<a href="https://kyzylorda-news.kz/">Kyzylorda-news.kz.</a> Қазалы көпсалалы орталық аудандық ауруханасында жыл басынан бері жүрек-қан тамырлары аурулары бар науқастарға үш жүзден астам ота жасалды. Ангиографтың арқасында аурулар ерте кезеңде анықталып, жоғары технологиялық оталар жасалады. Инфаркт, инсульттің алғашқы белгілері қандай, пациенттер қалай аман қалғанын рентгенэндоваскулярлық бөлімшесінің меңгерушісі Кенесары Баспаевпен сұхбатында.2019 жылдың қыркүйек айында Қазалы аудандық ауруханасында ангиограф арқылы алғашқы ота жасалды. Кенесары Айтуғанұлы, қанша пациентке ота жасалды және бұл диагностикалық құрал-жабдық ауыл тұрғындарына қаншалықты сұранысқа ие?- Менің ойымша, медицинадағы ең маңызды ереже - жеделдік. Егер пациентке уақтылы медициналық көмек көрсетілсе, оның өмірін сақтап қалуға, мүгедектікке жол бермеуге болады. Бұл тұрғыда жақын маңдағы елді мекендердің (Қазалы, Арал, Қармақшы аудандары және Байқоңыр қаласы) тұрғындарына қызмет көрсететін ангиографтың көмегі зор. Бұған дейін пациенттер облыс орталығына, Астана, Алматы, Ақтөбе қалаларына жіберілген болатын. Олар бірнеше ай бойы өз кезегін күтетін. Өкінішке орай, жоғалған уақыттың салдарынан науқастардың денсаулығы да нашарлап, аймақта инфаркт пен инсульттан өлім-жітім деңгейі жоғары болды.Неліктен ангиограф Қазалы ауданында орнатылған? Мәселен, облыс орталығынан Әйтеке би кентіне (аудан орталығы) дейінгі қашықтық 300 шақырымнан асады, жол жүру уақыты - 4 сағат. Қызылорда – Арал бағытының ұзындығы 450 шақырым, автокөлікпен - 5 сағат. Егер пациент Қазалы аудандық ауруханасына жеткізілсе, уақыт небәрі 1 сағатты алады. Қармақшы ауданы Жосалы кентінен қалаға дейінгі қашықтық шамамен 170 шақырым, жол жүру уақыты – 1,5 сағат. Бізге науқас 50 минут ішінде жетеді.2019 жылы рентгенэндоваскулярлық бөлімнің ашылуының бірінші жылында ангиографта 87 ота жасалды. 2020 жылы әлемде пандемия өршіп тұрған кезде 216 пациентке, 2021 жылы - 300 – ге жуық, 2022 жылы – 361 адамға медициналық көмек көрсеттік. Ағымдағы жылдың 9 айында 316 ота жасалды. Жалпы 2019 жылдан бері 1200-ден астам адамның өмірі сақталды. Оталардың негізгі үлесі - коронарография және стенттеу.Мамандарымыз А.Н.Сызғанов атындағы Ұлттық ғылыми орталықта дайындықтан өтіп, көпсалалы облыстық ауруханада тәжірибе алмастып келгенін атап өткім келеді.Медицина саласында «алтын сағат» ұғымы бар. Дәл осы уақыт аралығында ең тиімді медициналық көмек және пациенттің өмір сүру мүмкіндігі жоғары. Шұғыл медициналық көмек қалай көрсетіледі?- Мамандарымыздың кәсіби шеберлігі мен ангиографтың арқасында кәсіби жедел медициналық көмек көрсетеміз. Егер науқастың бет келбеті қисаюы байқалса, басы өте қатты ауырса, жүрек айнуы, құсу, қолы кимылсыз қалса, мұның бәрі инсульттің белгілері. Алғашқы 2 сағат ішінде қан ағымын қалпына келтіруге, қан ұйығыштарын жоюға бағытталған тромболитикалық терапия жүргізіледі. Біз инсульттің өршу кезеңінде медициналық көмек көрсету хаттамасына сәйкес әрекет етеміз. МӘМС жүйесіндегі сақтандыру мәртебесіне, сондай-ақ, АИТВ, туберкулез, қатерлі ісіктер және т.б. қатар жүретін ауруларға қарамастан барлық пациенттерге шұғыл медициналық көмек көрсетеміз. Егер науқас отаға келісім бере алмаса, туыстарынан сұраймыз.Жедел инфарктпен пациентті қабылдағанда жедел жәрдем мамандары ЭКГ жасап, бізге науқастың жағдайы туралы хабарлайды. Біз пациентті күтіп алуға дайын тұрамыз. Инфаркттің белгілері: жүрек аймағында шаншу, арқаға, иыққа, қолға, мойынға, төменгі жаққа беру, сондай-ақ ауа жетіспеушілігі, суық тер, жүрек айнуы. Сонымен қатар, инфаркттың тағы бір белгісі - іштің жоғарғы бөлігіндегі ауырсыну (эпигастрий). Көбінесе инфаркт бейсенбі мен сенбі күндері болатын үрдісті байқап жүрміз. Жедел инфарктпен ауыратын науқастардың саны айтарлықтай азаюда. Егер 2019-2020 жылдары жоғарыда аталған солтүстік аудандардың әрқайсысынан ай сайын жедел миокард инфарктпен 8-9 адам түссе, бүгінгі таңда жоспарлы коронарографияның арқасында науқастардың саны 2-3 адамға дейін азайып отыр.Жоспарлы медициналық көмек МӘМС жүйесінде сақтандырылған азаматтар үшін қолжетімді. Отаға қарсы көрсетілімдері қандай?- Жоспарлы ем Емдеуге жатқызу бюросы порталы арқылы жүргізіледі. Егер тиісті көрсеткіштер болса, емхананың емдеуші дәрігері пациентті зертханалық талдаулар тапсыруға, консультациялық-диагностикалық қызметтерден өтуге жібереді. Осыдан кейін ғана науқас аурухананың кардиологиялық немесе инсульт бөліміне жатқызылады. Бірқатар қарсы көрсеткіштері бар. Мысалы, науқаста әртүрлі дәрежедегі анемия, ЖРВИ, тыныс алу жеткіліксіздігі, асқазан-ішек жолдарының ойық жаралы зақымдануларының болуы және т.б. бір сөзбен айтқанда, өршу кезеңінде барлық созылмалы аурулар.Айта кетейік, МӘМС жүйесі аясында қымбат жоғары технологиялық оталарды жасаймыз. Мысал келтірейн. Стенттеу құны – 1,5 миллион теңгеден астам, коронарография – 400 мың теңгеге жуық. Сақтандырылған азаматтарға бұл медициналық қызметтер тегін көрсетіледі. 2022 жылы Қазалы көпсалалы орталық аудандық ауруханасында 8 792 адам ем алды. Осы мақсаттарға әлеуметтік медициналық сақтандыру қорынан 1,2 миллиард теңгеден астам қаржы бөлінді. Биыл 1,8 миллиардтан астам қаражат қарастырылған.Байқоңыр қаласынан Қазалы аудандық ауруханасына дейін автокөлікпен 1 сағаттық жол. РесейФедерациясының құзырындағы бұл қаланың тұрғындары сізге жүгінеді. Ресейлік ұйымдарда жұмыс істейтін ҚР азаматтарына медициналық көмекті қалай көрсетесіз?- Байқоңыр қаласының аумағында 2 стационар бар. Бұл Байқоңыр қ. көпсалалы аурухана және ресейлік аурухана (ФГБУЗ ЦМСЧ №1 ФМБА РФ). Байқоңыр қаласының көпсалалы ауруханасында тек бастапқы медициналық-санитарлық көмек және медициналық оңалту қызметтері көрсетіледі. Төтенше жағдайларда ресейлік ұйымдарда жұмыс істейтін ҚР азаматтарында сақтандыру полисі болғандықтан, ресейлік ауруханаға жеткізіледі.Қазақстандық медициналық сақтандыру жүйесінде «сақтандырылған» мәртебесін алу және біздің стационарда жоспарлы медициналық көмек алу үшін МӘМС жарналарын дербес төлеуші ретінде төлеу қажет. Тағы да айта кетейін, шұғыл медициналық көмекті барлық азаматтарға тегін көрсетеміз. Біз бұл пациенттерді қабылдауға дайынбыз. Бірақ ресейлік ауруханада жоғарыда аталған пациенттерді жедел жәрдеммен тасымалдау қарастырылмаған. Осы күрделі мәселені шешеді деп үміттенеміз. Өйткені, Гиппократқа ант берудің этикалық принциптерінің бірі - науқасқа көмек көрсету міндеттемесі. Біз әрқашан пациенттердің денсаулығы мен өмірін қорғауға дайынбыз!Сұхбат үшін рахмет! &nbsp;

