекция» індетін жұқтырған соматикалық патологиясы бар науқастарға арналған инфекциялық бөлімше қызмет атқарады. Өткен жылы аталған бөлімшенің төсек орын саны эпидахуалға байланысты 5 төсек орыннан 30 төсек орынға дейін өзгеріп отырды. Жылдың аяғында 5 төсек-орын қызмет атқарды. Жалпы ауруханада 675 төсек орын бар.Көпбейінді облыстық аурухана өңірдегі үшінші деңгейдегі стационарлық көмек көрсететін жалғыз ұйым. Дәрігерлердің 80 пайыздан астамы мен орта медицина қызметкерлерінің 60 пайызының біліктілік санаттары, 74 қызметкердің денсаулық сақтау үздігі, 2 дәрігердің медицина ғылымдарының кандидаты атағы бар. Аурухананың медициналық мақсаттағы бұйымдармен жабдықталуы 95,78 пайызды құрайды.&nbsp;Былтырғы жылы тәулік бойы жұмыс істейтін стационарда 19 534, күндізгі стационарда 5386 науқас ем қабылдады. Жалпы хирургия, жүрекке ашық ота жасау, эндоваскулярлық кардиохирургия, қан тамырлары хирургиясы, офтальмологиялық хирургия, травматология және ортопедия, гинекология, урология, нейрохирургия, жақ-бет хирургиясы және оториноларингология салаларында барлығы 10 мыңнан аса ота жасалады.<figure class="image"><img src="https://knadmin.beoblood.kz/uploads/335413830_1377575222784224_4644081344303019889_n_779f8baf0d.jpg" alt="335413830_1377575222784224_4644081344303019889_n.jpg"></figure><img src="https://knadmin.beoblood.kz/uploads/335417762_595100979145488_1530145755962950294_n_784180e573.jpg" alt="335417762_595100979145488_1530145755962950294_n.jpg"><img src="https://knadmin.beoblood.kz/uploads/335386009_5951660164928111_3526351908947396910_n_8305064442.jpg" alt="335386009_5951660164928111_3526351908947396910_n.jpg"><img src="https://knadmin.beoblood.kz/uploads/336187586_233140335832094_6642610852314130493_n_1_27b6d56129.jpg" alt="336187586_233140335832094_6642610852314130493_n (1).jpg"><img src="https://knadmin.beoblood.kz/uploads/335414478_744437987265160_4972670136303253952_n_50c576ca04.jpg" alt="335414478_744437987265160_4972670136303253952_n.jpg">

Нұрымбет Сақтағанов ауруханадағы емделушілермен кездесті

<a href="https://kyzylorda-news.kz/">Kyzylorda-news.kz.</a> Кім тегін ЭКҰ-ға үміткер бола алады, қайда жүгінуге болады? МӘМС жүйесінде жеңілдік санаты ретінде мәртебесін қалай алуға болады? Осы және басқа да сұрақтарға Шиелі ауданының тұрғындарымен кездесу барысында Әлеуметтік медициналық сақтандыру қорының облыстық филиалының мамандары жауап берді.Шиелі ауданында МӘМС жүйесінде 10 650 тұрғын сақтандырылмаған. Ауданда барлығы 39 427 адам тұрады, халықтың 73% - ы сақтандырылған.Ауданның 23 ауылдық округінің қатарында сақтандырылған азаматтар санының өсуі байқалады. Бұл, ең алдымен, міндетті әлеуметтік медициналық сақтандырудың артықшылықтары туралы халықтың хабардар болуының артуына байланысты, деп атап өтті ӘМСҚ-ның облыстық филиалының директоры Бақыт Исмаханбетов. Сонымен қатар, МӘМС медициналық қызметтері, оның ішінде қымбат қызметтер 15 жеңілдікті санаттағы азаматтарға қолжетімді (https://fms.kz/kz/o-medstrakhovanii/infografika/31374/). Олар үшін мемлекет ай сайын жарна төлейді.МӘМС жүйесінде жеңілдік санаты ретінде сақтандыру мәртебесіне қалай ие болуға болады?, - деп сұрайды ауыл тұрғындары. Бақыт Исмаханбетовтың айтуынша, егер сіз 15 жеңілдік санатының біріне жатсаңыз, бірақ МӘМС-да сақтандырылмаған болсаңыз, Халыққа қызмет көрсету орталығына растайтын құжаттарды тапсыру қажет. Ақпарат мемлекеттік органдарға жіберілгеннен кейін ғана сізге «сақтандырылған» мәртебесі беріледі.Сондай-ақ, кездесуде аудан тұрғындары ЭКҰ қолжетімділігі туралы сұрақтарымен жүгінді. Спикердің ақпараты бойынша, ЭКҰ-ға жолдама алу үшін тіркелген жері бойынша емханаға жүгіну қажет. Жылына бір рет МӘМС бойынша ЭКҰ процедурасынан тегін өтуге болады. МӘМС жүйесінде ЭКҰ жүргізу алдында ерлі-зайыптыларды тексеру көлемі көзделген тізбеге сәйкес жүзеге асырылады. Жыл сайын өңірде ЭКҰ рәсіміне 300-жүзге дейін квота бөлінеді. Қосымша сұрақтар үшін тұрғылықты жері бойынша емхана жанындағы Пациентті қолдау және ішкі сараптама қызметіне хабарласуға болады.Егер мәселе шешілмеген болса, сіз әрқашан Әлеуметтік медициналық сақтандыру қорына жүгіне аласыз: fms.kz ресми сайты, 1406 байланыс орталығы, Telegram-дағы Qoldau 24/7 және Saqtandyry-Bot мобильді қосымшасы. &nbsp;<figure class="image"><img src="https://knadmin.beoblood.kz/uploads/1_354226eced.jpeg" alt="1.jpeg"></figure>&nbsp;<figure class="image"><img src="https://knadmin.beoblood.kz/uploads/4_22907ee47e.jpeg" alt="4.jpeg"></figure>

