<a href="https://kyzylorda-news.kz/ru/">Kyzylorda-news.kz</a>. Биылғы жылдың 9 айында Әлеуметтік медициналық сақтандыру қорының филиалына Қызылорда облысының медициналық мекемелерінің қызметіне қатысты 351 шағым түсті. Өткен жылдың сәйкес кезеңімен салыстырғанда (157 шағым) шағымдар саны 2,4 есеге өскен. Бұл туралы біздің тілшімізге Қызылорда облысы бойынша Әлеуметтік медициналық сақтандыру қоры филиалының бөлім басшысы Абылайхан Рахимов мәлімдеді.Бөлім басшысының айтуынша, өтініштердің себептері дәрі-дәрмектердің болмауы, консультациялық-диагностикалық қызметтерді ұзақ күту, емханалар мен ауруханалардағы медициналық көмектің сапасы, медициналық ұйымдар қызметкерлерінің дәрігерлік этика мен деонтологияны сақтамауы, ауруханаға жатқызудан бас тарту және т.б.<blockquote>«Қор жеткізушілерді халыққа қызмет көрсету жұмысын жақсартуға ынталандыру бойынша жүйелі шаралар қабылдап жатқанын атап өткім келеді. Әлеуметтік медициналық сақтандыру қорының сарапшылары тегін медициналық көмектің кепілдік берілген көлемі мен МӘМС пакеті бойынша жеткізушілер көрсететін қызметтердің сапасы мен көлеміне мониторингті жалғастыруда», - деді Абылайхан Рахимов.</blockquote>Егер пациентке медициналық көмек көрсетуден бас тартылса немесе тиісті түрде көрсетілмесе, онда 1406 нөмірі, «Qoldau - 24\7» мобильді қосымшасы немесе «SaqtandyruBot» Telegram-бот бойынша жүгіну қажет. Қордың мамандары мен сарапшылары жедел жауап беріп, қажетті көмек көрсетеді.<img src="https://knadmin.beoblood.kz/uploads/Obratnaya_svyaz_kaz_64e8cb3bde.jpg" alt="Обратная связь каз.jpg">

Медициналық сақтандыру қорына қызылордалықтардан 300-ден астам шағым түсті

<a href="https://kyzylorda-news.kz/ru/">Kyzylorda-news.kz</a>. Сырдария ауданында денсаулық сақтау саласы бойынша даму бар. Аудан әкімдігінің мәліметінше, биылғы жылдың ІІІ тоқсанында «Бекітілген халық тіркелімі» бағдарламасы бойынша аудандық емханаға 35 мыңнан астам тұрғын тіркелген. Сонымен қатар қазіргі таңда аудандық ауруханадағы қажетті дәрі-дәрмектердің және жеке қорғаныш құралдарының қоры жеткілікті.Денсаулық сақтау саласын дамытудың 2021-2025 жылдарға арналған «Дені сау ұлт» мемлекеттік бағдарламасы аясында халық денсаулығын жақсарту жолында медициналық қызмет сапасын арттыру, халықты қолжетімді медицинамен қамтамасыз ету, профилактикалық медицинаны дамыту, ана мен бала денсаулығын қорғау, алғашқы медико-санитариялық көмекті жетілдіру, сондай-ақ аудандағы емдеу және алдын алу ұйымдарының материалдық-техникалық базаларын нығайту, нысаналы индикаторларға қол жеткізу бағытында бір шама іс-шаралар жүзеге асырылды.Сырдария аудандық ауруханасына 35268 тұрғын емханаға қарасты «Бекітілген халық тіркелімі» бағдарламасына тіркелген. Ауданда ауысымына 250 адам қабылдайтын емхана, 10 дәрігерлік амбулатория, 2 фельдшерлік-акушерлік бекет, 1 медициналық бекет бар.Аудандық аурухана құрамында балалар бөлімі, хирургия бөлімі, терапия бөлімі, жансақтау бөлімі, гинекология және перзентхана бөлімшесі, оңалту және қалпына келтіру, паллиативті көмек бөлімшесі, сонымен қатар жұқпалы аурулар бөлімшелері жұмыс істейді. Жалпы аурухана 110 төсек орынға арналған.Қазіргі таңда кезекті электронды басқару жүйесін енгізу мақсатында электронды терминалдар іске косылып, тіркеу бөлімі жұмысын модернизацияланып, цифрлы пост құрылып, CALL-орталығы жұмыс жасауда. Бұл дәрігерлер кабинетіндегі кезекті азайтуға мүмкіндік береді. Пациенттердің дәрігерлерге алдын ала жазылуын енгізу пациенттің жеке уақытын жоспарлауға, олардың медициналық ұйымдарда өткізетін уақытын 1 сағаттан 15 минутқа дейін қысқартуға мүмкіндік береді. Пациенттер электрондық жүйе арқылы дәрігерге жазылып, емханаға тіркеліп, қажетті консультация ала алады. Сонымен қатар, дәрігерлік қабылдауға телефон және интернет арқылы (egov электрондық үкімет порталы және «Дамумед» мобильді қосымшасы) жазылу мүмкіндігі туындады.Ауданда коронавирустық инфекциясының эпидемиялогиялық ахуалына байланысты ковид жұқтырған науқастарға медициналық бақылауды ұйымдастыру үшін амбулаториялық деңгейде пациенттерді емдеуді бақылау және түзету бойынша 9 мобильді бригада құрылды. Дене қызуы көтеріліп келген барлық науқастарды арнайы емханада орналасқан «фильтр» бөлмесінде қабылданып, алгоритмге сәйкес жұмыстар жұмыстар жасалды. Фильтр кабинеті арқылы анализ алынып, облыстық вирусологиялық зертханаға тасымалданып отырады.Айта кетейік, бүгін Сырдария аудандық ауруханасында өкпе, қуық асты безі, асқазан мен ұйқы безі қатерлі ісіктері, олардың даму қаупінің факторлары, ерте диагностикалау мақсатында «Ашық есік күні» болып өтті.Ашық есік күнінде тұрғындарға арнайы жалпы тәжірибелі дәрігер, онколог, мамолог, дәрігерге дейінгі кабинет, әйелдер және ерлер карау кабинеті мамандары, сонымен қатар флюора және ультра дыбыстық зерттеулері арқылы тексерістер жүргізілді.Мамандар тексеруге келген халықты қатерлі ісіктерді дер кезінде анықтау даму тарихы мен ерте диагностикалау, оны болдырмау және алдын алу туралы ақпараттандырды. Ультра дыбыстық зерттеулер арқылы анықталған күдікті ісік алды ауруларын тереңдетіп тексеріп, нақтылау мақсатында облысқа арнайы жолданды.<figure class="image"><img src="https://knadmin.beoblood.kz/uploads/syrdariya_ef5824446f.jpg" alt="сырдария.jpg"></figure>