Ауылдық ауруханаға инсульт немесе инфарктпен түскен пациенттердің өмірін қалай арашалап қалады?

<a href="https://kyzylorda-news.kz/">Kyzylorda-news.kz.</a> Биыл біліктілігін арттыруға мүдделі дәрігерлер мен орта медициналық персоналға Қазақстанның жоғары оқу орындарынан 7 мыңнан аса орын бөлінеді, деп хабарлайды <a href="https://kaz.inform.kz/">ҚазАқпарат</a>.«Осы бұйрықтың 1-қосымшасына сәйкес «Мемлекеттік денсаулық сақтау ұйымдары кадрларының біліктілігін арттыру және қайта даярлау» 005 республикалық бюджеттік бағдарламасы шеңберінде денсаулық сақтау саласындағы кадрлардың біліктілігін арттыру үшін 7 420 орынға 2023 жылға арналған тапсырыс орналастырылсын», - делінген Денсаулық сақтау министрінің бұйрық-жобасында.Оқу орындарының атауын, дәрігерлер және орта медициналық персоналға бөлінетін орындардың санын <a href="https://legalacts.egov.kz/npa/view?id=14714094">мына сілтеме</a> бойынша өтіп, көруге болады.&nbsp; Бұйрық-жобасы 2 қазанға дейін көпшілік талқылауда болады. Кейін қол қою үшін Денсаулық сақтау министріне жолданады.

