<a href="https://www.inform.kz/ru/pervyh-rezidentov-neotlozhnoy-mediciny-vypustit-kazahstan-v-2022-godu_a3938201">ФОТО</a><a href="https://kyzylorda-news.kz/">Kyzylorda-news.kz.</a> Мемлекет басшысы Қасым-Жомарт Тоқаев Қазақстан халқына Жолдауында үш жыл ішінде резидентурада оқуға берілетін гранттардың жыл сайынғы саны 70 пайызға артатынын айтқан еді.Үкіметтің мәліметінше, 2023 жылы гранттар саны 70 пайызға – 1500-ден 2500-ге дейін өсті.&nbsp;<blockquote>«Мамандар жоғары оқу орнынан кейінгі медициналық білім берудің 47 бағыты бойынша дайындалады, оның ішінде негізгілері: Акушерлік және гинекология – 214, Анестезиология және реаниматология – 200, Неонатология – 119, Терапия – 115, Жалпы хирургия – 98, Неврология – 92, Психиатрия – 88, Оториноларингология – 83, Кардиология – 78, Офтальмология – 66, Жұқпалы аурулар – 63, Травматология-ортопедия – 62, Эндокринология – 55, қалғандары – 1167» деп жазды ведомстводан.</blockquote>

Биыл резидентураға бөлінген грант саны 2500-ге дейін өсті

<a href="https://www.pexels.com/ru-ru/">ФОТО</a>Kyzylorda-news.kz. Жаңа деректер нашар бактериялардың көп болуы тез қартаю мен физикалық форманың бұзылуына әкеп соғатынын көрсетті, деп хабарлайды <a href="https://www.inform.kz/kz/ishek-bakteriyalary-adamdy-tez-kartaytady_a4105333">ҚазАқпарат</a>.&nbsp; &nbsp;Адам ішегінде денсаулығы үшін маңызды рөл атқаратын триллиондаған микроағза бар.Жақында ғана Developmental Cognitive Neuroscience журналында жарияланған нәтиже ішектегі микроағзалардың алуантүрлілігі біздің физикалық формамызға ғана емес, қартаю жылдамдығына да әсер ететінін көрсетті.Зерттеу авторы, профессор Жолт Радактың сөзінше, Венгер спорт ғылымдары университетінің мамандары ашқан жаңалық пробиотиктерді денсаулық пен ұзақ жасау үшін пайдалануға болатынын дәлелдеді.Радак командасымен бірге Будапеште ішек микробиомасының алуантүрлілігі мен биологиялық жас, яғни өмір сүрген жылымен емес, денсаулық жағдайымен анықталатын жас және 80 әуесқой ескекшінің физикалық дайындығы арасындағы байланысты зерттеді.Зерттеу аясында әр қатысушы бірқатар фитнес-бағалаудан өтіп, ішекте бактерия бар-жоғын және биологиялық жасын анықтау үшін талдау тапсырды.<blockquote>«Біз қабыну процесін тудыратын бактериялар қартаюды жеделдететінін анықтадық. Жедел қартаю дегеніміз – сіздің өз хронологиялық жасыңыздан кәрі болуыңыз» деп атап өтті Радак Euronews Next-ке берген сұхбатында.</blockquote>Осылайша, ескекшілердің ішек микробиомындағы бактерияларды талдай келе зерттеушілер пайдалы бактериялар көп болса – физикалық форма көрсеткіштері жақсарып, қартаю қарқыны баяулайтынын анықтады.Қазіргі уақытта Радак командасы жартыжылдық қайта зерттеу жүргізіп жатыр. Онда мамандар ескекшілердің ішек микробиомын пробиотиктермен алмастырды.Осы арқылы пробиотиктер биологиялық жасқа қалай әсер ететінін бағалайды.Зерттеу нәтижесі 2024 жылдың басында жарияланады деп жоспарланып отыр.

