<a href="https://gazetastep.ru/articles/health/%D0%B7%D0%BE%D0%B6-%D0%BD%D0%BE%D1%80%D0%BC%D0%B0-%D0%B6%D0%B8%D0%B7%D0%BD%D0%B8/">ФОТО</a><a href="https://kyzylorda-news.kz/">Kyzylorda-news.kz.</a> Денсаулық мәселелері бойынша халықтың сауаттылығын арттыру және саламатты өмір салтын насихаттауды күшейту мақсатында Қазақстанда 2023-2025 жылдарға арналған Жол картасы әзірленіп, іске асырылуда.Жол картасы спорттық жарыстар мен денсаулық фестивальдері сияқты бұқаралық іс-шараларды өткізуді, белсенді демалыс пен спорт үшін инфрақұрылым құруды, дұрыс тамақтану мәселелері бойынша түрлі іс-шараларды, денсаулық сақтау мекемелерінде денсаулық сақтау саласындағы халықтың сауаттылығын арттыру үшін білім беру бағдарламалары мен консультациялар өткізуді жоспарлайды. Жол картасының іс-шараларын іске асыру нәтижесінде темекі өнімдерін, алкоголь өнімін және ПАЗ тұтынуды қысқарту; психикалық және репродуктивті денсаулықты жақсарту; жарақаттануды азайту күтіледі.Жол картасы шеңберінде маңызды әлеуметтік жобалардың бірі - 2025 жылға дейін небәрі 39-ы құрылатын "Саламатты асханалар", "Салауатты кафетерийлер", "Салауатты бистро", "Саламатты дүкендер" дұрыс тамақтану жөніндегі кәсіпорындар желісін дамыту болып табылады. 2 жастан 6 жасқа дейінгі балалардың тамақтану рационы бойынша ұйымдастырылған балалар ұжымдары үшін бірқатар ұлттық ұсынымдар әзірленетін болады.Сондай-ақ, бұқаралық ақпарат құралдарында және әлеуметтік желілерде қант қосылған сусындарды, құрамында тұзы жоғары өнімдерді тұтынуды азайту бойынша халықтың арасында белсенді түсіндіру жұмыстары күтілуде.Сарапшылар халықтың әртүрлі жас топтары үшін дене белсенділігі бойынша ұлттық ұсынымдарды енгізетін болады. Бағыттардың бірі халықтың арасында жарақаттанудың алдын алу (балалардың құлауы, суға батуы, терезелерден құлауы); темекі, алкоголь, ПАЗ тұтыну бойынша ақпараттық - түсіндіру жұмыстарын жүргізу болады. Барлық жерде темекіге қарсы кабинеттер, темекіні тастаушыларға арналған сенім телефондары, темекі шегуден бас тартуға арналған қосымшалар құрылады.

Қазақстанда саламатты өмір салтын насихаттау бойынша жол картасы іске асырылуда

<a href="https://kyzylorda-news.kz/ru">Kyzylorda-news.kz.</a> Менің міндетті әлеуметтік медициналық сақтандаруға аударған жарналарым қайда, Қорға қанша ақша жиналды, емханаға бармасақ ақшаларымыз күйіп кете ме? Бұл сұрақтар әлеуметтік желіде жиі қойылады. МӘМС жүйесі 2020 жылдан бері жұмыс істеп келе жатқанына және оны енгізу туралы ақпарат үнемі жарияланып тұрғанына қарамастан, азаматтардың көпшілігі әлі күнге дейін жарналар мен аударымдар қайда кететінін аңғармайды. Бұл сауалдарға Әлеуметтік медициналық сақтандыру қорының Қызылорда облысы бойынша филиалында жауап берді.Филиал директоры Бақыт Исмаханбетовтың айтуынша, МӘМС жүйесі медициналық көмектің қолжетімділігін арттыру, қаржыландыру тапшылығын төмендету қажеттілігіне байланысты енгізілген. Егер 2019 жылы денсаулық сақтау саласына 1,03 трлн теңге бөлінген болса, 2023 жылға қазірдің өзінде 2,5 трлн теңге қарастырылған, оның 110 млрд теңгесі Қызылорда облысына тиесілі. Бұл көрсетілетін медициналық қызметтердің санын ұлғайтуға мүмкіндік берді, соған сәйкес, азаматтардың көпшілігі барынша медициналық көмекке жүгіне алады.МӘМС үшін ақша Әлеуметтік медициналық сақтандыру қорына түседі ме? Көптеген адамдар МӘМС төлемдері Қорға түседі және ол қаражатқа өз қалауы бойынша жұмсайды деп қателеседі. Жарналар мен аударымдар Қазақстан Республикасының Ұлттық банкіндегі арнайы шотқа түседі (яғни, тікелей Қорға емес), олар басқа мақсаттарға жұмсалынбайды.Жарналар қайда кетеді? Ұлттық банктегі арнайы шоттан бұл қаражат медициналық ұйымдарға – Қордың жеткізушілеріне – міндетті әлеуметтік медициналық сақтандыру жүйесінде көрсетілген медициналық қызметтерге төлем ретінде жіберіледі. Яғни, сақтандырылған азаматтар МӘМС тізбесіне енгізілген барлық қажетті медициналық көмекті денсаулық көрсеткіштері бойынша тегін алады, олар үшін Әлеуметтік медициналық сақтандыру қоры төлейді. Мысалы, 2022 жылы МӘМС шеңберінде көрсетілген медициналық көмекке шамамен 836 млрд теңге жұмсалды.МӘМС-ға қанша қаражат түсті? 2023 жылғы 1 қаңтардан бастап 2023 жылғы 30 маусымға дейінгі кезеңде 590,8 млрд теңге көлемінде жарналар мен аударымдар түсті, оның 10,9 – ы Қызылорда облысының тұрғындарынан. Жұмыс берушілердің аударымдары – 37,7%, халықтың жеңілдікті санаттары үшін мемлекеттің жарналары – 33,2%, қызметкерлерден түскен жарналар – 24%-ды құрады, басқа төлеушілер (жеке кәсіпкерлер, азаматтық-құқықтық сипаттағы шарт бойынша жұмыс істейтіндер, өзін-өзі жұмыспен қамтығандар, дербес төлеушілер) – 5,1%. Бұл қаражат МӘМС жүйесінде көрсетілген медициналық қызметтер үшін төлем ретінде ай сайын жіберіледі.Егер мен медициналық көмекке жүгінбесем, жарналарымды шешіп ала аламын ба? Міндетті әлеуметтік медициналық сақтандыру жинақтаушы жүйе емес, баршаға ортақ жүйе. Қазақстандық модель пациентке денсаулық жағдайы бойынша талап етілетін емнің көлемі мен құнын шектемеу үшін әлеуметтік бағдарланған түрде құрылды. Мысалда қарастырайық. Бір жыл ішінде мүмкін болатын ең жоғары жарнамен 1 адам тек 168 мың теңге (айына 14 000 теңгеден) жинайды. Бұл қаражат дербес шотта жиналып, пациент оларды өз қалауы бойынша емделу үшін пайдалана алады деп есептейік. Бірақ &nbsp;бұл сомаға ол шектеулі мөлшерде ғана ем ала алады.&nbsp;Тек стандартты сынақтар жиынтығы, гормондарды, &nbsp; инфекциялардың болуын тексеру үшін бірнеше ондаған мың қажет. Егер ультрадыбыстық, кардиограмма, КТ/МРТ және басқа аспаптық диагностика қажет болса ше? Яғни бір жыл ішінде жинақталған жарналар диагноз қою үшін толық тексеруден өтуге де жеткіліксіз болуы мүмкін. Сонымен қатар &nbsp;күндізгі стационарға бару немесе тәулік бойы ауруханаға жату қажет болуы мүмкін.&nbsp;Егер ота жасалатын болса, &nbsp;олардың құны бірнеше миллион теңгеге жетуі мүмкін, онда пациент жай ғана медициналық көмексіз қалады. Жиналған қаражат емделуге кететін шығынды жабуға жетпейді. Сондықтан бұл тәсіл пациенттің өзіне тиімсіз.&nbsp;Сондықтан, МӘМС жүйесінің отандық моделінде барлық қаражат Ұлттық банктегі бірыңғай арнайы шотқа түседі. Ал сол жерден қаражат төлеушінің санатына және төлеген жарналардың мөлшеріне қарамастан, барлық сақтандырылған азаматтарға МӘМС бойынша көрсетілген медициналық көмек үшін төленеді.Егер сізде қосымша сұрақтар &nbsp;немесе медициналық көмекке қатысты мәселелер туындаған жағдайда, сіз өзіңіздің клиникаңыздағы «Пациенттерді қолдау қызметіне» жүгіне аласыз. Егер жағдайды жергілікті жерде шешу мүмкін болмаса, онда Әлеуметтік медициналық сақтандыру қорына өзіңізге ыңғайлы келесі &nbsp;байланыс арналары бойынша өтініш жібере аласыз:&nbsp; • Qoldau 24/7 мобильді қосымшасы&nbsp; • &nbsp;fms.kz ресми сайты • Telegram-дағы @SaqtandyrýBot&nbsp; • 1414 байланыс орталығы.Сондай-ақ, Қор медициналық сақтандыру жүйесіндегі мәртебеңізді тексеріп, төлемдер туралы ақпаратты egov.kz электрондық үкіметтің сайтында «Денсаулық сақтау» бөліміндегі «Медициналық қызметтерді тұтынушы ретінде міндетті әлеуметтік медициналық сақтандыру жүйесіне қатысу туралы және аударымдардың және (немесе) жарналардың аударылған сомалары туралы ақпарат беру» қызметі арқылы алуға болатындығын еске салды.<figure class="image"><img src="https://knadmin.beoblood.kz/uploads/Whats_App_Image_2023_08_01_at_09_19_44_5b2d4a27d6.jpeg" alt="WhatsApp Image 2023-08-01 at 09.19.44.jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2023_08_01_at_09_19_43_2c1010062b.jpeg" alt="WhatsApp Image 2023-08-01 at 09.19.43.jpeg"></figure>&nbsp;<figure class="image"><img src="https://knadmin.beoblood.kz/uploads/Whats_App_Image_2023_08_01_at_09_19_43_1_b226193966.jpeg" alt="WhatsApp Image 2023-08-01 at 09.19.43 (1).jpeg"></figure>