Біліктілігін арттыруға ниетті дәрігерлерге ЖОО-лар 7,4 мың орын бөлмек

<a href="https://kyzylorda-news.kz/">Kyzylorda-news.kz.</a> ЖРВИ мен тұмау маусымы алдында дұрыс тамақтану мен ұйқы, дене шынықтыру иммунитетті жақсартуға көмектеседі. Бұл туралы Алматы қаласы N36 қалалық емхананың дәрігері Әйгерім Исағалиева айтты, деп хабарлайды <a href="https://www.inform.kz/kz">ҚазАқпарат</a>.«Гормондардың ырғағын сақтау үшін сағат 23.00-ге дейін жатып, таңғы 7 немесе 8-де оянған дұрыс. Күніне кем дегенде 7-10 мың қадам жүрген дұрыс және шынығу процедурасын шектен асырмау керек, мысалы, аяғыңызды суық сумен жуу кезінде. Талшық пен дәруменге бай жеміс пен көкөністі көбірек жеңіз. Күнделікті тамақтан кофе мен алкогольді алып тастаған дұрыс. Алкогольді және кофеинді сусындар иммундық жүйені әлсіретіп, жүрекке қосымша салмақ түсіреді», - дейді дәрігер.Ол стрестен аулақ болуға кеңес берді, себебі, стресс иммундық жүйеге кері әсер етуі мүмкін. Гигиена ережелерін сақтау, қолды жуу, инфекцияның алдын алу үшін дезинфекциялық құралдарды қолдану қажет. Сонымен қатар, дәрігер тұмауға қарсы вакцина алуды еске салды, себебі, ол аурудың алдын алуға және иммундық жүйені нығайтуға көмектеседі. Вакцинаны тұрғылықты жеріңіз бойынша емханада тегін алуға болады.Әйгерім Исағалиева сондай-ақ профилактикалық дәрі-дәрмектерді де қабылдауға болатынын айтты.«Қолданар алдында суық мезгілге дейін иммунитетті нығайту үшін қандай дәрумен мен минералды қабылдау керек екенін дәрігерден белгеніңіз жөн. Сондай-ақ әрине маусымға сәйкес киіну керек», - деп түйіндеді дәрігер.

Күзде иммунитетті қалай сақтау керек?