МӘМС жүйесінде жеңілдік санаты ретінде мәртебесін қалай алуға болады?

<a href="https://kyzylorda-news.kz/">Kyzylorda-news.kz.</a> Жаңақорған аудандық Адырбек Сопыбеков атындағы аудандық кітапханада Қ.Р Мемлекеттік сыйлығының иегері, «Халық қаһарманы», «Әлем азаматы», Қ.Р. Ұлттық Ғылым Академиясының академигі Мұхтар Әлиевтің 90 жылдығына арналған «Алыптың аты өшпейді» атты ғылыми-танымдық конференция өтті.Қазақстанның денсаулық сақтау жүйесін дамытуда еңбек жолында ауыл дәрігерінен бастап Қазақ КСР Денсаулық сақтау министріне дейінгі сатылардан өткен, жоғарғы Кеңес депутаты ретінде қоғамдық – әлеуметтік салада ерен қолтаңбасын қалдырған тұлғаны еске алуға арналған кешке Мұхтар Әлиевтің туыстары және жас оқырмандар қатысты.Шараны ашқан аудандық мәдениет және спорт бөлімінің басшысы Әбілқайыр Әбілпаттаұлы:<blockquote>«Биыл Мұхтар Әлиев ағамыздың 90 жылдығына орай ел көлемінде мәдени – танымдық шаралар ұйымдастырылып жатыр. Бүгінгі шара соның бір көрінісі.Соңына өшпес ізін қалдырған халықаралық медицина саласында өзіндік өрнегі бар «Әлем азаматы», ауданымыздың «XX ғасыр Адамын» біз әрқашан да мақтан етеміз», – дей келе өзінің Мұхтар Әлиевке арнаған өлеңін оқыды.</blockquote>Ел медицина саласында хирургияның беделді, құрметті көшбасшысы Мұхтар Әліұлы 70 докторлық, 83 кандидаттық диссертацияның, 970 ғылыми еңбектің авторы. 155 авторлық куәлікке ие. Оның 18 шәкірті Мемлекеттік сыйлықтың лауреаты атанған екен.Мұхтар Әліұлы дәрігер, ассистент, хирург, бас хирург, ғылыми хирургиялық орталықтың басшысы, министр қызметіне дейін көтеріліп отандық медицина саласына өлшеусіз үлес қосты. Ол Жаңақорған ауданына қарасты Бөртескен елді мекенінде теміржолшы отбасында дүниеге келген. Анасы Құндыздан үш жасында, әкесі Әліден буыны қатпай көз жазып, жетімдіктің де зардабын тапты. Елге келген бір сапарында Мұхтар ағаның аузынан естіген мына естелігін түртіп алған екенбіз.Күндердің бір күнінде ол түс көреді. Түсінде әлемде Аристотельден кейінгі екінші ұстаз атанған Әл-Фараби «Менің бойымдағы құдыреттің бір ұшқынын сенен көріп тұрмын. Ата-бабамның әруағы қолдасын» деп алақан жайып, батасын берген екен. Сол түсінде көрген ғажайып оның алғы өміріне бағдаршам болды.Мектеп интернатында білім алып, одан әрі Түркістан педагогикалық училищесін тәмамдайды. Ауыл мұғалімі күндіз-түні жанын жегідей жеген ата-ана өмірін жастай жұлып кеткен сырқаттың сырын түсініп, дертке дауа тапсам деген арманын қанат етіп, Алматы қаласындағы медициналық институтқа оқуға түседі. Оның денсаулық саласындағы керемет жеңісіне осылайша жол ашылды.