Ішек бактериялары адамды тез қартайтады

<a href="https://kyzylorda-news.kz/">Kyzylorda-news.kz.</a> Бедеулік дертіне шалдыққан отбасылық жұптарға көмек көрсету мақсатында 2022 жылы Ләйлә Сұлтанқызы Instagram әлеуметтік желісінде «Тегін ЭКО» атты бастама көтерген болатын.Бұл бастамаға «Аңсаған сәби» мемлекеттік квотасына белгілі себептерге байланысты іліне алмаған, бірнеше мәрте өз қаражаттарына ЭКО жасауға талпынған, генетикалық дертке байланысты сәбилі бола алмаған отбасыларды таңдап алған болатын.Елімізде ЭКО бағдарламасын жасатудың орташа құны 2 млн тг. құрайды. Бұндай көлемдегі қаражатты жинауға Ләйлә Сұлтанқызының оқырмандары мен қайырымды жандар көмек көрсеткен еді. Одан бөлек ең үлкен қолдау көрсеткен жандардың қатарында елімізге ең алғашқылардың бірі болып ЭКО бағдарламаны қалыптастырған эмбриолог-репродуктолог Салтанат Берденқызы Байқошқарова және “Ecomed” ұжымын атап өтпесе болмас.Игі бастама нәтижесінде әр өңірден бес жұп ЭКО бағдарламадан өтті. Олардың төртеуінде бірінші реттен жасалған эмбрион тасымалынан кейін жүктілік анықталып, айы-күні жеткен шақта ұл-қыздарын бауырына басты. Қызылордалық Айнұр есімді бесінші пациент тек үшінші реттен жүкті болып 10 тамыз күні Мирас есімді ұл баланы дүниеге әкелді. Айнұр бізге хат жолдаған болатын: «Отбасы құрғанымызға 12 жыл болды. Табиғи жолмен 2 рет көтердім 2012 жылы 8 апта замерщий деп алдырып тастадық, 2014 жылы екінші жүктілік 7-8 апта замерщий деп тағы алып тастады. 2016 да Шымкентте "Брак и семья" клиникасында өз қаражатыммен ЭКО жасаттым сәтсіз болды. Квотаға очередьте тұрғаныма 4 жыл болды. Қазір жасым 41 де, 2022 жылдың май айында 42-ге толам жолдасым үйдің жалғыз баласы ұрпақсыз қалама деп қорқам, өзімнің де ана атанғым келеді көмектесіздерме, өтініп сұраймын. Өйткені екі рет сәтсіз экодан кейін үмітім үзіліп қатты стресс алдым, жұмысқа шықпай үйде жатып қалдым. 10 миллиондай ақшамыз кетті осы уақытқа шейін, жұмыс істейміз болницаға қараламыз анализ тапсырып емделеміз, сөйтіп арасында жоғарыда айтқандай өміріміз өтті. Отбасымызда сәбидің иісі мен үні естіліп бақытты шаңыраққа айналсақ екен. Отбасымды сақтауға көмек беріңздерші. Ұйқысыз түндерім мен жылаған күндерімді ұмытқым келеді».Осындай шарасыз күйде хат жолдаған Айнұр біраз сынақтан өтіп, бүгінде жолдасы Мейрамбек екеуі ата-ана атанды. Айнұр мен баланың жағдайы қалыпты болғаннан кейін дәрігерлердің рұқсатымен күні кеше 23 тамыз Қызылорда қаласының Ана мен бала орталығынан үйге шыққан болатын. Осылайша, жай ғана Instagram желісінде бастау алған қайырымдылық көпшіліктен қолдау тауып, биыл «Жібек жолы» телеарнасынан Ләйлә Сұлтанқызының авторлық бағдарламасы ретінде «Ана болғым келеді» деген атаумен көрерменге жол тартты. Алғашқы маусымда тағы да қайырымды жандардыдың көмегімен алты пациент таңдап алынды. Араға біраз уақыт өткен соң Ләйлә Сұлтанқызы «MARIYAM» деген атаумен қайырымдылық қор ашып, нәтижесінде тағы бес жұп ЭКО бағдарламадан өтуге мүмкіндік алды.Бүгінде жалпы саны 11 жұп ЭКО бағдарламадан өтуде. Жыл соңына дейін бұл көрсеткішті 20-ға дейін жеткізу жоспарда бар. Осы уақытқа дейін 12 эмбрион тасымалы жасалды. Әзірге 3 жүктілік анықталды. ЭКО бағдарламаны жүргізіп, пациенттерге медициналық-моральдік тұрғыда көмек көрсетіп жатқан білікті репродуктолог-дәрігер Алмаз Құрманәліұлының және әріптестері Ботагөз Серікбайқызын, Ислам Дәуренұлының есімдерін атап өтпесе болмас.Осы уақытқа дейін «MARIYAM» қайырымдылық қорының сайтына көмек сұраған жандардан 1000-нан астам хат келіп түсті. Әр хатты біздің дәрігерлер мұқият қарап, хаттың мазмұнын, диагнозын талқылайды. Нәтижесінде диагнозы ауыр, жасы үлкен, бала көтеру мүмкіндігі төмендеу деген қиын жағдайларды таңдайды. Қордың және дәрігерлердің мақсаты – сөніп бара жатқан үмітті қайта жалғау, мүмкін емес деген нәрсені ең әуелі Құдайдың және медицинаның көмегімен мүмкін ету. Қоғамда жиі кездесетін өзекті проблемалардың бірі бедеуліктің санын азайту жолында аудиторияны сауатты ақпараттандыру, осы диагнозға душар болған жұптарға көмек көрсету – «MARIYAM» қайырымдылық қорының басты миссиясы.