Азаматтардың МӘМС үшін төлеген ақшасы қайда кетеді?

<a href="https://kyzylorda-news.kz/ru">Kyzylorda-news.kz.</a> Қазақстанда көптеген шетелдік компаниялар жұмыс істейді, жұмыс берушілер еңбек мигранттарын тартады. Қазақстандағы шетелдіктер қандай медициналық көмекке жүгіне алады? Осы сауалмен біз Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовке жүгіндік.Спикердің айтуынша, шетел азаматтары айналасындағыларға қауіп төндіретін ауру диагнозы қойылса, барлығы медициналық көмек ала алады. Оның түрлері мен көлемдері ҚР ДСМ 2020 жылғы 9 қазандағы №121 бұйрығымен бекітілген. Медициналық көмек тегін медициналық көмектің кепілдік берілген көлемінің (бұдан әрі – ТМККК) қаражаты есебінен берілетін болады.Шетелдіктер, ТМД елдерінің азаматтары кенеттен болған жағдайлар мен олардың өміріне немесе айналасындағылардың денсаулығына қауіп төндіретін аурулар, жазатайым оқиғалар, улану, жарақат алу, босану және жүктілік кезіндегі шұғыл жағдайлар кезінде жедел және шұғыл медициналық көмек ала алады.&nbsp;Науқастың өміріне немесе айналасындағылардың денсаулығына қауіп төнген және оны тасымалдау мүмкін болған сәттен бастап медициналық көмек ақылы негізде көрсетіледі. Бұл жағдайда қаржыландыру ТМККК қаражаты есебінен болады. 2000 жылғы 29 ақпандағы N 320 ҚРҮҚ бекіткен Тәуелсіз Мемлекеттер Достастығына қатысушы мемлекеттердің азаматтарына медициналық көмек көрсету туралы Келісім медициналық көмек алуға негіз болады.Бірге тұратын, ЕАЭО елдерінің бірінің (Ресей, Белоруссия, Армения және Қырғызстан) азаматтары болып табылатын еңбекші көшіп-қонушылар және олардың отбасының жақын мүшелері (жұбайы, балалары) алдыңғы тармақтарда көрсетілгендерден басқа МӘМС жүйесінде сақтандырылған мәртебесі болған кезде медициналық көмекті пайдалана алады.МӘМС медициналық көмегін алу үшін шетелдіктерге алғашқы медициналық-санитариялық көмекке ерікті медициналық сақтандыру (бұдан әрі – ЕМС) шарты қажет екенін білу маңызды. Келісім-шартқа ие бола отырып, мұндай шетелдіктер емханаға тіркеле алады&nbsp; Егер еңбек мигрантының отбасы мүшелері жұмысқа орналаспаса, онда олар дербес төлеушілер ретінде МӘМС-ке жарналар төлеуі тиіс (2023 жылы – 3 500 теңге).&nbsp;Балалар, жұмыс істемейтін жүкті әйелдер, мүгедектер, студенттер жеңілдік санатына кіріп, мемлекет есебінен сақтандырылуы мүмкін. Бұған Еуразиялық экономикалық одақ туралы шарт негіз болады. Бұл жағдайда медициналық көмек МӘМС, ЕМС қаражаты немесе шетелдіктердің жеке қаражаты есебінен қаржыландырылатын болады.Қазақстанда тұруға ықтиярхаты бар шетелдіктер медициналық көмекті ҚР азаматтарымен тең алады, бұл дегеніміз- ТМККК және МӘМС көлемінде ала алады (сақтандырылу мәртебесі болған кезде). Шетел азаматтарының бұл санаты жеңілдікке енуі мүмкін. Негіздеме - Халық денсаулығы және денсаулық сақтау жүйесі туралы Кодекс (83-бап). Қаржыландыру ТМККК және МӘМС есебінен жүзеге асырылады.<figure class="image"><img src="https://knadmin.beoblood.kz/uploads/inostranczy_kaz_bae31547ef.jpg" alt="иностранцы каз.jpg"></figure>

Қазақстандағы шетелдіктер қандай медициналық көмекке жүгіне алады? 

<a href="https://kyzylorda-news.kz/ru">Kyzylorda-news.kz.</a> Неміс ойшылы Артур Шопенгауэр «Біздің бақытымыздың оннан тоғызы денсаулығымызға байланысты» дейді. Расында адам өмірі мамандығы бұрылыстар мен құбылыстардан тұратын ақ халатты абзал жандармен тығыз байланысты. Ауру алқымнан алып, дерт дендегенде әр адам дәрігерден үміт күтеді. Тырп етпестен төсек тартып жатқан жандардың жебеушісі де осы ақ халаттылар. Аққошқар ауылындағы антына берік адал жандарға ауылдағы жалғыз шаруашылық «Еңбек-Жер» ЖШС төрағасы Шакизатхан Ысқақов емхана ұжымына жалпы құны 11 млн теңгені құрайтын жаңа үлгідегі «УЗИ» апппаратын сыйлаған болатын.2 мыңға жуық халықтың денсаулығын күзеткен бұл емханада 20-ға жуық ақ халатты абзал жан жұмыс жасайды. Ауыл емес, тура бір кенттегі орталық аурухана іспетті, таң атысымен мұнда жеңіл-желпі дертпен келушілер қатары көп болды. Қайтарында бәрі де мұндағы медицина мамандарына алғысын жаудырып жатыр. Осыдан-ақ мұндағы мамандардың жұмысына адалдығын анық аңғаруға болады. Күндізгі бөлімдегі ауылдық емханаға салада 6 жылдық тәжірибесі бар Самал Терекбаева басшылық етеді. Ақ халатты абзал жан бұған дейін Таң, Бұқарбай батыр және Аламесек ауылдық округтерінде аймақтық дәрігер болып жұмыс жасаған. Тіпті жыл басында коронавирус індеті күшейген шақта да Еңбек, Аламесек және Жаңадария елді мекендеріне жауапты дәрігер болып бекітілген.&nbsp;Тәжірибелі дәрігер жыл басында коронавирус індеті қайта бас көтеріп, 3 ауылда ахуалдың күрделенгенін жасырмайды. Алайда халықтың дертті дендетпеуге вакцинаның басты себеп боларын түсінгенінің арқасында кеселді құрықтауға мүмкіндік туғанын айтып отыр. – Жыл басында вирустың қайта бас көтергенін жасырмаймыз. Өзім жауапты үш елді мекенде барлығы 23 науқас тіркелді. Халықтың вакцинаға қатысты медицина мамандарының кеңесіне құлақ асып, оны алуға белсенділік танытуының арқасында індетті ауыздықтауға мүмкіндік туды. Еңбек ауылы бойынша жыл басынан бері 7 жағдай анықталса, оның алтауы дертінен айықты. Ахуал қазір уақыт өте қалыпқа ке-луде. Бүгінде Аламесек ауылындағы әріптес ағамыздың еңбек демалысында болуына байланысты қос елді мекенге мен жауаптымын. Мұндағы мамандар – өз ісіне адал әрі тәжірибесі мол жандар. Қазір ауылдық емхана ғимараты заманауи аппараттармен толығуда. Әсіресе шаруашылық төрағасы Шакизатхан Ысқақов ағамыз бізге қол ұшын созып келеді. Бүгін де жаңа “УЗИ” аппаратын сыйға тартып отыр. Ол бұған дейін де індет өршіген шақта бізге түрлі медициналық аппараттар сыйға тартқан еді. Олардың көбі тыныс алуда қиындығы бар науқастарды емдеуге қолғабыс болды. Жомарт жанға алғысымыз шексіз, – дейді аймақтық дәрігер.&nbsp;Айта кетейік, Еңбек ауылында 936 ересек адам екпе қабылдау қажет болса, оның 80 пайызы вакцинаның 2 турын қабылдаған. Ал ревакцинациядан 300-ге жуық ауыл тұрғыны өтіпті. Кеше біз барған күні де таң атысымен ревакцинациядан өтуге келген ауыл халқы көп болды. Демек, еңбекте вакцинаның пайдасы хақында түсіндірме жұ¬мыстары өз нәтижесін беріп жатыр деген сөз. Ал 12-17 жас аралығындағы 127 баланың 90-ға жуығы “Pfizer” вакцинасының екі турынан өткен. Жасөспірімдердің де екпе алуға деген құлшынысы жоғары.&nbsp;Мұндағы мамандардың айтуынша, емханаға көбіне ауыл тұрғындары тұмау, де¬мікпе және қан қысымының көтерілуі немесе төмендеуі секілді ауру түрлерімен ке-летін көрінеді. Ал бүгін бұл нысанда жұмысын бастағалы отырған жаңа аппарат жүректен басқа мүшелердегі ахаудың барлығын анықтауға мүмкіндік береді екен. Енді төраға Шакизатхан Ысқақов мұндағы бір маманды арнайы аппаратпен еркін жұмыс жасауы үшін тәжірибесін шыңдауға да қолғабыс етуді жоспарлап отыр.&nbsp; Иә, бұл Шакизатхан Ысқақовтың ауылына жасап жатқан бірінші қолғабысы емес, соңы да болмасына сенеміз. Бұған дейін оның ауылды абаттандыруға, елді мекен халқының әлеуетін арттыру бағытында қолға алған жарқын жобаларын жазған едік. Бастысы мұның бәрі жергілікті халықтың қажетіне жарап тұр.