«Дені сау ұлт»: Сырдария ауданында денсаулық сақтау саласы бойынша даму бар

<a href="https://kyzylorda-news.kz/ru/">Kyzylorda-news.kz</a>. Бүгін облыс әкімі Нұрлыбек Нәлібаев медицина қызметкерлеріне салтанатты түрде 20 жедел жәрдем көлігінің кілтін табыстады. Көліктердің басым бөлігі - ауылдық елді мекендерге бағытталады.Аймақ басшысы дәрігерлерді құттықтап, Сыр өңірінде медицинаның ілгері дамуына жан-жақты қолдау көрсетілетінін жеткізді.<blockquote>«Біле білгенге, жедел жәрдем қызметінде еңбек ететін әрбір дәрігердің адам өмірін сақтап қалуда еселі еңбегі зор. Түрлі тосын жағдайларға тап болып, жол көлік оқиғасында зардап шеккен жолаушыларға мезетінде көмек беру олардың басты ұстанымы. Бұл ретте сала мамандары үшін заманауи үлгідегі автокөліктердің қажеттілігі бар. Себебі соңғы жылдары жедел жәрдем автокөліктерінің басым көпшілігі ескіріп, талап үдесіне сай келмеуде. Бүгін, міне, тұрғындардың талап-тілектерін ескере келе, кәсіпорынға заманауи үлгідегі 20 жедел жәрдем реанимобилі табысталады. Жергілікті бюджеттен 1 қызметтік автобус пен арнайы техника да беріледі», - деді Нұрлыбек Нәлібаев.</blockquote>Іс-шарада қоғам қайраткері, Қызылорда облысының Құрметті азаматы Тұрғанбай Маханов әріптестерін құттықтап, ізгі тілектерін арнады. Ал, жаңа көлікті тізгіндеген мамандар бұл игілікті іске алғысын білдірді.Реанимобильдер "Өнеркәсіпті дамыту" қорымен лизинг арқылы алынды.Айта кетейік, биыл Қазалы ауданының Әйтеке би кентінде 80 мыңнан аса халыққа бастапқы медициналық-санитариялық көмек көрсететін 250 келушіге арналған аудандық емхана ғимараты іске қосылса, амбулаторияға деген қажеттілігі бар Арал ауданы Тастүбек және Қазалы ауданының Жұбан елді мекендерінде 2 медициналық бекет пайдалануға берілді.Сонымен қатар, тамыз айында шаһарымыздың сол жағалауынан құны 2,7 млрд. теңгені құрайтын облыстық қан орталығының іргетасын қалау рәсімі өтті.Мұнан бөлек, алдағы 2 жылда «Ауылдық денсаулық сақтауды жаңғырту» ұлттық пилоттық жобасы аясында құны 9,7 млрд. теңгеге 27 жаңа нысан салынады. Оның басым бөлігі - дәрігерлік амбулатория болмақ.Ал, келер жылы 36,4 млрд. теңгеге Қызылорда қаласынан көпсалалы аурухана мен емхана құрылысын басталмақ. Жұмысты жүргізу үшін келер жылға республикалық бюджеттен 750 млн. теңге қаражат бөлу туралы шешім қабылданды.<img src="https://knadmin.beoblood.kz/uploads/315894959_432704755717441_4951473211852876866_n_8d62a3a701.jpg" alt="315894959_432704755717441_4951473211852876866_n.jpg"><img src="https://knadmin.beoblood.kz/uploads/316091431_432704739050776_3649212717838375717_n_b3e2308bef.jpg" alt="316091431_432704739050776_3649212717838375717_n.jpg"><img src="https://knadmin.beoblood.kz/uploads/315744565_432704975717419_3039948949902135018_n_d9294b2183.jpg" alt="315744565_432704975717419_3039948949902135018_n.jpg">

Қызылорда: Медицина қызметкерлеріне 20 жедел жәрдем көлігі берілді

<a href="https://kyzylorda-news.kz/">Kyzylorda-news.kz.</a> Астана қаласынан келген дәрігерлер Қызылорда көпсалалы облыстық ауруханасында жаңа технологияларды операция кезінде қолдану туралы мастер-класс өткізді.Осы аптада астаналық травматолог-ортопед дәрігерлер жаңа технология арқылы бірнеше ота жасау үшін Сыр еліне келді.&nbsp; Академик Н.Ж.Батпенов атындағы Ұлттық ғылыми травматология және ортопедия орталығының дәрігерлері Байдалин Тимур Төлегенұлы және Байдарбеков Мұрат Өмірханұлы жергілікті ақхалатты абзал жандарға дәрістер өтіп, эндопротездеу және нейрохирургия бойынша барлығы 8 ота жасады.Жоғары санатты дәрігерлер Тимур Төлегенұлы мен Мұрат Өмірханұлы үш күн қабылдау өткізді. Абзал жандар қозғалтқыш функцияларының толық немесе іс жүзінде толық жоғалуына, сондай-ақ әртүрлі аурулары бар, орталық және перифериялық жүйке жүйесінің зақымдануы және олардың зардаптары бар пациенттерді бірлескен аппараттың түрлі аурулары мен жарақаттары туралы кеңесуге қабылдау жүргізді. Нейрохирургке жүгінген науқастардың дені - омыртқа ауруы бар науқастар болды.Әлемдік статистикаға сәйкес, кез-келген ел халқының мың адамының біреуіне протездеу қажет. Соңғы мәліметтер бойынша Қазақстанда 18 миллионға жуық адам бар болса, жыл сайын 18 мың адам бұл отаға мұқтаж екені байқалады. Бүгінгі таңда республикада жылына шамамен жеті-сегіз мың протездеу отасы жасалады. Бұл көрсеткіш емделуге мұқтаж барлық адамдарды қамту үшін әлі жеткіліксіз екенін аңғартады.Айта кету керек, эндопротездеу 20-25 жыл бұрын әлемде белсенді дами бастаған медицинадағы салыстырмалы түрде жаңа бағыт.&nbsp;Академик Н.Ж.Батпенов атындағы Ұлттық ғылыми травматология және ортопедия орталығының мамандары бұл емдеу жолын 20 жылдан астам уақыт бойы іске асырып келеді.&nbsp;Жергілікті нейрохирургтардың қатысуымен Мұрат Өмірханұлы микроскопты пайдалана отырып омыртқа мойны грыжасына ота жасады. Микроскоп ота кезінде зақымданған аумақтың жүйке тінін анық көруге мүмкіндік береді. Яғни, ота кезінде тері тінінің зақымдануын азайтады.Айта кетейік, жыл сайын академик Н.Ж.Батпенов атындағы Ұлттық ғылыми травматология және ортопедия орталығының дәрігерлері Қазақстанның өзге өңірлеріндегі әріптестерімен тәжірибелерін бөлісу үшін өңірлік ауруханаларға барады.<figure class="image image_resized" style="width:75%;"><img src="https://knadmin.beoblood.kz/uploads/dariger1_527d21f1f6.jpg" alt="даригер1.jpg"></figure><figure class="image image_resized" style="width:75%;"><img src="https://knadmin.beoblood.kz/uploads/dariger2_500afa0723.jpg" alt="даригер2.jpg"></figure>