Жиында Жаңақорған ауданы Кеңес ауылында ұзақ жылдар терапевт-дәрігер болған Мұхтар Әліұлының шәкірті Абибулла Акимовтың ұстаз туралы жүрекжарды естелігін оқырмандар экран арқылы тамашалады.Ол Мұхтар Әліұлының Манап Көкеновпен интернатта бірге оқығанын, кейін жүрек қалауымен дәрігерлік жолды таңдағанын айтты. Әріптес ағаның ауылдан барған қаншама ағайынға көмек қолын созғаны, елге әр келген сапарында атқарған қайырымдылық істеріне де тоқталып өтті. Кеңес ауылында және Шәуілдірде елдің рухани тәрбиесін бекемдеп, имандылыққа тәрбиелейтін мешіт салып бергенін айтты. Жақында Шымкент қаласында алтын қолды дәрігердің 90 жылдығы мерекеленіп, ауылдағы ағайын болып қатысып қайтқанын да айтуды ұмытпады.Кеш қонағы, ішкі істер саласының ардагер, ел ағасы Еркін Мұсаев сөз алып, еңбек жолын Шәуілдір, Темір станциясында мұғалім болып бастаған академиктің 90 жылдық мерейтойын Оңтүстік Қазақстан облысында үлкен деңгейде атап өткенін, осы шараға «Халық қаһарманының шәкірттері әріптестері келіп қатысқанын айтты. Осы мерейтой аясында бауырыӨмірзақ Әметовтың «Мұхтар аға» кітабы жарыққа шыққанын айта келе, естелік туындыны аудандық кітапханаға тарту етті. Келесі кезекте кітапхана қызметкері Айнұр Шарап «Ұлттық хирургияның алыбы» атты көрмені оқырман назарына ұсынды. Көрмеге қойылған Адырбек Сопыбековтың кітабында Мұхтар Әлиевтің Орта Азияда ең алғашқы балалардың бүйрегін алмастыруды енгіз¬ген жаңалығын жеткізген «Тарихнама» кітабы, дәрігердің өз туындысы «Хирургиялық аурулардың симптомдары мен синдромдары», Зинабдин Шермұхамедұлының «Өткенім өлшем болар өміріме» атты кітабы, Ыбырайым Жүнісовтың деректі хикаяттардан тұратын жинағының жалпы мазмұны таныстырылды. Осы кітаптардың барлығында Мұхтар ағаның еңбек жолы, ата-анасы, үзеңгілес замандастары туралы кең қамтылған.Кеш барысында аудан орталығындағы №125 Садықбек Сапарбеков атындағы орта мектебінің 10 сынып оқушысы Әсел Ыбырайхан ақын Адырбек Сопыбековтың Мұхтар ағаға арнауын оқыса, 9 сынып оқушысы Алина Шарап Зинабдин Шермұхамедұлының өлеңін жатқа оқып берді. Білімгерлерді рухани орталықққа бастап келген ұстаздары қазақ тілі және әдебиеті пәнінің оқытушысы Сымбат Алшынбекова тағылымды кештен алған мол әсерін ортаға салды.