«Тегін ЭКО»: Қызылордадағы қуаныш

<a href="https://kyzylorda-news.kz/">Kyzylorda-news.kz.</a> Алдағы жылдан бастап Әлеуметтік медициналық сақтандыру қоры 10 мыңнан аз тіркелген халқы бар алғашқы медициналық-санитариялық көмек көрсететін ұйымдармен шартқа отырмайды деп жоспарлануда.&nbsp;Бұл медициналық мекемелер арасында қаржыны тиімді бөлуді қамтамасыз етіп, пациенттердің қолжетімді, сапалы және уақтылы медициналық көмекке құқықтарын қорғауға мүмкіндік береді. Өзгертілген бұйрық жобасы қоғамдық талқылауға шығарылды. &nbsp; Олар құп көрсе, Қормен жұмыс жасайтын медициналық ұйымдарды да айналып өтпейді.&nbsp;Бұл туралы Әлеуметтік медициналық сақтандыру қорының Басқарма Төрағасы Сәбит Ахметов Түркістан облысының медициналық қоғамдастығымен кездесу барысында хабарлады.Әлеуметтік медициналық сақтандыру қорымен жұмыс істейтін медициналық ұйымдардың саны жыл сайын көбейіп келеді. Биыл 1900-дан астам мекеме Қормен шарт жасасты, ал шамамен оның 700-і алғашқы медициналық-санитариялық көмек көрсетеді. Бұл ретте емханалардың көбі Алматы мен Түркістан облыстарына тиесілі. Соңғысында 59 медициналық ұйым қызмет ұсынады.&nbsp;Әрқайсысы кешенді норматив арқылы қаржыландырылады, яғни әр тіркелген пациентке ай сайын Қор төлейді. Осылайша, емханада халық саны неғұрлым көп болса, соғұрлым көп қаражат алады. Ал 10 мыңнан аз, кейде 2 мың адам тіркелген медициналық ұйымдарға қаржылық тұрғыдан қиынға соғады.&nbsp;Оларға шамалы бюджетпен қыруар шығынды еңсеруге тура келеді. Атап айтар болсақ, ғимаратты күтіп ұстау, жалақы төлеу, бейінді мамандарды тарту, коммуналдық шығындарды төлеу және жабдықтар, дәрі-дәрмектер мен медициналық бұйымдарды сатып алу керек. Сондықтан көптеген медициналық ұйымдар 90%-ға жуық медициналық қызметті бірлесіп орындауға беруді жөн көріп, бір жалпы тәжірибелік дәрігер мен медбикенің күшімен жұмыс істейді. Бейінді маманнан кеңес алу немесе тексерілу үшін әр түрлі медициналық мекемеге жолдамамен баратын пациенттерге ауырға соғады. Бұл медициналық көмектің қолжетімділігі туралы айтылған қағиданы бұзады. «Адамдар денсаулығын сіздерге сеніп тапсырады. Сол себепті халыққа медициналық қызметтердің қолжетімділігін қамтамасыз ету сіздердің міндетіңіз болса, біз сеніп тапсырылған ақшаны көрсетілген қызметтер үшін тиімді бөлуіміз керек. Әркім өз ісімен айналысып, оны сапалы орындауға тырысуы шарт. Біз сатып алу ережелері қайта қарап, өзгерістер қабылданса, келесі жылдан бастап 10 мыңнан аз адам тіркелген емханалармен шарт жасалмайды. Ал бұрыннан Қормен шарт жасасқан мекемелердің пациенттерді тіркеп, халық санын арттыруға уақыты бар. &nbsp;Ал емхана қажет халық санын жинай алмаса, олармен шарт жасалмайды, - деді Сәбит Ахметов. &nbsp;Қор басшысының ойынша, бұл жерде денсаулық сақтау басқармасы үлкен рөл атқарады. Себебі олар өңірдегі жағдайдан құлағдар, яғни халықты емханаларға біркелкі бөліп, медициналық жабдықтарды сатып алуға көмектеседі және медициналық көмек көрсетуге жеке инвесторларды, оның ішінде мемлекеттік-жекеменшік әріптестік шеңберінде тартып, медициналық көмектің қолжетімділігіне жауап береді. Ал Түркістан облысында 2 млн астам адам тұратынын әрі тұрақты өсу үрдісі бар екенін ескеретін болсақ, жеке инвесторлар үшін бұл өте тартымды болмақ.&nbsp;«Біз медициналық ұйымдарды мемлекеттік немесе жекеменшік деп бөліп- жармаймыз. Қор білікті мамандар жұмыс істейтін, материалдық-техникалық жағынан жарақтандырылған емханалармен шарт жасасады», - деп атап өтті Сәбит Ахметов.&nbsp;Басқарма төрағасы 3-5 айдың ішінде адам санын ондаған мың адамға арттырып, сәйкесінше мекеменің дамуына қыруар қаржы алған Қарағанды және Астана емханаларын мысалға келтірді. Онда бейінді сала мамандары жұмыс істейді әрі толық жабдықталған &nbsp;(ультрадыбыстық аппараттар, КТ, МРТ).&nbsp; Алайда, жекеменшік клиникалардың құрылтайшылары желдеткіштерді тиісті көлемде алмай, күрделі жөндеу кезінде үнемдеп, жабдықтарды жаңартпай жатады. &nbsp;Қор басшысы Түркістан облысының медициналық ұйымдарын аралау кезінде сондай нысанды көрсетіп, Қормен ары қарай жұмыс істеу үшін сапаға назар аударып, стандартқа сәйкестендіруді тапсырды. Кері жағдайда, медициналық ұйымдармен шарт бұзылады. Түркістан облысының денсаулық сақтау басқармасының басшысы Асхан Байдуәлиев аймақ халқының 75%-дан астамы ауыл &nbsp;азаматтары екенін тілге тиек етті. Оларға медициналық қызметтердің қолжетімділігін арттыу үшін медициналық ұйымдарды ірілендіру мәселесі шешілуде. Сонымен қатар, көптеген елді мекендер Сайрам орталық аудандық ауруханасында барлық консультативтік-диагностикалық көмекті алып отыр. Медициналық ұйымды ауданаралық деңгейге дайындауда әрі барлық қажетті жабдықтармен жабдықталып жатыр.&nbsp;Кездесу барысында ол бірқатар проблеманы айтып, оңалту және жедел жәрдем тарифтерін қайта қарауды, аз инвазивті операциядан кейін асқынуларды болдырмау үшін дәрігерлердің бақылауында біраз уақыт қалуы үшін аудандардағы пациенттер үшін бір күндік хирургия тарифін әзірлеуді сұрады.Жедел жәрдем бойынша тарифтердің төмендігі айтылып қана қоймай, нақты шешімдер айтылды. Жедел жәрдем станциясына қайтар жолға шығындарды үнемдеу мақсатында желілік бригадалар енді постқа оралмайды. Қызмет &nbsp;көрсеткеннен кейін, олар соңғы мекенжайда қалып, келесі қоңырауды күтеді. Бұдан бөлек, жедел медициналық көмек бригадаларын облыстың барлық аудандарына беру және бөлу жоспарлануда. Бұл ретте орталық станцияға бас консультативтік орталықтың функциялары берілетін болады.Асхан Байдуәлиев қаржыландыру мәселесін де тілге тиек етті. Түркістан ауруханалары аймақ тұрғындарына ғана емес, Шымкент қаласының азаматтарына да медициналық көмек көрсетеді.&nbsp;«Қаржы тапшылығына байланысты пациенттерді кезекке қоюымызға тура келеді. Бұл көпшілік арасында түсінбеушілік тудырады. Қосымша қаржыландыруды және Қордың Шымкент филиалымен шарттарды қоса атқаруға рұқсат беруді сұраймыз», - деді Қор басшысымен әңгіме барысында Асхан Байдуәлиев. Басқарма төрағасы бұл сұрақты назарға алатынын айтты.&nbsp;Тағы бір мәселе – Түркістан облысының 24 мемлекеттік медициналық ұйымындағы 4,9 млрд теңге көлемінде жинақталған кредиторлық берешегі. Денсаулық сақтау басқармасы басшысының айтуынша, бұл берешек жұмыс сапасына әсер етеді. Мәслихаттың ұйғарымымен жергілікті бюджеттен медициналық ұйымдарға көмек ретінде 252 млн теңге бөлінді. Сәбит Ахметов Қор тарапынан 8,3 млрд теңге бөлінгенін айтты. Сонымен қатар, ол ӘМСҚ міндетіне жекелеген медициналық ұйымдардың кредиторлық берешегі бойынша мәселелерді қадағалау және шешу кірмейтінін атап өтті. Тапсырыс беруші ретінде негізгі міндеті – емделген жағдайлар үшін төлем жасайды. Медициналық ұйымдар орындаушы болып табылады және жасасқан шарт аясында өз міндеттемелерін орындауы тиіс. Осы ретте Қор басшысы кредиторлық берешек бойынша мәселелер Денсаулық сақтау министрлігімен және жергілікті атқарушы органдармен шешілетінін айтты.