Жаңа технология: Қызылордада астаналық дәрігерлер тәжірибемен бөлісті

<a href="https://kyzylorda-news.kz/">Kyzylorda-news.kz.</a> Бүгін Қызылорда облыстық перинаталдық орталығында «Балалар жылы» аясында, 17 қараша - шала туған нәрестелер күніне орай балалар арасында аурушаңдықты азайту мақсатында «Ашық есік күні» өтті.Ашық есік күнінде тұрғындарға арнайы балалар невропатологы, бас миының НСГ (ультрадыбыстық зерттеу) дәрігері, балалар кардиологы, балалар окулисті және неонатолог дәрігерлер нәрестелерге тексеріс жүргізді.Іс-шарада басқарма басшысы Сәбит Пазилов шала туған нәрестелерді дүниеге әкелген аналарды құттықтап, сыйлық үлестірді. Аналар өз тарапынан басқарма басшысына, ақ халатты абзал жандарға ерен еңбектері үшін алғысын білдірді..Денсаулық сақтау басқармасының басшысы Сәбит Пазилов және ана мен бала денсаулығын қорғау жөніндегі орынбасары Мира Мирзанова облыстық перинаталдық орталығындағы нәрестелер жансақтау және интенсивті терапия бөлімін аралап, "шалабайлардың" хал-жағдайымен танысты. Аталған бөлімше қызметкерлеріне басқарма басшысы сәттілік тілеп, атқарып жатқан толағай жұмыстарына өз алғысын білдірді.Мемлекеттің негізгі міндеті – дені сау сәбилердің туылуына қолайлы және қауіпсіз жағдай жасау десек, облыста жүкті, босанушы, босанған аналар мен жаңа туған нәрестелерге барлық қолайлы жағдай жасалынған. Облыстық перинаталдық орталығында салмағы 2,5 келіге жетпей жылына 800-ге жуық сәбилер дүниеге келеді. Ең аз салмақпен дүниеге келген нәрестелерді күту үшін, қажетті жабдық, дәрі-дәрмекпен толықтай қамтылған. Медицина қызметкерлерінің ​ де, заманауи технологиялардың ​ да алар орны ерекше. ​ Дәрігерлер нәрестелерге ана құрсағындағыдай жағдай жасайды.​ ​ Бұдан кейін бүлдіршіндер нәрестелерді емдеп жетілдіру үшін нәрестелер патологиясы бөлімшесіне жіберіледі. Бөлімдерде шала балалардың бабы мен бағуын келістіретін мамандар қызмет атқарады. Олардың ​ еңбектері өте ​ зор. Дене салмағы бір жарым келіге жетпейтін шақалақтар кувезде, салмағы бұдан асатындары арнайы реанимациялық үстелде жатып, дәрігерлердің қатаң бақылауында болады. Заманауи медициналық ​ құрал-жабдықтар мен ерекше күтімнің, дұрыс емнің көмегімен ондай нәрестелердің 95 пайызы аман қалады. Бөлімшенің жабдықталуы тәулік бойы сәбидің дене температурасына мониторинг жүргізуге, сатурация жүргізуге, инфузорлардың көмегімен инфузиялық терапияны жүргізуге, кувез бен ОРС шала туған нәрестелерді күтуге, оттегінің ағынын реттеу мен оксигенотерапия жүргізуге, фототерапия жүргізуге мүмкіндік береді.&nbsp;<figure class="image"><img src="https://knadmin.beoblood.kz/uploads/315655692_1160571657909941_459040157614108939_n_ec01448b2e.jpg" alt="315655692_1160571657909941_459040157614108939_n.jpg"></figure><img src="https://knadmin.beoblood.kz/uploads/315702567_1160571627909944_1461626192390831913_n_f10c03022a.jpg" alt="315702567_1160571627909944_1461626192390831913_n.jpg">&nbsp;<figure class="image"><img src="https://knadmin.beoblood.kz/uploads/315900112_1160530747914032_7320474718282884755_n_a2be38aab2.jpg" alt="315900112_1160530747914032_7320474718282884755_n.jpg"></figure>&nbsp;<figure class="image"><img src="https://knadmin.beoblood.kz/uploads/315676504_1160530177914089_5666628560332907980_n_abcb9fc031.jpg" alt="315676504_1160530177914089_5666628560332907980_n.jpg"></figure><figure class="image"><img src="https://knadmin.beoblood.kz/uploads/316050117_1160568321243608_4642030260053648863_n_0f556e5669.jpg" alt="316050117_1160568321243608_4642030260053648863_n.jpg"></figure>&nbsp;<figure class="image"><img src="https://knadmin.beoblood.kz/uploads/315643520_1160531174580656_817278756440823575_n_9a86498af0.jpg" alt="315643520_1160531174580656_817278756440823575_n.jpg"></figure>