Жаңақорған ауданында ғылыми-танымдық конференция өтті

<a href="https://kyzylorda-news.kz/">Kyzylorda-news.kz.</a> Ұрпақ саулығы – ел дамуының маңызды басымдықтарының бірі. Сондықтан балалар жеңілдік санатына кіреді және мемлекет есебінен МӘМС жүйесінде сақтандырылған. Оларға сақтандыру қорымен шарт жасасқан медициналық ұйымдар тегін қызмет көрсетеді. Былтыр елімізде мектеп медицинасына шамамен 26,1 млрд теңге қарастырылған. Ұрпақ саулығы – ел дамуының маңызды басымдықтарының бірі.Бұл – білім беру ұйымдарындағы және мектеп жасына дейінгі балаларға медициналық көмекті ұйымдастыруды көздейтін сала. Бір сөзбен айтқанда, жас ұрпақтың денсаулығын қорғау және нығайту, аурудың алдын алу, денсаулық жағдайын жүйелі бақылау, яғни, білім беру ұйымдарындағы балаларды қажетті медициналық қызметтермен қамтамасыз ету. Өңірде мектеп медицинасының қызметі қандай?Облыстық денсаулық сақтау басқармасының мәліметіне сүйенсек, барлық БСМК ұйымдарына қарасты 289 мектеп болса, оның 278-і медпунктпен қамтамасыз етілген. Оның 55-і қала мектептерінің үлесінде. Бүгінде мектептердің құрал-жабдықтармен жарақталуы 82,3%-ды құрайды. Мектептердегі медпункттерде барлығы 424 мейірбике жұмыс істейді. Олардың қызметін емханалар үйлестіреді. Осы орайда қаладағы іргелі медициналық мекеменің бірі – №3 емхана маманымен тілдескен едік.<blockquote>«2017 жылы елімізде міндетті әлеуметтік медициналық сақтандыру жүйесі енгізілгені белгілі. Осыған байланысты оқушылар мен тәрбиеленушілерге медициналық көмек көрсету қызметі білім беру жүйесінен алынып, денсаулық сақтау саласына берілді. Мектеп медицинасының қызметіне вакциналау, жыл сайынғы профилактикалық тексеру, тіс дәрігерінің тексеруі кіреді. Сондай-ақ дәрігерлер саламатты өмір салтын ұстану жөнінде іс-шаралар өткізеді. Егер профилактикалық тексеруде патология анықталса, онда бала тіркелген жері бойынша емханаға тереңдетілген медициналық тексеруге жіберіледі. Балаларды вакциналау ата-аналарының келісімімен Ұлттық егу күнтізбесі бойынша жүргізіледі. Шұғыл жағдайларда жедел жәрдем бригадасы келгенге дейін балаларға алғашқы көмек көрсетіледі. Біздің №3 қалалық емханаға 10 мектеп қарайды. Мектеп медбикелері балалардың дене қызуын өлшеп, профилактикалық тексеруге барғандарға стоматолог кеңесінен бөлек әр маманға қаралу үшін жолдама дайындайды. Нақтырақ айтқанда, 15598 балаға КМАЖ бойынша бөлек-бөлек жолдама шығарады», – дейді №3 қалалық емхана бас дәрігерінің орынбасары Нұрия Жұмағалиева.</blockquote>Осылайша мектеп медицинасы оқушылардың денсаулық жағдайын үздіксіз бақылауға, қажет болған жағдайда уақытылы алғашқы көмек көрсетуге мүмкіндік береді.№3 емханаға қарасты білім ұясының бірі – Т.Есетов атындағы №264 мектеп-лицейі. Онда 4 мыңға жуық бала бар. Сәті түскенде мұндағы медпунктке барып, жұмыс барысымен таныстық. Есіктен енгенім сол, менімен қабаттаса бірін-бірі жетектеген екі бала да кірді. Бірі – қыз, екіншісі – ұл. Кірген бойда оқушы қыз: «Апай, мына баланың басы ауырып тұр, қарап жіберіңізші» деді. Әсілі, сынып старостасы болуы керек. Мейірбике&nbsp; баладан қашаннан бастап ауырғанын сұрады. Тағы бір-екі сұрақ қойды. Баламен сөйлесе жүріп, оның қызуын тексеріп, тамағын қарады. Дене қызуы қалыпты екен. Мейірбике шамалы бақылап көруге, егер ауырғаны қоймаса, қайта келуге кеңес берді. Бұл мейірбике Әсел Жарылқасынова екен. Келесі бөлмеден мейірбике Зухра Абасилова көрінді. Ол – осы жерге жауапты маман.Шағын екі бөлменің іші тап-таза, жинақы. Қажетті құрал-жабдықтары түгел. Жауапты маманның айтуынша, мұнда балаларға негізінен алғашқы көмек көрсетіледі және профилактикалық тексерістер жүргізіледі.