Келесі жылдан бастап емханаларға талап күшейтілмек

Kyzylorda-news.kz. Мемлекеттің атын әлемдік аренада айшықтап көрсететін саланың бірі - спорт. Тәуелсіз мемлекет болғалы спорт додаларында еліміздің сайыпқырандары көк туымызды көкте желбіретіп келеді. Жетістіктер ел мерейін өсіріп, ұлттың рухын көтерді.&nbsp;Бәрінен де қуантарлығы, өскелең ұрпақтың спортқа деген қызығушылығы оянды. Бұл – үлкен жетістік. Арал ауданында да спорт саласын дамытуға басымдық беріліп келеді. Жастардың салауатты өмір салтын ұстануы үшін барлық жағдайлар жасалуда. Спорт кешендері, спорт клуб, шәкірт даярлайтын спорт мектептері де бар.&nbsp;Бұрын спорт ердің ісі іспетті көрінетін. Спортты жанына серік еткен нәзік жандылар некен-саяқ еді. Ал қазір алып күштің егесі екендігін дәлелдеп жүрген арулар саны артып келеді. Мәселен, «Арал спорт клубы» КММ-де еркін күрестен әйелдер жаттықтырушысы болып еңбек ететін Әлия Әлжан спортқа қызығушылық танытатын қыздардың көп екендігін айтады.&nbsp;<blockquote>– Өзім 14 жасымнан бастап еркін күреске жақын болып өстім. Арал қаласындағы №220 орта мектепті 9 сыныпқа дейін оқыған соң, Қызылорда қаласында &nbsp;Жалаңтөс Баһадүр атындағы спортта дарынды балаларға арналған мектеп-интернатта тәрбиелендім. Жоғарғы оқу орны Алматы қаласында Қазақ спорт және туризм академиясын тәмәмдадым. Түрлі додаларға қатысып, білім мен тәжірибемді дамыттым. Қазіргі күні сол жинақтаған дүниемді шәкірттеріме үйретіп жүрмін, – деген Әлия әңгімесін өзінің спортқа келу жолынан бастады.&nbsp;</blockquote>Рас, күрес әйелдер үшін аса қауыпты спорт түрі. Әлия шәкірттердің табиғаты келетін, мықты мінезділігіне, төзімділігіне қарап іріктеліп алынатындығын айтады.&nbsp;<blockquote>– Әйелдер күресі Аралда кенже қалып келе жатырған спорт түрі.Тіпті осы кезге дейін күрескер қыздар барын бірі білсе, бірі білмейді. Негізі әйел адамға күрес түрлері қиын спорт. Бірақ біз табиғаты келетін, мықты қыздарды ғана аламыз. Қазіргі таңда, қыз баласы өз өзін қорғай алса, соның өзі жетістік, үлкен нәтиже. Дегенмен биік белестерді бағындырып жүрген шәкірттерім бар. Олар Қазанова Гүлсім, Жаңабаева Жаннұр өзімнің туған сіңілім Аида Әлжан Қазақстан Республикасының спорт шебері. Осылардың ізін жалғап өсіп келе жатқан Кәрбозова Назым, Серікқызы Ұлдана,Байтұрғанова Нұризат, Жарылқасын Аяжан,Әмірхан Нұрсымбат сынды қыздарым спорт шеберлігіне үміткер, – дейді жаттықтырушы.&nbsp;</blockquote>Әлия бала кезде атақты спортшы болуды армандады. Ол сол арманға жету жолында бар күш-жігерін аяған жоқ. Дегенмен кейде біздің жоспарлаған дүниелеріміз жүзеге аспай қалып жатады. Бұл өмірдің заңдылығы.&nbsp;<blockquote>– Адам баласының арманы асқақ болады екен-ау. «Жақсы жаттықтырушы болу үшін атақты спортшы болу міндет емес» деген қағиданы естігенім бар еді. Шыны керек,әйгілі спортшы болу бақыты маған бұйырмады.Бірақ әркез ниетім дұрыс, пейілім таза болды.Енді өзімнің жиған тәжірибеммен, алған білімімді талантты жастардың томағасын сыпырып,шәкірт тәрбиелеу ісіне жұмсасам деген ниетпен келемін.Бәлкіммен шықпаған биікке, осы сіңлілерім шығады деп үлкен үміт күтемін. Боз кілемнен өз еншісін ала алмаған менің алдымды екі орайтын шәкірт тәрбиелеп шықсам деймін, – деген Әлия арман-тілегімен бөлісті.</blockquote>Талантты тану да қырағылық. Әлия Әлжан жас спортшылардың шамшырағын жағып, бағын ашамын деп ниет етіп, сол жолда аянбай тер төгіп, бар ерік-жігерін ауданнан палуан қыздарды тәрбиелеп шығарып, еліміздің атын шығаратын спортшы қылуға арнап келеді. Оның таланты мен табандылығы шәкірттеріне үлгі боларына сенімдіміз.