Қызылордада аз салмақпен дүниеге келген нәрестелерді күту үшін барлық жағдай жасалған 

<a href="https://kyzylorda-news.kz/">Kyzylorda-news.kz.</a>&nbsp; 17 қарашада әлемде Халықаралық шала туған балалар күні атап өтіледі. Ол 2009 жылы жаңа туған балаларды күту жөніндегі Еуропалық қордың бастамасымен қабылданған болатын.Қазіргі таңда ерте босану қоғамдық проблема болып қала беруде. Сол себепті, ата-аналарға орталықтың психолог маманымен психологиялық қолдау жүргізілуде.Соңғы жылдары нәрестелердің мерзімінен бұрын туылуының тұрақты өсуі байқалады. Облыстық перинаталдық орталығында 2022 жылдың 11 айында 9484 нәресте туылса, оның ішінде 680 шала туған балалар.Шала туған нәрестелердің өмір сүру сапасы жоғарылату үшін, қазіргі заман талабына сай орталықтың дәрігерлері мен мейірбикелері тәжірибе алмасу, кәсіби біліктілігін жоғарылату мақсатында алыс-жақын шет елдерде оқытылды. Сонымен қатар дәрігер неонатологтар ішінен офтальмолог, невропатолог, кардиолог мамандары қайта даярланды.<blockquote>«Өмір сүру деңгейін жақсарту мақсатында орталықта көптеген құрал-жабдықтар, атап айтсақ нәрестелерге емдік гипотермия жасауға арналған «TecoTherm Neo», көз көру қабілетін анықтайтын «Retcam Shuttel» аппаратары алынып, шала туылған нәрестелерді көктамыр ішілік тамақтандыруға арналған мөлшерлемелік аппарат – «компаундер» орнатылды.Шала туылған нәрестелердің өкпесін жетілдіру мақсатында сурфактант-орынбасушылық ем және инвазивті емес өкпені жасанды желдендіру емі нәтижелі қолданылуда.Статистикаға сүйенсек, 2021 жылы офтальмолог дәрігерімен «Retcam Shuttel» аппаратымен тексерілген қауіп тобындағы 321 нәрестенің 56-сынан патология анықталып, оның ішінде 16 нәресте ота жасауға Алматы қаласына ауыстырылды.Сонымен бірге, жүрек және асқазан-ішек жолдарының туа біткен ақаулары бар нәрестелерді республикалық санавиация желісі арқылы Астана, Алматы қалаларындағы ғылыми-зерттеу орталықтарына аудару мәселесі жолға қойылған», - делінген Ана мен бала орталығының таратқан ақпаратында.</blockquote>Шала туылғаннан нәрестенің дене салмағы экстремальды төмен болады, сол себепті алғашқы секундтан қамқорлық жасап, олардың дене жылуын сақтау маңызды. Біздің орталық шала туылған нәрестелерге қажетті тоқыма бұйымдарын әзірлейтін «28 ілмек» қайырымдылық ұйымымен тығыз байланыста жұмыс жүргізіп келеді.<figure class="image"><img src="https://knadmin.beoblood.kz/uploads/a_Zlg2px_AI_9x8_Lz_Xea_QJ_Up_PMGPGELE_3_Y_Nuw_S_Evi_Tx_jpg_width_1200_Xheight_auto_Xtype_1_2547fbb59b.jpg" alt="aZlg2pxAI9x8LzXeaQJUpPMGPGELE3YNuwSEviTx.jpg_width=1200Xheight=autoXtype=1.jpg"></figure>

Қызылорда: Ана мен бала орталығында жыл басынан бері 9484 нәресте дүниеге келді

<a href="https://kyzylorda-news.kz/">Kyzylorda-news.kz.</a> Мемлекет басшысының биылғы жылғы «Әділетті мемлекет. Біртұтас ұлт. Берекелі қоғам» атты Жолдауында айрықша тоқталған «Ауылдағы денсаулық сақтауды жаңғырту» ұлттық жобасын жүзеге асыру шараларының аясында Аманкелді ауылының халқына үгіт-насихат, әдістемелік-тәжірибе алмасу және тұрғындарға медициналық көмек көрсетілді.&nbsp;Орталықта жасақталған бригада биылғы жылдың 9-10 қараша күндері құрамында денсаулық сақтау менеджері С.Ерімбет, ауданның бас педиатрі А.Құлеке ,терапевт, жұқпалы аурулар дәрігері М.Садықова, эпидемиолог мейірбике Г.Мырзабекова, Теренөзек кент орталығы аймақтарының орта буын қызметкерлері Ә.Әлиаскаров, Ә.Серікова, Г.Болатбекова және Н.Гажденбекова жұмыс жасады.Аманкелді ауылында 540 отбасы болса, 2609 халық бар. Медициналық көмек көрсету барысында 492 отбасы қамтылды. Қалған тұрғын үйлерде уақытша тұрғындардың болмауына байланысты қамтылмай қалғанымен жұмыс орындарында кездесулер болды.&nbsp;Дәрігерлер үй аралу барысында 1723 адамды қамтылды. Оның ішінде 26 жүкті әйел, тексеру барысында үй жағдайында ауырып жатқан 17 бала, 9 ересек анықталып, барлық анықталған науқастар амбулаторияға дәрігердің қабылдауына жолданды.&nbsp;Аула аралау барысында жұқпалы аурулар (тұмау), міндетті әлеуметтік медициналық сақтандыру және ауыл халқын скрининг тексеруден өткізу туралы түсіндірме жұмыстары жүргізілді. Амбулатория &nbsp;дәрігер қабылдауында жалпы терапевт, жұқпалы аурулар дәрігерінде 37 тұрғын болды. Оның ішінде 23 науқас, 14 дәрігерлік кеңес алуға келді, 3 науқас үй жағдайында көрілді және 3 науқасқа емдеу орындарын стационарлық көмек алуға жолданды. Ал балалар дәрігерінің қабылдауында 34 бала болса, оның 26 науқастарына байланысты, 8 бала кеңес алуға келді. Қабылдаған науқастардың барлығына амбулаториялық жағдайда ем берілді.<figure class="image"><img src="https://knadmin.beoblood.kz/uploads/314884333_1450158498841759_6502209562835875745_n_eaa93c1f30.jpg" alt="314884333_1450158498841759_6502209562835875745_n.jpg"></figure>