<blockquote>«Мектепте медициналық пункт 2010 жылы ашылды. Мен 2011 жылы жұмысқа келдім. Сонан бері осы жерде істеймін. Бұрын медициналық пункт білім бөліміне қарайтын, 2017 жылдан бастап денсаулық сақтау саласына беріліп, емханаға қарайтын болдық. Осының негізінде қызметіміз де кеңейді. Көріп отырсыз, балалар өздері көмек сұрап келіп жатыр. Бірі басым ауырды десе, келесі бірі дене қызуының көтерілгенін айтып келеді, енді бірі ішім ауырды деп келеді. Ойнап жүріп құлап қалуы мүмкін, аяғын, қолын сындырып алып жатады немесе жарақаттанып қалады. Сондай жағдайда алғашқы көмек көрсетеміз. Осы жерде Ұлттық күнтізбеге сәйкес оқушыларға екпе салынады. Оны алдын ала өзіміз жоспарлап, емханадан бригада шақыртамыз», – дейді Зухра Мәделханқызы.</blockquote>Медпунктте жалпы 4 мейірбике бар. Олар екі мезгілге бөлініп жұмыс істейді. Алғашқы көмекке қажетті, ауруды басатын дәрілер.&nbsp; Керек болған кезде жедел жәрдем шақыртылады.Қандай көмек жасасақ та, яғни, екпе салатын болсақ та, жедел жәрдем шақыртсақ та, міндетті түрде ата-анасының рұқсатын аламыз. Ата-анаға ескертусіз, олардың рұқсатынсыз ештеңе істей алмаймыз. Оған құқымыз жоқ. Бала болған соң түрлі жағдайларға кезігіп жатады. Осындай кездерде міндетті түрде алғашқы көмек көрсетеміз, болмаған жағдайда жедел жәрдем шақыртамыз.Қызметкерлер саны әр мектепте әртүрлі. Негізінен мектептегі бала санына байланысты, – деп атап өтті мейірбике.Сұхбаттасып отырғанда тағы бір бала келді. Іші ауырып тұр екен. Мейірбике ішін басып көріп, ыстығын тексерді. Не ішіп-жегенін сұрады. Дене қызуы қалыпты екен. Қайтарып жіберді.– Бұлар осылай өздері келе бере ме? – дедім. Зухра апай «иә» деді күліп.<blockquote>«Балалар бұл кабинетті жақсы біледі. Сәл мазасы болмай тұрса келеді. Майлы тамақты көп жеп қоюы мүмкін, болмаса чипсы, кириешки, тәтті сусындарды көп ішеді. Сонан асқазанға күш түсуі мүмкін. Соның салдарынан мазасызданады. Одан бөлек, қазіргі кезде балалардың көбінің басы ауырады. Оны күнделікті жұмыс барысында, профилактикалық тексерулер кезінде де байқаймыз», – деді ол.</blockquote>Баланың ит-мысыққа құмар болатынын білеміз. Сол ит-мысықтардан&nbsp; ауру жұқтыру жағдайы жиі кездеседі екен. Сондай-ақ, маусымдық жұқпалы аурулар кезінде де талапқа сай әрекеттер жасалады.Сонымен бірге өздеріне ұнамайтын сабақтарына қатысқысы келмесе де басының ауырғанын, ішінің бүргенін сылтауратып, сабақтан қайтып кетуді ойластырып келетіндер де бар екенін мейірбике жасырмады.<blockquote>«Бала емес пе, кейде өздеріне ұнамайтын немесе қиын сабақтарға қатысқысы келмесе де басым ауырды, ішім ауырып тұр деп келе береді. Біз де психологпыз ғой, кімнің шынымен ауырып, кімнің өтірік ауырып тұрғанын біле қоямыз», – дейді Зухра Мәделханқызы күліп.</blockquote>Мейірбикенің айтуынша, профилактикалық тексерулер балалар арасында аурудың алдын алу, ерте сатысында анықтауға мүмкіндік береді. Осы орайда өткізілген тексерулерді саралай келе балаларда көз ауруының,&nbsp; бас ауруының жиі кездесетінін айтады.<blockquote>«Мәселен, былтыр «Д» есепке 500 бала, биыл 534 бала есепке алынды. Оның басым бөлігі – көз және бас ауруымен ауыратындар. Сонымен бірге тіс жегісі және гастрит, яғни, асқазан ауруы көп. Мысалы, гастритпен биыл 63 бала есепке алынды. Миопиямен, яғни, көз ауруымен 282 бала есепте тұр. Онан бөлек, өт, ішек аурулары да жиі кездеседі. Біз осыларды анықтап, құжатын емханаға жібереміз. Емханада әрі қарай бала емделуі тиіс»,– дейді Зухра Абасилова.</blockquote>Сондай-ақ, жоғары сынып оқушыларын әскерге дайындау да осы кісілердің міндетіне кіреді. Құжат әзірлеу – үлкен жұмыс. Оның үстіне кейінгі кезде мектептерде бастауыш сынып балаларына тегін ыстық тамақ беріле бастағанын білеміз. Сол тағамдардың құнарын, талапқа сай даярлануын, гигиеналық нормаға сай болуын күнделікті қадағалау да мейірбикелердің тікелей қызметіне жатады.Айналасы 30-40 минуттың ішінде үш-төрт бала түрлі шағыммен келді. Мейірбикелердің айтуынша, медпунктке күніне жиырмаға жуық бала қаралады екен.&nbsp;