Төрағаның тартуы

<a href="https://kyzylorda-news.kz/ru">Kyzylorda-news.kz.</a> Алматы орталық клиникалық ауруханасының директоры Нариман Табынбаев үш науқас ВИЧ індетін жұқтырған соң қызметінен босатылды. Бұл туралы Алматы қалалық қоғамдық денсаулық сақтау басқармасының басшысы Иран Шәметеков айтты, деп хабарлайды <a href="https://kaz.zakon.kz/kogam-tynysy/6029044-almaty-ortaly-aurukhanasyny-basshysy-tabynbaev-yzmetnen-bosatyldy.html">Zakon.kz</a>.Иран Шәметеков 28 шілдеде өткен брифингте Орталық клиникалық аурухананың директоры қызметінен босатылғаны туралы ақпаратты айтты. Ол аурухананың тағы бірнеше қызметкерінің де қызметтерінен босатылғанын жеткізді.<blockquote>«Қазіргі жағдайды ескере отырып және комиссияның қорытындысы негізінде қалалық аурухананың бас дәрігері Нариман Табынбаев жұмыстан шеттетілді. Бас дәрігердің эпидемиология жөніндегі орынбасары, реанимация бөлімінің меңгерушісі, аурухананың бас медбикесі және реанимация бөлімінің бас медбикесі жағымсыз себептермен жұмыстан босатылды», - деді Иран Шәметеков.</blockquote>Процессуалдық шешім қабылдау және әрбір қызметкердің жауапкершілік шарасын белгілеу үшін комиссия жұмысының қорытындысымен материалдар мен анықтамалар қалалық ПД-на жолданды.<blockquote>«Қазіргі таңда АИТВ-инфекциясын жұқтырған үш науқас ЖИТС орталығына тіркелді, жеке емдеу режимі бойынша антиретровирустық препараттармен қамтамасыз етілді, оларға жергілікті бюджет есебінен барлық қажетті медициналық-психологиялық көмек көрсетілуде», - дейді Алматы қалалық қоғамдық денсаулық сақтау басқармасының басшысы Иран Шәметеков.</blockquote>Ауруханадағы науқастарға ВИЧ індетін жұқтыруға кім кінәлі екені бұған дейін белгілі болған еді.

Орталық аурухананың басшысы Табынбаев қызметінен босатылды

<a href="https://kyzylorda-news.kz/ru">Kyzylorda-news.kz.</a>&nbsp; Шілде айының соңына дейін барлық өңірлерге қосымша қаржы бөлінеді. Бұл ретте Қызылорда облысының медициналық ұйымдарын қолдауға 5,2 млрд теңге бағытталған. Бұл туралы медициналық қауыммен кездесу барысында Әлеуметтік медициналық сақтандыру қорының басшысы Сәбит Ахметов айтты.Бүгінгі таңда кредиторлық берешек барлық өңірлер үшін ортақ өзекті мәселе. Жалпы Қазақстан бойынша борыштық жүктеме шамамен 87 млрд теңгені құрады, оның 4,4 млрд теңгесі Қызылорда облысының 20 мемлекеттік медициналық ұйымына тиесілі.Сәбит Ахметов бас дәрігерлермен кездесу барысында атап өткендей, бұл мәселені шешу Қордың тікелей құзырына кірмейді, бірақ ӘМСҚ-ның тарапынан көмек көрсетіледі. Шілде айының соңына дейін барлық өңірлерге шамамен 60 млрд теңге қосымша қаржы бөлу жоспарлануда, оның 5,2 млрд теңгесі медициналық ұйымдар бойынша одан әрі бөлу үшін Қордың Қызылорда облысы бойынша филиалына жіберіледі.&nbsp;Бұдан басқа, Қор Денсаулық сақтау министрлігімен бірлесіп сызықтық шкалаға байланыстырмай толық немесе ішінара қор ұстау туралы мәселені қарастырады. Бұл әрбір тіркелген адам үшін амбулаториялық-емханалық буын қызметтеріне жан басына шаққандағы ақы төлеу әдісі. Бірақ бұл үшін тұтынуды толық талдау және тиісті есептерді дайындау қажет. Бұл барлық бизнес-процестерді толық цифрландыру мен автоматтандырудан және медициналық ақпараттық жүйелерден деректерді бірыңғай дерекқорға біріктіруден кейін ғана мүмкін болады. Бұл бағытта, Қор басшысы атап өткендей, Денсаулық сақтау министрлігі қазірдің өзінде ауқымды жұмыстар атқаруда. Атап айтқанда, eDensaulyq бірыңғай платформасы дайындалуда, ол 2024 жылдың қаңтарына дейін іске қосылуы тиіс.Сондай-ақ, &nbsp;медициналық көмектің аса маңызды бағыттарының жекелеген түрлері бойынша тарифтерді қайта қарау жоспарлануда.&nbsp; Осы уақытта бас дәрігерлердің алдындағы міндет, ол өз бизнес-процестерін дұрыс құру және кредиторлық берешек бойынша жағдайды теңестіру үшін ішкі резервтерді табу, мысалы, қызметкерлер штатын және өз шығындарын оңтайландыру арқылы, алайда бұл әрекеттер көрсетілетін медициналық сапасына зиян келтірмеуі қажет.Айта кетейік, сапар аясында Сәбит Ахметов Сырдария аудандық ауруханасының «Ақжарма» дәрігерлік амбулаториясына, облыстық жедел медициналық жәрдем станциясына, ЖШС «Alexey Sultan-Akhmet» емханасына, көпсалалы облыстық балалар ауруханасына, &nbsp;«Қамқорлық» балаларды оңалту орталығына, «University Medical Center» корпоративтік қоры филиалының балаларды оңалту орталығына барды, онымен бірге облыстық денсаулық сақтау басқармасының басшысы Олжас Ысқақов пен Қор филиалының директоры Бақыт Исмаханбетов жүрді.&nbsp;<blockquote>«Көтерілген әрбір мәселе мұқият зерделеніп, қажет болған жағдайда ағымдағы жылдың жұмыс жоспарына енгізіледі», – деді Сәбит Ахметов аталған медициналық ұйымдардың бас дәрігерлерімен кездесу барысында.</blockquote>Еске салайық, бұған дейін медициналық сақтандыру қорының басшысы Қостанай, Ақмола, Павлодар, Қарағанды, Абай, Шығыс Қазақстан, Ақтөбе облыстарында болған. Бұл орайда Қызылорда облысы Қор Төрағасы аралаған сегізінші аймақ. Жақын арада Түркістан және Жамбыл облыстарына, сондай-ақ Шымкент қаласына бару жоспарлануда. &nbsp;<figure class="image"><img src="https://knadmin.beoblood.kz/uploads/9517eec6_ffb9_40fb_b2ac_b581ea3ad956_6ac5a16af9.jpg" alt="9517eec6-ffb9-40fb-b2ac-b581ea3ad956.jpg"></figure>&nbsp;<figure class="image"><img src="https://knadmin.beoblood.kz/uploads/5fecb8ee_d031_4123_9b98_13428181c114_f1ba445136.jpg" alt="5fecb8ee-d031-4123-9b98-13428181c114.jpg"></figure>&nbsp;<figure class="image"><img src="https://knadmin.beoblood.kz/uploads/f26d4ccb_0bbe_4799_8b54_af8f4161ca51_3c0b747afc.jpg" alt="f26d4ccb-0bbe-4799-8b54-af8f4161ca51.jpg"></figure>