Аманкелді ауылында 492 отбасыға медициналық көмек көрсетілді

<a href="https://kyzylorda-news.kz/">Kyzylorda-news.kz.</a> Дүниежүзілік қант диабетімен күрес күні жыл сайын канадалық дәрігер және физиолог Фредерик Бантингтің туған күнінде аталып өтеді, ол ол 1922 жылы дәрігер Чарльз Бестпен бірге қант диабетімен ауыратын адамдардың өмірін сақтайтын инсулин препаратын жасады.Қазақстанда қант диабетін емдеу тегін. Қант диабеті әлеуметтік маңызды ауруларға жатады, яғни мемлекет есебінен қаржыландырылады.Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов түсіндіріп өткендей, егер учаскелік дәрігер / терапевт динамикалық бақылауға жататын осы созылмалы ауруды анықтаса, барлық азаматтарға тегін медициналық көмектің кепілдік берілген көлемі шеңберінде (ТМККК) бірқатар медициналық қызметтер қолжетімді. Бұл бейінді дәрігерлердің кенесі, диагностикалық тексерулер, күндізгі және тәулік бойы стационарларда емдеу, паллиативтік көмек (ауыр сырқаттармен ауратын науқастарға демеуші терапия) және басқа да медициналық қызметтер.Сондай-ақ, ТМККК шеңберінде, ҚР Денсаулық сақтау министрлігінің № 75 бұйрығына сәйкес, қант диабетімен ауыратын науқастарға 23 дәрі-дәрмек және 7 медициналық мақсаттағы бұйым, оның ішінде шприц - қаламға арналған инелер, бір реттік инсулиндік шприцтері, несептегі кетондіқ денелерді анықтауға арналған тест-жолақтары, қандағы глюкозаны анықтауға арналған тест-жолақтары, инсулин помпалары, инсулиндік помпаларға арналған инфузиялық жинақ, инсулиндік помпаларға арналған резервуар тегін беріледі. Барлығы әртүрлі мөлшерде және көлемде.Басқаша айтқанда, шұғыл араласуды және байыпты мемлекеттік реттеуді талап ететін барлық нәрсе ТМККК есебінен, ал тегін қызметтердің кепілдік берілген көлемінен тыс қосымша қызметтер – МӘМС есебінен қамтамасыз етіледі. Көпшілігінде қант диабеті скрининг кезінде анықталады. Осыған байланысты дәрігерлер оны назардан тыс қалдырмауға кеңес береді. Шынында да, кез-келген сырқаттың диагнозы ертерек анықталса, емдеу соғұрлым сәтті болады.<figure class="image"><img src="https://knadmin.beoblood.kz/uploads/1020_Saharnyj_diabet_3_slajd_chist_1_kaz_baf9ba5891.png" alt="1020_Сахарный диабет_3 слайд_чист_1_каз.png"></figure>&nbsp;