Мектеп медицинасы оқушылардың денсаулық жағдайын үздіксіз бақылайды

<a href="https://kyzylorda-news.kz/">Kyzylorda-news.kz.</a> Бүгін Үкімет басшысы Әлихан Смайыловтың төрағалығымен &nbsp;ҚР Президенті Қ.Қ.Тоқаевтың сайлауалды бағдарламасын іске асыру жөніндегі республикалық штаб отырысы өтті. Онда «Ауылда денсаулық сақтауды жаңғырту» пилоттық ұлттық жобасы аясында жаңа медициналық нысандар ашу және ішкі нарықта отандық дәрі-дәрмек үлесін 50%-ға дейін жеткізу мәселелері қаралды.ҚР Денсаулық сақтау министрі Ажар Ғиният ауылдарда медициналық нысандар салу және отандық дәрі-дәрмек пен медициналық бұйымдардың өндірісін ұлғайту жайында баяндама жасады. Ведомство басшысы биыл &nbsp;ұлттық жоба аясында еліміз бойынша 309 медициналық нысан салынатынын айтты. Сонымен қатар ішкі нарықта қазақстандық дәрі-дәрмектің үлесін 33%-ға дейін жеткізу жоспарланған.ҚР Премьер-Министрі Әлихан Смайылов &nbsp;нысандардың инфрақұрылымын жеткізу және баратын жолын салуды тапсырды. Оған қоса &nbsp;құрылыс жұмыстары бойынша конкурстың уақытылы өтуі және емдеу мекемелеріне қажетті мамандарды даярлау жіті назарда болуы тиіс.Республикалық штаб отырысынан соң облыс әкімінің бірінші орынбасары Серік Қожаниязов ҚР Премьер-Министрі берген тапсырмаларды пысықтау мақсатында жиын өткізді. Нысандар құрылысын салу және дайындықты тиянақты жүргізуді тапсырды. «Ауылда денсаулық сақтауды жаңғырту» және «Жайлы мектеп» ұлттық жобалары бойынша атқарылатын іс-шаралар өңірлік Жобалық кеңсе аясында жүзеге асырылуы керектігін &nbsp;ескертті.Еске салсақ, «Ауылда денсаулық сақтауды жаңғырту» пилоттық ұлттық жобасы аясында Қызылорда облысында жалпы құны &nbsp;9,7 млрд. теңгені құрайтын 27 нысан құрылысы жоспарлануда. Атап айтқанда, 24 дәрігерлік амбулатория, 2 фельдшерлік-акушерлік бекет, 1 медициналық бекет құрылысының тізімі Үкімет қаулысына енгізілді. Оның ішінде, 15 медициналық амбулатория мен 1 медициналық бекеттің құрылысы биыл салынатын болады.<figure class="image"><img src="https://knadmin.beoblood.kz/uploads/331621377_154752017458415_514310623374249691_n_aa94e421f7.jpg" alt="331621377_154752017458415_514310623374249691_n.jpg"></figure>