Сақтандыру қорынан медициналық ұйымдарға шамамен 60 млрд теңге бөлінеді

<a href="https://kyzylorda-news.kz/ru">Kyzylorda-news.kz.</a> Денсаулық сақтау жүйесі – қоғамның әлеуметтік өмірінің ең маңызды саласы.Басымыз ауырып, балтырымыз сыздай қалса, ақ халаттылардың көмегіне жүгінеміз. Себебі денсаулықтың қорғаны – дәрігер екені баршымызға белгілі.Қашан көрсең де қарбалас жұмыстың басында жүреді.Бастысы, медицина саласының ыстығына күйіп, суығына тоңып, аудан тұрғындарының денсаулығын сақтау негізгі міндеттері екендерін естен шығармайды. Әр минут сайын адам өмірін құтқаруға бар күш–жігерін салатын әрі өмір мен өлім үстіндегі жанның өмірін арашалап, дертіне дауа тауып, әрқашан көмек қолын созуға дайын тұратын ақ халаттылардың еңбегі еселі.&nbsp;Халық үшін ең маңызды сала – денсаулық сақтау саласында біраз жетістік, ауқымды шаралар жасалды. Соңғы жылдарда апатты жағдайдағы ғимараттардың орнына жаңадан денсаулық сақтау нысандары салынды. Сонымен бірге облыста алғашқы медициналық-санитарлық көмек нысандарының бірқатары жаңғыртылған. Облыс экономикасын қарқынды дамытуда біздің аудан да шет қалып отырған жоқ. Ауданға қарасты елді мекендердегі медициналық көмек беретін орындар жаңғыртылды, күрделі жөндеуден өтті, пайдалануға берілді. Соның нәтижесінде ауыл тұр¬ғындарына да талапқа сай медициналық көмек көрсетуге мүмкіндік туды.&nbsp;Аудандағы орталық аурухана ғимараты заманға сай жабдықталып, жасақталып, жаңа үлгімен бой көтерді. Аудан халқының көптен бергі көкейінде жүрген мәселе шешімін тапты. Кең әрі жаңа ауруханада енді жалағаштықтар сапалы медициналық көмек алуда. Дәрігерлер де жыл сайын біліктіліктерін арттырып, адам өміріне деген жауапкершіліктерін сезіне біледі. Кешегі індет жайлаған кезеңде де ауданның ақ халаттылары табандылық танытып, күн-түн демей, уақытпен санаспай жұмыс жасады. Барлық ауырған, індет жұқтырған науқастардың аман-есен отбасына қайта оралуына күш салды. Қашанда адам өмірі бәрінен қымбат дейтін абзал жандармен жолыққанда да мамандықтарына деген адалдығы мен кәсібиліктеріне тағы бір көз жеткіземіз. Аптаның сәрсенбісінде аудандық орталық ауруханаға барып, әр бөлімнің жұмысымен танысып, ондағы жауапты дәрігерлермен азын-аулақ тілдестік.Аудандық ауруханаға ат басын бұрғанымызда алдымен ең күрделі бөлім – терапия бөлімінің тыныс-тіршілігін бағамдадық. Абзал жандардың тығыз жұмыс кестесін, олардың еңбегін меңгеріп кетпесек те, іштей сезіну үшін ақ халатымызды киіп, бөлімнің әрбір палатасын, емдік бөлмелерін аралап шықтық. Айта кетейік, жаңа аурухана ашылғанда «Ел игілігіне берілді» деп қалпа-ғымызды аспанға атып қуанғанымыз рас, бірнеше мәрте газет бетінде сүйіншіледік те. Адамды ауыртпасын дейміз, бірақ палаталардағы науқастармен азды-кем сұхбаттасқанда расымен игілікке берілген нысан екеніне тағы да көз жетті. Олардың ақ халаттыларға айтар алғысы шексіз, жағдайымыз да жақсы дейді. Барлық жағдай жасалғанын, сапалы медициналық қызмет көрсетілетінін және дәрігерлердің ерекше ықыласпен қарайтынын айтады. Жылы әрі жарық бөлмеде алған еміміз де қонымды, жанымыз тыныш дейді.&nbsp;Терапия бөлімінің бөлім меңгерушісі Әзизбек Жәмкеев екен. &nbsp;Жалпы терапия бөлімінде 2 пост бар, 3 дәрігер, 1 аға медбике, жалпы медбикелер саны – 17, кіші аяжандар – 14. Бөлімше 28 төсек орыннан тұрады. Оның ішінде 8 кардиологиялық, 10 &nbsp;неврологиялық, 7 терапиялық, 3 ревматологиялық төсек орын. Ал терапияның күндізгі стационарында 15 төсек орын бар. Ақылы палата 1 орын. Барлық бөлмелер кең, таза, жылы сумен қамтамасыз етілген. Әрбір палатада 2-4 орындық. Әсіресе риза болғанымыз аурухана мен емхана аралығына жабық жолмен өтуге болатындығы. Емханадан қажетті дәрігерлер ауруханаға баратын болса, айналып жүрмей-ақ жаңағы аспалы қатынас жолмен барып келе береді. “Дені сау адам – қоғамның басты байлығы” деп ғалымдар айтып кеткен. &nbsp;Осы жолда қазірдің өзінде дәрігерлер белсенді кірісіп жұмыс жасауда. &nbsp;Соның бірін мысалға алсақ, терапия бөлімі осы кездері халық денсаулығын сақтау және қорғау барысында айтарлықтай жақсы жұмыстар атқарып жатқаны белгілі. Өткен жылы терапия бөліміне &nbsp;1002 науқас түскен. &nbsp;Емделіп жазылып шыққан науқастар саны 969 адам болса, биыл 2022 жылдың 5 айында осы бөлімге түскен науқастар саны 611 екен, емделіп шыққаны – 603 науқас.&nbsp;Міне, көріп отырсыздар, дәрігерлер мен медбикелер, медағалар, шаруашылық аяжаны, аспазшы &nbsp;және кіші аяжандарға қаншама ауырлық болған. Әсіресе кіші аяжандардың еңбектері ерекше деп айтар едік. Егде жастағы кісілердің жүріп-тұруы қиын болатыны белгілі. &nbsp;Әсіресе қайта қалпына келтіруде жатқан науқастарға көмек өте қажет. Жуындыру, әжетханаға апару, арбамен тасымалдау сияқты сан қилы жұмыстар атқарылады. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Күндіз-түні еңбек еткен денсаулық сақшыларының бұл – күнделікті жұмысының бір ғана бөлігі. Келген науқастар әртүрлі жастағы адамдар, оның ішінде егде жастағы науқастар үшін күтімі, ем-домы күрделірек болады. Әркім өз ойымен денсаулық сақшыларының еңбектерін ойша салыстырса, көздері жетер еді.&nbsp;– Медицина саласындағы басты мақсат Қазақстан халқының денсаулығын сақтау, өскелең ұрпақтың саулығын қамтамасыз ету ісіне озық технологиялар енгізу, ауылдағы медициналық қызметтердің сапасын арттыру болып табылады. &nbsp;Осы бағытта халқымыздың дені сау ұлт болып өсіп-жетілу жолындағы ақ халатты абзал жандардың еңбегі зор дер едім. Әсіресе кешегідей індет жайлағанда, ел басына күн туғанда, сын сағатта жауапкершіліктен қашпай, еш мойымай бар күш-жігерін елдің амандығы жолында жұмсаған да дәрігерлер қауымы болды. Сол сәттердегі осы терапия бөлімінің, осындағы ақ халаттылардың қалай қауырт жұмыс жасағанын мен білемін. Өзім де дәрігер деген ардақты атты арқалап жүргендіктен, жауапкершіліктің бәрінен маңызды, ал адам өмірі ең қымбат екенін жақсы түсінемін. Кәсіби біліктілікті үнемі арттырып отыру, мамандықтың қыр-сырын меңгерумен қатар жауапкершілікті үнемі сезіне білу және ең бастысы уақытпен санаспай жұмыс жасай білу маңызды. Жалпы біздің терапия бөлімі күрделі. Мұнда көптеген диагноздағы науқастар емделеді. Мәселен, жүректің ишемиялық ауруы, артериальды гипертензия, өкпенің созылмалы обструктивті аурулары, бронх демікпесі, қант диабеті, анемияның ауыр дәрежелі түрлері, ревматологиялық аурулар, цереброваскулярлы ауру мен дисцир-куляторлы энцефалопатия, ми қан айналымының жедел бұзылысының салдары, эплепсия, бел омыртқаларының остеохондрозы, протрузиясы, грыжасы және созылмалы пиелонефрит, созылмалы холецистит пен созылмалы панкреатит сияқты көптеген ауру түрлері бойынша ем-дом жасаймыз. Дегенмен бөлім күрделі болғанымен, мамандар жеткілікті деп айта аламын. Білікті дәрігерлер де, жұмысына жауапты медбикелер де бар. Осында келіп түскен әрбір науқастың аман-есен үйіне оралуына және ауруханадан шығарда тек алғыс айтып кетуіне күш саламыз, – деген терапия бөлімінің меңгерушісі Әзизбек Жәмкеев ақ халатты абзал жандар деген атқа лайықты болу әр медицина қызметкерінің міндеті екенін айтады.&nbsp;Осындай күрделі бөлімге меңгерушілік етіп отырған Әзизбек Смағұлұлы еңбек жолын 2009 жылы аймақтық дәрігер, бөлім меңгерушісі болудан бастапты. Одан кейін Алматыда білімін жетілдіріп, невропатолог мамандығын алып шыққан. 2016 жылдан бастап невропатолог дәрігер болса, қазіргі таңда аудандық аурухананың терапия бөлімінің меңгерушісі. Бөлімдегі 36 науқас толық әрі өз дәрежесінде ем қабылдап жатыр екен. Күндізгі стационарда 7 науқас бар. Ал бөгде адамның, медбикелердің күтімін қажет ететіндер саны – 6. Айта кетейік, биыл осы терапия бөлімінен ақылы 1 орындық палата ашылған. Мұнда ерікті түрде ақылы қызмет аламын, толық ақылы тексеруден өткім келеді деген кез келген адам медициналық көмекке қол жеткізе алады. &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp; &nbsp;Міне, 3 қабатты аурухана ғимараты осы заманға сай салынып, жабдықталған. Жоғары білімді дәрігерлер де жыл өткен сайын көптеп келуде. Түптеп келгенде біздің ең қымбат байлығымыз – өміріміз осы сала қызметкерлерінің кәсібиліктеріне байланысты. Сондықтан да бұл сала иелеріне үлкен жауапкершілік жүктеледі. Басы ауырып, балтыры сыздаған жанның жанына дауа, дертіне шипа бола алатын да осы сала қызметкерлері. Ал денсаулық сақтау саласында талай жыл тапжылмай тер төгіп, еңбегімен елдің ыстық ықыласына бөленіп жүрген білікті жандардың &nbsp;жүріп өткен жолы көпке үлгі деуге болады. Себебі тіршілікке нәр беріп, қалтқысыз қызметін ұсынып, мейірімділік пен жылылықты жанына серік еткен, игілікті мамандық иесі атанған олар қашанда сый-құрметке лайық.