Палуан қыздардың көшін бастаған Арал жаттықтырушысы

Kyzylorda-news.kz. Мемлекет басшысы Қасым-Жомарт Тоқаев «Халықтың денсаулығын жақсарту мәселесі айрықша назар аударуды талап етеді. Барлық жастағы ел азаматтары арасында бұқаралық спортты дамыту маңызды. Спорт инфрақұрылымдарының балалар үшін барынша қолжетімді болуын қамтамасыз ету керек. Бұқаралық дене шынықтыруды өркендету ісі жаңа чемпиондар шыңына шығатын пирамидаға айналуы тиіс. Бұл салауатты әрі белсенді жастардың, түптеп келгенде, қуатты ұлттың негізін қалыптастырады» деп жиі айтып жүр.&nbsp;Расында спортты жанына серік етіп, салауаттылыққа бет бұрған ұрпақ тәуелсіз еліміздің рухын тіктеп, атын асқақтатары сөзсіз.&nbsp;Біз бұған талай мәрте куә болып келеміз. Қай елдің болмасын жалауы көкке көтерілетін жағдайдың бірі чемпиондар жеңіс төріне шыққан жағдайда. Қандай ерекше сәт, көңіл толқытар көрініс. Бұл спортқа ден қойған әрбір спортшының арманы екенін кім жоққа шығара алсын?!&nbsp;Жанарға келген қуаныштың жасын іркей алмай жүрген жеңімпаз жастардың қатарында біздің де талай жерлестеріміз бар. Түрлі спорт түрінен, түрлі жас ерекшеліктерге байланысты көптеген турнирлерде жүлде салып, жеңісті қанжығаға байлап жүргендігі аудандағы бұқаралық спортқа деген қолдаудың айқын көрінісі.Ал қолдау бар жерде еңбектің қаншалықты нәтижелі болатынын көріп, біліп жүрміз. Әсіресе ауданда жекпе-жек спортының түрлері өте қарқынды дамып келеді.&nbsp;Таяуда ғана әмбебап жекпе-жектен 2 дүркін әлем чемпионы атанған Фараби Сауытбаев бастаған бір топ өрендер Қырғызстан республикасы, Ыстықкөл облысында «Унифайттан» өткен Азия чемпионатында айды аспанға шығарды. Жерлестеріміздің жетеуі алтыннан алқа тақса, бір қола медальді қанжығаға байлады. Бір ауданнан барған спортшылардың мұндай жоғары нәтижесі жастардың жекпе-жекке қаншалықты ден қойғандығын байқатып-ақ тұр. Көк байрақты көкке көтеріп, Әнұранымызды әуелеткен жасөспірімдер арасындағы чемпиондар ДиасҒалымжанұлы, БақытжанСерікбай, ЖансүйенМұхтарұлы, МансұрӨтебай, жастар арасындағы чемпиондар Бағдаулет Әзизуллаев,ДінисламБолатбекұлы және ересектерарасында алтын медальды еншілеген ФарабиСауытбаев пен жастар арасында жарыстың қола жүлдегері Нұралы Кемалов туған жерге оралды. Елдің даңқын асқақтатқан спортшыларды аралдықтар орталық алаңда қарсы алды. Жас өрендерді арнайы күтіп алған аудандық мәдениет және спорт бөлімінің басшысы Б.Махатов:<blockquote>– Азия құрлығындағы мемлекеттердің мықты спортшылары бақ сынасқан сайыста барлық қарсыластарыңыздан басым түсіп, чемпион атануларыңыз біз үшін зор мақтаныш. Осы ретте, жастарды бала күнінен спортқа баулыған жаттықтырушыларға шынайы алғысымызды білдіреміз. Алдағы уақытта да әлемдік додаларда еліміздің көк туын желбіретер үздік спортшы атануларыңызға шын жүректен тілектеспін! – деп, жас спортшыларға ақжарма лебізін білдірді.</blockquote>Чемпиондарды қарсы алуға жиналған жанкүйерлер мен ауданның белсенді жастары жеңімпаз атанған спортшыларға айрықша құрмет көрсетті.Қанжығаға жүлде салған №19 Арал ауданының олимпиадалық резервтің мамандандырылған балалар-жасөспірімдер мектебінің спортшыларынан алдағы уақытта да жеңіс күтетініміз жасырын емес.Аудан абыройын асқақ етер байрақты бәсекелер көп болсын!