<a href="https://baq.kz/mams-7-ay-ishinde-95-mln-meditsinalyq-qyzmetti-qarzhylandyrdy-287441/">ФОТО</a><a href="https://kyzylorda-news.kz/">Kyzylorda-news.kz.</a> Жыл сайын өтетін науқан екі ай бойы, 15 қыркүйектен 15 қарашаға дейін созылады. Осы жолы қазақстандықтар бастапқы медициналық-санитарлық көмек көрсететін 1935 ұйымның біріне тіркелуге мүмкіндік алмақ. Атап айтар болсақ, 710 мемлекеттік және 1225 жекеменшік клиника. Биыл қандай өзгерістер мен жаңашылдықтар бар? Әлеуметтік медициналық сақтандыру қорында ең өзекті сұрақтарға жауап берді.Емханасын ауыстырғысы келіп жүрген азаматтар тіркеу науқаны кезінде бұл мүмкіндікті пайдалана алады.&nbsp; Әлеуметтік медициналық сақтандыру қоры 15 минуттық жерде орналасқан емханаға тіркелуді ұсынады. Бұл ең алдымен пациент үшін әрі дәрігерді үйге шақырған кезде тез келуіне ыңғайлы. Мұны, әсіресе кішкентай балалары бар отбасылар, жүкті әйелдер, мүмкіндігі шектеулі жандар, дәрілік терапияда немесе клиникаға жиі баруға мәжбүр пациенттер ескеру керек. Бұл ретте таңдаған медициналық ұйым алғашқы медициналық-санитарлық көмек көрсетуге Әлеуметтік медициналық сақтандыру қорымен шарт жасасқан болуы тиіс. Мекемелердің тізімін Қордың fms.kz сайтында «Клиниканы таңдау» бөлімінен көруге болады. &nbsp;Айта кетерлігі, пациент жаңадан тіркелген емханасында 2024 жылдың 1 қаңтарынан бастап медициналық көмек ала бастайды, яғни 31 желтоқсанға дейін бұрынғы емханасына барады. Ал емханаға тіркеу науқанына қатыспаған азаматтар бұрын өзі қаралған алғашқы медициналық-санитарлық көмек көрсететін ұйымда тіркелген күйі қалады.Емханаға қалай тіркелуге болады?Емханаға тіркелу жолдары өзгерген жоқ. Оның 2 түрлі тәсілі бар. Біріншісі – egov.kz электронды үкімет веб-порталы арқылы «Бастапқы медициналық-санитарлық көмек көрсететін медицина ұйымдарына тіркеу» қызметін пайдалану керек. Ол үшін сайтта авторизациядан өтіп, қызмет түрін таңдап, ашылған бетті толтыру қажет. Осы ретте сізді қызықтыратын емхананың учаскелерінде бос орындардың бар-жоғын алдын ала нақтылап алған абзал. &nbsp; &nbsp;&nbsp; Екіншісі – емханаға барып, өтініш жазу арқылы тіркелу. Айта кететін жайт, бұл тәсілді зейнеткерлер, мүгедектігі бар адамдар, бала кезінен мүгедектігі бар баланың заңды өкілдері, бас бостандығынан айыру орындарында жазасын өтеп жатқандар, студенттер, әскери борышын өтеп жатқандар, шетелде туған балалар, сенімхат бойынша тіркеуді ресімдейтіндер, жетімдер, сәбилер, қарттар үйіндегі жандар, ерікті және жүктелген медициналық сақтандыру шарты бойынша тіркелгендер пайдалана алады.Шетелдік азаматтарды емханаға тіркеу ережелері өзгердіБиыл еңбек мигранттары – шетелдіктерді және олардың отбасы мүшелерін (балалары мен жұбайларын), ЕАЭО-ға мүше елдердің (РФ, Беларусь, Қырғызстан, Армения) бірінің азаматтығы бар, ҚР-да уақытша тұратындарды емханаға тіркеу ережелері өзгерді. Енді алғашқы медициналық санитарлық және шұғыл стационарлық көмек алу үшін шетелдік азаматтардың ерікті медициналық сақтандыру шарты немесе жүктелген медициналық сақтандыру шарты болуы тиіс. Олар шарттың қолданылу мерзімінде емханаға тіркеліп, кейін &nbsp;автоматты түрде медициналық ұйымнан шығарылады. Жаңа ережелер осы жылдың 14 тамызынан бастап күшіне енді.&nbsp; Егер сіздің қосымша сұрақтарыңыз болса, өз емханаңыздағы «Пациенттерді қолдау қызметіне» жүгіне аласыз. Ал ол жерде мардымды жауап ала алмасаңыз, Қордың өзіңізге ыңғайлы арналары бойынша өтініш-шағымдарыңызды қалдыра аласыз: fms.kz ресми сайты, Qoldau 24/7 мобильді қосымшасы, Telegram-дағы @SaqtandyrýBot, 1414 Бірыңғай байланыс орталығы. Азаматтар мәртебесін келесі қосымшалар арқылы тексере алады: • Qoldau 24/7 &nbsp; мобильді қосымшасы&nbsp; • fms.kz &nbsp;ресми сайты • Telegram-дағы @SaqtandyrýBot &nbsp; • 1414 байланыс орталығы&nbsp; • Damumed мобильді қосымшасы. • Екінші деңгейдегі банктердің мобильді қосымшалары – Kaspi.kz, Halyk, Bcc.kz.Сондай-ақ, Электронды үкіметтің egov.kz сайтындағы «Денсаулық сақтау» бөлімінде «Міндетті әлеуметтік медициналық сақтандыру жүйесіне медициналық көрсетілетін қызметті тұтынушы ретінде қатысу туралы және аударымдардың және (немесе) жарналардың аударылған сомалары туралы ақпарат ұсыну» мемлекеттік қызметі арқылы медициналық сақтандыру жүйесіндегі өз мәртебеңізді тексеруге және жүргізілген төлемдер туралы ақпарат алуға болады. &nbsp;