Жалағаштағы терапия бөлімі

<a href="https://kyzylorda-news.kz/">Kyzylorda-news.kz.</a>&nbsp;Қазалы ауданаралық ауруханасының денсаулық сақтау саласында жеткен жетістігі жетерлік. Халықтың аурушаңдығын азайтып, ауыр дертті дер кезінде дөп басып табуда заманауи жабдықтардың көмегі зор екенін жақсы біледі. Сондықтан қазалылықтарды соңғы үлгідегі жабдықтармен емдеуді қолға алған.Қазір аурухана құрылымындағы бірқатар құрылғы қатары тағы да жаңа дүниемен толыққан. Атап айтқанда, ауыз қуысының ақаулары мен тіс ауруларының салдарын тексеретін Оңтүстік Кореяның «Vatech» компаниясының рентгендік сандық панорамалық аппаратына қол жеткізді.<blockquote>«Оңтүстік Кореяның «Vatech» компаниясы тоқсаныншы жылдардан бері жұмыс істейді. Компания өзінің озық технологияларын енгізуге, пациенттердің денсаулығына қамқорлық жасауға және қоршаған ортаны қорғау мәселелеріне назар аударуға бағытталған. «Vatech» клиенттері өздерінің барлық тілектері ескерілетініне сенімді бола алады. Себебі бұл Vatech-тің теңдесі жоқ қызметінің құпиясы. Рентген диагностикасы бойынша «Vatech» Кореядағы №1 компания. Біз тапсырыс берген рентгендік сандық панорамалық аппараты – адам денсаулығына қамқорлық жасай отырып, инновациялық технологиялық ноу-хауды қолданады. Олардың әзірлеген жабдығы стоматологиядағы дәстүрлі рентгендік диагностика үшін қарапайым және қолжетімді шешім. Эргономикалық дизайн, сенімділік және пайдаланылуы оңай, түсірген суреттердің сапасына теңде жоқ. Құрылғының ерекшеліктері мол. Тіс түбірінде асқыну мен салқын тию әсерінен ісіну болса, тіске тіс кедергі жасағанда дәрігердің нұсқауымен аппарат арқылы анықталады», – дейді лаборант Қайбар Шымберген.</blockquote>Маманның айтуынша, құрылғыға түсіру қызметі ешқандай жас ерекшелігі мен денсаулық жағдайына қарамастан ақылы өткізіледі. «Vatech» компаниясының жабдықтары барлық заманауи талаптар мен қауіпсіздік стандарттарына сәйкес келеді.Осылайша алғашқы медико-санитарлық көмекті модернизациялау және басымдықпен дамыту мен медициналық оңалту жұмыстарын жандандыруда Қазалы ауданаралық ауруханасы бар күш-мүмкіндіктерін жұмсауда.