Әлем чемпионаты: Аралда жеті алтын, бір қола

Kyzylorda-news.kz. Арал ауданы бойынша дене шынықтыру және спортпен жүйелі түрде шұғылданушылар саны – 31 228 адам. Жалпы аудан тұрғындарының үлесі 38 пайызын құрайды.&nbsp;Аудан көлемінде үстіміздегі жылдың осы кезіне дейін аудан тұрғындары арасында бұқаралық спортты дамыту мақсатында 75 спорттық іс-шара, оның 5-і республикалық, 6-уы қалааралық, 50-і аудандық, 14-ті кент, ауылішілік, мекемеішілік өткізілді. Олардың ішінде көлемді шаралар – волейболдан Асхат Аханов атындағы республикалық дәстүрлі турнир, грек-рим күресінен жасөспірімдер арасында акробатикадан қазақ жастары арасынан шыққан тұңғыш КСРО спорт шебері Дәри Құттымұратовты еске алуға арналған республикалық турнир өткізілді. Мұнан бөлек бокстан жасөспірімдер арасында еліміздің еңбек сіңірген мәдениет қызметкері, «Құрмет» орденінің иегері Жалдыбай Нұрпейісовті еске алуға арналған республикалық турнир өтті.&nbsp;Спортшылардың да көрсеткіші жоғары. Қазақстан Республикасының ресми чемпионаттары мен біріншіліктері жарыстарында аудан спортшылары 44 медальға ие болды. Оның 18-і – алтын, 12-сі – күміс, 14-і – қола.

Арал ауданы спортшылары 44 медальға ие болды

<a href="https://kyzylorda-news.kz/">Kyzylorda-news.kz.</a>&nbsp;Өткен аптада аудан әкімдігінде аудандық мәслихаттың кезектен тыс алтыншы сессиясының отырысы өтті. Аудан әкімінің орынбасары Б.Жұмағұловтың қатысуымен өткен сессияның күн тәртібінде үш мәселе қаралды.Аталған үш мәселенің алғашқысы «Арал ауданында жолаушылар мен багажды автомобильмен тұрақты тасымалдау тарифтерін белгілеу туралы» аудан әкімдігі қаулысының жобасына келісім беру туралыаудан әкімінің орынбасары Е.Әбішев хабарлама жасаса, «Арал ауданы көлемінде құрылған №1-55 учаскелік сайлау комиссияларын сайлау туралы» Арал аудандық мәслихатының 2019 жылғы 9 қаңтардағы №217 шешіміне өзгерістер енгізу туралыаудандық сайлау комиссиясының хатшысы Л.Сәтекеева баяндады.Ал күн тәртібіндегі үшінші сауал төңірегінде аудандық мәслихаттың бөлім басшысыС.Әуесов«Арал аудандық мәслихат аппараты» мемлекеттік мекемесінің «Б» корпусы мемлекеттік әкімшілік қызметшілерінің қызметін бағалаудың әдістемесін бекіту туралы айтты.Хабарламашылардың сөзінен кейін «Қазақстан Республикасындағы жергілікті мемлекеттік басқару және өзін-өзі басқару туралы» Қазақстан Республикасы Заңының 7-бабының 1-тармағына сәйкес аудандық мәслихат осы үш мәселе жайында оң шешім шығарды.Сессия соңында аудан әкімінің орынбасары Б.Жұмағұлов аудандық мәслихат депуттарының жұмысына сәттілік тілеп, елдегі мәселелерді бірлесе отырып шешуге сенім білдірді.