Ұлттық жоба аясында денсаулық сақтау нысандарын салу барысы қаралды

<a href="https://kyzylorda-news.kz/">Kyzylorda-news.kz.</a> Медициналық мамандықтардың ішінде жеңілі жоқ. Сол сияқты педиатордың баланың өміріндегі рөлі орасан. Ол кішкентай адамға туғаннан бастап қамқорлық жасайды. Халықтың алғысына бөленіп жүрген сондай дәрігердің бірі – Зарина Әділжанқызы.Жас маман Қазалының тумасы М.Горький атындағы №16 мектебінен түлеп ұшып, М.Оспанов атындағы медициналық университетінің емдеу ісі факультетіне түседі. Бұл жерден бала кезіндегі арманына қол жеткізіп, жалпы тәжірибелі дәрігер бойынша оқуды бітіріп шығады.&nbsp;Еңбек жолын «Болат жолы» аудандық емханасында аймақтық балалар дәрігері болып бастаған. Кейін 2013 жылы Қазалы теміржол ауруханасына аймақтық дәрігер-педиатр есебінде қабылданып, осы уақытқа дейін қызмет атқарып келеді.&nbsp;Зарина Әділжанқызы «Апаттар медицинасының теміржол госпитальдары» АҚФ Қазалы теміржол ауруханасының жалпы тәжірибиелі дәрігерлік қызмет жасаған жылдарында апатты жағдайда қажетті көмек көрсете алатын білікті маман ретінде өзін көрсете білді. Ол емдеу-диагностикалық жұмысында медицинаның соңғы жетістіктерін қолданады. Он жылдан аса уақытта баланың ағзасындағы ерекшеліктері мен ауруының клиникасын тап басып тауып, балалар және ата аналармен қарым қатынас жасай алады. Сонымен бірге балаға, медицинаға деген сүйіспеншілігінің арқасында жұмыс барысында кез келген жауапкершілікті өз мойнына алады. Әрдайым ізденіп, үйренуге қабілетті, дәрігерге сай шыдамдылықпен науқасқа жылы жүзбен барынша ем-дом көрсетеді. Оның амбулаторлы емханалық көмек бағдарламасы бойынша жасалып жатқан жұмысы өз деңгейінде жүргізілуде.&nbsp;<blockquote>«Келушілерге үлкен ілтипатпен қарайды. Ұжымда білікті мамандар қатарынан саналады. Халық арасында беделі жоғары, өте сауатты әрі жаңашыл дәрігер ретінде қабылдаймын. Жас мамандардың үйретуші ұстазы бола біледі. Өз білгенін кейінгілерге үйретуден жалықпайды. Аурухана өміріндегі әртүрлі мәдени жұмыстарға қатысып, белсене араласады», – дейді «Апаттар медицинасының теміржол госпитальдары» АҚФ Қазалы теміржол ауруханасының директоры Құбыл Ршымбетов.&nbsp;</blockquote>Жас дәрігер медицина саласында елеулі қызмет атқарып, жұмыс кезінде өзінің ұйымдастыру қабілетін, білімділігін, жұмысқа белсенділігін көрсете білді. Осыны ескерген аурухана әкімшілігі және кәсіподақ ұйымының төрағасы «Медицина қызметкерлерінің» төл мерекесінде марапатқа ұсынған. Бүгінде отбасында екі бала тәрбиелеп отырған бақытты ана.

Қазалы: Халықтың алғысына бөленген дәрігер

<a href="https://kyzylorda-news.kz/">Kyzylorda-news.kz.</a>&nbsp;Жаңақорған және Шиелі аудандарында МӘМС мәселелері бойынша халықпен кездесу өтеді.Әлеуметтік медициналық сақтандыру қорының Қызылорда облысы бойынша филиалының мамандары аудандарда МӘМС мәселелері бойынша консультациялар өткізуді жалғастыруда. Халықпен келесі кездесулер ағымдағы жылдың 10 наурызында өтеді.Жаңақорған кентіндегі кездесу сағат 09.00-де аудандық әкімдіктің мәжіліс залында өтеді. Кездесуге Жаңақорған ауданы әкімінің орынбасары Б.Нұриинов, «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Б.Исмаханбетов, облыстық денсаулық сақтау басқармасы басшысының міндетін атқарушы Ж.Шайымбетов, Жаңақорған аудандық ауруханасының бас дәрігері С.Усейнов қатысады.Шиелі кентіндегі сағат 11.00-де аудандық әкімдіктің мәжіліс залында өтеді. Шиелі ауданындағы кездесуге аудан әкімінің орынбасары Б.Смағұлов, «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Б.Исмаханбетов, облыстық денсаулық сақтау басқармасы басшысының міндетін атқарушы Ж.Шайымбетов, Шиелі аудандық ауруханасы бас дәрігерінің міндетін атқарушы Г.Құрманғалиева қатысады.

Қазақстан және Қызылорда облысының жаңалықтары: Денсаулық