Қазалы ауданаралық ауруханасы жыл санап заманауи құрылғылармен жабдықталуда

<a href="https://kyzylorda-news.kz/">Kyzylorda-news.kz.</a>&nbsp;Адам баласы жер бетіне пайда болғаннан бастап аурудан алыс болмаған. Науқастанған адамның ем алуы үшін дәрігерге жүгінуі жылдар бойы бұзылмай келе жатқан құбылыс. Адамдардың сырқаттануы мен дәрігерлерге деген мұқтаждығының тарихи төркіні тереңде. Тіпті пайғамбар (с.ғ.с) Мұхаммедтің өзі аурудың алдын алуға аса мән беріп қана қоймай, амалын көрсетіп, дәрігерлерге ерекше құрмет көрсеткен. Иә, жер бетінде дәрігерлік мамандықтан абыройлы, құрметті мамандық жоқ-ау. Бірақ оның құрметінің салмағы қаншалықты ауыр болса, жауапкершілік жүгі де соншалықты ауыр. Сондықтан кез келген адам ақ халат киіп, ант қабылдап, адам жанын ажалдан арашалай алмайды. Дәрігер болу үшін науқасқа ем беріп қана қоймай, оның жанын түсінетін, жылы сөзімен дем беретін маман иесі болуың керек. Сонда ғана дәрігер атағын абыроймен алып жүруге мүмкіндік туады.Оқырмандарға белгілі, бүгінге дейін баспасөз бетіне дертпен күрескен денсаулық сақшылары туралы мақала жариялап келеміз. Ондағы мақсат – ақ халатты абзал жандардың ерен ерлігін көрсетіп, медицина мамандарының жұмысын жұртшылыққа насихаттау. Сол секілді бүгінгі біздің мақаламызға Тартоғай ауылының дәрігерлік амбулаториясы арқау болмақ. Аталған емханада қазіргі таңда 34 медицина қызметкері еңбек етеді. Оның ішінде дәрігер – 2, жалпы тәжірибелі дәрігер-субординатор – 1, орта буын медицина қызметкері – 17, оның ішінде мейірбикелер – 10, МП және ФАП фельдшері – 2, химизатор – 1, лаборант – 1, әлеуметтік қызметкер – 1, акушерка – 1, кіші қызметкер – 10. Тартоғай ауылдық емханасы екі аймаққа бөлініп, Тартоғай және Ботабай ауылының тұрғындарына ем жасайды.Пандемия кезінде екі аймақ бойынша пневмониямен 28 адам ауырып, оның бесеуі қайтыс болған. Аға дәрігер Рақымжан Палымбетовтің айтуынша, дерт белең алған уақытта медицина қызметкерлері бір сәт тыным таппай, ауыл тұрғындарының ахуалын жақсартуға жағдай жасаған. Күніне 25-30 адамнан қабылдап, үйдегі шақыртуларға да тұрақты барып тұрған. «Індет дендеген уақытта жалғыз мен емес, барлық қызметкерлер білек сыбана кірісті. Қолдарынан келгенін аянып қалмады. Осы орайда Ұлжан Қыдырбаеваның атын ерекше атап өткім келеді. Ол менің бір жағымда жүріп, нұсқаулықтар бойынша жұмыс істеп, талай адамды аяғынан тұрғызды. Аурудың бетін қайтаруға барынша атсалысқан әріптестеріме ризамын» дейді Р.Палымбетов. Жақында ғана аға дәрігердің лауазымына тағайындалған Р.Құдайбергенұлының бұл салада жиырма жылдан астам өтілі бар.Ол алғашқы еңбек жолын 1998 жылы Тартоғай ауылында тіс дәрігері болып бастаған. Бұдан кейін фельдшер, аға мейіргер, жалпы тәжірибелі дәрігер-субординатор сынды сан салалы қызмет сатысынан өткен. Көпшіліктің көңілін тауып, індеттің бетін қайтару жолында тартоғайлық дәрігерлер медициналық қана емес, психологиялық та көмек көрсеткен. Ауыл тұрғындарын сақтық шараларын сақтауға шақырып, карантин ережесіне бағынуды да насихаттаған.Науқастардың саны артып, медицина қызметкерлеріне салмақ түскен сәтте Тартоғай ауылдық емханасына тиесілі жедел жәрдем көлігінің істен шыққаны дүйім жұртқа белгілі. Алайда жұртшылыққа жедел көмек керек болған жағдайда дәрігерлер қол қусырып отырмай, велосипедпен емделушінің үйіне жетуге тырысқан. Қазір бұл мәселе өз шешімін тауып, алдағы бір апта көлемінде Тартоғай емханасына жаңа жедел жәрдем көлігі табыс етілмек. Бұл түйткілді мәселенің түйінін тарқатуға «KazPetroleum» компаниясы мұрындық болған. Аталған компания жаңалықтардан мән-жайды білген соң сонда қызмет ететін ауыл тұрғындарынан ақпараттың рас-өтірігін анықтаған. Ақиқаты айтылған соң демеушілік жасап, тартоғайлық дәрігерлерге қолдау білдірген. Тек бұл ғана емес, сонымен бірге медициналық құрал-жабдықтарды да ауылға жеткізіп беруге ықпал еткен.Елді есеңгіретіп, белгілі қайраткерлер мен жарық жұлдыздарды да жалмаған дерттің қазір беті қайтса да босаңсуға болмайтынын аға дәрігер де айтып отыр. Себебі жуырда ғана Тартоғай ауылында екі адамнан індет табылған. Тіркелген екі жағдайы симп¬томсыз. Екеуі де қазір қатаң бақылауда, оның бірі облыстағы дәрігерлердің қарауында болса, екіншісі үй карантинінде жатыр. Олармен байланыс орнатқан тұрғындар да бақылауға алынып, арнайы анализ тапсырып, қорытындысын күтуде.– «Бірінші байлық – денсаулық» демекші денсаулықтың маңызы зор. Сондықтан сақтық шараларын әлі де сақтау керек. Тазалыққа, гигиенаға мән берген абзал. Пандемия кезінде қарапайым тұрғындардың көбі өздігінше емге кіріскені белгілі. Мұндай жағдайда олай етуге болмайды, ең алдымен дәрігердің көмегіне жүгіну керек. Осы орайда мен «Мөлдір и К» дәріханасының басшысы Нұрлан Мырзабековке және қойма меңгерушісі Ғалия Мырзабековаға өз алғысымды білдіргім келеді. Өйткені, аталған дәріхананың ауылдағы филиалында дәрілер қоры жеткілікті болды. Қандай дәріні сұрасақ та дәріхана иесінің қолдауымен дер кезінде жеткізіліп отырды, – дейді білікті маман.«Дәрігердің жақсысы дертіне дерт қоспағаны» дейді дана халық. Бұл тұста тартоғайлық ақ желеңділер көптің көңілінен шыға білді десек болады. Өйткені, олар елді ушықтырмай, ең алдымен саяси ахуалды тұрақтандыруға тырысты. Содан кейін басы ауырып, балтыры сыздағандарға көмек қолын созды. Ендеше бірлігі мен берекесі жарасқан ұжымға біз де сәттілік пен денсаулық тілейміз.