Аралда тасымал тарифін бекіту мәселесі қаралды

Ғасыр белесіндегі аудан қарқынды дамып келеді

<a href="https://kyzylorda-news.kz/">Kyzylorda-news.kz.</a>&nbsp; Сақтандырылған мәртебесін алу үшін азаматтар өткен 12 айға немесе алдағы 12 айға жарна төлеуі тиіс. Сондай-ақ, жеңілдік санаттарына кіретін адамдарға мемлекет жарна төлейді. Ал әскери қызметшілер МӘМС төлемдерінен босатылған. Бұл ретте олар МӘМС жүйесінде сақтандырылған мәртебесін қалай ала алады? Осы жайында толығырақ білу үшін Әлеуметтік медициналық сақтандыру қорының жеке және заңды тұлғалармен жұмыс жөніндегі департамент директоры Забира Оразалиеваны әңгімеге тарттық.Әскери қызметшілер тегін медициналық көмектің кепілдік берілген көлемі шеңберінде және міндетті әлеуметтік медициналық сақтандыру аясында медициналық көмек ала алады. Осы екі пакет шеңберінде көрсетілген медциналық қызметтер бойынша денсаулық сақтау ұйымдарына қаражатты Әлеуметтік медициналық сақтарындыру қоры төлейді.&nbsp;ҚР «Міндетті әлеуметтік медициналық сақтандыру туралы» Заңына сәйкес әскери қызметшілер МӘМС жарналары мен аударымдарынан босатылды, яғни жұмыс берушілер олардың жалақысынан ұстап қалуды жүргізбейді.<blockquote>Әлеуметтік медициналық сақтандыру қоры МӘМС жүйесінде әскери қызметшілердің мәліметтерін «Адамдарды арнайы есепке алу» ақпараттық жүйесіне ЖСН көрсете отырып енгізілген әскери қызметшілер, құқық қорғау және арнаулы мемлекеттік органдарының қызметкерлері есебінен алады. Олар бойынша деректерді әскери бөлімдердің, әскери басқару органдарының қызметкерлері енгізеді. Қор жүйесінде әскери қызметшінің ЖСН-ы шыққан соң ол автоматты түрде сақтандырылған мәртебесін алады және жарналар мен аударымдарды төлеуден босатылады», – деді Забира Оразалиева.&nbsp;</blockquote>«Әскери қызмет және әскери қызметшілердің мәртебесі туралы» Заңның 50 және 52-баптарына сәйкес, әскери-медициналық мекемелер әскери қызметтен босатылған адамдарға және әскери қызметшілердің отбасы мүшелеріне міндетті әлеуметтік медициналық сақтандыру жүйесінде медициналық көмек көрсететін болады. Ол үшін қажетті нормативтік құқықтық база құрылды.&nbsp;Забира Оразалиеваның айтуынша, әскери-медициналық мекемелер ТМККК тізбесі және МӘМС жүйесіндегі медициналық көмек аясында тек әскери қызмет атқарып жүрген қызметкерлер ғана емес, сондай-ақ әскери қызметтен босатылған, әскери қызмет міндеттерін орындау кезінде ауруға шалдыққан, сонымен қатар, 20 және одан да көп жыл еңбек еткен адамдарға, әскери қызметшілердің отбасы мүшелеріне, азаматтық персоналға, медициналық қызметтердің өзге де тұтынушыларына медициналық көмек көрсетеді.<blockquote>«Әскери қызметшілерге азаматтық денсаулық сақтау желісінде медициналық көмек көрсету елдің барлық халқы сияқты, тіркелген жері бойынша емханада да жүзеге асырылады. Қолданыстағы заңнамаға сәйкес, келісімшарт бойынша әскери қызметшілердің отбасы мүшелері, сондай-ақ әскери қызметтен босатылған адамдар тіркелген денсаулық сақтау ұйымдарында амбулаториялық-емханалық көмек алады. Сондай-ақ, әскери-медициналық мекемелер мен тіркелген емханасы арасында бірлесіп орындау шарты болса, учаскелік дәрігер консультациялық-диагностикалық көмек алуға жолдама береді», - дейді Забира Оразалиева.&nbsp;</blockquote>Айта кетерлігі, осы санаттағы адамдарды әскери-медициналық мекемелерге жоспарлы стационарлық емдеуге жатқызу тіркелген медициналық мекемеде «Емдеуге жатқызу бюросы» порталы арқылы жүзеге асырылады. Шұғыл жағдайларда әрі қатты ауырсыну кезінде емдеуге жатқызу жедел медициналық жәрдем немесе өз бетінше жүгіну бойынша жүргізіледі.Әскерде борышын өтеп жүрген сарбаздар МӘМС жарналарын төлеу керек пе?ҚР Қарулы күштерінде мерзімді әскери борышын өтеп жүрген сарбаздар да осы кезеңге жарналар мен аударымдарды төлеуден босатылған. &nbsp;Яғни, жұмыс істеп жүріп, әскерге кеткен азаматтар жарналар мен аударымдарды төлемеуі және олар үшін қарыз жиналмауы керек.&nbsp;Сарбаздар туралы деректерді қорғаныс органдары жібереді. Егер қандай да бір себептермен мәліметтер уақытылы жіберілмей қалса, берешек пайда болады. Бұл жағдайда Әлеуметтік медициналық сақтандыру қоры басшысының атына берешекті жою туралы өтініш жазып, әскери билеттің сканерленген нұсқасын тіркеп kanc@fms.kz электрондық мекен-жайына жіберу керек.&nbsp;Егер әскерде борышын өтеп жүрген азамат үшін жарна төленсе, «Азаматтарға арналған үкімет» Мемлекеттік корпорациясы арқылы қате төленген жарналарды қайтаруға өтініш бере алады.Егер сіздің тағы да сұрақтарыңыз болса, өз емханаңыздағы «Пациенттерді қолдау қызметіне» жүгініңіз. Ал ол жерде мардымды жауап ала алмасаңыз, Қордың өзіңізге ыңғайлы арналары бойынша өтініш-шағымдарыңызды қалдыра аласыз:- fms.kz ресми сайты - Qoldau 24/7 мобильді қосымшасы - Telegramдағы SaqtandyryBot - 1414 Бірыңғай байланыс орталығыСондай-ақ Электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі өз мәртебеңізді тексеруге және жүргізілген төлемдер туралы ақпарат алуға болады. &nbsp;<figure class="image"><img src="https://knadmin.beoblood.kz/uploads/1_c86ae0ef58.jpeg" alt="1.jpeg"></figure>&nbsp;<figure class="image"><img src="https://knadmin.beoblood.kz/uploads/2_375f18362d.jpeg" alt="2.jpeg"></figure>

Әскери қызметшілер МӘМС үшін төлеу керек пе?