14 қараша - Дүниежүзілік қант диабетімен күрес күні

<a href="https://kyzylorda-news.kz/">Kyzylorda-news.kz.</a> Медициналық сақтандырудың жоқтығынан жүкті әйелді есепке алудан бас тартылуы мүмкін бе; егер ЖК-сі бар болса, «декреттегі әйел» МӘМС жарнасын төлеуі тиіс пе; МӘМС шеңберінде жүктілікке байланысты УДЗ тиесілі ме? Әлеуметтік медициналық сақтандыру қорының Қызылорда облысы бойынша филиалы Қызылорда қаласының №6 қалалық емханасының акушерлік-гинекологиялық бөлімшесінің меңгерушісі Индира Ермахановамен бірлесіп, болашақ аналар жиі кездесетін жағдайлар бойынша түсініктеме дайындады.1-жағдай:&nbsp;Мені жүктілік бойынша есепке қоюдан бас тартылады, себебі мен сақтандырылмағанмын. Менің 12 айға ақы төлеуге мүмкіндігім жоқ, не істеуім керек?Жүктілік бойынша есепке тұру үшін әйелдің келесі мамандарға жүгінуге мүмкіндігі бар:&nbsp;1) акушер-гинеколог – оның консультациясы МӘМС шеңберінде жүргізіледі, сондықтан қабылдауға жазылу үшін сақтандырылған болу қажет;2) жалпы практика дәрігері және акушер – олардың қабылдауы тегін медициналық көмектің кепілдік берілген көлемі шеңберінде жүргізіледі, адамның сақтандырылған мәртебесі қажет емес. Яғни сақтандырылмаған жүкті әйелді емхананың учаскесінде қабылдауға және жүктілік бойынша есепке қоюға болады.&nbsp;Содан кейін үш күн ішінде әйел жеңілдікті санаттың өкілі – «Жұмыс істемейтін жүкті әйел» ретінде сақтандырылған мәртебесін алады. Ал ол жұмыссыз болса, мемлекет ол үшін жарна төлейді. Бұл оған МӘМС тізбесіне кіретін қажетті тексерулерден, скринингтерден және т. б. өтуге мүмкіндік береді. Сондай-ақ, бірыңғай жиынтық төлемді (БЖТ) төлеушілер үшін түсініктеме бергім келеді. Оны өздері үшін жұмыс істейтін адамдар төлейтіндіктен, БЖТ төлейтін әйел бұдан былай «жұмыс істемейтін» болып саналмайды және жеңілдік санатынан шығарылады.2-жағдай:Мен жүктімін, есепте тұрмын. Жеңілдік санатына кіретін адам ретінде сақтандырылғанмын. Бірақ декреттік төлемдерді алу үшін БЖТ төледім, қазір жүйедегі мәртебем «САҚТАНДЫРЫЛМАҒАН». Неліктен бұл орын алды және мәртебені қайтадан алу үшін не істеу керек?МӘМС жүүйесінде жеңілдік санаты «Жұмыс істемейтін жүкті әйел» деп аталады. Олар үшін МӘМС жарналарын мемлекет төлейді. Бұл санатқа ресми түрде жұмыс істемейтін және соңғы 2 айда зейнетақы жарналары мен әлеуметтік аударымдар түспеген әйел кіре алады. Егер әйел ресми түрде жұмыс істесе, онда декреттік демалысқа шыққаннан кейін жұмыс беруші ол үшін жарналар мен аударымдарды төлеуді тоқтатады. Және ол «Жүктілікке және босануға, жаңа туған баланы (балаларды) асырап алуға байланысты, бала (балалар) үш жасқа толғанға дейін оның (олардың) күтіміне байланысты демалыстағы адамдар» жеңілдікті санатына енгізіледі. Бұдан әрі ол мемлекет есебінен сақтандырылған болып табылады.&nbsp; БЖТ-ға келетін болсақ, салық заңнамасы бойынша оны ресми жұмысқа орналаспаған, тіркелген ЖК-сі жоқ, бірақ кәсіпкерлік қызметті жүзеге асыратындар төлейді. Бірыңғай жиынтық төлем бірнеше төлемдерді қамтиды: БЖТ – ның 10% – ы жеке табыс салығын, 20% - ы Мемлекеттік әлеуметтік сақтандыру қорына әлеуметтік аударымдарды, 30% - ы Бірыңғай жинақтаушы зейнетақы қорына міндетті зейнетақы жарналарын, 40 % – ы Әлеуметтік медициналық сақтандыру қорына міндетті әлеуметтік медициналық сақтандыруға аударымдарды құрайды. БЖТ-ны қандай да бір табыс алатын азаматтар төлейді. Яғни, егер жүкті әйел БЖТ төлесе, онда ол ЖҰМЫС ІСТЕЙДІ деп саналады.Жеңілдік санатына қайта оралу үшін екі ай бойы БЖТ төлемеу керек. Содан кейін ғана &nbsp;жүкті әйел жұмыссыз ретінде сақтандырылған мәртебесін алады.&nbsp;Мысалы, егер БЖТ наурыз айында төленген болса, жеңілдік мәртебесін алу үшін сәуір және мамыр айларына төлемдер болмауы тиіс. Жеңілдік мәртебесі маусым айында беріледі. Бала туылғаннан кейін жұмыс істемейтін әйел басқа жеңілдік санатына енеді-үш жасқа дейінгі балаларға күтім жасайтын жұмыс істемейтін адамдар.Екінші нұсқа бар. БЖТ төлемін ай сайын жалғастыруға болады, сонда әйел жеңілдікті санатқа енбейді, бірақ өзін-өзі жұмыспен қамтушы ретінде сақтандырылған мәртебесін алады.3-жағдай:Менде жұмыс істемейтін ЖК бар, бірақ ресми түрде қызметі тоқтатылған жоқ. Маған ЖК ретінде ары қарай жарна төлеу керек пе?Жоғарыда айтылғандай, жүкті әйелдің шынымен жұмыс істемейтінін және жеңілдік мәртебесіне ие бола алатындығын растау үшін соңғы екі айда ол үшін зейнетақы жарналары мен әлеуметтік жарналар түспеуі керек. Егер ЖК қызметі салық органдарында ресми түрде тоқтатылмаған болса, онда сіз қолданыстағы ЖК ретінде жарналарды төлеуді жалғастыруыңыз қажет (өйткені сіз есептілікті, тіпті «нөлдік» төлемді тапсырасыз және заң бойынша қажетті төлемдерді жүргізесіз). Жұмыс істемейтін жүкті әйел ретінде жеңілдікті санат бойынша сақтандырылу үшін ЖК-нің салық органдарындағы қызметін ресми түрде тоқтата тұру қажет. Онда сіз үшін МӘМС жарналарын мемлекет төлейтін болады. &nbsp;4- жағдай:Маған скринингтен және басқа перинаталды тексерулерден өту керек. Бірақ емханада маған жолдама берілмейді, өйткені мен сақтандырылмағанмын. Бұрын &nbsp;жұмыс істедім және жарналарды төледім, бірақ содан кейін &nbsp;жұмыстан шығып, МӘМС төлемін жасамадым. Бірақ жұмыс істемейтін жүкті әйелдер жеңілдік санатына кіреді емес пе. Неліктен мені МӘМС-ті пайдалану құқығынан айырады?<blockquote>«Сіз дұрыс айтасыз, жұмыс істемейтін жүкті әйел жеңілдік мәртебесіне ие бола алады. Сақтандырылған мәртебесін алу үшін оны жүктілік бойынша есепке қою керек. Әдетте жүктілік бойынша есепке акушер-гинеколог қояды. Оны қабылдау МӘМС тізбесіне кіреді, яғни тек сақтандырылған әйелдерге ғана қолжетімді. Алайда, егер әйел сақтандырылмаған болса, оны жалпы практика дәрігері немесе акушер қабылдап, жүктілік бойынша есепке қоя алады. Бұл дәрігердің қабылдауы тегін медициналық көмектің кепілдік берілген көлеміне кіреді. 3 күн ішінде әйел жеңілдікті санат ретінде сақтандырылған мәртебесін алады. Осыдан кейін ол МӘМС тізіміне кіретін барлық тексерулерге жолдама ала алады», – деп сарапшы түсіндірді.</blockquote>5- жағдай:Жеке клиникада &nbsp;жүкті әйелдерге &nbsp;ультрадыбыстық тексеруден өтуді, ақылы сараптама жасауды &nbsp;ұсынады. Егер мен жүктілік бойынша есепте болсам, мұны өз емханамда тегін өте аламын ба?Иә, қажетті тексерулер ТМККК және МӘМС шеңберінде қарастырылған, сондықтан оларды өз емханаңыздан өтуге болады.&nbsp;Әйел жүктілік бойынша есепке тұрады, содан кейін акушер-гинеколог онымен жүктілік кезең бойына жұмыс жүргізеді. Алдымен өмір тарихы жиналады, пациент пен оның серіктесінің медициналық деректері зерттеледі. Жүкті әйелдің жеке картасы жасалады, оған айырбастау картасы беріледі. Міндетті тексеру тағайындалады, оған зертханалық талдаулар, хромосомалық патология және құрсақішілік ұрықтың туа біткен даму ақаулары бойынша тәуекел тобын анықтау үшін пренаталдық скрининг, ЭКГ, қажет болған жағдайда ЭхоЭКГ, бүйректің УДЗ, көрсетілімдер бойынша стоматолог пен отоларингологтың консультациясы кіреді. Жүктілік кезінде үш реттік ультрадыбыстық скрининг тағайындалғанын атап өткім келеді, ол мына мерзімде жүргізіледі: 1) 11 аптадан 13 апта 6 күнге дейін; 2) 19 аптадан 21 аптаға дейін; 3) 30 аптадан 32 аптаға дейін. Яғни, сіз бұл тексерулер үшін жеке төлем жасамауға, өз емханаңыздан өтуге құқығыңыз бар», – деді Екатерина Чалиловна.Егер сұрақтарыңыз болса, сіз оларды емханаңыздан Пациенттерге қолдау көрсету қызметіне хабарласып сұрай аласыз. Егер сізге сол жерде көмектесе алмаса, онда өзіңізге ыңғайлы байланыс арнасы арқылы Әлеуметтік медициналық сақтандыру қорына өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot. Дәл осы құралдар сақтандырылу мәртебесін тексеруге мүмкіндік береді. Сондай-ақ, медициналық сақтандыру жүйесіндегі өз мәртебеңізді тексеріп, жүргізілген төлемдер туралы ҚР egov.kz электрондық үкіметінің сайтындағы «Денсаулық сақтау» бөлімінде «Медициналық қызметтер туралы және МӘМС-те аударылған сомалар туралы ақпарат» мемлекеттік қызметі арқылы біле аласыз.<figure class="image"><img src="https://knadmin.beoblood.kz/uploads/Nerabotayushhaya_beremen_zhenshhina_kaz_1_d057b29756.jpg" alt="Неработающая беремен женщина каз (1).jpg"></figure>