2024 жылы азаматтар қаралатын емханасын қазір ауыстыра алады

<a href="https://kyzylorda-news.kz/">Kyzylorda-news.kz.</a> Медицинада «алтын сағат» деген ұғым бар. Дәл осы кезеңде медициналық көмек ең тиімді және науқастың өмірін сақтауға мүмкіндігі жоғары болады. Бұл ережені Қазалы көпсалалы орталық аудандық ауруханасының рентген-эндоваскулярлық хирургия бөлімінің мамандары қатаң сақтайды. Дәрігерлердің кәсіби шеберлігі мен ангиографтың арқасында біраз адамның өмірі сақталды.Қазалы ауданы, Әйтеке би ауылының тұрғыны Әскербек Доспенбетов шұғыл түрде ауруханаға түскен. Таңертең 51 жастағы ер адам өзін нашар сезініп, жүрегі ауырған. Оған қарамастан жұмысқа шығып, базарда саудамен айналысқан. Жағдайы күрт нашарлағанда, жедел жәрдем шақырған. Науқасқа ангиограф көмегімен стенттеу мен коронарлық ангиография жасалды.<blockquote>«Сол қолым ұйып қалды, ентігу болды, бірақ оған назар аудармадым. Уақытылы көмек көрсеткені үшін медицина қызметкерлеріне мың алғыс» дейді Әскербек Доспенбетов.</blockquote>Қармақшы ауданы, Төретам ауылының тұрғыны Ақбай Нұрлыбаевтың жүрек тамырларын стенттеу барысында ангиограф оның оң аяғының тамырлары зақымданғанын анықтады.<blockquote>«Жүрекке стент қою кезінде аяқтың қан тамырларының бітелуі анықталды. Одан әрі емдеу үшін хирургқа жіберді. Қазір денсаулығым әлдеқайда жақсы. Айта кетейін, Қармақшы ауданынан Қазалы ауданына дейін көлікпен бір жарым сағаттай жүреміз. Осындай кәсіби медициналық көмек алу үшін алысқа барудың қажеті жоқ болғанына қуаныштымын» дейді Ақбай Нұрлыбаев.</blockquote>Арал ауданы Сексеуіл кентінің тұрғыны Орынкүл Меңдібаева Қазалы аудандық ауруханасына қайта түсті. Бұрын егде жастағы әйелге жүректің ишемиялық ауруына байланысты стенттеу отасы жасалған. Екі жылдан кейін қазалық дәрігерлер ми тамырларына церебральды ангиография (рентгенологиялық зерттеу әдісі) жасап, науқаста аневризма анықталды. Кәзір Орынкүл апа геморрагиялық инсульттің алдын алу мақсатында отаға дайындалуда.<blockquote>«Қазір денсаулығым әлдеқайда жақсы. Үйден бір сағаттық жерде осындай жақсы мамандар мен жоғары дәлдіктегі медициналық жабдықтардың барына қуаныштымын» деді Орынкүл Меңдібаева.</blockquote>Мамандардың айтуынша, 2019 жылы жұмыс басталғалы бері ангиографтың арқасында 1200-ден астам адамның өмірі сақталды. Бұл Қазалы, Арал, Қармақшы аудандарының, Қызылорда, Байқоңыр, Астана, Ақтөбе қалаларының тұрғындары. Науқастардың ең үлкені 90 жаста, ең жасы 35-те.<blockquote>«Ангиографтың арқасында жүрек, ми, аяқ-қол және басқа да мүшелердің қан тамырларының түрлі патологиясын ерте анықтау айтарлықтай артты. Мәселен, бұрын ай сайын инфарктпен 8 адам түссе, қазір 1-2 адам түседі. Міндетті әлеуметтік медициналық сақтандыру жүйесінің іске қосылуымен халықтың барлық топтары үшін жоғары технологиялық медициналық көмек қолжетімді болды. Бұрын пациенттер жоспарлы түрде облыс орталығында, Астанада, Алматыда ангиографияға өз кезегін бірнеше ай күтетін. Өкінішке орай, уақыт жоғалтқандықтан денсаулық жағдайы да нашарлайды. Денсаулықты сақтаңыздар. Уақтылы диагностикадан өтіңіздер» деп атап өтті рентген-эндоваскулярлы хирургия бөлімінің меңгерушісі Кенесары Баспаев.</blockquote>2022 жылы Қазалы көпсалалы орталық аудандық ауруханасында 8 792 адам ем алды. Осы мақсаттарға әлеуметтік медициналық сақтандыру қорынан 1,2 миллиард теңгеден астам қаржы бөлінді. Биыл 1,8 миллиардтан астам қаражат қарастырылған. <img src="https://knadmin.beoblood.kz/uploads/6_9cf55f2a8e.jpeg" alt="6.jpeg">

Дәрігерлердің кәсіби шеберлігі мен ангиографтың арқасында біраз адамның өмірі сақталды