Тартоғайда 34 медицина қызметкері еңбек етеді

<a href="https://kyzylorda-news.kz/ru">Kyzylorda-news.kz.</a> Шиелі ауданының тұрғыны Мақсат Ахмедовтың диализдің әлегін тартып келе жатқанына 10 жылға жуық уақыт болды. Бүйрек жеткіліксіздігі ауруына шалдыққан алғашқы жылдары Қызылорда қаласына барып ем қабылдаған. Одан соң 2-3 жылдай көршілес Жаңақорғанның диализ орталығына жүгінеді. Мұндай орталық Шиеліден ашылғанда "бөрігін аспанға атып" қуанғандарды бірі осы Мақсат болатын. Алайда қуанышы ұзаққа созылмады.<blockquote>– Диализ жасайтын орталық Шиеліден 2017 жылы ашылды. Алғашқы жылы барлығы өз деңгейінде, жоғары сапада жасалды. Барлық жерде солай емес пе? Бірінші ашылған кезде керемет болады да, кейіннен кері кетеді. Біздегі орталық та дәл солай, 2018 жылдан бері диализдің сапасы түсті. Алғашқы жылы апаратқа құятын ұнтақтың сапасы жақсы болатын. Кейіннен өзгеріп кетті. Біз қайта-қайта шағымдана берген соң "заводской" деп бірдеңе әкелген болды, бірақ сападан өзгеріс байқамадық. Соның кесірінен қаншама адам көз жұмды. Диализге кірерде қан қысымым қалыпты болып тұрады да шыққан соң күрт жоғарылап кетеді. Ол кезде өзім үйден дәрі ішіп, болмай бара жатса жедел жәрдем шақырып, әйтеуір өлместің күнін кешіп жүрмін. Бұрын-соңды қан қысымым мүлде мазалаған емес. Еш жерім ауырмайтын да. Барлығы осы сапасыз диализден соң басталды. Тек мен ғана емес, барлығында осылай. Бірер күн бұрын ғана Арман Жиенбаев деген азамат диализден шыққан соң жансақтау бөліміне түсті. Ол да аппаратқа жүгінерде қан қысымы 130 болған, шыққан соң 140-ты көрсетсе, шамалы уақыттан кейін бірден 280-ге жоғарылап кеткен, – дейді Мақсат Ахмедов.</blockquote>Айтуынша, Арман Жиенбаев Шиеліден диализ орталығын ашуға атсалысқан бірден-бір азамат. Арманның өзі де денсаулығына жауапкершілікпен қарап, диета мен ережелерді қатаң сақтанып жүретін. Оның жансақтау бөліміне түскеніне диализдің сапасыздығы ғана себеп. Бірақ дәрігерлер өздеріне шаң жуытпай, Арманның өзін кінәлап жатыр деп күйінеді бірге ем қабылдаушылар. &nbsp;Қырық жастағы Азат Төлеевтің де диализге тәуелді боп жүргеніне биыл 7 жыл толды. Әр аптаның сейсенбі, бейсенбі, сенбі күндері орталықтың көмегіне жүгінеді.<blockquote>– Диализге кірерде қан қысымым 140 болады да, шыққан соң 170-180-ге көтеріледі. Бұрын Жаңақорғанға барып қабылдап жүргенімде бұлай болмайтын. Аптасына 3 мәрте ол жақа бара беруге қалта көтермейді. Амал жоқ, ауырсақ та осы жерге барамыз. Бізді қойшы, қазір диализге жас жігіттер келіп жатыр, соларға обал. Осыны бір тексеріп, қоспалардың сапасын қадағалайтын біреу бар ма өзі? Қаншама жылдан бері айтып шаршадық. Бірде-бір адамның бізге мойнын бұрып, уәжімізді тыңдағанын көрген жоқпыз. Негізінде бізді Қызылордадан нефролог мамандар келіп тексеріп тұруы керек. Себебі орталық сол жақта. Бірақ ол да жоқ. Тек 1-2 рет аудандық санитариялық-эпидемиологиялық бақылау басқармасынан ғана келді. Басқа ешкім біздің жағдайымызды сұрап, дәрі-дәрмек тапшылығын қадағалаған емес, – дейді Азат Төлеев.</blockquote>Бүгінгінің дерті – бүйрекҒалымдардың айтуынша бүйрек адам ағзасындағы ең шыдамды мүше. Себебі ол өзінің қызметінің бұзылғандығы жөнінде сыр бермейді. Адамдардың бүйрек ауруын асқындырып, соңғы мүмкіндік «жасанды бүйрек» аппаратына таңылуының да бірден-бір себебі осы.&nbsp;Иә, бүйрек өте нәзік болғанымен, атқаратын қызметі зор. &nbsp;Адам бүйрегі күн сайын орта есеппен 200 литр қанды сүзгіден өткізеді. Қанды улы &nbsp;заттардан тазартып, ағзадағы артық суларды сыртқа &nbsp;шығарады. Созылмалы бүйрек қызметінің нашарлауы кезінде бүйректің зәр шығару қызметі бұзылып, адам өздігінен кіші дәретке шыға алмайды. Яғни бүйректің сүзгі қызметі істен шығып, улы қалдықтар ағзада қалып қояды. Сөйтіп, ағза уланады. &nbsp;Жалпы бүйрек ауруларын алғашқы екі &nbsp;сатысында емдеу нәтижелі болады. Өкінішке қарай, көп жағдайда аурудың сырқаты асқынып, ауруханаға түскен кезде ғана анықталады. Дәрігерлер үшінші сатыда дерттің таралуын тоқтатып, сырқаттың өмірін ұзарта алады. Бұдан кейінгі төртінші, бесінші сатыда ауруды емдеу өте қиын. Тіпті науқастың бүйрегін жасанды бүйрекпен ауыстыруға тура келеді. Ал бұл іске қомақты қаржы қажет. &nbsp;Оған екінің бірінің шама-шарқы келе бермейді. Созылмалы бүйрек жетіспеушілігіне шалдыққан науқастардың өмірін диализ арқылы ұзартуға болады. Диализ – бүйректің дұрыс жұмыс істеуін тоқтатқан кезде қандағы қалдықтар мен артық сұйықтықты кетіру процедурасы. Қандағы &nbsp;адам ағзасының &nbsp;өмір сүруіне қажетсіз &nbsp;өнімдер мен сулар арнайы &nbsp;мембраналық сүзгіден &nbsp;өткізіледі. &nbsp;Қос бүйрегі істен шыққан науқастар аптасына екі немесе үш рет диализ қабылдап, қанын тазартуға мәжбүр. Ауа жетпеген адам өмір сүре алмайтыны сияқты, &nbsp;қанды бүйректен тыс тазарту әдісі жасалмаған жағдайда науқастың жасушалары тұншығады.&nbsp;Иә, «жаман айтпай, жақсы жоқ» дегендей, осыдан бірнеше жыл бұрын қос бүйрегі істен шыққан науқастар бақилық болып кететін. Өйткені оның емі болмады. Ал бүгінгі заманауи медицинада мұндай науқастар диализ арқылы өмірін ұзартып, қоғаммен бірге жасауда. Қазақшалап айтқанда «жасанды бүйрек» аппараттары бүгінде Қазақстанның әр өңірінде кездеседі. Көп жерлерде "BBnura" компаниясының нефрология орталықтары жұмыс жасайды. Шиелідегі де осы компанияның орталығы. Ал біздікілер мақтап отырған Жаңақорғандағы диализ орталығы "Diaverum" деп аталады екен.Статистика сөйлесінЖер бетіндегі әрбір оныншы адам түрлі бүйрек ауруына шалдығады екен. Статистикаға сүйенсек қазір Қазақстанда 6000-ға жуық науқас гемодиализге мұқтаж. Ал жылына 200-ден аса адам созылмалы бүйрек жетіспеушілігіне шалдығады.Батыс елдерінде диализге тәуелді адамдардың орташа жасы 63-64-ті құраса, біздің елде бұл 54 жасқа дейін қысқарған. Шиелідегі медициналық орталықта 30 адам ем қабылдайды. Әрқайсысы айына 14-13 мәрте 4 сағаттан аппаратқа жүгінуге мұқтаж. Бұл үшін мемлекет арнайы қаржы бөледі. Науқастарға қажетті дәрі-дәрмек те мемлекет есебінен тегін берілуі тиіс. Алайда диализге жүгінетіндердің оған көңілі толмай отыр.&nbsp;<blockquote>– Иә, диализге жүгінетін кісілер "бізді дәрі-дәрмекпен толық қамтамасыз етпейді" деп шағымданып жатыр. Шынында да көбінің гемоглабині өте төмен. Оған қоса бірнеше дәрумендер егілу қажет. Бірақ науқастар ешқайсысы салынып жатпағанын айтуда. Диализ бізде жасалғанымен, орталық облыс орталығына қарайды. Мамандары да сол жақта. Олармен байланысқанымызда, "әркімнің организмі әртүрлі. Сондықтан талдау арқылы әр науқасқа қажетті дәрісін ғана беріп отырамыз" деген жауап алдық. Анемияны емдейтін "рекормон" атты препарат науқастың гемоглабині 100-ден төмен болса ғана тағайындалып жатыр. Ал гемоглабинді демеуші препараттарды күнделікті салуға болмайды. Заңдылығына сәйкес айына 2-3 реттен науқастарға беріліп жатыр, – дейді аудандық емхананың нефролог дәрігері.</blockquote>Қос бүйрегінен айырылған тұрғындардың базынасы осы, диализ сапасыз, қажетті дәрі-дәрмек уақытылы берілмейді. Салдарынан денсаулықтары одан сайын нашарлап, соңы қайғылы оқиғаға апаруда.Кеселдің тәуірі жоқ, шамаң келсе, ауырмай бақ. Дегенмен пенде болғасын ауру басқа келмей тұрмайды. Себебі «ауру – Алланың сынағы» дейді. Бір бүйрегі ғана сыр берсе, оған амал табылар, ал екі бірдей бүйрегі істен шыққандар не істейді? Адам ағзасы үшін бүйректің қызметі орасан. Оның жұмысы тоқтаса...