<h4 style="margin-left:0px;">Kyzylorda-news.kz. ДДСҰ NATURCOLD препаратының қауіптілігі туралы ескертті. Олар бұл препараттың елімізде сатылмайтынын атап өтті, деп хабарлайды BAQ.KZ.</h4>ҚР ДСМ Медициналық және фармацевтикалық бақылау комитетінің баспасөз қызметінің мәліметіне сәйкес бұқаралық ақпарат құралдарында Үндістанның Денсаулық сақтау министрлігі жөтелге қарсы сироп шығаратын Riemann Labs фармацевтикалық компаниясының қызметіне тыйым салғаны туралы ақпарат тарады. Камерундағы балалар осы сироптың салдарынан қайтыс болуы мүмкін деп күдіктенеді.<blockquote>Компанияның лицензия нөмірі NATURCOLD препаратының қаптамасындағы лицензия нөміріне сәйкес келеді. Айта кетейік, NATURCOLD Қазақстан Республикасында тіркелмеген, сондай-ақ көтерме және бөлшек сауда сегментінде сатылмайды. NATURCOLD сиропының құрамындағы мәлімделген белсенді заттар парацетамол, фенилэфрин гидрохлориді және хлорфенирамин малеаты болып табылады. Бұл заттар әртүрлі комбинацияларда суық тию, тұмау және аллергиялық ринит белгілерін жеңілдету үшін қолданылады, - делінген комитет хабарламасында.</blockquote>Дүниежүзілік денсаулық сақтау ұйымының (ДДСҰ) ресми мәліметтері бойынша 2023 жылдың 27 маусымында Камеруннан NATURCOLD сиропының үлгілері ДДСҰ-на берілді және зертханалық зерттеулерден өтті. Үлгілерді зертханалық талдау препараттың жол берілмейтін жоғары концентрацияда диетиленгликольмен ластанғанын көрсетті. NATURCOLD сиропының үлгілеріндегі диэтиленгликольдің үлесі 28,6%-ға жетті. Диэтиленгликольдің шекті рұқсат етілген концентрациясы 0,10%-дан аспайды.<blockquote>Дистрибьютор препараттың қаптамасында - FRAKEN INTERNATIONAL (Англия) көрсетілген. Алайда Ұлыбританияның Ұлттық реттеу органы (MHRA) бұл атаумен өндіруші Ұлыбританияда тіркелмегенін растады. Қазір препараттың шығу тегін анықтау мақсатында тергеу жүргізілуде. ДДСҰ ішкен кезде диетиленгликоль адамдар үшін улы екенін және өлімге әкелуі мүмкін екенін ескертеді. Сонымен қатар кондиционерленбеген ластанған өнімдер пациенттің денсаулығына, әсіресе балаларды емдеуде үлкен зиян келтіруі мүмкін. Сонымен қатар өлімге әкелетін улануды туындатуы мүмкін, - деп атап өтті ведомство өкілдері.</blockquote>NATURCOLD дәрілік препараты табылған жағдайда республика бойынша заңнамаға сәйкес тиісті әкімшілік шаралар қабылданатын болады.ДДСҰ-ның препарат туралы толық ақпаратымен мына сілтеме бойынша <a href="https://www.who.int/ru/news/item/19-07-2023-medical-product-alert-n-5-2023--substandard-(contaminated)-syrup-medicines">танысуға болады.</a>

ДДСҰ өлім қаупін туындататын тағы бір препарат түрін атады

Kyzylorda-news.kz. Арал ауданы аумағында Кіші Арал теңізінің 18 учаскесі, Сырдария өзені және 20 көл бар. Оның 17-сі табиғат пайдаланушыларға ұзақ мерзімге берілген, 3 көл резервте. &nbsp;Биыл Кіші Арал теңізінен 6920 тонна балық аулау лимиті бекітіліп, 6651 тонна балық ауланып, 2430 тоннасы өңделді. Ауданда жылдық қуаттылығы 24000 тонна 9 балық өңдеу зауыты жұмыс істейді. Оның 2-уі «Еврокод» белгісін алған. Бұдан басқа 10-нан астам шағын балық цехы бар. Биылғы 1 шілдедегі көрсеткіштерге қарағанда, 1266 тонна балық өнімдері экспортқа шығарылған. &nbsp;Облыста балық шаруашылығын дамытудың &nbsp;2021-2030 жылдарға арналған өңірлік бағдарламасы бекітілген. Бағдарламада тауарлы балық өндірісін ұлғайту үшін аудандағы 7 тауарлы көл тізімге енгізілді. &nbsp;Бүгінде 3 тауарлы көлге инфрақұрылым жүргізу үшін жоба-сметалық құжаттар әзірленді.&nbsp;Жоғарыда аталған бағдарлама аясында тоғанда балық өсіру жобасы &nbsp;қолға алынған. Жол картасы аясында биыл қолдан балық өсіретін 7 тоған ашу жоспары бар. Былтыр тоғанда балық өсіру бойынша 3 жоба (Ерімбетжаға, Жаңақұрлыс, Бекбауыл) іске қосылған. Тоғанда негізінен сазан, ақ амур, дөңмаңдай шабақтары өсіріледі.

Қазақстан және Қызылорда облысының жаңалықтары: Денсаулық