<a href="https://matritca.kz/old/news/83128-emhanaa-trkelu-zholdary-anday.html">ФОТО</a><a href="https://kyzylorda-news.kz/">Kyzylorda-news.kz.</a> Жақын арада емханаларды еркін таңдау науқаны қолға алынады. Жыл сайын елімізде бастапқы медициналық-санитариялық көмек ұйымдарын таңдау екі ай көлемінде өткізіліп келеді.&nbsp;Биыл еліміз бойынша 15 қыркүйек пен 15 қараша аралығында басталады. Толығырақ ақпаратты Өңірлік коммуникациялар қызметінің баспасөз алаңында «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов айтты.<blockquote>«Бүгінгі таңда Қордың денсаулық сақтау субъектілерінің деректер базасында облыста 26 БМСК ұйымы тіркелген, оның ішінде 12-і – мемлекеттік, 14-і – жеке меншік. Осы жылдың 1 қыркүйегіне БМСК ұйымдарына 817 591 адам тіркелген. Олардың көпшілігі, 674 383 адам мемлекеттік емханаларға, қалған 143 208 адам жеке меншік емханаларда ем алады. Естеріңізге сала кетейік, 2022 жылғы емханаларға тіркеу науқанының қорытындысы бойынша БМСК ұйымын еркін таңдау қызметін өңірдің 10 277 тұрғыны пайдаланған, олардың көпшілігі 8 660 адам тікелей БМСК ұйымына өтініш беру арқылы тіркелсе, қалған 1 617 адам egov.kz порталы арқылы өткен. Тіркелген азаматтардың басым көпшілігі – 9 839 адам жеке клиникаларды, қалған 677 адам мемлекеттік емханаларды таңдады» деді Бақыт Торғайбайұлы.</blockquote>Айта кету керек, емхананы таңдағанда қолжетілімдікті ескеру керек. Яғни емханаңыз үйден 15-20 минут уақытта жаяу жететін жерде орналасқаны жөн. Ал, тіркелу екі әдіс арқылы жүргізіледі. Біріншісі, <a href="https://l.facebook.com/l.php?u=http%3A%2F%2Fwww.egov.kz%2F%3Ffbclid%3DIwAR1Wzy2noHDXy3Y1ToTE5JMJ-mwVCJ9E8N29E3KSd_DBSu98KLEIK6M3R6g&amp;h=AT0VPFam7mJsdJx3XfSEEqAkGWsf-uop7r5LD85nx-yssTgliVYCp-JU1x4w00qtcCVx-rVN4JjsTJGJ0fCaFSDyyvYCUEwXqFAfrH9fy9ckaF4deCreab-5owxtb0JAcc0&amp;__tn__=-UK-R&amp;c[0]=AT1V4Zpt0VPlJs_Ep7apWCb5pLNsZJkCh4YhuyVCxOwTF_xSSIPVyPtd5sNsNRWc8RAF8rhgV0PL4nfE_nGcyv6GLGIUNV1Z5DL9SRCMBy1eAPdboKXyKziDcZmbOboyG8sjyFNJcFLfcZrbIkinf3nNOAg3ppO4FqsII2_JlJ-cr4N7aOM5">www.egov.kz</a> сайты арқылы барлық азаматтарға арналса, екінші әдіс халықтың жекелеген санаттарына ғана арналады. Олар емханаға жеке басын куәландыратын құжатпен тікелей жүгіне алады. Емхананы еркін таңдау құқығын пайдаланбаған азаматтар бұрын өзі таңдаған БМСК ұйымында тіркелген күйі қалады.

Емханаға тіркелу науқаны басталды

<a href="https://kyzylorda-news.kz/">Kyzylorda-news.kz.</a> Арнайы бейінді мамандардың консультацияларын алуға қатысты азаматтардың көптеген өтініштерін ескере отырып, Денсаулық сақтау министрлігі өткен жылы амбулаториялық жағдайда мамандандырылған медициналық көмек көрсету ережелерін жаңартты.Ведомствоның "Амбулаториялық жағдайда мамандандырылған медициналық көмек көрсету қағидаларын бекіту туралы" тиісті бұйрығында белгілі бір жағдайларда жалпы практика дәрігерінің (учаскелік дәрігердің) жолдамасынсыз консультациялық-диагностикалық қызметтер көрсету көзделген.Сонымен, пациентке шұғыл жағдайлар мен жарақаттар кезінде, соның ішінде офтальмологиялық, оториноларингологиялық және басқаларында; шұғыл және жоспарлы стоматологиялық көмек көрсету кезінде; дерматовенерологиялық бейіндегі аурулар кезінде ЖПД-дан арнайы маманға жазылудың және жолдама алудың қажеті жоқ.Сондай-ақ, акушер-гинеколог пен психологқа қабылдау тіркелген жері бойынша жүзеге асырылады.Онкологиялық және гематологиялық бейіндегі ауруларға күдік болған жағдайда жолдама талап етілмейді.Сондай-ақ, "жасыл жол" бағыты бекітілді, онда онкологиялық ауруға күдікті пациент емханада 18 күнде тексеруден өтеді.Бір жағдай шеңберінде бейінді маманға қайта қабылдау кезінде, сондай-ақ динамикалық байқау ауруының бейіні бойынша арнайы маманға жолдамасыз қарала алады.Сонымен қатар, жастар денсаулық орталықтарына жүгіну және жылжымалы медициналық кешендердің қызметтерін алу және басқалар үшін жолдама алудың қажеті жоқ.Нәтижесінде арнайы маманға келесі жағдайларда жолдамасыз қол жеткізуге болады:- шұғыл жағдайлар мен жарақаттар, оның ішінде офтальмологиялық, оториноларингологиялық және басқа да жарақаттар;- шұғыл және жоспарлы стоматологиялық көмек көрсету;- дерматовенерологиялық бейіндегі аурулар;- тіркелген жері бойынша акушер-гинеколог пен психологтың қабылдаулары;- онкологиялық және гематологиялық бейіндегі ауруларға күдік болған жағдайда;- динамикалық байқау ауруының бейіні бойынша;- жастар денсаулық орталықтарына;- бір жағдай шеңберінде бейінді маманға қайта қабылдау кезінде.<img src="https://knadmin.beoblood.kz/uploads/371847824_702531421916926_1965852701635293903_n_d78621293b.jpg" alt="371847824_702531421916926_1965852701635293903_n.jpg"><img src="https://knadmin.beoblood.kz/uploads/371784303_702531535250248_8156744079658903402_n_5d47b9e1fd.jpg" alt="371784303_702531535250248_8156744079658903402_n.jpg"><img src="https://knadmin.beoblood.kz/uploads/371780140_702531518583583_8715724527751888720_n_6f3727b75c.jpg" alt="371780140_702531518583583_8715724527751888720_n.jpg">