Шиеліде диализ жасайтын орталық бар

<a href="https://kyzylorda-news.kz/ru">Kyzylorda-news.kz.</a> Кез келген науқастың қажетті ем алып, аяқтан тұруын басты назарда ұстайтын ақ желеңділердің еңбектері ерен. Аудандық емхананың бас педиатр маманы Ділбар Брикановамен тілдескен едік. Ол жауапты қызметті 42 жылдан бері адал атқарып келеді.– Ділбар Темірқызы, мереке құтты болсын! Әңгімемізді өзіңіз жайлы бастасақ.– 1973 жылы Ташкент &nbsp;қаласындағы САМПИ Орта Азия Медицина-педиатрия институтына &nbsp;педиатрия факультетіне оқуға түскенмін. 1979 жылы бітіріп интернатураны Наманган облысындағы балалар ауруханасы базасында &nbsp;откенмын. 1981 жылдан бері Шиелі аудандық ауруханасында жумыс істеймін. Қазіргі таңда жолдасым екеуміз 3 баланы дүниеге әкеліп, немере сүйіп отырмыз.– Қазір әлемдік медицина қатерлі ісікті түбегейлі емдеп жазуда көп еңбектеніп, іргелі зерттеулер жүргізіп жатыр. Онкологиялық науқастардың өмірі ұзартылды. Ауданда балалар мен олардың аналары арасындағы бұл дерттің деңгейі қандай?– &nbsp;Онкология грек тілінен аударғанда "oncos" – өскін, ісік және "logos" – ілім, яғни &nbsp;медицина ғылымының ісік ауруларының пайда болу себептерін, даму жолдарын, клиникалық белгілерін анықтап, емдеу, олардан сақтану жолдарын зерттейтін саласы.Алдымен онкологиялық аурудың алғашқы белгілеріне тоқталып өтейін. Олар – бүкіл ағзаның жалпы әлсіздігі, тәбеттіңболмауы, ұйқының жоғалуы, шаршағыштық, іштің қатуы, жүректің айнуы, ауыздың құрғақтануы, буындардағы, арқадағы, асқазандағы аурулар, бастың жиі айналуы, ұмытшақтық, есінен танып қалу, кенеттен салмақтың жоғалуы. Көптеген адамдар бұл белгілерді жай ғана әлсіздік пен шаршағыштық деп мән бермей жаады. Бірақ, әрдайым денсаулыққа салғырт қарауға болмайтынын есте сақтаған жөн. Мұндай белгілердің бірнешеуі анықталған кезде дереу дәрігерге бару қажет.Казіргі &nbsp;таңда &nbsp;онкологиялық ауру жас таңдамайды. Балалар арасында жиі кездесетіні – ақ қан аурулары (лейкоз). Осы лейкоз ауруымен &nbsp;аудан бойынша 3 бала Д &nbsp;есепте &nbsp;турады. Туу жасындағы әйелдер арасында &nbsp;118 әйел Д есепте турады. Ал жасөспірім қыздар арасында 3 жасөспірім онкологиялық аурумен Д есепте турады. Бул науқастар мамандар бақылауында тиесілі &nbsp;емін алып жатыр. &nbsp;– Жылдың қай мезгілі болмасын балалар арасында ОРВИ, тамақ қызаруы, көкіректегі сырыл секілді симптомдар көптеп кездеседі. &nbsp;Бұл қалыпты ма? Әлде қандай да бір алдын алу шараларын жасауға бола ма? &nbsp;– Балаларда жиі кездесетін аурулардың &nbsp;турі – тұмау. Бұл өткір респираторлы вирустық инфекциялардың тобына жатады, сонымен қатар парайнфлюзенді қамтиды, аденовирус инфекциясы, тыныс синтезі жұқпасы, риновирус инфекциясы. Жыл сайын тұмау маусымдық эпидемия тудырады. 3 жастан 14 жасқа дейінгі балалар тұмаумен көп ауырады. Яғни ересек адамнан гөрі балаға тұмаудың жұғу қаупі 4-5 есеге дейін жоғары. Сондай-ақ тұмау көбінесе бронхитке қосылу, пневмония, синусит секілді асқынулармен кездеседі. Сөйтіп созылмалы аурулардың өршуіне әкеледі. Сондықтан тұмау эпидемиясының алдын алу педиатрия үшін маңызды мәселе болып табылады.Балалар арасында тұмау вирусы көбінесе ауа арқылы таралады. Одан бөлек вируспен ластанған гигиеналық өнімдер, ойыншықтар арқылы тұмауға ұшырауы мүмкін. Ауа-райының өзгеруі де балалар тұмауының өршуіне себеп болады. Жасырын вирус жұқпалы кезеңі бірнеше сағаттан 2-4 күнге созылады. Нәрестелерде тұмаудың жоғары көрсеткіші жоғары температура болуы мүмкін. 5 жасқа дейінгі балаларда – жоғары температурасы 39-40 дейін°C, ринит және жөтел белгілерімен көрініс береді. Балалардағы тұмау диагнозын жасаған кезде педиатр аурудың эпидемиологиялық деректерін және клиникалық көрінісін ескереді. Көбіне балаларды емдеу үйде жасалады. Бірақ нәрестелер мен ауыр немесе күрделі инфекция болған жағдайда жұқпалы ауруханаға жатқызу көрсетіледі. Қызу кезеңінде төсек демалысы қажет, көп мөлшерде жылы су ішу маңызды.Балаңызға тұмауды болдырмаудың ең жақсы жолы - жыл сайын тұмауға қарсы вакцина алу, әсіресе егер ол тұмаудың асқынуымен ауыратын болса.&nbsp;Жүктілікке дайындықты кем дегенде 3 ай бұрын бастау керек — медициналық тексеруден өту және өмір салты мен тамақтануды дұрыс ұстану керек. Қандай да бір аурулар, мысалы, жыныстық инфекциялар анықталған жағдайда, осы мерзімге емдеу уақыты қосылуы керек. Мұндай тәсілде жүктіліктің қолайлы ағымына және дені сау баланың туылуына үлкен үміт артуға болады. Осы маңызды оқиғаға дайындық бірнеше кезеңнен тұрады және олардың әрқайсысы маңызды рөл атқарады.Біздің басты мақсатымыз, баланың өмірі мен денсаулығын қорғау, балаларға түрлі жаттығулар жасату арқылы, дене мүсінін қалыпты, сау өсіру.– Бала болашағымыз деп жатамыз. Денсаулығы мықты ұрпақ өсіру үшін не нәрселерді естен шығарамауымыз қажет, қалай ойлайсыз?– Сау ұрпақ өсуі үшін балаға дене жаттығулары аса маңызды дер едім. Себебі ол баланың жан-жақты жетілуіне ықпал етеді.«Балабақшада тәрбие беру бағдарламасында» да баланың дене бітімінің жетілуі мен жеке басының дамуына дене шынықтыру сабақтары, шынықтыру әрекеттері үлкен үлес қосып отыр. Бала дене шынықтыру сабағында жалпы дамыту жаттығулары арқылы күш-жігерін шындай түседі. Денсаулықтарын нығайтып, ептілікке, жылдамдыққа үйретеді, дене бітімдерін жан – жақты дамытып, келбеттері асқақтай түседі. Біздің басты мақсатымыз, баланың өмірі мен денсаулығын қорғау, балаларға түрлі жаттығулар жасату арқылы, дене мүсінін қалыпты, сау өсіру.Ал балада туабітті ақау барын ертерек &nbsp;анықтау үшін туғаннан бастап скринингтер жүргізіледі.Пренатальды скрининг,психо-физикалық скрининг, офтальмогологиялық скрининг,аудиологиялық скрининг түрлері бар. Олар 0-17 жасқа дейін жургізіледі. Ауруы табылған балаларды мамандарға тексерілуге жіберіледі.– Сұхбатыңызға рахмет.

Ділбар Бриканова: Дәрігер – мейірімділік пен ізгілік жаршысы

<a href="https://kyzylorda-news.kz/">Kyzylorda-news.kz.</a> Гүлмира Елеуқызының медицина саласында еңбек етіп келе жатқанына отыз жылдан асты. Сегізжылдық мектепті үздік тәмамдаған бойжеткен арман қуып, Орынбор қаласына аттанған еді. Ондағы ойы бала күнінен алға қойған мақсатын жүзеге асыру. Айы оңынан туып, аталған қаладағы медициналық училищесінің студенті атанды.Таңдаған оқу орнынан фельдшер мамандығын меңгерген жас маман Орынбор қалалық ауруханасында алғаш еңбек жолын бастады. 1989 жылдың тамыз айында туған жерге оралып, Қазалы аудандық емханасына мейіркеш болып орналасты. Осында өмірлік серігін жолықтырып, отбасылық жолға қадам басты. Жұбайы Күншығар Әбілов те емханада дәрігер болып еңбек етеді. 1990 жылы жолдасының туған жері Бозкөл ауылына аттанды. Ауылдық ауруханада қызметтерін жалғастырып, бірі дәрігер, бірі аймақтық мейіркеш атанды.<blockquote>– Ата-енем кеңпейіл кісілер болды. Үнемі жақсылығымды асырып отыратын. Атам соғыс ардагері. Өнегелі әңгімелер мен ғибратты сөздерді жиі айтатын. Енем де білмегенімді үйретіп, тәлімді-тәрбиесін бере білді, – деп өткенді еске алды Гүлмира Елеуқызы.</blockquote>Отбасы мен қызметті қатар алып жүрген кейіпкеріміз өмірге бес ұл-қыз әкеліп, олардың білімді болып өсуіне күш салып келеді. Балаларының үлкені Дінислам Бозкөл ауылындағы №96 мектепте директордың бастауыш сыныптар жөніндегі орынбасары. Қыздары Гүлстан мен Ақерке ата-ана жолын қуып, медицина саласын таңдады. Екеуі де С.Аспендиряов атындағы Қазақ ұлттық медициналық университетін үздік тәмамдады. Гүлстан-хирург-офтальмолог, Ақерке – фармацевт. Ал кіші ұлдары Бейбарыс пен Жанарыс мектеп оқушылары. Биыл Бейбарыс Алматы облыстық академик Ш.Смағұлов атындағы мамандандырылған дарынды балаларға арналған мектеп-интернаттың 10 сыныбын, Жанарыс Әйтеке би кентіндегі Е.Бозғұлов атындағы №249 мектеп-лицейдің 5 сыныбын бітіреді.Қазір Қазалы ауданаралық ауруханасының жұқпалы аурулар бөлімінде аға мейіркеш Гүлмира Ибрагимова өз ісін жетік меңгерген, тәжірибелі маман. Ұйымдастырушылық қабілеті мен құжаттарға деген ыждағаттылығы тиянақты тірлігінен байқалады. Кәсібіне адал ақ халатты жан бірнеше Алғыс хат, Құрмет грамоталарын иеленді. Ол адам әрқашан білімін толықтырып, өзін-өзі жетілдіріп отыруы тиіс деген ұстанымда. Еңбектен қол үзбей жүріп, жоғары білімді педагог-психолог мамандығын меңгерді.Әркім өз ісін сүйіп, жүрек қалауымен орындаса, шаршап-шалдығуды білмейді деген мейіркеш елде орын алған қысылтаяң шақта жұқпалы аурулар бөлімі қызметкерлерінің күш біріктіріп, жұмысқа деген жауапкершіліктерін еселей түскендігін айтады.<blockquote>– Төтенше жағдай кезінде бір ай уақыт жұмыс орнынан үйге қайтпадық. Күн-түн демей, барлық қызметкер аянбай еңбек етті. Бір жеңнен қол, бір жағадан бас шығара алған әріптестеріме ризамын. Жалпы медицина қызметкері болғандықтан науқас адаммен бірдей күй кешесің. Адам ауруынан айыққанда біздің де қуанышымызда шек болмайды. Дертіне дауа іздеп келген әрбір жанның айығып кеткенін көру ерекше әсерге бөлейді, – дейді аға мейіркеш Гүлмира Ибрагимова.</blockquote>

Қазақстан және Қызылорда облысының жаңалықтары: Денсаулық