МӘМС: Жүкті әйелдердің жиі қоятын сұрақтары

<a href="https://kyzylorda-news.kz/">Kyzylorda-news.kz.</a>&nbsp; Жүйе іске қосылған 2017 жылдың 1 шілдесінен 2022 жылдың 1 қарашасына дейінгі аралықта Қызылорда облысында әлеуметтік медициналық сақтандыру қорына 40,8 млрд. теңге аударды.&nbsp;Оның 25,8 млрд. теңгесі (63,2%) жұмыс берушілердің аударымдары болса, қалған 15,0 млрд. теңге (36,8%) - жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі. Бұл туралы «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов мәлемдеді.&nbsp;Жарна төлеу жағынан Қызылорда қаласы, Шиелі мен Жанақорған аудандар көш бастап тұр. Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.&nbsp;Егер сізде медциналық қызмет көрсету бойынша сұрақтар туындаса, оларды өз емханаңыздағы «Пациенттерді қолдау» қызметіне хабарласып, қоя аласыз. Егер ол жерде мардымды жауап ала алмасаңыз, Әлеуметтік медициналық сақтандыру қорының өзіңізге ыңғайлы байланыс арнасы арқылы өтініш жібере аласыз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.Дәл осы құралдар сақтандыру мәртебесін тексеруге мүмкіндік береді. Сондай-ақ, жүргізілген төлемдер туралы ҚР электрондық үкіметінің egov.kz сайтында, «Денсаулық сақтау» бөлімінде, «Медициналық қызметтер туралы және МӘМС-те аударылған сомалар туралы ақпарат» мемлекеттік қызметі арқылы білуге болады. &nbsp;

Қызылордалықтар әлеуметтік медициналық сақтандыру қорына 40,8 млрд теңге аударды

<a href="https://kyzylorda-news.kz/">Kyzylorda-news.kz.</a> Тар бейінді дәрігерлердің консультациялары, КТ/МРТ, рентген және диагностиканың басқа да түрлерінің қызметтері сақтандырылған азаматтарға МӘМС жүйесінде емдеуші дәрігердің жолдамасы бойынша көрсетіледі. Олар үшін қосымша ақы талап етілмеуі керек. Егер емхана осы қызметтерді өзі ұсына алмаса, онда оны орындау шарты бойынша пациентке басқа клиникада қабылдауды қамтамасыз етуі қажет.Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов консультациялық-диагностикалық қызметтерді алу мүмкіндіктері туралы толығырақ айтып берді.КДҚ-ны қалай алуға болады?Науқасқа кез келген консультациялық-диагностикалық қызметті емдеуші дәрігер тағайындайды. Ол науқастың жағдайын, шағымдарын, аурудың белгілерін зерттейді. Тиісті көрсетілімдер болған кезде дәрігер КТ, МРТ немесе басқа да зерттеулер жүргізуге жолдама жазады. Қызметті жоспарлы түрде алу үшін пациент «Сақтандырылған» мәртебесіне ие болуы тиіс, өйткені емхана деңгейінде бұл қызметтер МӘМС шеңберінде көрсетіледі.Егер КДҚ-ны көрсетуден бас тартылса…ТМККК шеңберінде және МӘМС жүйесінде қызмет көрсететін медициналық ұйым Әлеуметтік медициналық сақтандыру қорымен тиісті шарт жасасады және пациенттерге осы қызметтерді ұсыну бойынша міндеттемені орындауға тиіс.<blockquote>«Біз азаматтардан емхана көрсетілімдер болған кезде, оны өткізу мүмкіндігінің жоқтығына сілтеме жасай отырып, консультациялық-диагностикалық қызметке жіберуден бас тартады деген өтініштерді жиі аламыз. Алайда, мұндай жағдайда өнім беруші Қор дерекқорында (сілтемесі - https://fms.kz/kz/useful-to-know/vybrat-kliniku/) &nbsp;тұратын медициналық ұйымдар қатарынан бірлесіп орындаушыны тартуға міндетті. Егер бірлесіп орындау шарты ешкіммен жасалмаса, онда пациентті осы қызмет түрі бойынша Қордың өнім берушілерінің біріне жіберуге тиіс, шарт бағыт бойынша қызмет көрсету қорытындылары бойынша автоматты түрде жасалады», – деп атап өтті ӘМСҚ облыстық филиалының директоры Бақыт Исмаханбетов.</blockquote>Алайда пациент емханаға бармай, КДҚ-ны ақылы негізде алу үшін тікелей жіберілетін басқа да жағдайлар бар.<blockquote>«Кейде біз әлеуметтік желілерде науқасқа жолдама берілмегені және олар ақылы түрде қызмет алғаны, мысалы, КТ туралы шағымдарды көреміз. Мұндай жағдайларда науқастың құқығын қорғаушы ретінде Қор іске қосылады. Алайда, нәтижесінде науқас тіпті өз емханасына жүгінбеген, бірақ дереу басқа жерде ақылы тексеруден өтуге шешім қабылдаған болып шығады. Біз азаматтарды ТМККК шеңберінде және МӘМС жүйесінде медициналық қызметтерді пайдалануға шақырамыз. Егер мәселелер туындаса, Пациентті қолдау қызметіне хабарласыңыз және өз құқықтарыңызды қорғаңыз», – деп Бақыт Исмаханбетов атап өтті.</blockquote>ӘМСҚ филиалының директоры атап өткендей, 2022 жылы аймақтың халқына медициналық көмекті қаржыландыруға 89,8 млрд. теңге бағытталды, оның ішінде ТМККК бойынша – 53,19 млрд. теңге, МӘМС бойынша – 36,61 млрд. мың теңге. Бұл ретте консультациялық-диагностикалық қызметтерді қаржыландыру ұлғайды. Бұл мақсаттарға 13,2 млрд. теңге қарастырылған, оның ішінде МӘМС бойынша – 11,4 млрд. теңге.2022 жылдың 9 айында аймақтың 8 медициналық ұйымы жалпы сомасы 168,2 млн теңгеге 14 588 КТ қызметін, 4 медициналық ұйым – 714,7 млн теңгеге 21 128 МРТ қызметін көрсетті.Егер сізде консультациялық-диагностикалық қызметтерді алуға қатысты сұрақтар туындаса немесе сіз оларды көрсетуге қол жеткізе алмасаңыз, онда өз емханаңыздың Пациентті қолдау қызметіне хабарласуыңыз қажет. Ұзақ күтуге байланысты өз аймағыңызда томографиядан немесе басқа да қызметтерден өту мүмкіндігі болмаған жағдайда, сіз өз аймағыңыздың денсаулық сақтау басқармасындағы жағдайды нақтылай аласыз. Егер мәселені сол жерде шешу мүмкін болмаса, онда Әлеуметтік медициналық сақтандыру қорына өзіңізге ыңғайлы тәсілмен өтініш беріңіз: fms.kz ресми сайты, 1406 байланыс орталығы, Qoldau 24/7 мобильді қосымшасы және Telegram-дағы SaqtandyryBot.<figure class="image"><img src="https://knadmin.beoblood.kz/uploads/KDU_kaz_4c10809ace.jpg" alt="КДУ каз .jpg"></figure>