Дәрігердің жолдамасынсыз арнайы маманға қалай қаралуға болады?

МӘМС жүйесінің өзекті мәселелері

<a href="https://kyzylorda-news.kz/">Kyzylorda-news.kz.</a> ҚР Денсаулық сақтау министрлігі Медициналық көмекті ұйымдастыру департаментінің директоры Азамат Дүйсенов онокологияға шалдыққан науқастарды емдеуге жыл сайын қанша қаражат бөлінетінін мәлім етті, деп хабарлайды <a href="https://www.inform.kz/kz/onkologiyalyk-naukastardy-emdeuge-kansha-karazhat-bolinedi_a4108204">ҚазАқпарат</a>.<blockquote>«Қазақстанда онкологияға шалдыққан науқастар тегін медициналық көмектің кепілдік берілген көлемі шеңберінде ем алады. Оған жыл сайын шамамен 36 млрд теңге қаражат бөлінеді», - деп жауап берген Азамат Дүйсенов.</blockquote>Сонымен қатар қатерлі ісікке шалдыққандарды емдеу жағдайын жақсарту мақсатында Онкологиялық аурулармен күрес жөніндегі 2023-2027 жылдарға арналған кешенді жоспардың жобасы әзірленген.Мәлім болғандай, алдағы 4 жылда мына бағыттарды дамыту көзделген:- халыққа онкологиялық көмек көрсету мәселелері бойынша нормативтік-құқықтық актілерді жетілдіру;- инфрақұрылымды жетілдіру;- ел халқына онкологиялық көмек көрсету сапасын арттыру;- кадрлық әлеуетті дамыту;- онкологиялық көмекті цифрландыру;- онкологиялық ғылымды дамыту.Қоса кетсек, Қазақстанда онкологиямен ауыратын 210 мыңнан астам адам есепте тұр. Оның ішінде 2021 жылдан бастап 12 848 науқасқа ота жасалған.

Онкологиялық науқастарды емдеуге қанша қаражат бөлінеді

<a href="https://kyzylorda-news.kz/">Kyzylorda-news.kz.</a> Шиелі ауданындағы М.Шоқай атындағы орталық алаңда «Денсаулық» фестивалі өтті.&nbsp;Дені сау адам – қоғамның байлығы. Сол үшін де әрбір жанның салауатты өмір салтын қалыптастыру мақсатында мемлекеттік бағдарламалар жүзеге асуда. Сондай-ақ, жыл сайын адам жанының тыныштығын қамтамасыз етуге түрлі іс-шаралар ұйымдастырылып келеді. Солардың бірі – игі дәстүрге айналған «Денсаулық фестивалі».&nbsp;«Денсаулық Фестивалі» 1997 жылдан басталып аталып өтіп келеді. Фестиваль &nbsp;аясында «Денсаулық қалашығы» ұйымдастырылды.&nbsp;Денсаулық қалашығының құрамында кардиолог, невропатолог, лор, хирург, эндокринолог, гинеколог мамандары &nbsp;тұрғындарға тегін қызмет көрсетті. Сондай-ақ, тұрғындар флюоро, УЗИ, ЭКГ, глюкометр аппараты тегін диагностикалық &nbsp;тексерулерден өтті. &nbsp;Медициналық сақтандыруға қарамастан барлық медициналық тексеру тегін жүргізілді.

Шиеліде «Денсаулық» фестивалі өтті

<a href="https://kyzylorda-news.kz/">Kyzylorda-news.kz</a>. Көпбейінді облыстық балалар ауруханасының бала емдеудегi мүмкіндігi өте жоғары.Аурухана дәрігерлерi бұл бағытта әрдайым бiлiмдерiн жетiлдiрiп, ұдайы алыс-жақын шет ел мамандарымен тәжірибе алмасып отырады. Сондай тәжірибе алмасудың бірі ауруханада үш күннен берi жалғасуда.Ашып айтар болсақ, аурухана реанимация бөлімшесінде «Қарқынды терапиядағы тыныс алуды қолдау» тақырыбында мастер-класс өткiзiлдi. Мастер-классқа арнайы Мәскеу қаласынан Дмитрий Рогачев атындағы «Балалар гематологиясы, онкологиясы және иммунологиясы ұлттық медициналық ғылыми орталығы» Федералдық мемлекеттік бюджеттік мекемесінің Аккредиттеу және симуляциялық орталығының жетекшісі, GISP педиатриядағы симуляция бойынша халықаралық топтың үйлестірушісі, педиатрия және неонатологиядағы тыныс алуды қолдау жөніндегі испан жұмыс тобының нұсқаушысы Лоайса Уго Карлос шақыртылды.Аймақтағы анестезиолог-реаниматолог мамандар қатысқан дәріс балаларға респираторлы көмектегі машықтарын күшейту, жетілдіру, нығайту мақсатында ұйымдастырылды.Үш күнге ұласқан мастер-класста желдеткіш негіздерi негізгі аспектілері, тыныс алу механикасы, өкпені жасанды желдету әдістері мен режимдерінің жаңа классификациясы, балалардың қарқынды терапиясындағы тыныс алуды қолдау тақырыбында тарқатылса, тәжірибелік дағды барысында практикалық мәселелер науқас балалардың нақты клиникасына сәйкес өз шешімін тапты.Көпбейінді облыстық балалар ауруханасында 360 төсек орын стационар және бір ауысымда 300 бала қабылдайтын кеңес беру диагностикалық емхана жұмыс жасайды.&nbsp;Ауруханада 13 клиникалық бөлімше, сондай-ақ 5 төсек паллиативті палата бар. Емдеу орнында күніне шамамен 20-30 бала емделіп, 20 ота жасалады. Мамандар жеткiлiктi. 2020 жылы 60 төсектік реабилитация бөлімі қайта бейіндендірілді. 2022 жылы «Қамқорлық» оңалту орталығы ашылып, жұмыс жасауда.Сонымен қатар, ауруханада 2017 жылы «Балалық шақ ауруларын ықпалдастыра емдеу» оқу орталығы ашылып, медицина қызметкеткерлері дипломнан кейінгі білімдерiн үздіксіз жетілдіруде. Аурухана 94 пайыз медициналық техникамен қамтылған. Емдеу орны компьютерлi томография, когерентный томограф, нанодакт және тб заманауи аппараттармен қамтылған. Ауруханада емделетін науқастар, мемлекет тарапынан бөлінетін әлеуметтік медициналық сақтандыру қоры арқылы тегін ем алады.Дәрі-дәрмек жеткілікті. Ең қуантарлығы – бұрын республикадағы iрi Алматы, Астана қалаларына барып ем қабылдайтын науқас балалар қазіргі таңда жергілікті жердегi балалар ауруханасында емдерін қабылдауда. Бұған мүмкіндік толық қарастырылған. Балалар ауруханасының емдiк шара жүргiзудегi мүмкіндігi жоғары.

Балалар ауруханасының емдік шара жүргізудегі мүмкіндігі жоғары

<a href="https://kyzylorda-news.kz/">Kyzylorda-news.kz.</a> Әлеуметтік медициналық сақтандыру қорының Қызылорда облысы бойынша филиалына МӘМС жүйесінде бір жылға алдын ала сақтандырылғысы келетін азаматтар хабарласады. Сіздердің назарларыңызға филиалдың бас сарапшысы Айгүл Аханованың дербес төлеушілерге арналған жадынамасы.Егер 12 айға төлемдер әр түрлі күндерде жасалса, онда сақтандыру мәртебесі бірден емес, барлық төлемдер өңделгеннен кейін ғана беріледі. &nbsp;Төлемдер 3 жұмыс күні ішінде өңделеді.Егер 12 айдың бірінде дербес төлеуші ретінде емес, БЖТ төлемі ретінде жүргізілсе, онда мәртебе берілмейді. Алдын ала төлем жасау арқылы сақтандыру мәртебесі тек дербес төлеушілерге беріледі. Егер сіз БЖТ-ны қате төлеген болсаңыз, онда төлемді «Азаматтарға арналған үкімет» «Мемлекеттік корпорациясы» КЕАҚ-ға жүгіну арқылы қайтарып ала аласыз.Егер төлем ағымдағы айдың соңында (27-28-ден кейін) жүргізілсе, онда төлемдерді тексеру келесі айда жүргізілуі мүмкін, яғни сақтандыру мәртебесі берілмейді және пациентке келесі жылдың тағы бір айы үшін қосымша ақы төлеу қажет.Егер төлем алдағы 12 айға емес, 11 ай үшін жасалса, онда да мәртебе берілмейді️. 2023 жылы дербес төлеушілер ай сайын 3 500 теңге төлейді. Бұл &nbsp;1 ен төменгі жалақының 5%.Егер 2022 жылы 2023 жылдың айларымен қоса бір жылға алдын ала &nbsp; &nbsp; 3 000 теңге көлемінде төлем жасалса, қосымша ақы төлеудің қажеті жоқ.

Қазақстан және Қызылорда облысының жаңалықтары: Денсаулық