Консультациялық-диагностикалық қызметтерді қалай алуға болады?

<a href="https://kyzylorda-news.kz/">Kyzylorda-news.kz.</a> Қызылорда облысында 4 магнитті-резонансты томограф, 10 компьютерлік томограф бар. Олардың санының артуымен осы диагностикалық зерттеулерге кезек күту уақыты қысқарды, деп атап өтті медициналық ұйымдардың мамандары тілшілерге арналған баспасөз туры барысында. Ұйымдастырушы - Әлеуметтік медициналық сақтандыру қорының Қызылорда облысы бойынша филиалы. Қала тұрғыны Ақсәуле Әшірбаеваның жүрегіне ашық ота жасалды. №1 емханада тіркілген жері бойынша жарты жыл сайын күндізгі стационарда емделіп, міндетті тексеруден – жүректің УДЗ-ден өтеді.<blockquote>«2018 жылдан бері жүрек ауруы бойынша есепте тұрамын, 2 топтағы мүгедек. Емдеу, дәрі-дәрмек, диагностикалық тексерулер – осының барлығын дер кезінде, тегін алып тұрамын. Алғаш рет кардиологқа жүгінгенімде ентігумен жүру қиын болды. Қазір әл - ауқат жақсарды», – дейді Ақсәуле Әшірбаева.</blockquote>Облыс орталығынан ең шалғайдағы Арал ауданының тұрғыны Гүлжахан Назарованың басы қатты ауырып, бас айналуы мазалайды. Себебін анықтау үшін науқасқа МРТ зерттеуі тағайындалды. Жергілікті дәрігердің тиісті жолдамасымен Гүлжахан апа «INVIVO» клиникасына тегін тексеруге келді.<blockquote>«Жақында МРТ сараптамасы тағайындалды. Қан қысымының жоғарылауы, оттегінің жетіспеушілігі, бас ауруы мазалайды. МРТ зерттеуінің нәтижесі бір күннен кейін белгілі болады. Менің денсаулығыма қауіп төнбейді деп үміттенемін», – дейді Гүлжахан Назарова.</blockquote>МРТ сараптамасын күту уақыты қысқарды, дейді клиника мамандары. Бұрын апталап кезек күтуге тура келсе, кәзір 1-2 күн. МРТ диагностикалық тексеру құны 17 мың теңге. МӘМС аясында сақтандырылған азаматтарға – тегін.<blockquote>«МРТ тексеруден өту үшін тіркелген емхананың емдеуші дәрігерінің жолдамасы қажет. «INVIVO» клиникасы мен емхана арасындағы келісім-шарт негізінде пациент бұл қызметті ӘМСҚ қаражаты есебінен тегін алады. Күн сайын аймақтың 40-қа дейін, жыл сайын 10 мыңға жуық тұрғынын қабылдаймыз. Негізінен міндетті әлеуметтік медициналық сақтандыру аясында қызмет көрсетеміз», - дейді «INVIVO ВДП» ЖШС өңірлік директоры Қуат Төлешев.</blockquote>2022 жылдың 9 айында облыстың 8 медициналық ұйымы жалпы сомасы 168,2 млн теңгеге 14 588 КТ қызметін, 4 медициналық ұйым - 714,7 млн теңгеге 21 128 МРТ қызметін көрсетті, деп хабарлады Әлеуметтік медициналық сақтандыру қорының облыстық филиалының бас сарапшысы Айгүл Аханова. Биыл консультациялық-диагностикалық қызметтерді қаржыландыруға 13,2 млрд. теңге қарастырылған, оның ішінде МӘМС бойынша – 11,4 млрд. теңге.<figure class="image"><img src="https://knadmin.beoblood.kz/uploads/Invivo_c2194cdbc1.jpeg" alt="Инвиво.jpeg"></figure>

Қазақстан және Қызылорда облысының жаңалықтары: Денсаулық